JKW-KABUM-16-MA-029-010

Previous Text Back to Volume PageNext Text

དཔལ་གསང་བ་སྙིང་པོའི་བཤད་རྒྱུན་གྱི་བརྒྱུད་པའི་གསོལ་འདེབས་བྱིན་རླབས་ཤིང་རྟ།

Wylie title	dpal gsang ba snying po'i bshad rgyun gyi brgyud pa'i gsol 'debs byin rlabs shing rta
Location	mkhyen brtse'i bka' 'bum Volume 16, sde tshan 29, Text 10, Pages 278-280 (Folios 11b5 to 12b5)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. dpal gsang ba snying po'i bshad rgyun gyi brgyud pa'i gsol 'debs byin rlabs shing rta. In 'jam dbyangs mkhyen brtse'i dbang po'i bka' 'bum, Vol. 16: 278-280. Khams sde dge rdzong sar dgon: Rdzong sar blo gros phun tshogs, 2020.
Genre	Lineage Supplications - brgyud 'debs
Colophon	།ཅེས་པའང་བདེར་གཤེགས་ཟུར་པོ་ཆེས་བྱིན་གྱིས་བརླབས་པའི་གནས་དཔལ་འུག་པ་ལུང་གི་ཉེ་འདབས་སུ་བརྒྱུད་གསུམ་སྨྲ་བ་རྡོ་རྗེ་ཐུགས་མཆོག་རྩལ་གྱིས་གུས་པས་གསོལ་བ་བཏབ་པ་ཇི་ལྟར་སྨོན་པའི་གནས་ཀུན་སིདྡྷི་རསྟུ།
	ces pa'ang bder gshegs zur po ches byin gyis brlabs pa'i gnas dpal 'ug pa lung gi nye 'dabs su brgyud gsum smra ba rdo rje thugs mchog rtsal gyis gus pas gsol ba btab pa ji ltar smon pa'i gnas kun sid+d+hi rastu

