JKW-KABAB-07-JA-015

Previous Text Back to Volume PageNext Text

དཔལ་རྡོ་རྗེ་བདུད་རྩིའི་སྔགས་ཀྱི་སྲུང་མའི་སྒྲུབ་ཐབས།

Wylie title	dpal rdo rje bdud rtsi'i sngags kyi srung ma'i sgrub thabs
Location	mkhyen brtse'i bka' babs Volume 7, Text 15, Pages 495-514 (Folios 1a to 10b5)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Tertön	ར་མོ་ཤེལ་སྨན་, འཇམ་དབྱངས་མཁྱེན་བརྩེའི་དབང་པོ་ (ra mo shel sman, 'jam dbyangs mkhyen brtse'i dbang po)
Citation	'jam dbyangs mkhyen brtse'i dbang po. dpal rdo rje bdud rtsi'i sngags kyi srung ma'i sgrub thabs. In Rdzong sar 'jam dbyangs mkhyen brtse'i dbang po'i bka' babs, Vol. 7: 495-514. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
Genre	Protector Rituals - gsol mchod  ·  Revelations - gter ma  ·  Sadhanas - Evocation Ritual - sgrub thabs
Cycle	དཔལ་རྡོ་རྗེ་བདུད་རྩི་བདེ་བ་ཆེན་པོ་ (dpal rdo rje bdud rtsi bde ba chen po)
Deity	e ka dzA TI
Karchag page	JKW-KABAB-Volume-07-JA-Karchag
RTZ	In the Rinchen Terdzö: https://rtz.tsadra.org/index.php/Terdzo-A-005
Colophon	Treasure colophon: བདུད་རྩི་གསང་བའི་སྲུང་མ་ཆེའི༔ སྒྲུབ་ཐབས་རིམ་པ་གསུམ་པ་འདི༔ ཨོ་རྒྱན་མཁན་པོའི་གསུང་བཞིན་དུ༔ ལོ་ཙཱ་བདག་གིས་ཡི་གེར་བྲིས༔ མ་འོངས་དོན་དུ་གཏེར་དུ་སྦས༔ སངས་རྒྱས་བསྟན་པ་སྲུང་བ་དང་༔ རྣལ་འབྱོར་སྒྲུབ་པའི་དཔལ་དུ་ཤོག༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ ཟབ་རྒྱ༔ གསང་རྒྱ༔ གཏད་རྒྱ༔ རྒྱ་རྒྱ་རྒྱ༔ གུ་ཧྱ་ས་མ་ཡ༔
	Treasure colophon: bdud rtsi gsang ba'i srung ma che'i:__sgrub thabs rim pa gsum pa 'di:__o rgyan mkhan po'i gsung bzhin du:__lo tsA bdag gis yi ger bris:__ma 'ongs don du gter du sbas:__sangs rgyas bstan pa srung ba dang :__rnal 'byor sgrub pa'i dpal du shog:__sa ma ya:__rgya rgya rgya:__gter rgya:__sbas rgya:__zab rgya:__gsang rgya:__gtad rgya:__rgya rgya rgya:__gu h+ya sa ma ya:

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

དྷཱི༔ དཔལ་རྡོ་རྗེ་བདུད་རྩིའི་སྔགས་ཀྱི་སྲུང་མའི་སྒྲུབ་ཐབས་བཞུགས་སོ༔ ༔ ༡༢༣༤༥ཿ ཧེ་རུ་ཀ་ལ་ཕྱག་འཚལ་ལོ༔ བདུད་རྩི་གསང་བའི་སྲུང་མ་ཆེ༔ ཨེ་ཀ་ཛཱ་ཊཱིའི་སྒྲུབ་ཐབས་ནི༔ དུར་ཁྲོད་ལ་སོགས་དྲག་པོའི་སར༔ སྐུ་རྟེན་དར་ནག་ཕྱག་རྒྱས་མཚན༔ གསུང་རྟེན་སྔགས་ཀྱི་བྱང་བུས་བརྒྱན༔ ཐུགས་ཀྱི་རྟེན་དུ་ནལ་བུའི་སྙིང་༔ འཁོར་ལོའི་སྲོག་དང་ལྡན་པར་འཕྱང་༔ དེ་ལ་འཁོར་ལོ་འདི་ཡིན་ཏེ༔ རོ་རས་ཁྲག་གིས་སྦགས་པ་ལ༔ རྩིབས་བཞི་མུ་ཁྱུད་ལྡན་པའི་དབུས༔ བྷྱོ་མཐར་སྔགས་ཀྱི་ཕྲེང་བས་བསྐོར༔ རྩིབས་བཞིར་ཤར་ནས་རིམ་པ་བཞིན༔ ཀཱ་ཡ་མ་མ་ཧཱུྃ་བྷྱོ་བཛྲ་ས་མ་ཡ་སྟཾ༔ གུ་ཎ་མ་མ་ཧཱུྃ་བྷྱོ་བཛྲ་ས་མ་ཡ་སྟྭཾ༔ ཝཱ་ཀ་མ་མ་ཧཱུྃ་བྷྱོ་བཛྲ་ས་མ་ཡ་སྟྭཾ༔ ཀྭརྨ་མ་མ་ཧཱུྃ་བྷྱོ་བཛྲ་ས་མ་ཡ་སྟྭཾ༔ དེ་རྒྱབ་དབྱངས་གསལ་སྤེལ་ཚིག་དགོད༔ དང་པོའི་མཚལ་དང་ཤུ་ཀྲས་བྱུག༔ དེ་རྗེས་རབ་གནས་ཚུལ་བཞིན་བྱ༔ ཡོན་ཏན་རྟེན་དུ་གཏོར་མ་དང་༔ ཕྲིན་ལས་མཐུན་རྫས་ཚོགས་ཚད་བཤམ༔ བདག་ཉིད་རྡོ་རྗེ་ཁྲག་འཐུང་གི༔ མདུན་དུ་མ་མོ་འཁོར་བཅས་བསྐྱེད༔ བྷྱོ༔ ཆོས་དབྱིངས་སྐྱེ་བ་མེད་པ་ལས༔ སྐྱེ་བའི་ཆོ་འཕྲུལ་ཡུམ་གྱི་མཁའི༔ སྣང་སྲིད་ཆོས་འབྱུང་འབར་བའི་དབུས༔ གནམ་ལྕགས་ཙཀྲ་རྩིབས་བཞིས་མཚན༔ ཕྱི་ནང་མེ་རླུང་ཁྲག་མཚོ་འཁྱིལ༔ ལྟེ་བར་པད་ཉི་བམ་རོའི་སྟེང་༔ དུས་གསུམ་བདེ་གཤེགས་ཐུགས་ཀྱི་ཡུམ༔ སྔགས་སྲུང་ཆེན་མོ་རལ་གཅིག་མ༔ མཐིང་ནག་ཞལ་གཅིག་ཕྱག་གཉིས་པ༔ སྤྱན་དང་ཚེམས་དང་མཆེ་བ་གཅིག༔ ཉག་གཅིག་རལ་པ་མཁའ་ལ་སྒྲེང་༔ ཕྱག་གཡས་ཞིང་དབྱུག་ཀླད་ལ་འཕྱར༔ གཡོན་པས་ཉམས་པའི་ཙིཏྟ་ཟ༔ རབ་ཁྲོས་ལྕགས་སྤྱང་ཕོ་ཉར་འགྱེད༔ ཡེ་ཤེས་མེ་ཕུང་ཆེར་འཁྲུགས་ཀློང་༔ རང་འདྲའི་སྤྲུལ་པ་འབུམ་དང་བཅས༔ ཞབས་ཟུང་དོར་སྟབས་འཇིགས་པས་བཞུགས༔ སྟག་ཤམ་སྤྲིན་དཀར་སྟོད་གཡོགས་གསོལ༔ སྦྲུལ་དང་རུས་པའི་རྒྱན་གྱིས་བརྒྱན༔ ཤར་དུ་སྐུ་སྤྲུལ་དཀར་མོ་འབུམ༔ བཞད་ཅིང་གཏུམ་པའི་ཚུལ་དུ་སྟོན༔ ལྷོ་རུ་ཡོན་ཏན་སེར་མོ་འབུམ༔ སྒེག་ཅིང་གཟི་བརྗིད་རབ་ཏུ་འབར༔ ནུབ་ཏུ་གསུང་སྤྲུལ་དམར་མོ་འབུམ༔ ཤིན་ཏུ་ཆགས་པའི་གར་ཐབས་སྒྱུར༔ བྱང་དུ་ཕྲིན་ལས་ལྗང་མོ་འབུམ༔ དྲག་ཤུལ་ཆེན་པོས་རྒྱུག་ཅིང་འཕྱོ༔ གཞན་ཡང་ལས་དང་འཇིག་རྟེན་གྱི༔ མ་མོ་བསམ་ཡས་གྲངས་མེད་པ༔ བདུད་རྩི་གསང་བའི་སྲུང་མའི་ཚོགས༔ ཉི་ཟེར་རྡུལ་ལྟར་འཁྲིགས་པ་ཡི༔ ཐུགས་ཀར་ཉི་སྟེང་བྷྱོ་ཡིག་དང་༔ རང་གི་ཐུགས་ནས་འོད་འཕྲོས་པས༔ ཡེ་ཤེས་འཁོར་ལོ་སྤྱན་དྲངས་བསམ༔ ཧཱུྃ་བྷྱོཿ བདེ་ཆེན་དབྱིངས་ལས་མ་གཡོས་ཀྱང་༔ བསྟན་པ་བསྲུང་ཕྱིར་འབར་བའི་ཚུལ༔ སྔགས་སྲུང་ཆེན་མོ་རལ་གཅིག་མ༔ འབུམ་ཕྲག་མཁའ་འགྲོའི་འཁོར་དང་བཅས༔ དམ་ཚིག་དབང་གིས་སྤྱན་འདྲེན་ན༔ གསང་ཆེན་བསྟན་པ་སྐྱོང་བ་དང་༔ ཉམས་པའི་དགྲ་བགེགས་བསྒྲལ་བའི་ཕྱིར༔ མ་ཐོགས་མྱུར་དུ་ད་ཚུར་བྱོན༔ བྷྱོ་མ་མ་ཨེ་ཀ་ཛཱ་ཊཱི་ས་པ་རི་ཝཱ་ར་བཛྲ་ས་མ་ཡ་ཛཿཛཿ བྷྱོཿ དུར་ཁྲོད་དྲག་པོའི་གནས་འདི་རུ༔ དགྱེས་ཤིང་བརྟན་པར་བཞུགས་ནས་ཀྱང་༔ ཧེ་རུ་ཀ་དཔལ་རིག་འཛིན་ཆེའི༔ འདའ་ཀའི་དམ་ཚིག་གཉེར་དུ་ལོངས༔ བྷྱོ་མ་མ་ཨེ་ཀ་ཛཱ་ཊཱི་ས་པ་རི་ཝཱ་ར་ཏིཥྛནྟུ༔ བཛྲ་ས་མ་ཡ་ཧ་ན་ཧ་ན་ཧཱུྃ༔ ཧཱུྃ༔ དངོས་བཤམས་ཡིད་ཀྱིས་རབ་སྤྲུལ་པའི༔ དུར་ཁྲོད་དྲག་པོའི་ཉེར་སྤྱོད་དང་༔ སྨན་རཀ་གཏོར་ཚོགས་མཆོད་སྤྲིན་གྱིས༔ མ་མོ་འཁོར་བཅས་མཉེས་གྱུར་ཅིག༔ ཨོཾ་ཤྲཱི་ཨེ་ཀ་ཛཱ་ཊཱི་ས་པ་རི་ཝཱ་ར་མ་ཧཱ་ཨརྒྷཾ་པཱ་དྱཾ་པུཥྤེ་དྷཱུ་པེ་ཨཱ་ལོ་ཀེ་གནྡྷེ་ནི་ཝི་དྱཱ་ཤབྡ་སརྦ་པཱུ་ཛ་ཧོཿ མ་ཧཱ་ཨ་མྲྀ་ཏ་ཁཱ་ཧིཿ མ་ཧཱ་རཀྟ་ཁཱ་ཧིཿ བྷྱོ་མ་མ་ཨེ་ཀ་ཛཱ་ཊཱི་རུ་ལུ་རུ་ལུ་ཧཱུྃ་བྷྱོ་ཧཱུྃ༔ ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི༔ ཧཱུྃ་བྷྱོ༔ གཟུང་འཛིན་ཀུན་རྟོག་རལ་པའི་ཚོགས༔ ཉག་གཅིག་སྐྱེ་བ་མེད་པར་སྦྲེང་༔ སྲིད་ཞི་ཀུན་ལ་ཁྱབ་པའི་བདག༔ དབྱིངས་ཀྱི་མ་མོར་ཕྱག་འཚལ་བསྟོད༔ མ་ནི་མྱང་འདས་ཡུམ་གྱི་མཁའ༔ མོ་ནི་འཁོར་བ་སྐྱེད་པའི་ཀློང་༔ དབྱེར་མེད་དབྱིངས་ལས་ཅིར་ཡང་སྟོན༔ ཡེ་ཤེས་མ་མོར་ཕྱག་འཚལ་བསྟོད༔ ཞི་བའི་ཐབས་ཀྱིས་གདུལ་དཀའ་བར༔ ཁྲོ་འཁྲུགས་རྣམ་འགྱུར་མི་བཟད་འབར༔ འཇིག་རྟེན་ལས་ཀྱི་མ་མོའི་ཚོགས༔ འབུམ་ཕྲག་འཁོར་བཅས་ཀུན་ལ་བསྟོད༔ མདུན་བསྐྱེད་ཐུགས་ཀར་ཉི་མའི་སྟེང་༔ བྷྱོ་ཡིག་སྲོག་གི་སྔགས་ཀྱིས་མཚན༔ བདག་ཉིད་རྡོ་རྗེ་ཁྲག་འཐུང་གི༔ ཐུགས་སྲོག་འབར་བའི་འོད་ཟེར་གྱིས༔ རབ་ཏུ་བསྐུལ་ཞིང་དྲྭ་བས་བཅིངས༔ ཆགས་དང་རྔམས་པའི་སྟོབས་བསྐྱེད་པས༔ མ་མོ་འཁོར་བཅས་དམ་ལ་གཟིར༔ གང་འདོད་ལས་ཀུན་སྒྲུབ་པར་བསམ༔ བྷྱོ་མ་མ་ཨེ་ཀ་ཛཱ་ཊཱི་རུ་ལུ་རུ་ལུ་ཧཱུྃ་བྷྱོ་ཧཱུྃ༔ འབུམ་ཕྲག་གསུམ་གྱིས་ལས་ཀུན་བྱེད༔ སྔགས་ཤམ་ལས་བཞིའི་སྤེལ་ཚིག་སྦྱར༔ སརྦ་རོ་ག་ཤཱནྟིཾ་ཀུ་རུ་སྭཱ་ཧཱ༔ སརྦ་ཨཱ་ཡུར་པུཎྱེ་པུཥྟིཾ་ཀུ་རུ་ཨོཾ༔ སརྦ་ལོ་ཀ་ཝཱ་ཤཾ་མ་ན་ཡ་ཧོ༔ སརྦ་ཤ་ཏྲཱུན་མཱ་ར་ཡ་ཕཊ༔ དྲག་པོའི་ལས་ལ་རྦད་པ་ན༔ དགྲ་བགེགས་དགུག་བསྒྲལ་ཞལ་དུ་བསྟབ༔ བྷྱོ་མ་མ་རཀྵ་སཱི་རུ་ལུ་རུ་ལུ་མ་ཧིཾ་བྷྱོ༔ སརྦ་ཤ་ཏྲཱུན་ཙྪིནྡྷ་ཙྪིནྡྷ་བྷིནྡྷ་བྷིནྡྷ་མཱ་ར་ཡ་ཕཊ༔ ཅེས་བཟླས་བསྐུལ་བྱ་ཐུན་གཏོར་འཕང་༔ བདུན་བརྒྱུད་རྩད་ནས་གཅོད་པར་འགྱུར༔ དཔལ་རྡོ་རྗེ་བདུད་རྩིའི་སྔགས་ཀྱི་སྲུང་མའི་སྒྲུབ་ཐབས་ཀྱི་རིམ་པ་སྟེ་དང་པོའོ༔ ས་མ་ཡ༔ ཐུན་མཚམས་ཐུགས་དམ་བསྐང་བའི་ཕྱིར༔ དམ་རྫས་འདོད་ཡོན་སྤྲིན་དུ་བརླབ༔ ཐོད་རྔ་བརྡུང་ཞིང་རྐང་གླིང་འབུད༔ དར་ནག་གཡབ་ཅིང་གཟི་བྱིན་བསྐྱེད༔ ཧཱུྃ་བྷྱོཿ དུར་ཁྲོད་དྲག་ཤུལ་ཆེན་པོའི་ཞིང་༔ སྣོད་བཅུད་འབར་བ་ཨེ་ཡི་ཀློང་༔ ཐོད་པའི་སྐུ་མཁར་བརྗིད་དང་ལྡན༔ མི་རོ་རྟ་རོ་གཅལ་དུ་བཀྲམ༔ ཤ་སྣ་སྙིང་སྣའི་རྒྱལ་མཚན་ཕྱར༔ རཀྟ་འབར་བའི་རྦ་ཀློང་འཁྲུགས༔ རྔམས་བརྗིད་ཆེན་པོའི་མཆོད་སྤྲིན་གྱིས༔ བདུད་རྩི་གསང་བའི་གཉེར་འཛིན་པའི༔ སྔགས་སྲུང་འཁོར་བཅས་ཐུགས་དམ་བསྐང་༔ དམ་ཚིག་ཉམས་ཆག་ཉེས་ལྟུང་བཤགས༔ མ་མོ་འཁྲུགས་པ་ཞི་བར་མཛོད༔ ནད་ཡམས་མཚོན་འཁྲུགས་བར་ཆད་སོལ༔ སྣོད་བཅུད་རྒུད་པ་དབྱིངས་སུ་སྟིམས༔ དཔལ་འབྱོར་ལོངས་སྤྱོད་ཚེ་གཡང་སྤེལ༔ རླུང་སེམས་སྣང་བ་དབང་དུ་སྡུས༔ ལོག་ལྟའི་དགྲ་བགེགས་ཆམ་ལ་ཕོབ༔ གསང་ཆེན་བསྟན་པ་དར་བ་དང་༔ འགྲོ་ཀུན་བདེ་བའི་ཕྲིན་ལས་མཛོད༔ ཧཱུྃ་བྷྱོཿ ཉམས་པའི་དགྲ་བགེགས་བསྒྲལ་བ་ཡི༔ དབང་པོའི་མེ་ཏོག་ཚིལ་གསུར་སྤོས༔ ཞུན་ཆེན་མར་མེ་མཁྲིས་པའི་དྲི༔ ཤ་རུས་ཞལ་ཟས་རྐང་གླིང་དུང་༔ འཇིགས་རུངས་གཟུགས་དང་རྔམས་པའི་སྒྲ༔ མི་སྡུག་དྲི་དང་བཅུད་ཆེན་རོ༔ ཁྲག་འཛག་པགས་པའི་གོས་ལ་སོགས༔ དུར་ཁྲོད་རྫས་ཀྱི་མཆོད་སྤྲིན་གྱིས༔ བདུད་རྩི་གསང་བའི་གཉེར་འཛིན་པའི༔ སྔགས་སྲུང་འཁོར་བཅས་ཐུགས་དམ་བསྐང་༔ དམ་ཚིག་ཉམས་ཆག་ཉེས་ལྟུང་བཤགས༔ མ་མོ་འཁྲུགས་པ་ཞི་བར་མཛོད༔ ནད་ཡམས་མཚོན་འཁྲུགས་བར་ཆད་སོལ༔ སྣོད་བཅུད་རྒུད་པ་དབྱིངས་སུ་སྟིམས༔ དཔལ་འབྱོར་ལོངས་སྤྱཽད་ཚེ་གཡང་སྤེལ༔ རླུང་སེམས་སྣང་བ་དབང་དུ་སྡུས༔ ལོག་ལྟའི་དགྲ་བགེགས་ཆམ་ལ་ཕོབ༔ གསང་ཆེན་བསྟན་པ་དར་བ་དང་༔ འགྲོ་ཀུན་བདེ་བའི་ཕྲིན་ལས་མཛོད༔ ཧཱུྃ་བྷྱོ༔ ལྕགས་ཀྱུ་ལྔ་དང་སྒྲོན་མ་ལྔ༔ རྩ་བརྒྱད་ཡན་ལག་སྟོང་སྦྱར་བའི༔ བདུད་རྩི་སྨན་ཕུད་མཚོ་ལྟར་བསྐྱིལ༔ འདོད་ཡོན་རྒྱ་མཚོའི་གཏེར་ཆེན་པོའི༔ དཔལ་གྱི་གཏོར་མ་ལྷུན་པོར་སྤུངས༔ ཁམས་གསུམ་གདུག་པ་བསྒྲལ་བ་ཡི༔ རཀྟའི་ཞམ་ཆུ་ཆར་བཞིན་འབེབས༔ རྨད་དུ་བྱུང་བའི་མཆོད་སྤྲིན་འདིས༔ བདུད་རྩི་གསང་བའི་གཉེར་འཛིན་པའི༔ སྔགས་སྲུང་འཁོར་བཅས་ཐུགས་དམ་བསྐང་༔ དམ་ཚིག་ཉམས་ཆག་ཉེས་ལྟུང་བཤགས༔ མ་མོ་འཁྲུགས་པ་ཞི་བར་མཛོད༔ ནད་ཡམས་མཚོན་འཁྲུགས་བར་ཆད་སོལ༔ སྣོད་བཅུད་རྒུད་པ་དབྱིངས་སུ་སྟིམས༔ དཔལ་འབྱོར་ལོངས་སྤྱོད་ཚེ་གཡང་སྤེལ༔ རླུང་སེམས་སྣང་བ་དབང་དུ་སྡུས༔ ལོག་ལྟའི་དགྲ་བགེགས་ཆམ་ལ་ཕོབ༔ གསང་ཆེན་བསྟན་པ་དར་བ་དང་༔ འགྲོ་ཀུན་བདེ་བའི་ཕྲིན་ལས་མཛོད༔ ཧཱུྃ་བྷྱོཿ སྐུ་དང་སྔགས་བྱང་འཁོར་ལོ་སོགས༔ མ་མོའི་སྲོག་གི་རྟེན་དུ་བཅས༔ ཡོན་ཏན་གཏོར་ཆེན་བརྗིད་དང་ལྡན༔ ཕྲིན་ལས་མཐུན་རྫས་སྐར་ལྟར་བཀྲ༔ ཞིང་ལྤགས་བླ་བྲེ་མཁའ་ལ་བྲེས༔ དོན་སྣོད་དྲྭ་བས་བར་སྣང་ཁྱབ༔ འདོད་ཡོན་ཚོགས་ཀྱི་ལོངས་སྤྱོད་སོགས༔ མཐུན་པའི་རྫས་ཀྱི་མཆོད་སྤྲིན་འདིས༔ བདུད་རྩི་གསང་བའི་གཉེར་འཛིན་པའི༔ སྔགས་སྲུང་འཁོར་བཅས་ཐུགས་དམ་བསྐང་༔ དམ་ཚིག་ཉམས་ཆག་ཉེས་ལྟུང་བཤགས༔ མ་མོ་འཁྲུགས་པའི་ཞི་བར་མཛོད༔ ནད་ཡམས་མཚོན་འཁྲུགས་བར་ཆད་སོལ༔ སྣོད་བཅུད་རྒུད་པ་དབྱིངས་སུ་སྟིམས༔ དཔལ་འབྱོར་ལོངས་སྤྱོད་ཚེ་གཡང་སྤེལ༔ རླུང་སེམས་སྣང་བ་དབང་དུ་སྡུས༔ ལོག་ལྟའི་དགྲ་བགེགས་ཆམ་ལ་ཕོབ༔ གསང་ཆེན་བསྟན་པ་དར་བ་དང་༔ འགྲོ་ཀུན་བདེ་བའི་ཕྲིན་ལས་མཛོད༔ ཧཱུྃ་བྷྱོཿ མ་ནི་ངོ་བོ་སྟོང་པའི་དབྱིངས༔ མོ་ནི་རང་བཞིན་གསལ་ཁྱབ་ཤར༔ གཉིས་མེད་ཐུགས་རྗེའི་འདུ་འཕྲོ་ལས༔ རྟོག་འདུལ་དམ་ཚིག་ཇི་སྙེད་པའི༔ རྣམ་འགྱུར་འགག་པ་མེད་པའི་རྩལ༔ ཅིར་ཡང་འཆར་ཞིང་འབྱུང་བ་ཀུན༔ ཐིག་ལེ་ཆེན་པོ་གཅིག་ཏུ་བརྡལ༔ བླ་ན་མེད་པའི་མཆོད་སྤྲིན་འདིས༔ བདུད་རྩི་གསང་བའི་གཉེར་འཛིན་པའི༔ སྔགས་སྲུང་འཁོར་བཅས་ཐུགས་དམ་བསྐང་༔ དམ་ཚིག་ཉམས་ཆག་ཉེས་ལྟུང་བཤགས༔ མ་མོ་འཁྲུགས་པ་ཞི་བར་མཛོད༔ ནད་ཡམས་མཚོན་འཁྲུགས་བར་ཆད་སོལ༔ སྣོད་བཅུད་རྒུད་པ་དབྱིངས་སུ་སྟིམས༔ དཔལ་འབྱོར་ལོངས་སྤྱོད་ཚེ་གཡང་སྤེལ༔ རླུང་སེམས་སྣང་བ་དབང་དུ་སྡུས༔ ལོག་ལྟའི་དགྲ་བགེགས་ཆམ་ལ་ཕོབ༔ གསང་ཆེན་བསྟན་པ་དར་བ་དང་༔ འགྲོ་ཀུན་བདེ་བའི་ཕྲིན་ལས་མཛོད༔ ཅེས་བརྗོད་ཡི་གེ་བརྒྱ་པ་བཟླ༔ དམ་སྐོང་ཕྲིན་ལས་དངོས་གྲུབ་འགྱུར༔ མ་མོ་མཁའ་འགྲོ་འཁྲུགས་པ་ལས༔ ཕྱི་ནང་བར་ཆད་མང་དུ་འབྱུང་༔ དེ་ཕྱིར་ཁྱད་པར་སྐོང་བ་ནི༔ མ་ད་ན་ཡི་སྒོ་ནས་བསྒྲུབ༔ རིན་ཆེན་བདུད་རྩི་མཱ་མ་ཀཱིས༔ ལེགས་པར་སྦྱར་བའི་ཕུད་ཀྱི་མཆོག༔ ཚེ་དང་གལ་དུ་མཐུན་བསྡེབས་ནས༔ རི་རབ་ཆོས་འབྱུང་བཅས་པའི་སྟེང་༔ དཔལ་གཏོར་བརྗིད་ལྡན་འཁོར་བཞི་དང་༔ ཐེབ་ཀྱུས་བསྐོར་ཞིང་རྒྱན་གྱིས་བརྒྱན༔ དར་གྱི་གུར་ཕུབ་ནམ་མཁའ་དང་༔ རྒྱང་བུ་ཤིང་རིས་མདའ་འཕང་གཟུག༔ བང་རིམ་རྣམས་སུ་སྲོག་ཆགས་མདངས༔ འབུར་རམ་རིས་སུ་གཏོད་པ་དང་༔ གཞན་ཡང་མཐུན་རྫས་དཀོར་ཆའི་ཚོགས༔ ཇི་ལྟར་འབྱོར་པས་མཐའ་བསྐོར་ནས༔ རྟེན་གྱི་མདུན་དུ་མཛེས་པར་བཤམ༔ དེ་མདུན་ཕུད་ཀྱི་ཐོད་པ་དང་༔ གཡས་སུ་བཟང་ཤིང་ཕུར་མར་བསྲེགས༔ གཡོན་དུ་ཀུ་ཤའི་ཆུན་པོས་འཐོར༔ སྔགས་དང་ཕྱག་རྒྱ་དྲུག་གིས་བརླབ༔ དེ་ནས་སོ་སོར་སྨྲེང་གིས་བསྐང་༔ ཧཱུྃ་བྷྱོ༔ རྡོ་རྗེ་བདུད་རྩི་བདེ་བ་ཆེ༔ རིན་ཆེན་མཱ་མ་ཀཱི་དང་སྦྱོར༔ བྱང་ཆུབ་སེམས་ཀྱི་སྤྲིན་ཆེན་པོ༔ རཱ་ས་ཡཱ་ནའི་བཅུད་དུ་བསྐྱིལ༔ ཚེ་དང་གལ་གྱིས་མཐུན་བསྡེབས་པར༔ རཏྣ་འབྲུ་སྨན་སྤོད་ཀྱིས་བྲན༔ དཔལ་གྱི་གཏོར་མ་བརྗིད་དང་ལྡན༔ རི་རབ་ཆོས་འབྱུང་འབར་བའི་དབུས༔ འདོད་ཡོན་རྣམ་པ་ཐམས་ཅད་པའི༔ མཆོད་པའི་ཕྱག་རྒྱ་ཆེན་པོར་རྫོགས༔ དབྱིངས་ཀྱི་ནམ་མཁའ་འོད་ལྔར་འབར༔ ཡེ་ཤེས་རྒྱང་བུ་སྐུ་གསུང་ཐུགས༔ ཐབས་ཤེས་ལས་ཀྱི་མདའ་འཕང་དང་༔ འཇིག་རྟེན་མིག་སྒྱུར་ཤིང་རིས་བཀྲ༔ དགོས་འབྱུང་རིན་ཆེན་ནད་སེལ་སྨན༔ སྲོག་ཆགས་མདངས་དང་དཀོར་ནོར་དབྱིག༔ བཟའ་བཅའ་བཏུང་བའི་ལོངས་སྤྱོད་སོགས༔ གང་བཞེད་མཐུན་རྫས་སྤྲིན་ལྟར་གཏིབས༔ འདོད་འབྱུང་དཔལ་གྱི་དམ་ཚིག་འདིས༔ དབྱིངས་ཀྱི་མ་མོར་མཉེས་མཆོད་འབུལ༔ ཡེ་ཤེས་མ་མོའི་ཐུགས་དམ་བསྐང་༔ ལས་ཀྱི་མ་མོ་དགྱེས་རྒུར་རོལ༔ འཇིག་རྟེན་མ་མོ་ཚིམ་པར་སྤྱོད༔ བདག་ཅག་དམ་ཚིག་ཉམས་ཆག་དང་༔ དུས་ངན་སེམས་ཅན་འཁྲུལ་པ་ཡིས༔ ཐུགས་དང་འགལ་བའི་ལས་བགྱིས་པ༔ སྙིང་ནས་བཤགས་སོ་ཚངས་པར་སྩོལ༔ ཐུགས་རྗེ་ཁྲོས་པ་ཞི་བར་མཛོད༔ དམ་དང་འགལ་བ་བཟོད་པར་བཞེས༔ ཁོང་ནས་འཁྲུགས་པ་དབྱིངས་སུ་སྟིམས༔ རྔམས་པའི་བརྟུལ་ཞུགས་བགེགས་ལ་ཕོབ༔ ཁྱད་པར་ཉོན་མོངས་ང་རྒྱལ་དང་༔ འབྱུང་བ་ས་ལས་གྱུར་པ་ཡི༔ མ་མོ་འཁྲུགས་པའི་རྒྱུ་རྐྱེན་དང་༔ ནད་མཚོན་དུས་འཁྲུགས་འབྲས་བུའི་ཚོགས༔ མཁའ་ལ་སྤྲིན་ལྟར་དག་ནས་ཀྱང་༔ ཞི་དང་བཀྲ་ཤིས་བདེ་ལེགས་སྩོལ༔ བྷྱོ་མ་མ་ཨེ་ཀ་ཛཱ་ཊཱི་རུ་ལུ་རུ་ལུ་ཧཱུྃ་བྷྱོ་ཧཱུྃ༔ ལྃ་ཧོ་ཤུདྡྷེ་ཤུདྡྷེ་ཨ་ཨ་སྭཱ་ཧཱ༔ ཧཱུྃ་བྷྱོཿ རྡོ་རྗེ་བདུད་རྩི་བདེ་བ་ཆེ༔ རིན་ཆེན་མཱ་མ་ཀཱི་དང་སྦྱོར༔ བྱང་ཆུབ་སེམས་ཀྱི་སྤྲིན་ཆེན་པོས༔ རཱ་ས་ཡཱ་ནའི་བཅུད་དུ་བསྐྱིལ༔ གཙང་མའི་ཕུད་དང་མཐུན་བསྡེབས་པར༔ རྩ་བརྒྱད་ཡན་ལག་སྟོང་སྦྱར་བའི༔ བདུད་རྩི་ཆེན་པོས་རབ་ཏུ་བྲན༔ ཡིད་བཞིན་མཚན་ལྡན་ཀ་པཱ་ལར༔ རྒྱ་མཚོ་བཞིན་དུ་འཁྱིལ་པ་ལས༔ འདོད་རྒུའི་རྦ་རླབས་མཁའ་ལ་འཕྲོ༔ ཁ་དོག་དྲི་དང་རོ་ལྡན་ཅིང་༔ ནུས་པ་ཕུན་སུམ་ཚོགས་པ་ཡི༔ བདེ་ཆེན་བཅུད་ཀྱི་དམ་ཚིག་འདིས༔ དབྱིངས་ཀྱི་མ་མོར་མཉེས་མཆོད་འབུལ༔ ཡེ་ཤེས་མ་མོའི་ཐུགས་དམ་བསྐང་༔ ལས་ཀྱི་མ་མོ་དགྱེས་རྒུར་རོལ༔ འཇིག་རྟེན་མ་མོ་ཚིམ་པར་སྤྱོད༔ བདག་ཅག་དམ་ཚིག་ཉམས་ཆག་དང་༔ དུས་ངན་སེམས་ཅན་འཁྲུལ་པ་ཡིས༔ ཐུགས་དང་འགལ་བའི་ལས་བགྱིས་པ༔ སྙིང་ནས་བཤགས་སོ་ཚངས་པར་སྩོལ༔ ཐུགས་རྗེ་ཁྲོས་པ་ཞི་བར་མཛོད༔ དམ་དང་འགལ་བ་བཟོད་པར་བཞེས༔ ཁོང་ནས་འཁྲུགས་པ་དབྱིངས་སུ་སྟིམས༔ རྔམས་པའི་བརྟུལ་ཞུགས་བགེགས་ལ་ཕོབ༔ ཁྱད་པར་ཉོན་མོངས་འདོད་ཆགས་དང་༔ འབྱུང་བ་ཆུ་ལས་གྱུར་པ་ཡི༔ མ་མོ་འཁྲུགས་པའི་རྒྱུ་རྐྱེན་དང་༔ ནད་མཚོན་དུས་འཁྲུགས་འབྲས་བུའི་ཚོགས༔ མཁའ་ལ་སྤྲིན་ལྟར་དག་ནས་ཀྱང་༔ ཞི་དང་བཀྲ་ཤིས་བདེ་ལེགས་སྩོལ༔ བྷྱོ་མ་མ་ཨེ་ཀ་ཛཱ་ཊཱི་རུ་ལུ་རུ་ལུ་ཧཱུྃ་བྷྱོ་ཧཱུྃ༔བྃ་ཧོ་ཤུདྡྷེ་ཤུདྡྷེ་ཨ་ཨ་སྭཱ་ཧཱ༔ ཧཱུྃ་བྷྱོཿ རྡོ་རྗེ་བདུད་རྩི་བདེ་བ་ཆེ༔ རིན་ཆེན་མཱ་མ་ཀཱི་དང་སྦྱོར༔ བྱང་ཆུབ་སེམས་ཀྱི་སྤྲིན་ཆེན་པོས༔ རཱ་ས་ཡ་ནའི་བཅུད་དུ་བསྐྱིལ༔ འབར་བའི་མེ་དང་མཐུན་བསྡེབས་པར༔ བཟང་ཤིང་སྣ་ཚོགས་དྲི་དང་སྦྱར༔ བཟའ་བཏུང་འབྲུ་སྨན་ཕུར་མས་བྲན༔ གཙང་ཞིང་ཡིད་འཕྲོག་དུད་སྤྲིན་གྱིས༔ འཇིག་རྟེན་ཁམས་ཀུན་ཡོངས་ཁྱབ་པས༔ གྲིབ་དང་མི་གཙང་ཐམས་ཅད་སེལ༔ དབང་ཡུལ་ཟག་མེད་བདེ་ཆེན་སྐྱེད༔ འདོད་པའི་ལོངས་སྤྱོད་ཆར་འབེབས་པའི༔ ངོ་མཚར་ཆེན་པོའི་མཆོད་སྤྲིན་འདིས༔ དབྱིངས་ཀྱི་མ་མོ་མཉེས་མཆོད་འབུལ༔ ཡེ་ཤེས་མ་མོའི་ཐུགས་དམ་བསྐང་༔ ལས་ཀྱི་མ་མོ་དགྱེས་རྒུར་རོལ༔ འཇིག་རྟེན་མ་མོ་ཚིམ་པར་སྤྱོད༔ བདག་ཅག་དམ་ཚིག་ཉམས་ཆག་དང་༔ དུས་ངན་སེམས་ཅན་འཁྲུལ་པ་ཡིས༔ ཐུགས་དང་འགལ་བའི་ལས་བགྱིས་པ༔ སྙིང་ནས་བཤགས་སོ་ཚངས་པར་སྩོལ༔ ཐུགས་རྗེ་ཁྲོས་པ་ཞི་བར་མཛོད༔ དམ་དང་འགལ་བ་བཟོད་པར་བཞེས༔ ཁོང་ནས་འཁྲུགས་པ་དབྱིངས་སུ་སྟིམས༔ རྔམས་པའི་བརྟུལ་ཞུགས་བགེགས་ལ་ཕོབ༔ ཁྱད་པར་ཉོན་མོངས་ཞེ་སྡང་དང་༔ འབྱུང་བ་མེ་ལས་གྱུར་པ་ཡི༔ མ་མོ་འཁྲུགས་པའི་རྒྱུ་རྐྱེན་དང་༔ ནད་མཚོན་དུས་འཁྲུགས་འབྲས་བུའི་ཚོགས༔ མཁའ་ལ་སྤྲིན་ལྟར་དག་ནས་ཀྱང་༔ ཞི་དང་བཀྲ་ཤིས་བདེ་ལེགས་སྩོལ༔ བྷྱོ་མ་མ་ཨེ་ཀ་ཛཱ་ཊཱི་རུ་ལུ་རུ་ལུ་ཧཱུྃ་བྷྱོ་ཧཱུྃ༔ རྃ་ཧོ་ཤུདྡྷེ་ཤུདྡྷེ་ཨ་ཨ་སྭཱ་ཧཱ༔ ཧཱུྃ་བྷྱོཿ རྡོ་རྗེ་བདུད་རྩི་བདེ་བ་ཆེ༔ རིན་ཆེན་མཱ་མ་ཀཱི་དང་སྦྱོར༔ བྱང་ཆུབ་སེམས་ཀྱི་སྤྲིན་ཆེན་པོས༔ རཱ་ས་ཡཱ་ནའི་བཅུད་དུ་བསྐྱིལ༔ གཡོ་བའི་རླུང་དང་མཐུན་བསྡེབས་ནས༔ དག་བྱེད་རྩྭ་ཡིས་ཕྱོགས་བཅུར་གཏོར༔ ལྷ་ལ་ཕོག་ན་དགྱེས་པ་བསྐྱེད༔ མཆེད་ལ་ཕོག་ན་ཉམས་ཆག་སྦྱོང་༔ སྣོད་ལ་ཕོག་ན་བྱིན་འོད་ཆགས༔ བཅུད་ལ་ཕོག་ན་ནུས་སྟོབས་འབར༔ རྫས་ལ་ཕོག་ན་འདོད་རྒུར་སྤེལ༔ བགེགས་ལ་ཕོག་ན་རྒྱང་དུ་བྲོས༔ ཅིར་ཡང་འཆར་ཞིང་འབྱུང་བ་ཡི༔ མིག་འཕྲུལ་ལྟ་བུའི་དམ་ཚིག་འདིས༔ དབྱིངས་ཀྱི་མ་མོར་མཉེས་མཆོད་འབུལ༔ ཡེ་ཤེས་མ་མོའི་ཐུགས་དམ་བསྐང་༔ ལས་ཀྱི་མ་མོ་དགྱེས་རྒུར་རོལ༔ འཇིག་རྟེན་མ་མོ་ཚིམ་པར་སྤྱོད༔ བདག་ཅག་དམ་ཚིག་ཉམས་ཆག་དང་༔ དུས་ངན་སེམས་ཅན་འཁྲུལ་པ་ཡིས༔ ཐུགས་དང་འགལ་བའི་ལས་བགྱིས་པ༔ སྙིང་ནས་བཤགས་སོ་ཚངས་པར་སྩོལ༔ ཐུགས་རྗེ་ཁྲོས་པ་ཞི་བར་མཛོད༔ དམ་དང་འགལ་བ་བཟོད་པར་བཞེས༔ ཁོང་ནས་འཁྲུགས་པ་དབྱིངས་སུ་སྟིམས༔ རྔམས་པའི་བརྟུལ་ཞུགས་བགེགས་ལ་ཕོབ༔ ཁྱད་པར་ཉོན་མོངས་ཕྲག་དོག་དང་༔ འབྱུང་བ་རླུང་ལས་གྱུར་པ་ཡི༔ མ་མོ་འཁྲུགས་པའི་རྒྱུ་རྐྱེན་དང་༔ ནད་མཚོན་དུས་འཁྲུགས་འབྲས་བུའི་ཚོགས༔ མཁའ་ལ་སྤྲིན་ལྟར་དག་ནས་ཀྱང་༔ ཞི་དང་བཀྲ་ཤིས་བདེ་ལེགས་སྩོལ༔ བྷྱོ་མ་མ་ཨེ་ཀ་ཛཱ་ཊཱི་རུ་ལུ་རུ་ལུ་ཧཱུྃ་བྷྱོ་ཧཱུྃ༔ ཡྃ་ཧོ་ཤུདྡྷེ་ཤུདྡྷེ་ཨ་ཨ་སྭཱ་ཧཱ༔ ཧཱུྃ་བྷྱོཿ རྡོ་རྗེ་བདུད་རྩི་བདེ་བ་ཆེ༔ རིན་ཆེན་མཱ་མ་ཀཱི་དང་སྦྱོར༔ བྱང་ཆུབ་སེམས་ཀྱི་སྤྲིན་ཆེན་པོས༔ རྭ་ས་ཡཱ་ནའི་བཅུད་དུ་བསྐྱིལ༔ ཆོས་ཀྱི་དབྱིངས་དང་མཐུན་བསྡེབས་ནས༔ རྣམ་རྟོག་ཐམས་ཅད་སེམས་སུ་བཅད༔ སེམས་ཉིད་སྐྱེ་མེད་གཉུག་མར་ཤེས༔ རང་བཞིན་ཡོངས་ཤེས་འོད་གསལ་དང་༔ རྩལ་དང་རོལ་པ་ཅིར་ཡང་འཕྲོ༔ སྣང་གྲགས་ཐམས་ཅད་ལྷ་དང་སྔགས༔ རྟོག་པའི་དྲྭ་བ་དབྱིངས་ཀྱི་རྒྱན༔ དབྱིངས་རིག་ཟུང་འཇུག་འདོད་རྒུའི་གཏེར༔ ནམ་མཁའ་མཛོད་དུ་ཡོངས་ཤར་བའི༔ བླ་ན་མེད་པའི་དམ་ཚིག་འདིས༔ དབྱིངས་ཀྱི་མ་མོར་མཉེས་མཆོད་འབུལ༔ ཡེ་ཤེས་མ་མོའི་ཐུགས་དམ་བསྐང་༔ ལས་ཀྱི་མ་མོ་དགྱེས་རྒུར་རོལ༔ འཇིག་རྟེན་མ་མོ་ཚིམ་པར་སྤྱོད༔ བདག་ཅག་དམ་ཚིག་ཉམས་ཆག་དང་༔ དུས་ངན་སེམས་ཅན་འཁྲུལ་པ་ཡིས༔ ཐུགས་དང་འགལ་བའི་ལས་བགྱིས་པ༔ སྙིང་ནས་བཤགས་སོ་ཚངས་པར་སྩོལ༔ ཐུགས་རྗེ་ཁྲོས་པ་ཞི་བར་མཛོད༔ དམ་དང་འགལ་བ་བཟོད་པར་བཞེས༔ ཁོང་ནས་འཁྲུགས་པ་དབྱིངས་སུ་སྟིམས༔ རྔམས་པའི་བརྟུལ་ཞུགས་བགེགས་ལ་ཕོབ༔ ཁྱད་པར་ཉོན་མོངས་གཏི་མུག་དང་༔ འབྱུང་བ་ནམ་མཁའ་ལས་གྱུར་པའི༔ མ་མོ་འཁྲུག་པའི་རྒྱུ་རྐྱེན་དང་༔ ནད་མཚོན་དུས་འཁྲུགས་འབྲས་བུའི་ཚོགས༔ མཁའ་ལ་སྤྲིན་ལྟར་དག་ནས་ཀྱང་༔ ཞི་དང་བཀྲ་ཤིས་བདེ་ལེགས་སྩོལ༔ བྷྱོ་མ་མ་ཨེ་ཀ་ཛཱ་ཊཱི་རུ་ལུ་རུ་ལུ་ཧཱུྃ་བྷྱོ་ཧཱུྃ༔ ཨེ་ཧོ་ཤུདྡྷེ་ཤུདྡྷེ་ཨ་ཨ་སྭཱ་ཧཱ༔ ཞེས་བརྗོད་དམ་ཚིག་རྫས་ཀུན་གྱི༔ རྟེན་འབྲེལ་བརྡ་ལ་ངེས་ཤེས་བསྐྱེད༔ དོན་གྱི་དེ་ཉིད་དྲན་བྱས་ལ༔ དབྱིངས་རིག་དབྱེར་མེད་དགོངས་པ་བསྐྱང་༔ འདིས་ནི་མ་མོ་འཁྲུགས་པ་ཡི༔ རྒྱུ་འབྲས་སྐད་ཅིག་ཡུད་ལ་ཞི༔ སྲུང་མ་ལུས་དང་གྲིབ་བཞིན་འགྲོགས༔ དངོས་གྲུབ་མཚོ་ལྟར་རྒྱས་པར་འགྱུར༔ དེ་ནས་ཕྲིན་ལས་གསོལ་བ་ནི༔ ཧཱུྃ་བྷྱོཿ དབྱིངས་ཀྱི་ཡུམ་མཆོག་ཀུན་ཏུ་བཟུང་༔ ཡེ་ཤེས་སྔགས་སྲུང་རལ་གཅིག་མ༔ འཇིག་རྟེན་ལས་ཀྱི་མ་མོའི་སྟེ༔ བདུད་རྩི་གསང་བའི་སྲུང་མ་ནི༔ འབུམ་ཕྲག་ཡངས་པའི་འཁོར་ཚོགས་ཀུན༔ སྔོན་ཚེ་ཧེ་རུ་ཀ་དཔལ་དང་༔ རིག་འཛིན་བརྒྱུད་པའི་སྤྱན་སྔ་རུ༔ ཇི་ལྟར་ཞལ་བཞེས་དམ་བཅས་ལྟར༔ སྨན་གཏོར་རཀྟའི་མཆོད་པ་དང་༔ མྱོས་བྱེད་བདུད་རྩིའི་སྐྱེམས་ཕུད་བཞེས༔ དགྱེས་པའི་ཕྲིན་ལས་ཤུགས་ཕྱུང་ལ༔ གསང་ཆེན་རྡོ་རྗེའི་བསྟན་པ་སྲུངས༔ བསྟན་འཛིན་སྐྱེས་བུའི་ཕྲིན་ལས་སྒྲུབས༔ རྣལ་འབྱོར་བདག་ཅག་འཁོར་བཅས་ཀྱི༔ ནད་གདོད་བར་ཆད་ཞི་བར་མཛོད༔ ཚེ་བསོད་དཔལ་འབྱོར་ཡེ་ཤེས་སྤེལ༔ སྣོད་བཅུད་ལེགས་ཚོགས་དབང་དུ་སྡུས༔ བསྟན་དང་འགྲོ་ལ་འཚེ་བ་ཡི༔ དགྲ་དཔུང་ཐལ་བའི་རྡུལ་དུ་རློག༔ བགེགས་དཔུང་བདུན་རྒྱུད་རྩད་ནས་ཆོད༔ བྱད་ཕུར་རྦོད་གཏོང་ཐན་ལྟས་ཟློག༔ ཕྱི་ནང་འབྱུང་བ་འཁྲུགས་པ་ཡི༔ རྒུད་པ་ཐམས་ཅད་དབྱིངས་སུ་སོལ༔ བཤད་སྒྲུབ་བསྟན་པ་རྒྱས་པ་དང་༔ འཇིག་རྟེན་བདེ་བའི་ཕྲིན་ལས་མཛོད༔ ཅེས་བརྗོད་ཕུད་དང་གཏོར་མ་གཤེགས༔ དེས་ནི་བར་ཆད་ཀུན་ཞི་ཞིང་༔ འདོད་པའི་དོན་རྣམས་མྱུར་འགྲུབ་བྱེད༔ གཞན་ཡང་སྔོན་གྱི་སྲུང་མ་ལ༔ གཏོར་མ་སྦྱིན་ཞིང་ཐ་ཚིག་བསྒྲག༔ ལས་ཀྱི་གཉེར་ཡང་གཏད་པར་བྱ༔ ཧཱུྃ་བྷྱོ༔ སྔོན་ཚེ་འོག་མིན་བདེ་ཆེན་ཞིང་༔ གསང་བ་མཆོག་གི་དགྱེས་པ་ན༔ བཅོམ་ལྡན་རྡོ་རྗེ་ཧེ་རུ་ཀས༔ ཐ་ཚིག་ཕོག་པའི་སྲུང་མ་ཀུན༔ འདིར་གཤེགས་རྒྱན་གྱི་གཏོར་མ་བཞེས༔ རྣམ་བཞིའི་ཕྲིན་ལས་འགྲུབ་པར་མཛོད༔ ཧཱུྃ་བྷྱོཿ བར་དུ་ལྷ་མིན་འདུ་བའི་གནས༔ ཨ་སུ་ར་ཡི་བྲག་ཕུག་ཏུ༔ སློབ་དཔོན་བདེ་བ་ཆེན་པོ་ཡིས༔ དམ་ལ་བཞག་པའི་དྲེགས་ཚོགས་ཀུན༔ འདིར་གཤེགས་རྒྱན་གྱི་གཏོར་མ་བཞེས༔ རྣམ་བཞིའི་ཕྲིན་ལས་འགྲུབ་པར་མཛོད༔ ཧཱུྃ་བྷྱོཿ ད་ལྟ་སྒྲུབ་པའི་གནས་མཆོག་འདིར༔ གསང་བའི་དཀྱིལ་འཁོར་ཞལ་ཕྱེ་ནས༔ རིག་འཛིན་རྣལ་འབྱོར་བདག་ཅག་གིས༔ འབོད་ཅིང་བསྐུལ་བའི་སྲུང་མ་ཀུན༔ འདིར་གཤེགས་རྒྱན་གྱི་གཏོར་མ་བཞེས༔ རྣམ་བཞིའི་ཕྲིན་ལས་འགྲུབ་པར་མཛོད༔ ཤྲཱི་བཛྲ་དྷརྨ་པཱ་ལ་སརྦ་ས་མ་ཡ་ཀརྨ་ཀུ་རུ་ཧོ༔ བཤལ་ཆུའི་བདུད་རྩིས་བརྟན་མ་མཆོད༔ ཧཱུྃ་བྷྱོ༔ ཨ་སུ་ར་ཡི་བྲག་ཕུག་ཏུ༔ སློབ་དཔོན་བདེ་བ་ཆེན་པོ་དང་༔ རིགས་ལྡན་ཤཱཀྱ་དེ་ཝཱི་ཡིས༔ རྡོ་རྗེ་བདུད་རྩིའི་དཀྱིལ་འཁོར་དུ༔ གསང་བའི་དམ་ཚིག་གཉེར་གཏད་པའི༔ བརྟན་མ་སྐྱོང་མ་ཡ་མའི་ཚོགས༔ སྨན་ཕྲན་འབུམ་གྱི་འཁོར་དང་བཅས༔ ཚུར་གཤེགས་བཤལ་ཆུའི་བདུད་རྩི་བཞེས༔ བོད་ཁམས་སོ་ཁ་སྲུང་བ་དང་༔ མཐའ་དམག་གདུག་པའི་འཚེ་བ་ཟློག༔ ནད་མུག་འཁྲུགས་རྩོད་དལ་ཡམས་སོལ༔ ལེགས་ཚོགས་རྒྱས་པའི་ཕྲིན་ལས་མཛོད༔ མ་མ་ཌཱ་ཀི་ནཱི་སརྦ་ས་མ་ཡ་ཨ་མྲྀ་ཏ་པཱུ་ཛ་ཧོཿ ཞེས་གསོལ་བཤལ་ཆུ་གཙང་སར་དོར༔ མཐའ་རྒྱས་གཏོར་མ་བསྐྱང་བའོ༔ དཔལ་རྡོ་རྗེ་བདུད་རྩིའི་སྔགས་ཀྱི་སྲུང་མའི་མཆོད་སྐོང་གི་རིམ་པ་སྟེ་གཉིས་པའོ༔ ས་མ་ཡ༔ སྲོག་གཏད་ཟབ་མོའི་མན་ངག་ནི༔ དམ་ཚིག་ལྡན་པའི་སྙིང་གི་བུས༔ དྲག་པོའི་རྫས་དང་མཎྜལ་ཕུལ༔ སངས་རྒྱས་བསྟན་པ་བསྲུང་བ་དང་༔ ཉམས་པའི་དགྲ་བགེགས་བསྒྲལ་བའི་ཕྱིར༔ བདུད་རྩི་གསང་བའི་སྲུང་མ་ཡི༔ སྲོག་གཏད་རྗེས་གནང་སྩལ་དུ་གསོལ༔ ཞེས་གསོལ་དམ་ཚིག་བདུད་རྩི་སྦྱིན༔ སྔགས་སྲུང་མ་མོ་འབུམ་སྡཻ་ཡི༔ སྲོག་གི་ཡེ་ཤེས་ཁྱོད་ལ་སྦྱིན༔ དམ་ལས་འདས་ན་གཤེད་དུ་འགྱུར༔ དེ་ཕྱིར་རྡོ་རྗེའི་དམ་ཚིག་སྲུངས༔ ས་མ་ཡ་རཀྵནྟུ༔ ཞེས་གདམས་དེས་ཀྱང་ཐ་ཚིག་འདོར༔ ས་མ་ཡ་བཛྲ་རཀྴ་སཱི་ན་ར་ཀན༔ དེ་ནས་རྒྱུད་སྦྱང་ཧེ་རུ་ཀར༔ བསྐྱེད་ཅིང་ཡེ་ཤེས་བརྟན་བྱས་ལ༔ སྐུ་ཡི་ཕྱག་རྒྱ་གཏད་པའི་ཕྱིར༔ གཏོར་མ་ལྷར་གསལ་ལག་ཏུ་བཞག༔ བྷྱོ༔ སྔགས་སྲུང་མ་མོ་འབུམ་སྡེའི་ཚོགས༔ དམ་ལྡན་རྡོ་རྗེ་སློབ་མ་འདིའི༔ ལུས་དང་གྲིབ་བཞིན་འགྲོགས་ནས་ཀྱང་༔ རྣམ་བཞིའི་ཕྲིན་ལས་སྒྲུབ་པར་གྱིས༔ སྔགས་མཐར༔ ཀཱ་ཡ་བཛྲ་ས་མ་ཡ་སྟཾ༔ སྐུ་ལས་སྐུ་འཕྲོས་ཧེ་རུ་ཀའི༔ ཐུགས་སྲོག་གདན་ལ་ཐིམ་པར་བསམ༔ གསུང་གི་རིག་པ་གཏད་པའི་ཕྱིར༔ བཟླས་པའི་ལུང་སྦྱིན་སྔགས་བྱང་གཏད༔ བྷྱོ༔ མ་མོའི་སྲོག་གི་སྙིང་པོ་འདི༔ གཉེན་པོ་སྟོབས་དང་ལྡན་པར་ཟློས༔ མཆོད་བསྟོད་སྒྲུབ་ལ་བརྩོན་པར་གྱིས༔ དངོས་གྲུབ་རྣམ་གཉིས་འགྲུབ་པར་འགྱུར༔ ཝཱ་ཀ་བཛྲ་ས་མ་ཡ་སྟྭཾ༔ ཐུགས་ཀྱི་དེ་ཉིད་ངོ་སྤྲོད་ཕྱིར༔ གཏོར་མའི་ལྷ་ཚོགས་གཉིས་མེད་བསྟིམ༔ ཙིཏྟ་བཛྲ་ས་མ་ཡ་སྟྭཾ༔ དབྱིངས་རིགས་ཟུང་འཇུག་ངང་དུ་བཞག༔ ཁྱད་པར་མན་ངག་སྦྱིན་པར་བྱ༔ བྷྱོ༔ འཇིག་རྟེན་མ་མོ་རྩ་ཡིན་ཏེ༔ འཁོར་ལོ་རྣམ་བཞི་དབུ་མར་གཞུག༔ ལས་ཀྱི་མ་མོ་རླུང་ཡིན་ཏེ༔ སྦྱོར་བ་བཞི་ཡིས་རབ་ཏུ་གཅུན༔ ཡེ་ཤེས་མ་མོ་ཐིག་ལེ་སྟེ༔ དགའ་བ་བཞི་ཡི་དབྱིངས་སུ་སྟིམས༔ དབྱིངས་ཀྱི་མ་མོ་སེམས་ཡིན་ཏེ༔ སྟོང་པ་བཞི་ཡི་ཡེ་ཤེས་བསྐྱེད༔ སྟོང་སྲོག་རང་རིག་ཆོས་སྐུར་བཅད༔ དོན་གྱི་མ་མོ་འགྲུབ་པར་འགྱུར༔ ཛྙཱ་ན་བྷཱ་ཏུ་ཨ་ཨཿ བདུད་རྩི་གསང་བའི་སྲུང་མ་ཆེ༔ སྔགས་ཀྱི་གཉེར་འཛིན་རལ་གཅིག་མའི༔ སྲོག་གི་རིམ་པ་འདི་གཏད་པས༔ མ་མོ་ནམ་ཡང་མི་འབྲལ་འགྲོགས༔ དམ་ཚིག་གཞུང་བཞིན་སྤྱོད་པ་ལ༔ དངོས་གྲུབ་ཐམས་ཅད་འབད་མེད་སྟེར༔ དམ་ལས་འགལ་ན་གཤེད་དུ་འབེབས༔ དེ་ཕྱིར་དམ་ཚིག་མཆོག་ཏུ་གཅེས༔ དཔལ་རྡོ་རྗེ་བདུད་རྩིའི་སྔགས་ཀྱི་སྲུང་མའི་སྲོག་གཏད་ཟབ་མོའི་རིམ་པ་སྟེ་གསུམ་པའོ༔ ས་མ་ཡ༔ བདུད་རྩི་གསང་བའི་སྲུང་མ་ཆེའི༔ སྒྲུབ་ཐབས་རིམ་པ་གསུམ་པ་འདི༔ ཨོ་རྒྱན་མཁན་པོའི་གསུང་བཞིན་དུ༔ ལོ་ཙཱ་བདག་གིས་ཡི་གེར་བྲིས༔ མ་འོངས་དོན་དུ་གཏེར་དུ་སྦས༔ སངས་རྒྱས་བསྟན་པ་སྲུང་བ་དང་༔ རྣལ་འབྱོར་སྒྲུབ་པའི་དཔལ་དུ་ཤོག༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ ཟབ་རྒྱ༔ གསང་རྒྱ༔ གཏད་རྒྱ༔ རྒྱ་རྒྱ་རྒྱ༔ གུ་ཧྱ་ས་མ་ཡ༔

[edit]

d+hI:__dpal rdo rje bdud rtsi'i sngags kyi srung ma'i sgrub thabs bzhugs so:__:_12345\u0f7f__he ru ka la phyag 'tshal lo:__bdud rtsi gsang ba'i srung ma che:__e ka dzA TI'i sgrub thabs ni:__dur khrod la sogs drag po'i sar:__sku rten dar nag phyag rgyas mtshan:__gsung rten sngags kyi byang bus brgyan:__thugs kyi rten du nal bu'i snying :__'khor lo'i srog dang ldan par 'phyang :__de la 'khor lo 'di yin te:__ro ras khrag gis sbags pa la:__rtsibs bzhi mu khyud ldan pa'i dbus:__b+h+yo mthar sngags kyi phreng bas bskor:__rtsibs bzhir shar nas rim pa bzhin:__kA ya ma ma hU~M b+h+yo badz+ra sa ma ya staM:__gu Na ma ma hU~M b+h+yo badz+ra sa ma ya s+t+waM:__wA ka ma ma hU~M b+h+yo badz+ra sa ma ya s+t+waM:__kwarma ma ma hU~M b+h+yo badz+ra sa ma ya s+t+waM:__de rgyab dbyangs gsal spel tshig dgod:__dang po'i mtshal dang shu kras byug:__de rjes rab gnas tshul bzhin bya:__yon tan rten du gtor ma dang :__phrin las mthun rdzas tshogs tshad bsham:__bdag nyid rdo rje khrag 'thung gi:__mdun du ma mo 'khor bcas bskyed:__b+h+yo:__chos dbyings skye ba med pa las:__skye ba'i cho 'phrul yum gyi mkha'i:__snang srid chos 'byung 'bar ba'i dbus:__gnam lcags tsakra rtsibs bzhis mtshan:__phyi nang me rlung khrag mtsho 'khyil:__lte bar pad nyi bam ro'i steng :__dus gsum bde gshegs thugs kyi yum:__sngags srung chen mo ral gcig ma:__mthing nag zhal gcig phyag gnyis pa:__spyan dang tshems dang mche ba gcig:__nyag gcig ral pa mkha' la sgreng :__phyag g.yas zhing dbyug klad la 'phyar:__g.yon pas nyams pa'i tsit+ta za:__rab khros lcags spyang pho nyar 'gyed:__ye shes me phung cher 'khrugs klong :__rang 'dra'i sprul pa 'bum dang bcas:__zhabs zung dor stabs 'jigs pas bzhugs:__stag sham sprin dkar stod g.yogs gsol:__sbrul dang rus pa'i rgyan gyis brgyan:__shar du sku sprul dkar mo 'bum:__bzhad cing gtum pa'i tshul du ston:__lho ru yon tan ser mo 'bum:__sgeg cing gzi brjid rab tu 'bar:__nub tu gsung sprul dmar mo 'bum:__shin tu chags pa'i gar thabs sgyur:__byang du phrin las ljang mo 'bum:__drag shul chen pos rgyug cing 'phyo:__gzhan yang las dang 'jig rten gyi:__ma mo bsam yas grangs med pa:__bdud rtsi gsang ba'i srung ma'i tshogs:__nyi zer rdul ltar 'khrigs pa yi:__thugs kar nyi steng b+h+yo yig dang :__rang gi thugs nas 'od 'phros pas:__ye shes 'khor lo spyan drangs bsam:__hU~M b+h+yoH__bde chen dbyings las ma g.yos kyang :__bstan pa bsrung phyir 'bar ba'i tshul:__sngags srung chen mo ral gcig ma:__'bum phrag mkha' 'gro'i 'khor dang bcas:__dam tshig dbang gis spyan 'dren na:__gsang chen bstan pa skyong ba dang :__nyams pa'i dgra bgegs bsgral ba'i phyir:__ma thogs myur du da tshur byon:__b+h+yo ma ma e ka dzA TI sa pa ri wA ra badz+ra sa ma ya dzaHdzaH__b+h+yoH__dur khrod drag po'i gnas 'di ru:__dgyes shing brtan par bzhugs nas kyang :__he ru ka dpal rig 'dzin che'i:__'da' ka'i dam tshig gnyer du longs:__b+h+yo ma ma e ka dzA TI sa pa ri wA ra tiSh+Than+tu:__badz+ra sa ma ya ha na ha na hU~M:__hU~M:__dngos bshams yid kyis rab sprul pa'i:__dur khrod drag po'i nyer spyod dang :__sman raka gtor tshogs mchod sprin gyis:__ma mo 'khor bcas mnyes gyur cig:__oM shrI e ka dzA TI sa pa ri wA ra ma hA ar+g+haM pA d+yaM puSh+pe d+hU pe A lo ke gan+d+he ni wi d+yA shab+da sarba pU dza hoH__ma hA a mr-i ta khA hiH__ma hA rak+ta khA hiH__b+h+yo ma ma e ka dzA TI ru lu ru lu hU~M b+h+yo hU~M:__sa pa ri wA ra i daM ba liM ta kha kha khA hi khA hi:__hU~M b+h+yo:__gzung 'dzin kun rtog ral pa'i tshogs:__nyag gcig skye ba med par sbreng :__srid zhi kun la khyab pa'i bdag:__dbyings kyi ma mor phyag 'tshal bstod:__ma ni myang 'das yum gyi mkha':__mo ni 'khor ba skyed pa'i klong :__dbyer med dbyings las cir yang ston:__ye shes ma mor phyag 'tshal bstod:__zhi ba'i thabs kyis gdul dka' bar:__khro 'khrugs rnam 'gyur mi bzad 'bar:__'jig rten las kyi ma mo'i tshogs:__'bum phrag 'khor bcas kun la bstod:__mdun bskyed thugs kar nyi ma'i steng :__b+h+yo yig srog gi sngags kyis mtshan:__bdag nyid rdo rje khrag 'thung gi:__thugs srog 'bar ba'i 'od zer gyis:__rab tu bskul zhing drwa bas bcings:__chags dang rngams pa'i stobs bskyed pas:__ma mo 'khor bcas dam la gzir:__gang 'dod las kun sgrub par bsam:__b+h+yo ma ma e ka dzA TI ru lu ru lu hU~M b+h+yo hU~M:__'bum phrag gsum gyis las kun byed:__sngags sham las bzhi'i spel tshig sbyar:__sarba ro ga shAn+tiM ku ru swA hA:__sarba A yur puN+ye puSh+tiM ku ru oM:__sarba lo ka wA shaM ma na ya ho:__sarba sha trUn mA ra ya phaT:__drag po'i las la rbad pa na:__dgra bgegs dgug bsgral zhal du bstab:__b+h+yo ma ma rak+Sha sI ru lu ru lu ma hiM b+h+yo:__sarba sha trUn ts+tshin+d+ha ts+tshin+d+ha b+hin+d+ha b+hin+d+ha mA ra ya phaT:__ces bzlas bskul bya thun gtor 'phang :__bdun brgyud rtsad nas gcod par 'gyur:__dpal rdo rje bdud rtsi'i sngags kyi srung ma'i sgrub thabs kyi rim pa ste dang po'o:__sa ma ya:__thun mtshams thugs dam bskang ba'i phyir:__dam rdzas 'dod yon sprin du brlab:__thod rnga brdung zhing rkang gling 'bud:__dar nag g.yab cing gzi byin bskyed:__hU~M b+h+yoH__dur khrod drag shul chen po'i zhing :__snod bcud 'bar ba e yi klong :__thod pa'i sku mkhar brjid dang ldan:__mi ro rta ro gcal du bkram:__sha sna snying sna'i rgyal mtshan phyar:__rak+ta 'bar ba'i rba klong 'khrugs:__rngams brjid chen po'i mchod sprin gyis:__bdud rtsi gsang ba'i gnyer 'dzin pa'i:__sngags srung 'khor bcas thugs dam bskang :__dam tshig nyams chag nyes ltung bshags:__ma mo 'khrugs pa zhi bar mdzod:__nad yams mtshon 'khrugs bar chad sol:__snod bcud rgud pa dbyings su stims:__dpal 'byor longs spyod tshe g.yang spel:__rlung sems snang ba dbang du sdus:__log lta'i dgra bgegs cham la phob:__gsang chen bstan pa dar ba dang :__'gro kun bde ba'i phrin las mdzod:__hU~M b+h+yoH__nyams pa'i dgra bgegs bsgral ba yi:__dbang po'i me tog tshil gsur spos:__zhun chen mar me mkhris pa'i dri:__sha rus zhal zas rkang gling dung :__'jigs rungs gzugs dang rngams pa'i sgra:__mi sdug dri dang bcud chen ro:__khrag 'dzag pags pa'i gos la sogs:__dur khrod rdzas kyi mchod sprin gyis:__bdud rtsi gsang ba'i gnyer 'dzin pa'i:__sngags srung 'khor bcas thugs dam bskang :__dam tshig nyams chag nyes ltung bshags:__ma mo 'khrugs pa zhi bar mdzod:__nad yams mtshon 'khrugs bar chad sol:__snod bcud rgud pa dbyings su stims:__dpal 