DKR-KABUM-18-TSHA-017

🚧 This website is under continued development. We appreciate your patience!

Previous Text Back to Volume PageNext Text

རྩ་གསུམ་འཇམ་དཔལ་སྙིང་ཐིག་ལས༔ ཕྲིན་ལས་ཡེ་ཤེས་སྣང་བ༔

Wylie title	rtsa gsum 'jam dpal snying thig las: phrin las ye shes snang ba
Location	dil mgo mkhyen brtse bka' 'bum Volume 18, Text 17, Pages 101-110 (Folios 1a to 10b4)
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Tertön	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་ (Khyentse, Dilgo)
Citation	Khyentse, Dilgo. Rtsa gsum 'jam dpal snying thig las phrin las ye shes snang ba. In Skyabs rje dil mgo mkhyen brtse rin po che'i bka' 'bum, Vol. 18: 101-110. Delhi: Shechen Publications, 1994.
Genre	Activity Manual - las byang  ·  Sadhanas - Evocation Ritual - sgrub thabs
Cycle	རྩ་གསུམ་འཇམ་དཔལ་སྙིང་ཐིག་ (rtsa gsum 'jam dpal snying thig)
Deity	'jam dpal rdo rje
Colophon	ཅེས་པའང་རིག་འཛིན་གྱི་བཙུན་པ་འཇམ་དཔལ་དགའ་བའི་གོ་ཆས་ས་གླང་གྲོ་བཞིན་ཟླ་བའི་ཚེས་ཉེར་ལྔ་ལ་གང་ཤར་ཡི་གེར་བཏབ་པ་སརྦ་ཛྙཱ་མཉྫུ་གྷོ་ཥ་སིདྡྷི་རསྟུ། མངྒ་ལཾ། དགེའོ།།
	ces pa'ang rig 'dzin gyi btsun pa 'jam dpal dga' ba'i go chas sa glang gro bzhin zla ba'i tshes nyer lnga la gang shar yi ger btab pa sarba dz+nyA many+dzu g+ho Sha sid+d+hi rastu/_mang+ga laM/_dge'o//

Tibetan Text

Wylie

[edit]

༁ྃ༔ རྩ་གསུམ་འཇམ་དཔལ་སྙིང་ཐིག་ལས༔ ཕྲིན་ལས་ཡེ་ཤེས་སྣང་བ་བཞུགས༔

༁ྃ༔ ཀྲ༠རི༠པྀམི།ཧྱ༔ རང་བྱུང་ཡེ་ཤེས་ལྷ་ལ་འདུད༔ འཇམ་དཔལ་ཡེ་ཤེས་སེམས་དཔའ་ཡི༔ སྒྲུབ་པའི་ཐབས་ཆེན་རྨད་བྱུང་བ༔ འཇམ་དཔལ་རཀྟ་རྒྱ་མཚོ་ལས༔ སྙིང་པོར་དྲིལ་བའི་སྒྲུབ་ཚུལ་བསྟན༔ དེ་ལ་སྒྲུབ་པའི་གནས་མཆོག་གི༔ ཡིད་འོང་བཀྲ་ཤིས་གནས་དེ་རུ༔ སྐུ་གསུང་ཐུགས་ཀྱི་རྟེན་རྣམས་བཀྲམ༔ སྒྲུབ་པོ་བདེ་བའི་སྟན་ལ་འདུག༔ ཕྱི་ནང་མཆོད་གཏོར་མཛེས་པར་བཤམས༔ མདུན་མཁར་སྐྱབས་ཡུལ་མངོན་སུམ་བལྟས༔ ན་མོ༔ བདག་སོགས་འགྲོ་བ་སེམས་ཅན་རྣམས༔ དེང་བཟུང་བྱང་ཆུབ་མ་ཐོབ་བར༔ སྐྱབས་ཀྱི་སྙིང་པོ་བཟུང་བྱས་ཏེ༔ རྟག་པར་བདག་ནི་སྐྱབས་སུ་མཆི༔ སེམས་བསྐྱེད་ནི༔ སེམས་ཅན་སྲིད་པའི་རྒྱ་མཚོར་ལྷུང༔ ཚད་མེད་རྣམ་བཞིས་བློ་སྦྱངས་ཏེ༔ ཐར་ལམ་དམ་པར་འགོད་པའི་ཕྱིར༔ སྨོན་འཇུག་བྱང་ཆུབ་མཆོག་སེམས་བསྐྱེད༔ ཡན་ལག་བདུན་པ་ནི༔ རང་རིག་དབྱིངས་ནས་ཤར་བ་ཡི༔ འཇམ་དཔལ་རྡོ་རྗེའི་ལྷ་ཚོགས་ལ༔ ཕྱག་འཚལ་མཆོད་འབུལ་སྡིག་ལྟུང་བཤགས༔ དགེ་ལ་ཡི་རང་ཆོས་འཁོར་བསྐོར༔ མྱ་ངན་མི་འདའ་བཞུགས་གསོལ་འདེབས༔ དགེ་ཚོགས་ཆོས་དབྱིངས་སྙིང་པོར་བསྔོ༔ འགྲོ་ཀུན་བྱང་ཆུབ་མྱུར་ཐོབ་ཤོག །བགེགས་ལ་གཏོར་མ་བྱིན་ཞིང་བསྐྲད། ཧཱུྃ༔ གཉིས་འཛིན་རྟོག་པའི་བདུད་བགེགས་ལ༔ མཁའ་ཁྱབ་འདོད་ཡོན་གཏོར་མ་སྦྱིན༔ གནོད་འཚེ་གདུག་སེམས་ཀུན་ཞི་ཞིང༔ གནས་འདིར་མ་འདུག་གཞན་དུ་དེངས༔ གལ་ཏེ་མི་འགྲོ་འདུག་གྱུར་ན༔ འཇམ་དཔལ་ཁྲོས་པའི་རྒྱལ་པོ་ཡིས༔ ཁྱེད་རྣམས་ལུས་སེམས་རྡུལ་དུ་བརླག༔ དེ་བས་བཀའ་ལས་མ་འདའ་ཞིག༔ དྲག་སྔགས་ཐུན་དང་རྡོ་རྗེས་བསྐྲད༔ བསྲུང་བའི་མཚམས་ཀྱིས་བཅད་པ་ནི༔ ཧཱུྃ་ཨེ༔ གཤིན་རྗེ་རོལ་པའི་འདུ་འཕྲོ་ཡི༔ འབར་བའི་གུར་ཁང་འཁྲིགས་པ་ལས༔ ཁྲོ་བོ་ཁྲོ་མོ་སྐར་ལྟར་འཁྲུགས༔ མཚོན་ཆ་སྣ་ཚོགས་གུར་གྱིས་གཏམས༔ མེ་རླུང་ཆུ་ཡི་རྦ་རླབས་གཡོ༔ བར་ཆད་གདོན་བགེགས་འབྱུང་པོའི་ཚོགས༔ ནམ་ཡང་རྒྱུ་བའི་སྐབས་མེད་དོ༔ བཛྲ་ཨུཥྞི་ཥ་ཙཀྲ་རཀྵ་རཀྵ་ཧཱུྃ་རཾ་ཕཊ྄༔ བྱིན་དབབ་པ་ནི༔ ཧཱུྃ་ཧྲཱིཿ མི་གནས་ཡེ་ཤེས་དཀྱིལ་འཁོར་ནས༔ དུས་གསུམ་རྒྱལ་བ་བསྐྱེད་པའི་ཡབ༔ འཇམ་དཔལ་ཞི་ཁྲོའི་དཀྱིལ་འཁོར་ལྷ༔ རྩ་གསུམ་རྒྱ་མཚོའི་ཚོགས་དང་བཅས༔ གནས་འདིར་དབང་བསྐུར་བྱིན་ཆེན་ཕོབ༔ རྡོ་རྗེའི་ཡེ་ཤེས་བསྐྱེད་དུ་གསོལ༔ ཨོཾ་མཉྫུ་ཤྲཱི་ཛྙཱ་ན་སཏྭ་ཀཱ་ཡ་ཝཱཀ་ཙིཏྟ་བཛྲ་ས་མ་ཛཿ ཨ་ཝེ་ཤ་ཡ་ཨ་ཨཿ ཨེ་ཨ་རལླི་ཕེཾ་ཕེཾ༔ ཧཱུྃ་ཧཱུྃ་ཧཱུྃ༔ ཛཿཧཱུྃ་བཾ་ཧོཿ མཆོད་པ་བྱིན་རླབས་ནི༔ རྃ་ཡྃ་ཁྃ༔ མཆོད་སྣོད་རིན་པོ་ཆེ་ཡི་ནང༔ མཆོད་རྫས་ཉེར་སྤྱོད་འདོད་ཡོན་ལྔ༔ སྨན་གཏོར་རཀྟ་དྭངས་རེ་སྤྲོ༔ ཀུན་བཟང་རྣམ་འཕྲུལ་ཆེན་པོར་གྱུར༔ ཨོཾ་ཨཱཿཧཱུྃ༔ བཛྲ་ཨརྒྷཾ་ནས། ཤབྡ་རཱུ་པ་ཤབྡ་གནྡྷེ་རཱ་ས་སྤརྴེ་སརྦ་པཉྩ་ཨ་མྲྀ་ཏ་རཀྟ་བ་ལིཾ་ཏ་སརྦ་པཱུ་ཛ་ཨཱཿཧཱུྃ༔ ས་མ་ཡ༔ རྟེན་དང་བརྟེན་པའི་དཀྱིལ་འཁོར་བསྐྱེད༔ དྷཱིཿ ངང་ཉིད་རྡོ་རྗེ་ཆོས་དབྱིངས་ལས༔ ཡེ་ཤེས་སྙིང་པོ་ཀུན་ཏུ་སྣང༔ རང་བྱུང་རིག་པ་དྷཱིཿསེར་པོ༔ དེ་ལས་སྤྲོ་བསྡུའི་འོད་ཟེར་གྱིས༔ བརྟན་གཡོ་སྣོད་བཅུད་ཀུན་སྦྱངས་ནས༔ འབྱུང་ལྔ་རིམ་བརྩེགས་རི་རབ་སྟེང༔ རྡོ་རྗེའི་སྲུང་འཁོར་རྒྱ་ཆེའི་དབུས༔ པདྨ་སྣ་ཚོགས་རྡོ་རྗེའི་ལྟེར༔ ཐར་པ་ཆེན་པོའི་གཞལ་མེད་ཁང༔ གྲུ་བཞི་སྒོ་བཞི་མཛེས་པར་སྣང༔ ཡེ་ཤེས་ལྔ་ཡི་རྩིག་པའི་སྟེང༔ ཕ་གུ་དྲྭ་བ་དྲྭ་ཕྱེད་དང༔ ཤར་བུ་མདའ་ཡབ་དབུས་ཕྱུར་བུ༔ ནོར་བུ་འོད་འབར་ཏོག་གི་འཕྲོ༔ རྟ་བབ་བང་རིམ་བརྒྱད་པ་ལ༔ རི་དྭགས་ཆོས་འཁོར་གདུགས་འཕན་དང༔ རྔ་ཡབ་ནོར་བུའི་ཡུ་བས་མཛེས༔ འདོད་སྣམ་མཆོད་པའི་ལྷ་མོས་བསྐོར༔ ཕྱི་གསལ་ནང་གསལ་དེ་ཡི་ནང༔ གདུང་བཞི་ཀ་བ་བརྒྱད་ཀྱིས་འདེགས༔ གྲུ་ཆད་ཕྱི་ནང་ཉིས་རིམ་ཅན༔ ལྟེ་བའི་ལེའུ་ཚེ་འབར་བའི་དབུས༔ སེང་ཁྲི་པདྨ་ཉི་ཟླའི་སྟེང༔ དྷཱིཿཡིག་ལྔ་ལྡན་བབས་པ་ལས༔ སྤྲོ་བསྡུའི་ཆོ་འཕྲུལ་ཆེན་པོ་ཡིས༔ དམར་སེར་འོད་ཀྱི་གོང་བུར་གྱུར༔ དེ་ཉིད་ཡོངས་གྱུར་འཇམ་པའི་དབྱངས༔ དམར་སེར་ཞལ་གཅིག་ཕྱག་བཞི་པ༔ དང་པོ་གཉིས་ཀྱི་རལ་གྲི་དང༔ ཤེར་ཕྱིན་གླེགས་བམ་འོག་མ་གཉིས༔ མདའ་གཞུ་འཛིན་ཞིང་འགྱིང་བག་ཅན༔ སྟོད་གཡོགས་སྨད་གཡོགས་མཛེས་པར་བཀླུབས༔ དར་དང་རིན་ཆེན་རྒྱན་གྱིས་བརྒྱན༔ པང་དུ་རྡོ་རྗེ་དབྱངས་ཅན་མ༔ སྔོ་སངས་རལ་གྲི་པུསྟི་འཛིན༔ མཛེས་འཛུམ་ཡིད་འོང་ལྷ་མོའི་ཆས༔ ཐབས་ཤེས་བདེ་སྟོང་ཆེན་པོར་བཞུགས༔ ཕྱོགས་བཞིའི་ལེའུ་ཚེར་ཁྲི་པད་ཟླ༔ མི་བསྐྱོད་རིན་འབྱུང་དཔག་མེད་མགོན༔ དོན་གྲུབ་རང་འོད་ཡུམ་དང་འཁྲིལ༔ རང་རྟགས་ཕྱག་མཚན་དྲིལ་བུ་བསྣམས༔ ཞི་ཆས་བཅུ་གསུམ་ཡོངས་སུ་རྫོགས༔ མཚམས་བཞིར་དབྱངས་ཅན་རིགས་བཞི་སོགས༔ དཀར་སེར་དམར་དང་ལྗང་བའི་མདོག༔ ཞི་འཛུམ་བཅུ་དྲུག་ལང་ཚོ་ཅན༔ ཕྱག་མཚན་རང་རྟགས་པི་ཝཾ་བསྒྲེངས༔ ཞབས་གཉིས་མཉམ་པའི་སྟབས་ཀྱིས་བཞེངས༔ ལྷ་མོའི་ཆ་བྱད་རྫོགས་པར་གསལ༔ གྲུ་ཆད་སེམས་དཔའ་ཡབ་ཡུམ་བརྒྱད༔ སྒྲིབ་པ་རྣམ་སེལ་འཁོར་ལོ་འཛིན༔ བྱམས་པ་དཀར་སེར་ཀླུ་ཤིང་གཡས༔ ཀུན་བཟང་ལྗང་གུ་ནོར་བུ་བསྣམས༔ འཇམ་དཔལ་དཀར་ལྗང་གཡས་ཨུཏྤལ༔ ས་ཡི་སྙིང་པོ་འབྲས་སྙེ་བསྣམས༔ ནམ་སྙིང་སྔོ་སངས་རལ་གྲི་འཛིན༔ སྤྱན་གཟིགས་དཀར་པོ་པདྨ་འཛིན༔ ཕྱག་རྡོར་སྔོན་པོ་རྡོ་རྗེ་དང༔ དེ་ལ་དགྱེས་བསྐྱེད་སེམས་དཔའ་ཡུམ༔ མེ་ཏོག་བདུག་སྤོས་མར་མེ་དང༔ དྲི་ཆབ་ལཱ་སྱེ་མཱ་ལེ་དང༔ གཱིརྟི་ནཱིརྟི་རྣམ་པ་བརྒྱད༔ རང་རང་མཆོད་པའི་རྫས་ཐོགས་ནས༔ རང་རིགས་ཡབ་ལ་དགྱེས་པར་འཁྲིལ༔ ཁྱམས་ཀྱི་སྟེང་འོག་ཕྱོགས་མཚམས་སུ༔ ཐུབ་ཆེན་དྲུག་པོ་སྤྲུལ་སྐུའི་ཆས༔ རང་རྟགས་ཕྱག་མཚན་འཛིན་པ་དང༔ པད་ཟླར་འགྲོ་དོན་བཞེངས་སྟབས་བཞུགས༔ སྒོ་བཞིར་ཉི་མའི་ཞིང་གི་གདན༔ རྣམ་རྒྱལ་དཀར་པོ་ལྕགས་ཀྱུ་གདེངས༔ གཤིན་རྗེ་སེར་པོ་བེ་ཅོན་བསྣམས༔ རྟ་མགྲིན་དམར་པོ་པདྨ་འཛིན༔ བདུད་རྩི་འཁྱིལ་བ་རྒྱ་གྲམ་བསྣམས༔ ལྕགས་ཀྱུ་ཞགས་པ་ལྕགས་སྒྲོག་དྲིལ༔ ཡུམ་བཞི་རང་རྟགས་ཕྱག་རྒྱ་འཛིན༔ ཡབ་ལ་འཁྱུད་ཅིང་ཁྲོ་བོའི་ཆས༔ ཞབས་གཉིས་གྱད་ཀྱི་དོར་སྟབས་བཞུགས༔ བར་ཁྱམས་རྩ་གསུམ་ཡི་དམ་ལྷ༔ མཁའ་འགྲོ་ཆོས་སྐྱོང་ཚོགས་རྣམས་ཀུན༔ ཏིལ་གྱི་གོང་བུ་ལྟར་བཞུགས་པའི༔ གནས་གསུམ་རྡོ་རྗེ་གསུམ་གྱི་མཚན༔ ཐུགས་ལས་འོད་འཕྲོས་དབང་ལྷའི་ཚོགས༔ སྤྱན་དྲངས་ནམ་མཁའ་གང་བར་གྱུར༔ ཡེ་ཤེས་ལྷ་ཡི་དབང་བསྐུར་བས༔ རང་རང་རིགས་ཀྱི་དབུ་བརྒྱན་གྱུར༔ ཨོཾ་མ་ཧཱ་ཤཱུ་ནྱ་ཏ་ཛྙཱ་ན་བཛྲ་སྭ་བྷཱ་ཝ་ཨཏྨ་ཀོ྅་ཧཾ༔ ཨ་དརྴ། ས་མ་ཏ། པྲ་ཏྱ་བེཀྵ་ན། ཀྲྀ་ཏྱ་ནུཥྛན། སྐུ་གང་སྒྲིབ་དག་དབང་རྣམས་ཐོབ༔ ཆུ་ལྷག་སྤྱི་བོར་འཁྱིལ་བ་ལས༔ རིགས་ཀྱི་བདག་པོས་དབུར་བརྒྱན་བསམ༔ ཡེ་ཤེས་ཀྱི་འཁོར་ལོ་སྤྱན་དྲངས་པ་ནི༔ ཨོཾ༔ སྟོང་པ་ཤིན་ཏུ་གཡོ་མེད་ལས༔ ནམ་མཁའ་ལྟ་བུའི་མཐའ་དབུས་བྲལ༔ ཡེ་ཤེས་ཞི་ཁྲོ་འབར་བའི་ཚུལ༔ ཚོགས་མཆོག་དཀྱིལ་འཁོར་གཤེགས་སུ་གསོལ༔ སེམས་དཔའ་རྡོ་རྗེ་ཆེ་རང་བཞིན༔ རྡོ་རྗེ་སྙེམས་བདག་གྲུབ་པར་མཛོད༔ ཀུན་ནས་ཀུན་ཏུ་འོད་གསལ་བའི༔ ནོར་བུའི་གཟི་བརྗིད་ལྟ་ན་སྡུག༔ ཡེ་ཤེས་སྐུ་ཆེན་འཇམ་པའི་དཔལ༔ དཀྱིལ་དང་འཁོར་བཅས་གཤེགས་སུ་གསོལ༔ ཨོཾ་ཨེ་ཧྱེ་ཧི་བྷ་ག་ཝན་ཛྙཱ་ན་སཏྭ་མཎྜ་ལ་ས་པ་རི་ཝཱ་ར་བཛྲ་ས་མ་ཛཿ སྤྱན་དྲངས། ཛཿཧཱུྃ་བཾ་ཧོཿས་བསྟིམ༔ ཧོཿ ཡེ་ཤེས་རྡོ་རྗེའི་དཀྱིལ་འཁོར་ལ༔ དབྱིངས་ནས་སྤྱན་དྲངས་དབྱེར་མེད་ཐིམ༔ དམ་ཚིག་དཀྱིལ་འཁོར་དབྱེར་མེད་པ༔ བྱང་ཆུབ་བར་དུ་དགྱེས་པར་བཞུགས༔ ཛྙཱ་ན་ཀཱ་ཡ་ཝཱཀ་ཙིཏྟ་ས་མ་ཡ་ཏིཥྛ་ལྷན༔ ཕྱག་མཆོད་བསྟོད་པ་བྱ་བ་ནི༔ ན་མོ༔ སྐྱེ་འགག་གནས་མེད་འགྲོ་འོང་བྲལ༔ རང་རིག་འཇམ་དཔལ་རྡོ་རྗེ་ལ༔ གཉིས་མེད་རྟོགས་པའི་ཕྱག་གིས་འདུད༔ བརྡ་དང་གར་གྱིས་བསྟོད་པར་བགྱི༔ ཨ་ཏི་པུ་ཧོཿཔྲ་ཏཱིཙྪ་ཧོ༔ ཨོཾ་ཨཱཿཧཱུྃ༔ ཕྱི་ནང་ཉེར་སྤྱོད་འདོད་ཡོན་ལྔ༔ བཀྲ་ཤིས་རྫས་རྟགས་རྒྱལ་སྲིད་བདུན༔ ལྷ་རྫས་ན་བཟའ་དར་དཔྱངས་དང༔ རིན་ཆེན་རྒྱན་མཆོག་བརྒྱ་ཕྲག་དབུལ༔ ན་མཿསརྦ་ཏ་ཐཱ་ག་ཏ་བྷྱོ་བི་ཤྭ་སོགས། ཨོཾ་ཨ་ཧ་ར་ཨ་ཧ་ར་སརྦ་བིདྱ་དྷཱ་ར་པུ་ཛི་ཏེ་ཨཿཧཱུྃ༔ ཨོཾ་བཛྲ་ཨརྒྷཾ་པྲ་ཏཱིཙྪ་སྭཱ་ཧཱ༔ ནས། ཤཀྭབྡའི་བར་དང༔ ཨོཾ་རཱུ་པ་ཤབྡ་གནྡྷེ་རཱ་ས་སྤརྴེ་པྲ་ཏཱིཙྪ་སྭཱ་ཧཱ༔ ཨོཾ་སརྦ་ཏ་ཐཱ་ག་ཏ་ཨཥྚ་མངྒ་ལཾ་སཔྟ་དྲ་བྱཱ་པཱུ་ཛི་ཏེ་ཨཱཿཧཱུྃ༔ ཨོཾ་བཛྲ་ཝསྟྲ་ཨ་ལཾ་ཀ་ར་ཨཱཿཧཱུྃ༔ ཨོཾ༔ རྩ་བརྒྱད་སྟོང་ལ་སྦྱར་བའི་སྨན༔ འདོད་ཡོན་ལྔ་ལྡན་གཏོར་མ་དང༔ ཆགས་བྲལ་རཀྟའི་ལྦུ་ཕྲེང་གཡོ༔ དཀྱིལ་འཁོར་ལྷ་ཚོགས་མཉེས་པར་བགྱི༔ ཨོཾ་སརྦ་པཉྩ་ཨ་མྲྀ་ཏ་ཁཱ་ཧི༔ ཨོཾ་མ་ཧཱ་བ་ལིཾ་ཏ་ཁཱ་ཧི༔ ཨོཾ་མ་ཧཱ་རཀྟ་ཁཱ་ཧི༔ ཧཱུྃ༔ ཞི་འཛུམ་མཚན་དཔེའི་དཔལ་འབར་སྐུ༔ མཉེན་ལྕུག་འཁྲིལ་ལྡེམ་འགྱིང་བག་ཅན༔ ནམ་མཁའི་ལུས་ཅན་ཡེ་ཤེས་སྐུ༔ ཕྱག་རྒྱ་གར་གྱིས་མཆོད་པར་བགྱི༔ ཨོཾ་མ་ཧཱ་པཱུ་ཙ་ཧོཿ ཧཱུྃ༔ བཅུ་དྲུག་ལང་ཚོའི་མཚར་སྡུག་ཅན༔ པདྨ་ཅན་སོགས་ཕྱག་རྒྱའི་ཚོགས༔ འཇོ་སྒེག་རིན་ཆེན་སིལ་ཁྲོལ་ཅན༔ ཟག་མེད་བདེ་སྐྱེད་དགྱེས་མཆོད་ཀྱིས༔ འཇམ་དཔལ་རྡོ་རྗེའི་དཀྱིལ་འཁོར་མཆོད༔ མ་ཧཱ་ཏེ་ན་ཏེ་ཏེ་ཧཱུྃ༔ ཨ་ཧཾ་ཀུནྡུ་རུ་བཛྲ་དྷྲྀཀ྄་ཨ་ཧོ་མ་ཧཱ་སུ་ཁ་ཧོཿ ཨཿ མཆོད་བྱ་མཆོད་བྱེད་མཆོད་ཡུལ་ཀུན༔ གདོད་ནས་རང་རིག་ཆེན་པོར་དག༔ མ་བཅོས་མཉམ་པ་ཉིད་ཀྱི་ངང༔ དེ་བཞིན་ཉིད་ཀྱིས་མཆོད་པར་བགྱི༔ དྷརྨ་དྷཱ་ཏུ་ཨ༔ ཧོཿ ཕྱོགས་བཅུ་ཀུན་ཏུ་རོལ་པའི་སྤྲིན༔ མཐའ་ཡས་རྣམ་པར་བཀོད་པ་ཡི༔ དཀྱིལ་འཁོར་བསམ་ཡས་ལྷུན་གྱིས་གྲུབ༔ བདེ་ཆེན་རོལ་མོས་མཉེས་པར་བགྱི༔ ཨོཾ༔ ཀ་ཀོ་ལ་ཀཱ་ཧི་བཛྲ་ཤཔྟ་ཙ་ཀོ་ར་བཛྲ་ཧ་ཧ་ཧ་ཧི་ཧོཿ སརྦ་པཱུ་ཙ་ཧོཿ ཨོཾཿ ཕྱོགས་དུས་བདེ་བར་གཤེགས་པ་ཡི༔ ཡེ་ཤེས་སྐུ་སྟེ་སྐུ་ཡི་མཆོག༔ བདེ་ཆེན་རྡོ་རྗེའི་ཆོས་ཀྱི་སྐུ༔ རང་བཞིན་བརྗོད་བྲལ་སྐུ་ལ་བསྟོད༔ ཨཱཿ འགག་མེད་གསུང་སྟེ་གསུང་གི་མཆོག༔ རྡོ་རྗེའི་སྒྲ་ཆེན་མཐའ་ཡས་འཕྲོ༔ ཡི་གེ་འཁོར་ལོའི་སྤྲིན་དུ་ཤར༔ འཇམ་དབྱངས་གསུང་ལ་ཕྱག་འཚལ་བསྟོད༔ ཧཱུྃ༔ འཇམ་དཔལ་ཐུགས་ནི་ཀུན་ཏུ་ཞི༔ རྟོག་པའི་སྤྲོས་ལས་རབ་འདས་པ༔ འགྱུར་མེད་བདེན་དོན་ཡེ་ཤེས་མཛོད༔ རྡོ་རྗེའི་ཐུགས་ལ་ཕྱག་འཚལ་བསྟོད༔ སྭཱ༔ སངས་རྒྱས་ཀུན་གྱི་འབྱུང་གནས་ཆེ༔ ཡོན་ཏན་ཡིད་བཞིན་ནོར་བུའི་བདག༔ བྲལ་སྨིན་རྒྱ་མཚོའི་གཏེར་འཆང་བ༔ ཡོན་ཏན་བསམ་མི་ཁྱབ་ལ་བསྟོད༔ ཧཱཿ མཁའ་དང་མཉམ་པའི་སྐུ་མངའ་བས༔ འགྲོ་བའི་ཁམས་ལ་རྟག་པར་འཇུག༔ ཕྲིན་ལས་མཛད་མེད་ལྷུན་གྱིས་གྲུབ༔ སྐུ་བཞིའི་དབང་ཕྱུག་ཁྱོད་ལ་བསྟོད༔ རྡོ་རྗེའི་དབྱངས་ཀྱིས་བསྟོད་པ་ཡིས༔ རྣམ་པར་གྲོལ་བའི་བྱང་ཆུབ་སེམས༔ མཐའ་ཡས་འགྲོ་རྣམས་འགོད་པ་དང༔ མཁྱེན་བརྩེའི་ཡེ་ཤེས་མཆོག་ཐོབ་ཤོག༔ ཛཔ་ཀྱི་བཟླས་པས་ཉེ་བར་བསྙེན༔ ཐུགས་དབུས་འོད་ལྔའི་གུར་ཁྱིམ་དུ༔ ཡེ་ཤེས་སེམས་དཔའ་འཇམ་པའི་དབྱངས༔ སྔོ་སངས་ནམ་མཁའི་མདངས་ལྡན་སྐུ༔ རྡོ་རྗེ་དྲིལ་བུ་ཐུགས་ཀར་བསྣོལ༔ རྣལ་འབྱོར་མ་དཔལ་དཀར་མོ་ནི༔ གྲི་ཐོད་འཛིན་དང་མཉམ་སྦྱོར་ཞིང༔ ལོངས་སྐུའི་ཆས་ཅན་ཐུགས་ཀའི་དབུས༔ ཉི་ཟླའི་གྭའུའི་ནང་ཁོངས་སུ༔ རལ་གྲིའི་ཡུ་བར་དྷཱིཿཡིས་མཚན༔ དེ་མཐར་སྔགས་ཀྱི་ཕྲེང་བས་བསྐོར༔ འོད་འཕྲོས་འཕགས་མཆོད་བྱིན་རླབས་བསྡུས༔ འགྲོ་བའི་སྒྲིབ་སྦྱངས་ཚུར་འདུས་ཤིང༔ འོད་ཀྱིས་རྨོངས་པའི་མུན་པ་སེལ༔ ཡེ་ཤེས་སྣང་བ་རྒྱས་པར་མོས༔ ཨོཾ་ཝཱ་གི་ཤྭ་རི་མཱུཾ༔ འབུམ་ཕྲག་བཅུ་གཉིས་བཟླ་བར་བྱ༔ དངོས་གྲུབ་སྒྲུབ་པའི་བཟླས་པ་ནི༔ ཐུགས་ཀའི་སྔགས་ཀྱི་ཕྲེང་བ་ནི༔ ཡབ་ནས་ཡུམ་གྱི་ཞལ་དུ་བརྒྱུད༔ མགལ་མེ་ལྟ་བུར་འཁོར་བ་ལས༔ སྐུ་དང་འོད་ཟེར་སྔགས་ཕྲེང་དང༔ ཕྱག་མཚན་དཔག་མེད་འཕྲོས་པ་ལས༔ ཐ་མལ་སྣང་ཞེན་ཀུན་སྦྱངས་ཏེ༔ འཇམ་དཔལ་དཀྱིལ་འཁོར་ཆེན་པོར་རྫོགས༔ ཨོཾ་ཨ་ར་པ་ཙ་ན་དྷཱིཿ རྩ་བའི་རིག་པ་འབུམ་བཅུ་བཟླ༔ ཨོཾ་སརྦ་དྷརྨ་སོགས་ཉེ་སྙིང༌། ཨ་ཨཱ་ཨི་ཨཱི་སོགས་འབུམ་ཕྲག་གཅིག་ཏུ་བཟླ་བར་བྱ༔ ལས་ལ་སྦྱོར་བའི་ཆེད་དུ་ནི༔ དཀྱིལ་འཁོར་ལྷ་ཚོགས་ཐམས་ཅད་ལས༔ འོད་ཟེར་དཀར་སེར་དམར་ལྗང་དང༔ སྐུ་ནི་ཉི་ཟེར་རྡུལ་ལྟར་འཕྲོས༔ འཇིགས་བརྒྱད་ནད་གདོན་སྡིག་སྒྲིབ་ཞི༔ ཚེ་དང་བསོད་ནམས་ཡེ་ཤེས་རྒྱས༔ བརྟན་གཡོ་རླུང་སེམས་དབང་དུ་སྡུད༔ དགྲ་གདོན་དམ་སྲི་ཚར་གཅོད་ཅིང༔ ལས་བཞིའི་ཕྲིན་ལས་སྒྲུབ་པར་བསམ༔ སྒྲུབ་སྔགས་ཡི་གེ་དྲུག་པའི་མཐར༔ ཤཱནྟིཾ་པུཥྚིཾ་ཝཱ་ཤཾ་མཱ་ར་ཡ་ཕཊ྄༔ ཤམ་བུ་བཏགས་པ་ཁྲི་བཟླས་འགྲུབ༔ ས་མ་ཡ༔ བསྙེན་སྒྲུབ་རྟགས་མཐོང་དངོས་གྲུབ་བླངས༔ བྷཉྫ་བཟང་པོའི་ནང་དུ་ནི༔ ཨ་མྲྀ་ཏ་ཡིས་གཏམས་བྱས་ཏེ༔ དཀྱིལ་འཁོར་ལྷ་ཚོགས་ཐམས་ཅད་ཀྱིས༔ བདེ་བའི་སྒྲ་བཅས་སྙོམས་པར་ཞུགས༔ རྗེས་སུ་ཆགས་པའི་འོད་ཟེར་གྱིས༔ ཡེ་ཤེས་ཆེན་པོའི་བཅུད་དུ་གྱུར༔ དངོས་གྲུབ་རྒྱ་མཚོ་བསྐྱིལ་བར་གྱུར༔ སྒྲུབ་སྔགས་མཐར། ཀཱ་ཡ་ཝཱཀ་ཙིཏྟ་སརྦ་སིདྡྷི་ཕ་ལ་ཧོཿ ཞེས་སྟོང་རྩ་བཟླ༔ རྡོ་རྗེ་ནམ་ལངས་དངོས་གྲུབ་བསྐུལ༔ ཨེ་མ་ཧོ་དེ་བཞིན་གཤེགས་པ་ཡི༔ དངོས་གྲུབ་རྒྱ་མཚོ་འབྱུང་བའི་གནས༔ འཇམ་དཔལ་རྡོ་རྗེའི་དཀྱིལ་འཁོར་པ༔ བསྙེན་ཅིང་སྒྲུབ་པའི་དམ་ཚིག་ཐེམ༔ དངོས་གྲུབ་སྩོལ་བའི་དུས་ལ་བབ༔ མཁྱེན་པའི་ཡེ་ཤེས་སྤོབས་པའི་གཏེར༔ དངོས་གྲུབ་བརྒྱད་དང་རྡོ་རྗེའི་ཚེ༔ སྲིད་ཞིར་མི་གནས་རྫོགས་པ་ཆེའི༔ མཆོག་གི་དངོས་གྲུབ་བསྩལ་དུ་གསོལ༔ ཐུན་མོང་ལས་བཞིའི་དངོས་གྲུབ་སྩོལ༔ འཇམ་དཔལ་རྡོ་རྗེའི་དཀྱིལ་འཁོར་ཡིས༔ དངོས་གྲུབ་དམ་པ་དེང་འདིར་སྩོལ༔ ཅེས་བསྐུལ་སྔགས་ཀྱིས་སྒྲུབ་རྫས་རྣམས༔ གནས་གསུམ་འཇོག་ཅིང་བདུད་རྩིར་རོལ༔ དངོས་གྲུབ་གདན་ཐོག་གཅིག་ཉིད་ལ༔ ཐོབ་པར་གྱུར་པའི་ངེས་ཤེས་བསྐྱེད༔ དགའ་སྟོན་བྱ་ཞིང་གླུ་གར་བྱ༔ ས་མ་ཡ༔ རྗེས་ལ་ཚོགས་ཀྱི་མཆོད་པ་ནི༔ ཐབས་ཤེས་ཡོ་བྱད་གྱ་ནོམ་བཤམས༔ ཧཱུྃ༔ བདག་ཉིད་ལྷ་ཡི་ཐུགས་ཀ་ནས༔ ཡི་གེ་རྃ་ཡྃ་ཁྃ་གསུམ་འཕྲོས༔ ཚོགས་ཀྱི་དངོས་འཛིན་བསྲེགས་གཏོར་བཀྲུས༔ འབྲུ་གསུམ་བདུད་རྩིའི་ཆར་བབ་པས༔ ཡེ་ཤེས་ལོངས་སྤྱོད་ཆེན་པོར་གྱུར༔ ཨོཾ་ཨཱཿཧཱུྃ༔ ཧ་ཧོ་ཧྲཱིཿ ཧཱུྃ་ཧྲཱིཿ དམིགས་མེད་ཡེ་ཤེས་མཁའ་ལྟར་ཁྱབ༔ སྙིང་རྗེ་སྒྱུ་མའི་སྐུར་བཞེངས་པ༔ རྩ་གསུམ་འཇམ་དཔལ་ཞི་ཁྲོའི་ཚོགས༔ འདོད་ཡོན་ཚོགས་ལ་སྤྱན་འདྲེན་གཤེགས༔ རྣལ་འབྱོར་སྒྲུབ་མཆོག་བྱིན་གྱིས་རློབས༔ མཆོག་ཐུན་དངོས་གྲུབ་བསྩལ་དུ་གསོལ༔ བཛྲ་ས་མཱ་ཛཿ འདོད་ཡོན་རྣམ་ལྔའི་སྔགས་ཀྱིས་མཆོད༔ ཨཿ གཟུགས་སྒྲ་དྲི་རོ་རེག་ལྡན་པའི༔ འདོད་ཡོན་རྣམ་པ་ཐམས་ཅད་པའི༔ ཚོགས་ཀྱི་འཁོར་ལོའི་སྤྲིན་ཆེན་པོས༔ དཀྱིལ་འཁོར་ལྷ་ཚོགས་མཆོད་པར་བགྱི༔ མ་ཧཱ་ག་ཎ་ཙཀྲ་ཁཱ་ཧི༔ ཧོ༔ ཐོག་མེད་དུས་ནས་ད་ལྟའི་བར༔ བདག་གཞན་ཚེ་རབས་ཐོག་མེད་ནས༔ བསགས་པའི་ལས་ཉོན་སྡིག་སྒྲིབ་ཀུན༔ ཚོགས་ཀྱི་མཆོད་པས་བཤགས་པར་བགྱི༔ ས་མ་ཡ་ཤུདྡྷེ་ཨཿ ཨེ་ལས་ཐར་མེད་བཙོན་ཁང་དུ༔ དགྲ་བགེགས་བྱད་མ་དངོས་སུ་གསལ༔ དགུག་བསྟིམ་གཟིར་མནན་ལས་མཛད་བསམ༔ ཧཱུྃ༔ འཇམ་དཔལ་ཁྲོས་པ་ཀཱི་ལ་ཡ༔ སངས་རྒྱས་ཀུན་གྱི་ཕྲིན་ལས་མཛད༔ མཐུ་སྟོབས་ནུས་པའི་ཤུགས་འཆང་བས༔ དགྲ་བགེགས་གནོད་བྱེད་དམ་སྲི་རྣམས༔ ལྔ་ཕུང་དུག་ལྔ་རྩད་ནས་ཆོད༔ རྣམ་ཤེས་རྒྱལ་བའི་སྲས་སུ་སྐྲུན༔ གཟུགས་ཕུང་འབར་བའི་མཚོན་ཆས་གཏུབས༔ རྡུལ་ཕྲན་ཙམ་ཡང་མེད་པར་མཛོད༔ ཨེ་ཡ་མཱནྟ་ཀ་ཀཱ་ལ་རུ་པ་ཧྲཱིཿཥྚི་ཨི་དམ་དུཥྚྲན་སརྦ་ཤ་ཏྲཱུཾ་མཱ་ར་ཡ་རྦད་ཕཊ྄༔ མཚོན་ཆས་གཏུབ་ཅིང་ལིང་རོ་རྣམས༔ བདུད་རྩིར་བསྒྱུར་ལ་ཞལ་དུ་བསྟབ༔ ཨེ༔ སངས་རྒྱས་ཕྲིན་ལས་རྫོགས་པའི་དཔལ༔ འཇམ་དཔལ་ཞི་ཁྲོའི་ལྷ་ཚོགས་ལ༔ དགྲ་བགེགས་ལྔ་ཕུང་ཞལ་དུ་བསྟབ༔ དགྱེས་པར་རོལ་ཅིག་ཁ་རཾ་ཁཱ་ཧི༔ ཧ་ཧ་ཧི་ཧི་ཧེ་ཧེ་ཧོ་ཧོ་ཕཊ྄་ཕཊ྄༔ བརྡ་དང་བརྡ་ཡི་ལན་དང་བཅས༔ ཚོགས་ལ་རོལ་ཞིང་ལྷག་མ་བསྔོ༔ ཞལ་ཆབ་སྨན་རཀ་བྲན་ལ་བཤམས༔ ཧཱུྃ་ཧྲཱིཿ དཔལ་གྱི་བཀའ་ཉན་ཕོ་ཉ་ནི༔ མ་ཚོགས་དབང་ཕྱུག་གིང་ལངྐ༔ འབར་མ་སྲིན་མོའི་ཚོགས་དང་བཅས༔ འདིར་གཤེགས་དཔལ་གྱི་ལྷག་གཏོར་བཞེས༔ བཅོལ་བའི་ཕྲིན་ལས་འགྲུབ་པར་མཛོད༔ ཨུཙྪིཥྚ་མ་མ་ཧྲཱིཾ་ཧྲཱིཾ་བ་ལིངྟ་ཁཱ་ཧིཿ ཧོ་ཨ་ལ་ལ་ཧོཿ མཆོག་ཏུ་མི་འགྱུར་བདེ་བ་ཆེན་པོའི་སྐུ་ནི་ཉི་མ་སྟོང་གི་གཟི་འོད་ལྡན༔ གསང་སྔགས་སྒྲ་ཆེན་དོན་རིག་ཐེ་ཚོམ་གསུམ་བྲལ་གཉིས་སུ་མེད་པའི་རིག་སྔགས་འཆང༔ དོན་ཟབ་རྒྱ་ཆེ་སྤྲོས་པ་རབ་ཞི་ཀུན་བཟང་བདེ་བ་ཆེན་པོའི་སྐུ༔ ཁམས་གསུམ་ཀུན་ཏུ་སྒྱུ་མའི་གར་མཛད་ཡང་དག་ཡེ་ཤེས་མཆོག་གྲུབ་ཨེ་མ་ཧོ༔ ཏེ་ན་ཧཱུྃ༔ ཏེ་ན་ཧཱུྃ༔ ཏེ་ན་ཏེ་ཏེ་ཧོ༔ སརྦ་མ་ཧཱ་སུ་ཁ་གཱིརྟི་ཨ་ལ་ལ་ཧོ༔ ཞེས་གླུ་བླངས༔ ཧོཿ འཇམ་དཔལ་ཡེ་ཤེས་སེམས་དཔའི་དཀྱིལ་འཁོར་དུ༔ གསང་ཆེན་ག་ཎ་ཙཀྲའི་སྤྱོད་པ་ཡིས༔ སྒྲིབ་གསུམ་སྙིང་གི་མུན་པ་ཀུན་བཅོམ་ནས༔ ཀུན་བཟང་འཇམ་དཔལ་ཞི་ཁྲོ་མྱུར་ཐོབ་ཤོག༔ གཏོར་མ་བྱིན་ཞིང་ཐ་ཚིག་བསྒྲགས༔ ཧཱུྃ༔ སྔོན་ཚེ་ཀ་དག་ཀུན་ཏུ་བཟང༔ ཆོས་ཉིད་གདོད་མའི་རང་དུས་ན༔ གཞི་སྣང་རྒྱུད་གསུམ་དྲེགས་པའི་ཚོགས༔ གཞི་གྲོལ་རིག་རྩལ་གཏོར་མ་སྦྱིན༔ བར་དུ་འཇམ་དཔལ་དཀྱིལ་འཁོར་དུ༔ ཚོགས་ཀྱི་གྲལ་དུ་བཅུག་བྱས་ནས༔ དབང་བསྐུར་དམ་བསྒོས་སྲུང་མར་བཞག༔ ད་ལྟ་རྣལ་འབྱོར་སྒྲུབ་པ་པོས༔ འཇམ་དཔལ་དཀྱིལ་འཁོར་ཞལ་ཕྱེས་ཤིང༔ དམ་རྫས་རྒྱན་གྱི་གཏོར་མས་མཆོད༔ སྔོན་གྱི་དམ་བཅའ་དྲན་གྱིས་ལ༔ བཅོལ་བའི་ཕྲིན་ལས་སྒྲུབ་པར་མཛོད༔ བཤལ་ཆུས་བརྟན་མ་བསྐྱངས་བྱས་ཏེ༔ བྷྱོ༔ དཔལ་གྱི་སྤྱན་སྔར་དམ་མནོས་པའི༔ བདུད་མོ་བཞི་དང་གནོད་སྦྱིན་བཞི༔ སྨན་བཙུན་མཆེད་བཞི་འཁོར་བཅས་དང༔ སྐྱོང་མ་ཡ་མ་འབུམ་སྡེའི་ཚོགས༔ འདིར་གཤེགས་དམ་རྫས་གཏོར་མ་བཞེས༔ བཅོལ་བའི་ལས་ཀུན་སྒྲུབ་པར་གྱིས༔ མ་མ་ཧྲིང་ཧྲིང་བ་ལིཾ་ཏ་ཁཱ་ཧི༔ གཏོར་གཞོང་སྦུབས་ལ་རྡོ་རྗེས་མནན༔ ཧཱུྃ༔ རྟ་ཡི་བརྟུལ་ཞུགས་ཆེན་པོ་ནི༔ དབང་ཆེན་རྔམས་པའི་སྒྲ་སྒྲོགས་ཤིང༔ དཔལ་གྱི་རྟ་སྐད་ཙེ་རེ་རེ༔ རོལ་པའི་རྟ་བྲོ་ཆེམས་སེ་ཆེམ༔ རྟ་བྲོ་འཁོར་ས་དང་པོ་ལ༔ ཀ་དག་ཆོས་སྐུའི་བྲོ་བརྡུངས་པས༔ མནན་ནོ་སྐྱེ་མེད་ཀློང་དུ་མནན༔ རྟ་བྲོ་འཁོར་ས་བར་པ་ལ༔ འོད་གསལ་ལོངས་སྐུའི་བྲོ་བརྡུངས་པས༔ རང་གྲོལ་འགག་མེད་ཀློང་དུ་མནན༔ རྟ་བྲོ་འཁོར་ས་ཐ་མ་ལ༔ ཐུགས་རྗེ་སྤྲུལ་སྐུའི་བྲོ་བརྡུངས་པས༔ གནས་མེད་སྙིང་རྗེའི་ཀློང་དུ་མནན༔ མནན་པ་ཡིན་ནོ་མ་ལྡང་ཞིག༔ བྱང་ཆུབ་སེམས་ནི་མ་སྐྱེས་བར༔ ལྡང་བར་མ་གྱུར་སྟམྦྷ་ཡ་ནན༔ མཆོད་བསྟོད་ནོངས་བཤགས་རྗེས་བསྡུ་ལྡང༔ ཧོཿ ཡེ་ཤེས་ལྷ་རྣམས་ཐུགས་རྗེས་དགོངས༔ བདག་ཅག་བག་མེད་སྤྱོད་པ་ཡི༔ ཏིང་འཛིན་དགོངས་པའི་རྩལ་མ་རྫོགས༔ ཆོ་ག་ལྷག་ཆད་ནོངས་པ་ཀུན༔ མཐོལ་ཞིང་བཤགས་སོ་བྱང་བར་མཛོད༔ སྒྲིབ་མེད་ཚངས་པའི་དངོས་གྲུབ་སྩོལ༔ ཡིག་བརྒྱ་བརྗོད༔ ཨ་ཨ་ཨ༔ ལྷར་སྣང་སྤྲུལ་པའི་སྣང་བ་ཀུན༔ ཆོས་ཉིད་རིག་པའི་དབྱིངས་སུ་ཐིམ༔ སླར་ཡང་སྣང་གྲགས་རྟོག་ཚོགས་རྣམས༔ ལྷ་སྔགས་ཡེ་ཤེས་རོལ་པར་ཤར༔ ཕཊ྄་ཕཊ྄་ཕཊ྄༔ དགེ་བ་བསྔོ་ཞིང་ཤིས་པ་བརྗོད༔ ཧོཿ དགེ་བ་འདི་ཡིས་བདག་དང་སེམས་ཅན་ཀུན༔ རྗེ་བཙུན་འཇམ་དཔལ་རྡོ་རྗེ་རབ་གྲུབ་སྟེ༔ ནམ་མཁའ་མཉམ་པའི་རིགས་དྲུག་སེམས་ཅན་རྣམས༔ རྣམ་གྲོལ་ཐར་བའི་ལམ་ལ་འགོད་པར་ཤོག༔ དེང་ནས་བཟུང་སྟེ་ཚེ་རབས་ཐམས་ཅད་དུ༔ དལ་འབྱོར་རྟེན་ཐོབ་ཚུལ་ཁྲིམས་ནོར་གྱིས་ཕྱུག༔ དད་བརྩོན་ཤེས་རབ་དམ་ཚིག་རྣམ་པར་དག༔ དབང་གིས་རྒྱུད་སྨིན་རིམ་གཉིས་སྒོམ་པར་ཤོག༔ གཞི་ཡི་རིགས་སད་ངེས་གསང་རྫོགས་པ་ཆེའི༔ རིག་དོན་ངེས་གསང་མངོན་སུམ་རྟོགས་པ་དང༔ སྣང་བཞིའི་ལམ་གྱི་བགྲོད་པ་མཐར་ཕྱིན་ནས༔ འཇམ་དཔལ་རྡོ་རྗེའི་ངོ་བོར་བྱང་ཆུབ་ཤོག༔ ཨོཾ༔ རིག་འཛིན་བརྒྱུད་པའི་ཚོགས་རྣམས་ཀྱིས༔ བྱིན་གྱིས་རློབ་པའི་བཀྲ་ཤིས་ཤོག༔ ཡི་དམ་ཞི་ཁྲོ་རབ་འབྱམས་ཀྱིས༔ དངོས་གྲུབ་སྩོལ་བའི་བཀྲ་ཤིས་ཤོག༔ མཁའ་འགྲོ་ཆོས་སྐྱོང་སྲུང་མ་ཡི༔ ཕྲིན་ལས་རྣམ་བཞིའི་བཀྲ་ཤིས་ཤོག༔ ནོར་ལྷ་གཏེར་བདག་རབ་འབྱམས་ཀྱིས༔ འདོད་དོན་འགྲུབ་པའི་བཀྲ་ཤིས་ཤོག༔ རྩ་གསུམ་ཚེ་ལྷའི་ཚོགས་རྣམས་ཀྱིས༔ འཆི་མེད་ཚེ་ཡི་བཀྲ་ཤིས་ཤོག༔ ཅི་བསམ་འབད་མེད་ལྷུན་གྱིས་གྲུབ༔ དོན་གཉིས་མཐར་ཕྱིན་བཀྲ་ཤིས་ཤོག༔ བསྟན་དང་བསྟན་འཛིན་དར་ཞིང་རྒྱས༔ འཇིག་རྟེན་བདེ་བའི་བཀྲ་ཤིས་ཤོག༔ ཉིན་མཚན་ཀུན་ཏུ་མཆོག་གསུམ་གྱི༔ བཀྲ་ཤིས་བདེན་པས་བཀྲ་ཤིས་ཤོག༔ ཅེས་བརྗོད་མེ་ཏོག་ཆར་བསིལ་ཞིང༔ བཀྲ་ཤིས་རོལ་མོ་རྒྱ་ཆེར་སྒྲོགས༔ ཨེ་མ༔ ཡང་ཟབ་དགོངས་པའི་གཏེར་གྱི་བཅུད༔ འཇམ་དཔལ་བཤེས་གཉེན་སྙིང་ཐིག་འདི༔ གཞན་དུ་འཕོ་བའི་སྐབས་མེད་པས༔ འཇམ་དཔལ་ཆོས་ཀྱི་བཤེས་གཉེན་གྱིས༔ འོད་གསལ་དབུ་མའི་སྒྲོམ་དུ་སྦས༔ དེས་ཀྱང་གསང་གསུམ་རྒྱས་བཏབ་ན༔ ཡང་སྲིད་ཕྱི་མའི་དུས་ཀྱི་ཚེ༔ སྤྲུལ་པའི་རིག་འཛིན་སྐུ་ཉིད་ཀྱིས༔ ཐུགས་ཀྱི་གསང་མཛོད་སྨུག་པོར་སྦས༔ སྐལ་ལྡན་གདུལ་བྱ་དུས་བབ་ཚེ༔ ཅི་རིགས་སྣང་བར་འགྱུར་བ་དང༔ བསྟན་འགྲོའི་ཕན་པ་རྒྱ་ཆེར་འབྱུང༔ དམ་མེད་ལག་ཏུ་མ་སྤྲོད་ཅིག༔ མནྟྲ་གུ་ཧྱ་གརྦྷ་ས་མ་ཡ་རྒྱ་རྒྱ་རྒྱ༔ ཅེས་པའང་རིག་འཛིན་གྱི་བཙུན་པ་འཇམ་དཔལ་དགའ་བའི་གོ་ཆས་ས་གླང་གྲོ་བཞིན་ཟླ་བའི་ཚེས་ཉེར་ལྔ་ལ་གང་ཤར་ཡི་གེར་བཏབ་པ་སརྦ་ཛྙཱ་མཉྫུ་གྷོ་ཥ་སིདྡྷི་རསྟུ། མངྒ་ལཾ། དགེའོ།། །།

[edit]

\u0f01\u0f83:_rtsa gsum 'jam dpal snying thig las:_phrin las ye shes snang ba bzhugs:_ \u0f01\u0f83:__kra0ri0p-imi/h+ya:_rang byung ye shes lha la 'dud:_'jam dpal ye shes sems dpa' yi:_sgrub pa'i thabs chen rmad byung ba:_'jam dpal rak+ta rgya mtsho las:_snying por dril ba'i sgrub tshul bstan:_de la sgrub pa'i gnas mchog gi:_yid 'ong bkra shis gnas de ru:_sku gsung thugs kyi rten rnams bkram:_sgrub po bde ba'i stan la 'dug:_phyi nang mchod gtor mdzes par bshams:_mdun mkhar skyabs yul mngon sum bltas:_na mo:_bdag sogs 'gro ba sems can rnams:_deng bzung byang chub ma thob bar:_skyabs kyi snying po bzung byas te:_rtag par bdag ni skyabs su mchi:_sems bskyed ni:_sems can srid pa'i rgya mtshor lhung:_tshad med rnam bzhis blo sbyangs te:_thar lam dam par 'god pa'i phyir:_smon 'jug byang chub mchog sems bskyed:_yan lag bdun pa ni:_rang rig dbyings