DKR-KABUM-08-NYA-040

🚧 This website is under continued development. We appreciate your patience!

Previous Text Back to Volume PageNext Text

Wylie title	yang zab bde chen dpal mo'i thugs kyi me long las: dpal ldan gter gyi bdag po Ar+Ya dzam+b+ha la'i phrin las dngos grub 'gugs pa'i lcags kyu:
Location	dil mgo mkhyen brtse bka' 'bum Volume 8, Text 40, Pages 296 (Folios 1a1 to 1b6)
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Tertön	ཆོས་ཀྱི་གོ་ཆ་ (chos kyi go cha)
Citation	Khyentse, Dilgo. Yang zab bde chen dpal mo'i thugs kyi me long las dpal ldan gter gyi bdag po Ar+Ya dzam+b+ha la'i phrin las dngos grub 'gugs pa'i lcags kyu:. In Skyabs rje dil mgo mkhyen brtse rin po che'i bka' 'bum, Vol. 8: 296. Delhi: Shechen Publications, 1994.
Genre	Activity Manual - las byang  ·  Sadhanas - Evocation Ritual - sgrub thabs
Cycle	ཡང་ཟབ་བདེ་ཆེན་དཔལ་མོའི་ཐུགས་ཀྱི་མེ་ལོང་ (yang zab bde chen dpal mo'i thugs kyi me long)
Deity	dzaM nag
Colophon	ཉམས་དང་རྨི་ལམ་ཚུལ་དུ་ནི༔ ལྷ་འདིའི་དགྱེས་ཞལ་ངོམ་པ་དང༔ ཆབས་ཅིག་བཀའ་འདི་སྲུང་བ་ཡི༔ སྣང་ཉམས་ཤར་བཞིན་ཆོས་མཛོད་ཀྱི༔ གོ་ཆ་འཛིན་པ་པདྨའི་མིང༔ གང་དེས་ཐོལ་བྱུང་ཤར་བཞིན་སྤེལ༔ དགེ་བས་བསྟན་དང་འགྲོ་བ་ལ༔ སྨན་པའི་དཔལ་ཡོན་མཆོག་ཏུ་ཤོག༔ གུ་ཧྱ༔ ས་མཱ་ཡ༔ རྒྱ༔རྒྱ༔རྒྱ༔ དགོས་འདོད་ཀྱི་ཆར་འབེབས་པར་གྱུར་ཅིག་གུ༔ མངྒ་ལཾ། དགེའོ།། །།
	nyams dang rmi lam tshul du ni:__lha 'di'i dgyes zhal ngom pa dang:_chabs cig bka' 'di srung ba yi:_snang nyams shar bzhin chos mdzod kyi:_go cha 'dzin pa pad+ma'i ming:_gang des thol byung shar bzhin spel:_dge bas bstan dang 'gro ba la:_sman pa'i dpal yon mchog tu shog:_gu h+ya:_sa mA ya:_rgya:rgya:rgya:_dgos 'dod kyi char 'bebs par gyur cig gu:_mang+ga laM/_dge'o//_//
Notes	These texts were compiled and arranged by Dilgo Khyentse Rinpoche. Elsewhere this cycle is attributed to rdzong sngon pad+ma thugs mchog rdo rje.

Tibetan Text

Wylie

[edit]

