JKW-KABUM-22-ZA-012-102

Previous Text Back to Volume PageNext Text

གསང་བ་སྔགས་ཀྱི་དོན་བསྡུས་རྡོ་རྗེའི་ཐོལ་གླུ་རིག་འཛིན་ཌཱ་ཀིའི་ཞལ་ལུང་།

Wylie title	gsang ba sngags kyi don bsdus rdo rje'i thol glu rig 'dzin DA ki'i zhal lung
Location	mkhyen brtse'i bka' 'bum Volume 22, sde tshan 12, Text 102, Pages 620-623 (Folios 138b6 to 140a2)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. gsang ba sngags kyi don bsdus rdo rje'i thol glu rig 'dzin DA ki'i zhal lung. In 'jam dbyangs mkhyen brtse'i dbang po'i bka' 'bum, Vol. 22: 620-623. Khams sde dge rdzong sar dgon: Rdzong sar blo gros phun tshogs, 2020.
Genre	Vajra Songs - rdo rje'i glu
Colophon	།ཅེས་པའང་དམར་ཕྱོགས་མཁའ་འགྲོ་འདུ་བའི་དུས་ཆེན་གྱི་མཚན་མོར་གང་ཤར་རྡོ་རྗེའི་གླུ་རུ་བླངས་པ་གུཧྱཿ
	ces pa'ang dmar phyogs mkha' 'gro 'du ba'i dus chen gyi mtshan mor gang shar rdo rje'i glu ru blangs pa guh+yaH

