Property:colophontib
From Khyentse Lineage - A Tsadra Foundation Project
This is a property of type Text.
མ
* '''Treasure colophon:''' མཁའ་འགྲོ་འདུས་པའི་ཕྲིན་ལས་ཨོ་རྒྱན་གྱི་མཁན་པོ་པདྨ་ཐོད་ཕྲེང་གིས་བཀའི་སྡུད་པ་མོ་རིགས་ཀྱི་གཟུངས་མ་ཡེ་ཤེས་མཚོ་རྒྱལ་ལ་རྗེས་སུ་གདམས་ཤིང་མ་འོངས་ཕྱི་མ་ཕྱི་མའི་དོན་དུ་རིན་པོ་ཆེ་སའི་གཏེར་དུ་སྦས་པ་སྩཽགས་སྩཽགས་སྩཽགས༔ ས་མ་ཡ༔ རྒྱ་རྒྱ་རྒྱ༔ ཁ་ཐཾ་གུ་ཧྱ༔
* '''Revealer colophon:''' ཡེ་ཤེས་ཀྱི་མཁའ་འགྲོ་ཇོ་མོ་སྨན་མོའི་ཟབ་གཏེར་སླད་ནས་འགྲོ་འདུལ་སྤྲུལ་པའི་གཏེར་སྟོན་རིག་འཛིན་ཡོངས་ཀྱི་རྒྱལ་པོ་པདྨ་འོད་གསལ་མདོ་སྔགས་གླིང་པ་ལ་ཡང་གཏེར་དུ་བཀའ་བབས་ཏེ་གཏན་ལ་ཕབ་པའི་ཡི་གེ་པ་ནི་པདྨ་གར་དབང་བློ་གྲོས་མཐའ་ཡས་ཀྱིས་གུས་པས་བགྱིས་པ་དགེ་ལེགས་འཕེལ།།
+
* '''Treasure colophon:''' མཁའ་འགྲོ་གསང་བ་ཀུན་འདུས་ཀྱི་མཆོད་སྐོང་གི་ཆོ་ག་སྔོན་ཆད་གཞན་དུ་མ་བསྟན་པ༔ རྒྱུད་དང་མན་ངག་གི་དགོངས་པ་ལྟར་ཨོ་རྒྱན་གྱི་མཁན་པོ་པདྨ་ཐོད་ཕྲེང་རྩལ་གྱིས་བསྡུས་ཏེ་མཁའ་འགྲོ་མཚོ་རྒྱལ་ལ་གདམས༔ མ་འོངས་ཕྱི་མ་ཕྱི་མའི་དོན་དུ་གཏད་པ་སྩཽགས་སྩཽགས་སྩཽགས༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ ཟབ་རྒྱ༔ གུ་ཧྱ་ས་མ་ཡ༔
* '''Scribe colophon:''' ཡེ་ཤེས་མཁའ་འགྲོ་ཇོ་མོ་སྨན་མོའི་ཟབ་ཆོས་སྤྲུལ་པའི་གཏེར་ཆེན་པདྨ་འོད་གསལ་མདོ་སྔགས་གླིང་པ་ལ་ཡང་གཏེར་དུ་བཀའ་བབས་ཏེ་གཏན་ལ་ཕབ་པའི་ཡི་གེ་པ་ནི་པདྨ་གར་དབང་བློ་གྲོས་མཐའ་ཡས་ཀྱིས་གུས་པས་བགྱིས་པ་དགེ་ལེགས་འཕེལ།།
+
* '''Treasure colophon:''' རྡོ་རྗེ་མཁའ་འགྲོ་མའི་ཚེ་སྒྲུབ་པའི་གདམས་པ་སྔོན་དུ་མ་བསྟན་པ༔ ཨོ་རྒྱན་གྱི་མཁན་པོ་པདྨ་ཐོད་ཕྲེང་རྩལ་གྱིས་མཁའ་འགྲོ་གསང་བའི་རྒྱུད་ལས་བཏུས་ཏེ་བཀའི་སྡུད་པ་མོ་མཁར་ཆེན་བཟའ་ལ་གདམས་ཤིང་མ་འོངས་ཕྱི་མ་ཕྱི་མའི་དོན་དུ་གཏད་པ་སྩཽགས་སྩཽགས་སྩཽགས༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ ཟབ་རྒྱ༔ གུུ་ཧྱ་ས་མ་ཡ༔
* '''Scribe colophon:''' ཡེ་ཤེས་ཀྱི་མཁའ་འགྲོ་ཇོ་མོ་སྨན་མོའི་ཟབ་ཆོས་སྤྲུལ་པའི་གཏེར་ཆེན་པདྨ་འོད་གསལ་མདོ་སྔགས་གླིང་པ་ལ་ཡང་གཏེར་དུ་བཀའ་བབས་ཏེ་གཏན་ལ་ཕབ་པའི་ཡི་གེ་པ་ནི་པདྨ་གར་དབང་བློ་གྲོས་མཐའ་ཡས་ཀྱིས་གུས་པས་བགྱིས་པ་དགེ་ལེགས་འཕེལ།།
