Property:colophontib
From Khyentse Lineage - A Tsadra Foundation Project
This is a property of type Text.
ཆ
།ཅེས་རྩོད་དུས་ཀྱི་ཐུབ་དབང་གཉིས་པ་བུ་སྟོན་རིན་པོ་ཆེར་བསྟོད་པ་འདི་ཡང་འཇམ་དབྱངས་ཆོས་ཀྱི་བློ་གྲོས་པས་མི་ཕྱེད་དད་ཅིང་གུས་པས་ལྕགས་སྦྲུལ་ཐ་སྐར་ཟླ་བའི་ཚེས་གཅིག་བཟང་པོར་གསོལ་བ་བཏབ་པ་སིདྡྷི་རསྟུ། དགེའོ། ། +
ཞེས་པའང་བསླབ་གསུམ་ཡོན་ཏན་རྨད་བྱུང་འབྲོང་སྤྲུལ་ཀརྨ་ཕྲིན་ལས་ཉི་མ་ནས་ནན་ཏན་ཆེན་པོས་གསུང་བསྐུལ་གྱི་ཐུགས་བཞེད་བསྐང་ཕྱིར། རྒྱལ་ཁམས་པ་མངྒ་ལས་རྫུན་རིས་ཀྱི་ཡི་གེར་སྤེལ་བ་ཀུན་ལ་གུ་ཧྱ༔ མངྒ་ལཾ། དགེའོ། ། +
མི་ཕམ་གསུང་འབུམ་ལས་སོ། །མངྒ་ལཾ།། +
ཆོས་སྐྱོང་གི་གསོལ་མཆོད་འདོད་འབྱུང་དཔལ་གྱི་རྫིང་བུའི་རྒྱུན་གྱི་གཏོར་ཆོག་ཉེ་བར་བསྡུས་པ་ཕྲིན་ལས་ཐོགས་མེད། +
།དེ་ལ་སྤྱིར་༧འཇམ་མགོན་བླ་མ་མི་ཕམ་རིན་པོ་ཆེས་སྔ་འགྱུར་བཀའ་གཏེར་གྱི་ཆོས་སྲུང་གཙོ་བོ་འདི་རྣམས་ལ་རྟག་པར་གསོལ་མཆོད་མཛད་པ་ཡིན་ལ། དེ་དག་གི་གསོལ་བསྐང་རྒྱས་པ་རྗེ་བླ་མ་མཆོག་གི་གསུང་མ་ཉམས་པ་ཆོས་སྐྱོང་གི་གསོལ་མཆོད་འདོད་འབྱུང་དཔལ་གྱི་རྫིང་བུར་དཀྱུས་གཅིག་ཏུ་བཞུགས་ཤིང༌། ཆོས་སྲུང་དབང་པོ་འདི་རྣམས་ཀྱི་གསོལ་མཆོད་ཕྲིན་བཅོལ་ལ་འབད་ན་སྔ་འགྱུར་གྱི་བསྟན་པ་རིན་པོ་ཆེ་ལ་མཆོག་ཏུ་ཕན་པར་ཀུན་མཁྱེན་བླ་མ་མཆོག་གིས་བཀའ་བསྩལ་བར་གསུངས་པས་སྔ་འགྱུར་པ་དག་ལ་དེ་བཞིན་གཡར་དམ་དུ་བཞེས་པ་གལ་ཆེ་བར་བསྐུལ་བ་དང༌། རང་འདྲའི་སྐལ་མཉམ་ལ་འཇུག་པ་བདེ་བའི་ཕྱིར་ཆོ་གའི་ལས་འགྲིགས་སྔ་འགྱུར་རྙིང་མའི་མཁས་གྲུབ་དངོས་གྲུབ་བརྙེས་པ་རྣམས་ཀྱི་ཕྱག་བཞེས་དང་སྒོ་བསྟུན་ནས་དཀྱུས་གཅིག་ཏུ་བཀོད་པ་ལས། འདོན་ཚིག་ཐམས་ཅད་རྡོ་རྗེའི་གསུང་ཁོ་ན་མ་ཉམས་པར་བསྡེབས་པ་པོ་འཇིགས་བྲལ་གྱི་སློབ་དཔོན་ཆེན་པོ་ཡབ་སྲས་ཀྱི་ཡེ་ཤེས་རྡོ་རྗེའི་གཟི་བྱིན་རིག་སྟོང་དབྱིངས་ཀྱི་མཁའ་ལ་འདུ་འབྲལ་མེད་པའི་རིག་འཛིན་གྱི་བཙུན་པ་འགྱུར་མེད་ཐེག་མཆོག་བསྟན་པའི་རྒྱལ་མཚན་རང་བྱུང་འོད་གསལ་ཐུགས་མཆོག་རྡོ་རྗེ་སྟེ་ཡི་གེ་པ་ནི་རྙིང་བཙུན་འཇིགས་མེད་ཚེ་མཆོག་རྡོ་རྗེས་བགྱིས་པ་འདིས་ཀྱང་སྔ་འགྱུར་བཀའ་གཏེར་གྱི་བསྟན་པ་ཕྱོགས་དུས་གནས་སྐབས་ཀུན་ཏུ་འཕེལ་རྒྱས་བརྟན་པའི་རྒྱུར་གྱུར་ཅིག། +
།འདི་མཚམས་སྤྲུལ་རིན་པོ་ཆེ་མགོ་ལོག་ཏུ་ཕེབས་སྐབས་དཔལ་སྤྲུལ་པས་སོ། +
།ཅེས་པའང་སྐྱབ༷ས་མགོ༷ན་ཐ༷མས་ཅད༷་མཁྱེན༷་པ༷་ཆེན་པོའི་ཞལ་སྔ་ནས་ཀྱིས་བཀའི་ཅོད་པན་སྤྱི་བོའི་རྒྱན་ཏུ་ཕེབས་པ་ལྟར། །ཤཱཀྱའི་དགེ་སློང་བྱ་བྲལ་བ་འཇམ་དབྱངས་མཁྱེན་བརྩེའི་དབང་པོས་བསམ་གཏན་གྱི་ཁང་བུར་ཤར་མར་སྤེལ་བའི་ཡི་གེ་པ་ནི་གནས་ལྔ་རིག་པ་འཇམ་དབྱངས་དགའ་བའི་བློ་གྲོས་ཀྱིས་བགྱིས་པ་དགེ་ལེགས་མཆོག་ཏུ་གྱུར་ཅིག། །།སརྦ་དཱ་མངྒ་ལཾ་བྷ་བ་ཏུ། +
།ཅེས་ཟབ་གསང་འདི་ཉིད་ཀྱི་བདག་པོར་གདོད་ནས་གྲུབ་པ་ཨོ་རྒྱན་སངས་རྒྱས་གཉིས་པའི་རྡོ་རྗེའི་ལུང་གིས་ཆེ་ཐང་དུ་བསྔགས་པ་ངེས་གསང་བསྟན་པའི་ཤིང་རྟ་རྒྱལ་དབང་ཀརྨ་པ་ཆེན་པོ་རང་བྱུང་ཁྱབ་བདག་རིག་པའི་རྡོ་རྗེའི་ཆོས་སྐྱོང་དགོངས་འདུས་བཀའ་རྒྱ་ཅན་གྱི་དཔེ་ལུང་གི་རྒྱུན་མི་ཉམས་པའི་རྟེན་འབྲེལ་དང་དགོས་པ་ཡོད་པས་འདི་ལྟ་བུ་ཞིག་ཁྱོད་ཀྱི་བྲི་བར་འོས་ཞེས་ཆེད་དུ་རྡོ་རྗེའི་བཀའི་བསྐུལ་མ་གནང་བ་བཞིན་ཆོས་སྐྱོང་དགོངས་འདུས་རྩ་བའི་ཕྲིན་ལས་ཙམ་བྲིས་ཟིན་སྐབས། གཏེར་ཆེན་མཆོག་སྤྲུལ་འཇམ་དབྱངས་སྨྲ་བའི་ཟླ་བས་བཀྲ་ཤིས་པའི་རྫས་རྟེན་དང་བཅས་པས་མཆོག་གཏེར་སྲུང་མའི་གསོལ་མཆོད་དངོས་གྲུབ་རྒྱ་མཚོ་ཉིད་ཧ་ཅང་རྒྱས་ཆེ་བས་དུས་དང་རྒྱུན་པར་ལྕོགས་དཀའ་བར་འདུག་པས་མཆོག་གཏེར་སྲུང་མའི་གསོལ་བསྐང་དོན་བསྡུས་གནད་ཚང་ཞིག་བྲིས་ཞེས་བཀའ་ནན་ཡང་ཡང་བསྩལ་བ་རྗེས་སུ་སྒྲུབ་སླད་ཕོ་རྒྱུད། མོ་རྒྱུད། ནོར་ལྷ་གཏེར་བདག་གི་གསོལ་ཕྲིན་གསུམ་བསྣན་ཏེ། འཕགས་ཡུལ་དབུས་འགྱུར་བཛྲ་ཨཱ་ས་ནའི་ཀེའུ་ཚང་ནས་དབུ་བརྩམས་ཏེ། རྡོ་རྗེ་གླིང་གསང་སྔགས་འབྱུང་བའི་གནས་ཀྱི་མཚན་ཉིད་ཡོངས་སུ་རྫོགས་པའི་གནམ་ལྕགས་རི་བོའི་རྩེར་དཀྱུས་གཅིག་ཏུ་སྤེལ་བ་པོ་ཟབ་གསང་ཤིང་རྟའི་སྲོལ་འབྱེད་རྣམས་ཀྱིས་རྗེས་སུ་བཟུང་ཞིང་བྱིན་གྱིས་བརླབས་པས་ཚུལ་འདི་སྨྲ་བའི་སྐལ་བཟང་གི་སྤོབས་པ་ཅུང་ཟད་དགེ་བ་པདྨ་གར་དབང་བདེ་ཆེན་འོད་གསལ་མདོ་སྔགས་གླིང་པའམ་འཇིགས་མེད་མཁྱེན་བརྩེའི་འོད་ཟེར་ཕྲིན་ལས་དྲག་པོ་རོལ་པ་རྩལ་དུ་འབོད་པའི་རྒྱལ་ཁམས་པས་བྲིས་པའི་ཡི་གེ་གཉིས་པར་སྤེལ་བ་པོ་རེབ་ཀོང་ཕུར་ཐོགས་སྟོང་དང་དགུ་བརྒྱའི་སྔགས་གྲལ་དད་མོས་རྣལ་འབྱོར་སྤྱོད་པ་སྐལ་བཟང་ནུས་ལྡན་རྡོ་རྗེ་རྩལ་གྱིས་བགྱིས་པ་འདིས་ཀྱང་ངེས་གསང་བསྟན་པའི་སྙིང་པོ་གཏེར་ཆེན་ཆོས་ཀྱི་རྒྱལ་པོ་རྣམ་གསུམ་གྱི་རིང་ལུགས་དྲི་མ་མེད་པ་ཕྱོགས་དུས་གནས་སྐབས་ཀུན་ཏུ་དར་ཞིང་རྒྱས་ལ་ཡུན་རིང་དུ་གནས་པའི་རྒྱུར་གྱུར་ཅིག །ཤྲཱི་བི་ཛ་ཡནྟུ།། +
།ཨ་བུ་ཧྲལ་པོས་སྙིང་ཐག་པ་ནས་བྲིས་པ་དགེའོ། +
།ཅེས་པའང་ཆོས་ཀྱི་བློ་གྲོས་པས་སོ།། +
