མཁའ་འགྲོ་གསང་འདུས་ཀྱི་ཕག་མོ་ཁྲོས་མའི་བདུད་རྩི་རིལ་བུ་བསྒྲུབ་པའི་ངག་འདོན།

🚧 This website is under continued development. We appreciate your patience!

Previous Text Back to Volume PageNext Text

Wylie title	mkha' 'gro gsang 'dus kyi phag mo khros ma'i bdud rtsi ril bu bsgrub pa'i ngag 'don
Location	mkhyen brtse'i bka' babs Volume 6, Text 38, Pages 537-538 (Folios 1a1 to 1b6)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Tertön	ཇོ་མོ་སྨན་མོ་, འཇམ་དབྱངས་མཁྱེན་བརྩེའི་དབང་པོ་ (jo mo sman mo, 'jam dbyangs mkhyen brtse'i dbang po)
Citation	'jam dbyangs mkhyen brtse chos kyi blo gros. mkha' 'gro gsang 'dus kyi phag mo khros ma'i bdud rtsi ril bu bsgrub pa'i ngag 'don. In Rdzong sar 'jam dbyangs mkhyen brtse'i dbang po'i bka' babs, Vol. 6: 537-538. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
Genre	Revelations - gter ma  ·  Liturgy - ngag 'don  ·  Medicinal Pills - Making and Activating Practices - sman sgrub
Cycle	མཁའ་འགྲོ་གསང་བ་ཀུན་འདུས་ (mkha' 'gro gsang ba kun 'dus)
Karchag page	JKW-KABAB-Volume-06-CHA-Karchag
RTZ	In the Rinchen Terdzö: https://rtz.tsadra.org/index.php/Terdzo-NGI-066
Colophon	ཅེས་པའང་སྨིན་ཟླའི་བྷཱ་རཱ་ཧེའི་རཱ་ས་ཡ་ན་སྒྲུབ་པའི་ཚེས་དུས་སུ་པདྨ་ཡེ་ཤེས་རྡོ་རྗེས་སོ།།
	ces pa'ang smin zla'i b+hA rA he'i rA sa ya na sgrub pa'i tshes dus su pad+ma ye shes rdo rjes so

Tibetan Text

Wylie

[edit]

