Property:colophontib
From Khyentse Lineage - A Tsadra Foundation Project
This is a property of type Text.
བ
།ཅེས་པའང་རིག་འཛིན་གྱི་བཙུན་པ་མཉྫུ་གྷོ་ཥས་སྦྱར་བ་དགེ་ལེགས་ཀྱི་པདྨོ་མཆོག་ཏུ་རྒྱས་པར་སིདྡྷི་རསྟུ།། །སརྦ་མངྒ་ལཾ།། +
ཅེས་པའང་རང་བྱུང་སངས་རྒྱས་དཔལ་ལྡན་པདྨ་ལས་འཁྲུངས་ཁྱབ་བདག་ འཇམ་དཔལ་རྡོ་རྗེའི་སྒྱུ་འཕྲུལ་བཀོད་པའི་མཆོག་གི་སྤྲུལ་པའི་སྐུ་རིན་པོ་ཆེ་མདོ་ཁམས་པ་སྐལ་བཟང་དོན་བརྒྱུད་ཉི་མས་དགྱེས་པའི་གསུང་གི་སྐབས་ཕྱེ་ཞིང་། ཉེ་གནས་འབྲོང་སྤྲུལ་ངག་དབང་བློ་གྲོས་ཕྲིན་ལས་མཆོག་གྲུབ་དང་། སྒྲུབ་བརྩོན་རྟོགས་ལྡན་ཕྲིན་ལས་བློ་གྲོས་ཟུངནས། རྟེན་འབྲེལ་ལྷ་རྫས་ཀྱི་སྐྱེས་དང་བཅས་བསྐུལ་ངོར་སྔགས་བཙུན་པདྨ་མདོ་སྔགས་གླིང་པས་བྲིས་པ་ཕན་བདེའི་དགེ་མཚན་དཔལ་དུ་འབྱུང་བས་འཇིག་རྟེན་གསུམན་མཛེས་པའི་རྟེན་འབྱུང་གི་དཔལ་དུ་སྨོན་པ་བཞིན་འགྲུབ་པར་གྱུར་ཅིག། +
།ཅེས་པའང་དྭགས་རྙིང་བསྟན་པའི་ཤིང་རྟ་ཚད་མའི་སྐྱེས་བུ་སྐྱབས་རྗེ་མདོ་ཁམས་བརྒྱད་པ་རིན་པོ་ཆེ་དང༌། ཉེ་གནས་འབྲོང་སྤྲུལ་ངག་དབང་ཕྲིན་ལས་བློ་གྲོས། སྒྲུབ་བརྩོན་འཇམ་དཔལ་ཞི་ཁྲོའི་རྣལ་འབྱོར་ཕྲིན་ལས་བློ་གྲོས་དཔོན་སློབ་ནས་ལྷ་རྫས་ཀྱི་རྟེན་དང་བཅས་ཏེ་ཡང་ཡང་གསུང་གིས་བསྐུལ་བ་བཞིན་དུས་གསུམ་ཀུན་མཁྱེན་པདྨའི་གདུང་འཚོབ་གར་དབང་བདེ་ཆེན་མདོ་སྔགས་གླིང་པས་བྲིས་པ་དོན་དང་ལྡན་པར་གྱུར་ཅིག །ཤྲཱི་བི་ཛ་ཡནྟུ།། +
།ཞེས་པའི་ཞུ་གསོལ་ངང་མོ་དཀར། །རིམ་གཉིས་རྐང་གདུབ་འགྲོས་བཞིན་དུ། །ཁྱོད་ཞབས་པད་རྫིང་རྗེས་དྲན་བློས། །དབོ་ཟླའི་༢གྲལ་ཚེས་༡༨དགེ་བར་སོང་།། +
