JKW-KABUM-13-PA-020

Previous Section Back to Volume PageNext Section

བཅོམ་ལྡན་འདས་རྟ་མཆོག་རོལ་པ་གཉེན་པོ་ལྷ་བཞིའི་སྒྲུབ་ཐབས་ཡང་སྙིང་།

Wylie title	bcom ldan 'das rta mchog rol pa gnyen po lha bzhi'i sgrub thabs yang snying
Location	mkhyen brtse'i bka' 'bum Volume 13, sde tshan 20, Pages 373-379 (Folios 1a to 4a1)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Tertön	ངག་དབང་བློ་བཟང་རྒྱ་མཚོ་ (Dalai Lama, 5th)
Citation	'jam dbyangs mkhyen brtse'i dbang po. bcom ldan 'das rta mchog rol pa gnyen po lha bzhi'i sgrub thabs yang snying. In 'jam dbyangs mkhyen brtse'i dbang po'i bka' 'bum, Vol. 13: 373-379. Khams sde dge rdzong sar dgon: Rdzong sar blo gros phun tshogs, 2020.
Genre	Sadhanas - Evocation Ritual - sgrub thabs
Cycle	རྒྱ་ཅན་བཅོམ་ལྡན་འདས་རྟ་མཆོག་རོལ་པ་གཉེན་པོ་ལྷ་བཞི་ (rgya can bcom ldan 'das rta mchog rol pa gnyen po lha bzhi)
Parent Cycle	དག་སྣང་རྒྱ་ཅན་ (dag snang rgya can)
Deity	rta mchog rol pa
Colophon	།ཞེས་པའང་གཞུང་རྩ་བ་ལས་སྦྱོར་དངོས་རྗེས་ཀྱི་ཡན་ལག་མདོར་བསྡུས་ཏེ་མཉྫུ་གྷོཥས་བྲིས་པ་དགེ་ལེགས་སུ་གྱུར་ཅིག། །།སརྦ་དཱ་མངྒ་ལཾ་བྷ་བ་ཏུ།།
	zhes pa'ang gzhung rtsa ba las sbyor dngos rjes kyi yan lag mdor bsdus te many+dzu g+hoShas bris pa dge legs su gyur cig/__//sarba dA mang+ga laM b+ha ba tu//

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

༄༅། །བཅོམ་ལྡན་འདས་རྟ་མཆོག་རོལ་པ་གཉེན་པོ་ལྷ་བཞིའི་སྒྲུབ་ཐབས་ཡང་སྙིང་བཞུགས་སོ།། །། ན་མོ་གུ་རུ་ཧ་ཡ་གྲཱི་ཝཱ་ཡ། སྐྱབས་སེམས་ནི། ན་མོ། བདག་སོགས་འགྲོ་ཀུན་དེང་ནས་བྱང་ཆུབ་བར། །བླ་མ་རྩ་བ་གསུམ་ལ་སྐྱབས་སུ་མཆི། །གཞན་དོན་རྫོགས་པའི་སངས་རྒྱས་ཐོབ་བྱའི་ཕྱིར། །དབང་ཆེན་ལྷ་ཚོགས་བསྒྲུབ་པར་སེམས་བསྐྱེད་དོ། །མཆོད་པ་བྱིན་བརླབ་ནི། རྃ་ཡྃ་ཁྃ། སྟོང་ཉིད་དབྱིངས་ལས་ཡེ་ཤེས་སྒྱུ་མའི་འཕྲུལ། །ཕྱི་ནང་གསང་བ་བླ་ན་མེད་པ་ཡི། །མཆོད་པའི་བྱེ་བྲག་ནམ་མཁའི་མཐའ་ཀླས་པ། །ཀུན་ཏུ་བཟང་པོའི་མཆོད་སྤྲིན་རྒྱ་མཚོར་གྱུར། །ཨོཾ་བཛྲ་ཨརྒྷཾ་ནས། ཤབྡ་སརྦ་པཱུ་ཛ་ཨཱཿཧཱུྃ། ལྷ་བསྐྱེད་ནི། ཧཱུྃ། ཆོས་རྣམས་ཐམས་ཅད་སྐྱེ་མེད་ཆོས་ཀྱི་དབྱིངས། །