Property:colophontib
From Khyentse Lineage - A Tsadra Foundation Project
This is a property of type Text.
ག
གྲུབ་ཐོབ་ཆེན་པོའི་ཐུགས་ཏིག་ལས། ཡི་དམ་བཀའ་བརྒྱད་བདེ་གཤེགས་འདུས་པའི་བསྐང་བཤགས་དཔལ་ཆེན་དགྱེས་པའི་བཞད་སྒྲ། +
ཅེས་འདི་རྒྱལ་ཀུན་ཡེ་ཤེས་སྐུ། །འཇམ་དཔལ་གྲུབ་པའི་རིག་པ་འཛིན། །མི་ཕམ་ཕྱོགས་ལས་རྣམ་རྒྱལ་གྱི། །མཆོག་གི་སྤྲུལ་སྐུའི་བཀའ་བསྩལ་བཞིན། །རྡོ་རྗེ་ཐེག་པའི་རྒྱུད་ལུང་དང༌། །མན་ངག་སྙིང་པོའི་སྲོག་གི་ཐིག །བདེ་གཤེགས་འདུས་པའི་རྣལ་འབྱོར་པ། །བཀྲ་ཤིས་དཔལ་འབྱོར་གྲགས་པ་དེའི། །གངས་ཅན་དབུས་གྱུར་དགའ་བའི་ཚལ། །ངོ་མཚར་ལྷ་ཡི་དོ་ར་ནས། །བྲིས་འདིས་མཆོག་དང་ཐུན་མོང་གི །དངོས་གྲུབ་འདོད་དགུའི་དཔལ་ཐོབ་ཤོག། +
དུས་གསུམ་མཁྱེན་པ་པདྨ་སཾ་བྷ་བ་དངོས་དང་དབྱེར་མི་ཕྱེད་པའི་རྗེ་གྲུབ་ཐོབ་ཆེན་པོ་ཐང་སྟོང་ཞབས་ཀྱི་གསང་བ་གསུམ་གྱི་བྱིན་རླབས་ལ་བརྟེན་ནས། འཇམ་དཔལ་ཆོས་ཀྱི་བཤེས་གཉེན་འོད་གསལ་སྤྲུལ་པའི་རྡོ་རྗེས་ཟབ་མོ་དགོངས་པའི་གཏེར་ལས་ཕྱུང་བའི་སྒྲུབ་ཐབས་སྙིང་པོའི་སྐོར་འདི་རྣམས་སྒྱུ་འཕྲུལ་གསང་བ་སྙིང་པོའི་རྒྱུད་ཀྱི་ལམ་རིམ་དང་འབྲེལ་བ་སྟེ། དེའང་རྒྱས་པ་ཕྲེང་བ་སྐོར་བཞི་ཞེས་གྲུབ་ཆེན་སྤྱོད་འཆང་དབང་པོའི་རྣམ་འཕྲུལ་རྗེ་བཙུན་ཐམས་ཅད་མཁྱེན་པ་སྒྲོལ་བའི་མགོན་པོ་དང༌། འབྲིང་པོ་རྣལ་འབྱོར་སྐོར་བཞི་ལོ་ཙཱ་བ་ཤ་མི་གོ་ཆའི་རྣམ་འཕྲུལ་རྡོ་རྗེ་རྒྱལ་པོའི་སྐལ་བར་གསུངས་ཤིང༌། སྙིང་པོ་ལམ་བྱེད་རྣམ་བཞི་འདི་ཉིད་ལོ་རྒྱུས་སོགས་བཀྲ་ཤིས་པའི་རྟགས་བརྒྱད་ཀྱི་གྲངས་ལྡན་དུ་གཏན་ལ་ཕབ་པ་འདིས་ཀྱང་སྙིང་པོའི་བསྟན་པ་ལ་བྱ་བ་མཆོག་ཏུ་བྱེད་པར་གྱུར་ཅིག །སརྦ་དཱ་ཀ་ལྱཱ་ཎཾ་བྷ་བ་ཏུ།། +
གྲུབ་ཐོབ་ཆེན་པོའི་ཐུགས་ཏིག་ལས། སྒྲུབ་ཐབས་སྙིང་པོ་སྐོར་ལྔའི་གདམས་པའི་ས་བཅད་ཟིན་ཐོར་བཀོད་པ་ངོ་མཚར་སྙིང་པོ། +
།འདི་ལ་ཁྲིད་ཡིག་རྒྱས་པ་གལ་ཆེ་བར་སྣང་ཡང་སླད་ནས་འཆད་པ་བོ་རྣམས་ལ་ཁྲིད་རྒྱུན་དང་སྤྲོ་གཞིའི་ས་བོན་ཙམ་དུ་དམིགས་ནས་རྗེ་བཙུན་བླ་མ་རིན་པོ་ཆེའི་རྡོ་རྗེའི་ཞལ་ལུང་ཇི་ལྟ་བར་བློ་གྲོས་མཐའ་ཡས་པའི་སྡེས་བྲིས་པ་དགེ་ལེགས་འཕེལ།། +
གྲུབ་ཐོབ་ཆེན་པོའི་ཐུགས་ཏིག་ལས། སྒྲུབ་ཐབས་སྙིང་པོ་སྐོར་ལྔའི་ཐུགས་རྗེ་ཆེན་པོའི་ལས་བྱང་སྙིང་རྗེའི་ལང་ཚོ། +
ཅེས་བརྗོད་རོལ་མོ་འཁྲོལ་ཤིང་མེ་ཏོག་གི་ཆར་ཕབ་པས་དུས་གསུམ་ཀུན་ཏུ་དགེ་ལེགས་ཀྱི་སྣང་བ་རྒྱ་ཆེར་སྤེལ་བར་བྱའོ། ཅེས་ཐུགས་རྗེ་ཆེན་པོའི་ལས་བྱང་འདི་ནི། འཁོར་ལོའི་མགོན་པོ་ ༧ འཇམ་དབྱངས་མཁྱེན་བརྩེ་ཐུབ་བསྟན་ཆོས་ཀྱི་རྒྱ་མཚོའི་བཀའ་ལུང་སྤྱི་བོར་ཕེབས་པ་དང༌། རྫོང་སར་དགོན་པའི་དབུ་ཁྲིད་བློ་གྲོས་ཕུན་ཚོགས་ལགས་ནས་ཀྱང་བསྐུལ་མ་མཛད་པ་དོན་ཡོད་པར་བྱ་བའི་ཕྱིར། ཡུལ་བྲག་གཡབ་ཏུ་སྐྱེས་པའི་རྟགས་ཙམ་འཛིན་པའི་བཙུན་གཟུགས་ཕུན་ཚོགས་རྣམ་རྒྱལ་ཏུ་འབོད་པས་མདོ་ཁམས་རྫོང་སར་བཀྲ་ཤིས་ལྷ་རྩེའི་ཆོས་གྲྭར་རང་གནས་ཀྱི་ཁང་བུར་ཁྲིགས་སུ་བསྡེབས་པ་སྟེ། དགེ་བས་མར་གྱུར་འགྲོ་བའི་རྒྱུད་ལ་བྱང་ཆུབ་ཀྱི་སེམས་རིན་པོ་ཆེ་མྱུར་དུ་སྐྱེ་བའི་རྒྱུར་གྱུར་ཅིག །ཡི་གེ་པ་ནི་གཅུང་དཀོན་རྒྱལ་ལོ། །མངྒ་ལཾ།། +
གྲུབ་ཐོབ་ཆེན་པོའི་ཐུགས་ཏིག་ལས། སྒྲུབ་ཐབས་སྙིང་པོ་སྐོར་ལྔའི་བླ་མ་དྲག་པོའི་ཕྲིན་ལས་དབང་དྲག་རྡོ་རྗེའི་མེ་ཆར། +
།རྗེ་གྲུབ་ཐོབ་ཆེན་པོ་ལྕགས་ཟམ་པའི་ཐུགས་ཏིག་སྒྲུབ་ཐབས་སྙིང་པོ་སྐོར་ལྔའི་བླ་མ་དྲག་པོའི་ལས་བྱང་བཀླག་ཆོག་ཏུ་བཀོད་པ་འདིའང་རྗེ་བཙུན་བླ་མ་འཇམ་དབྱངས་ཆོས་ཀྱི་བློ་གྲོས་རིན་པོ་ཆེའི་དམ་རྫས་ཀྱི་རྟེན་བཅས་བཀའ་བསྩལ་རྗེས་སུ་སྒྲུབ་པ་དང༌། བལ་ཡུལ་གུ་རུའི་ལྷ་ཁང་དུ་དུས་མཆོད་ཙམ་ལ་ཉེར་མཁོའི་དབང་གིས་རྙིང་སྔགས་རྒན་པོ་འགྱུར་མེད་ཐེག་མཆོག་བསྟན་པའི་རྒྱལ་མཚན་གྱིས་ལྷོ་འབྲུག་ཆོས་ཀྱི་རྒྱལ་ཁབ་ལྟེ་བ་བདེ་ཆེན་ཆོས་གླིང་དུ་བྲིས་པ་ཡི་གེ་གཉིས་པ་གྲུབ་སྲས་ཆོས་མཛད་པདྨ་ཆོས་སྐྱིད་དབང་མོས་ཞུས་པ་འདིས་ཀྱང་་སྙིགས་དུས་ནག་ཕྱོགས་ཀྱི་མུན་པ་སངས་ཤིང་བདེ་ཆེན་ཡེ་ཤེས་ཀྱི་སྣང་བ་རྒྱས་པའི་རྒྱུར་གྱུར་ཅིག །དགེའོ། །མངྒ་ལཾ།། +
གྲུབ་ཐོབ་ཆེན་པོའི་ཐུགས་ཏིག་ལས། སྒྲུབ་ཐབས་སྙིང་པོ་སྐོར་ལྔའི་བླ་མ་དྲག་པོའི་ལས་བྱང་རྒྱལ་གདོན་ཀུན་འཇོམས། +
ཅེས་པའང་ཉེར་མཁོའི་ཆེད་དུ་ཕུན་ཚོགས་རྣམ་རྒྱལ་ཏུ་འབོད་པས་སྡེབས་པའི་དགེ་བས་བསྟན་འགྲོའི་ཕན་བདེ་བརླག་པའི་སྲི་ཅན་ཐམས་ཅད་རྨང་མེད་དུ་བཤིག་པའི་རྒྱུར་གྱུར་ཅིག །ཡི་གེ་པ་ནི་གྲྭ་དཀོན་མཆོག་རྒྱལ་མཚན་ནོ། +
གྲུབ་ཐོབ་ཆེན་པོའི་ཐུགས་ཏིག་ལས། སྒྲུབ་ཐབས་སྙིང་པོ་སྐོར་ལྔའི་བླ་མ་ཞི་བའི་ཕྲིན་ལས་བཀླག་ཆོག་ཏུ་བཀོད་པ་བཀའ་གཏེར་བདུད་རྩིའི་ཉིང་ཁུ། +
