Property:colophontib
From Khyentse Lineage - A Tsadra Foundation Project
This is a property of type Text.
ག
།སྤྱིར་གསང་ཐིག་སྐོར་བདུན་དང་རྩ་གསུམ་དགོངས་འདུས་བཅས་ཡབ་རྗེ་རིག་འཛིན་བླ་མ་འགྱུར་མེད་ཚེ་དབང་རྒྱ་མཚོ་ཉིད་ཟབ་གཏེར་གྱི་བདག་པོ་ཡིན་ཞེས་ལོ་ཆེན་བཻ་རོའི་རྣམ་འཕྲུལ་ཀུན་གཟིགས་བློ་གྲོས་མཐའ་ཡས་པས་རྡོ་རྗེའི་ལུང་གིས་བསྔགས་ཤིང་དབང་ཁྲིད་ལུང་བཅས་དགྱེས་པས་བསྩལ་ཏེ་རྩ་གསུམ་དགོངས་འདུས་ཀྱི་གཏེར་གཞུག་སྐྱོང་དགོས་པར་བཀའ་དང་གཟེངས་བསྟོད་པས་རྗེ་བླ་མ་ཁྱབ་བདག་འཇམ་དབྱངས་ཆོས་ཀྱི་བློ་གྲོས་རིན་པོ་ཆེས་ཡབ་རྗེའི་དྲུང་ནས་གསན་པར་ངེས་ཀྱང་ཕྱིས་འཇམ་མགོན་དངོས་ལས་མཁན་ཆེན་ཐུབ་བསྟན་རྒྱལ་མཚན་འོད་ཟེར། གཏེར་སྟོན་དྲི་མེད་པདྨ་གླིང་པ། དེ་སྲས་འཇམ་མགོན་རྣམ་འཕྲུལ་པདྨ་ཐུགས་རྗེའི་དབང་ཕྱུག་ལས་བསྐྱར་ཏུ་གསན་སྐབས་བདག་ལའང་བཀའ་དྲིན་ཐོབ་པ། སྐྱེས་ཆེན་མང་པོའི་གཏེར་མཛོད་གསན་ཡིག་འགའ་ཞིག་ལའང་འདི་ཉིད་མི་འདུག་ཅིང༌། རྒྱལ་དབང་མཁའ་ཁྱབ་རྡོ་རྗེའི་དབང་ཆིངས་སུའང་མ་ཚུད་པས་ཟབ་ཆོས་ཀྱི་ཞབས་ཏོག་ཏུ་མཚམས་སྦྱོར་བཅས་སྤེལ་ན་ལེགས་པ་མཆོག་གླིང་པདྨའི་ཨེ་ཝཾ་ཆོས་སྒར་གྱི་བྱང་འདྲེན་པདྨ་བཀྲ་ཤིས་ཀྱིས་བསྐུལ་བ་བཞིན་འགྱུར་མེད་བསྟན་པའི་རྒྱལ་མཚན་གྱིས་བྲིས་པ་འཇམ་མགོན་བླ་མའི་བསྟན་པ་ལ་བྱ་བ་བྱེད་པར་གྱུར་ཅིག །མངྒ་ལཾ། དགེའོ།། +
།ཅེས་གཏེར་ཆེན་རྡོ་རྗེ་འཆང་གི་ཞལ་སྔ་ནས་ཆོས་འདིའི་བདག་པོར་དབུགས་དབྱུང༌། ༢ རིག་འཛིན་སྣ་ཚོགས་རང་གྲོལ་ཞེས་མིང་གིས་ཅོད་པཎ་སྩལ། །ཁྲིད་ཡིག་དང་ཆ་ལག་རྣམས་ཆོག་ཁྲིགས་གྱིས་ཤིག་ཞེས་རྡོ་རྗེའི་བཀའ་ལུང་གནང་བ་ལྟར་བྲིས་པ་ལ་སླར་ཞུ་དག་ཕྲི་བསྣན་བཅས་བཀྲ་ཤིས་དུང་དཀར་འཁྱིལ་འདྲའི་རི་ཞོལ་རང་གནས་བསམ་གཏན་གྱི་ཁང་བུར་བླ་མ་ལ་གསོལ་བ་བཏབ་བཞིན་བྲིས་པའི་དགེ་བས་ལམ་འདིར་མོས་ཤིང་ཞུགས་པ་ཐམས་ཅད་ཚེ་འདིར་སྣང་བཞི་མཐར་ཕྱིན་ཏེ་དོན་གཉིས་ལྷུན་གྱིས་གྲུབ་པར་གྱུར་ཅིག། །དགེའོ། དགེའོ། དགེའོ།། +
