Property:colophontib
From Khyentse Lineage - A Tsadra Foundation Project
This is a property of type Text.
ཉ
ཅེས་པའང་རང་སློབ་གཡོན་རུ་གཏེར་སྲས་འཇམ་དབྱངས་བསོད་ནམས་ཀྱིས་མགུར་སྙན་བ་ཞིག་བྲི་དགོས་གསུངས་ཀྱང་སྙན་ཚིག་གཤིས་ལ་མི་གནས་པས་མ་བྱུང་ཡང་། གང་ཤར་ཡུད་ཙམ་ལ་བློ་གྲོས་རྒྱ་མཚོས་བྲིས་ཏེ་ཕུལ། དགེའོ།། +
།།ཅེས་པའང་ལམ་འདི་ལ་མོས་པའི་དགེ་བའི་བཤེས་གཉེན་ཕན་བདེ་བཟང་པོས་གནང་སྐྱེས་དང་བཅས་བསྐུལ་བས་མཚམས་སྦྱར་ཏེ། ཁྱབ་བདག་རྡོ་རྗེ་སེམས་དཔའ་དང་དབྱེར་མ་མཆིས་པ་དྲན་པས་སྲིད་ཞིའི་གདུང་སེལ་རྗེ་བཙུན་བླ་མ་བློ་གསལ་ཞབས་སོགས་ཡོངས་འཛིན་དམ་པ་རྣམས་ལས་ཆོས་ཚུལ་འདིའི་བཀའ་དྲིན་མང་དུ་ཐོབ་པའི་རྒྱལ་ཁམས་ཀྱི་བྱ་བྲལ་བ་འཇམ་དབྱངས་མཁྱེན་བརྩེའི་དབང་པོས། རྡོ་རྗེ་འཆང་མཁྱེན་རབ་ཆོས་རྗེའི་ཁྲིད་ཡིག་ལ་གཞི་བྱས། དེར་མི་གསལ་བ་རྣམས་ཡིག་ཆ་གཞན་ནས་ཀྱང་ཅུང་ཟད་ཁ་བསྐངས་ཤིང་། བླ་མ་དམ་པའི་ཞལ་གྱི་བདུད་རྩིས་མཛེས་པར་བྱས་ཏེ། ངག་འདོན་བཀླགས་ཆོག་ཏུ་བགྱིས་པའི་དགེ་བས་འགྲོ་ཀུན་འཕགས་མཆོག་ཕྱག་ན་པདྨའི་གོ་འཕང་ལ་རེག་པའི་རྒྱུར་གྱུར་ཅིག །སརྦ་དཱ་མངྒ་ལཾ།། +
།།འཇ༷མ་པའི་དབྱང༷ས་སོགས་འཕགས་རྣམས་ཀྱིས། །གང་གི་མཁྱེ༷ན་བརྩེ༷ར་རབ་བསྔགས་པ། །འཇིག་རྟེན་མགོན་པོ་དགྱེས་པའི་ལམ། །ཟླ་བའི་བཞེད་གཞུང་སྙིང་པོའོ།། །།ཐུགས་རྗེ་ཆེན་པོའི་དམར་ཁྲིད་སྤྱན་རས་གཟིགས་དངོས་བྱང་ཆུབ་སེམས་དཔའ་ཟླ་བ་རྒྱལ་མཚན་གྱི་ལུགས་སྲོལ་གྱི་ཉམས་ལེན་སྙིང་པོར་དྲིལ་བའི་ལེའུ་ཚན་ནོ།། །། +
།འཇ༷མ་དབྱང༷ས་ལ་སོགས་ཕྱོགས་བཅུ་ཡི། །སྲས་བཅས་རྒྱལ་བའི་མཁྱེན༷་བརྩེ༷འི་དངོས། །འཕགས་མཆོག་སྙིང་རྗེའི་གཏེར་ཆེན་གྱི། །རྣལ་འབྱོར་ཟབ་མོ་འཇུག་བདེའི་ཕུལ།། །།ཐུགས་རྗེ་ཆེན་པོའི་དམར་ཁྲིད་དཔལ་མོ་ལུགས་ཀྱི་ཉམས་ལེན་སྙིང་པོར་དྲིལ་བའི་ལེའུ་ཚན་ནོ།། +
