Property:colophontib
From Khyentse Lineage - A Tsadra Foundation Project
This is a property of type Text.
ཀ
།ཅེས་པའང་ལྷོ་འབྲུག་སྨན་གྱི་ནགས་ཚལ་ཆེན་པོའི་སྦས་ཡུལ་ཁེན་ཏ་ལིའི་འདུས་སྡེ་ཀུན་བཟང་ཐེག་མཆོག་འོད་གསལ་གླིང་དུ་བླ་མ་རིག་འཛིན་འདུས་པའི་ཚོགས་སྒྲུབ་ཀྱིས་སྣང་སྲིད་བདུད་རྩིའི་དཀྱིལ་འཁོར་དུ་བྱིན་གྱིས་བརླབས་པའི་སྐབས་ཉེར་མཁོར་གྱུར་པས། འོད་གསལ་སྙིང་ཐིག་གི་བསྟན་པའི་ལྷག་ཞབས་སུ་སྐྱེས་པའི་སྐལ་བཟང་ཅན་འཇིགས་མེད་མཁྱེན་བརྩེའི་འོད་ཟེར་གྱིས་ཀུན་མཁྱེན་བླ་མའི་གསུང་གི་སྣང་བ་བརྟེན་ནས་བྲིས་པས་འགྲོ་ཀུན་ཀུན་བཟང་ཡེ་ཤེས་བླ་མའི་དབྱིངས་སུ་མངོན་པར་བྱང་ཆུབ་པའི་རྒྱུར་གྱུར་ཅིག །སརྦ་དཱ་མངྒ་ལཾ། །། +
ཨེ་མ༔ ཤིན་ཏུ་ཡང་ཟབ་དགོངས་པའི་གཏེར༔ ཡང་གསང་ཐིག་ལེའི་རྒྱ་རྟགས་ཅན༔ གདོད་མའི་མགོན་པོ་ཀློང་ཆེན་པས༔ དཔལ་གྱི་བསམ་ཡས་མཆིམས་ཕུ་རུ༔ ཁོ་བོའི་སྙིང་གི་དབུས་སུ་སྦས༔ ལོ་ལྔའི་བར་དུ་གསང་རྒྱ་བྱས༔ ད་ལྟ་དུས་ངན་སྙིགས་མའི་ཚེ༔ ཟབ་རྒྱས་སྤེལ་བའི་སྣོད་དཀོན་ཡང་༔ གདུག་པ་ཞེ་སྡང་སྦྲུལ་གྱི་ལོར༔ ལྭ་བ་དཀར་པོའི་ལྡིང་གུར་ནང་༔ ཡེ་ཤེས་དབྱིངས་ཀྱི་མཁའ་འགྲོ་མས༔ འདི་ནས་ལོ་གསུམ་འདས་པ་ན༔ ཐུགས་ཀྱི་སྲས་མཆོག་གསུམ་ཡང་འབྱུང་༔ བཛྲའི་མིང་ཅན་སྙིང་སྟོབས་ཆེ༔ ཛྙཱ་ནའི་མིང་ཅན་གྲུབ་པའི་གཙོ༔ རིགས་ལྔའི་མིང་འཛིན་སྙན་ངག་མཁན༔ དེ་དག་རྣམས་ལ་ཆོས་སྒོ་འབྱེད༔ ཅེས་པའི་ལུང་བསྟན་ཇི་བཞིན་ཏུ༔ བརྒྱུད་འཛིན་སྙིང་གི་བུ་རྣམས་དང་༔ ཀོང་སྨྱོན་སྦས་པའི་རྣལ་འབྱོར་གྱིས༔ བསྐུལ་ངོར་ཟབ་དོན་བཀའ་རྒྱ་བཀྲོལ༔ སྨན་བཙུན་ཚེ་རིང་མཆེད་ལྔ་དང་༔ གཟའ་རྒོད་སྲོག་གི་སྤུ་གྲི་ཡིས༔ ཐུབ་པར་སྲུངས་ཤིག་དམ་ཚིག་རྒྱཿ ལས་ཅན་རྣམས་ཀྱི་དཔལ་དུ་ཤོག༔ +