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

༄༅། །དཔལ་གསང་བ་སྙིང་པོའི་བཤད་རྒྱུན་གྱི་བརྒྱུད་པའི་གསོལ་འདེབས་བྱིན་རླབས་ཤིང་རྟ་ཞེས་བྱ་བ་བཞུགས་སོ། །གདོད་མའི་མགོན་པོ་གསང་བདག་རིགས་ཅན་ལྔ། །ལུང་བསྟན་རྡོ་རྗེ་ཀུ་ཀུ་རཱ་ཛ་དང་། །ཨིནྡྲ་བྷུ་ཏི་སིདྷ་ཨུ་པའི་ཞབས། །གོ་མ་དེ་བཱི་རྣམས་ལ་གསོལ་བ་འདེབས། །སྒེག་པའི་རྡོ་རྗེ་སངས་རྒྱས་གསང་བ་དང་། །བི་མ་མི་ཏྲ་ལོ་ཆེན་རྨ་གཉགས་ཟུང་། རིན་ཆེན་གཞོན་ནུ་གྱེ་རེ་མཆོག་སྐྱོང་དང་། །རྒྱལ་བའི་ཡོན་ཏན་རྣམས་ལ་གསོལ༴ གནུབས་ཆེན་ཡབ་སྲས་ཡེ་ཤེས་རྒྱ་མཚོ་དང་། །ཤེར་མཆོག་ཡེ་འབྱུང་བདེར་གཤེགས་ཟུར་པོ་ཆེ། །ཤེས་རབ་གྲགས་པ་ཐུགས་སྲས་རྣམ་བཞི་དང་། །ཤཱཀྱ་སེང་གེ་རྣམས་ལ༴ ཆོས་ཀྱི་སེང་གེ་གཙང་ནག་འོད་འབར་བ། །མེས་སྟོན་མགོན་པོ་ཤེས་རབ་ཚུལ་ཁྲིམས་དང་། །རྟ་ནག་བདུད་འདུལ་མདའ་སྟོན་ཤཱཀྱ་འཕེལ། །བྱམས་པ་སེང་གེ་རྣམས་ལ༴ བསམ་འགྲུབ་རྡོ་རྗེ་སྒྲོལ་ཆེན་སངས་རིན་ཞབས། །ཐམས་ཅད་མཁྱེན་པ་འགོས་ལོ་གཞོན་ནུ་དཔལ། །ཡེ་ཤེས་དཔལ་བཟང་རིན་ཆེན་ཕུན་ཚོགས་དང་། །ཉི་ཟླ་སངས་རྒྱས་རྣམས་ལ༴ འཁོན་སྟོན་ཚེ་དབང་དཔལ་འབྱོར་ལྷུན་གྲུབ་དང་། །བཀྲ་ཤིས་ཀུན་དགའ་གསང་བདག་ཕྲིན་ལས་ཞབས། །སྔ་འགྱུར་བསྟན་པའི་ཉི་མ་གཏེར་བདག་གླིང་། །དྷརྨ་ཤྲཱི་རྣམས་ལ༴ ཆོས་ཀྱི་གྲགས་པ་མདོ་རྒྱུད་རྒྱ་མཚོའི་སྡེ། །ཆོས་ཀྱི་རྡོ་རྗེ་ཕྲིན་ལས་རྣམ་པར་རྒྱལ། །ངེས་དོན་བསྟན་འཕེལ་ཀུན་མཁྱེན་བླ་མ་མཆོག །མཐུ་སྟོབས་རྣམ་རྒྱལ་རྣམས་ལ་གསོལ་བ་འདེབས། །དེ་ལྟར་གསོལ་བ་བཏབ་པའི་བྱིན་རླབས་ཀྱིས། །བརྒྱུད་པ་གསུམ་ལྡན་རིག་འཛིན་རྒྱ་མཚོ་ཡི། །ཐུགས་རྗེའི་བདུད་རྩིས་རྟག་ཏུ་དགེ་བྱས་པས། །ཟབ་དོན་རྟོགས་པའི་བློ་གྲོས་རྒྱས་པར་ཤོག །མཚན་ཙམ་གྱིས་ཀྱང་རྒྱུད་དོན་ཡོངས་རྫོགས་ཤིང་། །དོན་སྤྱིའི་ཐོས་བསམ་སྒྲོ་འདོགས་ལེགས་ཆོད་ནས། །རྡོ་རྗེའི་ཚིག་ཀུན་གསལ་བར་མཐོང་བ་ཡི། །སྐལ་བཟང་སྲིད་ན་མཚུངས་པ་མེད་གྱུར་ཅིག །གཞི་ལམ་འབྲས་བུའི་ངེས་གསང་ཁོང་དུ་ཆུད། །རྒྱུད་ཀྱི་དངོས་པོ་རྣམ་བཅུར་དབང་འབྱོར་ཞིང་། །རྩེ་གཅིག་བསྐྱེད་རྫོགས་ཟབ་མོའི་རྣལ་འབྱོར་གྱིས། །རང་གཞན་དོན་གཉིས་ལྷུན་གྱིས་གྲུབ་པར་ཤོག །དེ་མཐུས་སྐུ་གསུམ་སྟོན་པའི་ཐུགས་ཀྱི་བཅུད། །གྲུབ་པའི་དབང་ཕྱུག་བྱེ་བ་གཤེགས་པའི་ཤུལ། །དཔལ་ལྡན་སྙིང་པོའི་བཤད་སྒྲུབ་སེང་གེའི་སྒྲས། །ཕྱོགས་དུས་ཀུན་ཏུ་ཡོངས་སུ་ཁྱབ་གྱུར་ཅིག །ཆོས་དབྱིངས་བཟོད་ནས་ཞི་བའི་ཡེ་ཤེས་དང་། །ཆོས་ཅན་རྟེན་འབྲེལ་བསླུ་བ་མེད་པ་ཡིས། །ཇི་ལྟར་གསོལ་བ་བཏབ་པའི་དགེ་མཚན་གྱིས། །སྲིད་ཞིའི་ཕུན་ཚོགས་རྒྱས་པའི་བཀྲ་ཤིས་ཤོག །ཅེས་པའང་བདེར་གཤེགས་ཟུར་པོ་ཆེས་བྱིན་གྱིས་བརླབས་པའི་གནས་དཔལ་འུག་པ་ལུང་གི་ཉེ་འདབས་སུ་བརྒྱུད་གསུམ་སྨྲ་བ་རྡོ་རྗེ་ཐུགས་མཆོག་རྩལ་གྱིས་གུས་པས་གསོལ་བ་བཏབ་པ་ཇི་ལྟར་སྨོན་པའི་གནས་ཀུན་སིདྡྷི་རསྟུ། ། ༈