ཆོས་སྐྱོང་ཟབ་མོ་སྐོར་དགུ་ལས། ཡེ་ཤེས་མགོན་པོའི་གཙོ་འཁོར་གྱི་སྒྲུབ་ཐབས་ལས་ཚོགས་དབང་དང་བཅས་པའི་ཟབ་དོན་ཚར་དུ་དངར་བ་འདོད་འབྱུང་བཻ་ཌཱུརྻའི་དོ་ཤལ། +
།ཕྱག་བྲིས་དངོས་ལས་ཞལ་བཤུས་པ་ཡིན། མཛད་བྱང་མི་འདུག། +
བདག་འདྲ་གཏེར་མིང་འགྲོ་འདུལ་གླིང་པར་བླ་མ་པདྨ་ཐོད་ཕྲེང་རྩལ་གྱིས་གནང་བཞིན་ལོ་གཅིག་གསང་རྒྱ་བྱས་ཏེ་སླར་སྐྱབས་མགོན་བླ་མའི་བཀས་བསྐུལ་བཞིན་དག་ཕར་ཕབ་པའོ༔ བླ་མའི་སྐུ་ཚེ་བསྟན་པའི་ཆ་རྐྱེན་དུ་གྱུར་ཅིག༔ དགེའོ༔ +
འདི་ལྟར་སུས་བྱས་གནོད་པ་ཀུན༔ གྲོལ་འགྱུར་འདི་ལ་ཐེ་ཚོམ་མེད༔ གསང་སྤྱོད་སྔགས་ཀྱི་རིག་རྩལ་གྱིས༔ ཁོ་ནའི་ལག་ཏུ་བླང་བྱ་ལས༔ འདོད་སྲེད་གྱ་ཚོམ་ཅན་གྱིས་མིན༔ གུ་ཧྱ་ས་མ་ཡཱ༔ དྷ་ཐིམ༔ ཀྱེ་མ༔ +
ཨེ་མཿ ཀློང་ཆེན་དགོངས་པའི་གཏེར་ཁ་མཛོདཿ དྲིན་ལྡན་བླ་མའི་ཐུགས་བསྐྱེད་ཀྱིས༔ ཕྱི་བའིམཐུ་ལས་ཉེར་ཐོབ་པ༔ སྒྲོལ་དཀར་སྒྲུབ་ཐབས་ཡིད་བཞིན་ནོར༔ ཚེ་གཅིག་སངས་རྒྱས་འགྲུབ་པའི་ཆོས༔ གཞན་དང་མི་འདྲ་ཁྱད་འཕགས་སོ༔ ལས་སྐལ་ལྡན་པས་ཟླ་དྲུག་ཏུ༔ བསྒོམ་པས་ཕྱག་རྒྱ་ཆེན་པོའི་པར༔ སྦྱོར་བའི་ཌཱཀྐིའི་ཐུགས་ཐིག་ལས༔ སྟོན་པར་ཕང་བ་སྙིང་གི་ཁྲག༔ རིང་ནས་ཕ་ཕོག་ཐོབ་ན་ཡང་༔ ལོ་གཅིག་བར་དུ་གསང་རྒྱས་བཏབ༔ སླར་ཡང་སྐྱབས་རྗེའི་བཀའ་བསྐུལ་བཞིན༔ གཏེར་མིང་འགྲོ་འདུལ་གླིང་པས་ཕབཿ ཆོས་འདིས་ཤ་ཟ་མཆེད་སྡེ་ལྔས༔ ཐུབ་པར་སྲུངས་ཤིག་ས་མ་ཡཱ༔ བླ་མའི་སྐུ་ཚེ་རྡོ་རྗེའི་ཁམས༔ ཡོངས་གྲུབ་ཆེན་པོར་ཞབས་བརྟན་ནས༔ མཛད་ཕྲིན་བདུད་ཀྱི་བར་ཆད་ལས༔ རྒྱལ་བའི་བྱེད་པོ་དེང་འགྱུར་ཤོག༔ ཞུས་ཤིང་དག་པར་བྱས་སོ། ། +
སྐྱབས་རྗེ་མཆོག་གི་བཀས་བསྐུལ་བཞིན༔ དུས་བབ་གཏེར་མིང་སྔགས་སྤྱོད་མཁན༔ འགྲོ་འདུལ་གླིང་པས་དག་པར་ཕབ༔ དགེ་དེས་དཔལ་ལྡན་བླ་མ་ཡི༔ སྐུ་ཚེ་བསྟན་ཅིང་ཐུགས་བཞེད་འགྲུབ༔ འགྲོ་དོན་ཕྱོགས་བརྒྱར་འགྲུབ་པར་ཤོག༔ དགེའོ༔ +
