Property:colophontib
From Khyentse Lineage - A Tsadra Foundation Project
This is a property of type Text.
བ
།ཞེས་པའང་ལྷག་པའི་ལྷ་འདི་ཉིད་ལ་མི་ཕྱེད་པའི་དད་པ་དང་ལྡན་པ་འཁོས་མེད་ཀྱི་བྱ་བྲལ་བ་འཇམ་དབྱངས་མཁྱེན་བརྩེའི་དབང་པོས་རྒྱ་གཞུང་དང་། ས་བཟང་མ་ཏི་པཎ་ཆེན་གྱི་གསུང་རབ་སོགས་ཡིག་རྙིང་འགའ་ཞིག་གི་སྙིང་པོ་མདོར་བསྡུས་ཏེ་སྦྱར་བ་དགེ་ལེགས་ཀྱི་སྣང་བས་འཇིག་རྟེན་གསུམ་ན་ཡོངས་སུ་ཁྱབ་པའི་རྒྱུར་གྱུར་ཅིག། +
།ཞེས་ཕུར་བུ་ས་སྤྲེལ་ལོའི་སྤྲེལ་ཟླའི་དཀར་ཕྱོགས་ཀྱི་ཚེས་བཅུར་ཚོགས་ཀྱི་མཆོད་པ་བརྡ་མཚོན་ཙམ་བགྱིས་པའི་སྐབས། གྲུབ་པའི་སློབ་དཔོན་མཚོ་སྐྱེས་རྡོ་རྗེའི་བྱིན་རླབས་ལས་རང་ཤར་བའི་ཚུལ་གྱིས་རྣལ་འབྱོར་པ་མཁྱེན་བརྩེའི་དབང་པོས་སོ། +
སྙིགས་མའི་མགོ་སྐོར་སྤྲང་དྲེད་པོཿ སྨྱོན་པའི་ཡང་མཐའ་ལས་ངན་པོཿ བྲག་འཐུང་བདུད་འདུལ་རྡོ་རྗེ་ཡིས༔ ཕྱི་ནང་གསང་བའི་གཉིས་འཛིན་གཅོདཿ ལོ་གསུམ་ཟླ་དྲུག་ས་མཐའ་ཉུལཿ མི་མིན་འབྱུང་པོས་སྲོག་སྙིང་ཕུལཿ རང་རང་གཟུགས་སྟོན་དམ་བོར་དུཿ བཀའ་འབུམ་ནང་བཞིན་མ་ནོར་བྲིསཿ དགེ་བའི་བསྟན་པ་རྒྱས་བྱེད་ཤོགཿ དགེའོཿ +
།ཅེས་པ་འདི་ནི་ཤིང་ལུག་ཟླ་བ་ལྔ་པའི་ཚེས་ལ་བོད་ཁམས་བསྟན་འགྲོ་བདེ་བའི་སྨོན་འདུན་བགྱིས་སྐབས་ལ་འཇམ་དབྱངས་ཆོས་ཀྱི་བློ་གྲོས་པས་རྫོང་གསར་བཀྲ་ཤིས་ལྷ་རྩེ་ནས་བྲིས་པའོ།། །།སརྦ་མངྒ་ལཾ།། +
།ཅེས་པའང་ཤིང་ཁྱི་སྣྲོན་ཟླའི་ཚེས་བརྒྱད་ལ་འོག་མིན་གཉིས་པ་ཀཿཐོག་གི་གཙུག་ལག་ཁང་ཆེན་པོར་འཇམ་དབྱངས་བློ་གྲོས་རྒྱ་མཚོས་གསོལ་བ་བཏབ་པ་བཞིན་འགྲུབ་པར་གྱུར་ཅིག །མངྒ་ལཾ།། +
།ཅེས་པའང་སྨིན་ཟླའི་ཚེས་༣ལ་གསང་སྔགས་སྟོང་གི་ཡང་རྩེར་འཇམ་དབྱངས་བློ་གྲོས་རྒྱ་མཚོ་དཔལ་བཟང་པོས་གསོལ་བ་བཏབ་པ་འཇིག་རྟེན་གསུམ་ན་དགེ་ལེགས་ཀྱི་སྣང་བ་ཆེན་པོས་ཁྱབ་པར་གྱུར་ཅིག །ཤུ་བྷཾ།། +
