Property:colophontib
From Khyentse Lineage - A Tsadra Foundation Project
This is a property of type Text.
བ
མེ་ཕོ་རྟ་ཡི་ལོ་མགོ་ཟླ་བ་ལ་རྟེན་འབྲེལ་དུས་བབས་ཀྱི་ཌཱཀྐིས་ཡང་ཡང་བསྐུལ་ལྟར་སྤྲུལ་སྒྱུར་ཨ་ཙར་དམར་པོས་ཡང་གསང་བརྡ་རིས་ལས་དག་པར་ཕབ་པའི་ཡི་གེ་པ་ནི་བཻ་རོའི་རྣམ་སྤྲུལ་རིག་པའི་ཡེ་ཤེས་ཀྱིས་བགྱིས་པ་ཤིན་ཏུ་ཟབ་པའི་མཐར་ཐུག་པ་མ་དྷིཿ +
བླ་མ་དྲག་འཁྲོས་ཐུགས་ཀྱི་སྒྲུབ་པ་ལསཿ དང་པོ་ལོ་རྒྱུས་གསང་བའི་ཡིག་ཆུང་འདིཿ ཡེ་ཤེས་མཁའ་འགྲོའི་བརྡ་རིས་ཆེན་མོ་ལསཿ ཁྲག་འཐུང་ལས་ཀྱི་རྡོ་རྗེས་ཕབ་པ་བཞིནཿ ཡི་གེའི་འདུ་བྱེད་རིག་པའི་ཡེ་ཤེས་སོཿ ས་མ་ཡཱཿ རྒྱ་རྒྱ་རྒྱཿ ཁ་ཐཾཿ གུ་ཧྱཿ དགེ་བསྙེན་སྨྱོ་ཁ་ནག་པོ་ཡིསཿ གཏེར་གྱི་སྲུང་མ་གྱིས་ལ་མ་གཡེལ་ཅིགཿ ན་རཀྐནཿ དགེའོཿ +
པདྨ་ཐོད་ཕྲེང་བཀའ་བཞིན་དུཿ ངོ་མཚར་གསང་བའི་བརྡ་རིས་ལསཿ འཁྲུལ་ཞིག་འཇའ་ལུས་རྡོ་རྗེ་ཕབསཿ རིག་པའི་ཡེ་ཤེས་ཡི་གེར་བཀོདཿ ཟབ་པའི་མཐར་ཐུག་ཨེ་མ་ཧོཿ +
རང་ལ་གདུག་རྩུབ་མ་བྱེད་ཚེ་བསོད་སྤེལཿ མངོན་ཤེས་མིག་གིས་ལྟོས་ལ་གདུག་སེམས་ལྡནཿ +
ཅེས་པ་འདི་ཡང་བདག་འདྲ་དུས་མཐའི་གཏེར་སྨྱོན་ཁྲག་འཐུང་རྒྱལ་པོས་གསང་བའི་བརྡ་རིས་ལས་དག་པར་ཕབ་ཅིང་ཡི་གེ་པ་ནི་རིག་པའི་ཡེ་ཤེས་ཀྱིས་བགྱིས་ཤིན་ཏུ་བཀའ་གཉན་ཞིང་རྣོ་མྱུར་བྱིན་རླབས་ཀྱི་ཚན་ཁ་ཆེ་བས་གསང་བའི་བཀའ་རྒྱ་ཅན་གྱི་སྐོར་རོཿ +
ཞེས་པ་འདིའང་བེ་ཧར་རང་གཟུགས་བསྟན་ཅིང་སྲོག་སྙིང་ཕུལ་བའི་ཚེཿ གསང་ཡུམ་ཌཱཀྐི་མའི་བརྡས་བསྐུལ་བ་ལྟརཿ རྒྱལ་པོ་སྲོག་བདག་རང་གི་མགུལ་གྭའི་བླ་དཔེ་ལས་དག་པར་ཕབ་པའི་ཡི་གེ་པ་ནི་བདེ་ཆེན་རིག་པའི་ཡེ་ཤེས་ཏེ་འདི་ནི་པེ་ཧར་སྲོག་གི་བླ་རྡོ་འཁྲུལ་མེད་དོཿ དགེའོ། +