།ཅེས་པའང་དམར་ཕྱོགས་མཁའ་འགྲོ་འདུ་བའི་དུས་ཆེན་གྱི་མཚན་མོར་གང་ཤར་རྡོ་རྗེའི་གླུ་རུ་བླངས་པ་གུཧྱཿ +
ཅེས་པ་འདི་ནི་མངའ་བདག་ཁྲི་སྲོང་ལྡེའུ་བཙན་གྱི་འབྲས་བུ་མཐར་ཕྱིན་པའི་སྐུ་མ་ཧཱ་པཎྜིཏ་འཇམ་དབྱངས་མཁྱེན་བརྩེའི་དབང་པོའི་ཞལ་སྔ་ནས་ཁྲིད་ལུང་ཟབ་ཅིང་རྒྱ་ཆེ་བ། གནས་མཆོག་འཆི་མེད་དཀར་མོ་སྟག་ཚང་བསམ་འགྲུབ་ཀེའུ་ཚང་གི་གཏེར་གནས་ཀྱི་སྒོ་དབྱེ་བའི་སྐབས་སུ་གནས་དེ་ཉིད་ཀྱི་དབུ་རྩེ་དང་གནས་ཀྱི་སྙིང་པོར། གཏེར་ཆེན་ཆོས་ཀྱི་རྒྱལ་པོ་མཆོག་གྱུར་བདེ་ཆེན་གླིང་པ་ཕྲིན་ལས་འགྲོ་འདུལ་རྩལ་ཡུམ་སྲས་གྲྭ་ཚང་དང་བཅས་པ་ལ། ཐུགས་དགྱེས་བཞིན་པའི་ངང་ནས་བསྩལ་བ་ཉིད་མི་བརྗེད་དྲན་གསོས་ཟིན་བྲིས་བྲི་འོས་ཞེས་མཆེད་གྲོགས་རྣམས་ཀྱིས་གསུངས་པ་དང་། ཁྱད་པར་ཡེ་ཤེས་ཌཱ་ཀི་བདེ་ཆེན་ཆོས་སྒྲོན་དང་། གནས་འཛིན་དགེ་བཤེས་མཁས་གྲུབ་དྷརྨ་རཱ་ཛ་བཅས་ཀྱི་གསུང་ངོ་མ་ལྡོག་པར་བྲིས་ཀྱང་། ད་ལམ་འཕྲལ་མཁོ་རང་གི་ཡིད་ལ་གོམས་ཕྱིར་བྲིས་པ་ཡིན་པས། ད་དུང་བཅོས་བསྒྱུར་འབྲི་བསྣན་སོགས་མང་དུ་དགོས་པས་དམ་པ་རྣམས་ཐུགས་མི་ཁྲེལ་བར་ཞུ། སརྦ་དཱ་ཀ་ལྱཱ་ཎཾ་བྷ་བ་ཏུ།། +
ཅེས་པའང་གསང་འཛིན་ཡེ་ཤེས་ཌཱ་ཀི་ཡུམ་སྲས་སྤྱི་དང༌། ལས་སྐལ་ལྡན་མ་དྷརྨ་སུ་ཁ་ནས་རྟེན་བཅས་བསྐུལ་ངོར་འཁོར་ལོའི་མགོན་པོའི་རྗེས་སུ་བཟུང་བའི་འཇིགས་མེད་མཁྱེན་བརྩེའི་འོད་ཟེར་གྱིས་བདེ་ཆེན་ཆོས་གླིང་དུ་བྲིས་པ་བསྟན་འགྲོའི་དགེ་མཚན་གྱི་དཔལ་དུ་གྱུར་ཅིག། +
།ཅེས་པའང་བསམ་འགྲུབ་དགོན་གྱི་མཆོག་སྤྲུལ་པདྨ་ཆོས་འཕེལ་ནས་ལྷ་རེག་དང་། ཧུ་ཛུས་ནང་གོས་ཀྱི་རྟེན་བཅས་བསྐུལ་ངོར། ཆོས་ཀྱི་བློ་གྲོས་པས་ལྷ་ལུང་ཆོས་གྲྭ་ཆེན་པོར་བྲིས་པ་དགེ་ལེགས་སུ་གྱུར་ཅིག །སརྦ་མངྒ་ལཾ།། +
ཉེར་གནས་འོད་ཟེར་མཐའ་ཡས་ཀྱིསཿ ཡིགེ་རིས་སུ་བཀོད་པ་སྟེཿ རང་ལ་མི་ལྡོག་ཕྲག་ཡང་ཞིངཿ འདོད་དོན་སྒྲུབ་ལ་ཐོགས་མེད་དོཿ བཀྲ་ཤིས་དཔལ་འབར་ཕུན་ཚོགས་དགེཿ +
།ཅེས་པའང་ཆུ་བྱ་ལོར་རྗེ་བཙུན་གྱི་གསུང་རབ་རྣམས་མཇལ་སྐབས་བློ་གྲོས་རྒྱ་མཚོས་ཤུགས་འབྱུང་དུ་གསོལ་བ་བཏབ་པའོ། +
།དེ་ལྟར་དཔལ་གསང་བ་འཛིན་པའི་བདག་ཉིད་ལག་ན་རྡོ་རྗེ་འཆང་བ་ལ་བསྟོད་པའི་རབ་ཏུ་བྱེད་པ་འདི་ནི་གཞོན་ནུ་ཨ་བྷཱ་ཡས་རང་གཞན་གྱི་དོན་དུ་ཉེ་བར་དམིགས་ཏེ་གང་ཤར་མྱུར་དུ་སྦྱར་བ་ཛ་ཡནྟུ།། +
།ཅེས་པའང་སྤྲེལ་ལོ་སྤྲེལ་ཟླའི་ཚེས་༢༨ལ་ལྷོ་བྲག་ལྷ་ལུང་དུ་ཡིད་ལ་གང་ཤར་བྲིས་པ་གུ་ཧྱ།། +
ཅེས་པའང་རྒྱལ་དབང་མཚོ་འཁྲུངས་རྒྱལ་བའི་རྒྱལ་ཚབ་འཇིགས་བྲལ་གྱི་སློབ་དཔོན་ཆེན་པོ་པདྨ་འོད་གསལ་མདོ་སྔགས་གླིང་པས་གསུང་གི་བསྐུལ་བ་སྔ་ཕྱིར་གནང་བ་དང༌། ཁྱད་པར་ཀུན་མཁྱེན་ཆེན་པོའི་དས་མཆོད་དང་འབྲེལ་བར་ཚོགས་ཀྱི་མཆོད་པའི་དས་སུ་རྩ་གསུམ་ལྷ་ལ་གནང་བ་ཞུས་ཤིང༌། དེ་ཉིན་ནས་བརྩམས་ཏེ་བྲིས་ཤིག་ཅེས་གསུང་གི་གནང་བ་བྱིན་པ་ལ་བརྟེན་ནས། བདག་འཇམ་དཔལ་དགྱེས་པའི་རྡོ་རྗེས་ཀྱང་མར་མེ་ཁྲི་ཕྲག་དང་ཚོགས་ཀྱི་མཆོད་པ་སོགས་ཕུལ་ནས་རྩ་གསུམ་ལྷ་ཡི་ཚོགས་ལ་གསོལ་བ་དྲག་ཏུ་བཏབ་སྟེ། རིག་འཛིན་བརྒྱུད་པའི་ལུང་དང༌། དཔལ་མགོན་བླ་མ་རྣམས་ཀྱི་གསུང་གི་སྣང་བ་དང་མ་བྲལ་བའི་བློ་གྲོས་ཀྱི་འཇུག་པས། ས་སྐྱོང་གི་ལོ་ཧོར་ཟླ་གསུམ་པའི་དཀར་ཕྱོགས་ཀྱི་ཚེས་བཅུ་ལ་རྫོགས་པར་གྲུབ་པ་ཉིད་ད་བགྱིས་པ་འདིས་ཀྱང་གསང་སྔགས་སྙིང་པོའི་བསྟན་པ་ཕྱོགས་དས་ཐམས་ཅད་པར་འཕེལ་ཞིང་རྒྱས་པའི་རྒྱུ་ལས་འགྲོ་ཀུན་བྱང་ཆུབ་མཆོག་གི་གནས་ཐོབ་པར་གྱུར་ཅིག།མངྒ་ལམ།། +
ཅེས་པའང་མཁྱེན་བརྩེའི་དབང་པོས་གསོལ་བ་བཏབ་པ་སིདྡྷི་རསྟུ། +
།ཅེས་པ་འདིའང་ཡོན་གྱི་བདག་པོ་སྨོན་འགྲུབ་ཁྱུང་རྩེ་རམ་པ་བའི་མི་དབང་གཞོན་ནུ་ཀུན་དགའི་མཚན་ཅན་གྱི་ཐུགས་དམ་ཉམས་བཞེས་ཟབ་མོ་སྤེལ་བའི་ཕྱིར་དང་། ཚུལ་འདིའི་རྣལ་འབྱོར་བསྒོམ་པར་འདོད་པའི་དགེ་ཚུལ་མ་རྣམ་རྒྱལ་ཆོས་སྒྲོན་གྱི་བློ་གྲོས་ཀྱི་ནུས་པ་དང་སྦྱར་ནས་བཙུན་པ་བློ་གསལ་བསྟན་སྐྱོང་གིས་སྒྲུབ་ཐབས་མ་མོའི་གཞུང་དོན་ཉུང་ངུར་བསྡུས་ནས་བྲིས་པའོ། +
