Property:colophontib
From Khyentse Lineage - A Tsadra Foundation Project
This is a property of type Text.
མ
།ཅེས་པའང་བསྟན་སྦྱིན་ཆེན་པོ་ལ་དཀར་བསོད་ནམས་རྒྱལ་མཚན་དང་། དགེ་འགྱུར་གྲགས་ཟུང་ནས་ལྷ་རྫས་རིན་གཉིས་འཁོར་ལོའི་རྟེན་བཅས་བསྐུལ་ངོར་འཇམ་དབྱངས་བློ་གྲོས་རྒྱ་མཚོས་སྒྲུབ་མཚོ་པདྨ་གླིང་དུ་སྤྲེལ་ལོ་སྤྲེལ་ཟླའི་ཚེས་ཉེར་གཅིག་ལ་བྲིས་པ་དགེའོ།། +
།ཅེས་པའང་མེ་ཁྱི་ཆོ་འཕྲུལ་ཟླ་བའི་དཀར་ཕྱོགས་ཀྱི་བཟང་པོ་དང་པོར་བྲིས་པ་གུ་རུ་རིན་པོ་ཆེའི་ཐུགས་རྗེའི་བྱིན་རླབས་མྱུར་དུ་འཇུག་པའི་རྒྱུར་གྱུར་ཅིག །སརྦ་དཱ་མངྒ་ལཾ། ། +
།ཞེས་པའང་ས་སྐྱོང་སེ་ནཱ་ཤུ་བྷའི་ལྷ་སྲས་རིན་པོ་ཆེ་མཆོག་གིས་བཀའ་གནང་ལྟར་བྲིས་པའོ།། +
།ཞེས་གངས་རིའི་ཁྲོད་ཙམ་ན་ཕུལ་དུ་བྱུང་བའི་མ་ཧཱ་པཎྜི་ཏ་རྣམ་སྣང་མཆོག་གི་སྤྲུལ་པའི་སྐུ་རོང་ཟོམ་ཆེན་པོ་ཆོས་ཀྱི་བཟང་པོའི་རྣམ་པར་ཐར་པ་ཡི་གེ་རྙིང་པ་ལས་ཇི་ལྟར་འབྱུང་བ་ཙམ་གཞིར་བཀོད་དེ་གསོལ་བ་འདེབས་པ་དང་། ཐེག་པ་ཆེན་པོའི་ཚུལ་ལ་འཇུག་པ་དང་། སྙིང་པོའི་ལམ་རིམ་ཟུང་འབྲེལ་གྱི་ཚུལ་དུ་སྨོན་ལམ་དུ་བགྱིས་པའི་ཚིགས་སུ་བཅད་པ་ཉུང་ངུ་འདིའང་སྙེ་མོ་བྱེ་མཁར་གྱི་ལོ་ཙཱ་བ་ཆེན་པོ་བཻ་རོ་ཙ་ན་རཀྵི་ཏ་བསམས་བཞིན་དུ་སྲིད་པ་ཉེ་བར་བཟུང་བ་རྒྱལ་སྲས་རྡོ་རྗེ་འཆང་གཞན་ཕན་མཐའ་ཡས་འོད་ཟེར་གྱི་ཐུགས་དགོངས་རྫོགས་པའི་ཆེད། བྱང་ཆུབ་སེམས་དཔའ་བློ་གྲོས་མི་ཟད་པ་ཆོས་ཀྱི་དབང་པོའི་སྡེས་རྗེས་སུ་གནང་སྟེ། བསླབ་གསུམ་རིན་པོ་ཆེའི་མཛོད་འཛིན་དགེ་སློང་དགེ་བའི་བཤེས་གཉེན་མཉྫུ་ཤྲཱི་སཱ་ག་རས་ལྕང་ར་ལྷ་ཀླུ་འཆི་མེད་དགའ་ཚལ་ནས་བཀྲ་ཤིས་པའི་ལྷ་རྫས་དང་བཅས་ནན་ཏན་ཆེན་པོས་བསྐུལ་བ་ལྟར། བྱ་བྲལ་བ་འཇམ་དབྱངས་མཁྱེན་བརྩེའི་དབང་པོས་རབ་ཡིད་ལྕགས་སྤྲེལ་ལོའི་ཆུ་སྟོད་ཟླ་བའི་ཚེས་བཞི་རྒྱལ་བས་ཆོས་འཁོར་བསྐོར་བའི་དུས་ཆེན་ལ་དཔལ་ལྷུན་གྲུབ་སྟེང་གི་ཆོས་གྲྭར་བྲིས་ཏེ་རྩེ་གཅིག་གུས་པས་གསོལ་བ་བཏབ་པ་དགེ་ལེགས་འཕེལ།། +
།ཅེས་མ་ཧཱ་པཎྜི་ཏ་ནགས་ཀྱི་རིན་ཆེན་ལ་རྣམ་ཐར་དང་མཐུན་པའི་བསྟོད་པ་འདིའང་དགེ་སྦྱོང་གི་རྟགས་ཙམ་འཆང་བ་འཇམ་དབྱངས་ཆོས་ཀྱི་བློ་གྲོས་པས་ཆུ་ལུག་ཧོར་ཟླ་བརྒྱད་པའི་མཚམས་ཀྱི་བསྙེན་གསེང་དུ་བྲིས་པ། སླར་ཡི་གེ་གཉིས་པར་འབེབས་པོ་དྲུང་ཡིག་ཚེ་རིང་བཀྲ་ཤིས་ཀྱིས་བགྱིས་པ་སྟེ། འདིས་ཀྱང་པཎ་ཆེན་ཆོས་ཀྱི་རྒྱལ་པོའི་བྱིན་བརླབ་མྱུར་དུ་འཇུག་པའི་རྒྱུར་གྱུར་ཅིག །སརྦ་དཱ་མངྒ་ལཾ། ། +
ཅེས་རྨད་དུ་བྱུང་བའི་སློབ་དཔོན་དགེ་བསྙེན་ཆེན་པོ་ཟླ་བའི་ཞབས་ལ་བསྟོད་ཅིང་གསོལ་བ་འདེབས་པའི་ཚིགས་སུ་བཅད་པ་འདི་ཡང་གང་གི་རྣམ་ཐར་ཡིད་ལ་བཀོད་ཅིང་དད་པའི་ཉེར་ལེན་ལས་བྱུང་བ་པོ་ནི་གཞོན་ནུ་མཉྫུ་གྷོ་ཥ་དྷརྨ་མ་ཏིས་གུས་པས་བྲིས་པ་དགེ་ལེགས་སུ་གྱུར་ཅིག ། +
ཅེས་པའང་སྣེའུ་གདོང་ཀུན་བཟང་ཚོགས་པའི་ནང་རྟེན་པཎ་ཆེན་དེ་ཉིད་ཀྱི་རྫ་སྐུ་བྱིན་རླབས་ཀྱི་གཟི་འོད་འབར་བ་དང་། ཐུགས་དམ་རྟེན་སྒྲོལ་མའི་བྲིས་སྐུ་སོགས་མཇལ་བའི་ཚེ་བཅོས་མིན་གྱི་དད་པ་བརྟན་པོས་མཚམས་སྦྱར་ཏེ། རྗེས་དེ་མ་ཐག་པར་གང་ཤར་གསོལ་བ་འདེབས་པ་པོ་ནི་རྒྱལ་ཁམས་ཉུལ་བའི་ད་རི་དྲཱ་གཙུག་ལག་སྨྲ་བའི་ཉི་མ་གསར་པའོ། །ཤུ་བྷཾ། +
།ཞེས་པའང་རྨོག་སྟོན་གསང་བདག་ཆེན་པོའི་དགོངས་བཞེད་བསྐང་བའི་ཆེད་དུ་བྲིས་པའོ། +
།ཅེས་མཁན་ཆེན་བཀའ་དྲིན་མཚུངས་མེད་དེ་ཉིད་ཆུ་ལུག་ཟླ་བཅུ་ཚེས་ཉེར་བདུན་ཐོ་རངས་ལ་ཆོས་ཀྱི་དབྱིངས་སུ་སྙོམས་པར་ཞུགས་ཚུལ་མགོ་ཟླའི་ཚེས་བརྒྱད་ལ་ཡི་གེ་འབྱོར་བས་བསྙེན་བའི་ཐུན་སྒང་དུ་གུས་སློབ་འཇམ་དབྱངས་བློ་གྲོས་རྒྱ་མཚོས་རྩེ་གཅིག་གུས་པས་གསོལ་བ་བཏབ་པ་དེ་བཞིན་འགྲུབ་པར་བརྒྱུད་གསུམ་རིག་འཛིན་བླ་མས་བྱིན་གྱིས་བརླབ་ཏུ་གསོལ།། +