+
ཡེ་ཤེས་ཀྱི་འཁའ་འགྲོ་ཇོ་མོ་སྨན་མོའི་ཟབ་ཆོས་སྤྲུལ་པའི་གཏེར་ཆེན་པདྨ་འོད་གསལ་མདོ་སྔགས་གླིང་པ་ལ་ཡང་གཏེར་དུ་བཀའ་བབས་ཏེ་གཏན་ལ་ཕབ་པའི་ཡེ་གེ་པ་ནི་པདྨ་གར་དབང་བློ་གྲོས་མཐའ་ཡས་ཀྱིས་གུས་པས་བགྱིས་པ་དགེ་ལེགས་འཕེལ།། +
* '''Treasure colophon:''' མཁའ་འགྲོ་གསང་བ་ཀུན་འདུས་ཀྱི་ཟོར་ལས་ཟབ་གཉན་ཁྱད་པར་དུ་འཕགས་པ་སྔོན་ཆད་གཞན་དུ་མ་བསྟན་པའི་ལས་རིམ་འདིའང་༔ ཨོ་རྒྱན་གྱི་མཁན་པོ་པདྨ་ཐོད་ཕྲེང་གིས་དབྱིངས་ཀྱི་གཙོ་མོས་རྗེས་སུ་གནང་བ་ལྟར་སྙིང་པོར་དྲིལ་ཏེ་མ་འོངས་ཕྱི་མ་ཕྱི་མའི་དོན་དུ་ལས་ཀྱི་གཟུངས་མ་བཀའི་སྡུད་པོ་ཡེ་ཤེས་མཚོ་རྒྱལ་ལ་གདམས་ཤིང་གཏད་པ་སྩཽགས་སྩཽགས་སྩཽགས༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ ཟབ་རྒྱ༔ གུ་ཧྱ་ས་མ་ཡ༔
* '''Scribe colophon:''' ཡེ་ཤེས་ཀྱི་མཁའ་འགྲོ་མ་ཇོ་མོ་སྨན་མོའི་ཟབ་ཆོས་སྤྲུལ་པའི་གཏེར་ཆེན་པདྨ་འོད་གསལ་མདོ་སྔགས་གླིང་པ་ལ་ཡང་གཏེར་དུ་བཀའ་བབས་ཏེ་གཏན་ལ་ཕབ་པའི་ཡི་གེ་པ་ནི་པདྨ་གར་དབང་བློ་གྲོས་མཐའ་ཡས་ཀྱིས་གུས་པས་བགྱིས་པ་དགེ་ལེགས་འཕེལ།།
+
།ཅེས་རྡོ་རྗེ་ཕག་མོ་མཁའ་འགྲོ་གསང་བ་ཀུན་འདུས་ཀྱི་ཕྲིན་ལས་འབྲིང་པོ་འདི་ཉིད་ཐམས་ཅད་མཁྱེན་གཟིགས་རྗེ་གཏེར་ཆེན་བླ་མའི་ཕྱག་ཟིན་ལྟར་འཇུག་བདེའི་ཚུལ་དུ་བཀོད་པར་འཇམ་མགོན་རྡོ་རྗེ་འཆང་པདྨ་ཡེ་ཤེས་རྡོ་རྗེའི་སྤྱན་སྔར་ཟབ་ལམ་མཆོག་འདིར་དད་མོས་བརྟན་པའི་བཤད་སྒྲུབ་བསྟན་འཛིན་ནས་ཞུ་བསྐུལ་བགྱིས་པར་འདི་བཞིན་ཁྱོད་ནས་འགོད་པར་འོས་ཞེས་དགྱེས་པའི་བཀའ་ལུང་སྤྱི་བོར་སྩལ་བས་ཇི་ལྟར་སྦྱོར་ཚུལ་བཀའ་བསླབ་ཞིབ་ཞུས་ལྟར་ཡི་གེའི་གནས་སུ་འགོད་པ་པོ་ཁྱབ་བདག་འཇམ་མགོན་བླ་མ་ཡབ་སྲས་དགྱེས་པའི་འབངས་པདྨ་དབང་ཆེན་དགྱེས་པའི་འོད་གསལ་རྡོ་རྗེ་ཐུགས་མཆོག་རྩལ་གྱིས་བྲིས་པ་འདིས་ཀྱང་གྲོང་ཁྱེར་གསུམ་གྱི་ཡིད་ཅན་མཐའ་དག་རྗེ་བཙུན་རྡོ་རྗེ་བཙུན་མོའི་གསང་བ་ཟབ་མོའི་དབྱིངས་སུ་མངོན་པར་བྱང་ཆུབ་པའི་རྒྱུར་གྱུར་ཅིག། །དགེ་ལེགས་འཕེལ།། +
