JKW-KABUM-14-PHA-012-002

From Khyentse Lineage - A Tsadra Foundation Project

དཔལ་ཆེན་པོའི་ཐུགས་ཕྱུང་བ་ཡང་དག་ཐིག་ལེ་གཅིག་མའི་ཉམས་ལེན་རྒྱུན་ཁྱེར་མཆོག་གི་མྱུར་ལམ།
Wylie title dpal chen po'i thugs phyung ba yang dag thig le gcig ma'i nyams len rgyun khyer mchog gi myur lam JKW-KABUM-14-PHA-012.pdf
Location mkhyen brtse'i bka' 'bum
Volume 14, sde tshan 12, Text 2, Pages 173-178 (Folios 3a4 to 5b2)
Author འཇམ་དབྱངས་མཁྱེན་བརྩེའི་དབང་པོ་
Less details More details
Tertön འཕྲེང་པོ་གཏེར་སྟོན་ཤེས་རབ་འོད་ཟེར་ ('phreng po gter ston shes rab 'od zer)
Citation 'jam dbyangs mkhyen brtse'i dbang po. dpal chen po'i thugs phyung ba yang dag thig le gcig ma'i nyams len rgyun khyer mchog gi myur lam. In 'jam dbyangs mkhyen brtse'i dbang po'i bka' 'bum, Vol. 14: 173-178. Khams sde dge rdzong sar dgon: Rdzong sar blo gros phun tshogs, 2020.
Genre Daily Practice - rgyun khyer
Cycle པདྨའི་ཞལ་གདམས་རྩ་གསུམ་མཐོང་བ་རང་གྲོལ་ (pad+ma'i zhal gdams rtsa gsum mthong ba rang grol)
Parent Cycle གྲོལ་ཏིག་དགོངས་པ་རང་གྲོལ་གྱི་ཆོས་སྡེ་ (grol tig dgongs pa rang grol gyi chos sde)
Deity yang dag he ru ka
Colophon

།ཞེས་པའང་པདྨའི་ཞལ་གདམས་རྩ་གསུམ་མཐོང་བ་རང་གྲོལ་གྱི་ཆོས་སྡེ་ཡང་དག་ཐིག་ལེ་གཅིག་པའི་གཞུང་རྡོ་རྗེའི་ཚིག་རྐང་རྒྱུན་གྱི་ཉམས་ལེན་ཁྱེར་བདེ་སྙིང་པོར་དྲིལ་བ་འདིའང་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོས་སྦྱར་བ་སརྦ་སཏྭ་མ་ཧཱ་སུ་ཁ་ཛྙཱ་ན་སྱ་ཀཱ་ཡ་སིདྡྷི་ཀུ་རུ།།

zhes pa'ang pad+ma'i zhal gdams rtsa gsum mthong ba rang grol gyi chos sde yang dag thig le gcig pa'i gzhung rdo rje'i tshig rkang rgyun gyi nyams len khyer bde snying por dril ba 'di'ang mtsho skyes bla ma dgyes pa'i 'bangs mkhyen brtse'i dbang pos sbyar ba sarba satwa ma hA su kha dz+nyA na s+ya kA ya sid+d+hi ku ru

":Property:textsubnumber|textsubnumber" can not be assigned to a declared number type with value 1.

