Property:colophontib
From Khyentse Lineage - A Tsadra Foundation Project
This is a property of type Text.
བ
བྱིན་འཇུག་དམིགས་པའི་འཁྲུལ་འཁོར་ཞལ་ལས་ཤེསཿ རིགས་བདག་དྲི་མ་མེད་པ་ཡིཿ སྒྲུབ་ཐབས་བྱིན་རླབ་སྤྲིན་ཕུང་འདིཿ བདེ་བའི་དྲིན་ལྡན་ཌཱཀྐི་མའིཿ བར་ཆད་སེལ་ཞིང་ཞབས་བརྟན་ཕྱིརཿ ཁྲག་འཐུང་ཆགས་པའི་རྡོ་རྗེས་ཕུལཿ ཡི་གེ་དམ་ལྡན་བུ་ཡིས་བྲིསཿ བསྐལ་བ་རྒྱ་མཚོར་ཞབས་བརྟན་ཤོགཿ ཨ་ཡུར་བྷྲཱུྃཿ རཱ་ཧུ་ལ་ཡི་བླ་རྡོའོཿ +
།ཞེས་འཇམ་དབྱངས་མཁྱེན་བརྩེའི་དབང་པོས་སོ།། +
།ཞེས་པའང་དད་པ་དང་ལྡན་པས་ནན་དུ་བསྐུལ་བའི་རེ་བ་སྐོང་ཕྱིར་བྱ་བྲལ་བ་འཇམ་དབྱངས་མཁྱེན་བརྩེའི་དབང་པོས་གང་ཤར་བྲིས་པ་དོན་དང་ལྡན་པར་གྱུར་ཅིག ། +
།མདོ་སྔགས་ཡིད་གཞུང་ཨཱ་ནནྡ་མངྒས་གསུང་ངག་གླེགས་བམ་རྟེན་བཅས་བསྐུལ་བའི་ངོར། སྐྱེད་ཚལ་བླ་བྲང་ཀུན་གཟིགས་གཟིམ་དཀྱིལ་དུ་འཇམ་དབྱངས་བློ་གྲོས་རྒྱ་མཚོས་སྦྱར་བ་དགེ། +
།ཞེས་པའང་བླ་མ་ཨོ་རྒྱན་བསམ་འགྲུབ་ནས་བསྐུལ་ངོར་མཁྱེན་བརྩེའི་དབང་པོས་བྲིས་པ་དོན་དང་ལྡན་པར་གྱུར་ཅིག +
།ཅེས་པའང་དུས་གསུམ་མཁྱེན་པ་ཨོ་རྒྱན་ཆེན་པོའི་བྱིན་རླབས་ལས་དཔའ་བོ་དང་མཁའ་འགྲོ་རང་བཞིན་གྱིས་འདུ་བའི་གནས་བོད་ཀྱི་རི་བོ་རྩེ་ལྔའི་མགུལ་བྲག་དམར་ཟངས་ཡག་ནམ་མཁའ་རྫོང་དུ་ཐུན་མོང་ཞེས་པ་ལྕགས་ཕོ་ཁྱིའི་ལོའི་ཆོ་འཕྲུལ་ཟླ་བའི་དཀར་ཕྱོགས་ཀྱི་ཚེས་བཅུར་ཚོགས་ཀྱི་མཆོད་པ་བགྱིས་པའི་སྐབས་རིག་པ་འཛིན་པ་ཀུན་མཁྱེན་བླ་མ་དགྱེས་པའི་འབངས་མཁྱེན་བརྩེའི་དབང་པོས་གསོལ་བ་བཏབ་པ་དེ་དེ་བཞིན་དུ་འགྲུབ་པར་བྱིན་གྱིས་བརླབ་ཏུ་གསོལ།། +