།སྤྱིར་ཨོ་རྒྱན་སངས་རྒྱས་གཉིས་པའི་ཐུགས་སྒྲུབ་བྱེ་བ་ཕྲག་བརྒྱ་ཐམས་ཅད་དངོས་མཚན་དང་བྱིན་རླབས་བསམ་གྱིས་མི་ཁྱབ་ཀྱང༌། །སློབ་དཔོན་ཆེན་པོའི་ཞལ་ལུང་རྩོད་པ་མེད་པ་གསང་བ་སྙིང་པོའི་ཤིན་ཏུ་གསང་བ་མན་ངག་གི་སྙིང་པོ་ལྟ་བའི་ཕྲེང་བའི་དགོངས་དོན་རྒྱུད་ལས་ལུང་དུ་བསྡེབས་པའི་སྒྲུབ་ཐབས་སྙིང་པོ་སྐོར་ལྔ་ཞེས་བཀའ་གཏེར་ཟུང་འཇུག་གི་ཟབ་ཆོས། པདྨའི་བཀའ་སྲོལ་འཛིན་པ་རྣམས་ཀྱི་གཅེས་སྤྲས་སུ་མཛད་པའི་ཕ་ནོར། མཚུངས་པ་མེད་པ་ཡིན་ཕྱིར་འདི་ལ་དབང་དང༌། སྒྲུབ་ཐབས། ཁྲིད་ཡིག་རྣམས་གལ་ཆེ་བས་བྲིས་ཞེས་འཇམ་མགོན་མཁས་གྲུབ་ཀྱི་དབང་ཕྱུག་འཇམ་དབྱངས་ཆོས་ཀྱི་བློ་གྲོས་ཀྱི་ཞལ་སྔ་ནས་ཟབ་གསང་བདུད་རྩིའི་ཉིང་ཁུའི་སྨིན་གྲོལ་ཡོངས་རྫོགས་ཞིབ་རྒྱས་སུ་བསྩལ་ཞིང༌། རྗེ་གོང་མའི་ཕྱག་བསྣམས་ལི་ཡི་མཎྜལ་རིན་པོ་ཆེའི་ཚོམ་བུ་བཀོད་པ་དང༌། སྐུ་གསུང་ཐུགས་རྟེན་བཅས་དམིགས་བསལ་དུ་བཀའ་བསྩལ་བ་བཞིན། སྤྱི་བརྟོལ་བསྐྱེད་དེར་བློས་གང་དཔོག་ཏུ་བྲིས་ནས་སྤྱན་བསྟར་ཞུས་པ་དགྱེས་པས་བཞེས་ཏེ་བྲི་བསྣན་གང་འོས་མཛད་ཟིན་ཀྱང༌། །རྩོད་དུས་ཀྱིས་འགྱུར་བས་དཔེ་ཡང་གྲོན་པ་ལ། བལ་ཡུལ་རང་བྱུང་གི་ཆོས་སྐུའི་མཆོད་སྡོང་ཆེན་པོའི་དྲུང་ཞེ་ཆེན་བསྟན་གཉིས་དར་རྒྱས་གླིང་གི་འདུས་སྡེ་གསར་བསྐྲུན་སྐབས་མཐོང་གྲོལ་གུ་རུ་རྗེ་འབངས་དང་བཅས་པའི་གཙུག་ལག་ཁང་དུ་དུས་མཆོད་ཙམ་བཙུགས་པའི་ཉེར་མཁོ་རུ་དམིགས་ཏེ་སླར་ཡང་ཆོག་ཁྲིགས་སུ་བསྡེབས་པས་འབྲེལ་ཚད་སྐུ་ལྔ་ལྷུན་གྲུབ་བདེ་གཤེགས་སྨིན་པ་རྒྱ་མཚོའི་ཡེ་ཤེས་ཀྱི་དབྱིངས་སུ་བྱང་ཆུབ་པ་དང༌། གཏེར་མཛོད་སྤྱན་ལམ་དུ་ཕབ་པ་རྣམས་ནས་རང་ནོར་གྱི་རིན་ཐང་རང་གིས་མཁྱེན་པར་ཕྲིན་ལས་སྤེལ་བའི་ཞུ་བསྐུལ་དུ་སྙིགས་དུས་ཀྱི་སངས་རྒྱས་རིག་འཛིན་རྩལ་འཆང་ཡབ་སྲས་ཀྱི་རིང་ལུགས་ལ་རྒྱུ་མཚན་ཤེས་པའི་དད་པ་ཐོབ་པ་སྔགས་བཙུན་འགྱུར་མེད་ཐེག་མཆོག་བསྟན་པའི་རྒྱལ་མཚན་གྱིས་ལྕགས་རྟ་སྨིན་ཟླའི་དཀར་ཕྱོགས་ཀྱི་འཕེལ་ཚེས་བཅུ་ལ་ལྷོ་འབྲུག་སྤུངས་ཐང་བདེ་མཆོག་ཕོ་བྲང་དུ་བྲིས་པས་ཡི་གེ་གཉིས་པའི་མཐུན་འགྱུར་གྲུབ་སྲས་པདྨ་ཆོས་སྐྱིད་དབང་མོས་ཞུས་པ་བཀའ་གཏེར་ཟུང་འཇུག་སྔ་འགྱུར་སྙིང་པོའི་བསྟན་པ་ལ་བྱ་བ་བྱེད་པར་གྱུར་ཅིག་དགེའོ། །མངྒ་ལཾ།། +
གྲུབ་ཐོབ་ཆེན་པོའི་ཐུགས་ཏིག་ལས། སྒྲུབ་ཐབས་སྙིང་པོ་སྐོར་ལྔའི་བླ་མ་ཞི་བའི་ཕྲིན་ལས་བཀླག་ཆོག་ཏུ་བཀོད་པ་བཀའ་གཏེར་བདུད་རྩིའི་ཉིང་ཁུ། +
