JKCL-KABUM-11-DA-113

Previous Text Back to Volume PageNext Text

དམར་གསུར་ལྷ་འདྲེ་ཀུན་ཚིམ་དང༌། ཧཱུྃ་ཧྲཱིཿ བདག་ཉིད་པདྨ་དྲག་པོར་གསལ་སོགས་དམར་བསུར་རིང་ཐུང་།

Wylie title	dmar gsur lha 'dre kun tshim dang/ hU~M hrIH bdag nyid pad+ma drag por gsal sogs dmar bsur ring thung
Location	chos kyi blo gros bka' 'bum Volume 11, Text 113, Pages 537-545 (Folios 1a to 5a1)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. dmar gsur lha 'dre kun tshim dang hUM hrIH bdag nyid pad+ma drag por gsal sogs dmar bsur ring thung. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 11: 537-545. Bir, H.P.: Khyentse Labrang, 2012.
Genre	Burnt Offerings - gsur mchod
Colophon	First colophon: །ཞེས་པའང་རང་གཞན་ལ་ཉེ་བར་མཁོ་བས་མཚམས་སྦྱར་ཏེ་༢འཇམ་དབྱངས་ཆོས་ཀྱི་བློ་གྲོས་པས་སྨྲས་པ་ཡི་གེའི་བྱེད་པོ་འཇིགས་མེད་བློ་གྲོས་ཀྱིས་གུས་པས་བགྱིས་པ་དགེའོ། །སརྦ་མངྒ་ལཾ།། Second colophon: །ཞེས་པའང་ཆོས་ཀྱི་བློ་གྲོས་པས་སོ། །དགེའོ།།
	First colophon: /zhes pa'ang rang gzhan la nye bar mkho bas mtshams sbyar te 2'jam dbyangs chos kyi blo gros pas smras pa yi ge'i byed po 'jigs med blo gros kyis gus pas bgyis pa dge'o/__/sarba mang+ga laM// Second colophon: /zhes pa'ang chos kyi blo gros pas so/__/dge'o//

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

༄༅། །དམར་གསུར་ལྷ་འདྲེ་ཀུན་ཚིམ་བཞུགས་སོ། ། ཤ་ཁྲག་ཅི་འབྱོར་འདུ་བྱས། དཀར་གསུར་བྱེད་ན་ཕྱེ་ཕུར་གཙང་མར་ཆུ་གཙང་བྲན་ལ་སྐྱབས་སེམས་ལན་གསུམ། ཨོཾ་སྭ་བྷཱ་ཝ་ཤུདྡྷཿསརྦ་དྷརྨཱཿསྭ་བྷཱ་ཝ་ཤུདྡྷོ྅་ཧཾ། གིས་སྦྱངས། སྟོང་པའི་ངང་ལས་རང་ཉིད་སྐད་ཅིག་གིས། །པད་ཟླའི་སྟེང་དུ་འཕགས་མཆོག་སྤྱན་རས་གཟིགས། །དམར་གསལ་ཁྲོ་འཛུམ་ཕྱག་བཞི་དང་པོ་གཉིས། །ཐལ་སྦྱར་རྡོ་རྗེ་འཛིན་ཅིང་གཡས་གཡོན་གཉིས། །ཤེལ་ཕྲེང་པད་དཀར་དར་དང་རིན་ཆེན་སོགས། །རྒྱན་ཆས་ཡོངས་རྫོགས་ཞབས་གཉིས་སྐྱིལ་ཀྲུང་བཞུགས། །གསལ་བའི་སྐུ་ནི་ཆུ་ཟླ་འཇའ་ཚོན་ལྟར། །སྣང་ལ་རང་བཞིན་མེད་པའི་ངོ་བོར་བསམ། ཨོཾ་མ་ཎི་པདྨེ་ཧཱུྃ། ཡིག་དྲུག་བརྒྱ་སྟོང་སོགས་བཟླས། དེ་ལྟར་གསལ་བའི་སྐུ་ལས་འོད་འཕྲོས་པའི། །སྣ་ལ་འདོད་རྒྱལ་དམར་སྐྱ་ལྕགས་ཀྱུ་དང་། །ཞགས་པ་ཐོགས་པ་དཔག་མེད་འཕྲོས་པ་ཡིས། །ཕྱོགས་བཅུའི་འདྲེ་གདོན་དྲི་ཟ་གཤིན་རྗེ་སོགས། །ལན་ཆགས་མགྲོན་དང་སྙིང་རྗེའི་མགྲོན་རྣམས་ཀུན། །སྐད་ཅིག་ཉིད་ལ་ཨངྐུ་ཤ་ཡ་ཛཿ། ཕྱི་རོལ་རྡོ་རྗེའི་རྭ་བས་བསྐོར་བར་གྱུར། །སླར་ཡང་འོད་འཕྲོས་དཀོན་མཆོག་སྲི་ཞུ་དང་། །མགོན་པོ་ཡོན་ཏན་མགྲོན་རྣམས་བཛྲ་ས་མཱ་ཛཿས་སྤྱན་དྲངས། རྃ་ཡྃ་ཁྃ་གིས་སྦྱངས། ཨོཾ་ཨཱཿཧཱུྃ་ཧ་ཧོ་ཧྲཱིཿལན་གསུམ། སྟོང་གསུམ་གྱི་སྣོད་དང་མཉམ་པའི་བསྲེག་ཐབ་ཡངས་ཤིང་རྒྱ་ཆེ་བར་བདུད་རྩིར་གྱུར། ན་མཿསརྦ་ཏ་ཐཱ་ག་ཏ་བྷྱོ་སོགས་གྲངས་མང་གིས་མཆོད། ན་མོ་དབྱིངས་རང་བཞིན་གྱི་རྣམ་པར་དག་ཅིང་ཐུགས་རྗེ་ཀུན་ཁྱབ་ཀྱི་ཀློང་ནས། ཨེ་དབྱིངས་ཐབས་བདེ་བ་ཆེན་པོའི་དབུས་སུ་ཝཾ་ཡིག་ཤེས་རབ་སྟོང་པ་ཉིད་ཡང་དག་པར་སྦྱོར་བ་ལས་བྱུང་བའི་ཤ་ཁྲག་དམར་གྱི་དྭངས་མའི་བདུད་རྩི་ཨ་ཐུང་གི་མེས་བསྲེག་ཅིང་ཡེ་ཤེས་ཀྱི་རླུང་གིས་བསྐུལ་བ་ལས་བྱུང་བའི་དུ་བ་འདོད་ཡོན་ལྔ་དང་ལྡན་པ་འདི་དཀོན་མཆོག་སྲི་ཞུའི་མགྲོན་དུ་གྱུར་པ་རྗེ་བཙུན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་དང་། ནང་པ་རྣལ་འབྱོར་ཆེན་པོ་བླ་ན་མེད་པའི་རྒྱུད་སྡེ་དང་འབྲེལ་བའི་ཡི་དམ་དཀྱིལ་འཁོར་གྱི་ལྷ་ཚོགས་གནས་གསུམ་གྱི་དཔའ་བོ་མཁའ་འགྲོ་དམ་ཅན་ཆོས་སྐྱོང་སྲུང་མའི་ཚོགས། གཙང་རིས་ཀྱི་མགོན་པོ་བདུན་ཅུ་རྩ་ལྔ་སོགས། དཀར་ཕྱོགས་སྐྱོང་བའི་དཀྱིལ་འཁོར་མ་ལུས་ཤིང་ལུས་པ་མེད་པ་རྣམས་ལ་ཐབས་ཤེས་ཟུང་འཇུག་ཤ་ཁྲག་དམར་གྱི་གསུར་མཆོད་རྒྱ་ཆེན་པོ་འདི་ཕུལ་བས་ཚོགས་གཉིས་རྫོགས་སྒྲིབ་གཉིས་བྱང་། སྡོམ་པ་གསུམ་གྱི་དམ་ཚིག་ཉམས་ཆག་ཐམས་ཅད་བྱང་ཞིང་དག །ལས་བཞིའི་ཕྲིན་ལས་ཐམས་ཅད་འབད་མེད་དུ་འགྲུབ། མཆོག་ཐུན་མོང་གི་དངོས་གྲུབ་གཉིས་ལ་རང་དབང་འབྱོར། བསྟན་པའི་རྩ་ལག་བཤད་སྒྲུབ་ཀྱི་སྡེ་འཕེལ་བ་དང་། འཇིག་རྟེན་པ་ཀུན་དར་ཞིང་རྒྱས་པར་མཛད་དུ་གསོལ། །ཨོཾ་ཨཱཿཧཱུྃ། ལན་གསུམ། ན་མཿསརྦ་ཏ་ཐཱ་ག་ཏཱ་ཨ་ཝ་ལོ་ཀི་ཏེ་སོགས་ལན་བདུན་རེ་དང་། དེ་བཞིན་གཤེགས་པ་བཞིའི་མཚན་བརྗོད། གཞན་ཡང་འཇིག་རྟེན་ཁམས་ལ་རང་དབང་བསྒྱུར་བའི་དྲེགས་པའི་སྡེ་དཔོན་སུམ་ཅུ། སྔགས་བདག་བཅོ་བརྒྱད། འབྱུང་བ་ལྔ། རླུང་འཕོ་བ་དུས་སྦྱོར། སྤར་སྨེའི་ཀག །ལོ་ཟླ་ཞག་དུས་གཟའ་སྐར་རྣམས་ལ་དབང་སྒྱུར་བའི་ལྷ་རྣམས་དང་། ལྷ་ཀླུ་དྲི་ཟ། གྲུལ་བུམ། ལྟོ་འཕྱེ། མིའམ་ཅི་དང་། མཁའ་ལྡིང་། འབྱུང་པོ། རོ་ལངས་ལ་སོགས་གདོན་གྱི་རིགས་སུ་གྱུར་པ་ཐམས་ཅད་དང་། འཕྲོག་མ་མ་བུ་ལྔ་བརྒྱ། བགེགས་རྒྱལ་བི་ནཱ་ཡ་ཀ་ལ་སོགས། བགེགས་རིགས་སྟོང་ཕྲག་བརྒྱད་ཅུའི་ཚོགས་འཁོར་དང་བཅས་པ། བླ་ལ་བརྐུ་བ། ཚེ་ལ་འཇབ་པ། སྲོག་འཕྲོག་པར་བྱེད་པ་ཐམས་ཅད་ལ་ཤ་ཁྲག་དམར་གྱི་གསུར་མཆོད་རྒྱ་ཆེན་པོ་འདི་ཕུལ་བས་གནོད་འཚེ་དང་གདུག་སེམས་ཞི། བྱམས་སྙིང་རྗེའི་རྩལ་ཤུགས་རྫོགས། ཕན་པ་བྱང་ཆུབ་ཀྱི་སེམས་དང་ལྡན། སྔོན་གྱི་ཐ་ཚིག་རྗེས་སུ་དྲན་པས་འཇིག་རྟེན་གྱི་ཁམས་ཐམས་ཅད་དུ་མི་ནད་ཕྱུགས་ནད་ཀྱི་རིགས་སུ་གྱུར་པ་ཐམས་ཅད་དང་། མུ་གེ་དང་མཚོན་གྱི་འཁྲུགས་པ་ཐམས་ཅད་མྱུར་དུ་ཞི་བ་དང་། རྣལ་འབྱོར་བདག་ཅག་ཡོན་མཆོད་འཁོར་དང་བཅས་པའི་ལོ་ཀེག་ཟླ་ཀེག་ལ་སོགས་ཀེག་རིགས་སུམ་བརྒྱ་དྲུག་ཅུ། བྱིས་པའི་གདོན་ཆེན་བཅོ་ལྔ། གཙོ་བོའི་གདོན་ཆེན་བཅོ་བརྒྱད། ཕལ་པའི་གདོན་ཕྲན་གྲངས་མེད། དུས་མིན་འཆི་བ་བཅོ་བརྒྱད། ཡས་ཀྱི་བདུད། མས་ཀྱི་སྲི། བན་བོན་གྱི་མཐུ་གཏད་བྱད་ཁ་རྦོད་གཏོང་ཆག་ཆེ་ཉམས་ང་ཐམས་ཅད་བཟློག་པ་དང་། མོས་པ་རྣམ་བཞིས་དབང་དུ་འདུ་བ་དང་། ས་བདག་ཀླུ་གཉན་ལ་ཕོག་ཐུག་འགྲམ་འཁྲུགས་སོགས་ལས་བྱུང་བའི་ཉེས་པའི་ཚོགས་ཐམས་ཅད་ཞི་བར་མཛད་དུ་གསོལ། ཁ་འབར་མའི་སྔགས་ལན་བདུན། དེ་བཞིན་གཤེགས་པ་བཞིའི་མཚན་བརྗོད། འགྲོ་བ་རིགས་དྲུག །ལམ་རྒྱུད་ལྔ། སྐྱེ་གནས་བཞིས་བསྡུས་པའི་སེམས་ཅན་ཐམས་ཅད་དང་། སྔ་མའི་ལུས་རྟེན་བོར། ཕྱི་མའི་ལུས་རྟེན་མ་རྙེད་པ་སྲིད་པ་བར་དོའི་ཚོགས་རྣམས་དང་། ཁྱད་པར་དུ་ཡང་བླ་མ་རྒྱལ་བློན་བཙུན་མོ་དཔོན་གཙོ་གྲོས་མཁན་ལ་སོགས་སྔ་རབས་འདས་པ་ཤི་མིག་གསོན་ལ་བལྟ་བ་རྣམས་དང་། དུས་ངན་བསྐལ་པའི་ཐ་མ་འདིར་ནད་མུག་མཚོན་འཁྲུགས་ཀྱིས་ཤི་བའི་ཤི་འདྲེ་འཁྱམས་པོ། ཡུལ་འདྲེ་གསར་པ། རྒྱ་འདྲེ་འགོང་པོ་ལ་སོགས། རྒྱ་གར། བལ་པོ། བོད་དང་། བོད་ཆེན། རྒྱ་ཧོར། འཇང་གིས་གཙོ་བོར་བྱས་པའི་སྟོང་གསུམ་སྤྱི་དང་། ཁྱད་པར་ཛམ་གླིང་དུ་གནས་པ་ཐམས་ཅད་ལ་སྦྱིན་ནོ། །བསྔོའོ། །ཚིམས་པར་གྱུར་ཅིག །ཆོས་ཐམས་ཅད་རྟེན་ཅིང་འབྲེལ་འབྱུང་སྒྱུ་མ་ལྟ་བུ་སྐྱེ་འགགས་གནས་གསུམ་དང་བྲལ་བའི་རང་བཞིན་ཡེ་སྟོང་ཆེན་པོ་ལས་རིག་པ་ལྷུན་གྲུབ་ཀྱི་གསལ་བའི་སྣང་ཆ་ཅིར་ཡང་འཆར་བའི་རང་བྱུང་ཡེ་ཤེས་ཀྱི་གནས་ལུགས་མ་རྟོགས་ཏེ་མ་རིག་འཁྲུལ་པ་རང་རྒྱུད་དུ་གོལ་ནས་ཉིང་འཁྲུལ་དུ་སོང་བའི་འདྲེ་སྲིན་ཁྱེད་རྣམས་ལ་ཤ་ཁྲག་དམར་གྱི་གསུར་མཆོད་རྒྱ་ཆེན་པོ་བཟའ་བས་མི་ཟད་པ་བཏུང་བས་མི་ཉུང་བ། རྒོལ་བས་མི་བསྡིགས་པ། རི་རྒྱལ་ལས་དཔང་མཐོ་བ། རྒྱ་མཚོ་ལས་ཟབ་པ། ཞིང་རྡུལ་ལས་གྲངས་མང་བ། ཉི་ཟླ་ལས་འོད་གསལ་བ། རྒྱ་ཆེ་བ་ནམ་མཁའི་མཐའ་དང་མཉམ་པ་འདི་སྦྱིན་པས་དགའ་མགུ་ཡི་རངས། ཕན་པ་དང་། སྙིང་རྗེ་བྱང་ཆུབ་ཀྱི་སེམས་དང་ལྡན་པར་གྱིས་ཤིག །བཀའ་ལས་འདས་ན་རྡོ་རྗེའི་དམྱལ་བར་ལྟུང་བར་འགྱུར་ཏ་རེ། དྲན་པ་དང་ཤེས་བཞིན་བག་ཡོད་དང་ལྡན་པས་སེམས་བསྲུང་བར་བྱོས་ཤིག །བར་དོ་ལ་བར་དོ་ཡིན་པར་ངོ་ཤེས་པར་གྱིས་ཤིག །འཁྲུལ་སྣང་ལ་རྒྱས་ཐེབ། བླ་མ་དང་དཀོན་མཆོག །ཡི་དམ་དང་ལྟ་བ་རྗེས་སུ་དྲན་ཏེ་ལས་ངན་པའི་སྒྲིབ་པ་སྐད་ཅིག་ལ་དག་ནས་རིག་པ་ལ་རང་དབང་ཐོབ། བདེ་བ་ཅན་དང་པདྨ་འོད་ལ་སོགས་པའི་ཞིང་ཁམས་ཁྱད་པར་ཅན་རྣམས་སུ་བཙན་ཐབས་སུ་བགྲོད་ནུས་པར་ཤོག་ཅིག །དེ་ལྟར་མཆོད་སྦྱིན་རྒྱ་ཆེན་བགྱིས་པ་ཡི། །དགེ་བའི་རྩ་བ་ཐམས་ཅད་སེམས་ཅན་ལ། །ཡོངས་དག་བསྔོ་བ་ཀུན་ཏུ་བཟང་པོ་བཞིན། །འགྲུབ་པར་གྱུར་ཅིང་རྒྱལ་རྣམས་བདེན་གྱུར་ཅིག །མཆོད་པའི་མགྲོན་རྣམས་རང་བཞིན་དབྱིངས་སུ་གཤེགས། །ཕྱི་རོལ་རྡོ་རྗེའི་རྭ་བ་དམིགས་མེད་ངང་། །འཇིག་རྟེན་པ་རྣམས་རང་གནས་གཤེགས་ནས་ཀྱང་། །རང་ལུས་དཔེ་ལོང་གཞན་གནོད་མ་བྱེད་ཅིག །སརྦ་བིགྷྣཱན་གཙྪ། དྲག་སྔགས་ཚར་གཅིག་བརྗོད། བཀྲ་ཤིས་བསྔོ་སྨོན་དང་བྱང་ཆུབ་ཀྱི་སེམས་འབའ་ཞིག་ནམ་ཡང་ནན་ཏན་དུ་བྱའོ། །ཞེས་པའང་རང་གཞན་ལ་ཉེ་བར་མཁོ་བས་མཚམས་སྦྱར་ཏེ་༢འཇམ་དབྱངས་ཆོས་ཀྱི་བློ་གྲོས་པས་སྨྲས་པ་ཡི་གེའི་བྱེད་པོ་འཇིགས་མེད་བློ་གྲོས་ཀྱིས་གུས་པས་བགྱིས་པ་དགེའོ། །སརྦ་མངྒ་ལཾ།། །། ༈ ཧཱུྃ་ཧྲཱིཿ བདག་ཉིད་པདྨ་དྲག་པོར་གསལ། །ཐུགས་ནས་ཊཱཀྐི་རཱ་ཛ་བྱུང་། །ང་བདག་གཉིས་འཛིན་འཁྲུལ་པ་ཡི། །དམ་སྲི་རྒྱལ་འགོང་མདུན་དུ་བཀུག །ཤ་ཁྲག་གསུར་གྱི་སྦྱིན་པ་འདི། །ཟད་མེད་འདོད་ཡོན་རྒྱ་ཆེར་སྤེལ། །ཨོཾ་ཨཱཿཧཱུྃ། ཁ་འབར་མའི་སྔགས་རྒྱས་བསྔོ། ཀྱཻ། སྲིད་པར་བདག་ཏུ་རྟོག་པ་ཡི། །ང་རྒྱལ་ལས་སྐྱེས་རྒྱལ་འགོང་ཚོགས། །བདག་གི་སྦྱིན་པ་རྒྱ་ཆེན་འདིས། མགུ་ཞིང་ཚིམས་ནས་གནོད་སེམས་སྤོངས། །བྱང་ཆུབ་སེམས་དང་ལྡན་པར་མཛོད། འདི་རུ་མ་འདུག་གཞན་དུ་སོང་། །གལ་ཏེ་མི་འགྲོ་འཚེ་བྱེད་ན། །པདྨ་དྲག་པོའི་མཐུ་སྟོབས་ཀྱིས། །རྡུལ་དུ་བརླག་པར་གདོན་མི་ཟ། །དེ་བས་དམ་ལ་གནས་པར་གྱིས། །བྷུ་ཏ་གཙྪ། སྦྱིན་པ་རྒྱ་ཆེན་སོགས་བྱའོ། །ཞེས་པའང་ཆོས་ཀྱི་བློ་གྲོས་པས་སོ། །དགེའོ།། །།

[edit]