།ཅེས་དམ་པ་གོང་མ་རྣམས་ཀྱི་གསུང་དང་མཐུན་པར་དགེ་འདུན་འདུས་པའི་སྡེ་ལ་བསླབ་བྱའི་བཅའ་ཡིག་འདི་ཡང་འཇམ་དབྱངས་མཁྱེན་བརྩེའི་སྤྲུལ་མིང་གི་བསྙད་པ་འཇམ་དབྱངས་ཆོས་ཀྱི་བློ་གྲོས་རིས་མེད་བསྟན་པའི་རྒྱལ་མཚན་དཔལ་བཟང་པོས་སྤེལ་བ་དགེ་ལེགས་སུ་གྱུར་ཅིག །སརྦ་མངྒ་ལཾ། ཤུ་བྷཾ།། +
བཅུ་གཅིག་ཞལ་གྱི་བསྙེན་སྒྲུབ་ཀྱི་ཡི་གེ་མཁན་ཆེན་སངས་རྒྱས་ཕུན་ཚོགས་པའི་གསུང་རབ་སོར་བཞག་ལ། བསྙེན་ཡིག་ཉུང་བསྡུས། +
།ཞེས་པའང་མཉྫུ་གྷོ་ཥས་བྲིས་པ་དགེ། +
།ཅེས་པའང་ཤཱཀྱའི་དགེ་སྦྱོང་འཇམ་དབྱངས་མཁྱེན་བརྩེའི་དབང་པོའམ། ལྷག་པའི་ལྷ་འདི་ཉིད་ཀྱི་སྨིན་བྱེད་ཟབ་མོས་སྐལ་བ་བཟང་པོར་གྱུར་པའི་མིང་གི་ཅོད་པཎ་ཐུགས་རྗེ་དགེ་བའི་དབྱངས་ཞེས་ཀྱང་བགྱི་བའི་རྒྱལ་ཁམས་ཀྱི་བྱ་བྲལ་མ་ཎི་པས་སུག་བྲིས་སུ་བགྱིས་པ་དགེ་ལེགས་འཕེལ།། །།སརྦ་དཱ་མངྒ་ལཾ་བྷ་བ་ཏུ།། +
།ཞེས་པའང་ཀུན་མཁྱེན་ཆེན་པོ་ཉིད་ཀྱི་གསུངས་རྡོ་རྗེའི་ཚིག་རྐང་རྩ་བར་བཟུང་། བཀའ་གཏེར་དག་སྣང་གི་མན་ངག་ཟབ་མོ་དུ་མས་ཟུར་བརྒྱན་ཏེ་རིག་འཛིན་གྱི་བཙུན་པ་རྡོ་རྗེ་ཐུགས་མཆོག་རྩལ་གྱིས་སྦྱར་བའི་དགེ་བས་མཐའ་ཀླས་པའི་འགྲོ་བ་ཐམས་ཅད་འོག་གདོན་གྱི་འཇིགས་པ་ལས་མྱུར་དུ་གྲོལ་བའི་རྒྱུར་གྱུར་ཅིག །སརྦ་དཱ་ཤྲེ་ཡོ་བྷ་བ་ཏུ།། +
།ཞེས་པའང་གཞུང་རྩ་བར་མན་ངག་ཕྱག་བཞེས་ཀྱི་བརྒྱན་ཏེ། རང་གཞན་རྣམས་ལ་འཇུག་པ་བདེ་བའི་སླད་དུ་ཤཱཀྱའི་དགེ་སློང་རིག་པ་འཛིན་པ་རྡོ་རྗེ་ཐུགས་མཆོག་རྩལ་ཞེས་བགྱི་བས་བཤད་སྒྲུབ་ཀྱི་ཆུ་གཏེར་ཆེན་པོ་འོག་མིན་གཉིས་པ་དཔལ་ཀཿཐོག་རྡོ་རྗེ་གདན་གྱི་ཆོས་གྲྭ་མཐོང་ན་མངོན་པར་དགའ་བའི་གནྡྷོ་ལའི་རྩེ་མོ་རང་གཤགས་འཆི་མེད་གྲུབ་པའི་དགའ་ཚལ་དུ་སྦྱར་བའི་ཡི་གེ་པ་ནི་བིཀྵུ་ཤྲཱི་ལ་སཱ་ག་རས་བགྱིས་པ་ཛ་ཡནྟུ།། +
རྒྱལ་བའི་ཡེ་ཤེས་ཀྱི་སྐུ་གཅིག་པུ་སྤྲོ་བསྡུའི་བྱེད་པོ་འཁོར་འདས་ཀུན་གྱི་ཁྱབ་བདག་ལྷག་པའི་ལྷ་མཆོག་ས་བཅུའི་སེམས་དཔའི་ཚུལ་བཟུང་མཉྫུ་ཤྲཱི་ལ་བསྟོད་པ་ངེས་དོན་རྣ་ཆ་ཞེས་བྱ་བའི་སྨོན་ལམ་དང་བཅས་པ་འདི་ཡང་མཁས་བཙུན་བཟང་དང་གྲུབ་པའི་ཡོན་ཏན་མཆོག་ཏུ་མངའ་ཡང་སྦས་པའི་རྣལ་འབྱོར་གྱི་ཚུལ་བཟུང་བ་ཁྱབ་བདག་འཁོར་ལོའི་མགོན་པོ་དྷྱཱ་ན་མ་ཏིས་གསུང་གི་བསྐུལ་བ་གུས་པས་སྤྱི་བོར་བླངས་ཏེ་རྨོངས་བཏུལ་འདུ་ཤེས་གསུམ་པ་གཙུག་ལག་ལུང་རིག་ཉི་མ་སྨྲ་བའི་སེང་གེས་སྲིན་པོ་ཞེས་པ་ཤིང་མོ་ཡོས་ཀྱི་ལོ་རྟ་པ་ཟླའི་དམར་ཕྱོགས་མཁའ་འགྲོ་འདུ་བའི་དུས་ཚེས་བཟང་པོར་གསོལ་བ་བཏབ་པའི་ཡི་གེ་པ་ནི་འཇིགས་མེད་བློ་གྲོས་པས་བགྱིས་པ་འདིས་ཀྱང་འགྲོ་ཀུན་སོ་སོར་རྟོགས་པའི་ཡེ་ཤེས་ལ་དབང་འབྱོར་པའི་རྒྱུར་གྱུར་ཅིག །སརྦ་དཱ་མངྒ་ལཾ། ། །། +
བཅོམ་ལྡན་འདས་དཔལ་འཁོར་ལོ་བདེ་མཆོག་དཀར་པོ་ལ་བརྟེན་པའི་ཚེ་སྒྲུབ་ཟབ་པ་བཞི་ལྡན་གྱི་ཁྲིད་ཡིག་མདོར་བསྡུས་བདུད་རྩིའི་སྙིང་པོ། +
།ཅེས་པའང་ཀུན་མཁྱེན་བོ་དོང་པ་ཆེན་པོ་འཇིགས་བྲལ་དབྱངས་ཅན་དགའ་བའི་ཞལ་སྔ་ནས་ཉེ་བར་འོངས་པའི་གདམས་ཟབ་གྲུབ་པའི་ཞལ་ལུང་བཞིན་འཇམ་དབྱངས་བླ་མ་དགྱེས་པའི་འབངས་མཁྱེན་བརྩེའི་དབང་པོས་བྲིས་པ་དགེ། +
ཅེས་རྗེ་བཙུན་མ་ཀུ་རུ་ཀུལླེ་དཔལ་མོ་སྙིང་གི་གསེར་ཐག་ཅན་དུ་གྲགས་པ་ལ་བསྟོད་ཅིང་གསོལ་བ་འདེབས་པའི་ཚིགས་སུ་བཅད་པ་ཤློ་ཀ་དང་པོ་ཡིག་རྙིང་ལས་བྱུང་བ་ལ་འཕྲོ་མཐུད་དེ་རིག་པ་འཛིན་པ་མཉྫུ་གྷོ་ཥས་བྲིས་པ་དགེ། +
