པཎྜི་ཏ་གསེར་གདུགས་ཅན་ནས་བརྒྱུད་པའི་འཇམ་དཔལ་ཤེས་རབ་འཁོར་ལོའི་སྒྲུབ་ཐབས་རྗེས་གནང་དང་བཅས་པ།

🚧 This website is under continued development. We appreciate your patience!

First text in section. Back to Volume PageNext Text

Wylie title	paN+Di ta gser gdugs can nas brgyud pa'i 'jam dpal shes rab 'khor lo'i sgrub thabs rjes gnang dang bcas pa
Location	mkhyen brtse'i bka' 'bum Volume 10, sde tshan 4, Text 15, Pages 274-279 (Folios 46b4 to 49a2)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Associated People	ཟླ་བ་འབྱུང་གནས་སྦས་པ་ (Candrākaragupta)
Citation	'jam dbyangs mkhyen brtse'i dbang po. paN+Di ta gser gdugs can nas brgyud pa'i 'jam dpal shes rab 'khor lo'i sgrub thabs rjes gnang dang bcas pa. In 'jam dbyangs mkhyen brtse'i dbang po'i bka' 'bum, Vol. 10: 274-279. Khams sde dge rdzong sar dgon: Rdzong sar blo gros phun tshogs, 2020.
Genre	Permission to Invoke (anujñā) - rjes gnang  ·  Sadhanas - Evocation Ritual - sgrub thabs
Cycle	འཇམ་དཔལ་ཤེས་རབ་འཁོར་ལོ་ ('jam dpal shes rab 'khor lo)
Deity	'jam dpal dkar po
Colophon	།ཅེས་པའང་དོན་གཉེར་ཅན་དག་གི་ཆེད་དུ་འཇམ་དབྱངས་བླ་མ་དགྱེས་པའི་འབངས་མཁྱེན་བརྩེའི་དབང་པོས་མངོན་རྟོགས་ཀྱི་དངོས་གཞི་རྒྱ་གཞུང་སོར་བཞག་ལ། ཡིག་རྙིང་གི་དགོངས་པ་ལྟར་ཚིག་གི་མཐའ་བསྐྱེད་ཚུལ་ཅུང་ཟད་ཀྱིས་མཚམས་སྦྱར་ཏེ་བྲིས་པ་སརྦ་དཱ་ཤྲེ་ཡནྟུ།།
	ces pa'ang don gnyer can dag gi ched du 'jam dbyangs bla ma dgyes pa'i 'bangs mkhyen brtse'i dbang pos mngon rtogs kyi dngos gzhi rgya gzhung sor bzhag la/__yig rnying gi dgongs pa ltar tshig gi mtha' bskyed tshul cung zad kyis mtshams sbyar te bris pa sarba dA shre yan+tu/

1 Texts in this Section (sde tshan or chos tshan)

15 274-279	པཎྜི་ཏ་གསེར་གདུགས་ཅན་ནས་བརྒྱུད་པའི་འཇམ་དཔལ་ཤེས་རབ་འཁོར་ལོའི་སྒྲུབ་ཐབས་རྗེས་གནང་དང་བཅས་པ། paN+Di ta gser gdugs can nas brgyud pa'i 'jam dpal shes rab 'khor lo'i sgrub thabs rjes gnang dang bcas pa Permission to Invoke (anujñā) - rjes gnang   ·   Sadhanas - Evocation Ritual - sgrub thabs	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

