མན་ངག་རྫོགས་པ་ཆེན་པོ་སེམས་སྡེ་བརྒྱུད་པའི་གསོལ་འདེབས་བྱིན་རླབས་ཀྱི་དགའ་སྟོན།

🚧 This website is under continued development. We appreciate your patience!

Previous Text Back to Volume PageNext Text

Wylie title	man ngag rdzogs pa chen po sems sde brgyud pa'i gsol 'debs byin rlabs kyi dga' ston
Location	mkhyen brtse'i bka' 'bum Volume 14, sde tshan 23, Text 5, Pages 378-386 (Folios 5b3 to 9b1)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Source Author(s)	སོག་ཟློག་པ་བློ་གྲོས་རྒྱལ་མཚན་ (sog zlog pa blo gros rgyal mtshan)
Citation	'jam dbyangs mkhyen brtse'i dbang po. man ngag rdzogs pa chen po sems sde brgyud pa'i gsol 'debs byin rlabs kyi dga' ston. In 'jam dbyangs mkhyen brtse'i dbang po'i bka' 'bum, Vol. 14: 378-386. Khams sde dge rdzong sar dgon: Rdzong sar blo gros phun tshogs, 2020.
Genre	Lineage Supplications - brgyud 'debs
DNZ	In the Damngak Dzö: https://dnz.tsadra.org/index.php/Wylie:Rdzogs_chen_sems_sde_brgyud_pa%27i_gsol_%27debs_byin_rlabs_kyi_dga%27_ston
Colophon	།ཅེས་རྫོགས་པ་ཆེན་པོ་སེམས་ཕྱོགས་ཀྱི་གཞུང་ཁྲིད་ཉང་ལུགས་ཀྱི་བརྒྱུད་འདེབས་སོ།།
	ces rdzogs pa chen po sems phyogs kyi gzhung khrid nyang lugs kyi brgyud 'debs so

1 Texts in this Section (sde tshan or chos tshan)

5 378-386	མན་ངག་རྫོགས་པ་ཆེན་པོ་སེམས་སྡེ་བརྒྱུད་པའི་གསོལ་འདེབས་བྱིན་རླབས་ཀྱི་དགའ་སྟོན། man ngag rdzogs pa chen po sems sde brgyud pa'i gsol 'debs byin rlabs kyi dga' ston Lineage Supplications - brgyud 'debs	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

༄༅། །མན་ངག་རྫོགས་པ་ཆེན་པོ་སེམས་སྡེ་བརྒྱུད་པའི་གསོལ་འདེབས་བྱིན་རླབས་ཀྱི་དགའ་སྟོན་ནི། ན་མོ་གུ་རུ་བྷྱཿ ཡེ་ཤེས་རིག་པ་གཞན་དུ་མ་འཁྲུལ་བས། །ཐོག་མའི་གཞི་ལ་མངོན་པར་བྱང་ཆུབ་པ། །དང་པོའི་སངས་རྒྱས་ཀུན་ཏུ་བཟང་པོ་ལ། །གསོལ་བ་འདེབས་སོ་བྱིན་གྱིས་བརླབ་ཏུ་གསོལ། །དག་པའི་དབྱིངས་ལས་ཐུགས་རྗེ་རོལ་པའི་སྐུར། །མངོན་པར་སྣང་བ་བདེ་ཆེན་ལོངས་སྤྱོད་རྫོགས། །ཁྱབ་བདག་སྟོན་པ་རྡོ་རྗེ་སེམས་དཔའ་ལ། །གསོལ་བ་འདེབས་སོ༴ རང་སྣང་མ་འགགས་གཞན་སྣང་དེར་སྟོན་པ། །འགྲོ་བའི་གཉེན་གཅིག་སྐལ་ལྡན་ཡོངས་ཀྱི་མགོན། །མཆོག་གི་སྤྲུལ་སྐུ་དགའ་རབ་རྡོ་རྗེ་ལ། །གསོལ་བ་འདེབས་སོ༴ སྦྱངས་བ་མཐར་སོན་པཎ་ཆེན་ལྔ་བརྒྱའི་གཙོ། །ལས་འཕྲོ་བཟང་པོས་ཐེག་པའི་རྩེ་རྒྱལ་རྙེད། །སློབ་དཔོན་ཆེན་པོ་འཇམ་དཔལ་བཤེས་གཉེན་ལ། །གསོལ་བ་འདེབས་སོ༴ ཤེས་བྱ་ཀུན་མཁྱེན་ཀུན་མཁྱེན་གཉིས་པར་གྲགས། །རྫོགས་ཆེན་དགོངས་པ་རིས་མེད་མངོ ན་དུ་གྱུར། །པཎ་ཆེན་གྲུབ་པའི་དབང་ཕྱུག་ཤྲཱི་སིཾ། །གསོལ་བ་འདེབས་སོ༴ ཡང་དག་བཅུད་གཅིག་དོན་ལྡན་ལོ་ཙཱ་བ། །ལྟ་དགོངས་མཐར་ཕྱིན་སྣང་སྲིད་ཟིལ་གྱིས་མནན། །མཁས་པ་པ་གོར་བཻ་རོ་ཙ་ན་ལ། །གསོལ་བ༴ སྦྱངས་པའི་འཕྲོ་སད་ཆོས་ཀུན་ཐུགས་སུ་ཆུད། །བཻ་རོས་རྗེས་བཟུང་མཆོག་གི་དངོས་གྲུབ་ཐོབ། །གྲུབ་ཆེན་རྒྱལ་མོ་གཡུ་སྒྲ་སྙིང་པོ་ལ། །གསོལ་བ༴ ཆུ་བོ་བཞི་འདུས་མཉམ་མེད་ལོ་ཙཱ་བ། །སྐད་ཅིག་གཅིག་ལ་ས་བདུན་མངོན་དུ་མཛད། །སློབ་དཔོན་གཉགས་སྟོན་ཛྙཱ་ན་ཀུ་མཱ་རར། །གསོལ་བ༴ རིང་ནས་སྦྱངས་པའི་སྐལ་ལྡན་ལས་འཕྲོ་ཅན། །བླ་མས་རྗེས་བཟུང་མཁའ་སྤྱོད་གནས་སུ་གཤེགས། །སྐྱེས་མཆོག་སོག་པོ་དཔལ་གྱི་ཡེ་ཤེས་ལ། །གསོལ་བ༴ མི་ལོ་བརྒྱ་དང་བཅུ་བཞི་རྒྱ་བོད་དུ། །བསྐྱེད་རྫོགས་སྦྱངས་པ་མཐར་ཕྱིན་གྲུབ་པ་ཐོབ། །བླ་ཆེན་གནུབས་བན་སངས་རྒྱས་ཡེ་ཤེས་ལ། །གསོལ་བ༴ མདོ་རྒྱུད་ཀུན་ལ་ཐོགས་མེད་མཁྱེན་པ་རྒྱས། །མཆོག་དང་ཐུན་མོང་དངོས་གྲུབ་དུས་གཅིག་ཐོབ། །ཁུ་ལུང་གནུབས་སྟོན་ཡོན་ཏན་རྒྱ་མཚོ་ལ། །གསོལ་བ༴ དྭོག་ལ་ཤོངས་ཀྱི་གཙུག་ལག་ཁང་ཆེན་པོར། །བསྐྱེད་རྫོགས་གསུམ་སྟོན་སྙིང་པོའི་བསྟན་པ་སྤེལ། །ཉང་སྟོན་ཆེན་པོ་ཤེས་རབ་མཆོག་ལྡན་ལ། །གསོལ་བ༴ བླ་མའི་ཐུགས་ཟིན་ཏིང་འཛིན་ལས་སུ་རུང་། །བསྐྱེད་རྫོགས་གསུམ་ལ་མཁས་པའི་གྲགས་པས་ཁྱབ། །ཆོས་ལུང་མྱང་སྟོན་ཡེ་ཤེས་འབྱུང་གནས་ལ། །གསོལ་བ༴ འུག་བྱ་ལུང་གི་དབེན་རྩ་དམ་པ་རུ། བཤད་སྒྲུབ་ཆུ་བོས་སྙིང་པོའི་བསྟན་པ་བཙུགས། །མཁས་གྲུབ་གཙང་སྒོམ་བདེ་གཤེགས་ཟུར་པོ་ཆེར། །གསོལ་བ༴ ཟུར་གྱི་རིགས་འཁྲུངས་ཐོས་བསམ་མཐའ་རུ་ཕྱིན། །ལྟ་དགོངས་རྩེར་སོན་བསྟན་པ་ཉི་འོད་བརྡལ། །ལྷ་རྗེ་ཆེན་པོ་ཟུར་ཆུང་ཤེས་རབ་གྲགས། །གསོལ་བ༴ ལུང་རྟོགས་ཡོན་ཏན་རྒྱ་མཚོས་ཐུགས་རྒྱུད་གཏམས། །ཕྲིན་ལས་རྣམ་བཞིས་གསང་སྔགས་བསྟན་སྲོག་བཟུང་། །སྐྱོ་སྟོན་སྔགས་འཆང་ཤཱཀྱ་ཡེ་ཤེས་ལ། །གསོལ་བ༴ གདུགས་ཐོགས་སྟོང་གིས་ཁྱོད་ཞབས་གུས་མཆོད་ཅིང་། །རྒྱ་ཆེན་རྒྱུན་མི་ཆད་པའི་ཕྲིན་ལས་ཅན། །གསང་བདག་དངོས་བྱོན་ལྷ་རྗེ་སྒྲོ་ཕུག་པར། །གསོལ་བ༴ གསུང་རབ་ཀུན་ལ་མཁས་པའི་ཕུལ་དུ་གྱུར། །དགོངས་པ་མངོན་གྱུར་ཚེ་གཅིག་བྱང་ཆུབ་བརྙེས། །ལྕེ་སྟོན་ལྷ་རྗེ་དཀྱིལ་མཁར་ལྷ་ཁང་པར། །གསོལ་བ༴ ཏིང་འཛིན་མངོན་གྱུར་ཐོག་གིས་མི་ཚུགས་ཤིང་། །རི་གཟར་རྦབ་ཀྱང་གྱེན་ལ་ཟློག་པར་མཛད། །མཚུངས་མེད་གྲུབ་ཆེན་དབུས་པ་ཞིག་པོ་ལ། །གསོལ་བ་འདེབས་སོ༴ བསམ་བཞིན་འགྲོ་བའི་དོན་ལ་བྱོན་པའི་མཐུས། །ཕྲིན་ལས་རྒྱ་མཚོ་འབད་མེད་ལྷུན་གྱིས་གྲུབ། །ཞིག་པོ་བདུད་རྩི་སེམས་ཕྱོགས་བསྟན་པའི་བདག །གསོལ་བ་འདེབས༴ གསར་རྙིང་ཆོས་ལ་མཁས་ཤིང་གྲུབ་པའི་མཆོག །གཡུ་རུ་སྟོད་དུ་བསྟན་པའི་སྲོལ་བཟང་བཏོད། །ཨ་མེས་ཆེན་པོ་རྟ་སྟོན་ཇོ་ཡེ་ལ། །གསོལ་བ་འདེབས༴ །མདོ་དང་སྒྱུ་འཕྲུལ་སེམས་ཕྱོགས་མཐའ་དག་ལ། །བཤད་པས་ཕན་གདགས་སྒྲུབ་པའི་ས་སྡེ་བཙུགས། །སྔགས་འཆང་ཆེན་པོ་རྟ་སྟོན་གཟི་བརྗིད་ལ། །གསོལ་བ༴ བགྲང་ཡས་གྲུབ་མཐའ་རྒྱ་མཚོའི་ཕ་རོལ་སོན། །སེམས་སྡེ་བཅོ་བརྒྱད་བསྟན་པའི་སྒྲོན་མེ་སྦར། །འཁྲུལ་ཞིག་སྐྱེ་མེད་དམ་པ་སངས་རྒྱས་ལ། །གསོལ་བ༴ གཞོན་ནུ་ཉིད་ནས་ཏིང་འཛིན་དུས་འདའ་ཞིང་། །ཡི་དམ་ཞལ་གཟིགས་བཤད་སྒྲུབ་བསྟན་པ་སྤེལ། །སྐྱེས་མཆོག་མཉམ་མེད་སྤྲུལ་སྐུ་ཆེན་པོ་ལ། །གསོལ་བ༴ འཇམ་པའི་དབྱངས་དང་གཉིས་སུ་མ་མཆིས་པས། །སྐད་ཅིག་གཅིག་ལ་ཆོས་རྣམས་ཐུགས་སུ་ཆུད། །ཟུར་སྟོན་ཆེན་པོ་བྱམས་པ་སེང་གེ་ལ། །གསོལ་བ༴ སྦྱངས་པ་མཐར་ཕྱིན་ཏིང་འཛིན་གདེངས་དང་ལྡན། །འཁོར་བའི་སྐྱོན་སྤངས་རང་བཞིན་རྣལ་འབྱོར་མ། །མ་གཅིག་ཟུར་མོ་མཁས་བཙུན་སངས་རྒྱས་ལ། །གསོལ་བ༴ མཁས་གྲུབ་རིག་འཛིན་རྒྱ་མཚོའི་གཙུག་གི་རྒྱན། །རིམ་གཉིས་བསྟན་པའི་རྒྱལ་མཚན་སྲིད་མཐར་སྒྲེང་། །འཇམ་དབྱངས་སྒྲོལ་ཆེན་བསམ་གྲུབ་རྡོ་རྗེ་ལ། །གསོལ་བ༴ ཡོངས་རྫོགས་བསྟན་པའི་མངའ་བདག་དགེ་བའི་བཤེས། །འཆད་རྩོད་རྩོམ་པས་བསྟན་པ་ཕྱོགས་བཅུར་སྤེལ། །སྒྲོལ་ཆེན་ཆོས་རྗེ་སངས་རྒྱས་རིན་ཆེན་ལ། །གསོལ་བ༴ རྫོགས་པ་ཆེན་པོ་རང་སྣང་རིས་མེད་ཀྱི། །ཏིང་འཛིན་དགོངས་པས་ཉིན་མཚན་དུས་འདའ་བ། །ཤངས་མདའི་རྒྱལ་སྲས་རྡོ་རྗེ་ཐུགས་མཆོག་རྩལ། །གསོལ་བ༴ ཐུབ་བསྟན་ཡོངས་སུ་རྫོགས་པའི་དགེ་བའི་བཤེས། །བརྒྱ་ཕྲག་ཏིང་འཛིན་སྒོ་ལ་དབང་འབྱོར་བ། །ཀུན་མཁྱེན་གྲུབ་མཆོག་གྲགས་པ་དཔལ་འབྱོར་ལ། །གསོལ་བ༴ ཐོས་བསམ་སྒྲོ་འདོགས་ཆོད་པའི་བློ་གྲོས་ཅན། །རབ་གསལ་རིག་རྩལ་འབྱོངས་པའི་ཉམས་རྟོགས་འཁྲུངས། །མཁན་ཆེན་འདྲེན་མཆོག་བློ་གྲོས་རབ་ཡངས་ལ། །གསོལ་བ༴ ཟབ་གསལ་ཏིང་འཛིན་སྒོ་མང་འབྱེད་པའི་མགོན། །མཁས་བཙུན་བཟང་པོས་གདུལ་བྱ་ཐར་ལམ་འདྲེན། །བླ་ཆེན་རྡོ་རྗེ་འཆང་དངོས་ཆོས་ཀྱི་རྗེར། །གསོལ་བ༴ སྔོན་ནས་སྦྱངས་པའི་བློ་གྲོས་ཕུན་སུམ་ཚོགས། །སྐྱེ་མེད་དོན་གྱི་གནས་ལུགས་མངོན་དུ་གྱུར། །ངེས་དོན་བསྟན་པའི་རྒྱལ་མཚན་ཕྱོགས་བཅུར་སྒྲེང་། །གསོལ་བ༴ མཐའ་ཡས་ཤེས་བྱའི་གནས་རྣམས་མ་ལུས་གཟིགས། །གཞན་ཕན་བྱང་ཆུབ་སེམས་མཆོག་མངོན་དུ་གྱུར། །རྡོ་རྗེ་ཐེག་པའི་བསྟན་འཛིན་འཇིག་རྟེན་མིག །གསོལ་བ༴ དམ་པས་རྗེས་བཟུང་སྙིང་པོའི་ལམ་ལ་ཞུགས། །གསུང་རབ་རྒྱ་མཚོའི་ལུང་གི་ཐོས་པས་ཕྱུག །སྙིང་སྟོབས་གྲུབ་པའི་དཔའ་བོ་རྡོ་རྗེ་འཛིན། །གསོལ་བ༴ ཀ་དག་རང་རིག་དངོས་འཛིན་འཆིང་བ་གྲོལ། །བདེ་ཆེན་འགྱུར་མེད་མཆོག་གི་གོ་འཕང་བརྙེས། །སྙིགས་དུས་འགྲོ་བའི་སྐྱབས་གཅིག་རྡོ་རྗེ་འཛིན། །གསོལ་བ༴ ཁ་སྐོང་ནི། ངག་གི་དབང་ཕྱུག་མཐའ་ཡས་ཆོས་ཚུལ་དཔལ། །སྨྲ་ལ་ཟླ་མེད་མཁས་གྲུབ་རྒྱ་མཚོའི་ཕུལ། །ལོ་ཙཱ་ཆེན་པོ་དྷརྨ་ཤྲཱི་ལ། །གསོལ་བ༴ པཎ་གྲུབ་ལྔ་བརྒྱའི་གཙུག་རྒྱན་བི་མ་ལ། །བསམ་བཞིན་བསྟན་འགྲོའི་མགོན་དུ་ལེགས་བྱོན་པ། །རྒྱལ་བའི་སྲས་པོ་རིན་ཆེན་རྣམ་རྒྱལ་ལ། །གསོལ་བ༴ ཨོ་རྒྱན་དུས་གསུམ་མཁྱེན་པའི་བཤད་སྒྲུབ་བསྟན། །འཛིན་མཁས་རྡོ་རྗེ་སྙིང་པོའི་དོན་གཟིགས་པ། །ཐམས་ཅད་མཁྱེན་པ་ཨཽ་ཌཱི་ཡཱ་ན་ལ། །གསོལ་བ༴ སྲས་བཅས་རྒྱལ་བ་དགྱེས་པའི་ཕྲིན་ལས་ཀྱིས། །ཡིད་སྲུབ་ཕྱོགས་ལས་རྣམ་རྒྱལ་རིག་པ་འཛིན། །མཁས་ཤིང་གྲུབ་བརྙེས་ཀརྨ་བི་ཛ་ཡར། །གསོལ་བ༴ ཤེས་བྱ་ཀུན་གཟིགས་ཟབ་མོའི་གནས་ལུགས་རྟོགས། །འཆད་རྩོད་རྩོམ་ལ་ཐོགས་མེད་སྨྲ་བའི་དབང་། །རྒྱལ་སྲས་པདྨ་དབང་རྒྱལ་རྡོ་རྗེ་ལ། །གསོལ་བ༴ བཅུ་ཕྲག་རིག་པའི་མཛོད་འཛིན་མཁས་པ་ཆེ། །འོད་གསལ་སྙིང་པོའི་དོན་གཟིགས་གྲུབ་པའི་དབང་། །འཇམ་པའི་དབྱངས་དངོས་བསྟན་འཛིན་འཕེལ་རྒྱས་ལ། །གསོལ་བ༴ བསླབ་གསུམ་རྣམ་དག་བྱང་ཆུབ་སེམས་གཉིས་འབྱོངས། །རིམ་གཉིས་མཐར་ཕྱིན་རྡོ་རྗེ་འཛིན་པའི་དཔལ། །སེམས་དཔའ་ཆེན་པོ་པདྨ་མངྒ་ལར། །གསོལ་བ༴ རྒྱལ་བ་སྲས་བཅས་ཡེ་ཤེས་གཅིག་བསྡུས་པ། །གཞན་ཕན་ཕ་མཐའ་ཡས་པའི་ཕྲིན་ལས་ཅན། །ཀུན་མཁྱེན་བླ་མ་རིག་པའི་རྡོ་རྗེ་ལ། །གསོལ་བ་འདེབས་སོ་བྱིན་གྱིས་བརླབ་ཏུ་གསོལ། །ཞེས་སོ། །ལས་འབྲས་བདེན་པའི་དོན་ལ་ཡིད་ཆེས་ནས། །དགེ་སྡིག་བླང་དོར་ཚུལ་བཞིན་བྱེད་པ་དང་། །འཆི་བ་སྙིང་ལ་ཟུག་པའི་བརྩོན་འགྲུས་ཀྱིས། །རང་དྲིན་རང་ལ་ཆེ་བར་བྱིན་གྱིས་རློབས། །འགྲོ་ཀུན་ཕ་མར་ཤེས་པའི་སྙིང་སྟོབས་དང་། །དམིགས་མེད་ཟུང་དུ་འཇུག་པའི་ཉམས་ལེན་གྱིས། །མྱུར་དུ་བྱང་ཆུབ་སེམས་གཉིས་འབྱོངས་ནས་ཀྱང་། །འཁོར་བ་དོང་ནས་སྤྲུགས་པར་བྱིན་གྱིས་རློབས། །ཡེ་ཤེས་སྟོན་པའི་དྲིན་ཅན་བླ་མ་ལ། །སངས་རྒྱས་ཀུན་ལས་ལྷག་པའི་མོས་གུས་ཀྱིས། །ཉམས་རྟོགས་ཕུན་ཚོགས་རྒྱུད་ལ་སྐྱེ་བ་དང་། །གེགས་དང་གོལ་ས་ཆོད་པར༴ གང་ལྟར་སྣང་ཡང་ཐམས་ཅད་རང་གི་སེམས། །སེམས་ཉིད་གར་ཡང་མ་གྲུབ་སྟོང་པ་ཉིད། །མ་བཅོས་རྣལ་མར་འཇོག་པའི་ཉམས་ལེན་གྱིས། །འཁྲུལ་པ་རང་ཐོག་གྲོལ་བར༴ ངོ་སྤྲོད་དོན་ལ་ངེས་ཤེས་བརྟན་པོ་ཡིས། །ཡེངས་མེད་རྒྱུན་དུ་གོམས་པ་མཐར་ཕྱིན་ཏེ། །ཆུ་བོ་ལྟ་བུར་རྒྱུན་ཆད་མེད་པ་ཡི། །མཉམ་བཞག་བརྟན་པ་ཐོབ་པར༴ གང་ཤར་རང་ངོ་ཤེས་པའི་ཟབ་གནད་ཀྱིས། །རྫོགས་ཆེན་རང་སྣང་རིས་མེད་མངོན་གྱུར་ཏེ། །བྱས་ཆོས་ཐམས་ཅད་དབྱིངས་སུ་ནུབ་པ་དང་། །རང་བྱུང་ཡེ་ཤེས་འཆར་བར༴ ནམ་ཡང་སྒོམ་མ་མྱོང་བའི་རང་བབས་གཤིས། །འདི་ལ་ཀུན་ཏུ་འབྲལ་བར་མི་བྱེད་ཅིང་། །སྒོམ་མེད་དོན་ལ་གནས་པའི་བརྩོན་འགྲུས་ཀྱིས། །ཉིན་མཚན་ཀུན་ཏུ་འདའ་བར༴ རྒྱ་ཆེན་ཆོས་ཀྱི་ཕུང་པོ་མཐའ་ཡས་པ། །བརྒྱད་ཁྲི་བཞི་སྟོང་དག་ཏུ་བསྟན་པ་ཡང་། །འདི་དོན་རྟོགས་སླད་གསུངས་པའི་ཚུལ་རིག་སྟེ། །འབྲལ་མེད་རྩེ་གཅིག་སྐྱོང་བར་བྱིན་གྱིས་རློབས། །སེམས་ཉིད་ཡིད་བཞིན་ནོར་བུ་རིན་པོ་ཆེ། །ལས་དང་བག་ཆགས་ཉོན་མོངས་དྲི་ཕྱིས་ཏེ། །རྣམ་དག་སྐུ་བཞིའི་རྒྱལ་མཚན་རྩེར་བཀོད་ནས། །འགྲོ་ལ་འདོད་དགུའི་ཆོས་ཆར་འབེབས་པར་ཤོག །ཅེས་རྫོགས་པ་ཆེན་པོ་སེམས་ཕྱོགས་ཀྱི་གཞུང་ཁྲིད་ཉང་ལུགས་ཀྱི་བརྒྱུད་འདེབས་སོ།། །། ༈

[edit]