།དེ་ལྟར་བཅོམ་ལྡན་འདས་མགོན་པོ་ཚེ་དང་ཡེ་ཤེས་དཔག་ཏུ་མེད་པ་ཤིན་ཏུ་རྣམ་པར་ངེས་པ་གཟི་བརྗིད་ཀྱི་རྒྱལ་པོ་ལ་བསྟོད་པའི་རབ་ཏུ་བྱེད་པ་འཆི་མེད་ཟླ་གཞོན་གསར་པའི་རོལ་མོ་ཞེས་བྱ་བ་འདི་ནི། བདེ་བ་ཅན་གྱི་ཞིང་གི་བཀོད་པ་རྟེན་དང་བརྟེན་པར་བཅས་པ་དང་མཐུན་ཞིང་མངོན་རྟོགས་དག་གི་དོན་དང་ཡང་མི་འགལ་བར་གཞོན་ནུ་ཨ་བྷ་ཡས་རང་ལོ་བཅོ་བརྒྱད་པར་བྲྀ་ཥ་བྷ་ཞེས་ཁྱུ་མཆོག་ཟླ་བའི་དགའ་བ་གཉིས་པའི་གྲལ་ཚེས་དགེ་བར་ཡོངས་སུ་འགྲུབ་པར་བགྱིས་པའི་དགེ་བས་གནས་སྐབས་ལུས་ཅན་ཐམས་ཅད་སྡུག་བསྔལ་གསུམ་གྱི་ཆུ་གཏེར་ལས་བསྒྲལ་ནས་མཐར་ཐུག་ཐམས་ཅད་མཁྱེན་པའི་གྲོང་ཁྱེར་དུ་དབུགས་འབྱིན་ཐོབ་པའི་རྒྱུར་གྱུར་ཅིག། +
།དེ་ལྟར་བསྟོད་བསྔགས་འོད་ཟེར་ཕྲེང་ལྡན་ཟླ་ཤེལ་མྱུ་གུ་གསར་པའི་གཟུགས། །ཤིན་ཏུ་གུས་པའི་བདེ་འབྱུང་རལ་རྩེར་བྲལ་ཐོབ་སྤངས་པར་སོན་པ་ལས། །ཚེ་བསོད་དཔལ་འབྱོར་ཀུ་མུད་འཛུམ་དཀར་ཡིད་འོང་བྱེ་བའི་དེ་མ་ཐག །རྣམ་པ་ཐམས་ཅད་མཁྱེན་པའི་གེ་སར་རྟག་ཏུ་ལྕི་བ་ཐོབ་པར་འགྱུར། །དེ་ལྟར་བཅོམ་ལྡན་འདས་མགོན་པོ་ཚེ་དང་ཡེ་ཤེས་དཔག་ཏུ་མེད་པ་ཤིན་ཏུ་རྣམ་པར་ངེས་པ་གཟི་བརྗིད་ཀྱི་རྒྱལ་པོ་ལ་བསྟོད་པའི་རབ་ཏུ་བྱེད་པ་འཆི་མེད་ཟླ་གཞོན་གསར་པའི་རོལ་མོ་ཞེས་བྱ་བ་འདི་ནི། བདེ་བ་ཅན་གྱི་ཞིང་གི་བཀོད་པ་རྟེན་དང་བརྟེན་པར་བཅས་པ་དང་མཐུན་ཞིང་མངོན་རྟོགས་དག་གི་དོན་དང་ཡང་མི་འགལ་བར་གཞོན་ནུ་ཨ་བྷ་ཡས་རང་ལོ་བཅོ་བརྒྱད་པར་བྲྀ་ཥ་བྷ་ཞེས་ཁྱུ་མཆོག་ཟླ་བའི་དགའ་བ་གཉིས་པའི་གྲལ་ཚེས་དགེ་བར་ཡོངས་སུ་འགྲུབ་པར་བགྱིས་པའི་དགེ་བས་གནས་སྐབས་ལུས་ཅན་ཐམས་ཅད་སྡུག་བསྔལ་གསུམ་གྱི་ཆུ་གཏེར་ལས་བསྒྲལ་ནས་མཐར་ཐུག་ཐམས་ཅད་མཁྱེན་པའི་གྲོང་ཁྱེར་དུ་དབུགས་འབྱིན་ཐོབ་པའི་རྒྱུར་གྱུར་ཅིག +