༄༅། །པཎྜི་ཏ་གསེར་གདུགས་ཅན་ནས་བརྒྱུད་པའི་འཇམ་དཔལ་ཤེས་རབ་འཁོར་ལོའི་སྒྲུབ་ཐབས་རྗེས་གནང་དང་བཅས་པ་བཞུགས་སོ། །རྒྱ་གར་སྐད་དུ། མཉྫུ་ཤྲཱི་པྲཛྙཱ་ཙཀྲ་སྱ་སཱ་དྷ་ནཾ། བོད་སྐད་དུ། འཇམ་དཔལ་ཤེས་རབ་འཁོར་ལོའི་སྒྲུབ་ཐབས། འཕགས་པ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །སྙིང་གི་མུན་སེལ་འཇམ་པའི་དཔལ། །ཤེས་རབ་འཁོར་ལོ་ལ་བཏུད་ནས། །གང་དེའི་བསྙེན་པའི་མན་ངག་ནི། །ཟླ་འབྱུང་སྦས་པའི་ལུགས་བཞིན་བཤད། །ཚུལ་འདིའི་རྗེས་གནང་ལེགས་ཐོབ་པའི། །སྔགས་པས་རྗེས་སུ་མཐུན་པའི་གནས། །བྱི་དོར་བྱུགས་པ་བཟང་བྱས་ལ། །མདུན་མཁར་སྐྱབས་ཡུལ་གསལ་བར་བལྟ། །འགྲོ་རྣམས་བསྒྲལ་འདོད་བསམ་པ་ཡིས། །སངས་རྒྱས་ཆོས་དང་དགེ་འདུན་ལ། །བྱང་ཆུབ་སྙིང་པོར་མཆིས་ཀྱི་བར། །རྟག་པར་བདག་ནི་སྐྱབས་སུ་མཆི། །ཤེས་རབ་སྙིང་བརྩེ་དང་བཅས་པས། །བརྩོན་པས་སེམས་ཅན་དོན་དུ་བདག །སངས་རྒྱས་མདུན་དུ་གནས་བཅས་ཏེ། །རྫོགས་པའི་བྱང་ཆུབ་སེམས་བསྐྱེད་བགྱི། །རང་ཉིད་སྐད་ཅིག་འཇམ་པའི་དབྱངས། །ཤེས་རབ་འཁོར་ལོའི་སྐུར་གསལ་བའི། །སྙིང་དབུས་ཟླ་སྟེང་དྷཱིཿཡིག་ལས། །འོད་འཕྲོས་ཡེ་ཤེས་སྤྱན་དྲངས་གྱུར། །བླ་མ་སངས་རྒྱས་ཆོས་ཚོགས་ལ། །དངོས་དང་ཡིད་ལས་བྱུང་དང་གཞན། །ཡང་དག་དོན་ཤེས་མཆོད་པས་མཆོད། །སྒོ་གསུམ་གུས་པའི་ཕྱག་གིས་འདུད། །དཀོན་མཆོག་གསུམ་ལ་བདག་སྐྱབས་མཆི། །སྡིག་པ་ཐམས་ཅད་སོ་སོར་བཤགས། །འགྲོ་བའི་དགེ་ལ་རྗེས་ཡི་རང་། །སངས་རྒྱས་བྱང་ཆུབ་ཡིད་ཀྱིས་བཟུང་། །སངས་རྒྱས་ཆོས་དང་ཚོགས་མཆོག་ལ། །བྱང་ཆུབ་བར་དུ་སྐྱབས་སུ་མཆི། །རང་གཞན་དོན་ནི་རབ་བསྒྲུབ་ཕྱིར། །བྱང་ཆུབ་སེམས་ནི་བསྐྱེད་པར་བགྱི། །བྱང་ཆུབ་མཆོག་གི་སེམས་ནི་བསྐྱེད་བགྱིས་ནས། །སེམས་ཅན་ཐམས་ཅད་བདག་གི་མགྲོན་དུ་གཉེར། །བྱང་ཆུབ་སྤྱོད་མཆོག་ཡིད་འོང་སྤྱད་པར་བགྱི། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །འགྲོ་བ་སྨིན་བྱེད་བློ་གྲོས་ཅན། །བྱམས་དང་སྙིང་རྗེ་དགའ་བ་དང་། །བཏང་སྙོམས་ཚངས་པའི་གནས་བཞི་ཡིས། །ཡིད་ཅན་ཕན་བདེ་བསྒྲུབ་པར་བགྱི། ཨོཾ་སྭ་བྷཱ་ཝ་ཤུདྡྷཿསརྦ་དྷརྨཱཿསྭ་བྷཱ་ཝ་ཤུདྡྷོ྅ཧཾ། ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭཱ་བྷཱ་ཝ་ཨཱཏྨ་ཀོ྅ཧཾ། གཟུང་བའི་ཡུལ་དང་འཛིན་པའི་ཡུལ་ཅན་གཉིས་སྣང་ཀུན། །འོད་གསལ་སྟོང་ཉིད་ནམ་མཁའི་དཀྱིལ་ལྟར་རྣམ་དག་ངང་། །པཾ་ལས་ཆུ་སྐྱེས་ཨ་ལས་ཟླ་བ་རྒྱས་པའི་སྟེང་། །རང་སེམས་དྷཱིཿལས་ཤེས་རབ་རལ་གྲི་དྷཱིཿཡིས་མཚན། །དཀར་བསིལ་ཟླ་བ་བྱེ་བའི་འོད་ཟེར་ལས་ལྷག་པའི། །དཔལ་གྱིས་ས་གསུམ་ཤེས་རབ་སྣང་བ་བསྐྱེད་བྱས་ནས། །དུས་གསུམ་གཤེགས་དང་ཕྱོགས་བཅུའི་