མཁན་ཆེན་ཐམས་ཅད་མཁྱེན་པ་རྡོ་རྗེ་འཆང་བྱམས་པ་ཀུན་དགའི་མཚན་ཅན་སྟོན་འཁོར་ལ་ཞབས་བརྟན་ལེགས་འབུལ་གྱི་ཡི་གེ། +
ཅེས་པའང་འཇམ་དབྱངས་མཁྱེན་བརྩེའི་དབང་པོ་རང་ཉིད་ཀྱིས་མཁན་ཆེན་རྡོ་རྗེ་འཆང་ཁུ་དབོན་ལ་ཞབས་བརྟན་ལེགས་འབུལ་ཕུལ་བའི་མགོ་བརྗོད་དུ་བྲིས་པ་དགེ། +
མཁན་ཆེན་ཝཱ་གིནྡྲ་ཆོས་དབྱིངས་ཞི་བ་ཆེན་པོར་གཞོལ་སྐབས་ཐུགས་དམ་བསྐུལ་བའི་གསོལ་འདེབས་གདུང་དབྱངས་བྱིན་རླབས་མྱུར་འཇུག། +
།རང་ཉིད་ཀྱིས་དད་མོས་དྲག་པོས་མཚམས་སྦྱར་ཏེ་གསོལ་བ་འདེབས་པ་འདི་ཡང་མགོན་པོ་དེ་ཉིད་ཀྱི་འབངས་ཀྱི་ཐ་ཆུང་མཁྱེན་བརྩེའི་ཕྲིན་ལས་ཀྱི་སྤྲུལ་མིང་འཛིན་པ་འཇམ་དབྱངས་བློ་གྲོས་རྒྱ་མཚོས་གསོལ་བ་བཏབ་པ་སིདྡྷི་རསྟུ། མངྒ་ལཾ།། +
* '''First colophon page 680:''' ཅེས་མཁན་ཆེན་རྡོ་རྗེ་འཆང་ངག་དབང་བསམ་གཏན་བློ་གྲོས་ཀྱི་རྣམ་པར་ཐར་པ་སྙིང་པོར་དྲིལ་བ་བཀྲ་ཤིས་འདོད་འཇོ་ཞེས་བྱ་བ་འདིའང་རྗེ་དེ་ཉིད་ལ་དད་པ་དང་དམ་ཚིག་འགྱུར་བ་མེད་པ་གུས་སློབ་ཡེ་ན་དགེ་སློང་ཤེས་རབ་ཕུན་ཚོགས་ནས་བཀྲ་ཤིས་པའི་ལྷ་རྫས། ལི་མེ་སྤུས་ལྡན་གྱི་སྐྱེས་དང་བཅས་འདི་ལྟར་བྲིས་ཞེས་བསྐུལ་བ་ན་རྣམ་ཐར་རྩ་ཐོ་བྱུང་ན་དེ་བཞིན་བགྱི་བར་ཁས་བླངས་པ་བཞིན་སྐུལ་བ་པོ་ཉིད་ནས་དཀའ་ཚེགས་ཆེན་པོས་ཞིབ་མོར་བྲིས་ཏེ་རྩ་ཐོ་བྱུང་བ་རྣམས་དང་། མཁན་ཆེན་ཉིད་ཀྱི་ཞལ་འཕྲོས་གནང་བ་དང་། གསང་བའི་རྣམ་ཐར་བཀའ་དྲིན་ཆེན་པོས་སྩལ་བའི་ཤོག་དྲིལ་ཉིད་དོན་གྱི་སྙིང་པོར་བཟུང་སྟེ། འཇམ་དབྱངས་བླ་མ་མཁྱེན་བརྩེའི་དབང་པོའི་བྱིན་རླབས་ཀྱི་ཟེགས་མ་ཙམ་ཐོབ་ཅིང་འཁོར་ལོའི་མགོན་པོ་འདི་ཉིད་ལས་ཟབ་རྒྱས་ཆོས་ཚུལ་རྒྱ་མཚོ་ཙམ་ཐོབ་པའི་བཀའ་དྲིན་གྱིས་འཚོ་ཞིང་སློབ་འབངས་ཀྱི་ཐ་ཆུང་ཆོས་མེད་སྙོམ་ལས་པ་