JKCL-KABUM-07-JA-027

From Khyentse Lineage - A Tsadra Foundation Project

མགོན་པོ་གསང་ཁྲིད་ཀྱི་རྒྱུན་ཁྱེར་ཉུང་ངུར་དྲིལ་བ་ལྷན་སྐྱེས་གྲུབ་སྟེར།
Wylie title mgon po gsang khrid kyi rgyun khyer nyung ngur dril ba lhan skyes grub ster JKCL-KABUM-07-JA-027.pdf
Location chos kyi blo gros bka' 'bum
Volume 7, Text 27, Pages 521-529 (Folios 1a1 to 5a1)
Author འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation 'jam dbyangs mkhyen brtse chos kyi blo gros. mgon po gsang khrid kyi rgyun khyer nyung ngur dril ba lhan skyes grub ster. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 7: 521-529. Bir, H.P.: Khyentse Labrang, 2012.
Genre Daily Practice - rgyun khyer
Deity nag po chen po
Colophon

།ཅེས་པའང་མང་ཐོས་བློ་གསལ་འཆི་མེད་བསྟན་འཛིན་གྱི་དར་དང་། མེ་ཏོག་ཆུ་སྐྱེས་བཅས་ཀྱི་རྟེན་དང་བཅས་ནན་ཏན་ཆེན་པོས་བསྐུལ་ངོར་ཆོས་ཀྱི་བློ་གྲོས་པས་ཆུ་ལུག་རྒྱལ་ཟླའི་ཚེས་ཉེར་དགུ་ལ་བྲིས་པ་ཚར་ཆེན་ཆོས་ཀྱི་རྒྱལ་པོའི་སྙན་བརྒྱུད་ཟབ་མོའི་བསྟན་པ་མཆོག་ཏུ་རྒྱས་པའི་རྒྱུར་གྱུར་ཅིག །སརྦ་མངྒ་ལཾ། །དགེའོ། །དགེའོ། །དགེའོ།།

/ces pa'ang mang thos blo gsal 'chi med bstan 'dzin gyi dar dang /__me tog chu skyes bcas kyi rten dang bcas nan tan chen pos bskul ngor chos kyi blo gros pas chu lug rgyal zla'i tshes nyer dgu la bris pa tshar chen chos kyi rgyal po'i snyan brgyud zab mo'i bstan pa mchog tu rgyas pa'i rgyur gyur cig__/sarba mang+ga laM/__/dge'o/__/dge'o/__/dge'o//

":Property:textsubnumber|textsubnumber" can not be assigned to a declared number type with value 1.

[edit]
༄༅། །མགོན་པོ་གསང་ཁྲིད་ཀྱི་རྒྱུན་ཁྱེར་ཉུང་ངུར་དྲིལ་བ་ལྷན་སྐྱེས་གྲུབ་སྟེར་ཅེས་བྱ་བ་བཞུགས་སོ། ། ན་མོ་གུ་རུ་མ་ཧཱ་ཀཱ་ལ་ཡ། །བདེ་ཆེན་ཡེ་ཤེས་བསྐྱེད་མཛད་པ། །བླ་མ་མགོན་པོ་ནག་པོ་ཆེ། །བཏུད་ནས་གསང་སྒྲུབ་བསྐྱེད་རྫོགས་ཀྱི། །རྣལ་འབྱོར་ཟབ་དོན་ཉུང་ངུ་དབྱེ། །དེ་ལ་གསང་སྒྲུབ་ཤིན་ཏུ་བསྡུས་ཏེ་སྒོམ་པར་འདོད་པས། སྐྱབས་ཡུལ་གསལ་བཏབ་ལ། བདག་གཞན་འགྲོ་ཀུན་དེང་ནས་བྱང་ཆུབ་བར། །བླ་མ་ནག་པོ་ཆེན་པོར་སྐྱབས་སུ་མཆི། །མཁའ་མཉམ་སེམས་ཅན་མ་ལུས་སྒྲོལ་སླད་དུ། །རིམ་གཉིས་རྣལ་འབྱོར་ཉམས་སུ་བླང་བར་བགྱི། །ཞེས་ཅི་ནུས་དང་། སྐད་ཅིག་རྡོ་རྗེའི་སྲུང་བའི་གུར་ཁང་དུ། །བྲག་ཆེན