ཆར་བཞུགས་སངས་རྒྱས་དང་། །དེ་སྲས་དེ་བཞིན་དྲང་སྲོང་དང་ནི་རིག་འཛིན་ཚོགས། །མ་ལུས་ཡོན་ཏན་བློ་གྲོས་སྣང་བ་བསྡུས་ནས་ཀྱང་། །སྐད་ཅིག་རྣམ་པས་འཇིག་རྟེན་གསུམ་མགོན་འཇམ་པའི་དབྱངས། །གཞོན་ནུའི་ངང་ཚུལ་ཕྱག་གཡས་ཡེ་ཤེས་རལ་གྲི་འཕྱར། །གཡོན་པས་ཨུཏྤ་ལར་གནས་འཁོར་ལོ་པུསྟི་འཛིན། །གངས་རིའི་མདོག་ཅན་སྣ་ཚོགས་དར་དང་ནོར་བུས་བརྒྱན། །རབ་སྒེག་སྙན་འཇེབས་དུལ་བའི་རང་བཞིན་བློ་བཟང་པོ། །སྐྱིལ་ཀྲུང་རབ་གསལ་རིན་ཆེན་དཔག་མེད་འོད་འཕྲོ་བ། །བློ་ངན་སེལ་མཁས་སངས་རྒྱས་སྲས་སུ་བདག་གྱུར་པའི། སྙིང་ཉིད་ཟླ་བའི་རང་བཞིན་འཁོར་ལོ་རྩིབས་བརྒྱད་ལ། །ལྟེ་བར་དྷཱིཿདང་རྩིབས་བརྒྱད་རིག་པ་འབྲུ་བརྒྱད་མཚན། །དེ་ལས་འོད་འཕྲོས་ཡེ་ཤེས་སེམས་དཔའ་སྤྱན་དྲངས་ནས། །དྷཱིཿཡིག་ལ་ཐིམ་རང་འདྲའི་འཇམ་དཔལ་ཚོན་གང་གྱུར། །དེ་ཡི་ཐུགས་ཀར་ཟླ་བའི་འཁོར་ལོ་རྩིབས་བརྒྱད་པ། །རྩེ་མོ་རབ་རྣོ་རྩིབས་བརྒྱད་ཡི་གེ་འབྲུ་བརྒྱད་དང་། །དབུས་སུ་ཏིང་འཛིན་སེམས་དཔའ་དྷཱིཿཡིག་འབར་བས་མཚན། །དྲི་མེད་དཀར་གསལ་འོད་ཚོགས་ཕྲེང་བས་རབ་ཏུ་བརྒྱན། །རྩིབས་རྣམས་གཡས་དང་ཡིག་འབྲུ་གཡོན་དང་དེ་བཟློག་པར། །ཤུགས་དྲག་འཁོར་ལས་རབ་དཀར་བདུད་རྩིའི་འོད་སྣང་གིས། །ཐོག་མེད་ཡིད་ཀྱི་མུན་པ་མ་ལུས་བསལ་བྱས་ནས། །སོ་སོར་རིག་བཞིའི་བློ་མཆོག་ཀུ་མུད་རྒྱས་པར་གྱུར། ཨོཾ་ཨ་ར་པ་ཙ་ན་དྷཱིཿཧཱུྃ། གཟུགས་སྣང་འཇམ་དཔལ་གཞོན་ནུའི་སྐུ། །སྣང་སྟོང་གཟུགས་བརྙན་ལྟ་བུར་གསལ། །སྒྲ་ཀུན་འཇམ་པའི་དབྱངས་ཀྱི་གསུང་། །གྲགས་སྟོང་བྲག་ཅའི་དབྱངས་སུ་བཟླ། །དྲན་རྟོག་འཇམ་པའི་རྡོ་རྗེའི་ཐུགས། །རིག་སྟོང་འཇའ་ཚོན་ལྟ་བུའི་ངང་། །མ་ཡེངས་རྩེ་གཅིག་ཡིད་ཀྱིས་བསྒྲུབ། །ཐུན་ལས་ལྡང་བར་བརྩམ་པ་ན། །བརྩེ་ལྡན་ཁྱོད་ཀྱི་མཁྱེན་རབ་འོད་ཟེར་གྱིས། །བདག་བློའི་གཏི་མུག་མུན་པ་རབ་བསལ་ནས། །བཀའ་དང་བསྟན་བཅོས་གཞུང་ལུགས་རྟོགས་པ་ཡི། །བློ་གྲོས་སྤོབས་པའི་སྣང་བ་བསྐྱེད་དུ་གསོལ།། ཐུགས་ཀའི་དྷཱིཿལས་འོད་འཕྲོས་པས། །ཁམས་གསུམ་འོད་ཞུ་རང་ཉིད་དང་། །རང་ཡང་ཏིང་འཛིན་སེམས་དཔར་ཐིམ། །སླར་ཡང་མཇམ་དཔལ་གཞོན་ནུར་གྱུར། །འདི་བསྒྲུབས་པ་ལས་བྱུང་བ་ཡི། །བསོད་ནམས་འགྲོ་བ་ཀུན་ལ་སྦྱིན། །དེས་ནི་འགྲོ་བ་མ་ལུས་ཀུན། །འཇམ་དབྱངས་གོ་འཕང་མྱུར་ཐོབ་ཤོག །ཅེས་སོགས་བསྔོ་སྨོན་རྒྱས་བཏབ་ནས། །ཐུན་མཚམས་ཀུན་ཏུ་སྣང་གྲགས་རྟོག །འཇམ་པའི་དབྱངས་ཀྱི་གསང་གསུམ་དང་། །དབྱེར་མེད་ངང་ནས་ཚོགས་གཉིས་བསྒྲུབ། །གྲངས་བསྙེན་འབུམ་ཕྲག་ཉེར་བཞི་སྟེ། །དུས་ཀྱི་བསྙེན་པ་ཟླ་དྲུག་གོ། །མཚན་མ་རབ་དངོས་འབྲིང་རྨི་ལམ། །འཕགས་པ་དགྱེས་པའི་ཞལ་མཐོང་ཞིང་། །ཐ་མའང་ཉི་ཟླ་ཤར་བ་སོགས། །དགེ་བའི་ལྟས་བཟང་ཅི་རིགས་འབྱུང་། །ཁྱད་པར་པ་ཝ་སངས་མཐོང་ན། །འགྲན་མེད་སྙན་ངག་མཁན་དུ་འགྱུར། །དེ་ལྟར་ཤེས་རབ་འཁོར་ལོ་ཡི། །སྒྲུབ་ཐབས་འདི་བྱས་བསོད་ནམས་ཀྱིས། །ས་གསུམ་ཡིད་ཀྱི་མུན་སེལ་བའི། །འཇམ་དཔལ་གཞོན་ནུ་ཉིད་གྱུར་ཅིག །ཅེས་པའང་དོན་གཉེར་ཅན་དག་གི་ཆེད་དུ་འཇམ་དབྱངས་བླ་མ་དགྱེས་པའི་འབངས་མཁྱེན་བརྩེའི་དབང་པོས་མངོན་རྟོགས་ཀྱི་དངོས་གཞི་རྒྱ་གཞུང་སོར་བཞག་ལ། ཡིག་རྙིང་གི་དགོངས་པ་ལྟར་ཚིག་གི་མཐའ་བསྐྱེད་ཚུལ་ཅུང་ཟད་ཀྱིས་མཚམས་སྦྱར་ཏེ་བྲིས་པ་སརྦ་དཱ་ཤྲེ་ཡནྟུ།། །། ༈

[edit]

paN+Di ta gser gdugs can nas brgyud pa'i 'jam dpal shes rab 'khor lo'i sgrub thabs rjes gnang dang bcas pa/ @#/_/paN+Di ta gser gdugs can nas brgyud pa'i 'jam dpal shes rab 'khor lo'i sgrub thabs rjes gnang dang bcas pa bzhugs so/__/rgya gar skad du/__many+dzu shrI pradz+nyA tsakra s+ya sA d+ha naM/__bod skad du/__'jam dpal shes rab 'khor lo'i sgrub thabs/__'phags pa 'jam dpal gzhon nur gyur pa la phyag 'tshal lo/__/snying gi mun sel 'jam pa'i dpal/__/shes rab 'khor lo la btud nas/__/gang de'i bsnyen pa'i man ngag ni/__/zla 'byung sbas pa'i lugs bzhin bshad/__/tshul 'di'i rjes gnang legs thob pa'i/__/sngags pas rjes su mthun pa'i gnas/__/byi dor byugs pa bzang byas la/__/mdun mkhar skyabs yul gsal bar blta/__/'gro rnams bsgral 'dod bsam pa yis/__/sangs rgyas chos dang dge 'dun la/__/byang chub snying por mchis kyi bar/__/rtag par bdag ni skyabs su mchi/__/shes rab snying brtse dang bcas pas/__/brtson pas sems can don du bdag__/sangs rgyas mdun du gnas bcas te/__/rdzogs pa'i byang chub sems bskyed bgyi/__/rang nyid skad cig 'jam pa'i dbyangs/__/shes rab 'khor lo'i skur gsal ba'i/__/snying dbus zla steng d+hIHyig las/__/'od 'phros ye shes spyan drangs gyur/__/bla ma sangs rgyas chos tshogs la/__/dngos dang yid las byung dang gzhan/__/yang dag don shes mchod pas mchod/__/sgo gsum gus pa'i phyag gis 'dud/__/dkon mchog gsum la bdag skyabs mchi/__/sdig pa thams cad so sor bshags/__/'gro ba'i dge la rjes yi rang /__/sangs rgyas byang chub yid kyis bzung /__/sangs rgyas chos