བླ་མའི་རྣལ་འབྱོར་རིན་ཆེན་ཆར་འབེབས་ཀྱི་ཚོགས་མཆོད་རིན་ཆེན་སྣང་བ།

🚧 This website is under continued development. We appreciate your patience!

Previous Text Back to Volume PageNext Text

Wylie title	bla ma'i rnal 'byor rin chen char 'bebs kyi tshogs mchod rin chen snang ba
Location	dil mgo mkhyen brtse bka' 'bum Volume 2, Text 44, Pages 227-228 (Folios 1a1 to 2a4)
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Citation	Khyentse, Dilgo. Bla ma'i rnal 'byor rin chen char 'bebs kyi tshogs mchod rin chen snang ba. In Skyabs rje dil mgo mkhyen brtse rin po che'i bka' 'bum, Vol. 2: 227-228. Delhi: Shechen Publications, 1994.
Genre	Feast Offering - tshogs mchod - tshogs kyi 'khor lo  ·  Guru Yoga Texts - bla ma'i rnal 'byor
Colophon	།ཅེས་འདི་རྡོ་རྗེའི་མཆེད་ཀྱི་སྙིང༌། །བླ་མ་རིན་ཆེན་གྱིས་བསྐུལ་ངོར། །རྗེ་བཙུན་པདྨ་བི་མ་ལས། །བྱིན་གྱིས་བརླབས་པའི་སྐལ་བཟང་ཅན། །འགྱུར་མེད་བསླབ་གསུམ་རྒྱལ་མཚན་གྱིས། །གསོལ་བ་བཏབ་བཞིན་བྲིས་འདིས་ཀྱང༌། །སྐྱེ་ཀུན་བླ་མས་རྗེས་བཟུང་ནས། །བྱིན་རླབས་དངོས་གྲུབ་ཀུན་ཐོབ་ཤོག །སརྦ་དཱ་མངྒ་ལཾ། དགེའོ།
	/ces 'di rdo rje'i mched kyi snying*/__/bla ma rin chen gyis bskul ngor/__/rje btsun pad+ma bi ma las/__/byin gyis brlabs pa'i skal bzang can/__/'gyur med bslab gsum rgyal mtshan gyis/__/gsol ba btab bzhin bris 'dis kyang*/__/skye kun bla mas rjes bzung nas/__/byin rlabs dngos grub kun thob shog__/sarba dA mang+ga laM/___dge'o/

Tibetan Text

Wylie

[edit]