།ཅེས་རྡོ་རྗེ་ཕག་མོ་མཁའ་འགྲོ་གསང་བ་ཀུན་འདུས་ཀྱི་ཕྲིན་ལས་འབྲིང་པོ་འདི་ཉིད་ཐམས་ཅད་མཁྱེན་གཟིགས་རྗེ་གཏེར་ཆེན་བླ་མའི་ཕྱག་ཟིན་ལྟར་འཇུག་བདེའི་ཚུལ་དུ་བཀོད་པར་འཇམ་མགོན་རྡོ་རྗེ་འཆང་པདྨ་ཡེ་ཤེས་རྡོ་རྗེའི་སྤྱན་སྔར་ཟབ་ལམ་མཆོག་འདིར་དད་མོས་བརྟན་པའི་བཤད་སྒྲུབ་བསྟན་འཛིན་ནས་ཞུ་བསྐུལ་བགྱིས་པར་འདི་བཞིན་ཁྱོད་ནས་འགོད་པར་འོས་ཞེས་དགྱེས་པའི་བཀའ་ལུང་སྤྱི་བོར་བསྩལ་བས་ཇི་ལྟར་སྦྱོར་ཚུལ་བཀའ་བསླབ་ཞིབ་ཞུས་ལྟར་ཡི་གེའི་གནས་སུ་འགོད་པ་པོ་ཁྱབ་བདག་འཇམ་མགོན་བླ་མ་ཡབ་སྲས་དགྱེས་པའི་འབངས་པདྨ་དབང་ཆེན་དགྱེས་པའམ་འོད་གསལ་རྡོ་རྗེ་ཐུགས་མཆོག་རྩལ་གྱིས་བྲིས་པ་འདིས་ཀྱང་གྲོང་ཁྱེར་གསུམ་གྱི་ཡིད་ཅན་མཐའ་དག་རྗེ་བཙུན་རྡོ་རྗེ་བཙུན་མོའི་གསང་བ་ཟབ་མོའི་དབྱིངས་སུ་མངོན་པར་བྱང་ཆུབ་པའི་རྒྱུར་གྱུར་ཅིག །དགེ་ལེགས་འཕེལ།། +
མཁའ་འགྲོ་གསང་བ་ཀུན་འདུས་ལས། རྫོགས་ཆེན་མ་རྒྱུད་མཁའ་འགྲོ་གསང་བ་ལམ་ཁྱེར་ཀྱི་བསྟོད་བསྐུལ་ཁོལ་དུ་ཕྱུང་བ། +
ཀུན་དཀའ་འབུམ་པའི་ཟབ་གཏེར་ལས་བྱུང་བ་འདི་ཉིད་མཁའ་འགྲོ་གསང་འདུས་ལ་སྦྱར་དུ་རུང་བ་འཇམ་མགོན་པདྨ་གར་དབང་གིས་བཀའ་ལུང་གི་ངེས་པ་ཡང་དག་པའོ། །གོང་གི་གནས་ཡུལ་ཉེར་བཞིའི་དཔའ་བོ་དཔའ་མོར་བསྟོད་བསྐུལ་ནི་རིག་སྔགས་འཛིན་པ་པདྨ་ཡེ་ཤེས་རྡོ་རྗེས་རྡོ་རྗེའི་གསུང་ལ་རིགས་མཐུན་དུ་སྦྱར་བ་བླ་མ་ཡེ་ཤེས་དྷཱ་ཀིས་བཟོད་པར་མཛོད་ཅིག དགེའོ།། དགེའོ།། དགེའོ།། +
།ཅེས་རྡོ་རྗེ་ཕག་མོ་མཁའ་འགྲོ་གསང་བ་ཀུན་འདུས་ཀྱི་ལས་བཞིའི་སྦྱིན་སྲེག་གི་ཆོ་ག་རབ་འབྱམས་ཕྲིན་ལས་སྣང་བའི་ཉིན་བྱེད་ཅེས་བྱ་བ་འདི་ཡང་མཁྱེན་བརྩེའི་བདག་ཉིད་དཔལ་ཡུལ་རྨུགས་སངས་མཆོག་སྤྲུལ་རིན་པོ་ཆེའི་དབུ་རུ་བྱང་ཕྱོགས་དོ་སྐྱ་དགོན་པ་ཆོས་སྐུ་འོད་འབར་གླིང་དུ་དོ་སྐྱ་མཆོག་སྤྲུལ་རིན་པོ་ཆེའི་བདག་རྐྱེན་ལས་ཟབ་གསང་རྡོ་རྗེའི་གསེང་ལམ་གྱི་སྒྲུབ་ཆེན་གཏན་འཇགས་གནང་བའི་སྐབས་གསུང་གི་ནན་ཏན་དུ་བསྐུལ་ཞིང༌། བྲི་གཞིའི་ཤོག་དཀར། ལྷ་རྫས་ཀྱི་རྟེན་དང་བཅས་བསྩལ་བས་སྦྱིན་སྲེག་གི་ཆོ་ག་རྒྱས་པའི་ལས་འགྲིགས་སུ་འཇིགས་མེད་མཁྱེན་བརྩེའི་འོད་ཟེར་རང་བྱུང་འོད་གསལ་ཐུགས་མཆོག་རྡོ་རྗེས་རང་ལོ་ཞེ་བརྒྱད་པ་ནག་ཟླའི་དཀར་ཕྱོགས་ཀྱི་དགའ་བ་དང་པོར་དབུས་འགྱུར་འཆང་གི་གཙུག་ལག་ཆེན་པོའི་ཤར་ཕྱོགས་ལྷུན་གྲུབ་མེ་ཏོག་ལྡུམ་རའི་གཟིམས་ཤག་ཏུ་རྫོགས་པར་སྦྱར་བས་དགེ་ལེགས་སུ་གྱུར་ཅིག། +
