JKW-KABUM-10-THA-008-002

Previous Text Back to Volume PageLast text in section.

བློ་སྦྱོང་དོན་བདུན་མའི་གསོལ་འདེབས་ཡིད་ཀྱི་བདུད་རྩི།

Wylie title	blo sbyong don bdun ma'i gsol 'debs yid kyi bdud rtsi
Location	mkhyen brtse'i bka' 'bum Volume 10, sde tshan 8, Text 2, Pages 550-551 (Folios 16b3 to 17a6)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Source Author(s)	འཆད་ཁ་བ་ ('chad kha ba)
Citation	'jam dbyangs mkhyen brtse'i dbang po. blo sbyong don bdun ma'i gsol 'debs yid kyi bdud rtsi. In 'jam dbyangs mkhyen brtse'i dbang po'i bka' 'bum, Vol. 10: 550-551. Khams sde dge rdzong sar dgon: Rdzong sar blo gros phun tshogs, 2020.
Genre	Mind Training Texts - blo sbyong  ·  Supplications - gsol 'debs
Lotsawa House Link	https://www.lotsawahouse.org/tibetan-masters/jamyang-khyentse-wangpo/ambrosia
Colophon	།ཅེས་པའང་སྐྱིད་ཤོད་སྙེ་ཐང་གི་དཔལ་ལྡན་ཨ་ཏི་ཤའི་སྐུ་འདྲ་རིན་པོ་ཆེའི་དྲུང་དུ་རྩེ་གཅིག་གསོལ་བ་འདེབས་པ་པོ་ནི། རྒྱལ་ཁམས་ཉུལ་པའི་བྱ་བྲལ་བ་བཀའ་གདམས་རིན་པོ་ཆེའི་རིང་ལུགས་ལ་མཆོག་ཏུ་གུས་པ་འཇམ་དབྱངས་མཁྱེན་བརྩེའི་དབང་པོ་སྟེ། དེ་དེ་བཞིན་དུ་འགྲུབ་པར་བྱིན་གྱིས་བརླབ་ཏུ་གསོལ།།
	ces pa'ang skyid shod snye thang gi dpal ldan a ti sha'i sku 'dra rin po che'i drung du rtse gcig gsol ba 'debs pa po ni/__rgyal khams nyul pa'i bya bral ba bka' gdams rin po che'i ring lugs la mchog tu gus pa 'jam dbyangs mkhyen brtse'i dbang po ste/__de de bzhin du 'grub par byin gyis brlab tu gsol

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

བློ་སྦྱོང་དོན་བདུན་མའི་གསོལ་འདེབས་ཡིད་ཀྱི་བདུད་རྩི་ཞེས་བྱ་བ་བཞུགས་སོ། །སྲིད་ཞིའི་ཡོན་ཏན་ཀུན་གྱི་འབྱུང་གནས། །ཐེག་མཆོག་དགེ་བའི་བཤེས་ལ་འདུད་དོ། །དད་པ་གསུམ་གྱིས་བློ་རྒྱུད་དག་པར། །རྗེ་བཙུན་བླ་མས་བྱིན་གྱིས་རློབས་ཤིག །དལ་འབྱོར་རྙེད་དཀའ་འཇིག་སླར་ཤེས་པས། །ལས་འབྲས་བླང་དོར་ཚུལ་བཞིན་བརྩོན་ཅིང་། །བཅོས་མིན་ངེས་འབྱུང་སྔོན་འགྲོ་འབྱོངས་པར། །རྗེ་བཙུན་བླ་མས་བྱིན་གྱིས་རློབས་ཤིག །གཟུང་འཛིན་བདེན་མེད་དབྱིངས་སུ་སྦྱངས་ཏེ། །བདག་གཞན་བདེ་སྡུག་གཏོང་ལེན་ཟབ་མོའི། །བྱང་ཆུབ་སེམས་གཉིས་རྟག་ཏུ་བསྒོམ་པར། །རྗེ་བཙུན་བླ་མས་བྱིན་གྱིས་རློབས་ཤིག །རྐྱེན་ངན་སྡུག་བསྔལ་ཇི་ལྟར་བྱུང་ཡང་། །བདག་འཛིན་འགོང་པོའི་འཁྲུལ་དུ་མཐོང་ནས། །བྱང་ཆུབ་སེམས་ཀྱིས་ལམ་དུ་ཁྱེར་བར། །རྗེ་བཙུན་བླ་མས་བྱིན་གྱིས་རློབས་ཤིག །བསམ་སྦྱོར་དག་པས་ཚོགས་བསགས་སྒྲིབ་སྦྱོང་། །སྨོན་ལམ་དང་བཅས་སྟོབས་ལྔ་ལྡན་པའི། །ཚེ་གཅིག་ཉམས་ལེན་སྙིང་པོར་དྲིལ་བར། །རྗེ་བཙུན་བླ་མས་བྱིན་གྱིས་རློབས་ཤིག །ཆོས་ཀུན་བདག་འཛིན་གཉེན་པོར་འཆར་ཞིང་། །རང་སེམས་དབང་ཐུབ་ཡིད་བདེའི་གདིང་གིས། །འགལ་རྐྱེན་ཐམས་ཅད་ལམ་དུ་ལོངས་པར། །རྗེ་བཙུན་བླ་མས་བྱིན་གྱིས་རློབས་ཤིག །ཁས་བླངས་དོན་ལྡན་ཚུལ་འཆོས་དང་བྲལ། །ཕྱོགས་རིས་མེད་པར་མངོན་ཚན་ཆུང་དུས། །བློ་སྦྱོང་དམ་ཚིག་སྲོག་བཞིན་སྲུང་བར། །རྗེ་བཙུན་བླ་མས་བྱིན་གྱིས་རློབས་ཤིག །མདོར་ན་བྱང་ཆུབ་སེམས་གཉིས་འཕེལ་བའི། །བསླབ་བྱ་ཐམས་ཅད་ཚུལ་བཞིན་སློབ་པས། །ཚེ་འདིར་ཐེག་མཆོག་བཟོད་པ་ཐོབ་པར། །རྗེ་བཙུན་བླ་མས་བྱིན་གྱིས་རློབས་ཤིག །མཉམ་མེད་ཇོ་བོ་ཡབ་སྲས་ཐུགས་བཅུད། །དོན་ཚན་བདུན་ལྡན་བློ་སྦྱོང་ཚུལ་ལ། །སྙིང་ནས་སྨོན་པའི་ལེགས་བྱས་འདིས་ཀྱང་། །འགྲོ་ཀུན་བྱང་ཆུབ་ཐོབ་པར་ཤོག་ཅིག །ཅེས་པའང་སྐྱིད་ཤོད་སྙེ་ཐང་གི་དཔལ་ལྡན་ཨ་ཏི་ཤའི་སྐུ་འདྲ་རིན་པོ་ཆེའི་དྲུང་དུ་རྩེ་གཅིག་གསོལ་བ་འདེབས་པ་པོ་ནི། རྒྱལ་ཁམས་ཉུལ་པའི་བྱ་བྲལ་བ་བཀའ་གདམས་རིན་པོ་ཆེའི་རིང་ལུགས་ལ་མཆོག་ཏུ་གུས་པ་འཇམ་དབྱངས་མཁྱེན་བརྩེའི་དབང་པོ་སྟེ། དེ་དེ་བཞིན་དུ་འགྲུབ་པར་བྱིན་གྱིས་བརླབ་ཏུ་གསོལ།། །།

[edit]

blo sbyong don bdun ma'i gsol 'debs yid kyi bdud rtsi/ blo sbyong don bdun ma'i gsol 'debs yid kyi bdud rtsi zhes bya ba bzhugs so/__/srid zhi'i yon tan kun gyi 'byung gnas/__/theg mchog dge ba'i bshes la 'dud do/__/dad pa gsum gyis blo rgyud dag par/__/rje btsun bla mas byin gyis rlobs shig__/dal 'byor rnyed dka' 'jig slar shes pas/__/las 'bras blang dor tshul bzhin brtson cing /__/bcos min nges 'byung sngon 'gro 'byongs par/__/rje btsun bla mas byin gyis rlobs shig__/gzung 'dzin bden med dbyings su sbyangs te/__/bdag gzhan bde sdug gtong len zab mo'i/__/byang chub sems gnyis rtag tu bsgom par/__/rje btsun bla mas byin gyis rlobs shig__/rkyen ngan sdug bsngal ji ltar byung yang /__/bdag 'dzin 'gong po'i 'khrul du mthong nas/__/byang chub sems kyis lam du khyer bar/__/rje btsun bla mas byin gyis rlobs shig__/bsam sbyor dag pas tshogs bsags sgrib sbyong /__/smon lam dang bcas stobs lnga ldan pa'i/__/tshe gcig nyams len snying por dril bar/__/rje btsun bla mas byin gyis rlobs shig__/chos kun bdag 'dzin gnyen por 'char zhing /__/rang sems dbang thub yid bde'i gding gis/__/'gal rkyen thams cad lam du longs par/__/rje btsun bla mas byin gyis rlobs shig__/khas blangs don ldan tshul 'chos dang bral/__/phyogs ris med par mngon tshan chung dus/__/blo sbyong dam tshig srog bzhin srung bar/__/rje btsun bla mas byin gyis rlobs shig__/mdor na byang chub sems gnyis 'phel ba'i/__/bslab bya thams cad tshul bzhin slob pas/__/tshe 'dir theg mchog bzod pa thob par/__/rje btsun bla mas byin gyis rlobs shig__/mnyam med jo bo yab sras thugs bcud/_/don tshan bdun ldan blo sbyong tshul la/__/snying nas smon pa'i legs byas 'dis kyang /__/'gro kun byang chub thob par shog cig__/ces pa'ang skyid shod snye thang gi dpal ldan a ti sha'i sku 'dra rin po che'i drung du rtse gcig gsol ba 'debs pa po ni/__rgyal khams nyul pa'i bya bral ba bka' gdams rin po che'i ring lugs la mchog tu gus pa 'jam dbyangs mkhyen brtse'i dbang po ste/__de de bzhin du 'grub par byin gyis brlab tu gsol//__//