Property:colophontib
From Khyentse Lineage - A Tsadra Foundation Project
This is a property of type Text.
མ
མདོ་ཁམས་སྨར་ཁམས་སྒང་གི་ཆར་གཏོགས་རྒྱ་སྣེ་སྟེང་ཐུབ་བསྟན་དར་རྒྱས་གླིང་གི་བཅའ་ཁྲིམས་སྙིང་པོར་དྲིལ་བའི་གཏམ་ཕན་བདེའི་ས་བོན། +
།ཅེས་པའང་བཟོ་གནས་སྤྲུལ་པའི་སྐུའི་རིག་ལམ་རྒྱ་མཚོར་བྱང་ཆུབ་ཅིང་། དཀོན་མཆོག་དང་ལས་འབྲས་ལ་རྩེ་གཅིག་ཏུ་གུས་པའི་དགེ་བའི་བཤེས་གཉེན་ཀརྨ་ཆོས་འཕེལ་གྱི་ཐུགས་བཞེད་ལྟར། རིས་མེད་པའི་བསྟན་པ་ལ་དག་པའི་སྣང་བ་གཅིག་ཏུ་དཀར་ཞིང་། དམ་པའི་སྐྱེས་བུ་དུ་མས་རྗེས་སུ་བཟུང་བ་འཇིགས་བྲལ་གྱི་སློབ་དཔོན་འཇམ་དབྱངས་མཁྱེན་བརྩེའི་དབང་པོ་ཀུན་དགའ་བསྟན་པའི་རྒྱལ་མཚན་དཔལ་བཟང་པོས་རབ་ཚེས་ལྕགས་ཕོ་རྟའི་ལོའི་རྒྱལ་ཟླ་བའི་དཀར་ཕྱོགས་ཀྱི་རྒྱལ་བ་གསུམ་པ་ལ་ཤར་མར་སྤེལ་བ་དོན་དང་ལྡན་པར་བླ་མ་རྒྱལ་བ་སྲས་དང་བཅས་པས་བྱིན་གྱིས་བརླབ་ཏུ་གསོལ། སརྦ་དཱ་ཀ་ལྱཱ་ཎཾ་བྷ་བ་ཏུ། +
མདོ་སྔགས་བསྟན་པ་རིན་པོ་ཆེའི་ཆོས་ཀྱི་བྱུང་ཚུལ་ལས་བརྩམས་པའི་ལོ་རྒྱུས་དང་རྣམ་ཐར་ཤིན་ཏུ་མང་པོ་ངོ་མཚར་ལྷའི་པད་ཚལ། +
།ཞེས་པའང་ཆེད་དུ་བརྗོད་པའོ། །སརྦ་དཱ་མངྒ་ལཾ།། +
སྔགས་འབུམ་རིགས་ཉེ་བར་མཁོ་བ་ཟབ་བསྡུས་ཕྱོགས་བསྒྲིལ་འདི་རིགས་རྗེ་བླ་མའི་ཕྱག་བྲིས་དངོས་ལས་བཤུས་ཤིན་ཏུ་དག་པར་རྣམ་དཀར་སྤར་གྱི་ཕྱི་མོ་བཀོད་པ་དགེ་ལེགས་ཀྱི་སྣང་བས་འཇིག་རྟེན་གསུམ་དུ་ཁྱབ་པར་གྱུར་ཅིག །སརྦ་དཱ་ཀ་ལྱཱ་ཎཾ་བྷ་བ་ཏུ། །དགེའོ། །དགེའོ། །དགེའོ།། +
ཆོས་རྗེ་དཔལ་སྤྲུལ་རིན་པོ་ཆེས་ཀུན་བཟང་ཐེག་མཆོག་རྡོ་རྗེར་གསུངས་པའི་སྐབས་སུ་མཛད་པའོ།། +
།ཅེས་རྫོགས་པ་ཆེན་པོ་སེམས་ཕྱོགས་ཀྱི་གཞུང་ཁྲིད་ཉང་ལུགས་ཀྱི་བརྒྱུད་འདེབས་སོ།། +