།ཅེས་རྡོ་རྗེ་ཕག་མོ་མཁའ་འགྲོ་གསང་བ་ཀུན་འདུས་ཀྱི་ལས་བཞིའི་སྦྱིན་སྲེག་གི་ཆོ་ག་རབ་འབྱམས་ཕྲིན་ལས་སྣང་བའི་ཉིན་བྱེད་ཅེས་བྱ་བ་འདི་ཡང་མཁྱེན་བརྩེའི་བདག་ཉིད་དཔལ་ཡུལ་རྨུགས་སངས་མཆོག་སྤྲུལ་རིན་པོ་ཆེའི་དབུ་རུ་བྱང་ཕྱོགས་དོ་སྐྱ་དགོན་པ་ཆོས་སྐུ་འོད་འབར་གླིང་དུ་དོ་སྐྱ་མཆོག་སྤྲུལ་རིན་པོ་ཆེའི་བདག་རྐྱེན་ལས་ཟབ་གསང་རྡོ་རྗེའི་གསེང་ལམ་གྱི་སྒྲུབ་ཆེན་གཏན་འཇགས་གནང་བའི་སྐབས་གསུང་གིས་ནན་ཏན་དུ་བསྐུལ་ཞིང༌། བྲིས་གཞིའི་ཤོག་དཀར། ལྷ་རྫས་ཀྱི་རྟེན་དང་བཅས་བསྩལ་བས་སྦྱིན་སྲེག་གི་ཆོ་ག་རྒྱས་པའི་ལས་འགྲིགས་སུ་འཇིགས་མེད་མཁྱེན་བརྩེའི་འོད་ཟེར་རང་བྱུང་འོད་གསལ་ཐུགས་མཆོག་རྡོ་རྗེ་རང་ལོ་ཞེ་བརྒྱད་པ་ནག་ཟླའི་དཀར་ཕྱོགས་ཀྱི་དགའ་བ་དང་པོར་དབུས་འགྱུར་འཆང་གི་གཙུག་ལག་ཆེན་པོའི་ཤར་ཕྱོགས་ལྷུན་གྲུབ་མེ་ཏོག་ལྡུམ་རའི་གཟིམས་ཤག་ཏུ་རྫོགས་པར་སྦྱར་བས་དགེ་ལེགས་སུ་གྱུར་ཅིག། +
།ཅེས་མཚུངས་མེད་མཁྱེན་བརྩེ་ནུས་པའི་བདག་ཉིད་དཔལ་ཡུལ་རྨུགས་སངས་མཆོག་སྤྲུལ་ཀུན་བཟང་ཤེས་རབ་ནས་གསང་ཆེན་སྔ་འགྱུར་རྙིང་མའི་བསྟན་དང་བསྟན་འཛིན་ལ་རྒྱུ་མཚན་ཤེས་པའི་ཐུགས་བསྐྱེད་དང་ཕྲིན་ལས་ཀྱི་སྣང་བས་དབུ་རུ་བྱང་ཕྱོགས་དོ་སྐྱ་དགོན་ཆོས་སྐུ་འོད་འབར་གླིང་དུ་དོ་སྐྱ་མཆོག་སྤྲུལ་རིན་པོ་ཆེའི་བདག་རྐྱེན་ལས་ཟབ་ཆོས་འདི་ཉིད་ཀྱི་སྒྲུབ་ཆེན་གསར་འཛུག་རྒྱུན་འཇགས་སྐབས་ཉེར་མཁོའི་རྟེན་འབྱུང་གིས་མཚམས་སྦྱར་སྟེ་བཀྲ་ཤིས་པའི་ལྷ་རྫས་རབ་དཀར། རྡོར་དྲིལ། མྱོང་གྲོལ་བདུད་རྩི་ཕུར་མའི་གནང་སྐྱེས་བྲི་ཤོག་བཅས་ཆེད་དུ་གསུང་བསྐུལ་གནང་བ་ལྟར། སྔ་འགྱུར་བཀའ་གཏེར་གྱི་གཞུང་ལ་མཁའ་འགྲོ་སྒོས་དཀའི་ཚོགས་སྒྲུབ་ཀྱི་སྤྱི་ཆིངས་ཀྱི་ཡིག་ཆ་དཀོན་པར་མཐོང་སྟེ། བྲིས་ན་ལེགས་པའི་ཡན་ལག་ཏུ་སེམས་པས་འཇམ་པའི་དབྱངས་པདྨ་གར་དབང་གི་ཟིན་བྲིས་དང་ལྷོ་བྱང་གི་གཏེར་ཁའི་རིག་འཛིན་བརྒྱུད་པའི་ཕྱག་བཞེས་གུང་སྤྲད་ནས་ལམ་མཆོག་འདི་ལ་སྨྲ་བའི་སྐལ་བཟང་ཅུང་ཟད་ཐོབ་པའི་མདོ་ཁམས་པ་འགྱུར་མེད་ཐེག་མཆོག་བསྟན་པའི་རྒྱལ་མཚན་མཁྱེན་བརྩེའི་འོད་ཟེར་རྒྱས་པའི་སྡེའམ་པདྨ་དབང་ཆེན་དགྱེས་པ་རྩལ་གྱིས་གངས་ཅན་བོད་ཀྱི་རྡོ་རྗེ་གདན་དབུས་འགྱུར་འཆང་གི་སྟོན་མཆོག་རྣམ་གསུམ་བཞུགས་པའི་གཙུག་ལག་ཁང་གི་ཤར་ཕྱོགས་ཐོན་ཟུར་གཟིམས་ཤག་བཀྲ་ཤིས་སྣང་བའི་དགའ་ཚལ་ནས་མེ་སྤྲེལ་རྒྱལ་ཟླའི་ཚེས་༡༨ལ་ཀུན་མཁྱེན་བླ་མ་འོད་གསལ་གདོད་མའི་ནང་དབྱིངས་སུ་མངོན་པར་བྱང་ཆུབ་པའི་མཛད་པ་སྟོན་པའི་དུས་ཆེན་ཉིན་དབུ་བཟུང་སྟེ་མེ་བྱ་གནམ་ལོ་གསར་འཆར་གྱི་དགའ་སྟོན་དུ་གྲུབ་པར་བགྱིས་སྐབས་ཡི་གེ་པ་ནི་འགྱུར་མེད་སྙན་གྲགས་ནས་ཞུས་པ་འདིས་ཀྱང་སྙིགས་མའི་དུས་ཀྱི་རྒུད་པ་ཞི་བའི་བསྟན་འགྲོའི་ཕན་བདེའི་དཔལ་འབྱོར་དར་ཞིང་རྒྱས་པའི་རྟེན་འབྱུང་དུ་གྱུར་ཅིག། །སརྦ་མངྒ་ལཾ།། +
།ཅེས་མཚུངས་མེད་མཁྱེན་བརྩེ་ནུས་པའི་བདག་ཉིད་དཔལ་ཡུལ་རྨུགས་སངས་མཆོག་སྤྲུལ་ཀུན་བཟང་ཤེས་རབ་ནས་གསང་ཆེན་སྔ་འགྱུར་རྙིང་མའི་བསྟན་དང་བསྟན་འཛིན་ལ་རྒྱུ་མཚན་ཤེས་པའི་ཐུགས་བསྐྱེད་དང་ཕྲིན་ལས་ཀྱི་སྣང་བས་དབུ་རུ་བྱང་ཕྱོགས་དོ་སྐྱ་དགོན་ཆོས་སྐུ་འོད་འབར་གླིང་དུ་དོ་སྐྱ་མཆོག་སྤྲུལ་རིན་པོ་ཆེའི་བདག་རྐྱེན་ལས་ཟབ་ཆོས་འདི་ཉིད་ཀྱི་སྒྲུབ་ཆེན་གསར་འཛུགས་རྒྱུན་འཇགས་སྐབས་ཉེར་མཁོའི་རྟེན་འབྱུང་གིས་མཚམས་སྦྱར་ཏེ་བཀྲ་ཤིས་པའི་ལྷ་རྫས་རབ་དཀར། རྡོར་དྲིལ། མྱོང་གྲོལ་བདུད་རྩི་ཕུར་མའི་གནང་སྐྱེས་འབྲི་ཤོག་བཅས་ཆེད་དུ་གསུང་བསྐུར་གནང་བ་ལྟར། སྔ་འགྱུར་བཀའ་གཏེར་གྱི་གཞུང་ལ་མཁའ་འགྲོ་སྒོས་བཀའི་ཚོགས་སྒྲུབ་ཀྱི་སྤྱི་ཆིངས་ཀྱི་ཡིག་ཆ་དཀོན་པར་མཐོང་སྟེ་བྲིས་ན་ལེགས་པའི་ཡན་ལག་ཏུ་སེམས་པས་འཇམ་པའི་དབྱངས་པདྨ་གར་དབང་གི་ཟིན་བྲིས་དང་ལྷོ་བྱང་གི་གཏེར་ཁའི་རིག་འཛིན་བརྒྱུད་པའི་ཕྱག་བཞེས་གུང་སྤྲད་ནས་ལམ་མཆོག་འདི་ལ་སྨྲ་བའི་སྐལ་བཟང་ཅུང་ཟད་ཐོབ་པའི་མདོ་ཁམས་པ་འགྱུར་མེད་ཐེག་མཆོག་བསྟན་པའི་རྒྱལ་མཚན་མཁྱེན་བརྩེའི་འོད་ཟེར་རྒྱས་པའི་སྡེའམ་པདྨ་དབང་ཆེན་དགྱེས་པ་རྩལ་གྱིས་གངས་ཅན་བོད་ཀྱི་རྡོ་རྗེ་གདན་དབུས་འགྱུར་འཆང་གི་སྟོན་མཆོག་རྣམ་གསུམ་བཞུགས་པའི་གཙུག་ལག་ཁང་གི་ཤར་ཕྱོགས་ཐོན་ཟུར་གཟིམས་ཤགས་བཀྲ་ཤིས་སྣང་བའི་དགའ་ཚལ་ནས་མེ་སྤྲེལ་རྒྱལ་ཟླའི་ཚེས་བཅོ་བརྒྱད་ལ་ཀུན་མཁྱེན་བླ་མ་འོད་གསལ་གདོད་མའི་ནང་དབྱིངས་སུ་མངོན་པར་བྱང་ཆུབ་པའི་མཛད་པ་སྟོན་པའི་དུས་ཆེན་ཉིན་དབུ་བཟུང་སྟེ་མེ་བྱ་གནམ་ལོ་གསར་འཆར་གྱི་དགའ་སྟོན་དུ་གྲུབ་པར་བགྱིས་སྐབས་ཡི་གེ་པ་ནི་འགྱུར་མེད་སྙན་གྲགས་ནས་ཞུས་པ་འདིས་ཀྱང་སྙིགས་མའི་དུས་ཀྱི་རྒུད་པ་ཞི་བའི་བསྟན་འགྲོའི་ཕན་བདེའི་དཔལ་འབྱོར་དར་ཞིང་རྒྱས་པའི་རྟེན་འབྱུང་དུ་གྱུར་ཅིག །སརྦ་མངྒ་ལཾ། དགེའོ། །དགེའོ།། །། +