ཨོཾ་མ་ཧཱ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། ཁྱབ་པའི་སྙིང་རྗེ་ཆེན་པོས་སེམས་ཅན་དོན། །དྷརྨ་དྷཱ་ཏུ་བཛྲ་སྭ་བྷཱ་ཝ་ཨཱཏྨ་ཀོ྅་ཧཾ། སེམས་ཀྱི་མཚན་ཉིད་ཡི་གེ་ཧཱུྃ་དུ་གྱུར། །བཛྲ་ཙིཏྟ་ཧཱུྃ། ཨེ་ཡྃ་ར་ཤ་ཀེཾ་རྃ་བྷྲཱུྃ། ཧཱུྃ་ལས་ཨེ་འཕྲོས་གྲུ་གསུམ་མཐིང་ནག་ཨེ། །ཧཱུྃ་ལས་ཡྃ་འཕྲོས་རླུང་གི་དཀྱིལ་འཁོར་སྟེང་། །ཧཱུྃ་ལས་རྃ་འཕྲོས་ཁྲག་གི་རྒྱ་མཚོར་གྱུར། །ཧཱུྃ་ལས་ཤ་འཕྲོས་ཤ་ཆེན་ས་གཞིར་བརྡལ། །ཧཱུྃ་ལས་ཀེཾ་འཕྲོས་རུས་པའི་རི་རབ་བརྩེགས། །ཧཱུྃ་ལས་རྃ་འཕྲོས་བསྐལ་པའི་མེ་ཕུང་འབར། །ཧཱུྃ་ལས་བྷྲཱུཾ་འཕྲོས་བྷནྡྷའི་གཞལ་ཡས་ཁང་། །ཆུ་སྲིན་སྦྲུལ་ཆེན་ཀ་གདུང་ཉ་སྦལ་ཐོག །བྱ་ཁྱུང་བླ་བྲེ་སྦྲུལ་ཕྲན་ཟ་ར་ཚགས། །དེ་དབུས་ཉི་ཟླ་པདྨའི་གདན་སྟེང་ན། །གཟའ་ཀླུ་ས་བདག་ཕོ་མོ་བསྣོལ་མར་བཏིང་། །བྷྲཱུྃ་བི་ཤྭ་བི་ཤུདྡྷེ་ཛྙཱ་ན་ཙཀྲ་བྷྲཱུྃ། གདན་སྟེང་ཧཱུྃ་བབས་དེ་ཉིད་ཧྲཱིཿདམར་པོ། །ཡོངས་གྱུར་དཔལ་ཆེན་རྟ་མགྲིན་སྐུ་མདོག་དམར། །ཞལ་གཅིག་ཕྱག་གཉིས་ཁྲོ་ཞིང་རབ་ཏུ་གཏུམ། །ཞལ་གདངས་ལྗགས་འདྲིལ་མཆེ་གཙིགས་སྤྱན་གསུམ་བགྲད། །སྨ་ར་སྨིན་མ་དབུ་སྐྲ་དམར་སེར་འབར། །དབུ་གཙུག་རྟ་མགོ་ལྗང་གུ་རྟ་སྐད་འཚེར། །ཕྱག་གཡས་རལ་གྲི་རྩེ་ལ་མེ་འབར་འཕྱར། །གཡོན་པ་ཐུགས་ཀར་སྡིགས་མཛུབ་ཞགས་པ་བསྣམས། །དུར་ཁྲོད་ཆས་བརྒྱད་སྦྲུལ་ཆུན་རིན་ཆེན་སྤྲས། །ཞབས་གཉིས་གཡས་བསྐུམ་གཡོན་བརྐྱང་དོར་སྟབས་ཀྱིས། །ཡེ་ཤེས་མེ་ཕུང་འབར་བའི་ཀློང་ན་བཞུགས། །དབུ་གཙུག་བྱ་ཁྱུང་རྒྱལ་པོ་སྐུ་མདོག་ནག །རྭ་དང་མཆུ་སྡེར་སྒྲོ་གཤོག་རྣོ་ཞིང་འཚེར། །སྤྱན་གསུམ་ཉི་ཟླ་ལྟ་བུར་གསལ་ལ་འཁྱིལ། །རིན་ཆེན་སྦྲུལ་རྒྱན་ཕྱག་གཡས་སྦྲུལ་བཟུང་ཟ། །རྭ་བར་ཡིད་བཞིན་ནོར་བུའི་ལྟོ་བ་རུ། །པད་ཟླའི་གདན་ལ་བཅོམ་ལྡན་ཚེ་དཔག་མེད། །དཀར་པོ་ཞལ་གཅིག་ཕྱག་གཉིས་ཚེ་བུམ་འཛིན། །གོས་དཀར་ཡུམ་དང་མཉམ་སྦྱོར་གཉིས་ཀ་ཡང་། །ལོངས་སྤྱོད་རྫོགས་སྐུའི་ཆས་ཀྱིས་རྣམ་པར་བརྒྱན། །གཙོ་བོའི་ཐུགས་ཀར་པདྨ་ཉི་མའི་སྟེང་། །ཕྱག་ན་རྡོ་རྗེ་ཞལ་གཅིག་ཕྱག་གཉིས་པ། །མཐིང་ནག་ཁྲོ་གཏུམ་གཡས་པས་རྡོ་རྗེ་འཕྱར། །གཡོན་པས་དྲིལ་བུ་དཀུར་བརྟེན་རིན་ཆེན་སྦྲུལ། །དུར་ཁྲོད་རྒྱན་རྫོགས་གཡོན་བརྐྱང་ཚུལ་གྱིས་བཞུགས། །སོ་སོའི་གནས་གསུམ་ཡིག་འབྲུ་གསུམ་གྱིས་མཚན། །དེ་ལས་འོད་འཕྲོས་ཡེ་ཤེས་སྤྱན་དྲངས་གྱུར། །སྤྱན་འདྲེན་བཞུགས་གསོལ་ཕྱག་འཚལ་ནི། །ཧཱུྃ། དམིགས་མེད་མཁའ་ལྟར་ཁྱབ་ཅིང་དག་པའི་སྐུ། །སྤྱན་འདྲེན་གཤེགས་སུ་གསོལ་བར་མི་དམིགས་ཀྱང་། །ཐུགས་རྗེའི་ངང་ཉིད་ཆོས་སྐུར་དག་པ་ལས། །ཡེ་ཤེས་སྒྱུ་མར་རོལ་ཞིང་གཤེགས་སུ་གསོལ། །ཧྲཱི་ཨ་པ་རི་མི་ཏ་ཨཱ་ཡུརྫྙཱ་ན་པདྨ་ཀྲོ་དྷ་ཧ་ཡ་གྲཱི་བ་བཛྲ་པཱ་ཎི་ག་རུ་ཊ་ཧཱུྃ་ཕཊ་སྭཱ་ཧཱ། ཨེ་ཧྱེ་ཧི་ས་མ་ཡ་ཛཿཧཱུྃ་བྃ་ཧོཿཧྲཱིཾ་ཧྲཱིཾ་ཛཿ ས་མ་ཡ་ཨཱ་བེ་ཤ་ཡ་ཏིཥྛ་སྟྭཾ། ཨ་ཏི་པུ་ཧོཿ ན་མ་ཧྲཱིཾ། མཆོད་པ་ནི། ཧཱུྃ། བླ་མེད་མཆོག་གི་མཆོད་པ་ དམ་པ་ནི། །ཡེ་ཤེས་ལྔ་ཡི་འོད་ཟེར་རྣམ་པར་འཕྲོ། །འདོད་པའི་ཡོན་ཏན་ལྔ་ཡིས་རབ་བརྒྱན་ཏེ། །ཐུགས་དམ་བཞིན་ལས་ཅི་བདེར་བཞེས་སུ་གསོལ། །ཨོཾ་ཤྲཱི་བཛྲ་ཧེ་རུ་ཀ་ས་པ་རི་ཝཱ་ར་ཨཱརྒྷཾ་ནས། ཤབྡ་སརྦ་པཱུ་ཛ་པྲ་ཏཱིཙྪ་སྭཱ་ཧཱ། །བསྟོད་པ་ནི། ཧྲཱིཿམཚན་ཙམ་ཐོས་དང་དྲན་པའི་མོད་ཉིད་ལ། །འཆི་བདག་གཡུལ་ལས་རྣམ་པར་རྒྱལ་བའི་ལྷ། །མི་འགྱུར་ཚེ་ཡི་མཆོག་སྦྱིན་ལེགས་སྩོལ་བ། །བཅོམ་ལྡན་གར་གྱི་དབང་པོར་ཕྱག་འཚལ་བསྟོད། །བདེ་བར་གཤེགས་པ་ཀུན་གྱི་གསུང་རྡོ་རྗེའི། །སྒྱུ་འཕྲུལ་འགྱུར་མེད་རོལ་པ་རྟ་མཆོག་དཔལ། །རྒྱལ་བསེན་ལ་སོགས་ལྷ་སྲིན་སྡེ་བརྒྱད་ཀྱི། །གཉེན་པོ་དབང་ཆེན་དཔལ་ལ་ཕྱག་འཚལ་བསྟོད། །སངས་རྒྱས་ཀུན་གྱི་གསང་བ་མ་ལུས་པའི། །མཛོད་འཛིན་ཕྱག་ན་རྡོ་རྗེ་འབར་བའི་རྭ། །གདེངས་པའི་མོད་ལ་གཟའ་ཀླུ་འབྱུང་པོའི་ཚོགས། །ཕྱེ་མར་འཐག་མཛད་ཁྱོད་ལ་ཕྱག་འཚལ་བསྟོད། །མི་བཟད་སྡེར་མོས་ཀླུ་གཉན་ས་བདག་གི། །དོན་སྙིང་དྲངས་ནས་ཞལ་དུ་གསོལ་མཛད་པའི། །དུག་ལྔའི་དཔལ་ཀུན་ཡོངས་འཇོམས་ག་རུ་ཊ། །བྱ་ཁྱུང་རྒྱལ་པོ་ཁྱོད་ལ་ཕྱག་འཚལ་བསྟོད། །བཟླས་པ་ནི། ཐུགས་ཀར་ཉི་སྟེང་ཧྲཱིཿམཐར་སྔགས་ཕྲེང་འཁོར། །འོད་འཕྲོས་དོན་གཉིས་བྱས་འདུས་རང་ལ་ཐིམ། །སྣང་གྲགས་རིག་པ་དཀྱིལ་འཁོར་གསུམ་གྱི་ངང་། །དཔལ་ཆེན་སྐུ་གསུང་ཐུགས་སུ་འགྲུབ་པར་གྱུར། །ཧྲཱིཿཨ་པ་རི་མི་ཏ་ཨཱ་ཡུརྫྙཱ་ན་པདྨ་ཀྲོ་དྷ་ཧ་ཡ་གྲཱི་བ་བཛྲ་པཱ་ཎི་ག་རུ་ཌ་ཧཱུྃ་ཕཊ། ཅེས་ཅི་ནུས་བཟླ། ཐུན་མཐར་དབྱངས་གསལ་རྟེན་སྙིང་དང་། སྔར་བཞིན་མཆོད་ཅིང་བསྟོད། ཡི་གེ་བརྒྱ་པ་ལན་གསུམ། ཉེར་བསྡུ་དང་ཐུན་མཚམས་ཀྱི་ལྷ་སྐུར་ལྡང་བ་ནི། སྣོད་བཅུད་འོད་ཞུ་གཞལ་ཡས་ཁང་ལ་ཐིམ། །དེ་ཉིད་འཁོར་དང་འཁོར་རྣམས་གཙོ་བོར་ཐིམ། །དེ་ཡང་མི་དམིགས་སྟོང་པ་ཉིད་ཀྱི་ངང་། །སླར་ཡང་དཔལ་ཆེན་སྐུ་གསུང་ཐུགས་སུ་གྱུར། །དགེ་བ་འདི་ཡིས་མྱུར་དུ་བདག །དབང་ཆེན་ལྷ་ཚོགས་འགྲུབ་གྱུར་ནས། ཞེས་སོགས་བསྔོ་སྨོན་ཤིས་བརྗོད་ཇི་ལྟར་རིགས་པར་བྱའོ། །ཞེས་པའང་གཞུང་རྩ་བ་ལས་སྦྱོར་དངོས་རྗེས་ཀྱི་ཡན་ལག་མདོར་བསྡུས་ཏེ་མཉྫུ་གྷོཥས་བྲིས་པ་དགེ་ལེགས་སུ་གྱུར་ཅིག། །།སརྦ་དཱ་མངྒ་ལཾ་བྷ་བ་ཏུ།། །།