བརྡ་རྟགས་མེ་ཕོ་རྟ་ཡི་ལོ་ལ་ཤརཿ ལོ་དགུའི་བར་དུ་དམ་དུ་གསང་རྒྱས་བཏབཿ ཤིང་ཁམས་ཡོས་ལོ་རྟེན་འབྲེལ་དུས་བབ་ཚེཿ ཁྲག་འཐུང་རིག་འཛིན་ནུས་ལྡན་རྡོ་རྗེ་ཡིསཿ འཇའ་ཚོན་བརྡ་རིས་ངོས་ནས་དག་པར་ཕབཿ ཡུམ་ཆེན་ཞབས་བརྟན་ཐུགས་དགོངས་རྫོགས་ཕྱིར་ཕུལཿ སྐུ་ཚེ་འགྲོ་དོན་མཐའ་རུ་ཕྱིན་པར་ཤོགཿ ཡི་གེའི་འདུ་བྱེད་ཌཱཀྐིའི་ཉེ་གནས་སྲསཿ འོད་ཟེར་མཐའ་ཡས་ཞེས་བྱས་བགྱིས་པ་དགེཿ +
བདག་འདྲ་གཏེར་སྨྱོནཿ ཁྲག་འཐུང་རྔམས་བརྗིད་རྒྱལ་པོས་མེ་ཕོ་རྟ་ཡི་ལོ་གྲོ་བཞིན་ཟླ་བའི་དམར་ཕྱོགས་ལ་དག་པར་ཕབ་པའི་ཡི་གེ་པ་ནི་ཐུགས་སྲས་རིག་པའི་ཡེ་ཤེས་ཀྱིས་བགྱིས་ཤིང་སྐབས་སུ་མི་མ་ཡིན་སྙིང་འགས་པའི་འཚུབས་སློང་སྣ་ཚོགས་ཀྱང་ཕྱུང་ཞིང་འདི་ཉིད་ཤིན་ཏུ་བཀའ་གཉན་ཞིང་བྱིན་རླབས་རྣོ་མྱུར་ཆེ་བའི་རྟགས་མཚན་མངོན་གྱུར་དུ་རིག་པ་དང་མ་ཚད་ཀླུ་བདུད་འདི་བཞིན་ལས་གདུག་རྩུབ་ཆེ་བས་དམ་ཚིག་ལ་གཅེས་སྤྲས་བྱེད་པ་གལ་ཆེའོཿ +
།ཅེས་པའང་དྷརྨ་མ་ཏིས་སོ།། +
ཅེས་པའང་སྦྱིན་བདག་ཆེན་པོ་ནས་སྙིང་ཐིག་སྐོར་རྣམས་ཀྱི་སྤར་གསར་གྱི་གླེགས་བམ་གནང་སྦྱིན་དུ་སྩལ་བ་དང་། སྤར་བྱང་བྲིས་ཤིག་ཅེས་ལྷ་རྫས་བཅས་གསུང་བསྐུལ་ངོར། མཁྱེན་བརྩེའི་དབང་པོའི་སྤྲུལ་པའི་ཆ་ཤས་སུ་མིང་གི་དབང་བསྐུར་ཐོབ་པ། འཇམ་དབྱངས་ཆོས་ཀྱི་བློ་གྲོས་རིས་མེད་བསྟན་པའི་རྒྱལ་མཚན་དུ་འབོད་པས། ས་ཕག་ཟླ་དང་པོའི་དམར་ཕྱོགས་ཀྱི་རྫོགས་པ་ལྔ་པར་འབྲས་ལྗོངས་སྒང་ཐོག་གི་གཙུག་ལག་ཁང་དུ་བྲིས་པ་དགེ་ཞིང་བཀྲ་ཤིས་པར་གྱུར་ཅིག། +
བླ་མ་ཡིད་བཞིན་འཁོར་ལོའི་ཐུགས་དམ་གནད་ནས་སྐུལ་བའི་གསོལ་འདེབས་འཆི་མེད་ཚེ་དང་ཡེ་ཤེས་གྲུབ་པའི་དབྱངས་སྙན། +
།ཞེས་འཕགས་མ་ཡིད་བཞིན་འཁོར་ལོའི་ཐུགས་དམ་གནད་ནས་བསྐུལ་བའི་གསོལ་འདེབས། ཐུན་མོང་མ་ཡིན་པའི་ཟབ་ཁྲིད་ཀྱི་ལམ་རིམ་དང་འབྲེལ་བ་འདི་ཡང་ཤཱཀྱའི་བཙུན་པ་འཇམ་དབྱངས་མཁྱེན་བརྩེའི་དབང་པོས་བག་ཡོད་ཅེས་པ་ཆུ་མོ་གླང་གི་གནམ་ལོ་གསར་དུ་འཆར་བའི་དུས་ཀྱི་དགེ་མཚན་ཕུན་སུམ་ཚོགས་པའི་ཉིན་གསོལ་བ་བཏབ་པའི་ཡི་གེ་པ་ནི། གནས་ལྔ་རིག་པའི་པཎྜི་ཏ་ཆེན་པོ་འཇམ་དབྱངས་ལེགས་བཤད་རྒྱ་མཚོས་མཛད་པའི་དགེ་བས་འགྲོ་ཀུན་འཆི་མེད་གྲུབ་པའི་དགའ་སྟོན་ལ་ལོངས་སུ་སྤྱོད་པའི་རྒྱུར་གྱུར་ཅིག +