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

གསང་བསྔགས་ཀྱི་དོན་བསྡུས་རྡོ་རྗེའི་ཐོལ་གླུ་རིག་འཛིན་ཌཱ་ཀིའི་ཞལ་ལུང་ཞེས་བྱ་བ། ཨེ་མ་ཧོ། གདོད་ནས་རྣམ་དག་ནང་གསལ་ཆོས་སྐུའི་གཤིས་ལུགས་སུ། །ཞལ་ཕྱག་མཚན་འཛིན་སྤྲོས་པ་འདས་ཀྱང་ཕྱིར་གསལ་གདངས། །ཁ་སྦྱོར་ཡན་ལག་བདུན་ལྡན་ལོངས་སྤྱོད་རྫོགས་པའི་གར། །འགྲོ་བའི་མོས་ངོར་སྣ་ཚོགས་སྟོན་པར་མཛད་དེ་རྒྱལ། །རྒྱུ་ལས་ཁྱད་ཞུགས་འབྲས་བུར་གྱུར་པའི་རྡོ་རྗེའི་ཐེག །ཟབ་དང་རྒྱ་ཆེའི་ལམ་ནས་མྱུར་བདེའི་བཅུད་སྦྱིན་ཅིང་། །ལྟ་བ་ཤིན་ཏུ་རྣམ་དག་མཉམ་པ་ཆེན་པོ་སྟེ། །འདིར་ནི་དེ་ཡི་བརྗོད་བྱར་གྱུར་པ་ཅུང་ཞིག་བསྟན། །ཐོག་མ་ཐ་མ་མཐའ་དང་དབུས་བྲལ་རྡོ་རྗེའི་ཁམས། །བཅིངས་གྲོལ་ལས་འདས་གློ་བུར་སྒྲིབ་ཚོགས་བཏགས་པའི་གཞི། །དོན་དམ་སྐར་བདུན་རྩལ་སྣང་ལས་སྐྱེས་སྐུ་ཡེ་ཤེས། །བདེན་གཉིས་དབྱེར་མེད་ཟུང་དུ་འཇུག་པའི་ཧེ་རུ་ཀཿ དེ་ཉིད་རྟོགས་ཤིང་གོམས་བྱེད་རིམ་པ་རྣམ་པ་གཉིས། །བསྐྱེད་དང་རྫོགས་པ་དངོས་བཏགས་ཀྱིས་དབྱེ་ལམ་གྱི་མཆོག །མཐར་ཐུག་རྫོགས་རིམ་ཆེན་པོ་འབྲས་བུའི་ཐུས་ཀ་སྟེ། །སུམ་ཆར་རྣམ་པར་ངེས་པ་ཁམས་དབང་བསམ་པའི་ཕྱིར། །བློ་བཟང་དང་པོ་གང་ཞིག་འཇུག་འདོད་ལས་ཅན་དེས། །སྨིན་པར་བྱེད་པས་བསྒོམ་དང་ཐོབ་རུང་སྐལ་བ་ཆེ། །འཇོག་ཕྱིར་གཞི་ལམ་འབྲས་བུའི་ཚུལ་གྱིས་ཤེས་བླངས་ཏེ། །སྡོམ་དང་དམ་ཚིག་དག་ལ་རྟག་ཏུ་ཉེར་གནས་བྱ། །ཡུལ་ལ་ལྟོས་པའི་སྟོང་ཉིད་དབུ་མའི་ལྟ་བ་ཆེ། །ཡུལ་ཅན་བདེ་བ་ཆེན་པོའི་ཡེ་ཤེས་ཀྱིས་བསྡམས་པས། །བདེ་སྟོང་ཟུང་འཇུག་རྣམ་ཀུན་མཆོག་ལྡན་གོ་འཕང་ལ། །སྦྱོར་བར་བྱེད་པ་ཐུན་མོང་མ་ཡིན་གྲུབ་པའི་མཐའ། །སྐྱེ་སོགས་བག་ཆགས་སྦྱང་ཕྱིར་རྗེས་སུ་མཐུན་པ་ཉིད། །དག་རྫོགས་སྨིན་གསུམ་ལྡན་པ་ཤེས་དང་འཇུག་པ་ཡིས། །རྣམ་པར་བསྒོམ་པས་ཉམས་ལྔ་མ་ལུས་ལྷུན་གྲུབ་སྟེ། །བསྙེན་སྒྲུབ་ཡན་ལག་རྣམ་བཞིས་རིག་འཛིན་གོ་འཕང་བགྲོད། །ཐབས་ཤེས་ཟུང་འཇུག་གསལ་སྟོང་དབྱེར་མེད་ཉམས་ལེན་ལ། །སྙིང་པོར་བཟུང་བས་དོན་དམ་ཐོབ་པར་འདོད་ཀུན་དང་། །རྩ་རླུང་ཐིག་ལེའི་ཁམས་ལ་གནད་དུ་བསྣུན་པ་ཡིས། །བདེ་སྟོང་མདུད་གྲོལ་ས་ལམ་ཡོན་ཏན་མྱུར་དུ་རྫོགས། །ཁྱད་པར་གཞི་དོན་ཀ་དག་གདོད་མའི་གནས་ལུགས་ཆེ། །འཇལ་བྱེད་སྡེ་གསུམ་རྫོགས་པའི་རིམ་པ་ཀུན་གྱི་རྩེ། །ལམ་མཆོག་བླ་མེད་ལྷུན་གྲུབ་ཐིག་ལེ་ཆེན་པོའི་དབྱིངས། །ཡིད་དཔྱོད་བློ་དང་བཅས་པའི་ཚོགས་ཀུན་ངལ་བསོས་ཤིག །གློ་བུར་སྒྲིབ་བྲལ་ངོ་བོའི་ཡོན་ཏན་མཐར་ཕྱིན་པའི། །སྤངས་རྟོགས་ཡོངས་རྫོགས་སྐུ་དང་ཡེ་ཤེས་ཕྲིན་ལས་མཐའ། །བསམ་གྱིས་གཞལ་དཀའ་རྟག་ཁྱབ་ལྷུན་གྲུབ་དབང་འབྱོར་ནས། །འགྲོ་སྒྲོལ་ཕྲིན་ལས་མཆོག་ལ་ཡོངས་སུ་སྤྱོད་པར་འགྱུར། །འདི་ནི་ས་བོན་ཙམ་གྱིས་བསྡུས་པའི་ཚིག་གི་ཕྲེང་། །རིག་འཛིན་ཌཱ་ཀིའི་རྣམ་པར་ཕྱེ་བའི་ཞལ་ལུང་ལས། །ཡིན་ཕྱིར་དེ་ལ་སོ་སྐྱེའི་བློ་ཡིས་ནོངས་གྱུར་གང་། །སྟོན་དང་བསྟན་པའི་ཚོགས་ལ་སྙིང་ནས་བཟོད་པར་གསོལ། །ཅུང་ཟད་དགེ་བའི་ཚོགས་མཆིས་གང་ཡང་རྣམ་པར་རྟོག །བྲལ་བའི་དམིགས་མེད་བསྔོ་བའི་ཚོགས་ཀྱི་རྗེས་ཞུགས་ཏེ། །སྦྱིན་པར་བྱའོ་མཐུ་དེས་ཀུན་ཁྱབ་གདོད་མའི་དངོས། །རྟོགས་ཏེ་མཐར་ཕྱིན་གོ་འཕང་མཆོག་ལ་གནས་གྱུར་ཅིག །ཅེས་པའང་དམར་ཕྱོགས་མཁའ་འགྲོ་འདུ་བའི་དུས་ཆེན་གྱི་མཚན་མོར་གང་ཤར་རྡོ་རྗེའི་གླུ་རུ་བླངས་པ་གུཧྱཿ ༈