@#/__/dmar gsur lha 'dre kun tshim bzhugs so/__/ sha khrag ci 'byor 'du byas/__dkar gsur byed na phye phur gtsang mar chu gtsang bran la skyabs sems lan gsum/__oM swa b+hA wa shud+d+haHsarba d+harmAHswa b+hA wa shud+d+ho\u0f85 haM/__gis sbyangs/__stong pa'i ngang las rang nyid skad cig gis/__/pad zla'i steng du 'phags mchog spyan ras gzigs/__/dmar gsal khro 'dzum phyag bzhi dang po gnyis/__/thal sbyar rdo rje 'dzin cing g.yas g.yon gnyis/__/shel phreng pad dkar dar dang rin chen sogs/__/rgyan chas yongs rdzogs zhabs gnyis skyil krung bzhugs/__/gsal ba'i sku ni chu zla 'ja' tshon ltar/__/snang la rang bzhin med pa'i ngo bor bsam/__oM ma Ni pad+me hU~M/__yig drug brgya stong sogs bzlas/__de ltar gsal ba'i sku las 'od 'phros pa'i/__/sna la 'dod rgyal dmar skya lcags kyu dang /__/zhags pa thogs pa dpag med 'phros pa yis/__/phyogs bcu'i 'dre gdon dri za gshin rje sogs/__/lan chags mgron dang snying rje'i mgron rnams kun/__/skad cig nyid la ang+ku sha ya dzaH/__phyi rol rdo rje'i rwa bas bskor bar gyur/__/slar yang 'od 'phros dkon mchog sri zhu dang /__/mgon po yon tan mgron rnams badz+ra sa mA dzaHsa spyan drangs/__ra~M ya~M kha~M gis sbyangs/__oM AHhU~M ha ho hrIHlan gsum/__stong gsum gyi snod dang mnyam pa'i bsreg thab yangs shing rgya che bar bdud rtsir gyur/__na maHsarba ta thA ga ta b+h+yo sogs grangs mang gis mchod/__na mo dbyings rang bzhin gyi rnam par dag cing thugs rje kun khyab kyi klong nas/__e dbyings thabs bde ba chen po'i dbus su waM yig shes rab stong pa nyid yang dag par sbyor ba las byung ba'i sha khrag dmar gyi dwangs ma'i bdud rtsi a thung gi mes bsreg cing ye shes kyi rlung gis bskul ba las byung ba'i du ba 'dod yon lnga dang ldan pa 'di dkon mchog sri zhu'i mgron du gyur pa rje btsun rtsa ba dang brgyud par bcas pa'i dpal ldan bla ma dam pa rnams dang /__nang pa rnal 'byor chen po bla na med pa'i rgyud sde dang 'brel ba'i yi dam dkyil 'khor gyi lha tshogs gnas