འཆི་མེད་པདྨའི་སྙིང་ཐིག་ལས། རྡོ་རྗེ་ཚེ་ཡི་ནང་སྒྲུབ་བཀླགས་ཆོག་ཏུ་བཀོད་པ་འཆི་མེད་པདྨའི་ཕྲེང་བ།

🚧 This website is under continued development. We appreciate your patience!

Previous Text Back to Volume PageNext Text

Wylie title	'chi med pad+ma'i snying thig las/ rdo rje tshe yi nang sgrub bklags chog tu bkod pa 'chi med pad+ma'i phreng ba
Location	dil mgo mkhyen brtse bka' 'bum Volume 18, Text 33, Pages 261-277 (Folios 1a to 17a6)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Tertön	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་ (Khyentse, Dilgo)
Citation	'jam dbyangs mkhyen brtse chos kyi blo gros. 'chi med pad+ma'i snying thig las rdo rje tshe yi nang sgrub bklags chog tu bkod pa 'chi med pad+ma'i phreng ba. In Skyabs rje dil mgo mkhyen brtse rin po che'i bka' 'bum, Vol. 18: 261-277. Delhi: Shechen Publications, 1994.
Genre	Longevity Rituals - tshe sgrub  ·  Sadhanas - Evocation Ritual - sgrub thabs
Cycle	འཆི་མེད་པདྨ་ཚེ་ཡི་སྙིང་ཐིག་ ('chi med pad+ma tshe yi snying thig)
Deity	tshe dpag med
Recension Link	Other Versions on this site: འཆི་མེད་པདྨའི་སྙིང་ཐིག་ལས། རྡོ་རྗེ་ཚེ་ཡི་ནང་སྒྲུབ་བཀླགས་ཆོག་ཏུ་བཀོད་པ་འཆི་མེད་པདྨའི་ཕྲེང་བ།
Colophon	།ཅེས་པའང་ཀུན་གཟིགས་གཏེར་ཆེན་བླ་མའི་བཀའ་ཡིས་རྗེས་སུ་གནང་བ་བཞིན་ཟབ་ཆོས་འདི་ཉིད་ཀྱི་ཐོག་མའི་སྣོད་ལྡན་འཇམ་དབྱངས་བླ་མ་མཁྱེན་བརྩེའི་དབང་པོའི་ཕྲིན་ལས་ཀྱི་བྱེད་པོར་སྨོན་པ་འཇམ་དབྱངས་ཆོས་ཀྱི་བློ་གྲོས་ཚེ་དབང་གྲུབ་པ་རྩལ་གྱིས་བཀྲ་ཤིས་འཆི་མེད་གྲུབ་པའི་དགའ་ཚལ་དུ་བཀླགས་ཆོག་ཏུ་བསྡེབས་པས་འགྲོ་ཀུན་སྐྱེ་འཆིས་གཞོམ་བྲལ་རྡོ་རྗེའི་ཡེ་ཤེས་ཀྱི་སྐུ་བརྙེས་པའི་རྒྱུར་གྱུར་ཅིག།
	/ces pa'ang kun gzigs gter chen bla ma'i bka' yis rjes su gnang ba bzhin zab chos 'di nyid kyi thog ma'i snod ldan 'jam dbyangs bla ma mkhyen brtse'i dbang po'i phrin las kyi byed por smon pa 'jam dbyangs chos kyi blo gros tshe dbang grub pa rtsal gyis bkra shis 'chi med grub pa'i dga' tshal du bklags chog tu bsdebs pas 'gro kun skye 'chis gzhom bral rdo rje'i ye shes kyi sku brnyes pa'i rgyur gyur cig/

Tibetan Text

Wylie

[edit]

༄༅། །འཆི་མེད་པདྨའི་སྙིང་ཐིག་ལས། རྡོ་རྗེ་ཚེ་ཡི་ནང་སྒྲུབ་བཀླགས་ཆོག་ཏུ་བཀོད་པ་འཆི་མེད་པདྨའི་ཕྲེང་བ་ཞེས་བྱ་བ་བཞུགས་སོ།།

༄༅། །ན་མོ་གུ་རུ་ཨ་པ་རི་མི་ཏ་ཡེ། གཞོམ་བྲལ་ཚེ་དང་ཡེ་ཤེས་དཔག་མེད་ཅིང༌། །གཟི་བརྗིད་བཀོད་པའི་རྒྱལ་པོ་ཞེས་གྲགས་པ། །མཚན་ཐོས་ཙམ་གྱིས་དུས་ཀྱི་འཇིགས་འཕྲོག་པའི། རྒྱལ་བ་འོད་སྣང་མཐའ་ཡས་དེ་ལ་འདུད། །གང་དེའི་སྒྲུབ་ཐབས་བྱེ་བ་ཕྲག་བརྒྱ་ཡི། །ཡང་སྙིང་པདྨ་རྒྱལ་པོའི་ཐུགས་ཀྱི་ཐིག །ཤིན་ཏུ་ཟབ་མོ་དགོངས་པའི་གཏེར་བཅུད་ལས། །བྱུང་བའི་ཕྲིན་ལས་བྱང་བུ་བཀླགས་ཆོག་སྤེལ། །དེའང་ཚེ་སྒྲུབ་པདྨའི་སྙིང་ཐིག་གི་ནང་སྒྲུབ་ལྷ་བཅུ་བདུན་མའི་བསྙེན་སྒྲུབ་བྱ་བར་འདོད་པས་དཀྱིལ་འཁོར་འདི་ཉིད་དུ་དབང་ཐོབ་ཅིང་དམ་ཚིག་དང་ལྡན་པས་ར་བ་བཞིའི་ཡར་ངོའི་གཟའ་སྐར་འཕྲོད་སྦྱོར་ལེགས་པར་དམ་ཚིག་གི་བྲིས་སྐུ་སོགས་རྟེན་བཀྲམ་པའི་སྤྱན་སྔར་སྒྲུབ་མཆོད་དབང་བསྐུར་སོགས་དང་འབྲེལ་ན་རས་བྲིས་ཀྱི་དཀྱིལ་འཁོར་གཞུང་མཐུན་ནམ་འབྲུ་ཚོམ་བཀོད་པའི་ཁར་དབང་རྫས་སྒྲུབ་རྟེན་སོགས་འགོད། དཀྱུས་ཙམ་དུ་སྨན་རཀ་གཏོར་མཆོད་སོགས་དང་དཀར་བགེགས་བཤམས་ལ། སྒྲུབ་པ་པོ་བདེ་བའི་སྟན་ལ་འཁོད་དེ་ངེས་འབྱུང་གི་བློ་བསྐྱེད། བྱང་ཆུབ་ཀྱི་སེམས་བསྒོམ་ལ་ཆོ་གའི་ལས་རིམ་ལ་འཇུག་སྟེ། དེ་ལའང་སྔོན་འགྲོ། དངོས་གཞི། རྗེས་ཀྱི་ལས་རིམ་མོ། །སྔོན་འགྲོ་ལ་བརྒྱད་ལས། དང་པོ་སྐྱབས་སུ་འགྲོ་བའི་ཐོག་མར་ཚིག་བདུན་གསོལ་འདེབས་དང༌། མགོན་པོ་ཚེ་དཔག་མེད་ཀྱི་དགོངས་པ་ཡིས༔ སོགས་དང༌། བརྒྱུད་འདེབས་འདོན། བསྙེན་པའི་ཉིན་དང་པོ་དང་སྒྲུབ་པའི་སྐབས། ཞིང་སྐྱོང་གཞི་བདག་ལ་བྱིན་རླབས་སྔོན་དུ་འགྲོ་བས། ཨ་ཀཱ་རོའི་སྔགས་དང༌། གང་དག་འདིར་གནས་ཀྱིས་དཀར་གཏོར་གསེར་སྐྱེམས་སྤྱི་ལྟར་འབུལ། སྐྱབས་འགྲོ་དངོས་ནི། མདུན་གྱི་ནམ་མཁར་བླ་མ་ཚེ་དཔག་མེད་སྐྱབས་ཡུལ་རྒྱ་མཚོའི་ཚོགས་ཀྱིས་བསྐོར་བ་མངོན་སུམ་བཞིན་དུ་བཞུགས་པར་དམིགས་ལ། ན་མོ༔ བདག་ནི་དེང་ནས་བྱང་ཆུབ་བར༔ བླ་མ་དཀོན་མཆོག་རྣམ་གསུམ་ལ༔ མི་ཕྱེད་དད་དང་དང་བའི་བློས༔ རྩེ་གཅིག་གུས་པས་སྐྱབས་སུ་མཆི༔ ཞེས་ལན་གསུམ། གཉིས་པ་སེམས་བསྐྱེད་ནི། དེ་ནས་གཞན་ཕན་མཆོག་གི་བློས༔ སྨོན་དང་འཇུག་པའི་བྱང་སེམས་བསྒོམ༔ ཧོཿ ནམ་མཁའ་མཉམ་པའི་སེམས་ཅན་རྣམས༔ མ་རྟོགས་བདག་ཏུ་བཟུང་བའི་བློས༔ སྐྱེ་འཆི་མཚན་མའི་ཆོས་ལ་ཞེན༔ བསྒྲལ་ཕྱིར་སེམས་ཀྱིས་དམ་བཅའ་བཟུང༔ འགྲོ་ཀུན་བདག་གི་ཕ་མ་སྟེ༔ དེ་དག་བྱང་ཆུབ་འགོད་པའི་བློས༔ སྦྱིན་སོགས་ཕ་རོལ་ཕྱིན་པ་ཡི༔ རྒྱལ་སྲས་སྤྱོད་ལ་བསླབ་པར་བགྱི༔ ཞེས་སྨོན་འཇུག་གི་དོན་ཡིད་ལ་དྲན་བཞིན་ལན་གསུམ་གྱི་མཐར། ཚད་མེད་བཞི་བསྒོམ་པ་ནི། སེམས་ཅན་བདེ་དང་མི་འབྲལ་ལྡན༔ སྡུག་བསྔལ་རྒྱུ་འབྲས་མཐའ་དག་ཞི༔ བདེ་དང་རྟག་ཏུ་མི་འབྲལ་བའི༔ རང་གཞན་ཕྱོགས་རིས་མེད་གནས་ཤོག༔ ཅེས་བརྗོད། གསུམ་པ་ཚོགས་བསགས་ཡན་ལག་བདུན་པ་འབུལ་བ་ནི། ཧོཿ ཕྱོགས་དུས་རྒྱལ་བ་སྲས་བཅས་དང༔ ཚེ་དཔག་མེད་མགོན་ཞབས་པདྨོར༔ ཞིང་རྡུལ་ཀུན་གྱི་གྲངས་སྙེད་ཀྱི༔ སྒོ་གསུམ་གུས་པས་ཕྱག་འཚལ་ལོ༔ ཕྱི་ནང་གསང་བ་བླ་མེད་པའི༔ ཀུན་བཟང་མཆོད་སྤྲིན་རྒྱ་མཚོས་མཆོད༔ སྡིག་སྒྲིབ་ཉེས་ལྟུང་མཐོལ་ཞིང་བཤགས༔ ཚོགས་གཉིས་སྤྱོད་ལ་རྗེས་ཡི་རང༔ ཆོས་ཀྱི་འཁོར་ལོ་བསྐོར་བཞིན་དུ༔ མྱ་ངན་མི་འདའ་བཞུགས་གསོལ་འདེབས༔ དགེ་ཚོགས་བྱང་ཆུབ་སྙིང་པོར་བསྔོ༔ གཞན་དོན་སངས་རྒྱས་མྱུར་འགྲུབ་ཤོག༔ ལན་གསུམ། བཛྲ་མུཿ ཚོགས་ཞིང་རྣམས་རང་ལ་ཐིམ་པར་གྱུར༔ བཞི་པ་བགེགས་ལ་བཀའ་བསྒོ་ཞིང་མཚམས་གཅོད་པ་ནི། གཏོར་མ་ལས་ཆུས་བྲན་ཏེ། རང་ཉིད་སྐད་ཅིག་གིས་པདྨ་དབང་ཆེན་རྟ་མཆོག་རོལ་པའི་སྐུར་གྱུར༔ རྃ་ཡྃ་ཁྃ། སྟོང་པའི་ངང་ལས་རིན་པོ་ཆེ་ལས་གྲུབ་པའི་སྣོད་ཡངས་ཤིང་རྒྱ་ཆེ་བར་གཏོར་མ་ཁ་དོག་དྲི་རོ་ནུས་པ་ཕུན་སུམ་ཚོགས་པར་གྱུར། ཨོཾ་ཨཱཿཧཱུྃ། ལན་གསུམ། ཧ་ཧོ་ཧྲཱིཿས་རྒྱས་པར་སྤེལ། ཨོཾ་སརྦ་བྷཱུ་ཏ་ཨཱ་ཀརྵ་ཡ་ཛཿས་མགྲོན་དགུག །ཨོཾ་སརྦ་བིགྷྣཱཾ་ན་མཿ སོགས་ནམ་མཁའ་མཛོད་ཀྱི་སྔགས་རྒྱ་ལན་གསུམ་གྱིས་བསྔོས་ལ། ཧྲཱིཿ ང་ནི་དབང་ཆེན་ཧེ་རུ་ཀ༔ འཁོར་འདས་ཡོངས་ཀྱི་རྗེ་བཙན་ཏེ༔ ཚེ་བདུད་ལོག་འདྲེན་བར་ཆད་བདུད༔ བསྙེན་པའི་སྐབས། སྔོན་གྱི་བག་ཆགས་ངན་པ་ཡིས༔ གསང་སྤྱོད་ལྟ་བའི་སྐབས་མེད་ཕྱིར༔ གནས་འདིར་མ་འདུག་གཞན་དུ་སོང༔ ཞེས་ཁ་བསྒྱུར། སྔོན་གྱི་ལན་ཆགས་སྦྱང་བའི་ཕྱིར༔ འདོད་ཡོན་གླུད་གཏོར་འདི་སྦྱིན་གྱིས༔ ཚིམ་པར་གྱིས་ལ་གཞན་དུ་སོང༔ གལ་ཏེ་མི་ཉན་འཚེ་བྱེད་ན༔ དབང་གི་རྒྱལ་པོའི་ཏིང་ངེ་འཛིན༔ འབར་བའི་བརྟུལ་ཞུགས་རོལ་བ་ཡི༔ ཆོ་འཕྲུལ་བསམ་གྱིས་མི་ཁྱབ་པས༔ བརླག་པར་འགྱུར་གྱིས་ཕྱིར་དེངས་ཤིག༔ ཧཱུྃ་བཞིའི་སྔགས་དང་ཐུན་གྱིས་གཟིར༔ ཕྱོགས་བཅིངས་སྲུང་བའི་མཚམས་བཅད་ཕྱིར༔ ཧྲཱིཿ སྣང་སྲིད་ཡེ་ཤེས་ལྷ་ཡི་དལ༔ སྣང་གྲགས་རིག་པ་སྐུ་གསུང་ཐུགས༔ གཉིས་སུ་མེད་པའི་དཀྱིལ་འཁོར་ཏེ༔ ཀུན་ཀྱང་འབར་བའི་ཕྱག་རྒྱར་ཤར༔ བགེགས་དང་བར་ཆད་མིང་ཡང་མེད༔ མི་ཤིགས་རྡོ་རྗེ་འཁོར་ལོ་དང༔ རིན་ཆེན་པདྨ་རྒྱ་གྲམ་གྱི༔ གུར་ཁང་འབར་བས་ཕྱོགས་མཚམས་གཏམས༔ མཚམས་ཀྱི་དཀྱིལ་འཁོར་ལྷུན་གྱིས་གྲུབ༔ ཛྙཱ་ན་བཛྲ་ཙཀྲ་རཏྣ་པདྨ་ཁངྒ་རཀྵ་རཀྵ་བྷྲཱུྃ་བྷྲཱུྃ་བྷྲཱུྃཿ ལྔ་པ་འཁོན་གཅུགས་བཤགས་པས་སྦྱང་བ་ནི༔ ཧོཿ ཚེ་ཡི་ལྷ་ཚོགས་མ་ལུས་པ༔ ཐུགས་རྗེ་བརྩེ་བས་དགོངས་སུ་གསོལ༔ བདག་ནི་མ་རིག་འཁྲུལ་པ་ཡི༔ ལས་དང་ཉོན་མོངས་གཞན་དབང་ཅན༔ སྲིད་པ་འཁོར་བའི་ལས་བསགས་པ༔ མི་དགེ་ཉེས་པར་བྱས་པའི་ནོངས༔ སྙིང་ནས་གདུང་བས་མཐོལ་བཤགས་ཀྱིས༔ བཟོད་པར་བཞེས་ལ་སྐུ་གསུང་ཐུགས༔ ཡེ་ཤེས་རྡོ་རྗེའི་དངོས་གྲུབ་སྩོལ༔ ཡི་གེ་བརྒྱ་པ་ཡང་ཡང་བརྗོད༔ དྲུག་པ་དམ་བཅའ་སྡོམ་པ་བཟུང་བ་ནི༔ ཨོཾ༔ ཡེ་ཤེས་སྤྱན་ལྡན་རྣལ་འབྱོར་དབང༔ ཐུགས་རྗེའི་དབང་བསྒྱུར་བཅོམ་ལྡན་འདས༔ སྲིད་གསུམ་འགྲོ་བའི་གཉེན་གཅིག་པུ༔ བདག་ལ་དགྱེས་པས་བཞུགས་སུ་གསོལ༔ མཐའ་ཡས་སེམས་ཅན་མ་ལུས་པའི༔ དོན་དུ་ཡང་དག་ལམ་འདོད་པས༔ སོ་སོར་ཐར་དང་བྱང་ཆུབ་སེམས༔ རིག་འཛིན་ནང་གི་བསླབ་པ་ལ༔ སྤྱི་དང་ཁྱད་པར་ལྷག་པ་ཡི༔ རྩ་བ་སྐུ་གསུང་ཐུགས་མཆོག་དང༔ ཡན་ལག་དམ་ཚིག་ཉི་ཤུ་ལྔ༔ རང་བཞིན་ལྟ་བའི་དམ་ཚིག་ལས༔ ནམ་ཡང་འགལ་བར་མི་བགྱིད་ཅིང༔ ཡང་དག་ངེས་པའི་གསང་བ་ཡི༔ བླ་མེད་རྒྱལ་པོའི་དམ་ཚིག་གི༔ རིམ་པ་ཡལ་བར་མི་འདོར་བའི༔ རྡོ་རྗེའི་དམ་བཅའ་གཉན་པོ་བཟུང༔ བཛྲ་ས་མ་ཡ་ཧོཿ བདུན་པ་རྡོ་རྗེའི་བྱིན་ཆེན་དབབ་པའི་ཕྱིར༔ སྤོས་དང་བཤུགས་གླུའི་བརྡས་བསྐུལ་ཞིང༔ མདའ་དར་གཡབ་ལ་རོལ་མོ་བརྡུང༔ གདུང་ཤུགས་ཏིང་འཛིན་མི་གཡེལ་བས༔ སྒྲུབ་མཆོད་སོགས་ཀྱི་སྐབས་འཇམ་མགོན་བླ་མའི་དགོངས་གཏེར་བྱིན་འབེབས་ཡེ་ཤེས་མཆོག་སྩོལ་ཀྱང་སྦྱར་ན་ལེགས། ཧཱུྃ་ཧྲཱིཿ འོག་མིན་ཆོས་དབྱིངས་བདེ་ཆེན་བརྡལ་བ་ཆེ༔ ལྷུན་གྲུབ་རོལ་པ་བཅོམ་ལྡན་སྣང་མཐའ་ཡས༔ རིག་སྟོང་ཡེ་ཤེས་ཆོས་སྐུའི་ལྷ་ཚོགས་ཀྱིས༔ གཉིས་མེད་མཉམ་པ་ཆེན་པོར་བྱིན་ཕོབ་ཅིག༔ ཁ་སྦྱོར་ལོངས་སྤྱོད་རྫོགས་པའི་ཞིང་ཁམས་ནས༔ གསུང་གི་རྡོ་རྗེ་འཆི་མེད་ཚེ་ཡི་ལྷ༔ རང་སྣང་ཁྱབ་བརྡལ་ལོངས་སྐུའི་ལྷ་ཚོགས་ཀྱིས༔ སྣང་སྲིད་དཀྱིལ་འཁོར་རྫོགས་པའི་བྱིན་ཕོབ་ཅིག༔ སྣོད་བཅུད་དག་པའི་འཁོར་ལོའི་ཕོ་བྲང་ནས༔ འགྲོ་འདུལ་སྒྱུ་འཕྲུལ་དྲྭ་བའི་དཀྱིལ་འཁོར་ལྷ༔ ཏིང་འཛིན་སྒྱུ་མར་རོལ་པའི་ཆོ་འཕྲུལ་གྱིས༔ སྐུ་གསུང་ཐུགས་ཀྱི་ཡེ་ཤེས་བྱིན་ཕོབ་ཅིག༔ བྱིན་ཆེན་བྱིན་ཕོབ་སྐུ་གསུང་ཐུགས་དབང་བསྐུར༔ དབང་ཆེན་དབང་བསྐུར་གཉིས་མེད་བྱིན་གྱིས་རློབས༔ སྣོད་བཅུད་བདེ་ཆེན་ཞིང་གི་རང་བཞིན་དང༔ སྒྲུབ་རྫས་ཡེ་ཤེས་རོལ་མོར་འཆར་བར་མཛོད༔ ཨོཾ་ཨཱཿཧཱུྃ་བཛྲ་མ་ཧཱ་ཨཱ་ཡུར་མཎྜལ་ཛྙཱ་ན་ཨ་བེ་ཤ་ཡ་ཨ་ཨ༔ ཧྲཱིཾ་ཧྲཱིཾཿ ཕེཾ་ཕེཾ༔ ཧཱུྃ་ཧཱུྃ་ཧཱུྃ༔ བྱིན་བསྡུ་གཉིས་མེད་བསྟིམ་པ་དང༔ བརྒྱད་པ་མཆོད་རྫས་བྱིན་གྱིས་བརླབ་པ་ནི། ཨོཾ་ཨཱཿཧཱུྃ༔ སྣོད་བཅུད་ཕུན་ཚོགས་བདེ་ཆེན་ཞིང༔ རང་སྣང་ཀུན་བཟང་མཆོད་པའི་སྤྲིན༔ ཟག་མེད་ནམ་མཁའ་གང་བའི་ཚོགས༔ ཡེ་ཤེས་ཆེན་པོའི་རོལ་པར་ཤར༔ ཨོཾ་བཛྲ་ཨརྒྷཾ་ནས། ཤབྡའི་བར། སརྦ་ས་མ་ཡ་པཱུ་ཛ་ཛྙཱ་ན་ཨཱཿཧཱུྃ༔ ཨོཾ་སརྦ་པཉྩ་ཨ་མྲྀ་ཏ་ཨཱཿཧཱུྃ༔ ཨོཾ་མ་ཧཱ་རཀྟ་ཨཱཿཧཱུྃ༔ ཨོཾ་མ་ཧཱ་བ་ལིཾ་ཏ་ཨཱཿཧཱུྃ༔ ཞེས་སྔགས་རྣམས་ལན་གསུམ་རེ་བརྗོད་པས་བྱིན་གྱིས་བརླབ་བོ། །གཉིས་པ་དངོས་གཞི་ལ་བདུན་གྱི། དང་པོ་ལྷ་ཡི་ས་མ་དྷི༔ རྩེ་གཅིག་ཡིད་ཀྱིས་བསྒོམ་པ་ནི༔ ཨོཾ་མ་ཧཱ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ྅ཧཾཿ འཁོར་འདས་ཆོས་ཀུན་དབྱིངས་ཀྱི་ངང༔ རྣམ་པར་ཐར་པ་སྒོ་གསུམ་གྱི༔ ཡེ་ཤེས་ཆེན་པོའི་རང་བཞིན་དུ༔ གདོད་ནས་དག་པའི་ཆོས་སུ་གནས༔ ཏིང་འཛིན་དེ་ཡི་ངང་ཉིད་ལས༔ མ་རྟོགས་འཁྲུལ་པའི་སེམས་ཅན་རྣམས༔ དག་པ་ཆེན་པོར་བསྒྲལ་བའི་ཕྱིར༔ སྙིང་རྗེ་སྒྱུ་མ་ཁྱབ་པར་བརྡལ༔ ཟུང་འཇུག་མཆོག་གི་ཡེ་ཤེས་ནི༔ སངས་རྒྱས་ཀུན་གྱི་ཐུགས་ཀྱི་དབྱིངས༔ རང་བྱུང་ལྷུན་གྲུབ་ས་བོན་ཆེ༔ ཡི་གེ་ཧྲཱིཿཡིག་མཁའ་ལ་ཤར༔ དེ་ལས་ཨེ་ཡྃ་རྃ་སུྃ་དང༔ རྃ་དང་བྷྲཱུྃ་ཆད་ཡོངས་གྱུར་ལས༔ ནམ་མཁའ་རླུང་མེ་ས་རི་རབ༔ མེ་སྟེང་རྡོ་རྗེའི་རྡུལ་འཐས་པར༔ པདྨ་རྒྱ་གྲམ་ཡངས་པའི་སྟེང༔ རིན་ཆེན་གཞལ་ཡས་མཚན་ཉིད་རྫོགས༔ ཕྱི་གསལ་ནང་གསལ་འོད་ཟེར་འབར༔ མདོག་ལྔའི་རྩིག་པ་ཡིད་དུ་འོང༔ ཕ་གུ་དྲྭ་ཕྱེད་མཛེས་པས་སྤྲས༔ མདའ་ཡབ་པུ་ཤུ་ཏོག་གིས་བརྗིད༔ འདོད་སྣམ་ལྷ་མོའི་མཆོད་སྤྲིན་སྤྲོ༔ ཡེ་ཤེས་སྣང་བ་བསམ་མི་ཁྱབ༔ སྒོ་བཞི་རྒྱུ་འབྲས་རྟ་བབས་བརྒྱད༔ ཆོས་འཁོར་རི་དྭགས་གདུགས་ཀྱིས་བརྒྱན༔ ངོ་མཚར་རྒྱན་གྱི་བཀོད་པའི་ཚོགས༔ བློ་ལས་འདས་པའི་ཆོ་འཕྲུལ་ཤར༔ ས་མ་ཡ་མཎྜལ་བྷྲཱུྃ༔ ཕོ་བྲང་དེ་ཡི་ལྟེ་བ་ལ༔ པདྨ་རིན་ཆེན་རྨ་བྱའི་ཁྲི༔ འདབ་སྟོང་གེ་སར་ཟླ་བའི་སྟེང༔ ས་བོན་བབས་པ་ཡོངས་གྱུར་ལས༔ འཕྲོ་འདུས་བརྟན་གཡོའི་དྭངས་མ་བསྡུས༔ འོད་ཞུ་པདྨ་རཱ་ག་ཡི༔ རྡོ་རྗེ་རྩེ་ལྔ་འོད་འབར་བའི༔ ཕྱག་མཚན་ཡོངས་སུ་གྱུར་པ་ལས༔ འཆི་མེད་མགོན་པོ་སྣང་མཐའ་ཡས༔ གསུང་གི་རྡོ་རྗེ་ཚེ་དཔག་མེད༔ དམར་གསལ་མཚན་དཔེའི་གཟི་བྱིན་འབར༔ ལོངས་སྤྱོད་རྫོགས་པའི་རྒྱན་ཆས་མཛེས༔ ཞི་འཛུམ་གཞོན་ནུའི་ངང་ཚུལ་ཅན༔ རྡོ་རྗེའི་སྐྱིལ་མོ་ཀྲུང་གིས་བཞུགས༔ ཕྱག་གཉིས་མཉམ་བཞག་ཕྱག་རྒྱའི་སྟེང༔ འཆི་མེད་ཚེ་ཡི་བུམ་པ་བསྣམས༔ པང་དུ་རང་འོད་གོས་དཀར་མོ༔ དམར་གསལ་གཞོན་ནུ་མ་ཡི་གཟུགས༔ གཅེར་བུ་རུས་པའི་ཕྱག་རྒྱ་ཅན༔ པད་ཕྲེང་ཚེ་ཡི་བུམ་པ་འཛིན༔ གཉིས་མེད་འཁྲིལ་སྦྱོར་བདེ་བས་དགྱེས༔ འོད་ཀྱི་ཕུང་པོ་འབར་བ་ལས༔ ཕོ་ཉ་མགྱོགས་མ་འཕྲོ་ཞིང་འདུ༔ ཡབ་ཡུམ་སྦྱོར་བའི་བྱང་ཆུབ་སེམས༔ ཧཱུྃ་ཏྲཱྃ་ཨོཾ་ཨཱཿཡབ་ཀྱི་སྙིང༔ མཱུྃ་ལཱྃ་མཱྃ་ཏཱྃ་ཡུམ་གྱི་སྙིང༔ ཟུང་རེ་འཕྲོས་པ་ཕྱོགས་བཞིར་བབས༔ ཤར་དུ་མི་བསྐྱོད་ཚེ་དཔག་མེད༔ མཱ་ཀི་ཡུམ་དང་བཅས་པ་མཐིང༔ ལྷོ་རུ་རིན་འབྱུང་ཚེ་དཔག་མེད༔ སྤྱན་མ་ཡུམ་དང་བཅས་པ་སེར༔ ནུབ་ཏུ་རྣམ་སྣང་ཚེ་དཔག་མེད༔ དབྱིངས་ཕྱུག་ཡུམ་དང་བཅས་པ་དཀར༔ བྱང་དུ་དོན་གྲུབ་ཚེ་དཔག་མེད༔ སྒྲོལ་མ་ཡུམ་དང་བཅས་པ་ལྗང༔ ཀུན་ཀྱང་ཆ་ལུགས་གཙོ་དང་མཚུངས༔ མཉམ་བཞག་ཕྱག་རྒྱས་ཚེ་བུམ་འཛིན༔ ཡུམ་རྣམས་པད་ཕྲེང་བུམ་པ་བཅས༔ བདེ་སྟོང་སྦྱོར་བའི་ཆོ་འཕྲུལ་མཛེས༔ ཚེ་བདག་རིགས་བཞིའི་གཡས་ཀྱི་ཟུར༔ རྡོ་རྗེ་སྒེག་མོ་སྐུ་མདོག་དཀར༔ རྡོ་རྗེ་ཕྲེང་བ་མཐིང་ལ་མཛེས༔ རྡོ་རྗེ་གླུ་མ་དམར་མོ་སྒེག༔ རྡོ་རྗེ་གར་མ་ལྗང་ཁུའི་མདོག༔ ལོངས་སྤྱོད་རྫོགས་པའི་གཞོན་ཚུལ་གྱིས༔ ཕྱེད་སྐྱིལ་ཚེ་ཡི་བུམ་པ་འཛིན༔ གཡོན་གྱི་ཟུར་བཞིར་མགྱོགས་མ་བཞི༔ དཀར་མཐིང་དམར་ལྗང་ལྷ་མོའི་ཆས༔ པདྨའི་སྐྱིལ་ཀྲུང་ཚེ་བུམ་ཅན༔ ཀུན་ཀྱང་པད་ཟླའི་སྟེང་ན་བཞུགས༔ སྒོ་བཞིར་རྡོ་རྗེ་ལྕགས་ཀྱུ་མ༔ ཞགས་པ་ལྕགས་སྒྲོག་དྲིལ་བུ་ཅན༔ ཕྱག་རྒྱ་བཞི་དང་མདའ་དར་འཛིན༔ བརྐྱང་བསྐུམ་གར་གྱིས་པད་ཉིར་བཞེངས༔ བར་མཚམས་ཚེ་ཡི་རིག་འཛིན་དང༔ འཆི་མེད་ཡེ་ཤེས་ལྷ་ཡི་ཚོགས༔ ཉི་ཟེར་རྡུལ་གྱི་ཕུང་པོ་བཞིན༔ བསམ་ཡས་བཀོད་པ་འཕྲོ་ཞིང་འདུ༔ གནས་གསུམ་ཨོཾ་ཨཱཿཧཱུྃ་གི་འབྲུས༔ སྐུ་གསུང་ཐུགས་ཀྱི་བྱིན་རླབས་བསྡུས༔ སྤྱི་བོའི་གནས་ལྔར་ས་བོན་ལྔ༔ ཡོངས་གྱུར་རིགས་ལྔའི་ཆོ་འཕྲུལ་གྱི༔ བྱང་ཆུབ་སེམས་ཀྱི་བདུད་རྩི་ཡིས༔ དབང་བསྐུར་རིགས་ཀྱི་འཁོར་ལོས་བསྒྱུར༔ སྣང་མཐའ་ཡས་པའི་རྒྱས་བཏབ་སྟེ༔ དཀྱིལ་འཁོར་ཆེན་པོ་རྫོགས་པར་གྱུར༔ བཛྲ་ཛྙཱ་ན་ཀཱ་ཡ་ཨོཾ༔ བཛྲ་ཛྙཱ་ན་ཝཱཀ་ཨཱཿ བཛྲ་ཛྙཱ་ན་ཙིཏྟ་ཧཱུྃ༔ ཧྲཱིཿཧཱུྃ་ཏྲཱྃ་ཨོཾ་ཨཿ ཨ་བྷི་ཥིཉྩ་མི༔ གཉིས་པ་ཡེ་ཤེས་འཁོར་ལོ་སྤྱན་དྲངས་པ༔ ཧྲཱིཿ ནུབ་ཕྱོགས་བདེ་ཆེན་དབང་གི་ཞིང༔ པདྨ་སྒྱུ་འཕྲུལ་དྲྭ་བ་ཡི༔ བཀོད་པའི་ཆོ་འཕྲུལ་བསམ་ལས་འདས༔ ཡེ་ཤེས་ལྷ་ཚོགས་གཤེགས་སུ་གསོལ༔ བཅོམ་ལྡན་མགོན་པོ་ཚེ་དཔག་མེད༔ འཆི་མེད་རྔ་སྒྲ་པདྨའི་རིགས༔ འོད་སྣང་མཐའ་ཡས་དཀྱིལ་འཁོར་ལྷ༔ འཁོར་དང་བཅས་པ་གཤེགས་སུ་གསོལ༔ རིགས་ལྔ་བསམ་ཡས་བཀོད་པའི་ཚོགས༔ གསུང་གི་རྡོ་རྗེ་གར་གྱི་དབང༔ འཆི་མེད་རིག་འཛིན་མཁའ་འགྲོ་བཅས༔ རྩ་གསུམ་ལྷ་ཚོགས་གཤེགས་སུ་གསོལ༔ སྒྲུབ་པའི་གནས་འདིར་གཤེགས་ནས་ཀྱང༔ སྐུ་གསུང་ཐུགས་ཀྱི་དབང་ཆེན་བསྐུར༔ བྱིན་གྱིས་རློབས་ལ་བར་ཆད་སོལ༔ ཚེ་བདུད་འགལ་རྐྱེན་ཞི་བ་དང༔ མཆོག་དང་ཐུན་མོང་དངོས་གྲུབ་སྩོལ༔ ཨོཾ་སརྦ་ཏ་ཐཱ་ག་ཏ་ཨ་པ་རི་མི་ཏ་ཨཱ་ཡུཛྙཱ་ན་མཎྜ་ལ་ས་མ་ཡ་ཛཿཛཿ མ་ཧཱ་ཀ་རུ་ཎི་ཀ་དྲྀ་ཤྱ་ཧོཿ ས་མ་ཡ་ཧོཿ ས་མ་ཡ་སྟྭྃཿ གསུམ་པ་བཞུགས་སུ་གསོལ་བ་ནི། ཧྲཱིཿ དབྱིངས་ནས་སྤྱན་དྲངས་ཡེ་ཤེས་པ༔ དམ་ཚིག་ཐུགས་རྗེས་བརྩེར་དགོངས་ལ༔ ཏིང་འཛིན་བཀོད་པའི་དཀྱིལ་འཁོར་འདིར༔ གཉིས་སུ་མེད་པར་བཞུགས་སུ་གསོལ༔ ས་མ་ཡ་ཏིཥྛ་ལྷན༔ བཞི་པ་ཕྱག་མཆོད་བསྟོད་པའི་རིམ་པ་ནི། ཧྲཱིཿ བདེ་ཆེན་འོད་འབར་ཆོས་ཀྱི་སྐུ༔ ལོངས་སྤྱོད་ཡོངས་རྫོགས་འཆི་མེད་ལྷ༔ དཀྱིལ་འཁོར་རྒྱ་མཚོའི་ཚོགས་བཅས་ལ༔ མི་ཕྱེད་གུས་པས་བརྡ་ཕྱག་འཚལ༔ ན་མོ་པུ་རུ་ཤ་ཡ་ཧོཿ རང་ལས་ཤར་བའི་ཕྱག་རྒྱ་མོས༔ ཀུན་བཟང་མཆོད་པའི་ཚོགས་དཔག་ཡས༔ ནམ་མཁའ་གང་བ་རབ་སྤྲོས་ཏེ༔ ཡང་དག་མཆོད་ཅིང་བསྟོད་པར་བསམ༔ མཆོད་པ་རྒྱས་ན་འདི་དང་འདོད་ཡོན་ལྔ་མཆོད་གཉིས་ཚིག་རྐང་སོ་སོར་ཁ་ཕྲལ་ཡང་རུང་བས་ཟུར་བྱང་ལྟར་བྱ། ཧྲཱིཿ དག་པའི་ཞིང་ཁམས་རབ་འབྱམས་ནས༔ ཡིད་འོང་ཀུན་བཟང་མཆོད་པའི་རྫས༔ དྲི་མེད་ལྷ་ཡི་མཆོད་ཡོན་སྦྲེངས༔ དག་གཙང་ཞབས་བསིལ་རྒྱ་མཚོར་བསྐྱིལ༔ བཀོད་མཛེས་མེ་ཏོག་ཆར་དུ་འབེབས༔ ཀུན་ཁྱབ་སྤོས་ཀྱི་སྤྲིན་ལྡིང་ཞིང༔ སྣང་གསལ་འོད་ཀྱི་ཕྲེང་བ་བསྟར༔ དྲི་བཟང་བྱུག་པའི་ཚོགས་འགྱེད་དེ༔ ཚིམ་བྱེད་ལྷ་ཡི་ཞལ་གྱི་ཟས༔ དབྱངས་སྙན་རོལ་མོའི་སྒྲ་དང་བཅས༔ དངོས་དང་ཏིང་འཛིན་ལས་བྱུང་བ༔ འབུལ་གྱི་བཞེས་ལ་དངོས་གྲུབ་སྩོལ༔ ཨོཾ་སརྦ་ཏ་ཐཱ་ག་ཏ་ཨཱ་ཡུ་དེ་ཝ་མཎྜ་ལ་ས་པ་རི་ཝཱ་ར་ཨརྒྷྃ་ནས་ཤབྡ་པཱུ་ཛ་ཨཱཿཧཱུྃ༔ ཧྲཱིཿ ཡིད་དུ་འོང་བའི་གཟུགས་ཀྱི་ཚོགས༔ རྡོ་རྗེ་སྒེག་མོའི་ཕྱག་རྒྱར་འབུལ༔ སྙན་འཇེབས་སྒྲ་ཡི་དབྱངས་མཐའ་དག༔ རྡོ་རྗེ་གླུ་མའི་དབྱངས་སུ་སྟོབ༔ སྦྱར་དང་ལྷན་ཅིག་སྐྱེས་པའི་དྲི༔ རྡོ་རྗེ་དྲི་མའི་ཚོགས་སུ་འབུལ༔ ཕུན་ཚོགས་ལྷ་ཡི་ཟས་ཀྱི་བཅུད༔ རྡོ་རྗེ་རོ་མའི་ཕྱག་རྒྱ་ཆེ༔ རེག་འཇམ་ལྷ་རྫས་ན་བཟའ་ཡང༔ རྡོ་རྗེ་རེག་བྱ་མར་སྤྲུལ་ཏེ༔ ཀུན་ཀྱང་ཆོས་ཀྱི་དབྱིངས་ཁྱབ་པའི༔ བདེ་ཆེན་མཆོད་པ་ཆེན་པོ་ཡང༔ རང་བྱུང་རང་ཤར་ཚུལ་གྱིས་འབུལ༔ བཞེས་ནས་ཚེ་ཡི་དངོས་གྲུབ་སྩོལ༔ ཨོཾ་བཛྲ་རཱུ་པ་ཤབྡ་གནྡྷེ་རཱ་ས་སྤརྴེ་དྷརྨ་དྷཱ་ཏུ་པཱུ་ཛ་ཧཱུྃ༔ ཧྲཱིཿ དུག་ལྔའི་ནད་སེལ་སྨན་གྱི་མཆོག༔ རྩ་བ་བརྒྱད་ལ་ཡན་ལག་སྟོང༔ རིགས་ལྔ་རྒྱལ་བ་སྒྲུབ་པའི་རྫས༔ དམ་ཚིག་ལོངས་སྤྱོད་ཆེན་པོར་འབུལ༔ མ་ཧཱ་ཨ་མྲྀ་ཏ་ཁཱ་ཧི༔ བརྒྱུད་པའི་མཚན་དོན་སྦྱར། ཧྲཱིཿ རྒྱུད་དྲུག་བསྒྲལ་བ་རཀྟའི་བཅུད༔ དམར་གྱི་རྦ་རླབས་མཁའ་ལ་འཕྱོ༔ འཁོར་བ་སྟོངས་པའི་ཡེ་ཤེས་ཕུད༔ གཱིརྟིའི་གསང་བའི་མཁའ་ལས་འབེབས༔ མ་ཧཱ་རཀྟ་ཁཱ་ཧི༔ ཧྲཱིཿ འདོད་ཡོན་ལྔ་ལྡན་བ་ལིཾ་ཏ༔ ཟེགས་མ་མཆོད་པའི་སྤྲིན་ཕུང་འཕྲོ༔ སྣོད་བཅུད་ཡོངས་རྫོགས་ཆེན་པོ་འདི༔ དཀྱིལ་འཁོར་ལྷ་ལ་བདག་གིས་འབུལ༔ མ་ཧཱ་བ་ལིཾ་ཏ་ཁཱ་ཧི༔ ཧྲཱིཿ གཟུང་འཛིན་རུ་ཏྲའི་ཚོགས་བསྒྲལ་ཞིང༔ བདེ་ཆེན་སྦྱོར་བས་དགྱེས་པའི་དཔལ༔ མཆོད་དང་མཆོད་བྱ་གཉིས་སུ་མེད༔ མཉམ་པའི་མཆོད་པ་དམ་པ་བཞེས༔ བཛྲ་ཏ་ན་ག་ཎ་པཱུ་ཛ་ཧོ༔ ཧྲཱིཿ འཆི་བདག་ལ་སོགས་བདུད་བཞི་འཇོམས་པའི་ལྷ༔ གསུང་གི་རྡོ་རྗེ་མགོན་པོ་ཚེ་མཐའ་ཡས༔ འཆི་མེད་དཀྱིལ་འཁོར་འཁོར་ལོའི་དབང་ཕྱུག་ཆེ༔ བཅོམ་ལྡན་ལྷ་ཡི་ལྷ་ལ་ཕྱག་འཚལ་ལོ༔ སྐུ་མདོག་དམར་གསལ་བྱེ་རུའི་ལྷུན་པོ་ལྟར༔ མཚན་དཔེའི་གཟི་བྱིན་རྒྱས་པའི་སྣང་བ་ཅན༔ གར་གྱི་དབང་ཕྱུག་འོད་སྣང་ཕ་མཐའ་ཡས༔ འཇིག་རྟེན་གསུམ་གྱི་མགོན་པོར་ཕྱག་འཚལ་བསྟོད༔ ཟབ་ཅིང་རྒྱ་ཆེ་རྨད་བྱུང་ཚངས་པའི་དབྱངས༔ ངོ་མཚར་ཐེག་པའི་ཆོས་སྒོ་སྣ་ཚོགས་སྟོན༔ མཐའ་ཡས་གདུལ་བྱ་འདུལ་བའི་ཆོ་འཕྲུལ་ཅན༔ མཚུངས་མེད་འདྲེན་པ་དེ་ལ་ཕྱག་འཚལ་བསྟོད༔ སྨྲ་བསམ་བརྗོད་མེད་ཆོས་སྐུ་དེ་བཞིན་ཉིད༔ ནམ་ཡང་མི་གཡོ་འོད་གསལ་ཆེན་པོའི་ཐུགས༔ ཤེས་བྱ་ཀུན་གཟིགས་འགྲོ་ལ་བརྩེ་བས་དགོངས༔ ཡེ་ཤེས་རྒྱ་མཚོ་མངའ་ལ་ཕྱག་འཚལ་བསྟོད༔ ཟག་མེད་ཡོན་ཏན་ཡོངས་སུ་རྫོགས་པ་ཡི༔ མངའ་དབང་ཆེན་པོས་དོན་གཉིས་ལྷུན་གྱིས་གྲུབ༔ བདེ་ཆེན་ཞིང་གི་སྟོན་པ་རྒྱལ་ཀུན་གཙོ༔ འགྲོ་བའི་མགོན་པོ་ཁྱོད་ལ་ཕྱག་འཚལ་བསྟོད༔ མཚན་ཐོས་ཙམ་གྱིས་ངན་སོང་དུས་མིན་འཆི༔ འཇོམས་མཛད་ཐུགས་བསྐྱེད་ཆེན་པོའི་གོ་ཆ་ཅན༔ སྲིད་ཞིའི་འཇིགས་པ་འཕྲོག་མཛད་དཔའ་བོ་ཆེ༔ དོན་གཉིས་ལྷུན་གྲུབ་མཆོག་ལ་ཕྱག་འཚལ་བསྟོད༔ ཆོས་ཉིད་གཅིག་ལ་བཟང་ངན་མཚན་བྲལ་ཡང༔ གདུལ་བྱ་འདུལ་ཕྱིར་གང་འདུལ་ཐུགས་རྗེའི་སྐུ༔ བདེ་སྟོང་སྒྱུ་མར་རོལ་པའི་ཕྲིན་ལས་ཅན༔ འཁོར་དང་བཅས་ལ་གུས་པས་བསྟོད་པར་བགྱི༔ ལྔ་པ་ཛཔ་བཟླས་ནི། དབང་དང་སྒྲུབ་མཆོད་སོགས་ཀྱི་སྐབས་ཛཔ་ཁང་དབྱེ་དགོས་པས། ཨོཾ་ཨ་མཱ་ར་ཎི་ཛཱི་ཝནྟི་ཡེ་སྭཱ་ཧཱ༔ ཨཱ་ཡུ་ཛྙཱ་ན་པུཥྚིཾ་ཀུ་རུ་ཨོཾ་ཧཱུྃ་ཏྲཱྃ་ཧྲཱིཿཨཱཿ བྷྲཱུྃ་བི་ཤྭ་བི་ཤུདྡྷེ་ཛྙཱ་ན་ཙཀྲ་མཎྜལ་བྷྲཱུྃ༔པྲ་ཝེ་ཤ་ཡ་ཕཊ྄་ཛཿ བདག་ཉིད་ལས་མདུན་རྟེན་དུ་བསྒོམས་པ་དང་འདྲ་བའི་ཡེ་ཤེས་ཀྱི་འཁོར་ལོ་གཉིས་པ་ཕྱེ་སྟེ་མེ་རི་འདབས་འབྱོར་དུ་བཞུགས་པར་གྱུར་བསམ་ལ་ཛཔ་བསྐུལ་ནི། ཧཱུྃ་ཧྲཱིཿ ཚེ་དཔག་མེད་མགོན་ལྷ་ཚོགས་དབྱིངས་ནས་བཞེངས༔ ཐུགས་དམ་གནད་ནས་བསྐུལ་ལོ་ཛཔ་སྒྲ་སྒྲོགས༔ སྣང་སྟོང་སྐུ་ཡི་ཕྱག་རྒྱས་སྟོང་གསུམ་གང༔ གྲགས་སྟོང་གསུང་གི་ཛཔ་དབྱངས་འབྲུག་ལྟར་ལྡིར༔ རིག་སྟོང་ཐུགས་ཀློང་འོད་གསལ་ངང་དུ་གནས༔ ལྷ་རྣམས་ཐམས་ཅད་བདེ་བའི་གར་གྱིས་རོལ༔ སྔགས་རྣམས་རྩོལ་མེད་རྡོ་རྗེའི་གླུ་ཡིས་བསྐུལ༔ ཐུགས་ནི་སྒྲོལ་མཛད་ཡེ་ཤེས་སྲོག་དང་བཅས༔ མ་གསལ་བར་དུ་བསྐྱེད་ཅིང་བཟླས་པར་འབད༔ མ་གྲུབ་བར་དུ་དགོངས་པ་མི་གཏང་གསོལ༔ མ་གཡེལ་ཐུགས་དམ་ཆེན་པོའི་དུས་ལ་བབས༔ བསྙེན་སྒྲུབ་རྣམ་བཞི་སྟན་ཐོག་འདི་ཉིད་དུ༔ མཐར་ཕྱིན་དཀྱིལ་འཁོར་བདག་པོར་འགྲུབ་པར་མཛོད༔ གསང་སྔགས་བཟླས་པའི་ཏིང་འཛིན་གྱིས༔ དངོས་གྲུབ་གནད་ལ་ངེས་པར་བསྐུལ༔ བསྙེན་པ་སྒྲུབ་པའི་ལས་སྦྱོར་བས༔ སྤྲོ་བསྡུའི་རིམ་པ་འདི་ལྟར་བྱ༔ བདག་ཉིད་གཙོ་བོའི་ཐུགས་ཀ་རུ༔ ཛཔ་ཁང་ཕྱེས་ན། བདག་མདུན་ཞེས་བསྒྱུར། མཆན། ཉི་ཟླའི་གྭ་འུ་འོག་རྒྱ་གྲམ༔ ནང་དུ་སྲོག་གི་སྙིང་པོ་ཧྲཱིཿ དམར་གསལ་སྔགས་ཀྱི་ཕྲེང་བས་བསྐོར༔ དྭངས་མའི་འོད་ཟེར་མཁའ་ཁྱབ་འཕྲོས༔ འཕགས་མཆོད་ཚོགས་གཉིས་རྫོགས་པར་བྱས༔ སྐུ་གསུང་ཐུགས་ཀྱི་བྱིན་རླབས་ཀྱི༔ དྭངས་མ་བདུད་རྩིའི་ཆར་དུ་བྱུང༔ ལུས་གང་ཡེ་ཤེས་གཟི་བྱིན་འབར༔ སླར་ཡང་མཁའ་ཁྱབ་འོད་ཟེར་གྱིས༔ མཐའ་ཀླས་སེམས་ཅན་མ་རིག་པས༔ འགྲོ་ཀུན་སྐྱེ་འཆིའི་སྡུག་བསྔལ་སོགས༔ སྲིད་པའི་རྒྱུ་འབྲས་ཐམས་ཅད་སྦྱངས༔ ཀུན་ཀྱང་ལྷ་ཡི་འཁོར་ལོར་སད༔ ཕྱི་སྣོད་འབྱུང་བ་ལྔའི་དྭངས་མ༔ ནང་བཅུད་སྐྱེ་འགྲོའི་ཚེ་དཔལ་ཀུན༔ འོད་ཀྱིས་བདུད་རྩིའི་རྣམ་པ་ཀུན༔ བསྡུས་ཏེ་སླར་ཡང་སྐུ་ལ་ཐིམ༔ མ་དག་ཕུང་ཁམས་སྐྱེ་མཆེད་ཀྱི༔ རྩ་རླུང་ཐིག་ལེ་ཀུན་ཁྱབ་སྟེ༔ དྭངས་མའི་རྡོ་རྗེ་གསུམ་དུ་གྱུར༔ གཞོམ་གཞིག་བྲལ་བ་གཉུག་མའི་སྲོག༔ ཡེ་ཤེས་ཕྱག་རྒྱ་ཆེ་གྲུབ་གྱུར༔ ཨོཾ་ཨ་མཱ་ར་ཎི་ཛཱི་ཝནྟི་ཡེ་སྭཱ་ཧཱ༔ ཨཱ་ཡུརྫྙཱ་ན་པུཥྚིཾ་ཀུ་རུ་ཨོཾ༔ །འབུམ་ཕྲག་བཞི་བཟླས་ཏིང་འཛིན་གྱི༔ དངོས་གྲུབ་སྒོ་རྙེད་གདོན་མི་ཟ༔ ས་མ་ཡ༔ བསྙེན་པའི་རྣལ་འབྱོར་ལས་རུང་པས༔ སྒྲུབ་པའི་རིམ་པ་དག་ལ་འཇུག༔ གཙོ་བོ་རིགས་ལྔའི་ཐུགས་ཀར་རྒྱ་གྲམ་སྟེང༔ ཉི་ཟླའི་གྭ་འུར་རང་སྲོག་ས་བོན་མཐར༔ སྔགས་ཀྱི་ཕྲེང་བ་གཡས་སུ་བསྐོར་བ་ལས༔ འོད་ཟེར་སྤྲོ་བསྡུས་དོན་གཉིས་མཐའ་དག་སྒྲུབ༔ ཁྱད་པར་རིགས་ལྔའི་ཡེ་ཤེས་ཚེ་ཡི་བཅུད༔ འབྱུང་ལྔའི་དྭངས་མ་བསྡུས་ཐིམ་སྐུ་གསུང་ཐུགས༔ ཡོན་ཏན་ཕྲིན་ལས་མི་ཟད་རྒྱན་གྱི་སྤྲིན༔ གཉིས་སུ་མེད་པའི་ངོ་བོར་བྱིན་རླབས་གྱུར༔ ཨོཾ་ཧཱུྃ་ཏྲཱྃ་ཧྲཱིཿཨཱཿ མཱུྃ་ལཱྃ་མཱྃ་པཱྃ་ཏཱྃ༔ ཨ་མཱ་ར་ཎི་ཛཱི་ཝནྟི་ཡེ་སྭཱ་ཧཱ༔ ཨཱ་ཡུརྫྙཱ་ན་པུཥྚིཾ་ཀུ་རུ་ཨོཾ༔ འབུམ་ཕྲག་བཞི་བཟླས་རྣལ་འབྱོར་ལ༔ བརྩོན་པས་ཚེ་ཡི་དངོས་གྲུབ་ཐོབ༔ འདིར་མཚན་བརྒྱ་རྩ་བརྒྱད་པའི་གཟུངས་ཀྱང་བཟླ། གྲངས་བསྙེན་གྱི་དབང་དུ་བྱས་ནས་འབུམ་ཕྲག་གཅིག་བཟླ། བསྙེན་དང་སྒྲུབ་པས་ལྷ་ཉིད་དང༔ སྐལ་བ་མཉམ་ཚེ་ལས་ལ་སྦྱོར༔ གཙོ་འཁོར་ཡོངས་རྫོགས་ཐུགས་ཀྱི་འོད༔ སྒོ་མ་བཞི་བསྐུལ་ཕོ་ཉའི་ཚོགས༔ ནམ་མཁའ་གང་བའི་སྤྲོ་བསྡུ་ཡིས༔ ཚེ་བདུད་བར་ཆད་གཟུང་འཛིན་ཞི༔ བསོད་ནམས་ལོངས་སྤྱོད་དྭངས་མ་འཕེལ༔ དྭངས་མས་རླུང་སེམས་དབང་དུ་བསྡུས༔ བདུད་བགེགས་ཚོགས་བསྒྲལ་ཐུན་མོང་དང༔ ཁྱད་པར་ལས་བཞི་ལྷུན་གྲུབ་གྱུར༔ ཨོཾ་ཨ་མཱ་ར་ཎི་ཛཱི་ཝནྟི་ཡེ་སྭཱ་ཧཱ༔ ཛཿཤཱནྟིཾ་ཀུ་རུ་ཧཱུྃ༔ ཧཱུྃ་པུཥྚིཾ་ཀུ་རུ་ཨོཾ༔ བྃ་ཝ་ཤཏྟ་ཀུ་རུ་ཧོཿ ཧོ་མཱ་ར་ཡ་ཕཊ྄༔ འབུམ་རེས་ལས་འགྲུབ་གདོན་མི་ཟ༔ བུམ་བཟླས་དགོས་ན་སྤྱི་འགྲིགས་ལྟར་སྦྱར་ལ་གཟུངས་ཐག་འཛིན་པས་བསྙེན་སྒྲུབ་ལས་གསུམ་གྱི་སྔགས་བཟླ། ལས་བུམ་རྟ་མགྲིན་བསྐྱེད་བཟླས་ཟུར་གསལ་ལྟར་སྦྱར། དྲུག་པ་ཚེ་འགུགས་པ་ནི། བདག་མདུན་ལྷ་ཚོགས་རྣམས་ཀྱི་ཐུགས་ཀ་ནས་འོད་ཟེར་བསམ་གྱིས་མི་ཁྱབ་པ་དང་ལྷ་མོ་མགྱོགས་མའི་ཚོགས་ཉི་ཟེར་གྱི་རྡུལ་ལྟར་འཕྲོས། སྣོད་བཅུད་ཐམས་ཅད་ལ་ཁྱབ་པས་བྱིན་རླབས་ཀྱི་གཟི་བྱིན་འབར། རང་དང་བསྒྲུབ་བྱའི་བླ་ཚེ་ཆད་ཉམས་ཡར་བ་དང༌། བརྟན་གཡོ་འཁོར་འདས་ཀྱི་ཚེ་བཅུད་མ་ལུས་པ་འཆི་མེད་བདུད་རྩིའི་རྣམ་པར་སྤྱན་དྲངས། བདག་དང་བསྒྲུབ་བྱ་རྟེན་རྫས་རྣམས་ལ་ཐིམ་པས་རྡོ་རྗེ་ཚེ་ཡི་དངོས་གྲུབ་ཐོབ་ཅིང་ནུས་པ་དང་ལྡན་པར་གྱུར། ཅེས་དམིགས་ཤིང་མདའ་དར་གཡབ་ལ། ཧྲཱིཿ དཀར་མོ་མགྱོགས་མ་རྡོ་རྗེ་རིགས་ཀྱི་ཡུམ༔ ཞི་བའི་ལས་མཛད་མདའ་དར་ཚེ་བུམ་བསྣམས༔ རང་འདྲའི་སྤྲུལ་པས་འཇིག་རྟེན་ཁྱབ་པར་འགེངས༔ ཤར་ཕྱོགས་སྣོད་བཅུད་འཇིག་རྟེན་རབ་འབྱམས་ཀྱི༔ བརྟན་གཡོའི་དཔལ་དང་ཚེ་བསོད་དྭངས་མའི་ཚོགས༔ ཁྱད་པར་བསྒྲུབ་བྱའི་བླ་ཚེ་ཡར་བ་ཁུག༔ སྡེ་བརྒྱད་འབྱུང་པོས་བརྐུས་ཤིང་འཕྲོགས་པ་ཁུག༔ བྱད་ཕུར་གདོན་གྱིས་གཟིར་དང་ཉམས་པ་ཁུག༔ ཕྱོགས་བཅུའི་འཇིག་རྟེན་རབ་འབྱམས་ཀུན་ནས་ཁུག༔ བསྒྲུབ་བྱའི་ལུས་ངག་ཡིད་ལ་གཉིས་མེད་བསྟིམ༔ རྡོ་རྗེ་ཚེ་མཆོག་གྲུབ་པའི་ལས་མཛོད་ཅིག༔ ཧྲཱིཿ སེར་མོ་མགྱོགས་མ་རིན་ཆེན་རིགས་ཀྱི་ཡུམ༔ རྒྱས་པའི་ལས་མཛད་མདའ་དར་ཚེ་བུམ་བསྣམས༔ རང་འདྲའི་སྤྲུལ་པས་འཇིག་རྟེན་ཁྱབ་པར་འགེངས༔ ལྷོ་ཕྱོགས་སྣོད་བཅུད་འཇིག་རྟེན་རབ་འབྱམས་ཀྱི༔ བརྟན་གཡོའི་དཔལ་དང་ཚེ་བསོད་དྭངས་མའི་ཚོགས༔ ཁྱད་པར་བསྒྲུབ་བྱའི་བླ་ཚེ་ཡར་བ་ཁུག༔ སྡེ་བརྒྱད་འབྱུང་པོས་བརྐུས་ཤིང་འཕྲོགས་པ་ཁུག༔ བྱད་ཕུར་གདོན་གྱིས་གཟིར་དང་ཉམས་པ་ཁུག༔ ཕྱོགས་བཅུའི་འཇིག་རྟེན་རབ་འབྱམས་ཀུན་ནས་ཁུག༔ བསྒྲུབ་བྱའི་ལུས་ངག་ཡིད་ལ་གཉིས་མེད་བསྟིམ༔ རིན་ཆེན་ཚེ་མཆོག་གྲུབ་པའི་ལས་མཛོད་ཅིག༔ ཧྲཱིཿ དམར་མོ་མགྱོགས་མ་པདྨ་རིགས་ཀྱི་ཡུམ༔ དབང་གི་ལས་མཛད་མདའ་དར་ཚེ་བུམ་བསྣམས༔ རང་འདྲའི་སྤྲུལ་པས་འཇིག་རྟེན་ཁྱབ་པར་འགེངས༔ ནུབ་ཕྱོགས་སྣོད་བཅུད་འཇིག་རྟེན་རབ་འབྱམས་ཀྱི༔ བརྟན་གཡོའི་དཔལ་དང་ཚེ་བསོད་དྭངས་མའི་ཚོགས༔ ཁྱད་པར་བསྒྲུབ་བྱའི་བླ་ཚེ་ཡར་བ་ཁུག༔ སྡེ་བརྒྱད་འབྱུང་པོས་བརྐུས་ཤིང་འཕྲོགས་པ་ཁུག༔ བྱད་ཕུར་གདོན་གྱིས་གཟིར་དང་ཉམས་པ་ཁུག༔ ཕྱོགས་བཅུའི་འཇིག་རྟེན་རབ་འབྱམས་ཀུན་ནས་ཁུག༔ བསྒྲུབ་བྱའི་ལུས་ངག་ཡིད་ལ་གཉིས་མེད་བསྟིམ༔ པདྨ་ཚེ་མཆོག་གྲུབ་པའི་ལས་མཛོད་ཅིག༔ ཧྲཱིཿ ལྗང་མོ་མགྱོགས་མ་ལས་ཀྱི་རིགས་ཀྱི་ཡུམ༔ དྲག་པོའི་ལས་མཛད་མདའ་དར་ཚེ་བུམ་བསྣམས༔ རང་འདྲའི་སྤྲུལ་པས་འཇིག་རྟེན་ཁྱབ་པར་འགེངས༔ བྱང་ཕྱོགས་སྣོད་བཅུད་འཇིག་རྟེན་རབ་འབྱམས་ཀྱི༔ བརྟན་གཡོའི་དཔལ་དང་ཚེ་བསོད་དྭངས་མའི་ཚོགས༔ ཁྱད་པར་བསྒྲུབ་བྱའི་བླ་ཚེ་ཡར་བ་ཁུག༔ སྡེ་བརྒྱད་འབྱུང་པོས་བརྐུས་ཤིང་འཕྲོགས་པ་ཁུག༔ བྱད་ཕུར་གདོན་གྱིས་གཟིར་དང་ཉམས་པ་ཁུག༔ ཕྱོགས་བཅུའི་འཇིག་རྟེན་རབ་འབྱམས་ཀུན་ནས་ཁུག༔ བསྒྲུབ་བྱའི་ལུས་ངག་ཡིད་ལ་གཉིས་མེད་བསྟིམ༔ ལས་རབ་ཚེ་མཆོག་གྲུབ་པའི་ལས་མཛོད་ཅིག༔ ཧྲཱིཿ སྔོན་མོ་མགྱོགས་མ་བདེ་གཤེགས་རིགས་ཀྱི་ཡུམ༔ མཆོག་གི་ལས་མཛད་མདའ་དར་ཚེ་བུམ་བསྣམས༔ རང་འདྲའི་སྤྲུལ་པས་འཇིག་རྟེན་ཁྱབ་པར་འགེངས༔ ཕྱོགས་མཚམས་སྣོད་བཅུད་འཇིག་རྟེན་རབ་འབྱམས་ཀྱི༔ བརྟན་གཡོའི་དཔལ་དང་ཚེ་བསོད་དྭངས་མའི་ཚོགས༔ ཁྱད་པར་བསྒྲུབ་བྱའི་བླ་ཚེ་ཡར་བ་ཁུག༔ སྡེ་བརྒྱད་འབྱུང་པོས་བརྐུས་ཤིང་འཕྲོགས་པ་ཁུག༔ བྱད་ཕུར་གདོན་གྱིས་གཟིར་དང་ཉམས་པ་ཁུག༔ ཕྱོགས་བཅུའི་འཇིག་རྟེན་རབ་འབྱམས་ཀུན་ནས་ཁུག༔ བསྒྲུབ་བྱའི་ལུས་ངག་ཡིད་ལ་གཉིས་མེད་བསྟིམ༔ བདེ་གཤེགས་ཚེ་མཆོག་གྲུབ་པའི་ལས་མཛོད་ཅིག༔ རྩ་སྔགས་མཐར། ཛྙཱ་ན་བཛྲ་ཨཱ་ཡུ་ཥེ་ཛཿཛཿ ཛཿཧཱུྃ་བཾ་ཧོཿ བདུན་པ་ནི་དབྱངས་གསལ་ཡེ་དྷར་དང་ཡིག་བརྒྱ་ལན་གསུམ་གྱིས་ལྷག་ཆད་བསྐང་སྟོང་ཚིག་གི་མཆོད་བསྟོད་དང༌། བུམ་པ་བསྒྲུབས་ཡོད་ན་འོད་ཞུ་བྱ། ཡིག་བརྒྱ་ལན་གསུམ་བརྗོད་པས་བརྟན་པར་བྱའོ། །བར་འདིར་བཀའ་གཏེར་སྲུང་མའི་གཏོར་ཆོག་སྤྱི་དང་འདི་ཉིད་ཀྱི་སྲུང་མ་འཆི་མེད་ཉེ་དབང་ཙཎྜིཀའི་གཏོར་ཆོག་འདོན། གསུམ་པ་རྗེས་ཀྱི་ལས་རིམ་བདུན་ལས། དང་པོ་ཚོགས་ཀྱི་འཁོར་ལོ་ནི། ཐུན་མཚམས་ཐབས་དང་ཤེས་རབ་ཀྱི༔ དམ་རྫས་བཀོད་པ་བཟང་དུ་བཤམས༔ བསང་ཆུ་བདུད་རྩིས་བྲན་བྱས་ཏེ༔ གཉིས་མེད་རོལ་པས་བྱིན་གྱིས་བརླབ༔ རྃ་ཡྃ་ཁྃ༔ ཧྲཱིཿ དབྱིངས་ཀྱི་བྷཉྫར་རིག་པའི་བཅུད༔ ཡེ་ཤེས་ལྔ་ལྡན་བདུད་རྩིའི་ཕུད༔ འདོད་ཡོན་ཟེགས་མ་བསམ་ཡས་འཕྲོས༔ མཁའ་ཁྱབ་ཚོགས་ཀྱི་འཁོར་ལོར་གྱུར༔ ཨོཾ་ཨཱཿཧཱུྃ༔ ཚོགས་ཞིང་ལྷ་རྣམས་སྤྱན་འདྲེན་ནི༔ ཧྲཱིཿ ཆོས་སྐུའི་ཞིང་ན་འོད་མི་འགྱུར༔ ལོངས་སྤྱོད་ཡོངས་རྫོགས་ཚེ་དཔག་མེད༔ སྤྲུལ་པའི་གར་བསྒྱུར་རྔ་སྒྲའི་གཙོ༔ བཅོམ་ལྡན་དཀྱིལ་འཁོར་ལྷ་རྣམས་ཀུན༔ ཚོགས་ཀྱི་འདུ་བར་སྤྱན་འདྲེན་ན༔ ཡེ་ཤེས་དགོངས་པས་གཤེགས་སུ་གསོལ༔ ཚོགས་མཆོད་འོད་ཕུང་ལྡེམས་སེ་ལྡེམ༔ འཆི་མེད་བདུད་རྩི་བཅུད་དུ་འཁྱིལ༔ ལྷ་ཚོགས་གར་སྟབས་ཤིགས་སེ་ཤིག༔ རྡོ་རྗེའི་གླུ་བྲོ་ཅི་ཡང་བསྒྱུར༔ རྣལ་འབྱོར་དགོངས་ཉམས་བུན་ནེ་བུན༔ བདེ་སྟོང་ཆོ་འཕྲུལ་བསམ་མི་ཁྱབ༔ གནས་མཆོག་དག་པའི་ཞིང་དུ་སྒྱུར༔ མཆེད་ལྕམ་ཐབས་དང་རྟེན་འབྲེལ་ལྡན༔ བཟའ་བཏུང་རྡོ་རྗེའི་དམ་ཚིག་རྫས༔ སྣོད་བཅུད་དག་པར་བྱིན་གྱིས་རློབས༔ སརྦ་ས་མ་ཡ་ཛཿཛཿ ཛྙཱ་ན་སིདྡྷི་ཧོཿ རང་ལས་སྤྲོས་པའི་ལྷ་མོའི་ཚོགས༔ བསམ་མི་ཁྱབ་པས་མཆོད་པར་བསམ༔ བཟའ་བཏུང་ཕུད་ཀྱི་དང་པོ་མཆོད༔ ཧོཿ རྡོ་རྗེ་བཟའ་བའི་དམ་ཚིག་རྫས༔ ལོངས་སྤྱོད་ཆེན་པོ་རྨད་དུ་བྱུང༔ འཆི་མེད་གྲུབ་པའི་ར་ས་ཡ༔ དཀྱིལ་འཁོར་ལྷ་ལ་འབུལ་གྱིས་བཞེས༔ ག་ཎ་ཙཀྲ་པཱུ་ཛ་ཧོ༔ སྤྲོ་ན་བསྐང་བ་རྒྱས་པ་སྦྱར། བར་བ་བསྐང་ཞིང་བཤགས་པ་ནི༔ ཧྲཱིཿ བདེ་ཆེན་སྒྱུ་མར་རོལ་པ་ཡི༔ རྡོ་རྗེའི་ཞིང་ཁམས་བཀོད་པའི་མཆོག༔ ངོ་མཚར་རྒྱན་གྱི་རོལ་མོ་ཆེ༔ དབྱིངས་དང་མཉམ་པར་སྤྲོ་ཞིང་ཤར༔ རང་སྣང་བཀོད་པ་རྨད་བྱུང་བའི༔ ཕྱི་ནང་གསང་བའི་མཆོད་རྫས་ཆེ༔ བླ་ན་མེད་པའི་དམ་ཚིག་གི༔ རོལ་པའི་ཆོ་འཕྲུལ་རྨད་བྱུང་བ༔ ངོ་མཚར་བསམ་མི་ཁྱབ་པ་འདིས༔ འཆི་མེད་མགོན་པོ་དཀྱིལ་འཁོར་གཙོ༔ རིགས་ཀྱི་ཚོམ་བུ་དང་བཅས་པ༔ ཐུགས་དམ་གཉན་པོ་དགྱེས་པར་བསྐང༔ དམ་ཚིག་ཉམས་ཆག་འགལ་འཁྲུལ་བཤགས༔ ཕྱི་ནང་གསང་བའི་བར་ཆད་སོལ༔ འཆི་མེད་ཚེ་ཡི་དངོས་གྲུབ་སྩོལ༔ ཡི་གེ་བརྒྱ་པས་ཉམས་ཆག་མཐོལ༔ ཐ་མ་བསྒྲལ་བསྟབ་རིམ་པ་ནི༔ ཧྲཱིཿཔདྨཱནྟ་ཀྲྀཏ་བཛྲ་ཀྲོ་དྷ་ཧྱ་གྲཱྀ་ཝ་སརྦ་བིགྷྣཱན་ཧ་ན་ཧ་ན་ཧཱུྃ་ཕཊ྄༔ རང་ཉིད་དབང་ཆེན་རྟ་མཆོག་རོལ་པའི་སྐུར་གྱུར། ན་མོ། དཀོན་མཆོག་གསུམ་ལ་ཕྱག་འཚལ་ལོ། དཀོན་མཆོག་གསུམ་གྱི་བཀའ་བདེན་པ་དང༌། ཆོས་ཉིད་རྣམ་པར་དག་པའི་བདེན་པ་དང༌། ཆོས་ཅན་རྒྱུ་འབྲས་བསླུ་བ་མེད་པའི་བདེན་པ་དང༌། འཆི་མེད་རྡོ་རྗེ་ཚེ་དཔག་མེད་སྒྱུ་འཕྲུལ་དྲྭ་བའི་དཀྱིལ་འཁོར་གྱི་ལྷ་ཚོགས་རྣམས་ཀྱི་བདེན་པ་དང༌། བདེན་པ་ཆེན་པོའི་བྱིན་རླབས་ཀྱིས་མ་རུངས་པའི་སེམས་ཅན་བསྒྲལ་བའི་ཞིང་དུ་གྱུར་པ་ཐམས་ཅད་མཚན་མ་རྫས་ཀྱི་རྟེན་འདི་ལ་མཆིས་པར་གྱུར་ཅིག །ནྲྀ་ཡཾ་ཛཿ ནྲྀ་བཛྲ་ཨངྐུ་ཤ་ཛཿ ཏྲི་ཡཏྟ་ཛཿ ཏྲི་བཛྲ་ཨངྐུ་ཤ་ཛཿ ཛཿཧཱུྃ་བཾ་ཧོཿ ཕྱག་རྒྱ་དང་བཅས་ཏེ་བསྟིམ། ཨེ་ལས་འབར་བའི་བྷཉྫ་རུ༔ ཚེ་བདུད་བར་ཆད་གློ་བུར་བགེགས༔ ཕྱག་རྒྱ་བཞི་ཡིས་འགུགས་འཆིང་སྡོམ༔ མྱོས་ཏེ་ལྷ་ཕྲལ་རང་གཤེད་དབབ༔ རྟ་མཆོག་རོལ་པའི་རྡོ་རྗེའི་མཚོན༔ ཉམས་པའི་སྙིང་ལ་བཏབ་ཅིང་གཟིར༔ དྭངས་མའི་སྙིང་པོ་རང་ལ་བསྟིམ༔ ཤ་ཁྲག་དགྱེས་པའི་མཆོད་པར་འབུལ༔ མཱ་ར་ཡ་ཕཊ྄༔ མཱཾ་ས་རཀྟ་གོ་རོ་ཙ་ན་ཀེཾ་ནི་རི་ཏི་ཁཱ་ཧིཿ འདུས་པའི་ཚོགས་ལ་བཟའ་བཏུང་བྲིམ༔ བརྡ་དང་བརྡ་ཡི་ལེན་གྱིས་རོལ༔ ལས་ཀྱི་རྡོ་རྗེས་ཕྱག་འཚལ་ཏེ༔ ཐབས་ཤེས་བཟའ་བཏུང་བསྣོལ་མར་སྟོབ༔ ཨེ་མ་ཧོ༔ རྡོ་རྗེ་རྒྱལ་པོ་གསང་བ་སྔགས་ཀྱི་མཛོད༔ བདེ་ཆེན་དགྱེས་པར་རོལ་པའི་བརྟུལ་ཞུགས་བསྐྱེད༔ གཙང་རྨེ་གཉིས་འཛིན་བྲལ་བའི་འཁོར་ལོ་ཡིས༔ བདེ་མཆོག་དགྱེས་པའི་དཔལ་ལ་རོལ་དུ་གསོལ༔ ལན་དུ་པདྨའི་ཕྱག་རྒྱས་བླང༔ ཨ་ལ་ལ༔ ཐབས་དང་ཤེས་རབ་བདེ་བ་མཆོག་གི་དབྱིངས༔ འདུ་འབྲལ་མེད་པ་གསང་བའི་དེ་ཁོ་ན༔ རོལ་པ་ཆེན་པོའི་དམ་ཚིག་བླ་ན་མེད༔ མཆོག་གི་ཡེ་ཤེས་རྒྱས་ཕྱིར་བདག་གིས་བླང༔ ཞེས་དང༌། རང་ལུས་དཀྱིལ་འཁོར་ལྷ་རུ་གསལ༔ རྡོ་རྗེ་ཕུང་པོའི་དཀྱིལ་འཁོར་ནི༔ གདོད་ནས་གདན་གསུམ་ལྷ་ཡི་དལ༔ རྩ་རླུང་ཐིག་ལེའི་དཀྱིལ་འཁོར་དུ༔ དགྱེས་པས་རོལ་པའི་དཔལ་དུ་སྤྱོད༔ ས་མ་ཡ་པཱུ་ཛ་ཧོ། སྟངས་དཔྱལ་མཉམ་པར་རོལ་པ་ཡིས༔ བདེ་བ་ཆེན་པོ་ལམ་དུ་སློང༔ རྡོ་རྗེ་པདྨའི་གྲོང་ཁྱེར་ནི༔ མཉམ་པར་སྤྱོད་པའི་དེ་ཉིད་ལས༔ ཨ་ཧཏྟ་བསྲེགས་བཞུའི་རོལ་རྩེད་ཀྱིས༔ གསང་མཆོག་དགྱེས་པའི་དམ་ཚིག་གོ༔ ཨ་ནུ་རཱ་ག་ཨ་ལ་ལ་ཧོཿ ངེས་པའི་གསང་བ་བླ་ན་མེད༔ དེ་ཁོ་ན་ཡི་དབྱིངས་སུ་བཞག༔ ཕུད་ཀྱི་ལྷག་མ་ཀུན་བསྡུས་ཏེ༔ སློབ་དཔོན་ལ་ཞལ་ཆབ་ཞུ་སྨན་རཀ་བྲན། མེ་སྒྲོན་བཙུགས་ལ། པཉྩ་ཨ་མྲྀ་ཏ་ཧ་ཧོ་ཧྲཱིཿ ལྷག་གཏོར་འདོད་པའི་ཡོན་ཏན་ལྔ་དང་ལྡན་པར་གྱུར། ཨེ་ཨ་རལླི་ཧྲཱིཾ་ཧྲཱིཾ༔ པདྨ་དབང་གི་དཀྱིལ་འཁོར་ཆེ༔ སྐྱོང་བའི་བཀའ་ཉན་ལྷག་སྡུད་ཚོགས༔ དཔལ་གྱི་ཕམ་ཕབ་འདི་བཞེས་ལ༔ བཅོལ་པའི་ཕྲིན་ལས་འགྲུབ་པར་མཛོད༔ ཨུཙྪིཥྚ་བ་ལིཾ་ཏ་ཁཱ་ཧི༔ བླ་མེད་གསང་བའི་དཀྱིལ་འཁོར་དུ༔ དམ་ཚིག་ཆེན་པོས་མཆོད་པའི་མཐུས༔ ཚོགས་གཉིས་ཡོངས་སུ་རྫོགས་པ་དང༔ འཆི་མེད་ཚེ་ཡི་དཔལ་ཐོབ་ཤོག༔ རྡོ་རྗེའི་གླུ་དང་གར་ཆེན་པོས༔ ལྷ་ཚོགས་དགྱེས་བསྐྱེད་དངོས་གྲུབ་ཚོགས༔ ཐོབ་པའི་སྐལ་བཟང་མངོན་གྱུར་ནས༔ ལྷ་དང་སྐལ་བ་མཉམ་པར་བསམ༔ གཉིས་པ་ཐུགས་དམ་བསྐུལ་བ་ནི༔ འདིར་སྤྲོ་ན་རྗེ་བླ་མའི་ཟབ་གཏེར་གྱི་ཚེ་ཡི་བརྒྱུད་བསྐུལ་ཀྱང་སྦྱར། ཧྲཱིཿ ཡེ་ཤེས་དབྱིངས་ཀྱི་ཕོ་བྲང་ནས༔ ཚེ་མཐའ་ཡས་པའི་ཐུགས་དམ་བསྐུལ༔ སྐྱེ་འཆི་མཚན་མ་དག་པ་ཡི༔ མཆོག་གི་ཚེ་དབང་བསྩལ་དུ་གསོལ༔ བདེ་ཆེན་རིག་པའི་ཕོ་བྲང་ནས༔ གསུང་གི་དབང་ཕྱུག་ཐུགས་དམ་བསྐུལ༔ མི་ཤིགས་རྡོ་རྗེའི་གསང་བ་གསུམ༔ མངོན་སུམ་གྲུབ་པར་མཛད་དུ་གསོལ༔ ཟུང་འཇུག་མཁའ་ཁྱབ་དཀྱིལ་འཁོར་ནས༔ པདྨ་དབང་གི་ཐུགས་དམ་བསྐུལ༔ འཆི་མེད་ཡེ་ཤེས་ཚེ་ཡི་མཆོག༔ འགྲུབ་པའི་དངོས་གྲུབ་མཆོག་སྩོལ་མཛོད༔ གཟུང་འཛིན་འཁྲུལ་པའི་བག་ཆགས་ཞི༔ ཚེ་དང་ཡེ་ཤེས་མཆོག་ཏུ་རྒྱས༔ རླུང་སེམས་དབང་འདུས་ཕྲིན་ལས་ཀྱིས༔ ཚེ་བདུད་བར་ཆད་ཞི་བར་མཛོད༔ གསུམ་པ་ཆོས་སྐྱོང་གཏོར་མ་འབུལ་བ་ནི། གཏོར་འགུགས་དང༌། དམ་ཅན་སྤྱི་ཡི་གཏོར་འབུལ་རྗེས། སྲུང་མར་ཆད་ཐོ་བསྒྲག་པ་ནི། ཧཱུྃ་ཧྲཱིཿ སྔོན་ཚེ་བསྐལ་པའི་དང་པོ་ལ༔ སློབ་དཔོན་པདྨ་ཐོད་ཕྲེང་གིས༔ ཚེ་ཡི་རིག་འཛིན་སྒྲུབ་པའི་ཚེ༔ བྲག་ཕུག་མཱ་ར་ཏི་ཀ་རུ༔ འཆི་མེད་པདྨ་རིག་འཛིན་དང༔ ལྷ་ལྕམ་མནྡ་ར་བ་ཡིས༔ ཉེ་རྒྱུའི་སྤྱོད་པས་མཆོག་གྲུབ་ནས༔ ཚེ་བདག་མགོན་པོ་ཡབ་ཡུམ་གྱིས༔ རྡོ་རྗེ་ཚེ་ཡི་དབང་ཡང་བསྐུར༔ སྐྱེ་འཆི་མེད་པའི་གོ་འཕང་བརྙེས༔ ཚེ་རྒྱུད་བྱེ་བ་ཕྲག་བརྒྱ་གཏད༔ རྡོ་རྗེའི་ས་ལ་ཕྱིན་པའི་ཚེ༔ གཡར་དམ་ཕོག་པའི་ཆོས་སྐྱོང་ཀུན༔ གཏོར་མ་བདུད་རྩིའི་མཆོད་པ་བཞེས༔ རྣལ་འབྱོར་ཚེ་སྲོག་ཉམས་པ་གསོས༔ ཚེ་དབང་མཆོག་གི་དངོས་གྲུབ་ཐོབ༔ ཟབ་གཏེར་བསྟན་པ་རྒྱས་པ་དང༔ འདོད་དགུའི་ཕྲིན་ལས་འགྲུབ་པར་མཛོད༔ བརྟན་མ་བཤལ་ཆུས་བྲན་ནས་ཀྱང༔ ཧཱུྃ་ཧྲཱིཿ བོད་ཁམས་སྐྱོང་བ་བརྟན་མའི་ཚོགས༔ བདུད་དང་གནོད་སྦྱིན་སྨན་མོའི་ཚུལ༔ བཤལ་ཆུའི་བདུད་རྩི་བཞེས་ནས་ཀྱང༔ སོ་ཁ་སྲུངས་ལ་ཀླ་ཀློ་སྒྲོལ༔ རྩ་རླུང་ཐིག་ལེའི་མདུད་པ་དཀྲོལ༔ བདེན་དོན་ཡན་ལག་བཅུ་གཉིས་ཚོགས༔ མི་རྟོག་དབུ་མའི་དབྱིངས་སུ་དག༔ དངོས་གྲུབ་མཆོག་གི་སྡོང་གྲོགས་མཛོད༔ གཏོར་གཞོང་རི་རབ་འབར་བའི་འོག༔ སྒབ་འདྲེ་དམ་སྲི་མནན་པར་བསམ༔ ཧཱུྃ༔ ཨེ་ཡི་དཀྱིལ་འཁོར་ཆེན་པོ་རུ༔ བར་དུ་གཅོད་པའི་དམ་སྲིའི་ཚོགས༔ མནན་ནོ་ཀློང་ཆེན་ཡུམ་ལྔའི་རྒྱ༔ ནམ་ཡང་ལྡང་བར་མ་གྱུར་ཅིག༔ སྟྭཾ་བྷ་ཡ་ནན༔ བཞི་པ་དངོས་གྲུབ་བསྐུལ་བ་ནི༔ ཧྲཱིཿ བཅོམ་ལྡན་མགོན་པོ་ཚེ་དཔག་མེད༔ སྐུ་གསུང་ཐུགས་ཀྱི་ཡེ་ཤེས་དབྱིངས༔ ནམ་མཁའ་མཉམ་པའི་ཆོ་འཕྲུལ་ལས༔ མཁྱེན་བརྩེའི་དགོངས་པའི་སྒོ་ཕྱེས་ལ༔ ལུས་འདི་འཆི་མེད་སྐུ་འགྲུབ་མཛོད༔ གཞོམ་མེད་ཚངས་དབྱངས་གསུང་འགྲུབ་མཛོད༔ ཡེ་ཤེས་ཐུགས་ཀྱི་སྲོག་ཐོབ་མཛོད༔ འཆི་མེད་གཉུག་མའི་གསང་བ་ཆེ༔ ད་ལྟ་ཉིད་དུ་འགྲུབ་པར་མཛོད༔ སྒྲུབ་སྔགས་མཐར། ཀཱ་ཡ་ཝཱཀ་ཙིཏྟ་གུ་ཎ་ཀརྨ་སིདྡྷི་ཕ་ལ་ཧཱུྃ༔ ལྔ་པ་མཆོད་བསྟོད་རྒྱས་བསྡུས་ཅི་རིགས་དང༌། མ་རྙེད་ཡོངས་སུ་སོགས་ཀྱི་ནོངས་བཤགས་ཡིག་བརྒྱ་བཟླ། རྟེན་ཡོད་ན་བརྟན་བཞུགས་དང༌། ཡེ་ཤེས་གཤེགས་དམ་ཚིག་དཀྱིལ་འཁོར་རང་ལ་བསྟིམ། དྲུག་པ་རྟག་ཆད་ཀྱི་མཐའ་བསལ་ཕྱིར་བསྡུ་ལྡང་ནི། ཨཿ མཚན་བཅས་ལྷ་ཡི་རྟེན་བརྟེན་པ༔ འོད་གསལ་དབྱིངས་ཀྱི་ཐིག་ལེར་ཐིམ༔ སྣང་གྲགས་རིག་པ་ལྷ་དང་སྔགས༔ ཡེ་ཤེས་རོལ་པའི་འཁོར་ལོར་ཤར༔ ཨོཾ་ཨཱཿཧཱུྃ༔ བཛྲ་ཀཱ་ཝཱ་ཙི་རཀྵ་ཧཾ༔ ཞེས་གནས་གསུམ་བྱིན་རླབས་དང་གོ་བགོ། བདུན་པ་བསྔོ་སྨོན་ཤིས་བརྗོད་ནི། ཧོ༔ ལེགས་སྤྱད་དགེ་བའི་ཚོགས་ཐམས་ཅད༔ འཆི་མེད་རིག་འཛིན་འགྲུབ་ཕྱིར་བསྔོ༔ ལྷ་དང་སྐལ་བ་མཉམ་པ་ཡིས༔ དོན་གཉིས་འབད་མེད་འགྲུབ་གྱུར་ཅིག༔ ཅེས་དགེ་བ་རྫོགས་བྱང་དུ་བསྔོས་ལ། ཁྱད་པར་བཀྲ་ཤིས་ནི། མེ་ཏོག་འཐོར་སྙན་པའི་དབྱངས་དང་བཅས། ཨོཾ༔ གསུང་གི་རྡོ་རྗེ་དཀྱིལ་འཁོར་གཙོ༔ ཚེ་མཐའ་ཡས་པའི་བཀྲ་ཤིས་ཤོག༔ གསང་བ་ཡེ་ཤེས་མཁའ་འགྲོའི་མཆོག༔ གོས་དཀར་ཡུམ་གྱི་བཀྲ་ཤིས་ཤོག༔ ཡེ་ཤེས་རྣམ་ལྔས་འགྲོ་བ་སྒྲོལ༔ ཚེ་བདག་རིགས་ལྔའི་བཀྲ་ཤིས་ཤོག༔ ལྷ་ཚོགས་དགྱེས་བསྐྱེད་ཚེ་དཔལ་སྡུད༔ འཆི་མེད་ཌཱ་ཀིའི་བཀྲ་ཤིས་ཤོག༔ ཕྲིན་ལས་རྣམ་བཞིར་དབང་བསྒྱུར་བའི༔ ཕྱག་རྒྱ་བཞི་ཡི་བཀྲ་ཤིས་ཤོག༔ གནས་སྐབས་ཚེ་དང་བསོད་ནམས་འཕེལ༔ བརྟན་གཡོའི་དཔལ་ཀུན་དབང་དུ་འདུ༔ མཐར་ཐུག་གཉུག་མའི་འཁོར་ལོ་ཆེར༔ དབྱེར་མེད་འགྲུབ་པའི་བཀྲ་ཤིས་ཤོག༔ གཞན་ཡང་ཞལ་ནས་གསུངས་པའི་ཤིས་པ་བརྗོད་བཞིན་མེ་ཏོག་གི་ཆར་བསྙིལ་ཞིང་རོལ་མོའི་སྒྲ་སྙན་པར་སྒྲོག་པས་དགེ་ལེགས་སུ་བྱའོ།། ༈ ཕྱི་ནང་གསང་བ་ཀུན་འདྲིལ་ཡང་ཟབ་རྒྱུན་གྱི་རྣལ་འབྱོར་སྤྲོས་མེད་ཡིན་ཀྱང་ཚོགས་མཆོད་སོགས་ཀྱིས་ཅུང་ཟད་རྒྱས་པར་འདོད་ན། །སྔོན་རྗེས་འདི་ལྟར་ལ་ལྷ་བསྐྱེད་གསང་སྒྲུབ་གཞུང་ལྟར་གྱི། ཨོཾ་མ་ཧཱ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ྅་ཧཾཿ ཆོས་ཀུན་གཟོད་ནས་དེ་བཞིན་ཉིད༔ སོགས་ནས། པད་ཕྲེང་བུམ་པ་འཛིན་པས་འཁྱུད༔ ཅེས་པའི་མཚམས་གོང་གི་ལས་བྱང་ནས། གནས་གསུམ་ཨོཾ་ཨཱཿཧཱུྃ་གི་འབྲུས༔ ཞེས་སོགས་ཀྱིས་བྱིན་བརླབ་དབང་བསྐུར་རྒྱས་གདབ་དང་སྤྱན་འདྲེན་ཡན་སྔར་ལྟར་སྦྱར། བཟླས་པའི་སྐབས་ཛཔ་བསྐུལ་མ་བྱས་ཀྱང་ཆོག །བཟླས་དམིགས་ནི། ཐུགས་ཀར་པདྨ་དམར་པོ་ནི༔ ཞེས་སོགས་དང༌། བཛྲ་ཨཱ་ཡུ་ཥེ་བཟླས་མཐར་ཚེ་གཟུངས་བརྒྱ་རྩ་སོགས་བཟླ། རྗེས་ཀྱི་ལས་རིམ་སྔར་ལྟར་བྱས་པས་གྲུབ་བོ། །དེ་ལྟར་བྱིན་རླབས་དཔལ་དུ་འབར་བ་ཡི། །རྡོ་རྗེའི་སྲོག་རྩ་སྒྲུབ་པའི་འཆི་མེད་ཀྱི། །གདམས་ཟབ་སྙིང་པོའི་བཅུད་དྲིལ་འདི་ལྟ་བུ། །རྣ་བའི་དཔྱིད་དུ་ཐོབ་པའང་སྐལ་པ་བཟང༌། །འདི་འདྲའི་གདམས་པར་དད་བརྩོན་སྒྲུབ་པོ་ཡིས། །རྩེ་གཅིག་འབད་ན་འཆི་བདག་བདུད་སྡེ་ལས། །རྣམ་པར་རྒྱལ་ཞིང་ཚེ་དང་ཡེ་ཤེས་ཀྱི། །དངོས་གྲུབ་ཆེན་པོ་ཐོབ་ལ་སོམ་ཉི་བྲལ། །དེ་ཕྱིར་ཡལ་བར་མ་དོར་ཉམས་སུ་ལོངས། །རང་གཞན་དོན་གཉིས་འགྲུབ་ལ་མི་བསླུ་ངེས། །འདི་ལ་ནོངས་པར་གྱུར་པའི་ཚོགས་རྣམས་ཀུན། །བླ་མ་མཁའ་འགྲོའི་ཚོགས་ལ་བཟོད་པར་གསོལ། །རབ་དཀར་ལེགས་བྱས་མཐོ་རིས་བདུད་རྩིའི་ཆབ། །སྐལ་བཟང་ལྷ་ཕྲུག་ཀུན་དགའི་སྨན་མཆོག་གི །བཅུད་ཀྱི་ལེན་པས་ཚེ་དཔལ་འཆི་མེད་ཀྱི། །དགའ་སྟོན་འཇིག་རྟེན་གསུམ་ན་མཛེས་གྱུར་ཅིག །ཅེས་པའང་ཀུན་གཟིགས་གཏེར་ཆེན་བླ་མའི་བཀའ་ཡིས་རྗེས་སུ་གནང་བ་བཞིན་ཟབ་ཆོས་འདི་ཉིད་ཀྱི་ཐོག་མའི་སྣོད་ལྡན་འཇམ་དབྱངས་བླ་མ་མཁྱེན་བརྩེའི་དབང་པོའི་ཕྲིན་ལས་ཀྱི་བྱེད་པོར་སྨོན་པ་འཇམ་དབྱངས་ཆོས་ཀྱི་བློ་གྲོས་ཚེ་དབང་གྲུབ་པ་རྩལ་གྱིས་བཀྲ་ཤིས་འཆི་མེད་གྲུབ་པའི་དགའ་ཚལ་དུ་བཀླགས་ཆོག་ཏུ་བསྡེབས་པས་འགྲོ་ཀུན་སྐྱེ་འཆིས་གཞོམ་བྲལ་རྡོ་རྗེའི་ཡེ་ཤེས་ཀྱི་སྐུ་བརྙེས་པའི་རྒྱུར་གྱུར་ཅིག། །།

[edit]

@#/_/'chi med pad+ma'i snying thig las/_rdo rje tshe yi nang sgrub bklags chog tu bkod pa 'chi med pad+ma'i phreng ba zhes bya ba bzhugs so// @#/__/na mo gu ru a pa ri mi ta ye/_gzhom bral tshe dang ye shes dpag med cing*/_/gzi brjid bkod pa'i rgyal po zhes grags pa/_/mtshan thos tsam gyis dus kyi 'jigs 'phrog pa'i/_rgyal ba 'od snang mtha' yas de la 'dud/_/gang de'i sgrub thabs bye ba phrag brgya yi/_/yang snying pad+ma rgyal po'i thugs kyi thig_/shin tu zab mo dgongs pa'i gter bcud las/_/byung ba'i phrin las byang bu bklags chog spel/_/de'ang tshe sgrub pad+ma'i snying thig gi nang sgrub lha bcu bdun ma'i bsnyen sgrub bya bar 'dod pas dkyil 'khor 'di nyid du dbang thob cing dam tshig dang ldan pas ra ba bzhi'i yar ngo'i gza' skar 'phrod sbyor legs par dam tshig gi bris sku sogs rten bkram pa'i spyan sngar sgrub mchod dbang bskur sogs dang 'brel na ras bris kyi dkyil 'khor gzhung mthun nam 'bru tshom bkod pa'i khar dbang rdzas sgrub rten sogs 'god/_dkyus tsam du sman raka gtor mchod sogs dang dkar bgegs bshams la/_sgrub pa po bde ba'i stan la 'khod de nges 'byung gi blo bskyed/_byang chub kyi sems bsgom la cho ga'i las rim la 'jug ste/_de la'ang sngon 'gro/_dngos gzhi/_rjes kyi las rim mo/__/sngon 'gro la brgyad las/_dang po skyabs su 'gro ba'i thog mar tshig bdun gsol 'debs dang*/_mgon po tshe dpag med kyi dgongs pa yis:_sogs dang*/_brgyud 'debs 'don/_bsnyen pa'i nyin dang po dang sgrub pa'i skabs/_zhing skyong gzhi bdag la byin rlabs sngon du 'gro bas/_a kA ro'i sngags dang*/_gang dag 'dir gnas kyis dkar gtor gser skyems spyi ltar 'bul/_skyabs 'gro dngos ni/_mdun gyi nam mkhar bla ma tshe dpag med skyabs yul rgya mtsho'i tshogs kyis bskor ba mngon sum bzhin du bzhugs par dmigs la/_na