།སྤྱིར་ཨོ་རྒྱན་སངས་རྒྱས་གཉིས་པའི་ཐུགས་སྒྲུབ་བྱེ་བ་ཕྲག་བརྒྱ་ཐམས་ཅད་དངོས་མཚན་དང་བྱིན་རླབས་བསམ་གྱིས་མི་ཁྱབ་ཀྱང༌། སློབ་དཔོན་ཆེན་པོའི་ཞལ་ལུང་རྩོད་པ་མེད་པ་གསང་བ་སྙིང་པོའི་ཤིན་ཏུ་གསང་བ་མན་ངག་གི་སྙིང་པོ་ལྟ་བའི་ཕྲེང་བའི་དགོངས་དོན་རྒྱུད་ལས་ལུང་དུ་བསྡེབས་པའི་སྒྲུབ་ཐབས་སྙིང་པོ་སྐོར་ལྔ་ཞེས་བཀའ་གཏེར་ཟུང་འཇུག་གི་ཟབ་ཆོས། པདྨའི་བཀའ་སྲོལ་འཛིན་པ་རྣམས་ཀྱི་གཅེས་སྤྲས་སུ་མཛད་པའི་ཕ་ནོར། མཚུངས་པ་མེད་པ་ཡིན་ཕྱིར་འདི་ལ་དབང་དང༌། སྒྲུབ་ཐབས། ཁྲིད་ཡིག་རྣམས་གལ་ཆེ་བས་བྲིས་ཞེས་འཇམ་མགོན་མཁས་གྲུབ་ཀྱི་དབང་ཕྱུག་འཇམ་དབྱངས་ཆོས་ཀྱི་བློ་གྲོས་ཀྱི་ཞལ་སྔ་ནས་ཟབ་གསང་བདུད་རྩིའི་ཉིང་ཁུའི་སྨིན་གྲོལ་ཡོངས་རྫོགས་ཞིབ་རྒྱས་སུ་བསྩལ་ཞིང༌། རྗེ་གོང་མའི་ཕྱག་བསྣམས་ལི་ཡི་མཎྜལ་རིན་པོ་ཆེའི་ཚོམ་བུ་བཀོད་པ་དང༌། སྐུ་གསུང་ཐུགས་རྟེན་བཅས་དམིགས་བསལ་དུ་བཀའ་བསྩལ་བ་བཞིན། སྤྱི་བརྟོལ་བསྐྱེད་དེ་རང་བློས་གང་དཔོག་ཏུ་བྲིས་ནས་སྤྱན་བསྟར་ཞུས་པ་དགྱེས་པས་བཞེས་ཏེ་བྲི་བསྣན་གང་འོས་མཛད་ཟིན་ཀྱང༌། རྩོད་དུས་ཀྱིས་འགྱུར་བས་དཔེ་ཡང་གྲོན་པ་ལ། བལ་ཡུལ་རང་བྱུང་གི་ཆོས་སྐུའི་མཆོད་སྡོང་ཆེན་པོའི་དྲུང་ཞེ་ཆེན་བསྟན་གཉིས་དར་རྒྱས་གླིང་གི་འདུས་སྡེ་གསར་བསྐྲུན་སྐབས་མཐོང་གྲོལ་གུ་རུ་རྗེ་འབངས་དང་བཅས་པའི་གཙུག་ལག་ཁང་དུ་དུས་མཆོད་ཙམ་བཙུགས་པའི་ཉེར་མཁོ་རུ་དམིགས་ཏེ་སླར་ཡང་ཆོག་ཁྲིགས་སུ་བསྡེབས་པས་འབྲེལ་ཚད་སྐུ་ལྔ་ལྷུན་གྲུབ་བདེ་གཤེགས་སྨིན་པ་རྒྱ་མཚོའི་ཡེ་ཤེས་ཀྱི་དབྱིངས་སུ་བྱང་ཆུབ་པ་དང༌། གཏེར་མཛོད་སྤྱན་ལམ་དུ་ཕབ་པ་རྣམས་ནས་རང་ནོར་གྱི་རིན་ཐང་རང་གིས་མཁྱེན་པར་ཕྲིན་ལས་སྤེལ་བའི་ཞུ་བསྐུལ་དུ་སྙིགས་དུས་ཀྱི་སངས་རྒྱས་རིག་འཛིན་རྩལ་འཆང་ཡབ་སྲས་ཀྱི་རིང་ལུགས་ལ་རྒྱུ་མཚན་ཤེས་པའི་དད་པ་ཐོབ་པ་སྔགས་བཙུན་འགྱུར་མེད་ཐེག་མཆོག་བསྟན་པའི་རྒྱལ་མཚན་གྱིས་ལྕགས་རྟ་སྨིན་ཟླའི་དཀར་ཕྱོགས་ཀྱི་འཕེལ་ཚེས་བཅུ་ལ་ལྷོ་འབྲུག་སྤུངས་ཐང་བདེ་མཆོག་ཕོ་བྲང་དུ་བྲིས་པས་ཡི་གེ་གཉིས་པའི་མཐུན་འགྱུར་གྲུབ་སྲས་པདྨ་ཆོས་སྐྱིད་དབང་མོས་ཞུས་པ་བཀའ་གཏེར་ཟུང་འཇུག་སྔ་འགྱུར་སྙིང་པོའི་བསྟན་པ་ལ་བྱ་བ་བྱེད་པར་གྱུར་ཅིག །དགེའོ།། །།མངྒ་ལཾ།། +
གྲུབ་ཐོབ་ཆེན་པོའི་ཐུགས་ཏིག་ལས། སྒྲུབ་ཐབས་སྙིང་པོ་སྐོར་ལྔའི་བླ་མ་རྟ་མགྲིན་གྱི་ལས་བྱང་གར་དབང་བཞད་པའི་སྒྲ་དབྱངས། +
ཅེས་པའང་འཁོར་ལོའི་མགོན་པོ༧ འཇམ་དབྱངས་མཁྱེན་བརྩེ་རིན་པོ་ཆེ་ཐུབ་བསྟན་ཆོས་ཀྱི་རྒྱ་མཚོའི་ཞབས་རྡུལ་དྭངས་བས་བརྟེན་པའི་སྐལ་བཟང་ཐོབ་པ་ཕུན་ཚོགས་རྣམ་རྒྱལ་ཏུ་འབོད་པས་མདོ་ཁམས་རྫོང་སར་བཀྲ་ཤིས་ལྷ་རྩེའི་ཆོས་གྲྭར་རང་གནས་ཀྱི་ཁང་བུར་བསྒྲིགས་པ་སྟེ། དགེ་བས་ཡིད་ཅན་ཀུན་གྱི་རྒྱུད་ལ་རྟ་སྐད་ཐེངས་གསུམ་གྱི་དགོངས་པ་མངོན་དུ་བྱེད་པའི་རྒྱུར་གྱུར་ཅིག །ཡི་གེ་པ་ནི་རང་གཅུང་དཀོན་རྒྱལ་ལོ། །མངྒ་ལཾ།། +
གྲུབ་ཐོབ་ཆེན་པོའི་ཐུགས་ཏིག་ལས། སྒྲུབ་ཐབས་སྙིང་པོ་སྐོར་ལྔའི་ཡི་དམ་ཁྲོ་བོ་རྟ་མཆོག་རོལ་པའི་སྒྲུབ་ཐབས་བཀླག་ཆོག་ཏུ་བཀོད་པ་དབང་ཆེན་ཐུགས་ཀྱི་ཐིག་ལེ། +
།དབང་ཆེན་རྟ་མཆོག་རོལ་པ་གྲུབ་པ་ཆེན་པོའི་སྐུར་བཞེངས་པ་མཚུངས་མེད་ལྕགས་ཟམ་པའི་ཐུགས་ཏིག་ཡི་དམ་ཁྲོ་བོ་རྟ་མགྲིན་གྱི་བསྙེན་པའི་ལས་རིམ་བཀླག་ཆོག་ཏུ་བཀོད་པ་འདིའང་རྗེ་དེའི་ཡེ་ཤེས་ཀྱི་རྣམ་རོལ་འཁོར་ལོའི་མགོན་པོ་འཇམ་དབྱངས་ཆོས་ཀྱི་བློ་གྲོས་རིན་པོ་ཆེའི་རྨད་དུ་བྱུང་བའི་རྟེན་གྱིས་ལྕིད་པའི་བཀའ་ལུང་རིན་ཆེན་ཕྲེང་བ་སྤྱི་བོར་བཅིངས་པ་དང༌། བལ་ཡུལ་གུ་རུའི་ལྷ་ཁང་དུས་མཆོད་ལ་ཉེར་མཁོའི་བསྐུལ་ཏེ་སྔགས་བཙུན་འགྱུར་མེད་ཐེག་མཆོག་བསྟན་པའི་རྒྱལ་མཚན་གྱིས། ཁ་བཞི་ལྷོ་འབྲུག་གི་རྒྱལ་ས་ལྟེ་བ་ཐིམ་རྫོང་བཀྲ་ཤིས་ཆོས་གླིང་དུ་གནས་པའི་སྐབས་བྲིས་པ་ཡི་གེའི་མཐུན་སྦྱོར་གྲུབ་སྲས་ཆོས་མཛད་པདྨ་ཆོས་འཛིན་དབང་མོས་དད་བརྩོན་གྱི་བགྱིས་པས་གསང་ཆེན་སྙིང་པོའི་བསྟན་མཆོག་དར་རྒྱས་ཀྱི་དཔལ་དུ་གྱུར་ཅིག །དགེའོ། །མངྒ་ལཾ།། +
གྲུབ་ཐོབ་ཆེན་པོའི་ཐུགས་ཏིག་ལས། སྒྲུབ་ཐབས་སྙིང་པོ་སྐོར་ལྔའི་ཡི་དམ་ཁྲོ་བོ་རྟ་མཆོག་རོལ་པའི་སྒྲུབ་ཐབས་བཀླག་ཆོག་ཏུ་བཀོད་པ་དབང་ཆེན་ཐུགས་ཀྱི་ཐིག་ལེ། +
།དབང་ཆེན་རྟ་མཆོག་རོལ་པ་གྲུབ་པ་ཆེན་པོའི་སྐུར་བཞེངས་པ་མཚུངས་མེད་ལྕགས་ཟམ་པའི་ཐུགས་ཏིག་ཡི་དམ་ཁྲོ་བོ་རྟ་མགྲིན་གྱི་བསྙེན་པའི་ལས་རིམ་བཀླག་ཆོག་ཏུ་བཀོད་པ་འདིའང་རྗེ་དེའི་ཡེ་ཤེས་ཀྱི་རྣམ་རོལ་འཁོར་ལོའི་མགོན་པོ་འཇམ་དབྱངས་ཆོས་ཀྱི་བློ་གྲོས་རིན་པོ་ཆེའི་རྨད་དུ་བྱུང་བའི་རྟེན་གྱིས་ལྕིད་པའི་བཀའ་ལུང་རིན་ཆེན་ཕྲེང་བ་སྤྱི་བོར་བཅིངས་བ་དང༌། བལ་ཡུལ་གུ་རུའི་ལྷ་ཁང་དུས་མཆོད་ལ་ཉེར་མཁོའི་བསྐུལ་ཏེ་སྔགས་བཙུན་འགྱུར་མེད་ཐེག་མཆོག་བསྟན་པའི་རྒྱལ་མཚན་གྱིས། ཁ་བཞི་ལྷོ་འབྲུག་གི་རྒྱལ་ས་ལྟེ་བ་ཐིམ་རྫོང་བཀྲ་ཤིས་ཆོས་གླིང་དུ་གནས་པའི་སྐབས་བྲིས་པ་ཡི་གེའི་མཐུན་སྦྱོར་གྲུབ་སྲས་ཆོས་མཛད་པདྨ་ཆོས་འཛིན་དབང་མོས་དད་བརྩོན་གྱི་བགྱིས་པས་གསང་ཆེན་སྙིང་པོའི་བསྟན་མཆོག་དར་རྒྱས་ཀྱི་དཔལ་དུ་གྱུར་ཅིག །དགེའོ།། །།མངྒ་ལཾ།། +
གྲུབ་ཐོབ་ཆེན་པོའི་ཐུགས་ཏིག་ལས། སྒྲུབ་ཐབས་སྙིང་པོ་སྐོར་ལྔའི་ཡི་དམ་ཞི་བ་འགྲོ་འདུལ་འཕགས་པའི་སྒྲུབ་ཐབས་ཀུན་ཕན་བདུད་རྩིའི་འཇའ་ཟེར། +
།ཅེས་གྲུབ་ཆེན་ལྕགས་ཟམ་པའི་ཐུགས་ཏིག་སྒྲུབ་ཐབས་སྙིང་པོ་སྐོར་ལྔའི་ཡི་དམ་ཞི་བ་འགྲོ་འདུལ་འཕགས་པའི་ཐུགས་ཏིག་གི་ལས་བྱང་བཀླག་ཆོག་ཏུ་བཀོད་པ་འདིའང་རྗེ་བཙུན་ཐུགས་རྗེ་དང་བཀའ་དྲིན་མཚུངས་མེད་འཇམ་དབྱངས་ཆོས་ཀྱི་བློ་གྲོས་རིན་པོ་ཆེའི་བྱིན་རླབས་ཀྱི་རྟེན་དང་བཅས་ཏེ་ཆེད་དུ་བཀའ་བསྩལ་བས་བལ་ཡུལ་གུ་རུའི་ལྷ་ཁང་དུ་དུས་མཆོད་ལ་ཉེ་བར་མཁོའི་དབང་གིས་འཁོས་མེད་མ་ཎི་བ་འགྱུར་མེད་ཐེག་མཆོག་བསྟན་པའི་རྒྱལ་མཚན་གྱིས་ལྷོ་ལྗོངས་རྒྱལ་ས་ལྟེ་བ་ཐིམ་རྫོང་བཀྲ་ཤིས་ཆོས་གླིང་དུ་བྲིས་པའི་ཡི་གེའི་མཐུན་སྦྱོར་གྲུབ་སྲས་ཆོས་མཛད་མ་པདྨ་ཆོས་སྐྱིད་དབང་མོས་བྲིས་པས་འབྲེལ་ཚད་ཕྱག་ན་པདྨོའི་རྣམ་ཐར་ལ་སྤྱོད་པའི་རྒྱུར་གྱུར་ཅིག །དགེའོ། །མངྒ་ལཾ།། +
གྲུབ་ཐོབ་ཆེན་པོའི་ཐུགས་ཏིག་ལས། སྒྲུབ་ཐབས་སྙིང་པོ་སྐོར་ལྔའི་ཡི་དམ་ཞི་བ་འགྲོ་འདུལ་འཕགས་པའི་སྒྲུབ་ཐབས་ཀུན་ཕན་བདུད་རྩིའི་འཇའ་ཟེར། +
།ཅེས་གྲུབ་ཆེན་ལྕགས་ཟམ་པའི་ཐུགས་ཏིག་སྒྲུབ་ཐབས་སྙིང་པོ་སྐོར་ལྔའི་ཡི་དམ་ཞི་བ་འགྲོ་འདུལ་འཕགས་པའི་ཐུགས་ཏིག་གི་ལས་བྱང་བཀླག་ཆོག་ཏུ་བཀོད་པ་འདིའང་རྗེ་བཙུན་ཐུགས་རྗེ་དང་བཀའ་དྲིན་མཚུངས་མེད་འཇམ་དབྱངས་ཆོས་ཀྱི་བློ་གྲོས་རིན་པོ་ཆེའི་བྱིན་རླབས་ཀྱི་རྟེན་དང་བཅས་ཏེ་ཆེད་དུ་བཀའ་བསྩལ་བས་བལ་ཡུལ་གུ་རུའི་ལྷ་ཁང་དུ་དུས་མཆོད་ལ་ཉེར་མཁོའི་དབང་གིས་འཁོས་མེད་མ་ཎི་བ་འགྱུར་མེད་ཐེག་མཆོག་བསྟན་པའི་རྒྱལ་མཚན་གྱིས་ལྷོ་ལྗོངས་རྒྱལ་ས་ལྟེ་བ་ཐིམ་རྫོང་བཀྲ་ཤིས་ཆོས་གླིང་དུ་བྲིས་པའི་ཡི་གེའི་མཐུན་སྦྱོར་གྲུབ་སྲས་ཆོས་མཛད་མ་པདྨ་ཆོས་སྐྱིད་དབང་མོས་བྲིས་པས་འབྲེལ་ཚད་ཕྱག་ན་པདྨོའི་རྣམ་ཐར་ལ་སྤྱོད་པའི་རྒྱུར་གྱུར་ཅིག །དགེའོ། །མངྒ་ལྃ།། +