nas shar ba yi:_'jam dpal rdo rje'i lha tshogs la:_phyag 'tshal mchod 'bul sdig ltung bshags:_dge la yi rang chos 'khor bskor:_mya ngan mi 'da' bzhugs gsol 'debs:_dge tshogs chos dbyings snying por bsngo:_'gro kun byang chub myur thob shog_/bgegs la gtor ma byin zhing bskrad/_hU~M:_gnyis 'dzin rtog pa'i bdud bgegs la:_mkha' khyab 'dod yon gtor ma sbyin:_gnod 'tshe gdug sems kun zhi zhing:_gnas 'dir ma 'dug gzhan du dengs:_gal te mi 'gro 'dug gyur na:_'jam dpal khros pa'i rgyal po yis:_khyed rnams lus sems rdul du brlag:_de bas bka' las ma 'da' zhig:_drag sngags thun dang rdo rjes bskrad:_bsrung ba'i mtshams kyis bcad pa ni:_hU~M e:_gshin rje rol pa'i 'du 'phro yi:_'bar ba'i gur khang 'khrigs pa las:_khro bo khro mo skar ltar 'khrugs:_mtshon cha sna tshogs gur gyis gtams:_me rlung chu yi rba rlabs g.yo:_bar chad gdon bgegs 'byung po'i tshogs:_nam yang rgyu ba'i skabs med do:_badz+ra uSh+Ni Sha tsakra rak+Sha rak+Sha hU~M raM phaTa?:_byin dbab pa ni:_hU~M hrIH_mi gnas ye shes dkyil 'khor nas:_dus gsum rgyal ba bskyed pa'i yab:_'jam dpal zhi khro'i dkyil 'khor lha:_rtsa gsum rgya mtsho'i tshogs dang bcas:_gnas 'dir dbang bskur byin chen phob:_rdo rje'i ye shes bskyed du gsol:_oM many+dzu shrI dz+nyA na satwa kA ya wAka tsit+ta badz+ra sa ma dzaH_a we sha ya a aH_e a ral+li pheM pheM:_hU~M hU~M hU~M:_dzaHhU~M baM hoH_mchod pa byin rlabs ni:_ra~M ya~M kha~M:_mchod snod rin po che yi nang:_mchod rdzas nyer spyod 'dod yon lnga:_sman gtor rak+ta dwangs re spro:_kun bzang rnam 'phrul chen por gyur:_oM AHhU~M:_badz+ra ar+g+haM nas/_shab+da rU pa shab+da gan+d+he rA sa spar+she sarba pany+tsa a mr-i ta rak+ta ba liM ta sarba pU dza AHhU~M:_sa ma ya:_rten dang brten pa'i dkyil 'khor bskyed:_d+hIH_ngang nyid rdo rje chos dbyings las:_ye shes snying po kun tu snang:_rang byung rig pa d+hIHser po:_de las spro bsdu'i 'od zer gyis:_brtan g.yo snod bcud kun sbyangs nas:_'byung lnga rim brtsegs ri rab steng:_rdo rje'i srung 'khor rgya che'i dbus:_pad+ma sna tshogs rdo rje'i lter:_thar pa chen po'i gzhal med khang:_gru bzhi sgo bzhi mdzes par snang:_ye shes lnga yi rtsig pa'i steng:_pha gu drwa ba drwa phyed dang:_shar bu mda' yab dbus phyur bu:_nor bu 'od 'bar tog gi 'phro:_rta bab bang rim brgyad pa la:_ri dwags chos 'khor gdugs 'phan dang:_rnga yab nor bu'i yu bas mdzes:_'dod snam mchod pa'i lha mos bskor:_phyi gsal nang gsal de yi nang:_gdung bzhi ka ba brgyad kyis 'degs:_gru chad phyi nang nyis rim can:_lte ba'i le'u tshe 'bar ba'i dbus:_seng khri pad+ma nyi zla'i steng:_d+hIHyig lnga ldan babs pa las:_spro bsdu'i cho 'phrul chen po yis:_dmar ser 'od kyi gong bur gyur:_de nyid yongs gyur 'jam pa'i dbyangs:_dmar ser zhal gcig phyag bzhi pa:_dang po gnyis kyi ral gri dang:_sher phyin glegs bam 'og ma gnyis:_mda' gzhu 'dzin zhing 'gying bag can:_stod g.yogs smad g.yogs mdzes par bklubs:_dar dang rin chen rgyan gyis brgyan:_pang du rdo rje dbyangs can ma:_sngo sangs ral gri pusti 'dzin:_mdzes 'dzum yid 'ong lha mo'i chas:_thabs shes bde stong chen por bzhugs:_phyogs bzhi'i le'u tsher khri pad zla:_mi bskyod rin 'byung dpag med mgon:_don grub rang 'od yum dang 'khril:_rang rtags phyag mtshan dril bu bsnams:_zhi chas bcu gsum yongs su rdzogs:_mtshams bzhir dbyangs can rigs bzhi sogs:_dkar ser dmar dang ljang ba'i mdog:_zhi 'dzum bcu drug lang tsho can:_phyag mtshan rang rtags pi waM bsgrengs:_zhabs gnyis mnyam pa'i stabs kyis bzhengs:_lha mo'i cha byad rdzogs par gsal:_gru chad sems dpa' yab yum brgyad:_sgrib pa rnam sel 'khor lo 'dzin:_byams pa dkar ser klu shing g.yas:_kun bzang ljang gu nor bu bsnams:_'jam dpal dkar ljang g.yas ut+pal:_sa yi snying po 'bras snye bsnams:_nam snying sngo sangs ral gri 'dzin:_spyan gzigs dkar po pad+ma 'dzin:_phyag rdor sngon po rdo rje dang:_de la dgyes bskyed sems dpa' yum:_me tog bdug spos mar me dang:_dri chab lA s+ye mA le dang:_gIrti nIrti rnam pa brgyad:_rang rang mchod pa'i rdzas thogs nas:_rang rigs yab la dgyes par 'khril:_khyams kyi steng 'og phyogs mtshams su:_thub chen drug po sprul sku'i chas:_rang rtags phyag mtshan 'dzin pa dang:_pad zlar 'gro don bzhengs stabs bzhugs:_sgo bzhir nyi ma'i zhing gi gdan:_rnam rgyal dkar po lcags kyu gdengs:_gshin rje ser po be con bsnams:_rta mgrin dmar po pad+ma 'dzin:_bdud rtsi 'khyil ba rgya gram bsnams:_lcags kyu zhags pa lcags sgrog dril:_yum