བླ་མའི་ཐུགས་སྒྲུབ་བར་ཆད་ཀུན་སེལ་གྱི་ཕྲིན་ལས་འབྲིང་པོ།

🚧 This website is under continued development. We appreciate your patience!

Previous Text Back to Volume PageNext Text

Wylie title	bla ma'i thugs sgrub bar chad kun sel gyi phrin las 'bring po
Location	mkhyen brtse'i bka' babs Volume 2, Text 50, Pages 389-419 (Folios 1a to 16a1)
Author	མཆོག་གྱུར་གླིང་པ་
Less details More details
Tertön	མཆོག་གྱུར་གླིང་པ་ (mchog gyur gling pa)
Citation	mchog gyur gling pa. bla ma'i thugs sgrub bar chad kun sel gyi phrin las 'bring po. In Rdzong sar 'jam dbyangs mkhyen brtse'i dbang po'i bka' babs, Vol. 2: 389-419. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
Genre	Activity Manual - las byang  ·  Revelations - gter ma  ·  Sadhanas - Evocation Ritual - sgrub thabs
Cycle	བླ་མའི་ཐུགས་སྒྲུབ་བར་ཆད་ཀུན་སེལ་ (bla ma'i thugs sgrub bar chad kun sel)
Deity	pad+ma 'byung gnas
Karchag page	JKW-KABAB-Volume-02-KHA-Karchag
Colophon	།ཅེས་པའང་ལས་དང་པོ་པ་ལ་མཁོ་ཕྱིར་མཆོག་གྱུར་གླིང་པས་གུ་རུའི་བཀའ་བཞིན་བྲིས་པས་འགྲོ་ཀུན་ཕན་བདེའི་གོ་འཕང་ལ་དཀྲི་བའི་རྒྱུར་གྱུར་ཅིག།
	ces pa'ang las dang po pa la mkho phyir mchog gyur gling pas gu ru'i bka' bzhin bris pas 'gro kun phan bde'i go 'phang la dkri ba'i rgyur gyur cig

Tibetan Text

Wylie

[edit]

༄༅། །བླ་མའི་ཐུགས་སྒྲུབ་བར་ཆད་ཀུན་སེལ་གྱི་ཕྲིན་ལས་འབྲིང་པོ་བཞུགས་སོ།། རྒྱལ་ཀུན་འདུས་གཟུགས་ཐོད་ཕྲེང་རྩལ་ལ་ཕྱག་འཚལ་ལོ། །ཆོས་དབྱིངས་ལྷ་ལམ་ཡངས་པ་ནས། །བདེ་ཆེན་ལོངས་སྤྱོད་དཀྱིལ་འཁོར་ཤར། །སྣ་ཚོགས་ཐབས་མཁས་འོད་འབུམ་འཕྲོ། །འགྲོ་བའི་མུན་སེལ་བླ་མར་འདུད། །གུ་རུའི་ཐུགས་སྒྲུབ་གངྒཱ་ལས། །བློ་དང་འཚམས་པའི་བུམ་པར་བླངས། །ཁྱེར་བདེ་སྐལ་ལྡན་རྣམས་ལ་སྤེལ། །དེ་ཡང་རྒྱལ་བ་ཀུན་འདུས་པའི་སྤྱི་གཟུགས་གུ་རུ་པདྨ་འབྱུང་གནས་ཀྱི་ཐུགས་ཀྱི་སྒྲུབ་པ་ཟབ་ལ་འདྲིལ་བ་ཤར་གཏེར་འབྲས་བུའི་ཚུལ་ཅན་བར་ཆད་ཀུན་སེལ་གྱི་ཕྲིན་ལས་འབྲིང་པོ་ཁྱེར་བདེ་བར་བཤད་པ་ལ་གསུམ། སྔོན་འགྲོ། དངོས་གཞི། རྗེས་སོ། །དེ་ལ་དང་པོ་ཚོགས་བསགས་ཤིང་༔ གཉིས་པར་བགེགས་ཚོགས་མཚམས་བཅད་བྱ༔ གསུམ་པར་འགལ་རྐྱེན་སྡིག་ལྟུང་བཤགས༔ བཞི་བར་རྡོ་རྗེའི་དམ་བཅའ་བཟུང་༔ ལྔ་པར་ཡེ་ཤེས་བྱིན་ཆེན་འབེབས༔ དྲུག་པར་མཆོད་རྫས་བྱིན་གྱིས་བརླབ༔ བདུན་པར་རང་རིག་རང་གསལ་གདབ༔ ཅེས་གསུངས་པས། དང་པོ་ལ་གཉིས། སྦྱོར་བ་རྟེན་མཆོད་བཤམ་པ་དང༌། ཚོགས་བསགས་དངོས་སོ། །དང་པོ་ནི། གནས་བཀྲ་ཤིས་སར་དུས་ཡར་ངོ་མར་ངོའི་ཚེས་བཅུ་ལྟ་བུར་གནས་ཁང་རྒྱན་གྱིས་བརྒྱན་ཅིང་རྩ་བ་གསུམ་གྱི་སྐུ་གསུང་ཐུགས་རྟེན་དགྲམ། སྟེགས་བུ་ཁེབས་ལྡན་གྱི་ཁར་རབ་དཀྱིལ་འཁོར་རས་བྲིས་སམ། མཎྜལ་ཚོམ་བུ། ཡང་ན་གཏོར་མ་ལ་བརྟེན་ཀྱང་རུང་སྟེ། གང་ལྟར་ཡང་བླ་མའི་གཏོར་ཆེན་ནི་རིན་པོ་ཆེའི་སྣོད་དུ་འབྲུ་སྣའི་ཕྱེ་ཆང་དང་མར་ཁུས་སྦྲུས། སྤོད་སྣ་ཚོགས་པ་བཏབ་ལ། བང་རིམ་བཞི་བར་རིན་ཆེན་ཟུར་བརྒྱད་ཀྱི་སྟེང་རིན་པོ་ཆེ་འབར་བ་པདྨས་བསྐོར་བ། འབྲིང་པོ་བང་རིམ་རིན་ཆེན་ཟུར་བརྒྱད་དོར་བ། བསྡུས་པ་མ་མོའི་གཏོར་མ་སྟེ་ཟླུམ་པོ་པདྨ་འདབ་བཞི་ཅན་གང་འབྱོར་རྒྱན་ཁྲོམ་མཐོང་བརྒྱུད་ལྟར་རམ་ལྔ་རྒྱན་ཉི་ཟླ་མེ་རི་ཅན་ཤ་རྒྱན་བཙུགས་ཟས་སྣས་བསྐོར། དར་གདུགས་སྣ་ཚོགས་ཕུབ་པའི་གཡས་སུ་རྩ་བརྒྱད་སྟོང་ཆང་དང་སྦྱར་བ། གཡོན་དུ་སོ་ལྔའི་རྫས་ཁྲག་དང་སྦྱར་བ། འོ་ཆང་གི་མཆོད་ཡོན། ཙན་དན་སྦྱར་བའི་ཞབས་བསིལ། མེ་ཏོག་སྣ་ཚོགས། སྦྱར་བའི་སྤོས། འབྲུ་མར་རྩི་མར་གྱི་མར་མེ། དྲི་བཟང་གི་ཆབ། ཞལ་ཟས་སྣ་ཚོགས་བཅས་དང༌། ཞིང་ལྤགས་ཀྱི་ཁར་ཚོགས་གཏོར་རིན་ཆེན་འབར་བ་སོགས་བཟའ་བཏུང་འབྱོར་ཚད། བཀའ་སྲུང༌། ཆད་ཐོ། བརྟན་མ། བགེགས་དང་གནས་བདག་གི་གཏོར་མ། རང་གི་མདུན་དུ་བསང་ཆུ། ནང་མཆོད། ཌཱ་རུ། རྡོ་རྗེ་དྲིལ་བུ། གདབ་ཕུར། མེ་ཏོག་གི་སྣོད། གུ་གུལ། ཡུངས་ཀར། སྦྱར་སྤོས། སྒྲུབ་གྲོགས་ཡོད་ན་རོལ་མོ་སོགས་དགོས་པའི་ཡོ་བྱད་འདུ་བྱ། གཉིས་པ་ཚོགས་བསགས་པ་ལ་ལྔ། ཕྱག་བྱ་བ། གསོལ་འདེབས། བྱིན་རླབས། གཏོར་མ་གཏོང་བ། སྐྱབས་སེམས་སོ། །དང་པོ་ནི། རྣལ་འབྱོར་པ་དུ་མ་ཡོད་ན་གྲལ་ཕྱག་ནི་ལྷ་དང༌། ཚུལ་ཕྱག་ཡེ་ཤེས་རྒན་རིམ་དང་བསླབ་པ་རྒན་རིམ་ལ་གཞིག་སྟེ་བྱ། གཉིས་པ་གསོལ་འདེབས་ནི་བརྒྱུད་པའི་བླ་མ་རྣམས་ལ་མོས་གུས་གདུང་ཤུགས་དྲག་པོས་ཚིག་བདུན་གསོལ་འདེབས། ལེའུ་བདུན་མའི་ལེའུ་གང་རིགས་ཀྱི་མཐར། བདེ་ལྡན་ཞིང་མགོན་ཁྱབ་བདག་ཆོས་ཀྱི་སྐུ། །འོད་མཚན་སྟོང་འབར་འཆི་མེད་ལྷ་ཡི་ལྷ། །གསོལ་བ་འདེབས་སོ་ཕྱི་ནང་བར་ཆད་སོལ། །བྱིན་གྱིས་རློབས་ཤིག་མཆོག་ཐུན་དངོས་གྲུབ་སྩོལ། །གྲུ་འཛིན་བདག་པོ་རྣམ་སྣང་ལོངས་སྤྱོད་རྫོགས། །སྙིང་རྗེའི་དབང་ཕྱུག་འགྲོ་མགོན་པད་དཀར་འཆང༌། །གསོལ་བ་འདེབས་སོ༴ །བྱིན་གྱིས༴ །དཔལ་ལྡན་པདྨ་ལས་འཁྲུངས་སྤྲུལ་པའི་སྐུ། །སྣང་སྲིད་ཟིལ་གནོན་རྒྱལ་དབང་ཐོད་ཕྲེང་རྩལ། །གསོལ་བ་འདེབས་སོ༴ །བྱིན་གྱིས༴ །ཡེ་ཤེས་མཁའ་ལ་སྤྱོད་པའི་ཚོགས་ཀྱི་རྗེ། །གསང་བའི་བདག་མོ་དབྱིངས་ཕྱུག་མཚོ་རྒྱལ་མར། །གསོལ་བ༴ །བྱིན་གྱིས༴ །འཇིག་རྟེན་མིག་གཅིག་རྒྱལ་ཚབ་བཻ་རོ་རྗེ། །འཇམ་དཔལ་རྡོ་རྗེ་ཁྲི་སྲོང་ཡབ་སྲས་ལ། །གསོལ་བ༴ །བྱིན་གྱིས༴ དམ་འཛིན་རྣམ་འཕྲུལ་གནས་གཏེར་བརྒྱ་རྩའི་བདག །སྙིགས་མའི་འགྲོ་འདུལ་མཆོག་གྱུར་བདེ་ཆེན་གླིང༌། །གསོལ་བ༴ །བྱིན་གྱིས༴ ལས་སྨོན་སྐལ་ལྡན་ཟབ་གསང་བསྟན་པ་འཛིན། ལུང་ཟིན་ཆོས་བདག་བརྒྱུད་པར་བཅས་པ་ལ། །གསོལ་བ༴ །བྱིན་གྱིས༴ །ཡི་དམ་ཌཱ་ཀི་དམ་ཅན་གནས་གཏེར་སྐྱོང༌། །ཟུང་འཇུག་ཡེ་ཤེས་རོལ་པའི་འཁོར་ལོ་ལ། །གསོལ་བ་འདེབས་སོ་ཕྱི་ནང་བར་ཆད་སོལ། །བྱིན་གྱིས་རློབས་ཤིག་མཆོག་ཐུན་དངོས་གྲུབ་སྩོལ། །བྱང་ཆུབ་བར་དུ་རྩ་གསུམ་ལྷག་པའི་ལྷས། །རྗེས་བཟུང་འཇིགས་བརྒྱད་བདུད་བཞི་དུག་ལྔ་སོགས། །ཕྱི་ནང་གསང་བའི་བར་ཆད་ཀུན་ཞི་ཞིང༌། །སྐུ་གསུམ་བླ་མའི་གོ་འཕང་མྱུར་ཐོབ་ཤོག །གསུམ་པ་བྱིན་རླབས་ཀྱི་ཚོགས་ལ་ལྔ། བསང་ཆུ། རྡོར་དྲིལ། ཕུར་བུ། ཕྲེང་བ། རྔའོ། །དང་པོ་ནི། ཨོཾ་ཧ་ཡ་གྲཱི་བ་ཧཱུྃ་ཕཊ། རང་ཉིད་སྐད་ཅིག་གིས་པདྨ་ཧེ་རུ་ཀ་པདྨ་དང་ཐོད་ཁྲག་འཛིན་པའི་སྐུར་གྱུར། དེའི་ཐུགས་ཀ་ནས་རྃ་ཡྃ་ཁྃ་འཕྲོས་པས་མ་དག་པའི་དངོས་འཛིན་ཐམས་ཅད་བསྲེགས་གཏོར་སྦྱངས། སྟོང་པའི་ངང་ལས་བསངས་ཆུའི་སྟེང་དུ། མ་སཱུརྻ་མཎྜལ། ཉི་མ་ལ་གནས་པའི་ཧཱུཾ་ཡིག་དམར་པོ། སྥ་ར་ཎ་ཕཊ། སཾ་ཧ་ར་ཎ་ཧཱུྃ། འཕྲོ་འདུས་ཡོངས་སུ་གྱུར་པ་ལས། ཨོཾ་པདྨ་མ་ཧཱ་ཀྲོ་དྷཱི་ཤྭ་རཱི་ཧཱུྃ་ཕཊ། ཁྲོ་མོ་དབྱིངས་ཕྱུག་མ་དམར་མོ་དྲིལ་བུ་དང་བྷན་དམར་འཛིན་པའི་སྐུར་གྱུར་པར་བསམ་ཞིང༌། རྡོ་རྗེ་རྩེ་གཅིག་པའི་ཕྱག་རྒྱས་རེག་ལ། ཨོཾ་མ་ཧཱ་ཀྲོ་དྷཱི་ཤྭ་རཱི་སརྦ་དྲ་བྱཾ་ཤོ་དྷ་ཡ་ཨོཾ་ཨཱཿཧཱུྃ་ཧྲཱིཿཋཱཿ ཞེས་བརྒྱ་རྩ་བརྒྱད་ཀྱིས་བྱིན་གྱིས་བརླབས་ནས། ཁྲོ་མོ་དབྱིངས་ཕྱུག་མའི་རང་བཞིན་ཆུའི་རྡུལ་ཕྲ་རབ་ཏུ་གྱུར་པར་བསམ། ཨོཾ་མ་ཧཱ་ཀྲོ་དྷཱི་ཤྭ་རཱི་སརྦ་དྲ་བྱཾ་ཤོ་དྷཱ་ཡ་ཧཱུྃ་ཕཊ༔ ཞེས་བདག་གནས་ཡོ་བྱད་ཐམས་ཅད་ལ་བསང་གཏོར་བྱ་ཞིང༌། ཐོག་མཐའ་ཀུན་ཏུ་ཡང་བསང་གཏོར་གྱི་བྱ་བ་ཐམས་ཅད་འདིས་བྱའོ། །བཞི་པ་རྡོར་དྲིལ་ནི། ཧཱུྃ་ལས་ཡེ་ཤེས་རྡོ་རྗེ་དང་༔ ཨཱཿལས་སྟོང་ཉིད་སྒྲ་སྒྲོགས་དྲིལ༔ ཐབས་ཤེས་གཉིས་མཚོན་ལག་ཏུ་བཟུང་༔ ཨོཾ་བཛྲ་གྷཎྜེ་ཨཱཿཧཱུྃ༔ རྡོ་རྗེ་གསོར་ཞིང་དྲིལ་བུ་དཀྲོལ། གསུམ་པ་ཕུར་བུ་ནི། ཨོཾ་བཛྲ་ཀཱི་ལི་ཀཱི་ལ་ཡ་ཧཱུྃ་ཕཊ༔ ཕུར་བུ་སྲས་མཆོག་སྐུར་གྱུར་པའི༔ གནས་གསུམ་ཨོཾ་ཨཱཿཧཱུྃ་འོད་ཀྱིས༔ རྡོ་རྗེ་གསུམ་དུ་བྱིན་གྱིས་བརླབས༔ བགེགས་དང་དམ་སྲི་ལོག་འདྲེན་རྣམས༔ འདུལ་བའི་ནུས་པ་ལྡན་པར་གྱུར༔ ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བྃ་ཧཱུྃ་ཕཊ༔ ཞེས་ཕུར་བུ་བསྒྲིལ། བཞི་པ་ཕྲེང་བ་ལག་གཡོན་དུ་བཀོད་ལ། ཨ་ཙནྡྲ། ཟླ་བ་ལ་གནས་ཏྲཱཾ་ཡིག་ལྔ༔ འོད་འཕྲོས་སངས་རྒྱས་ཐམས་ཅད་ཀྱི༔ གསུང་གི་རྡོ་རྗེའི་བྱིན་རླབས་བསྡུས༔ ཡོན་ཏན་ལྡན་པའི་ཕྲེང་བར་གྱུར༔ ལྷ་རྣམས་ཐུགས་དམ་བསྐུལ་བ་དང་༔ འཛབ་བཟླས་སངས་རྒྱས་ཐམས་ཅད་ཀྱི༔ གསུང་དབྱངས་མི་ཟད་འགྲུབ་པར་ཤོག༔ ལྷ་གང་བསྒྲུབ་ཀྱི་སྙིང་པོ་བཟླ། ལྔ་པ་རྔ་ནི། ཉི་མ་ལ་གནས་ཧཱུྃ་ཡིག་གིས༔ སངས་རྒྱས་ཀུན་གྱི་བྱིན་རླབས་བསྡུས༔ སྐྱེ་མེད་ཆོས་ཀྱི་སྒྲ་སྒྲོགས་པའི༔ ཡེ་ཤེས་རང་བཞིན་རྔ་རུ་གྱུར༔ མ་མོ་མཁའ་འགྲོ་དབང་སྡུད་ཅིང་༔ ཐུགས་དམ་བསྐུལ་བའི་ལས་འགྲུབ་འགྱུར༔ བཛྲ་ཙ་མ་ར་ཙ་མཱ་ར་ཡ་ཧཱུྃ༔ ཞེས་རྔ་དང་ཌཱ་རུ་བརྡུང༌། རོལ་མོ་རྒྱ་ཆེར་བྱ། བཞི་པ་གཏོར་མ་གཏོང་བ་ནི། གཏོར་མ་རྃ་ཡྃ་ཁྃ་གིས་བསྲེག་གཏོར་བཀྲུས། སྟོང་པའི་ངང་ལས་བྷྲཱུྃ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ་གཏོར་མ་ཁ་དོག་དྲི་རོ་ནུས་པ་ཕུན་སུམ་ཚོགས་པར་གྱུར། ཨོཾ་ཨཱཿཧཱུྃ་གིས་བྱིན་གྱིས་བརླབ། བྷཱུ་མི་པ་ཏིས་པ་རི་བཱ་ར་བཛྲ་ས་མཱ་ཛ༔ས་སྤྱན་དྲངས། བྷཱུ་མི་པ་ཏི་ས་པ་རི་བཱ་ར་ཨ་ཀཱ་རོ་སོགས། ཨོཾ་ཨཱཿཧཱུྃ་ཕཊ་སྭཱ་ཧཱ། ལན་གསུམ་གྱིས་བསྔོས་ལ། གང་དག་འདིར་གནས་ལྷ་དང་ཀླུ། །གནོད་སྦྱིན་སྲིན་པོ་གཞན་དག་ལ། །དཀྱིལ་འཁོར་དོན་དུ་ས་ཕྱོགས་འདི། །བདག་ཞུ་ཁྱོད་ཀྱིས་སྩལ་དུ་གསོལ། །ཞེས་ལན་གསུམ་གསོལ་བས་གནང་བ་བྱིན་པར་བསམ། ལྔ་བ་སྐྱབས་སེམས་ལ་གཉིས། དང་པོ་ནི། རང་གི་སྙིང་གའི་ས་བོན་ལས་འོད་ཟེར་འཕྲོས་པས། བླ་མ་རིག་འཛིན་སྒྱུ་འཕྲུལ་དྲྭ་བ་ཆེན་པོའི་དཀྱིལ་འཁོར་གྱི་ལྷ་ཚོགས་མདུན་གྱི་ནམ་མཁར་བཛྲ་ས་མཱ་ཛཿ ཞེས་སྐྱབས་ཡུལ་མཁའ་ཁྱབ་ཏུ་སད་པའི་སྤྱན་སྔར། ན་མོ༔ བདག་དང་མཁའ་མཉམ་སེམས་ཅན་མ་ལུས་ཀུན༔ བླ་མ་སངས་རྒྱས་ཆོས་དང་དགེ་འདུན་དང་༔ ཡི་དམ་དཔའ་བོ་མཁའ་འགྲོ་ཆོས་སྐྱོང་ཚོགས༔ ཐུགས་རྗེ་ཆེ་ལྡན་རྣམས་ལ་སྐྱབས་སུ་མཆི༔ གཉིས་པ་སེམས་བསྐྱེད་པ་ལ་གསུམ། སྨོན་སེམས་བསྐྱེད་པ། ཚོགས་བསགས་པ། འཇུག་པ་བྱང་ཆུབ་ཀྱི་སེམས་ལ་བློ་སྦྱང་བའོ། །དང་པོ་ནི། ཚོགས་ཞིང་རྣམས་དཔང་པོའི་ཚུལ་དུ་བྱས་ཏེ་དོན་ཡིད་ལ་དྲན་བཞིན་པས། ཧོཿ སྔོན་གྱི་རྒྱལ་བ་སྲས་དང་བཅས་རྣམས་ཀྱིས༔ བླ་མེད་བྱང་ཆུབ་མཆོག་ཏུ་ཐུགས་བསྐྱེད་ལྟར༔ བདག་ཀྱང་མར་གྱུར་མཁའ་མཉམ་འགྲོ་ཀུན་ལ༔ ཕན་གདག་སླད་དུ་སངས་རྒྱས་བསྒྲུབ་པར་བགྱི༔ གཉིས་པ་རང་གཞན་སེམས་ཅན་ཐམས་ཅད་སྒོ་གསུམ་གུས་པས་ཕྱག་འཚལ་ཞིང༌། མཆོད་པའི་སྤྲིན་རབ་འབྱམས་སྤྲོ་བ་སོགས་དམིགས་འདོན་ཟུང་དུ་ཆུད་པས། ཨོཾ་ཨཱཿཧཱུྃ་ཧྲཱིཿ རིག་འཛིན་པདྨ་འབྱུང་གནས་ལ་སོགས་པའི༔ ཕྱོགས་བཅུའི་སྐྱབས་ཡུལ་རྣམས་ལ་ཕྱག་འཚལ་ལོ༔ དངོས་སུ་འབྱོར་དང་ཡིད་ལས་བྱུང་བ་ཡི༔ ཀུན་བཟང་མཆོད་སྤྲིན་ནམ་མཁའ་གང་བས་མཆོད༔ སོ་ཐར་བྱང་ཆུབ་སེམས་དཔའི་བསླབ་པ་དང་༔ རིག་འཛིན་སྔགས་ཀྱི་དམ་ཚིག་ཉམས་ཆགས་བཤགས༔ འཕགས་དང་སོ་སོའི་སྐྱེ་བོའི་ཚོགས་རྣམས་ཀྱིས༔ རྒྱལ་སྲས་སྤྱོད་པ་སྤྱད་ལ་རྗེས་ཡི་རང་༔ མཐའ་ཡས་འགྲོ་བ་སྡུག་བསྔལ་གྱུར་པ་ལ༔ ཕན་པ་ཇི་ལྟར་འཚམས་པའི་ཆོས་འཁོར་བསྐོར༔ བསྐལ་པ་བྱེ་བ་བསམ་ཡས་ཇི་སྙེད་དུ༔ འགྲོ་བའི་དོན་དུ་མྱ་ངན་མི་འདའ་བཞུགས༔ བདག་གིས་དུས་གསུམ་བསགས་པའི་དགེ་བ་རྣམས༔ འགྲོ་ཀུན་བྱང་ཆུབ་སྙིང་པོ་ཐོབ་ཕྱིར་བསྔོ༔ གསུམ་པ་ནི། བདག་གི་བདེ་བ་གཞན་ལ་གཏོང་བའི་བྱམས་པ། གཞན་གྱི་སྡུག་བསྔལ་རང་གིས་བླང་བའི་སྙིང་རྗེ། དེ་དག་དང་མི་འབྲལ་བར་སྨོན་ལའི་དགའ་བ། ཐམས་ཅད་མཉམ་ཉིད་བཏང་སྙོམས་པའི་བློ་ཕྱོགས་རིས་དང་བྲལ་བས་རྒྱལ་སྲས་ཀྱི་སྤྱོད་པ་རླབས་པོ་ཆེ་ལ་བསླབ་པའི་འདུན་པ་དང་བཅས་པས། བསོད་ནམས་འདི་ཡིས་འགྲོ་ཀུན་བདེ་དང་ལྡན༔ སྡུག་བསྔལ་ཀུན་བྲལ་བདག་ལ་སྨིན་གྱུར་ཅིག༔ སྡུག་བསྔལ་མེད་པའི་བདེ་དང་མི་འབྲལ་ཞིང་༔ ཆོས་ཀུན་མཉམ་ཉིད་བཏང་སྙོམས་ལ་གནས་ཤོག༔ རྗེས་འབྲེལ་ཚོགས་ཞིང་བསྡུ་བ་ནི། ཛཿཧཱུྃ་བྃ་ཧོཿས་ཚོགས་ཞིང་རྣམས༔ ཡི་གེ་གསུམ་གྱི་རྣམ་པ་ཡིས༔ བདག་དང་མཁའ་མཉམ་འགྲོ་ལ་ཐིམ༔ སྒྲིབ་དག་བྱིན་གྱིས་བརླབས་པར་གྱུར༔ གཉིས་པ་བགེགས་ཚོགས་མཚམས་བཅད་པ་ལ་གསུམ། གཏོར་མ་སྦྱིན་པ། བཀའ་བསྒོ་བ། སྲུང་འཁོར་བསྒོམ་པའོ། །དང་པོ་ནི། ཨོཾ་སྭ་བྷཱ་བ་སོགས། སྟོང་པའི་ངང་ལས་བྷྲཱུྃ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ་གཏོར་མ་ཁ་དོག་དྲི་རོ་ནུས་པ་ཕུན་སུམ་ཚོགས་པར་གྱུར། ལག་གཉིས་མཁའ་ལྡིང་གི་ཕྱག་རྒྱ་སྟོན་བཞིན་པར། ཨོཾ་ཨཱཿཧཱུྃ་ལན་གསུམ་གྱི་མཐར་ཧ་ཧོ་ཧྲཱིཿ ཞེས་པས་བྱིན་གྱིས་བརླབ། དགུག་པ་ནི་ལྕགས་ཀྱུའི་ཕྱག་རྒྱས། ཨོཾ་སརྦ་བྷཱུ་ཏ་ཨཱ་ཀརྵ་ཡ་ཛཿ ཞེས་མགྲོན་དགུག །ཨོཾ་སརྦ་བིགྷྣཱན་ནམཿསརྦ་ཏ་ཐཱ་ག་ཏེ་བྷྱོ་སོགས། དཾ་བ་ལྱཱ་དི་སྭཱ་ཧཱ། ལན་གསུམ་གྱིས་བསྔོ། གཉིས་པ་བཀའ་བསྒོ་བ་ནི། ཧཱུྃ་ཧྲཱིཿ གཉིས་སྣང་འཁྲུལ་པའི་གདོན་བགེགས་འབྱུང་པོ་ཀུན༔ གཏོར་མ་འདི་ལོངས་རང་རང་གནས་སུ་དེངས༔ གལ་ཏེ་མི་འགྲོ་རྡོ་རྗེའི་མཚོན་ཆར་གྱིས༔ ལུས་ངག་ཡིད་གསུམ་རྡུལ་ཕྲན་ཇི་བཞིན་དུ༔ བདུན་རྒྱུད་རིགས་ཀྱང་རྩད་ནས་བརླག་པའི་ཕྱིར༔ དེ་བས་ད་ལྟ་ཉིད་དུ་ཕྱིར་དེངས་ཤིག༔ ཧཱུྃ་ཧཱུྃ་ཧཱུྃ་བི་ཤྭ་བཛྲ་ཀྲོ་དྷ་ཛྭ་ལ་མཎྜ་ལ་ཕཊ་ཕཊ་ཕཊ་ཧ་ལ་ཧ་ལ་ཧ་ལ་ཧཱུྃ༔ གཏོར་མ་ཕྱི་རོལ་དུ་དོར། ཡུངས་ཀར་བྲབ། གུ་གུལ་བདུག །རྡོ་རྗེ་གསོར་ཞིང་རོལ་མོའི་ཚམ་རྔམས་བཅས་བགེགས་བསྐྲད། གསུམ་པ་སྲུང་འཁོར་བསྒོམ་པ་ནི། ཧཱུྃ་ཧྲཱི༔ བདག་ཉིད་དཔལ་ཆེན་པདྨ་དབང་གི་སྐུ༔ འཁོར་འདས་ཐམས་ཅད་གསང་གསུམ་ཕྱག་རྒྱར་རྫོགས༔ རྡོ་རྗེའི་ས་གཞི་ར་གུར་བླ་བྲེ་སོགས༔ མཚོན་ཆ་རྣམ་ལྔའི་གུར་གྱིས་ཕྱོགས་མཚམས་གཏམས༔ མེ་རི་མེ་དཔུང་སྲིད་གསུམ་ཀུན་ཏུ་འཁྲུགས༔ གཉིས་མེད་ཡེ་ཤེས་ལྷ་སྔགས་ཆོས་སྐུའི་ངང་༔ མཚམས་ཀྱི་དཀྱིལ་འཁོར་རང་བཞིན་ལྷུན་གྱིས་གྲུབ༔ ཧཱུྃ་ཧཱུྃ་ཧཱུྃ་བཛྲ་རཀྵ་རཀྵ་བྷྲཱུྃ༔ གསུམ་པ་བཤགས་པ་ནི། མདུན་ཏུ་བཤགས་ཡུལ་གསལ་བཏབ་ལ། ཧོ༔ བདེ་གཤེགས་སྙིང་པོ་རང་བཞིན་འོད་གསལ་ལ༔ འཁྲུལ་པའི་དབང་གིས་སྒྲོ་དང་སྐུར་བཏབ་སྟེ༔ ལོག་པའི་ལམ་དུ་གོལ་བའི་ནོངས་པ་ཀུན༔ གཉིས་མེད་བློ་ལས་འདས་པའི་ངང་དུ་བཤགས༔ ས་མ་ཡ་ཤུདྡྷེ་ཨཱཿ བཤགས་དང་བཤགས་ཡུལ་མི་དམིགས་པའི་ངང་ལ་མཉམ་པར་བཞག །བཞི་པ་རྡོ་རྗེའི་དམ་བཅའ་བཟུང་བ་ནི། ཧཱུྃ༔ བདེ་ཆེན་ཡེ་ཤེས་མཆེད་ལྕམ་ལུ་གུ་རྒྱུད༔ མི་འབྲལ་རྩེ་གཅིག་བསྒྲུབ་པའི་གཡར་དམ་གྱིས༔ ཐོག་མ་ཐ་མ་མེད་པའི་ཡི་དམ་ལྷ༔ བླ་མ་རིག་འཛིན་ཀུན་བཟང་པདྨ་འབྱུང་༔ གདོད་ནས་རང་དང་ལྷན་ཅིག་སྐྱེས་པའི་ངང་༔ ད་ལྟ་དབྱེར་མེད་དུ་མ་རོ་གཅིག་པའི༔ བསྙེན་ཅིང་སྒྲུབ་པའི་ཏིང་འཛིན་ཟབ་མོ་ལས༔ འདའ་དཀའ་རྡོ་རྗེའི་དམ་ཚིག་མཆོག་ཏུ་བཟུང་༔ བོ་དྷི་ཙིཏྟ་བཛྲ་ས་མ་ཡ་ཧཱུྃ༔ ལྔ་པ་བྱིན་ཆེན་འབེབས་པ་ནི། ཞྭ་གོས་ཕོད་ཀ་རྒྱན་གྱིས་ཀླུབས། སྤོས་བསྲེགས་རོལ་མོ་སྙན་པར་འཁྲོལ། གར་འཁྲབ་གདུང་དབྱངས་ཞིང་གིས་གཡབ། སྤྲོ་ན་རྟགས་གདབ་ཟུར་གསལ་ལྟར་བྱ། བླ་མ་རིག་འཛིན་ལྷ་ཚོཊ་ལ༔ བཟོད་མེད་མོས་གུས་རྩེ་གཅིག་པས༔ ཧཱུྃ་ཧྲཱི༔ སྐུ་གསུམ་བླ་མའི་ལྷ་ཚོགས་དབྱིངས་ནས་བཞེངས༔ མི་མངོན་དབྱིངས་ནས་གནས་འདིར་གཤེགས་སུ་གསོལ༔ ཕྱི་ནང་གསང་བའི་དཀྱིལ་འཁོར་དམ་རྫས་ལ༔ སྐུ་གསུང་ཐུགས་ཀྱི་རྡོ་རྗེའི་བྱིན་ཆེན་ཕོབ༔ ངོ་མཚར་རྟགས་དང་མཚན་མ་མྱུར་དུ་སྟོན༔ སྒྲུབ་མཆོག་རྣམས་ལ་དབང་བསྐུར་བྱིན་གྱིས་རློབས༔ གནས་འདིར་བྱིན་ཕོབ་དབང་དང་དངོས་གྲུབ་སྩོལ༔ ཨོཾ་ཨཱཿཧཱུྃ་བཛྲ་གུ་རུ་དེ་བ་ཌཱ་ཀི་ནཱི་ཛྙཱ་ན་ཨཱ་བེ་ཤ་ཡ་ཨ་ཨཱཿ དྲུག་པ་མཆོད་པ་བྱིན་རླབས་ནི། ཧཱུྃ་ཧྲཱིཿ ཡིག་འབྲུ་གསུམ་ལས་རྃ་ཡྃ་ཁྃ་འཕྲོས་པས༔ ཡེ་ཤེས་མེ་རླུང་ཆུ་ཡིས་བསྲེག་གཏོར་བཀྲུས༔ སྣང་སྲིད་གཞིར་བཞེངས་མཆོད་པའི་ཕྱག་རྒྱ་ཆེ༔ ཀུན་བཟང་རྣམ་འཕྲུལ་རྒྱ་མཚོར་བྱིན་གྱིས་རློབས༔ ཧཱུྃ་ཧཱུྃ་ཧཱུྃ་སརྦ་པཱུ་ཛ་མེ་གྷ་ཨཱཿཧཱུྃ༔ ཨོཾ་བཛྲ་ཨརྒྷཾ་ཨཱཿཧཱུྃ༔ སོགས་ནས་ཤབྡ་ཨཱཿཧཱུྃ༔ ཧཱུྃ་ཧྲཱི༔ སྟོང་གསལ་རླུང་མེ་ཐོད་སྒྱེད་རྣམ་ཐར་གསུམ༔ ཆོས་དབྱིངས་རང་བྱུང་བྷནྡྷ་ཆེན་པོ་རུ༔ འབྱུང་བ་ཕུང་པོ་ཤ་ལྔ་བདུད་རྩི་ལྔ༔ མེ་རླུང་སྦྱོར་བས་བྱང་ཆུབ་སེམས་སུ་ཞུ༔ རླངས་པ་ཁ་དོག་ལྔ་ལྡན་ཕྱོགས་བཅུར་འཕྲོས༔ སྣོད་བཅུད་དྭངས་མ་ཨོཾ་ཨཱཿཧཱུྃ་དུ་འདུས༔ བདེ་བར་གཤེགས་པའི་བདུད་རྩི་སྤྱན་དྲངས་ནས༔ ཁ་སྦྱོར་འཁོར་ལོ་སྡོམ་པའི་བདུད་རྩིར་གྱུར༔ བྷྲཱུྃ་ལས་རིན་ཆེན་སྣོད་མཆོག་གཞལ་ཡས་དབུས༔ འབྲུ་གསུམ་ལས་བྱུང་གཏོར་མ་འདོད་ཡོན་ལྔ༔ རཀྟའི་སྣོད་མཆོག་ཨེ་ཡི་རང་བཞིན་དབུས༔ གཱིརྟིའི་མཁའ་ནས་དམར་ཆེན་ཆར་ལྟར་བབ༔ བདུད་རྩི་དཀྲུགས་ཤིང༌། ཨོཾ་ཨཱཿཧཱུྃ་སརྦ་པཉྩ་ཨ་མྲྀ་ཏ་ཀུཎྜ་ལཱི་ཧཱུྃ་ཧྲཱིཿཋཱ༔ བདུད་རྩིས་གཏོར་མར་བྲན་ཞིང༌། ཨོཾ་ཨཱཿཧཱུྃ་མ་ཧཱ་བ་ལིཾ་ཏ་ཏེ་ཛོ་བ་ལིཾ་ཏ་བ་ལ་བ་ཏེ་གུ་ཧྱ་ས་མ་ཡ་ཧཱུྃ་ཧྲཱིཿཋཱ༔ རཀྟ་ཕྱར་ཞིང༌། ཨོཾ་ཨཱཿཧཱུྃ་མ་ཧཱ་རཀྟ་ཛྭ་ལ་མཎྜ་ལ་ཧཱུྃ་ཧྲཱིཿཋཱ༔ བདུན་པ་རང་རིག་གསལ་གདབ་ནི། ཧཱུྃ༔ རང་རིག་བྱང་ཆུབ་སེམས་ཀྱི་རྩ་གསུམ་ལྷ༔ གཞན་དུ་མ་གྲུབ་རང་དང་དབྱེར་མེད་ངང་༔ རྒྱལ་བའི་དཀྱིལ་འཁོར་ཐམས་ཅད་འདི་ལ་རྫོགས༔ ཡེ་ནས་མ་བཅོས་ངང་དུ་རང་གསལ་གདབ༔ ཨོཾ་ཨཱཿཧཱུྃ་གུ་རུ་དྷེ་བ་ཌཱ་ཀི་ནཱི་སརྦ་ས་མ་ཡ་སྟྭཾ༔ བོ་དྷི་ཙིཏྟ་ཛྙཱ་ན་ཨཱཿ གཉིས་པ་དངོས་གཞི་ལ། དང་པོ་ཕྱག་རྒྱ་བསྐྱེད་ཅིང་གསལ༔ གཉིས་པ་ཡེ་ཤེས་དགུག་ཅིང་བསྟིམ༔ གསུམ་པར་དབྱེར་མེད་བཞུགས་སུ་གསོལ༔ བཞི་པར་ཕྱག་དང་མཆོད་པས་བསྙེན༔ ལྔ་པར་རྡོ་རྗེའི་གསང་གསུམ་བསྟོད༔ དྲུག་པ་འཛབ྄་བསྐུལ་བཟླས་པས་བསྒྲུབ༔ བདུན་པ་ཕྲིན་ལས་མཐར་ཕྱིན་ནས༔ དབང་དང་དངོས་གྲུབ་བླང་བར་བྱ༔ ཞེས་པ་ལྟར་བདུན་ལས། དང་པོ་ལ་བཞི། ཏིང་འཛིན་གསུམ་གྱི་ཁོག་ཕུབ་པ། རྟེན་གཞལ་ཡས་ཁང་བསྐྱེད་པ། བརྟེན་པ་ལྷ་བསྐྱེད་པ། བྱིན་རླབས་དབང་བསྐུར་བའོ། དང་པོ་ནི། ཨཱཿ ཆོས་སྐུ་དེ་བཞིན་ཉིད་དབྱིངས་འོད་གསལ་ངང་༔ ལོངས་སྐུ་འགག་མེད་ཀུན་སྣང་སྙིང་རྗེའི་རྩལ༔ སྤྲུལ་སྐུ་རྒྱུ་ཡི་ཏིང་འཛིན་ཧྲཱིཿདཀར་པོ༔ དེ་ལས་འོད་འཕྲོས་སྣོད་བཅུད་དངོས་འཛིན་སྦྱང་༔ གཉིས་པ་ནི། འབྱུང་བ་རིམ་བརྩེགས་རྡོ་རྗེའི་སྲུང་འཁོར་དབུས༔ བྷྲཱུྃ་ལས་རིན་ཆེན་གཞལ་ཡས་མཚན་ཉིད་རྫོགས༔ ལྟེ་བར་སེང་ཁྲི་པདྨ་ཉི་ཟླའི་སྟེང་༔ གསུམ་པ་ནི། རང་རིག་བདེ་གཤེགས་ཀུན་འདུས་པདྨ་འབྱུང་༔ དཀར་དམར་མདངས་ལྡན་ཞི་འཛུམ་ཁྲོས་པའི་ཉམས༔ པད་ཞྭ་གསང་ཕོད་ཆོས་གོས་བེར་ཕྱམ་གསོལ༔ ཕྱག་གཡས་རྡོ་རྗེ་གཡོན་པས་ཐོད་བུམ་བསྣམས༔ གསང་བའི་ཡུམ་མཆོག་སྦས་ཚུལ་ཁ་ཊྭཱྃ་འཁྱུད༔ ཞབས་གཉིས་རོལ་སྟབས་འོད་ལྔའི་ཀློང་ན་འགྱིང་༔ སྤྱི་བོར་ལོངས་སྐུ་སྤྱན་རས་གཟིགས་དབང་དཀར༔ ཕྱག་བཞི་ཐལ་སྦྱར་ཤེལ་ཕྲེང་པད་དཀར་འཛིན༔ དེ་ཡི་སྤྱི་བོར་ཆོས་སྐུ་སྣང་མཐའ་ཡས༔ དམར་པོ་མཉམ་གཞག་བདུད་རྩིའི་ཚེ་བུམ་བསྣམས༔ གཉིས་ཀ་ལོངས་སྤྱོད་ཡོངས་རྫོགས་རྒྱན་གྱིས་མཛེས༔ ཕྱི་རོལ་འདབ་བཞི་པདྨའི་གེ་སར་ལ༔ ཤར་དུ་རྒྱལ་བའི་གདུང་འཛིན་སྐུ་མདོག་དཀར༔ རལ་གྲི་ལྕགས་ཀྱུ་འཛིན་ཅིང་ཕྱེད་སྐྱིལ་བཞུགས༔ ཐོད་སྐམ་དབུར་བརྒྱན་སྟག་ཤམ་རུས་རྒྱན་འཕྱང་༔ ལྷོ་རུ་སྨྲ་བའི་སེང་གེ་དཀར་གསལ་མདངས༔ ཆོས་འཆད་ཕྱག་རྒྱས་པད་སྡོང་གླེགས་བམ་འཛིན༔ པཎ་ཞྭ་ཆོས་གོས་གསུམ་གསོལ་སྐྱིལ་ཀྲུང་བཞུགས༔ ནུབ་ཏུ་སྐྱེས་མཆོག་ཚུལ་བཟང་སྐུ་མདོག་སེར༔ རྡོ་རྗེ་སྒྲོམ་འཛིན་པཎ་ཞྭ་དམར་པོ་དང་༔ ཆོས་གོས་གསུམ་གསོལ་རྡོ་རྗེ་སྐྱིལ་ཀྲུང་བཞུགས༔ བྱང་དུ་བདུད་ཀྱི་གཤེད་ཆེན་དཀར་སྨུག་མདངས༔ བསྙེན་ཕུར་དཀུར་བརྟེན་ལས་ཕུར་བགེགས་ལ་གཟིར༔ འདོར་སྟབས་པད་ཞྭ་བེར་མཐིང་ཆོས་གོས་གསོལ༔ དེ་ཡི་ཕྱི་རིམ་རིན་ཆེན་ཟུར་བརྒྱད་ལ༔ ཤར་དུ་འཛམ་གླིང་རྒྱན་མཆོག་སྐུ་མདོག་མཐིང་༔ ལས་ཕུར་གཉིས་བསྒྲིལ་བསྙེན་ཕུར་སྐུ་ལ་འཆང་༔ བེར་ཆེན་དུར་ཁྲོད་ཆས་གསོལ་འདོར་སྟབས་བཞེངས༔ ལྷོ་རུ་པདྨ་འབྱུང་གནས་མཐིང་གསལ་མདངས༔ རྡོ་རྗེ་དྲིལ་འཛིན་ལྷ་ལྕམ་དཀར་མོ་འཁྲིལ༔ དར་དང་རིན་ཆེན་རུས་བརྒྱན་སྐྱིལ་ཀྲུང་བཞུགས༔ ནུབ་ཏུ་ཁྱད་པར་འཕགས་པའི་རིག་འཛིན་དཀར༔ རྡོ་རྗེས་ལམ་སྟོན་ཁ་ཊྭཱྃ་མཁར་བ་མཛད༔ བཞེངས་སྟབས་པད་ཞྭ་བེར་མཐིང་ཆོས་གོས་བཀླུབས༔ བྱང་དུ་རྫུ་འཕྲུལ་མཐུ་ཆེན་དམར་སྨུག་མདངས༔ རབ་བྱུང་ཆ་ལུགས་མགོ་ཕྲེང་རུས་རྒྱན་འཕྱང་༔ རྡོ་རྗེ་ཕུར་འཛིན་སྟག་གི་གདན་ལ་འགྱིང་༔ ཤར་ལྷོར་རིག་འཛིན་རྡོ་རྗེ་དྲག་རྩལ་དམར༔ རྡོ་རྗེ་སྡིག་པ་འཛིན་ཅིང་ཁྲོ་བོའི་ཆས༔ ཕག་མོ་མཐིང་ནག་གྲི་ཐོད་འཛིན་པས་འཁྱུད༔ ལྷོ་ནུབ་སྐལ་ལྡན་འདྲེན་མཛད་མཐིང་ནག་འབར༔ རྡོ་རྗེ་དུང་ཁྲག་འཛིན་ཅིང་དཔལ་གྱི་ཆས༔ གནམ་ཞལ་མཐིང་སྐྱ་གྲི་ཐོད་འཛིན་དང་འཁྲིལ༔ ནུབ་བྱང་རཀྴ་ཐོད་ཕྲེང་སྨུག་ནག་བརྗིད༔ དུར་ཁྲོད་ཆས་གསོལ་རྡོ་རྗེ་དུང་ཁྲག་འཛིན༔ མཐིང་འོད་འབར་མ་གྲི་ཐོད་འཛིན་པས་འཁྱུད༔ བྱང་ཤར་བདེ་ཆེན་རྒྱལ་པོ་དམར་གསལ་མདངས༔ ཕྱག་གཉིས་རྡོར་དྲིལ་འཛིན་ཅིང་ཡུམ་དང་སྦྱོར༔ ཁྲོ་འཛུམ་རིན་ཆེན་རུས་བརྒྱན་བརྐྱངས་བསྐུམས་གར༔ ཀུན་ཀྱང་གང་འདུལ་རྒྱན་དང་ཆ་ལུགས་རྫོགས༔ སྒོ་བཞིར་དཔའ་བོ་སྡེ་བཞི་ཡུམ་དང་བཅས༔ དཀར་སེར་དམར་ལྗང་རང་རྟགས་གྲི་ཐོད་འཛིན༔ རིན་ཆེན་རུས་བརྒྱན་བརྐྱངས་བསྐུམས་གར་གྱིས་བཞེངས༔ བར་མཚམས་རྩ་གསུམ་ཆོས་སྲུང་སྤྲིན་ལྟར་གཏིབས༔ སྣང་སྟོང་ཟུང་འཇུག་ཡེ་ཤེས་སྒྱུ་མའི་སྐུ༔ བཞི་པ་ནི། རྡོ་རྗེ་གསུམ་གྱི་ངོ་བོར་ལྷུན་གྲུབ་ཅིང་༔ ཡེ་ཤེས་རིགས་ལྔའི་དབང་མཆོག་རྫོགས་པར་གྱུར༔ ཨོཾ་ཨཱཿཧཱུྃ༔ ཨོཾ་ཧཱུྃ་ཏྲཾ་ཧྲཱིཿཨཱཿ ཨ་བྷི་ཥིཉྩ་ཧཱུྃ༔ གཉིས་པ་ཡེ་ཤེས་དགུག་ཅིང་བསྟིམ་པ་ནི། དབྱངས་དང་རོལ་མོའི་སྒྲ་དང་བཅས་པས། རང་གི་ཐུགས་ཀའི་ས་བོན་ལས་འོད་ཟེར་འཕྲོས་པས་སྐུ་གསུམ་གྱི་ཞིང་དཔལ་རི་པདྨ་འོད་ཀྱི་ཕོ་བྲང་ནས་གུ་རུ་པདྨ་ཐོད་ཕྲེང་རྩལ་ལ་འཁོར་དཀོན་མཆོག་རྩ་བ་གསུམ་གྱི་ལྷ་ཚོགས་ཀྱིས་བསྐོར་བ་བཛྲ་ས་མཱ་ཛཿ ཧཱུྃ་ཧྲཱིཿ ཡུལ་གྱི་མིང་ནི་ལྷོ་ནུབ་རྔ་ཡབ་གླིང་༔ སྤྲུལ་པའི་ཞིང་མཆོག་པདྨ་དྲྭ་བ་ནས༔ སྐུ་གསུམ་དབྱེར་མེད་ཨོ་རྒྱན་ཐོད་ཕྲེང་རྩལ༔ རབ་འབྱམས་རྩ་གསུམ་རྒྱ་མཚོའི་འཁོར་དང་བཅས༔ མོས་པའི་གནས་འདིར་གདུང་བས་སྤྱན་འདྲེན་ན༔ ཐུགས་རྗེ་ཐུགས་དམ་དབང་གིས་གཤེགས་ནས་ཀྱང་༔ བར་ཆད་ཀུན་སོལ་མཆོག་ཐུན་དངོས་གྲུབ་སྩོལ༔ ཨོཾ་ཨཱཿཧཱུྃ་བཛྲ་གུ་རུ་པདྨ་ཐོད་ཕྲེང་རྩལ་བཛྲ་ས་མ་ཡ་ཛཿསིདྡྷི་ཕ་ལ་ཧཱུྃ་ཨཱཿ ཛཿཧཱུྃ་བྃ་ཧོཿ གསུམ་པ་བཞུགས་སུ་གསོལ་བ་ནི། ཧཱུྃ་ཧྲཱི༔ ཡིད་འོང་ཕོ་བྲང་མཛེས་པའི་གཞལ་ཡས་དབུས༔ རིན་ཆེན་སེང་ཁྲི་པདྨ་ཉི་ཟླའི་གདན༔ མ་ཧཱ་གུ་རུའི་ལྷ་ཚོགས་འཁོར་དང་བཅས༔ དགྱེས་ཤིང་མི་གཡོ་བརྟན་པར་བཞུགས་སུ་གསོལ༔ ས་མ་ཡ་ཏིཥྛ་ལྷན༔ བཞི་པ་མཆོད་པ་ལ་གཉིས། ཕྱག་འཚལ། མཆོད་པའོ། །དང་པོ་ནི། རང་ཉིད་ལོགས་སུ་གྱེས་པའི་མཆོད་ལྷ་རྣམས་ཀྱིས་ཕྱག་མཆོད་བསྟོད་པ་འབུལ་བར་དམིགས་པའི་ཁྱད་པར་དང་བཅས། ན་མོ༔ སྐྱེ་འགགས་འགྱུར་མེད་ཕྲིན་ལས་ཐམས་ཅད་རྫོགས༔ རང་བྱུང་ཐུགས་རྗེས་འགྲོ་བ་མ་ལུས་སྒྲོལ༔ ཡིད་བཞིན་ནོར་ལྟར་དངོས་གྲུབ་ཆར་འབེབས་པ༔ རིག་འཛིན་འདུས་པའི་ཚོགས་ལ་ཕྱག་འཚལ་ལོ༔ ཨ་ཏི་པུ་ཧོ༔ པྲ་ཏཱིཙྪ་ཧོཿ གཉིས་པ་མཆོད་པ་ལ་གསུམ། ཕྱི། ནང༌། གསང་བའོ། །དང་པོ་ནི། ཧཱུྃ་ཧྲཱིཿ བླ་མ་ཡི་དམ་མཁའ་འགྲོའི་སྤྱན་ལམ་དུ༔ དངོས་འབྱོར་ཡིད་ཀྱིས་རྣམ་པར་སྤྲུལ་པ་ཡི༔ ཡན་ལག་བརྒྱད་ལྡན་མཆོད་ཡོན་མཚོ་ལྟར་བསྐྱིལ༔ དྲི་མེད་ཞབས་བསིལ་གངྒཱའི་རྒྱུན་བཞིན་སྦྲེང་༔ ལྷ་རྫས་མེ་ཏོག་ཆར་གྱིས་ནམ་མཁའ་བཀང་༔ དྲི་ཞིམ་སྤོས་ཀྱི་དུད་སྤྲིན་བར་སྣང་ཁྱབ༔ སྣང་གསལ་ཉི་ཟླའི་ཚོགས་རྣམས་འོད་རབ་གསལ༔ བྱུག་པས་བདེ་བ་བསྐྱེད་པ་བདུད་རྩིའི་ཆུ༔ རོ་བཅུད་ནུས་པ་ཕུན་ཚོགས་ཞལ་ཟས་རིགས༔ རོལ་མོ་གླུ་དབྱངས་ཀུན་བཟང་དབྱིངས་ཁྱབ་པ༔ འབུལ་ལོ་བཞེས་ནས་མཆོག་ཐུན་དངོས་གྲུབ་སྩོལ༔ ཨོཾ་ཨཱཿཧཱུྃ་གུ་རུ་དྷེ་བ་ཌཱ་ཀི་ནཱི་ས་པ་རི་བཱ་ར་ཨརྒྷཾ་པཱ་དྱཾ་སོགས་ནས། ཤབྡ་པྲ་ཏཱིཙྪ་སྭཱ་ཧཱ༔ གཉིས་པ་ནང་མཆོད་ལ་གཉིས། སྨན་རཀ་འབུལ་བ་དང༌། གཏོར་མ་འབུལ་བའོ། །དང་པོ་ནི། ཧཱུྃ་ཧྲཱིཿ རང་བྱུང་གདོད་ནས་རྣམ་པར་དག་པའི་རྫས༔ རྩ་བརྒྱད་ཡན་ལག་སྟོང་སྦྱར་སྨན་གྱི་མཆོག༔ འདོད་ཆགས་ཆགས་མེད་རཀྟའི་མཆོད་པ་ཆེ༔ བྱང་སེམས་དཀར་དམར་བདུད་རྩི་རཀྟའི་མཚོ༔ འཁོར་འདས་དྭངས་བཅུད་ཁམས་གསུམ་ཆགས་པའི་ཁྲག༔ ཟག་མེད་བདེ་བ་ཆེན་པོར་བཞེས་སུ་གསོལ༔ གུ་རུ་དྷེ་བ་ཌཱ་ཀི་ནཱི་སརྦ་པཉྩ་ཨ་མྲྀ་ཏ་མ་ཧཱ་རཀྟ་ཁཱ་ཧི༔ བདུད་རྩིའི་ཐིགས་གཏོར་ཞིང༌། ཆོས་སྐུ་སྣང་བ་མཐའ་ཡས་ཞལ་དུ་སརྦ་པཉྩ་ཨ་མྲྀ་ཏ་ཁ་རཾ་ཁཱ་ཧི། ལོངས་སྐུ་ཐུགས་རྗེ་ཆེན་པོའི་ཞལ་དུ༴ སྤྲུལ་སྐུ་པདྨ་འབྱུང་གནས་ཞལ་དུ༴ མཁའ་འགྲོ་ཡེ་ཤེས་མཚོ་རྒྱལ་ཞལ་དུ༴ ཆོས་རྒྱལ་ཁྲི་སྲོང་ཡབ་སྲས༴ གནུབས་ཆེན་སངས་རྒྱས་ཡེ་ཤེས༴ ལོ་ཙཱ་རྒྱལ་བ་མཆོག་དབྱངས༴ དགེ་སློང་ནམ་མཁའི་སྙིང་པོའི༴ གཉགས་ཆེན་ཡེ་ཤེས་གཞོན་ནུའི༴ ལང་གྲོ་དཀོན་མཆོག་འབྱུང་གནས༴ སྔགས་འཆང་རྡོ་རྗེ་བདུད་འཇོམས༴ ལོ་ཆེན་བཻ་རོ་ཙ་ནའི༴ འབྲོག་མི་དཔལ་གྱི་ཡེ་ཤེས༴ རླངས་ཆེན་དཔལ་གྱི་སེང་གེའི༴ གཏེར་ཆེན་མཆོག་གྱུར་གླིང་པའི༴ དྲིན་ཆེན་རྩ་བའི་བླ་མའི༴ དཀོན་མཆོག་རིན་ཆེན་རྣམ་གསུམ༴ ཡི་དམ་དཀྱིལ་འཁོར་ལྷ་ཚོགས༴ གནས་ཡུལ་དཔའ་བོ་མཁའ་འགྲོའི༴ དམ་ཅན་ཆོས་སྲུང་རྒྱ་མཚོའི༴ སྣོད་བཅུད་ལྷ་རུ་གསལ་བའི་ཞལ་དུ་སརྦ་པཉྩ་ཨ་མྲྀ་ཏ་ཁ་རཾ་ཁཱ་ཧི། བདུད་རྩི་རང་གིས་མྱང་ཞིང༌། ཨོཾ་ཨཱཿཧཱུྃ༔ མཐེབ་སྲིན་ཉི་ཟླའི་གའུ་སྦྱར་བ་ཡིས༔ ལྷ་ཚོགས་དངོས་གྲུབ་བདུད་རྩིའི་འབྲུ་གསུམ་པོ༔ བླངས་ཏེ་རྡོ་རྗེའི་ལྕེ་ཡི་ཧཱུྃ་ལ་བརྒྱུད༔ ལུས་ཀུན་གང་བས་ཡེ་ཤེས་རྒྱས་པར་གྱུར༔ ཀཱ་ཡ་སིདྡྷི་ཨོཾ༔ ཝཱ་ཀ་སིདྡྷི་ཨཱཿ ཙིཏྟ་སིདྡྷི་ཧཱུྃཿ གཉིས་པ་གཏོར་མ་འབུལ་བ་ནི། ཧཱུྃ་ཧྲཱིཿ སྣང་བ་སྣོད་ཀྱི་འཇིག་རྟེན་གཏོར་གཞོང་དུ༔ སྲིད་པ་བཅུད་ཀྱི་སེམས་ཅན་གཏོར་མར་སྦྱང་༔ དཔལ་གྱི་གཏོར་མ་བརྗིད་ལྡན་འགྱིང་བ་འདི༔ བླ་མ་ཡི་དམ་མཁའ་འགྲོའི་ཚོགས་ལ་འབུལ༔ ཨོཾ་ཨཱཿཧཱུཾ་གུ་རུ་དྷེ་བ་ཌཱ་ཀི་ནཱི་མ་ཧཱ་བ་ལིཾ་ཏ་ཁཱ་ཧི༔ གསུམ་པ་གསང་མཆོད་ནི། ཨོཾ༔ ཐབས་དང་ཤེས་རབ་དབྱེར་མེད་བྱང་ཆུབ་སེམས༔ བདེ་ཆེན་དགྱེས་བསྐྱེད་འཁྲུལ་པ་བསྒྲལ་བའི་སྤྲིན༔ ཡེ་ནས་མཆོད་དང་མཆོད་ཡུལ་དམིགས་གཏད་བྲལ༔ རང་བྱུང་ལྷུན་གྲུབ་མཆོད་པ་ཆེན་པོའོ༔ སྟ་ན་ག་ཎ་དྷཱ་ཏུ་ཨཱཏྨ་ཀོ྅ཧཾ༔ ལྔ་པ་བསྟོད་པ་ནི། ཨོཾ༔ ཐུགས་རྗེའི་བདག་ཉིད་མགོན་པོ་ཚེ་དཔག་མེད༔ དུས་གསུམ་རྒྱལ་བའི་གཙོ་ལ་ཕྱག་འཚལ་བསྟོད༔ ཨཱཿ འགྲོ་བའི་མགོན་པོ་འཕགས་པ་སྤྱན་རས་གཟིགས༔ འཁོར་བ་དོང་ནས་སྤྲུགས་ལ་ཕྱག་འཚལ་བསྟོད༔ ཧཱུྃ༔ དུས་གསུམ་སངས་རྒྱས་ཨོ་རྒྱན་སྤྲུལ་པའི་སྐུ༔ སྐུ་ཡི་སྤྲུལ་པས་ཕྱོགས་བཅུའི་ཞིང་ཀུན་ཁྱབ༔ ཞིང་ཁམས་རབ་འབྱམས་སྐུ་ཡི་དབྱིངས་སུ་རྫོགས༔ ཆོས་ཀྱི་གསུང་དབྱངས་ནམ་མཁའི་མཐའ་དང་མཉམ༔ ཐུགས་ཀྱི་དགོངས་པ་ཟང་ཐལ་འདུས་མ་བྱས༔ ཡོན་ཏན་བསམ་ཡས་བརྗོད་པའི་ཡུལ་ལས་འདས༔ ཕྲིན་ལས་འགྲོ་འདུལ་རྩོལ་མེད་རྟག་ཏུ་འཇུག༔ དཀྱིལ་འཁོར་གཙོ་མཆོག་རིགས་རྣམས་ཀུན་གྱི་བདག༔ པདྨ་ཐོད་ཕྲེང་རྩལ་ལ་ཕྱག་འཚལ་བསྟོད༔ ཧཱུྃ་ཧྲཱིཿ རྒྱལ་བའི་གདུང་འཚོབ་རིག་འཛིན་འགྲོ་བའི་མགོན༔ མཁྱེན་རབ་མཐར་ཕྱིན་རིག་འཛིན་སྨྲ་བའི་སེང་༔ དངོས་གྲུབ་མཆོག་བརྙེས་རིག་འཛིན་པདྨའི་ཞལ༔ མུ་སྟེགས་འདུལ་མཛད་རིག་འཛིན་བདུད་ཀྱི་གཤེད༔ ལྷ་དང་གཉིས་མེད་རིག་འཛིན་འཛམ་གླིང་རྒྱན༔ འཆི་མེད་རྡོ་རྗེའི་རིག་འཛིན་པདྨ་འབྱུང་༔ ཁྱད་པར་འཕགས་པའི་རིག་འཛིན་ཀུན་ཏུ་འཆང་༔ དྲེགས་པ་ཚར་གཅོད་རིག་འཛིན་གྲོ་བོ་ལོད༔ འཁོར་འདས་ཟིལ་གནོན་རིག་འཛིན་དྲག་པོ་རྩལ༔ ཡེ་ཤེས་ཀློང་དགུའི་རིག་འཛིན་དཔལ་ཆེན་པོ༔ སྲིན་པོའི་ཁ་གནོན་རིག་འཛིན་ཐོད་ཕྲེང་རྩལ༔ སྐུ་གསུམ་དབྱེར་མེད་རིག་འཛིན་བདེ་ཆེན་རྒྱལ༔ ཀུན་ཀྱང་གང་འདུལ་རྒྱན་དང་ཆ་ལུགས་རྫོགས༔ སོ་སོའི་རིགས་ཀྱི་ཚོམ་བུ་མཐའ་ཡས་ཤིང་༔ སྤྲུལ་པ་ཡང་སྤྲུལ་ཉི་ཟེར་རྡུལ་ལྟར་འགྱེད༔ མཛད་པ་བཅུ་གཉིས་སྟོན་ལ་ཕྱག་འཚལ་བསྟོད༔ ཧཱུྃ་ཧྲཱིཿ རྡོ་རྗེ་རིན་ཆེན་པདྨ་ལས་ཀྱི་རིགས༔ ཕྲིན་ལས་བཞི་ལྡན་དཔའ་བོ་མཁའ་འགྲོའི་ཚོགས༔ རྣམ་པར་ཐར་པ་བརྒྱད་ཀྱི་ངོ་བོ་ཉིད༔ བྱིན་རླབས་དངོས་གྲུབ་ཕྲིན་ལས་ཀུན་གྱི་བདག༔ སྤྲིན་ལྟར་གཏིབས་པའི་རབ་འབྱམས་རྩ་གསུམ་ལྷ༔ བསམ་ཡས་སྒྱུ་འཕྲུལ་དྲྭ་བར་ཕྱག་འཚལ་བསྟོད༔ དྲུག་པ་འཛབ་བཟླ་བ་ལ་བཞི། འཛབ྄་ཁང་དབྱེ་བ། ཐུགས་དམ་བསྐུལ་བ། འཛབ྄་བཟླ་བ། འཛབ྄་བསྟོད་བྱ་བའོ། །དང་པོ་ནི། བྷྲཱུྃ་བི་ཤྭ་བི་ཤུདྡྷེ་ཧྲཱིཿཧཱུྃ་ཕཊ་ཛཿ བདག་ཉིད་རྩ་བའི་དཀྱིལ་འཁོར་ལས༔ ཡེ་ཤེས་དཀྱིལ་འཁོར་གཉིས་པ་དབྱེ༔ མདུན་གྱི་ནམ་མཁར་བཞུགས་པར་གྱུར༔ གཉིས་པ་འཛབ྄་ལ་བསྐུལ་བ་ནི། ཧཱུྃ་ཧྲཱིཿ རིག་འཛིན་བླ་མའི་ལྷ་ཚོགས་དབྱིངས་ནས་བཞེངས༔ ཐུགས་དམ་གནད་ནས་བསྐུལ་ལོ་འཛབ྄་སྒྲ་སྒྲོགས༔ སྣང་སྟོང་སྐུ་ཡི་ཕྱག་རྒྱས་སྟོང་གསུམ་གང་༔ གྲགས་སྟོང་གསུང་གི་འཛབ་དབྱངས་འབྲུག་ལྟར་ལྡིར༔ རིག་སྟོང་ཐུགས་ཀློང་འོད་གསལ་ངང་དུ་གནས༔ ལྷ་རྣམས་ཐམས་ཅད་བདེ་བའི་གར་གྱིས་རོལ༔ སྔགས་རྣམས་རྩོལ་མེད་རྡོ་རྗེའི་གླུ་ཡིས་བསྐུལ༔ ཐུགས་ནི་སྒྲོལ་མཛད་ཡེ་ཤེས་སྲོག་དང་བཅས༔ མ་གསལ་བར་དུ་བསྐྱེད་ཅིང་བཟླས་པར་འབད༔ མ་གྲུབ་བར་དུ་དགོངས་པ་མི་བཏང་གསོལ༔ མ་གཡེལ་ཐུགས་དམ་ཆེན་པོའི་དུས་ལ་བབ༔ བསྙེན་སྒྲུབ་རྣམ་བཞི་སྟན་ཐོག་འདི་ཉིད་དུ༔ མཐར་ཕྱིན་དཀྱིལ་འཁོར་བདག་པོར་འགྲུབ་པར་མཛོད༔ གསུམ་པ་ཏིང་འཛིན་བསྒོམ་ཞིང་འཛབ྄་བཟླ་བ་ལ་གསུམ། སྐུ་གསུམ་བསྙེན་པ། སྤྱི་དྲིལ། ལས་ལ་སྦྱོར་བའོ། །དང་པོ་ལ་གསུམ། ཆོས་སྐུ་ལ་བརྟེན་ནས་བདག་དོན་བྱིན་རླབས་བསྡུ་བ། ལོངས་སྐུ་ལ་བརྟེན་ནས་གཞན་དོན་ཕྲིན་ལས་མཁའ་ཁྱབ། སྤྲུལ་སྐུ་ལ་བརྟེན་ནས་བདག་གཞན་གཉིས་མེད་བསྐྱེད་རྫོགས་ཟུང་འཇུག་གི་བཟླས་པའོ། །དང་པོ་ནི། སྤྱི་བོའི་རིགས་བདག་ཐུགས་ཀ་ནས༔ འོད་འཕྲོས་འཁོར་འདས་ཚེ་བཅུད་བསྡུས༔ ཕྱག་གི་བུམ་པའི་ནང་དུ་ཐིམ༔ དེ་ལས་བདུད་རྩིའི་རྒྱུན་བབས་པས༔ བདག་གི་ཚངས་པའི་སྒོ་ནས་ཞུགས༔ ལུས་གང་ནད་གདོན་སྡིག་སྒྲིབ་དག༔ དངོས་གྲུབ་རྣམ་གཉིས་ཐོབ་པར་བསམ༔ ཨོཾ་ཨ་མཱ་ར་ཎི་ཛཱི་བནྟི་ཡེ་སྭཱ་ཧཱ༔ གཉིས་པ་ནི། འགྲོ་འདུལ་འཕགས་པའི་ཐུགས་ཀ་ནས༔ འོད་འཕྲོས་རིགས་དྲུག་ཁམས་ཀུན་ཁྱབ༔ སོ་སོའི་ཉོན་མོངས་དྲུག་སྦྱངས་ནས༔ ཐུགས་རྗེ་ཆེན་པོའི་སྐུ་རུ་བསམ༔ ཨོཾ་མ་ཎི་པདྨེ་ཧཱུྃ་ཧྲཱིཿ གསུམ་པ་ནི། རང་ཉིད་རིགས་འདུས་བླ་མ་ཡི༔ ཐུགས་ཀར་ཟླ་བའི་དཀྱིལ་འཁོར་སྟེང་༔ གསེར་གྱི་རྡོ་རྗེ་རྩེ་ལྔ་པའི༔ ལྟེ་བར་ཧྲཱིཿམཐར་སྔགས་ཀྱིས་བསྐོར༔ དེ་ལས་འོད་འཕྲོས་འཕགས་པ་མཆོད༔ བྱིན་རླབས་དངོས་གྲུབ་རང་ལ་ཐིམ༔ སླར་འཕྲོས་ཕྱི་སྣོད་དག་པའི་ཞིང་༔ ནང་བཅུད་འགྲོ་ཀུན་ལྷ་ཡི་སྐུ༔ སྒྲ་གྲགས་རྡོ་རྗེའི་སྔགས་ཀྱི་དབྱངས༔ དྲན་རྟོག་འོད་གསལ་ཡེ་ཤེས་ངང་༔ གཉིས་མེད་དཀྱིལ་འཁོར་གཅིག་ཏུ་བསམ༔ ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃཿ གཉིས་པ་སྤྱི་དྲིལ་སྒྲུབ་པ་བདེ་ཆེན་བཟླས་པ་ནི། བདག་དང་དཀྱིལ་འཁོར་ལྷ་ཚོགས་ཀྱི༔ སྐུ་ལས་སྐུ་འཕྲོས་འཇིག་རྟེན་གང་༔ གསུང་གི་འཛབ་དབྱངས་སྔགས་སྒྲ་སྒྲོགས༔ ཐུགས་ནི་འགྱུར་མེད་འོད་གསལ་ངང་༔ ཕྱོགས་དུས་རྒྱལ་བ་མཆོད་པས་མཉེས༔ ཁམས་གསུམ་འགྲོ་བའི་དོན་གཉིས་བསྒྲུབས༔ ཐམས་ཅད་ཕྱག་རྒྱའི་དཀྱིལ་འཁོར་ཆེ༔ བསམ་གྱིས་མི་ཁྱབ་ཡོངས་རྫོགས་བསམ༔ ཨོཾ་ཨཱཿཧཱུྃ་བཛྲ་གུ་རུ་པདྨ་ཐོད་ཕྲེང་རྩལ་བཛྲ་ས་མ་ཡ་ཛཿ སིདྡྷི་ཕ་ལ་ཧཱུྃ་ཨཱཿ སྐབས་སུ་དབྱངས་ཀྱི་རྟ་ལ་བསྐྱོན་པ་སོགས་བཟླས་པ་ཅི་འགྲུབ་བྱ། ཧཱུྃ་གི་གླུ་དབྱངས་རླུང་གནད་དང་སྦྱར་བ་བདེ་ཆེན་རྡོ་རྗེའི་བཟླས་པ་སོགས་ནི་སྒྲུབ་པའི་སྐབས་ལ་དགོས་པ་ཡིན་གྱི་ཉི་ཚེ་བ་ལ་མ་བྱས་ཀྱང་ཆད་པའི་སྐྱོན་མེད་དོ། །གསུམ་པ་ལས་ལ་སྦྱར་བ་ནི། རང་གི་ཐུགས་ལས་འོད་འཕྲོས་པས༔ དཔའ་བོ་རིགས་བཞིའི་ཐུགས་རྒྱུད་བསྐུལ༔ སྤྲུལ་པ་ཡང་སྤྲུལ་འཇིག་རྟེན་ཁྱབ༔ ཕྲིན་ལས་རྣམ་བཞི་ལྷུན་གྲུབ་བསམ༔ སྤྱི་དྲིལ་མཐར༔ ཧ་རི་ནི་ས་ར་ཙ་ཧྲི་ཡ་ཙིཏྟ་ཧྲིང་ཧྲིང་ཛ༔ སརྦ་སིདྡྷི་ཕ་ལ་ཧཱུྃ༔ སྒྲུབ་པའི་བཅུ་ཆ་བཟླ། བཞན་ཁ་བསྒྱུར་དང་མན་ངག་སྦྱར་བར་འདོད་ན་ཞལ་གདམས་སྙིང་བྱང་ལ་བལྟ་བར་བྱའོ། བཞི་པ་ཛཔ྄་བསྟོད་བྱ་བ་ལ་གསུམ། མཆོད་པ་བསྟོད་ཅིང་འདོད་དོན་གསོལ་བ་བཤགས་པ་བྱ་བའོ། དང་པོ་ནི། ཨོཾ་ཨཱཿཧཱུྃ༔ ཕྱི་མཆོད་འདོད་ཡོན་རྒྱ་མཚོ་སྤྲིན་ལྟར་གཏིབས༔ ནང་མཆོད་སྨན་རཀ་གཏོར་ཚོགས་བསམ་མི་ཁྱབ༔ གསང་མཆོད་བདེ་སྟོང་ཟུང་འཇུག་ཡེ་ཤེས་དབྱིངས༔ འབུལ་ལོ་བཞེས་ནས་མཆོག་མཐུན་དངོས་གྲུབ་སྩོལ༔ ཨོཾ་བཛྲ་ཨརྒྷཾ་པཱ་དྱཾ་སོགས་ནས། ཤཔྟ་སརྦ་པཉྩ་རཀྟ་བ་ལིདྟ་མ་ཧཱ་པཱུ་ཛ་ཨཱཿཧཱུྃ༔ སྨན་རཀ་སྦྲེང་ཞིང་རོལ་མོ་རྒྱ་ཆེར་བྱའོ། །གཉིས་པ་ནི། ཧཱུྃ་ཧྲཱིཿ ངོ་བོ་འོད་གསལ་ཆོས་སྐུའི་ངང་ཉིད་ལས༔ རང་བཞིན་བདེ་སྟོང་ལོངས་སྤྱོད་རྫོགས་སྐུར་ཤར༔ ཐུགས་རྗེས་གང་འདུལ་སྤྲུལ་སྐུའི་འགྲོ་དོན་མཛད༔ དཀྱིལ་འཁོར་ལྷ་ཚོགས་རྣམས་ལ་ཕྱག་འཚལ་བསྟོད༔ ཐུགས་རྗེས་བདག་ལ་བྱིན་གྱིས་རློབས༔ བརྩེ་བས་བདག་སོགས་ལམ་སྣ་དྲོངས༔ དགོངས་པས་བདག་ལ་དངོས་གྲུབ་སྩོལ༔ ནུས་པས་བདག་སོགས་བར་ཆད་སོལ༔ ཕྱི་ཡི་བར་ཆད་ཕྱི་རུ་སོལ༔ ནང་གི་བར་ཆད་ནང་དུ་སོལ༔ གསང་བའི་བར་ཆད་དབྱིངས་སུ་སོལ༔ གུས་པས་ཕྱག་འཚལ་སྐྱབས་སུ་མཆི༔ ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔ གསུམ་པ་ནི། ཨོཾ་རིག་འཛིན་དཀྱིལ་འཁོར་ལྷ་ཚོགས་རྣམས༔ བདག་ལ་གསན་ཅིང་དགོངས་སུ་གསོལ༔ བདག་ཅག་མ་རིག་འཁྲུལ་པ་ཡི༔ ཕྱག་རྒྱ་མ་གསལ་ཛབ྄་བཟླས་གཡེལ༔ ཏིང་འཛིན་དགོངས་པའི་རྩལ་མ་རྫོགས༔ བྱིངས་རྒོད་འཆལ་བར་གྱུར་པ་སོགས༔ ནོངས་པར་གྱུར་པ་ཅི་མཆིས་ཀུན༔ སྙིང་ནས་འགྱོད་པས་མཐོལ་བཤགས་ནས༔ སྒྲིབ་དག་ཚངས་པའི་དངོས་གྲུབ་སྩོལ༔ ཡི་གེ་བརྒྱ་པ་མང་བཟླས་ཤིང་༔ དགོངས་པ་སྐྱེ་མེད་ངང་དུ་བཞག༔ ཨ་ཨ་ཨཱཿ བདུན་པ་དབང་བླང་བའི་དོན་དུ། ཡེ་ཤེས་ཀྱི་དཀྱིལ་འཁོར་དུ་འཇུག་པ་ནི། ཨོཾ་ཨཱཿཧཱུྃ་སྭཱ་ཧཱ་བཛྲ་ས་མ་ཡ་ཀཱ་ཡ་ཝཱ་ཀ་ཙིཏྟ་གུ་ཎ་ཀརྨ་སྭ་བྷཱ་ཨཏྨ་ཀོ྅ཧཾཿ ཨོཾཿ ཤིན་ཏུ་རྣམ་པར་དག་པ་ཡི༔ ཡེ་ཤེས་རིག་རྩལ་འཆང་བའི་ལྷ༔ གདོད་ནས་རང་དང་ལྷན་ཅིག་སྐྱེས༔ རྡོ་རྗེ་བཞི་ཡི་དབྱིངས་སུ་རྫོགས༔ དམ་ཚིག་ཡེ་ཤེས་དབྱེར་མེད་པར༔ བྱང་ཆུབ་སེམས་སུ་རོ་གཅིག་པའི༔ དབང་བསྐུར་བྱིན་རླབས་རྨད་པོ་ཆེ༔ སྐུ་བཞིའི་ངོ་བོར་ལྷུན་གྱིས་གྲུབ༔ ཨོཾ་བཛྲ་ས་མ་ཡ་ཧཱུྃ་སྟྭཾ་ཧོ༔ ཀཱ་ཡ་བཱ་ཀ་ཙིཏྟ་ཛྙཱ་ན་བཛྲ་ཛཿཧཱུྃ་བཾ་ཧོཿ མདུན་ཏུ་བཞུགས་པའི་ཡེ་ཤེས་པ༔ རང་དང་དབྱེར་མེད་བརྟན་ཅིང་མཉེས༔ གསལ་སྣང་རྫོགས་པའི་ཏིང་འཛིན་ལ༔ མཉམ་པར་བཞག་པས་ལམ་དུ་ཁྱེར༔ སྐབས་འདིར་བཀའ་སྲུང་གི་གསོལ་མཆོད་རྒྱས་བསྡུས་གང་འགྲུབ་ངེས་པར་དགོས། གསུམ་པ་རྗེས་ཀྱི་བྱ་བ་ལ། དང་པོ་ཚོགས་ཀྱི་དགའ་སྟོན་སྤེལ༔ གཉིས་པ་བསྐུལ་ཞིང་གཏོར་མ་སྐྱོང་༔ གསུམ་པ་བོད་ཁམས་བརྟན་མ་མཆོད༔ བཞི་པ་ལས་མཇུག་བྲོ་ཡིས་བསྡུ༔ ལྔ་པ་བསྐྱེད་པའི་གསལ་སྣང་བསྡུ༔ དྲུག་པ་ཟུང་འཇུག་སྒྱུ་མར་སྤྱོད༔ བདུན་པར་སྨོན་ལམ་ཤིས་བརྗོད་ཀྱིས༔ བསགས་པའི་ལས་རྣམས་དོན་ཡོད་འགྱུར༔ ཞེས་པ་ལྟར། དང་པོ་ལ་ལྔ། བྱིན་རླབས། སྤྱན་དྲངས། མཆོད་པ། ལོངས་སྤྱོད། ལྷག་མ་བསྔོ་བའོ། །དང་པོ་ནི། ཚོགས་ཀྱི་ཡོ་བྱད་ལ་བསང་ཆུ་འཐོར་ཞིང༌། རྃ་ཡྃ་ཁྃ༔ བདག་ཉིད་ལྷར་གསལ་ཐུགས་ཀའི་ས་བོན་ལས༔ རྃ་ཡྃ་ཁྃ་འཕྲོས་ཚོགས་རྫས་དངོས་འཛིན་སྦྱངས༔ འབྲུ་གསུམ་འོད་ཀྱིས་ཡེ་ཤེས་བདུད་རྩིར་བསྒྱུར༔ འདོད་ཡོན་མཆོད་སྤྲིན་ནམ་མཁའ་གང་བར་གྱུར༔ ཨོཾ་ཨཱཿཧཱུྃ༔ གཉིས་པ་སྤྱན་འདྲེན་པ་ནི། ཧཱུྃ་ཧཱུྃ་ཧཱུྃ༔ བཞེངས་ཤིག་སྐུ་གསུམ་རྒྱལ་བ་རྒྱ་མཚོའི་ཚོགས༔ འོད་གསལ་སྤྲོས་དང་བྲལ་བའི་ངང་ཉིད་ལས༔ བདག་ཅག་ཚོགས་བསགས་སྒྲིབ་པ་སྦྱང་སླད་དུ༔ ཡེ་ཤེས་སྒྱུ་མར་རོལ་བཞིན་གཤེགས་སུ་གསོལ༔ བཛྲ་ས་མ་ཡ་ཛཿཛཿ གསུམ་པ་མཆོད་པ་ལ་གསུམ་གྱི། ཚོགས་ཕུད་དང་པོ་འབུལ་བ་ནི། ཞུ་བ་སྔོན་འགྲོས། ཨོཾ་ཨཱཿཧཱུྃ༔ ཚོགས་ཀྱི་ངོ་བོ་ཡེ་ཤེས་བདུད་རྩིའི་སྤྲིན༔ རྣམ་པ་འདོད་ཡོན་ལྷ་མོས་ནམ་མཁའ་གང་༔ ཟག་མེད་བདེ་བ་ཆེན་པོའི་ལོངས་སྤྱོད་འདིས༔ རྩ་གསུམ་དཀྱིལ་འཁོར་ལྷ་ཚོགས་མཉེས་གྱུར་ཅིག༔ ག་ཎ་ཙ་ཀྲ་པཱུ་ཛ་ཧོཿ གཉིས་པ་བར་པས་བསྐང་བཤགས་ནི། ཞུ་བ་སྔོན་དུ་འགྲོ་བས། ཧོ༔ ཐོག་མེད་བསགས་པའི་སྡིག་སྒྲིབ་ཉེས་ལྟུང་དང་༔ ཁྱད་པར་རྩ་བ་ཡན་ལག་དམ་ཚིག་ལས༔ འགལ་ཞིང་ཉམས་པར་གྱུར་པ་ཐམས་ཅད་ཀུན༔ འདོད་ཡོན་ཚོགས་ཀྱི་མཆོད་པས་བསྐང་ཞིང་བཤགས༔ ས་མ་ཡ་ཤུདྡྷེ་ཨཱ༔ གསུམ་པ་བསྒྲལ་བ་ལ་ཞུ་བ་སྔོན་དུ་འགྲོ་བས། ཚོགས་ཀྱི་འདོད་ཡོན་ལྷ་མོ་རྣམས་ཧཱུྃ་ཞེས་རང་ལ་བསྡུ། བྱིན་རླབས་བྱས་པའི་གོང་དུ་བཅད་ན་དང༌། ལིང་ག་ཟུར་དུ་བཅས་ན་འདིར་མི་དགོས་ཤིང༌། གང་ལྟར་ཡང༌། མ་ཧཱ་པདྨ་ཤྲཱི་ཧེ་རུ་ཀོ྅ཧཾ༔ བདག་ཉིད་པདྨ་ཧེ་རུ་ཀའི་སྐུར་གྱུར། ན་མོ་དཀོན་མཆོག་གསུམ་ལ་ཕྱག་འཚལ་ལོ། དཀོན་མཆོག་གསུམ་གྱི་བཀའ་བདེན་པ་དང༌། ཆོས་ཉིད་རྣམ་པར་དག་པའི་བདེན་པ་དང༌། ཆོས་ཅན་རྒྱུ་འབྲས་བསླུ་བ་མེད་པའི་བདེན་པ་དང༌། རིག་འཛིན་སྒྱུ་འཕྲུལ་དྲྭ་བ་ཞི་ཁྲོ་རྣམ་པར་རོལ་པའི་ལྷ་ཚོགས་རྣམས་ཀྱི༴ སྤྲུལ་པ་ཡང་སྤྲུལ་ཕྱག་བརྙན་དང་བཅས་པ་རྣམས་ཀྱི༴ བདེན་པ་ཆེན་པོའི་བྱིན་རླབས་ཀྱིས་མ་རུངས་པའི་སེམས་ཅན་བསྒྲལ་བའི་ཞིང་དུ་གྱུར་པ་ཐམས་ཅད་མཚན་མ་རྫས་ཀྱི་རྟེན་འདི་ལ་མཆིས་པར་གྱུར་ཅིག །ནྲྀ་ཡཾ་ཛ༔ ནྲྀ་བཛྲ་ཨཾ་ཀུ་ཤ་ཛ༔ ཏྲི་ཡཾ་ཛ༔ ཏྲི་བཛྲ་ཨཾ་ཀུ་ཤ་ཛཿ ཞེས་ལྕགས་ཀྱུའི་ཕྱག་རྒྱས་བཀུག་ལ། ཛཿཧཱུྃ་བཾ་ཧོཿས་འགུགས་བཅིངས་བསྡོམས་ཤིང་མྱོས་པར་བྱས་ཏེ། ལས་ཕུར་ཐོགས་ནས། ཧཱུྃ༔ དཔལ་ཆེན་ཐུགས་སྤྲུལ་རྡོ་རྗེའི་གིང་ཀ་རས༔ གཟུང་འཛིན་བདུད་བགེགས་ཚོགས་རྣམས་བཀུག་ཅིང་བསྟིམས༔ འོད་གསལ་དབྱིངས་སུ་བསྒྲལ་བའི་ཤ་ཁྲག་རུས༔ རྩ་གསུམ་དཀྱིལ་འཁོར་ལྷ་ཚོགས་ཞལ་དུ་བསྟབ༔ སརྦ་བིགྷྣཱན་ཤ་ཏྲཱུྃ་མཱ་ར་ཡ་ཁ་ཁ་ཁཱ་ཧི་ཁཱ་ཧི༔ ཧ་ཧ་ཧི་ཧི་ཧཱུྃ་ཧཱུྃ་ཕཊ༔ བཞི་པ་ལོངས་སྤྱོད་པ་ནི། ལས་རྡོར་གྱིས་ཚོགས་བཏེགས་ལ། ཧོཿ ཚོགས་ཀྱི་མཆོད་པ་རྒྱན་དུ་རོལ༔ པདྨའི་ཕྱག་རྒྱས་བླངས་ལ། ཨ་ལ་ལ་ཧོ༔ བཟའ་བཏུང་རྣམས་ནང་གི་བསྲེག་བླུག་ཏུ་རོལ། ལྔ་པ་ལྷག་མ་གཏོང་བ་ནི། སྨོན་ལམ་སྔོན་དུ་འགྲོ་བས་ལྷག་མ་རྣམས་གསོག་འཇོག་མེད་པར་བསྡུས། ལས་རྡོར་གྱིས་ཞུ་བ་སྔོན་དུ་འགྲོ་བས་ཕུད་ལྷག་བསྲེ་ཞིང༌། ཨོཾ་ཨཱཿཧཱུྃ༔ ལན་གསུམ་བརྗོད་པས་སློབ་དཔོན་གྱི་ཞལ་ཆབ་བྲན་ལ། ཨེ་ཨཱ་རལླི་ཧྲཱིང་ཛཿ ཞེས་ལྷག་མགྲོན་བཀུག་ལ། བྷྱོ༔ དཔལ་གྱི་བཀའ་ཉན་ཕོ་ཉའི་ཚོགས༔ ལྷག་མའི་ལོངས་སྤྱོད་འདི་གསོལ་ལ༔ སྔོན་ཚེ་གཡར་དམ་བཅས་པ་བཞིན༔ བར་ཆད་ཀུན་སོལ་མཐུན་རྐྱེན་སྤེལ༔ མ་མ་ཧྲཱིང་ཧྲཱིང་བ་ལིཾ་ཏཱ་ཁཱ་ཧི༔ གཉིས་པ་བསྐུལ་ཞིང་ཆད་མདོ་བསྒྲག་པ་ནི། ཧཱུྃ༔ སྔོན་གྱི་བསྐལ་པའི་དང་པོ་ལ༔ བརྒྱུད་གསུམ་བླ་མ་རིག་འཛིན་གྱིས༔ དམ་ལ་བཏགས་པའི་ལྷ་འདྲེ་རྣམས༔ ཆོས་ཉིད་བདེན་པའི་བཀའ་ལ་ཉོན༔ དབང་གི་རྒྱལ་པོ་པདྨ་ཡིས༔ དུར་ཁྲོད་ཆེན་པོ་བསིལ་ཚལ་དུ༔ མཁའ་འགྲོ་དམ་ཅན་དམ་ལ་བཏགས༔ བོད་ཀྱི་ཉི་མ་མཛད་པའི་ཚེ༔ ལྷ་སྲིན་ཐམས་ཅད་དམ་ལ་བཏགས༔ བདག་ནི་རིག་འཛིན་དེ་ཡི་གདུང་༔ ཁྱོད་རྣམས་ལྷ་འདྲེ་དེ་ཡི་རིགས༔ སྔོན་ཚེ་སློབ་དཔོན་བཀའ་མ་བཅག༔ ད་ལྟ་རྣལ་འབྱོར་དམ་མ་བཀྲལ༔ རྒྱན་གྱི་གཏོར་མ་འདི་བཞེས་ལ༔ བཅོལ་བའི་ཕྲིན་ལས་འགྲུབ་པར་མཛོད༔ ཅེས་ཆད་ཐོ་བྱ། །གསུམ་པ་བརྟན་མ་བྱ་བ་ནི། གཏོར་གཞོང་བདུད་རྩིས་བཤལ་ལ་གཏོར་མར་བླུགས་ཤིང༌། ཧཱུྃ༔ རྒྱ་གར་ཡུལ་གྱི་ཚུ་རོལ་དང་༔ བལ་པོའི་ཡུལ་གྱི་ཕ་རོལ་མཐའ༔ ཨ་སུ་ར་ཡི་བྲག་ཕུག་ཏུ༔ རིག་འཛིན་རྡོ་རྗེ་དྲག་པོ་དང་༔ སློབ་དཔོན་བ་སུ་དྷ་ར་ཡིས༔ ཞིང་ཆེན་བརྡལ་བའི་ཁྲི་སྟེང་དུ༔ ཚོགས་ཀྱི་གྲལ་དུ་བཅུག་ནས་ཀྱང་༔ དམ་ཚིག་བདུད་རྩི་བྱིན་པ་ཡི༔ བརྟན་མ་ཆེན་མོ་བཅུ་གཉིས་རྣམས༔ ཐ་ཚིག་དམ་བཅའ་ཇི་བཞིན་དུ༔ མཆོད་གཏོར་བདུད་རྩི་འདི་བཞེས་ལ༔ རྣལ་འབྱོར་བཅོལ་བའི་ཕྲིན་ལས་སྒྲུབས༔ ཨོཾ་མ་མཱ༔ ལ་ལཱ༔ ལེ་ལཻ༔ ཏཾ་ཏཾ༔ ཏེ་ཏཻ༔ ཁ་རགྨ༔ མ་མ་སྲིང་འགྲོ་མ་ཧཱུཾ་བྷྱོ་ཧཱུྃ༔ བཞི་པ་ལས་མཇུག་བྲོ་ཡིས་བསྡུ་བ་ནི། གཏོར་གཞོང་སྦུབས་ལ་རྡོ་རྗེས་བསྣོལ་མར་མནན་ལ། ཧཱུྃ༔ རྟ་ཡི་བརྟུལ་ཞུགས་ཆེན་པོ་ནི༔ དབང་ཆེན་རྔམས་པའི་སྒྲ་སྒྲོག་ཅིང་༔ དཔལ་གྱི་རྟ་སྐད་ཙེ་རེ་རེ༔ རོལ་པའི་རྟ་བྲོ་ཆེམས་སེ་ཆེམ༔ གཟུང་འཛིན་ལྟར་སྣང་དམ་སྲིའི་ཚོགས༔ རྫོགས་པ་ཆེན་པོའི་ཀློང་དུ་མནན༔ ཨོཾ་ཨཱཿཧཱུྃ་བཛྲ་ཀྲོ་དྷ་ཧ་ཡ་གྲཱི་བ་ཨོཾ་བྷྲཱུྃ་ཧྲཱིཿཕཊ༔ ལྔ་པ་བསྐྱེད་པའི་གསལ་སྣང་བསྡུ་བ་ལ་གསུམ། དཀྱིལ་འཁོར་ལྷ་ལ་མཆོད་བསྟོད་བཟོད་གསོལ་བྱ་བ། དངོས་གྲུབ་བླང་བ། བསྡུ་རིམ་དངོས་སོ། །དང་པོ་ནི། ཨོཾ་ཨཱཿཧཱུྃ༔ ཕྱི་མཆོད་འདོད་ཡོན་རྒྱ་མཚོ་སྤྲིན་ལྟར་གཏིབས༔ ནང་མཆོད་སྨན་རཀ་གཏོར་ཚོགས་བསམ་མི་ཁྱབ༔ གསང་མཆོད་བདེ་སྟོང་ཟུང་འཇུག་ཡེ་ཤེས་དབྱིངས༔ འབུལ་ལོ་བཞེས་ནས་མཆོག་མཐུན་དངོས་གྲུབ་སྩོལ༔ ཨོཾ་བཛྲ་ཨརྒྷཾ་པཱ་དྱཾ་སོགས་ནས། ཤཔྟ་སརྦ་པཉྩ་རཀྟ་བ་ལིདྟ་མ་ཧཱ་པཱུ་ཛ་ཨཱཿཧཱུྃ༔ གཉིས་པ་ནི། ཧཱུྃ་ཧྲཱིཿ ངོ་བོ་འོད་གསལ་ཆོས་སྐུའི་ངང་ཉིད་ལས༔ རང་བཞིན་བདེ་སྟོང་ལོངས་སྤྱོད་རྫོགས་སྐུར་ཤར༔ ཐུགས་རྗེས་གང་འདུལ་སྤྲུལ་སྐུའི་འགྲོ་དོན་མཛད༔ དཀྱིལ་འཁོར་ལྷ་ཚོགས་རྣམས་ལ་ཕྱག་འཚལ་བསྟོད༔ གསུམ་པ་ནི། ཨོཾ་རིག་འཛིན་དཀྱིལ་འཁོར་ལྷ་ཚོགས་རྣམས༔ བདག་ལ་གསན་ཅིང་དགོངས་སུ་གསོལ༔ བདག་ཅག་མ་རིག་འཁྲུལ་པ་ཡི༔ ཕྱག་རྒྱ་མ་གསལ་ཛབ྄་བཟླས་གཡེལ༔ ཏིང་འཛིན་དགོངས་པའི་རྩལ་མ་རྫོགས༔ བྱིངས་རྒོད་འཆལ་བར་གྱུར་པ་སོགས༔ ནོངས་པར་གྱུར་པ་ཅི་མཆིས་ཀུན༔ སྙིང་ནས་འགྱོད་པས་མཐོལ་བཤགས་ནས༔ སྒྲིབ་དག་ཚངས་པའི་དངོས་གྲུབ་སྩོལ༔ ཡི་གེ་བརྒྱ་པ་མང་བཟླས། གཉིས་པ་སྒྲུབ་བརྟེན་སྤྱི་བོར་བླངས་ཤིང་བདུད་རྩི་བཏུང་ལ། ཧཱུྃ་ཧྲཱིཿ སྙིང་པོ་བྱང་ཆུབ་སེམས་ཀྱི་དཀྱིལ་འཁོར་དུ༔ ཡེ་ཤེས་སྒྱུ་མར་རོལ་པའི་ལྷ་ཚོགས་རྣམས༔ མི་འདའ་རྡོ་རྗེའི་དམ་ཚིག་རྗེས་དགོངས་ལ༔ བྱིན་རླབས་དབང་དང་དངོས་གྲུབ་སྩལ་དུ་གསོལ༔ གུ་རུ་དྷེ་བ་ཌཱ་ཀི་ནཱི་ཀཱ་ཡ་བཱའ་ཀ་ཙིཏྟ་ཛྙཱ་ན་ཀརྨ་སརྦ་སིདྡྷི་ཕ་ལ་བྷྲཱུྃ༔ རྩ་ཁམས་བདུད་རྩིའི་དྭངས་མས་གང་༔ མཆོག་གི་དངོས་གྲུབ་མངོན་དུ་གྱུར༔ དྭངས་མའི་འོད་ཟེར་ཕྱོགས་བཅུར་འཕྲོས༔ ཐུན་མོང་དངོས་གྲུབ་འབད་མེད་འགྲུབ༔ རྣམ་ཀུན་དཀྱིལ་འཁོར་འཁོར་ལོ་དང་༔ དབྱེར་མེད་ཆེན་པོར་བྱིན་བརླབས་གྱུར༔ གསུམ་པ་དཀྱིལ་འཁོར་བསྡུ་བ་ནི། མདུན་བསྐྱེད་རྟེན་ཡོད་ན། ཨོཾ༔ འདིར་ནི་གཟུགས་དང་ལྷན་ཅིག་ཏུ༔ འཁོར་བ་སྲིད་དུ་བཞུགས་ནས་ཀྱང་༔ ནད་མེད་ཚེ་དང་དབང་ཕྱུག་དང་༔ མཆོག་རྣམས་ལེགས་པར་སྩལ་དུ་གསོལ༔ ཨོཾ་སུ་པྲ་སོགས། རྡུལ་ཚོན་ཡིན་ན། ཨོཾ ཁྱེད་ཀྱིས་སེམས་ཅན་དོན་ཀུན་མཛད། །སོགས། བཛྲ་མུ༔ གང་ལྟར་ཡང༌། ཧཱུྃ་ཧཱུྃ་ཧཱུྃཿ སྣོད་བཅུད་ལྷར་གསལ་བ་ཐམས་ཅད་རང་ལ་ཐིམ། རང་ཡང་ཐུགས་ཀའི་ས་བོན་ལ་ཐིམ། དེ་ཡང་མི་དམིགས་པ་འོད་གསལ་གྱི་ངང་དུ་མཉམ་པར་བཞག །དྲུག་པ་ཟུང་འཇུག་སྒྱུ་མ་ལྟ་བུའི་རྒྱུན་གྱི་སྤྱོད་ལམ་ནི། ཕཊ་ཕཊ་ཕཊ། སླར་ཡང་ཆུ་ལ་ཉ་ལྡང་བའི་ཚུལ་གྱིས་རང་ཉིད་གཙོ་བོའི་སྐུར་གསལ་བའི་སྤྱི་བོར་ཨོཾ། མགྲིན་པར་ཨཱཿ ཐུགས་ཀར་ཧཱུྃ་ཡིག་གིས་མཚན་པར་གྱུར། ཨོཾ་ཨཱཿཧཱུྃ་བཛྲ་ཀཱ་བཱ་ཙི་རཀྵཱ་ཧཾ༔ སྣང་གྲགས་རིག་གསུམ་ལྷ་སྔགས་ཡེ་ཤེས་ཀྱི་རོལ་པར་བལྟ་ཞིང་སྤྱོད་ལམ་ཐམས་ཅད་དོན་ཡོད་པར་བྱའོ། །བདུན་པ་སྨོན་ལམ་དང་ཤིས་བརྗོད་ལ་གཉིས། དང་པོ་དགེ་རྩ་རྣམས་འཁོར་གསུམ་ཡང་དག་པའི་བསྔོ་བས་རྒྱས་གདབ་པ་ནི། ཧོཿ རིག་འཛིན་བླ་མའི་དཀྱིལ་འཁོར་བསྒྲུབས་པའི་མཐུས༔ བདག་དང་མཐའ་ཡས་སེམས་ཅན་མ་ལུས་ཀུན༔ ཕྲིན་ལས་རྣམ་བཞི་ལྷུན་གྱིས་གྲུབ་པ་དང་༔ འོད་གསལ་ཆོས་སྐུའི་དབྱིངས་སུ་གྲོལ་བར་ཤོག༔ གཉིས་པ་ཤིས་བརྗོད་ནི། མེ་ཏོག་འཐོར་ཞིང་རོལ་མོ་སྣ་ཚོགས་པ་བསྒྲགས་ལ། རྩ་བརྒྱུད་བླ་མའི་བྱིན་རླབས་སྙིང་ལ་ཞུགས༔ ཡི་དམ་མཁའ་འགྲོ་ལུས་དང་གྲིབ་བཞིན་འགྲོགས༔ ཆོས་སྐྱོང་སྲུང་མས་བར་ཆད་ཀུན་བསལ་ནས༔ མཆོག་ཐུན་དངོས་གྲུབ་འགྲུབ་པའི་བཀྲ་ཤིས་ཤོག༔ ཅེས་ཤིས་པ་བརྗོད་པས་མཐའ་བརྒྱན་པར་བྱའོ། །གུ་རུའི་མན་ངག་བདུད་རྩིའི་ཆུ། །བློ་དང་འཚམས་པར་བསྟན་པའི་མཐུས། །རིམ་གཉིས་མྱུ་གུ་རབ་སྨིན་ནས། །དངོས་གྲུབ་འབྲས་བུར་སྤྱོད་པར་ཤོག །ཅེས་པའང་ལས་དང་པོ་པ་ལ་མཁོ་ཕྱིར་མཆོག་གྱུར་གླིང་པས་གུ་རུའི་བཀའ་བཞིན་བྲིས་པས་འགྲོ་ཀུན་ཕན་བདེའི་གོ་འཕང་ལ་དཀྲི་བའི་རྒྱུར་གྱུར་ཅིག། །།

[edit]

@#/__/bla ma'i thugs sgrub bar chad kun sel gyi phrin las 'bring po bzhugs so//__rgyal kun 'dus gzugs thod phreng rtsal la phyag 'tshal lo/__/chos dbyings lha lam yangs pa nas/__/bde chen longs spyod dkyil 'khor shar/__/sna tshogs thabs mkhas 'od 'bum 'phro/__/'gro ba'i mun sel bla mar 'dud/__/gu ru'i thugs sgrub gang+gA las/__/blo dang 'tshams pa'i bum par blangs/__/khyer bde skal ldan rnams la spel/__/de yang rgyal ba kun 'dus pa'i spyi gzugs gu ru pad+ma 'byung gnas kyi thugs kyi sgrub pa zab la 'dril ba shar gter 'bras bu'i tshul can bar chad kun sel gyi phrin las 'bring po khyer bde bar bshad pa la gsum/__sngon 'gro/__dngos gzhi/__rjes so/__/de la dang po tshogs bsags shing :__gnyis par bgegs tshogs mtshams bcad bya:__gsum par 'gal rkyen sdig ltung bshags:__bzhi bar rdo rje'i dam bca' bzung :__lnga par ye shes byin chen 'bebs:__drug par mchod rdzas byin gyis brlab:__bdun par rang rig rang gsal gdab:__ces gsungs pas/__dang po la gnyis/__sbyor ba rten mchod bsham pa dang*/__tshogs bsags dngos so/__/dang po ni/__gnas bkra shis sar dus yar ngo mar ngo'i tshes bcu lta bur gnas khang rgyan gyis brgyan cing rtsa ba gsum gyi sku gsung thugs rten dgram/__stegs bu khebs ldan gyi khar rab dkyil 'khor ras bris sam/__maN+Dal tshom bu/__yang na gtor ma la brten kyang rung ste/__gang ltar yang bla ma'i gtor chen ni rin po che'i snod du 'bru sna'i phye chang dang mar khus sbrus/__spod sna tshogs pa btab la/__bang rim bzhi bar rin chen zur brgyad kyi steng rin po che 'bar ba pad+mas bskor ba/__'bring po bang rim rin chen zur brgyad dor ba/__bsdus pa ma mo'i gtor ma ste zlum po pad+ma 'dab bzhi can gang 'byor rgyan khrom mthong brgyud ltar ram lnga rgyan nyi zla me ri can sha rgyan btsugs zas snas bskor/__dar gdugs sna tshogs phub pa'i g.yas su rtsa brgyad stong chang dang sbyar ba/__g.yon du so lnga'i rdzas khrag dang sbyar ba/__'o chang gi mchod yon/__tsan dan sbyar ba'i zhabs bsil/__me tog sna tshogs/__sbyar ba'i spos/__'bru mar rtsi mar gyi mar me/__dri bzang gi chab/__zhal zas sna tshogs bcas dang*/__zhing lpags kyi khar tshogs gtor rin chen 'bar ba sogs bza' btung 'byor tshad/__bka' srung*/__chad tho/__brtan ma/__bgegs dang gnas bdag gi gtor ma/__rang gi mdun du bsang chu/__nang mchod/__DA ru/__rdo rje dril bu/__gdab phur/__me tog gi snod/__gu gul/__yungs kar/__sbyar spos/__sgrub grogs yod na rol mo sogs dgos pa'i yo byad 'du bya/__gnyis pa tshogs bsags pa la lnga/__phyag bya ba/__gsol 'debs/__byin rlabs/__gtor ma gtong ba/__skyabs sems so/__/dang po ni/__rnal 'byor pa du ma yod na gral phyag ni lha dang*/__tshul phyag ye shes rgan rim dang bslab pa rgan rim la gzhig ste bya/__gnyis pa gsol 'debs ni brgyud pa'i bla ma rnams la mos gus gdung shugs drag pos tshig bdun gsol 'debs/__le'u bdun ma'i le'u gang rigs kyi mthar/__bde ldan zhing mgon