༁ྃ༔ ཡང་ཟབ་བདེ་ཆེན་དཔལ་མོའི་ཐུགས་ཀྱི་མེ་ལོང་ལས༔ དཔལ་ལྡན་གཏེར་གྱི་བདག་པོ་ཨཱརྻ་ཛམྦྷ་ལའི་ཕྲིན་ལས་དངོས་གྲུབ་འགུགས་པའི་ལྕགས་ཀྱུ་བཞུགས༔ ༁ྃ༔ ན་མོ་ཨརྻ་ཛམྦྷ་ལ་ཡེ༔ འདོད་དགུའི་རེ་སྐོང་ཡིད་བཞིན་ནོར༔ གཏེར་གྱི་བདག་པོ་ཛམྦྷ་ལའི༔ མཆོད་བསྐང་ཕྲིན་ལས་བྱ་བ་ནི༔ སྒྲུབ་རྫས་སྨན་རཀ་གཏོར་མ་དང༔ ཙཀྲ་གཏེར་གྱི་རྫས་ཀུན་གྱིས༔ ཡོངས་གཏམས་གྭའུ་གཡང་གི་རྟེན༔ སྣ་ཚོགས་བསགས་ལ་བྱིན་གྱིས་རླབས༔ ཧཱུྃཿ རང་མདུན་པདྨ་ཟླ་བའི་སྟེང༔ གནོད་སྦྱིན་སེར་པོ་རིན་པོ་ཆེ༔ ནོར་བུ་སྣ་ཚོགས་ཡོངས་སྐྱུགས་པའི༔ སྟེང་ན་གཏེར་བདག་ཛམྦྷ་ལ༔ སྐུ་མདོག་བུང་བ་ལྟར་གནག་ཅིང༔ གཅེར་བུ་མིའུ་ཐུང་རྣམ་པ་ཅན༔ གསང་བའི་ལིང་ག་དམར་པོ་བསྒྲེངས༔ ཀླུ་ཆེན་སྦྲུལ་གྱི་རྣམ་པ་ཡིས༔ སྐུ་སྟོད་བརྒྱན་པའང་དངོས་གྲུབ་སྩོལ༔ ཕྱག་གཉིས་ནོར་སྐྱུགས་ཟུང་གིས་བརྒྱན༔ དམར་ཟླུམ་སྤྱན་གསུམ་རབ་ཏུ་གཡོ༔ སྤྱི་བོར་རྡོ་རྗེ་མི་བསྐྱོད་བརྒྱན༔ ཐུགས་ལས་འོད་ཟེར་དཔག་མེད་འཕྲོས༔ ལྷ་ཀླུ་མི་ཡི་དཔལ་འབྱོར་བསྡུས༔ ཕྱག་གི་ནེའུ་ལེ་ཞབས་འོག་གི༔ གནོད་སྦྱིན་ཁ་དང་སྤྱི་བོ་ཡི༔ རྒྱལ་བའི་ཕྱག་གི་ནོར་བུ་ལས༔ དགོས་འདོད་ནོར་གྱི་ཆར་ཕབ་པས༔ བང་མཛོད་ཡུལ་ཁམས་གང་བར་བསམ༔ ཨོཾ་ཛམྦྷ་ལ་ཛ་ལེནྡྲ་ཡེ་སྭཱ་ཧཱ༔ ཞེས་པ་ཅི་མང་བཟླས་མཐར༔ ཧཱུྃཿ དངོས་གྲུབ་མཆོག་སྩོལ་རྨུགས་འཛིན་དབང་པོ་ལ༔ རྟེན་རྫས་སྒྲུབ་རྫས་མཆོད་བསྐང་རྫས་རྣམས་འབུལ༔ དགྱེས་པ་བཀང་ལ་དངོས་གྲུབ་མ་ལུས་སྩོལ༔ ནད་གདོན་དགྲ་བགེགས་འཇིགས་བརྒྱད་ཞི་བར་མཛོད༔ ཚེ་དཔལ་འབྱོར་དྲུག་རླུང་རྟ་སྙན་གྲགས་སྤེལ༔ ཁམས་གསུམ་སྣོད་བཅུད་འཁོར་འདས་ལམ་གསུམ་གྱི༔ དཔལ་དང་གཡང་གི་ཡོན་ཏན་མ་ལུས་དང༔ ཕུན་ཚོགས་སྡེ་བཞིའི་བདེ་སྐྱིད་མགྲོན་དུ་ཁུག༔ བསྟན་འགྲོའི་དོན་ཆེན་འགྲུབ་པའི་དགའ་སྟོན་སྩོལ༔ ནག་ཕྱོགས་མི་མིན་འབྱུང་པོ་ཆམ་ལ་ཕོབ༔ མཆོག་དང་ཐུན་མོང་དངོས་གྲུབ་ཆར་དུ་བསྙིལ༔ བཀྲ་ཤིས་རྒྱ་མཚོས་ཕྱོགས་ཀུན་ཁྱབ་གྱུར་ཅིག༔ ཉམས་དང་རྨི་ལམ་ཚུལ་དུ་ནི༔ ལྷ་འདིའི་དགྱེས་ཞལ་ངོམ་པ་དང༔ ཆབས་ཅིག་བཀའ་འདི་སྲུང་བ་ཡི༔ སྣང་ཉམས་ཤར་བཞིན་ཆོས་མཛོད་ཀྱི༔ གོ་ཆ་འཛིན་པ་པདྨའི་མིང༔ གང་དེས་ཐོལ་བྱུང་ཤར་བཞིན་སྤེལ༔ དགེ་བས་བསྟན་དང་འགྲོ་བ་ལ༔ སྨན་པའི་དཔལ་ཡོན་མཆོག་ཏུ་ཤོག༔ གུ་ཧྱ༔ ས་མཱ་ཡ༔ རྒྱ༔རྒྱ༔རྒྱ༔ དགོས་འདོད་ཀྱི་ཆར་འབེབས་པར་གྱུར་ཅིག་གུ༔ མངྒ་ལཾ། དགེའོ།། །།