mo:_bdag ni deng nas byang chub bar:_bla ma dkon mchog rnam gsum la:_mi phyed dad dang dang ba'i blos:_rtse gcig gus pas skyabs su mchi:_zhes lan gsum/_gnyis pa sems bskyed ni/_de nas gzhan phan mchog gi blos:_smon dang 'jug pa'i byang sems bsgom:_hoH_nam mkha' mnyam pa'i sems can rnams:_ma rtogs bdag tu bzung ba'i blos:_skye 'chi mtshan ma'i chos la zhen:_bsgral phyir sems kyis dam bca' bzung:_'gro kun bdag gi pha ma ste:_de dag byang chub 'god pa'i blos:_sbyin sogs pha rol phyin pa yi:_rgyal sras spyod la bslab par bgyi:_zhes smon 'jug gi don yid la dran bzhin lan gsum gyi mthar/_tshad med bzhi bsgom pa ni/_sems can bde dang mi 'bral ldan:_sdug bsngal rgyu 'bras mtha' dag zhi:_bde dang rtag tu mi 'bral ba'i:_rang gzhan phyogs ris med gnas shog:_ces brjod/_gsum pa tshogs bsags yan lag bdun pa 'bul ba ni/_hoH_phyogs dus rgyal ba sras bcas dang:_tshe dpag med mgon zhabs pad+mor:_zhing rdul kun gyi grangs snyed kyi:_sgo gsum gus pas phyag 'tshal lo:_phyi nang gsang ba bla med pa'i:_kun bzang mchod sprin rgya mtshos mchod:_sdig sgrib nyes ltung mthol zhing bshags:_tshogs gnyis spyod la rjes yi rang:_chos kyi 'khor lo bskor bzhin du:_mya ngan mi 'da' bzhugs gsol 'debs:_dge tshogs byang chub snying por bsngo:_gzhan don sangs rgyas myur 'grub shog:_lan gsum/_badz+ra muH_tshogs zhing rnams rang la thim par gyur:_bzhi pa bgegs la bka' bsgo zhing mtshams gcod pa ni/_gtor ma las chus bran te/_rang nyid skad cig gis pad+ma dbang chen rta mchog rol pa'i skur gyur:_ra~M ya~M kha~M/_stong pa'i ngang las rin po che las grub pa'i snod yangs shing rgya che bar gtor ma kha dog dri ro nus pa phun sum tshogs par gyur/_oM AHhU~M/_lan gsum/_ha ho hrIHsa rgyas par spel/_oM sarba b+hU ta A kar+Sha ya dzaHsa mgron dgug_/oM sarba big+h+nAM na maH_sogs nam mkha' mdzod kyi sngags rgya lan gsum gyis bsngos la/_hrIH_nga ni dbang chen he ru ka:_'khor 'das yongs kyi rje btsan te:_tshe bdud log 'dren bar chad bdud:_bsnyen pa'i skabs/_sngon gyi bag chags ngan pa yis:_gsang spyod lta ba'i skabs med phyir:_gnas 'dir ma 'dug gzhan du song:_zhes kha bsgyur/_sngon gyi lan chags sbyang ba'i phyir:_'dod yon glud gtor 'di sbyin gyis:_tshim par gyis la gzhan du song:_gal te mi nyan 'tshe byed na:_dbang gi rgyal po'i ting nge 'dzin:_'bar ba'i brtul zhugs rol ba yi:_cho 'phrul bsam gyis mi khyab pas:_brlag par 'gyur gyis phyir dengs shig:_hU~M bzhi'i sngags dang thun gyis gzir:_phyogs bcings srung ba'i mtshams bcad phyir:_hrIH_snang srid ye shes lha yi dal:_snang grags rig pa sku gsung thugs:_gnyis su med pa'i dkyil 'khor te:_kun kyang 'bar ba'i phyag rgyar shar:_bgegs dang bar chad ming yang med:_mi shigs rdo rje 'khor lo dang:_rin chen pad+ma rgya gram gyi:_gur khang 'bar bas phyogs mtshams gtams:_mtshams kyi dkyil 'khor lhun gyis grub:_dz+nyA na badz+ra tsakra rat+na pad+ma khang+ga rak+Sha rak+Sha b+h+rU~M b+h+rU~M b+h+rU~MH_lnga pa 'khon gcugs bshags pas sbyang ba ni:_hoH_tshe yi lha tshogs ma lus pa:_thugs rje brtse bas dgongs su gsol:_bdag ni ma rig 'khrul pa yi:_las dang nyon mongs gzhan dbang can:_srid pa 'khor ba'i las bsags pa:_mi dge nyes par byas pa'i nongs:_snying nas gdung bas mthol bshags kyis:_bzod par bzhes la sku gsung thugs:_ye shes rdo rje'i dngos grub stsol:_yi ge brgya pa yang yang brjod:_drug pa dam bca' sdom pa bzung ba ni:_oM:_ye shes spyan ldan rnal 'byor dbang:_thugs rje'i dbang bsgyur bcom ldan 'das:_srid gsum 'gro ba'i gnyen gcig pu:_bdag la dgyes pas bzhugs su gsol:_mtha' yas sems can ma lus pa'i:_don du yang dag lam 'dod pas:_so sor thar dang byang chub sems:_rig 'dzin nang gi bslab pa la:_spyi dang khyad par lhag pa yi:_rtsa ba sku gsung thugs mchog dang:_yan lag dam tshig nyi shu lnga:_rang bzhin lta ba'i dam tshig las:_nam yang 'gal bar mi bgyid cing:_yang dag nges pa'i gsang ba yi:_bla med rgyal po'i dam tshig gi:_rim pa yal bar mi 'dor ba'i:_rdo rje'i dam bca' gnyan po bzung:_badz+ra sa ma ya hoH_bdun pa rdo rje'i byin chen dbab pa'i phyir:_spos dang bshugs glu'i brdas bskul zhing:_mda' dar g.yab la rol mo brdung:_gdung shugs ting 'dzin mi g.yel bas:_sgrub mchod sogs kyi skabs 'jam mgon bla ma'i dgongs gter byin 'bebs ye shes mchog stsol kyang sbyar na legs/_hU~M hrIH_'og min chos dbyings bde chen brdal ba che:_lhun grub rol pa bcom ldan snang mtha' yas:_rig stong ye shes chos sku'i lha tshogs kyis:_gnyis med mnyam pa chen por byin phob cig:_kha sbyor longs spyod rdzogs pa'i zhing khams nas:_gsung gi rdo rje 'chi med tshe yi lha:_rang snang khyab brdal longs sku'i lha tshogs kyis:_snang srid dkyil 'khor rdzogs pa'i byin phob cig:_snod bcud dag pa'i 'khor lo'i pho brang nas:_'gro 'dul sgyu 'phrul drwa ba'i dkyil 'khor lha:_ting 'dzin sgyu mar rol pa'i cho 'phrul gyis:_sku gsung thugs kyi ye shes byin phob cig:_byin chen byin phob sku gsung thugs dbang bskur:_dbang chen dbang bskur gnyis med byin gyis rlobs:_snod bcud bde chen zhing gi rang bzhin dang:_sgrub rdzas ye shes rol mor 'char bar mdzod:_oM AHhU~M badz+ra ma hA A yur maN+Dal dz+nyA na a be sha ya a a:_hrIM hrIMH_pheM pheM:_hU~M hU~M hU~M:_byin bsdu gnyis med bstim pa dang:_brgyad pa mchod rdzas byin gyis brlab pa ni/_oM AHhU~M:_snod bcud phun tshogs bde chen zhing:_rang snang kun bzang mchod pa'i sprin:_zag med nam mkha' gang ba'i tshogs:_ye shes chen po'i rol par shar:_oM badz+ra ar+g+haM nas/_shab+da'i bar/_sarba sa ma ya pU dza dz+nyA na AHhU~M:_oM sarba pany+tsa a mr-i ta AHhU~M:_oM ma hA rak+ta AHhU~M:_oM ma hA ba liM ta AHhU~M:_zhes sngags rnams lan gsum re brjod pas byin gyis brlab bo/__/gnyis pa dngos gzhi la bdun gyi/_dang po lha yi sa ma da[⁽14ab⁾\u0f72]:_rtse gcig yid kyis bsgom pa ni:_oM ma hA shU n+ya tA dz+nyA na badz+ra swa b+hA ba At+ma ko\u0f85haMH_'khor 'das chos kun dbyings kyi ngang:_rnam par thar pa sgo gsum gyi:_ye shes chen po'i rang bzhin du:_gdod nas dag pa'i chos su gnas:_ting 'dzin de yi ngang nyid las:_ma rtogs 'khrul pa'i sems can rnams:_dag pa chen por bsgral ba'i phyir:_snying rje sgyu ma khyab par brdal:_zung 'jug mchog gi ye shes ni:_sangs rgyas kun gyi thugs kyi dbyings:_rang byung lhun grub sa bon che:_yi ge hrIHyig mkha' la shar:_de las e ya~M ra~M su~M dang:_ra~M dang b+h+rU~M chad yongs gyur las:_nam mkha' rlung me sa ri rab:_me steng rdo rje'i rdul 'thas par:_pad+ma rgya gram yangs pa'i steng:_rin chen gzhal yas mtshan nyid rdzogs:_phyi gsal nang gsal 'od zer 'bar:_mdog lnga'i rtsig pa yid du 'ong:_pha gu drwa phyed mdzes pas spras:_mda' yab pu shu tog gis brjid:_'dod snam lha mo'i mchod sprin spro:_ye shes snang ba bsam mi khyab:_sgo bzhi rgyu 'bras rta babs brgyad:_chos 'khor ri dwags gdugs kyis brgyan:_ngo mtshar rgyan gyi bkod pa'i tshogs:_blo las 'das pa'i cho 'phrul shar:_sa ma ya maN+Dal b+h+rU~M:_pho brang de yi lte ba la:_pad+ma rin chen rma bya'i khri:_'dab stong ge sar zla ba'i steng:_sa bon babs pa yongs gyur las:_'phro 'dus brtan g.yo'i dwangs ma bsdus:_'od zhu pad+ma rA ga yi:_rdo rje rtse lnga 'od 'bar ba'i:_phyag mtshan yongs su gyur pa las:_'chi med mgon po snang mtha' yas:_gsung gi rdo rje tshe dpag med:_dmar gsal mtshan dpe'i gzi byin 'bar:_longs spyod rdzogs pa'i rgyan chas mdzes:_zhi 'dzum gzhon nu'i ngang tshul can:_rdo rje'i skyil mo krung gis bzhugs:_phyag gnyis mnyam bzhag phyag rgya'i steng:_'chi med tshe yi bum pa bsnams:_pang du rang 'od gos dkar mo:_dmar gsal gzhon nu ma yi gzugs:_gcer bu rus pa'i phyag rgya can:_pad phreng tshe yi bum pa 'dzin:_gnyis med 'khril sbyor bde bas dgyes:_'od kyi phung po 'bar ba las:_pho nya mgyogs ma 'phro zhing 'du:_yab yum sbyor ba'i byang chub sems:_hU~M trA~M oM AHyab kyi snying:_mU~M lA~M mA~M tA~M yum gyi snying:_zung re 'phros pa phyogs bzhir babs:_shar du mi bskyod tshe dpag med:_mA ki yum dang bcas pa mthing:_lho ru rin 'byung tshe dpag med:_spyan ma yum dang bcas pa ser:_nub tu rnam snang tshe dpag med:_dbyings phyug yum dang bcas pa dkar:_byang du don grub tshe dpag med:_sgrol ma yum dang bcas pa