གསང་བའི་བཀའ་སྲུང་དཔལ་སྟེར་མའིཿ མཆོད་སྒྲུབ་བཅུད་བསྡུས་སྙིང་པོ་འདིཿ བདག་འདྲ་ཨ་ཙར་དམར་པོ་ཡིསཿ རང་གཞན་དོན་དུ་ཕབ་པའོཿ ས་མ་ཡཱཿ རྒྱ་རྒྱ་རྒྱཿ གུ་ཧྱཿ བཀྲ་ཤིས་དཔལ་འབར་བདེ་སྐྱིད་ལྡན་པར་ཤོགཿ +
* '''First colophon:''' །ཅེས་པའང་ལང་ཚོ་རྣམ་པར་སྨིན་པ་རྒན་པོ་བཀྲ་ཤིས་དཔལ་འབྱོར་དོན་ཀུན་གྲུབ་པའི་སྡེས་བསྟན་སྲུང་ཆེན་པོ་ལ་ཕྲིན་ལས་གསོལ་བའི་དོན་དུ་སུག་བྲིས་སུ་བགྱིས་པ་འོད་གསལ་རྫོགས་པ་ཆེན་པོའི་བསྟན་དང་བསྟན་འཛིན་གྱི་དཔུང་གཉེན་དུ་གྱུར་ཅིག།
* '''Second colophon:''' །ཅེས་པའང་གཞན་ཕན་ལྷག་བསམ་གྱི་གཡར་དམ་འཆང་བ་མངྒ་ལས་བྲིས་པ་འདོད་པའི་དོན་ཀུན་འགྲུབ་པའི་རྒྱུར་གྱུར་ཅིག།
+
བསྟན་སྲུང་མ་ཧཱ་ཀཱ་ལའི་ཆོས་སྐོར་གྱི་བརྒྱུད་འདེབས་དཀོན་མཆོག་ལྷུན་གྲུབ་ཀྱི་གསུང་ཞལ་སྐོང་དང་བཅས་པའི་འཕྲོ་མཐུད། +
།དེ་ལྟར་དཔལ་ཨེ་ཝཾ་པའི་ཆོས་སྤྱོད་དང་ཆོ་ག་ཉེར་མཁོ་འགའ་ཞིག་གི་བརྒྱུད་འདེབས་ཀྱི་ཞལ་སྐོང་འདི་ཡང་། །ཐར་རྩེ་མཁན་ཆེན་རྡོ་རྗེ་འཆང་བྱམས་པ་ཀུན་དགའ་བསྟན་འཛིན་དང་། རྡོ་རྗེ་འཆང་རྣལ་འབྱོར་འཇམ་དཔལ་བཟང་པོ་གཙོ་བོར་གྱུར་པའི་ཡོངས་འཛིན་དམ་པ་རྣམས་ལས་ཆོས་སྐོར་འདི་རྣམས་ཀྱི་བཀའ་དྲིན་མང་དུ་ཐོས་པའི་རྒྱལ་ཁམས་ཀྱི་བྱ་བྲལ་བ་འཇམ་དབྱངས་མཁྱེན་བརྩེའི་དབང་པོས། སྔ་ཕྱི་ཅི་རིགས་པར་བྲིས་པ་རྣམས་སླར་ཡང་ཕྱོགས་གཅིག་ཏུ་སྡེབས་པ་སྟེ། དགེ་བས་བདག་གཞན་གྱི་རྒྱུད་ལ་རྩ་བརྒྱུད་བླ་མ་དམ་པ་རྣམས་ཀྱི་ཡེ་ཤེས་གཟིགས་པའི་བྱིན་རླབས་མྱུར་དུ་འཇུག་པའི་རྒྱུར་གྱུར་ཅིག །སརྦ་དཱ་མངྒ་ལཾ་བྷ་བ་ཏུ། +