[edit]
༄༅། །དཔལ་ཆེན་པོའི་ཐུགས་ཕྱུང་བ་ཡང་དག་ཐིག་ལེ་གཅིག་མའི་ཉམས་ལེན་རྒྱུན་ཁྱེར་མཆོག་གི་མྱུར་ལམ་ཞེས་བྱ་བ་བཞུགས་སོ། །

ན་མོ་གུ་རུ་མ་ཧཱ་ཤྲཱི་ཧེ་རུ་ཀཱ་ཡ། དེ་ལ་སྤྲུལ་པའི་སྐུ་དཔལ་དགའ་རབ་རྡོ་རྗེས་ཨོ་རྒྱན་དུས་གསུམ་མཁྱེན་པ་ཉིད་ལ་རྗེས་སུ་གདམས་པའི་ལམ་ཁྱད་པར་ཅན། ཡང་དག་ཐིག་ལེ་གཅིག་མའི་རྒྱུན་གྱི་རྣལ་འབྱོར་ཇི་ལྟར་ཉམས་སུ་བླང་བའི་ཚུལ་ལ་གཉིས། ཉིན་མོ་དང་། མཚན་མོའི་རྣལ་འབྱོར་རོ། །དང་པོ་ནི། རྡོ་རྗེ་སློབ་དཔོན་སངས་རྒྱས་དཔལ། །ཞེས་སོགས་ཀྱི་རྒྱུན་བཤགས་སྔོན་དུ་འགྲོ་བས། ཨོཾ་མ་ཧཱ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། སྟོང་གསལ་ནམ་མཁའི་ངང་ཉིད་ལས༔ སྟོང་ཉིད་རྣམ་དག་འོད་ལྔའི་དབུས༔ རྡོ་རྗེའི་རྭ་གུར་མེ་ཕུང་ཀློང་༔ རང་ཉིད་བཅོམ་ལྡན་རྡོ་རྗེ་སེམས༔ ཞི་བའི་ཆ་ལུགས་སྐུ་མདོག་དཀར༔ པ་ཏིའི་རྒྱན་གྱིས་རབ་ཏུ་མཛེས༔ རིན་ཆེན་དོ་ཤལ་སེ་མོ་དོ༔ དཔུང་རྒྱན་རྣ་ཆ་མགུར་ཆུ་དང་༔ གདུ་བུ་དག་གི་རྒྱན་གྱིས་སྤྲས༔ སྤྱན་གསུམ་ཞལ་བགྲད་འཛུམ་མདངས་ལྡན༔ རྡོ་རྗེ་དྲིལ་བུ་ཐུགས་ཀར་འཛིན༔ ཆུ་སྐྱེས་དཀར་པོའི་གདན་སྟེང་དུ༔ སེམས་དཔའི་སྐྱིལ་ཀྲུང་ཚུལ་དུ་བཞུགས༔ ཡེ་ཤེས་ལྔ་ལྡན་འོད་ལྔའི་ཀློང་༔ སྣང་དང་སྟོང་པ་དབྱེར་མེད་གྱུར༔ ཅེས་གསལ་བཏབ་ཅིང་། གཞུང་ལས། ཐུན་གཅིག་ལྷ་ལ་སེམས་གཏད་བསྒོམ༔ ཞེས་གསུངས་པ་ལྟར་རང་ཉིད་ལྷ་སྐུ་སྣང་སྟོང་ཟུང་འཇུག་ཆུ་ཟླའི་གཟུགས་བརྙན་ལྟ་བུ་ལ་ཡིད་རྩེ་གཅིག་ཏུ་གཏད་དེ་སེམས་གཟུང་། གསལ་སྣང་ཐོན་པ་ན་དེ་ལས་འོད་ཟེར་འཕྲོས་པས་སྣང་བ་ཐམས་ཅད་ལྷ་སྐུར་ལམ་གྱིས་འཆར་བར་བསམས་ལ་ཐ་མལ་གྱི་ཞེན་པ་སྦྱང་། དེས་སྐྱོ་ན། ཐུན་གཅིག་གསང་སྔགས་བཟླ་བར་བྱ༔ ཞེས་དང་། ཞི་བར་བསྒོམས་ཀྱང་དྲག་པོར་བཟླས༔ ཞེས་པའི་དོན་ཉམས་སུ་བླང་བ་ནི། ཐུགས་ཀྱི་གེ་སར་དབུས་ཉིད་དུ༔ ཉི་ཟླའི་གའུ་ཁ་སྦྱོར་བསམ༔ འོད་ཀྱི་གའུའི་ནང་དག་ཏུ༔ མི་ཤིགས་བཅུད་ཀྱི་ཐིག་ལེ་ནི༔ སྟོང་ཉིད་རང་བྱང་ཧེ་རུ་ཀ༔ སྒྱུ་མ་འོད་ཀྱི་གཟུགས་བརྙན་ཏེ༔ ཚོན་གང་འོད་ཀྱི་ཀློང་ན་བཞུགས༔ ཁ་དོག་མ་འདྲེས་སོ་སོར་གསལ༔ ཐུགས་ཀར་རྡོ་རྗེ་ནས་འབྲུ་ཙམ༔ རུ་ལུ་ལྗང་དམར་བཀླག་ཕྱོགས་བསྐོར༔ ཤིན་ཏུ་ཕྲ་ཞིང་ཟབ་པར་བརྟག༔ གསེར་གྱི་བ་ཐག་གཟེངས་པ་བཞིན༔ ཕར་འཕྲོས་པས་ནི་རུ་ལུར་གྱུར༔ ཚུར་འདུས་པས་ནི་དཔལ་ཆེན་པོ༔ སྣང་བ་སྐུ་ལ་གྲགས་པ་གསུང་༔ དྲན་རྟོག་ཐུགས་སུ་བྱིན་བརླབས་གྱུར༔ ཅེས་བསྒོམ་སྟེ། ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ༔ ཅི་ནུས་སུ་བཟླ་ཞིང་བརྟན་གཡོའི་སྒྲ་སྐད་ཐམས་ཅད་སྔགས་སུ་འཆར་བ་ལ་བསླབས་རྗེས་རྡོ་རྗེའི་བཟླས་པ་ནི། གཞུང་ལས། ཐུན་གཅིག་རླུང་དང་འགྲོ་འོང་བསྟུན༔ ཅེས་པས་རླུང་ནང་དུ་འཇུག་པ་ཨོཾ། གནས་པ་རུ་ལུ་རུ་ལུ། ལྡང་བ་ཧཱུྃ་བྷྱོ་ཧཱུྃ་གི་གདངས་སུ་ཤེས་པས་རླུང་སྔགས་དབྱེར་མེད་པའི་བཟླས་པ་ལ་སེམས་འཛིན། མཐར་རྫོགས་པའི་རིམ་པ་ནི། ཐུན་གཅིག་མངོན་སུམ་གནད་ལ་འབད༔ ཅེས་པའི་དོན་ཉམས་སུ་བླང་པ་ནི། མ་བཅོས་རིག་པ་ཀུན་ཏུ་བཟང་༔ བཞེངས་གྲོལ་མེད་པའི་ནམ་མཁའ་ལ༔ རྒྱ་ཆད་མེད་པར་ཁྱབ་གདལ་ལོ༔ ཡུལ་མེད་ཤེས་པ་སོ་མ་ལ༔ མ་ཡེངས་དྲན་པའི་འཛིན་ཕུར་གདབ༔ དབྱིངས་རིག་ཐིག་ལེ་མངོན་སུམ་ལ༔ ལྷན་ནེ་རྗེན་ནེ་ཧྲིག་གེ་བལྟ༔ སངས་རྒྱས་དགོངས་པ་འདུས་པའི་དོན༔ འདི་ལས་མི་འདའ་ཨེ་མ་ཧོ༔ ཞེས་གསུངས་པ་ལྟར་མཉམ་པར་གཞག །ཐུན་ལས་ལྡང་བ་ན། དགེ་བ་འདི་ཡིས་མྱུར་དུ་བདག །རྡོ་རྗེ་སེམས་དཔའ་འགྲུབ་གྱུར་ནས། །འགྲོ་བ་གཅིག་ཀྱང་མ་ལུས་པ། །དེ་ཡི་ས་ལ་འགོད་པར་ཤོག །ཅེས་བསྔོ་སྨོན་བྱ་ཞིང་ཐུན་མཚམས་ཐམས་ཅད་དུའང་སྣང་གྲགས་རྟོག་གསུམ་ལྷ་སྔགས་ཆོས་སྐུའི་ཡེ་ཤེས་སུ་ལམ་དུ་ཁྱེར་རོ།། །།

གཉིས་པ་ནི། མཚན་མོའི་དུས་སུ་དཔལ་ཧེ་རུ་ཀའི་རྣལ་འབྱོར་ཉམས་སུ་བླང་སྟེ། སྐྱབས་སེམས་སྔོན་དུ་འགྲོ་བས། ཨོཾ་མ་ཧཱ་ཤཱུནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། སྟོང་གསལ་ནམ་མཁའི་ངང་ཉིད་ལས༔ སྟོང་ཉིད་རྣམ་དག་འོད་ལྔའི་དབུས༔ རྡོ་རྗེའི་ས་གཞི་རྭ་གུར་མེ༔ དུར་ཁྲོད་ཆེན་པོའི་ཕོ་བྲང་དབུས༔ རང་ཉིད་དཔལ་ཆེན་ཧེ་རུ་ཀ༔ ཞལ་གཅིག་ཕྱག་གཉིས་སྐུ་མདོག་མཐིང་༔ ཕྱག་གཉིས་རྡོ་རྗེ་དྲིལ་བུ་འཁྲོལ༔ ཞིང་གི་ཆོས་གོས་ལེགས་བསྣམ་ཤིང་༔ བདེ་ཆེན་རུས་པའི་རྒྱན་གྱིས་མཛེས༔ དཔའ་བོ་སྟག་གི་ཤམ་ཐབས་དཀྲིས༔ ཆུ་སྐྱེས་ཉི་ཟླའི་གདན་སྟེང་དུ༔ དགྱེས་ཤིང་གར་བྱེད་ཚུལ་དུ་བཞུགས༔ ཡེ་ཤེས་ལྔ་ལྡན་མེ་ཕུང་དབུས༔ ཕུབ་ལྟར་འཁྱིལ་ཞིང་མདའ་ལྟར་འཕྲོ༔ དུར་ཁྲོད་བརྒྱད་ཀྱི་མ་མོས་བསྐོར༔ རུ་ལུའི་གད་རྒྱངས་ཕྱོགས་བཅུར་སྒྲོགས༔ ཟག་མེད་བདེ་བའི་རང་གསལ་ཆགས༔ སྣང་བཞིན་སྟོང་པ་ཆུ་ཟླ་འདྲ༔ བརྗོད་ཅིང་སྟོང་པ་བྲག་ཅ་འདྲ༔ གསལ་ཞིང་སྟོང་པ་འཇའ་ཚོན་འདྲ༔ མེད་བཞིན་སྟོང་པ་ནམ་མཁའ་འདྲ༔ མྱོང་བཞིན་སྟོང་པ་རྨི་ལམ་འདྲ༔ སྣང་སྟོང་ཟུང་འཇུག་ཆེན་པོར་གྱུར༔ ཅེས་གསལ་བཏབ་ཅིང་ཐུན་གཅིག་ལྷར་སྣང་ལ་སེམས་གཟུང་། ཐུགས་ཀྱི་གེ་སར་དབུས་ཉིད་དུ༔ ཞེས་སོགས་ཛཔ྄་དགོངས་གོང་ལྟར་གསལ་བས་ཐུན་གཅིག་ངག་བཟླས་དང་། ཐུན་གཅིག་ཡིད་བཟླས་མཐར་དབྱིངས་རིག་ཟུང་འཇུག་མངོན་སུམ་གྱི་གནད་ལ་གཟིར། དེ་ལས་ལྡང་བ་ན། དགེ་བ་འདི་ཡིས་མྱུར་དུ་བདག །ཧེ་རུ་ཀ་དཔལ་འགྲུབ་གྱུར་ནས། །ཞེས་སོགས་བསྔོ་སྨོན་གྱིས་རྒྱས་བཏབ་སྟེ་ཐུན་མཚམས་ཀྱི་བྱ་བ་ལ་འཇུག་གོ། །འདིའི་སྒོ་ནས་ཉམས་ཆག་སྐོང་བའི་མན་ངག་ནི། གཞུང་ལས། རྣལ་འབྱོར་ནད་ཀྱིས་ཉེན་པའམ༔ ཉམས་ཆག་ཆེན་པོ་བྱུང་བའི་ཚེ༔ ཞུན་ཆེན་མར་མེ་འབྱོར་ཚད་བཤམ༔ ག་ཎའི་འབྱོར་ཚོགས་ཅི་ཡོད་རྣམས༔ བླ་མ་ཡི་དམ་མཁའ་འགྲོ་མཆོད༔ རྡོ་རྗེ་གཟུངས་མ་ལ་ཡང་འབུལ༔ རྩ་བའི་རྡོ་རྗེ་སློབ་དཔོན་དང་༔ དམ་ཚིག་རྩ་བ་སྤུན་གྲོགས་ལ། ན་རག་གདོན་ཅིང་བརྐྱང་ཕྱག་འཚལ༔ དུས་དྲུག་རུ་ལུའི་མཆོད་པ་འབུལ༔ ཞེས་པའི་དོན་མདོར་བསྡུས་པ་ནི། ཡར་མར་གྱི་ཚེས་བཅུ་སོགས་དུས་བཟང་པོར་མདུན་དུ་དམ་ཚིག་གི་བྲིས་སྐུས་གཙོས་རྟེན་གསུམ་བྱིན་རླབས་ཅན་གྱི་སྤྱན་སྔར་སྨན་གཏོར་རཀྟ་དང་མར་མེ་གཙོ་བོར་གྱུར་པའི་མཆོད་པ་ཅི་འབྱོར་བཤམ། བདག་བསྐྱེད་བཟླས་པ་བཅས་སྔོན་དུ་འགྲོ་བས། མཆོད་རྫས་བྱིན་རླབས་སྤྱི་ལྟར་བྱས་ཏེ། རང་གི་སྙིང་ག་ནས་འོད་ཟེར་འཕྲོས་པས་ཕྱོགས་བཅུ་དུས་བཞིའི་བླ་མ་ཡི་དམ་མཁའ་འགྲོ་ཆོས་སྐྱོང་སྲུང་མའི་ཚོགས་དང་བཅས་པ་ཉམས་ཆག་བཤགས་པའི་ཡུལ་དུ་མདུན་གྱི་ནམ་མཁར་བཛྲ་ས་མཱ་ཛ༔ ཨོཾ། ཡེ་ཤེས་སྐུ་མཆོག་སོགས་ཀྱིས་ཚོགས་ཞིང་མཁའ་ཁྱབ་ཏུ་སྤྱན་དྲངས་ཤིང་སྙན་གསན་ཕབ་ནས། ཞི་ཁྲོ་དང་། བཀའ་བརྒྱད་གསང་རྫོགས་སོགས་བཀའ་གཏེར་གྱི་གཞུང་གང་རུང་ལས་འབྱུང་བའི་ན་རཀ་བཤགས་སྐོང་གི་ཆོས་དང་། ཚོགས་ཀྱི་མཆོད་པའང་བྱས་ལ་རུ་ལུའི་ཛཔ྄་དབྱངས་བླང་། ཐུན་མཐར་བསྔོ་སྨོན་ཤིས་བརྗོད་ཀྱིས་མཐའ་བརྒྱན། དེ་ལྟ་བུ་ཉིན་མཚན་དུས་དྲུག་ཏུ་འབད་བས། མཁའ་འགྲོ་སྤྲིན་བཞིན་འདུ་བར་འགྱུར༔ ཕྱི་ནང་བར་ཆད་བསལ་བ་དང་༔ ཉམས་ཆག་ཐམས་ཅད་སྐོང་བར་འགྱུར༔ རྣལ་འབྱོར་འཆི་བ་བསླུ་བ་དང་༔ གཡུང་དྲུང་ཚེ་ཡི་དངོས་གྲུབ་འབྱུང་༔ ཞེས་གསུངས་པས་མཚོན་ཏེ་ཕན་ཡོན་བསམ་གྱིས་མི་ཁྱབ་པར་ཤེས་པར་བྱའོ། །ཞེས་པའང་པདྨའི་ཞལ་གདམས་རྩ་གསུམ་མཐོང་བ་རང་གྲོལ་གྱི་ཆོས་སྡེ་ཡང་དག་ཐིག་ལེ་གཅིག་པའི་གཞུང་རྡོ་རྗེའི་ཚིག་རྐང་རྒྱུན་གྱི་ཉམས་ལེན་ཁྱེར་བདེ་སྙིང་པོར་དྲིལ་བ་འདིའང་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོས་སྦྱར་བ་སརྦ་སཏྭ་མ་ཧཱ་སུ་ཁ་ཛྙཱ་ན་སྱ་ཀཱ་ཡ་སིདྡྷི་ཀུ་རུ།། །། ༈
[edit]

dpal chen po'i thugs phyung ba yang dag thig le gcig ma'i nyams len rgyun khyer mchog gi myur lam/ @#/_/dpal chen po'i thugs phyung ba yang dag thig le gcig ma'i nyams len rgyun khyer mchog gi myur lam zhes bya ba bzhugs so/__/ na mo gu ru ma hA shrI he ru kA ya/__de la sprul pa'i sku dpal dga' rab rdo rjes o rgyan dus gsum mkhyen pa nyid la rjes su gdams pa'i lam khyad par can/__yang dag thig le gcig ma'i rgyun gyi rnal 'byor ji ltar nyams su blang ba'i tshul la gnyis/__nyin mo dang /__mtshan mo'i rnal 'byor ro/__/dang po ni/__rdo rje slob dpon sangs rgyas dpal/__/zhes sogs kyi rgyun bshags sngon du 'gro bas/__oM ma hA shU n+ya