JKCL-KABUM-04-NGA-056

Previous Text Back to Volume PageNext Text

མངའ་བདག་སེམས་དཔའ་ཆེན་པོ་ཆོས་རྒྱལ་ཕུན་ཚོགས་རིག་འཛིན་གྱི་རྣམ་ཐར།

Wylie title	mnga' bdag sems dpa' chen po chos rgyal phun tshogs rig 'dzin gyi rnam thar
Location	chos kyi blo gros bka' 'bum Volume 4, Text 56, Pages 685-687 (Folios 1a1 to 2a4)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. mnga' bdag sems dpa' chen po chos rgyal phun tshogs rig 'dzin gyi rnam thar. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 4: 685-687. Bir, H.P.: Khyentse Labrang, 2012.
Genre	Biographies - Hagiography - rnam thar
Lotsawa House Link	https://www.lotsawahouse.org/tibetan-masters/jamyang-khyentse-chokyi-lodro/chogyal-puntsok-rigdzin
Colophon	ཞེས་རྗེ་ཆོས་ཀྱི་བློ་གྲོས་ལྗགས་རྩོམ་ཕྱག་བྲིས་ཕྱག་བསྟར་མ་ལས་ཞལ་བཤུས་པའོ།།
	zhes rje chos kyi blo gros ljags rtsom phyag bris phyag bstar ma las zhal bshus pa'o//

