Property:colophontib
From Khyentse Lineage - A Tsadra Foundation Project
This is a property of type Text.
ན
།ཅེས་པའང་དབང་ཆེན་སྤྲེལ་ལོ་སྤྲེལ་ཟླའི་ཚེས་བཅུར་བླ་མ་གསང་འདུས་ཀྱི་ཚོགས་ཀྱི་འདུ་བར་ལོངས་སྤྱོད་པའི་སྐབས་མཁྱེན་བརྩེའི་སྤྲུལ་མིང་འཛིན་པ་ཆོས་ཀྱི་བློ་གྲོས་པས་ལྷ་རྫས་ཨ་ཤེ་སྐུ་གསུང་ཐུགས་རྟེན་འབུལ་མཚོན་བཅས་ཕུལ་བ་རྗེ་བཙུན་བླ་མ་༧ཞབས་པད་ཡུན་དུ་བརྟན་ཅིང་དགེ་ལེགས་ཀྱི་སྣང་བ་ཆེན་པོས་ཁྱབ་པའི་རྒྱུར་གྱུར་ཅིག །མངྒ་ལཾ།། +
།ཅེས་པའང་རྣམ་འདྲེན་བླ་མ་དམ་པ་ཀུན་དགའ་ཆོས་ཀྱི་དབང་པོའི་ཐུགས་དམ་རྗེ་བཙུན་རྡོ་རྗེ་རྣལ་འབྱོར་མ་ནཱ་རོ་མཁའ་སྤྱོད་མའི་གླེགས་བམ་གྱི་དབུ་ལྷའི་ཞལ་བྱང་དང་། སྨོན་ཚིག་འདིའང་དྲན་པས་སྙིང་གི་གདུང་སེལ་ཁྱབ་བདག་རྡོ་རྗེ་འཆང་བྱམས་པ་ཀུན་དགའ་བསྟན་འཛིན་མཆེད་ཞལ་དང་། མཁས་གྲུབ་ཞྭ་ལུ་པ་རིན་ཆེན་བློ་གསལ་བསྟན་སྐྱོང་སོགས་ཡོངས་འཛིན་དམ་པ་རྣམ་པ་ལྔ་ལས་ཆོས་ཚུལ་འདི་ཉིད་མང་དུ་ཐོས་པས་སྐལ་བ་བཟང་པོར་གྱུར་པ་འཇམ་དབྱངས་མཁྱེན་བརྩེའི་དབང་པོ་ཀུན་དགའ་བསྟན་པའི་རྒྱལ་མཚན་དཔལ་བཟང་པོས་བྲིས་པ་དོན་དང་ལྡན་པར་གྱུར་ཅིག །སརྦ་དཱ་ཀ་ལྱཱ་ཎཾ་བྷ་བ་ཏུ།། +
།ཞེས་པ་འདིའང་རྗེ་བཙུན་མཆོག་གི་རྣམ་འཕྲུལ་ཨཱཿཡུ་མཁའ་འགྲོའི་མཁའ་སྤྱོད་བདུད་རྩི་རིལ་བུ་བསྒྲུབ་སྐབས་ཡིག་ཆ་ཞལ་གསལ་མ་བྱུང་བས་༧འཇམ་མགོན་རྡོ་རྗེ་འཆང་ཆོས་ཀྱི་བློ་གྲོས་ཀྱིས་མཛད་པའི་ཕྱག་བྲིས་འཁྲུལ་མེད་སྒྲུབ་བརྩོན་བླ་མ་ཡེ་ཤེས་ལེགས་གྲུབ་ཀྱི་ཕྱག་དཔེ་ལས་བྱུང་བ་དགེ། +