།ཞེས་པའང་རྒྱུན་གྱི་རྣལ་འབྱོར་དང་། སྒྲུབ་ཆེན་སོགས་ཐུན་དྲུག་ཏུ་གཞུང་བསྲང་བའི་སྐབས་འཇུག་པ་བདེ་བའི་དབང་དུ་བྱས་ཏེ། གཏེར་གཞུང་རྡོ་རྗེའི་གསུང་ཇི་ལྟ་བར་ཀུན་མཁྱེན་བླ་མ་དགྱེས་པའི་འབངས་འཇིགས་མེད་གྲུབ་པའི་སྡེས་ཉུང་གསལ་སྙིང་པོར་དྲིལ་བའི་དགེ་བས་མཐའ་ཡས་པའི་འགྲོ་ཀུན་དཔལ་ཧེ་རུ་ཀའི་གོ་འཕང་ལ་འདོད་རྒུར་རྩེན་པའི་རྒྱུར་གྱུར་ཅིག། །།མངྒ་ལཾ།། +
ཨེ་མ༔ ཤིན་ཏུ་ཡང་ཟབ་དགོངས་པའི་གཏེར༔ ཡང་གསང་ཐིག་ལེའི་རྒྱ་རྟགས་ཅན༔ གདོད་མའི་མགོན་པོ་ཀློང་ཆེན་པས༔ དཔལ་གྱི་བསམ་ཡས་མཆིམས་ཕུ་རུ༔ ཁོ་བོའི་སྙིང་གི་དབུས་སུ་སྦས༔ ལོ་ལྔའི་བར་དུ་གསང་རྒྱ་བྱས༔ ད་ལྟ་དུས་ངན་སྙིགས་མའི་ཚེ༔ ཟབ་རྒྱ་སྤེལ་བའི་སྣོད་དཀོན་ཡང་༔ གདུག་པ་ཞེ་སྡང་སྦྲུལ་གྱི་ལོར༔ ལྭ་བ་དཀར་པོའི་ལྡིང་གུར་ནང་༔ ཡེ་ཤེས་དབྱིངས་ཀྱི་མཁའ་འགྲོ་མས༔ འདི་ནས་ལོ་གསུམ་འདས་པ་ན༔ ཐུགས་ཀྱི་སྲས་མཆོག་གསུམ་ཡང་འབྱུང་༔ བཛྲའི་མིང་ཅན་སྙིང་སྟོབས་ཆེ༔ ཛྙཱ་ནའི་མིང་ཅན་གྲུབ་པའི་གཙོ༔ རིགས་ལྔའི་མིང་འཛིན་སྙན་ངག་མཁན༔ དེ་དག་རྣམས་ལ་ཆོས་སྒོ་འབྱེད༔ ཅེས་པའི་ལུང་བསྟན་ཇི་བཞིན་དུ༔ བརྒྱུད་འཛིན་སྙིང་གི་བུ་རྣམས་དང་༔ ཀོང་སྨྱོན་སྦས་པའི་རྣལ་འབྱོར་གྱིས༔ བསྐུལ་ངོར་ཟབ་དོན་བཀའ་རྒྱ་བཀྲོལ༔ སྨན་བཙུན་ཚེ་རིང་མཆེད་ལྔ་དང་༔ གཟའ་རྒོད་སྲོག་གི་སྤུ་གྲི་ཡིས༔ ཐུབ་པར་སྲུངས་ཤིག་དམ་ཚིག་རྒྱ༔ ལས་ཅན་རྣམས་ཀྱི་དཔལ་དུ་ཤོག༔ +