།ཅེས་པའང་དུས་གསུམ་མཁྱེན་པ་ཨོ་རྒྱན་ཆེན་པོའི་བྱིན་རླབས་ལས་དཔའ་བོ་དང་མཁའ་འགྲོ་རང་བཞིན་གྱིས་འདུ་བའི་གནས་བོད་ཀྱི་རི་བོ་རྩེ་ལྔའི་མགུལ་བྲག་དམར་ཟངས་ཡག་ནམ་མཁའ་རྫོང་དུ་ཐུན་མོང་ཞེས་པ་ལྕགས་ཕོ་ཁྱིའི་ལོའི་ཆོ་འཕྲུལ་ཟླ་བའི་དཀར་ཕྱོགས་ཀྱི་ཚེས་བཅུར་ཚོགས་ཀྱི་མཆོད་པ་བགྱིས་པའི་སྐབས་རིག་པ་འཛིན་པ་ཀུན་མཁྱེན་བླ་མ་དགྱེས་པའི་འབངས་མཁྱེན་བརྩེའི་དབང་པོས་གསོལ་བ་བཏབ་པ་དེ་དེ་བཞིན་དུ་འགྲུབ་པར་བྱིན་གྱིས་བརླབ་ཏུ་གསོལ།། +
།ཅེས་པ་གཏེར་གཞུང་ལས་ཁོལ་དུ་ཕྱུངས་ཏེ་མན་ངག་གིས་གསལ་བར་བྱས་ནས་མཆོག་གྱུར་གླིང་པས་བཀོད་བའོ།། +
སྒྲོལ་མ་འཇིགས་པ་ཀུན་སེལ་གྱི་རྗེས་དྲན་ལྔའི་ཁྲིད་ཀྱི་སྔོན་འགྲོ་གཏེར་གཞུང་ལས་བྱུང་སྟེ་ཅུང་ཟད་ཁ་བསྒྱུར་ནས་བཀོད་པའོ། །མངྒ་ལཾ། +
།ཅེས་པའང་རྩོད་བྲལ་དུས་བབ་ཀྱི་སྤྲུལ་པའི་གཏེར་སྟོན་ཆེན་པོ་ཨོ་རྒྱན་མཆོག་གྱུར་བདེ་ཆེན་གླིང་པའི་ཞལ་སྔ་ནས་ཟབ་ཆོས་འདི་ཉིད་ཀྱི་གཏེར་ཤོག་ཐོག་མར་འབེབས་རིམ་བཞིན་ཏུ་སྨིན་གྲོལ་གྱི་གདམས་པ་ཡོངས་སུ་རྫོགས་པར་ཐོབ་པའི་སྐལ་བཟང་ཅན་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོ་རྡོ་རྗེ་གཟི་བརྗིད་རྩལ་གྱིས། དོན་དུ་གཉེར་བའི་སྐྱེས་ཆེན་དམ་པ་དུ་མས་ཡང་དང་ཡང་དུ་གསུང་གིས་བསྐུལ་བའི་བཞེད་པ་བསྐང་ཕྱིར་ཉེར་མཁོ་མདོར་བསྡུས་སྙིང་པོར་དྲིལ་ཏེ་སྦྱར་བའི་དགེ་བས་བསྟན་འཛིན་གྱི་སྐྱེས་བུ་རྣམས་ཞབས་པད་བསྐལ་བརྒྱར་བརྟན་ཅིང༌། ཟབ་ཆོས་འདི་ཉིད་ཀྱི་ཕྲིན་ལས་འཇིག་རྟེན་གསུམ་དུ་ཁྱབ་ཅིང་རྟག་པའི་རྒྱུར་གྱུར་ཅིག། །སརྦ་དཱ་ཀ་ལྱཱ་ཎཾ་བྷ་བ་ཏུ། འདི་ནི་དབང་འབྲིང་བསྡུས་ཀྱི་མཚམས་སྦྱོར་ཉེར་འཁོ་ཙམ་སྟེ། དབང་རྒྱས་པར་བསྐུར་བའི་ཚུལ་སོགས་ནི་འཇམ་མགོན་རྡོ་རྗེ་འཆང་བླཽ་གྲོས་མཐའ་ཡས་ཀྱི་གསུང་རབ་ལས་རྟོགས་པར་བྱ་བ་ཁོ་ནའོ།། +