་པད་ཉི་མི་རོའི་གདན་གྱི་སྟེང་། །རང་ཉིད་དཔལ་ལྡན་རྡོ་རྗེ་ནག་པོ་ཆེ། །གུར་གྱི་མགོན་པོ་ཕོ་ཉ་ལྔ་བསྐོར་གསལ། །ཐུགས་ནས་འོད་འཕྲོས་རྩ་བའི་བླ་མ་དང་། །མགོན་པོ་དབྱེར་མེད་མདུན་མཁར་སྤྱན་དྲངས་ནས། །རང་ལ་ཐིམ་པའི་རྐྱེན་གྱིས་ལུས་ཀྱི་ནང་། །རྩ་གསུམ་འཁོར་ལོ་ལྔ་བཅས་གསལ་བ་ཡི། །གསང་འཁོར་ཆོས་འབྱུང་གྲུ་གསུམ་མཐིང་ནག་དབུས། །ཡུམ་ཆེན་དབྱིངས་ཕྱུག་ཨེ་ཀ་ཛ་ཏྲི་གསལ། །དེ་ལས་འོད་སྔོན་རྩ་གསུམ་ནང་སོང་བས། །སྙིང་སྟོད་དབུ་མར་བླ་མ་ཧེ་རུ་ཀ། སྔོན་པོ་ཞལ་གཅིག་ཕྱག་གཉིས་རྡོ་རྗེ་དང་ཐོད་པ་བདུད་རྩིའི་བཀང་བ་གྲུ་མོར་ཁ་ཊྭཱྃ་ཞབས་གཉིས་གཞེངས་སྟབས་གཡས་བརྐྱངས་གཡོན་བསྐུམས་ཧེ་རུ་ཀའི་ཆས། མཆན། རོ་མར་གུར་མགོན་རྐྱང་མར་འདོད་ཁམས་མ། །བླ་མའི་ཐུགས་ནས་ཧཱུྃ་སྔོན་སྙིང་གར་འཕྲོས། །ཆོས་འཁོར་དབུས་སུ་ཧཱུྃ་གྱུར་དབུ་མ་དང་། །དབྱེར་མེད་འདྲེས་པས་བེར་ནག་ཟངས་གྲི་ཅན། །ཞལ་གཅིག་ཕྱག་གཉིས་གཡས་ཟངས་གྲི་གཡོན་ཐོད་ཁྲག །བེར་གསུམ་བརྩེགས་གསེར་གྱི་སྐེད་ཆིངས་སག་ཏའི་ལྷྭམ་གསོལ་ཞིང་ཞབས་གཡས་ཅུང་ཟད་བསྐུམ་གཡོན་བརྐྱངས། མཆན། རོ་རྐྱང་རྩ་ཡི་ནང་གི་སྟོད་སྨད་དུ། །ཕོ་རྒྱུད་རོ་མ་མོ་རྒྱུད་རྐྱང་མ་རུ། །གུར་མགོན་ཐུགས་ནས་ཡཾ་མཾ་ཏྲི་ཏྲི་བྷྱོ། །མགོན་པོའི་འོག་ཏུ་ནག་པོ་གནོད་སྦྱིན་དང་། །དེ་འོག་པུ་ཏྲ་བྷ་ཏྲ་སྟེང་འོག་འཁོད། །ལྷ་མོའི་འོག་ཏུ་ནག་མོ་གནོད་སྦྱིན་དང་། །དེ་འོག་སྲིང་མོ་རལ་གཅིག་གསལ་བ་ཡི། །རྩ་ནང་ལྷ་རྣམས་གོང་མ་ལས་འོག་མ་རྣམས་ཕྱེད་ཕྱེད་ཀྱིས་ཆུང་བ་རོ་རྐྱང་གི་ལྷ་རྣམས་ཞལ་གདོང་འཛུམས་གཡས་གཡོན་དུ་གཟིགས། དབུ་མའི་ལྷ་ཐད་དྲང་། ལས་མགོན་ཕོ་རྣམས་ཞབས་གཡོན་བརྐྱངས། མོ་རྣམས་གཡས་བརྐྱངས་དུ་བཞུགས། མཆན། ཀུན་གྱི་གནས་གསུམ་ཨོཾ་ཨཱཿཧཱུྃ་གིས་མཚན། །བླ་མའི་ཐུགས་ནས་འོད་འཕྲོས་ཡེ་ཤེས་པ། །སྤྱན་དྲངས་ནང་གི་ལྷན་སྐྱེས་རྒྱུད་གསུམ་ལ། །ཆུ་ལ་ཆུ་བཞག་བཞིན་དུ་དབྱེར་མེད་ཐིམ། །སླར་ཡང་དབང་གི་ལྷ་རྣམས་སྤྱན་དྲངས་ཤིང་། །དབང་བསྐུར་སྒྲིབ་དག་བདེ་ཆེན་ཡེ་ཤེས་བརྙེས། །ཆུ་ལྷག་ཡར་ལུད་སྤྱི་བོར་འཁྱིལ་བ་ལས། །བླ་མ་དང་ནི་མགོན་པོར་མི་བསྐྱོད་པ། །གཞན་རྣམས་རྡོ་རྗེ་སྔོན་པོ་རྩེ་ལྔས་བརྒྱན། །བླ་མ་ཁྱབ་བདག་ཧེ་རུ་ཀ་དཔལ་གྱི། །ཕྱག་གི་རྡོ་རྗེས་དམ་བཞག་དེ་ཉིད་ལས། །རྡོ་རྗེ་ནས་འབྲས་ཙམ་ཚད་སྙིང་ནང་གནས། །མ་ཧཱ་ས་མ་ཡ་ཧ་ན་ཧཱུྃ་ཕཊཿགཏོར་མ་དངོས་སུ་ཡོད་མེད་གང་ལྟར་ཡང་རུང་བཟའ་བཏུང་ལྟ་བུར་དམིགས་ལ། ཨོཾ་ཨཱཿཧཱུྃ་ཧ་ཧོ་ཧྲཱིཿལན་གསུམ་གྱིས་བརླབ། ཨོཾ་ཤྲཱི་མ་ཧཱ་ཀཱ་ལ་ཡ་མ་ཧཱ་ཀཱ་ལི་དེ་ཝི་བཛྲ་ཀརྨ་ནཱ་ཐ་ས་པ་རི་ཝ་ར་ཨི་དཾ་པ་ལིཾ་ཏ་ཁ་ཁ་ཁཱ་ཧི། ལན་གསུམ་གྱིས་ཕུལ། མཚན་སྔགས་མཐར་ཕྱི་མཆོད་དང་། འབྲུ་གསུམ་བཏགས་པའི་ནང་མཆོད་དབུལ། བླ་མ་ཧེ་རུ་ཀ་ཡི་ཐུགས་ཀ་དང་། །ཆོས་སྐྱོང་ལྷ་དགུའི་ཐུགས་ཀར་ཉི་གདན་སྟེང་། ཧཱུྃ་ཧཱུྃ་བྷྱོ་ཧཱུྃ་ཡཾ་མཾ་ཏྲི་ཏྲི་བྷྱོ། །རང་རང་ས་བོན་མཐའ་མར་རང་སྔགས་བསྐོར། །བླ་མའི་ཐུགས་ནས་འོད་འཕྲོས་ལུས་ནང་གང་། །སྡིག་སྒྲིབ་ནད་གདོན་བར་ཆད་བྱང་ཞིང་དག །ལྷན་སྐྱེས་བདེ་ཆེན་ཡེ་ཤེས་རྒྱུད་ལ་སྐྱེས། །ཆོས་སྐྱོང་ལ་ཕོག་འདར་ཞིང་བཀའ་ལ་ཉན། །ཐུགས་མཉེས་བདག་གི་དབང་དུ་འདུས་པར་གྱུར། བླ་མ་ལ་དེ་ཝ་པི་ཙུ། མགོན་པོ་ཡི་གེ་བདུན་མ། ལྷ་མོར་རོ་རུ་བི་ཏིཥྛ། ཟངས་གྲི་ཅན་ལ། ཨོཾ་མ་ཧཱ་ཀཱ་ལ་རུ་པ་ས་མ་ཡ་ཧཱུྃ་ཕཊཿལས་མགོན་ཕོ་མོར་འབོད་སྔགས་རོ་རུ་དང་ཨ་ལི་མ་རྣམས་བཟླ་བ་ནི་བསྙེན་པའོ། །དེ་ནས་སྒྲུབ་པ་ལ་བདེ་བ་སྒྲུབ་པའི་དམིགས་པ་ནི། ཡུམ་ཆེན་སྤྱན་གྱི་བླ་མ་ཧེ་རུ་ཀ། ཟངས་གྲི་ཅན་དང་གཉིས་ཀ་ཡས་མར་གཟིགས། །དེ་བཞིན་རོ་རྐྱང་ལྷ་རྣམས་ཕན་ཚུན་དུ། །ཡབ་ཡུམ་གཟིགས་རེས་རྗེས་ཆགས་བདེ་བ་སྒྲུབ། །ཟག་མེད་བདེ་ཆེན་ཡེ་ཤེས་རྒྱས་པར་བསམ། །རླུང་རོ་བསལ་ལ། ལྟེ་བའི་ཡུམ་ཆེན་འོད་འཕྲོས་སྙིང་གར་སོང་། ཕོ་རྒྱུད་གུར་དང་ལས་མགོན་ཕོ་གསུམ་བསྐུལ་ཞིང་རླུང་སྣ་གཡས་ནས་ཕྱིར་ལྡང་བ་དང་། །ཕོ་ཉ་སྤྲོས་ཤིང་འཇིག་རྟེན་ཁམས་ཀུན་གྱི། །དྲེགས་པ་ཕོ་རྒྱུད་དབང་དུ་འདུས་པ་དང་། །ཚུར་སྣ་གཡས་ནས་འདུས་ཕོ་རྒྱུད་ལ་ཐིམ་གཉིས་མེད་གྱུར། །སླར་ཡང་འོད་འཕྲོས་བདེ་གཤེགས་བྱིན་རླབས་རྣམས། །རླུང་ནང་འཇུག་དང་ལྷན་ཅིག་བྱིན་བསྡུས་བསམ། །དེ་བཞིན་སྣ་ཕུག་གཡོན་དུ་མོ་རྒྱུད་ལྷ་མོ་ལས་མགོན་མོ་གཉིས། སྤྱན་དབུས་ནས། །དབུ་མའི་དྲེགས་པ་གཉིས་ཟངས་གྲི་ཅན་བླ་མ་ཧེ་རུ་ཀ་མེད་རྒྱུད་རྣམས་སྤྲོ། །རླུང་དང་སྦྲགས་ཤིང་དབང་སྡུད་བྱིན་བསྡུ་བྱ། །ལས་སྦྱོར་རྒྱུན་གྱི་དམིགས་པ་ནི། བླ་མ་ཡུམ་ཆེན་གཉིས་ཀའི་ཐུགས་ཀ་ནས། །འོད་ཟེར་དམར་ནག་ཚ་ཞིང་འཚུབ་པ་འཕྲོས། །ཆོས་སྐྱོང་ལ་ཕོག་ཁྲོ་འཁྲུགས་རྔམ་པ་ཡིས། །སྤྲུལ་པ་དྲག་གཏུམ་མཚོན་ཆ་ཐོགས་པ་སྤྲོས། །དགྲ་བགེགས་གནོད་བྱེད་རྡུལ་དུ་བརླག་ཅིང་གསོལ། །རྣམ་ཤེས་རང་སེམས་དང་འདྲེས་འཛིན་མེད་འཇོག །ཤཱ་ས་ནཱ་སྤེལ་ཚིག་ཅན་དང་། གོང་གི་བསྙེན་སྔགས་རེ་རེའི་མཐར། དགྲ་བགེགས་མཱ་ར་ཡ་ཕཊཿཅེས་བཏགས་པ་ཉུང་ཙམ་བཟླ། ཚེ་སྒྲུབ་དང་འཁོན་གཅུག་སྦྱངས་པའི་དམིགས་བཟླས་ནི། ཆོས་སྐྱོང་ལྷ་དགུ་ལྟེ་བར་བཞུགས་པར་གྱུར། །བླ་མ་སྤྱི་བོའི་འཁོར་ལོ་བྱོན་པ་དང་། །རྡོར་སེམས་ཧེ་རུ་ཀར་གྱུར་ཐུགས་ཀ་རུ། །ཟླ་སྟེང་ཧཱུྃ་དཀར་ལྟེ་བའི་ཡུམ་ཆེན་གྱི། །བུམ་པར་བྷྱོ་དཀར་དེ་ལས་འོད་འཕྲོས་པས། །འཁོར་འདས་ཚེ་བསོད་བསྡུས་ཏེ་བུམ་ནང་བསྟིམ། །བདུད་རྩི་ལུད་པས་ལུས་གང་དངོས་གྲུབ་ཐོབ། །རླུང་བུམ་ཅན་འཛིན་པ་དང་། ཨོཾ་ཨེ་ཀ་ཛ་ཊི་དེ་ཝཱི་ཨིནྜ་སི་ཧཱུྃ་བྷྱོ་ཧཱུྃ་མ་མ་ཨ་ཡུཿཔུཥྚིཾ་ཀུ་རུ་ཨོཾ། ཞེས་བཟླ། རྡོར་སེམས་ཧཱུྃ་ལས་བདུད་རྩིའི་རྒྱུན་བབས་པས། །ལུས་གང་ཁྱད་པར་ཆོས་སྐྱོང་འཁོར་བཅས་ཀྱི། །སྐུ་གང་ཐུགས་མཉེས་རབ་ཏུ་དགྱེས་པ་ཡི། །སྲིད་དང་ཞི་བའི་དངོས་གྲུབ་ཐོབ་པར་བསམ། རླུང་འཛིན་པ་དང་། ཧེ་རུ་ཀའི་ཡིག་བརྒྱ་བཟླ་བ་སྤེལ་མཐར། བླ་མ་དང་ཆོས་སྐྱོང་རྣམས་སྔར་བཞིན་རྩ་ནང་སོ་སོར་འཁོད་པར་མོས་ལ། ལས་གཞན་མྱང་འདས་ནི། བླ་མའི་ཐུགས་ཀའི་འོད་ཀྱིས་ཆོས་སྐྱོང་རྣམས། །བསྐུལ་བས་རྩ་གསུམ་ནང་གི་རྒྱུད་གསུམ་པོ། །མས་ནས་རིམ་བཞིན་སྤྲུལ་པ་སྤྲོ་བ་དང་། །ཁམས་གསུམ་ཐམས་ཅད་རྒྱུད་གསུམ་ངོ་བོར་བསྡུ། །འོག་མ་གོང་མར་ཐིམ་ནས་བླ་མར་བསྟིམ། །བླ་མ་ཧེ་རུ་ཀ་ལས་སྐུ་སྤྲོས་ཤིང་། །སེམས་ཅན་སྒྲིབ་སྦྱངས་ཟུང་འཇུག་གོ་འཕང་བཀོད། །བརྟན་གཡོ་བླ་མ་ཧེ་རུ་ཀ་དཔལ་གྱུར། །འོད་ཞུ་ནང་གི་བླ་མ་ལ་ཐིམ་ཞིང་། །རྒྱུད་གསུམ་གཅིག་འདུས་ཞུ་བདེའི་རྣམ་པ་རུ། །འོད་དུ་ཞུ་མ་རག་པ་ཉིད་དུ་གྱུར། །རླུང་བསལ་འོག་རླུང་བསྐུམས་པས་འོད་དུ་ཞུ། །སྟེང་རླུང་མནན་པས་ཐིག་ལེ་སྔོ་འཚེར་ནི། །ཙ་ན་ཀ་ཡི་སྲན་མ་ཚད་ཙམ་སྙིང་དབུས་གནས། །སེམས་གཏད་རླུང་བཟུང་རིག་པ་བརྗོད་མེད་བཞག །སླར་ཡང་བླ་མ་ཆོས་སྐྱོང་ཀུན་འདུས་པའི། །ཐིག་ལེ་ཧཱུྃ་གྱུར་དེ་ལས་ཧཱུྃ་གཅིག་ཆད། །དབུ་ཞབས་བཟློག་སྟེ་འོད་དམར་བ་ཐག་གི། སྣེར་འཁྲིལ་ལྟེ་བའི་ཡུམ་ཆེན་སྤྱི་གཙུག་བརྒྱུད། །གསང་གནས་པད་མར་འདབ་བརྒྱད་ཁ་བྱེ་བའི། །ཟེའུ་འབྲུའི་དབུས་ནས་ཕྱེད་ཙམ་ཐོན་པ་ལ། །སྣང་སྲིད་དྲེགས་པ་རྒྱུད་གསུམ་ཤ་རུལ་ལ། །སྦྲང་བུ་འདུས་བཞིན་སིབ་ཀྱིས་ཐིམ་པ་དང་། །སྣང་སེམས་རོ་གཅིག་བརྗོད་བྲལ་བདེ་ཆེན་དང་། །དུས་གསུམ་རྟོག་པས་མ་བསླད་ངང་དེར་བཞག །གསལ་སྟོང་ཟུང་འཇུག་ལྷན་སྐྱེས་མགོན་པོ་གསལ་ལ། ཐུན་ལས་ལྡང་བ་ན། སྣོད་བཅུད་འོད་ཞུ་སྲུངས་བའི་འཁོར་ལོར་ཐིམ། །དེ་ཡང་རང་ཐིམ་རང་ཡང་མི་དམིགས་འཇོག །སླར་ཡང་རང་ཉིད་མགོན་པོའི་སྐུར་ལྡང་བའི། །གནས་གསུམ་ཨོཾ་ཨཱཿཧཱུྃ་གིས་མཚན་པར་གྱུར། །ཅེས་བརྗོད་རྒྱུན་གྱི་སྤྱོད་ལམ་ལ་འཇུག་པར་བྱའོ། །འདིར་འབད་དགེ་བས་བདག་གཞན་རྣམས། །གཉུག་མ་ལྷན་སྐྱེས་མགོན་པོ་ཡི། །རང་ཞལ་མངོན་སུམ་མཇལ་བ་དང་། །མི་གནས་མྱ་ངན་འདས་ཐོབ་ཤོག །ཅེས་པའང་མང་ཐོས་བློ་གསལ་འཆི་མེད་བསྟན་འཛིན་གྱི་དར་དང་། མེ་ཏོག་ཆུ་སྐྱེས་བཅས་ཀྱི་རྟེན་དང་བཅས་ནན་ཏན་ཆེན་པོས་བསྐུལ་ངོར་ཆོས་ཀྱི་བློ་གྲོས་པས་ཆུ་ལུག་རྒྱལ་ཟླའི་ཚེས་ཉེར་དགུ་ལ་བྲིས་པ་ཚར་ཆེན་ཆོས་ཀྱི་རྒྱལ་པོའི་སྙན་བརྒྱུད་ཟབ་མོའི་བསྟན་པ་མཆོག་ཏུ་རྒྱས་པའི་རྒྱུར་གྱུར་ཅིག །སརྦ་མངྒ་ལཾ། །དགེའོ། །དགེའོ། །དགེའོ།། །།