།ཞེས་པའང་རྒྱ་མཚོའི་མཐར་གནས་པའི་གྲོང་ཁྱེར་ཀུན་ཏུ་རྒྱུ་བའི་ཚེ་སྲུང་མའི་དབང་པོ་དག་ལ་བསྟོད་ཚོགས་རྒྱ་ཆེར་མ་འབྱོར་བའི་ནོངས་བཤགས་དང༌། གནམ་ལོ་གསར་འཆར་གྱི་དགའ་སྟོན་དུ་སྔགས་ཀྱི་རྣལ་འབྱོར་པའི་རྟགས་ཙམ་འཛིན་པའི་རྒན་པོ་འགྱུར་མེད་ཐེག་མཆོག་བསྟན་པའི་རྒྱལ་མཚན་གྱིས་མེ་འབྲུག་རྟ་ཟླའི་ཚེས་ཉེར་དགུ་ལ་ཨ་རི་བྷི་ན་ཌར་བྲིས་པ་བསྟན་འགྲོའི་དཔལ་ཡོན་རྒྱས་པའི་རྒྱུར་གྱུར་ཅིག། +
།དེ་ལྟར་ཨཽཌྜཱི་ཡཱ་ནའི་ས་སྤྱོད་དབང་པོའི་བློས་ལེགས་པར་བཀྲལ་བའི་རྗེ་བཙུན་རྡོ་རྗེ་རྣལ་འབྱོར་མ་ལ་བསྟོད་ཅིང་གསོལ་བ་གདབ་པ་མཁའ་སྤྱོད་ཌཱ་ཀྐི་དགྱེས་པའི་རོལ་མོ་ཞེས་བྱ་བ་འདི་ཡང་གཙུག་ལག་དུ་མར་གཟིགས་པའི་སྤྱན་ཡངས་བླ་མ་དམ་པ་ཝཱ་གིནྡྲ་སུ་སིདྡྷིའི་བཀས་བསྐུལ་བ་ལས། ཀུན་རྨོངས་དཱ་རི་དྲ་པ་ཚངས་སྲས་དགྱེས་པའི་བློ་ལྡན་དུ་འབོད་པས་ཡོན་ཏན་རིན་པོ་ཆེ་དུ་མའི་འབྱུང་གནས་དཔལ་ཨེ་ཝཾ་ཆོས་ལྡན་གྱི་བླ་བྲང་ཐར་པ་རྩེར་སྦྱར་བ་ཛ་ཡནྟུ།། +
།ཅེས་པའང་ཆོས་ཀྱི་བློ་གྲོས་པས་གཞོན་ནུའི་དུས་སུ་བྲིས་པ་དགེ། +
།ཅེས་པའང་འཕྲུལ་ཆེན་སྤར་གྱི་རིག་བྱེད་འཛིན་པ་དགེ་སྦྱོང་ཀརྨ་ལེགས་ལྡན་དབང་པོ་ནས་བཀྲ་ཤིས་པའི་ལྷ་རྫས། རིན་ཆེན་གཉིས་པའི་མེ་ཏོག །དཔལ་ཀྱེ་རྡོ་རྗེའི་སྒྲུབ་པའི་ཐབས་ཀྱི་གླེགས་བུ་གསུམ་བཅས་མཎྜལ་དུ་ཕུལ་ནས་འདི་ལྟ་བུ་ཞིག་དགོས་ཞེས་ཆེད་དུ་བསྐུལ་ངོར། འཇམ་དབྱངས་བླ་མ་དགྱེས་པའི་འབངས་མཁྱེན་བརྩེའི་དབང་པོས་བྲིས་ཏེ་སྨོན་ལམ་དུ་བཏབ་པ་དེ་དེ་བཞིན་དུ་འགྲུབ་པར་བླ་མ་རྒྱལ་བ་སྲས་དང་བཅས་པས་བྱིན་གྱིས་བརླབ་ཏུ་གསོལ། །སརྦ་དྭ་ཤྲེ་ཡོ་བྷ་བ་ཏུ།། +
།ཞེས་རྩེ་གཅིག་པའི་ཡིད་ཀྱི་ཞུ་མཚོན་ལྷ་རེག །རྣམ་སྣང་ལོ་ཙཱ་བའི་སྤྲུལ་པའི་སྐུ་སྔ་ཕྱིས་ལེགས་པར་བསྒྲུབས་པའི་སྙིང་ཏིག་གི་གླེགས་བམ་མྱོང་གྲོལ་གྱི་དམ་རྫས་བཅས་རས་སྲབ་མོས་ལྕིབས་ཏེ་རབ་མྱོས་ཆོ་འཕྲུལ་ཟླ་བའི་ཤར་ཕྱོགས་ཀྱི་རྒྱལ་བ་དང་པོའི་ཚེས་དགེ་བར་བྱ་བྲལ་བ་འཇམ་དབྱངས་མཁྱེན་བརྩེས་གུས་ཕུལ་དགེ་ཞིང་བཀྲ་ཤིས +