[edit]

bcom ldan 'das rta mchog rol pa gnyen po lha bzhi'i sgrub thabs yang snying /_ @#/__/bcom ldan 'das rta mchog rol pa gnyen po lha bzhi'i sgrub thabs yang snying bzhugs so//__// na mo gu ru ha ya grI wA ya/__skyabs sems ni/__na mo/__bdag sogs 'gro kun deng nas byang chub bar/__/bla ma rtsa ba gsum la skyabs su mchi/__/gzhan don rdzogs pa'i sangs rgyas thob bya'i phyir/__/dbang chen lha tshogs bsgrub par sems bskyed do/__/mchod pa byin brlab ni/__ra~M ya~M kha~M/__stong nyid dbyings las ye shes sgyu ma'i 'phrul/__/phyi nang gsang ba bla na med pa yi/__/mchod pa'i bye brag nam mkha'i mtha' klas pa/__/kun tu bzang po'i mchod sprin rgya mtshor gyur/__/oM badz+ra ar+g+haM nas/__shab+da sarba pU dza AHhU~M/__lha bskyed ni/__hU~M/__chos rnams thams cad skye med chos kyi dbyings/__/oM ma hA shU n+ya tA dz+nyA na badz+ra swa b+hA wa At+ma ko\u0f85haM/__khyab pa'i snying rje chen pos sems can don/__/d+harma d+hA tu badz+ra swa b+hA wa At+ma ko\u0f85 haM/__sems kyi mtshan nyid yi ge hU~M du gyur/__/badz+ra tsit+ta hU~M/__e ya~M ra sha keM ra~M b+h+rU~M/__hU~M las e 'phros gru gsum mthing nag e/__/hU~M las ya~M 'phros rlung gi dkyil 'khor steng /__/hU~M las ra~M 'phros khrag gi rgya mtshor gyur/__/hU~M las sha 'phros sha chen sa gzhir brdal/__/hU~M las keM 'phros rus pa'i ri rab brtsegs/__/hU~M las ra~M 'phros bskal pa'i me phung 'bar/__/hU~M las b+h+rUM 'phros b+han+d+ha'i gzhal yas khang /__/chu srin sbrul chen ka gdung nya sbal thog__/bya khyung bla bre sbrul phran za ra tshags/__/de dbus nyi zla pad+ma'i gdan steng na/__/gza' klu sa bdag pho mo bsnol mar bting /__/b+h+rU~M bi shwa bi shud+d+he dz+nyA na tsakra b+h+rU~M/__gdan steng hU~M babs de nyid hrIHdmar po/__/yongs gyur dpal chen rta mgrin sku mdog dmar/__/zhal gcig