* '''First colophon page 130:''' ཅེས་གདམས་པར་མཛད་པ་ལྟར་ཉམས་སུ་བླངས་ཏེ། འཁོར་འདས་དབྱེར་མེད་འོད་གསལ་རྫོགས་པ་ཆེན་པོའི་ས་ལ་ལྷུན་གྱིས་གྲུབ་པའི་ཐབས་ལ་བརྩོན་པར་འཚལ་ལོ། །ཞེས་རྒྱུན་གྱི་ཉམས་ལེན་སྙིང་པོའི་གནད་བསྡུས་ཁྱེར་བདེ་བའི་ཆེད་དུ་འཆི་མེད་བསྟན་གཉིས་གཡུང་དྲུང་གླིང་པས་གཏེར་གཞུང་ནས་བཏུས་ཏེ་རྫོང་ཤོད་བདེ་གཤེགས་འདུས་པའི་ཕོ་བྲང་ཆེན་པོར་བཀོད་པ་དགེ་ལེགས་འཕེལ། །སརྦ་མངྒ་ལཾ།
* '''Second colophon page 136:''' །ཅེས་པའང་མེ་ཡོས་ལོར་འཇམ་དབྱངས་བློ་གྲོས་རྒྱ་མཚོས་མཁའ་འགྲོ་གསང་བ་འདུས་པའི་སྒྲུབ་མཆོད་སྐབས་བསྙེན་པའི་ཐུན་གསེང་ཞིག་ལ་ཤར་མར་བྲིས་པ་འདིས་ཀྱང་བདག་གཞན་ཐམས་ཅད་བླ་མ་རྡོ་རྗེ་ཕག་མོས་རྗེས་སུ་འཛིན་པའི་རྒྱུར་གྱུར་ཅིག སརྦ་དཱའ་མངྒ་ལཾ། ཤུབྷཾ།།
+
ཅེས་པའང་སྨིན་ཟླའི་བྷཱ་རཱ་ཧེའི་རཱ་ས་ཡ་ན་སྒྲུབ་པའི་ཚེས་དུས་སུ་པདྨ་ཡེ་ཤེས་རྡོ་རྗེས་སོ།། +
* '''First colophon page 634:''' ཞེས་པའང་ཉེ་བར་མཁོ་ཕྱིར་ཆོས་ཀྱི་བློ་གྲོས་པས་སོ།
* '''Second colophon page 635:''' །ཅེས་པའང་སྨིན་ཟླའི་བྷ་ར་ཧཱིའི་རཱ་ས་ཡཱ་ན་སྒྲུབ་པའི་ཚེས་དུས་སུ་པདྨ་ཡེ་ཤེས་རྡོ་རྗེས་སོ།
+
ཞེས་པའང་ཉེ་བར་མཁོ་ཕྱིར་ཆོས་ཀྱི་བློ་གྲོས་པས་སོ།། +
མཁའ་འགྲོ་མ་སྨེ་བ་བརྩེགས་མའི་སྒྲུབ་ཐབས་ཕྲིན་ལས་ཀྱི་ཆོ་ག་དང་བཅས་པ་སྙིང་པོར་དྲིལ་བ་བདུད་རྩིའི་བུམ་བཟང་། +
།དེ་ཡང་སྤྱིར་སྙིགས་མའི་དུས་འདིར་གྲིབ་ཀྱི་རིགས་ཐ་དད་པ་མང་པོ་དང་། ལྷག་པར་མ་མོ་མཁའ་འགྲོ་ཁྲོས་པའི་གྲིབ་ཡམས་ཐབས་སུ་འགོ་བའི་རིམས་དང་། དམ་ཚིག་ཉམས་པའི་གྲིབ་ཀྱིས་འདི་ཕྱིའི་བདེ་ལེགས་ཐམས་ཅད་འགྲིབ་པ་སོགས་ཀྱི་གཉེན་པོར་གྲིབ་སེལ་གྱི་རིགས་མཐའ་ཀླས་པ་ཞིག་གསུངས་པའི་ནང་ནས། ཁྲོ་མོ་སྨེ་བརྩེགས་འདི་ཉིད་གསར་རྙིང་གི་གདམས་པ་ཟུང་དུ་འབྲེལ་ཞིང་། བྱ་སླ་ཚེགས་ཆུང་ཕན་ཡོན་ཆེ་བར་མྱོང་བས་གྲུབ་པའི་ཕྱིར། རང་གཞན་ཀུན་ལ་སྨན་པའི་བསམ་པ་བཟང་པོས་ཀུན་ནས་བསླངས་ཏེ། ཉེར་མཁོའི་གདམ་ངག་འགའ་ཞིག་ཕྱོགས་གཅིག་ཏུ་བསྡེབས་པ་འདི་ཡང་། རིག་འཛིན་གྱི་བཙུན་པ་མཉྫུ་གྷོ་ཥས་སྦྱར་བའི་དགེ་བས་འགྲོ་ཀུན་མི་མཐུན་པའི་རྒུད་པ་ཐམས་ཅད་ཉེ་བར་ཞི་བའི་རྒྱུར་གྱུར་ཅིག +