བཅོམ་ལྡན་འདས་མགོན་པོ་འོད་དཔག་ཏུ་མེད་པའི་ཞིང་སྦྱོང་གི་ཆོ་ག་དང་རྗེས་སུ་འབྲེལ་བའི་གཞན་ཕན་ཕྲིན་ལས་ཀྱི་རིམ་པ་བདེ་བ་ཅན་དུ་བགྲོད་པའི་མྱུར་ལམ། +
།།ཅེས་རྩོད་བྲལ་དུས་བབས་ཀྱི་སྤྲུལ་པའི་གཏེར་འབྱིན་རྒྱ་མཚོའི་འཁོར་ལོས་སྒྱུར་བ་འགྲོ་འདུལ་མཆོག་གྱུར་བདེ་ཆེན་གླིང་པའི་ཟབ་གཏེར་གྱི་གསང་བ་བླ་མའི་ཐུགས་སྒྲུབ་བར་ཆད་ཀུན་སེལ་ཆོས་ཀྱི་གན་མཛོད་ཆེན་པོ་ལས་བྱུང་བའི་བཅོམ་ལྡན་འདས་འོད་དཔག་ཏུ་མེད་པའི་ཞིང་སྦྱོང་གི་ཆོ་གའི་ཡན་ལག་གཞན་ཕན་ཕྲིན་ལས་ཀྱི་རིམ་པ་འདིའང་། མཚོ་སྐྱེས་བླ་མ་ཡབ་སྲས་ཀྱི་བྱིན་རླབས་བདུད་རྩིའི་སྣང་བས་བློ་གྲོས་ཀྱི་པདྨོ་ཅུང་ཟད་བྱེ་བ་མཁྱེན་བརྩེའི་དབང་པོ་རྡོ་རྗེ་གཟི་བརྗིད་རྩལ་གྱིས་སྦྱར་བ་དགེ་ལེགས་མཆོག་ཏུ་གྱུར་ཅིག། །།སརྦ་དཱ་ཀ་ལྱཱ་ཎཾ་བྷ་བ་ཏུ།། +
བཅོམ་ལྡན་འདས་མགོན་པོ་འོད་དཔག་ཏུ་མེད་པའི་སངས་རྒྱས་ཀྱི་ཞིང་ཡོངས་སུ་སྦྱོང་བའི་ཆོ་ག་བདེ་བ་ཅན་དུ་བགྲོད་པའི་ཤིང་རྟ། +
* '''Author colophon page 583:''' །ཅེས་སངས་རྒྱས་གཉིས་པ་སློབ་དཔོན་ཆེན་པོའི་ཐུགས་བཅུད་བླ་མའི་ཐུགས་སྒྲུབ་བར་ཆད་ཀུན་སེལ་གྱི་ཞལ་གདམས་སྙིང་བྱང་ཡིད་བཞིན་ནོར་བུ་ལས། འགྲོ་འདུལ་ངན་སོང་དོང་སྤྲུགས་ཀྱི་ཆ་ལག་འོད་དཔག་མེད་ཀྱི་ཞིང་སྦྱོང་གི་ཆོ་ག་ཉུང་གསལ་སྙིང་པོར་དྲིལ་བ་འདི་ཡང་། སྤྲུལ་བའི་གཏེར་འབྱིན་རྒྱ་མཚོའི་འཁོར་ལོས་སྒྱུར་བ་ཨོ་རྒྱན་མཆོག་གྱུར་བདེ་ཆེན་གླིང་པའི་ཞལ་སྔ་ནས་ཀྱི་སྐྱེད་ཡུམ་དམ་པ་སྐུ་གཤེགས་པའི་སྐབས་སངས་རྒྱས་ཀྱི་ཞིང་ཁམས་ཡོངས་སུ་སྦྱོང་བ་དང་། སེམས་ཅན་རྒྱ་མཚོ་སྨིན་པར་མཛད་པའི་ཆ་རྐྱེན་དུ་གཙོ་བོར་དམིགས་ཤིང་། རང་གཞན་ལ་ཉེ་བར་མཁོ་བས་ཀྱང་མཚམས་