Property:colophontib
From Khyentse Lineage - A Tsadra Foundation Project
This is a property of type Text.
བ
།ཅེས་པའང་ཨེ་ཝཾ་ཆོས་སྒར་གྱི་བྱང་འདྲེན་མཁྱེན་ཡོན་རབ་རྒྱས་པདྨ་བཀྲ་ཤིས་ནས་ཆེད་བསྐུལ་བཞིན་མཚོ་སྐྱེས་རྒྱལ་བ་གཉིས་པའི་བསྟན་ཞབས་སུ་སྐྱེས་པའི་འབངས་མངྒ་ལ་ཤྲཱི་བྷཱུ་ཏིས་བྲིས་པ་དགོངས་བརྒྱུད་ཡེ་ཤེས་བྱིན་རླབས་མངོན་སུམ་དུ་འཕོ་བའི་རྒྱུར་གྱུར་ཅིག །མངྒ་ལཾ། དགེའོ།། +
།ཞེས་པའང་ཐེག་མཆོག་སྙིང་པོའི་རྣལ་འབྱོར་པ་ཀློང་ཆེན་ཡེ་ཤེས་རྡོ་རྗེའི་གསུང་གིས་བསྐུལ་ཏེ་ལམ་འདིར་མི་ཕྱེད་པའི་དད་མོས་ཅན་སྔགས་བཙུན་རང་བྱུང་འོད་གསལ་ཐུགས་མཆོག་རྡོ་རྗེའམ། མཁྱེན་བརྩེའི་འོད་ཟེར་དུ་འབོད་པས་མཆོད་རྟེན་ཆེན་པོ་བྱ་རུང་ཁ་ཤོར་གྱི་མདུན་གནས་འབྲེལ་ལ་ལྷགས་པའི་སྐབས་སྤྲེལ་ལོ་ཟླ་དང་པོའི་ཚེས་ཅིག་ཉིན་བྲིས་པ་དོན་དང་ལྡན་པར་གྱུར་ཅིག དགེའོ།། +
།ཅེས་པའང་སྔ་འགྱུར་བསྟན་པའི་འབྱུང་གནས་ཐེག་མཆོག་རྣམ་གྲོལ་བཤད་སྒྲུབ་དར་རྒྱས་གླིང་གི་བྱང་འདྲེན་པ་འཇིགས་མེད་ཕྲིན་ལས་དང་གྲྭ་དགེ་འདུན་རབ་རྒྱས་ཟུང་ནས་ལྷ་རྫས་ཀྱི་རྟེན་དང་བཅས་ཆེད་བསྐུལ་བཞིན་འགྱུར་མེད་ཐེག་མཆོག་བསྟན་པའི་རྒྱལ་མཚན་རང་ཉིད་ནས་ཀྱང་མངོན་པར་དྭངས་བའི་བློས་གདན་ས་དེ་ཉིད་དུ་བྲིས་པ་དོན་དང་ལྡན་པར་གྱུར་ཅིག །སརྦ་མངྒ་ལཾ། དགེའོ།། +
།ཅེས་པའང་དགེ་སློང་ཀུན་དགའ་རབ་རྒྱས་ཀྱིས་ཞབས་བརྟེན་གསུང་རྒྱུའི་བསྐུལ་མ་བཅས་པའི་ངོར་འཇམ་དབྱངས་བློ་གྲོས་རྒྱ་མཚོས་ཐ་སྐར་ཟླ་བའི་ཚེས་བཅུ་ལ་སྨྲས་རིམ་བཞིན་བསྐུལ་བ་པོ་ཉིད་ཀྱིས་ཡི་གེར་བཀོད་པ་འདིས་ཀྱང་དཔལ་ལྡན་བླ་མའི་བྱིན་རླབས་སྙིང་དབུས་སུ་འཇུག་པའི་རྒྱུར་གྱུར་ཅིག །སརྦ་དཱ་མངྒ་ལཾ།། +
།ཅེས་འདི་རྡོ་རྗེའི་མཆེད་ཀྱི་སྙིང༌། །བླ་མ་རིན་ཆེན་གྱིས་བསྐུལ་ངོར། །རྗེ་བཙུན་པདྨ་བི་མ་ལས། །བྱིན་གྱིས་བརླབས་པའི་སྐལ་བཟང་ཅན། །འགྱུར་མེད་བསླབ་གསུམ་རྒྱལ་མཚན་གྱིས། །གསོལ་བ་བཏབ་བཞིན་བྲིས་འདིས་ཀྱང༌། །སྐྱེ་ཀུན་བླ་མས་རྗེས་བཟུང་ནས། །བྱིན་རླབས་དངོས་གྲུབ་ཀུན་ཐོབ་ཤོག །སརྦ་དཱ་མངྒ་ལཾ། དགེའོ། +