།ཅེས་པའང་རྩོད་བྲལ་དུས་བབ་ཀྱི་སྤྲུལ་པའི་གཏེར་སྟོན་ཆེན་པོ་ཨོ་རྒྱན་མཆོག་གྱུར་བདེ་ཆེན་གླིང་པའི་ཞལ་སྔ་ནས། ཟབ་ཆོས་འདི་ཉིད་ཀྱི་གཏེར་ཤོག་ཐོག་མར་འབེབས་རིམ་བཞིན་དུ་སྨིན་གྲོལ་གྱི་གདམས་པ་ཡོངས་སུ་རྫོགས་པར་ཐོབ་པའི་སྐལ་བཟང་ཅན་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོ་རྡོ་རྗེ་གཟི་བརྗིད་རྩལ་གྱིས་དོན་དུ་གཉེར་བའི་སྐྱེས་ཆེན་དམ་པ་དུ་མས་ཡང་དང་ཡང་དུ་གསུང་གིས་བསྐུལ་བའི་བཞེད་པ་བསྐང་ཕྱིར་ཉེར་མཁོ་མདོར་བསྡུས་སྙིང་པོར་དྲིལ་ཏེ་སྦྱར་བའི་དགེ་བས་བསྟན་འཛིན་གྱི་སྐྱེས་བུ་རྣམས་ཞབས་པད་བསྐལ་བརྒྱར་བརྟན་ཅིང་། ཟབ་ཆོས་འདི་ཉིད་ཀྱི་ཕྲིན་ལས་འཇིག་རྟེན་གསུམ་དུ་ཁྱབ་ཅིང་རྟག་པའི་རྒྱུར་གྱུར་ཅིག། །།སརྦ་དཱ་ཀ་ལྱཱ་ཎཾ་བྷ་བ་ཏུ།། །།འདི་ནི་དབང་འབྲིང་བསྡུས་ཀྱི་མཚམས་སྦྱོར་ཉེར་མཁོ་ཙམ་སྟེ། དབང་རྒྱས་པར་བསྐུར་བའི་ཚུལ་སོགས་ནི་འཇམ་མགོན་རྡོ་རྗེ་འཆང་བློ་གྲོས་མཐའ་ཡས་ཀྱི་གསུང་རབ་ལས་རྟོགས་པར་བྱ་བ་ཁོ་ནའོ།། +
།ཅེས་སྤྲུལ་པའི་གཏེར་ཆེན་འགྲོ་འདུལ་མཆོག་གྱུར་བདེ་ཆེན་གླིང་པས་ལྗགས་བསྒྲིགས་སུ་མཛད་པ་ལ་གསལ་བྱེད་ཁ་སྐོང་ཕྲན་ཚེགས་དང་བཅས་དག་པར་བྱེད་པ་པོ་པདྨ་གར་དབང་བློ་གྲོས་མཐའ་ཡས་སོ། །དགེ་ལེགས་འཕེལ།། +
།ཅེས་པའང་ལས་དང་པོ་པ་ལ་མཁོ་ཕྱིར་མཆོག་གྱུར་གླིང་པས་གུ་རུའི་བཀའ་བཞིན་བྲིས་པས་འགྲོ་ཀུན་ཕན་བདེའི་གོ་འཕང་ལ་དཀྲི་བའི་རྒྱུར་གྱུར་ཅིག། +
བླ་མའི་ཐུགས་སྒྲུབ་བར་ཆད་ཀུན་སེལ་གྱི་བསྙེན་སྒྲུབ་ཟིན་བྲིས་མདོར་བསྡུས་སུ་བཀོད་པ་སཱ་ལ་ཆེན་པོའི་ས་བོན། +