གྲུབ་ཐོབ་ཆེན་པོའི་ཐུགས་ཏིག་ལས། སྒྲུབ་ཐབས་སྙིང་པོ་སྐོར་ལྔའི་རྡོ་རྗེ་ཕག་མོའི་ལས་བྱང་བདེ་སྟོང་བདུད་རྩིའི་དཔལ་སྦྱིན། +
ཅེས་བརྗོད་རོལ་མོ་འཁྲོལ་ཤིང་མེ་ཏོག་གི་ཆར་ཕབ་པས་དུས་གསུམ་ཀུན་ཏུ་དགེ་ལེགས་ཀྱི་སྣང་བ་རྒྱ་ཆེར་སྤེལ་བར་བྱའོ། །ཅེས་སྐོར་ལྔའི་ལས་བྱང་དང་དབང་ཆོག་བཅས་བསྒྲིག་པར་བྱོས་ཤིག་ཅེས། རིས་སུ་མ་ཆད་པའི་བསྟན་པ་ཡོངས་ཀྱི་ཞབས་འདེགས་པ་བློ་གྲོས་ཕུན་ཚོགས་ལགས་ནས་ནང་བརྩེའི་བསྐུལ་མ་སྔ་ཕྱིར་ལན་གྲངས་གནང་བ་དོན་ཡོད་པར་བྱ་བའི་ཕྱིར། ཕུན་ཚོགས་རྣམ་རྒྱལ་ཏུ་འབོད་པས་མདོ་ཁམས་རྫོང་སར་བཀྲ་ཤིས་ལྷ་རྩེའི་ཆོས་གྲྭར་རང་གནས་ཀྱི་ཁང་བུར་གུས་པ་ཆེན་པོས་སྦྱར་བ་སྟེ། དགེ་དེས་ཚེ་རབས་ཀུན་ཏུ་རྡོ་རྗེ་བཙུན་མོ་བདེ་ཆེན་རྒྱལ་མོའི་གསང་བ་གསུམ་གྱིས་རྗེས་སུ་འཛིན་པའི་རྒྱུར་གྱུར་ཅིག །ཡི་གེ་པ་ནི་གཅུང་དཀོན་མཆོག་རྒྱལ་མཚན་ནོ། །མངྒ་ལཾ།། +
གྲུབ་ཐོབ་ཆེན་པོའི་ཐུགས་ཏིག་ལས། སྒྲུབ་ཐབས་སྙིང་པོ་སྐོར་ལྔའི་རྡོ་རྗེ་ཕག་མོའི་སྒྲུབ་ཐབས་བཀླག་ཆོག་ཏུ་བཀོད་པ་བདེ་ཆེན་མཆོག་གི་གསེང་ལམ། +
།ཅེས་སྒྲུབ་ཐབས་སྙིང་པོ་སྐོར་ལྔ་འདི་དག་འཇུག་བདེའི་ཁྲིགས་སྡེབས་གྱིས་ཞེས་རིགས་བརྒྱའི་ཁྱབ་བདག་པདྨ་ཡེ་ཤེས་རྡོ་རྗེས་གནང་སྐྱེས་བཅས་བཀའ་བསྩལ་རྗེས་སུ་སྒྲུབ་པ་དང༌། བལ་ཡུལ་མཐོང་གྲོལ་གུ་རུའི་ལྷ་ཁང་དུ་སྒྲུབ་མཆོད་བཙུགས་པ་ལ་ཉེར་མཁོའི་རྟེན་འབྲེལ་གྱིས་བསྐུལ་བས་ལྷོ་འབྲུག་ཆོས་ཀྱི་རྒྱལ་ས་ལྟེ་བ་ཐིམ་རྫོང་བཀྲ་ཤིས་ཆོས་གླིང་གི་གཟིམ་ཆུང་ཟིལ་གནོན་ཕྱོགས་ལས་རྣམ་རྒྱལ་དུ་གནས་པའི་སྐབས་སྔགས་ཀྱི་རྣལ་འབྱོར་ཙམ་པོ་བའི་གཟུགས་འགྱུར་མེད་ཐེག་མཆོག་བསྟན་པའི་རྒྱལ་མཚན་གྱིས་ལྕགས་རྟ་དབྱུག་ཟླའི་དམར་ཕྱོགས་ཀྱི་ཚེས་བཅུའི་མཆོད་པའི་སྐབས་སྦྱར་བས་ཡི་གེ་པ་གྲུབ་སྲས་ཆོས་མཛད་པདྨ་ཆོས་སྐྱིད་དབང་མོས་བགྱིས་པ་བསྟན་འགྲོའི་དགེ་མཚན་གྱི་སྣང་བས་འདོད་དགུར་རྒྱས་པའི་རྒྱུར་གྱུར་ཅིག །དགེའོ། །མངྒ་ལཾ།། +
གྲུབ་ཐོབ་ཆེན་པོའི་ཐུགས་ཏིག་ལས། སྒྲུབ་ཐབས་སྙིང་པོ་སྐོར་ལྔའི་རྡོ་རྗེ་ཕག་མོའི་སྒྲུབ་ཐབས་བཀླག་ཆོག་ཏུ་བཀོད་པ་བདེ་ཆེན་མཆོག་གི་གསེང་ལམ། +