།ཞེས་གཏེར་ཆེན་ཉི་མ་གྲགས་པའི་མཆོག་གི་སྤྲུལ་པའི་སྐུ་རིན་པོ་ཆེ་པདྨ་རྒྱས་པ་ལྟ་བུ་གསར་དུ་བཞད་པར། རིག་འཛིན་འཇིགས་མེད་བསྟན་པའི་ཉི་མ་གྲགས་པ་ཀུན་ཁྱབ་དཔལ་བཟང་པོ་ཞེས་པའི་མཚན་འབུལ་དང་འབྲེལ་བར་ཞབས་པད་བསྐལ་བརྒྱར་བརྟན་པའི་གསོལ་བ་འདེབས་མཚོན་བཀྲ་ཤིས་ལྷ་གོས། འཆི་མེད་སྐུ་གསུམ་ཐུགས་རྡོ་རྗེའི་སྣང་བརྙན། ༠ བཅས་མདོ་ཁམས་སྡེ་དགེ་རྫོང་གསར་བཀྲ་ཤིས་ལྷ་རྩེའི་བསམ་གཏན་གྱི་ཁང་བུ་ནས་ཤཱཀྱའི་དགེ་སྦྱོང་རྒན་པོ་འཇམ་དབྱངས་མཁྱེན་བརྩེའི་དབང་པོ་ཀུན་དགའ་བསྟན་པའི་རྒྱལ་མཚན་དཔལ་བཟང་པོར་ན་ཚོན་ལྡན་གྱི་ལོའི་སྣྲོན་ཟླ་བའི་དཀར་ཕྱོགས་རྒྱལ་བ་དང་པོས་བསམ་པ་དག་ཅིག་སྦྱོར་བ་གུས་པས་ཕུལ་བ་སརྦ་དཱ་ཤྲེ་ཡནྟུ།། +
།ཅེས་མཚུངས་མེད་བསྟན་འགྲོའི་དཔལ་མགོན་རིག་འཛིན་གྲགས་པའི་མཆོག་སྤྲུལ་བཞི་པ་ཨོ་རྒྱན་བསྟན་འཛིན་ཆོས་ཀྱི་ཉི་མ་གང་ཉིད་ཆོས་དབྱིངས་ཞི་བ་ཆེན་པོར་སྐུར་བཞེངས་པའི་སྐབས་འཁྲུལ་མེད་སྤྲུལ་པའི་ཟླ་ཞལ་མྱུར་དུ་འཆར་བའི་གསོལ་འདེབས་རྗེ་དབོན་མཆོག་སྤྲུལ་རིན་པོ་ཆེས་རྒྱང་རིང་མོ་ནས་བཀའ་སྩལ་ཆེད་དུ་གནང་བ་ལྟར། མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོ་པདྨ་འོད་གསལ་མདོ་སྔགས་གླིང་པའི་སྡེས་རབ་ཚེས་དཀར་པོའི་ལོ་ཆོ་འཕྲུལ་ཟླ་བའི་དམར་ཕྱོགས་མཁའ་འགྲོ་འདུ་བའི་ཚེས་བཅུའི་མཆོད་པའི་སྐབས་སུ་གསོལ་བ་བཏབ་པ་དེ་དེ་བཞིན་དུ་འགྲུབ་པར་གྱུར་ཅིག +
ཉི་ཟླའི་རྒྱ་ཅན་ལས། གུ་རུ་ཞི་དྲག་གི་ཐུགས་སྒྲུབ་ཡིད་བཞིན་ཆར་འབེབས་ཀྱི་སྒྲུབ་ཐབས་དབང་བསྐུར་དང་བཅས་པ་དངོས་གྲུབ་འདོད་དགུའི་གཏེར་བུམ། +