man ngag rdzogs pa chen po sems sde brgyud pa'i gsol 'debs byin rlabs kyi dga' ston/ @#/_/man ngag rdzogs pa chen po sems sde brgyud pa'i gsol 'debs byin rlabs kyi dga' ston ni/__na mo gu ru b+h+yaH__ye shes rig pa gzhan du ma 'khrul bas/__/thog ma'i gzhi la mngon par byang chub pa/__/dang po'i sangs rgyas kun tu bzang po la/__/gsol ba 'debs so byin gyis brlab tu gsol/__/dag pa'i dbyings las thugs rje rol pa'i skur/__/mngon par snang ba bde chen longs spyod rdzogs/__/khyab bdag ston pa rdo rje sems dpa' la/__/gsol ba 'debs so=__rang snang ma 'gags gzhan snang der ston pa/__/'gro ba'i gnyen gcig skal ldan yongs kyi mgon/__/mchog gi sprul sku dga' rab rdo rje la/__/gsol ba 'debs so=__sbyangs ba mthar son paN chen lnga brgya'i gtso/__/las 'phro bzang pos theg pa'i rtse rgyal rnyed/__/slob dpon chen po 'jam dpal bshes gnyen la/___/gsol ba 'debs so=__shes bya kun mkhyen kun mkhyen gnyis par grags/__/rdzogs chen dgongs pa ris med mngo_na du gyur/__/paN chen grub pa'i dbang phyug shrI siM/__/gsol ba 'debs so=__yang dag bcud gcig don ldan lo tsA ba/__/lta dgongs mthar phyin snang srid zil gyis mnan/__/mkhas pa pa gor bai ro tsa na la/__/gsol ba=__sbyangs pa'i 'phro sad chos kun thugs su chud/__/bai ros rjes bzung mchog gi dngos grub thob/__/grub chen rgyal mo g.yu sgra snying po la/__/gsol ba=__chu bo bzhi 'dus mnyam med lo tsA ba/__/skad cig gcig la sa bdun mngon du mdzad/__/slob dpon gnyags ston dz+nyA na ku mA rar/__/gsol ba=__ring nas sbyangs pa'i skal ldan las 'phro can/__/bla mas rjes bzung mkha' spyod gnas su gshegs/__/skyes mchog sog po dpal gyi ye shes la/_/gsol ba=__mi lo brgya dang bcu bzhi rgya bod du/__/bskyed rdzogs sbyangs pa mthar phyin grub pa thob/__/bla chen gnubs ban sangs rgyas ye shes la/__/gsol ba=__mdo rgyud kun la thogs med mkhyen pa rgyas/__/mchog dang thun mong dngos grub dus gcig thob/___/khu lung gnubs ston yon tan rgya mtsho la/__/gsol ba=__dwog la shongs kyi gtsug lag khang chen por/__/bskyed rdzogs gsum ston snying po'i bstan pa spel/__/nyang ston chen po shes rab mchog ldan la/__/gsol ba=__bla ma'i thugs zin ting 'dzin las su rung /___/bskyed rdzogs gsum la mkhas pa'i grags pas khyab/__/chos lung myang ston ye shes 'byung gnas la/__/gsol ba=__'ug bya lung gi dben