།ཟབ་ཆོས་འདིའི་མངའ་བདག་གཏེར་ཆེན་བླ་མ་རྣམ་གཉིས་ལས་སྨིན་གྲོལ་མན་ངག་གི་སྐལ་བཟང་རྫོགས་པར་ཐོབ་པས་རྒྱ་ཆེར་སྤྲོར་ཡོད་ཀྱང༌། དང་པོའི་ལས་ཅན་གྱི་ཉམས་ལེན་ཁྱེར་བདེ་ཙམ་ལ་དམིགས་ཏེ་པདྨ་གར་དབང་བློ་གྲོས་མཐའ་ཡས་པའི་སྡེས་དེ་བཱི་ཀོ་ཊི་གསུམ་པ་ཙྭ་འདྲ་རིན་ཆེན་བྲག་གི་སྒྲུབ་གནས་སུ་བགྱིས་པ་དགེ་ལེགས་འཕེལ།། +
བླ་མའི་ཐུགས་སྒྲུབ་བར་ཆད་ཀུན་སེལ་གྱི་རིམ་གཉིས་ཡོངས་རྫོགས་ཀྱི་ཁྲིད་ཡིག་འདུས་གསལ་མཚོ་སྐྱེས་བླ་མ་དགྱེས་པའི་ཞལ་ལུང་། +
།ཅེས་པའང་ཟབ་གསང་འདི་ཉིད་ཀྱི་མངའ་བདག་ཏུ་གདོད་ནས་གྲུབ་པ་ཀུན་མཁྱེན་མཚོ་སྐྱེས་བླ་མའི་ཡེ་ཤེས་སྒྱུ་མ་རོལ་པའི་ཟློས་གར་མཁས་བཙུན་གྲུབ་པའི་ཚོགས་རྗེ་རིགས་བརྒྱའི་ཁྱབ་བདག་འཇམ་དབྱངས་ཆོས་ཀྱི་བློ་གྲོས་གཙུག་ལག་ལུང་རིག་སྨྲ་བའི་ཉི་མ་ནས་ཐུན་མོང་མ་ཡིན་པའི་དགྱེས་བརྩེའི་ཤིང་རྟ་ཆེན་པོ་དུས་ཀུན་སྐྱོང་བའི་རྟེན་འབྲེལ་གྱིས། གངས་རིའི་ཁྲོད་ཙམ་ན་མངོན་པར་མཐོ་བའི་སྒྲུབ་གནས་ཀྱི་རྒྱལ་པོ་བདེ་ཆེན་པདྨ་ཤེལ་གྱི་ཕུག་པའི་འདབས་འབྱོར་ཤྲཱི་ན་ལནྡྲེ་གཉིས་པ་རྫོང་གསར་བཀྲ་ཤིས་ལྷ་རྩེའི་ཆོས་གྲྭ་བཀྲ་ཤིས་འཆི་མེད་གྲུབ་པའི་དགའ་ཚལ་ཞེས་རྡོ་རྗེའི་བླ་མ་པདྨ་སཾ་བྷ་ཝ་དངོས་བྱོན་གཏེར་ཆེན་ཆོས་ཀྱི་རྒྱལ་པོ་འགྲོ་འདུལ་མཆོག་གྱུར་བདེ་ཆེན་གླིང་པ་དང༌། ཀུན་མཁྱེན་ཆོས་ཀྱི་རྒྱལ་པོ་འཇམ་དབྱངས་མཁྱེན་བརྩེའི་དབང་པོ་ཡབ་སྲས་ལྷན་རྒྱས་པས་ཨོ་རྒྱན་ཌཱ་ཀིའི་གསང་མཛོད་འདི་ཉིད་ཐོག་མར་གཏན་ལ་ཕབ་པའི་གཟིམ་སྤྱིལ་དུ་མ་ཧཱ་གུ་རུའི་ཞལ་སྐྱིན་སྐུ་ཚབ་ཡིད་བཞིན་ནོར་བུ་དངོས་གྲུབ་དཔལ་འབར་དང་འཁོར་ལོའི་དབང་ཕྱུག་འཇམ་པའི་དབྱངས་ཐ་མི་དད་པས་ཟབ་ཆོས་འདི་ཉིད་ཀྱི་བསྙེན་སྒྲུབ་ཡན་ལག་བཞི་ལྡན་ཚོགས་སྒྲུབ་མཆོག་གི་དགའ་སྟོན་དང་འབྲེལ་བའི་སྨིན་གྲོལ་ཆིག་རྫོགས་ཐོབ་པའི་སྐལ་བཟང་གི་ངལ་འཚོ་ཐོབ་ཅིང༌། དངུལ་གྱི་མཎྜལ་རིན་པོ་ཆེའི་ཚོམ་བུ་མཛེས་པའི་རྟེན་བཅས་ཏེ་ཁྲིད་ཡིག་འབྲི་བར་འོས་པའི་བཀས་བསྐུལ་བ་དང༌། མཚུངས་མེད་རྡོ་རྗེའི་མཆེད་པོ་མཁྱེན་རབ་དང་ཐུགས་རྗེའི་སྣང་བ་ཚད་མེད་པ་གཏེར་ཆེན་མཆོག་གི་སྤྲུལ་པའི་སྐུ་འཇམ་དབྱངས་སྨྲ་བའི་ཟླ་བ་ནས་ཀྱང་བཀྲ་ཤིས་པའི་ལྷ་རྫས། རིན་ཆེན་གཉིས་པའི་འཁོར་ལོ་བཅུ་ཕྲག་ལམ་ལྔའི་གྲངས་ལྡན་གྱི་རྟེན་དང་བཅས་གྲུབ་པའི་ལམ་སྲོལ་སྤང་ཀློག་གིས་རྒྱ་ཆེར་སྤེལ་བའི་ཐུགས་བསྐྱེད་ཀྱི་གསོས་སུ་ཉེར་མཁོའི་རྐྱེན་གྱིས་མྱུར་དུ་གྲུབ་པར་གྱིས་ཞེས་གསུང་བསྐུལ་ལྟར་མཚོ་སྐྱེས་ཀུན་ཏུ་འཆང་དངོས་དཔལ་པདྨའི་སྙིང་པོའི་ཡབ་སྲས་ཀྱི་ཐུགས་རྗེའི་གདུགས་དཀར་པོའི་གྲིབ་བསིལ་གྱིས་དབུགས་དབྱུང་ཞིང༌། ཟབ་མོའི་གསང་བ་འདི་དག་ལ་ཡིད་ཆེས་ཀྱི་སྤོབས་པ་ཅུང་ཟད་དགེ་བས་མ་ཧཱ་གུ་རུ་རྡོ་རྗེ་འཆང་དང་རྣམ་འདྲེན་དབང་ཕྱུག་གཉིས་སུ་མེད་པས་རྡོ་རྗེའི་དཀྱིལ་འཁོར་འདིར་བཅུག་པའི་ཚེ་བསྩལ་བའི་མིང་པདྨ་གར་དབང་འོད་གསལ་མདོ་སྔགས་གླིང་པའམ་བཀྲ་ཤིས་དཔལ་འབྱོར་དུ་འབོད་པས་བན་ཆེན་ཕུན་ཚོགས་དར་རྒྱས་གླིང་གི་སྒྲུབ་སྡེ་གྲུབ་དབང་སངས་རྒྱས་མཉན་པའི་གཟིམ་སྤྱིལ་བལྟ་ན་སྡུག་གི་སྨན་ལྗོངས་བདེ་ཆེན་ངེས་དོན་འོད་གསལ་གླིང་དུ་ཚུལ་འདིའི་ཉམས་ལེན་གྱི་གཡར་ཁྲལ་བགྱིས་པའི་ཐུན་གསེང་རྣམས་སུ་བྲིས་པ་འདིས་ཀྱང་མཉམ་མེད་ཤཱཀྱ་སེང་གེའི་རིང་ལུགས་དང་ཕྲིན་ལས་འཇིག་རྟེན་གསུམ་ན་རྟག་ཅིང་ཁྱབ་པ་དང་ལྷུན་གྱིས་གྲུབ་པའི་རྒྱུར་གྱུར་ཅིག །སརྦ་དཱ་ཀ་ལྱ་ཎཾ་བྷ་ཝ་ཏུ།།