།ཞེས་པའང་རྡོ་རྗེ་འཆང་ཀུན་དགའ་བཟང་པོས་མཛད་པའི་གསོལ་འདེབས་ལ་བརྒྱུད་པའི་ཁྱད་པར་གཉིས་ལྡན་གྱི་ཚུལ་དུ་ཁ་སྐོང་ནས་བྱ་བྲལ་བ་མཁྱེན་བརྩེའི་དབང་པོས་བྲིས་པ་དགེ་ལེགས་སུ་གྱུར་ཅིག +
།ཅེས་པའང་རྫོང་སར་དགོན་གྱི་རྡོར་འཛིན་ཀུན་དགའ་སེང་གེས་བསྐུལ་བའི་ངོར་༧འཇམ་དབྱངས་ཆོས་ཀྱི་བློ་གྲོས་པས་བླ་མ་གོང་མའི་གསུངས་ལས་བཏུས་ཏེ་ངག་འདོན་འཇུག་བདེར་བཀོད་པའི་ཡི་གེའི་བྱེད་པོ་ཀུན་བཟང་གིས་བགྱིས་པ་འདིས་ཀྱང་འགྲོ་ཀུན་རྗེ་བཙུན་རྡོ་རྗེ་རྣལ་འབྱོར་མའི་གོ་འཕང་མྱུར་དུ་ཐོབ་པའི་རྒྱུར་གྱུར་ཅིགསརྦ་དཱ་མངྒ་ལཾ།། +
།ཞེས་པའང་ཁྲོམ་ཐར་བསྒྲུབ་བརྩོན་བླ་མ་ངག་དབང་ཤེས་རབ་ནས་བསྐུལ་ངོར་ཆོས་ཀྱི་བློ་གྲོས་པས་སོ།། +
།ཅེས་པའང་ཆོས་རྗེ་བླ་མ་དམ་པ་ཨཱནནྡ་མཉྫུ་གྷོ་ཥས་སྔ་ཕྱིར་ཡང་ཡང་བསྐུལ་བ་ལྟར། འཇམ་མགོན་ཀུན་དགའ་བློ་གྲོས་ཀྱིས་མཛད་པའི་འཆད་ཐབས་ལ་གཞི་བྱས། མཁན་ཆེན་རྡོ་རྗེ་འཆང་བྱམས་པ་རྣལ་འབྱོར་འཇམ་དཔལ་བཟང་པོ་ལས་ཇི་ལྟར་ཐོབ་པའི་ཚུལ་དང་མཐུན་པར། བྱ་བྲལ་བ་འཇམ་དབྱངས་མཁྱེན་བརྩེའི་དབང་པོས་རང་འདྲའི་བློ་དམན་རྣམས་ལ་ཕན་པའི་བསམ་པས་གཏི་ཐུག་ནག་འགྲོས་སུ་བྲིས་པ་ལ་མཁས་པ་རྣམས་ཀྱིས་བཟོད་པར་མཛད་དུ་གསོལ། །འདིས་ཀྱང་ལམ་ཟབ་མོའི་བཤད་སྒྲུབ་བསྐལ་པ་རྒྱ་མཚོར་འཚོ་ཞིང་གཞེས་པའི་རྒྱུར་གྱུར་ཅིག །སརྦ་དཱ་ཀ་ལྱཱ་ཎཾ་བྷ་བ་ཏུ། +
ཞེས་པའང་བློ་དམན་རྣམས་ལ་སྨན་པའི་སླད། འཇམ་པའི་དབྱངས་དཀོན་མཆོག་ལྷུན་གྲུབ་ཀྱི་གསུང་རབ་ཀྱི་དགོངས་པ་ཇི་ལྟ་བར་བྱ་བྲལ་བ་མཁྱེན་བརྩེའི་དབང་པོས་ཚིགས་བཅད་ཀྱི་ཕྲེང་བར་སྤེལ་བའི་དགེ་བས་འགྲོ་ཀུན་རྗེ་བཙུན་རྡོ་རྗེ་རྣལ་འབྱོར་མའི་གོ་འཕང་མཆོག་ལ་མྱུར་དུ་རེག་པའི་རྒྱུར་གྱུར་ཅིག །སརྦ་མངྒ་ལཾ།། +
