གསང་བདག་ཟབ་སྒྲུབ་བརྒྱུད་འདེབས་རྡོ་རྗེའི་བྱིན་རླབས་མཆོག་སྩོལ།

🚧 This website is under continued development. We appreciate your patience!

Previous Text Back to Volume PageNext Text

Wylie title	gsang bdag zab sgrub brgyud 'debs rdo rje'i byin rlabs mchog stsol
Location	dil mgo mkhyen brtse bka' 'bum Volume 10, Text 20, Pages 93 (Folios 1a1 to 1a6)
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Tertön	ཀློང་ཆེན་ཡེ་ཤེས་རྡོ་རྗེ་ (Kangyur Rinpoche)
Associated People	པདྨ་འབྱུང་གནས་ (pad+ma 'byung gnas)
Citation	Khyentse, Dilgo. Gsang bdag zab sgrub brgyud 'debs rdo rje'i byin rlabs mchog stsol. In Skyabs rje dil mgo mkhyen brtse rin po che'i bka' 'bum, Vol. 10: 93. Delhi: Shechen Publications, 1994.
Genre	Lineage Supplications - brgyud 'debs
Cycle	གསང་བདག་པདྨ་ཐུགས་ཐིག་ (gsang bdag pad+ma thugs thig)
Colophon	ཅེས་པའང་གསང་འཛིན་ཡེ་ཤེས་ཌཱ་ཀི་ཡུམ་སྲས་སྤྱི་དང༌། ལས་སྐལ་ལྡན་མ་དྷརྨ་སུ་ཁ་ནས་རྟེན་བཅས་བསྐུལ་ངོར་འཁོར་ལོའི་མགོན་པོའི་རྗེས་སུ་བཟུང་བའི་འཇིགས་མེད་མཁྱེན་བརྩེའི་འོད་ཟེར་གྱིས་བདེ་ཆེན་ཆོས་གླིང་དུ་བྲིས་པ་བསྟན་འགྲོའི་དགེ་མཚན་གྱི་དཔལ་དུ་གྱུར་ཅིག།
	ces pa'ang gsang 'dzin ye shes DA ki yum sras spyi dang*/_las skal ldan ma d+harma su kha nas rten bcas bskul ngor 'khor lo'i mgon po'i rjes su bzung ba'i 'jigs med mkhyen brtse'i 'od zer gyis bde chen chos gling du bris pa bstan 'gro'i dge mtshan gyi dpal du gyur cig/

Tibetan Text

Wylie

[edit]

༄༅། །གསང་བདག་ཟབ་སྒྲུབ་བརྒྱུད་འདེབས་རྡོ་རྗེའི་བྱིན་རླབས་མཆོག་སྩོལ་ཞེས་བྱ་བ་བཞུགས། །ཀུན་ཁྱབ་བདེ་ཆེན་སྟོན་པ་ཀུན་ཏུ་བཟང༌། །རིགས་ཀུན་ཁྱབ་བདག་དཔལ་ལྡན་རྡོ་རྗེ་སེམས། །གསང་ཆེན་བཀའ་ཡི་སྡུད་པོ་རྡོ་རྗེ་འཛིན། །གསོལ་བ་འདེབས་སོ་བདུད་ལས་རྣམ་རྒྱལ་ཤོག །སྐུ་གསུམ་དབྱེར་མེད་ཨོ་རྒྱན་ཐོད་ཕྲེང་རྩལ། །ཧཱུྃ་ཆེན་ཀ་ར་གུ་ཧྱ་ཙནྡྲ་དང༌། །དགོངས་པ་དབྱེར་མེད་རྗེ་འབངས་གྲོགས་ལྔ་ལ། །གསོལ་བ་འདེབས་སོ་བདུད་ལས་རྣམ་རྒྱལ་ཤོག །ཟབ་གཏེར་བཀའ་བབས་ཀློང་ཆེན་ཛྙཱ་ནའི་མཚན། །ལས་ཅན་ཆོས་བདག་དཀྱིལ་འཁོར་ལྷ་ཚོགས་དང༌། །གདུག་པ་འདུལ་མཛད་རྟ་མཆོག་ཡེ་ཤེས་ཁྱུང༌། །གསོལ་བ་འདེབས་སོ་བདུད་ལས་རྣམ་རྒྱལ་ཤོག །དད་བརྩོན་དབང་གིས་རྒྱུད་སྨིན་དམ་ཚིག་དག །བསྐྱེད་རིམ་སྐུ་ཡི་གསལ་སྣང་ཚད་དུ་སྨིན། །བཟླས་བརྗོད་སྔགས་ཀྱི་ནུས་མཐུ་མངོན་དུ་གྱུར། །ཡེ་ཤེས་དགོངས་པས་སྣང་སྲིད་དབང་བསྒྱུར་ཤོག །ཅེས་པའང་གསང་འཛིན་ཡེ་ཤེས་ཌཱ་ཀི་ཡུམ་སྲས་སྤྱི་དང༌། ལས་སྐལ་ལྡན་མ་དྷརྨ་སུ་ཁ་ནས་རྟེན་བཅས་བསྐུལ་ངོར་འཁོར་ལོའི་མགོན་པོའི་རྗེས་སུ་བཟུང་བའི་འཇིགས་མེད་མཁྱེན་བརྩེའི་འོད་ཟེར་གྱིས་བདེ་ཆེན་ཆོས་གླིང་དུ་བྲིས་པ་བསྟན་འགྲོའི་དགེ་མཚན་གྱི་དཔལ་དུ་གྱུར་ཅིག། །།

[edit]

gsang bdag zab sgrub brgyud 'debs rdo rje'i byin rlabs mchog stsol zhes bya ba bzhugs/_/kun khyab bde chen ston pa kun tu bzang*/_/rigs kun khyab bdag dpal ldan rdo rje sems/_/gsang chen bka' yi sdud po rdo rje 'dzin/_/gsol ba 'debs so bdud las rnam rgyal shog_/sku gsum dbyer med o rgyan thod phreng rtsal/_/hU~M chen ka ra gu h+ya tsan+d+ra dang*/_/dgongs pa dbyer med rje 'bangs grogs lnga la/_/gsol ba 'debs so bdud las rnam rgyal shog_/zab gter bka' babs klong chen dz+nyA na'i mtshan/_/las can chos bdag dkyil 'khor lha tshogs dang*/_/gdug pa 'dul mdzad rta mchog ye shes khyung*/_/gsol ba 'debs so bdud las rnam rgyal shog_/dad brtson dbang gis rgyud smin dam tshig dag_/bskyed rim sku yi gsal snang tshad du smin/_/bzlas brjod sngags kyi nus mthu mngon du gyur/_/ye shes dgongs pas snang srid dbang bsgyur shog__/ces pa'ang gsang 'dzin ye shes DA ki yum sras spyi dang*/_las skal ldan ma d+harma su kha nas rten bcas bskul ngor 'khor lo'i mgon po'i rjes su bzung ba'i 'jigs med mkhyen brtse'i 'od zer gyis bde chen chos gling du bris pa bstan 'gro'i dge mtshan gyi dpal du gyur cig/__//