Property:colophontib
From Khyentse Lineage - A Tsadra Foundation Project
This is a property of type Text.
བ
།ཅེས་པའང་སྐྱིད་ཤོད་སྙེ་ཐང་གི་དཔལ་ལྡན་ཨ་ཏི་ཤའི་སྐུ་འདྲ་རིན་པོ་ཆེའི་དྲུང་དུ་རྩེ་གཅིག་གསོལ་བ་འདེབས་པ་པོ་ནི། རྒྱལ་ཁམས་ཉུལ་བའི་བྱ་བྲལ་བ་བཀའ་གདམས་རིན་པོ་ཆེའི་རིང་ལུགས་ལ་མཆོག་ཏུ་གུས་པ་འཇམ་དབྱངས་མཁྱེན་བརྩེའི་དབང་པོ་སྟེ་དེ་དེ་བཞིན་དུ་འགྲུབ་པར་བྱིན་གྱིས་བརླབ་ཏུ་གསོལ།། +
།ཅེས་པའང་སྐྱིད་ཤོད་སྙེ་ཐང་གི་དཔལ་ལྡན་ཨ་ཏི་ཤའི་སྐུ་འདྲ་རིན་པོ་ཆེའི་དྲུང་དུ་རྩེ་གཅིག་གསོལ་བ་འདེབས་པ་པོ་ནི། རྒྱལ་ཁམས་ཉུལ་པའི་བྱ་བྲལ་བ་བཀའ་གདམས་རིན་པོ་ཆེའི་རིང་ལུགས་ལ་མཆོག་ཏུ་གུས་པ་འཇམ་དབྱངས་མཁྱེན་བརྩེའི་དབང་པོ་སྟེ། དེ་དེ་བཞིན་དུ་འགྲུབ་པར་བྱིན་གྱིས་བརླབ་ཏུ་གསོལ།། +
བློ་སྦྱོང་ཞེན་པ་བཞི་བྲལ་གྱི་བརྒྱུད་འདེབས་ངོར་ཆེན་རྡོ་རྗེ་འཆང་གིས་མཛད་པའི་ཞལ་སྐོང་གོང་མ་དང་ཅུང་ཟད་མི་འདྲ་བ། +
།ཞེས་པའང་ཤཱཀྱའི་དགེ་སྦྱོང་བྱ་བྲལ་བ་འཇམ་དབྱངས་མཁྱེན་བརྩེའི་དབང་པོས་དཔལ་ལྷུན་གྲུབ་སྟེང་གི་བླ་བྲང་ཕན་བདེ་ཀུན་ཁྱབ་གླིང་དུ་བྲིས་པ་དགེ། +
།ཅེས་པའང་དུས་གསུམ་སངས་རྒྱས་ཐམས་ཅད་ཀྱི་ངོ་བོ་མཁན་ཆེན་རྡོ་རྗེ་འཆང་ཆེན་པོའི་བཀའི་གནང་བ་ཐོབ་ནས། རྗེ་བླ་མ་བཅུ་ཕྲག་རིག་པའི་མ་ཧཱ་པཎྜི་ཏ་དཀོན་མཆོག་བསྟན་པ་རབ་རྒྱས་དཔལ་བཟང་པོའི་གསུང་ཇི་ལྟ་བ་བཞིན། སྐལ་བཟང་མཁྱེན་བརྩེའི་མིང་ཅན་གྱིས་ཟིན་བྲིས་སུ་བགྱིས་པ་ཛ་ཡནྟུ། མངྒ་ལཾ།། +
།ཅེས་རྩོད་དུས་ཀྱི་འགལ་རྐྱེན་བྱང་ཆུབ་ལམ་གྱི་གྲོགས་སུ་མཐོང་བའི་སྨོན་ལམ་འདི་ཡང་འཇམ་མགོན་བླ་མའི་གསུང་གི་བཅུད་བསྡུས་ནས། །རྨད་བྱུང་བྱང་ཆུབ་སེམས་ཀྱི་མངའ་བདག་སྙིགས་མ་པ་རྣམས་ཀྱི་གཙུག་གི་ནོར་བུ་རྫོགས་པའི་སངས་རྒྱས་ཞེ་ཆེན་པའི་བཀའ་དྲིན་ལས་ཐེག་པ་ཆེན་པོའི་ལམ་ལ་མོས་པས་ལྷུར་ལེན་པའི་ཀུ་སཱ་ལི་རྒྱལ་བའི་སྲས་པོ་བློ་གྲོས་དྲི་མེད་གཟི་བརྗིད་རབ་ཏུ་དགའ་བའི་དཔལ་གྱིས་བྲིས་ཤིང་ཁ་ཏོན་དུ་བགྱིས་པ་ལྟར་འགྲུབ་པར་གྱུར་ཅིག། +