ljang:_kun kyang cha lugs gtso dang mtshungs:_mnyam bzhag phyag rgyas tshe bum 'dzin:_yum rnams pad phreng bum pa bcas:_bde stong sbyor ba'i cho 'phrul mdzes:_tshe bdag rigs bzhi'i g.yas kyi zur:_rdo rje sgeg mo sku mdog dkar:_rdo rje phreng ba mthing la mdzes:_rdo rje glu ma dmar mo sgeg:_rdo rje gar ma ljang khu'i mdog:_longs spyod rdzogs pa'i gzhon tshul gyis:_phyed skyil tshe yi bum pa 'dzin:_g.yon gyi zur bzhir mgyogs ma bzhi:_dkar mthing dmar ljang lha mo'i chas:_pad+ma'i skyil krung tshe bum can:_kun kyang pad zla'i steng na bzhugs:_sgo bzhir rdo rje lcags kyu ma:_zhags pa lcags sgrog dril bu can:_phyag rgya bzhi dang mda' dar 'dzin:_brkyang bskum gar gyis pad nyir bzhengs:_bar mtshams tshe yi rig 'dzin dang:_'chi med ye shes lha yi tshogs:_nyi zer rdul gyi phung po bzhin:_bsam yas bkod pa 'phro zhing 'du:_gnas gsum oM AHhU~M gi 'brus:_sku gsung thugs kyi byin rlabs bsdus:_spyi bo'i gnas lngar sa bon lnga:_yongs gyur rigs lnga'i cho 'phrul gyi:_byang chub sems kyi bdud rtsi yis:_dbang bskur rigs kyi 'khor los bsgyur:_snang mtha' yas pa'i rgyas btab ste:_dkyil 'khor chen po rdzogs par gyur:_badz+ra dz+nyA na kA ya oM:_badz+ra dz+nyA na wAka AH_badz+ra dz+nyA na tsit+ta hU~M:_hrIHhU~M trA~M oM aH_a b+hi Shiny+tsa mi:_gnyis pa ye shes 'khor lo spyan drangs pa:_hrIH_nub phyogs bde chen dbang gi zhing:_pad+ma sgyu 'phrul drwa ba yi:_bkod pa'i cho 'phrul bsam las 'das:_ye shes lha tshogs gshegs su gsol:_bcom ldan mgon po tshe dpag med:_'chi med rnga sgra pad+ma'i rigs:_'od snang mtha' yas dkyil 'khor lha:_'khor dang bcas pa gshegs su gsol:_rigs lnga bsam yas bkod pa'i tshogs:_gsung gi rdo rje gar gyi dbang:_'chi med rig 'dzin mkha' 'gro bcas:_rtsa gsum lha tshogs gshegs su gsol:_sgrub pa'i gnas 'dir gshegs nas kyang:_sku gsung thugs kyi dbang chen bskur:_byin gyis rlobs la bar chad sol:_tshe bdud 'gal rkyen zhi ba dang:_mchog dang thun mong dngos grub stsol:_oM sarba ta thA ga ta a pa ri mi ta A yudz+nyA na maN+Da la sa ma ya dzaHdzaH_ma hA ka ru Ni ka dr-i sh+ya hoH_sa ma ya hoH_sa ma ya s+t+wa~MH_gsum pa bzhugs su gsol ba ni/_hrIH_dbyings nas spyan drangs ye shes pa:_dam tshig thugs rjes brtser dgongs la:_ting 'dzin bkod pa'i dkyil 'khor 'dir:_gnyis su med par bzhugs su gsol:_sa ma ya tiSh+Tha lhan:_bzhi pa phyag mchod bstod pa'i rim pa ni/_hrIH_bde chen 'od 'bar chos kyi sku:_longs spyod yongs rdzogs 'chi med lha:_dkyil 'khor rgya mtsho'i tshogs bcas la:_mi phyed gus pas brda phyag 'tshal:_na mo pu ru sha ya hoH_rang las shar ba'i phyag rgya mos:_kun bzang mchod pa'i tshogs dpag yas:_nam mkha' gang ba rab spros te:_yang dag mchod cing bstod par bsam:_mchod pa rgyas na 'di dang 'dod yon lnga mchod gnyis tshig rkang so sor kha phral yang rung bas zur byang ltar bya/_hrIH_dag pa'i zhing khams rab 'byams nas:_yid 'ong kun bzang mchod pa'i rdzas:_dri med lha yi mchod yon sbrengs:_dag gtsang zhabs bsil rgya mtshor bskyil:_bkod mdzes me tog char du 'bebs:_kun khyab spos kyi sprin lding zhing:_snang gsal 'od kyi phreng ba bstar:_dri bzang byug pa'i tshogs 'gyed de:_tshim byed lha yi zhal gyi zas:_dbyangs snyan rol mo'i sgra dang bcas:_dngos dang ting 'dzin las byung ba:_'bul gyi bzhes la dngos grub stsol:_oM sarba ta thA ga ta A yu de wa maN+Da la sa pa ri wA ra ar+g+ha~M nas shab+da pU dza AHhU~M:_hrIH_yid du 'ong ba'i gzugs kyi tshogs:_rdo rje sgeg mo'i phyag rgyar 'bul:_snyan 'jebs sgra yi dbyangs mtha' dag:_rdo rje glu ma'i dbyangs su stob:_sbyar dang lhan cig skyes pa'i dri:_rdo rje dri ma'i tshogs su 'bul:_phun tshogs lha yi zas kyi bcud:_rdo rje ro ma'i phyag rgya che:_reg 'jam lha rdzas na bza' yang:_rdo rje reg bya mar sprul te:_kun kyang chos kyi dbyings khyab pa'i:_bde chen mchod pa chen po yang:_rang byung rang shar tshul gyis 'bul:_bzhes nas tshe yi dngos grub stsol:_oM badz+ra rU pa shab+da gan+d+he rA sa spar+she d+harma d+hA tu pU dza hU~M:_hrIH_dug lnga'i nad sel sman gyi mchog:_rtsa ba brgyad la yan lag stong:_rigs lnga rgyal ba sgrub pa'i rdzas:_dam tshig longs spyod chen por 'bul:_ma hA a mr-i ta khA hi:_brgyud pa'i mtshan don sbyar/_hrIH_rgyud drug bsgral ba rak+ta'i bcud:_dmar gyi rba rlabs mkha' la 'phyo:_'khor ba stongs pa'i ye shes phud:[ ⁽1494⁾\u0f71\u0f72]rti'i gsang ba'i mkha' las 'bebs:_ma hA rak+ta khA hi:_hrIH_'dod yon lnga ldan ba liM ta:_zegs ma mchod pa'i sprin phung 'phro:_snod bcud yongs rdzogs chen po 'di:_dkyil 'khor lha la bdag gis 'bul:_ma hA ba liM ta khA hi:_hrIH_gzung 'dzin ru tra'i tshogs bsgral zhing:_bde chen sbyor bas dgyes pa'i dpal:_mchod dang mchod bya gnyis su med:_mnyam pa'i mchod pa dam pa bzhes:_badz+ra ta na ga Na pU dza ho:_hrIH_'chi bdag la sogs bdud bzhi 'joms pa'i lha:_gsung gi rdo rje mgon po tshe mtha' yas:_'chi med dkyil 'khor 'khor lo'i dbang phyug che:_bcom ldan lha yi lha la phyag 'tshal lo:_sku mdog dmar gsal bye ru'i lhun po ltar:_mtshan dpe'i gzi byin rgyas pa'i snang ba can:_gar gyi dbang phyug 'od snang pha mtha' yas:_'jig rten gsum gyi mgon por phyag 'tshal bstod:_zab cing rgya che rmad byung tshangs pa'i dbyangs:_ngo mtshar theg pa'i chos sgo sna tshogs ston:_mtha' yas gdul bya 'dul ba'i cho 'phrul can:_mtshungs med 'dren pa de la phyag 'tshal bstod:_smra bsam brjod med chos sku de bzhin nyid:_nam yang mi g.yo 'od gsal chen po'i thugs:_shes bya kun gzigs 'gro la brtse bas dgongs:_ye shes rgya mtsho mnga' la phyag 'tshal bstod:_zag med yon tan yongs su rdzogs pa yi:_mnga' dbang chen pos don gnyis lhun gyis grub:_bde chen zhing gi ston pa rgyal kun gtso:_'gro ba'i mgon po khyod la phyag 'tshal bstod:_mtshan thos tsam gyis ngan song dus min 'chi:_'joms mdzad thugs bskyed chen po'i go cha can:_srid zhi'i 'jigs pa 'phrog mdzad dpa' bo che:_don gnyis lhun grub mchog la phyag 'tshal bstod:_chos nyid gcig la bzang ngan mtshan bral yang:_gdul bya 'dul phyir gang 'dul thugs rje'i sku:_bde stong sgyu mar rol pa'i phrin las can:_'khor dang bcas la gus pas bstod par bgyi:_lnga pa dzapa bzlas ni/_dbang dang sgrub mchod sogs kyi skabs dzapa khang dbye dgos pas/_oM a mA ra Ni dzI wan+ti ye swA hA:_A yu dz+nyA na puSh+TiM ku ru oM hU~M trA~M hrIHAH_b+h+rU~M bi shwa bi shud+d+he dz+nyA na tsakra maN+Dal b+h+rU~M:pra we sha ya phaTa? dzaH_bdag nyid las mdun rten du bsgoms pa dang 'dra ba'i ye shes kyi 'khor lo gnyis pa phye ste me ri 'dabs 'byor du bzhugs par gyur bsam la dzapa bskul ni/_hU~M hrIH_tshe dpag med mgon lha tshogs dbyings nas bzhengs:_thugs dam gnad nas bskul lo dzapa sgra sgrogs:_snang stong sku yi phyag rgyas stong gsum gang:_grags stong gsung gi dzapa dbyangs 'brug ltar ldir:_rig stong thugs klong 'od gsal ngang du gnas:_lha rnams thams cad bde ba'i gar gyis rol:_sngags rnams rtsol med rdo rje'i glu yis bskul:_thugs ni sgrol mdzad ye shes srog dang bcas:_ma gsal bar du bskyed cing bzlas par 'bad:_ma grub bar du dgongs pa mi gtang gsol:_ma g.yel thugs dam chen po'i dus la babs:_bsnyen sgrub rnam bzhi stan thog 'di nyid du:_mthar phyin dkyil 'khor bdag por 'grub par mdzod:_gsang sngags bzlas pa'i ting 'dzin gyis:_dngos grub gnad la nges par bskul:_bsnyen pa sgrub pa'i las sbyor bas:_spro bsdu'i rim pa 'di ltar bya:_bdag nyid gtso bo'i thugs ka ru:_dzapa khang phyes na/_bdag mdun zhes bsgyur/_mchan/_nyi zla'i gwa 'u 'og rgya gram:_nang du srog gi snying po hrIH_dmar gsal sngags kyi phreng bas bskor:_dwangs ma'i 'od zer mkha' khyab 'phros:_'phags mchod tshogs gnyis rdzogs par byas:_sku gsung thugs kyi byin rlabs kyi:_dwangs ma bdud rtsi'i char du byung:_lus gang ye shes gzi byin 'bar:_slar yang mkha' khyab 'od zer gyis:_mtha' klas sems can ma rig pas:_'gro kun skye 'chi'i sdug bsngal sogs:_srid pa'i rgyu 'bras thams cad sbyangs:_kun kyang lha yi 'khor lor sad:_phyi snod 'byung ba lnga'i dwangs ma:_nang bcud skye 'gro'i tshe dpal kun:_'od kyis bdud rtsi'i rnam pa kun:_bsdus te slar yang sku la thim:_ma dag phung khams skye mched kyi:_rtsa rlung thig le kun khyab ste:_dwangs ma'i rdo rje gsum du