Property:colophontib
From Khyentse Lineage - A Tsadra Foundation Project
This is a property of type Text.
ད
།ཅེས་པའང་རོང་པོ་བླ་མ་བློ་བཟང་ནས་གསུང་བསྐུལ་ངོར་མཁྱེན་བརྩེའི་སྤྲུལ་མིང་འཛིན་པ་ཆོས་ཀྱི་བློ་གྲོས་པས་བྲིས་པའོ།། +
དཔལ་ཀཿཐོག་རྡོ་རྗེ་གདན་གྱི་ཆོས་གྲྭ་ཆེན་པོར་རྒྱལ་དབང་པདྨ་འོད་འབར་གྱི་སྒྲུབ་ཆེན་སྐབས་སི་ཏུ་རིན་པོ་ཆེར་ལེགས་འབུལ་གྱི་ཐོ་ཡིག། +
ཅེས་པའང་གསང་བདག་གྲུབ་པའི་དཔྱིད་རྨོག་སྟོན་རྡོ་རྗེ་འཆང་ཆེན་པོའི་བཀའི་ཅོད་པན་སྤྱི་བོར་བཅིངས་པ་ལས་རིག་པར་སྨྲ་བའི་ཆུ་སྐྱེས་གཞོན་ནུའི་བློ་གྲོས་ཀྱི་འདབ་མ་ལས་ཕྱུང་བའོ། +
དཔལ་ཀཿཐོག་རྡོ་རྗེའི་གདན་གྱི་ཆོས་སྨྲ་བའི་ཟླ་བ་རྨོག་སྟོན་གསང་བདག་ཆེན་པོའི་རྣམ་འཕྲུལ་སེང་ཁྲིར་མངའ་གསོལ་སྐབས་ལེགས་འབུལ་གྱི་ཡི་གེ། +
།།ཞེས་པའང་སི་ཏུ་མཆོག་སྤྲུལ་རིན་པོ་ཆེ་ཆོས་ཀྱི་བློ་གྲོས་པའི་ཐུགས་བཞེད་སྐོང་སླད་བྱ་བྲལ་བ་མཁྱེན་བརྩེའི་དབང་པོས་ལྷུན་གྲུབ་སྟེང་གི་ཆོས་གྲྭ་ནས་བྲིས་ཏེ་ཕུལ་བ་དགེ། +
།ཞེས་པའང་ཉེར་མཁོའི་ཡན་ལག་ཏུ་ལུགས་འདི་ལ་ཚད་མར་གྱུར་པའི་གཞུང་ལས་བཏུས་ཏེ་བྱ་བྲལ་བ་མཉྫུ་གྷོ་ཥས་བྲིས་པའི་དགེ་བས་འགྲོ་ཀུན་དཔལ་ཧེ་རུ་ཀ་དགེས་པ་རྡོ་རྗེའི་གོ་འཕང་ཚེ་འདི་ཉིད་ལ་མངོན་དུ་བྱེད་པའི་རྒྱུར་གྱུར་ཅིག། +
།ཅེས་པའང་རྗེ་བཙུན་ས་སྐྱ་པ་ཆེན་པོ་ཡབ་སྲས་ཀྱི་རྡོ་རྗེའི་གསུང་གི་ཟེགས་མ་ཙམ་ཡང་སྒོ་ཐམས་ཅད་ནས་རྒྱས་པར་གྱུར་ན་ཅི་མ་རུང་སྙམ་དུ། རྨོངས་ཞེན་གཞི་མདོའི་ནོར་སྐྱོང་གིས་ཅལ་སྒྲོགས་པ་ལས་ཀྱང་དམན་པའི་ཆོས་ཀྱིས་ཕོངས་པ་སྐལ་ཆད་ཉི་ཚེ་བའི་རྗེས་སུ་མ་འབྲངས་པར། ལུགས་འདིར་ཚད་མས་གྲུབ་པའི་གསུང་རབ་ཀྱི་དགོངས་དོན་བཀླགས་པས་གྲུབ་པར་སྡེབ་བ་པོ་ནི། ཤཱཀྱའི་དགེ་སློང་མང་ཐོས་སྤོང་བ་པ་འཇམས་དབྱངས་མཁྱེན་བརྩེའི་དབང་པོས་བསམ་གཏན་གྱི་བདུད་རྩིར་སྤྱོད་པའི་ཐུན་གསེང་ཞིག་ཏུ་ཤར་མར་བྲིས་པ་དགེ་ལེགས་སུ་གྱུར་ཅིག །སརྦ་དཱ་མངྒ་ལཾ་བྷ་བ་ཏུ།། +