༄༅། །མཁའ་འགྲོ་གསང་འདུས་ཀྱི་ཕག་མོ་ཁྲོས་མའི་བདུད་རྩི་རིལ་བུ་བསྒྲུབ་པའི་ངག་འདོན་ནི། བསང་སྦྱངས། སྟོང་པའི་ངང་ལས་རླུང་མེ་དང་༔ ཐོད་པའི་སྒྱེད་པུ་གསུམ་གྱི་ཁར༔ བྷནྡྷ་ཡངས་ཤིང་རྒྱ་ཆེའི་དབུས༔ ཤ་ལྔའི་རི་བོ་ལྷུན་མཐོར་བརྩེགས༔ བདུད་རྩི་ལྔ་ཡི་རྒྱ་མཚོར་བསྐྱིལ༔ རྩ་བ་ཡན་ལག་སྨན་གྱི་ཚོགས༔ ཉི་ཟེར་རྡུལ་ཕྲན་བཞིན་དུ་འཁྲིགས༔ རང་གི་ཐུགས་ནས་འོད་འཕྲོས་པས༔ རླུང་གཡོས་མེ་སྦར་ཐོད་པ་དྲོས༔ རྫས་རྣམས་འོད་དུ་མེར་གྱིས་ཞུ༔ མ་དག་རླངས་པ་སྔོ་དམར་གྱི༔ རྣམ་པས་ཕྱིར་ཐོན་དག་པའི་བཅུད༔ ཞུ་ཁོལ་འོད་ཀྱི་གུར་ཁྱིམ་དབུས༔ བཅོམ་ལྡན་བཛྲ་ཝཱ་རཱ་ཧཱི༔ དུས་ཀྱི་སོགས་ལུས་དཀྱིལ་ལྟར་གསལ་གདབ་པ་ནས༔ བསྟོད་པའི་བར། སྤྲོ་ན་སྨན་གྱི་བྱིན་འབེབས་རྡོ་རྗེ་བདུད་རྩི་ལྟར་སྦྱར། བཟླས་པ་ནི༔ གནས་ལྔའི་ཕག་མོའི་ཐུགས་ཀ་རུ༔ ཉི་ཟླ་ཁ་སྦྱོར་ཐུགས་སྲོག་མཐར༔ སྔགས་ཀྱི་ཕྲེང་བས་གཡོན་དུ་བསྐོར༔ རང་གི་ཐུགས་ནས་འོད་འཕྲོས་པས༔ ཡེ་ཤེས་རྒྱུད་བསྐུལ་གཟི་བྱིན་བསྐྱེད༔ བདེ་ཆེན་དགྱེས་པའི་འོད་ཟེར་སྤྲིན༔ འཁོར་འདས་བརྟན་གཡོའི་ཁམས་ཀུན་ཁྱབ༔ སྲིད་ཞིའི་དཔལ་དང་དྭངས་མའི་བཅུད༔ ཁྱད་པར་བཅོམ་ལྡན་ཧེ་རུ་ཀ༔ དཔའ་བོ་མཁའ་འགྲོ་ཡབ་ཡུམ་གྱི༔ སྙོམས་ཞུགས་བདེ་བ་མཆོག་གི་རྒྱུན༔ རང་དབང་མེད་པར་སྤྱན་དྲངས་ཏེ༔ ལྷ་ཚོགས་ཞལ་ཞུགས་སྐུའི་དབྱིབས་བརྒྱུད༔ གསང་བའི་ལམ་ནས་ཆར་ལྟར་བབས༔ དམ་ཚིག་རྫས་ལ་ཐིམ་པ་ཡིས༔ ཁ་དོག་དྲི་རོ་ནུས་པ་བསྐྱེད༔ མཐོང་ཚོར་མྱོང་རེག་ཐམས་ཅད་ཀུན༔ ཉམས་ཆག་སྐོང་ཞིང་སྡིག་སྒྲིབ་དག༔ མཆོག་ཐུན་དངོས་གྲུབ་མ་ལུས་འགྲུབ༔ བདེ་ཆེན་མཆོག་གི་དཔལ་སྟེར་བའི༔ མྱང་གྲོལ་བདུད་རྩིའི་རྒྱ་མཚོར་བསྐྱིལ༔ ལུས་དཀྱིལ་གྱི་སྔགས་མཐར་འོག་གི་སྨན་ཛབ྄་བཏགས་པ་ཅི་རིགས་དང༌། གཙོ་བོར། ཨོཾ་བཛྲ་ཨ་མྲྀ་ཏ་ཧཱུྃ་ཧྲཱིཿཋ༔ ཞེས་བཟླས། ཐུན་མཐར་མཆོད་བསྟོད་སོགས་དང༌། ལྷ་ཚོགས་འོད་ཞུ་བདུད་རྩིར་ཐིམ༔ མཐོང་ཚོར་མྱང་རེག་གྲོལ་བ་ཡི༔ རྡོ་རྗེ་བཙུན་མོའི་ཡེ་ཤེས་སྐུ༔ བདེ་ཆེན་རིལ་བུའི་རྣམ་པར་གྱུར༔ ཞེས་བརྗོད་ཅིང་སྔགས་ཀྱིས་བརྟན་པར་བྱ༔ བདུད་རྩི་སྒྲུབ་པ་འདིའང་པདྨ་འོད་གསལ་མདོ་སྔགས་གླིང་པའི་ཕྱག་བྲིས་དངོས་ལས་ཞལ་བཤུས་པའོ། ༈ །སྨན་གྱི་རྟོགས་བརྗོད་ནི། རང་བྱུང་ཡེ་ཤེས་ཕག་མོའི་སྐུ། །རྡོ་རྗེ་དབྱིངས་ཀྱི་དཀྱིལ་འཁོར་པ། །མཁའ་འགྲོ་རྒྱ་མཚོའི་ཀློང་དུ་རྫོགས། །ཨེ་མ་ཧོ་རྡོ་རྗེ་ཆེ་མཆོག་གི །བདུད་རྩི་བྱང་ཆུབ་སེམས་ཀྱི་སྤྲིན། །མཁའ་མཉམ་དགྱེས་པར་རོལ་པ་ཡི། །ཡེ་ཤེས་མཆོག་གི་བདུད་རྩི་འདིས། །སྣོད་བཅུད་གདོད་ནས་བདུད་རྩི་ལྔ། །བྱང་ཆུབ་སེམས་སུ་དག་མཉམ་ཤོག །དྲན་དང་རེག་དང་མྱོང་བས་ཀྱང༌། །སྣོད་བཅུད་རྡོ་རྗེ་ཕག་མོ་ཡི། །དཀྱིལ་འཁོར་ཆེན་པོར་བྱང་ཆུབ་ནས། །རྡོ་རྗེའི་གར་གྱིས་དགྱེས་རོལ་ཤོག ཅེས་པའང་སྨིན་ཟླའི་བྷཱ་རཱ་ཧེའི་རཱ་ས་ཡ་ན་སྒྲུབ་པའི་ཚེས་དུས་སུ་པདྨ་ཡེ་ཤེས་རྡོ་རྗེས་སོ།། །།