སྐྱབས་རྗེ་མཆོག་གི་བཀས་བསྐུལ་བཞིན༔ དུས་བབ་གཏེར་མིང་སྔགས་སྤྱོད་མཁན༔ འགྲོ་འདུལ་གླིང་པས་དག་པར་ཕབ༔ དགེ་དེས་དཔལ་ལྡན་བླ་མ་ཡི༔ སྐུ་ཚེ་བརྟན་ཞིང་ཐུགས་བཞེད་འགྲུབ༔ འགྲོ་དོན་ཕྱོགས་བརྒྱར་འགྲུབ་པར་ཤོག༔ དགེའོ༔ +
ཆོས་འདི་བསྐལ་པ་མ་སྟོང་བར་དུ་མི་ཉམས་ཤིང་༔ སྐྱབས་མགོན་བླ་མའི་སྐུ་ཚེ་མཆོག་ཏུ་བསྟན་ནས་མཛད་ཕྲིན་ཉིད་འོག་ལ་སྤྱོད་པའི་རྒྱུར་གྱུར་ཅིག༔ +
འབྱུང་འཇུག་སྔགས་སུ་གོམ་པ་ན༔ ཕུང་པོ་འོད་སྐུར་དེང་པར་འགྱུར༔ རྟག་ཏུ་འདི་ལ་ནན་ཏན་གྱིས༔ གང་ཞིག་སྟོན་པར་ཕང་བའི་ཆོས༔ མ་སྦས་ལྷུག་པ་དག་པར་ཕབ༔ སྐབས་རྒྱུད་ཡི་གེ་མེད་པའི་སྐོར༔ ས་མ་ཡཱ༔ གུ་ཧྱ༔ དྷ་ཐིམ༔ +
།དགེའོ།། +
།ཅེས་པའང་སྙིགས་མའི་དུས་འདིར་རིས་སུ་མེད་པའི་ཆོས་ཀྱི་མཛོད་འཛིན་ཅིང་། ཁྱད་པར་རྗེ་བཙུན་ས་སྐྱ་པའི་བརྒྱུད་འཛིན་སྨྲ་མཁས་ཀུན་གྱི་གཙུག་གི་ནོར་བུར་གྱུར་པ་མཁྱེན་རབ་ཆོས་ཀྱི་འོད་ཟེར་ཞབས་བརྟན་འདིའང་། དབོན་སྟོད་ལྷུན་པོ་རྩེའི་སློབ་གྲྭ་ནས་གང་གི་ཞལ་སློབ་རྣམས་ཀྱིས་བཀྲ་ཤིས་པའི་ལྷ་རྫས་རིན་གཉིས་འཁོར་ལོ་མི་ཟད་ལྔའི་གྲངས་ལྡན་དང་བཅས་པའི་གསུང་གི་བསྐུལ་ངོར་དགེ་སྦྱོང་གི་རྟགས་ཙམ་འཛིན་པ་འཇམ་དབྱངས་ཆོས་ཀྱི་བློ་གྲོས་པས་བྲིས་པ་དོན་དང་ལྡན་པར་གྱུར་ཅིག །སརྦ་དཱ་མངྒ་ལཾ།། +
ཇ
།ཅེས་པའང་ས་ཁྱི་ཟླ་ཚེས་ལ་རྨི་ལམ་ཉིང་འཁྲུལ་གྱི་རྐྱེན་ལ་བརྟེན་ནས་དད་པའི་རྦ་རླབས་ལས་བྱུང་བའི་ཚིག་ཕྲེང་འདིས་ཀྱང་ཇོ་བོ་ཆེན་པོའི་བྱིན་རླབས་སྙིང་ལ་སིམ་པའི་རྒྱུར་གྱུར་ཅིག །མངྒ་ལཾ། །ཤུ་བྷཾཾ། ། +