།ཅེས་པའང་བུམ་ཐང་ཉི་ལུང་བཤད་སྒྲུབ་དར་རྒྱས་གླིང་གི་བྱང་འདྲེན་སྒྲུབ་བརྩོན་བླ་མ་འཇམ་དབྱངས་བརྩོན་འགྲུས་ནས་ཆེད་དུ་བསྐུལ་བ་ལྟར་ལམ་འདིར་ཐུན་མིན་གྱི་ངེས་ཤེས་སྐྱེས་པའི་རྒྱལ་ཁམས་པ་འཇིགས་མེད་མཁྱེན་བརྩེའི་འོད་ཟེར་རྡོ་རྗེ་ཐུགས་མཆོག་རྩལ་གྱིས་ཐིམ་ཡུལ་བཀྲ་ཤིས་ཆོས་རྫོང་ཉིད་དུ་གནས་པའི་སྐབས་བྲིས་པས་འགྲོ་ཀུན་བདག་རྟོག་འཁྲུལ་པའི་མུན་པ་ཡེ་ཤེས་འདོད་དགུའི་སྣང་བས་དྲུངས་ནས་འབྱིན་པའི་རྒྱུར་གྱུར་ཅིག །དགེའོ། །དགེའོ། །དགེའོ།། +
ཀློང་ཆེན་སྙིང་གི་ཐིག་ལེའི་ཡང་གསང་བླ་མའི་སྒྲུབ་པ་འོད་གསལ་ཐིག་ལེའི་རྒྱ་ཅན་གྱི་སྨིན་བྱེད་ཡེ་ཤེས་མཆོག་སྦྱིན་བཀླགས་ཆོག་ཏུ་བཀོད་པ་ཡེ་ཤེས་གསལ་བའི་མཛེས་རྒྱན། +
།ཅེས་པའང་ཀུན་མཁྱེན་མཆེད་གསུམ་གྱི་ཡེ་ཤེས་ཉིན་བྱེད་གཅིག་ཏུ་འདུས་པའི་རང་གཟུགས་ཡོངས་རྫོགས་བསྟན་པའི་མངའ་བདག་རིགས་བརྒྱའི་སྤྱི་མེས་འཇམ་དབྱངས་བློ་གྲོས་རྒྱ་མཚོ་རིས་བྲལ་བསྟན་པའི་རྒྱལ་མཚན་དཔལ་བཟང་པོའི་ཕྱག་བཞེས་རྩ་བའི་ཟིན་ཐོ་དང་བཅས་དགྱེས་པའི་གསུང་གི་གནང་བ་ནན་དུ་བསྩལ་བ་གུས་པས་སྤྱི་བོའི་རྒྱུན་དུ་མཆོད་ཏེ་ཐེག་མཆོག་འོད་གསལ་སྙིང་པོའི་སྟོན་དང་བསྟན་པར་བཅས་པ་ལ་མི་ཕྱེད་པའི་དད་པ་ཅུང་ཟད་བརྟན་པའི་གཞོན་ནུ་ཡན་པ་བློ་བདེ་འཇིགས་མེད་མཁྱེན་བརྩེའི་འོད་ཟེར་རང་བྱུང་འོད་གསལ་ཐུགས་མཆོག་རྡོ་རྗེས་རྗེ་བཙུན་བླ་མ་ཐམས་ཅད་གཟིགས་པའི་སྤྱན་མངའ་མི་ཕམ་རྣམ་པར་རྒྱལ་བ་གདོད་མའི་ཐིག་ལེར་མངོན་པར་བྱང་ཆུབ་པའི་དུས་ཀྱི་མཆོད་པ་དང་འབྲེལ་བར་བྲིས་པ་འདིས་ཀྱང་ཐེག་མཆོག་རྡོ་རྗེ་སྙིང་པོའི་བསྟན་པའི་ཉིན་བྱེད་ནམ་ཡང་འགྲིབ་པ་མེད་པས་ཕན་བདེའི་ཨུཏྤལ་ཅིར་ཡང་བཞད་པའི་གཉེན་འབའ་ཞིག་ཏུ་གྱུར་ཅིག །སརྦ་དཱ་མངྒ་ལཾ། དགེའོ།། +
