Property:colophontib
From Khyentse Lineage - A Tsadra Foundation Project
This is a property of type Text.
ད
ཡང་ཟབ་པདྨ་སྙིང་ཐིག་གི༔ སྔོན་འགྲོ་རིམ་པ་འདི་ཉིད་ཀྱང་༔ མཐུ་སྟོབས་བདུད་འདུལ་རྩལ་གྱིས་ཕབ༔ རྒྱ་རྒྱ་རྒྱ༔ +
།ཅེས་རྫོགས་ཆེན་སྡེ་གསུམ་གྱི་དབང་གི་མཛེས་རྒྱན་ཟིན་ཐུན་འདི་ཡང་གཏེར་ཆེན་མཆོག་གྱུར་གླིང་པའི་རྣམ་རོལ་ཐུགས་རྗེའི་བཀའ་དྲིན་གྱི་དཔལ་མགོན་དམ་པར་གྱུར་པ་ངེས་དོན་གྲུབ་པའི་རྡོ་རྗེའི་བཀའ་བསྩལ་རིན་པོ་ཆེ་སྤྱི་བོར་བཅིངས་ཏེ་འབྲི་གཞིའི་ཤོག་བུ་སོགས་ཀྱང་གནང་བ་ལ་བརྟེན་འཇམ་དབྱངས་བློ་གྲོས་རྒྱ་མཚོའམ་གཙུག་ལག་ལུང་རིགས་ཉི་མ་སྨྲ་བའི་སེང་གེ་ཐུབ་བསྟན་བཤད་སྒྲུབ་རྒྱལ་མཚན་དཔལ་བཟང་པོས་གནས་བརྟན་དགོན་གྱི་ཆོས་གྲྭ་གསང་སྔགས་རྡོ་རྗེ་བཀོད་པའི་ཕོ་བྲང་གི་དབུ་རྩེར་སྨིན་ཟླའི་ཚེས་༢༠་ནས་དབུ་བརྩམས་ཏེ་ཟླ་བ་དེའི་དམར་ཕྱོགས་མཁའ་འགྲོ་འདུ་བའི་ཚེས་༢༥་ལ་ཉི་མ་འཆར་ཁའི་དུས་སུ་ཡོངས་སུ་གྲུབ་པར་བགྱིས་པ་འདིས་ཀྱང་ཟབ་ཆོས་རིན་པོ་ཆེའི་བསྟན་པ་ཕྱོགས་དུས་ཀུན་ཏུ་ཁྱབ་པ་དང་ཡིད་ཅན་ཐམས་ཅད་དཔལ་ལྡན་བླ་མ་ཀུན་ཏུ་བཟང་པོའི་གོ་འཕང་ཐོབ་པའི་རྒྱུར་གྱུར་ཅིག །སླད་ནས་འདིར་མི་གསལ་བའི་བརྒྱུད་འཛིན་གཏེར་སློབ་ཐུན་མིན་མཁན་ཆེན་རཏྣའི་གསུང་སྡེ་གསུམ་གྱི་མན་ངག་སྒོམ་ཁྲིད་ལེའུ་ཚན་ཆེ་ཆུང་རིགས་དང༌། རྩ་དཀྱིལ་དཔེའུ་རིས། ཟུར་རྒྱན་ཁྲིགས་ཟིན་སྐོར་བཅས་འདི་ཉིད་ཀྱི་རྒྱབ་རྟེན་སྐབས་ཁོང་དུ་ཆུད་པ་གལ་ཆེ་སྙམ་འཕྲོས་སུ་སྨོས་པ་དང༌། དབང་ཟིན་འདི་ཉིད་ཀྱི་དགོངས་དོན་ལ་གསར་སྤྲོས་ཅུང་ཟད་སྤེལ་བ་པོ་མཆོག་གཏེར་དབོན་རྒྱུད་དུ་སྐྱེས་པ་གཏེར་སྲས་སྤྲུལ་མིང་པ་དང༌། བསམ་གཏན་རྒྱ་མཚོ་ཟུང་གིས་གོ་བསྡུར་ཞུས་ཤིང་ཡི་གེའི་འདུ་བྱེད་ཉེ་གནས་ཀརྨ་བདུད་འདུལ་ནས་བགྱིས་པ་འདིས་ཀྱང་ཀུན་བཟང་ཐུགས་ཀྱི་བསྟན་པ་འཕེལ་བའི་ཆ་རྐྱེན་དུ་གྱུར་ཅིག ༈ སྤྲུལ་པའི་གཏེར་སྟོན་གྲུབ་ཐོབ་ཡོངས་ཀྱི་རྒྱལ་པོ་ཨོ་རྒྱན་མཆོག་གྱུར་བདེ་ཆེན་ཞིག་པོ་གླིང་པའི་ཟབ་གཏེར་གྱི་སྙིང་བཅུད་ལོ་ཆེན་རྣམ་སྣང་སྲུང་བའི་ཐུགས་ཏིག །བཀའ་བབས་སྙིང་ཐིག་བརྒྱ་རྩའི་ཡང་ཏིག་རྫོགས་ཆེན་སྡེ་གསུམ་གྱི་ཆོས་སྐོར་ཡོངས་སུ་རྫོགས་པའི་དབང་ཁྲིགས་ཐམས་ཅད་མཁྱེན་གཟིགས་འཇམ་དབྱངས་ཆོས་ཀྱི་བློ་གྲོས་རིན་པོ་ཆེས་མཛད་པ་འདི་ཉིད་སྨིན་གྲོལ་གསན་པའི་སྐབས་དེར་འཕྲལ་དུ་བླ་མའི་བཀའ་བཞིན་ཕྱག་བྲིས་གནང་བ་ཙམ་ལས་རྗེས་ནས་དཔྱད་ཞུས་འཕྲི་བསྣན་སོགས་གཏན་ནས་མ་བྱུང་བས་དེ་རིགས་ཁྱོད་ཀྱིས་ཞབས་ཏོག་སྒྲུབ་པར་འོས་ཞེས་སྦས་ཡུལ་འབྲས་མོ་ལྗོངས་ནས་བོད་ཡུལ་དབུས་གྱུར་འཆང་དུ་རླུང་ཕྲིན་གྱི་ལམ་ནས་གསུང་གི་ཐ་མ་འདས་རྗེས་ལྟ་བུར་བསྩལ་བ་བླ་མའི་བཀའ་སྒྲུབ་པ་དང་རང་འདྲའི་བློ་རྨོངས་ལ་ཕན་སེམས་ཀྱིས་གཏེར་གཞུང་རྡོ་རྗེའི་ཚིག་དང་རིགས་མཐུན་གྱི་ཡིག་ཆ་ལ་གོ་བསྡུར་ཞིབ་དཔྱད་ཀྱིས་བླ་མར་གསོལ་བ་བཏབ་བཞིན་གུས་སློབ་ཐ་ཆུང་མངྒ་ལ་ཤྲཱི་བྷཱུ་ཏིའམ་འོད་གསལ་རྡོ་རྗེ་ཐུགས་མཆོག་རྩལ་གྱིས་ལྷོ་མོན་ཤིང་ལོའི་ཚལ་ན་ཡིབ་པའི་སྐབས་རང་ལོ་རེ་གཅིག་གི་སྟེང་ནོར་སྐྱོང་གི་ལོ་གྲོ་བཞིན་ཟླ་བའི་ཚེས་བཅུར་རྫོགས་པར་བྲིས་ཏེ་རྗེ་བླ་མའི་མཆོག་སྤྲུལ་རིན་པོ་ཆེར་སྨིན་གྲོལ་ཚང་སྤྲུགས་སུ་ཕུལ་བས། རང་གཞན་གྱི་རྒྱུད་ལ་སྒྲིབ་པའི་རྒྱུར་མི་འགྱུར་ཞིང་ཐེག་མཆོག་སྙིང་པོའི་བསྟན་པ་ལ་བྱ་བ་མཆོག་ཏུ་བྱེད་པའི་ཉེར་ལེན་ཁོ་ནར་གྱུར་ཅིག །སརྦ་དཱ་སུ་ཤྲཱི་ཡེ་བྷ་ཝ་ནྟུ།།
དམ་ཆོས་རྫོགས་པ་ཆེན་པོ་སྡེ་གསུམ་གྱི་ཁྲིད་ཡིག་འདུས་གསལ་ཀུན་བཟང་དགོངས་པའི་མཛེས་རྒྱན་འོད་གསལ་གདོད་མའི་མྱུར་ལམ། +
།ཅེས་གདོད་ནས་ཀུན་བཟང་རྡོ་རྗེའི་དགོངས་ཀློང་ལ་མངའ་དབང་འབྱོར་བས་གྲོལ་བ་དྲུག་ལྡན་གྱི་ཕྲིན་ལས་ཆེན་པོའི་སྲས་བཅས་རྒྱལ་བའི་རྣམ་ཐར་ལ་སྤྱོད་པའི་ཀུན་མཁྱེན་བླ་མ་འཇམ་དབྱངས་ཆོས་ཀྱི་བློ་གྲོས་འཇིགས་མེད་ནམ་མཁའི་རྡོ་རྗེ་ཀུན་བཟང་འོད་གསལ་སྙིང་པོའི་ཞལ་སྔ་ནས་སྨིན་གྲོལ་གདམས་པ་ཡོངས་སུ་རྫོགས་པར་བསྩལ་ཅིང་དགོངས་པའི་གཏད་རྒྱ་ཐུན་མིན་དང་བཅས་ཏེ་ཁྲིད་ཡིག་ཞིག་ཞབས་ཏོག་ཏུ་སྤེལ་བར་འོས་པའི་བཀའ་ཡི་གནང་བ་བསྩལ་ཀྱང༌། རང་ཉིད་ལྟ་སྒོམ་གྱི་དྲོད་ཚད་ཆུང་ཞིང་ཉམས་ལེན་ཇི་བཞིན་མ་ནུས་པ་དང༌། དུས་ཀྱི་རྒུད་པས་ཡིད་སྐྱོ་བས་སྙོམས་ལས་སུ་ཐལ་བ་ན། སླར་ཡང་ཟབ་གསང་འདི་ཉིད་ཀྱི་བདག་པོར་གདོད་ནས་གྲུབ་པ་འཇིག་རྟེན་དབང་ཕྱུག་རྒྱལ་དབང་ཀརྨ་པ་ཆེན་པོ་བཅུ་དྲུག་པ་རང་བྱུང་ཁྱབ་བདག་རིག་པའི་རྡོ་རྗེས་དགྱེས་པ་ཆེན་པོས་ངེས་པར་འབྲི་བར་འོས་པའི་བཀའ་ལན་དུ་མར་བསྩལ་བ་དང༌། སྙིགས་དུས་ཀྱི་བསྟན་འགྲོའི་དཔལ་མགོན་མཚུངས་མེད་སྐྱབས་རྗེ་མདོ་ཁམས་པ་སྐལ་བཟང་དོན་བརྒྱུད་ཉི་མ་དང༌། གཏེར་ཆེན་མཆོག་གི་སྤྲུལ་པའི་སྐུ་པདྨ་འགྱུར་མེད་ཐེག་མཆོག་བསྟན་འཛིན་ནས་ཀྱང་ཕྲིན་ལས་ཀྱི་གསོས་སུ་འདི་ལྟར་འབྲི་བར་འོས་ཞེས་བཀས་བསྐུལ་བ་དང༌། མཆོག་གཏེར་རིགས་ཆོས་བརྒྱུད་འཛིན་མཁྱེན་རྟོགས་ཡོན་ཏན་རྨད་བྱུང་མཆེད་གྲོགས་མཆོག་སྤྲུལ་ཀརྨ་ཨོ་རྒྱན་ཐུགས་ཀྱི་བསྟན་འཛིན་ནས་མྱུར་དུ་གྲུབ་པར་དགོས་ཞེས་དམ་པ་དུ་མས་བཀའ་ལུང་ལྡོག་ཏུ་མ་སྤོབས་པས། སྡེ་གསུམ་རྫོགས་པ་ཆེན་པོའི་བཀའ་གཏེར་ཡོངས་རྫོགས་ཐོབ་པའི་སྐལ་པ་མི་དམན་ཞིང་འོད་གསལ་ཡེ་ཤེས་