[edit]

@#/__/mgon po gsang khrid kyi rgyun khyer nyung ngur dril ba lhan skyes grub ster ces bya ba bzhugs so/__/ na mo gu ru ma hA kA la ya/__/bde chen ye shes bskyed mdzad pa/__/bla ma mgon po nag po che/__/btud nas gsang sgrub bskyed rdzogs kyi/__/rnal 'byor zab don nyung ngu dbye/__/de la gsang sgrub shin tu bsdus te sgom par 'dod pas/__skyabs yul gsal btab la/__bdag gzhan 'gro kun deng nas byang chub bar/__/bla ma nag po chen por skyabs su mchi/__/mkha' mnyam sems can ma lus sgrol slad du/__/rim gnyis rnal 'byor nyams su blang bar bgyi/__/zhes ci nus dang /__skad cig rdo rje'i srung ba'i gur khang du/__/brag chen pad nyi mi ro'i gdan gyi steng /__/rang nyid dpal ldan rdo rje nag po che/__/gur gyi mgon po pho nya lnga bskor gsal/__/thugs nas 'od 'phros rtsa ba'i bla ma dang /__/mgon po dbyer med mdun mkhar spyan drangs nas/__/rang la thim pa'i rkyen gyis lus kyi nang /__/rtsa gsum 'khor lo lnga bcas gsal ba yi/__/gsang 'khor chos 'byung gru gsum mthing nag dbus/__/yum chen dbyings phyug e ka dza tri gsal/__/de las 'od sngon rtsa gsum nang song bas/__/snying stod dbu mar bla ma he ru ka/__sngon po zhal gcig phyag gnyis rdo rje dang thod pa bdud rtsi'i bkang ba gru mor kha T+wA~M zhabs gnyis gzhengs stabs g.yas brkyangs g.yon bskums he ru ka'i chas/__mchan/__ro mar gur mgon rkyang mar 'dod khams ma/__/bla ma'i thugs nas hU~M sngon snying gar 'phros/__/chos 'khor dbus su hU~M gyur dbu ma dang /__/dbyer med 'dres pas ber nag zangs gri can/__/zhal gcig phyag gnyis g.yas zangs gri g.yon thod khrag__/ber gsum brtsegs gser gyi sked chings sag ta'i l+h+wam gsol zhing zhabs g.yas cung zad bskum g.yon brkyangs/__mchan/__ro rkyang rtsa yi nang gi stod smad du/__/pho rgyud ro ma mo rgyud rkyang ma ru/__/gur mgon thugs nas yaM maM tri tri b+h+yo/__/mgon po'i 'og tu nag po gnod sbyin dang /__/de 'og pu tra b+ha tra steng 'og 'khod/__/lha mo'i 'og tu nag mo gnod sbyin dang /__/de 'og sring mo ral gcig gsal ba yi/__/rtsa nang lha