khyab bdag chos kyi sku/__/'od mtshan stong 'bar 'chi med lha yi lha/__/gsol ba 'debs so phyi nang bar chad sol/__/byin gyis rlobs shig mchog thun dngos grub stsol/__/gru 'dzin bdag po rnam snang longs spyod rdzogs/__/snying rje'i dbang phyug 'gro mgon pad dkar 'chang*/__/gsol ba 'debs so=__/byin gyis=__/dpal ldan pad+ma las 'khrungs sprul pa'i sku/__/snang srid zil gnon rgyal dbang thod phreng rtsal/__/gsol ba 'debs so=__/byin gyis=__/ye shes mkha' la spyod pa'i tshogs kyi rje/__/gsang ba'i bdag mo dbyings phyug mtsho rgyal mar/__/gsol ba=__/byin gyis=__/'jig rten mig gcig rgyal tshab bai ro rje/__/'jam dpal rdo rje khri srong yab sras la/__/gsol ba=__/byin gyis=__dam 'dzin rnam 'phrul gnas gter brgya rtsa'i bdag__/snyigs ma'i 'gro 'dul mchog gyur bde chen gling*/__/gsol ba=__/byin gyis=__las smon skal ldan zab gsang bstan pa 'dzin/__lung zin chos bdag brgyud par bcas pa la/__/gsol ba=__/byin gyis=__/yi dam DA ki dam can gnas gter skyong*/__/zung 'jug ye shes rol pa'i 'khor lo la/__/gsol ba 'debs so phyi nang bar chad sol/__/byin gyis rlobs shig mchog thun dngos grub stsol/__/byang chub bar du rtsa gsum lhag pa'i lhas/__/rjes bzung 'jigs brgyad bdud bzhi dug lnga sogs/__/phyi nang gsang ba'i bar chad kun zhi zhing*/__/sku gsum bla ma'i go 'phang myur thob shog__/gsum pa byin rlabs kyi tshogs la lnga/__bsang chu/__rdor dril/__phur bu/__phreng ba/__rnga'o/__/dang po ni/__oM ha ya grI ba hU~M phaT/__rang nyid skad cig gis pad+ma he ru ka pad+ma dang thod khrag 'dzin pa'i skur gyur/__de'i thugs ka nas ra~M ya~M kha~M 'phros pas ma dag pa'i dngos 'dzin thams cad bsregs gtor sbyangs/__stong pa'i ngang las bsangs chu'i steng du/__ma sUr+Ya maN+Dal/__nyi ma la gnas pa'i hUM yig dmar po/__s+pha ra Na phaT/__saM ha ra Na hU~M/__'phro 'dus yongs su gyur pa las/__oM pad+ma ma hA kro d+hI shwa rI hU~M phaT/__khro mo dbyings phyug ma dmar mo dril bu dang b+han dmar 'dzin pa'i skur gyur par bsam zhing*/__rdo rje rtse gcig pa'i phyag rgyas reg la/__oM ma hA kro d+hI shwa rI sarba dra byaM sho d+ha ya oM AHhU~M hrIHThAH__zhes brgya rtsa brgyad kyis byin gyis brlabs nas/__khro mo dbyings phyug ma'i rang bzhin chu'i rdul phra rab tu gyur par bsam/__oM ma hA kro d+hI shwa rI sarba dra byaM sho d+hA ya hU~M phaT:__zhes bdag gnas yo byad thams cad la bsang gtor bya zhing*/__thog mtha' kun tu yang bsang gtor gyi bya ba thams cad 'dis bya'o/__/bzhi pa rdor dril ni/__hU~M las ye shes rdo rje dang :__AHlas stong nyid sgra sgrogs dril:__thabs shes gnyis mtshon lag tu bzung :__oM badz+ra g+haN+De AHhU~M:__rdo rje gsor zhing dril bu dkrol/__gsum pa phur bu ni/__oM badz+ra kI li kI la ya hU~M phaT:__phur bu sras mchog skur gyur pa'i:__gnas gsum oM AHhU~M 'od kyis:__rdo rje gsum du byin gyis brlabs:__bgegs dang dam sri log 'dren rnams:__'dul ba'i nus pa ldan par gyur:__oM badz+ra kI li kI la ya sarba big+h+nAn ba~M hU~M phaT:__zhes phur bu bsgril/__bzhi pa phreng ba lag g.yon du bkod la/__a tsan+d+ra/__zla ba la gnas trAM yig lnga:__'od 'phros sangs rgyas thams cad kyi:__gsung gi rdo rje'i byin rlabs bsdus:__yon tan ldan pa'i phreng bar gyur:__lha rnams thugs dam bskul ba dang :__'dzab bzlas sangs rgyas thams cad kyi:__gsung dbyangs mi zad 'grub par shog:__lha gang bsgrub kyi snying po bzla/__lnga pa rnga ni/__nyi ma la gnas hU~M yig gis:__sangs rgyas kun gyi byin rlabs bsdus:__skye med chos kyi sgra sgrogs pa'i:__ye shes rang bzhin rnga ru gyur:__ma mo mkha' 'gro dbang sdud cing :__thugs dam bskul ba'i las 'grub 'gyur:__badz+ra tsa ma ra tsa mA ra ya hU~M:__zhes rnga dang DA ru brdung*/__rol mo rgya cher bya/__bzhi pa gtor ma gtong ba ni/__gtor ma ra~M ya~M kha~M gis bsreg gtor bkrus/__stong pa'i ngang las b+h+rU~M las rin po che'i snod yangs shing rgya che ba'i nang du gtor ma kha dog dri ro nus pa phun sum tshogs par gyur/__oM AHhU~M gis byin gyis brlab/__b+hU mi pa tis pa ri bA ra badz+ra sa mA dza:sa spyan drangs/__b+hU mi pa ti sa pa ri bA ra a kA ro sogs/__oM AHhU~M phaT swA hA/__lan gsum gyis bsngos la/__gang dag 'dir gnas lha dang klu/__/gnod sbyin srin po gzhan dag la/__/dkyil 'khor don du sa phyogs 'di/__/bdag zhu khyod kyis stsal du gsol/__/zhes lan gsum gsol bas gnang ba byin par bsam/__lnga ba skyabs sems la gnyis/__dang po ni/__rang gi snying ga'i sa bon las 'od zer 'phros pas/__bla ma rig 'dzin sgyu 'phrul drwa ba chen po'i dkyil 'khor gyi lha tshogs mdun gyi nam mkhar badz+ra sa mA dzaH__zhes skyabs yul mkha' khyab tu sad pa'i spyan sngar/__na mo:__bdag dang mkha' mnyam sems can ma lus kun:__bla ma sangs rgyas chos dang dge 'dun dang :__yi dam dpa' bo mkha' 'gro chos skyong tshogs:__thugs rje che ldan rnams la skyabs su mchi:__gnyis pa sems bskyed pa la gsum/__smon sems bskyed pa/__tshogs bsags pa/__'jug pa byang chub kyi sems la blo sbyang ba'o/__/dang po ni/__tshogs zhing rnams dpang po'i tshul du byas te don yid la dran bzhin pas/__hoH__sngon gyi rgyal ba sras dang bcas rnams kyis:__bla med byang chub mchog tu thugs bskyed ltar:__bdag kyang mar gyur mkha' mnyam 'gro kun la:__phan gdag slad du sangs rgyas bsgrub par bgyi:__gnyis pa rang gzhan sems can thams cad sgo gsum gus pas phyag 'tshal zhing*/__mchod pa'i sprin rab 'byams spro ba sogs dmigs 'don zung du chud pas/__oM AHhU~M hrIH__rig 'dzin pad+ma 'byung gnas la sogs pa'i:__phyogs bcu'i skyabs yul rnams la phyag 'tshal lo:__dngos su 'byor dang yid las byung ba yi:__kun bzang mchod sprin nam mkha' gang bas mchod:__so thar byang chub sems dpa'i bslab pa dang :__rig 'dzin sngags kyi dam tshig nyams chags bshags:__'phags dang so so'i skye bo'i tshogs rnams kyis:__rgyal sras spyod pa spyad la rjes yi rang :__mtha' yas 'gro ba sdug bsngal gyur pa la:__phan pa ji ltar 'tshams pa'i chos 'khor bskor:__bskal pa bye ba bsam yas ji snyed du:__'gro ba'i don du mya ngan mi 'da' bzhugs:__bdag gis dus gsum bsags pa'i dge ba rnams:__'gro kun byang chub snying po thob phyir bsngo:__gsum pa ni/__bdag gi bde ba gzhan la gtong ba'i byams pa/__gzhan gyi sdug bsngal rang gis blang ba'i snying rje/__de dag dang mi 'bral bar smon la'i dga' ba/__thams cad mnyam nyid btang snyoms pa'i blo phyogs ris dang bral bas rgyal sras kyi spyod pa rlabs po che la bslab pa'i 'dun pa dang bcas pas/__bsod nams 'di yis 'gro kun bde dang ldan:__sdug bsngal kun bral bdag la smin gyur cig:__sdug bsngal med pa'i bde dang mi 'bral zhing :__chos kun mnyam nyid btang snyoms la gnas shog:__rjes 'brel tshogs zhing bsdu ba ni/__dzaHhU~M ba~M hoHsa tshogs zhing rnams:__yi ge gsum gyi rnam pa yis:__bdag dang mkha' mnyam 'gro la thim:__sgrib dag byin gyis brlabs par gyur:__gnyis pa bgegs tshogs mtshams bcad pa la gsum/__gtor ma sbyin pa/__bka' bsgo ba/__srung 'khor bsgom pa'o/__/dang po ni/__oM swa b+hA ba sogs/__stong pa'i ngang las b+h+rU~M las rin po che'i snod yangs shing rgya che ba'i nang du gtor ma kha dog dri ro nus pa phun sum tshogs par gyur/__lag gnyis mkha' lding gi phyag rgya ston bzhin par/__oM AHhU~M lan gsum gyi mthar ha ho hrIH__zhes pas byin gyis brlab/__dgug pa ni lcags kyu'i phyag rgyas/__oM sarba b+hU ta A kar+Sha ya dzaH__zhes mgron dgug__/oM sarba big+h+nAn namaHsarba ta thA ga te b+h+yo sogs/__daM ba l+yA di swA hA/__lan gsum gyis bsngo/__gnyis pa bka' bsgo ba ni/__hU~M hrIH__gnyis snang 'khrul pa'i gdon bgegs 'byung po kun:__gtor ma 'di longs rang rang gnas su dengs:__gal te mi 'gro rdo rje'i mtshon char gyis:__lus ngag yid gsum rdul phran ji bzhin du:__bdun rgyud rigs kyang rtsad nas brlag pa'i phyir:__de bas da lta nyid du phyir dengs shig:__hU~M hU~M hU~M bi shwa badz+ra kro d+ha dz+wa la maN+Da la phaT phaT phaT ha la ha la ha la hU~M:__gtor ma phyi rol du dor/__yungs kar brab/__gu gul bdug__/rdo rje gsor zhing rol mo'i tsham rngams bcas bgegs bskrad/__gsum pa srung 'khor bsgom pa ni/__hU~M hrI:__bdag nyid dpal chen pad+ma dbang gi sku:__'khor 'das thams cad gsang gsum phyag rgyar rdzogs:__rdo rje'i sa gzhi ra gur bla bre sogs:__mtshon cha rnam lnga'i gur gyis phyogs mtshams gtams:__me ri me dpung srid gsum kun tu 'khrugs:__gnyis med ye shes lha sngags chos sku'i ngang :__mtshams kyi dkyil 'khor rang bzhin lhun gyis grub:__hU~M hU~M hU~M badz+ra rak+Sha rak+Sha b+h+rU~M:__gsum pa bshags pa ni/__mdun tu bshags yul gsal btab la/__ho:__bde gshegs snying po rang bzhin 'od gsal la:__'khrul pa'i dbang gis sgro dang skur btab ste:__log pa'i lam du gol ba'i nongs pa kun:__gnyis med blo las 'das pa'i ngang du bshags:__sa ma ya shud+d+he AH__bshags dang bshags yul mi dmigs pa'i ngang la mnyam par bzhag__/bzhi pa rdo rje'i dam bca' bzung ba ni/__hU~M:__bde chen ye shes mched lcam lu gu rgyud:__mi 'bral rtse gcig bsgrub pa'i g.yar dam gyis:__thog ma tha ma med pa'i yi dam lha:__bla ma rig 'dzin kun bzang pad+ma 'byung :__gdod nas rang dang lhan cig skyes pa'i ngang :__da lta dbyer med du ma