tA dz+nyA na badz+ra swa b+hA wa At+ma ko\u0f85haM/__stong gsal nam mkha'i ngang nyid las:__stong nyid rnam dag 'od lnga'i dbus:__rdo rje'i rwa gur me phung klong :__rang nyid bcom ldan rdo rje sems:__zhi ba'i cha lugs sku mdog dkar:__pa ti'i rgyan gyis rab tu mdzes:__rin chen do shal se mo do:__dpung rgyan rna cha mgur chu dang :__gdu bu dag gi rgyan gyis spras:__spyan gsum zhal bgrad 'dzum mdangs ldan:__rdo rje dril bu thugs kar 'dzin:__chu skyes dkar po'i gdan steng du:__sems dpa'i skyil krung tshul du bzhugs:__ye shes lnga ldan 'od lnga'i klong :__snang dang stong pa dbyer med gyur:__ces gsal btab cing /__gzhung las/__thun gcig lha la sems gtad bsgom:__zhes gsungs pa ltar rang nyid lha sku snang stong zung 'jug chu zla'i gzugs brnyan lta bu la yid rtse gcig tu gtad de sems gzung /__gsal snang thon pa na de las 'od zer 'phros pas snang ba thams cad lha skur lam gyis 'char bar bsams la tha mal gyi zhen pa sbyang /__des skyo na/__thun gcig gsang sngags bzla bar bya:__zhes dang /__zhi bar bsgoms kyang drag por bzlas:__zhes pa'i don nyams su blang ba ni/__thugs kyi ge sar dbus nyid du:__nyi zla'i ga'u kha sbyor bsam:__'od kyi ga'u'i nang dag tu:__mi shigs bcud kyi thig le ni:__stong nyid rang byang he ru ka:__sgyu ma 'od kyi gzugs brnyan te:__tshon gang 'od kyi klong na bzhugs:__kha dog ma 'dres so sor gsal:__thugs kar rdo rje nas 'bru tsam:__ru lu ljang dmar bklag phyogs bskor:__shin tu phra zhing zab par brtag:__gser gyi ba thag gzengs pa bzhin:__phar 'phros pas ni ru lur gyur:__tshur 'dus pas ni dpal chen po:__snang ba sku la grags pa gsung :__dran rtog thugs su byin brlabs gyur:__ces bsgom ste/__oM ru lu ru lu hU~M b+h+yo hU~M:__ci nus su bzla zhing brtan g.yo'i sgra skad thams cad sngags su 'char ba la bslabs rjes rdo rje'i bzlas pa ni/__gzhung las/__thun gcig rlung dang 'gro 'ong bstun:__ces pas rlung nang du 'jug pa oM/__gnas pa ru lu ru lu/__ldang ba hU~M b+h+yo hU~M gi gdangs su shes pas rlung sngags dbyer med pa'i bzlas pa la sems 'dzin/__mthar rdzogs pa'i rim pa ni/__thun gcig