[edit]

gsang ba sngags kyi don bsdus rdo rje'i thol glu rig 'dzin DA ki'i zhal lung /__ gsang bsngags kyi don bsdus rdo rje'i thol glu rig 'dzin DA ki'i zhal lung zhes bya ba/__e ma ho/__gdod nas rnam dag nang gsal chos sku'i gshis lugs su/__/zhal phyag mtshan 'dzin spros pa 'das kyang phyir gsal gdangs/__/kha sbyor yan lag bdun ldan longs spyod rdzogs pa'i gar/__/'gro ba'i mos ngor sna tshogs ston par mdzad de rgyal/__/rgyu las khyad zhugs 'bras bur gyur pa'i rdo rje'i theg__/zab dang rgya che'i lam nas myur bde'i bcud sbyin cing /__/lta ba shin tu rnam dag mnyam pa chen po ste/__/'dir ni de yi brjod byar gyur pa cung zhig bstan/__/thog ma tha ma mtha' dang dbus bral rdo rje'i khams/__/bcings grol las 'das glo bur sgrib tshogs btags pa'i gzhi/__/don dam skar bdun rtsal snang las skyes sku ye shes/__/bden gnyis dbyer med zung du 'jug pa'i he ru kaH__de nyid rtogs shing goms byed rim pa rnam pa gnyis/__/bskyed dang rdzogs pa dngos btags kyis dbye lam gyi mchog__/mthar thug rdzogs rim chen po 'bras bu'i thus ka ste/__/sum char rnam par nges pa khams dbang bsam pa'i phyir/__/blo bzang dang po gang zhig 'jug 'dod las can des/__/smin par byed pas bsgom dang thob rung skal ba che/__/'jog phyir gzhi lam 'bras bu'i tshul gyis shes blangs te/__/sdom dang dam tshig dag la rtag tu nyer gnas bya/__/yul la ltos pa'i stong nyid dbu ma'i lta ba che/__/yul can bde ba chen po'i ye shes kyis bsdams pas/__/bde stong zung 'jug rnam kun mchog ldan go 'phang la/__/sbyor bar byed pa thun mong ma yin grub pa'i mtha'/__/skye sogs bag chags sbyang phyir rjes su mthun pa nyid/__/dag rdzogs smin gsum ldan pa shes dang 'jug pa yis/__/rnam par bsgom pas nyams lnga ma lus lhun grub ste/__/bsnyen sgrub yan lag rnam bzhis rig 'dzin go 'phang bgrod/__/thabs shes zung 'jug gsal stong dbyer med nyams len la/__/snying por bzung bas don dam thob par 'dod kun dang /__/rtsa rlung thig le'i khams la gnad du bsnun pa yis/__/bde stong mdud grol sa lam yon tan myur du rdzogs/__/khyad par gzhi don ka dag gdod ma'i gnas lugs che/__/'jal byed sde gsum rdzogs pa'i rim pa kun gyi rtse/__/lam mchog bla med lhun grub thig le chen po'i dbyings/__/yid dpyod blo dang bcas pa'i tshogs kun ngal bsos shig__/glo bur sgrib bral ngo bo'i yon tan mthar phyin pa'i/__/spangs rtogs yongs rdzogs sku dang ye shes phrin las mtha'/__/bsam gyis gzhal dka' rtag khyab lhun grub dbang 'byor nas/__/'gro sgrol phrin las mchog la yongs su spyod par 'gyur/__/'di ni sa bon tsam gyis bsdus pa'i tshig gi phreng /__/rig 'dzin DA ki'i rnam par phye ba'i zhal lung las/__/yin phyir de la so skye'i blo yis nongs gyur gang /__/ston dang bstan pa'i tshogs la snying nas bzod par gsol/__/cung zad dge ba'i tshogs mchis gang yang rnam par rtog__/bral ba'i dmigs med bsngo ba'i tshogs kyi rjes zhugs te/__/sbyin par bya'o mthu des kun khyab gdod ma'i dngos/__/rtogs te mthar phyin go 'phang mchog la gnas gyur cig__/ces pa'ang dmar phyogs mkha' 'gro 'du ba'i dus chen gyi mtshan mor gang shar rdo rje'i glu ru blangs pa guh+yaH__!_