དཔལ་ཆེན་བཀའ་འདུས་རྒྱ་མཚོ་ལས། རྟ་མགྲིན་ཁམས་གསུམ་རོལ་པའི་རྒྱུན་ཁྱེར་དབང་ཆེན་ཐུགས་ཐིག།

🚧 This website is under continued development. We appreciate your patience!

Previous Text Back to Volume PageNext Text

Wylie title	dpal chen bka' 'dus rgya mtsho las/ rta mgrin khams gsum rol pa'i rgyun khyer dbang chen thugs thig
Location	dil mgo mkhyen brtse bka' 'bum Volume 10, Text 38, Pages 189-191 (Folios 1a to 3a5)
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Tertön	འཇིགས་མེད་གླིང་པ་ ('jigs med gling pa)
Citation	Khyentse, Dilgo. Dpal chen bka' 'dus rgya mtsho las rta mgrin khams gsum rol pa'i rgyun khyer dbang chen thugs thig. In Skyabs rje dil mgo mkhyen brtse rin po che'i bka' 'bum, Vol. 10: 189-191. Delhi: Shechen Publications, 1994.
Genre	Daily Practice - rgyun khyer  ·  Sadhanas - Evocation Ritual - sgrub thabs
Cycle	དཔལ་ཆེན་བཀའ་འདུས་རྒྱ་མཚོ་ (dpal chen bka' 'dus rgya mtsho)
Parent Cycle	ཀློང་ཆེན་སྙིང་གི་ཐིག་ལེ་ (klong chen snying gi thig le)
Deity	rta mgrin
Lotsawa House Link	https://www.lotsawahouse.org/tibetan-masters/dilgo-khyentse/daily-hayagriva-play-three-realms
Colophon	།ཅེས་པའང་སྔ་འགྱུར་བཀའ་གཏེར་སྤྱིའི་ཕྱག་བཞེས་ལྟར་རྒྱུན་གྱི་རྣལ་འབྱོར་དུ་བློ་གསལ་རིག་པར་སྨྲ་བ་དགེ་སྦྱོང་བཀྲ་ཤིས་རྒྱ་མཚོས་བསྐུལ་བ་ལྟར་འཇིགས་མེད་མཁྱེན་བརྩེའི་འོད་ཟེར་གྱིས་རང་གཞན་ཉེར་མཁོའི་ཆེད་དུ་བྲིས་པའོ།།
	/ces pa'ang snga 'gyur bka' gter spyi'i phyag bzhes ltar rgyun gyi rnal 'byor du blo gsal rig par smra ba dge sbyong bkra shis rgya mtshos bskul ba ltar 'jigs med mkhyen brtse'i 'od zer gyis rang gzhan nyer mkho'i ched du bris pa'o//

Tibetan Text

Wylie

[edit]

༄༅། །དཔལ་ཆེན་བཀའ་འདུས་རྒྱ་མཚོ་ལས། རྟ་མགྲིན་ཁམས་གསུམ་རོལ་པའི་རྒྱུན་ཁྱེར་དབང་ཆེན་ཐུགས་ཐིག་བཞུགས།།