dang tshogs mchog la/__/byang chub bar du skyabs su mchi/__/rang gzhan don ni rab bsgrub phyir/__/byang chub sems ni bskyed par bgyi/__/byang chub mchog gi sems ni bskyed bgyis nas/__/sems can thams cad bdag gi mgron du gnyer/__/byang chub spyod mchog yid 'ong spyad par bgyi/__/'gro la phan phyir sangs rgyas 'grub par shog__/'gro ba smin byed blo gros can/__/byams dang snying rje dga' ba dang /__/btang snyoms tshangs pa'i gnas bzhi yis/__/yid can phan bde bsgrub par bgyi/__oM swa b+hA wa shud+d+haHsarba d+harmAHswa b+hA wa shud+d+ho\u0f85haM/__oM shU n+ya tA dz+nyA na badz+ra swA b+hA wa At+ma ko\u0f85haM/__gzung ba'i yul dang 'dzin pa'i yul can gnyis snang kun/__/'od gsal stong nyid nam mkha'i dkyil ltar rnam dag ngang /__/paM las chu skyes a las zla ba rgyas pa'i steng /__/rang sems d+hIHlas shes rab ral gri d+hIHyis mtshan/__/dkar bsil zla ba bye ba'i 'od zer las lhag pa'i/__/dpal gyis sa gsum shes rab snang ba bskyed byas nas/__/dus gsum gshegs dang phyogs bcu'i char bzhugs sangs rgyas dang /__/de sras de bzhin drang srong dang ni rig 'dzin tshogs/__/ma lus yon tan blo gros snang ba bsdus nas kyang /__/skad cig rnam pas 'jig rten gsum mgon 'jam pa'i dbyangs/__/gzhon nu'i ngang tshul phyag g.yas ye shes ral gri 'phyar/__/g.yon pas ut+pa lar gnas 'khor lo pusti 'dzin/__/gangs ri'i mdog can sna tshogs dar dang nor bus brgyan/__/rab sgeg snyan 'jebs dul ba'i rang bzhin blo bzang po/__/skyil krung rab gsal rin chen dpag med 'od 'phro ba/__/blo ngan sel mkhas sangs rgyas sras su bdag gyur pa'i/__snying nyid zla ba'i rang bzhin 'khor lo rtsibs brgyad la/__/lte bar d+hIHdang rtsibs brgyad rig pa 'bru brgyad mtshan/__/de las 'od 'phros ye shes sems dpa' spyan drangs nas/__/d+hIHyig la thim rang 'dra'i 'jam dpal tshon gang gyur/__/de yi thugs kar zla ba'i 'khor lo rtsibs brgyad pa/__/rtse mo rab rno rtsibs brgyad yi ge 'bru brgyad dang /__/dbus su ting 'dzin sems dpa' d+hIHyig 'bar bas mtshan/__/dri med dkar gsal 'od tshogs