།བདེ་ཆེན་འགྱུརྃ་མེདྃ་ཡེ་ཤེས་གཅིག་པུ་ཉིད། །མཐའ་ཀླས་གདུལ་བྱའི་རྗེས་འགྲོའི་སྒྱུ་འཕྲུལ་གར། །སྔ་འགྱུར་ཐེགྃ་མཆོགྃ་བསྟནྃ་པའིྃ་བཀའ་སྲོལ་བཞིན། །དངོས་གྲུབ་རྒྱལྃ་མཚནྃ་མཛེས་པའི་ཏོག་ཏུ་གྲུབ། །གུ་རུ་ཞི་དྲག་གི་ཐུགས་སྒྲུབ་ཡིད་བཞིན་ཆར་འབེབས་ཀྱི་སྒྲུབ་ཐབས་དབང་དང་བཅས་པའི་ལེའུ་ཚན་ནོ།། +
།ཅེས་གཞུང་སྔ་མ་དག་ལས་ཉེར་མཁོའི་ཚུལ་མདོ་ཙམ་བཏུས་པ་འདིའང་འཇམ་དབྱངས་བླ་མ་དགྱེས་པའི་འབངས་མཁྱེན་བརྩེའི་དབང་པོས་བྲིས་པ་མངྒ་ལཾ་བྷ་བ་ཏུ།། +
* '''Author colophon:''' །ཅེས་པའང་རྒྱལ་དབང་ཐམས་ཅད་མཁྱེན་གཟིགས་ངག་གི་དབང་ཕྱུག་བློ་བཟང་རྒྱ་མཚོའི་ཞལ་སྔ་ནས་སྙན་བརྒྱུད་ཀྱི་མན་ངག་ཁྲིགས་སུ་བསྡེབས་པའི་རྩ་བའི་ཡི་གེ་ལས། ཐམས་ཅད་མཁྱེན་པ་དགེ་འདུན་རྒྱ་མཚོས་མཛད་པའི་ཚེ་སྒྲུབ་གྲུབ་རྒྱལ་མའི་དབང་ཆོག་ལ་ཞལ་འཕང་གནང་བ་སོགས་བླ་མའི་ཕྱག་གཞེས་ལྟར་དཀྱུས་སུ་བཅུག་སྟེ་བཀླགས་པས་གྲུབ་པར་བྱ་བྲལ་སྤོང་བ་པ་མཉྫུ་གྷོ་ཥས་བྲིས་པ་དགེ་ལེགས་མཆོག་ཏུ་གྱུར་ཅིག །སརྦ་དཱ་ཤྲེ་ཡོ་བྷ་བ་ཏུ།།
* '''Lineage Statement:''' འདིའི་བརྒྱུད་པ་ནི། ངག་དབང་བློ་བཟང་རྒྱ་མཚོ་ནས། བྱམས་པ་ངག་དབང་ལྷུན་གྲུབ། རྨོར་ཆེན་ཀུན་དགའ་ལྷུན་གྲུབ། གནས་གསར་བ་ལེགས་པའི་འབྱུང་གནས། འཕགས་པ་དགེ་ལེགས་རྒྱལ་མཚན། བླ་མ་སྐལ་བཟང་བསྟན་དར། བཀའ་བཅུ་བྱམས་པ་བློ་གྲོས། སློབ་དཔོན་འཕགས་པ་མཆོག་དགའ། ཆོས་རྗེ་ངག་དབང་འཇམ་དབྱངས། རྡོ་རྗེ་འཛིན་པ་ཀུན་དགའ་དཔལ་ལྡན། དེས་བདག་མཁྱེན་བརྩེའི་དབང་པོ་ལའོ།།
+
།ཅེས་ཚད་མར་གྱུར་པའི་མདོ་རྒྱུད་དང་འཕགས་བོད་ཀྱི་གཞུང་མང་པོ་ལས་ཉེར་མཁོ་ཅུང་ཟད་ཙམ་བཏུས་པ་འདིའང་། བྱ་བྲལ་མཉྫུ་གྷོ་ཥས་བྲིས་པ་དགེ། +