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

མངའ་བདག་སེམས་དཔའ་ཆེན་པོ་ཆོས་རྒྱལ་ཕུན་ཚོགས་རིག་འཛིན་ནི། ལ་སྟོད་ཀྱི་ལ་ཐང་དུ། ཁྲི་སྲོང་ལྡེ་བཙན་ནས་རྒྱལ་རབས་སོ་དྲུག་པ་ཡབ་བཀྲ་ཤིས་ཁྲི་བཙན་དང་། ཡུམ་ཟངས་དཀར་རྒྱལ་མོ་བསོད་ནམས་སྒྲོལ་མ་གཉིས་ཀྱི་སྲས་སུ་སྐུ་འཁྲུངས། རྒྱལ་མཆོག་སྟག་ཤམ་ཅན་གྱིས་སྐྱེས་བུ་དམ་པར་ལུང་བསྟན། དགུང་ལོ་ཉེར་གཅིག་ལ་དབུས་གཙང་དུ་ཕེབས། སྟག་ཤམ་ལ་གཙུག་ཕུད་ཕུལ། སྨིན་གྲོལ་གྱི་གདམ་པ་གནང་། ཆོས་ཀྱི་རྒྱལ་ཚབ་ཏུ་དབང་བསྐུར། མི་ལོ་བཅུ་གཉིས་ཙམ་ལ་རས་རྐྱང་དང་རླུང་ཟས་ཁོ་ནས་སྒྲུབ་པ་མཛད་པས་གྲུབ་པའི་གོ་འཕང་མཐོན་པོར་གཤེགས། རྟིང་པོ་དཀའ་མེད་དུ་རྒྱལ་པོའི་མཆོད་གནས་ཐོགས་ཅིག་བཞུགས་ནས་ཆུ་རྟ་ལོར་འབྲས་ལྗོངས་ཡོབ་བསམ་དུ་ཕེབས། འབྲས་ལྗོངས་ཆོས་རྒྱལ་ཕུན་ཚོགས་རྣམ་རྒྱལ་དང་མཇལ། རྣལ་འབྱོར་མཆེད་བཞི་འཛོམ་སྟེ་བཀའ་མོལ་གྱིས། ཆུ་ལུག་ལོར་རིན་ཆེན་ཐར་པ་གླིང་དུ་ལྷ་ཁང་བཞེངས། ཁྱིི་ལོར་བཀྲ་ཤིས་སྡིང་དུ་མ་ཎི་སྒྲུབ་པ་འཛུགས། བཀྲ་ཤིས་སྡིང་དུ་བཀྲ་ཤིས་བདེ་ལེགས་བཏབ། གླང་ལོར་ཟིལ་གནོན་དགོན་བཏབ། མ་ཎི་ལྷ་ཁང་དུ་མ་ཎི་དུང་ཕྱུར་གཅིག །དུང་གཉིས་པ་རིན་ཆེན་སྤྲུངས་པ་དང་། གསུམ་པ་སྦར་སྦངས་ཀརྨ་གྲོལ་འཛོམས་དུ་འཛུགས་གྲུབ་ནས། དུང་ཕྱུར་བཞི་པ་ལྔ་པ་བཀྲ་ཤིས་སྡིངས་གི་གཟིམ་ཁང་དུ་གྲུབ་པ་ན་དུང་སོ་སྐྱེས་པ་དང་། བུམ་ཆུ་མི་རུལ་མི་བསྐམ་པ་བྱུང་། སྦས་གནས་ཆེན་པོར་བསྟན་འགྲོའི་དོན་རྒྱ་ཆེན་མཛད་ནས་སྤྲེལ་ལོ་སྤྲེལ་ཟླའི་ཚེས་བཅུ་ལ་འདའ་ཚུལ་བསྟན་པ་ན་སློབ་བུ་རྣམས་ཀྱིས་གསོལ་བ་བཏབ་པའི་ངོར་ཞག་ལྔ་བསྲིངས་ནས་ཚེས་བཅོ་ལྔ་ལ་གཤེགས། དད་ལྡན་རྣམས་ཀྱིས་མཁའ་ལ་སྐྱིལ་ཀྲུང་དུ་གཤེགས་པ་དང་། འོད་དཀར་པོ་མཆོད་རྟེན་དབྱིབས་ཅན་དུ་གཤེགས་པ་དང་། ཟིལ་གནོན་ནས་བྱུང་བའི་བུ་མོ་ཞིག་གིས་ཆགས་ཕྱི་བྱས་ཏེ་མཁའ་སྤྱོད་དུ་གཤེགས་པ་སོགས་མཐོང་སྣང་བྱུང་། ལྷ་བཙུན་ནམ་མཁའ་འཇིགས་མེད་ཀྱི་སྐུ་ཕྲེང་གཉིས་པ་འགྱུར་མེད་རྡོ་རྗེ་འམ། ཀུན་བཟང་འཇིགས་མེད་དབང་པོ། སྐུ་ཕྲེང་གསུམ་པ་འཇིགས་མེད་དཔའ་བོ་གཙང་གི་ཤངས་མདར་གུར་ལྕོགས་ཞེས་པར། ཡབ་གཉོས་རྒྱལ་བ་ལྷ་ནང་པའི་རིགས་བརྒྱུད་ཛ་ཡ་ད་དང་། ཡུམ་གཉན་ཆེན་དཔལ་དབྱངས་ཀྱི་བརྒྱུད་ལས་རིགས་ལྡན་དྲུང་གཉིས་ཀྱི་སྲས་སུ་ཆུ་ཁྱི་དབོ་ཟླའི་ཚེས་བཅོ་ལྔ་ལ་འཁྲུངས། ཕ་མ་གཉིས་ཀྱིས་ལེགས་པའི་རྡོ་རྗེ་བཏགས། སྨིན་གཏེར་རིན་པོ་ཆེར་གཙུག་ཕུད་ཕུལ་བར་ཨོ་རྒྱན་ཆོས་འཕེལ་བཏགས། ལྔ་པ་ཆེན་པོ་དང་། གནས་ཆུང་ཆོས་སྐྱོངས་སོགས་ཀྱིས་ལྷ་བཙུན་འཇིགས་མེད་དབང་པོའི་སྐྱེ་བར་ལུང་བསྟན། དཔལ་རི་སྤྲུལ་སྐུ་ཀུན་བཟང་ཚེ་དབང་རྩར་བཞུགས་ནས་ཀློག་སོགས་སྦྱངས། དབང་ཆོས་ཁ་ཤས་ཡང་ནོས། ཏྲེའོ་ཆོས་དབང་ལྷུན་འགྲུབ། སྨིན་གླིང་དུ་ཕེབས་ནས་རྒྱུན་རིང་བཞུགས་ཏེ། གཏེར་ཆེན་རིན་ཆེན་མཆེད་ལྕམ་སྲས་རྣམས་ལས་སྔ་རྗེས་བཀའ་གཏེར་གྱི་ཆོས་རྒྱ་མཚོ་ཙམ་གསན། རིག་འཛིན་ཕྲིན་ལས་རོལ་པའི་རྡོ་རྗེ། དཔལ་རི་མཚོ་རྒྱལ་སྤྲུལ་སྐུ་སོགས་དམ་པ་མང་པོ་ལས་བཀའ་ཆོས་གསན། འབྲས་ལྗོངས་སུ་པདྨ་ཡང་རྩེ་དང་། གསང་སྔགས་ཆོས་གླིང་གཉིས་བཏབ། འགྲོ་དོན་ཕྲིན་ལས་རྒྱ་ཆེ་ཞིང་། དགུང་གྲངས་ང་གསུམ་པར་མཛོད་ལྔ་རང་བྱུང་མཆོད་རྟེན་འབྲས་དཀར་ཡང་སྟེང་དུ་སྐུ་གཤེགས་སོ། །སྐུ་ཕྲེང་བཞི་པ་ཀུན་བཟང་འཇིགས་མེད་རྒྱ་མཚོ། ཞེས་རྗེ་ཆོས་ཀྱི་བློ་གྲོས་ལྗགས་རྩོམ་ཕྱག་བྲིས་ཕྱག་བསྟར་མ་ལས་ཞལ་བཤུས་པའོ།། །།