༄༅། །བླ་མའི་རྣལ་འབྱོར་རིན་ཆེན་ཆར་འབེབས་ཀྱི་ཚོགས་མཆོད་རིན་ཆེན་སྣང་བ་བཞུགས། །ན་མོ་གུ་ར་ཝེ། ཐུན་མཚམས་ཚོགས་ཀྱི་མཆོད་པ་ལ། །ཐབས་ཤེས་བཟའ་བཏུང་ཅི་འབྱོར་བཤམས། །བླ་མའི་རྣལ་འབྱོར་གཞུང་བསྲང་སྟེ། །མཚན་སྔགས་བཟླས་པའི་ཐུན་མཚམས་སུ། །རྃ་ཡྃ་ཁྃ། དབྱིངས་ཀྱི་བྷཉྫར་རིག་པའི་བཅུད། །ཟུང་འཇུག་སྒྱུ་འཕྲུལ་རྡོ་རྗེའི་སྤྲིན། །བདེ་ཆེན་རྣམ་པ་ཐམས་ཅད་པ། །མཁའ་ཁྱབ་ཡེ་ཤེས་འཁོར་ལོར་གྱུར། །ཨོཾ་ཨཱཿཧཱུྃ་ཞེས་ལན་གསུམ། ཧཱུྃ་ཧྲཱིཿ སྐུ་གསུམ་རང་བྱུང་ཞིང་ཁམས་ནས། །ཁྱབ་བདག་དཔལ་ལྡན་བླ་མ་རྗེ། །རྩ་གསུམ་རྒྱ་མཚོའི་ཚོགས་དང་བཅས། །གནས་འདིར་སྤྱན་འདྲེན་གཤེགས་སུ་གསོལ། །བཛྲ་ས་མ་ཡ་ཛཿཛཿ ཨོཾ་ཨཱཿཧཱུྃ། ཐབས་ཤེས་ཨེ་ཝཾ་སྡོམ་པ་ལས། །རང་སྣང་འདོད་ཡོན་རྡོ་རྗེའི་རྫས། །དབྱིངས་དང་མཉམ་པའི་ལོངས་སྤྱོད་ཀྱིས། །བླ་མ་དཀྱིལ་འཁོར་དབང་ཕྱུག་མཆོད། །སརྦ་ག་ཎ་ཙཀྲ་པཱུ་ཛ་ཧོཿ ཨ། བཅིངས་གྲོལ་མེད་པའི་ཆོས་ཉིད་ཀློང༌། །གདོད་ནས་དག་པ་ཆེན་པོར་གནས། །མ་རྟོགས་གློ་བུར་ཉམས་ཆགས་ཚོགས། །ཡེ་ཤེས་རིག་པའི་ཀློང་དུ་བཤགས། །ས་མ་ཡ་ཤུདྡྷེ་ཨཿ ཧཱུྃ། གཉིས་འཛིན་འཁྲུལ་བའི་དགྲ་དང་བགེགས། །རང་གྲོལ་རྡོ་རྗེའི་མཚོན་གྱིས་བསྒྲལ། །ཡེ་ཤེས་ཕྱག་རྒྱའི་དཀྱིལ་འཁོར་ལྷར། །དུག་གསུམ་ཀ་དག་ཆེན་པོར་འབུལ། །སརྦ་ཤ་ཏྲཱུན་མཱ་ར་ཡ་ཕཊཿ ག་ཎ་ཙཀྲ་པཱུ་ཛ་ཁཱ་ཧི། དམ་ཚིག་རྫས་ལ་ཚིམ་པར་རོལ། །ཨོཾ་ཨཱཿཧཱུྃ། ཕཻཾ། ཆོས་ཅན་ཀུན་རྫོབ་ལྷག་མ་འདི། །ཆོས་ཉིད་ནང་གསལ་ཆེན་པོར་འབུལ། །དོན་དམ་གདོད་མའི་ཀློང་ཡངས་སུ། །འཕོ་མེད་རྡོ་རྗེའི་ཕྲིན་ལས་མཛོད། །ཨོཾ་ཨུཙིཚཥཊ་བ་ལིཾ་ཏ་ཁཱ་ཧི། རིག་འཛིན་བླ་མའི་དཀྱིལ་འཁོར་དུ་སོགས་སྨོན་ལམ་བྱ། བླ་མའི་སྐུ་ཡི་གནས་གསུམ་ནས། །རྡོ་རྗེའི་ཡི་གེ་འབྲུ་གསུམ་ལས། །དཀར་དམར་མཐིང་གི་འོད་ཟེར་ཚོགས། །རིམ་དང་གཅིག་ཆར་ཉིད་དུ་བྱུང༌། །བདག་གི་གནས་བཞིར་ཐིམ་པ་ཡིས། །དབང་བཞིའི་ནུས་པས་སྒྲིབ་བཞི་དག །ལམ་བཞི་བསྒོམ་པའི་སྣོད་རུང་བྱས། །སྐུ་བཞིའི་གོ་འཕང་མངོན་དུ་གྱུར། །བླ་མ་འོད་ཞུ་རང་ལ་ཐིམ། །རང་སེམས་བླ་མ་དབྱེར་མེད་པ། །གདོད་ནས་དག་པའི་རང་ངོ་བལྟ། །ཨེ་མ་ཧོ། སྣང་སྲིད་སྣོད་བཅུད་རྡོ་རྗེའི་སྐུ། །སྒྲ་ཀུན་མི་ཤིགས་ནཱ་དའི་གསུང༌། །དྲན་པ་རང་གྲོལ་ཁྱབ་བརྡལ་གྱི། །ཡེ་ཤེས་ཆེན་པོའི་འཁོར་ལོར་སད། །དགེ་འདིས་བདག་གཞན་སེམས་ཅན་ཀུན། །སྐྱེ་ཀུན་བླ་མས་རྗེས་སུ་བཟུང༌། །རྡོ་རྗེ་གསུམ་གྱི་བྱིན་རླབས་ཀྱིས། །མཆོག་དང་ཐུན་མོང་དངོས་གྲུབ་ཐོབ། །ཐམས་ཅད་རྣམ་དག་བདེ་བ་ཆེ། །རང་བྱུང་ལྷུན་གྲུབ་བླ་མ་རྗེའི། །གསང་གསུམ་དགེ་མཚན་རྨད་བྱུང་བ། །དུས་ཀུན་བཀྲ་ཤིས་དཔལ་འབར་ཤོག །ཅེས་འདི་རྡོ་རྗེའི་མཆེད་ཀྱི་སྙིང༌། །བླ་མ་རིན་ཆེན་གྱིས་བསྐུལ་ངོར། །རྗེ་བཙུན་པདྨ་བི་མ་ལས། །བྱིན་གྱིས་བརླབས་པའི་སྐལ་བཟང་ཅན། །འགྱུར་མེད་བསླབ་གསུམ་རྒྱལ་མཚན་གྱིས། །གསོལ་བ་བཏབ་བཞིན་བྲིས་འདིས་ཀྱང༌། །སྐྱེ་ཀུན་བླ་མས་རྗེས་བཟུང་ནས། །བྱིན་རླབས་དངོས་གྲུབ་ཀུན་ཐོབ་ཤོག །སརྦ་དཱ་མངྒ་ལཾ། དགེའོ། ༈ འདི་ནས་བཟུང་སྟེ་བྱང་ཆུབ་མ་ཐོབ་བར། །གྲུབ་པའི་དབང་ཕྱུག་ཆོས་རྗེ་ཟེ་རྫོགས་གཉིས། །ཡབ་སྲས་བརྒྱུད་པར་བཅས་པས་རྗེས་གཟུང་ནས། །དེ་ཡི་བཞེད་པ་མཐའ་དག་སྒྲུབ་ནུས་ཤོག། །།

[edit]

@#/_____/bla ma'i rnal 'byor rin chen char 'bebs kyi tshogs mchod rin chen snang ba bzhugs/___/na mo gu ra we/__thun mtshams tshogs kyi mchod pa la/__/thabs shes bza' btung ci 'byor bshams/__/bla ma'i rnal 'byor gzhung bsrang ste/__/mtshan sngags bzlas pa'i thun mtshams su/__/ra~M ya~M kha~M/__dbyings kyi b+hany+dzar rig pa'i bcud/__/zung 'jug sgyu 'phrul rdo rje'i sprin/__/bde chen rnam pa thams cad pa/__/mkha' khyab ye shes 'khor lor gyur/__/oM AHhU~M zhes lan gsum/__hU~M hrIH__sku gsum rang byung zhing khams nas/__/khyab bdag dpal ldan bla ma rje/__/rtsa gsum rgya mtsho'i tshogs dang bcas/__/gnas 'dir spyan 'dren gshegs su gsol/__/badz+ra sa ma ya dzaHdzaH__oM AHhU~M/__thabs shes e waM sdom pa las/__/rang snang 'dod yon rdo rje'i rdzas/__/dbyings dang mnyam pa'i longs spyod kyis/__/bla ma dkyil 'khor dbang phyug mchod/__/sarba ga Na tsakra pU dza hoH__a/__bcings grol med pa'i chos nyid klong*/__/gdod nas dag pa chen por gnas/__/ma rtogs glo bur nyams chags tshogs/__/ye shes rig pa'i klong du bshags/__/sa ma ya shud+d+he aH__hU~M/__gnyis 'dzin 'khrul ba'i dgra dang bgegs/__/rang grol rdo rje'i mtshon gyis bsgral/__/ye shes phyag rgya'i dkyil 'khor lhar/__/dug gsum ka dag chen por 'bul/__/sarba sha trUn mA ra ya phaTaH__ga Na tsakra pU dza khA hi/__dam tshig rdzas la tshim par rol/__/oM AHhU~M/__phaiM/__chos can kun rdzob lhag ma 'di/__/chos nyid nang gsal chen por 'bul/__/don dam gdod ma'i klong yangs su/__/'pho med rdo rje'i phrin las mdzod/__/oM utsitshaShaT ba liM ta khA hi/__rig 'dzin bla ma'i dkyil 'khor du sogs smon lam bya/__bla ma'i sku yi gnas gsum nas/__/rdo rje'i yi ge 'bru gsum las/__/dkar dmar mthing gi 'od zer tshogs/__/rim dang gcig char nyid du byung*/__/bdag gi gnas bzhir thim pa yis/__/dbang bzhi'i nus pas sgrib bzhi dag__/lam bzhi bsgom pa'i snod rung byas/__/sku bzhi'i go 'phang mngon du gyur/__/bla ma 'od zhu rang la thim/__/rang sems bla ma dbyer med pa/__/gdod nas dag pa'i rang ngo blta/__/e ma ho/__snang srid snod bcud rdo rje'i sku/__/sgra kun mi shigs nA da'i gsung*/__/dran pa rang grol khyab brdal gyi/__/ye shes chen po'i 'khor lor sad/__/dge 'dis bdag gzhan sems can kun/__/skye kun bla mas rjes su bzung*/__/rdo rje gsum gyi byin rlabs kyis/__/mchog dang thun mong dngos grub thob/__/thams cad rnam dag bde ba che/__/rang byung lhun grub bla ma rje'i/__/gsang gsum dge mtshan rmad byung ba/__/dus kun bkra shis dpal 'bar shog__/ces 'di rdo rje'i mched kyi snying*/__/bla ma rin chen gyis bskul ngor/__/rje btsun pad+ma bi ma las/__/byin gyis brlabs pa'i skal bzang can/__/'gyur med bslab gsum rgyal mtshan gyis/__/gsol ba btab bzhin bris 'dis kyang*/__/skye kun bla mas rjes bzung nas/__/byin rlabs dngos grub kun thob shog__/sarba dA mang+ga laM/___dge'o/___!___'di nas bzung ste byang chub ma thob bar/__/grub pa'i dbang phyug chos rje ze rdzogs gnyis/__/yab sras brgyud par bcas pas rjes gzung nas/__/de yi bzhed pa mtha' dag sgrub nus shog/__//