།ཅེས་པའང་མཁན་རིན་པོ་ཆེ་ལེགས་བཤད་འབྱོར་ལྡན་གསུང་གིས་བསྐུལ་བ་དང་། གཏེར་ཆེན་གྱི་ཞབས་ཏོག་ཏུ་དམིགས་ཏེ་འཇམ་དབྱངས་མཁྱེན་བརྩེའི་སྤྲུལ་མིང་འཛིན་པ་བློ་གྲོས་རྒྱ་མཚོས་བྲིས་པ་ཡི་གེའི་བྱེད་པོ་མཆོག་སྤྲུལ་འགྱུར་མེད་བཀྲ་ཤིས་ཀྱིས་སོ། +
ཌ
།ཅེས་རིག་ངོར་མ་བཅོས་ཐོལ་བྱུང་དུ་ཇི་ལྟར་ཤར་བ་བཞིན་པདྨ་ཡེ་ཤེས་རྡོ་རྗེས། རང་སློབ་རི་སྐེགས་བྱ་བྲལ་རིན་པོ་ཆེར་གདམས་པའི་སྤྲིངས་ཡིག་དགེ་ལེགས་བཀྲ་ཤིས་འཕེལ།། +
།ཅེས་པའང་བསྒྲགས་མདའ་མཚོ་རྒྱལ་བླ་མཚོར་ཚོགས་ཀྱི་མཆོད་པ་སྟོང་ཕྲག་ཐལ་བ་འདུ་བགྱིས་པའི་ཚེ་སྣང་གསལ་ཆུང་ངུ་ཞིག་གི་ངོགས་སུ་ཤར་མར་སྤེལ་པ་པོ་ནི་རྒྱལ་ཁམས་ཉུལ་བའི་དཱ་རི་དྲཱ་པདྨ་དགྱེས་པའི་ལང་ཚོའོ།། +
།ཅེས་པའང་གྲུབ་ཆེན་མེ་ལོང་རྡོ་རྗེ། ལྷོ་བྲག་གྲུབ་ཆེན་སོགས་ཀྱི་རྣམ་པར་འཕྲུལ་པ་འཁྲུལ་ཞིག་རིན་པོ་ཆེ་ཀུན་བཟང་དཔའ་བོ་རྡོ་རྗེ་ནས་ལྷ་རྫས་དང་། རིན་གཉིས་ཀྱི་སྐྱེས་དང་བཅས་བསྐུལ་བར་དགོས་པ་ཁྱད་པར་ཅན་ཡོད་དོ་སྙམ་ནས་བཀའ་ལྡོག་མ་བཟོད་པར་འཇམ་དབྱངས་ཆོས་ཀྱི་བློ་གྲོས་སམ་པདྨ་ཡེ་ཤེས་རྡོ་རྗེས་བལ་ཡུལ་མཆོད་རྟེན་ཆེན་པོ་བྱ་རུང་ཁ་ཤོར་གྱི་གམ་དུ་མགོ་ཟླའི་སྟོང་པ་དང་པོའི་ཚེས་༤ལ་གང་དྲན་ཤར་མར་བྲིས་པ་བསྟན་འཛིན་སྐྱེས་བུའི་ཞབས་པད་ཡུན་དུ་བརྟན་པའི་རྒྱུར་གྱུར་ཅིག །སརྦ་མངྒ་ལཾ། ཤུ་བྷཾ།། +
།ཅེས་པའང་དཔལ་ལྡན་རིག་འཛིན་ཆོས་བསྟན་ངོར་ཁྲག་འཐུང་རྡོ་རྗེས་སོ། +
།ཞེས་པའང་༧སྐྱབས་མགོན་བདག་ཆེན་རིན་པོ་ཆེ་ངག་དབང་ཀུན་དགའ་བསོད་ནམས་ཀྱིས་བཀའ་སྩལ་ཕེབས་པ་ན་༧ཆོས་ཀྱི་བློ་གྲོས་པས་མཆན་ཉུང་ངུར་བཏབ་པ་དགེའོ། །སརྦ་དཱ་ཀ་ལྱཱ་ཎཾ་བྷ་ཝནྟུ།། +
ཏ