rtsa dam pa ru/__bshad sgrub chu bos snying po'i bstan pa btsugs/__/mkhas grub gtsang sgom bde gshegs zur po cher/__/gsol ba=__zur gyi rigs 'khrungs thos bsam mtha' ru phyin/__/lta dgongs rtser son bstan pa nyi 'od brdal/__/lha rje chen po zur chung shes rab grags/__/gsol ba=__lung rtogs yon tan rgya mtshos thugs rgyud gtams/__/phrin las rnam bzhis gsang sngags bstan srog bzung /__/skyo ston sngags 'chang shAkya ye shes la/__/gsol ba=__gdugs thogs stong gis khyod zhabs gus mchod cing /__/rgya chen rgyun mi chad pa'i phrin las can/___/gsang bdag dngos byon lha rje sgro phug par/__/gsol ba=__gsung rab kun la mkhas pa'i phul du gyur/__/dgongs pa mngon gyur tshe gcig byang chub brnyes/__/lce ston lha rje dkyil mkhar lha khang par/__/gsol ba=__ting 'dzin mngon gyur thog gis mi tshugs shing /__/ri gzar rbab kyang gyen la zlog par mdzad/__/mtshungs med grub chen dbus pa zhig po la/__/gsol ba 'debs so=__bsam bzhin 'gro ba'i don la byon pa'i mthus/__/phrin las rgya mtsho 'bad med lhun gyis grub/__/zhig po bdud rtsi sems phyogs bstan pa'i bdag__/gsol ba 'debs=__gsar rnying chos la mkhas shing grub pa'i mchog__/g.yu ru stod du bstan pa'i srol bzang btod/__/a mes chen po rta ston jo ye la/__/gsol ba 'debs=__/mdo dang sgyu 'phrul sems phyogs mtha' dag la/__/bshad pas phan gdags sgrub pa'i sa sde btsugs/__/sngags 'chang chen po rta ston gzi brjid la/__/gsol ba=__bgrang yas grub mtha' rgya mtsho'i pha rol son/__/sems sde bco brgyad bstan pa'i sgron me sbar/__/'khrul zhig skye med dam pa sangs rgyas la/__/gsol ba=__gzhon nu nyid nas ting 'dzin dus 'da' zhing /__/yi dam zhal gzigs bshad sgrub bstan pa spel/__/skyes mchog mnyam med sprul sku chen po la/__/gsol ba=__'jam pa'i dbyangs dang gnyis su ma mchis pas/__/skad cig gcig la chos rnams thugs su chud/__/zur ston chen po byams pa seng ge la/__/gsol ba=__sbyangs pa mthar phyin ting 'dzin gdengs dang ldan/__/'khor ba'i skyon spangs rang bzhin rnal 'byor ma/__/ma gcig zur mo mkhas btsun sangs rgyas la/__/gsol ba=__mkhas grub rig 'dzin rgya mtsho'i gtsug gi rgyan/__/rim gnyis bstan pa'i rgyal mtshan srid mthar sgreng /__/'jam dbyangs sgrol chen bsam grub rdo rje la/__/gsol ba=__yongs rdzogs