༄༅། །ན་མོ་གུ་རུ་པདྨ་ཀྲོ་དྷ་ཧ་ཡ་གྲཱྀ་ཝ་བྷྱཿ བདེ་གཤེགས་ཞི་ཁྲོ་རབ་འབྱམས་ཀྱི་སྤྱི་སྒྲུབ་བླ་མ་བཀའ་བརྒྱད་དཔལ་ཆེན་འདུས་པའི་སྒོས་བཀའ་པདྨ་གསུང་གི་སྒྲུབ་ཐབས་རྒྱུན་གྱི་རྣལ་འབྱོར་ཉམས་སུ་ལེན་པར་འདོད་པས། པདྨ་ཧེ་རུ་ཀ་ཡི་དགོངས་པ་ཡིས་སོགས་གསོལ་འདེབས་དང༌། རྡོ་རྗེ་སློབ་དཔོན་སངས་རྒྱས་དཔལ་སོགས་ཡན་ལག་བརྒྱད་པའི་རྒྱུན་བཤགས་སྔོན་དུ་འགྲོ་བས། དངོས་གཞི་བསྐྱེད་རིམ་གསལ་གདབ་པ་ནི། ཧཱུྃཿ རང་བྱུང་རིག་པ་བདག་མེད་དེ་བཞིན་ཉིདཿ རོལ་རྩལ་ཀུན་སྣང་སྙིང་རྗེ་ཆེན་པོའི་གདངསཿ རྒྱུ་ཡི་རིག་པ་ཧཱུྃ་གིས་སྣོད་བཅུད་སྦྱངསཿ དེ་ཉིད་གནས་གྱུར་རྡོ་རྗེ་ལྔ་པཿ སྐད་ཅིག་ཡོངས་གྱུར་རྒྱུ་ཡི་ཧེ་རུ་ཀཿ བརྗོད་མེད་ཀློང་ལྔ་ཡུམ་གྱི་མཁའ་ལ་ཤརཿ འོག་མིན་གསང་ཆེན་རོལ་པའི་ཕོ་བྲང་ཆེའིཿ ལྟེ་བར་ཟླ་གམ་དམར་པོ་སྒོ་གཅིག་དབུསཿ པཾ་ལས་པདྨ་མཾ་ལས་ཉི་མའི་གདནཿ རུ་དང་ནཱ་ལས་ཀླུ་སྲིན་བསྣོལ་བའི་སྟེངཿ ཧཱུྃཿ རང་བྱུང་རྒྱུ་ཡི་ཧེ་རུ་ཀཿ ཡེ་ཤེས་དབྱིངས་ནས་གདན་ལ་བབསཿ མཉམ་སྦྱོར་བདེ་བ་ཆེན་པོའི་སྒྲསཿ འཕགས་པ་མཆོད་ཅིང་གཞན་དོན་བྱསཿ ཡོངས་གྱུར་འབྲས་བུའི་ཧེ་རུ་ཀཿ ་དཔལ་ཆེན་རྟ་མཆོག་རོལ་པ་ནིཿ སྐུ་མདོག་དུས་མཐའི་མེ་ལྟར་འབརཿ དབུ་ལྔ་ཕྱག་ནི་བཅུ་དྲུག་ལཿ ཁྱུང་གཤོག་གདེངས་ཤིང་ཞབས་བརྒྱད་བགྲདཿ གཤོག་རྩེ་བྱ་ཁྱུང་ཉི་ཟླས་མཚནཿ དུར་ཁྲོད་དཔལ་གྱི་ཆས་རྣམས་རྫོགསཿ ཤར་ལྷོ་ནུབ་བྱང་གཟིགས་པའི་དབུསཿ དྲི་ཟ་གཤིན་རྗེ་ཀླུ་དབང་དངཿ གནོད་སྦྱིན་གདོན་ལ་མྱ་ངན་བསྐྱེདཿ གཡས་སྔོ་གཡོན་སེར་ལྷག་མ་དམརཿ སྟེང་ཞལ་རྔམས་པས་བདུད་བཞི་འདུལཿ ལྔ་ཀའང་རྟ་མགོ་ལྗང་ཞུར་འཚེརཿ རིགས་ལྔའི་རྒྱལ་ལ་གདན་གསུམ་རྫོགསཿ གཡས་པ་བརྒྱད་ཀྱི་དང་པོ་ནསཿ རྡོ་རྗེ་ཁ་ཊྭཱཾ་དྲིལ་བུ་དངཿ ལྕགས་ཀྱུ་སྦྲུལ་ཞགས་འཁོར་ལོའི་མཚོནཿ རལ་གྲི་རྡོ་རྗེ་ཕྲེང་བའོཿ གཡོན་བརྒྱད་ཐོད་ཁྲག་པདྨ་སྙིངཿ དབྱུག་པ་རྒྱ་གྲམ་བེ་ཅོན་མེཿ ཏྲི་ཤུ་ལ་དང་ཁྱུང་ཁྲ་འགྱེདཿ ཞབས་བརྒྱད་ཀླུ་བརྒྱད་རྒྱལ་བསེན་བརྫིསཿ ཡུམ་ཆེན་པདྨ་གཟི་ལྡན་སྔོཿ གཡས་པ་ཡིད་བཞིན་ནོར་འཛིན་འཁྱུདཿ གཡོན་ན་རིན་ཆེན་ཟ་མ་ཏོགཿ སྐུ་གསུང་ཐུགས་སུ་བྱིན་བརླབ་ཅིངཿ ཡེ་ཤེས་ལྔའི་དབང་བསྐུར་རོཿ ཨོཾ་ཨཱཿཧཱུྃཿ ཧྲཱིཿཨོཾ་སྭཱ་ཧཱུྃ་ཨཱཿ ཞེས་གསལ་སྣང་བརྟན་པོ་སྒྲུབ། ལེགས་པར་གསལ་བ་དང༌། གཉིས་པ་བཟླས་པའི་རིམ་པ་ནི། ཐུགས་ཀར་རྒྱལ་བ་ཀུན་གྱི་ཡུམཿ པདྨ་གཟི་ལྡན་ཞི་མ་ཁྲོཿ ཕྱག་མཚན་མེད་དེ་འཛིན་འཛིན་འདྲའིཿ སྙིང་ག་རིན་ཆེན་ཟུར་བརྒྱད་སྟེངཿ ཉི་མའི་གདན་ལ་ཧྲཱིཿཡིག་མཐརཿ རྡོ་རྗེའི་སྔགས་ནི། ཨོཾ་རུ་ལུ་རུ་ལུ་ཕཊ྄ཿཨེ་ཨ་ར་ལི་ཧཱུྃ་ཧྲཱིཿཛཿ ཞེས་ཅི་ནུས་བཟླ། ཐུན་མཐར་དབྱངས་གསལ་རྟེན་སྙིང་ཡིག་བརྒྱ་བཟླས་ལ། གསུམ་པ་ལྷ་སྣང་བསྡུ་ལྡང་ནི། ཧོཿ ཆུ་ལས་ཆུ་བུར་རྡོལ་བ་བཞིནཿ རང་ལས་སྤྲུལ་པའི་དཀྱིལ་འཁོར་ལྷཿ ཡེ་ཤེས་དབྱིངས་སུ་བཛྲ་མུཿ རྗེས་ཐོབ་སྒྱུ་མའི་ལྷ་སྐུར་ལྡངཿ བཛྲ་རཀྵ་ཧཱུྃཿ རྡོ་རྗེ་སྒོ་བགོ། ཧེ་རུ་ཀའི་ཡིག་བརྒྱས་བརྟན་པར་བྱ། རྗེས་རིམ་བསྔོ་སྨོན་ནི། ཧཱུྃཿ སྣང་གྲགས་རིག་པ་དཀྱིལ་འཁོར་གསུམ་གྱི་ངངཿ བསོད་ནམས་ཡེ་ཤེས་རིམ་གཉིས་རྣལ་འབྱོར་ཚོགསཿ མི་གནས་ཡེ་ཤེས་མྱ་ངན་འདས་པར་བསྔོཿ ཀུན་ཀྱང་དཔལ་ཆེན་གོ་འཕང་ཐོབ་པར་ཤོགཿ ཅེས་བརྗོད་ནས་སྤྱོད་ལམ་ལ་འཇུག་གོ། །ཅེས་པའང་སྔ་འགྱུར་བཀའ་གཏེར་སྤྱིའི་ཕྱག་བཞེས་ལྟར་རྒྱུན་གྱི་རྣལ་འབྱོར་དུ་བློ་གསལ་རིག་པར་སྨྲ་བ་དགེ་སྦྱོང་བཀྲ་ཤིས་རྒྱ་མཚོས་བསྐུལ་བ་ལྟར་འཇིགས་མེད་མཁྱེན་བརྩེའི་འོད་ཟེར་གྱིས་རང་གཞན་ཉེར་མཁོའི་ཆེད་དུ་བྲིས་པའོ།།

[edit]

@#/_/dpal chen bka' 'dus rgya mtsho las/_rta mgrin khams gsum rol pa'i rgyun khyer dbang chen thugs thig bzhugs//

na mo gu ru pad+ma kro d+ha ha ya gr-I wa b+h+yaH_bde gshegs zhi khro rab 'byams kyi spyi sgrub bla ma bka' brgyad dpal chen 'dus pa'i sgos bka' pad+ma gsung gi sgrub thabs rgyun gyi rnal 'byor nyams su len par 'dod pas/_pad+ma he ru ka yi dgongs pa yis sogs gsol 'debs dang*/_rdo rje slob dpon sangs rgyas dpal sogs yan lag brgyad pa'i rgyun bshags sngon du 'gro bas/_dngos gzhi bskyed rim gsal gdab pa ni/_hU~MH_rang byung rig pa bdag med de bzhin nyidaH_rol rtsal kun snang snying rje chen po'i gdangasaH_rgyu yi rig pa hU~M gis snod bcud sbyangasaH_de nyid gnas gyur rdo rje lnga paH_skad cig yongs gyur rgyu yi he ru kaH_brjod med klong lnga yum gyi mkha' la sharaH_'og min gsang chen rol pa'i pho brang che'iH_lte bar zla gam dmar po sgo gcig dbusaH_paM las pad+ma maM las nyi ma'i gdanaH_ru dang nA las klu srin bsnol ba'i stengaH_hU~MH_rang byung rgyu yi he ru kaH_ye shes dbyings nas gdan la babasaH_mnyam sbyor bde ba chen po'i sgrasaH_'phags pa mchod cing gzhan don byasaH_yongs gyur 'bras bu'i he ru kaH_ dpal chen rta mchog rol pa niH_sku mdog dus mtha'i me ltar 'baraH_dbu lnga phyag ni bcu drug laH_khyung gshog gdengs shing zhabs brgyad bgradaH_gshog rtse bya khyung nyi zlas mtshanaH_dur khrod dpal gyi chas rnams rdzogasaH_shar lho nub byang gzigs pa'i dbusaH_dri za gshin rje klu dbang dngaH_gnod sbyin gdon la mya ngan bskyedaH_g.yas sngo g.yon ser lhag ma dmaraH_steng zhal rngams pas bdud bzhi 'dulaH_lnga ka'ang rta mgo ljang zhur 'tsheraH_rigs lnga'i rgyal la gdan gsum rdzogasaH_g.yas pa brgyad kyi dang po nasaH_rdo rje kha T+wAM dril bu dngaH_lcags kyu sbrul zhags 'khor lo'i mtshonaH_ral gri rdo rje phreng ba'oH_g.yon brgyad thod khrag pad+ma snyingaH_dbyug pa rgya gram be con meH_tri shu la dang khyung khra 'gyedaH_zhabs brgyad klu brgyad rgyal bsen brdzisaH_yum chen pad+ma gzi ldan sngoH_g.yas pa yid bzhin nor 'dzin 'khyudaH_g.yon na rin chen za ma togaH_sku gsung thugs su byin brlab cingaH_ye shes lnga'i dbang bskur roH_oM AHhU~MH_hrIHoM swA hU~M AH_zhes gsal snang brtan po sgrub/_legs par gsal ba dang*/_gnyis pa bzlas pa'i rim pa ni/_thugs kar rgyal ba kun gyi yumaH_pad+ma gzi ldan zhi ma khroH_phyag mtshan med de 'dzin 'dzin 'dra'iH_snying ga rin chen zur brgyad stengaH_nyi ma'i gdan la hrIHyig mtharaH_rdo rje'i sngags ni/_oM ru lu ru lu phaTa?He a ra li hU~M hrIHdzaH_zhes ci nus bzla/_thun mthar dbyangs gsal rten snying yig brgya bzlas la/_gsum pa lha snang bsdu ldang ni/_hoH_chu las chu bur rdol ba bzhinaH_rang las sprul pa'i dkyil 'khor lhaH_ye shes dbyings su badz+ra muH_rjes thob sgyu ma'i lha skur ldangaH_badz+ra rak+Sha hU~MH_rdo rje sgo bgo/_he ru ka'i yig brgyas brtan par bya/_rjes rim bsngo smon ni/_hU~MH_snang grags rig pa dkyil 'khor gsum gyi ngangaH_bsod nams ye shes rim gnyis rnal 'byor tshogasaH_mi gnas ye shes mya ngan 'das par bsngoH_kun kyang dpal chen go 'phang thob par shogaH_ces brjod nas spyod lam la 'jug go/_/ces pa'ang snga 'gyur bka' gter spyi'i phyag bzhes ltar rgyun gyi rnal 'byor du blo gsal rig par smra ba dge sbyong bkra shis rgya mtshos bskul ba ltar 'jigs med mkhyen brtse'i 'od zer gyis rang gzhan nyer mkho'i ched du bris pa'o//