ro gcig pa'i:__bsnyen cing sgrub pa'i ting 'dzin zab mo las:__'da' dka' rdo rje'i dam tshig mchog tu bzung :__bo d+hi tsit+ta badz+ra sa ma ya hU~M:__lnga pa byin chen 'bebs pa ni/__zhwa gos phod ka rgyan gyis klubs/__spos bsregs rol mo snyan par 'khrol/__gar 'khrab gdung dbyangs zhing gis g.yab/__spro na rtags gdab zur gsal ltar bya/__bla ma rig 'dzin lha tshoT la:__bzod med mos gus rtse gcig pas:__hU~M hrI:__sku gsum bla ma'i lha tshogs dbyings nas bzhengs:__mi mngon dbyings nas gnas 'dir gshegs su gsol:__phyi nang gsang ba'i dkyil 'khor dam rdzas la:__sku gsung thugs kyi rdo rje'i byin chen phob:__ngo mtshar rtags dang mtshan ma myur du ston:__sgrub mchog rnams la dbang bskur byin gyis rlobs:__gnas 'dir byin phob dbang dang dngos grub stsol:__oM AHhU~M badz+ra gu ru de ba DA ki nI dz+nyA na A be sha ya a AH__drug pa mchod pa byin rlabs ni/__hU~M hrIH__yig 'bru gsum las ra~M ya~M kha~M 'phros pas:__ye shes me rlung chu yis bsreg gtor bkrus:__snang srid gzhir bzhengs mchod pa'i phyag rgya che:__kun bzang rnam 'phrul rgya mtshor byin gyis rlobs:__hU~M hU~M hU~M sarba pU dza me g+ha AHhU~M:__oM badz+ra ar+g+haM AHhU~M:__sogs nas shab+da AHhU~M:__hU~M hrI:__stong gsal rlung me thod sgyed rnam thar gsum:__chos dbyings rang byung b+han+d+ha chen po ru:__'byung ba phung po sha lnga bdud rtsi lnga:__me rlung sbyor bas byang chub sems su zhu:__rlangs pa kha dog lnga ldan phyogs bcur 'phros:__snod bcud dwangs ma oM AHhU~M du 'dus:__bde bar gshegs pa'i bdud rtsi spyan drangs nas:__kha sbyor 'khor lo sdom pa'i bdud rtsir gyur:__b+h+rU~M las rin chen snod mchog gzhal yas dbus:__'bru gsum las byung gtor ma 'dod yon lnga:__rak+ta'i snod mchog e yi rang bzhin dbus:__gIrti'i mkha' nas dmar chen char ltar bab:__bdud rtsi dkrugs shing*/__oM AHhU~M sarba pany+tsa a mr-i ta kuN+Da lI hU~M hrIHThA:__bdud rtsis gtor mar bran zhing*/__oM AHhU~M ma hA ba liM ta te dzo ba liM ta ba la ba te gu h+ya sa ma ya hU~M hrIHThA:__rak+ta phyar zhing*/__oM AHhU~M ma hA rak+ta dz+wa la maN+Da la hU~M hrIHThA:__bdun pa rang rig gsal gdab ni/__hU~M:__rang rig byang chub sems kyi rtsa gsum lha:__gzhan du ma grub rang dang dbyer med ngang :__rgyal ba'i dkyil 'khor thams cad 'di la rdzogs:__ye nas ma bcos ngang du rang gsal gdab:__oM AHhU~M gu ru d+he ba DA ki nI sarba sa ma ya s+t+waM:__bo d+hi tsit+ta dz+nyA na AH__gnyis pa dngos gzhi la/__dang po phyag rgya bskyed cing gsal:__gnyis pa ye shes dgug cing bstim:__gsum par dbyer med bzhugs su gsol:__bzhi par phyag dang mchod pas bsnyen:__lnga par rdo rje'i gsang gsum bstod:__drug pa 'dzaba? bskul bzlas pas bsgrub:__bdun pa phrin las mthar phyin nas:__dbang dang dngos grub blang bar bya:__zhes pa ltar bdun las/__dang po la bzhi/__ting 'dzin gsum gyi khog phub pa/__rten gzhal yas khang bskyed pa/__brten pa lha bskyed pa/__byin rlabs dbang bskur ba'o/__dang po ni/__AH__chos sku de bzhin nyid dbyings 'od gsal ngang :__longs sku 'gag med kun snang snying rje'i rtsal:__sprul sku rgyu yi ting 'dzin hrIHdkar po:__de las 'od 'phros snod bcud dngos 'dzin sbyang :__gnyis pa ni/__'byung ba rim brtsegs rdo rje'i srung 'khor dbus:__b+h+rU~M las rin chen gzhal yas mtshan nyid rdzogs:__lte bar seng khri pad+ma nyi zla'i steng :__gsum pa ni/__rang rig bde gshegs kun 'dus pad+ma 'byung :__dkar dmar mdangs ldan zhi 'dzum khros pa'i nyams:__pad zhwa gsang phod chos gos ber phyam gsol:__phyag g.yas rdo rje g.yon pas thod bum bsnams:__gsang ba'i yum mchog sbas tshul kha T+wA~M 'khyud:__zhabs gnyis rol stabs 'od lnga'i klong na 'gying :__spyi bor longs sku spyan ras gzigs dbang dkar:__phyag bzhi thal sbyar shel phreng pad dkar 'dzin:__de yi spyi bor chos sku snang mtha' yas:__dmar po mnyam gzhag bdud rtsi'i tshe bum bsnams:__gnyis ka longs spyod yongs rdzogs rgyan gyis mdzes:__phyi rol 'dab bzhi pad+ma'i ge sar la:__shar du rgyal ba'i gdung 'dzin sku mdog dkar:__ral gri lcags kyu 'dzin cing phyed skyil bzhugs:__thod skam dbur brgyan stag sham rus rgyan 'phyang :__lho ru smra ba'i seng ge dkar gsal mdangs:__chos 'chad phyag rgyas pad sdong glegs bam 'dzin:__paN zhwa chos gos gsum gsol skyil krung bzhugs:__nub tu skyes mchog tshul bzang sku mdog ser:__rdo rje sgrom 'dzin paN zhwa dmar po dang :__chos gos gsum gsol rdo rje skyil krung bzhugs:__byang du bdud kyi gshed chen dkar smug mdangs:__bsnyen phur dkur brten las phur bgegs la gzir:__'dor stabs pad zhwa ber mthing chos gos gsol:__de yi phyi rim rin chen zur brgyad la:__shar du 'dzam gling rgyan mchog sku mdog mthing :__las phur gnyis bsgril bsnyen phur sku la 'chang :__ber chen dur khrod chas gsol 'dor stabs bzhengs:__lho ru pad+ma 'byung gnas mthing gsal mdangs:__rdo rje dril 'dzin lha lcam dkar mo 'khril:__dar dang rin chen rus brgyan skyil krung bzhugs:__nub tu khyad par 'phags pa'i rig 'dzin dkar:__rdo rjes lam ston kha T+wA~M mkhar ba mdzad:__bzhengs stabs pad zhwa ber mthing chos gos bklubs:__byang du rdzu 'phrul mthu chen dmar smug mdangs:__rab byung cha lugs mgo phreng rus rgyan 'phyang :__rdo rje phur 'dzin stag gi gdan la 'gying :__shar lhor rig 'dzin rdo rje drag rtsal dmar:__rdo rje sdig pa 'dzin cing khro bo'i chas:__phag mo mthing nag gri thod 'dzin pas 'khyud:__lho nub skal ldan 'dren mdzad mthing nag 'bar:__rdo rje dung khrag 'dzin cing dpal gyi chas:__gnam zhal mthing skya gri thod 'dzin dang 'khril:__nub byang rak+sha thod phreng smug nag brjid:__dur khrod chas gsol rdo rje dung khrag 'dzin:__mthing 'od 'bar ma gri thod 'dzin pas 'khyud:__byang shar bde chen rgyal po dmar gsal mdangs:__phyag gnyis rdor dril 'dzin cing yum dang sbyor:__khro 'dzum rin chen rus brgyan brkyangs bskums gar:__kun kyang gang 'dul rgyan dang cha lugs rdzogs:__sgo bzhir dpa' bo sde bzhi yum dang bcas:__dkar ser dmar ljang rang rtags gri thod 'dzin:__rin chen rus brgyan brkyangs bskums gar gyis bzhengs:__bar mtshams rtsa gsum chos srung sprin ltar gtibs:__snang stong zung 'jug ye shes sgyu ma'i sku:__bzhi pa ni/__rdo rje gsum gyi ngo bor lhun grub cing :__ye shes rigs lnga'i dbang mchog rdzogs par gyur:__oM AHhU~M:__oM hU~M traM hrIHAH__a b+hi Shiny+tsa hU~M:__gnyis pa ye shes dgug cing bstim pa ni/__dbyangs dang rol mo'i sgra dang bcas pas/__rang gi thugs ka'i sa bon las 'od zer 'phros pas sku gsum gyi zhing dpal ri pad+ma 'od kyi pho brang nas gu ru pad+ma thod phreng rtsal la 'khor dkon mchog rtsa ba gsum gyi lha tshogs kyis bskor ba badz+ra sa mA dzaH__hU~M hrIH__yul gyi ming ni lho nub rnga yab gling :__sprul pa'i zhing mchog pad+ma drwa ba nas:__sku gsum dbyer med o rgyan thod phreng rtsal:__rab 'byams rtsa gsum rgya mtsho'i 'khor dang bcas:__mos pa'i gnas 'dir gdung bas spyan 'dren na:__thugs rje thugs dam dbang gis gshegs nas kyang :__bar chad kun sol mchog thun dngos grub stsol:__oM AHhU~M badz+ra gu ru pad+ma thod phreng rtsal badz+ra sa ma ya dzaHsid+d+hi pha la hU~M AH__dzaHhU~M ba~M hoH__gsum pa bzhugs su gsol ba ni/__hU~M hrI:__yid 'ong pho brang mdzes pa'i gzhal yas dbus:__rin chen seng khri pad+ma nyi zla'i gdan:__ma hA gu ru'i lha tshogs 'khor dang bcas:__dgyes shing mi g.yo brtan par bzhugs su gsol:__sa ma ya tiSh+Tha lhan:__bzhi pa mchod pa la gnyis/__phyag 'tshal/__mchod pa'o/__/dang po ni/__rang nyid logs su gyes pa'i mchod lha rnams kyis phyag mchod bstod pa 'bul bar dmigs pa'i khyad par dang bcas/__na mo:__skye 'gags 'gyur med phrin las thams cad rdzogs:__rang byung thugs rjes 'gro ba ma lus sgrol:__yid bzhin nor ltar dngos grub char 'bebs pa:__rig 'dzin 'dus pa'i tshogs la phyag 'tshal lo:__a ti pu ho:__pra tIts+tsha hoH__gnyis pa mchod pa la gsum/__phyi/__nang*/__gsang ba'o/__/dang po ni/__hU~M hrIH__bla ma yi dam mkha' 'gro'i spyan lam du:__dngos 'byor yid kyis rnam par sprul pa yi:__yan lag brgyad ldan mchod yon mtsho ltar bskyil:__dri med zhabs bsil gang+gA'i rgyun bzhin sbreng :__lha rdzas me tog char gyis nam mkha' bkang :__dri zhim spos kyi dud sprin bar snang khyab:__snang gsal nyi zla'i tshogs rnams 'od rab gsal:__byug pas bde ba bskyed pa bdud rtsi'i chu:__ro bcud nus pa phun tshogs zhal zas rigs:__rol mo glu dbyangs kun bzang dbyings khyab pa:__'bul lo bzhes nas mchog thun dngos grub stsol:__oM AHhU~M gu ru d+he ba DA ki nI sa pa ri bA ra ar+g+haM pA d+yaM sogs nas/__shab+da pra tIts+tsha swA hA:__gnyis pa nang mchod la gnyis/__sman raka 'bul ba dang*/__gtor ma 'bul ba'o/__/dang po ni/__hU~M hrIH__rang byung gdod nas rnam par dag pa'i rdzas:__rtsa brgyad yan lag stong sbyar sman gyi mchog:__'dod chags chags med rak+ta'i mchod pa che:__byang sems dkar dmar bdud rtsi rak+ta'i mtsho:__'khor 'das dwangs bcud khams gsum chags pa'i khrag:__zag med bde ba chen por bzhes su gsol:__gu ru d+he ba DA ki nI sarba pany+tsa a mr-i ta ma hA rak+ta khA hi:__bdud rtsi'i thigs gtor zhing*/__chos sku snang ba mtha' yas zhal du sarba pany+tsa a mr-i ta