ཀློང་ཆེན་སྙིང་གི་ཐིག་ལེའི་ཡང་གསང་བླ་མའི་སྒྲུབ་པ་འོད་གསལ་ཐིག་ལེའི་རྒྱ་ཅན་གྱི་སྨིན་བྱེད་ཡེ་ཤེས་མཆོག་སྦྱིན་བཀླགས་ཆོག་ཏུ་བཀོད་པ་ཡེ་ཤེས་གསལ་བའི་མཛེས་རྒྱན། +
།ཅེས་པའང་ཀུན་མཁྱེན་མཆེད་གསུམ་གྱི་ཡེ་ཤེས་ཉིན་བྱེད་གཅིག་ཏུ་འདུས་པའི་རང་གཟུགས་ཡོངས་རྫོགས་བསྟན་པའི་མངའ་བདག་རིགས་བརྒྱའི་སྤྱི་མེས་འཇམ་དབྱངས་བློ་གྲོས་རྒྱ་མཚོ་རིས་བྲལ་བསྟན་པའི་རྒྱལ་མཚན་དཔལ་བཟང་པོའི་ཕྱག་བཞེས་རྩ་བའི་ཟིན་ཐོ་དང་བཅས་དགྱེས་པའི་གསུང་གི་གནང་བ་ནན་དུ་བསྩལ་བ་གུས་པས་སྤྱི་བོའི་རྒྱན་དུ་མཆོད་ཏེ་ཐེག་མཆོག་འོད་གསལ་སྙིང་པོའི་སྟོན་དང་བསྟན་པར་བཅས་པ་ལ་མི་ཕྱེད་པའི་དད་པ་ཅུང་ཟད་བརྟན་པའི་གཞོན་ནུ་ཡན་པ་བློ་བདེ་འཇིགས་མེད་མཁྱེན་བརྩེའི་འོད་ཟེར་རང་བྱུང་འོད་གསལ་ཐུགས་མཆོག་རྡོ་རྗེས་རྗེ་བཙུན་བླ་མ་ཐམས་ཅད་གཟིགས་པའི་སྤྱན་མངའ་མི་ཕམ་རྣམ་པར་རྒྱལ་བ་གདོད་མའི་ཐིག་ལེར་མངོན་པར་བྱང་ཆུབ་པའི་དུས་ཀྱི་མཆོད་པ་དང་འབྲེལ་བར་བྲིས་པ་འདིས་ཀྱང་ཐེག་མཆོག་རྡོ་རྗེ་སྙིང་པོའི་བསྟན་པའི་ཉིན་བྱེད་ནམ་ཡང་འགྲིབ་པ་མེད་པས་ཕན་བདེའི་ཨུཏྤལ་ཅིར་ཡང་བཞད་པའི་གཉེན་འབའ་ཞིག་ཏུ་གྱུར་ཅིག །སརྦ་དཱ་མངྒ་ལཾ། དགེའོ།། +
ཀློང་ཆེན་སྙིང་གི་ཐིག་ལེའི་རྩ་བ་གསུམ་གྱི་སྤྲོས་བཅས་སྒྲུབ་མཆོད་རྒྱས་པའི་ཁོག་ཕུབ་གྲུབ་གཉིས་འདོད་དགུའི་རོལ་མཚོ། +
།ཅེས་ཀློང་ཆེན་སྙིང་གི་ཐིག་ལེའི་ཐུགས་སྒྲུབ་དཔལ་ཆེན་འདུས་པ་གཙོ་བོར་གྱུར་པའི་རྩ་གསུམ་སྤྱི་བྱེ་བྲག་གང་ལའང་སྦྱར་དུ་རུང་བའི་སྒྲུབ་ཁོག་འཇུག་བདེ་ཁྲིགས་སུ་བསྡེབས་པ་འདིའང༌། ཀུན་མཁྱེན་མཆོག་གི་རྡོ་རྗེའི་གསུང