ཌཱ་ཀི་མཚོ་རྒྱལ་ལ་བསྟོད་པའི་རྡོ་རྗེའི་ཐོལ་གླུ་ཕྱིན་དྲུག་ནཱ་དའི་སྒྲ་དབྱངས།

🚧 This website is under continued development. We appreciate your patience!

Previous Text Back to Volume PageNext Text

Wylie title	DA ki mtsho rgyal la bstod pa'i rdo rje'i thol glu phyin drug nA da'i sgra dbyangs
Location	mkhyen brtse'i bka' 'bum Volume 22, sde tshan 12, Text 14, Pages 386-388 (Folios 21b4 to 22b1)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Associated People	ཡེ་ཤེས་མཚོ་རྒྱལ་ (ye shes mtsho rgyal)
Citation	'jam dbyangs mkhyen brtse'i dbang po. DA ki mtsho rgyal la bstod pa'i rdo rje'i thol glu phyin drug nA da'i sgra dbyangs. In 'jam dbyangs mkhyen brtse'i dbang po'i bka' 'bum, Vol. 22: 386-388. Khams sde dge rdzong sar dgon: Rdzong sar blo gros phun tshogs, 2020.
Genre	Vajra Songs - rdo rje'i glu  ·  Verses of Praise - bstod pa
Colophon	།ཅེས་པའང་བསྒྲགས་མདའ་མཚོ་རྒྱལ་བླ་མཚོར་ཚོགས་ཀྱི་མཆོད་པ་སྟོང་ཕྲག་ཐལ་བ་འདུ་བགྱིས་པའི་ཚེ་སྣང་གསལ་ཆུང་ངུ་ཞིག་གི་ངོགས་སུ་ཤར་མར་སྤེལ་པ་པོ་ནི་རྒྱལ་ཁམས་ཉུལ་བའི་དཱ་རི་དྲཱ་པདྨ་དགྱེས་པའི་ལང་ཚོའོ།།
	ces pa'ang bsgrags mda' mtsho rgyal bla mtshor tshogs kyi mchod pa stong phrag thal ba 'du bgyis pa'i tshe snang gsal chung ngu zhig gi ngogs su shar mar spel pa po ni rgyal khams nyul ba'i dA ri drA pad+ma dgyes pa'i lang tsho'o

1 Texts in this Section (sde tshan or chos tshan)

14 386-388	ཌཱ་ཀི་མཚོ་རྒྱལ་ལ་བསྟོད་པའི་རྡོ་རྗེའི་ཐོལ་གླུ་ཕྱིན་དྲུག་ནཱ་དའི་སྒྲ་དབྱངས། DA ki mtsho rgyal la bstod pa'i rdo rje'i thol glu phyin drug nA da'i sgra dbyangs Vajra Songs - rdo rje'i glu   ·   Verses of Praise - bstod pa	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

ཌཱ་ཀི་མཚོ་རྒྱལ་ལ་བསྟོད་པའི་རྡོ་རྗེའི་ཐོལ་གླུ་ཕྱིན་དྲུག་ནཱ་དའི་སྒྲ་དབྱངས་ཅེས་བྱ་བ། ཨེ་མ་ཧོ། གཙུག་ཏོར་བདེ་ཆེན་ཟླ་བ་བཞུ་བའི་རྒྱུན། །འོད་གསལ་དྷཱུ་ཏཱིར་རྟག་ཏུ་འཇོ་བ་ཡིས། །འབར་འཛག་བདེ་བའི་ཉམས་བརྒྱས་སྒེག་པ་པོ། །སྦྱིན་པའི་ཕ་རོལ་ཕྱིན་མ་ཁྱོད་ལ་འདུད། །ལུགས་འབྱུང་དགའ་བ་རྣམ་བཞིའི་འཕོ་ཆགས་རྒྱུན། །ལུགས་ལྡོག་ཛ་ལནྷར་ར་བཅིངས་བ་ལས། །ཆར་ཡང་ཟག་པ་བྲལ་བས་བརྟུལ་ཞུགས་ཅན། །ཚུལ་ཁྲིམས་ཕ་རོལ་ཕྱིན་མ་ཁྱེད་ལ་འདུད། །གང་དུ་རླུང་སེམས་འཇུག་པ་ཆ་དང་བཅས། །ཉེ་བར་ཞི་བའི་དབྱིངས་སུ་རོ་གཅིག་པས། །གཟུང་འཛིན་ཡུལ་གྱིས་བརྫི་བར་མི་ནུས་པའི། །བཟོད་པའི་ཕ་རོལ་ཕྱིན་མ་ཁྱོད་ལ་འདུད། །དཔྱིད་དང་ཐིག་ལེ་མཉམ་པར་སྦྱོར་བ་ཡི། །མི་ཤིགས་མཁའ་ཁྱབ་མཁའ་ཡི་རྡོ་རྗེ་ལ། །བསལ་བཞག་བྲལ་བའི་དགའ་བས་རྟག་བསྙེན་པའི། །བརྩོན་འགྲུས་ཕ་རོལ་ཕྱིན་མ་ཁྱོད་ལ་འདུད། །ཀ་དག་སེམས་ཉིད་གཉུག་མའི་ངོ་བོ་རུ། །ལྷུན་གྲུབ་སེམས་བྱུང་མཐའ་ཀླས་ཐིམ་པ་ལས། གཡོ་མེད་ཏིང་འཛིན་དག་པའི་རོས་མྱོས་པའི། །བསམ་གཏན་ཕ་རོལ་ཕྱིན་མ་ཁྱོད་ལ་འདུད། །ཨེ་ཝྃ་གཉིས་སུ་མེད་པའི་ཕྱག་རྒྱ་ཆེ། །མཐའ་བྲལ་དབུ་མའི་དགོངས་པ་ལེགས་ཤར་གང་། །དོན་དམ་འགོགས་བདེན་རྫོགས་པ་ཆེན་པོའི་ཞལ། །ཤེས་རབ་ཕ་རོལ་ཕྱིན་མ་ཁྱོད་ལ་འདུད། །མདོར་ན་དུས་གསུམ་རྒྱལ་བ་སྲས་བཅས་ཀྱི། །འབྱུང་གནས་རྡོ་རྗེ་བཙུན་མོའི་སྒྱུ་མ་ལ། །ཕྱིན་དྲུག་ལང་ཚོས་སྒེག་པའི་གླུ་དབྱངས་ཀྱིས། །རྟག་པ་རྒྱུན་གྱི་འཁོར་ལོར་བསྟོད་པར་བགྱི། །གཟུགས་སྣང་གདན་གསུམ་སྒྱུ་འཕྲུལ་དྲྭ་བར་དག །སྒྲར་གྲགས་མི་ཤིགས་ནཱ་དའི་ངོ་བོར་རྫོགས། །རྟོག་ཚོགས་མཐའ་གྲོལ་ཆོས་སྐུར་སྨིན་པ་ཡིས། །འགྲོ་ཀུན་གདོད་མའི་ས་ལ་ཕྱིན་པར་ཤོག །ཅེས་པའང་བསྒྲགས་མདའ་མཚོ་རྒྱལ་བླ་མཚོར་ཚོགས་ཀྱི་མཆོད་པ་སྟོང་ཕྲག་ཐལ་བ་འདུ་བགྱིས་པའི་ཚེ་སྣང་གསལ་ཆུང་ངུ་ཞིག་གི་ངོགས་སུ་ཤར་མར་སྤེལ་པ་པོ་ནི་རྒྱལ་ཁམས་ཉུལ་བའི་དཱ་རི་དྲཱ་པདྨ་དགྱེས་པའི་ལང་ཚོའོ།། །། ༈