rnams gong ma las 'og ma rnams phyed phyed kyis chung ba ro rkyang gi lha rnams zhal gdong 'dzums g.yas g.yon du gzigs/__dbu ma'i lha thad drang /__las mgon pho rnams zhabs g.yon brkyangs/__mo rnams g.yas brkyangs du bzhugs/__mchan/__kun gyi gnas gsum oM AHhU~M gis mtshan/__/bla ma'i thugs nas 'od 'phros ye shes pa/__/spyan drangs nang gi lhan skyes rgyud gsum la/__/chu la chu bzhag bzhin du dbyer med thim/__/slar yang dbang gi lha rnams spyan drangs shing /__/dbang bskur sgrib dag bde chen ye shes brnyes/__/chu lhag yar lud spyi bor 'khyil ba las/__/bla ma dang ni mgon por mi bskyod pa/__/gzhan rnams rdo rje sngon po rtse lngas brgyan/__/bla ma khyab bdag he ru ka dpal gyi/__/phyag gi rdo rjes dam bzhag de nyid las/__/rdo rje nas 'bras tsam tshad snying nang gnas/__/ma hA sa ma ya ha na hU~M phaTaHgtor ma dngos su yod med gang ltar yang rung bza' btung lta bur dmigs la/__oM AHhU~M ha ho hrIHlan gsum gyis brlab/__oM shrI ma hA kA la ya ma hA kA li de wi badz+ra karma nA tha sa pa ri wa ra i daM pa liM ta kha kha khA hi/__lan gsum gyis phul/__mtshan sngags mthar phyi mchod dang /__'bru gsum btags pa'i nang mchod dbul/__bla ma he ru ka yi thugs ka dang /__/chos skyong lha dgu'i thugs kar nyi gdan steng /__hU~M hU~M b+h+yo hU~M yaM maM tri tri b+h+yo/__/rang rang sa bon mtha' mar rang sngags bskor/__/bla ma'i thugs nas 'od 'phros lus nang gang /__/sdig sgrib nad gdon bar chad byang zhing dag__/lhan skyes bde chen ye shes rgyud la skyes/__/chos skyong la phog 'dar zhing bka' la nyan/__/thugs mnyes bdag gi dbang du 'dus par gyur/__bla ma la de wa pi tsu/__mgon po yi ge bdun ma/__lha mor ro ru bi tiSh+Tha/__zangs gri can la/__oM ma hA kA la ru pa sa ma ya hU~M phaTaHlas mgon pho mor 'bod sngags ro ru dang a li ma rnams bzla ba ni bsnyen pa'o/__/de nas sgrub pa la bde ba sgrub pa'i dmigs pa ni/__yum chen spyan gyi bla ma he ru ka/__zangs gri can dang gnyis ka yas mar gzigs/__/de bzhin ro rkyang lha rnams phan tshun du/__/yab yum gzigs res rjes chags