།ཅེས་པའང་བྱ་བྲལ་ཆོས་རྗེ་འཇམ་དབྱངས་མཁྱེན་བརྩེའི་དབང་པོའམ། །ཀརྨ་བསྟན་པའི་ཉི་མ་བཤད་སྒྲུབ་ཆོས་ཀྱི་སེང་གེ་རང་ཉིད་ཀྱིས་མངོན་པར་དད་པའི་ཡིད་ཀྱི་ཀུན་ནས་བསླངས་ཏེ། རབ་བྱུང་བཅོ་ལྔ་པའི་ས་འབྲུ ག་ཆོ་འཕྲུལ་ཟླ་བའི་དཀར་ཕྱོགས་ཀྱི་དགའ་བ་དང་པོར་རྟེན་འབྱུང་གི་མཎྜལ་དང་བཅས་ཆེད་དུ་གསོལ་བ་བཏབ་པ། སླར་ཡང་ཀརྨ་སྨོན་ལམ་འོད་ཟེར་སོགས་དད་ཅིང་འདུན་པའི་བློ་ཅན་རྣམས་ཀྱིས་བསྐུལ་བ་ལྟར་ཡི་གེ་གཉིས་པར་སྤེལ་བ་དེ་དེ་བཞིན་དུ་འགྲུབ་པར་བླ་མ་རྒྱལ་བ་སྲས་དང་བཅས་པས་བྱིན་གྱིས་བརླབ་ཏུ་གསོལ།། +
ཐ
།ཅེས་པ་གསང་སྤྱོད་མཁའ་འགྲོའི་སྙན་བརྒྱུད་ཀྱི་ཚོགས་ལས་ཌཱ་ཀི་དགྱེས་པའི་རོལ་མོ་ཅེས་བྱ་བ་འདི་ཟབ་ཆོས་འདི་ལ་མོས་པ་བརྟན་པོ་དང་ལྡན་པ་རང་སློབ་དགེ་སློང་ཚེ་རིང་ཕུན་ཚོགས་ནས་རྟེན་དང་བཅས་བསྐུལ་ངོར་སྐྱབས་རྗེ་ཐམས་ཅད་མཁྱེན་པ་སི་ཏུ་ཨོ་རྒྱན་ཆོས་ཀྱི་རྒྱ་མཚོ་དང་། གྲུབ་རྗེ་འཇམ་དབྱངས་བསྟན་འཕེལ་རྣམ་གཉིས་ལས་འདི་ཉིད་ཀྱི་ཆོས་སྐོར་ཡོངས་རྫོགས་ཐོབ་པའི་སྐལ་བཟང་ཅན་འཇམ་དབྱངས་ཆོས་ཀྱི་བློ་གྲོས་པས་ཆོག་ཁྲིགས་སུ་སྡེབ་པའི་ཡི་གེ་པ་ནི་བཀྲ་ཤིས་དབང་ཕྱུག་དེས་བགྱིས་པ་འདིས་ཀྱང་བསྟན་འགྲོ་ལ་ཕན་པ་མཐའ་ཡས་པའི་རྒྱུར་གྱུར་ཅིག །སརྦ་དཱ་མངྒ་ལཾ།། +
ཞེས་པའང་རིག་འཛིན་གྱི་བཙུན་པ་འཇམ་དབྱངས་མཁྱེན་བརྩེའི་དབང་པོས་རྗེ་གྲུབ་ཐོབ་ཆེན་པོས་བྱིན་གྱིས་བརླབས་པའི་གནས་དཔལ་ཆུ་བོ་རིའི་གཟིམ་ཕུག་ཏུ་རྩ་བའི་ཡིག་རྙིང་གི་དགོངས་པ་ཇི་ལྟ་བ་བཞིན་སྦྱར་བ་ལས། སླར་ཡང་ཅུང་ཟད་གསལ་བར་ཕྱེ་བའི་དགེ་བས་འགྲོ་ཀུན་འཆི་མེད་ཡེ་ཤེས་ཀྱི་སྐུ་མྱུར་དུ་འགྲུབ་པའི་རྒྱུར་གྱུར་ཅིག། །སརྦ་དཱ་ཀ་ལྱཱ་ཎཾ་བྷ་བ་ཏུ། +
།ཅེས་པའང་ལྷ་ཆེན་པོ་ཉིད་ཀྱིས་གནང་བའི་མཚན་མ་ཐོབ་པ་དང་། དགོས་པ་འགའ་ཞིག་གི་སླད་དུ་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོས་གང་ཤར་སྤེལ་བ་སུ་ཤྲེ་ཡནྟུ། +