།ཅེས་བཅོམ་ལྡན་འདས་ཀྱེ་རྡོ་རྗེའི་དཀྱིལ་འཁོར་དུ་ཚོགས་ཀྱི་མཆོད་པ་གསལ་བར་བཀོད་པ་ཀུན་བཟང་རྣམ་པར་རོལ་པའི་དགའ་སྟོན་ཞེས་བྱ་བ་འདིའང་། དམིགས་པ་མེད་པའི་ཐུགས་རྗེ་ཆེན་པོ་དང་ལྡན་པ་སྒ་སྟོན་ཆོས་རྗེ་རྡོ་རྗེ་འཆང་ངག་དབང་ཀུན་དགའ་ལེགས་པའི་འབྱུང་གནས་ཡེ་ཤེས་རྒྱལ་མཚན་དཔལ་བཟང་པོས་བཀྲ་ཤིས་པའི་ལྷ་རེག །རིན་གཉིས་མེ་ཏོག་ས་བཅུའི་གྲངས་ལྡན་བཅས་ཀྱི་གནང་སྐྱེལ་དང་། གསུང་གིས་བསྐུལ་བར་གུས་པས་མཆོད་དེ། མགོན་པོ་གང་གིས་བཀའ་འབངས་ཀྱི་ཐ་ཆུང་འཇམ་དབྱངས་ཆོས་ཀྱི་བློ་གྲོས་པས། རྗེ་བཙུན་གྱི་ཚོགས་འཁོར་འབྲིང་པོ་དང་། ཆོས་རྗེའི་ཚོགས་འཁོར་རྒྱས་པ། འཕགས་པའི་ཚོགས་འཁོར་རྒྱས་བསྡུས་གཉིས། ངོར་ཆེན་རྡོ་རྗེ་འཆང་གི་གསང་བ་ཀུན་རྒྱན་དང་། ཀུན་བཟང་རྣམ་རོལ། ཀུན་མཁྱེན་རིན་པོ་ཆེའི་མཆོད་གཏོར་གྱི་ཆོ་ག་རྣམས་ལ་གཞི་བྱས། ཐམས་ཅད་མཁྱེན་པ་མཁྱེན་བརྩེའི་དབང་པོའི་མཁའ་སྤྱོད་མའི་ཚོགས་མཆོད་རྒྱས་པ་ལ་སྐབས་སུ་བབས་པའི་འབྱིན་འཇུག་ཅུང་ཟད་བྱས་ནས་དཀྱུས་སུ་བཀོད་དེ་གསལ་བར་བྲིས་པ། འདིས་ཀྱང་རང་གཞན་རྣམས་འཁོར་བ་སྡུག་བསྔལ་གྱི་རྒྱ་མཚོ་ལས་སྒྲོལ་ཏེ་བཅོམ་ལྡན་འདས་ཟུང་འཇུག་དང་པོའི་སངས་རྒྱས་རིགས་དྲུག་པ་རྡོ་རྗེ་འཆང་གི་གོ་འཕང་ཐོབ་བའི་རྒྱུར་གྱུར་ཅིག །ཡི་གེ་པ་ནི་སྨྱུག་འཛིན་འཇིགས་མེད་བློ་གྲོས་ཀྱིས་གུས་པས་བགྱིས་པ་ཨི་དཾ་ཤ་ས་ན་ཙ་སརྦ་སཏྭ་ཧེ་ཏོ་བྷ་ཝནྟུ། །དགེའོ། །མངྒ་ལཾ།། +