[edit]

\u0f01\u0f83:___yang zab bde chen dpal mo'i thugs kyi me long las:_dpal ldan gter gyi bdag po Ar+Ya dzam+b+ha la'i phrin las dngos grub 'gugs pa'i lcags kyu bzhugs: \u0f01\u0f83:__na mo ar+Ya dzam+b+ha la ye:_'dod dgu'i re skong yid bzhin nor:_gter gyi bdag po dzam+b+ha la'i:_mchod bskang phrin las bya ba ni:_sgrub rdzas sman raka gtor ma dang:_tsakra gter gyi rdzas kun gyis:_yongs gtams gwa'u g.yang gi rten:_sna tshogs bsags la byin gyis rlabs:_hU~MH_rang mdun pad+ma zla ba'i steng:_gnod sbyin ser po rin po che:_nor bu sna tshogs yongs skyugs pa'i:_steng na gter bdag dzam+b+ha la:_sku mdog bung ba ltar gnag cing:_gcer bu mi'u thung rnam pa can:_gsang ba'i ling ga dmar po bsgrengs:_klu chen sbrul gyi rnam pa yis:_sku stod brgyan pa'ang dngos grub stsol:_phyag gnyis nor skyugs zung gis brgyan:_dmar zlum spyan gsum rab tu g.yo:_spyi bor rdo rje mi bskyod brgyan:_thugs las 'od zer dpag med 'phros:_lha klu mi yi dpal 'byor bsdus:_phyag gi ne'u le zhabs 'og gi:_gnod sbyin kha dang spyi bo yi:_rgyal ba'i phyag gi nor bu las:_dgos 'dod nor gyi char phab pas:_bang mdzod yul khams gang bar bsam:_oM dzam+b+ha la dza len+d+ra ye swA hA:_zhes pa ci mang bzlas mthar:_hU~MH_dngos grub mchog stsol rmugs 'dzin dbang po la:_rten rdzas sgrub rdzas mchod bskang rdzas rnams 'bul:_dgyes pa bkang la dngos grub ma lus stsol:_nad gdon dgra bgegs 'jigs brgyad zhi bar mdzod:_tshe dpal 'byor drug rlung rta snyan grags spel:_khams gsum snod bcud 'khor 'das lam gsum gyi:_dpal dang g.yang gi yon tan ma lus dang:_phun tshogs sde bzhi'i bde skyid mgron du khug:_bstan 'gro'i don chen 'grub pa'i dga' ston stsol:_nag phyogs mi min 'byung po cham la phob:_mchog dang thun mong dngos grub char du bsnyil:_bkra shis rgya mtshos phyogs kun khyab gyur cig:_nyams dang rmi lam tshul du ni:__lha 'di'i dgyes zhal ngom pa dang:_chabs cig bka' 'di srung ba yi:_snang nyams shar bzhin chos mdzod kyi:_go cha 'dzin pa pad+ma'i ming:_gang des thol byung shar bzhin spel:_dge bas bstan dang 'gro ba la:_sman pa'i dpal yon mchog tu shog:_gu h+ya:_sa mA ya:_rgya:rgya:rgya:_dgos 'dod kyi char 'bebs par gyur cig gu:_mang+ga laM/_dge'o//_//