བདག་འདྲ་དུས་མཐའི་གཏེར་སྨྱོན་ཁྲག་འཐུང་དཔའ་བོའི་བརྡ་རིས་ལས་བཤུས་ཤིང་གྲོགས་ཀྱི་བཀའ་ལྟར་ཁྲིགས་སུ་བསྡེབས་པ་གསང་པའི་སྡེ་ཚན་ཏེཿ ཡི་གེ་འདུ་བྱེད་སློབ་བུར་རསྨིའི་མིང་འཛིན་གྱིས་བགྱིས་པ་གུ་ཧྱཿ +
ཅེས་པའང་དགེ་སྦྱོང་འགྱུར་མེད་བཟང་པོས་གསུང་ངོར་མཁྱེན་བརྩེའི་དབང་པོས་སྤེལ་བ་སིདྡྷི་རསྟུ།། +
།མཚན་ཡང་དག་པར་བརྗོད་པའི་འཇམ་དཔལ་གྱི་རྗེས་སུ་གནང་བ་འདི་ཉིད་ཉེ་བར་མཁོ་བའི་དབང་གིས་མང་དུ་ཐོས་པའི་བྱ་བྲལ་བ་འཇམ་དབྱངས་མཁྱེན་བརྩེའི་དབང་པོས། ཐམས་ཅད་མཁྱེན་པ་དཀོན་མཆོག་ལྷུན་གྲུབ་ཀྱི་གསུང་རབ་ཇི་ལྟ་བ་བཞིན་ཤིན་ཏུ་གསལ་བར་བཀོད་པ་དགེ་ལེགས་སུ་གྱུར་ཅིག །སྒྲུབ་ཐབས་བརྒྱ་རྩ་ནས་འབྱུང་བའི་ལྷག་པའི་ལྷ་ཐམས་ཅད་ལ་རྗེས་གནང་གི་ཆིངས་འདི་ཉིད་སྦྱར་བར་བྱ་བ་ཡིན་ནོ། +
།ཞེས་པའང་འཇམ་དབྱངས་མཁྱེན་བརྩེའི་དབང་པོས་གསོལ་བ་བཏབ་པ་སིདྡྷི་རསྟུ། སྒྲུབ་ཐབས་བརྒྱ་རྩའི་རྗེས་གནང་ཐམས་ཅད་ཀྱི་བརྒྱུད་འདེབས་ལ་འདི་སྦྱར་དུ་རུང་ངོ་།། +
།ཅེས་པའང་དངུལ་ར་དགོན་གྱི་བླ་མ་སྟག་མོ་དགོན་གསར་འདེབས་པོ་བློ་གྲོས་ནས་བསྐུལ་ངོར་ཆོས་ཀྱི་བློ་གྲོས་པས་སོ།། +
།ཅེས་པའང་སྟག་མོ་དགོན་གསར་གྱི་གནས་གཞིའི་གསོལ་མཆོད་ཆོས་ཀྱི་བློ་གྲོས་པས་སོ།། +
།ཞེས་པ་འདིའང་༧རྗེ་གོང་མའི་ཞལ་སློབ་སྒྲུབ་བརྩོན་ལྷག་བསམ་ལྡན་པ་གྲུ་གྲྭ་ཡོན་ཏན་མཁས་མཆོག་མཆོག་གིས། བསྟན་པའི་མིག་རྒྱན་དུ་ངེས་དོན་གྱི་མེ་རོ་གསོ་ཕྱིར་དང་། འགྲོ་བ་རྒྱ་མཚོ་དགེ་བའི་ཆུ་ཐིགས་ཀྱིས་བྲན་པ་དང་། རང་གཞན་དཀོར་གྱི་སྒྲིབ་སྦྱོང་བྱ་བའི་ཆེད་དུ་དམིགས་ནས་གྲུ་དགོན་བསམ་གཏན་ཆོས་གླིང་དུ། སྒྲུབ་གྲྭ་རེར་མཚམས་ཕོག་གི་རྟེན་དོད་བཅས་ཇི་སྲིད་ནམ་གནས་བར་བཞག་པའི་སྐབས། མཚམས་སྒྲུབ་བྱ་ཚུལ་གྱི་ས་བཅད་ཙམ་བྲིས་ཏེ་འཆད་དགོས་བསྐུལ་བ་བཞིན་༧གྲུབ་པའི་རིགས་སུ་སྐྱེས་པས་འདི་ལྟར་ལྷག་བསམ་གྱིས་སྤེལ་བ་དགེའོ།། +