[edit]

@#/__/mkha' 'gro gsang 'dus kyi phag mo khros ma'i bdud rtsi ril bu bsgrub pa'i ngag 'don ni/__bsang sbyangs/__stong pa'i ngang las rlung me dang :__thod pa'i sgyed pu gsum gyi khar:__b+han+d+ha yangs shing rgya che'i dbus:__sha lnga'i ri bo lhun mthor brtsegs:__bdud rtsi lnga yi rgya mtshor bskyil:__rtsa ba yan lag sman gyi tshogs:__nyi zer rdul phran bzhin du 'khrigs:__rang gi thugs nas 'od 'phros pas:__rlung g.yos me sbar thod pa dros:__rdzas rnams 'od du mer gyis zhu:__ma dag rlangs pa sngo dmar gyi:__rnam pas phyir thon dag pa'i bcud:__zhu khol 'od kyi gur khyim dbus:__bcom ldan badz+ra wA rA hI:__dus kyi sogs lus dkyil ltar gsal gdab pa nas:__bstod pa'i bar/__spro na sman gyi byin 'bebs rdo rje bdud rtsi ltar sbyar/__bzlas pa ni:__gnas lnga'i phag mo'i thugs ka ru:__nyi zla kha sbyor thugs srog mthar:__sngags kyi phreng bas g.yon du bskor:__rang gi thugs nas 'od 'phros pas:__ye shes rgyud bskul gzi byin bskyed:__bde chen dgyes pa'i 'od zer sprin:__'khor 'das brtan g.yo'i khams kun khyab:__srid zhi'i dpal dang dwangs ma'i bcud:__khyad par bcom ldan he ru ka:__dpa' bo mkha' 'gro yab yum gyi:__snyoms zhugs bde ba mchog gi rgyun:__rang dbang med par spyan drangs te:__lha tshogs zhal zhugs sku'i dbyibs brgyud:__gsang ba'i lam nas char ltar babs:__dam tshig rdzas la thim pa yis:__kha dog dri ro nus pa bskyed:__mthong tshor myong reg thams cad kun:__nyams chag skong zhing sdig sgrib dag:__mchog thun dngos grub ma lus 'grub:__bde chen mchog gi dpal ster ba'i:__myang grol bdud rtsi'i rgya mtshor bskyil:__lus dkyil gyi sngags mthar 'og gi sman dzaba? btags pa ci rigs dang*/__gtso bor/__oM badz+ra a mr-i ta hU~M hrIHTha:__zhes bzlas/__thun mthar mchod bstod sogs dang*/__lha tshogs 'od zhu bdud rtsir thim:__mthong tshor myang reg grol ba yi:__rdo rje btsun mo'i ye shes sku:__bde chen ril bu'i rnam par gyur:__zhes brjod cing sngags kyis brtan par bya:__bdud rtsi sgrub pa 'di'ang pad+ma 'od gsal mdo sngags gling pa'i phyag bris dngos las zhal bshus pa'o/__!__/sman gyi rtogs brjod ni/__rang byung ye shes phag mo'i sku/__/rdo rje dbyings kyi dkyil 'khor pa/__/mkha' 'gro rgya mtsho'i klong du rdzogs/__/e ma ho rdo rje che mchog gi__/bdud rtsi byang chub sems kyi sprin/__/mkha' mnyam dgyes par rol pa yi/__/ye shes mchog gi bdud rtsi 'dis/__/snod bcud gdod nas bdud rtsi lnga/__/byang chub sems su dag mnyam shog__/dran dang reg dang myong bas kyang*/__/snod bcud rdo rje phag mo yi/__/dkyil 'khor chen por byang chub nas/__/rdo rje'i gar gyis dgyes rol shog___ces pa'ang smin zla'i b+hA rA he'i rA sa ya na sgrub pa'i tshes dus su pad+ma ye shes rdo rjes so//___//