'byor longs spyaud tshe g.yang spel:__rlung sems snang ba dbang du sdus:__log lta'i dgra bgegs cham la phob:__gsang chen bstan pa dar ba dang :__'gro kun bde ba'i phrin las mdzod:__hU~M b+h+yo:__lcags kyu lnga dang sgron ma lnga:__rtsa brgyad yan lag stong sbyar ba'i:__bdud rtsi sman phud mtsho ltar bskyil:__'dod yon rgya mtsho'i gter chen po'i:__dpal gyi gtor ma lhun por spungs:__khams gsum gdug pa bsgral ba yi:__rak+ta'i zham chu char bzhin 'bebs:__rmad du byung ba'i mchod sprin 'dis:__bdud rtsi gsang ba'i gnyer 'dzin pa'i:__sngags srung 'khor bcas thugs dam bskang :__dam tshig nyams chag nyes ltung bshags:__ma mo 'khrugs pa zhi bar mdzod:__nad yams mtshon 'khrugs bar chad sol:__snod bcud rgud pa dbyings su stims:__dpal 'byor longs spyod tshe g.yang spel:__rlung sems snang ba dbang du sdus:__log lta'i dgra bgegs cham la phob:__gsang chen bstan pa dar ba dang :__'gro kun bde ba'i phrin las mdzod:__hU~M b+h+yoH__sku dang sngags byang 'khor lo sogs:__ma mo'i srog gi rten du bcas:__yon tan gtor chen brjid dang ldan:__phrin las mthun rdzas skar ltar bkra:__zhing lpags bla bre mkha' la bres:__don snod drwa bas bar snang khyab:__'dod yon tshogs kyi longs spyod sogs:__mthun pa'i rdzas kyi mchod sprin 'dis:__bdud rtsi gsang ba'i gnyer 'dzin pa'i:__sngags srung 'khor bcas thugs dam bskang :__dam tshig nyams chag nyes ltung bshags:__ma mo 'khrugs pa'i zhi bar mdzod:__nad yams mtshon 'khrugs bar chad sol:__snod bcud rgud pa dbyings su stims:__dpal 'byor longs spyod tshe g.yang spel:__rlung sems snang ba dbang du sdus:__log lta'i dgra bgegs cham la phob:__gsang chen bstan pa dar ba dang :__'gro kun bde ba'i phrin las mdzod:__hU~M b+h+yoH__ma ni ngo bo stong pa'i dbyings:__mo ni rang bzhin gsal khyab shar:__gnyis med thugs rje'i 'du 'phro las:__rtog 'dul dam tshig ji snyed pa'i:__rnam 'gyur 'gag pa med pa'i rtsal:__cir yang 'char zhing 'byung ba kun:__thig le chen po gcig tu brdal:__bla na med pa'i mchod sprin 'dis:__bdud rtsi gsang ba'i gnyer 'dzin pa'i:__sngags srung 'khor bcas thugs dam bskang :__dam tshig nyams chag nyes ltung bshags:__ma mo 'khrugs pa zhi bar mdzod:__nad yams mtshon 'khrugs bar chad sol:__snod bcud rgud pa dbyings su stims:__dpal 'byor longs spyod tshe g.yang spel:__rlung sems snang ba dbang du sdus:__log lta'i dgra bgegs cham la phob:__gsang chen bstan pa dar ba dang :__'gro kun bde ba'i phrin las mdzod:__ces brjod yi ge brgya pa bzla:__dam skong phrin las dngos grub 'gyur:__ma mo mkha' 'gro 'khrugs pa las:__phyi nang bar chad mang du 'byung :__de phyir khyad par skong ba ni:__ma da na yi sgo nas bsgrub:__rin chen bdud rtsi mA ma kIs:__legs par sbyar ba'i phud kyi mchog:__tshe dang gal du mthun bsdebs nas:__ri rab chos 'byung bcas pa'i steng :__dpal gtor brjid ldan 'khor bzhi dang :__theb kyus bskor zhing rgyan gyis brgyan:__dar gyi gur phub nam mkha' dang :__rgyang bu shing ris mda' 'phang gzug:__bang rim rnams su srog chags mdangs:__'bur ram ris su gtod pa dang :__gzhan yang mthun rdzas dkor cha'i tshogs:__ji ltar 'byor pas mtha' bskor nas:__rten gyi mdun du mdzes par bsham:__de mdun phud kyi thod pa dang :__g.yas su bzang shing phur mar bsregs:__g.yon du ku sha'i chun pos 'thor:__sngags dang phyag rgya drug gis brlab:__de nas so sor smreng gis bskang :__hU~M b+h+yo:__rdo rje bdud rtsi bde ba che:__rin chen mA ma kI dang sbyor:__byang chub sems kyi sprin chen po:__rA sa yA na'i bcud du bskyil:__tshe dang gal gyis mthun bsdebs par:__rat+na 'bru sman spod kyis bran:__dpal gyi gtor ma brjid dang ldan:__ri rab chos 'byung 'bar ba'i dbus:__'dod yon rnam pa thams cad pa'i:__mchod pa'i phyag rgya chen por rdzogs:__dbyings kyi nam mkha' 'od lngar 'bar:__ye shes rgyang bu sku gsung thugs:__thabs shes las kyi mda' 'phang dang :__'jig rten mig sgyur shing ris bkra:__dgos 'byung rin chen nad sel sman:__srog chags mdangs dang dkor nor dbyig:__bza' bca' btung ba'i longs spyod sogs:__gang bzhed mthun rdzas sprin ltar gtibs:__'dod 'byung dpal gyi dam tshig 'dis:__dbyings kyi ma mor mnyes mchod 'bul:__ye shes ma mo'i thugs dam bskang :__las kyi ma mo dgyes rgur rol:__'jig rten ma mo tshim par spyod:__bdag cag dam tshig nyams chag dang :__dus ngan sems can 'khrul pa yis:__thugs dang 'gal ba'i las bgyis pa:__snying nas bshags so tshangs par stsol:__thugs rje khros pa zhi bar mdzod:__dam dang 'gal ba bzod par bzhes:__khong nas 'khrugs pa dbyings su stims:__rngams pa'i brtul zhugs bgegs la phob:__khyad par nyon mongs nga rgyal dang :__'byung ba sa las gyur pa yi:__ma mo 'khrugs pa'i rgyu rkyen dang :__nad mtshon dus 'khrugs 'bras bu'i tshogs:__mkha' la sprin ltar dag nas kyang :__zhi dang bkra shis bde legs stsol:__b+h+yo ma ma e ka dzA TI ru lu ru lu hU~M b+h+yo hU~M:__la~M ho shud+d+he shud+d+he a a swA hA:__hU~M b+h+yoH__rdo rje bdud rtsi bde ba che:__rin chen mA ma kI dang sbyor:__byang chub sems kyi sprin chen pos:__rA sa yA na'i bcud du bskyil:__gtsang ma'i phud dang mthun bsdebs par:__rtsa brgyad yan lag stong sbyar ba'i:__bdud rtsi chen pos rab tu bran:__yid bzhin mtshan ldan ka pA lar:__rgya mtsho bzhin du 'khyil pa las:__'dod rgu'i rba rlabs