ཞེས་ཛྙཱ་ན་ཌཱ་ཀི་ནི་ལྷ་ལྕམ་མནྡཱ་ར་བའི་རྣམ་འཕྲུལ་རང་གྲོལ་རྡོ་རྗེའི་རྣལ་འབྱོར་མ་དྷརྨ་ཙནྡྲས་ཁྱུང་བྲག་རྡོ་རྗེའི་ཡང་རྫོང་གི་གཟའ་བདུད་ཕུག་པ་ནས་གདུག་པ་ཆུ་སྦྲུལ་ལོར་འཁོར་ལོའི་མགོན་པོ་ཡབ་ཡུམ་དང་ལྷན་རྒྱས་ཀྱིས་སྤྱན་དྲངས་པའི་གནམ་ལྕགས་ཀྱི་ཕུར་པ་དང༌། ཕྲ་མེན་གཟའ་སྒྲོམ་ལས་ཕྱུང་པའི་མཚོ་རྒྱལ་སྙན་བརྒྱུད་ཀྱི་ཕུར་པའི་སྒྲུབ་སྐོར་བཅས་ཀྱི་བྱིན་རླབས་བདེ་ཆེན་ཧེ་རུ་ཀ་དངོས་པདྨ་ཡེ་ཤེས་རྡོ་རྗེས་ཐུན་མོང་མ་ཡིན་པའི་བརྩེ་བ་ཆེན་པོས་ཤིང་ལུག་ནག་ཟླའི་ཚེས་༢༨ལ་ཁོ་བོ་པདྨ་གར་དབང་མདོ་སྔགས་གླིང་པ་ལ་སྐལ་བཟང་གི་བཙས་སུ་ཆེད་དུ་བསྩལ་བ་ལས། སྔོན་ཆད་ཛྙཱ་ན་ཌཱ་ཀི་ནི་སྐུ་དངོས་ཀྱི་མདུན་ལས་ཡུམ་བཀའ་བདེ་ཆེན་རྒྱལ་མོའི་ཟབ་དབང་ཐུན་མོང་མ་ཡིན་པ་ཐོབ་ཅིང་དགོངས་པ་གཏད་པའི་མཐུས་སྐུ་གཤེགས་རྗེས་ཉིང་འཁྲུལ་གྱི་སྣང་ཆར་ཕུར་པའི་དབང་གི་བརྡ་གྲོལ་འདི་ལྟར་མཛད་པ་རྗེ་བཙུན་བླ་མའི་བཀའ་ཡིས་གནང་བ་བསྩལ་ཏེ་གཏན་ལ་ཕབ་ནས་ཆོས་འདིའི་གཏད་རྒྱ་འབུལ་བའི་སྐབས་འཇམ་མགོན་བླ་མའི་གཟིགས་སྣང་ལའང་ཌཱ་ཀིའི་རྒྱལ་མོའི་ཡེ་ཤེས་ཀྱི་སྐུ་དངོས་སུ་བྱོན་ནས་ཕུལ་བའི་གསལ་སྣང་བྱུང་བར་གསུངས་པས་བྱིན་རླབས་ཀྱི་ཚན་ཀ་གཞན་ལས་ཁྱད་པར་དུ་འཕགས་པ་སྙིགས་དུས་ཀྱི་བར་ཆད་སེལ་བྱེད་རྡོ་རྗེ་གསང་བའི་ཚིག་ཆེན་པོ་ཨུ་པ་དེ་ཤ་ཐུན་མོང་མ་ཡིན་པ་གུ་ཧྱ་ྀཨཐི་ས་མ་ཡ༔ རྒྱ་རྒྱ་རྒྱ༔ +
།ཅེས་པའང་སངས་རྒྱས་ཀརྨ་པ་ཆེན་པོའི་རྗེ་དབོན་མཁྱེན་རྟོགས་རྨད་བྱུང་ཀརྨ་གྲགས་པ་ཡོངས་འདུས་ཀྱི་བཀའ་ཡིས་བསྐུལ་བ་དང་ཆོས་ཀྱི་སྒར་ཆེན་གྱི་བྱ་བ་ལས་ཀྱི་འཁོར་ལོའི་ལྷ་རིག་བཟོ་རྒྱལ་སྟོབས་རྒྱལ་ནས་ལྷ་རེག་བཅས་བསྐུལ་ངོར་དབྱིངས་ཕྱུག་ཌཱ་ཀིའི་རྒྱལ་མོའི་བྱིན་རླབས་དབུགས་འབྱིན་ཐོབ་པའི་རིག་སྔགས་འཆང་བ་འཇིགས་མེད་མཁྱེན་བརྩེའི་འོད་ཟེར་ཕྲིན་ལས་ཀུན་ཏུ་ཁྱབ་པའི་སྡེས་བཤད་སྒྲུབ་ཆོས་འཁོར་སྒང་གི་གཟིམ་སྤྱིལ་ནས་བྲིས་ཤིང་གསོལ་བ་བཏབ་པ་སིདྡྷི་རསྟུ། མངྒ་ལཾ། དགེའོ།། +