phyag gnyis khro zhing rab tu gtum/__/zhal gdangs ljags 'dril mche gtsigs spyan gsum bgrad/__/sma ra smin ma dbu skra dmar ser 'bar/__/dbu gtsug rta mgo ljang gu rta skad 'tsher/__/phyag g.yas ral gri rtse la me 'bar 'phyar/__/g.yon pa thugs kar sdigs mdzub zhags pa bsnams/__/dur khrod chas brgyad sbrul chun rin chen spras/__/zhabs gnyis g.yas bskum g.yon brkyang dor stabs kyis/__/ye shes me phung 'bar ba'i klong na bzhugs/__/dbu gtsug bya khyung rgyal po sku mdog nag__/rwa dang mchu sder sgro gshog rno zhing 'tsher/__/spyan gsum nyi zla lta bur gsal la 'khyil/__/rin chen sbrul rgyan phyag g.yas sbrul bzung za/__/rwa bar yid bzhin nor bu'i lto ba ru/__/pad zla'i gdan la bcom ldan tshe dpag med/__/dkar po zhal gcig phyag gnyis tshe bum 'dzin/__/gos dkar yum dang mnyam sbyor gnyis ka yang /__/longs spyod rdzogs sku'i chas kyis rnam par brgyan/__/gtso bo'i thugs kar pad+ma nyi ma'i steng /__/phyag na rdo rje zhal gcig phyag gnyis pa/__/mthing nag khro gtum g.yas pas rdo rje 'phyar/__/g.yon pas dril bu dkur brten rin chen sbrul/__/dur khrod rgyan rdzogs g.yon brkyang tshul gyis bzhugs/__/so so'i gnas gsum yig 'bru gsum gyis mtshan/__/de las 'od 'phros ye shes spyan drangs gyur/__/spyan 'dren bzhugs gsol phyag 'tshal ni/__/hU~M/__dmigs med mkha' ltar khyab cing dag pa'i sku/__/spyan 'dren gshegs su gsol bar mi dmigs kyang /__/thugs rje'i ngang nyid chos skur dag pa las/__/ye shes sgyu mar rol zhing gshegs su gsol/__/hrI a pa ri mi ta A yur+dz+nyA na pad+ma kro d+ha ha ya grI ba badz+ra pA Ni ga ru Ta hU~M phaT swA hA/__e h+ye hi sa ma ya dzaHhU~M ba~M hoHhrIM hrIM dzaH__sa ma ya A be sha ya tiSh+Tha s+t+waM/__a ti pu hoH__na ma hrIM/__mchod pa ni/__hU~M/__bla med mchog gi mchod pa _dam pa ni/__/ye shes lnga yi 'od zer rnam par 'phro/__/'dod pa'i yon tan lnga yis rab brgyan te/__/thugs dam bzhin las ci bder bzhes su