།ཅེས་པའང་སྔ་སོར་དད་དམ་གཏོང་བའི་ནོར་གྱིས་མངོན་པར་མཐོ་བ་ཕྱག་མཛོད་བློ་གྲོས་བཟང་པོ་དང་། རྣམ་དཔྱོད་ཀྱི་ནོར་ཅན་འཇམ་དབྱངས་ཡོན་ཏན། ཉེ་བར་གནས་པ་ཚུལ་ཁྲིམས་རྒྱ་མཚོ་རྣམས་ཀྱིས་བླ་མ་ལ་གསོལ་བ་འདེབས་པ་ལམ་རིམ་གྱི་སྨོན་ལམ་དང་བཅས་པ་ཞིག་དགོས་ཞེས་བསྐུལ་བ་དང་། སླད་ཀྱིས་ཁྱབ་བདག་རྡོ་རྗེ་བཙུན་མོའི་ཡེ་ཤེས་གཟིགས་པའི་བདུད་རྩིས་བློ་གྲོས་ཀྱི་པདྨོ་ཁ་ཡོངས་སུ་བྱེ་བ་སྒྲུབ་བརྩོན་རྣལ་འབྱོར་གྱི་དབང་ཕྱུག་ཆོས་དབྱིངས་དཔལ་ལྡན་དང་། སྒྲུབ་བརྩོན་བློ་གྲོས་དཔལ་ལྡན་ཟུང་གིས་རྒྱང་རིང་མོ་ནས་ནན་ཏན་ཆེན་པོས་ཚུལ་འདི་ལྟ་བུ་ཞིག་གྱིས་ཤིག་ཅེས་བསྐུལ་བ་ལ་བརྟེན་ནས་རྗེ་བཙུན་བླ་མ་དམ་པ་རྣམས་ཀྱི་བྲན་དུ་གྱུར་པའི་ཀུན་རྨོངས་ཀུན་ཏུ་རྒྱུ་འཇམ་དབྱངས་མཁྱེན་བརྩེའི་དབང་པོས་ཡོན་ཏན་རིན་པོ་ཆེ་དུ་མའི་འབྱུང་གནས་དཔལ་ཨེ་ཝྃ་ཆོས་ལྡན་གྱི་བླ་བྲང་ཐར་པ་རྩེར། ལྷག་བསམ་དག་པས་གང་ཤར་རྩེ་གཅིག་ཏུ་གསོལ་བ་བཏབ་པའི་དགེ་བས་འདི་ཉིད་ཁ་ཏོན་དུ་བགྱིད་པ་སོགས་འབྲེལ་ཚད་རྣམས་ཀྱི་རྒྱུད་ལ་བྱང་ཆུབ་ཀྱི་སེམས་རིན་པོ་ཆེ་བཅོས་མིན་དུ་སྐྱེ་བའི་རྒྱུར་གྱུར་ཅིག །སརྦ་དཱ་ཀ་ལྱཱ་ཎཾ་བྷ་བ་ཏུ།། +
།ཅེས་པའང་ལྕགས་ར་བསམ་འགྲུབ་རྩེའི་ལྷ་བྲིས་པ་བློ་གྲོས་ཆོས་འཕེལ་ནས་བཟང་གོས་སྟེགས་ཁེབས་བཅས་བསྐུལ་ངོར། འཇམ་དབྱངས་ཆོས་ཀྱི་བློ་གྲོས་པས་གྲོ་བཞིན་ཟླ་བའི་ཡར་ཚེས་བརྒྱད་བཟང་པོར་འདོན་བདེར་བསྒྲིགས་པའི། ཡི་གེ་པ་ཆབ་མདོ་སྐྱོ་མདའ་སྤྲུལ་སྐུ་འཇམ་དབྱངས་ཆོས་ཀྱི་ཉིན་བྱེད་ཀྱིས་སྒོ་གསུམ་གུས་པས་བགྱིས་པ་སྟེ་འདིས་ཀྱང་མཐའ་ཡས་པའི་བསྟན་པ་དང་སེམས་ཅན་ལ་ཕན་བདེ་རྒྱ་ཆེན་པོ་འབྱུང་ཞིང་། འདོད་རྒུའི་འབྱོར་པ་རྫོགས་ལྡན་དཔལ་གྱིས་ཁྱབ་པའི་རྒྱུར་གྱུར་ཅིག །།། +
