མངོན་དགའི་སྨོན་ལམ་དག་ཞིང་སྒོ་འབྱེད།

🚧 This website is under continued development. We appreciate your patience!

Previous Text Back to Volume PageNext Text

Wylie title	mngon dga'i smon lam dag zhing sgo 'byed
Location	chos kyi blo gros bka' 'bum Volume 6, Text 39, Pages 467-470 (Folios 1a1 to 2b1)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Tertön	ཀློང་གསལ་སྙིང་པོ་ (klong gsal snying po)
Citation	'jam dbyangs mkhyen brtse chos kyi blo gros. mngon dga'i smon lam dag zhing sgo 'byed. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 6: 467-470. Bir, H.P.: Khyentse Labrang, 2012.
Genre	Prayers - smon lam
Cycle	ཀློང་གསལ་རྡོ་རྗེ་སྙིང་པོ་ (klong gsal rdo rje snying po)
Deity	rdo rje mi 'khrugs pa
RTZ	In the Rinchen Terdzö: https://rtz.tsadra.org/index.php/Terdzo-TSHI-030
Colophon	First colophon page 468: །ཅེས་པའང་བཀྲ་ཤིས་བདེ་ལྡན་གླིང་གི་དབེན་གནས་སུ་སི་ཏུ་པ་ཤཱཀྱའི་དགེ་སློང་ཆོས་ཀྱི་རྒྱ་མཚོས་སྨོན་པ་དགེ་ལེགས་འཕེལ། །དགེའོ།། Second colophon page 470: ལྕགས་གླང་ཟླ་༡ཚེས་༣ལ་མི་ཕམ་པས་སྦྱར་བའོ།། །།མངྒ་ལཾ།།
	First colophon page 468: /ces pa'ang bkra shis bde ldan gling gi dben gnas su si tu pa shAkya'i dge slong chos kyi rgya mtshos smon pa dge legs 'phel/__/dge'o// Second colophon page 470: lcags glang zla 1tshes 3la mi pham pas sbyar ba'o//___//mang+ga laM//

1 Texts in this Section (sde tshan or chos tshan)

467-470	མངོན་དགའི་སྨོན་ལམ་དག་ཞིང་སྒོ་འབྱེད། mngon dga'i smon lam dag zhing sgo 'byed Prayers - smon lam	Text page View PDF
	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ('jam dbyangs mkhyen brtse chos kyi blo gros)

Tibetan Text

Wylie

[edit]