ཀྱི་དགོངས་ཀློང་ཚད་ལ་ཕེབས་པའི་རིགས་ཀྱི་བདག་པོ་ཁྱབ་བདག་ཞེ་ཆེན་པ་གཙོ་བོར་གྱུར་པའི་མཁས་གྲུབ་དུ་མའི་ཞབས་རྡུལ་ཚངས་གནས་སུ་མཆོད་པའི་མདོ་ཁམས་ཀྱི་ཀུ་སཱ་ལི་འཇིགས་མེད་མཁྱེན་བརྩེའི་འོད་ཟེར་འོད་གསལ་ཐུགས་མཆོག་རྡོ་རྗེ་ཐེག་མཆོག་བསྟན་པའི་རྒྱལ་མཚན་གྱིས་སྔ་འགྱུར་རིག་འཛིན་བརྒྱུད་པའི་མན་ངག་སྤྱི་དང་ལམ་འདིའི་བཀའ་བབས་མཁན་ཆེན་རཏྣའི་ཟིན་ཐུན་རྣམས་གུང་སྤྲོས་ཏེ་གཏེར་གཞུང་དངོས་བསྟན་གྱི་དགོངས་པ་ཇི་ལྟར་དཔོག་པ་བཞིན་དཀྱུས་གཅིག་ཏུ་ལྷོ་འབྲུག་གི་སྨན་ལྗོངས་ཉུལ་པའི་སྐབས་ཐུན་མཚམས་ཅི་རིགས་པར་བྲིས་ཏེ་ལྕགས་གླང་སྣྲོན་ཟླའི་ཚེས་སྐྱབས་རྗེ་པདྨ་དགྱེས་པའི་དུས་ཀྱི་མཆོད་པའི་ཉིན་རྫོགས་པར་བྱས་པ་དཀྱུས་གཅིག་ཏུ་སྤེལ་བའི་ཡི་གེ་པ་ནི་སྔགས་བན་འཇིགས་མེད་སྐལ་བཟང་རྡོ་རྗེས་གུས་པ་ལྷུར་ལེན་གྱིས་བགྱིས་པ་འདིས་ཀྱང་ཀུན་བཟང་ཐུགས་ཀྱི་བསྟན་པ་ལ་བྱ་བ་མཆོག་ཏུ་བྱེད་པའི་རྒྱུར་སྨོན་པ་བཞིན་འགྲུབ་པར་གྱུར་ཅིག། +
།འདིའང་རྗེ་བླ་མས་སྐལ་ལྡན་ཉུང་ཤས་ལ་གྭ་གུ་བྱང་ཆུབ་ཤིང་གི་ནགས་ཁྲོད་དུ་གསུང་ངག་རིན་པོ་ཆེ་གནང་སྐབས་མཉྫུ་གྷོ་ཥ་དྷརྨ་མ་ཏིས་གསོལ་བ་བཏབ་པ་བི་ཛ་ཡནྟུ།། +
།ཞེས་པ་འདིའང་རིག་འཛིན་མཁྱེན་བརྩེའི་ལྷས་སོ།། +
ས་ག་ཟླ་བའི་ཡར་ཚེས་ལ༔ ལྷ་ལྕམ་ཡེ་ཤེས་ཌཱཀྐི་མའི༔ ཞབས་པད་བརྟན་ཅིང་ཐུགས་དགྱེས་ཕྱིར༔ ཁྲག་འཐུང་དཔའ་བོས་སྨྲས་པ་བཞིན༔ འོད་ཟེར་མཐའ་ཡས་ཀྱིས་བགྱིས་པ༔ བདེ་དགའ་རྒྱ་མཚོར་རོལ་པར་ཤོག ༔ +
* '''First colophon:''' བདག་ཉིད་ཨ་ཙར་ནག་པོའི་སྙིང་དང་འདྲ་བའི་གདམས་པ་བརྡ་རིས་ལས་དག་པར་ཕབ་པའི་ཡི་གེ་འདུ་བྱེད་སློབ་བུ་དམ་ལྡན་འོད་ཟེར་མཐའ་ཡས་ཀྱིས་བགྱིས་པ་དགེ་ཞིང་བྱིན་ཆགས་པར་གྱུར་ཅིག་གུ༔
