Property:colophontib
From Khyentse Lineage - A Tsadra Foundation Project
This is a property of type Text.
༁
འདི་ཡང་འཇམ་མགོན་རྡོ་རྗེ་འཆང་གི་དགོངས་གཏེར་ཡིན་ནམ་ཅི་ཡིན་མ་ངེས། འདི་སྔོན་ཚེ་ས་གཡོས་འཇིགས་པ་ཉིན་རེ་ལའང་ཐེངས་བརྒྱད་དགུ་འོང་བའི་སྐབས་སུ་སློབ་གྲྭ་རྣམས་ལ་འདི་འདོན་གསུངས་ནས་གནང་བ་རེད།། +
།
༧
།ཅེས་པའང་སྒྲུབ་གནས་གཡའ་མ་ལུང་དུ་འཆི་མེད་རིག་འཛིན་འདུས་པའི་ཚེ་སྒྲུབ་བདུད་རྩི་བུམ་བཅུད་ཀྱི་དཀྱིལ་འཁོར་གྱི་ཆོ་ག་དང་འབྲེལ་བར་མཆོད་ཚོགས་རྒྱས་པར་སྤྲོས་ཏེ་༧ཞབས་བརྟན་ཚེ་སྒྲུབ་སྐབས་༧རྒྱལ་མཆོག་ཆེན་པོའི་ཐུགས་རྗེའི་གྲིབ་བསིལ་དུ་འཁོད་པ་འཇམ་དབྱངས་ཆོས་ཀྱི་བློ་གྲོས་པས་གསོལ་བ་བཏབ་བཞིན་བྲིས་པ་དེ་བཞིན་འགྲུབ་པར་བྱིན་གྱིས་བརླབ་ཏུ་གསོལ། སརྦ་དཱ་མངྒ་ལཾ།། +
།ཞེས་པའང་སྒང་ཐོག་ཡོད་པའི་བོད་མི་སྤྱི་ནས་འབྲས་ལྗོངས་ལྷ་ཡུམ་དང་ཡབ་གཞིས་ཕུན་ཁང་པ་བརྒྱུད་ལྷ་རྫས་དང་མཎྜལ་རྟེན་བཅས་བསྐུལ་ངོར། མེ་བྱ་ཟླ་༡༡ཚེས་༧བཟང་པོར་ཐམས་ཅད་མཁྱེན་གཟིགས་ཆེན་པོའི་བཀའ་འབངས་ཀྱི་ཐ་ཆུང་འཇམ་དབྱངས་མཁྱེན་བརྩེའི་དབང་པོའི་སྤྲུལ་མིང་འཛིན་པ་འཇམ་དབྱངས་ཆོས་ཀྱི་བློ་གྲོས་རིས་མེད་བསྟན་པའི་རྒྱལ་མཚན་དུ་འབོད་པས་དད་ཅིང་གུས་པ་ཆེན་པོས་གསོལ་བ་བཏབ་པ་དགེ་ལེགས་སུ་གྱུར་ཅིག ། +
།ཅེས་པའང་འབྲས་ལྗོངས་སྒང་ཏོག་ཏུ་མེ་བྱ་ཟླ་༡༡ཚེས་༢བཟང་བོར་ངོས་ལ་ཞབས་བརྟན་གནང་སྐབས་༧གོང་ས་ཆེན་པོའི་འཁྲུངས་བསང་ཧོར་ཟླ་ལྔ་པའི་ནང་བགྱིད་སྐབས་འདོན་རྒྱུ་ཞིག་དགོས་ཞེས་༧ཞབས་བརྟན་དབུ་འདོམས་རྣམས་ཀྱིས་གསུང་གིས་བསྐུལ་བར་བརྟེན་འཇམ་དབྱངས་ཆོས་ཀྱི་བློ་གྲོས་སམ། གཙུག་ལག་ལུང་རིག་ཉི་མ་སྨྲ་བའི་སེང་གེས་གང་དྲན་མྱུར་བར་བྲིས་པ། སྲིད་ཞིའི་གཙུག་རྒྱན་ཆེན་པོ་ཞབས་པད་བརྟན་ཅིང་། དགའ་ལྡན་ཕོ་བྲང་ཆེན་པོའི་ཆབ་སྲིད་གསེར་གྱི་འཁོར་ལོས་ཕྱོགས་བཅུར་ཁྱབ་པའི་རྒྱུར་བླ་མ་རྒྱལ་བ་སྲས་བཅས་ཀྱིས་བྱིན་གྱིས་བརླབ་ཏུ་གསོལ། སརྦ་ཛ་ག་ཏཾ། མངྒ་ལཾ།། +
ཀ
།ཅེས་གང་ཤར་ཉམས་མཚར་དུ་བཀོད་པའི་ཚིག་གི་མེ་ཏོག་དོན་གྱི་འབྲས་བུས་གཏམས་པ་ལས། འདྲེན་བྱེད་ཀྱི་རཿཡིག་གཉིས་པ་གཡོ་བའི་རྟེན་ཙམ་དུ་ཏཱ་རུ་མརྡྷུའི་ཕུར་མ་བམ་པོ་གཅིག་ལ་ཕྱག་རྒྱས་བཏབ་སྟེ་ཀཱརྡྷི་ཀཱ་ཡིས་ཉ་བའི་ཤར་ཕྱོགས་ཀྱི་དགའ་བ་གཉིས་པ་ལ་ཤཱཀྱའི་དགེ་སློང་རིག་པ་འཛིན་པ་འཇམ་དབྱངས་མཁྱེན་བརྩེའི་དབང་པོས་བསྲིངས་པ་སརྦ་དཱ་ཤྲེ་ཡོ་བྷ་བ་ཏུ། །དགེའོ། །དགེའོ། །དགེའོ། +
ཅེས་པའང་ཆོས་ཀྱི་བློ་གྲོས་པས་སོ།། +
།ཅེས་པ་དད་དམ་རྨད་བྱུང་ཟླ་ནང་ཀར་དགའ་མཆོག་གི་གསུང་ངོར། འཇམ་དབྱངས་བླ་མ་དགྱེས་པའི་འབངས་མཁྱེན་བརྩེའི་དབང་པོས་རྩེ་གཅིག་གུས་པས་གང་ཤར་ཤུགས་འབྱུང་དུ་གསོལ་བ་བཏབ་པ་དེ་དེ་བཞིན་དུ་འགྲུབ་པར་བླ་མ་རྒྱལ་བ་སྲས་དང་བཅས་པས་བྱིན་གྱིས་བརླབ་ཏུ་གསོལ།། +
།ཅེས་རྩེ་གཅིག་གུས་པའི་ཡིད་ཀྱིས་གསོལ་བ་འདེབས་མཚོན་བཀྲ་ཤིས་པའི་ལྷ་གོས་རབ་དཀར་འཆི་མེད་སྐུ་གསུམ་ཐུགས་རྡོ་རྗེའི་སྣང་བརྙན། སྐུ་ཚེ་དང་མཁྱེན་རབ་སྤེལ་བའི་རིལ་བུ། མི་འགྱུར་བའི་རིན་ཆེན་དང་པོ་ཞོ་འཁོར་ཡེ་ཤེས་ལྔའི་གྲངས་ལྡན་བཅས་བོད་ཆེན་སྡེ་དགེའི་མངའ་རིས་རྫོང་སར་བཀྲ་ཤིས་ལྷ་རྩེའི་བསམ་གཏན་གྱི་སྐྱིལ་ཆུང་ནས། མགོན་པོ་གང་གི་བཀའ་འབངས་ཀྱི་ཐ་ཆུང་བྱ་བྲལ་སྤོང་བ་པའི་གཟུགས་བརྙན་འཇམ་དབྱངས་མཁྱེན་བརྩེའི་དབང་པོའམ། མཚོ་སྐྱེས་བླ་མ་དགྱེས་པའི་འབངས་པདྨ་འོད་གསལ་མདོ་སྔགས་གླིང་པས་བསམ་པ་དག་ཅིང་སྦྱོར་བ་གུས་པས་འབུལ་ལམ་ཞུ་ན་དེ་དེ་བཞིན་དུ་འགྲུབ་པར་བླ་མ་རྒྱལ་བ་སྲས་དང་བཅས་པས་བྱིན་གྱིས་བརླབ་ཏུ་གསོལ། སརྦ་དཱ་ཀ་ལྱཱ་ཎཾ་བྷ་བ་ཏུ།། +
ཅེས་པའང་ས་ཁྱི་ལོ་ཟླ་གཅིག་ཚེས་དྲུག་ལ་འཁྲུལ་སྣང་ཟ་ཟི་བྱུང་བར་བརྟེན་དཀར་ཕྱོགས་ཀྱི་བཟང་པོ་གཉིས་པར་འབྲས་ལྗོངས་མཁའ་སྤྱོད་ཌཱ་ཀིའི་ཕོ་བྲང་དུ་པདྨ་ཡེ་ཤེས་རྡོ་རྗེས་བྲིས་པ་དགེ། འདི་བྲིས་གྲུབ་ཉེ་བ་དང་། མཚུར་གྲྭ་ཀརྨ་བསྟན་འཛིན་ཕྲིན་ལས་ཞེས་པས་བུ་ཆུང་ཞིག་གཙུག་ཕུད་ཞུ་རྒྱུར། ཀརྨ་བཤད་སྒྲུབ་དར་རྒྱས་འདོགས། བུ་མོ་གཅིག་དང་གསུམ་ནས་དར་དང་། ཕོར་པ། རིན་གོར་གསུམ་བཅས་ཕུལ་བས་རྟེན་འབྲེལ་ལེགས་སྙམ་མོ། +
།ཞེས་པའང་སངས་རྒྱས་གཉིས་པ་པདྨ་སཾ་བྷཱ་ཝ་ཡབ་སྲས་ཀྱི་ཐུགས་རྗེའི་སྐྱབས་འོག་ཏུ་ངལ་འཚོ་བ་རིག་འཛིན་གྱི་བཙུན་པ་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོས་དྲང་པོའི་བློས་བསམ། གཟུ་བོའི་རིགས་པས་དཔྱད། ལྷུག་པའི་ཚིག་གིས་ལུང་རིགས་མན་ངག་དང་མཐུན་པར་གསོལ་བ་འདེབས་པའི་རྟེན་བཀྲ་ཤིས་པའི་ལྷ་གོས། ༴༴ བཅས་བསམ་པ་དག་ཅིང་སྦྱོར་བ་གུས་པས་འབུལ་ལམ་ཞུས་པ་ལགས་ན། སྐྱབས་མགོན་མཆོག་ཉིད་ཞབས་པད་བསྐལ་བརྒྱར་བརྟན་ཞིང་། ཕྲིན་ལས་མཁའ་ཁྱབ་ཏུ་རྟག་པ་དང་། ཕུན་སུམ་ཚོགས་པའི་དགེ་འདུན་གྱི་འདུ་བ་འབུམ་ཕྲག་མང་པོས་མདོ་སྔགས་ཀྱི་བསྟན་པ་རིན་པོ་ཆེ་དྲི་མ་མེད་པ་བཤད་སྒྲུབ་ལས་གསུམ་གྱི་སྒོ་ནས་སྲིད་མཐར་རྒྱས་པར་མཛད་པའི་དགེ་ལེགས་གྱི་སྣང་བས་འགྲོ་རྣམས་བདེ་སྐྱིད་ཆོས་འབྱོར་གྱི་དགའ་སྟོན་ལ་དུས་རྟག་ཏུ་ལོངས་སྤྱོད་པར་བྱིན་གྱིས་བརླབ་ཏུ་གསོལ། །སརྦ་དཱ་ཀ་ལྱཱ་ཎཾ་བྷ་བ་ཏུ།། +
།ཅེས་པའང་འཕགས་ཡུལ་ཀཱ་ལི་ཀཱ་ཏིའི་ལྷ་མོ་མཆོད་ཐབས་འདི་ཡང་གོ་འཇོ་བྱང་ཆུབ་ནས་དར་དང་། རྒྱ་གཡུ་ལེགས་པའི་རྟེན་བཅས་བསྐུལ་ངོར་ཆོས་ཀྱི་བློ་གྲོས་པས་རྡོ་རྗེ་གླིང་དུ་བྲིས་པའོ། །མངྒ་ལཾ།། +
།དེ་ལྟར་རྗེ་བཙུན་ཤེས་རབ་ཀྱི་ལྷ་མོ་ཀུ་རུ་ཀུལླེ་དཀར་མོ་ལ་བསྟོད་ཅིང་སྨོན་ལམ་གདབ་པའི་ཚུལ་ཉུང་ངུ་འདིའང་། གཞོན་ནུ་ཨབྷཱ་ཡས་གང་ཤར་ལྷུག་པར་སྦྱར་བ་ཛ་ཡནྟུ།། +
།ཞེས་པའང་ཨ་ཛི་རོང་གི་གཟུར་ལྷ་འབུམ་སྤྲུལ་སྐུ་འཇམ་དབྱངས་བསྟན་འཛིན་བཟང་པོས་བསྐུལ་བ་བཞིན་ཆོས་ཀྱི་བློ་གྲོས་པས་ཀཿཐོག་རྡོ་རྗེ་གདན་དུ་བྲིས་པ་སིདྡྷི་རསྟུ། དགེའོ།། +
།ཅེས་ཤིང་སྤྲེལ་ས་ག་ཟླ་བའི་དཀར་ཕྱོགས་ཀྱི་རྒྱལ་བ་གཉིས་པར་རྗེ་ཉིད་ཀྱི་ཟབ་གཏེར་འཇམ་དཔལ་ཐུགས་ཐིག་གི་ཆོས་སྒོ་དང་པོར་འབྱེད་པའི་སྐབས་བཀྲ་ཤིས་པའི་ལྷ་རྫས་ཨ་ཤེ། འཆི་མེད་སྐུ་གསུང་ཐུགས་རྡོ་རྗེའི་སྣང་བརྙན། ས་སྙིང་སྲུང་འཁོར། རིན་ཆེན་སྣ་ཚོགས་ཀྱི་མཎྜལ་བཅས་མཁྱེན་བརྩེའི་ཕྲིན་ལས་ཀྱི་བྱེད་པོར་སྨོན་པ་འཇམ་དབྱངས་ཆོས་ཀྱི་བློ་གྲོས་པས་བཀྲ་ཤིས་འཆི་མེད་གྲུབ་པའི་དགའ་ཚལ་དུ་བྲིས་ཤིང་གསོལ་སྨོན་དུ་བགྱིས་པ་དཔལ་ལྡན་བླ་མ་ཞབས་པད་བསྐལ་པ་རྒྱ་མཚོར་བརྟན་ཅིང་བཞུགས་པའི་རྒྱུར་གྱུར་ཅིག །སརྦ་དཱ་ཀ་ལྱཱ་ཎཾ་བྷ་བ་ཏུ་ཤུ་བྷཾ།། +
ཀུན་གཟིགས་འཇམ་མགོན་བླ་མ་ཆོས་ཀྱི་བློ་གྲོས་རིན་པོ་ཆེར་གསོལ་འདེབས་ཀྱི་གདུང་དབྱངས་བྱིན་རླབས་སྤྲིན་གྱི་ཕོ་ཉ། +
* '''First colophon page 70a:''' །ཅེས་པའང་ས་ཕག་སྣྲོན་ཟླའི་དཀར་ཕྱོགས་ཀྱི་དགའ་བ་གཉིས་པར་འཇམ་མགོན་ཡེ་ཤེས་ཉི་མའི་གཟུགས་སྐུའི་བཀོད་པ་བསྡུ་བའི་མཛད་པ་སྟོན་པའི་ཚེ་སྨྲེ་སྔགས་ཀྱིས་གསོལ་འདེབས་མོས་གུས་རྩལ་དུ་བཏོན་པའི་ཚུལ་གྱིས་བརྗོད་པའི་བྱེད་པོ་འཇམ་མགོན་བླ་མ་དགྱེས་པའི་འབངས་ཀྱི་ཐ་ཆུང་མདོ་ཁམས་པ་མངྒལའི་མིང་གིས་ལྷོ་འབྲུག་གི་རྒྱལ་ཁབ་ཏུ་བསྐྱོད་པའི་སྐབས་སུ་བྲིས་བགྱིས་པ་སྐྱེ་ཀུན་རྗེ་བཙུན་བསྟན་པའི་འཁོར་ལོ་དང་འདུ་འབྲལ་མེད་པའི་རྒྱུར་གྱུར་ཅིག
* '''Second colophon page 71a:''' །ཅེས་པའང་རྗེ་བཙུན་ཐམས་ཅད་གཟིགས་པའི་ཞལ་སློབ་རྒྱལ་རྩེ་ཁྲོ་དགའི་སྲས་སྤྲུལ་སྐུ་རིན་པོ་ཆེས་ལྷ་རྫས་ཀྱི་རྟེན་དང་བཅས་དགེ་སློང་དམ་ཆོས་གྲགས་པས་ཀྱང་བསྐུལ་ངོར་བླ་མ་འཇམ་པའི་རྡོ་རྗེས་རྗེས་སུ་བཟུང་བའི་མདོ་ཁམས་པ་མཁྱེན་བརྩེའི་འོད་ཟེར་བཀྲ་ཤིས་དཔལ་འབྱོར་གྱིས་སྐུ་གདུང་རིན་པོ་ཆེའི་སྤྱན་སྔར་བྲིས་ཤིང་གསོལ་བ་བཏབ་པ་དགེ་ལེགས་སུ་གྱུར་ཅིག
* '''Third colophon page 71b:''' །ཅེས་པའང་རྗེ་བཙུན་བླ་མའི་གདན་སའི་མངའ་རིས་ཆོས་རྗེ་སྤྲུལ་པའི་སྐུ་དང༌། །བླ་མ་ཤེས་རབ་རྒྱ་མཚོ་སོགས་དད་སློབ་དུ་མས་རྟེན་དང་བཅས་གསུང་གིས་བསྐུལ་བའི་རྐྱེན་དང་རང་ཉིད་ཀྱིས་ཀྱང་གདུང་ཤུགས་ཀྱིས་སྨྲེ་སྔགས་སུ་གསོལ་བ་འདེབས་པ་པོ་མདོ་ཁམས་པ་འཇིགས་མེད་མཁྱེན་བརྩེའི་འོད་ཟེར་བཀྲ་ཤིས་དཔལ་འབྱོར་དུ་འབོད་པའི་འཇམ་མགོན་བླ་མའི་སློབ་བུ་ཐ་ཆུང་གིས་སྐུ་གདུང་རིན་པོ་ཆེའི་སྤྱན་སྔར་བྲིས་ཏེ་ཇི་ལྟར་སྨོན་པ་བཞིན་འགྲུབ་པར་གྱུར་ཅིག
* '''Fourth colophon page 72b:''' །ཅེས་པའང་ལྷོ་འབྲུག་གི་སྨན་ལྗོངས་ཐར་པ་གླིང་ནས་རྒྱལ་ཁམས་པ་མངྒ་ལའི་མིང་གིས་རྩ་གསུམ་གྱི་ཚོགས་འབུམ་ཕྲག་འབུལ་བའི་སྐབས་དད་པའི་ཡིད་ཀྱིས་ས་ག་ཟླ་བའི་ཚེས་༨་ལ་སྨོན་པ་སིདྡྷི་རསྟུ། སྔོན་ཆད་ཞབས་བརྟན་དུ་བྲིས་པ་སླར་གསོལ་འདེབས་སུ་ཚིག་བསྒྱུར་བགྱིས་པའོ
* '''Fifth colophon page 72b:''' །ཞེས་རྩེ་གཅིག་གུས་པས་གསོལ་བ་འདེབས་པོ་མངྒ་ལས་བྲིས་པ་དགེ།།
+
།ཅེས་དོན་དང་ལྡན་པའི་གསོལ་འདེབས་ཀྱི་ཚིགས་སུ་བཅད་པ་བཀྲ་ཤིས་པའི་དབྱངས་ཀྱི་རོལ་མོ་སྙན་པར་འཁྲོལ་བས་མདུན་བསུས་ཏེ། གང་སྐུ་བྱམས་བསྟན་མ་ཤར་བར་དུ་འཚོ་ཞིང་གཞེས་པའི་རྟེན་འབྱུང་དུ་རྒྱལ་བ་མ་ཕམ་པའི་སྣང་བརྙན་གསེར་ཟངས། གང་གསུང་ཐུབ་བསྟན་མཐའ་དག་གི་སྣང་བྱེད་གཅིག་པུར་གདོད་ནས་ཡོངས་སུ་གྲུབ་པའི་བརྡར་བྱམས་ཆོས་སྡེ་ལྔའི་གླེགས་བམ། །གང་ཐུགས་སྟོང་ཉིད་སྙིང་རྗེ་མི་ཕྱེད་པའི་གཟིགས་པས་བདག་ཅག་གདུལ་བྱ་རྣམས་ལ་རྟག་ཏུ་དགོངས་པའི་རྟེན་འབྲེལ་དུ་རྡོ་རྗེ་དྲིལ་བུ། ལིང༴ སོགས་འབུལ་ཐོ་ཤོག་དྲིལ་ལྟར་རོ།། +
།ཅེས་བསམ་པ་དག་ཅིང་སྦྱོར་བ་གུས་པས་གསོལ་བ་འདེབས་མཚོན་བཀྲ་ཤིས་པའི་ལྷ་རྫས་རབ་དཀར། འཆི་མེད་ཚེ་མཐའ་ཡས་པའི་སྣང་བརྙན། འཆི་མེད་པདྨ་འབྱུང་གནས་ཀྱི་ཐུགས་བཅུད་གླེགས་བམ། གོས་སེར་རྒྱས་པའི་མདངས་ཅན་ཁ་གྲུ། མི་འགྱུར་བའི་རིན་ཆེན་དང་པོ་ཞོ་འཁོར་བཀྲ་ཤིས་པའི་རྟགས་ཀྱི་གྲངས་ལྡན་བཅས་སྨིན་དྲུག་ཟླ་བའི་གྲལ་ཚེས་དགེ་བར་འབུལ་ལམ་ཞུས་པ་དེ་དེ་བཞིན་དུ་འགྲུབ་པར་བྱིན་གྱིས་བརླབ་ཏུ་གསོལ། +
།ཅེས་པའང་བླ་མ་དམ་པ་བསྟན་འཛིན་རྒྱལ་མཚན་གྱིས་འདི་ལྟར་བྲིས་ཤིག་ཅེས་རྒྱང་རིང་མོ་ནས་གསུང་གིས་བསྐུལ་བའི་ངོར། འཇམ་དབྱངས་བླ་མ་དགྱེས་པའི་འབངས་མཁྱེན་མརྩེའི་དབང་པོས་བྲིས་པ་བླ་མའི་བྱིན་རླབས་སྙིང་ལ་འཇུག་པའི་རྒྱུར་གྱུར་ཅིག +
།ཞེས་པའང་ཟབ་ཆོས་འདི་ཉིད་ཆ་ལག་ཏུ་ཉེ་བར་མཁོ་བས་བློ་གྲོས་མཐའ་ཡས་ཀྱིས་གཏེར་གཞུང་ལས་བཀོལ་ཏེ་བཏུས་པ་འགལ་བ་མཆིས་ན་བཤགས་ཤིང་དགེ་བས་བསྟན་པ་རྒྱས་པར་གྱུར་ཅིག །དགེ་ལེགས་འཕེལ། +