gyur:_gzhom gzhig bral ba gnyug ma'i srog:_ye shes phyag rgya che grub gyur:_oM a mA ra Ni dzI wan+ti ye swA hA:_A yur+dz+nyA na puSh+TiM ku ru oM:_/'bum phrag bzhi bzlas ting 'dzin gyi:_dngos grub sgo rnyed gdon mi za:_sa ma ya:_bsnyen pa'i rnal 'byor las rung pas:_sgrub pa'i rim pa dag la 'jug:_gtso bo rigs lnga'i thugs kar rgya gram steng:_nyi zla'i gwa 'ur rang srog sa bon mthar:_sngags kyi phreng ba g.yas su bskor ba las:_'od zer spro bsdus don gnyis mtha' dag sgrub:_khyad par rigs lnga'i ye shes tshe yi bcud:_'byung lnga'i dwangs ma bsdus thim sku gsung thugs:_yon tan phrin las mi zad rgyan gyi sprin:_gnyis su med pa'i ngo bor byin rlabs gyur:_oM hU~M trA~M hrIHAH_mU~M lA~M mA~M pA~M tA~M:_a mA ra Ni dzI wan+ti ye swA hA:_A yur+dz+nyA na puSh+TiM ku ru oM:_'bum phrag bzhi bzlas rnal 'byor la:_brtson pas tshe yi dngos grub thob:_'dir mtshan brgya rtsa brgyad pa'i gzungs kyang bzla/_grangs bsnyen gyi dbang du byas nas 'bum phrag gcig bzla/_bsnyen dang sgrub pas lha nyid dang:_skal ba mnyam tshe las la sbyor:_gtso 'khor yongs rdzogs thugs kyi 'od:_sgo ma bzhi bskul pho nya'i tshogs:_nam mkha' gang ba'i spro bsdu yis:_tshe bdud bar chad gzung 'dzin zhi:_bsod nams longs spyod dwangs ma 'phel:_dwangs mas rlung sems dbang du bsdus:_bdud bgegs tshogs bsgral thun mong dang:_khyad par las bzhi lhun grub gyur:_oM a mA ra Ni dzI wan+ti ye swA hA:_dzaHshAn+tiM ku ru hU~M:_hU~M puSh+TiM ku ru oM:_ba~M wa shat+ta ku ru hoH_ho mA ra ya phaTa?:_'bum res las 'grub gdon mi za:_bum bzlas dgos na spyi 'grigs ltar sbyar la gzungs thag 'dzin pas bsnyen sgrub las gsum gyi sngags bzla/_las bum rta mgrin bskyed bzlas zur gsal ltar sbyar/_drug pa tshe 'gugs pa ni/_bdag mdun lha tshogs rnams kyi thugs ka nas 'od zer bsam gyis mi khyab pa dang lha mo mgyogs ma'i tshogs nyi zer gyi rdul ltar 'phros/_snod bcud thams cad la khyab pas byin rlabs kyi gzi byin 'bar/_rang dang bsgrub bya'i bla tshe chad nyams yar ba dang*/_brtan g.yo 'khor 'das kyi tshe bcud ma lus pa 'chi med bdud rtsi'i rnam par spyan drangs/_bdag dang bsgrub bya rten rdzas rnams la thim pas rdo rje tshe yi dngos grub thob cing nus pa dang ldan par gyur/_ces dmigs shing mda' dar g.yab la/_hrIH_dkar mo mgyogs ma rdo rje rigs kyi yum:_zhi ba'i las mdzad mda' dar tshe bum bsnams:_rang 'dra'i sprul pas 'jig rten khyab par 'gengs:_shar phyogs snod bcud 'jig rten rab 'byams kyi:_brtan g.yo'i dpal dang tshe bsod dwangs ma'i tshogs:_khyad par bsgrub bya'i bla tshe yar ba khug:_sde brgyad 'byung pos brkus shing 'phrogs pa khug:_byad phur gdon gyis gzir dang nyams pa khug:_phyogs bcu'i 'jig rten rab 'byams kun nas khug:_bsgrub bya'i lus ngag yid la gnyis med bstim:_rdo rje tshe mchog grub pa'i las mdzod cig:_hrIH_ser mo mgyogs ma rin chen rigs kyi yum:_rgyas pa'i las mdzad mda' dar tshe bum bsnams:_rang 'dra'i sprul pas 'jig rten khyab par 'gengs:_lho phyogs snod bcud 'jig rten rab 'byams kyi:_brtan g.yo'i dpal dang tshe bsod dwangs ma'i tshogs:_khyad par bsgrub bya'i bla tshe yar ba khug:_sde brgyad 'byung pos brkus shing 'phrogs pa khug:_byad phur gdon gyis gzir dang nyams pa khug:_phyogs bcu'i 'jig rten rab 'byams kun nas khug:_bsgrub bya'i lus ngag yid la gnyis med bstim:_rin chen tshe mchog grub pa'i las mdzod cig:_hrIH_dmar mo mgyogs ma pad+ma rigs kyi yum:_dbang gi las mdzad mda' dar tshe bum bsnams:_rang 'dra'i sprul pas 'jig rten khyab par 'gengs:_nub phyogs snod bcud 'jig rten rab 'byams kyi:_brtan g.yo'i dpal dang tshe bsod dwangs ma'i tshogs:_khyad par bsgrub bya'i bla tshe yar ba khug:_sde brgyad 'byung pos brkus shing 'phrogs pa khug:_byad phur gdon gyis gzir dang nyams pa khug:_phyogs bcu'i 'jig rten rab 'byams kun nas khug:_bsgrub bya'i lus ngag yid la gnyis med bstim:_pad+ma tshe mchog grub pa'i las mdzod cig:_hrIH_ljang mo mgyogs ma las kyi rigs kyi yum:_drag po'i las mdzad mda' dar tshe bum bsnams:_rang 'dra'i sprul pas 'jig rten khyab par 'gengs:_byang phyogs snod bcud 'jig rten rab 'byams kyi:_brtan g.yo'i dpal dang tshe bsod dwangs ma'i tshogs:_khyad par bsgrub bya'i bla tshe yar ba khug:_sde brgyad 'byung pos brkus shing 'phrogs pa khug:_byad phur gdon gyis gzir dang nyams pa khug:_phyogs bcu'i 'jig rten rab 'byams kun nas khug:_bsgrub bya'i lus ngag yid la gnyis med bstim:_las rab tshe mchog grub pa'i las mdzod cig:_hrIH_sngon mo mgyogs ma bde gshegs rigs kyi yum:_mchog gi las mdzad mda' dar tshe bum bsnams:_rang 'dra'i sprul pas 'jig rten khyab par 'gengs:_phyogs mtshams snod bcud 'jig rten rab 'byams kyi:_brtan g.yo'i dpal dang tshe bsod dwangs ma'i tshogs:_khyad par bsgrub bya'i bla tshe yar ba khug:_sde brgyad 'byung pos brkus shing 'phrogs pa khug:_byad phur gdon gyis gzir dang nyams pa khug:_phyogs bcu'i 'jig rten rab 'byams kun nas khug:_bsgrub bya'i lus ngag yid la gnyis med bstim:_bde gshegs tshe mchog grub pa'i las mdzod cig:_rtsa sngags mthar/_dz+nyA na badz+ra A yu She dzaHdzaH_dzaHhU~M baM hoH_bdun pa ni dbyangs gsal ye d+har dang yig brgya lan gsum gyis lhag chad bskang stong tshig gi mchod bstod dang*/_bum pa bsgrubs yod na 'od zhu bya/_yig brgya lan gsum brjod pas brtan par bya'o/__/bar 'dir bka' gter srung ma'i gtor chog spyi dang 'di nyid kyi srung ma 'chi med nye dbang tsaN+Dika'i gtor chog 'don/_gsum pa rjes kyi las rim bdun las/_dang po tshogs kyi 'khor lo ni/_thun mtshams thabs dang shes rab kyi:_dam rdzas bkod pa bzang du bshams:_bsang chu bdud rtsis bran byas te:_gnyis med rol pas byin gyis brlab:_ra~M ya~M kha~M:_hrIH_dbyings kyi b+hany+dzar rig pa'i bcud:_ye shes lnga ldan bdud rtsi'i phud:_'dod yon zegs ma bsam yas 'phros:_mkha' khyab tshogs kyi 'khor lor gyur:_oM AHhU~M:_tshogs zhing lha rnams spyan 'dren ni:_hrIH_chos sku'i zhing na 'od mi 'gyur:_longs spyod yongs rdzogs tshe dpag med:_sprul pa'i gar bsgyur rnga sgra'i gtso:_bcom ldan dkyil 'khor lha rnams kun:_tshogs kyi 'du bar spyan 'dren na:_ye shes dgongs pas gshegs su gsol:_tshogs mchod 'od phung ldems se ldem:_'chi med bdud rtsi bcud du 'khyil:_lha tshogs gar stabs shigs se shig:_rdo rje'i glu bro ci yang bsgyur:_rnal 'byor dgongs nyams bun ne bun:_bde stong cho 'phrul bsam mi khyab:_gnas mchog dag pa'i zhing du sgyur:_mched lcam thabs dang rten 'brel ldan:_bza' btung rdo rje'i dam tshig rdzas:_snod bcud dag par byin gyis rlobs:_sarba sa ma ya dzaHdzaH_dz+nyA na sid+d+hi hoH_rang las spros pa'i lha mo'i tshogs:_bsam mi khyab pas mchod par bsam:_bza' btung phud kyi dang po mchod:_hoH_rdo rje bza' ba'i dam tshig rdzas:_longs spyod chen po rmad du byung:_'chi med grub pa'i ra sa ya:_dkyil 'khor lha la 'bul gyis bzhes:_ga Na tsakra pU dza ho:_spro na bskang ba rgyas pa sbyar/_bar ba bskang zhing bshags pa ni:_hrIH_bde chen sgyu mar rol pa yi:_rdo rje'i zhing khams bkod pa'i mchog:_ngo mtshar rgyan gyi rol mo che:_dbyings dang mnyam par spro zhing shar:_rang snang bkod pa rmad byung ba'i:_phyi nang gsang ba'i mchod rdzas che:_bla na med pa'i dam tshig gi:_rol pa'i cho 'phrul rmad byung ba:_ngo mtshar bsam mi khyab pa 'dis:_'chi med mgon po dkyil 'khor gtso:_rigs kyi tshom bu dang bcas pa:_thugs dam gnyan po dgyes par bskang:_dam tshig nyams chag 'gal 'khrul bshags:_phyi nang gsang ba'i bar chad sol:_'chi med tshe yi dngos grub stsol:_yi ge brgya pas nyams chag mthol:_tha ma bsgral bstab rim pa ni:_hrIHpad+mAn+ta kr-ita badz+ra kro d+ha h+ya gr-I wa sarba big+h+nAn ha na ha na hU~M phaTa?:_rang nyid dbang chen rta mchog rol pa'i skur gyur/_na mo/_dkon mchog gsum la phyag 'tshal lo/_dkon mchog gsum gyi bka' bden pa dang*/_chos nyid rnam par dag pa'i bden pa dang*/_chos can rgyu 'bras bslu ba med pa'i bden pa dang*/_'chi med rdo rje tshe dpag med sgyu 'phrul drwa ba'i dkyil 'khor gyi lha tshogs rnams kyi bden pa dang*/_bden pa chen po'i byin rlabs kyis ma rungs pa'i sems can bsgral ba'i zhing du gyur pa thams cad mtshan ma rdzas kyi rten 'di la mchis par gyur cig_/nr-i yaM dzaH_nr-i badz+ra ang+ku sha dzaH_tri yat+ta dzaH_tri