སྦྱར་ཏེ། ཟབ་མོའི་ཆོ་ག་ཚུལ་འདི་ཉིད་ལ་མཚོ་སྐྱེས་བླ་མ་ཡབ་སྲས་དགྱེས་པའི་ཐུགས་རྗེས་སྔོན་དགེའི་སྤོབས་པ་ཅུང་ཟད་སད་པ་མཁྱེན་བརྩེའི་དབང་པོ་རྡོ་རྗེ་གཟི་བརྗིད་རྩལ་གྱིས་སྦྱར་བ་དགེ་ལེགས་མཆོག་ཏུ་གྱུར་ཅིག། །།སརྦ་དཱ་ཀ་ལྱཱ་ཎཾ་བྷ་བ་ཏུ།། །།
* '''Benediction (smon tshig) colophon page 583:''' །།ཅེས་པའང་ཤཱཀྱའི་དགེ་སློང་མང་ཐོས་སྤོང་བ་པའི་ཁྱུ་མཆོག་སྡེ་སྣོད་འཛིན་པ་ཆེན་པོ་གྲགས་པ་རྒྱལ་མཚན་དཔལ་བཟང་པོས་གཞུང་འདིའི་སྨིན་གྲོལ་ཟབ་ཁྲིད་དང་བཅས་པ་ཁོ་བོ་ཅག་ལས་རྫོགས་པར་ནོས་ཏེ། སྒྲུབ་གནས་ཀྱི་རྒྱལ་པོ་བདེ་ཆེན་པདྨ་ཤེལ་ཕུག་ཏུ་ཆོ་ག་འདི་ཉིད་ལ་བརྟེན་ནས་སྣང་གསལ་མར་མེའི་མཆོད་པ་འབུམ་ཐེར་དང་བཅས་བཟང་པོ་སྤྱོད་པའི་སྨོན་ལམ་འབུམ་ཕྲག་ལྷག་པ་ཞལ་འདོན་དུ་མཛད་པ་སོགས་ཀུན་ཏུ་བཟང་པོའི་ལེགས་སྤྱད་བླ་ན་མེད་པ་ལ་གཅིག་ཏུ་གཞོལ་བའི་སྐབས། དགེ་ཚོགས་རིན་པོ་ཆེ་སྒོ་དུ་མ་ནས་རྒྱས་པར་བྱ་བའི་སླད་དུ་གཞུང་ལེ་ཚན་འདི་རྣམས་ཀྱང་ཆོས་སྦྱིན་སྤར་གྱི་ཕྱི་མོར་སྤེལ་བའི་སྤར་བྱང་སྨོན་ཚིག་ཏུ་འཇམ་དབྱངས་བླ་མ་དགྱེས་པའི་འབངས་མཁྱེན་བརྩེའི་དབང་པོས་བྲིས་པ་སིདྡྷི་རསྟུ། སརྦ་དཱ་ཀ་ལྱཱ་ཎཾ་བྷ་བ་ཏུ།།
+
དྲི་མེད་ཞིང་སྐྱོངས་ནས་གསུངས་པའོ།། +
ཅེས་པའང་ཤཱཀྱའི་བཙུན་པ་འཇམ་དབྱངས་མཁྱེན་བརྩེས་གང་ཤར་བྲིས་པ་བི་སརྦིཥུ་ཀ་ལྱཱ་ཎཾ་བྷ་བ་ཏུ།། +
།ཞེས་པའང་གཞུང་རྩ་བ་ལས་ཕྱག་ལེན་ལྟར་བསྡུས་ཏེ་མཉྫུ་གྷོ་ཥས་བྲིས་པ་དགེ་ལེགས་འཕེལ། །མངྒ་ལམ། +
།ཞེས་པའང་གཞུང་རྩ་བ་ལས་སྦྱོར་དངོས་རྗེས་ཀྱི་ཡན་ལག་མདོར་བསྡུས་ཏེ་མཉྫུ་གྷོཥས་བྲིས་པ་དགེ་ལེགས་སུ་གྱུར་ཅིག། །།སརྦ་དཱ་མངྒ་ལཾ་བྷ་བ་ཏུ།། +