།ཅེས་པའང་གདོང་སྣ་མཆོག་སྤྲུལ་རིན་པོ་ཆེའི་གསུང་བསྐུལ་ངོར་༧ཆོས་ཀྱི་བློ་གྲོས་པས་ཟིན་བྲིས་སུ་བགྱིས་པ་དགེ་ལེགས་འཕེལ། མངྒ་ལཾ།། +
བླ་མའི་ཐུགས་སྒྲུབ་བར་ཆད་ཀུན་སེལ་ལས། ཆོས་སྐུ་སྣང་བ་མཐའ་ཡས་ཚེ་དཔག་མེད་ཕྱག་རྒྱ་གཅིག་པའི་ཕྲིན་ལས་དབང་བསྐུར་དང་བཅས་པ་འཆི་མེད་བདུད་རྩིའི་ཟིལ་མངར། +
།ཅེས་པའང་མདོ་སྨད་རེབ་ཀོང་རིག་པའི་འབྱུང་གནས་ཀྱི་བྱེ་བྲག་གྲུབ་བརྒྱའི་དེད་དཔོན་ཞབས་དཀར་ཚོགས་དྲུག་རང་གྲོལ་གྱི་གདན་ས་ཞོ་འཕང་དར་རྒྱས་གླིང་དུ་རིན་ཆེན་གཏེར་མཛོད་ཀྱི་དབང་ལུང་འཆད་ཞོར་ཆོག་བསྒྲིགས་བགྱིས་ཀྱང་དུས་ཀྱི་འགྱུར་བས་མ་དཔེ་བརླགས་པ། རྟེན་མཆོག་འགྱུར་མེད་གླིང་གི་བྱང་འདྲེན་པ་པདྨ་བཀྲ་ཤིས་ནས་རྟེན་བཅས་བསྐུལ་ཞིང༌། ཀུན་གཟིགས་མཁྱེན་བརྩེའི་གསུང་གི་ཟེགས་མ་སླར་ཡང་སྐལ་བཟང་གི་གསོས་སུ་སྨིན་པ། འབྲུག་བུམ་ཐང་སྐུ་རྗེས་རྡོ་རྗེའི་ཀེའུ་ཚང་དུ་བྲིས་པའི་ཡི་གེའི་མཐུན་འགྱུར་སྤྲུལ་སྐུ་ཀུན་དགའ་བཀྲ་ཤིས་ཀྱིས་བགྱིས་པ་འདིས་ཀྱང་ཚེ་དང་ཡེ་ཤེས་ཀྱི་སྣང་བས་འདོད་རྒུར་རྩེན་པའི་རྒྱུར་གྱུར་ཅིག། །། +
བླ་མའི་ཐུགས་སྒྲུབ་བར་ཆད་ཀུན་སེལ་ལས། བཀའ་སྲུང་བཀྲ་ཤིས་ཚེ་རིང་མཆེད་ལྔའི་ཐུན་མིན་སྲོག་གཏད་དང༌། རྗེས་འབྲང་བརྟན་མ། གཏེར་སྲུང་ཁྱུང་བཙུན་མའི་བཀའ་གཏད་ཀྱི་ཆོ་ག་བཀྲ་ཤིས་དོན་ཀུན་གྲུབ་པའི་དབྱངས་སྙན། +