།ཅེས་བརྗོད་བྱ་དང་རྗོད་བྱེད་གཉིས་ཀ་བཀྲ་ཤིས་པའི་དགེ་མཚན་ཕུན་སུམ་ཚོགས་པའི་རྒྱན་གྱིས་མཛེས་པར་སྤྲས་པའི་སྭ་སྟིའི་དབྱངས་སྙན་མངོན་པར་བསྒྲགས་ཏེ། མི་ཕྱེད་རྩེ་གཅིག་གུས་པས་གསོལ་བ་འདེབས་རྟེན་དགེ་ལེགས་ཀྱི་རེ་ཁཱས་བཀང་བའི་ལྷ་རྫས། སྐུ་གསུང་ཐུགས་རྡོ་རྗེའི་སྣང་བརྙན། བཅས་རབ་ཚེས་དཀར་པོའི་ལོ་སྣྲོན་ཟླ་བའི་དཀར་ཕྱོགས་ཀྱི་ཚེས་བཅུའི་དུས་དགེ་བ་བྱ་བྲལ་ཆོས་རྗེ་ཤཱཀྱའི་བཙུན་པ་འཇམ་དབྱངས་མཁྱེན་བརྩེའི་དབང་པོའམ། རིག་འཛིན་པདྨའི་བྱིན་རླབས་ཆ་ཙམ་དུ་ཐོབ་པ་པདྨ་འོད་གསལ་མདོ་སྔགས་གླིང་པའི་སྡེས་མདོ་ཁམས་སྡེ་དགེའི་མངའ་རིས་རྫོང་གསར་བཀྲ་ཤིས་ལྷ་རྩེའི་ཆོས་གྲྭ་ནས་བསམ་པ་དག་ཅིང་སྦྱོར་བ་གུས་པས་འབུལ་ལམ་ཞུས་པ་དེ་དེ་བཞིན་དུ་འགྲུབ་པར་བྱིན་གྱིས་བརླབ་ཏུ་གསོལ། །སརྦ་དཱ་ཀ་ལྱཱ་ཎཾ་བྷ་བ་ཏུ།། +
མ
།ཞེས་པའང་གསང་སྤྱོད་མཁའ་འགྲོའི་སྙན་བརྒྱུད་ཀྱི་གསུང་རྡོ་རྗེ་ལོངས་སྐུའི་ཁྲིད་ཀྱི་མཇུག་མཐུད་དུ། འཇམ་དབྱངས་ཆོས་ཀྱི་བློ་གྲོས་པས་ཕག་ནག་གི་རྫོགས་རིམ་སོགས་ལས་བཏུས་ཏེ་བྲིས་པ་དགེའོ།། +
།ཞེས་པའང་སྔ་སོར་དགེ་སློང་ཚེ་རིང་ཕུན་ཚོགས་ནས་ནན་ཏན་དུ་བསྐུལ་ཞིང་། ཉེ་ཆར་ལམ་འདི་ལ་མཆོག་ཏུ་དད་པ་བརྟན་པ་རི་ཀེད་བྱ་བྲལ་བ་གཞན་ཕན་ཐུགས་རྗེའི་མྱུ་གུས་གསུང་གི་སྐུལ་བས་མཚམས་སྦྱར་ཏེ། རིག་འཛིན་གྱི་བཙུན་པ་པདྨ་ཡེ་ཤེས་རྡོ་རྗེས་ཤིང་བྱ་མགོ་ཟླ་སྔ་མའི་ཚེས་ཉེར་ལྔ་ལ་སྨྲས་རིམ་བཞིན་དུ་བསྐུལ་བ་པོ་ཉིད་ཀྱིས་ཡི་གེར་བྲིས་པ་འདིས་ཀྱང་གསང་སྤྱོད་སྙན་བརྒྱུད་ཀྱི་བསྟན་པ་རིན་པོ་ཆེ་ཕྱོགས་དུས་གནས་སྐབས་ཀུན་ཏུ་དར་ཞིང་རྒྱས་པའི་རྒྱུར་གྱུར་ཅིག །།། +
།ཅེས་པའང་གཤོངས་ཆེན་རི་ཁྲོད་པས་མཛད་པའི་ཕྱིན་དྲུག་གི་རྣམ་བཤད་ཀྱི་ཤེས་རབ་ཕར་ཕྱིན་མཛད་འཕྲོ་ལུས་པ་དད་སློབ་ཚེ་རིང་ཕུན་ཚོགས་ནས་སྔ་རྗེས་ནན་ཏན་ཆེན་པོས་བསྐུལ་ངོར་འཇམ་དབྱངས་ཆོས་ཀྱི་བློ་གྲོས་པས་ཆུ་ལུག་ཟླ་ཚེས་ལ་རྗེ་གྲུབ་ཐོབ་ཆེན་པོ་དངོས་དང་དབྱེར་མི་ཕྱེད་པ་ཀུན་མཁྱེན་རྡོ་རྗེ་གཟི་བརྗིད་ཀྱི་གཟིམ་སྐྱིལ་དུ་བྲིས་པ་ཉེས་འགལ་མཆིས་ན་བླ་མ་ཌཱ་ཀིར་བཤགས་ཤིང་དགེ་བས་སེམས་ཅན་ཐམས་ཅད་བླ་མ་རྡོ་རྗེ་རྣལ་འབྱོར་མས་རྗེས་སུ་འཛིན་བའི་རྒྱུར་གྱུར་ཅིག །སརྦ་མངྒ་ལཾ།། +
མ་གཅིག་གྲུབ་པའི་རྒྱལ་མོ་ནས་བརྒྱུད་པའི་ཚེ་དཔག་མེད་དཀར་པོའི་སྒྲུབ་ཐབས་དབང་ཆོག་མན་ངག་དང་བཅས་པ་བདུད་རྩིའི་བུམ་བཟང་། +
།ཅེས་པའང་རྩ་བའི་ཡི་གེ་དང་། གཞུང་རྙིང་པ་གཞན་དང་། བླ་མ་ཕྱི་མའི་ཕྱག་གཞེས་ཀྱི་ཡིག་ཆ་རྣམས་ཀྱི་དགོངས་དོན་མདོ་ཙམ་དུ་བཏུས་ཏེ། དོན་ཚང་འཇུག་བདེ་སྙིང་པོར་དྲིལ་བའི་ཚུལ་གྱིས། བྱ་བྲལ་བ་འཇམ་དབྱངས་བླ་མ་དགྱེས་པའི་འབངས་མཁྱེན་བརྩེའི་དབང་པོས་སྦྱར་བ་དགེ་ལེགས་མཆོག་ཏུ་གྱུར་ཅིག། །སརྦ་དཱ་ཀ་ལྱཱ་ཎཾ་སིདྡྷི་རསྟུ།། +
།ཞེས་བླ་མ་བདེ་མཆོག་འཁོར་ལོའི་བཀའ་སྲུང་དུ་ཉེར་མཁོའི་དབང་གིས་འབྲུག་སྤུངས་ཐང་བདེ་ཆེན་ཕོ་བྲང་དུ་མངྒ་ལ་ཤྲཱི་བྷཱུ་ཏིས་བྲིས་པ་ཕྲིན་ལས་འདོད་དགུའི་དཔལ་དུ་གྱུར་ཅིག །སརྦ་མངྒ་ལཾ། དགེའོ།། +
།ཞེས་བླ་མ་བདེ་མཆོག་འཁོར་ལོའི་བཀའ་སྲུང་དུ་ཉེར་མཁོའི་དབང་གིས་འབྲུག་སྤུངས་ཐང་བདེ་ཆེན་ཕོ་བྲང་དུ་མངྒ་ལ་ཤྲཱི་བྷཱུ་ཏིས་བྲིས་པ་ཕྲིན་ལས་འདོད་དགུའི་དཔལ་དུ་གྱུར་ཅིག །སརྦ་མངྒ་ལཾ། དགེའོ།། +