gsum gyi dpa' bo mkha' 'gro dam can chos skyong srung ma'i tshogs/__gtsang ris kyi mgon po bdun cu rtsa lnga sogs/__dkar phyogs skyong ba'i dkyil 'khor ma lus shing lus pa med pa rnams la thabs shes zung 'jug sha khrag dmar gyi gsur mchod rgya chen po 'di phul bas tshogs gnyis rdzogs sgrib gnyis byang /__sdom pa gsum gyi dam tshig nyams chag thams cad byang zhing dag__/las bzhi'i phrin las thams cad 'bad med du 'grub/__mchog thun mong gi dngos grub gnyis la rang dbang 'byor/__bstan pa'i rtsa lag bshad sgrub kyi sde 'phel ba dang /__'jig rten pa kun dar zhing rgyas par mdzad du gsol/__/oM AHhU~M/__lan gsum/__na maHsarba ta thA ga tA a wa lo ki te sogs lan bdun re dang /__de bzhin gshegs pa bzhi'i mtshan brjod/__gzhan yang 'jig rten khams la rang dbang bsgyur ba'i dregs pa'i sde dpon sum cu/__sngags bdag bco brgyad/__'byung ba lnga/__rlung 'pho ba dus sbyor/__spar sme'i kag__/lo zla zhag dus gza' skar rnams la dbang sgyur ba'i lha rnams dang /__lha klu dri za/__grul bum/__lto 'phye/__mi'am ci dang /__mkha' lding /__'byung po/__ro langs la sogs gdon gyi rigs su gyur pa thams cad dang /__'phrog ma ma bu lnga brgya/__bgegs rgyal bi nA ya ka la sogs/__bgegs rigs stong phrag brgyad cu'i tshogs 'khor dang bcas pa/__bla la brku ba/__tshe la 'jab pa/__srog 'phrog par byed pa thams cad la sha khrag dmar gyi gsur mchod rgya chen po 'di phul bas gnod 'tshe dang gdug sems zhi/__byams snying rje'i rtsal shugs rdzogs/__phan pa byang chub kyi sems dang ldan/__sngon gyi tha tshig rjes su dran pas 'jig rten gyi khams thams cad du mi nad phyugs nad kyi rigs su gyur pa thams cad dang /__mu ge dang mtshon gyi 'khrugs pa thams cad myur du zhi ba dang /__rnal 'byor bdag cag yon mchod 'khor dang bcas pa'i lo keg zla keg la sogs keg rigs sum brgya drug cu/__byis pa'i gdon chen bco lnga/__gtso bo'i gdon chen bco brgyad/__phal