།དེ་ལྟར་རང་གིས་སྔོན་སྦྱར་བའི། །སྒྲུབ་ཐབས་མཁའ་སྤྱོད་ལམ་བཟང་དང་། །རྗེས་སུ་འབྲེལ་བའི་གདམས་པ་འདི། །མང་དུ་ཐོས་པའི་སྤོང་བ་པ། །འཇམ་དབྱངས་མཁྱེན་བརྩེའི་དབང་པོ་ཡིས། །དམ་པ་གོང་མའི་གསུང་བཞིན་དུ། །མདོར་བསྡུས་ཚིགས་བཅད་ཕྲེང་བར་བསྡེབས། །དགེ་བས་ཡིད་ཅན་རྒྱ་མཚོ་ཀུན། །མཁའ་སྤྱོད་ཆེན་པོ་མྱུར་འགྲུབ་ཤོག །སརྦ་དཱ་བ་ར་སྱ་སིདྡྷཾ་སིདྡྷི་རསྟུ།། +
།ཅེས་པའང་ལས་དང་པོ་པ་དང་བློ་གྲོས་དམན་པ་རྣམས་ལ་ཕན་པའི་ཆེད་དུ་འཇམ་དབྱངས་མཁྱེན་བརྩེའི་དབང་པོས་དཔལ་རྡོ་རྗེ་གདན་གྱི་ཆོས་གྲྭར་ལྷག་བསམ་དག་པས་བྲིས་པའི་དགེ་བས་འགྲོ་ཀུན་རྡོ་རྗེ་རྣལ་འབྱོར་མའི་གོ་འཕང་ཚེ་འདི་ཉིད་ལ་ཐོབ་པའི་རྒྱུར་གྱུར་ཅིག། +
ཞེས་པའང་ཉེར་མཁོའི་ཡན་ལག་ཏུ་མཁྱེན་བརྩེའི་དབང་པོས་བྲིས་པ་དགེ་ལེགས་ཀྱི་བདུད་རྩིས་ཕན་བདེའི་ཆུ་སྐྱེས་རྟག་ཏུ་རྒྱས་པར་གྱུར་ཅིག །མངྒ་ལཾ།། །།དགེའོ།། །།དགེའོ།། །།དགེའོ། +
།ཅེས་པའང་པདྨ་ཡེ་ཤེས་རྡོ་རྗེས་ས་ཟླའི་དམར་ཕྱོགས་ཀྱི་རྫོགས་པ་གསུམ་པར་རྡོ་རྗེ་གླིང་དུ་བྲིས་པའོ།། +
།ཅེས་པའང་ཆོས་ཀྱི་བློ་གྲོས་པས་བྱ་རུང་ཁ་ཤོར་མདུན་དུ་བྲིས་པའོ།། +
ཅེས་པའང་ལྷ་ས་དགོན་གྱི་བླ་མ་བསོད་ནམས་སྟོབས་རྒྱལ་ནས་བསྐུལ་ངོར་མཁྱེན་བརྩེའི་སྤྲུལ་མིང་འཛིན་པ་ཆོས་ཀྱི་བློ་གྲོས་པས་སོ།། +
ནོར་བུའི་རྒྱ་ཅན་ལས། ཐུགས་རྗེ་ཆེན་པོ་རྩ་གསུམ་འདུས་པའི་ཕྲིན་ལས་དབང་བསྐུར་དང་བཅས་པ་སྙིང་རྗེའི་དབང་ཕྱུག་དགྱེས་པའི་ཟླ་སྣང་། +
།སྦྱང་བྱ་འཕོ་འགྱུརྃ་དང་བཅས་སྒོ་གསུམ་སྒྲིབ། །སྦྱོང་བྱེད་མི་ཟད་རྒྱན་འཁོར་ལྔ་ཡི་མཐུས། །ཐོགས་མེདྃ་དབང་བཞི་ཐེགྃ་མཆོྃག་བསྟནྃ་པྃ་ཡི། །སྦྱངས་འབྲས་སྐུ་བཞིའི་རྒྱལྃ་མཚྃན་སྦྱིན་གྱུར་ཅིག །ཐུགས་རྗེ་ཆེན་པོ་རྩ་གསུམ་འདུས་པའི་ཕྲིན་ལས་དབང་གི་ལེའུ་ཚན་ནོ།། +