།ཅེས་པའང་མེ་སྤྲེལ་ས་ག་ཟླ་བའི་དཀར་ཕྱོགས་ཀྱི་རྫོགས་པ་གཉིས་པར་ཡེ་ཤེས་ཌཱ་ཀི་དགྱེས་པའི་དགའ་ཚལ་ཟངས་རི་མཁར་དམར་གྱི་འདྲ་ཞལ་རིན་པོ་ཆེའི་མདུན་དུ་གཅོད་ཡུལ་མོས་པ་ལམ་དུ་བྱེད་པོ་འཇམ་དབྱངས་ཆོས་ཀྱི་བློ་གྲོས་སམ། པདྨ་ཡེ་ཤེས་རྡོ་རྗེས་གསོལ་བ་བཏབ་པ་འདིས་ཀྱང་ཡུམ་ཆེན་ཤེར་ཕྱིན་གྱི་དགོངས་དོན་མངོན་སུམ་རྟོགས་པའི་རྒྱུར་བྱིན་གྱིས་བརླབ་ཏུ་གསོལ། སརྦ་དཱ་མངྒ་ལཾ། ། +
།དཔལ་སྤྲུལ་མིང་པས་སྨྲས་སོ། +
།ཅེས་པའང་བྱ་ལོ་ཧོར་ཟླ་༦པའི་ཚེས་༢༣ལ་བྲོ་ནད་འཚལ་བ་དང་། དུས་ཀྱི་རྒུད་པ་སྣ་ཚོགས་པའི་རྐྱེན་གྱིས་ཡིད་སྐྱོ་དུང་ངེེ་བའི་ངང་ནས་ཚིག་དེ་སྐད་ཐོལ་བྱུང་དུ་ཐལ་ལོ།། +
།ཅེས་རབ་བྱུང་བཅུ་དྲུག་པའི་བྱེ་བྲག་ཆུ་གླང་སྨིན་དྲུག་ཟླ་བར་ལྷོ་འབྲུག་སྤ་གྲོ་སྐྱེར་ཆུའི་མཐའ་འདུལ་གྱི་གཙུག་ལག་ཁང་དུ་བསྟན་འགྲོའི་སྤྱིའི་ཞབས་རིམ་གཡུལ་མདོས་བདུད་དཔུང་ཟིལ་གནོན་ལག་ལེན་བགྱིས་སྐབས་འབྲུག་གི་རྒྱལ་ས་ལྟེ་བ་བཀྲ་ཤིས་ཆོས་རྫོང་མངའ་བདག་ཆོས་རྒྱལ་ཆེན་པོའི་ཟིམ་སྦུག་བདུད་དཔུང་ཟིལ་གནོན་དུ་རྟེན་མདོས་གསར་ཚུགས་ཀྱིས་ལོ་བསྟར་ཁ་གསོས་དགོས་ཞེས། ལྷ་སྲས་མི་ཡིས་ཚངས་པ་འཇིགས་མེད་སེང་གེ་དབང་ཕྱུག་དང་རྒྱལ་ཡུམ་སྐལ་བཟང་ཆོས་སྒྲོན་ཡུམ་སྲས་ཀྱིས་བཀས་བསྐུལ་བ་དང༌། ཀུན་མཁྱེན་དངོས་སློབ་འཇིགས་མེད་ཀུན་གྲོལ་གྱི་གདན་ས་ཡོངས་ལ་དགོན་གྱི་མ་མགོན་རྟེན་མདོས་ཁ་གསོས་ལའང་འདི་ལྟར་ཉེར་མཁོར་གྱུར་ཅིང་མཁྱེན་རྟོགས་རྨད་བྱུང་བླ་མ་རིན་ཆེན་བསོད་ནམས་བཟང་པོ་དང༌། བུམ་ཐང་ཐར་པ་གླིང་ཆོས་བྲག་བླ་མ་བཀྲ་ཤིས་རྒྱལ་མཚན་རྣམས་ནས་ཀྱང་བསྐུལ་མ་གནང་བ་བཞིན་རིག་འཛིན་འཇིགས་མེད་གླིང་པའི་དངོས་སློབ་འཇིགས་མེད་བློ་གསལ་གྱི་མ་མགོན་གཡུལ་མདོས་འདོན་ཟིན་ལྟར་སེམས་ལ་གང་ངེས་སྔགས་བན་རྒན་པོ་ཉམས་ཆུང་ཡས་གླུད་ལ་དགའ་བ་འཇིགས་མེད་མཁྱེན་བརྩེའི་འོད་ཟེར་ཕྲིན་ལས་རོལ་པ་རྩལ་གྱིས་རང་གནས་བཀྲ་ཤིས་དགའ་འཁྱིལ་དུ་བྲིས་པ་བསྟན་འགྲོའི་དཔལ་གྱི་རུ་མཚོན་ཕྱོགས་ལས་རྣམ་པར་རྒྱལ་བའི་དགའ་སྟོན་དུ་གྱུར་ཅིག །། +