།ཞེས་པའང་རྒྱུད་གསུམ་མན་ངག་དང་བཅས་པའི་གཞུང་ལུགས་ལ་ཤིན་ཏུ་དད་ཀྱང༌། ཡུལ་དང༌། དུས་དང༌། གང་ཟག་གང་གི་སྒོ་ནས་ཀྱང་ཕུན་སུམ་ཚོགས་པ་མ་ཡིན་པའི་གནས་སྐབས་སུ་སྐྱེས་པས་རྒྱུད་དོན་གྱི་བཤད་སྲོལ་རྒྱས་པར་ཐོས་པའི་སྤྱོད་ཡུལ་དུ་མ་གྱུར་མོད། སྔར་སྨོས་པ་རྣམས་ཀྱི་ལུང་རྒྱུན་གང་བཞུགས་མཉན་ནས། ཡིག་ཆ་དེ་ཀུན་འབད་པས་བཙལ་ཏེ་བསམ་མནོས་ཞུན་མཐར་ཅུང་ཟད་བྱས་པའི་སྐལ་བཟང་ཙམ་ཉམས་སུ་མྱོང་བ། རིས་མེད་པའི་བསྟན་པ་ཐམས་ཅད་ལ་སྙིང་ནས་དད་པའི་བྱ་བྲལ་བ་མཁྱེན་བརྩེའི་དབང་པོས་བྲིས་པ་རྒྱུད་དོན་རྟོགས་པའི་བླཽ་གྲོས་མཆོག་ཏུ་དགེ་བའི་རྒྱུར་གྱུར་ཅིག །སརྦ་དཱ་མངྒ་ལཾ།། +
།ཞེས་པའང་ཀཿཐོག་སི་ཏུ་དང་། ཞེ་ཆེན་རྒྱལ་ཚབ་མཆོག་སྤྲུལ་གཉིས་ཀྱིས་ལམ་འབྲས་གསན་སྐབས་ཆོས་ཀྱི་བློ་གྲོས་པས་ཐུགས་དམ་བྱ་བདེར་བྲིས་པ་རང་ལུགས་འཛིན་པ་ལ་མི་མཁོ་ཡང་། གྲུབ་མཐའ་གཞན་དག་སྣང་གི་ཆོས་འདི་ལ་ཉན་བསྒོམ་མཛད་པ་རྣམས་ལའང་། ཅུང་ཟད་ཕན་ནམ་སྙམ་ནས་བྲིས་པ་སིདྡྷི་རསྟུ་ཤུ་བྷཾ།། +
དཔལ་གདོད་མའི་མགོན་པོ་དགོས་འདོད་ནོར་བུའི་རྒྱུད་ལས། དབང་མཛད་ཨཱརྱ་ཏཱ་རེའི་སྒྲུབ་ཐབས་རླུང་གི་ཞགས་པ་ལ་གསལ་བྱེད་ཉུང་ངུ་བཅས་ཕྱོགས་གཅིག་ཏུ་སྡེབ་པ་གྲུབ་གཉིས་དཔལ་སྟེར། +
སྤྲུལ་པའི་གཏེར་སྟོན་མངའ་བདག་རིག་འཛིན་འོད་གསལ་རྡོ་རྗེ་གླིང་པས་རབ་བྱུང་བཅུ་དྲུག་པའི་ཆུ་ཕོ་རྟ་ཡི་ལོར། མདོ་ཁམས་འདན་ཀྱུ་ར་བྲག་རྡོ་རྗེ་ཕག་མོའི་སྐུའི་དབྱིབས་ཀྱི་གཡས་ར་མ་བྲག་གི་རྒྱ་བསལ་ཏེ། རིམ་པ་བཅུ་བཞི་ཡོད་པའི་རིམ་པ་བཞི་པ་མཁའ་སྤྱོད་འཇའ་ལུས་ཕུག་ནས། མཐོང་གྲོལ་སྐུ་རྟེན་སོགས་དང་ལྷན་ཅིག་སྤྱན་དྲངས་པའི་རིན་པོ་ཆེའི་ཤོག་སེར་ལས་གཏན་ལ་ཕབ་ཅིང་། སླར་ཡང་ཞུ་དག་དང་གསལ་བྱེད་ཆོག་སྒྲིགས་བགྱིས་དགོས་ནན་ཏན་དུ་ཕེབས་པས། བརྡ་འཁྲུགས་ཡོད་པ་རྣམས་གསལ་བ་སོགས་ཀྱི་ཞུ་དག་དང་། གཏེར་གཞུང་ལ་མཛེས་རྒྱན་གྱིས་མཚམས་སྦྱོར་ཅུང་ཟད་དང་བཅས་༧འཇམ་དབྱངས་མཁྱེན་བརྩེའི་སྤྲུལ་མིང་འཛིན་པ་ཆོས་ཀྱི་བློ་གྲོས་སམ་འཇམ་དབྱངས་བློ་གྲོས་རྒྱ་མཚོ་གཙུག་ལག་ལུང་རིགས་ཉི་མ་སྨྲ་བའི་སེངྒེར་འབོད་པས་རྫོང་གསར་བཀྲ་ཤིས་ལྷ་རྩེའི་ཆོས་གྲྭ་ཆེན་པོའི་གཟིམ་ཁང་བཀྲ་ཤིས་འཆི་མེད་གྲུབ་པའི་དགའ་ཚལ་དུ་བྲིས་པ་འདིས་ཀྱང་ཟབ་གཏེར་གྱི་ཕྲིན་ལས་ཕྱོགས་མཐར་རྒྱས་པ་དང་བསྟན་འགྲོར་ཕན་བདེ་རྒྱ་ཆེན་པོ་འབྱུང་བའི་རྒྱུར་གྱུར་ཅིག །བཀྲ་ཤིས།། +
།ཅེས་འཇམ་རྡོར་མངོན་རྟོགས་བརྒྱུད་པའི་གསོལ་འདེབས་དང་བཅས་པ་འདི་ཡང་དགེ་སློང་ཚུལ་ཁྲིམས་རྒྱ་མཚོ་ལགས་ཀྱི་ཉམས་བཞེས་སུ་བྱ་བྲལ་བས་བཀྲ་ཤིས་པའི་ཆོས་སྡེར་སུག་བྲིས་སུ་བཏབ་པའོ། +
དཔལ་དུས་ཀྱི་འཁོར་ལོའི་རྒྱུད་འགྲེལ་ཆེན་དང་བཅས་པའི་བཤད་བཀའི་བརྒྱུད་གསུམ་སྨྲ་བ་རྡོ་རྗེ་ཐུགས་མཆོག་རྩལ་གྱིས་གུས་པས་གསོལ་བ་བཏབ་པ་ཇི་ལྟར་སྨོན་པའི་གནས་ཀུན་སིདྡྷི་རསྟུ +
།ཅེས་པའང་བདེར་གཤེགས་ཟུར་པོ་ཆེས་བྱིན་གྱིས་བརླབས་པའི་གནས་དཔལ་འུག་པ་ལུང་གི་ཉེ་འདབས་སུ་བརྒྱུད་གསུམ་སྨྲ་བ་རྡོ་རྗེ་ཐུགས་མཆོག་རྩལ་གྱིས་གུས་པས་གསོལ་བ་བཏབ་པ་ཇི་ལྟར་སྨོན་པའི་གནས་ཀུན་སིདྡྷི་རསྟུ། +
* '''Treasure colophon:''' དཔལ་ཆེན་གསང་བདག་གཏུམ་པོ་མེ་འབར་གྱི༔ རྒྱུད་ལུང་མན་ངག་སྙིང་པོའི་ཡང་ཞུན་འདི༔ ད་ལྟ་མངའ་བདག་ཡབ་སྲས་སྲུང་བར་གདམས༔ མ་འོངས་དོན་ཕྱིར་པྲ་དུན་རྩེ་རུ་སྦོས༔ སྔགས་པ་ཤཱཀྱ་འོད་ཀྱི་སྐྱེ་བའི་མཐའ༔ སྔ་མའི་མིང་ཅན་དབུ་རུའི་སྟོན་པ་ཆེ༔ དྲག་སྔགས་མཐུ་ལྡན་དེ་འདྲ་བྱུང་བའི་ཚེ༔ ཨོ་རྒྱན་ང་ཉིད་སྲིན་ཡུལ་གཤེགས་པའི་རྗེས༔ ལོ་ནི་བརྒྱ་དང་བཅུ་རུ་གཉིས་ལྷག་དུས༔ གདམས་པ་འདི་དང་དྲག་པོའི་གཏེར་མང་འདོན༔ དུས་དེར་འགྲོ་ཕན་རྒྱ་ཆེར་མ་བྱུང་ན༔ གསང་བའི་བརྡ་རིས་ཌཱ་ཀིའི་ལག་ཏུ་གཏོད༔ མ་འོངས་རྩུབ་འགྱུར་ཤིན་ཏུ་གདུལ་དཀའི་ཚེ༔ མངའ་བདག་གསུང་སྤྲུལ་པདྨའི་མིང་ལ་སྤྲོད༔ དེས་ཀྱང་གཏན་ལ་ཕབ་ཅིང་གསང་དང་སྤེལ༔ དུས་མཐའི་འགྲོ་བ་འགའ་ཡི་དོན་བྱེད་ཅིང་༔ སྙིང་པོའི་དོན་ལ་ཕན་པའི་བཙས་སུ་འགྱུར༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ མནྟྲ་གུ་ཧྱ་ས་མ་ཡ༔