bde ba sgrub/__/zag med bde chen ye shes rgyas par bsam/__/rlung ro bsal la/__lte ba'i yum chen 'od 'phros snying gar song /__pho rgyud gur dang las mgon pho gsum bskul zhing rlung sna g.yas nas phyir ldang ba dang /__/pho nya spros shing 'jig rten khams kun gyi/__/dregs pa pho rgyud dbang du 'dus pa dang /__/tshur sna g.yas nas 'dus pho rgyud la thim gnyis med gyur/__/slar yang 'od 'phros bde gshegs byin rlabs rnams/__/rlung nang 'jug dang lhan cig byin bsdus bsam/__/de bzhin sna phug g.yon du mo rgyud lha mo las mgon mo gnyis/__spyan dbus nas/__/dbu ma'i dregs pa gnyis zangs gri can bla ma he ru ka med rgyud rnams spro/__/rlung dang sbrags shing dbang sdud byin bsdu bya/__/las sbyor rgyun gyi dmigs pa ni/__bla ma yum chen gnyis ka'i thugs ka nas/__/'od zer dmar nag tsha zhing 'tshub pa 'phros/__/chos skyong la phog khro 'khrugs rngam pa yis/__/sprul pa drag gtum mtshon cha thogs pa spros/__/dgra bgegs gnod byed rdul du brlag cing gsol/__/rnam shes rang sems dang 'dres 'dzin med 'jog__/shA sa nA spel tshig can dang /__gong gi bsnyen sngags re re'i mthar/__dgra bgegs mA ra ya phaTaHces btags pa nyung tsam bzla/__tshe sgrub dang 'khon gcug sbyangs pa'i dmigs bzlas ni/__chos skyong lha dgu lte bar bzhugs par gyur/__/bla ma spyi bo'i 'khor lo byon pa dang /__/rdor sems he ru kar gyur thugs ka ru/__/zla steng hU~M dkar lte ba'i yum chen gyi/__/bum par b+h+yo dkar de las 'od 'phros pas/__/'khor 'das tshe bsod bsdus te bum nang bstim/__/bdud rtsi lud pas lus gang dngos grub thob/__/rlung bum can 'dzin pa dang /__oM e ka dza Ti de wI in+Da si hU~M b+h+yo hU~M ma ma a yuHpuSh+TiM ku ru oM/__zhes bzla/__rdor sems hU~M las bdud rtsi'i rgyun babs pas/__/lus gang khyad par chos skyong 'khor bcas kyi/__/sku gang thugs mnyes rab tu dgyes pa yi/__/srid dang zhi ba'i dngos grub thob par bsam/__rlung 'dzin pa dang /__he ru ka'i yig brgya bzla ba spel mthar/__bla ma dang chos skyong rnams sngar bzhin rtsa nang so sor 'khod par mos la/__las gzhan myang 'das