མ་གཅིག་བལ་མོ་ནག་མོ་ཡི། །གསོལ་མཆོད་ཕྲིན་ལས་ལྷུན་འགྲུབ་འདི། །དཔའ་བོ་ཡེ་ཤེས་རྡོ་རྗེ་ཡིས། །ཐོལ་བྱུང་ཤར་བཞིན་ཐོགས་མེད་སྤེལ།། །། +
ཅེས་མཁྱེན་སྤྲུལ་པས་སྨོན་པ་དགེ་ལེགས་འཕེལ།། །།སྭསྟི། དུས་གསུམ་གཟིགས་པ་སྟོན་པ་མཆོག་དེ་ཡིས། །འབྱུང་འགྱུར་ལུང་བསྟན་གསལ་བར་གསུངས་པ་རྣམས། །རྡོ་རྗེ་འཆང་དངོས་ཆོས྄༵་ཀྱ྄ི༷་བླ྄ོ༷་གྲོས྄༵་ཀྱིས། །སྙིགས་དུས་འགྲོ་ལ་བརྩེ་བས་ཕྱོགས་བསྡུས་མཛད། །བསྟན་འགྲོར་ལྷག་བསམ་གཅིག་ཏུ་དཀར་བ་ཡི། །དད་ཅིང་གུས་པས་འདི་སྒྲུབ་འགྲོ་བ་ཀུན། །གནས་སྐབས་འཇིགས་ཆེན་བཅུ་ལས་རབ་གྲོལ་ནས། །མཐར་ཐུག་རྣམ་མཁྱེན་གོ་འཕང་མྱུར་ཐོབ་ཤོག །མངྒ་ལཾ།། +
ཅེས་པའང་མཚོ་སྐྱེས་བླ་མའི་འབང་གི་ཐ་ཤལ་ཆོས་ཀྱི་བློ་གྲོས་པས་ཕྱི་རོལ་ཡུལ་གྱི་སྣང་བ་བདེ་བས་རྐྱེན་བྱས་ཏེ་ཨོ་རྒྱན་བླ་མ་དད་པའི་ཡིད་མཁར་དྲན་པའི་མོད་ལ་ཤུགས་འབྱུང་གསོལ་བ་བཏབ་པ་འདིས་ཀྱང་གུ་རུའི་གསང་བ་གསུམ་གྱི་བྱིན་རླབས་བདག་གཞན་རྣམས་ཀྱི་རྒྱུད་ལ་མྱུར་དུ་འཇུག་པའི་རྒྱུར་གྱུར་ཅིག །སརྦ་སིདྡྷི་རསྟུ།། +
།ཅེས་ཨོ་རྒྱན་རྡོ་རྗེ་འཆང་ལ་བསྟོད་གསོལ་སྨོན་ལམ་དུ་བྱས་པ་འདི་ཡང་ས་ཕོ་བྱི་བའི་ལོ་རྒྱལ་གྱི་ཟླ་བའི་ཚེས་༡བཟང་པོར་དད་ཅིང་གུས་པས་གསོལ་བ་འདེབས་པོ་འཇམ་དབྱངས་ཆོས་ཀྱི་བློ་གྲོས་ཀུན་དགའ་ཕྲིན་ལས་རྒྱ་མཚོའི་དད་ཅིང་གུས་པས་སུག་བྲིས་སུ་བགྱིས་པ་འདིས་རང་གཞན་ཐམས་ཅད་བར་ཆད་ཞི་ཤིང་བསམ་སྦྱོར་ཆོས་མཐུན་ཡིད་བཞིན་དུ་འགྲུབ་པ་དང་ཨོ་རྒྱན་རྡོ་རྗེ་འཆང་གི་བྱིན་བརླབས་སྙིང་ལ་སིམ་པའི་རྒྱུར་ངེས་པར་བྱིན་གྱིས་བརླབས་ཏུ་གསོལ། ཤུ་བྷ་མསྟུ་སརྦ་ཛག་ཏཾ། ། +