* '''Revealer colophon:''' སྔགས་འཆང་ཆེན་པོ་ཤཱཀྱ་འོད་ཀྱི་སྐྱེ་མཐའ་དབུ་རུ་ལྷ་སའི་སྟོན་པ་ཤཱཀྱ་འོད་ཀྱིས་བྱང་པྲ་དུན་རྩེ་ནས་སྤྱན་དྲངས་པའི་རིན་པོ་ཆེའི་ཤོག་སེར་ཤོག་དྲིལ་ཆུང་ངུ་ཞིག །སླད་ནས་པདྨ་འོད་གསལ་མདོ་སྔགས་གླིང་པ་ལ་ཡེ་ཤེས་མཁའ་འགྲོས་དངོས་སུ་སྩལ་བ་གཏན་ལ་ཕབ་པ་ལྟར། ཁོ་བོ་འཆི་མེད་བསྟན་གཉིས་གཡུང་དྲུང་གླིང་པ་ལ་ཡེ་ཤེས་ཀྱི་གཟིགས་པ་ཆེན་པོས་སྨིན་གྲོལ་ཆིག་རྫོགས་སུ་སྩལ་བའོ། །དགེ་ལེགས་འཕེལ།།
+
* '''Author colophon:''' །ཅེས་སྔོན་མེད་པའི་ཟབ་གསང་སྙིང་པོའི་བཅུད་འདྲིལ་འདི་ཉིད་ཀྱང༌། གསང་བ་ཀུན་གྱི་མངའ་བདག་འཇིགས་བྲལ་གྱི་སློབ་དཔོན་པདྨ་འོད་གསལ་མདོ་སྔགས་གླིང་པས་སྨིན་གྲོལ་གྱི་བདུད་རྩི་སྩལ་ཏེ་བཀའི་གནང་བ་ཐོབ་པ་ལྟར། པདྨ་གར་དབང་བློ་གྲོས་མཐའ་ཡས་པའི་སྡེས་རྫོང་ཤོད་བདེ་གཤེགས་འདུས་པའི་ཕོ་བྲང་ཆེན་པོར་བགྱིས་པ་དགེ་ལེགས་འཕེལ།
* '''Editor colophon:''' །ཕུན་ཚོགས་རྣམ་རྒྱལ་པས་ནག་འགྲོས་སུ་བསྒྱུར་བའོ།།
+
།ཅེས་པའང་ཇོ་བོ་སྨྲྀ་ཏི་ཛྙཱ་ནས་རྫུ་འཕྲུལ་གྱི་བཀོད་པས་འདུ་བྱས་པའི་གླིང་བུ་དཔལ་ཆེན་དགྱེས་པའི་གཙུག་ལག་ཁང་གི་ཡང་རྩེར་སྤྲེལ་ལོ་གྲོ་བཞིན་ཟླ་བའི་ཚེས་ཉེར་ལྔ་ལ་རིག་པ་འཛིན་པའི་གྲལ་མཐར་འཁོད་པ་འཇམ་དབྱངས་ཆོས་ཀྱི་བློ་གྲོས་སམ། པདྨ་ཡེ་ཤེས་རྡོ་རྗེས་བསྟོད་པ་འདིས་ཀྱང་བླ་མ་དཔལ་ཆེན་པོའི་གོ་འཕང་མངོན་དུ་བརྙེས་པའི་རྒྱུར་གྱུར་ཅིག ། +