ni/__bla ma'i thugs ka'i 'od kyis chos skyong rnams/__/bskul bas rtsa gsum nang gi rgyud gsum po/__/mas nas rim bzhin sprul pa spro ba dang /__/khams gsum thams cad rgyud gsum ngo bor bsdu/__/'og ma gong mar thim nas bla mar bstim/__/bla ma he ru ka las sku spros shing /__/sems can sgrib sbyangs zung 'jug go 'phang bkod/__/brtan g.yo bla ma he ru ka dpal gyur/__/'od zhu nang gi bla ma la thim zhing /__/rgyud gsum gcig 'dus zhu bde'i rnam pa ru/__/'od du zhu ma rag pa nyid du gyur/__/rlung bsal 'og rlung bskums pas 'od du zhu/__/steng rlung mnan pas thig le sngo 'tsher ni/__/tsa na ka yi sran ma tshad tsam snying dbus gnas/__/sems gtad rlung bzung rig pa brjod med bzhag__/slar yang bla ma chos skyong kun 'dus pa'i/__/thig le hU~M gyur de las hU~M gcig chad/__/dbu zhabs bzlog ste 'od dmar ba thag gi/__sner 'khril lte ba'i yum chen spyi gtsug brgyud/__/gsang gnas pad mar 'dab brgyad kha bye ba'i/__/ze'u 'bru'i dbus nas phyed tsam thon pa la/__/snang srid dregs pa rgyud gsum sha rul la/__/sbrang bu 'dus bzhin sib kyis thim pa dang /__/snang sems ro gcig brjod bral bde chen dang /__/dus gsum rtog pas ma bslad ngang der bzhag__/gsal stong zung 'jug lhan skyes mgon po gsal la/__thun las ldang ba na/__snod bcud 'od zhu srungs ba'i 'khor lor thim/__/de yang rang thim rang yang mi dmigs 'jog__/slar yang rang nyid mgon po'i skur ldang ba'i/__/gnas gsum oM AHhU~M gis mtshan par gyur/__/ces brjod rgyun gyi spyod lam la 'jug par bya'o/__/'dir 'bad dge bas bdag gzhan rnams/__/gnyug ma lhan skyes mgon po yi/__/rang zhal mngon sum mjal ba dang /__/mi gnas mya ngan 'das thob shog__/ces pa'ang mang thos blo gsal 'chi med bstan 'dzin gyi dar dang /__me tog chu skyes bcas kyi rten dang bcas nan tan chen pos bskul ngor chos kyi blo gros pas chu lug rgyal zla'i tshes nyer dgu la bris pa tshar chen chos kyi rgyal po'i snyan brgyud zab mo'i bstan pa mchog tu rgyas pa'i rgyur gyur cig__/sarba mang+ga laM/__/dge'o/__/dge'o/__/dge'o//___//

Footnotes

Other Information