།ཅེས་པའང་མེ་ཏོག་གི་ཚོགས་སད་ཀྱིས་ཁྱེར་བ་ན་མི་རྟག་དྲན་པས་སྐྱོ་གླུ་བྲིས་པའོ།། +
།ཅེས་པའང་པདྨ་ཡེ་ཤེས་རྡོ་རྗེས་འདི་ཡི་བསྙེན་སྒྲུབ་ལ་གཞོལ་བ་ན་གསོལ་བ་བཏབ་པ་དགེ་ལེགས་སུ་གྱུར་ཅིག ། +
།ཅེས་པའང་ཕྱོགས་མེད་ཀྱི་རྒྱལ་ཁམས་ཉུལ་བའི་བྱ་བྲལ་བ་འཇམ་དབྱངས་མཁྱེན་བརྩེའི་དབང་པོས་ཡོན་ཏན་རིན་པོ་ཆེ་དུ་མའི་འབྱུང་གནས་དཔལ་ས་སྐྱའི་ཆོས་གྲྭར། རྗེ་བཙུན་འཇམ་པའི་དབྱངས་ཀྱིས་བླ་མ་ས་སྐྱ་པ་ཆེན་པོ་ལ་དངོས་སུ་ཞལ་བསྟན་ཅིང་གསུང་གི་གནང་བ་སྩལ་བའི་རང་བྱུང་རྡོ་རྗེའི་བྲག་གི་ཀེའུ་ཚང་དུ་བྲིས་པ་དགེ། +
།ཞེས་པའང་ཀུན་རྨོངས་ད་རི་དྲཱ་སྐལ་བཟང་མཁྱེན་བརྩེའི་མིང་ཅན་གྱིས་དཔལ་ཨེ༷་ཝ༷ྃ་ཆོས་ལྡན་ཐར་པ་ཆེན་པོའི་གྲོང་ཁྱེར་གྱི་རྩེ༷་མོར་སྐད་ཅིག་ལ་གསོལ་བ་བཏབ་པ་སིདྡྷི་རསྟུ།། +
།ཅེས་རྩོད་པའི་དུས་ཀྱི་ཐམས་ཅད་མཁྱེན་པ་བུ་སྟོན་ལོ་ཙཱ་བ་ཆེན་པོ་རིན་ཆེན་གྲུབ་ལ་བསྔགས་པའི་ཚིག་རྒྱན་བདུད་རྩིའི་དབྱངས་སྙན་མངོན་པར་སྒྲོག་པའང་། རྗེ་དེ་ཉིད་ཀྱི་རྣམ་ཐར་ལ་ཤེས་ནས་དད་པ་ཐོབ་པ་བྱ་བྲལ་བ་མཁྱེན་བརྩེའི་མིང་གིས་དཔལ་ཞྭ་ལུ་རི་ཕུག་བྱང་ཆུབ་ཤིང་གི་ནགས་ཁྲོད་དུ་གསོལ་བ་བཏབ་པ་སརྦ་དྭ་ཀ་ལྱཱ་ཎཾ་བྷ་བ་ཏུ།། +
* '''Colophon page 570:''' །ཞེས་པའང་བསྟན་འགྲོ་སྤྱི་ལ་སྨན་འདོད་ཀྱི་ལྷག་བསམ་པུཎྜ་རི་ཀའི་འཁྲི་ཤིང་ལྟར་གཅིག་ཏུ་དཀར་བའི་ཤཱཀྱའི་དགེ་སློང་མཉྫུ་གྷོ་ཥས་གསར་རྙིང་རྒྱུད་སྡེ་རྒྱ་མཚོའི་རིང་ལུགས་དང་མན་ངག་ཟབ་མོ་རྣམས་སྦྱར་ཏེ་ལག་ལེན་གྱི་ཆེད་ཁོ་ནར་བྲིས་པ་འདིས་ཀྱང་སྣོད་བཅུད་རྫོགས་ལྡན་གསར་པའི་དགའ་སྟོན་ལ་ལོངས་སུ་སྤྱོད་པའི་རྒྱུར་གྱུར་ཅིག
+