མངོན་དགའི་སྨོན་ལམ་དག་ཞིང་སྒོ་འབྱེད་ཅེས་བྱ་བ་བཞུགས། །འདི་ནས་ཤར་གྱི་ཕྱོགས་རོལ་སངས་རྒྱས་ཞིང་། །མངོན་པར་དགའ་བ་ཡོན་ཏན་རྒྱ་མཚོའི་གནས། །དྲི་མེད་དྲི་མ་ཐམས་ཅད་ཡོངས་བྲལ་བའི། །དེ་བཞིན་གཤེགས་པ་མི་འཁྲུགས་རྒྱལ་པོ་བཞུགས། །ལྷར་བཅས་འཇིག་རྟེན་ཀུན་ན་མགོན་པོའི་སྐུ། །ངོ་མཚར་མཚན་དཔེའི་འོད་སྟོང་རབ་འབར་བ། །ཚུལ་ཁྲིམས་ཕུང་པོ་རྒྱ་མཚོའི་དཔལ་གྱི་དུལ། །བཟོད་པ་རྒྱ་མཚོ་ཁྱད་པར་འཕགས་པའི་ཆོས། །མངོན་གྱུར་སྟོབས་བཅུའི་དབང་པོ་དགེ་འདུན་ཚོགས། །གྲངས་མེད་ཞིང་རྡུལ་བྱེ་བའི་འཇུག་པ་ཅན། །ཀུན་ལ་གུས་པའི་ཡིད་ཀྱིས་གསོལ་འདེབས་ཤིང་། །འདི་ནས་བྱང་ཆུབ་བར་དུ་སྐྱབས་མཆི་ན། །བདག་ལ་བཟང་ངན་ལས་ཀྱི་འབྲེལ་ཐོགས་ཀུན། །ཚེ་ཡི་འདུ་བྱེད་གཏོང་བར་གྱུར་པ་ན། །རྡོ་རྗེའི་སྐུ་ཡི་སྣང་བའི་འོད་ཀྱི་རྡུལ། །ཕྲ་མོ་རེག་ཀྱང་ཉམས་ཐག་བར་དོའི་གནས། །སྡུག་བསྔལ་བྱེ་བའི་ཚོགས་རྣམས་བསལ་མཛད་དོ། །འཆི་ཁའི་མཚམས་སྦྱོར་ཉོན་མོངས་ཀུན་འགགས་པས། །ཕུལ་བྱུང་དགེ་ལེགས་རབ་འབྱམས་རྒྱ་མཚོའི་གཏེར། །དག་པའི་ཞིང་གི་སྣང་བ་ཤར་གྱུར་ཅིག །བདེ་གཤེགས་སྲས་བཅས་སྐུ་ཡི་ཉིན་བྱེད་ནི། །དྭངས་པའི་ཡིད་མཁར་ཤར་བའི་མདོ་དེ་ལ། །སྡང་སྲེད་ལས་ཉོན་མུན་པའི་སྡེ་ཚོགས་ཀུན། །མིང་གི་མཐར་བྱེད་སྣང་བའི་མངོན་སུམ་དུ། །སྟོང་གསུམ་ཁྱབ་པའི་རིན་ཆེན་ལྗོན་ཤིང་དྲུང་། །རྒྱལ་བའི་དབང་པོ་རྣམ་གྲོལ་ལྷུན་པོ་ནི། །མཁའ་ཁྱབ་ཞིང་དུ་སྒྱུ་འཕྲུལ་རོལ་མོ་ཅན། །མཇལ་བས་ཡིད་ཀྱི་གདུང་བ་ཞི་བར་ཤོག །དེ་བཞིན་གཤེགས་པའི་ཞལ་གྱི་བུམ་བཟང་ལས། །རྨད་བྱུང་ཐེག་པ་མཆོག་གི་ཆོས་ཀྱི་སྒོ། །བྱེ་བ་ཕྲག་བརྒྱ་ཐོས་ཤིང་འཛིན་པ་དང་། །ཕྱོགས་བཅུའི་ཞིང་དུ་སྤྲོ་བར་བྱེད་ནུས་ཤོག །མགོན་པོ་ཁྱེད་ཀྱི་རྣམ་པར་ཐར་པ་བཞིན། །བསམ་ཡས་ཞིང་དུ་མི་ཟད་འཇུག་པ་ཅན། །མིང་ཙམ་ཐོས་པས་ཚུལ་ཁྲིམས་རྣམ་དག་ནས། །ངན་སོང་ཀུན་སྤངས་རྒྱལ་བར་བདག་གྱུར་ཅིག །ཐུབ་ཆེན་བླ་མ་རྡོ་རྗེ་མི་འཁྲུགས་པའི། །ཞིང་དེར་བདག་གི་གདུལ་བྱ་མ་ལུས་པ། །བློ་ཡི་སྟོབས་ཀྱིས་ཐོགས་པ་མེད་དྲངས་ཏེ། །རྒྱལ་བ་རྒྱལ་སྲས་རྒྱལ་མཚོའི་སར་འགོད་ཤོག །མདོར་ན་དེ་བཞིན་གཤེགས་པས་མངོན་དགའི་ཞིང་། །ཡོངས་སུ་བཀོད་ཅིང་སྨོན་ལམ་མཛད་པ་ཡི། །ངོ་མཚར་གནས་ཀུན་བདག་གིས་མྱུར་འགྲུབ་སྟེ། །ཆོས་ཀྱི་རྒྱལ་པོའི་གོ་འཕང་ཐོབ་པར་ཤོག །ཅེས་པའང་བཀྲ་ཤིས་བདེ་ལྡན་གླིང་གི་དབེན་གནས་སུ་སི་ཏུ་པ་ཤཱཀྱའི་དགེ་སློང་ཆོས་ཀྱི་རྒྱ་མཚོས་སྨོན་པ་དགེ་ལེགས་འཕེལ། །དགེའོ།། །།༈ཨེ་མ་ཧོ། སྔོན་ཚེ་རྣམ་དག་ཐུགས་བསྐྱེད་སྨོན་ལམ་མཐུས། །ད་ལྟ་ཤར་ཕྱོགས་མངོན་དགའི་ཞིང་མཆོག་ཏུ། །མངོན་པར་སངས་རྒྱས་རྒྱལ་བ་མི་འཁྲུགས་པ། །འགྲོ་བའི་མགོན་པོ་ཁྱེད་ལ་གསོལ་བ་འདེབས། །ཁྱེད་ནི་སྟོབས་བཅུ་ལྡན་པའི་ཡེ་ཤེས་བརྙེས། །མ་ལུས་ཤེས་བྱ་ཡང་དག་ཇི་བཞིན་གཟིགས། བདག་ནི་རྒ་ན་འཆི་སོགས་འཇིགས་པ་བརྒྱས། །མནར་བཞིན་ཁྱེད་ལ་སྐྱབས་སུ་མཆི་བ་གཟིགས། །མགོན་པོ་ཁྱེད་ནི་མཐའ་ཡས་འགྲོ་བ་ལ། །སྙིང་རྗེ་ཆེན་པོས་གཟིགས་པ་ཡོལ་མི་མངའ། །བདག་ནི་ཤིན་ཏུ་ཉམ་ཐག་འཇིགས་ཆེན་གྱིས། །གསོར་མི་རུང་བར་མནར་ལ་སྐྱབས་མཛོད་ཅིག །དབང་བཅུའི་དབང་གིས་ཕྱུག་པའི་མགོན་པོ་ཁྱེད། །འགྲོ་ཀུན་སྐྱོབས་པའི་མཐུ་དང་ནུས་པའི་ཤུགས། །མཚུངས་པ་མེད་པ་རྡོ་རྗེའི་སྟོབས་མངའ་བས། །བདག་ལ་མྱུར་དུ་དབུགས་དབྱུང་མཆོག་སྩོལ་ཅིག །སེམས་ཅན་ལས་ཀྱི་མནར་བ་ཆོས་ཉིད་ཀྱང་། །བདག་ནི་ལྷག་པར་ནད་དང་སྡུག་བསྔལ་དང་། །རྐྱེན་ངན་འཇིགས་པ་མི་བཟོད་དུ་མས་མནར། །སྐྱབས་བྲལ་ཡི་ཆད་ཤིན་ཏུ་ཉམ་ཐག་གྱུར། །དེ་ཕྱིར་རྨོངས་དང་ཐེ་ཚོམ་རྣམ་རྟོག་བརྒྱས། །དཀྲུག་ནས་གདུང་བའི་འོ་དོད་འབོད་པ་ལ། །གཟིགས་པ་སྒྲིབ་པ་མེད་པའི་མགོན་པོ་ཡིས། །ཡེ་ཤེས་ཐུགས་རྗེས་མྱུར་དུ་དགོངས་པར་མཛོད། །འཇིགས་དང་སྡུག་བསྔལ་འདི་ནས་དབུགས་དབྱུང་ནས། །འཇིགས་མེད་བདེ་བ་ཆེན་པོ་ཐོབ་པ་དང་། །རང་གཞན་དོན་གཉིས་ལྷུན་གྱིས་གྲུབ་པ་ཡི། །དངོས་གྲུབ་ཆེན་པོའི་དགའ་སྟོན་ཉེ་བར་སྩོལ། །ལྕགས་གླང་ཟླ་༡ཚེས་༣ལ་མི་ཕམ་པས་སྦྱར་བའོ།། །།མངྒ་ལཾ།། །།