།ཞེས་པའང་པདྨའི་ཞལ་གདམས་རྩ་གསུམ་མཐོང་བ་རང་གྲོལ་གྱི་ཆོས་སྡེ་ཡང་དག་ཐིག་ལེ་གཅིག་པའི་གཞུང་རྡོ་རྗེའི་ཚིག་རྐང་རྒྱུན་གྱི་ཉམས་ལེན་ཁྱེར་བདེ་སྙིང་པོར་དྲིལ་བ་འདིའང་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོས་སྦྱར་བ་སརྦ་སཏྭ་མ་ཧཱ་སུ་ཁ་ཛྙཱ་ན་སྱ་ཀཱ་ཡ་སིདྡྷི་ཀུ་རུ།། +
།ཅེས་པའང་སྔ་འགྱུར་བཀའ་གཏེར་སྤྱིའི་ཕྱག་བཞེས་ལྟར་རྒྱུན་གྱི་རྣལ་འབྱོར་དུ་བློ་གསལ་རིག་པར་སྨྲ་བ་དགེ་སྦྱོང་བཀྲ་ཤིས་རྒྱ་མཚོས་བསྐུལ་བ་ལྟར་འཇིགས་མེད་མཁྱེན་བརྩེའི་འོད་ཟེར་གྱིས་རང་གཞན་ཉེར་མཁོའི་ཆེད་དུ་བྲིས་པའོ།། +
ཞེས་སློབ་དཔོན་ཧཱུྃ་ཀ་རས་བྱིན་གྱིས་བརླབ་ཅིང༌། རང་བྱུང་པདྨ་འབྱུང་གནས་ཀྱིས་སྙན་བརྒྱུད་དུ་གདམས་པ་ལྟར། པདྨ་འོད་གསལ་མདོ་སྔགས་གླིང་པས་ཀུན་མཁྱེན་འཕགས་པའི་སྤྲུལ་པ་དང༌། གཏེར་ཆེན་ཆོས་ཀྱི་རྒྱལ་པོ་འགྲོ་འདུལ་མཆོག་གྱུར་བདེ་ཆེན་གླིང་པ་ཡབ་སྲས་སོགས་ལུང་ཟིན་རྣམས་ཀྱི་དོན་དུ་ཡི་གེར་བཏབ་ཅིང༌། སྤྲུལ་པའི་གཏེར་སྟོན་ཆེན་པོར་སྨིན་གྲོལ་ཚངས་སྤྲུགས་སུ་ཕུལ་བས་ཐུགས་ཉམས་ཁྱད་པར་ཅན་ཤར་བ་སོགས་ཐུན་མོང་མ་ཡིན་པའི་རྟེན་འབྲེལ་ཟབ་རྒྱས་སུ་གྱུར་པ་ཤིན་ཏུ་གསང་བའི་ཆོས་སྡེའོ།། +
ཞེས་པ་འདི་ནི་མཆོག་གྱུར་བདེ་ཆེན་གླིང་པས་གོ་སྟོད་འོད་འབར་བྲག་གི་རི་ཞོལ་དུ་སྦྱར་བ་དགེ། +
།ཞེས་པའང་སྐྱབས་ཆེ་སྒྲུབ་བརྒྱུད་སྤྲུལ་པའི་སྐུ་མཆོག་དང་། ཚ་སྒང་ལོ་ཙཱ་བ་རཏྣ་བི་ཛ་ཡ་ཟུང་གིས་བསྐུལ་བ་ལྟར་ཆོས་འདིའི་བདག་པོར་བསྔགས་པ་གཞན་དག་གིའང་ཐུགས་དམ་ཉམས་བཞེས་སུ་ལྷག་བསམ་བཟང་པོས་ཀུན་ནས་བསླངས་ཏེ་མཚོ་སྐྱེས་རྡོ་རྗེ་འཆང་དགྱེས་པའི་འབངས་པདྨ་འོད་གསལ་མདོ་སྔགས་གླིང་པས་མདོ་གཞུང་སའི་ཐིག་ལེ་གཏེར་དགོན་ཕུན་ཚོགས་གླིང་དུ་རབ་བྱུང་བཅོ་ལྔ་པའི་མེ་ཡོས་ཁྲུམས་ཟླའི་ཤར་ཕྱོགས་ཀྱི་རྒྱལ་བ་དང་པོ་ལ་སྦྱར་བའི་དགེ་བས་འགྲོ་ཀུན་དཔལ་ཆེན་ཧེ་རུ་ཀའི་གོ་འཕང་ལ་མྱུར་དུ་རེག་པའི་རྒྱུར་གྱུར་ཅིག། +