་སྒྲུབ་ཁོག་རིན་པོ་ཆེའི་ཟ་མ་ཏོག་སྐུ་ན་སྨིན་པའི་སྐབས་སུ་མཛད་པས་ལས་འགྲིགས་ཀྱི་ཟིན་ཐོ་ཙམ་ལས་མི་བཞུགས་པས་རང་གཞན་ལམ་འདིར་འཇུག་འདོད་ཀུན་ལ་ཕན་པའི་ལྷག་བསམ་གྱིས་འཇིགས་མེད་མཁྱེན་བརྩེའི་འོད་ཟེར་རང་བྱུང་འོད་གསལ་རྡོ་རྗེ་ཐུགས་མཆོག་རྩལ་གྱིས་ཆོས་རྒྱལ་སྡེ་དགེའི་རྒྱལ་ཁབ་ཀྱི་དབང་ཕྱོགས་ལྡན་ལྗོངས་གཡུ་ལོ་བཀོད་པའི་དགའ་ཚལ་གྱི་བྱེ་བྲག །གསེར་ཆུ་འབྲི་ཀླུང་གི་དལ་འབབ་ཀྱི་གཡས་ཟུར་གོ་ཐི་བཀྲ་ཤིས་དཔལ་འབར་གླིང་གི་དབེན་པའི་གནས་ཀུན་མཁྱེན་བླ་མ་འཇམ་པའི་རྡོ་རྗེ་མི་ཕམ་རིན་པོ་ཆེ་འོད་གསལ་གདོད་མའི་ནང་དབྱིངས་སུ་བྱང་ཆུབ་པའི་མཛད་པ་བསྟན་པའི་གནས་མཆོག་དཔལ་འཁོར་ལོ་སྡོམ་པའི་ཕོ་བྲང་དུ་བསྙེན་མཚམས་ལ་གནས་པའི་སྐབས་བྲིས་པ་ལ་ཡི་གེ་བ་ནི་མདོ་སྨད་རིག་པའི་འབྱུང་གནས་ཀྱི་སྔགས་བན་འཇིགས་མེད་སྐལ་བཟང་རྡོ་རྗེ་དབང་དྲག་ནུས་ལྡན་རྩལ་གྱིས་བགྱིས་པ་འདིས་ཀྱང་འགྲོ་ཀུན་དངོས་གྲུབ་མཆོག་གི་སྣང་བ་ལ་དགའ་མགུར་རྩེན་པས་རིག་འཛིན་རྣམ་པ་བཞིའི་གསེང་ལམ་ཉི་ཟླའི་བགྲོད་པ་ལས་མྱུར་བས་སྐུ་བཞིའི་གྲོང་ཁྱེར་མཆོག་ཏུ་རྟེན་འདིར་སྤྱོད་པའི་རྒྱུ་ཁོ་ནར་གྱུར་ཅིག །སརྦ་དཱ་ཤྲཱི་ཡེ་བྷ་ཝཱ་ཏུ། +
ཅེས་པའང་མཁྱེན་བརྩེའི་དབང་པོས་བྲིས། +
།ཕྱག་བྲིས་ལས་བཤུས།། +
ཀློང་ཆེན་སྙིང་ཐིག་གི་བླ་སྒྲུབ་ཐིག་ལེའི་རྒྱ་ཅན་གྱི་སྨིན་བྱེད་ཡེ་ཤེས་མཆོག་སྦྱིན་གྱི་མཚམས་སྦྱོར་ཉུང་ངུར་བཀོད་པ་བདེ་ཆེན་ཐིག་ལེ། +
།ཅེས་པའང་ཉེར་མཁོའི་ཆེད་དུ་ཀརྨ་པའི་མཚན་འཛིན་བཅོ་ལྔ་པས་ཕྲལ་མར་སྤེལ་བ་དགེ། །མངྒ་ལཾ།། +
།ཅེས་པའང་ནོར་སྤྱི་ལ་མཁན་ཆུང་གཡུ་ཐོགས་སེངྒའི་བཞེད་སྐོང་དུ་ཆོས་ཀྱི་བློ་གྲོས་པས་སོ།། +