ཞེས་པའང་ཌཱ་ཀིའི་དབང་མོ་ཚེ་རིང་ཆོས་སྒྲོན་ནས་གསུང་བསྐུལ་ངོར། ཆོས་མེད་དྲེད་པོ་ཆོས་ཀྱི་བློ་གྲོས་པས་བྲིས་པའོ།། +
ཅེས་པའང་འཇམ་དབྱངས་ཆོས་ཀྱི་བློ་གྲོས་པས་བྲིས་བ་དགེ། +
།ཞེས་དད་ལྡན་ཆོས་ལ་བསྐུལ་ཕྱིར་མངྒ་ལ་ཤྲཱི་བྷུ་ཏིས་བྲིས་པ་དོན་དང་ལྡན་པར་གྱུར་ཅིག །དགེའོ། +
།ཅེས་པའང་གཙུག་ལག་དུ་མ་བལྟ་བའི་བློ་གྲོས་ཀྱི་མིག་དང་ལྡན་པ་ལྷོ་བྲག་ལྷ་ལུང་ཐེག་མཆོག་རབ་རྒྱས་གླིང་གི་བཙུན་པ་ངག་དབང་མཆོག་ལེགས་ནས་གསུང་བསྐུལ་བཞིན་དཔལ་མགོན་བླ་མ་རྣམས་ཀྱི་བྲན་དུ་སྐྱེས་བའི་རྒན་པོ་མངྒ་ལས་བྲིས་པ་དོན་དང་ལྡན་པར་གྱུར་ཅིག +
།ཅེས་པའང་རྣམ་པར་དཀར་བའི་དད་མོས་བློ་གྲོས་གསལ་བ་འབྲུག་ཆོས་རྩེའི་དགེ་སློང་སངས་རྒྱས་ཆོས་འགྲུབ་ནས་ཆེད་དུ་བསྐུལ་བ་བཞིན་རྫོགས་པའི་སངས་རྒྱས་དངོས་དང་ཞལ་མི་གཉིས་པའི་རིས་མེད་མཁས་གྲུབ་དུ་མས་རྗེས་སུ་བཟུང་བའི་སྐལ་བཟང་ཐོབ་པའི་མདོ་ཁམས་ཤར་ཕྱོགས་ཀྱི་ཀུ་སཱ་ལི་བཀྲ་ཤིས་དཔལ་འབྱོར་མཁྱེན་བརྩེའི་འོད་ཟེར་དུ་འབོད་པས་ལྷོ་འབྲུག་རྒྱལ་ཁབ་ཏུ་གནས་པའི་སྐབས་བྲིས་པ་འདིས་ཀྱང་སྐྱེ་ཀུན་དཔལ་ལྡན་བླ་མས་རྗེས་སུ་འཛིན་པའི་རྒྱུར་གྱུར་ཅིག +
།ཞེས་པའང་ལྷོ་འབྲུག་གི་དགེ་སྦྱོང་སྤོང་བ་པ་ཀརྨ་ཚུལ་ཁྲིམས་གཞན་ཕན་པས་སྤར་དུ་བསྒྲུབས་པར་བླ་མ་རྒྱང་འབོད་ཞིག་དགོས་ཞེས་བསྐུལ་བ་ལྟར་མཁས་གྲུབ་བླ་མ་དུ་མས་རྗེས་སུ་བཟུང་བའི་སྐལ་བཟང་ཅན་མངྒ་ལས་བྲིས་པ་འགྲོ་ཀུན་ཆོས་བཞིན་སྤྱོད་པའི་དགེ་བའི་བཤེས་ཀྱིས་རྗེས་སུ་འཛིན་པའི་རྒྱུར་གྱུར་ཅིག །དགེའོ། +
།ཅེས་པའང་ཆོས་དང་འཇིག་རྟེན་གྱི་བྱ་བཞག་མེད་པས་བག་ཡངས་ཤིང་། རང་རྒྱུད་སྡོམ་པས་མ་བསྡོམས་པས་ལྷོད་པོར་གྱུར་པ་དེས་གྲོགས་མཆོག་ཟུང་གི་བཀའ་མ་ལྡོག་ནས་བྲིས་པའོ། +