མཁའ་སྤྱོད་ཞིང་མཆོག་བགྲོད་པའི་སྨོན་ལམ་རྡོ་རྗེ་བཙུན་མོའི་བདེན་ཚིག། །ཆགས་རྟོག་དབྱིངས་སུ་ནུབ་པའི་ཕྱོགས་ཀྱི་ཆར་སོགས། ནཱ་རོ་མཁའ་སྤྱོད་བཀྲ་ཤིས་དགེ་ལེགས་མཆོག་སྦྱིན་གྱི་ཞལ་སྐོང་། +
* '''First colophon page 278:''' །གང་གི་ཚེ་རྡོ་རྗེ་ཐེག་པའི་སྨིན་གྲོལ་རྒྱ་མཚོའི་དཔལ་ལ་སྤྱོད་ཅིང༌། སྔགས་ཀྱི་རིག་པ་འཛིན་པའི་གཟུགས་བརྙན་པདྨ་དབང་ཆེན་དགྱེས་པ་རྩལ་ལམ་བཀྲ་ཤིས་དཔལ་འབྱོར་དུ་འབོད་པ་གང༌། ངེས་པ་མེད་པའི་ཡུལ་ཀུན་ཏུ་རྒྱུ་བའི་ཚེ་མཁའ་སྤྱོད་དཔལ་གྱི་ཌཱ་ཀིས་རྗེས་སུ་བཟུང་བའི་རྗེ་བཙུན་ཕམ་ཐིང་པའི་སྒྲུབ་གནས་སོགས་རང་བྱུང་གནས་ཆེན་དུ་མས་ཀུན་དུ་མཛེས་པའི་ཉེ་བའི་ཚནྡྷོ་ཧ་ནེ་པ་ལའི་རྒྱལ་ཁམས་སུ་ཕྱིན་པའི་ཚེ་ཆོས་བཞིན་སྤྱོད་པའི་རྡོ་རྗེ་འཛིན་དབང་འགྱུར་མེད་མདོ་སྔགས་བསྟན་འཛིན་དང༌། །མཁྱེན་རྟོགས་རྨད་བྱུང་མཆོག་སྤྲུལ་ཨོ་རྒྱན་དབང་ཕྱུག་སོགས་ལ་ལམ་འདིའི་སྨིན་གྲོལ་ཕུལ་ཞིང་ཚོགས་ཀྱི་འཁོར་ལོ་དུ་མ་བགྱིས་པའི་ཚེ་ལྷ་རྫས་ཀྱི་རྟེན་བཅས་དམ་པ་ཟུང་གི་བཀས་བསྐུལ་བ་བཞིན་ས་སྤྲེལ་རྒྱལ་ཟླའི་དམར་ཕྱོགས་ཀྱི་ཚེས་བཅུའི་སྐབས་བྲིས་པ་འདིས་ཀྱང་རྡོ་རྗེ་བཙུན་མོའི་ལྷན་སྐྱེས་ཀྱི་དགའ་བས་དབུགས་དབྱུང་བའི་རྒྱུ་ཁོ་ནར་གྱུར་ཅིག
* '''Second colophon page 279:''' །ཅེས་པའང་མཁན་ཆེན་བློ་བཟང་མདོ་སྔགས་བསྟན་འཛིན་ནས་དབང་མདོག་གི་ཆོས་གོས་བཅས་གསུང་བསྐུལ་བཞིན་རྡོ་རྗེ་ཐེག་པའི་བཙུན་པ་འགྱུར་མེད་བསླབ་གསུམ་རྒྱལ་མཚན་གྱིས་བལ་ཡུལ་མཆོད་སྡོང་ཆེན་པོའི་མདུན་ནས་བྲིས་ཤིང་རྩེ་གཅིག་ཏུ་སྨོན་པ་སིདྡྷི་རསྟུ།
* '''Third colophon page 280:''' །ཞེས་སོགས་དཀྱུས་ལ་འཇུག་གོ །ཅེས་པའང་རྡོ་རྗེ་འཛིན་དབང་ཞྭ་དེའུ་འཁྲུལ་ཞིག་མཆོག་སྤྲུལ་རིན་པོ་ཆེ་དྷརྨ་མ་ཏིའི་གསུང་གིས་ཆེད་བསྐུལ་བཞིན་རང་ཉིད་ལ་བཀའ་དྲིན་ཐོབ་པའི་བརྒྱུད་རིམ་ལྟར་མཁྱེན་བརྩེའི་འོད་ཟེར་པདྨ་དྲི་མེད་རྩལ་དུ་འབོད་པས་ཆུ་བྱི་ཆོ་འཕྲུལ་ཟླ་བའི་འཆར་ཚེས་གཅིག་ལ་བྲིས་ཤིང་སྨོན་པ་ཕྱོགས་དུས་གནས་སྐབས་ཀུན་ཏུ་དགེ་ལེགས་རྟག་པའི་ཉིན་བྱེད་ཁོར་ཡུག་ཏུ་འཆར་བའི་རྟེན་འབྱུང་དུ་གྱུར་ཅིག།
+