།ཅེས་སྒྲུབ་ཐབས་སྙིང་པོ་སྐོར་ལྔ་འདི་དག་འཇུག་བདེའི་ཁྲིགས་སྡེབས་ཀྱིས་ཞེས་རིགས་བརྒྱའི་ཁྱབ་བདག་པདྨ་ཡེ་ཤེས་རྡོ་རྗེས་གནང་སྐྱེས་བཅས་བཀའ་བསྩལ་རྗེས་སུ་སྒྲུབ་པ་དང༌། བལ་ཡུལ་མཐོང་གྲོལ་གུ་རུའི་ལྷ་ཁང་དུ་སྒྲུབ་མཆོད་བཙུགས་པ་ལ་ཉེར་མཁོའི་རྟེན་འབྲེལ་གྱིས་བསྐུལ་བས་ལྷོ་འབྲུག་ཆོས་ཀྱི་རྒྱལ་ས་ལྟེ་བ་ཐིམ་རྫོང་བཀྲ་ཤིས་ཆོས་གླིང་གི་གཟིམ་ཆུང་ཟིལ་གནོན་ཕྱོགས་ལས་རྣམ་རྒྱལ་དུ་གནས་པའི་སྐབས་སྔགས་ཀྱི་རྣལ་འབྱོར་ཙམ་པོ་བའི་གཟུགས་འགྱུར་མེད་ཐེག་མཆོག་བསྟན་པའི་རྒྱལ་མཚན་གྱིས་ལྕགས་རྟ་དབྱུག་ཟླའི་དམར་ཕྱོགས་ཀྱི་ཚེས་བཅུའི་མཆོད་པའི་སྐབས་སྦྱར་བས་ཡི་གེ་པ་གྲུབ་སྲས་ཆོས་མཛད་པདྨ་ཆོས་སྐྱིད་དབང་མོས་བགྱིས་པ་བསྟན་འགྲོའི་དགེ་མཚན་གྱི་སྣང་བས་འདོད་དགུར་རྒྱས་བའི་རྒྱུར་གྱུར་ཅིག །དགེའོ།། །།མངྒ་ལཾ།། +
།ཞེས་པའང་རྗེ་བླ་མའི་རྡོ་རྗེའི་གསུང་ཚིག་དོན་གཉིས་ཀ་གྲ་མ་ཉམས་པར་འཇིགས་མེད་བསྟན་པའི་ཉི་མས་ཡི་གེར་བྲིས་པ་ཆོས་འདིའི་ཕྲིན་ལས་མཁའ་ཁྱབ་ཏུ་རྟག་ཅིང་རྒྱས་པའི་རྒྱུར་གྱུར་ཅིག། +
།འདི་ཉིད་རྩ་གཞུང་རྡོ་རྗེའི་ཚིག་རྐང་དུ་གྱུར་པས་གནད་དོན་ཤིན་ཏུ་ཁྲོལ་བར་དཀའ་རུང་ཁྱབ་བདག་གཏེར་ཆེན་བླ་མ་ཉིད་ལ་གསོལ་བ་བཏབ་ཅིང་ཞལ་ལུང་ཞིབ་མོར་ཞུས་པའི་དོན་ལེགས་པར་བཀོད་པ་པོ་ནི། པདྨ་གར་གྱི་དབང་ཕྱུག་ཕྲིན་ལས་འགྲོ་འདུལ་རྩལ་ཏེ་རྫོང་གསར་བཀྲ་ཤིས་ལྷ་རྩེར་བྲིས་པ་དགེ་ལེགས་འཕེལ།། +
།ཅེས་འདི་ཉེར་མཁོའི་ཆ་རྐྱེན་དུ། །སྡོམ་བརྩོན་བླ་མ་འཇམ་ཚུལ་ངོར། །འཇམ་མགོན་ཉི་ཟླ་ཟུང་གི་འབངས། །མཁའ་ཁྱབ་རྡོ་རྗེས་སྦྱར་བ་དགེ། +
གྲུབ་ཐོབ་ཆེན་པོའི་ཐུགས་ཐིག་ལས། ཁྲག་འཐུང་བདེ་གཤེགས་འདུས་པའི་རྒྱུད་ལུང་གི་ཚིག་འགྲེལ་མདོར་བསྡུས་པ་ལེགས་བཤད་སྒོ་འབྱེད། +
ཞེས་འབྱུང་བའི་དོན་ནི་གོ་སླ་ལ། ཀུན་མཁྱེན་བླ་མ་འོད་གསལ་སྤྲུལ་པའི་རྡོ་རྗེ་དགུངས་གྲངས་བཅོ་ལྔ་པར་གྲུབ་ཐོབ་ཆེན་པོས་དངོས་སུ་བྱིན་གྱིས་བརླབས་ཤིང་ཐུགས་ཏིག་གི་ཆོས་སྐོར་ཡོངས་རྫོགས་དགོངས་པའི་ཀློང་དུ་བརྡོལ་ཡང་རིང་དུ་གསང་བ་མཐར་ཕྱིན་པར་མཛད་ནས་ཕྱིས་དགུངས་གྲངས་ཞེ་བརྒྱད་པར་གནས་དུས་ཀྱི་རྟེན་འབྲེལ་ཕུན་སུམ་ཚོགས་པས་མཚམས་སྦྱར་ཏེ་རྩ་བའི་ཆོས་སྐོར་སྤེལ། རིམ་པར་ཡན་ལག་གི་ཆོས་སྡེ་རྣམས་གཏན་ལ་ཕབ་ནས་རྒྱུད་བཤད་ཁྲིད་ཡིག་སོགས་ཡིག་ཆའི་ཞབས་འདེབས་ཞུ་དགོས་པ་རྡཽ་རྗེའི་གསུང་གིས་རྗེས་སུ་གནང་བ་ལྟར། པདྨ་གར་དབང་བློ་གྲོས་མཐའ་ཡས་པའི་སྡེས་བཤད་རྒྱུན་ལ་ཕན་པར་འགྱུར་བའི་ལྷག་བསམ་གྱིས་འབྲུ་འགྲེལ་མདོར་བསྡུས་ཙམ་དུ་རྫོང་ཤོད་བདེ་གཤེགས་འདུས་པའི་སྒྲུབ་གནས་ཆེན་པོར་བགྱིས་པའོ། +