phreng bas rab tu brgyan/__/rtsibs rnams g.yas dang yig 'bru g.yon dang de bzlog par/__/shugs drag 'khor las rab dkar bdud rtsi'i 'od snang gis/__/thog med yid kyi mun pa ma lus bsal byas nas/__/so sor rig bzhi'i blo mchog ku mud rgyas par gyur/__oM a ra pa tsa na d+hIHhU~M/__gzugs snang 'jam dpal gzhon nu'i sku/__/snang stong gzugs brnyan lta bur gsal/__/sgra kun 'jam pa'i dbyangs kyi gsung /__/grags stong brag ca'i dbyangs su bzla/__/dran rtog 'jam pa'i rdo rje'i thugs/__/rig stong 'ja' tshon lta bu'i ngang /__/ma yengs rtse gcig yid kyis bsgrub/__/thun las ldang bar brtsam pa na/__/brtse ldan khyod kyi mkhyen rab 'od zer gyis/__/bdag blo'i gti mug mun pa rab bsal nas/__/bka' dang bstan bcos gzhung lugs rtogs pa yi/__/blo gros spobs pa'i snang ba bskyed du gsol//_thugs ka'i d+hIHlas 'od 'phros pas/__/khams gsum 'od zhu rang nyid dang /__/rang yang ting 'dzin sems dpar thim/__/slar yang mjam dpal gzhon nur gyur/__/'di bsgrubs pa las byung ba yi/__/bsod nams 'gro ba kun la sbyin/__/des ni 'gro ba ma lus kun/__/'jam dbyangs go 'phang myur thob shog__/ces sogs bsngo smon rgyas btab nas/__/thun mtshams kun tu snang grags rtog__/'jam pa'i dbyangs kyi gsang gsum dang /__/dbyer med ngang nas tshogs gnyis bsgrub/__/grangs bsnyen 'bum phrag nyer bzhi ste/__/dus kyi bsnyen pa zla drug go/__/mtshan ma rab dngos 'bring rmi lam/__/'phags pa dgyes pa'i zhal mthong zhing /__/tha ma'ang nyi zla shar ba sogs/__/dge ba'i ltas bzang ci rigs 'byung /__/khyad par pa wa sangs mthong na/__/'gran med snyan ngag mkhan du 'gyur/__/de ltar shes rab 'khor lo yi/__/sgrub thabs 'di byas bsod nams kyis/__/sa gsum yid kyi mun sel ba'i/__/'jam dpal gzhon nu nyid gyur cig__/ces pa'ang don gnyer can dag gi ched du 'jam dbyangs bla ma dgyes pa'i 'bangs mkhyen brtse'i dbang pos mngon rtogs kyi dngos gzhi rgya gzhung sor bzhag la/__yig rnying gi dgongs pa ltar tshig gi mtha' bskyed tshul cung zad kyis mtshams sbyar te bris pa sarba dA shre yan+tu//____//__!_