[edit]

gsang ba snying po'i bshad rgyun gsol 'debs/__ @#/_/dpal gsang ba snying po'i bshad rgyun gyi brgyud pa'i gsol 'debs byin rlabs shing rta zhes bya ba bzhugs so/__/gdod ma'i mgon po gsang bdag rigs can lnga/__/lung bstan rdo rje ku ku rA dza dang /__/in+d+ra b+hu ti sid+ha u pa'i zhabs/__/go ma de bI rnams la gsol ba 'debs/__/sgeg pa'i rdo rje sangs rgyas gsang ba dang /__/bi ma mi tra lo chen rma gnyags zung /__rin chen gzhon nu gye re mchog skyong dang /__/rgyal ba'i yon tan rnams la gsol=__gnubs chen yab sras ye shes rgya mtsho dang /__/sher mchog ye 'byung bder gshegs zur po che/__/shes rab grags pa thugs sras rnam bzhi dang /__/shAkya seng ge rnams la=__chos kyi seng ge gtsang nag 'od 'bar ba/__/mes ston mgon po shes rab tshul khrims dang /__/rta nag bdud 'dul mda' ston shAkya 'phel/__/byams pa seng ge rnams la=__bsam 'grub rdo rje sgrol chen sangs rin zhabs/__/thams cad mkhyen pa 'gos lo gzhon nu dpal/__/ye shes dpal bzang rin chen phun tshogs dang /__/nyi zla sangs rgyas rnams la=__'khon ston tshe dbang dpal 'byor lhun grub dang /__/bkra shis kun dga' gsang bdag phrin las zhabs/__/snga 'gyur bstan pa'i nyi ma gter bdag gling /__/d+harma shrI rnams la=__chos kyi grags pa mdo rgyud rgya mtsho'i sde/__/chos kyi rdo rje phrin las rnam par rgyal/__/nges don bstan 'phel kun mkhyen bla ma mchog__/mthu stobs rnam rgyal rnams la gsol ba 'debs/__/de ltar gsol ba btab pa'i byin rlabs kyis/__/brgyud pa gsum ldan rig 'dzin rgya mtsho yi/__/thugs rje'i bdud rtsis rtag tu dge byas pas/__/zab don rtogs pa'i blo gros rgyas par shog__/mtshan tsam gyis kyang rgyud don yongs rdzogs shing /__/don spyi'i thos bsam sgro 'dogs legs chod nas/__/rdo rje'i tshig kun gsal bar mthong ba yi/__/skal bzang srid na mtshungs pa med gyur cig__/gzhi lam 'bras bu'i nges gsang khong du chud/__/rgyud kyi dngos po rnam bcur dbang 'byor zhing /__/rtse gcig bskyed rdzogs zab mo'i rnal 'byor gyis/__/rang gzhan don gnyis lhun gyis grub par shog__/de mthus sku gsum ston pa'i thugs kyi bcud/__/grub pa'i dbang phyug bye ba gshegs pa'i shul/__/dpal ldan snying po'i bshad sgrub seng ge'i sgras/__/phyogs dus kun tu yongs su khyab gyur cig__/chos dbyings bzod nas zhi ba'i ye shes dang /__/chos can rten 'brel bslu ba med pa yis/__/ji ltar gsol ba btab pa'i dge mtshan gyis/__/srid zhi'i phun tshogs rgyas pa'i bkra shis shog__/ces pa'ang bder gshegs zur po ches byin gyis brlabs pa'i gnas dpal 'ug pa lung gi nye 'dabs su brgyud gsum smra ba rdo rje thugs mchog rtsal gyis gus pas gsol ba btab pa ji ltar smon pa'i gnas kun sid+d+hi rastu/___/__!