* '''Second colophon:''' བདག་འདྲ་དུས་མཐའི་གཏེར་སྟོན་ཁྲག་འཐུང་དཔའ་བོས་དམ་པས་གསུང་བཞིན་དག་པར་ཕབ་པའི་ཡི་གེ་འདུ་བྱེད་ར་སྨིའི་མིང་གིས་བསྒྲུབ་པའོཿ
+
མེ་མཆོད་དངོས་གྲུབ་ཀུན་འབྱུང་འདི༔ མདའ་ལ་མགྲོན་བུ་བརྒྱན་པ་བཞིན༔ ཤིན་ཏུ་རྣོ་མྱུར་ཡོན་ཏན་ལྡན༔ ད་ལྟ་རིགས་ཀྱི་བུ་ཉིད་དང༔ མ་འོངས་སྤྲུལ་པའི་དོན་དུ་བསྟན༔ རིན་ཆེན་བརྡ་རིས་དངོས་སུ་བཏབཿ ཌཱཀྐི་མ་དང་འཕྲད་པར་ཤོག༔ ས་མ་ཡཱ༔ རྒྱ་རྒྱ་རྒྱ༔ +
འཛིན་གྲོལ་སྐབས་ཀྱི་དམིགས་བསལ་བསྒྱུར་སོ་རྣམས་ཡི་གེ་འབྲིང་པོར་ཙམ་བཅོས་ཡོད་པའང་མཁྱེན་འཚལ། +
བདག་འདྲ་དུས་མཐའི་གཏེར་སྟོན་ཁྲག་འཐུང་དཔའ་བོས་དམ་པའི་གསུང་བཞིན་དག་པར་ཕབ་པའི་ཡི་གེའི་འདུ་བྱེད་རསྨྲིའི་མིང་གིས་བྲིས་པའོ།། +
།ཅེས་པའང་དོན་གཉེར་ཅན་དག་གིས་ཆེད་དུ་དྲིས་ཤིང་བསྐུལ་བའི་ངོར། ལོ་རྒྱུས་སྨྲ་བ་ལ་དགའ་བའི་ཤཱཀྱའི་དགེ་སློང་བྱ་བྲལ་བ་མཁྱེན་བརྩེའི་དབང་པོས་དཔལ་ཨེ་ཝཾ་ཆོས་ལྡན་གྱི་བླ་བྲང་ཐར་པ་རྩེར་ཤིན་ཏུ་བསྡུས་པའི་ཚུལ་གྱིས་མགྱོགས་པར་སྦྱར་བ་ལས། སླད་ནས་ཀྱང་ཅུང་ཟད་གསལ་བར་བགྱིས་པའོ། །འདི་ལས་རྒྱས་པར་སྤྲོས་པའི་ངག་ཚིག་གི། །པདྨོ་དགོད་པར་འདོད་ན་སྐབས་གཞན་དུ། ཁོ་བོས་སྨྲས་པའི་ལེགས་བཤད་ཉི་གཞོན་གྱི། །བཅུད་ལེན་ཅི་དགར་འཐུང་བའི་གར་རྩེན་ཤིག །སརྦ་དཱ་ཀ་ལྱ་ཎཾ་བྷ་བ་ཏུ།། +
དམ་བཅའ་བཞི་ལྡན་སྨོན་ལམ་འདིཿ བློ་གསལ་དབང་མོའི་བཀའ་བསྐུལ་བཞིནཿ རྗེ་བཙུན་བླ་མའི་གདུང་འབུམ་དྲུང་ཿ ལུས་བསྐྱེད་ཕ་མའི་དགེ་རྩ་རུ༔ སྨིན་དྲུག་ཟླ་བའི་ཡར་ཚེས་ལཿ བྱ་བྲལ་བདེ་བའི་རྡོ་རྗེ་ཡིསཿ ཐོལ་བྱུང་ཤར་བཞིན་ཐོགས་མེད་སྤྲེལ༔ དགོངས་པའི་གཏེར་དང་ཁྱད་པར་མེདཿ ཡི་གེ་པ་ནི་ངོ་མཚར་རོཿ +