mngon sum gnad la 'bad:__ces pa'i don nyams su blang pa ni/__ma bcos rig pa kun tu bzang :__bzhengs grol med pa'i nam mkha' la:__rgya chad med par khyab gdal lo:__yul med shes pa so ma la:__ma yengs dran pa'i 'dzin phur gdab:__dbyings rig thig le mngon sum la:__lhan ne rjen ne hrig ge blta:__sangs rgyas dgongs pa 'dus pa'i don:__'di las mi 'da' e ma ho:__zhes gsungs pa ltar mnyam par gzhag__/thun las ldang ba na/__dge ba 'di yis myur du bdag__/rdo rje sems dpa' 'grub gyur nas/__/'gro ba gcig kyang ma lus pa/__/de yi sa la 'god par shog__/ces bsngo smon bya zhing thun mtshams thams cad du'ang snang grags rtog gsum lha sngags chos sku'i ye shes su lam du khyer ro//__// gnyis pa ni/__mtshan mo'i dus su dpal he ru ka'i rnal 'byor nyams su blang ste/__skyabs sems sngon du 'gro bas/__oM ma hA shUn+ya tA dz+nyA na badz+ra swa b+hA wa At+ma ko\u0f85haM/__stong gsal nam mkha'i ngang nyid las:__stong nyid rnam dag 'od lnga'i dbus:__rdo rje'i sa gzhi rwa gur me:__dur khrod chen po'i pho brang dbus:__rang nyid dpal chen he ru ka:__zhal gcig phyag gnyis sku mdog mthing :__phyag gnyis rdo rje dril bu 'khrol:__zhing gi chos gos legs bsnam shing :__bde chen rus pa'i rgyan gyis mdzes:__dpa' bo stag gi sham thabs dkris:__chu skyes nyi zla'i gdan steng du:__dgyes shing gar byed tshul du bzhugs:__ye shes lnga ldan me phung dbus:__phub ltar 'khyil zhing mda' ltar 'phro:__dur khrod brgyad kyi ma mos bskor:__ru lu'i gad rgyangs phyogs bcur sgrogs:__zag med bde ba'i rang gsal chags:__snang bzhin stong pa chu zla 'dra:__brjod cing stong pa brag ca 'dra:__gsal zhing stong pa 'ja' tshon 'dra:__med bzhin stong pa nam mkha' 'dra:__myong bzhin stong pa rmi lam 'dra:__snang stong zung 'jug chen por gyur:__ces gsal btab cing thun gcig lhar snang la sems gzung /__thugs kyi ge sar dbus nyid du:__zhes sogs dzapa? dgongs gong ltar gsal bas thun gcig ngag bzlas dang /__thun gcig yid bzlas mthar dbyings rig zung 'jug mngon sum gyi gnad la gzir/__de las ldang ba na/__dge ba 'di yis myur du bdag__/he ru ka dpal 'grub gyur nas/__/zhes