bzhi rang rtags phyag rgya 'dzin:_yab la 'khyud cing khro bo'i chas:_zhabs gnyis gyad kyi dor stabs bzhugs:_bar khyams rtsa gsum yi dam lha:_mkha' 'gro chos skyong tshogs rnams kun:_til gyi gong bu ltar bzhugs pa'i:_gnas gsum rdo rje gsum gyi mtshan:_thugs las 'od 'phros dbang lha'i tshogs:_spyan drangs nam mkha' gang bar gyur:_ye shes lha yi dbang bskur bas:_rang rang rigs kyi dbu brgyan gyur:_oM ma hA shU n+ya ta dz+nyA na badz+ra swa b+hA wa at+ma ko\u0f85 haM:_a dar+sha/_sa ma ta/_pra t+ya bek+Sha na/_kr-i t+ya nuSh+Than/_sku gang sgrib dag dbang rnams thob:_chu lhag spyi bor 'khyil ba las:_rigs kyi bdag pos dbur brgyan bsam:_ye shes kyi 'khor lo spyan drangs pa ni:_oM:_stong pa shin tu g.yo med las:_nam mkha' lta bu'i mtha' dbus bral:_ye shes zhi khro 'bar ba'i tshul:_tshogs mchog dkyil 'khor gshegs su gsol:_sems dpa' rdo rje che rang bzhin:_rdo rje snyems bdag grub par mdzod:_kun nas kun tu 'od gsal ba'i:_nor bu'i gzi brjid lta na sdug:_ye shes sku chen 'jam pa'i dpal:_dkyil dang 'khor bcas gshegs su gsol:_oM e h+ye hi b+ha ga wan dz+nyA na satwa maN+Da la sa pa ri wA ra badz+ra sa ma dzaH_spyan drangs/_dzaHhU~M baM hoHsa bstim:_hoH_ye shes rdo rje'i dkyil 'khor la:_dbyings nas spyan drangs dbyer med thim:_dam tshig dkyil 'khor dbyer med pa:_byang chub bar du dgyes par bzhugs:_dz+nyA na kA ya wAka tsit+ta sa ma ya tiSh+Tha lhan:_phyag mchod bstod pa bya ba ni:_na mo:_skye 'gag gnas med 'gro 'ong bral:_rang rig 'jam dpal rdo rje la:_gnyis med rtogs pa'i phyag gis 'dud:_brda dang gar gyis bstod par bgyi:_a ti pu hoHpra tIts+tsha ho:_oM AHhU~M:_phyi nang nyer spyod 'dod yon lnga:_bkra shis rdzas rtags rgyal srid bdun:_lha rdzas na bza' dar dpyangs dang:_rin chen rgyan mchog brgya phrag dbul:_na maHsarba ta thA ga ta b+h+yo bi shwa sogs/_oM a ha ra a ha ra sarba bid+ya d+hA ra pu dzi te aHhU~M:_oM badz+ra ar+g+haM pra tIts+tsha swA hA:_nas/_shakwab+da'i bar dang:_oM rU pa shab+da gan+d+he rA sa spar+she pra tIts+tsha swA hA:_oM sarba ta thA ga ta aSh+Ta mang+ga laM sap+ta dra byA pU dzi te AHhU~M:_oM badz+ra was+t+ra a laM ka ra AHhU~M:_oM:_rtsa brgyad stong la sbyar ba'i sman:_'dod yon lnga ldan gtor ma dang:_chags bral rak+ta'i lbu phreng g.yo:_dkyil 'khor lha tshogs mnyes par bgyi:_oM sarba pany+tsa a mr-i ta khA hi:_oM ma hA ba liM ta khA hi:_oM ma hA rak+ta khA hi:_hU~M:_zhi 'dzum mtshan dpe'i dpal 'bar sku:_mnyen lcug 'khril ldem 'gying bag can:_nam mkha'i lus can ye shes sku:_phyag rgya gar gyis mchod par bgyi:_oM ma hA pU tsa hoH_hU~M:_bcu drug lang tsho'i mtshar sdug can:_pad+ma can sogs phyag rgya'i tshogs:_'jo sgeg rin chen sil khrol can:_zag med bde skyed dgyes mchod kyis:_'jam dpal rdo rje'i dkyil 'khor mchod:_ma hA te na te te hU~M:_a haM kun+du ru badz+ra d+hr-ika? a ho ma hA su kha hoH_aH_mchod bya mchod byed mchod yul kun:_gdod nas rang rig chen por dag:_ma bcos mnyam pa nyid kyi ngang:_de bzhin nyid kyis mchod par bgyi:_d+harma d+hA tu a:_hoH_phyogs bcu kun tu rol pa'i sprin:_mtha' yas rnam par bkod pa yi:_dkyil 'khor bsam yas lhun gyis grub:_bde chen rol mos mnyes par bgyi:_oM:_ka ko la kA hi badz+ra shap+ta tsa ko ra badz+ra ha ha ha hi hoH_sarba pU tsa hoH_oMH_phyogs dus bde bar gshegs pa yi:_ye shes sku ste sku yi mchog:_bde chen rdo rje'i chos kyi sku:_rang bzhin brjod bral sku la bstod:_AH_'gag med gsung ste gsung gi mchog:_rdo rje'i sgra chen mtha' yas 'phro:_yi ge 'khor lo'i sprin du shar:_'jam dbyangs gsung la phyag 'tshal bstod:_hU~M:_'jam dpal thugs ni kun tu zhi:_rtog pa'i spros las rab 'das pa:_'gyur med bden don ye shes mdzod:_rdo rje'i thugs la phyag 'tshal bstod:_swA:_sangs rgyas kun gyi 'byung gnas che:_yon tan yid bzhin nor bu'i bdag:_bral smin rgya mtsho'i gter 'chang ba:_yon tan bsam mi khyab la bstod:_hAH_mkha' dang mnyam pa'i sku mnga' bas:_'gro ba'i khams la rtag par 'jug:_phrin las mdzad med lhun gyis grub:_sku bzhi'i dbang phyug khyod la bstod:_rdo rje'i dbyangs kyis bstod pa yis:_rnam par grol ba'i byang chub sems:_mtha' yas 'gro rnams 'god pa dang:_mkhyen brtse'i ye shes mchog thob shog:_dzapa kyi bzlas pas nye bar bsnyen:_thugs dbus 'od lnga'i gur khyim du:__ye shes sems dpa' 'jam pa'i dbyangs:_sngo sangs nam mkha'i mdangs ldan sku:_rdo rje dril bu thugs kar bsnol:_rnal 'byor ma dpal dkar mo ni:_gri thod 'dzin dang mnyam sbyor zhing:_longs sku'i chas