མཚུངས་བྲལ་བསྟན་འགྲོའི་དཔལ་མགོན་རྒྱལ་ཚབ་མཆོག་སྤྲུལ་རིན་པོ་ཆེའི་མྱུར་འབྱོན་གསོལ་འདེབས་དོན་ཀུན་གྲུབ་པའི་་དབྱངས་སྙན། +
།ཅེས་པའང་སྔ་འགྱུར་བསྟན་པའི་རྩ་ལག་ཆེན་པོ་ཞེ་ཆེན་བླ་བྲང་པས་གསུང་བསྐུལ་གནང་བ་ལྟར། ཤཱཀྱའི་བཙུན་པ་བྱ་བྲལ་བ་འཇམ་དབྱངས་མཁྱེན་བརྩེའི་དབང་པོས་རྩེ་གཅིག་གུས་པའི་གདུལ་ཤུགས་དྲག་པོས་གང་ཤར་གསོལ་བ་བཏབ་པ་དེ་དེ་བཞིན་དུ་འགྲུབ་པར་བླ་མ་རྒྱལ་བ་སྲས་དང་བཅས་པས་བྱིན་གྱིས་བརླབ་ཏུ་གསོལ།། +
མཚུངས་བྲལ་རྒྱལ་བའི་མྱུ་གུ་ཨོ་རྒྱན་འཇིགས་མེད་ཆོས་ཀྱི་དབང་པོའི་རྟོགས་བརྗོད་ཕྱོགས་ཙམ་གླེང་བ་བདུད་རྩིའི་ཟིལ་ཐིགས། +
།ཅེས་པའང་མཁས་བཙུན་བཟང་པོའི་ཡོན་ཏན་གྱིས་མངོན་པར་ཕྱུག་པའི་ར་ཧོར་སྤྲུལ་སྐུ་མཉྫུའི་མཚན་ཅན་གྱིས་རིན་པོ་ཆེའི་གནང་རྟེན་དང་བཅས་ནན་བསྐུལ་མཛད་པ་ལྟར། རྗེ་བཙུན་བླ་མ་མཆོག་དེའི་བཀའ་འབངས་ཀྱི་ཐ་ཆུང་འཇིགས་མེད་བསྟན་པའི་ཉི་མས་ཡིད་ལ་དྲན་ཚད་སྨྲས་རིམ་ལྟར་དཀོན་མཆོག་ཆོས་འཕེལ་བཟང་པོས་ཡི་གེར་བྲིས་པ་དགེ་བ་གྱུར་ཅིག །མཛད་པའི་གོ་རིམ་སོགས་རང་གིས་ཇི་བཞིན་མ་ངེས་པའི་འཁྲུལ་པ་མང་དུ་ཡོད་ཤས་ཆེ་བ་རྣམ་ཐར་ལ་འདྲིས་ཞིབ་ཆེ་བ་རྣམས་ཀྱིས་བཅོས་རོགས་མཛད་ན་རྗེས་སུ་ཡི་རང་ངོ་།། +
།།དེ་ལྟ་བུའི་སྐྱེས་ཆེན་དེ་ཉིད་ཀྱིས་གདུལ་བྱའི་ཁམས་དབང་དང་འཚམ་པའི་གསུང་རྩོམ་ཇི་སྙེད་ཅིག་ཡོད་པ་ལས། གྲུ་རི་གསོལ་སྡེར་བཀྲ་ཤིས་སྒར་ནང་དཔར་དུ་འཁོད་པའི་གླེགས་བམ་ཐབས་ཤེས་མཚོན་བྱེད་ཨེ་ཝཾ་རྟགས་ཅན་གྱི་པོད་ཆེན་གཉིས་བཞུགས་ཡོད་འདུག་ཀྱང་། འདི་ཕྱོགས་སུ་དཔེ་རྒྱུན་ཤིན་ཏུ་དཀོན་པར་བརྟེན། སྨན་ལྗོངས་ནགས་མའི་ཚལ་གྱི་༧གྲུབ་དབང་བསོད་ནམས་བཟང་པོ་རིན་པོ་ཆེ་མཆོག་གི་ཐུགས་ཀྱི་སྲས་མཆོག །རྒྱལ་མཚན་སྤྲུལ་སྐུའམ་ཀུན་བཟང་བསྟན་པའི་རྒྱལ་མཚན་རིན་པོ་ཆེ་ཞེས་ཡོངས་སུ་གྲགས་ཤིང་སྒྲུབ་པའི་རྒྱལ་མཚན་འཛིན་པ་མཆོག་ནས། འབད་རྩོལ་ཆེན་པོས་གསུང་འབུམ་རིན་པོ་ཆེ་ཡོངས་རྫོགས་གསར་བཞེངས་དང་འབྲེལ། ཞུ་དག་དང་པར་བསྐྲུན་སོགས་ཁོ་བོ་ལ་བགྱི་འོས་ཀྱི་བཀའ་བཟང་སྤྱི་བོར་ཕེབས་པ་ལྟར། ལེགས་སོ་ཞེས་དང་བླངས་ཞུ་ཁུལ་བྱས་ཀྱང་། ཟིན་དུ་མེད་པའི་བྱ་གཞག་ཆུའི་གཉེར་མ་འདྲ་བས་མགོ་བོ་འཁོར་ཅིང་དེ་མུར་རྒྱུན་རིང་ཐལ་ཡང་། བར་ལམ་ནས་འཕགས་ཤིང་འབྲུག་དཀར་དགོན་གྱི་བླ་མ་ཕྲིན་ལས་རྣམ་རྒྱལ་མཆོག་གི་ཐུགས་བསྐྱེད་རྨད་དུ་བྱུང་བ་ལས་བལྟམས་པའི་ཤྲཱི་གཽ་ཏམ་བུདྡྷ་ཝི་ཧཱ་རའི་གསུང་རབ་རྒྱུན་སྤེལ་ཁང་དུ། དཔེ་ལུང་གི་རྒྱུན་དཀོན་རིགས་རྣམས་ཕྲན་བུ་རེ་བཞེངས་སྤེལ་བགྱི་བའི་མུར། ད་ལམ་ཡང་རྒྱལ་སྲས་འཕགས་མཆོག་རྡོ་རྗེ་མཆོག་གི་གསུང་འབུམ་རིན་པོ་ཆེའི་གླེགས་བམ་སྐུ་གསུམ་གྱི་གྲངས་ལྡན་ འདི་ཉིད་ཀྱང་། གློག་ཀླད་ཀམ་པིའུ་ཊར་ནང་གསར་དུ་བཙུད་དེ། འབྲེལ་ཡོད་རྣམས་ལ་ཆོས་སྦྱིན་དུ་སྤེལ་བའི་མཛད་པ་བདག་གིར་བཞེས་པ་ལ་ལེགས་སོའི་བསྔགས་བརྗོད་ཞུ་བ་གྱི་ཡིག་ཆ་ཞིག་ཕྲན་གྱི་སྤྱི་བོར་བསྩལ་གནང་བཀའ་དྲིན་ཆེ་བ་ལས་ཇི་ལྟར་བྱུང་བ་བཞིན་བཀོད་པའི་ཁུལ་དང་། དཀར་ཆག་དང་གོ་རིམ་སོགས་ཀྱང་མཚུངས་མེད་རྒྱལ་མཚན་སྤྲུལ་སྐུ་རིན་པོ་ཆེ་མཆོག་ནས་བསྡེབས་གནང་མཛད་འདུག་པ་ལྟར་སོར་བཞག་ཐོག །ཞུ་དག་སོགས་གང་ཐུབ་ཞུས་པའི་ཁུལ་ལགས་ན། འདི་དང་རྗེས་སུ་འབྲེལ་བའི་ཡིག་འཇུག་གི་ལས་བྱེད་པ་ལྷ་མོ་དང་། ཡོལ་མོ་བ་སེངྒེ་རྒྱལ་པོ། ཕྱག་དཔེའི་བཟོ་བཀོད་དང་ཞུ་དག་གི་འགན་བཞེས་པ། འཛི་སྒར་མཁན་པོ་འཇམ་དབྱངས་ཉི་མ་མཆོག་དང་། ཕྱག་རོགས་བླ་མ་རྡོ་རྗེ། གྲྭ་ཚེ་རིང་དབང་རྒྱལ་སོགས་ལ་ཡང་ལེགས་སོ་ཞུ་རྒྱུ་དང་། དགེ་རྩ་རྫོགས་བྱང་དུ་བསྔོ་བ་བཅས། རྣམ་དཀར་གྱི་འདུ་བྱེད་པོ་མཁན་བཤད་སྒྲུབ་བསྟན་འཛིན་མིང་པས། རབ་གནས་ཆུ་ལུག་ལོའི་ཟླ་བ་་༨ པའི་ཚེས་་༢༥ ཕྱི་ལོ་་༢༠༠༣ ཟླ་བ་་༡༠ ཚེས་ ༢༠ མཚུངས་མེད་འགྲོ་བའི་དཔལ་མགོན་ཆོས་རྗེ་རྒྱ་རས་པ་ཡེ་ཤེས་རྡོ་རྗེ་ཞེས་ས་གསུམ་ན་སྙན་པར་གྲགས་པ་དེ་ཉིད་དགོངས་པ་ཆོས་ཀྱི་དབྱིངས་སུ་ཐིམ་ཚུལ་བསྟན་པའི་དུས་ཆེན་ཁྱད་པར་ཅན་གྱི་ཉིན། ཤྲཱི་གཽ་ཏམ་བུདྡྷ་ཝི་ཧཱ་རའི་གསུང་རབ་རྒྱུན་སྤེལ་ཁང་ནས་དཔེ་བསྐྲུན་སྔོན་བརྗོད་ཀྱི་ཚུལ་དུ་བཀོད་པ་དགེ་ལེགས་སུ་གྱུར་ཅིག། །།པར་ཟིན་པ་ཡིན་ལགས།
།ཅེས་པའང་ཆོས་རྗེ་བླ་མ་དམ་པ་ཨཱ་ནནྟ་མཉྫུ་གྷོ་ཥས་ལྷ་རྫས་ཀྱི་མེ་ཏོག་དང་བཅས་ཏེ་བསྐུལ་བ་བཞིན། བསྟོད་ཡུལ་དམ་པ་གང་དེའི་ལེགས་གསུང་གི་བདུད་རྩི་ཅུང་ཟད་ཐོས་པ་བྱ་བྲལ་བ་འཇམ་དབྱངས་མཁྱེན་བརྩེའི་དབང་པོས་མངོན་པར་དྭངས་པའི་ཡིད་ཀྱིས་གསོལ་བ་བཏབ་པ་དགེ་ལེགས་སུ་གྱུར་ཅིག +
* '''Treasure colophon:''' ཨེ་མ་སྐལ་ལྡན་ལས་ཅན་རྣམས༔ ཁྱད་པར་གསང་སྔགས་ལམ་མཆོག་འདི༔ དྲག་པོ་སྔགས་ཀྱི་བརྡ་སྒོ་བཀྲོལ༔ ཟབ་གཏེར་རྫས་ཀྱི་ལྡེའུ་མིག་རྙེད༔ རིག་འཛིན་མཁའ་འགྲོའི་བརྡས་བསྐུལ་ནས༔ གསང་ཆེན་སྔགས་ཀྱི་ལམ་ལ་ཞུགས༔ མཚན་ལྡན་ཌཱ་ཀིས་ཡང་ཡང་བསྐུལ༔ རིག་འཛིན་གྲུབ་པའི་དབང་མོ་ནི༔ བདེ་བའི་རྡོ་རྗེ་ཆེན་མོ་ཡིས༔ བརྟུལ་ཞུགས་གྲུབ་པའི་རྩལ་བསྐྱེད་དེ༔ མཁའ་འགྲོ་དགྱེས་པའི་ཚོགས་མེ་མཆོད༔ རྒྱ་ཆེར་ཕུལ་ནས་ཁྱུང་བྲག་གི༔ གཡོན་ལོགས་རཱ་ཧུའི་ལྟོ་ཞལ་ནས༔ ཌཱ་ཀི་ཟུང་གིས་སྤྱན་དྲངས་ཏེ༔ ཤིང་རྟ་ཁྲུམ་ཟླའི་ཚེས་༢དགེ་བར༔ བརྡ་གྲོལ་ཤིན་ཏུ་བསྡུས་པ་རུ༔ དྷརྨ་ཙནྡྲས་དག་པར་ཕབ༔ དགེ་བས་བར་ཆད་བདུད་ལས་རྒྱལ༔ རྡོ་རྗེ་གཞོན་ནུ་མྱུར་འགྲུབ་ཤོག༔ ས་མ་ཡ༔ རྒྱ་རྒྱ་རྒྱ༔ ཨ་ཏི་གུ་ཧྱ་བཛྲ་གུ་ཧྱ་བཛྲ་གརྦྷ་ྀཨཐི།།
+
ཅེས་ཁྱུང་སྟག་རྡོ་རྗེ་ཡང་རྫོང་ནས་སྤྱན་དྲངས་པའི་ཕྲ་མེན་གཟའ་སྒྲོམ་གྱི་ནང་གི་ཤོག་སེར་ལས་ཌཱ་ཀི་དྷརྨ་ཙནྡྲས་གཏན་ལ་ཕབ་པའི་ཟབ་གཏེར་ཡང་དག་པའོ།། +