།ཅེས་པའང་འཁོར་ལོའི་དབང་ཕྱུག་དཔལ་ལྡན་བླ་མ་དམ་པའི་སྐུའི་དབོན་མཁྱེན་བརྩེའི་གཏེར་ཆེན་བཤེས་གཉེན་ཆེན་པོ་པྲ་ཛྙཱ་དྷྭ་ཛས་ལྷ་རྫས་ཀྱི་མེ་ཏོག་དང་བཅས་ནན་དུ་བསྐུལ་བ་ལས། རང་ཉིད་ལ་ཟབ་མོའི་ལམ་དངོས་སུ་སྟོན་པའི་བླ་མ་དམ་པ་སྤྱི་ལའང་སྦྱར་ཆོག་པའི་དབང་དུ་བྱས་ཏེ། རྒྱུད་སྡེའི་དགོངས་པ་གྲུབ་པའི་མན་ངག་གིས་ཕྱེ་བའི་རྗེས་སུ་འབྲངས་ནས་ལམ་ཡོངས་སུ་རྫོགས་པའི་ཚུལ་དུ་རིག་འཛིན་གྱི་བཙུན་པ་མཉྫུ་གྷོ་ཥས་གྲོ་བཞིན་ཟླ་བའི་དམར་ཕྱོགས་མཁའ་འགྲོ་འདུ་བའི་དུས་ཀྱི་ཉི་ཤར་ལ་གང་ཤར་ཤར་མར་སྤེལ་བ་དགེ་ལེགས་སུ་གྱུར་ཅིག། +
།ཅེས་པའང་སྡོམ་བརྩོན་ཆོས་བཞིན་སྤྱོད་པ་རིག་འཛིན་པདྨ་བསྟན་འཛིན་རྡོ་རྗེས་བསྐུལ་ངོར་འགྱུར་མེད་ཐེག་མཆོག་བསྟན་པའི་རྒྱལ་མཚན་གྱིས་བྲིས་པ་དཔལ་ལྡན་བླ་མའི་གོ་འཕང་ཐོབ་པའི་རྒྱུར་གྱུར་ཅིག །མངྒ་ལཾ། དགེའོ།། +
* '''First colophon page 338:''' །ཅེས་བླ་མའི་རྣལ་འབྱོར་མཚན་ཁ་བསྒྱུར་བྱས་ན། བླ་མ་གང་ལའང་སྦྱར་ཆོག་པ་བྱས་ཏེ་མང་ཐོས་བློ་གྲོས་གསལ་བ་རང་སློབ་ཀུན་དགའ་དབང་ཕྱུག་ནས་རྟེན་བཅས་བསྐུལ་ངོར། འཇམ་དབྱངས་ཆོས་ཀྱི་བློ་གྲོས་པས་བླ་མ་གོང་མའི་གསུང་བྱིན་རླབས་ཅན་འགའ་རེ་བསྣན་ཏེ་བྲིས་པ་འདིས་ཀྱང་རང་རིག་བླ་མ་སྐུ་བཞིའི་ངོ་བོ་མངོན་དུ་བྱེད་པའི་རྒྱུར་གྱུར་ཅིག །སརྦ་དཱ་མངྒ་ལཾ།། །།དགེའོ།
* '''Second colophon page 339:''' །ཞེས་པའང་མཁར་མདོ་ཡ་ཐང་གཟའ་མི་རྣམས་དང་པད་སྟོབས་ཀྱིས་གསུང་བསྐུལ་ངོར་ཆོས་ཀྱི་བློ་གྲོས་པས་སོ།།
+
།ཅེས་པའང་གཏེར་ཆེན་རྡོ་རྗེ་གླིང་པའི་གདུང་རིགས་དུ་འཁྲུངས་ཤིང་། འཇམ་དབྱངས་བླ་མའི་དངོས་སློབ་བཀའ་རྙིང་ཟུང་འཇུག་གི་རྡོ་རྗེ་སློབ་དཔོན་མཁྱེན་རྟོགས་རྨད་བྱུང་འཇམ་དབྱངས་ཡེ་ཤེས་སེང་གེའི་ལྷ་རྫས་ཀྱི་རྟེན་བཅས་གསུང་བསྐུལ་ནན་དུ་གནང་བ་བཞིན། རྗེ་བཙུན་བླ་མ་ཐམས་ཅད་གཟིགས་པས་ཐུན་མོང་མ་ཡིན་པའི་བརྩེ་བ་ཆེན་པོའི་རྗེས་སུ་བཟུང་ཞིང་བྱིན་གྱིས་བརླབས་པའི་སྤྲང་འཁྱམ་རྒན་པོ་འཇིགས་མེད་མཁྱེན་བརྩེའི་འོད་ཟེར་བཀྲ་ཤིས་དཔལ་འབྱོར་གྱིས་ལྷོ་འབྲུག་གསང་ཟབ་ཆོས་རྫོང་དུ་བྲིས་པ་ཁྱབ་བདག་བླ་མའི་ཡེ་ཤེས་ཀྱི་གཟིགས་པ་འཇུག་པའི་ཆ་རྐྱེན་དུ་གྱུར་ཅིག། +
།ཅེས་པའང་གཏེར་ཆེན་རྡོ་རྗེ་གླིང་པའི་གདུང་རིགས་སུ་འཁྲུངས་ཤིང༌། འཇམ་མགོན་བླ་མའི་དངོས་སློབ་བཀའ་རྙིང་ཟུང་འཇུག་གི་རྡོ་རྗེ་སློབ་དཔོན་མཁྱེན་རྟོགས་རྨད་བྱུང་འཇམ་དབྱངས་ཡེ་ཤེས་སེང་གེས་ལྷ་རྫས་ཀྱི་རྟེན་བཅས་གསུང་བསྐུལ་ནན་དུ་གནང་བ་བཞིན། རྗེ་བཙུན་བླ་མ་ཐམས་ཅད་གཟིགས་པས་ཐུན་མོང་མ་ཡིན་པའི་བརྩེ་བ་ཆེན་པོའི་རྗེས་སུ་བཟུང་ཞིང་བྱིན་གྱིས་བརླབས་པའི་སྤྲང་འཁྱམས་རྒན་པོ་འཇིགས་མེད་མཁྱེན་བརྩེའི་འོད་ཟེར་བཀྲ་ཤིས་དཔལ་འབྱོར་གྱིས་ལྷོ་འབྲུག་གསང་ཟབ་ཆོས་རྫོང་དུ་བྲིས་པ་ཁྱབ་བདག་བླ་མའི་ཡེ་ཤེས་ཀྱི་གཟིགས་པ་འཇུག་པའི་ཆ་རྐྱེན་དུ་གྱུར་ཅིག །སརྦ་མངྒ་ལཾ། དགེའོ།། +
།དེ་ལྟར་ཟབ་པའི་རྣལ་འབྱོར་འདི། །རང་ལ་སྦྱར་འོས་མི་ཆེ་ཡང་། །ལྷ་རིགས་བདེ་སྐྱོང་དབང་མོ་ནི། །གཡུ་སྒྲོན་མཆོག་གི་གསུང་བསྐུལ་ངོར། །ཆོས་ཀྱི་བློ་གྲོས་ཞེས་བྱ་བས། །ཆོ་འཕྲུལ་ཟླ་བའི་ཚེས་བཅུ་ལ། །གང་ཤར་ཐོལ་བྱུང་ཉིད་དུ་བྲིས། །དགེ་བས་འཁོར་བ་དོངས་སྤྲུག་ཤོགས་མ་པྟ་ཨྠིྀ།། +
* '''First colophon:''' །དེ་ལྟར་ཟབ་པའི་རྣལ་འབྱོར་འདི། །རང་ལ་སྦྱར་འོས་མི་ཆེ་ཡང༌། །ལྷ་རིགས་བདེ་སྐྱོང་དབང་མོ་ནི། །གཡུ་སྒྲོན་མཆོག་གི་གསུང་བསྐུལ་ངོར། །ཆོས་ཀྱི་བློ་གྲོས་ཞེས་བྱ་བས། །ཆོ་འཕྲུལ་ཟླ་བའི་ཚེས་བཅུ་ལ། །གང་ཤར་ཐོལ་བྱུང་ཉིད་དུ་བྲིས། །དགེ་བས་འཁོར་བ་དོང་སྤྲུགས་ཤོག །ས་མ་པྟ་ྀཨཐི།
* '''Second colophon:''' །ཞེས་པའང་སྡེ་དགེ་ལྷ་རིགས་སྲས་མོ་གཡུ་སྒྲོན་ནས་རྟེན་དང་བཅས་ཏེ་གསུང་གིས་བསྐུལ་བ་དང༌། མཁྱེན་གཟིགས་མཆོག་སྤྲུལ་རིན་པོ་ཆེ་མངྒ་ལས་ཀྱང་བྲིས་ན་ལེགས་པའི་གསུང་བསྐུལ་ངོར། དེ་འཕྲལ་ཉིད་དུ་འཇམ་དབྱངས་བློ་གྲོས་རྒྱ་མཚོའམ་པདྨ་ཡེ་ཤེས་རྡོ་རྗེས་ཞུས་རིམ་བཞིན་མཆོག་སྤྲུལ་རིན་པོ་ཆེས་ཡི་གེར་མཛད་པ་འདིས་ཀྱང་རང་གཞན་གྱིས་རྒྱུད་ལ་ཚོགས་གཉིས་རླབས་པོ་ཆེ་གོང་དུ་འཕེལ་བའི་རྒྱུར་གྱུར་ཅིག །སརྦ་དཱ་ཀ་ལྱཱ་ནཾ་བྷ་ཝ་ཏུ། །དགེའོ།།
+
།ཅེས་པའང་སྡེ་སྣོད་འཛིན་པ་ཆེན་པོ་ཀཿཐོག་མཁན་རིན་པོ་ཆེ་ཚུལ་ཁྲིམས་ཉི་མས་གནང་སྐྱེས་བཟང་པོ་དང་བཅས་ངོས་ཀྱི་བླ་སྒྲུབ་ཐུན་མོང་མ་ཡིན་པ་ཉམས་སུ་བླངས་བདེ་ཞིག་བྲིས་ཡང་ཡང་གསུང་ནན་ཆེན་པོས་བསྐུལ་བ་རང་ལ་སྦྱོར་འོས་མ་ཆེ་ཡང་། རྩ་གསུམ་ཀུན་འདུས་ཨོ་རྒྱན་རྡོ་རྗེ་འཆང་གི་རྣམ་ཐར་རྗེས་སུ་དྲན་པའི་དད་མོས་ཀྱི་གསོས་ཙམ་དུ་བླ་སྒྲུབ་འོད་གསལ་སྙིང་ཏིག་ཏུ་གྲགས་པ་འདི་ཡང་མཁས་གྲུབ་རྒྱ་མཚོའི་སྤྱི་རྗེ་པདྨ་འོད་གསལ་མདོ་སྔགས་གླིང་བའི་བྱིན་བརླབས་ཀྱི་སྣང་བ་ལས་རང་ཤར་བའི་ཚུལ་གྱིས་རྗེ་དེ་ཉིད་ཀྱི་ཕྲིན་ལས་ཀྱི་བྱེད་པོར་སྨོན་པ་འཇམ་དབྱངས་ཆོས་ཀྱི་བློ་གྲོས་སམ། རིག་འཛིན་ཀུན་བཟང་འོད་གསལ་སྙིང་པོ་རྩལ་གྱིས་ས་ཕོ་བྱི་བའི་ལོར་དབོ་ཟླ་བའི་གྲལ་ཚེས་བཟང་པོར་སྨྲས་རིམ་བཞིན་དུ་ཡི་གེའི་བྱེད་པོ་རྨུགས་སངས་མཆོག་སྤྲུལ་པདྨ་ཀུན་གྲོལ་གྱིས་བགྱིས་པ་འདིས་ཀྱང་རང་གཞན་རྣམས་ཀྱི་རྒྱུད་ལ་ཨོ་རྒྱན་རྡོ་རྗེ་འཆང་གི་བྱིན་རླབས་སྙིང་དབུས་སུ་འཇུག་པའི་རྒྱུར་གྱུར་ཅིག །སརྦ་མངྒ་ལཾ།། +
བདག་འདྲ་ཁྲག་འཐུང་ལས་ཀྱི་དཔའ་བོས་བརྡ་རིས་ལས་དག་པར་ཕབ་པའི་ཡི་གེ་འདུ་བྱེད་འོད་ཟེར་མིང་གིས་བགྱིས་པ་བྱིན་རླབས་མྱུར་བའི་ནུས་ཅན་ནོཿ +
ཁྲག་འཐུང་ཨ་ཙར་དམར་པོ་ཡིསཿ བརྡའ་རིས་ངོས་ནས་དག་པར་ཕབཿ ས་མ་ཡཿ རྒྱ་རྒྱ་རྒྱཿ +
པདྨའི་མན་ངག་ལྷ་ལྕམ་གོང་ཁུག་མ་ཞེས་བྱ་བ་ཌཱཀྐི་མའི་དགོངས་བཞེད་ལྟར་འཁྲུལ་ཞིག་རིག་པའི་ཡེ་ཤེས་ཀྱིས་བླ་མས་གསུང་བཞིན་དག་པར་ཕབ་པའོཿ +
བླ་རྫོགས་ཐུགས་གསུམ་འདུས་པའི་ཟབ་དོན་ཀུན་འདྲིལ་ཡིད་བཞིན་ནོར་བུ་མཐོང་བ་རང་གྲོལ་གྱི་ལས་བྱང་ཡེ་ཤེས་སྣང་བ། +