[edit]

mnga' bdag sems dpa' chen po chos rgyal phun tshogs rig 'dzin ni/__la stod kyi la thang du/__khri srong lde btsan nas rgyal rabs so drug pa yab bkra shis khri btsan dang /__yum zangs dkar rgyal mo bsod nams sgrol ma gnyis kyi sras su sku 'khrungs/__rgyal mchog stag sham can gyis skyes bu dam par lung bstan/__dgung lo nyer gcig la dbus gtsang du phebs/__stag sham la gtsug phud phul/__smin grol gyi gdam pa gnang /__chos kyi rgyal tshab tu dbang bskur/__mi lo bcu gnyis tsam la ras rkyang dang rlung zas kho nas sgrub pa mdzad pas grub pa'i go 'phang mthon por gshegs/__rting po dka' med du rgyal po'i mchod gnas thogs cig bzhugs nas chu rta lor 'bras ljongs yob bsam du phebs/__'bras ljongs chos rgyal phun tshogs rnam rgyal dang mjal/__rnal 'byor mched bzhi 'dzom ste bka' mol gyis/__chu lug lor rin chen thar pa gling du lha khang bzhengs/__khyi+i lor bkra shis sding du ma Ni sgrub pa 'dzugs/__bkra shis sding du bkra shis bde legs btab/__glang lor zil gnon dgon btab/__ma Ni lha khang du ma Ni dung phyur gcig__/dung gnyis pa rin chen sprungs pa dang /__gsum pa sbar sbangs karma grol 'dzoms du 'dzugs grub nas/__dung phyur bzhi pa lnga pa bkra shis sdings gi gzim khang du grub pa na dung so skyes pa dang /__bum chu mi rul mi bskam pa byung /__sbas gnas chen por bstan 'gro'i don rgya chen mdzad nas sprel lo sprel zla'i tshes bcu la 'da' tshul bstan pa na slob bu rnams kyis gsol ba btab pa'i ngor zhag lnga bsrings nas tshes bco lnga la gshegs/__dad ldan rnams kyis mkha' la skyil krung du gshegs pa dang /__'od dkar po mchod rten dbyibs can du gshegs pa dang /__zil gnon nas byung ba'i bu mo zhig gis chags phyi byas te mkha' spyod du gshegs pa sogs mthong snang byung /__lha btsun nam mkha' 'jigs med kyi sku phreng gnyis pa 'gyur med rdo rje 'am/__kun bzang 'jigs med dbang po/__sku phreng gsum pa 'jigs med dpa' bo gtsang gi shangs mdar gur lcogs zhes par/__yab gnyos rgyal ba lha nang pa'i rigs brgyud dza ya da dang /__yum gnyan chen dpal dbyangs kyi brgyud las rigs ldan drung gnyis kyi sras su chu khyi dbo zla'i tshes bco lnga la 'khrungs/__pha ma gnyis kyis legs pa'i rdo rje btags/__smin gter rin po cher gtsug phud phul bar o rgyan chos 'phel btags/__lnga pa chen po dang /__gnas chung chos skyongs sogs kyis lha btsun 'jigs med dbang po'i skye bar lung bstan/__dpal ri sprul sku kun bzang tshe dbang rtsar bzhugs nas klog sogs sbyangs/__dbang chos kha shas yang nos/__tre'o chos dbang lhun 'grub/__smin gling du phebs nas rgyun ring bzhugs te/__gter chen rin chen mched lcam sras rnams las snga rjes bka' gter gyi chos rgya mtsho tsam gsan/__rig 'dzin phrin las rol pa'i rdo rje/__dpal ri mtsho rgyal sprul sku sogs dam pa mang po las bka' chos gsan/__'bras ljongs su pad+ma yang rtse dang /__gsang sngags chos gling gnyis btab/__'gro don phrin las rgya che zhing /__dgung grangs nga gsum par mdzod lnga rang byung mchod rten 'bras dkar yang steng du sku gshegs so/__/sku phreng bzhi pa kun bzang 'jigs med rgya mtsho/__zhes rje chos kyi blo gros ljags rtsom phyag bris phyag bstar ma las zhal bshus pa'o//____//