[edit]

DA ki mtsho rgyal la bstod pa'i rdo rje'i thol glu phyin drug nA da'i sgra dbyangs/__ DA ki mtsho rgyal la bstod pa'i rdo rje'i thol glu phyin drug nA da'i sgra dbyangs ces bya ba/__e ma ho/__gtsug tor bde chen zla ba bzhu ba'i rgyun/__/'od gsal d+hU tIr rtag tu 'jo ba yis/__/'bar 'dzag bde ba'i nyams brgyas sgeg pa po/__/sbyin pa'i pha rol phyin ma khyod la 'dud/__/lugs 'byung dga' ba rnam bzhi'i 'pho chags rgyun/__/lugs ldog dza lan+har ra bcings ba las/__/char yang zag pa bral bas brtul zhugs can/__/tshul khrims pha rol phyin ma khyed la 'dud/__/gang du rlung sems 'jug pa cha dang bcas/__/nye bar zhi ba'i dbyings su ro gcig pas/__/gzung 'dzin yul gyis brdzi bar mi nus pa'i/__/bzod pa'i pha rol phyin ma khyod la 'dud/__/dpyid dang thig le mnyam par sbyor ba yi/__/mi shigs mkha' khyab mkha' yi rdo rje la/__/bsal bzhag bral ba'i dga' bas rtag bsnyen pa'i/__/brtson 'grus pha rol phyin ma khyod la 'dud/__/ka dag sems nyid gnyug ma'i ngo bo ru/__/lhun grub sems byung mtha' klas thim pa las/__g.yo med ting 'dzin dag pa'i ros myos pa'i/__/bsam gtan pha rol phyin ma khyod la 'dud/__/e wa~M gnyis su med pa'i phyag rgya che/__/mtha' bral dbu ma'i dgongs pa legs shar gang /__/don dam 'gogs bden rdzogs pa chen po'i zhal/__/shes rab pha rol phyin ma khyod la 'dud/__/mdor na dus gsum rgyal ba sras bcas kyi/__/'byung gnas rdo rje btsun mo'i sgyu ma la/__/phyin drug lang tshos sgeg pa'i glu dbyangs kyis/__/rtag pa rgyun gyi 'khor lor bstod par bgyi/__/gzugs snang gdan gsum sgyu 'phrul drwa bar dag__/sgrar grags mi shigs nA da'i ngo bor rdzogs/__/rtog tshogs mtha' grol chos skur smin pa yis/__/'gro kun gdod ma'i sa la phyin par shog__/ces pa'ang bsgrags mda' mtsho rgyal bla mtshor tshogs kyi mchod pa stong phrag thal ba 'du bgyis pa'i tshe snang gsal chung ngu zhig gi ngogs su shar mar spel pa po ni rgyal khams nyul ba'i dA ri drA pad+ma dgyes pa'i lang tsho'o//__//__!_