gsol/__/oM shrI badz+ra he ru ka sa pa ri wA ra Ar+g+haM nas/__shab+da sarba pU dza pra tIts+tsha swA hA/__/bstod pa ni/__hrIHmtshan tsam thos dang dran pa'i mod nyid la/__/'chi bdag g.yul las rnam par rgyal ba'i lha/__/mi 'gyur tshe yi mchog sbyin legs stsol ba/__/bcom ldan gar gyi dbang por phyag 'tshal bstod/__/bde bar gshegs pa kun gyi gsung rdo rje'i/__/sgyu 'phrul 'gyur med rol pa rta mchog dpal/__/rgyal bsen la sogs lha srin sde brgyad kyi/__/gnyen po dbang chen dpal la phyag 'tshal bstod/__/sangs rgyas kun gyi gsang ba ma lus pa'i/__/mdzod 'dzin phyag na rdo rje 'bar ba'i rwa/__/gdengs pa'i mod la gza' klu 'byung po'i tshogs/__/phye mar 'thag mdzad khyod la phyag 'tshal bstod/__/mi bzad sder mos klu gnyan sa bdag gi/__/don snying drangs nas zhal du gsol mdzad pa'i/__/dug lnga'i dpal kun yongs 'joms ga ru Ta/__/bya khyung rgyal po khyod la phyag 'tshal bstod/__/bzlas pa ni/__thugs kar nyi steng hrIHmthar sngags phreng 'khor/__/'od 'phros don gnyis byas 'dus rang la thim/__/snang grags rig pa dkyil 'khor gsum gyi ngang /__/dpal chen sku gsung thugs su 'grub par gyur/__/hrIHa pa ri mi ta A yur+dz+nyA na pad+ma kro d+ha ha ya grI ba badz+ra pA Ni ga ru Da hU~M phaT/__ces ci nus bzla/__thun mthar dbyangs gsal rten snying dang /__sngar bzhin mchod cing bstod/__yi ge brgya pa lan gsum/__nyer bsdu dang thun mtshams kyi lha skur ldang ba ni/__snod bcud 'od zhu gzhal yas khang la thim/__/de nyid 'khor dang 'khor rnams gtso bor thim/__/de yang mi dmigs stong pa nyid kyi ngang /__/slar yang dpal chen sku gsung thugs su gyur/__/dge ba 'di yis myur du bdag__/dbang chen lha tshogs 'grub gyur nas/__zhes sogs bsngo smon shis brjod ji ltar rigs par bya'o/__/zhes pa'ang gzhung rtsa ba las sbyor dngos rjes kyi yan lag mdor bsdus te many+dzu g+hoShas bris pa dge legs su gyur cig/__//sarba dA mang+ga laM b+ha ba tu//__// [�]