can thugs ka'i dbus:_nyi zla'i gwa'u'i nang khongs su:_ral gri'i yu bar d+hIHyis mtshan:_de mthar sngags kyi phreng bas bskor:_'od 'phros 'phags mchod byin rlabs bsdus:_'gro ba'i sgrib sbyangs tshur 'dus shing:_'od kyis rmongs pa'i mun pa sel:_ye shes snang ba rgyas par mos:_oM wA gi shwa ri mUM:_'bum phrag bcu gnyis bzla bar bya:_dngos grub sgrub pa'i bzlas pa ni:_thugs ka'i sngags kyi phreng ba ni:_yab nas yum gyi zhal du brgyud:_mgal me lta bur 'khor ba las:_sku dang 'od zer sngags phreng dang:_phyag mtshan dpag med 'phros pa las:_tha mal snang zhen kun sbyangs te:_'jam dpal dkyil 'khor chen por rdzogs:_oM a ra pa tsa na d+hIH_rtsa ba'i rig pa 'bum bcu bzla:_oM sarba d+harma sogs nye snying*/_a A i I sogs 'bum phrag gcig tu bzla bar bya:_las la sbyor ba'i ched du ni:_dkyil 'khor lha tshogs thams cad las:_'od zer dkar ser dmar ljang dang:_sku ni nyi zer rdul ltar 'phros:_'jigs brgyad nad gdon sdig sgrib zhi:_tshe dang bsod nams ye shes rgyas:_brtan g.yo rlung sems dbang du sdud:_dgra gdon dam sri tshar gcod cing:_las bzhi'i phrin las sgrub par bsam:_sgrub sngags yi ge drug pa'i mthar:_shAn+tiM puSh+TiM wA shaM mA ra ya phaTa?:_sham bu btags pa khri bzlas 'grub:_sa ma ya:_bsnyen sgrub rtags mthong dngos grub blangs:_b+hany+dza bzang po'i nang du ni:_a mr-i ta yis gtams byas te:_dkyil 'khor lha tshogs thams cad kyis:_bde ba'i sgra bcas snyoms par zhugs:_rjes su chags pa'i 'od zer gyis:_ye shes chen po'i bcud du gyur:_dngos grub rgya mtsho bskyil bar gyur:_sgrub sngags mthar/_kA ya wAka tsit+ta sarba sid+d+hi pha la hoH_zhes stong rtsa bzla:_rdo rje nam langs dngos grub bskul:_e ma ho de bzhin gshegs pa yi:_dngos grub rgya mtsho 'byung ba'i gnas:_'jam dpal rdo rje'i dkyil 'khor pa:_bsnyen cing sgrub pa'i dam tshig them:_dngos grub stsol ba'i dus la bab:_mkhyen pa'i ye shes spobs pa'i gter:_dngos grub brgyad dang rdo rje'i tshe:_srid zhir mi gnas rdzogs pa che'i:_mchog gi dngos grub bstsal du gsol:_thun mong las bzhi'i dngos grub stsol:_'jam dpal rdo rje'i dkyil 'khor yis:_dngos grub dam pa deng 'dir stsol:_ces bskul sngags kyis sgrub rdzas rnams:_gnas gsum 'jog cing bdud rtsir rol:_dngos grub gdan thog gcig nyid la:_thob par gyur pa'i nges shes bskyed:_dga' ston bya zhing glu gar bya:_sa ma ya:_rjes la tshogs kyi mchod pa ni:_thabs shes yo byad gya nom bshams:_hU~M:_bdag nyid lha yi thugs ka nas:_yi ge ra~M ya~M kha~M gsum 'phros:_tshogs kyi dngos 'dzin bsregs gtor bkrus:_'bru gsum bdud rtsi'i char bab pas:_ye shes longs spyod chen por gyur:_oM AHhU~M:_ha ho hrIH_hU~M hrIH_dmigs med ye shes mkha' ltar khyab:_snying rje sgyu ma'i skur bzhengs pa:_rtsa gsum 'jam dpal zhi khro'i tshogs:_'dod yon tshogs la spyan 'dren gshegs:_rnal 'byor sgrub mchog byin gyis rlobs:_mchog thun dngos grub bstsal du gsol:_badz+ra sa mA dzaH_'dod yon rnam lnga'i sngags kyis mchod:_aH_gzugs sgra dri ro reg ldan pa'i:_'dod yon rnam pa thams cad pa'i:_tshogs kyi 'khor lo'i sprin chen pos:_dkyil 'khor lha tshogs mchod par bgyi:_ma hA ga Na tsakra khA hi:_ho:_thog med dus nas da lta'i bar:_bdag gzhan tshe rabs thog med nas:_bsags pa'i las nyon sdig sgrib kun:_tshogs kyi mchod pas bshags par bgyi:_sa ma ya shud+d+he aH_e las thar med btson khang du:_dgra bgegs byad ma dngos su gsal:_dgug bstim gzir mnan las mdzad bsam:_hU~M:_'jam dpal khros pa kI la ya:_sangs rgyas kun gyi phrin las mdzad:_mthu stobs nus pa'i shugs 'chang bas:_dgra bgegs gnod byed dam sri rnams:_lnga phung dug lnga rtsad nas chod:_rnam shes rgyal ba'i sras su skrun:_gzugs phung 'bar ba'i mtshon chas gtubs:_rdul phran tsam yang med par mdzod:_e ya mAn+ta ka kA la ru pa hrIHSh+Ti i dam duSh+T+ran sarba sha trUM mA ra ya rbad phaTa?:_mtshon chas gtub cing ling ro rnams:_bdud rtsir bsgyur la zhal du bstab:_e:_sangs rgyas phrin las rdzogs pa'i dpal:_'jam dpal zhi khro'i lha tshogs la:_dgra bgegs lnga phung zhal du bstab:_dgyes par rol cig kha raM khA hi:_ha ha hi hi he he ho ho phaTa? phaTa?:_brda dang brda yi lan dang bcas:_tshogs la rol zhing lhag ma bsngo:_zhal chab sman raka bran la bshams:_hU~M hrIH_dpal gyi bka' nyan pho nya ni:_ma tshogs dbang phyug ging lang+ka:_'bar ma srin mo'i tshogs dang bcas:_'dir gshegs dpal gyi lhag gtor bzhes:_bcol ba'i phrin las 'grub par mdzod:_uts+tshiSh+Ta ma ma hrIM hrIM ba ling+ta khA hiH_ho a la la hoH_mchog tu mi 'gyur bde ba chen