kha raM khA hi/__longs sku thugs rje chen po'i zhal du=__sprul sku pad+ma 'byung gnas zhal du=__mkha' 'gro ye shes mtsho rgyal zhal du=__chos rgyal khri srong yab sras=__gnubs chen sangs rgyas ye shes=__lo tsA rgyal ba mchog dbyangs=__dge slong nam mkha'i snying po'i=__gnyags chen ye shes gzhon nu'i=__lang gro dkon mchog 'byung gnas=__sngags 'chang rdo rje bdud 'joms=__lo chen bai ro tsa na'i=__'brog mi dpal gyi ye shes=__rlangs chen dpal gyi seng ge'i=__gter chen mchog gyur gling pa'i=__drin chen rtsa ba'i bla ma'i=__dkon mchog rin chen rnam gsum=__yi dam dkyil 'khor lha tshogs=__gnas yul dpa' bo mkha' 'gro'i=__dam can chos srung rgya mtsho'i=__snod bcud lha ru gsal ba'i zhal du sarba pany+tsa a mr-i ta kha raM khA hi/__bdud rtsi rang gis myang zhing*/__oM AHhU~M:__mtheb srin nyi zla'i ga'u sbyar ba yis:__lha tshogs dngos grub bdud rtsi'i 'bru gsum po:__blangs te rdo rje'i lce yi hU~M la brgyud:__lus kun gang bas ye shes rgyas par gyur:__kA ya sid+d+hi oM:__wA ka sid+d+hi AH__tsit+ta sid+d+hi hU~MH__gnyis pa gtor ma 'bul ba ni/__hU~M hrIH__snang ba snod kyi 'jig rten gtor gzhong du:__srid pa bcud kyi sems can gtor mar sbyang :__dpal gyi gtor ma brjid ldan 'gying ba 'di:__bla ma yi dam mkha' 'gro'i tshogs la 'bul:__oM AHhUM gu ru d+he ba DA ki nI ma hA ba liM ta khA hi:__gsum pa gsang mchod ni/__oM:__thabs dang shes rab dbyer med byang chub sems:__bde chen dgyes bskyed 'khrul pa bsgral ba'i sprin:__ye nas mchod dang mchod yul dmigs gtad bral:__rang byung lhun grub mchod pa chen po'o:__sta na ga Na d+hA tu At+ma ko\u0f85haM:__lnga pa bstod pa ni/__oM:__thugs rje'i bdag nyid mgon po tshe dpag med:__dus gsum rgyal ba'i gtso la phyag 'tshal bstod:__AH__'gro ba'i mgon po 'phags pa spyan ras gzigs:__'khor ba dong nas sprugs la phyag 'tshal bstod:__hU~M:__dus gsum sangs rgyas o rgyan sprul pa'i sku:__sku yi sprul pas phyogs bcu'i zhing kun khyab:__zhing khams rab 'byams sku yi dbyings su rdzogs:__chos kyi gsung dbyangs nam mkha'i mtha' dang mnyam:__thugs kyi dgongs pa zang thal 'dus ma byas:__yon tan bsam yas brjod pa'i yul las 'das:__phrin las 'gro 'dul rtsol med rtag tu 'jug:__dkyil 'khor gtso mchog rigs rnams kun gyi bdag:__pad+ma thod phreng rtsal la phyag 'tshal bstod:__hU~M hrIH__rgyal ba'i gdung 'tshob rig 'dzin 'gro ba'i mgon:__mkhyen rab mthar phyin rig 'dzin smra ba'i seng :__dngos grub mchog brnyes rig 'dzin pad+ma'i zhal:__mu stegs 'dul mdzad rig 'dzin bdud kyi gshed:__lha dang gnyis med rig 'dzin 'dzam gling rgyan:__'chi med rdo rje'i rig 'dzin pad+ma 'byung :__khyad par 'phags pa'i rig 'dzin kun tu 'chang :__dregs pa tshar gcod rig 'dzin gro bo lod:__'khor 'das zil gnon rig 'dzin drag po rtsal:__ye shes klong dgu'i rig 'dzin dpal chen po:__srin po'i kha gnon rig 'dzin thod phreng rtsal:__sku gsum dbyer med rig 'dzin bde chen rgyal:__kun kyang gang 'dul rgyan dang cha lugs rdzogs:__so so'i rigs kyi tshom bu mtha' yas shing :__sprul pa yang sprul nyi zer rdul ltar 'gyed:__mdzad pa bcu gnyis ston la phyag 'tshal bstod:__hU~M hrIH__rdo rje rin chen pad+ma las kyi rigs:__phrin las bzhi ldan dpa' bo mkha' 'gro'i tshogs:__rnam par thar pa brgyad kyi ngo bo nyid:__byin rlabs dngos grub phrin las kun gyi bdag:__sprin ltar gtibs pa'i rab 'byams rtsa gsum lha:__bsam yas sgyu 'phrul drwa bar phyag 'tshal bstod:__drug pa 'dzab bzla ba la bzhi/__'dzaba? khang dbye ba/__thugs dam bskul ba/__'dzaba? bzla ba/__'dzaba? bstod bya ba'o/__/dang po ni/__b+h+rU~M bi shwa bi shud+d+he hrIHhU~M phaT dzaH__bdag nyid rtsa ba'i dkyil 'khor las:__ye shes dkyil 'khor gnyis pa dbye:__mdun gyi nam mkhar bzhugs par gyur:__gnyis pa 'dzaba? la bskul ba ni/__hU~M hrIH__rig 'dzin bla ma'i lha tshogs dbyings nas bzhengs:__thugs dam gnad nas bskul lo 'dzaba? sgra sgrogs:__snang stong sku yi phyag rgyas stong gsum gang :__grags stong gsung gi 'dzab dbyangs 'brug ltar ldir:__rig stong thugs klong 'od gsal ngang du gnas:__lha rnams thams cad bde ba'i gar gyis rol:__sngags rnams rtsol med rdo rje'i glu yis bskul:__thugs ni sgrol mdzad ye shes srog dang bcas:__ma gsal bar du bskyed cing bzlas par 'bad:__ma grub bar du dgongs pa mi btang gsol:__ma g.yel thugs dam chen po'i dus la bab:__bsnyen sgrub rnam bzhi stan thog 'di nyid du:__mthar phyin dkyil 'khor bdag por 'grub par mdzod:__gsum pa ting 'dzin bsgom zhing 'dzaba? bzla ba la gsum/__sku gsum bsnyen pa/__spyi dril/__las la sbyor ba'o/__/dang po la gsum/__chos sku la brten nas bdag don byin rlabs bsdu ba/__longs sku la brten nas gzhan don phrin las mkha' khyab/__sprul sku la brten nas bdag gzhan gnyis med bskyed rdzogs zung 'jug gi bzlas pa'o/__/dang po ni/__spyi bo'i rigs bdag thugs ka nas:__'od 'phros 'khor 'das tshe bcud bsdus:__phyag gi bum pa'i nang du thim:__de las bdud rtsi'i rgyun babs pas:__bdag gi tshangs pa'i sgo nas zhugs:__lus gang nad gdon sdig sgrib dag:__dngos grub rnam gnyis thob par bsam:__oM a mA ra Ni dzI ban+ti ye swA hA:__gnyis pa ni/__'gro 'dul 'phags pa'i thugs ka nas:__'od 'phros rigs drug khams kun khyab:__so so'i nyon mongs drug sbyangs nas:__thugs rje chen po'i sku ru bsam:__oM ma Ni pad+me hU~M hrIH__gsum pa ni/__rang nyid rigs 'dus bla ma yi:__thugs kar zla ba'i dkyil 'khor steng :__gser gyi rdo rje rtse lnga pa'i:__lte bar hrIHmthar sngags kyis bskor:__de las 'od 'phros 'phags pa mchod:__byin rlabs dngos grub rang la thim:__slar 'phros phyi snod dag pa'i zhing :__nang bcud 'gro kun lha yi sku:__sgra grags rdo rje'i sngags kyi dbyangs:__dran rtog 'od gsal ye shes ngang :__gnyis med dkyil 'khor gcig tu bsam:__oM AHhU~M badz+ra gu ru pad+ma sid+d+hi hU~MH__gnyis pa spyi dril sgrub pa bde chen bzlas pa ni/__bdag dang dkyil 'khor lha tshogs kyi:__sku las sku 'phros 'jig rten gang :__gsung gi 'dzab dbyangs sngags sgra sgrogs:__thugs ni 'gyur med 'od gsal ngang :__phyogs dus rgyal ba mchod pas mnyes:__khams gsum 'gro ba'i don gnyis bsgrubs:__thams cad phyag rgya'i dkyil 'khor che:__bsam gyis mi khyab yongs rdzogs bsam:__oM AHhU~M badz+ra gu ru pad+ma thod phreng rtsal badz+ra sa ma ya dzaH__sid+d+hi pha la hU~M AH__skabs su dbyangs kyi rta la bskyon pa sogs bzlas pa ci 'grub bya/__hU~M gi glu dbyangs rlung gnad dang sbyar ba bde chen rdo rje'i bzlas pa sogs ni sgrub pa'i skabs la dgos pa yin gyi nyi tshe ba la ma byas kyang chad pa'i skyon med do/__/gsum pa las la sbyar ba ni/__rang gi thugs las 'od 'phros pas:__dpa' bo rigs bzhi'i thugs rgyud bskul:__sprul pa yang sprul 'jig rten khyab:__phrin las rnam bzhi lhun grub bsam:__spyi dril mthar:__ha ri ni sa ra tsa hri ya tsit+ta hring hring dza:__sarba sid+d+hi pha la hU~M:__sgrub pa'i bcu cha bzla/__bzhan kha bsgyur dang man ngag sbyar bar 'dod na zhal gdams snying byang la blta bar bya'o/__bzhi pa dzapa? bstod bya ba la gsum/__mchod pa bstod cing 'dod don gsol ba bshags pa bya ba'o/__dang po ni/__oM AHhU~M:__phyi mchod 'dod yon rgya mtsho sprin ltar gtibs:__nang mchod sman raka gtor tshogs bsam mi khyab:__gsang mchod bde stong zung 'jug ye shes dbyings:__'bul lo bzhes nas mchog mthun dngos grub stsol:__oM badz+ra ar+g+haM pA d+yaM sogs nas/__shap+ta sarba pany+tsa rak+ta ba lid+ta ma hA pU dza AHhU~M:__sman raka sbreng zhing rol mo rgya cher bya'o/__/gnyis pa ni/__hU~M hrIH__ngo bo 'od gsal chos sku'i ngang nyid las:__rang bzhin bde stong longs spyod rdzogs skur shar:__thugs rjes gang 'dul sprul sku'i 'gro don mdzad:__dkyil 'khor lha tshogs rnams la phyag 'tshal bstod:__thugs rjes bdag la byin gyis rlobs:__brtse bas bdag sogs lam sna drongs:__dgongs pas bdag la dngos grub stsol:__nus pas bdag sogs bar chad sol:__phyi yi bar chad phyi ru sol:__nang gi bar chad nang du sol:__gsang ba'i bar chad dbyings su sol:__gus pas phyag 'tshal skyabs su mchi:__oM AHhU~M badz+ra gu ru pad+ma sid+d+hi hU~M:__gsum pa ni/__oM rig 'dzin dkyil 'khor lha tshogs rnams:__bdag la gsan cing dgongs su gsol:__bdag cag ma rig 'khrul pa yi:__phyag rgya ma gsal dzaba? bzlas g.yel:__ting 'dzin dgongs pa'i rtsal ma rdzogs:__byings rgod 'chal bar gyur pa sogs:__nongs par gyur pa ci mchis kun:__snying nas 'gyod pas mthol bshags nas:__sgrib dag tshangs pa'i dngos grub stsol:__yi ge brgya pa mang bzlas shing :__dgongs pa skye med ngang du bzhag:__a a AH__bdun pa dbang blang ba'i don du/__ye shes kyi dkyil 'khor du 'jug pa ni/__oM AHhU~M swA hA badz+ra sa ma ya kA ya wA ka tsit+ta gu Na karma swa b+hA at+ma ko\u0f85haMH__oMH__shin tu rnam par dag pa yi:__ye shes rig rtsal 'chang ba'i lha:__gdod nas rang dang lhan cig skyes:__rdo rje bzhi yi dbyings su rdzogs:__dam tshig ye shes dbyer med par:__byang chub sems su ro gcig pa'i:__dbang bskur byin rlabs rmad po che:__sku bzhi'i ngo bor lhun gyis grub:__oM badz+ra sa ma ya hU~M s+t+waM ho:__kA ya bA ka tsit+ta dz+nyA na badz+ra dzaHhU~M baM hoH__mdun tu bzhugs pa'i ye shes pa:__rang dang dbyer med brtan cing mnyes:__gsal snang rdzogs pa'i ting 'dzin la:__mnyam par bzhag pas lam du khyer:__skabs 'dir bka' srung gi gsol mchod rgyas bsdus gang 'grub nges par dgos/__gsum pa rjes kyi bya ba la/__dang po tshogs kyi dga' ston spel:__gnyis pa bskul zhing gtor ma skyong :__gsum pa bod khams brtan ma mchod:__bzhi pa las mjug bro yis bsdu:__lnga pa bskyed pa'i gsal snang bsdu:__drug pa zung 'jug sgyu mar spyod:__bdun par smon lam shis brjod kyis:__bsags pa'i las rnams don yod 'gyur:__zhes pa ltar/__dang po la lnga/__byin rlabs/__spyan drangs/__mchod pa/__longs spyod/__lhag ma bsngo ba'o/__/dang po ni/__tshogs kyi yo byad la bsang chu 'thor zhing*/__ra~M ya~M kha~M:__bdag nyid lhar gsal thugs ka'i sa bon las:__ra~M ya~M kha~M 'phros tshogs rdzas dngos 'dzin sbyangs:__'bru gsum 'od kyis ye shes bdud rtsir bsgyur:__'dod yon mchod sprin nam mkha' gang bar gyur:__oM AHhU~M:__gnyis pa spyan 'dren pa ni/__hU~M hU~M hU~M:__bzhengs shig sku gsum rgyal ba rgya mtsho'i tshogs:__'od gsal spros dang bral ba'i ngang nyid las:__bdag cag tshogs bsags sgrib pa sbyang slad du:__ye shes sgyu mar rol bzhin gshegs su gsol:__badz+ra sa ma ya dzaHdzaH__gsum pa mchod pa la gsum gyi/__tshogs phud dang po 'bul ba ni/__zhu ba sngon 'gros/__oM AHhU~M:__tshogs kyi ngo bo ye shes bdud rtsi'i sprin:__rnam pa 'dod yon lha mos nam mkha' gang :__zag med bde ba chen po'i longs spyod 'dis:__rtsa gsum dkyil 'khor lha tshogs mnyes gyur cig:__ga Na tsa kra pU dza hoH__gnyis pa bar pas bskang bshags ni/__zhu ba sngon du 'gro bas/__ho:__thog med bsags pa'i sdig sgrib nyes ltung dang :__khyad par rtsa ba yan lag dam tshig las:__'gal zhing nyams par gyur pa thams cad kun:__'dod yon tshogs kyi mchod pas bskang zhing bshags:__sa ma ya shud+d+he A:__gsum pa bsgral ba la zhu ba sngon du 'gro bas/__tshogs kyi 'dod yon lha mo rnams hU~M zhes rang la bsdu/__byin rlabs byas pa'i gong du bcad na dang*/__ling ga zur du bcas na 'dir mi dgos shing*/__gang ltar yang*/__ma hA pad+ma shrI he ru ko\u0f85haM:__bdag nyid pad+ma he ru ka'i skur gyur/__na mo dkon mchog gsum la phyag 'tshal lo/__dkon mchog gsum gyi bka' bden pa dang*/__chos nyid rnam par dag pa'i bden pa dang*/__chos can rgyu 'bras bslu ba med pa'i bden pa dang*/__rig 'dzin sgyu 'phrul drwa ba zhi khro rnam par rol pa'i lha tshogs rnams kyi=__sprul pa yang sprul phyag brnyan dang bcas pa rnams kyi=__bden pa chen po'i byin rlabs kyis ma rungs pa'i sems can bsgral ba'i zhing du gyur pa thams cad mtshan ma rdzas kyi rten 'di la mchis par gyur cig__/nr-i yaM dza:__nr-i badz+ra aM ku sha dza:__tri yaM dza:__tri badz+ra aM ku sha dzaH__zhes lcags kyu'i phyag rgyas bkug la/__dzaHhU~M baM hoHsa 'gugs bcings bsdoms shing myos par byas te/__las phur thogs nas/__hU~M:__dpal chen thugs sprul rdo rje'i ging ka ras:__gzung 'dzin bdud bgegs tshogs rnams bkug cing bstims:__'od gsal dbyings su bsgral ba'i sha khrag rus:__rtsa gsum dkyil 'khor lha tshogs zhal du bstab:__sarba big+h+nAn sha trU~M mA ra ya kha kha khA hi khA hi:__ha ha hi hi hU~M hU~M phaT:__bzhi pa longs spyod pa ni/__las rdor gyis tshogs btegs la/__hoH__tshogs kyi mchod pa rgyan du rol:__pad+ma'i phyag rgyas blangs la/__a la la ho:__bza' btung rnams nang gi bsreg blug tu rol/__lnga pa lhag ma gtong ba ni/__smon lam sngon du 'gro bas lhag ma rnams gsog 'jog med par bsdus/__las rdor gyis zhu ba sngon du 'gro bas phud lhag bsre zhing*/__oM AHhU~M:__lan gsum brjod pas slob dpon gyi zhal chab bran la/__e A ral+li hrIng dzaH__zhes lhag mgron bkug la/__b+h+yo:__dpal gyi bka' nyan pho nya'i tshogs:__lhag ma'i longs spyod 'di gsol la:__sngon tshe g.yar dam bcas pa bzhin:__bar chad kun sol mthun rkyen spel:__ma ma hrIng hrIng ba liM tA khA hi:__gnyis pa bskul zhing chad mdo bsgrag pa ni/__hU~M:__sngon gyi bskal pa'i dang po la:__brgyud gsum bla ma rig 'dzin gyis:__dam la btags pa'i lha 'dre rnams:__chos nyid bden pa'i bka' la nyon:__dbang gi rgyal po pad+ma yis:__dur khrod chen po bsil tshal du:__mkha' 'gro dam can dam la btags:__bod kyi nyi ma mdzad pa'i tshe:__lha srin thams cad dam la btags:__bdag ni rig 'dzin de yi gdung :__khyod rnams lha 'dre de yi rigs:__sngon tshe slob dpon bka' ma bcag:__da lta rnal 'byor dam ma bkral:__rgyan gyi gtor ma 'di bzhes la:__bcol ba'i phrin las 'grub par mdzod:__ces chad tho bya/__/gsum pa brtan ma bya ba ni/__gtor gzhong bdud rtsis bshal la gtor mar blugs shing*/__hU~M:__rgya gar yul gyi tshu rol dang :__bal po'i yul gyi pha rol mtha':__a su ra yi brag phug tu:__rig 'dzin rdo rje drag po dang :__slob dpon ba su d+ha ra yis:__zhing chen brdal ba'i khri steng du:__tshogs kyi gral du bcug nas kyang :__dam tshig bdud rtsi byin pa yi:__brtan ma chen mo bcu gnyis rnams:__tha tshig dam bca' ji bzhin du:__mchod gtor bdud rtsi 'di bzhes la:__rnal 'byor bcol ba'i phrin las sgrubs:__oM ma mA:__la lA:__le lai:__taM taM:__te tai:__kha rag+ma:__ma ma sring 'gro ma hUM b+h+yo hU~M:__bzhi pa las mjug bro yis bsdu ba ni/__gtor gzhong sbubs la rdo rjes bsnol mar mnan la/__hU~M:__rta yi brtul zhugs chen po ni:__dbang chen rngams pa'i sgra sgrog cing :__dpal gyi rta skad tse re re:__rol pa'i rta bro chems se chem:__gzung 'dzin ltar snang dam sri'i tshogs:__rdzogs pa chen po'i klong du mnan:__oM AHhU~M badz+ra kro d+ha ha ya grI ba oM b+h+rU~M hrIHphaT:__lnga pa bskyed pa'i gsal snang bsdu ba la gsum/__dkyil 'khor lha la mchod bstod bzod gsol bya ba/__dngos grub blang ba/__bsdu rim dngos so/__/dang po ni/__oM AHhU~M:__phyi mchod 'dod yon rgya mtsho sprin ltar gtibs:__nang mchod sman raka gtor tshogs bsam mi khyab:__gsang mchod bde stong zung 'jug ye shes dbyings:__'bul lo bzhes nas mchog mthun dngos grub stsol:__oM badz+ra ar+g+haM pA d+yaM sogs nas/__shap+ta sarba pany+tsa rak+ta ba lid+ta ma hA pU dza AHhU~M:__gnyis pa ni/__hU~M hrIH__ngo bo 'od gsal chos sku'i ngang nyid las:__rang bzhin bde stong longs spyod rdzogs skur shar:__thugs rjes gang 'dul sprul sku'i 'gro don mdzad:__dkyil 'khor lha tshogs rnams la phyag 'tshal bstod:__gsum pa ni/__oM rig 'dzin dkyil 'khor lha tshogs rnams:__bdag la gsan cing dgongs su gsol:__bdag cag ma rig 'khrul pa yi:__phyag rgya ma gsal dzaba? bzlas g.yel:__ting 'dzin dgongs pa'i rtsal ma rdzogs:__byings rgod 'chal bar gyur pa sogs:__nongs par gyur pa ci mchis kun:__snying nas 'gyod pas mthol bshags nas:__sgrib dag tshangs pa'i dngos grub stsol:__yi ge brgya pa mang bzlas/__gnyis pa sgrub brten spyi bor blangs shing bdud rtsi btung la/__hU~M hrIH__snying po byang chub sems kyi dkyil 'khor du:__ye shes sgyu mar rol pa'i lha tshogs rnams:__mi 'da' rdo rje'i dam tshig rjes dgongs la:__byin rlabs dbang dang dngos grub stsal du gsol:__gu ru d+he ba DA ki nI kA ya bA' ka tsit+ta dz+nyA na karma sarba sid+d+hi pha la b+h+rU~M:__rtsa khams bdud rtsi'i dwangs mas gang :__mchog gi dngos grub mngon du gyur:__dwangs ma'i 'od zer phyogs bcur 'phros:__thun mong dngos grub 'bad med 'grub:__rnam kun dkyil 'khor 'khor lo dang :__dbyer med chen por byin brlabs gyur:__gsum pa dkyil 'khor bsdu ba ni/__mdun bskyed rten yod na/__oM:__'dir ni gzugs dang lhan cig tu:__'khor ba srid du bzhugs nas kyang :__nad med tshe dang dbang phyug dang :__mchog rnams legs par stsal du gsol:__oM su pra sogs/__rdul tshon yin na/__oM__khyed kyis sems can don kun mdzad/__/sogs/__badz+ra mu:__gang ltar yang*/__hU~M hU~M hU~MH__snod bcud lhar gsal ba thams cad rang la thim/__rang yang thugs ka'i sa bon la thim/__de yang mi dmigs pa 'od gsal gyi ngang du mnyam par bzhag__/drug pa zung 'jug sgyu ma lta bu'i rgyun gyi spyod lam ni/__phaT phaT phaT/__slar yang chu la nya ldang ba'i tshul gyis rang nyid gtso bo'i skur gsal ba'i spyi bor oM/__mgrin par AH__thugs kar hU~M yig gis mtshan par gyur/__oM AHhU~M badz+ra kA bA tsi rak+ShA haM:__snang grags rig gsum lha sngags ye shes kyi rol par blta zhing spyod lam thams cad don yod par bya'o/__/bdun pa smon lam dang shis brjod la gnyis/__dang po dge rtsa rnams 'khor gsum yang dag pa'i bsngo bas rgyas gdab pa ni/__hoH__rig 'dzin bla ma'i dkyil 'khor bsgrubs pa'i mthus:__bdag dang mtha' yas sems can ma lus kun:__phrin las rnam bzhi lhun gyis grub pa dang :__'od gsal chos sku'i dbyings su grol bar shog:__gnyis pa shis brjod ni/__me tog 'thor zhing rol mo sna tshogs pa bsgrags la/__rtsa brgyud bla ma'i byin rlabs snying la zhugs:__yi dam mkha' 'gro lus dang grib bzhin 'grogs:__chos skyong srung mas bar chad kun bsal nas:__mchog thun dngos grub 'grub pa'i bkra shis shog:__ces shis pa brjod pas mtha' brgyan par bya'o/__/gu ru'i man ngag bdud rtsi'i chu/__/blo dang 'tshams par bstan pa'i mthus/__/rim gnyis myu gu rab smin nas/__/dngos grub 'bras bur spyod par shog__/ces pa'ang las dang po pa la mkho phyir mchog gyur gling pas gu ru'i bka' bzhin bris pas 'gro kun phan bde'i go 'phang la dkri ba'i rgyur gyur cig/__//