mkha' la 'phro:__kha dog dri dang ro ldan cing :__nus pa phun sum tshogs pa yi:__bde chen bcud kyi dam tshig 'dis:__dbyings kyi ma mor mnyes mchod 'bul:__ye shes ma mo'i thugs dam bskang :__las kyi ma mo dgyes rgur rol:__'jig rten ma mo tshim par spyod:__bdag cag dam tshig nyams chag dang :__dus ngan sems can 'khrul pa yis:__thugs dang 'gal ba'i las bgyis pa:__snying nas bshags so tshangs par stsol:__thugs rje khros pa zhi bar mdzod:__dam dang 'gal ba bzod par bzhes:__khong nas 'khrugs pa dbyings su stims:__rngams pa'i brtul zhugs bgegs la phob:__khyad par nyon mongs 'dod chags dang :__'byung ba chu las gyur pa yi:__ma mo 'khrugs pa'i rgyu rkyen dang :__nad mtshon dus 'khrugs 'bras bu'i tshogs:__mkha' la sprin ltar dag nas kyang :__zhi dang bkra shis bde legs stsol:__b+h+yo ma ma e ka dzA TI ru lu ru lu hU~M b+h+yo hU~M:ba~M ho shud+d+he shud+d+he a a swA hA:__hU~M b+h+yoH__rdo rje bdud rtsi bde ba che:__rin chen mA ma kI dang sbyor:__byang chub sems kyi sprin chen pos:__rA sa ya na'i bcud du bskyil:__'bar ba'i me dang mthun bsdebs par:__bzang shing sna tshogs dri dang sbyar:__bza' btung 'bru sman phur mas bran:__gtsang zhing yid 'phrog dud sprin gyis:__'jig rten khams kun yongs khyab pas:__grib dang mi gtsang thams cad sel:__dbang yul zag med bde chen skyed:__'dod pa'i longs spyod char 'bebs pa'i:__ngo mtshar chen po'i mchod sprin 'dis:__dbyings kyi ma mo mnyes mchod 'bul:__ye shes ma mo'i thugs dam bskang :__las kyi ma mo dgyes rgur rol:__'jig rten ma mo tshim par spyod:__bdag cag dam tshig nyams chag dang :__dus ngan sems can 'khrul pa yis:__thugs dang 'gal ba'i las bgyis pa:__snying nas bshags so tshangs par stsol:__thugs rje khros pa zhi bar mdzod:__dam dang 'gal ba bzod par bzhes:__khong nas 'khrugs pa dbyings su stims:__rngams pa'i brtul zhugs bgegs la phob:__khyad par nyon mongs zhe sdang dang :__'byung ba me las gyur pa yi:__ma mo 'khrugs pa'i rgyu rkyen dang :__nad mtshon dus 'khrugs 'bras bu'i tshogs:__mkha' la sprin ltar dag nas kyang :__zhi dang bkra shis bde legs stsol:__b+h+yo ma ma e ka dzA TI ru lu ru lu hU~M b+h+yo hU~M:__ra~M ho shud+d+he shud+d+he a a swA hA:__hU~M b+h+yoH__rdo rje bdud rtsi bde ba che:__rin chen mA ma kI dang sbyor:__byang chub sems kyi sprin chen pos:__rA sa yA na'i bcud du bskyil:__g.yo ba'i rlung dang mthun bsdebs nas:__dag byed rtswa yis phyogs bcur gtor:__lha la phog na dgyes pa bskyed:__mched la phog na nyams chag sbyong :__snod la phog na byin 'od chags:__bcud la phog na nus stobs 'bar:__rdzas la phog na 'dod rgur spel:__bgegs la phog na rgyang du bros:__cir yang 'char zhing 'byung ba yi:__mig 'phrul lta bu'i dam tshig 'dis:__dbyings kyi ma mor mnyes mchod 'bul:__ye shes ma mo'i thugs dam bskang :__las kyi ma mo dgyes rgur rol:__'jig rten ma mo tshim par spyod:__bdag cag dam tshig nyams chag dang :__dus ngan sems can 'khrul pa yis:__thugs dang 'gal ba'i las bgyis pa:__snying nas bshags so tshangs par stsol:__thugs rje khros pa zhi bar mdzod:__dam dang 'gal ba bzod par bzhes:__khong nas 'khrugs pa dbyings su stims:__rngams pa'i brtul zhugs bgegs la phob:__khyad par nyon mongs phrag dog dang :__'byung ba rlung las gyur pa yi:__ma mo 'khrugs pa'i rgyu rkyen dang :__nad mtshon dus 'khrugs 'bras bu'i tshogs:__mkha' la sprin ltar dag nas kyang :__zhi dang bkra shis bde legs stsol:__b+h+yo ma ma e ka dzA TI ru lu ru lu hU~M b+h+yo hU~M:__ya~M ho shud+d+he shud+d+he a a swA hA:__hU~M b+h+yoH__rdo rje bdud rtsi bde ba che:__rin chen mA ma kI dang sbyor:__byang chub sems kyi sprin chen pos:__rwa sa yA na'i bcud du bskyil:__chos kyi dbyings dang mthun bsdebs nas:__rnam rtog thams cad sems su bcad:__sems nyid skye med gnyug mar shes:__rang bzhin yongs shes 'od gsal dang :__rtsal dang rol pa cir yang 'phro:__snang grags thams cad lha dang sngags:__rtog pa'i drwa ba dbyings kyi rgyan:__dbyings rig zung 'jug 'dod rgu'i gter:__nam mkha' mdzod du yongs shar ba'i:__bla na med pa'i dam tshig 'dis:__dbyings kyi ma mor mnyes mchod 'bul:__ye shes ma mo'i thugs dam bskang :__las kyi ma mo dgyes rgur rol:__'jig rten ma mo tshim par spyod:__bdag cag dam tshig nyams chag dang :__dus ngan sems can 'khrul pa yis:__thugs dang 'gal ba'i las bgyis pa:__snying nas bshags so tshangs par stsol:__thugs rje khros pa zhi bar mdzod:__dam dang 'gal ba bzod par bzhes:__khong nas 'khrugs pa dbyings su stims:__rngams pa'i brtul zhugs bgegs la phob:__khyad par nyon mongs gti mug dang :__'byung ba nam mkha' las gyur pa'i:__ma mo 'khrug pa'i rgyu rkyen dang :__nad mtshon dus 'khrugs 'bras bu'i tshogs:__mkha' la sprin ltar dag nas kyang :__zhi dang bkra shis bde legs stsol:__b+h+yo ma ma e ka dzA TI ru lu ru lu hU~M b+h+yo hU~M:__e ho shud+d+he shud+d+he a a swA hA:__zhes brjod dam tshig rdzas kun gyi:__rten 'brel brda la nges shes bskyed:__don gyi de nyid dran byas la:__dbyings rig dbyer med dgongs pa bskyang :__'dis ni ma mo 'khrugs pa yi:__rgyu 'bras skad cig yud la zhi:__srung ma lus dang grib bzhin 'grogs:__dngos grub mtsho ltar rgyas par 'gyur:__de nas phrin las gsol ba ni:__hU~M b+h+yoH__dbyings kyi yum mchog kun tu bzung :__ye shes