pa'i gdon phran grangs med/__dus min 'chi ba bco brgyad/__yas kyi bdud/__mas kyi sri/__ban bon gyi mthu gtad byad kha rbod gtong chag che nyams nga thams cad bzlog pa dang /__mos pa rnam bzhis dbang du 'du ba dang /__sa bdag klu gnyan la phog thug 'gram 'khrugs sogs las byung ba'i nyes pa'i tshogs thams cad zhi bar mdzad du gsol/__kha 'bar ma'i sngags lan bdun/__de bzhin gshegs pa bzhi'i mtshan brjod/__'gro ba rigs drug__/lam rgyud lnga/__skye gnas bzhis bsdus pa'i sems can thams cad dang /__snga ma'i lus rten bor/__phyi ma'i lus rten ma rnyed pa srid pa bar do'i tshogs rnams dang /__khyad par du yang bla ma rgyal blon btsun mo dpon gtso gros mkhan la sogs snga rabs 'das pa shi mig gson la blta ba rnams dang /__dus ngan bskal pa'i tha ma 'dir nad mug mtshon 'khrugs kyis shi ba'i shi 'dre 'khyams po/__yul 'dre gsar pa/__rgya 'dre 'gong po la sogs/__rgya gar/__bal po/__bod dang /__bod chen/__rgya hor/__'jang gis gtso bor byas pa'i stong gsum spyi dang /__khyad par dzam gling du gnas pa thams cad la sbyin no/__/bsngo'o/__/tshims par gyur cig__/chos thams cad rten cing 'brel 'byung sgyu ma lta bu skye 'gags gnas gsum dang bral ba'i rang bzhin ye stong chen po las rig pa lhun grub kyi gsal ba'i snang cha cir yang 'char ba'i rang byung ye shes kyi gnas lugs ma rtogs te ma rig 'khrul pa rang rgyud du gol nas nying 'khrul du song ba'i 'dre srin khyed rnams la sha khrag dmar gyi gsur mchod rgya chen po bza' bas mi zad pa btung bas mi nyung ba/__rgol bas mi bsdigs pa/__ri rgyal las dpang mtho ba/__rgya mtsho las zab pa/__zhing rdul las grangs mang ba/__nyi zla las 'od gsal ba/__rgya che ba nam mkha'i mtha' dang mnyam pa 'di sbyin pas dga' mgu yi rangs/__phan pa dang /__snying rje byang chub kyi sems dang ldan par gyis shig__/bka' las 'das na rdo rje'i dmyal bar ltung bar 'gyur ta re/__dran pa dang