ཁ
།ཅེས་པའང་གཞུང་རྙིང་པའི་དོན་སྙིང་པོར་དྲིལ་ཏེ་འཇམ་དབྱངས་མཁྱེན་བརྩེའི་དབང་པོས་བྲིས་པ་དགེ་ལེགས་སུ་གྱུར་ཅིག +
།ཅེས་པའང་ལྕགས་ཕག་སྣྲོན་ཟླ་བའི་ཤེར་ཕྱོགས་ཀྱི་བཟང་པོ་དང་པོར་རྒྱལ་ཁམས་ཉུལ་བའི་དཱ་རི་དྲྭ་འཇམ་དབྱངས་མཁྱེན་བརྩེའི་དབང་པོས་སྒྲ་བསྒྱུར་ལོ་ཙཱ་ཕུག་གི་སྒོ་འདབས་སུ་གང་ཤར་རྩེ་གཅིག་པས་གསོལ་བ་བཏབ་པ་དེ་དེ་བཞིན་དུ་གེགས་མེད་པར་འགྲུབ་པར་བྱིན་གྱིས་བརླབས་ཏུ་གསོལ། །སརྦ་དཱ་སིདྡྷི་རསྟུ།། +
།ཅེས་པའང་རྣམ་དཀར་གྱི་ཕྲིན་ལས་རྨད་དུ་བྱུང་བའི་བདག་པོའི་རྐྱེན་རིག་འཛིན་བླ་མ་དམ་པ་ཉིད་ནས་ཟིན་ཐོ་དང་བཅས་ཡང་ཡང་བཀའ་སྩལ་གནང་བ་ལས་རྒྱལ་ཁམས་ཕྱོགས་མེད་ཀྱི་བྱ་བྲལ་བ་ཤཱཀྱའི་དགེ་སློང་ཐེག་པ་མཆོག་གི་རྣལ་འབྱོར་པ་འཆད་རྩོད་རྩོམ་པའི་ཚུལ་ལ་བློ་གྲོས་ཀྱི་འཇུག་པ་ཅུང་ཟད་ཤར་བ་ཀུན་མཁྱེན་བླ་མ་དགྱེས་པའི་འབངས་གཙུག་ལག་སྨྲ་བའི་ཉི་མ་ཞེས་བགྱི་བས་སྦྱར་བ་སརྦ་དཱ་ཀ་ལྱཱ་ཎཾ་བྷ་བ་ཏུ།། +
ཁོ་བོའི་རིགས་ཀྱི་བདག་པོ་དཔལ་ཞེ་ཆེན་པ་ཆེན་པོ་འགྱུར་མེད་པདྨ་རྣམ་པར་རྒྱལ་བའི་དོན་གྱི་རྣམ་ཐར་ཟབ་མོའི་ཆ་ཤས་ལ་བསྔགས་པ་ཟོལ་མེད་དད་པའི་རྒྱུད་མང་། +
།ཅེས་པའང་ཕྱོགས་གཅིག་ཏུ་མི་གནས་པའི་ཀུན་ཏུ་རྒྱུ་སྙན་ངག་སྨྲ་བ་མངྒ་ལའི་མིང་གི་ཡིད་དད་པའི་རླུང་གིས་གཡོས་ཏེ་བསྟོད་པའི་རབ་ཏུ་བྱེད་པ་ཤློ་ཀ་བཅུ་ཕྲག་ལམ་གྱི་གྲངས་ལྡན་ལ་སྐུ་གསུམ་གྱིས་ལྷག་པ་འདི་ཡང་མིག་དམར་ཞེས་པ་ཤིང་བྱི་ལོར་རྒྱ་མཚོ་ཆེན་པོའི་ཕ་མཐའ་བརྒལ་བའི་ཕ་རན་སིའི་བྱེ་བྲག་རྡོ་གདོང་གི་སྨན་ལྗོངས་ན་མཛེས་པའི་ལ་སོ་ན་རིའི་བསམ་གཏན་གྱི་ཁང་བུ་བཀྲ་ཤིས་དཔལ་འབར་གླིང་དུ་རྗེ་བཙུན་བླ་མའི་དུས་ཀྱི་མཆོད་པ་ནས་བརྩམས་ཏེ་བྲིས་པ་དཔལ་མགོན་ཆོས་རྗེ་བླ་མའི་སྐུ་བཞིའི་གྲོང་ཁྱེར་ཉམས་དགའ་བར་གཉིས་སུ་མེད་པར་རྩེན་པའི་རྒྱུར་གྱུར་ཅིག། +