།ཅེས་བླ་རྫོགས་ཐུགས་གསུམ་འདུས་པའི་ཟབ་དོན་ཀུན་འདྲིལ་ཡིད་བཞིན་ནོར་བུ་མཐོང་བ་རང་གྲོལ་གྱི་ལས་བྱང་ཡེ་ཤེས་སྣང་བ་ཞེས་བྱ་བ་འདི་ནི་འཁོར་ལོའི་མགོན་པོ་༧ འཇམ་དབྱངས་མཁྱེན་བརྩེ་ཐུབ་བསྟན་ཆོས་ཀྱི་རྒྱ་མཚོས་མཁྱེན་བརྩེ་དབང་པོའི་བཀའ་བབས་ཀྱི་སྨིན་གྲོལ་སྩལ་སྐབས། ཆོག་བསྒྲིགས་རིགས་གང་དགོས་གྱིས་ཤིག་པའི་བཀའ་ཡི་གནང་བ་ཐོབ་ཅིང༌། བློ་གྲོས་ཕུན་ཚོགས་ལགས་ནས་ཀྱང་བསྐུལ་མ་ཡང་ཡང་གནང་བ་ལ་བརྟེན་ནས། ཡུལ་བྲག་གཡབ་གཞུང་ཤོད་དུ་སྐྱེས་ཤིང་མདོ་ཁམས་རྫོང་སར་དགོན་དུ་ངལ་སྟེགས་འཆའ་བ་ཕུན་ཚོགས་རྣམ་རྒྱལ་ཏུ་འབོད་པས་བསྡེབས་པ་སྟེ་དགེ་བས་མཚོ་སྐྱེས་བླ་མའི་བསྟན་པ་ལ་ཤིན་ཏུ་སྨན་པའི་རྒྱུར་གྱུར་ཅིག །མངྒ་ལཾ།།།། +
བླ་རྫོགས་ཐུགས་གསུམ་འདུས་པའི་ཟབ་དོན་ཀུན་འདྲིལ་ཡིད་བཞིན་ནོར་བུ་མཐོང་བ་རང་གྲོལ་ལས་རིམ་པ་གཉིས་པ་རྫོགས་པ་ཆེན་པོ་སེམས་ཉིད་གཅེར་མཐོང་གི་ཁྲིད། +
ཞེས་པའང་གཏེར་གཞུང་ཉིད་ཞལ་ཤིན་ཏུ་གསལ་བས་བལྟ་བདེའི་ཆེད་ཕུན་ཚོགས་རྣམ་རྒྱལ་པས་ཁོལ་དུ་ཕྱུང་བའོ།། +
* '''Treasure colophon Page 486:''' དེ་ལྟར་ན་བྱིན་རླབས་ཀྱི་རྩ་བ་བླ་མ་པདྨ་རྡོ་རྗེ་འཆང་ཆེན་པོའི་ཐུགས་སྒྲུབ་བྱེ་བ་ཕྲག་བརྒྱའི་སྙིང་པོའི་མདོར་བསྟན༔ དངོས་གྲུབ་ཀྱི་རྩ་བ་ཡི་དམ་ཐུགས་རྗེ་ཆེན་པོ་པདྨ་རྒྱལ་པོ་ཞི་ཁྲོ་རྣམ་པར་རོལ་པའི་བསྙེན་སྒྲུབ་ལས་གསུམ་གྱི་རྒྱས་བཤད༔ ཕྲིན་ལས་ཀྱི་རྩ་བ་ཡེ་ཤེས་མཁའ་འགྲོ་འབུམ་ཕྲག་ཡངས་པའི་སྙིང་གི་ཡང་ཏིག་འོད་གསལ་རྫོགས་པ་ཆེན་པོ་སེམས་ཉིད་རང་བྱུང་གི་ཡེ་ཤེས་ཅེར་མཐོང་དུ་སྟོན་པའི་གནད་ཀུན་བསྡུས་དོན་དུ་འདྲིལ་བ༔ ཚིག་བཟུང་བདེ་བ༔ དོན་གོ་སླ་བ༔ ཐོས་པས་བྱིན་རླབས་འཇུག་པ༔ བསམས་པས་སྒྲོ་འདོགས་ཆོད་པ༔ བསྒོམས་པས་ཉམས་རྟོགས་ཀྱི་ཡེ་ཤེས་རྩོལ་མེད་དུ་འཆར་བ༔ ལག་ཏུ་བླངས་པ་ཙམ་གྱིས་མཆོག་དང་ཐུན་མོང་གི་དངོས་གྲུབ་ལྷུན་གྱིས་གྲུབ་པར་འབྱུང་བའི་ཡིད་བཞིན་ནོར་བུ་ལྟ་བུའི་ཆོས་སྡེ༔ མཐོང་བ་ཙམ་ཀྱིས་ཉོན་མོངས་པ་རང་སར་གྲོལ་བའི་མན་ངག༔ གང་ཟག་ཅིག་འཚང་རྒྱ་བའི་ལམ་གྱི་གཞུང་དང་ཡན་ལག་ཐམས་ཅད་མ་ཚང་བར་མེད་པར་བསྟན་པ་འདི་ཉིད་ནི༔ དུས་གསུམ་སངས་རྒྱས་ཐམས་ཅད་ཀྱི་མཁྱེན་པའི་ཡེ་ཤེས་མངོན་སུམ་དུ་སྣང་བ༔ བརྩེ་བའི་ཐུགས་རྗེ་མཁའ་ཁྱབ་ཏུ་བརྡལ་བ༔ ནུས་པའི་ཕྲིན་ལས་ཐོགས་མེད་དུ་འཇུག་པ་ཆོས་སྐུ་རྡོ་རྗེ་འཆང་ཆེན་མགོན་པོ་འོད་དཔག་ཏུ་མེད་པ་དང་དབྱེར་མི་ཕྱེད་པ་ཨོ་རྒྱན་གྱི་སློབ་དཔོན་རིག་འཛིན་ཆེན་པོ་པདྨ་སཾ་བྷ་བས་མཆིམས་ཕུ་དཔལ་གྱི་ཡང་དབེན༔ གཞོ་སྟོང་ཏི་སྒྲོ་བྲག་དཀར༔ ཟབ་ལུང་བདེ་བར་གཤེགས་པ་ཐམས་ཅད་འདུས་པའི་ཕོ་བྲང་རྣམས་སུ༔ བདག་ཅག་རྗེ་འབངས་མཆེད་ལྕམ་རྣམས་གཙོ་བོར་གྱུར་པའི་མི་དང་མི་མ་ཡིན་གྱི་སྐལ་ལྡན་འདུས་པ་རྒྱ་མཚོའི་ཚོགས་ལ་རྒྱས་འབྲིང་བསྡུས་པ་སྙིང་པོར་དྲིལ་བའི་ཚུལ་གྱིས་སྨིན་གྲོལ་ཆིག་རྫོགས་སུ་སྩལ༔ ཡེ་ཤེས་ཀྱི་བྱིན་ཆེན་ཕབ༔ གདམས་པའི་བཀའ་བབས་སོ་སོར་གཏད༔ སྨོན་ལམ་ལུང་བསྟན་གྱིས་མཚམས་སྦྱར་ནས་ཀུན་བཟང་ཆོས་སྐུའི་རྒྱལ་སྲིད་ཆེན་པོ་ལ་འགོད་པར་མཛད་དོ༔ དེའི་ཚེ་དེའི་དུས་ན༔ བདག་བུད་མེད་ཡེ་ཤེས་མཚོ་རྒྱལ་ལ་ཐུགས་ཀྱིས་ལྷག་པར་དགོངས་པས་མི་བརྗེད་པའི་གཟུངས་སུ་སྩལ༔ ལག་ལེན་དམར་བྱང་དུ་བསྟན༔ བཀའི་སྡུད་པ་པོར་བསྐོས༔ དཔེ་རྒྱུད་མཁའ་འགྲོའི་བརྡའི་ཡི་གེར་བྲི་བར་རྗེས་སུ་གནང་བ་ལྟར༔ རྒྱས་འབྲིང་བསྡུས་པ་སྙིང་པོ་དང་བཅས་གུ་རུ་རིན་པོ་ཆེའི་བཀའ་གཙང་ཟོལ་མེད་པ་ཁོ་ན་མ་འོངས་གདུལ་བྱའི་དབང་པོ་དང་འཚམས་པར་ཤིན་ཏུ་གསལ་བའི་ལག་ལེན་དམར་བྱང་གི་ཚུལ་དུ་སོ་སོར་བཀོད་ནས་ཕྱག་ཏུ་ཕུལ་བ་ན༔ གུ་རུ་རིན་པོ་ཆེ་ཉིད་དར་ཅིག་དགོངས་པ་ལ་བཞུགས་ཏེ་ཏིང་ངེ་འཛིན་དེ་ལས་བཞེངས་པ་ན་འདི་སྐད་ཅེས་བཀའ་སྩལ་ཏོ༔ ཨེ་མ་འགྲོ་འདུལ་རྡོ་རྗེ་ཐོད་ཕྲེང་བདག༔ ཆོས་སྐུ་འོད་དཔག་མེད་དང་དབྱེར་མེད་ཀྱང་༔ ལྔ་ལྡན་ལོངས་སྐུ་པདྨའི་རྒྱལ་པོར་སྣང་༔ སྤྲུལ་པའི་སྐུར་བཞེངས་མཚོ་སྐྱེས་ཧེ་རུ་ཀ༔ ལྷ་སྔགས་ཡེ་ཤེས་རྣམ་པ་ཐམས་ཅད་པའི༔ དཀྱིལ་འཁོར་རྒྱ་མཚོའི་ཁྱབ་བདག་ཆེན་པོར་གྲུབ༔ དེ་ཕྱིར་ཟབ་རྒྱས་རྒྱུད་ལུང་མན་ངག་བཅུད༔ བླ་རྫོགས་ཐུགས་གསུམ་གཅིག་ཏུ་འདྲིལ་པའི་ལམ༔ མ་བྱུང་མི་འབྱུང་འབྱུང་བར་དཀའ་བ་རྣམས༔ ད་ལྟའི་སྣོད་ལྡན་འདུས་པ་རྒྱ་མཚོ་ལ༔ སྨིན་གྲོལ་དབང་བསྐུར་བཀའ་བབས་སོ་སོར་གཏད༔ སྙིང་ཕྱུང་ལག་པའི་མཐིལ་དུ་བྱིན་པས་ན༔ ཡལ་བར་མ་དོར་རྩེ་གཅིག་ཉམས་སུ་ལོངས༔ རང་དོན་ཉམས་མྱོངས་གྲུབ་པའི་རྟགས་མཚན་ཕྱུངས༔ གཞན་དོན་སྐལ་ལྡན་ཟབ་མོའི་ལམ་ལ་སྦྱོར༔ ནམ་ཞིག་བདག་ཉིད་སྲིན་ཡུལ་གཤེགས་པའི་རྗེས༔ དུས་བབས་ལུང་བསྟན་ངེས་པར་སྩལ་བ་ན༔ བརྡ་ཡི་ཡི་གེ་བསྒྲུབས་པའི་དམ་རྫས་སོགས༔ ཟབ་མོའི་གཏེར་དུ་མི་འཇིག་ཕྱག་རྒྱས་ཐོབ༔ དེ་ཡང་རྒྱས་པ་ཆོས་སྡེ་ལྔ་བཅུ་ལྔ༔ ཤར་ཕྱོགས་དྭགས་ཡུལ་རི་བོ་མཐོན་པོའི་སྤོར༔ པདྨའི་ཞྭ་འདྲའི་བྲག་ལ་སྦས་བྱས་ན༔ ང་སྤྲུལ་ལྷ་རྗེའི་མིང་གིས་བཏོན་ཀྱང་སྲིད༔ གལ་ཏེ་དེ་ཡིས་བཏང་སྙོམས་བཞག་གྱུར་ཚེ༔ མུ་ནེས་བྱིན་བརླབས་ཅོག་རོའི་སྤྲུལ་པས་འདོན༔ རེ་ཞིག་འགྲོ་འདུལ་ཕྲིན་ལས་རྒྱས་པར་འགྱུར༔ འབྲིང་པོ་ཉེར་ལྔ་ཟང་ཡག་བྲག་ཏུ་སྦོས༔ མུ་ཏིག་སྐྱེ་མཐའ་འཁྲུལ་ཞིག་གུ་རུས་རྙེད༔ རཏྣའི་མིང་ཅན་ཆོས་ཀྱི་བདག་པོར་འབྱུང་༔ འགྲོ་དོན་གློག་གི་ཟེར་མ་ཙམ་ཞིག་སྣང་༔ བསྡུས་པ་རྒྱུད་ལུང་རིན་ཆེན་བདུན་ལྡན་བཅུད༔ དོན་གསལ་སྒྲོན་མེའི་སྐོར་དང་ལྷན་ཅིག་ཏུ༔ གུ་རུའི་སྒྲུབ་གནས་གླང་མ་བྲག་ཏུ་སྤོས༔ རིན་ཆེན་བཟང་པོ་ལེགས་བཞིར་སྐྱེ་བའི་མཐའ༔ གཉལ་གྱི་སྟོད་ནས་ལས་ལྡན་སྔགས་པས་རྙེད༔ གསང་ཞིང་སྤྱད་ནས་རང་དོན་རྫོགས་པར་བྱེད༔ སྙིང་པོའི་ཡང་བཅུད་གཅིག་ཏུ་འདྲིལ་བའི་སྐོར༔ མང་ཡུལ་བྱམས་སྤྲིན་འཕགས་པའི་གནས་སུ་སྟིམས༔ ལྷ་སྲས་མཆོག་གྲུབ་འགོས་བློན་རྡོ་རྗེ་འབར༔ ཟུང་འཇུག་སྤྲུལ་པ་སཱུརྻ་སིཾ་ཧས་རྙེད༔ རྟེན་འབྲེལ་དབང་གིས་གཏན་ལ་མ་ཕེབས་ན༔ ཡང་གཏེར་སྦོས་ལ་དམ་ཚིག་བཀའ་རྒྱས་ཐོབ༔ ནམ་ཞིག་རྩོད་ལྡན་སུམ་ཅུའི་དམར་ཐག་ལ༔ ཡུལ་དབུས་དཔོན་པོ་ཤར་ཕྱོགས་མཐའ་ནས་ཡོང་༔ དེ་ཡང་མི་གནས་སྣོད་བཅུད་ཉམས་པའི་ཚེ༔ མངའ་བདག་མེས་དབོན་ཐུགས་བསྐྱེད་སྒྱུ་མའི་འཕྲུལ༔ ཟབ་གཏེར་གདམས་པ་ཀུན་གྱི་བཅུད་འདྲིལ་བ༔ བཀའ་བབས་བདུན་ལྡན་རིག་རྩལ་ཐོད་རྒལ་འཆར༔ མདོ་ཁམས་བར་ནས་ལྕགས་ཕོ་འབྲུག་གི་ལོ༔ པདྨའི་ཐུགས་སྲས་མདོ་སྔགས་གླིང་པ་འབྱུང་༔ དེ་ལ་ཞིང་སྐྱེས་དབང་གི་ཙཎྜི་ཀས༔ མཁའ་འགྲོའི་བརྡ་ཡི་གཏེར་དཔེ་དངོས་སུ་སྤྲོད༔ དེས་ཀྱང་རིང་དུ་གསང་བའི་ཕྱག་རྒྱས་ཐོབ༔ དུས་བབས་ལུང་བསྟན་སྐུལ་བྱང་བྱུང་བའི་ཚེ༔ པདྨ་བདག་ཉིད་སྙིང་གི་དབུས་སུ་སྒོམས༔ གསོལ་བ་ཐོབ་ལ་ཐུགས་ཡིད་གཉིས་མེད་སྲེས༔ མ་བཅོས་མ་བསླད་རིག་སྟོང་རྗེན་པའི་ངང་༔ བརྡ་ལས་གང་ཤར་འཕྲི་བསྣན་མེད་པར་བྲིས༔ རང་ཉིད་ཉམས་ལོངས་སྣོད་ལྡན་གང་ཟག་ལ༔ རིམ་གྱིས་སྤེལ་ན་བསྟན་པའི་བཙས་སུ་བྱེད༔ ཁྱད་པར་ད་ལྟའི་བཻ་རོ་རྒྱལ་མཆོག་དབྱངས༔ ཛྙཱ་ན་ནམ་སྙིང་བདུད་འཇོམས་དཀོན་མཆོག་འབྱུང་༔ ལྷ་སྲས་ལྕམ་དྲལ་ཉང་བན་གཡུ་སྒྲ་སྙིང་༔ དཔལ་གྱི་སེང་གེ་ལ་སོགས་སྐྱེ་བའི་མཐའ༔ མ་ངེས་རིག་འཛིན་དུ་མའི་དོན་བྱེད་འགྱུར༔ བཀའ་ཡི་སྲུང་མ་རྡོ་རྗེ་ནག་པོ་ཆེ༔ གཏེར་གྱི་གཉེར་འཛིན་དབང་གི་མ་མོ་ལ༔ གཉེར་རོ་གཏད་དོ་མ་གཡེལ་ཐུབ་པར་སྲུངས༔ མ་འོངས་སྐལ་ལྡན་བུ་ཡིས་སྤྱོད་ནས་ཀྱང་༔ སྙིང་པོའི་བཤད་སྒྲུབ་ཡུན་དུ་བསྲིང་བ་དང་༔ འབྲེལ་ཚད་འགྲོ་ཀུན་འཕགས་པའི་བྱིན་རླབས་གྱིས༔ གྲོལ་བ་མཐར་ཕྱིན་དོན་གཉིས་ལྷུན་གྲུབ་ཤོག༔ ཅེས་རྡོ་རྗེའི་དབྱངས་ཀྱིས་བཀའ་སྩལ་པ་ལྟར་གཏེར་གནས་སོ་སོར་མི་འཇིག་པའི་རྒྱས་བཏབ་ནས་གཏེར་བདག་སྲུང་མ་རྣམས་ལ་གཉེར་དུ་གཏད་དོ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ ཟབ་རྒྱ༔ གསང་རྒྱ༔ གཏད་རྒྱ༔ མནྟྲ་གུ་ཧྱ་ས་མ་ཡ༔
ཅེས་པའང་ལཱ་ཝཱ་རི་ཁྲོད་ནས་འཇམ་དབྱངས་བཟོད་པས་རིན་ཆེན་གཉིས་པའི་མེ་ཏོག་བཅས་བསྐུལ་ངོར་རིག་འཛིན་འོད་གསལ་སྙིང་པོ་རྩལ་གྱིས་ཐོལ་བྱུང་དུ་བྲིས་པ་ཤིན་ཏུ་གསང་བའི་རྒྱའོ། །ཨྠིྀ།། +