po'i sku ni nyi ma stong gi gzi 'od ldan:__gsang sngags sgra chen don rig the tshom gsum bral gnyis su med pa'i rig sngags 'chang:_don zab rgya che spros pa rab zhi kun bzang bde ba chen po'i sku:_khams gsum kun tu sgyu ma'i gar mdzad yang dag ye shes mchog grub e ma ho:_te na hU~M:_te na hU~M:_te na te te ho:_sarba ma hA su kha gIrti a la la ho:_zhes glu blangs:_hoH_'jam dpal ye shes sems dpa'i dkyil 'khor du:_gsang chen ga Na tsakra'i spyod pa yis:_sgrib gsum snying gi mun pa kun bcom nas:_kun bzang 'jam dpal zhi khro myur thob shog:_gtor ma byin zhing tha tshig bsgrags:_hU~M:_sngon tshe ka dag kun tu bzang:_chos nyid gdod ma'i rang dus na:_gzhi snang rgyud gsum dregs pa'i tshogs:_gzhi grol rig rtsal gtor ma sbyin:_bar du 'jam dpal dkyil 'khor du:_tshogs kyi gral du bcug byas nas:_dbang bskur dam bsgos srung mar bzhag:_da lta rnal 'byor sgrub pa pos:_'jam dpal dkyil 'khor zhal phyes shing:_dam rdzas rgyan gyi gtor mas mchod:_sngon gyi dam bca' dran gyis la:_bcol ba'i phrin las sgrub par mdzod:_bshal chus brtan ma bskyangs byas te:_b+h+yo:_dpal gyi spyan sngar dam mnos pa'i:_bdud mo bzhi dang gnod sbyin bzhi:_sman btsun mched bzhi 'khor bcas dang:_skyong ma ya ma 'bum sde'i tshogs:_'dir gshegs dam rdzas gtor ma bzhes:_bcol ba'i las kun sgrub par gyis:_ma ma hring hring ba liM ta khA hi:_gtor gzhong sbubs la rdo rjes mnan:_hU~M:_rta yi brtul zhugs chen po ni:_dbang chen rngams pa'i sgra sgrogs shing:_dpal gyi rta skad tse re re:_rol pa'i rta bro chems se chem:_rta bro 'khor sa dang po la:_ka dag chos sku'i bro brdungs pas:_mnan no skye med klong du mnan:_rta bro 'khor sa bar pa la:_'od gsal longs sku'i bro brdungs pas:_rang grol 'gag med klong du mnan:_rta bro 'khor sa tha ma la:_thugs rje sprul sku'i bro brdungs pas:_gnas med snying rje'i klong du mnan:_mnan pa yin no ma ldang zhig:_byang chub sems ni ma skyes bar:_ldang bar ma gyur stam+b+ha ya nan:_mchod bstod nongs bshags rjes bsdu ldang:_hoH_ye shes lha rnams thugs rjes dgongs:_bdag cag bag med spyod pa yi:_ting 'dzin dgongs pa'i rtsal ma rdzogs:_cho ga lhag chad nongs pa kun:_mthol zhing bshags so byang bar mdzod:_sgrib med tshangs pa'i dngos grub stsol:_yig brgya brjod:__a a a:_lhar snang sprul pa'i snang ba kun:_chos nyid rig pa'i dbyings su thim:_slar yang snang grags rtog tshogs rnams:_lha sngags ye shes rol par shar:_phaTa? phaTa? phaTa?:_dge ba bsngo zhing shis pa brjod:_hoH_dge ba 'di yis bdag dang sems can kun:_rje btsun 'jam dpal rdo rje rab grub ste:_nam mkha' mnyam pa'i rigs drug sems can rnams:_rnam grol thar ba'i lam la 'god par shog:_deng nas bzung ste tshe rabs thams cad du:_dal 'byor rten thob tshul khrims nor gyis phyug:_dad brtson shes rab dam tshig rnam par dag:_dbang gis rgyud smin rim gnyis sgom par shog:_gzhi yi rigs sad nges gsang rdzogs pa che'i:_rig don nges gsang mngon sum rtogs pa dang:_snang bzhi'i lam gyi bgrod pa mthar phyin nas:_'jam dpal rdo rje'i ngo bor byang chub shog:_oM:_rig 'dzin brgyud pa'i tshogs rnams kyis:_byin gyis rlob pa'i bkra shis shog:_yi dam zhi khro rab 'byams kyis:_dngos grub stsol ba'i bkra shis shog:_mkha' 'gro chos skyong srung ma yi:_phrin las rnam bzhi'i bkra shis shog:_nor lha gter bdag rab 'byams kyis:_'dod don 'grub pa'i bkra shis shog:_rtsa gsum tshe lha'i tshogs rnams kyis:_'chi med tshe yi bkra shis shog:_ci bsam 'bad med lhun gyis grub:_don gnyis mthar phyin bkra shis shog:_bstan dang bstan 'dzin dar zhing rgyas:_'jig rten bde ba'i bkra shis shog:_nyin mtshan kun tu mchog gsum gyi:_bkra shis bden pas bkra shis shog:_ces brjod me tog char bsil zhing:_bkra shis rol mo rgya cher sgrogs:_e ma:_yang zab dgongs pa'i gter gyi bcud:_'jam dpal bshes gnyen snying thig 'di:_gzhan du 'pho ba'i skabs med pas:_'jam dpal chos kyi bshes gnyen gyis:_'od gsal dbu ma'i sgrom du sbas:_des kyang gsang gsum rgyas btab na:_yang srid phyi ma'i dus kyi tshe:_sprul pa'i rig 'dzin sku nyid kyis:_thugs kyi gsang mdzod smug por sbas:_skal ldan gdul bya dus bab tshe:_ci rigs snang bar 'gyur ba dang:_bstan 'gro'i phan pa rgya cher 'byung:_dam med lag tu ma sprod cig:_man+t+ra gu h+ya gar+b+ha sa ma ya rgya rgya rgya:_ces pa'ang rig 'dzin gyi btsun pa 'jam dpal dga' ba'i go chas sa glang gro bzhin zla ba'i tshes nyer lnga la gang shar yi ger btab pa sarba dz+nyA many+dzu g+ho Sha sid+d+hi rastu/_mang+ga laM/_dge'o//_//