།ཞེས་པའང་རིག་འཛིན་གྱི་བཙུན་པ་པདྨ་དགྱེས་པའི་སྡེས་གྲུབ་པ་མཆོག་གི་བསྟི་གནས་སེང་གེ་གནམ་རྫོང་དུ་གྲགས་པའི་འདབས་རོལ་དུ་སྐད་ཅིག་ལ་བརྗོད་པའོ།། +
ཁྱབ་བདག་དཔལ་ལྡན་བླ་མ་རྫོགས་པའི་སངས་རྒྱས་ངག་དབང་བསྟན་པའི་ཉི་མའི་གསོལ་འདེབས་སྨོན་ལམ་དང་བཅས་པ་བྱིན་རླབས་པད་དཀར་བཞད་པའི་ཉིན་བྱེད། +
།ཅེས་ཁྱབ་བདག་དཔལ་ལྡན་བླ་མ་རྫོགས་པའི་སངས་རྒྱས་དཔལ་སྟག་ལུང་པ་ཆེན་པོར་ངག་དབང་བསྟན་པའི་ཉི་མ་ཆོས་ཀྱི་འབྱུང་གནས་ཕྲིན་ལས་རྣམ་པར་རྒྱལ་བའི་སྡེ་ཞེས་མཚན་སྙན་སྲིད་ཞིའི་བླ་ན་མངོན་པར་མཐོ་བ་གང་གི་དོན་གྱི་རྣམ་པར་ཐར་པ་དང་རྗེས་སུ་འབྲེལ་བའི་གསོལ་འདེབས་སྨོན་ལམ་དང་བཅས་པའི་ཚིགས་སུ་བཅད་པ་ཉུང་ངུ་འདིའང་། མཚུངས་མེད་བསྟན་པའི་ཉིན་བྱེད་མཆོག་སྤྲུལ་རིན་པོ་ཆེ་ངག་དབང་གྲགས་པ་ཡོངས་ཁྱབ་དགེ་ལེགས་རབ་རྒྱས་བྱང་ཆུབ་མྱུ་གུ་དཔལ་བཟང་པོས་བཀའ་སྩལ་རིན་པོ་ཆེའི་མེ་ཏོག་དང་བཅས་ཏེ་བསྐུལ་བ་ལྟར། བྱ་བྲལ་བ་འཇམ་དབྱངས་མཁྱེན་བརྩེའི་དབང་པོས་གང་ཤར་གསོལ་བ་བཏབ་པའི་དགེ་བས་བདག་གཞན་ཀུན་གྱི་རྒྱུད་ལ་ཁྱབ་བདག་བླ་མའི་ཡེ་ཤེས་གཟིགས་པའི་བྱིན་རླབས་མྱུར་དུ་འཇུག་པའི་རྒྱུར་གྱུར་ཅིག །སརྦ་དཱ་ཀ་ལྱཱ་ཎཾ་བྷ་བ་ཏུ།། +
སརྦ་དཱ་ཤུབྷཾ་བྷཱུ་ཡེ་ཏ། +
།ཅེས་པའང་རྡོ་རྗེ་འཆང་དེ་ཉིད་ལ་མི་ཕྱེད་པའི་དད་པ་བརྟན་པོ་དང་ལྡན་པ་འཇམ་དབྱངས་ཆོས་ཀྱི་བློ་གྲོས་པས་གསོལ་བ་བཏབ་པ་སིདྡྷི་རསྟུ།། +