sogs bsngo smon gyis rgyas btab ste thun mtshams kyi bya ba la 'jug go/_/'di'i sgo nas nyams chag skong ba'i man ngag ni/__gzhung las/__rnal 'byor nad kyis nyen pa'am:__nyams chag chen po byung ba'i tshe:__zhun chen mar me 'byor tshad bsham:__ga Na'i 'byor tshogs ci yod rnams:__bla ma yi dam mkha' 'gro mchod:__rdo rje gzungs ma la yang 'bul:__rtsa ba'i rdo rje slob dpon dang :__dam tshig rtsa ba spun grogs la/__na rag gdon cing brkyang phyag 'tshal:__dus drug ru lu'i mchod pa 'bul:__zhes pa'i don mdor bsdus pa ni/__yar mar gyi tshes bcu sogs dus bzang por mdun du dam tshig gi bris skus gtsos rten gsum byin rlabs can gyi spyan sngar sman gtor rak+ta dang mar me gtso bor gyur pa'i mchod pa ci 'byor bsham/__bdag bskyed bzlas pa bcas sngon du 'gro bas/__mchod rdzas byin rlabs spyi ltar byas te/__rang gi snying ga nas 'od zer 'phros pas phyogs bcu dus bzhi'i bla ma yi dam mkha' 'gro chos skyong srung ma'i tshogs dang bcas pa nyams chag bshags pa'i yul du mdun gyi nam mkhar badz+ra sa mA dza:__oM/__ye shes sku mchog sogs kyis tshogs zhing mkha' khyab tu spyan drangs shing snyan gsan phab nas/__zhi khro dang /__bka' brgyad gsang rdzogs sogs bka' gter gyi gzhung gang rung las 'byung ba'i na raka bshags skong gi chos dang /__tshogs kyi mchod pa'ang byas la ru lu'i dzapa? dbyangs blang /__thun mthar bsngo smon shis brjod kyis mtha' brgyan/__de lta bu nyin mtshan dus drug tu 'bad bas/__mkha' 'gro sprin bzhin 'du bar 'gyur:__phyi nang bar chad bsal ba dang :__nyams chag thams cad skong bar 'gyur:__rnal 'byor 'chi ba bslu ba dang :__g.yung drung tshe yi dngos grub 'byung :__zhes gsungs pas mtshon te phan yon bsam gyis mi khyab par shes par bya'o/__/zhes pa'ang pad+ma'i zhal gdams rtsa gsum mthong ba rang grol gyi chos sde yang dag thig le gcig pa'i gzhung rdo rje'i tshig rkang rgyun gyi nyams len khyer bde snying por dril ba 'di'ang mtsho skyes bla ma dgyes pa'i 'bangs mkhyen brtse'i dbang pos sbyar ba sarba satwa ma hA su kha dz+nyA na s+ya kA ya sid+d+hi ku ru//___//_!

Footnotes

Other Information