རྨོངས་བརྟུལ་འཇམ་དབྱངས་ཆོས་ཀྱི་བློ་གྲོས་པས་ལྕགས་ལུག་ཐ་སྐར་ཟླ་བ་དགུ་པའི་ཚེས་བཅུ་ནས་དབུ་བརྩམས། ཟླ་བ་དེའི་ཚེས་བཅུ་གཉིས་སྔ་ཆར་གྲུབ་པར་བགྱིས་པའི་སྐབས་སྔ་རྗེས་སུ་ཀུན་མཁྱེན་བླ་མ་དེ་ཉིད་ས་ནས་སར་འཕགས་པའི་ལྟས་ས་ཆེན་པོ་སྔ་ཕྱི་ལན་བདུན་དུ་གཡོ་བའི་ལྟས་མཚན་བཟང་པོ་དང་བཅས་བྲིས་པ་ཚེ་རབས་ཐམས་ཅད་དུ་མགོན་པོ་མཆོག་དེས་ཐུགས་རྗེས་རྗེས་སུ་འཛིན་པའི་རྒྱུར་གྱུར་ཅིག །ཤུ་བྷཾ་མ་སྟུ་སརྦ་ཛ་ག་ཏཾ། མངྒ་ལཾ། །
* '''Second colophon page 683:''' །ཅེས་ཁུ་བོ་རྡོ་རྗེ་འཆང་གི་སྤྱན་སྔར་དགེ་བའི་མཆོད་སྤྲིན་འབུལ་བའི་བར་གྱི་ཤོ་ལོ་ཀ་བཅུ་གཉིས་འདི་རྣམས་རྩེ་གཅིག་ཏུ་སྨོན་པའོ།།
+
།ཞེས་པའང་སྐྱབས་མགོན་ཐམས་ཅད་མཁྱེན་ཅིང་གཟིགས་པ་ཆེན་པོ་བྱམས་པ་ཀུན་དགའ་བསྟན་པའི་རྒྱལ་མཚན་གྱིས་བཀའ་སྩལ་རིན་པོ་ཆེའི་ཕྲེང་བ་ལྷ་རྫས་ཀྱི་མེ་ཏོག་དང་བཅས་སྤྱི་བོར་སྩལ་བ་གུས་པས་མཆོད་དེ། བསྟོད་ཡུལ་དམ་པའི་ལེགས་གསུང་བདུད་རྩིས་འཚོ་བའི་བཀའ་འབངས་ཀྱི་ཐ་ཤལ་དུ་འཁོད་པ་འཇམ་དབྱངས་མཁྱེན་བརྩེའི་དབང་པོས་སྙིང་ནས་གུས་པས་གསོལ་བ་བཏབ་པ་སིདྡྷི་རསྟུ།། +
།ཅེས་པའང་ཤིན་ཏུ་དད་ཅིང་དང་བ་ཆེན་པོས་ཆོས་ཀྱི་བློ་གྲོས་པས་གསོལ་བ་བཏབ་པ་སིདྡྷི་རསྟུ། ། +
།ཅེས་གསོལ་བ་འདེབས་རྟེན་ལྷ་རེག་དང་། ཚེ་རྫས། མྱོང་གྲོལ་བདུད་རྩིའི་ཕུར་མ། X བཅས་ཚེས་༢༡དགེ་བར་བྱ་བཏང་རྒན་པོས་གུས་ཕུལ་སིདྡྷི་རསྟུ།། །།རྫོགས་མཁན་པད་རྡོར་ལའོ།། +
།ཅེས་མཁན་སློབ་ཆོས་གསུམ་རིགས་ལྡན་དྲག་པོ་བཅས་ཀྱི་གསོལ་འདེབས་འདི་ལྟར་དགོས་ཞེས་རྫོགས་ཆེན་མགོན་བླ་པདྨ་བདུད་འདུལ་གྱིས་ལྔ་བརྒྱའི་གཙུག་རྒྱན་བི་མ་ལའི་རྣམ་རོལ་རྫོགས་ཆེན་དྲུག་པ་རིན་པོ་ཆེ་བརྒྱུད་ཅིང་། མགོན་པོ་མཆོག་དེས་ཀྱང་བཀའ་ཡིས་ནན་དུ་བསྐུལ་བར་མཛད་པ་བཞིན་འཇམ་དབྱངས་བློ་གྲོས་རྒྱ་མཚོའམ། ཆོས་ཀྱི་བློ་གྲོས་པས་གང་ཤར་བྲིས་པ་འདིས་ཀྱང་བསྟན་འགྲོར་ཕན་པ་རྒྱ་ཆེན་པོ་འབྱུང་བར་བླ་མ་རྒྱལ་བ་སྲས་བཅས་ཀྱིས་བྱིན་གྱིས་བརླབ་ཏུ་གསོལ། སརྦ་ཛ་ག་ཏཾ། མངྒ་ལཾ།། +