[edit]

mngon dga'i smon lam dag zhing sgo 'byed ces bya ba bzhugs/__/'di nas shar gyi phyogs rol sangs rgyas zhing /__/mngon par dga' ba yon tan rgya mtsho'i gnas/__/dri med dri ma thams cad yongs bral ba'i/__/de bzhin gshegs pa mi 'khrugs rgyal po bzhugs/__/lhar bcas 'jig rten kun na mgon po'i sku/__/ngo mtshar mtshan dpe'i 'od stong rab 'bar ba/__/tshul khrims phung po rgya mtsho'i dpal gyi dul/__/bzod pa rgya mtsho khyad par 'phags pa'i chos/__/mngon gyur stobs bcu'i dbang po dge 'dun tshogs/__/grangs med zhing rdul bye ba'i 'jug pa can/__/kun la gus pa'i yid kyis gsol 'debs shing /__/'di nas byang chub bar du skyabs mchi na/__/bdag la bzang ngan las kyi 'brel thogs kun/__/tshe yi 'du byed gtong bar gyur pa na/__/rdo rje'i sku yi snang ba'i 'od kyi rdul/__/phra mo reg kyang nyams thag bar do'i gnas/__/sdug bsngal bye ba'i tshogs rnams bsal mdzad do/__/'chi kha'i mtshams sbyor nyon mongs kun 'gags pas/__/phul byung dge legs rab 'byams rgya mtsho'i gter/__/dag pa'i zhing gi snang ba shar gyur cig__/bde gshegs sras bcas sku yi nyin byed ni/__/dwangs pa'i yid mkhar shar ba'i mdo de la/__/sdang sred las nyon mun pa'i sde tshogs kun/__/ming gi mthar byed snang ba'i mngon sum du/__/stong gsum khyab pa'i rin chen ljon shing drung /__/rgyal ba'i dbang po rnam grol lhun po ni/__/mkha' khyab zhing du sgyu 'phrul rol mo can/__/mjal bas yid kyi gdung ba zhi bar shog__/de bzhin gshegs pa'i zhal gyi bum bzang las/__/rmad byung theg pa mchog gi chos kyi sgo/__/bye ba phrag brgya thos shing 'dzin pa dang /__/phyogs bcu'i zhing du spro bar byed nus shog__/mgon po khyed kyi rnam par thar pa bzhin/__/bsam yas zhing du mi zad 'jug pa can/__/ming tsam thos pas tshul khrims rnam dag nas/__/ngan song kun spangs rgyal bar bdag gyur cig__/thub chen bla ma rdo rje mi 'khrugs pa'i/__/zhing der bdag gi gdul bya ma lus pa/__/blo yi stobs kyis thogs pa med drangs te/__/rgyal ba rgyal sras rgyal mtsho'i sar 'god shog__/mdor na de bzhin gshegs pas mngon dga'i zhing /__/yongs su bkod cing smon lam mdzad pa yi/__/ngo mtshar gnas kun bdag gis myur 'grub ste/__/chos kyi rgyal po'i go 'phang thob par shog__/ces pa'ang bkra shis bde ldan gling gi dben gnas su si tu pa shAkya'i dge slong chos kyi rgya mtshos smon pa dge legs 'phel/__/dge'o//___//!e ma ho/__sngon tshe rnam dag thugs bskyed smon lam mthus/__/da lta shar phyogs mngon dga'i zhing mchog tu/__/mngon par sangs rgyas rgyal ba mi 'khrugs pa/__/'gro ba'i mgon po khyed la gsol ba 'debs/__/khyed ni stobs bcu ldan pa'i ye shes brnyes/__/ma lus shes bya yang dag ji bzhin gzigs/__bdag ni rga na 'chi sogs 'jigs pa brgyas/__/mnar bzhin khyed la skyabs su mchi ba gzigs/__/mgon po khyed ni mtha' yas 'gro ba la/__/snying rje chen pos gzigs pa yol mi mnga'/__/bdag ni shin tu nyam thag 'jigs chen gyis/__/gsor mi rung bar mnar la skyabs mdzod cig__/dbang bcu'i dbang gis phyug pa'i mgon po khyed/__/'gro kun skyobs pa'i mthu dang nus pa'i shugs/__/mtshungs pa med pa rdo rje'i stobs mnga' bas/__/bdag la myur du dbugs dbyung mchog stsol cig__/sems can las kyi mnar ba chos nyid kyang /__/bdag ni lhag par nad dang sdug bsngal dang /__/rkyen ngan 'jigs pa mi bzod du mas mnar/__/skyabs bral yi chad shin tu nyam thag gyur/__/de phyir rmongs dang the tshom rnam rtog brgyas/__/dkrug nas gdung ba'i 'o dod 'bod pa la/__/gzigs pa sgrib pa med pa'i mgon po yis/__/ye shes thugs rjes myur du dgongs par mdzod/__/'jigs dang sdug bsngal 'di nas dbugs dbyung nas/__/'jigs med bde ba chen po thob pa dang /__/rang gzhan don gnyis lhun gyis grub pa yi/__/dngos grub chen po'i dga' ston nye bar stsol/__/lcags glang zla 1tshes 3la mi pham pas sbyar ba'o//___//mang+ga laM//___//