badz+ra ang+ku sha dzaH_dzaHhU~M baM hoH_phyag rgya dang bcas te bstim/_e las 'bar ba'i b+hany+dza ru:_tshe bdud bar chad glo bur bgegs:_phyag rgya bzhi yis 'gugs 'ching sdom:_myos te lha phral rang gshed dbab:_rta mchog rol pa'i rdo rje'i mtshon:_nyams pa'i snying la btab cing gzir:_dwangs ma'i snying po rang la bstim:_sha khrag dgyes pa'i mchod par 'bul:_mA ra ya phaTa?:_mAM sa rak+ta go ro tsa na keM ni ri ti khA hiH_'dus pa'i tshogs la bza' btung brim:_brda dang brda yi len gyis rol:_las kyi rdo rjes phyag 'tshal te:_thabs shes bza' btung bsnol mar stob:_e ma ho:_rdo rje rgyal po gsang ba sngags kyi mdzod:_bde chen dgyes par rol pa'i brtul zhugs bskyed:_gtsang rme gnyis 'dzin bral ba'i 'khor lo yis:_bde mchog dgyes pa'i dpal la rol du gsol:_lan du pad+ma'i phyag rgyas blang:_a la la:_thabs dang shes rab bde ba mchog gi dbyings:_'du 'bral med pa gsang ba'i de kho na:_rol pa chen po'i dam tshig bla na med:_mchog gi ye shes rgyas phyir bdag gis blang:_zhes dang*/_rang lus dkyil 'khor lha ru gsal:_rdo rje phung po'i dkyil 'khor ni:_gdod nas gdan gsum lha yi dal:_rtsa rlung thig le'i dkyil 'khor du:_dgyes pas rol pa'i dpal du spyod:_sa ma ya pU dza ho/_stangs dpyal mnyam par rol pa yis:_bde ba chen po lam du slong:_rdo rje pad+ma'i grong khyer ni:_mnyam par spyod pa'i de nyid las:_a hat+ta bsregs bzhu'i rol rtsed kyis:_gsang mchog dgyes pa'i dam tshig go:_a nu rA ga a la la hoH_nges pa'i gsang ba bla na med:_de kho na yi dbyings su bzhag:_phud kyi lhag ma kun bsdus te:_slob dpon la zhal chab zhu sman raka bran/_me sgron btsugs la/_pany+tsa a mr-i ta ha ho hrIH_lhag gtor 'dod pa'i yon tan lnga dang ldan par gyur/_e a ral+li hrIM hrIM:_pad+ma dbang gi dkyil 'khor che:_skyong ba'i bka' nyan lhag sdud tshogs:_dpal gyi pham phab 'di bzhes la:_bcol pa'i phrin las 'grub par mdzod:_uts+tshiSh+Ta ba liM ta khA hi:_bla med gsang ba'i dkyil 'khor du:_dam tshig chen pos mchod pa'i mthus:_tshogs gnyis yongs su rdzogs pa dang:_'chi med tshe yi dpal thob shog:_rdo rje'i glu dang gar chen pos:_lha tshogs dgyes bskyed dngos grub tshogs:_thob pa'i skal bzang mngon gyur nas:_lha dang skal ba mnyam par bsam:_gnyis pa thugs dam bskul ba ni:_'dir spro na rje bla ma'i zab gter gyi tshe yi brgyud bskul kyang sbyar/_hrIH_ye shes dbyings kyi pho brang nas:_tshe mtha' yas pa'i thugs dam bskul:_skye 'chi mtshan ma dag pa yi:_mchog gi tshe dbang bstsal du gsol:_bde chen rig pa'i pho brang nas:_gsung gi dbang phyug thugs dam bskul:_mi shigs rdo rje'i gsang ba gsum:_mngon sum grub par mdzad du gsol:_zung 'jug mkha' khyab dkyil 'khor nas:_pad+ma dbang gi thugs dam bskul:_'chi med ye shes tshe yi mchog:_'grub pa'i dngos grub mchog stsol mdzod:_gzung 'dzin 'khrul pa'i bag chags zhi:_tshe dang ye shes mchog tu rgyas:_rlung sems dbang 'dus phrin las kyis:_tshe bdud bar chad zhi bar mdzod:_gsum pa chos skyong gtor ma 'bul ba ni/_gtor 'gugs dang*/_dam can spyi yi gtor 'bul rjes/_srung mar chad tho bsgrag pa ni/_hU~M hrIH_sngon tshe bskal pa'i dang po la:_slob dpon pad+ma thod phreng gis:_tshe yi rig 'dzin sgrub pa'i tshe:_brag phug mA ra ti ka ru:_'chi med pad+ma rig 'dzin dang:_lha lcam man+da ra ba yis:_nye rgyu'i spyod pas mchog grub nas:_tshe bdag mgon po yab yum gyis:_rdo rje tshe yi dbang yang bskur:_skye 'chi med pa'i go 'phang brnyes:_tshe rgyud bye ba phrag brgya gtad:_rdo rje'i sa la phyin pa'i tshe:_g.yar dam phog pa'i chos skyong kun:_gtor ma bdud rtsi'i mchod pa bzhes:_rnal 'byor tshe srog nyams pa gsos:_tshe dbang mchog gi dngos grub thob:_zab gter bstan pa rgyas pa dang:_'dod dgu'i phrin las 'grub par mdzod:_brtan ma bshal chus bran nas kyang:_hU~M hrIH_bod khams skyong ba brtan ma'i tshogs:_bdud dang gnod sbyin sman mo'i tshul:_bshal chu'i bdud rtsi bzhes nas kyang:_so kha srungs la kla klo sgrol:_rtsa rlung thig le'i mdud pa dkrol:_bden don yan lag bcu gnyis tshogs:_mi rtog dbu ma'i dbyings su dag:_dngos grub mchog gi sdong grogs mdzod:_gtor gzhong ri rab 'bar ba'i 'og:_sgab 'dre dam sri mnan par bsam:_hU~M:_e yi dkyil 'khor chen po ru:_bar du gcod pa'i dam sri'i tshogs:_mnan no klong chen yum lnga'i rgya:_nam yang ldang bar ma gyur cig:_s+t+waM b+ha ya nan:_bzhi pa dngos grub bskul ba ni:_hrIH_bcom ldan mgon po tshe dpag med:_sku gsung thugs kyi ye shes dbyings:_nam mkha' mnyam pa'i cho 'phrul las:_mkhyen brtse'i dgongs pa'i sgo phyes la:_lus 'di 'chi med sku 'grub mdzod:_gzhom med tshangs dbyangs gsung 'grub mdzod:_ye shes thugs kyi srog thob mdzod:_'chi med gnyug ma'i gsang ba che:_da lta nyid du 'grub par mdzod:_sgrub sngags mthar/_kA ya wAka tsit+ta gu Na karma sid+d+hi pha la hU~M:_lnga pa mchod bstod rgyas bsdus ci rigs dang*/_ma rnyed yongs su sogs kyi nongs bshags yig brgya bzla/_rten yod na brtan bzhugs dang*/_ye shes gshegs dam tshig dkyil 'khor rang la bstim/_drug pa rtag chad kyi mtha' bsal phyir bsdu ldang ni/_aH_mtshan bcas lha yi rten brten pa:_'od gsal dbyings kyi thig ler thim:_snang grags rig pa lha dang sngags:_ye shes rol pa'i 'khor lor shar:_oM AHhU~M:_badz+ra kA wA tsi rak+Sha haM:_zhes gnas gsum byin rlabs dang go bgo/_bdun pa bsngo smon shis brjod ni/_ho:_legs spyad dge ba'i tshogs thams cad:_'chi med rig 'dzin 'grub phyir bsngo:_lha dang skal ba mnyam pa yis:_don gnyis 'bad med 'grub gyur cig:_ces dge ba rdzogs byang du bsngos la/_khyad par bkra shis ni/_me tog 'thor snyan pa'i dbyangs dang bcas/_oM:_gsung gi rdo rje dkyil 'khor gtso:_tshe mtha' yas pa'i bkra shis shog:_gsang ba ye shes mkha' 'gro'i mchog:_gos dkar yum gyi bkra shis shog:_ye shes rnam lngas 'gro ba sgrol:_tshe bdag rigs lnga'i bkra shis shog:_lha tshogs dgyes bskyed tshe dpal sdud:_'chi med DA ki'i bkra shis shog:_phrin las rnam bzhir dbang bsgyur ba'i:_phyag rgya bzhi yi bkra shis shog:_gnas skabs tshe dang bsod nams 'phel:_brtan g.yo'i dpal kun dbang du 'du:_mthar thug gnyug ma'i 'khor lo cher:_dbyer med 'grub pa'i bkra shis shog:_gzhan yang zhal nas gsungs pa'i shis pa brjod bzhin me tog gi char bsnyil zhing rol mo'i sgra snyan par sgrog pas dge legs su bya'o//__!__phyi nang gsang ba kun 'dril yang zab rgyun gyi rnal 'byor spros med yin kyang tshogs mchod sogs kyis cung zad rgyas par 'dod na/_/sngon rjes 'di ltar la lha bskyed gsang sgrub gzhung ltar gyi/_oM ma hA shU n+ya tA dz+nyA na badz+ra swa b+hA ba At+ma ko\u0f85 haMH_chos kun gzod nas de bzhin nyid:_sogs nas/_pad phreng bum pa 'dzin pas 'khyud:_ces pa'i mtshams gong gi las byang nas/_gnas gsum oM AHhU~M gi 'brus:_zhes sogs kyis byin brlab dbang bskur rgyas gdab dang spyan 'dren yan sngar ltar sbyar/_bzlas pa'i skabs dzapa bskul ma byas kyang chog_/bzlas dmigs ni/_thugs kar pad+ma dmar po ni:_zhes sogs dang*/_badz+ra A yu She bzlas mthar tshe gzungs brgya rtsa sogs bzla/_rjes kyi las rim sngar ltar byas pas grub bo/__/de ltar byin rlabs dpal du 'bar ba yi/_/rdo rje'i srog rtsa sgrub pa'i 'chi med kyi/_/gdams zab snying po'i bcud dril 'di lta bu/_/rna ba'i dpyid du thob pa'ang skal pa bzang*/_/'di 'dra'i gdams par dad brtson sgrub po yis/_/rtse gcig 'bad na 'chi bdag bdud sde las/_/rnam par rgyal zhing tshe dang ye shes kyi/_/dngos grub chen po thob la som nyi bral/_/de phyir yal bar ma dor nyams su longs/_/rang gzhan don gnyis 'grub la mi bslu nges/_/'di la nongs par gyur pa'i tshogs rnams kun/_/bla ma mkha' 'gro'i tshogs la bzod par gsol/_/rab dkar legs byas mtho ris bdud rtsi'i chab/_/skal bzang lha phrug kun dga'i sman mchog gi_/bcud kyi len pas tshe dpal 'chi med kyi/_/dga' ston 'jig rten gsum na mdzes gyur cig_/ces pa'ang kun gzigs gter chen bla ma'i bka' yis rjes su gnang ba bzhin zab chos 'di nyid kyi thog ma'i snod ldan 'jam dbyangs bla ma mkhyen brtse'i dbang po'i phrin las kyi byed por smon pa 'jam dbyangs chos kyi blo gros tshe dbang grub pa rtsal gyis bkra shis 'chi med grub pa'i dga' tshal du bklags chog tu bsdebs pas 'gro kun skye 'chis gzhom bral rdo rje'i ye shes kyi sku brnyes pa'i rgyur gyur cig/__//