ཅེས་མཁའ་འགྲོ་གསང་བ་ཀུན་འདས་ཀྱི་དབང་ཆོག་འདི་ཉིད་ཀྱང་། འཇམ་དབྱངས་མཁྱེན་བརྩེ་རིན་པོ་ཆེ་ཐབ་བསྟན་ཆོས་ཀྱི་རྒྱ་མཚོའི་ཞལ་སྔ་ནས་ཟབ་ཆོས་འདི་དག་གི་སྨིན་གྲོལ་བདད་རྩི་འཐང་བའི་སྐལ་བ་བཟང་པོས་དམ་ད་འཁྱུད་པའི་ཚེ། ཆོག་བསྒྲིག་རིགས་གང་དགོས་འབྲི་བར་འོས་པའི་བཀའ་མཆིད་ཚངས་གནས་ཀྱི་རྒྱན་ད་འཆང་བའི་བྲག་གཡབ་པ་ཕུན་ཚོགས་རྣམ་རྒྱལ་ད་འབོད་པས། འཇམ་མགོན་བློ་གྲོས་མཐའ་ཡས་ཀྱིས་མཛད་པའི་འདིའི་ཟུར་འདེབས་རཏྣའི་ཆུན་པོ་དང་། རྒྱལ་དབང་མཁའ་ཁྱབ་རྡོ་རྗེའི་གཏེར་མཛོད་ཟུར་འདེབས་འདོད་འཇོའི་གཏེར་བུམ་ལས་འབྱུང་བ་ཟུང་དཀྱུས་སུ་བསྡེབས་ཅིང་། དོན་གྱི་དགོངས་པ་སོར་བཞག་ཐོག་ཚིག་གི་ཕྲེང་བ་འདོན་བདེ་ནག་འགྲོས་ཁོ་ནར་བཅོས་ཏེ། ༢༠༠༨ ལོའི་བོད་ཟླ། ༣ པའི་ཚེ། ༣༠ལ་དར་བའོ།། +
ཞེས་ཉེར་མཁོའི་ཆེད་ཕུན་ཚོགས་རྣམ་རྒྱལ་པས་རྒྱལ་དབང་ཀརྨ་པའི་གསུངས་ལས་བཏུས་པ་ལགས་སོ། +
།ཞེས་ཉེར་མཁོའི་ཆེད་དུ་ལམ་འདི་ལ་གཅིག་ཏུ་གུས་ཤིང་གཏེར་ཆེན་དམ་པའི་ཞབས་རྡུལ་སྤྱི་བོར་ལེན་པའི་འབངས་ཐ་འགྲོ་འདུལ་པས་ཁྱེར་བདེར་བཀོད་པའི་དགེ་བས་འགྲོ་ཀུན་རྡོ་རྗེ་བཙུན་མོས་རྗེས་སུ་བཟུང་ཞིང་བདེ་ཆེན་མཁའ་སྤྱོད་གནས་སུ་འདོད་རྒུར་རྩེན་པའི་རྒྱུར་གྱུར་ཅིག །དགེའོ། །དགེའོ། །དགེའོ།། +
།ཅེས་པའང་མེ་ཡོས་ལོར་འཇམ་དབྱངས་བློ་གྲོས་རྒྱ་མཚོས་མཁའ་འགྲོ་གསང་བ་འདུས་པའི་སྒྲུབ་མཆོད་སྐབས་བསྙེན་པའི་ཐུན་སེང་ཞིག་ལ་ཤར་མར་བྲིས་པ་འདིས་ཀྱང་། བདག་གཞན་ཐམས་ཅད་བླ་མ་རྡོ་རྗེ་ཕག་མོས་རྗེས་སུ་འཛིན་པའི་རྒྱུར་གྱུར་ཅིག །སརྦ་དཱ་མངྒ་ལཾ། ཤུ་བྷཾ།། +