།ཞེས་པའང་རང་འདྲའི་བློ་གྲོས་ཤིན་ཏུ་དམན་པ་རྣམས་ལ་ཕན་པའི་བསམ་པ་ཁོ་ནས་བྱ་བྲལ་བ་མཁྱེན་བརྩེའི་དབང་པོས་བྲིས་པ་སརྦ་སུ་ཤྲི་ཡོ་བྷ་བ་ཏུ།། +
གཟའ་མཆོག་མཆོད་སྒྲུབ་ཡང་ཞུན་ནོར་བུ་འདིཿ དྲི་མ་མེད་པའི་ཐུགས་ཀྱི་ཀློང་རུམ་ནསཿ ངོ་མཚར་གསང་བའི་བརྡ་རིས་ཤར་བ་བཞིནཿ ཡང་གསང་ནམ་མཁའ་མཛོད་ཀྱི་གཏེར་མཛོད་ལཿ དབང་སྒྱུར་གཏེར་སྨྱོན་ཁྲག་འཐུང་རྡོ་རྗེས་ཕབཿ ཡང་གསང་བླ་ན་མེད་པའི་ལྷ་མཆོག་འདིཿ སྙིང་འདྲའི་བརྒྱུད་པ་འཛིན་ལས་ཁྱབ་གདལ་དུཿ མ་སྤེལ་དམ་ཚིག་སྲོག་གི་བཀའ་རྒྱ་ཡོདཿ ཡི་གེའི་འདུ་བྱེད་ལྷ་འདིར་མོས་པའི་བུཿ རིག་པའི་ཡེ་ཤེས་ཞེས་བྱས་འགྱིས་པ་སྟེཿ ཕྲིན་ལས་མྱུར་འགྲུབ་བསྟན་དགྲ་ཚར་ཆོད་ཤོགཿ ས་མ་ཡཿ གུ་ཧྱཿ སྐུ་གསུང་ཐུགས་ཀྱི་རྒྱཿ དགེའོཿ +
།ཅེས་པའང་བསམ་ཡས་རྟ་མགྲིན་གླིང་དུ་འདི་ཉིད་ཀྱི་དཀྱིལ་འཁོར་དུ་ཚོགས་ཀྱི་འཁོར་ལོའི་འདུ་བ་བརྒྱ་ཕྲག་ཐལ་བ་བགྱིས་པའི་ཚེ་རིག་པ་འཛིན་པ་འཇིགས་པ་མེད་པའི་སྡེས་གང་ཤར་གསོལ་བ་བཏབ་པ་སིདྡྷི་རསྟུ།། +
།ཅེས་ཨ་མ་ཀརྨ་སྒྲོལ་མས་སྐུལ་ངོར་མངྒལ་ཤྲཱི་བྷཱུ་ཏིས་སོ།། +
།ཞེས་པ་རྣམས་ཀྱང་དབང་གི་སྤྱི་དོན་དང་འབྲེལ་བའི་ཟིན་ཐུན་རགས་པ་ཙམ་མོ། །སརྦ་མངྒ་ལཾ།། +
།ཅེས་གསང་སྤྱོད་སྙན་བརྒྱུད་ཀྱི་གཤིན་དོན་གནས་ལུང་གི་ཆོ་ག་འདི་ལྟར་བྲིས་ཞེས་རང་སློབ་ལྷ་རྗེ་ཚེ་རིང་ཕུན་ཚོགས་ནས་ལྷ་རྫས་བཅས་བསྐུལ་བ་དོན་ཡོད་པའི་ཕྱིར་དུ། འཇམ་དབྱངས་ཆོས་ཀྱི་བློ་གྲོས་པས་རྗེ་གཤོངས་ཆེན་ཆེན་པོའི་གསུངས་ཉིད་རྩ་བར་བཟུང་ནས་མཁས་ཤིང་གྲུབ་པ་བརྙེས་པའི་རྡོ་རྗེ་འཛིན་པ་ཆེན་པོ་རྣམས་ཀྱི་ཕྱག་བཞེས་ཀྱིས་ཟུར་བརྒྱན་ཏེ་རྫོང་གསར་བཀྲ་ཤིས་ལྷ་རྩེའི་ཆོས་སྡེ་ཆེན་པོར་སྣྲོན་ཟླ་ཚེས་བཅུ་བཟང་པོར་བྲིས་པ་འདིས་ཀྱང་སེམས་ཅན་ལ་ཕན་པ་རྒྱ་ཆེན་པོ་འབྱུང་བར་གྱུར་ཅིག །ཤུབྷཾ།། +
།ཞེས་པའང་མཉྫུ་གྷོ་ཥས་བརྗེད་བྱང་དུ་བྲིས་པ་དགེ། །མངྒ་ལཾ་བྷ་བ་ཏུ། +