shes bzhin bag yod dang ldan pas sems bsrung bar byos shig__/bar do la bar do yin par ngo shes par gyis shig__/'khrul snang la rgyas theb/__bla ma dang dkon mchog__/yi dam dang lta ba rjes su dran te las ngan pa'i sgrib pa skad cig la dag nas rig pa la rang dbang thob/__bde ba can dang pad+ma 'od la sogs pa'i zhing khams khyad par can rnams su btsan thabs su bgrod nus par shog cig__/de ltar mchod sbyin rgya chen bgyis pa yi/__/dge ba'i rtsa ba thams cad sems can la/__/yongs dag bsngo ba kun tu bzang po bzhin/__/'grub par gyur cing rgyal rnams bden gyur cig__/mchod pa'i mgron rnams rang bzhin dbyings su gshegs/__/phyi rol rdo rje'i rwa ba dmigs med ngang /__/'jig rten pa rnams rang gnas gshegs nas kyang /__/rang lus dpe long gzhan gnod ma byed cig__/sarba big+h+nAn gats+tsha/__drag sngags tshar gcig brjod/__bkra shis bsngo smon dang byang chub kyi sems 'ba' zhig nam yang nan tan du bya'o/__/zhes pa'ang rang gzhan la nye bar mkho bas mtshams sbyar te 2'jam dbyangs chos kyi blo gros pas smras pa yi ge'i byed po 'jigs med blo gros kyis gus pas bgyis pa dge'o/__/sarba mang+ga laM//__//__!__hU~M hrIHbdag nyid pad+ma drag por gsal/__/thugs nas TAk+ki rA dza byung /__/nga bdag gnyis 'dzin 'khrul pa yi/__/dam sri rgyal 'gong mdun du bkug__/sha khrag gsur gyi sbyin pa 'di/__/zad med 'dod yon rgya cher spel/__/oM AHhU~M/__kha 'bar ma'i sngags rgyas bsngo/__kyai/__srid par bdag tu rtog pa yi/__/nga rgyal las skyes rgyal 'gong tshogs/__/bdag gi sbyin pa rgya chen 'dis/__mgu zhing tshims nas gnod sems spongs/__/byang chub sems dang ldan par mdzod/__'di ru ma 'dug gzhan du song /__/gal te mi 'gro 'tshe byed na/__/pad+ma drag po'i mthu stobs kyis/__/rdul du brlag par gdon mi za/__/de bas dam la gnas par gyis/__/b+hu ta gats+tsha/__sbyin pa rgya chen sogs bya'o/__/zhes pa'ang chos kyi blo gros pas so/__/dge'o//__//