bstan pa'i mnga' bdag dge ba'i bshes/__/'chad rtsod rtsom pas bstan pa phyogs bcur spel/__/sgrol chen chos rje sangs rgyas rin chen la/__/gsol ba=__rdzogs pa chen po rang snang ris med kyi/__/ting 'dzin dgongs pas nyin mtshan dus 'da' ba/__/shangs mda'i rgyal sras rdo rje thugs mchog rtsal/__/gsol ba=__thub bstan yongs su rdzogs pa'i dge ba'i bshes/__/brgya phrag ting 'dzin sgo la dbang 'byor ba/__/kun mkhyen grub mchog grags pa dpal 'byor la/__/gsol ba=__thos bsam sgro 'dogs chod pa'i blo gros can/__/rab gsal rig rtsal 'byongs pa'i nyams rtogs 'khrungs/__/mkhan chen 'dren mchog blo gros rab yangs la/__/gsol ba=__zab gsal ting 'dzin sgo mang 'byed pa'i mgon/__/mkhas btsun bzang pos gdul bya thar lam 'dren/__/bla chen rdo rje 'chang dngos chos kyi rjer/__/gsol ba=__sngon nas sbyangs pa'i blo gros phun sum tshogs/__/skye med don gyi gnas lugs mngon du gyur/__/nges don bstan pa'i rgyal mtshan phyogs bcur sgreng /__/gsol ba=__mtha' yas shes bya'i gnas rnams ma lus gzigs/__/gzhan phan byang chub sems mchog mngon du gyur/__/rdo rje theg pa'i bstan 'dzin 'jig rten mig__/gsol ba=__dam pas rjes bzung snying po'i lam la zhugs/__/gsung rab rgya mtsho'i lung gi thos pas phyug__/snying stobs grub pa'i dpa' bo rdo rje 'dzin/__/gsol ba=__ka dag rang rig dngos 'dzin 'ching ba grol/__/bde chen 'gyur med mchog gi go 'phang brnyes/__/snyigs dus 'gro ba'i skyabs gcig rdo rje 'dzin/__/gsol ba=__kha skong ni/__ngag gi dbang phyug mtha' yas chos tshul dpal/__/smra la zla med mkhas grub rgya mtsho'i phul/__/lo tsA chen po d+harma shrI la/__/gsol ba=__paN grub lnga brgya'i gtsug rgyan bi ma la/__/bsam bzhin bstan 'gro'i mgon du legs byon pa/__/rgyal ba'i sras po rin chen rnam rgyal la/__/gsol ba=__o rgyan dus gsum mkhyen pa'i bshad sgrub bstan/__/'dzin mkhas rdo rje snying po'i don gzigs pa/__/thams cad mkhyen pa au DI yA na la/__/gsol ba=__sras bcas rgyal ba dgyes pa'i phrin las kyis/__/yid srub phyogs las rnam rgyal rig pa 'dzin/__/mkhas shing grub brnyes karma bi dza yar/__/gsol ba=__shes bya kun gzigs zab mo'i gnas lugs rtogs/__/'chad rtsod rtsom la thogs med smra ba'i dbang /__/rgyal sras pad+ma dbang rgyal rdo rje la/__/gsol ba=__bcu phrag rig