sngags srung ral gcig ma:__'jig rten las kyi ma mo'i ste:__bdud rtsi gsang ba'i srung ma ni:__'bum phrag yangs pa'i 'khor tshogs kun:__sngon tshe he ru ka dpal dang :__rig 'dzin brgyud pa'i spyan snga ru:__ji ltar zhal bzhes dam bcas ltar:__sman gtor rak+ta'i mchod pa dang :__myos byed bdud rtsi'i skyems phud bzhes:__dgyes pa'i phrin las shugs phyung la:__gsang chen rdo rje'i bstan pa srungs:__bstan 'dzin skyes bu'i phrin las sgrubs:__rnal 'byor bdag cag 'khor bcas kyi:__nad gdod bar chad zhi bar mdzod:__tshe bsod dpal 'byor ye shes spel:__snod bcud legs tshogs dbang du sdus:__bstan dang 'gro la 'tshe ba yi:__dgra dpung thal ba'i rdul du rlog:__bgegs dpung bdun rgyud rtsad nas chod:__byad phur rbod gtong than ltas zlog:__phyi nang 'byung ba 'khrugs pa yi:__rgud pa thams cad dbyings su sol:__bshad sgrub bstan pa rgyas pa dang :__'jig rten bde ba'i phrin las mdzod:__ces brjod phud dang gtor ma gshegs:__des ni bar chad kun zhi zhing :__'dod pa'i don rnams myur 'grub byed:__gzhan yang sngon gyi srung ma la:__gtor ma sbyin zhing tha tshig bsgrag:__las kyi gnyer yang gtad par bya:__hU~M b+h+yo:__sngon tshe 'og min bde chen zhing :__gsang ba mchog gi dgyes pa na:__bcom ldan rdo rje he ru kas:__tha tshig phog pa'i srung ma kun:__'dir gshegs rgyan gyi gtor ma bzhes:__rnam bzhi'i phrin las 'grub par mdzod:__hU~M b+h+yoH__bar du lha min 'du ba'i gnas:__a su ra yi brag phug tu:__slob dpon bde ba chen po yis:__dam la bzhag pa'i dregs tshogs kun:__'dir gshegs rgyan gyi gtor ma bzhes:__rnam bzhi'i phrin las 'grub par mdzod:__hU~M b+h+yoH__da lta sgrub pa'i gnas mchog 'dir:__gsang ba'i dkyil 'khor zhal phye nas:__rig 'dzin rnal 'byor bdag cag gis:__'bod cing bskul ba'i srung ma kun:__'dir gshegs rgyan gyi gtor ma bzhes:__rnam bzhi'i phrin las 'grub par mdzod:__shrI badz+ra d+harma pA la sarba sa ma ya karma ku ru ho:__bshal chu'i bdud rtsis brtan ma mchod:__hU~M b+h+yo:__a su ra yi brag phug tu:__slob dpon bde ba chen po dang :__rigs ldan shAkya de wI yis:__rdo rje bdud rtsi'i dkyil 'khor du:__gsang ba'i dam tshig gnyer gtad pa'i:__brtan ma skyong ma ya ma'i tshogs:__sman phran 'bum gyi 'khor dang bcas:__tshur gshegs bshal chu'i bdud rtsi bzhes:__bod khams so kha srung ba dang :__mtha' dmag gdug pa'i 'tshe ba zlog:__nad mug 'khrugs rtsod dal yams sol:__legs tshogs rgyas pa'i phrin las mdzod:__ma ma DA ki nI sarba sa ma ya a mr-i ta pU dza hoH__zhes gsol bshal chu gtsang sar dor:__mtha' rgyas gtor ma bskyang ba'o:__dpal rdo rje bdud rtsi'i sngags kyi srung ma'i mchod skong gi rim pa ste gnyis pa'o:__sa ma ya:__srog gtad zab mo'i man ngag ni:__dam tshig ldan pa'i snying gi bus:__drag po'i rdzas dang maN+Dal phul:__sangs rgyas bstan pa bsrung ba dang :__nyams pa'i dgra bgegs bsgral ba'i phyir:__bdud rtsi gsang ba'i srung ma yi:__srog gtad rjes gnang stsal du gsol:__zhes gsol dam tshig bdud rtsi sbyin:__sngags srung ma mo 'bum sdai yi:__srog gi ye shes khyod la sbyin:__dam las 'das na gshed du 'gyur:__de phyir rdo rje'i dam tshig srungs:__sa ma ya rak+Shan+tu:__zhes gdams des kyang tha tshig 'dor:__sa ma ya badz+ra rak+sha sI na ra kan:__de nas rgyud sbyang he ru kar:__bskyed cing ye shes brtan byas la:__sku yi phyag rgya gtad pa'i phyir:__gtor ma lhar gsal lag tu bzhag:__b+h+yo:__sngags srung ma mo 'bum sde'i tshogs:__dam ldan rdo rje slob ma 'di'i:__lus dang grib bzhin 'grogs nas kyang :__rnam bzhi'i phrin las sgrub par gyis:__sngags mthar:__kA ya badz+ra sa ma ya staM:__sku las sku 'phros he ru ka'i:__thugs srog gdan la thim par bsam:__gsung gi rig pa gtad pa'i phyir:__bzlas pa'i lung sbyin sngags byang gtad:__b+h+yo:__ma mo'i srog gi snying po 'di:__gnyen po stobs dang ldan par zlos:__mchod bstod sgrub la brtson par gyis:__dngos grub rnam gnyis 'grub par 'gyur:__wA ka badz+ra sa ma ya s+t+waM:__thugs kyi de nyid ngo sprod phyir:__gtor ma'i lha tshogs gnyis med bstim:__tsit+ta badz+ra sa ma ya s+t+waM:__dbyings rigs zung 'jug ngang du bzhag:__khyad par man ngag sbyin par bya:__b+h+yo:__'jig rten ma mo rtsa yin te:__'khor lo rnam bzhi dbu mar gzhug:__las kyi ma mo rlung yin te:__sbyor ba bzhi yis rab tu gcun:__ye shes ma mo thig le ste:__dga' ba bzhi yi dbyings su stims:__dbyings kyi ma mo sems yin te:__stong pa bzhi yi ye shes bskyed:__stong srog rang rig chos skur bcad:__don gyi ma mo 'grub par 'gyur:__dz+nyA na b+hA tu a aH__bdud rtsi gsang ba'i srung ma che:__sngags kyi gnyer 'dzin ral gcig ma'i:__srog gi rim pa 'di gtad pas:__ma mo nam yang mi 'bral 'grogs:__dam tshig gzhung bzhin spyod pa la:__dngos grub thams cad 'bad med ster:__dam las 'gal na gshed du 'bebs:__de phyir dam tshig mchog tu gces:__dpal rdo rje bdud rtsi'i sngags kyi srung ma'i srog gtad zab mo'i rim pa ste gsum pa'o:__sa ma ya:__bdud rtsi gsang ba'i srung ma che'i:__sgrub thabs rim pa gsum pa 'di:__o rgyan mkhan po'i gsung bzhin du:__lo tsA bdag gis yi ger bris:__ma 'ongs don du gter du sbas:__sangs rgyas bstan pa srung ba dang :__rnal 'byor sgrub pa'i dpal du shog:__sa ma ya:__rgya rgya rgya:__gter rgya:__sbas rgya:__zab rgya:__gsang rgya:__gtad rgya:__rgya rgya rgya:__gu h+ya sa ma ya: