Property:colophontib
From Khyentse Lineage - A Tsadra Foundation Project
This is a property of type Text.
མ
།ཅེས་པ་འདིའང་ཡུམ་བཀའ་བདེ་ཆེན་རྒྱལ་མོའི་ལྷ་སྔགས་ཀྱི་རྣལ་འབྱོར་ལ་རྩེ་གཅིག་ཏུ་གཞོལ་ཞིང་། ལྷག་བསམ་དང་བློ་གྲོས་བཟང་པོའི་སྟོབས་ཀྱིས་མཁའ་སྤྱོད་གྲུབ་པའི་རིག་འཛིན་དོན་དུ་གཉེར་བ་ཛྙཱ་ནའི་མིང་གིས་ཡང་ནས་ཡང་དུ་འདི་ལྟ་བུ་དགོས་ཞེས་བསྐུལ་པའི་རྐྱེན་བྱས་ནས། རྙིང་བཙུན་ཡོངས་ཀྱི་གྲལ་མཐའ་བ་རིག་འཛིན་པདྨ་ལ་མོས་པ་མ་དོར་ཙམ་གྱིས་གནས་པ་པདྨཧྱསྱབཛྲ་ཞེས་འབོད་པས་རབ་ཚེས་ས་ཡོས་ཟླ་༡ཚེས་༣༠འི་གུང་ཐུན་ལ་རྫོང་སར་བཀྲ་ཤིས་ལྷ་རྩེར་གང་ཤར་ལྷུག་པར་བྲིས་པ་མངྒ་ལཾ།། +
དེ་ལྟར་བདེ་བ་ཅན་གྱི་སྨོན་ལམ་ས་བཅད་ཅུང་ཟད་རྒྱས་པར་བྱས་པ་འདི་ཡང་། འཇིགས་མེད་འོད་ཟེར་གྱིས་བསྐུལ་བ་མ་ལྡོག་པར་ཤཱཀྱའི་དགེ་ཚུལ་དགེ་བའི་འབྱུང་གནས་ཀྱིས་དཀར་ཆུང་རྒོད་ཚང་གི་རི་ཁྲོད་དུ་སྦྱར་བའི་ཡི་གེ་པ་ནི་མ ཁྱེན་དཔྱོད་རྣམ་པར་ཡངས་པ་ཐུབ་བསྟན་ལུང་རྟོགས་འཕེལ་རྒྱས་དཔལ་བཟང་པོས་བགྱིས་པ་འདིས་ཀྱང་། འགྲོ་ཀུན་བདེ་བ་ཅན་དུ་སྐྱེ་བའི་རྒྱུར་གྱུར་ཅིག །མངྒལཾ། +
།ཅེས་པའང་རྗེ་དེ་ཉིད་ཀྱིས་ཉེ་བར་གནས་པའི་གསུང་གིས་བསྐུལ་བ་བཞིན་འཇམ་དབྱངས་ཆོས་ཀྱི་བློ་གྲོས་པས་རྫོང་སར་བཀྲ་ཤིས་ལྷ་རྩེའི་ཀུན་མཁྱེན་བླ་མའི་གཟིམ་སྐྱིལ་དུ་མེ་བྱི་ཁྲུམ་སྟོད་ཟླ་བའི་དཀར་ཕྱོགས་ཀྱི་རྫོགས་པ་གསུམ་པར་རྩེ་གཅིག་གུས་པས་གསོལ་བ་བཏབ་བཞིན་འགྲུབ་པར་བླ་མ་རྩ་བ་གསུམ་གྱིས་བྱིན་གྱིས་བརླབ་ཏུ་གསོལ། མངྒ་ལཾ།། +
།དེ་སྐད་ཆོས་ཀྱི་བློ་གྲོས་ལ། །འཁྲུལ་ཉམས་ཤིང་རྟ་ཟླ་༨ཚེས་༢༨ཀྱི། །ཉི་ཤར་ཆ་ལ་རབ་རིབ་ནི། །བྱུང་བས་རྐྱེན་བྱས་ཐ་སྐར་གྱིས། །རྒྱལ་བ་དང་པོའི་ཚེས་༢ལ་བྲིས། །དགེ་བས་བྱང་ཆུབ་ཐོབ་གྱུར་ཅིག །མངྒ་ལཾ།། +
མཁས་ཤིང་དངོས་གྲུབ་བརྙེས་པའི་རྡོ་རྗེའི་རིག་པ་འཛིན་དབང་འགྱུར་མེད་པདྨ་རྣམ་རྒྱལ་དཔལ་བཟང་པོ་སློབ་བརྒྱུད་དང་བཅས་པའི་རྣམ་ཐར་ཉུང་ངུར་བརྗོད་པ་ངོ་མཚར་ཟླ་བ་བདུད་རྩིའི་འཛུམ་ཕྲེང་། +
།ཅེས་པའང་ཁྱབ་བདག་དཔལ་མགོན་བླ་མའི་གསུང་རྡོ་རྗེ་བདུད་རྩིའི་སྐྱེས་ཀྱི་ཆ་ཤས་སྒྲུབ་བརྒྱུད་ཤིང་རྟ་ཆེན་པོ་བརྒྱད་ཀྱི་ཆོས་འབྱུང་ལེགས་བཤད་པདྨ་དཀར་པོའི་རྫིང་བུའི་ཞལ་སྐོང་གི་ཚུལ་དུ་འདི་ལྟར་འབྲི་བར་འདུན་པ་དང༌། རྗེ་བཙུན་བླ་མ་ཡབ་སྲས་ཀྱི་ཞལ་སློབ་དད་བློ་རྨད་བྱུང་འཇིགས་མེད་ཚེ་མཆོག་རྡོ་རྗེ་ནས་ཀྱང་ཡང་ཡང་བསྐུལ་བ་དང༌། སྡེ་སྣོད་འཛིན་པ་མཁན་པོ་ཐུབ་བསྟན་བརྩོན་འགྲུས་ཕུན་ཚོགས་ནས་ཀྱང་མྱུར་དུ་གྱིས་ཞེས་གསུང་བསྐུལ་མཛད་པ་བཞིན། ངེས་གསང་ཆོས་ཀྱི་འབྱུང་གནས་མདོ་ཁམས་ཞེ་ཆེན་པའི་རྡོ་རྗེའི་སློབ་བུའི་ཐ་ཆུང༌། བསྟན་པ་རིས་མེད་ལ་དད་ཅིང་སྔ་འགྱུར་བཀའ་གཏེར་གྱི་རིང་ལུགས་ལ་རྒྱུ་མཚན་ཤེས་པའི་དད་བློ་ཕྲ་མོ་ཐོབ་པ་འཇམ་མགོན་མཁྱེན་བརྩེའི་སྤྲུལ་མིང་འགྱུར་མེད་ཐེག་མཆོག་བསྟན་པའི་རྒྱལ་མཚན་ཕྲིན་ལས་གྲུབ་པའི་སྡེས་ལྷོ་ཕྱོགས་སཱ་ལའི་སྨན་ལྗོངས་དཔལ་ལྡན་འབྲུག་པའི་རྒྱལ་ཁབ་ཀྱི་ས་ཡི་ཐིག་ལེ་སྤ་གྲོ་སྟག་ཚང་སེང་གེ་བསམ་འགྲུབ་ཀྱི་རྡོ་རྗེའི་གནས་ཆེན་གོས་དང་གོང་བ་བཞིན་འདབས་འབྲེལ་བའི་སྐྱེར་ཆུའི་གཙུག་ལག་ཁང་གི་ཉེ་ཞོལ་རང་གནས་བསམ་གཏན་གྱི་ཁང་བུ་ཕུན་ཚོགས་བཀྲ་ཤིས་དགའ་འཁྱིལ་ནས་དབུ་བརྩམས། ཕུན་ཚོགས་ཆོས་ཀྱི་གླིང་གི་སྐྱེད་ཚལ་དུ་ཆུ་བྱའི་གནམ་ལོ་གསར་ཚེས་ཀྱི་དགའ་སྟོན་དུ་གྲུབ་པར་བགྱིས་པ་འདིས་ཀྱང་རྒྱལ་བའི་བསྟན་པ་རིན་པོ་ཆེ་ཡུན་རིང་དུ་གནས་པས་སྙིགས་མའི་ཡིད་ཅན་མཐའ་དག་རྣམ་དཀར་གྱི་དཔལ་འབྱོར་ཕུན་སུམ་ཚོགས་པས་ཕན་བདེའི་དགའ་སྟོན་ཟད་མི་ཤེས་པ་དང༌། བདག་ཀྱང་སྐྱེ་ཀུན་བླ་མ་མཆོག་དང་མི་འབྲལ་བས་སྐུ་གསུམ་བདེ་བ་ཆེན་པོར་ངལ་འཚོ་མཆོག་ཏུ་ཐོབ་པའི་རྒྱུར་ཁོ་ནར་གྱུར་ཅིག །སརྦ་མངྒ་ལྃ། དགེའོ། +
།ཅེས་པའང་མེ་གླང་ཟླ་༦ཚེས་༢༩ལ་བླ་མ་དྲན་པས་ཐོལ་བྱུང་དུ་བྲིས་པའོ།། +
།ཅེས་ཤིས་བརྗོད་ཀྱི་མཐར་བརྒྱན་པའི་ཞུ་ཆུང་ཚིགས་སུ་བཅད་པ་འདིར་ཇི་ལྟར་གསོལ་བ་བཏབ་པ་དེ་བཞིན་མཁྱེན་བརྩེའི་སྐབས་དབྱེ་བར་མཛད་གྲུབ་པའི་རྟེན་འབྱུང་དུ་ཕུལ།། +
།ཅེས་པའང་མང་ཐོས་བློ་གསལ་འཆི་མེད་བསྟན་འཛིན་གྱི་དར་དང་། མེ་ཏོག་ཆུ་སྐྱེས་བཅས་ཀྱི་རྟེན་དང་བཅས་ནན་ཏན་ཆེན་པོས་བསྐུལ་ངོར་ཆོས་ཀྱི་བློ་གྲོས་པས་ཆུ་ལུག་རྒྱལ་ཟླའི་ཚེས་ཉེར་དགུ་ལ་བྲིས་པ་ཚར་ཆེན་ཆོས་ཀྱི་རྒྱལ་པོའི་སྙན་བརྒྱུད་ཟབ་མོའི་བསྟན་པ་མཆོག་ཏུ་རྒྱས་པའི་རྒྱུར་གྱུར་ཅིག །སརྦ་མངྒ་ལཾ། །དགེའོ། །དགེའོ། །དགེའོ།། +
།དེ་ལྟར་ནག་པོ་ཆེན་པོ་ལ་བསྟོད་པ་འདིའང་འཇམ་དབྱངས་ཆོས་ཀྱི་བློ་གྲོས་པས་རང་ལོ་ཉེར་བཞི་པར་ཅུང་ཟད་བྲོ་འཚལ་བ་ན་རྩེ་གཅིག་གསོལ་བ་བཏབ་པ་དགེ་ལེགས་སུ་གྱུར་ཅིག། +
།ཞེས་པའང་མཚོ་སྐྱེས་བླ་མ་དགྱེས་པའི་འབངས་པདྨ་འོད་གསལ་མདོ་སྔགས་གླིང་པས་ཟབ་མོ་དགོངས་གཏེར་གྱི་བཀའ་རྒྱ་འགྲོལ་བ་དང་ལྷན་ཅིག་ཏུ་གང་ཤར་གསོལ་བ་བཏབ་པས་འབྲེལ་ཚད་དོན་དང་ལྡན་པར་གྱུར་ཅིག། +
།ཅེས་པའང་ཤིང་ཁྱི་ཧོར་ཟླ་པའི་ཚེས་ལ་རྒྱ་མཁར་དུ་ཡོད་སྐབས་རིག་འཛིན་ཆེན་པོ་རྡོ་རྗེ་ཐུགས་མཆོག་རྩལ་ལས་མགོན་པོ་ཚོགས་བདག་གི་དབང་བཀའ་གཏེར་ཆུ་བོ་གཅིག་འདྲེས་ཐོབ་པའི་རྨི་ལྟས་ལ་བརྟེན་བློ་གྲོས་རྒྱ་མཚོས་བྲིས་པ་བླ་མ་ནག་པོས་རྗེས་སུ་འཛིན་པར་གྱུར་ཅིག །ཤུ་བྷཾ།། +
།ཅེས་པའང་མཆོད་དཔོན་མཆོག་ལྡན་ནས་འབྲི་གཞི་བཅས་བསྐུལ་ངོར་འཇམ་དཔལ་དགའ་བའི་གོ་ཆས་རྡོ་རྗེ་གླིང་གི་ནགས་ཚལ་དུ་སྤྲོ་སངས་སྐབས་གང་དྲན་སོར་མོའི་ཟློས་གར་སྐད་ཅིག་ལ་བསྒྱུར་བ་དགེའོ། ། +
།ཅེས་པའང་དད་ལྡན་བླ་མ་མཆོག་ལྡན་ནས་ལྷ་རྫས་དང་དངུལ་དཀར་གྱི་དོང་རྩེ་བཅས་བསྐུལ་ངོར་ཆོས་ཀྱི་བློ་གྲོས་པས་ལྷོ་བྲག་སྲས་མཁར་སྤྲུལ་པའི་ལྷ་ཁང་གི་འདབ་རོལ་སྐྱེད་མོས་ཚལ་དུ་བྲིས་པ་མངྒ་ལཾ།། +
ཞེས་རྗེ་ཆོས་ཀྱི་བློ་གྲོས་ལྗགས་རྩོམ་ཕྱག་བྲིས་ཕྱག་བསྟར་མ་ལས་ཞལ་བཤུས་པའོ།། +
།ཅེས་པའང་དད་ཅིང་གུས་པས་ཀུན་ནས་བསླང་སྟེ། འཇམ་དབྱངས་ཆོས་ཀྱི་བློ་གྲོས་པས་སྨོན་ཚིག་ཏུ་བྲིས་པ་འདིས་ཀྱང་བདག་གཞན་ནམ་མཁའ་དང་མཉམ་པའི་སེམས་ཅན་ཐམས་ཅད་མངོན་དགའི་ཞིང་དུ་སྐྱེ་བའི་རྒྱུར་གྱུར་ཅིག །སརྦ་མངྒ་ལཾ།། +
* '''First colophon page 468:''' །ཅེས་པའང་བཀྲ་ཤིས་བདེ་ལྡན་གླིང་གི་དབེན་གནས་སུ་སི་ཏུ་པ་ཤཱཀྱའི་དགེ་སློང་ཆོས་ཀྱི་རྒྱ་མཚོས་སྨོན་པ་དགེ་ལེགས་འཕེལ། །དགེའོ།།
* '''Second colophon page 470:''' ལྕགས་གླང་ཟླ་༡ཚེས་༣ལ་མི་ཕམ་པས་སྦྱར་བའོ།། །།མངྒ་ལཾ།།
+
།བལ་པོའི་པཎྜིཏ་དཔལ་འཛིན་སྡེས་སྦྱར་བའི་མངོན་བརྗོད་ཀྱི་བསྟན་བཅོས་སྣ་ཚོགས་གསལ་བ་འདི་ཉིད། །སྔོན་ཞྭ་ལུ་ལོ་ཆེན་ཆོས་སྐྱོང་བཟང་པོས་གཞི་འགྱུར་མཛད་པ་དང་། །སླར་ཡང་ངེས་པ་དོན་གྱི་པཎྜིཏ་ཆེན་པོ་ཀརྨ་ཚེ་དབང་ཀུན་ཁྱབ་ངེས་དོན་བསྟན་འཕེལ་བཟང་པོའི་ཞབས་ཀྱིས་དོན་དུ་མ་ཅན་གྱི་སྡེ་ཚན་གྱི་སྐབས་རྣམས་འགྱུར་བཅོས་ལེགས་པར་གནང་བའི་ཕྱག་བྲིས་དངོས་ལས། སྙན་ངག་སྦྱར་རྒྱན་དང་། གབ་ཚིག་གི་རྒྱན་འགའ་ཞིག་སྦྱོར་བར་འདོད་པ་ལ་འདི་ཉིད་མེད་དུ་མི་རུང་བའི་ཡན་ལག་ཏུ་རྟོགས་ཏེ། །ཉེ་བར་མཁོ་བའི་རིགས་རྣམས་ཅུང་ཟད་བསྡུས་པ་བློ་གསལ་རྣ་རྒྱན་ཞེས་བྱ་བ་འདི་ནི་ཁྱབ་བདག་བླ་མ་ཟེ་ཆེན་པཎྜིཏ་འཇམ་དཔལ་དགྱེས་པའི་བློ་གྲོས་མཚོ་སྐྱེས་བཞད་པའི་སྒྲ་དབྱངས་ཀྱི་ཞབས་རྡུལ་སྤྱི་བོས་ལེན་པའི་ཀུན་རྨོངས་པ་ཚངས་སྲས་དགྱེས་པའི་བློ་ལྡན་གདོང་དྲུག་དགའ་བའི་ལང་ཚོ་ཞེས་བགྱི་བས་གྲུབ་པའི་བསྟི་གནས་དཔལ་ལྡན་པདྨ་འོད་གླིང་དུ་ཀརྟི་ཀ་ཡི་ཟླ་བའི་དཀར་ཕྱོགས་ཀྱི་རྒྱལ་བ་དང་པོའི་གྲལ་ཚེས་ཁོ་ནར་ཟིན་བྲིས་སུ་བགྱིས་པ་ཤུ་བྷམ་སྟུ་སརྦ་ཛ་ག་ཏི། །འདིའི་ཟུར་དུ་མཆན་གྱི་ཚུལ་གྱིས་བྲིས་པ་རྣམས། སློབ་དཔོན་སྨྲ་བ་ཆེན་པོས་མཛད་པའི་སྒྲ་གཅིག་དོན་མང་གི་མངོན་བརྗོད་དཔལ་སྒྲའི་སྙེ་མ་ལས་བཏུས་པ་སྟེ། ཅུང་དག་ཅིང་ཉེར་མཁོར་གྱུར་པ་རྣམས་སོ།། +
།ཅེས་པའང་དད་དམ་ཕུལ་བྱུང་ཀརྨ་ཟླ་བའི་དབང་པོས་གསོལ་བ་བཏབ་པ་ལ་བརྟེན་ནས། འཆི་མེད་གྲུབ་པའི་གནས་མཆོག་གཡུང་དྲུང་རྡོ་རྗེ་དཔལ་གྱི་རི་བོའི་མགུལ། །རང་བྱུང་ཚེ་ཆུའི་རྒྱུན་བཟང་མངོན་པར་འབབས་པའི་འགྲམ་ངོགས་སུ་རྡོ་བའི་སྤྱིལ་པོ་ལ་བརྟེན་ནས་རིན་འཛིན་བླ་མ་ཡབ་སྲས་ཀྱི་ཞབས་བརྟན་དུ་དམིགས་ཏེ་ཚེ་སྒྲུབ་ཟབ་མོ་བགྱིས་པའི་སྐབས་རབ་བྱུང་བཅོ་ལྔ་པའི་ཐོག་མ་མེ་ཡོས་དབོ་ཟླ་བའི་ཤེར་ཕྱོགས་ཀྱི་རྒྱལ་བ་དང་པོའི་ཉི་མ་འཆར་ཀའི་ཚེ། སངས་རྒྱས་གཉིས་པ་པདྨ་སཾ་བྷཱ་ཝའི་ཞབས་རྡུལ་ལ་སྤྱི་བོས་རེག་པའི་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོ་རྡོ་རྗེ་གཟི་བརྗིད་ཀྱིས་བྲིས་པ་དོན་དང་ལྡན་པར་གྱུར་ཅིག +
།ཅེས་པའང་ཐར་ལམ་བླ་མའི་བཀའ་དྲིན་ཁོ་ན་ལ་རེ་བ་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོས་རང་གཞན་གྱི་རྒྱུད་ལ་ཚོགས་ཟུང་སྒོ་དུ་མ་ནས་སྤེལ་བ་དང་། བསྟན་འགྲོའི་དགེ་ལེགས་ཀྱི་དུས་སྟོན་རྒྱས་པར་དར་བའི་རྟེན་འབྱུང་སོགས་དགོས་པ་ཁྱད་པར་ཅན་གྱི་སླད་དུ་དམིགས་ནས་ཉུངས་གསལ་སྙིང་པོར་དྲིལ་ཏེ་སྦྱར་བ་དགེ་ལེགས་མཆོག་ཏུ་གྱུར་ཅིག། །སརྦ་དཱ་ཀཱ་ལྱཱ་ཎཾ་བྷ་བ་ཏུ།། +
།ཅེས་པའང་མཁན་ཆེན་རྡོ་རྗེ་འཛིན་པ་དཀོན་མཆོག་འོད་ཟེར་གྱི་གསུང་གིས་བསྐུལ་བ་དང་། རང་ཉིད་ཀྱང་མི་ཕྱེད་དད་པས་ཀུན་ནས་བསླངས་ཏེ། ཨོ་རྒྱན་རྡོ་རྗེ་འཆང་ཆེན་པོས་མཚན་གསུམ་གྱིས་མངོན་པར་བསྔགས་པའི་དོན་བརྗོད་བྱར་བྱས་ཏེ། རབ་ཚེས་ས་འབྲུག་རྒྱལ་ཟླ་བའི་དཀར་ཕྱོགས་དུས་ཀྱི་དགེ་མཚན་ཕུན་སུམ་ཚོགས་པར་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོས་གསོལ་བ་བཏབ་པ་དོན་དང་ལྡན་པར་གྱུར་ཅིག། +