pa'i mdzod 'dzin mkhas pa che/__/'od gsal snying po'i don gzigs grub pa'i dbang /__/'jam pa'i dbyangs dngos bstan 'dzin 'phel rgyas la/__/gsol ba=__bslab gsum rnam dag byang chub sems gnyis 'byongs/__/rim gnyis mthar phyin rdo rje 'dzin pa'i dpal/__/sems dpa' chen po pad+ma mang+ga lar/__/gsol ba=__rgyal ba sras bcas ye shes gcig bsdus pa/__/gzhan phan pha mtha' yas pa'i phrin las can/__/kun mkhyen bla ma rig pa'i rdo rje la/__/gsol ba 'debs so byin gyis brlab tu gsol/__/zhes so/__/las 'bras bden pa'i don la yid ches nas/__/dge sdig blang dor tshul bzhin byed pa dang /__/'chi ba snying la zug pa'i brtson 'grus kyis/__/rang drin rang la che bar byin gyis rlobs/__/'gro kun pha mar shes pa'i snying stobs dang /__/dmigs med zung du 'jug pa'i nyams len gyis/__/myur du byang chub sems gnyis 'byongs nas kyang /__/'khor ba dong nas sprugs par byin gyis rlobs/__/ye shes ston pa'i drin can bla ma la/__/sangs rgyas kun las lhag pa'i mos gus kyis/__/nyams rtogs phun tshogs rgyud la skye ba dang /__/gegs dang gol sa chod par=__gang ltar snang yang thams cad rang gi sems/__/sems nyid gar yang ma grub stong pa nyid/__/ma bcos rnal mar 'jog pa'i nyams len gyis/__/'khrul pa rang thog grol bar=__ngo sprod don la nges shes brtan po yis/__/yengs med rgyun du goms pa mthar phyin te/__/chu bo lta bur rgyun chad med pa yi/__/mnyam bzhag brtan pa thob par=__gang shar rang ngo shes pa'i zab gnad kyis/__/rdzogs chen rang snang ris med mngon gyur te/__/byas chos thams cad dbyings su nub pa dang /__/rang byung ye shes 'char bar=__nam yang sgom ma myong ba'i rang babs gshis/__/'di la kun tu 'bral bar mi byed cing /__/sgom med don la gnas pa'i brtson 'grus kyis/__/nyin mtshan kun tu 'da' bar=__rgya chen chos kyi phung po mtha' yas pa/__/brgyad khri bzhi stong dag tu bstan pa yang /__/'di don rtogs slad gsungs pa'i tshul rig ste/__/'bral med rtse gcig skyong bar byin gyis rlobs/__/sems nyid yid bzhin nor bu rin po che/__/las dang bag chags nyon mongs dri phyis te/__/rnam dag sku bzhi'i rgyal mtshan rtser bkod nas/__/'gro la 'dod dgu'i chos char 'bebs par shog__/ces rdzogs pa chen po sems phyogs kyi gzhung khrid nyang lugs kyi brgyud 'debs so//____//__!