།ཅེས་པ་འདི་ལྟར་དགོས་ཞེས་དགེ་སློང་ཀརྨ་སྒྲུབ་བརྒྱུད་ཚུལ་ཁྲིམས་ཡེ་ཤེས་ཀྱིས་གསུང་ངོར་མཁན་པོ་རཏྣས་བྲིས་པ་བི་ཛ་ཡནྟུ།། +
པ
པཎ་ཆེན་དྲི་མེད་བཤེས་གཉེན་དང་ཀུན་མཁྱེན་ཆོས་ཀྱི་རྒྱལ་པོ་གཉིས་སུ་མེད་པར་བསྔགས་པའི་རྡོ་རྗེའི་ཐོལ་གླུ་དད་པའི་ཏམྦུ་ར། +
།ཞེས་པའང་ལྷོ་མོན་ནགས་མའི་ལྗོངས་ཀྱི་ནུབ་ཕྱོགས་ལྷ་ལུང་ཐེག་མཆོག་རབ་རྒྱས་གླིང་དུ་ཀུན་མཁྱེན་ཆེན་པོ་དེ་ཉིད་ཀྱི་དབུ་ཀླད་རིང་བསྲེལ་གྱི་ཕུང་པོ་ངོ་མཚར་ཟད་མི་ཤེས་པ་མངོན་སུམ་འདྲེན་བྱེད་བདུད་རྩིར་ལོངས་སྤྱད་པའི་རྗེས་ཐོག་ཏུ་དད་གདུང་ཆེར་འབར་ཏེ་བརྗོད་པ་འགྲོ་ཀུན་ཀ་དག་དང་ལྷུན་གྲུབ་ཟུང་དུ་འཇུག་པའི་ནང་དབྱིངས་ཆེན་པོར་སྐད་ཅིག་ལ་གྲོལ་བའི་རྒྱུར་གྱུར་ཅིག། +
ཅེས་པའང་འཇམ་མགོན་ས་སྐྱ་པཎྜིཏའི་གསུང་རབ་རིན་པོ་ཆེའི་ཞབས་འདེགས་སུ་དམིགས་ཏེ་བྱ་བྲལ་བ་འཇམ་དབྱངས་མཁྱེན་བརྩེའི་དབང་པོས་ཉུང་གསལ་བཀླག་པས་གྲུབ་པར་བྲིས་པ་སུ་ཤྲེ་ཡནྟུ།། +
།ཅེས་པའང་དོན་གཉེར་ཅན་དག་གི་ཆེད་དུ་འཇམ་དབྱངས་བླ་མ་དགྱེས་པའི་འབངས་མཁྱེན་བརྩེའི་དབང་པོས་མངོན་རྟོགས་ཀྱི་དངོས་གཞི་རྒྱ་གཞུང་སོར་བཞག་ལ། ཡིག་རྙིང་གི་དགོངས་པ་ལྟར་ཚིག་གི་མཐའ་བསྐྱེད་ཚུལ་ཅུང་ཟད་ཀྱིས་མཚམས་སྦྱར་ཏེ་བྲིས་པ་སརྦ་དཱ་ཤྲེ་ཡནྟུ།། +
ཁྲག་འཐུང་ལས་ཀྱི་དཔའ་བོར་གཉེར་འཛིན་ཌཱཀྐི་མ་ཆེན་མོས་བརྡ་བཀྲོལ་བལྟར་བརྡ་རིས་ལས་དག་པར་ཕབ་པའི་ཡི་གེ་པ་ནི་རིག་པའི་ཡེ་ཤེས་ཀྱིས་བགྱིས་པ་བྱིན་རླབས་ཤིན་ཏུ་ཆེ་བའི་སྡེ་ཚན་ནོ།། +