།ཅེས་པའང་མཁྱེན་རྟོགས་མཚུངས་མེད་མཆོག་གླིང་གསུམ་པའི་སྐུ་གསུང་ཐུགས་ཀྱི་སྲས་དམ་པའི་ཡོན་ཏན་དུ་མས་ཐུགས་རྒྱུད་ཕྱུག་པའི་མཆོག་སྤྲུལ་རིན་པོ་ཆེ་ཐུབ་བསྟན་འཇིགས་མེད་བཤད་སྒྲུབ་བསྟན་པའི་ཉི་མ་དང༌། ཨེ་ཝཾ་ཆོས་ཀྱི་སྒར་ཆེན་གྱི་བྱང་འདྲེན་པ་འགྱུར་མེད་པདྨ་བཀྲ་ཤིས་དཔོན་སློབ་ནས་གསུང་བསྐུལ་ཟབ་ནན་གནང་བའི་རྐྱེན་གྱིས་ཁྱབ་བདག་འཇམ་པའི་དབྱངས་དངོས་པདྨ་ཡེ་ཤེས་རྡོ་རྗེའི་བཀའ་དྲིན་ལས་ཆོས་ཚུལ་འདིའི་ཟབ་གསང་ཡོངས་རྫོགས་ཀྱི་སྐལ་བཟང་མངོན་དུ་གྱུར་བའི་རྙིང་སྔགས་རྒན་པོ་འགྱུར་མེད་ཐེག་མཆོག་བསྟན་པའི་རྒྱལ་མཚན་གྱིས་ལྷོ་ལྗོངས་ཆོས་ཀྱི་རྒྱལ་པོའི་མངའ་རིས་སུ་གནས་པའི་སྐབས་བྲིས་པ་ཟབ་གསང་སྙིང་པོའི་རིང་ལུགས་འཕེལ་རྒྱས་ཡུན་དུ་གནས་པའི་རྒྱུར་གྱུར་ཅིག །མངྒ་ལཾ། དགེའོ།། +
བླ་མའི་ཐུགས་སྒྲུབ་བར་ཆད་ཀུན་སེལ་ལས། ཚེ་ཡུམ་ཙཎྜ་ལིའི་བྱིན་རླབས་ཟབ་མོ་གུད་དུ་སྦས་པ་བཀླགས་ཆོག་ཏུ་སྤེལ་བ་འཆི་མེད་གྲུབ་པའི་སྲོག་ཏིག། +
།ཅེས་པའང་འཆི་མེད་མཚོ་འཁྲུངས་རྒྱལ་བའི་ཞལ་སྐྱིན་མཁས་གྲུབ་ཀྱི་དབང་ཕྱུག་པདྨ་ཡེ་ཤེས་རྡོ་རྗེའི་བཀའ་དྲིན་ལས་ཟབ་གསང་འདི་ཉིད་རང་སྐལ་དུ་ཐོབ་པ་སྐལ་ལྡན་མངྒལས་མཆོག་གཏེར་གྱི་སྨིན་གྲོལ་རྒྱབ་བརྟེན་དང་བཅས་པ་ཆོས་ཀྱི་རྒྱལ་པོ་འཇམ་མགོན་རྣམ་གསུམ་གྱི་མཆོག་སྤྲུལ་དབུས་དད་འདུས་ཡོངས་ལ་ཆོས་སྐྱེས་སུ་འབུལ་བའི་སྐབས། རྟེན་མཆོག་འགྱུར་མེད་གླིང་གི་བྱང་འདྲེན་པ་པདྨ་བཀྲ་ཤིས་ནས་དཔེ་རྒྱུན་འབྱོར་ཞིང་ནན་བསྐུལ་ལྟར། ལྷོ་འབྲུག་མོན་ཁའི་བྲག་དཀར་སྐུ་རྗེས་བརྒྱ་རྩ་བརྒྱད་ཀྱི་རེ་ཁཱ་ལམ་མེར་གསལ་བའི་ཀེའུ་ཚང་ནས་བྲིས་པའི་ཡི་གེའི་མཐུན་སྦྱོར་བློ་གསལ་དད་བརྩོན་རྣམ་དཀར་སྤྲུལ་སྐུ་ཨཱ་ནནྡ་མངྒ་ལས་བགྱིས་པ་འགྲོ་ཀུན་ཚེ་དང་ཡེ་ཤེས་ཀྱི་དགའ་སྟོན་ཟད་མི་ཤེས་པར་ལོངས་སྤྱོད་པའི་དཔལ་དུ་གྱུར་ཅིག །ཨཱ་ཡུ་ཏིཥྛནྟུ།། +