དམ་བཅའ་བཞི་ལྡན་སྨོན་ལམ་འདིཿ བློ་གསལ་དབང་མོའི་བཀས་བསྐུལ་བཞིནཿ རྗེ་བཙུན་བླ་མའི་གདུང་འབུམ་དྲུངཿ ལུས་བསྐྱེད་ཕ་མའི་དགེ་རྩ་རུཿ སྨིན་དྲུག་ཟླ་བའི་ཡར་ཚེས་ལཿ བྱ་བྲལ་བདེ་བའི་རྡོ་རྗེ་ཡིསཿ ཐོལ་བྱུང་ཤར་བཞིན་ཐོགས་མེད་སྤེལཿ དགོངས་པའི་གཏེར་དང་ཁྱད་པར་མེདཿ ཡི་གེ་པ་ནི་ངོ་མཚར་རོཿ +
ཅེས་པའང་དཔལ་ཁྲག་འཐུང་ཆེན་པོས་བཀའ་སྩལ་པའི་རཀྟ་དམར་གྱི་རྒྱུད་སྡེའི་དགོངས་པ་གཙོ་བོར་སྦྱར་བ་སྟེ། གཞན་དུ་སྤྱིའི་རྣམ་བཞག་འདི་ལྟར་ངེས་པར་བྱས་ན། སྒྲུབ་ཚུལ་བཀའ་དགོངས་ཕུར་གསུམ་སོགས་རང་རང་གང་ལ་མོས་པའི་གཞུང་ལྟར་བྱིན་གྱིས་བརླབས་པས་ཀྱང་དོན་གྲུབ་པ་ཡིན་ནོ། +
།ཞེས་པའང་ཆོས་ཀྱི་བློ་གྲོས་པས་སོ། །དགེ་ལེགས་འཕེལ།། +
* '''First colophon:''' །ཞེས་པའང་རང་གཞན་ལ་ཉེ་བར་མཁོ་བས་མཚམས་སྦྱར་ཏེ་༢འཇམ་དབྱངས་ཆོས་ཀྱི་བློ་གྲོས་པས་སྨྲས་པ་ཡི་གེའི་བྱེད་པོ་འཇིགས་མེད་བློ་གྲོས་ཀྱིས་གུས་པས་བགྱིས་པ་དགེའོ། །སརྦ་མངྒ་ལཾ།།
* '''Second colophon:''' །ཞེས་པའང་ཆོས་ཀྱི་བློ་གྲོས་པས་སོ། །དགེའོ།།
+
།ཅེས་རྩེ་གཅིག་གུས་པས་གསོལ་བ་འདེབས་མཚོན་བཀྲ་ཤིས་པའི་ལྷ་གོས་རབ་དཀར། །བཟང་ཇ་འཁོར་དྲུག་བཅས་དབྱུག་པ་ཟླ་བའི་གྲལ་ཚེས་མཆོག་ཏུ་དགེ་བར་སྡེ་དགེ་སྨན་ཤོད་རྫོང་གསར་དགོན་གྱི་བསམ་གཏན་ཁང་བུ་ནས། ཐར་རྩེ་སྤྲུལ་མིང་འཇམ་དབྱངས་མཁྱེན་བརྩེས་གུས་པ་ཆེན་པོས་ཕུལ་བའི་ཞུ་ཆུང་། +
གུ་རུ་ཆོས་དབང་གི་གཏེར་ཁའོ༔ +
།ཅེས་པའང་རང་སློབ་ལྷ་བྲིས་མཁས་པ་ཀརྨ་རྡོ་རྗེའི་ངོར་ཆོས་ཀྱི་བློ་གྲོས་པས་མེ་ཕག་ཁྲུམ་ཟླའི་ཚེས་ཉེ་དགུ་ལ་བྲིས་པའོ།། +
།ཅེས་པའང་ཨ་མདོ་བླ་མ་ངག་དབང་བསྟན་པ་དར་རྒྱས་ཀྱིས་གསུང་ངོར་ཆོས་ཀྱི་བློ་གྲོས་པས་སོ།། +