།ཅེས་པའང་འཇམ་དབྱངས་བླ་མའི་ཕྲིན་ལས་ཀྱི་རང་གཟུགས་ཁྱབ་བདག་པདྨ་ཡེ་ཤེས་རྡོ་རྗེའི་བཀའ་དྲིན་གྱིས་ཟབ་གསང་མཆོག་འདིའི་ཐུན་མིན་གྱི་སྣོད་ལྡན་དུ་ངེས་པ་རྙེད་པའི་སྐལ་བཟང་པདྨ་གར་དབང་འོད་གསལ་མདོ་སྔགས་གླིང་པས་བསྙེན་སྒྲུབ་ཀྱི་སྐབས་གསོལ་བ་བཏབ་པ་སིདྡྷི་རསྟུ།། +
།དེ་ལྟར་མཚོ་ལྡན་མའི་བརྡ་སྤྲོད་པའི་སྐབས་ལས་ཉེ་བར་འཕྲོས་པའི་ཟིན་ཐུན་ཉུང་ངུ་འདི་ནི། རིགས་བརྒྱའི་ཁྱབ་བདག་ཐམས་ཅད་མཁྱེན་པ་ཟེ་ཆེན་མ་ཧཱ་པཎྜི་ཏ་ཆེན་པོའི་ཞབས་པད་དུ་ལམ་འདིར་བསླབ་སྦྱོང་བགྱིས་སྐབས། ཁྱོད་ཀྱིས་བློ་གྲོས་གསར་བུའི་ཚོགས་ལ་ཕན་པའི་ཕྱིར་འདི་ལྟ་བུ་ཞིག་ཅིས་ཀྱང་སྦྱོར་བར་འོས་སོ་ཞེས་བཀའི་གནང་བ་ལན་གཅིག་མ་ཡིན་པར་སྤྱི་བོར་སྩལ་བ་ལ་བརྟེན་ནས། གཙོ་བོར་འཇམ་མགོན་བླ་མ་དམ་པ་ཉིད་ཀྱི་ཞལ་ལུང་ཁོ་ན་རྩ་བར་བཟུང་སྟེ། གཞན་ཡང་ཀ་ཙཱན་གྱི་འགྲེལ་པ་དང་། བྱིངས་ཀྱི་ཚོགས་རྩ་འགྲེལ་དང་། ཀ་ཙཱན྄་གྱི་ཨུཎ་སོགས་དང་། མཛོད་ཀྱི་ཊཱི་ཀ་ཀཱ་མ་དྷེ་ནུ་སོགས་ལ་བརྟེན་ནས། དམ་པ་གང་གི་བཀའ་འབངས་ཡོངས་ཀྱི་ཐ་ཤལ་དུ་གྱུར་པ་ཚངས་སྲས་དགྱེས་པའི་བློ་ལྡན་ནམ། མིང་གཞན་གཙུག་ལག་སྨྲ་བའི་ཉི་མ་ཞེས་ཀྱང་བོད་པས་ཐོག་མར་འོག་མིན་བླ་མའི་གདན་ས་བྱང་ཆུབ་ཤིང་གི་ནགས་ཁྲོད་པདྨ་འོད་གླིང་དུ་ཅུང་ཟད་བྲིས་ཤིང་། སླད་ནས་གཡས་རུ་གཙང་གི་ནོར་འཛིན་གྱི་ཐིག་ལེ་ཡོན་ཏན་རིན་པོ་ཆེ་དུ་མའི་འབྱུང་གནས་དཔལ་ཨེ་ཝཾ་ཆོས་ལྡན་གྱི་རི་ཁྲོད་དུ་སྦྱར་ཏེ་ཕུལ་བ་འདི་ལ་ནོངས་པའི་ཆ་ཤས་མཐའ་དག་ཡེ་ཤེས་གཟིགས་པ་དམ་པའི་སྤྱན་ལམ་དུ་བཤགས་ཤིང་། དགེ་བས་མཐའ་ཡས་པའི་འགྲོ་བ་ཐམས་ཅད་རིག་པ་མཆོག་ལ་རབ་ཏུ་དད་པའི་མཐུ་ལས་སོ་སོར་རྟོགས་པའི་ཡེ་ཤེས་ཀྱི་སྣང་བ་ལ་རེག་པའི་རྒྱུར་གྱུར་ཅིག །སརྦ་དཱ་ཀ་ལྱཱ་ཎཾ་བྷ་བནྟུ། +
