བླ་སྒྲུབ་དྭངས་མའི་ཐིག་ལེའི་ཡང་ཟབ་བླ་ཕུར་སྦྲགས་མའི་ལས་བྱང་ཁྲིགས་སུ་བཀོད་པ་དངོས་གྲུབ་འདོད་རྒུའི་འབྱུང་གནས།

🚧 This website is under continued development. We appreciate your patience!

Previous Text Back to Volume PageNext Text

Wylie title	bla sgrub dwangs ma'i thig le'i yang zab bla phur sbrags ma'i las byang khrigs su bkod pa dngos grub 'dod rgu'i 'byung gnas
Location	dil mgo mkhyen brtse bka' 'bum Volume 10, Text 2, Pages 2-11 (Folios 1a to 10b5)
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Tertön	ཁྱུང་སྤྲུལ་པདྨ་དབང་ཆེན་བསྟན་འཛིན་ཕྲིན་ལས་ (khyung sprul pad+ma dbang chen bstan 'dzin phrin las)
Citation	Khyentse, Dilgo. Bla sgrub dwangs ma'i thig le'i yang zab bla phur sbrags ma'i las byang khrigs su bkod pa dngos grub 'dod rgu'i 'byung gnas. In Skyabs rje dil mgo mkhyen brtse rin po che'i bka' 'bum, Vol. 10: 2-11. Delhi: Shechen Publications, 1994.
Genre	Activity Manual - las byang  ·  Sadhanas - Evocation Ritual - sgrub thabs
Cycle	བླ་སྒྲུབ་དྭངས་མའི་ཐིག་ལེ་ (bla sgrub dwangs ma'i thig le)
Deity	pad+ma kI la ya
Colophon	།ཅེས་པའང་ལུང་ཟིན་ཆོས་ཀྱི་བདག་པོ་ཀློང་ཆེན་ཡེ་ཤེས་རྡོ་རྗེའི་དག་སྣང་གི་སྤྱན་རས་ཡངས་བས་ཆེད་དུ་བཀའ་བསྩལ་བཞིན་འཇམ་མགོན་རྡོ་རྗེ་འཆང་རྣམ་གསུམ་གྱི་ཐུགས་རྗེའི་གཟིགས་པའི་གདུལ་བྱ་ཙམ་དུ་གཏོགས་པའི་རིག་སྔགས་འཆང་བ་འཇིགས་མེད་མཁྱེན་བརྩེ་འོད་ཟེར་པདྨ་གར་དབང་མདོ་སྔགས་གླིང་པས་འཕགས་ཡུལ་རྡོ་རྗེ་གླིང་གི་རི་བོའི་སྦོ་ནས་བྲིས་པར་འབྲེལ་ཚད་བླ་མ་པདྨ་ཧེ་རུ་ཀ་ཆེན་པོའི་ཡེ་ཤེས་ཀྱི་ཐིག་ལེར་འདོད་རྒུར་རྩེན་པའི་རྒྱུར་གྱུར་ཅིག །དགེའོ།། །དགེའོ།། །དགེའོ།།
	/ces pa'ang lung zin chos kyi bdag po klong chen ye shes rdo rje'i dag snang gi spyan ras yangs bas ched du bka' bstsal bzhin 'jam mgon rdo rje 'chang rnam gsum gyi thugs rje'i gzigs pa'i gdul bya tsam du gtogs pa'i rig sngags 'chang ba 'jigs med mkhyen brtse 'od zer pad+ma gar dbang mdo sngags gling pas 'phags yul rdo rje gling gi ri bo'i sbo nas bris par 'brel tshad bla ma pad+ma he ru ka chen po'i ye shes kyi thig ler 'dod rgur rtsen pa'i rgyur gyur cig__/dge'o//__/dge'o//__/dge'o//

Tibetan Text

Wylie

[edit]

༄༅། །བླ་སྒྲུབ་དྭངས་མའི་ཐིག་ལེའི་ཡང་ཟབ་བླ་ཕུར་སྦྲགས་མའི་ལས་བྱང་ཁྲིགས་སུ་བཀོད་པ་དངོས་གྲུབ་འདོད་རྒུའི་འབྱུང་གནས་ཞེས་བྱ་བ་བཞུགས་སོ།།

༄༅། །ན་མོ་གུ་རུ་པདྨ་ཀྲོ་དྷ་ཀཱི་ལ་ཡ། བདེ་ཆེན་སྒྱུ་འཕྲུལ་དྲྭ་བའི་རོལ་གར་ནི། །རྒྱལ་ཀུན་སྐུ་གསུང་ཐུགས་ཀྱི་རྡོ་རྗེའི་ཚུལ། །མ་ཧཱ་གུ་རུ་པདྨ་ཀཱི་ལ་ཡར། །རབ་གུས་དད་པའི་ཡིད་ཀྱིས་སྤྱི་བོར་མཆོད། །གང་གི་ཐུགས་བཅུད་ཟབ་རྒྱའི་ཆོས། །ཡང་ཟབ་བླ་མ་སྒྲུབ་པའི་ཚུལ། །དྲག་པོ་པདྨ་ཀཱི་ལ་ཡའི། །ཕྲིན་ལས་འདུས་གསལ་སྙིང་པོ་སྤེལ། །འདི་ལ་གསུམ། སྦྱོར་བ། དངོས་གཞི། རྗེས་སོ། །དང་པོ། སྦྱོར་བའི་ཆོས་ནི། ཡིད་དང་མཐུན་པའི་གནས་ཁང་རྒྱན་དང་བྱི་དོར་གྱིས་མཛེས་པའི་གུང་དུ་གཞུང་མཐུན་གྱི་སྐུ་རྟེན་མདུན། སྨན་རཀ་གཏོར་མ། ཞི་དྲག་གི་ཉེར་སྤྱོད། ཚོགས་དང་འབྲེལ་ན་ཆད་བརྟན། དཀར་བགེགས། ཐབས་ཤེས་ཀྱི་དམ་རྫས་སོགས་འོག་ཏུ་དགོས་པའི་ཡོ་བྱད་རིགས་འདུ་བྱའོ། །གཉིས་པ་སྐྱབས་སུ་འགྲོ་བ་ནི། མདུན་གྱི་ནམ་མཁར་བླ་མ་དཔལ་ཆེན་ཧེ་རུ་ཀ་བདུད་འདུལ་པདྨ་ཀཱི་ལ་ཡར་རྩ་གསུམ་རྒྱལ་བ་རབ་འབྱམས་ཀྱིས་བསྐོར་བ་བཛྲ་ས་མ་ཛཿ ཧཱུྃ་ཧཱུྃ་ཧཱུྃ༔ བླ་མ་རྩ་གསུམ་འདུས་པའི་སྐུ༔ ཁྲོ་རྒྱལ་པདྨ་ཀཱི་ལ་ཡ༔ སྐྱབས་ཡུལ་རྒྱ་མཚོའི་ཚོགས་བཅས་ལ༔ སྙིང་ནས་དད་པས་སྐྱབས་སུ་མཆི༔ ལན་གསུམ། གསུམ་པ་སེམས་བསྐྱེད་པ་ནི། སེམས་ཅན་ཀུན་གྱི་དོན་ཕྱིར་དུ༔ རྫོགས་པའི་སངས་རྒྱས་ཐོབ་འདོད་ལ༔ བར་དུ་གཅོད་པའི་བདུད་བཏུལ་ནས༔ བླ་མ་དྲག་པོ་བསྒྲུབ་པར་བྱ༔ ལན་གསུམ། བཞི་པ་ཚོགས་བསགས་པ་ནི། རང་སེམས་སྐྱེ་བ་མེད་པའི་ཞིང༔ རིག་རྩལ་ལྷུན་གྲུབ་རྩ་གསུམ་ཚོགས༔ མ་འགག་རང་ཤར་ངང་ལ་བཞུགས༔ དབྱིངས་རིག་དབྱེར་མེད་མཇལ་ཕྱག་འཚལ༔ རང་གྲོལ་བདེ་ཆེན་མཆོད་པ་འབུལ༔ གཉིས་སྣང་འཛིན་སྤྲོས་བྲལ་ཀློང་དུ་བཤགས༔ རིག་སྟོང་རྗེན་པར་རྗེས་ཡི་རང༔ གདོད་ནས་དག་པའི་ཆོས་འཁོར་བསྐོར༔ འཆི་མེད་ལྷུན་གྲུབ་བཞུགས་གསོལ་འདེབས༔ དགེ་ཚོགས་ཀུན་བཟང་ས་ཐོབ་ཤོག༔ བཛྲ་མུཿ ཚོགས་ཞིང་འོད་གསལ་ངང་ལ་ཐིམ༔ ལྔ་པ་བླ་མའི་རྣལ་འབྱོར་ནི། དམིགས་མེད་མཁའ་དབྱིངས་དག་པའི་ཞིང༔ འཛིན་མེད་རང་རྩལ་པདྨ་འབྱུང༔ རྡོ་རྗེ་འཆང་དབང་སྐུ་མདོག་སྔོ༔ མཚན་དཔེའི་གཟི་བརྗིད་དཔལ་འབར་བ༔ ལོངས་སྤྱོད་རྫོགས་སྐུའི་རྒྱན་གྱིས་སྤྲས༔ ཕྱག་གཉིས་རྡོར་དྲིལ་ཡུམ་ལ་འཁྱུད༔ བདེ་སྟོང་དབྱེར་མེད་ངང་དུ་གསལ༔ དུས་གསུམ་བདེ་གཤེགས་ཐམས་ཅད་ཀྱི༔ སྐུ་གསུང་ཐུགས་མཆོག་འདུས་པའི་དཔལ༔ རིགས་གསུམ་ཁྱབ་བདག་བླ་མ་ལ༔ སྙིང་ནས་གུས་པས་གསོལ་བ་འདེབས༔ ཕྱི་ནང་གསང་བའི་བར་ཆད་སོལ༔ མཆོག་ཐུན་དངོས་གྲུབ་བསྩལ་དུ་གསོལ༔ རང་སེམས་ཆོས་སྐུ་མངོན་གྱུར་ནས༔ སྤང་རྟོགས་ཡོན་ཏན་རྫོགས་གྱུར་ཅིག༔ ཨ་ཨ་ཨ༔ རྩེ་གཅིག་གདུང་བས་གསོལ་བཏབ་མཐུས༔ བླ་མ་རྡོ་རྗེ་འཆང་དབང་པོ༔ དགྱེས་པའི་འཛུམ་ཞལ་དང་བཅས་ཏེ༔ གསང་བ་གསུམ་གྱི་འོད་ཟེར་གྱིས༔ བདག་གི་ཉམས་གྲིབ་ཀུན་སྦྱངས་ནས༔ ལམ་བཞི་སྒོམ་པའི་སྣོད་དུ་གྱུར༔ བླ་མ་འོད་ཞུ་བདུད་རྩིའི་རྒྱུན༔ གནས་བཞིར་རིམ་གྱིས་བབས་པ་ཡི༔ དབང་བཞིས་སྨིན་ཅིང་སྐུ་བཞི་ཐོབ༔ ཕྱི་རོལ་གཟུང་བས་མ་གོས་ཤིང༔ ནང་དུ་འཛིན་པས་མ་བཅིངས་པ༔ བར་དུ་འོད་གསལ་རང་ངོ་ཤེས༔ རྗེ་བཙུན་བླ་མའི་ཐུགས་དགོངས་དང༔ དབྱེར་མེད་ཁྱབ་བརྡལ་ཀློང་ཡངས་སུ༔ ཟུང་འཇུག་ཡེ་ཤེས་སྐུ་འགྲུབ་ཤོག༔ ཅེས་བརྗོད། དྲུག་པ་བགེགས་ལ་བཀའ་བསྒོ་བ་ནི། རྃ་ཡྃ་ཁྃ༔ བདག་ཉིད་པདྨ་ཧེ་རུ་ཀའི༔ ཐུགས་ལས་རྃ་ཡྃ་ཁྃ་གསུམ་འཕྲོས༔ གཏོར་མའི་མ་དག་བསྲེགས་གཏོར་བཀྲུས༔ འདོད་ཡོན་ཟད་མི་ཤེས་པར་གྱུར༔ ཨོཾ་ཨཱཿཧཱུྃ་ཧ་ཧོ་ཧྲཱིཿ ལན་གསུམ། ཧཱུྃ༔ གཉིས་འཁྲུལ་པའི་བདུད་བགེགས་ཀུན༔ མཆོད་སྦྱིན་བཟང་པོ་འདི་ཁྱེར་ལ༔ གནས་འདིར་མ་འདུག་གཞན་དུ་དེངས༔ གལ་ཏེ་མི་འགྲོ་འཚེ་བྱེད་ན༔ སྤྲུལ་པ་ཁྲོ་བོས་རྡུལ་དུ་བརླག༔ ཧཱུྃ་བཞིའི་དྲག་སྔགས་ཐུན་གྱིས་བྲབ༔ བདུན་པ་མཚམས་བཅད་པ་ནི། ཧཱུྃ༔ རང་བཞིན་ལྷུན་གྲུབ་དཀྱིལ་འཁོར་ནས༔ བགེགས་ཞེས་བྱ་བའི་ཡུལ་མེད་ཀྱང༔ མ་རྟོགས་འཁྲུལ་འཁོར་ཐམས་ཅད་ཀུན༔ དག་མཉམ་རྡོ་རྗེའི་སྲུང་འཁོར་གྱུར༔ ཨོཾ་ཨཱཿཧཱུྃ་བཛྲ་རཀྵ་རཀྵ་བྷྲཱུྃ༔ བརྒྱད་པ་བྱིན་འབེབས་པ་ནི། ཧཱུྃ་ཧྲཱིཿ སྐུ་གསུམ་རྒྱལ་བའི་ཞིང་ཁམས་ནས༔ རབ་འབྱམས་རྩ་བ་གསུམ་གྱི་ལྷ༔ གཙོ་འཁོར་སྤྲུལ་པ་རབ་འབྱམས་ཀུན༔ ནམ་མཁའ་བར་སྣང་ས་གཞི་ཁྱབ༔ སྐུ་ཡི་གར་སྟབས་ཤིགས་སེ་ཤིག༔ གསང་སྔགས་འཛབ་ཀྱི་གླུ་དང་བཅས༔ བདེ་སྟོང་རྡོ་རྗེའི་གར་བསྒྱུར་བཞིན༔ གནས་འདིར་སྤྱན་འདྲེན་གཤེགས་སུ་གསོལ༔ སྒྲུབ་མཆོག་བདག་ལ་བྱིན་གྱིས་རློབས༔ བགེགས་དང་ལོག་འདྲེན་བར་ཆད་སོལ༔ མཆོག་ཐུན་དངོས་གྲུབ་ཆར་ལྟར་ཕོབ༔ ཨོཾ་ཨཱཿཧཱུྃ་བཛྲ་གུ་རུ་པདྨ་དྷེ་ཝ་དྷཱ་ཀི་ནི་སརྦ་ས་མ་ཡ་ཨ་བེ་ཤ་ཡ་ཕེཾ་ཕེཾ་ཧྲཱིཾ་ཧྲཱིཾ་ཛཿཛཿ དགུ་པ་བཤགས་པ་ནི། ཧོཿ གདོད་ནས་རྣམ་དག་ཡེ་ཤེས་ལྷ༔ རང་དང་གཉིས་སུ་མེད་བཞུགས་ཀྱང༔ མ་རྟོགས་གཟུང་འཛིན་འཁྲུལ་པའི་ཚོགས༔ ཡེ་ཤེས་ཆོས་སྐུའི་ཀློང་དུ་བཤགས༔ ས་མ་ཡ་ཤུདྡྷེ་ཨ༔ བཅུ་པ་མཆོད་རྫས་བྱིན་གྱིས་བརླབ་པ་ནི། རྃ་ཡྃ་ཁྃ༔ ཕྱི་ནང་སྣོད་བཅུད་མཆོད་པའི་སྤྲིན༔ གདོད་ནས་དག་པ་ཆེན་པོར་རྫོགས༔ ཀུན་བཟང་སྒྱུ་འཕྲུལ་དྲྭ་བའི་སྤྲིན༔ བདེ་ཆེན་ཕྱག་རྒྱ་ཆེན་པོར་ཤར༔ ཨོཾ་བཛྲ་ཨརྒྷཾ་ནས། ཤབྟ་སརྦ་པཱུ་ཛ་ཨཱ་ཧཱུྃ༔ སརྦ་པཉྩ་ཨ་མྲྀ་ཏ་རཀྟ་བ་ལིཾ་ཏ་མ་ཧཱ་སུ་ཁ་ཨཱ་ཧཱུྃ༔ གཉིས་པ་དངོས་གཞིའི་དང་པོ་དཀྱིལ་འཁོར་དང་ལྷ་བསྐྱེད་པ་ནི། ཧཱུྃ་ཧཱུྃ་ཧཱུྃ༔ རང་སེམས་གདོད་ནས་སྟོང་པ་ཆེ༔ རིག་གདངས་རྡོ་རྗེ་ཆེན་པོར་ཤར༔ ཟུང་འཇུག་སྨོན་པ་མེད་པའི་རྩལ༔ རྒྱུ་ཡི་ཏིང་འཛིན་ཧཱུྃ་དམར་པོ༔ འོད་ཀྱིས་ཆོས་རྣམས་སྟོང་པར་སྦྱངས༔ སྟོང་པའི་ངང་ལས་སྐད་ཅིག་གིས༔ སྣོད་བཅུད་དག་པ་ཡུལ་ལྔའི་ཀློང༔ འབྱུང་བ་རིམ་བརྩེགས་རི་རབ་སྟེང༔ ཕུང་པོ་དག་པ་གཞལ་མེད་ཁང༔ གྲུ་བཞི་སྒོ་བཞི་མཚན་ཉིད་རྫོགས༔ དུར་ཁྲོད་འཇིགས་པའི་འཁོར་ལོ་བསྐོར༔ ཡེ་ཤེས་ཟང་ཐལ་ཆེན་པོའི་དཀྱིལ༔ གནམ་ལྕགས་འཁོར་ལོ་རྩིབས་བཅུའི་དབུས༔ པད་ཉི་དམ་སྲི་བསྣོལ་བའི་སྟེང༔ རང་སེམས་དག་པ་རྒྱུ་ཡི་ཧཱུྃ༔ མཁའ་ལ་ཉི་བཞིན་གསལ་བ་ཡི༔ འོད་ཟེར་ཡར་མར་འཕྲོ་འདུ་ལས༔ རྡོ་རྗེ་རྩེ་དགུ་ཧཱུྃ་གིས་མཚན༔ ཡོངས་གྱུར་གཉུག་མའི་ཡེ་ཤེས་ནི༔ དཔལ་ཆེན་པདྨ་ཀཱི་ལ་ཡ༔ སྐུ་མདོག་དམར་ནག་དུས་མེ་ལྟར༔ ཁྲོ་བོ་ཆེན་པོ་ཞལ་གསུམ་པ༔ དབུས་ཞལ་དམར་ནག་དྲག་ཏུ་ཁྲོས༔ གཡས་དཀར་གཡོན་མཐིང་བཞད་གཤེ་རྔམས༔ ཁྲོ་གཏུམ་གར་དགུའི་གཟི་བརྗིད་འབར༔ སྤྱི་གཙུག་རྟ་གདོང་ལྗང་ཞུར་འཚེར༔ ཕྱག་དྲུག་དང་པོས་རྡོ་རྗེ་དང༔ ཕྱག་གཡོན་བྷནྡྷ་དམར་ཆེན་སྟོབ༔ བར་པ་གཉིས་ཀྱིས་ལྕགས་འཁོར་དང༔ སྡིགས་མཛུབ་ལྕགས་སྡིག་སྤྲུལ་པ་འགྱེད༔ འོག་གཉིས་རི་རབ་ཕུར་བུ་འདྲིལ༔ སྦྱོར་ཡུམ་པདྨཻ་ཤྭ་རི་མ༔ གྲི་ཐོད་བསྣམས་པ་གཡོན་ན་རོལ༔ ཁྲོ་མོའི་རྒྱན་དང་ཆ་ལུགས་རྫོགས༔ གནས་ལྔར་གཤིན་རྗེ་རྟ་མཆོག་དཔལ༔ ཕྱག་རྡོར་ཁྲོས་ནག་མེ་དབལ་གཏམས༔ གཙོ་འཁོར་དུར་ཁྲོད་ཆས་བརྒྱད་དང༔ མཚོན་ཆའི་གཤོག་བརྐྱངས་ནམ་མཁར་ལྡིང༔ ཁྱུང་ཆེན་རྣམ་ལྔ་སྤྲུལ་པ་འགྱེད༔ དཔལ་ཆས་ཡོངས་རྫོགས་ཉམས་དང་ལྡན༔ སྐུ་སྨད་གནམ་ལྕགས་ཕུར་པ་ནི༔ ཟུར་གསུམ་ཐོག་མེའི་ཚྭ་ཚྭ་འཕྲོ༔ གནོད་བྱེད་བདུད་བཞིའི་སྙིང་ལ་གཟིར༔ དྲག་ཤུལ་རྡོ་རྗེ་སྲིན་པོ་ནི༔ ཤིན་ཏུ་མི་བཟད་ཁྲོས་པའི་སྐུ༔ ཁམས་གསུམ་ཟ་བྱེད་ཆེན་པོར་གསལ༔ དྲག་མེ་འཁྲུགས་པའི་ཀློང་ན་འགྱིང༔ སྟེང་ཕྱོགས་བརྒྱུད་གསུམ་བླ་མ་དང༔ བར་དུ་སྒྲུབ་པ་བཀའ་བརྒྱད་ལྷ༔ ཕྱི་རོལ་འཁོར་ལོ་རྩིབས་བཅུའི་སྟེང༔ མདུན་ནས་གཡས་བསྐོར་རིམ་པ་བཞིན༔ འཇིགས་བྱེད་ཁྲོ་བོ་ཆེན་པོ་བཅུ༔ ཀུན་ཀྱང་མཐིང་ནག་ཕུར་པ་འདྲིལ༔ འཇིགས་རུང་སྲིན་པོའི་ཆོ་འཕྲུལ་ཅན༔ ཧཱུྃ་ཧཱུྃ་ཕཊ྄་ཕཊ྄་དྲག་པོའི་སྒྲ༔ སྟོང་གསུམ་ཁྲོ་བོས་སྔགས་སྒྲ་སྒྲོགས༔ སྟོང་ཉིད་ཞི་ལས་མ་གཡོས་བཞིན༔ གདུག་པ་ཅན་རྣམས་ཚར་གཅོད་ཕྱིར༔ ཁོར་ཡུག་བར་མཚམས་ཐམས་ཅད་དུ༔ མེ་རླུང་མཚོན་ཆ་འཁྲུགས་པའི་ཀློང༔ གནས་ཡུལ་མཁའ་འགྲོ་བཀའ་སྡོད་བཅས༔ ཕོ་ཉ་དམ་ཅན་རྒྱ་མཚོའི་ཚོགས༔ སྙིང་རྗེ་ཁྲོས་པའི་སྐུར་བཞེངས་ལ༔ དྲེགས་པ་སྡེ་བརྒྱད་སྤྲིན་ལྟར་གཏིབས༔ གཏུམ་དྲག་ང་རོའི་སྟངས་སྟབས་ཀྱིས༔ འཇིག་རྟེན་ཤིག་ཤིག་ཡོམ་ཡོམ་འགུལ༔ ཐོག་ལྟར་འབེབས་ཤིང་སེར་ལྟར་འདྲིལ༔ གཞན་ཡང་དཔལ་གྱི་རྣམ་འཕྲུལ་ནི༔ སྤྲུལ་པ་ཡང་སྤྲུལ་བསམ་མི་ཁྱབ༔ གྲངས་མེད་ཉི་ཟེར་རྡུལ་ལྟར་འཁྲིགས༔ སྣང་སྟོང་ཟུང་འཇུག་ཆེན་པོར་གསལ༔ གཙོ་འཁོར་ཀུན་གྱི་གནས་གསུམ་དུ༔ རྡོ་རྗེ་གསུམ་གྱི་ཡི་གེས་མཚན༔ དེ་བཞིན་གཤེགས་པ་ཐམས་ཅད་ཀྱི༔ སྐུ་གསུང་ཐུགས་ཀྱི་བདག་ཉིད་གྱུར༔ གཉིས་པ་ཡེ་ཤེས་ཀྱི་འཁོར་ལོ་སྤྱན་འདྲེན་པ་ནི། ཐུགས་སྲོག་འོད་ཀྱིས་ཕྱོགས་བཅུར་ཁྱབ༔ རོལ་པ་ཆེན་པོའི་ཞིང་ཁམས་ནས༔ རབ་འབྱམས་རྒྱལ་བ་སྲས་བཅས་དང༔ ཁྱད་པར་རྔ་ཡབ་དཔལ་གྱི་རི༔ ལངྐ་སྲིན་པོའི་གྲོང་ཁྱེར་ནས༔ དཔལ་ཆེན་པདྨ་ཀཱི་ལ་ཡ༔ དབྱིངས་ནས་སྤྱན་དྲངས་དབྱེར་མེད་གྱུར༔ ཧཱུྃ་ཧཱུྃ་ཧཱུྃ༔ བཞེངས་ཤིག་ཆོས་ཀྱི་དབྱིངས་ནས་བཞེངས༔ བསྐུལ་ལོ་འགྲོ་བའི་དོན་དུ་བསྐུལ༔ སྔོན་གྱི་ཐུགས་དམ་མ་གཡེལ་བར༔ མི་མངོན་དབྱིངས་ནས་གཤེགས་སུ་གསོལ༔ དཔལ་རི་པདྨ་འོད་གླིང་ནས༔ བླ་མ་དྲག་པོ་ཀཱི་ལ་ཡ༔ དབང་དྲག་རོལ་པའི་ལྷ་ཚོགས་རྣམས༔ དྲག་ཤུལ་སྟོབས་ཀྱིས་གནས་འདིར་གཤེགས༔ གཟུང་འཛིན་དགྲ་བགེགས་འདུལ་བ་དང༔ མཐུ་སྟོབས་དྲག་རྩལ་དངོས་གྲུབ་སྩོལ༔ སྒོ་གསུམ་ལྷ་སྔགས་ཡེ་ཤེས་ཀྱི༔ རྡོ་རྗེ་ཡེ་ཤེས་བསྐྱེད་དུ་གསོལ༔ ཨོཾ་ཤྲཱི་ཧེ་རུ་ཀ་པདྨཱནྟ་ཀྲྀཏ་བཛྲ་ཀཱི་ལི་ཀཱི་ལ་ཡ་ས་པ་རི་ཝཱ་ར་ཨེ་ཧྱ་ཧི་ཧྲཱིཾ་ཧྲཱིཾ་ཕེཾ་ཕེཾ༔ ས་མ་ཡ་ཛཿཛཿ ཛཿཧཱུྃ་བྃ་ཧོ༔ གསུམ་པ་བཞུགས་སུ་གསོལ་བ་ནི༔ ཧཱུྃ་ཧྲཱིཿ གདོད་ནས་སྣང་སྲིད་ཡེ་ཤེས་ལྷ་ཡི་དལ༔ དག་པ་རབ་འབྱམས་དམ་ཚིག་འཁོར་ལོ་ལ༔ དབྱིངས་ནས་སྤྱན་དྲངས་ཡེ་ཤེས་སྐུ་གསུམ་ལྷ༔ རྟག་ཏུ་འདུ་འབྲལ་མེད་པ་བརྟན་པར་བཞུགས༔ ས་མ་ཡ་ཏིཥྛ་ལྷན༔ བཞི་པ་ཕྱག་འཚལ་བ་ནི། ཧཱུྃ་ཧྲཱིཿ རྩ་གསུམ་རྒྱལ་བ་རབ་འབྱམས་མ་ལུས་པའི༔ ཡེ་ཤེས་ཐུགས་རྗེའི་བཀོད་པ་ཀུན་འདུས་པ༔ དབང་དྲག་བདེ་ཆེན་རྒྱལ་བའི་དཀྱིལ་འཁོར་ལྷར༔ མི་ཕྱེད་གུས་པའི་བརྡ་ཡིས་ཕྱག་བགྱིའོ༔ ན་མོ་ན་མ་མི༔ ལྔ་པ་མཆོད་པ་འབུལ་བ་ནི། ཧཱུྃ་ཧྲཱིཿ ཆོས་ཉིད་ཀ་ནས་དག་པའི་ངོ་བོ་ལས༔ ཆོས་ཅན་སྒྱུ་འཕྲུལ་ཀུན་བཟང་རྡོ་རྗེའི་གར༔ རབ་འབྱམས་མཆོད་པ་ཆེན་པོ་བླ་ན་མེད༔ ཕྱི་ལྟར་ཉེར་སྤྱོད་དུར་ཁྲོད་དྲག་པོའི་རྫས༔ ནང་དུ་སྨན་རཀ་གཏོར་མའི་འདོད་ཡོན་གཏེར༔ གསང་བ་བདེ་སྟོང་གཉིས་མེད་སྦྱོར་སྒྲོལ་གར༔ གཟུང་འཛིན་རང་གྲོལ་ཆེན་པོར་བཞེས་སུ་གསོལ༔ ཨོཾ་ཨཱཿཧཱུྃ་བཛྲ་གུ་རུ་པདྨ་ཀཱི་ལ་ཡ་དྷེ་ཝ་དྷཱ་ཀི་ནཱི་མཎྜ་ལ་ས་པཱ་རི་ཝཱ་ར་ཨརྒྷཾ་ནས་ ཤབྟ་མ་ཧཱ་པཉྩ་ཨ་མྲྀ་ཏ་རཀྟ་བ་ལིཾ་ཏ་ཏ་ན་ག་ན་མ་ཧཱ་སུ་ཁ་པཱུ་ཛ་དྷརྨ་དྷཱ་ཏུ་ཨ༔ དྲུག་པ་བསྟོད་པ་བྱ་བ་ནི༔ ཧཱུྃ་ཧྲཱིཿ ཆོས་སྐུ་བདེ་ཆེན་འོད་མི་འགྱུར༔ ལོངས་སྐུ་པདྨ་དབང་དྲག་འབར༔ བདུད་དཔུང་འཇོམས་མཛད་ཀཱི་ལ་ཡ༔ སྤྲུལ་སྐུ་དབང་ཆེན་ཕྱག་རྒྱར་བསྟོད༔ སྒེག་པ་འཇིགས་རུང་གཟི་བརྗིད་འབར༔ རྒོད་གཤེ་དྲག་ཤུལ་ས་གསུམ་གཡོ༔ སྙིང་རྗེ་རྔམས་ཞི་ཡེ་ཤེས་ལྷ༔ ཁྲག་འཐུང་རོལ་པའི་ཚོགས་ལ་བསྟོད༔ ཆོས་ཉིད་ཞི་ལས་མ་གཡོས་ཀྱང༔ གདུག་པ་ཅན་རྣམས་འདུལ་བའི་ཕྱིར༔ འཇིགས་བྱེད་རོལ་པའི་སྐུར་སྟོན་པ༔ གཙོ་འཁོར་སྤྲུལ་པར་བཅས་ལ་བསྟོད༔ བདུན་པ་རྩ་བསྙེན་འཛབ་བཟླས་རིམ་པ་ནི། བདག་ཉིད་རྩ་བའི་དཀྱིལ་འཁོར་ལས༔ མེ་ལོང་གཟུགས་བརྙན་ཇི་བཞིན་དུ༔ ཡེ་ཤེས་དཀྱིལ་འཁོར་གཉིས་པ་དབྱེ༔ མདུན་མཁར་དགྱེས་པས་བཞུགས་བར་གྱུར༔ བདག་མདུན་ཐུགས་ཀར་ཙིཏྟ་ནི༔ རིན་ཆེན་རཱ་གའི་གུར་ཕུབ་ལྟར༔ ལྟེ་བར་ཉི་མ་ལ་གནས་པའི༔ རྡོ་རྗེ་རྩེ་ལྔའི་ལྟེ་བར་ཧཱུྃ༔ རྩ་བའི་སྔགས་ཀྱི་ཕྲེང་བས་བསྐོར༔ འོད་ཟེར་རབ་འབར་འཕྲོས་འདུ་ཡིས༔ རྩ་གསུམ་ལྷ་ཚོགས་ཐུགས་རྒྱུད་བསྐུལ༔ རྒྱལ་བའི་མཁྱེན་ནུས་བྱིན་རླབས་རྣམས༔ ལྷ་སྔགས་ཕྱག་མཚན་འབྲུ་གསུམ་པོ༔ རང་ལ་སིབ་སིབ་ཐིམ་པ་ཡིས༔ ཡེ་ཤེས་གཟི་བརྗིད་ཆེ་འབར་གྱུར༔ ཨོཾ་པདྨ་ཀཱི་ལ་ཡ་ཧཱུྃ༔ ཞེས་བཟླས་འཁྲུལ་རྟོག་འོག་འགྱུ་དང༔ རྒྱ་འབྱམས་མི་ཚིག་བར་མཆོད༔ རིག་སྟོང་མཐའ་བྲལ་ཡེ་ཤེས་ངང༔ འབུམ་ཕྲག་དགུ་བཟླས་ནུས་ཐོན་འགྱུར༔ ལྷ་དང་སྐལ་མཉམ་རྩ་བསྙེན་ནོ༔ སླར་ཡང་ཐུགས་སྲོག་ས་བོན་མཐར༔ སྒྲུབ་པའི་སྔགས་ཀྱི་ཕྲེང་བས་བསྐོར༔ བཟླས་པའི་རྐྱེན་གྱིས་བདེ་ཆེན་གྱི༔ འོད་ཟེར་རབ་འཕྲོས་མཁའ་ཁྱབ་བརྡལ༔ ཕྱོགས་བཅུའི་ཞིང་ཁམས་རབ་འབྱམས་ཀྱི༔ བདེ་གཤེགས་སྲས་མཆོག་ཐམས་ཅད་དང༔ དཀྱིལ་འཁོར་ལྷ་ཚོགས་མ་ལུས་པ༔ ཁྲག་འཐུང་ཁྲོ་བོའི་ཐུགས་དམ་བསྐུལ༔ དམ་ཅན་སྡེ་བརྒྱད་ལས་ལ་གཟིར༔ མ་རུངས་གདུག་ཅན་ཚར་ཐག་བཅད༔ ཁམས་གསུམ་འགྲོ་བའི་སྒྲིབ་པ་སྦྱངས༔ སྣང་སྲིད་པདྨ་དྲག་པོ་ཡི༔ ལྷ་སྔགས་ཡེ་ཤེས་རོལ་པར་གྱུར༔ ཨོཾ་པདྨཱནྟ་ཀྲྀཏ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུྃ་ཕཊ྄༔ ཅེས་འབུམ་ཕྲག་གསུམ་བཟླ་བར་གསུངས་སོ། །བརྒྱད་པ་བཟླས་པའི་རྣལ་འབྱོར་ལས་ལྡང་བ་ནི། དབྱངས་གསལ་རྟེན་སྙིང་ཡིག་བརྒྱ་བཅས་ཀྱིས་ལྷག་ཆད་ཁ་བསྐང་ཞིང༌། ཡེ་ཤེས་ལྷ་ཚོགས་སྤྱན་འདྲེན་གཤེགས། སོག་ཀྱིས་སྟོང་ཚིགས་འབུལ། སྐབས་འདིར་བཀའ་གཏེར་སྲུང་མའི་གཏོར་ཆོག་རྒྱས་བསྡུས་ཅི་འགྲུབ་བྱ། གསུམ་པ་རྗེས་ཀྱི་རིམ་པ་ལ། དང་པོ་ཐབས་ཤེས་ཀྱི་རྫས་བྱིན་གྱིས་བརླབ་པ་ནི༔ ཧཱུྃ༔ བདག་ཉིད་དཔལ་ཆེན་ཐུགས་ཀ་ནས༔ ཡི་གེ་རྃ་ཡྃ་ཁྃ་གསུམ་འཕྲོས༔ ཚོགས་ཀྱི་དངོས་འཛིན་བསྲེགས་གཏོར་བཀྲུས༔ རྃ་ཡྃ་ཁྃ་སྥ་ར་ཎ་ཁཾ༔ སླར་ཡང་སྙིང་པོ་འབྲུ་གསུམ་གྱིས༔ ཟག་མེད་འདོད་ཡོན་བདུད་རྩིར་བསྐྱིལ༔ ཁ་དོག་དྲི་རོ་བཅུད་ལྡན་པའི༔ གཟུགས་སྒྲ་དྲི་རོ་རེག་བྱ་སོགས༔ ཚོགས་ཀྱི་མཆོད་པ་རྒྱ་ཆེར་གྱུར༔ ཨོཾ་ཨཱཿཧཱུྃ་ཧོཿ ཚོགས་ཞིང་སྤྱན་དྲང་བ་ནི། ཧཱུྃ༔ ཆོས་དབྱིངས་རབ་འབྱམས་ཕོ་བྲང་ཆེ༔ སྐུ་གསུམ་དག་པའི་གཞལ་ཡས་དང༔ ལྷོ་ནུབ་དཔལ་རི་པདྨ་འོད༔ རྔ་ཡབ་ལངྐའི་གྲོང་ཁྱེར་ནས༔ བཅོམ་ལྡན་རྒྱལ་བ་སྲས་བཅས་ཚོགས༔ བརྒྱུད་གསུམ་བླ་མ་ཡི་དམ་ལྷ༔ མཁའ་འགྲོ་ཆོས་སྐྱོང་སྲུང་མར་བཅས༔ དཔལ་ཆེན་པདྨ་ཀཱི་ལ་ཡའི༔ ལྷ་ཚོགས་སྤྲུལ་འཁོར་བཅས་པ་རྣམས༔ ཡེ་ཤེས་ཚོགས་ལ་སྤྱན་འདྲེན་ན༔ བར་ཆད་བཟློག་ཕྱིར་གཤེགས་སུ་གསོལ༔ བཛྲ་ས་མ་ཡ་ཛཿ ཛཿཧཱུྃ་བྃ་ཧོཿ ཚོགས་མཆོད་འབུལ་བ་ནི། ཧཱུྃ༔ བླ་མེད་ཚོགས་ཀྱི་ལོངས་སྤྱོད་དང༔ སྲིད་ཞིའི་འདོད་ཡོན་མཆོད་རྫས་ཀྱིས༔ ཁྲོ་རྒྱལ་འཁོར་བཅས་ཐུགས་དམ་བསྐང༔ དགྱེས་པར་བཞེས་ལ་དངོས་གྲུབ་སྩོལ༔ ཨོཾ་བཛྲ་ཀྲོ་དྷ་རཱ་ཛ་པདྨ་ཀཱི་ལི་ཀཱི་ལ་ཡ་སརྦ་ག་ཎ་ཙཀྲ་པཱུ་ཛ་ཁཱ་ཧི༔ གནོང་ཞིང་བཤགས་པ་ནི། བདག་ཅག་ཐོག་མར་འཁྲུལ་པའི་བློས༔ ཉོན་མོངས་མི་དགེའི་དབང་གྱུར་ནས༔ བག་མེད་འགལ་འཁྲུལ་ཉམས་པ་ཡིས༔ ཁྱོད་ཐུགས་དམ་ལས་ཅི་འགལ་བ༔ མཐོལ་ལོ་བཤགས་སོ་ཚངས་པར་སྩོལ༔ བཛྲ་ས་མ་ཡ་བི་ཤུདྡྷེ་ཨ་ཨ་ཨཿ བར་པ་ཚོགས་ཀྱི་མཆོད་པས་བསྐང་བ་ནི། ཨོཾ་ཨཱཿཧཱུྃ་ཧ་ཧོ་ཧྲཱིཿ དུར་ཁྲོད་རོལ་པའི་གནས་མཆོག་དམ་པ་འདིར༔ མཆོད་པའི་སྐོང་རྫས་ནམ་མཁའ་མཛོད་ཀྱི་སྒོ༔ དངོས་བཤམས་ཡིད་སྤྲུལ་མི་ཟད་རབ་ཕྱེ་ནས༔ བསྐང་ངོ་བསྐལ་བའི་ཐུགས་དམ་གཉན་པོ་བསྐང༔ བརྒྱུད་གསུམ་རིག་འཛིན་བླ་མའི་ཐུགས་དམ་བསྐང༔ ཡི་དམ་སྒྲུབ་སྡེ་ཞི་ཁྲོའི་ཐུགས་དམ་བསྐང༔ དཔའ་བོ་མཁའ་འགྲོ་རྒྱ་མཚོའི་ཐུགས་དམ་བསྐང༔ དམ་ཅན་ཆོས་སྐྱོང་སྲུང་མའི་ཐུགས་དམ་བསྐང༔ ཕྱི་མཆོད་མེ་ཏོག་བདུག་སྤོས་མར་མེ་དྲི༔ ཞལ་ཟས་རོལ་མོ་ལྷ་མིའི་ལོངས་སྤྱོད་སོགས༔ གཟུགས་སྒྲ་དྲི་རོ་རེག་བྱས་ཆོས་དབྱིངས་གང༔ སྣང་སྲིད་ཐམས་ཅད་མཆོད་པའི་ཕྱག་རྒྱར་འབུལ༔ ནང་མཆོད་གཟུང་འཛིན་དབྱིངས་སུ་བསྒྲལ་བའི་རྫས༔ ཁྲག་གི་མཆོད་ཡོན་དབང་པོའི་མེ་ཏོག་དང༔ ཚིལ་གསུར་བདུག་སྤྲིན་ཞུན་ཆེན་སྒྲོན་མེ་གསལ༔ མཁྲིས་པའི་དྲི་ཆབ་ཤ་རུས་ཞལ་ཟས་ཚོགས༔ རྐང་གླིང་ཐོད་རྔ་དྲག་པོའི་འབུད་སྒྲ་དང༔ བདུད་རྩི་རཀྟ་བམ་རོའི་གཏོར་མ་ཆེ༔ རྨད་བྱུང་དམ་རྫས་རྒྱ་ཆེ་མི་ཟད་པས༔ བླ་མ་དྲག་པོ་འཁོར་བཅས་ཐུགས་དམ་བསྐང༔ གསང་བ་གཉིས་མེད་བདེ་སྦྱོར་ལྷན་སྐྱེས་ཀྱི༔ དགའ་བཞིའི་ཕྱག་རྒྱ་ཡེ་ཤེས་རོལ་པས་བསྐང༔ གདོད་མའི་བདེ་གཤེགས་སྙིང་པོའི་རང་བཞིན་ལས༔ སྲིད་ཞིའི་ཆོས་རྣམས་དག་པ་རབ་འབྱམས་ཀྱིས༔ དཀྱིལ་འཁོར་ལྷ་ཚོགས་ཐུགས་དམ་དགྱེས་བསྐངས་ནས༔ རྣལ་འབྱོར་བདག་ལ་ཐུགས་རྗེ་ཆེན་པོ་མཛོད༔ ཧཱུྃ༔ དེ་ལྟར་བསྐངས་བའི་བྱིན་མཐུ་ཡིས༔ ཉམས་ཆག་ཐམས་ཅད་སོར་ཆུད་ནས༔ ཚངས་པ་མཆོག་གི་དངོས་གྲུབ་ནི༔ ད་ལྟ་ཉིད་དུ་བདག་ལ་སྩོལ༔ ཡི་གེ་བརྒྱ་པ་རྩེ་གཅིག་བཟླ། ཐ་མ་བསྒྲལ་མཆོད་ནི། ཚོགས་ཟན་ལ་རྟེན་བྱས་ཏེ། ཧཱུྃ་ཞེས་སྐད་ཅིག་དྲན་རྫོགས་སུ༔ སྣང་སྲིད་ཐམས་ཅད་ཁྲོ་བོར་བཞེངས༔ ཕོ་ཉ་སྤྲོས་པས་དགྲ་བགེགས་ཀུན༔ དམིགས་རྟེན་ལ་བསྟིམས་དབྱེར་མེད་གྱུར༔ ཨེ་ནྲྀ་ཏྲི་སརྦ་ཤ་ཏྲཱུཾ་བིགྷྣཱན་ཛཿཧཱུྃ་བྃ་ཧོ༔ ཞེས་འགུགས་བསྟིམ་བྱས་ལ། ཧཱུྃ༔ བདག་ཉིད་བླ་མ་དྲག་པོ་རྩལ༔ ཕྱག་ན་སྲས་མཆོག་ཕུར་པ་འདྲིལ༔ དགྲ་བགེགས་སྙིང་ལ་བཏབ་པ་ཡིས༔ ལུས་ངག་རྡུལ་ཕྲན་བཞིན་དུ་བརླག༔ ཚེ་བསོད་དྭངས་མ་རང་ལ་བསྟིམས༔ རྣམ་ཤེས་ཆོས་ཀྱི་དབྱིངས་སུ་ཕཊ྄༔ ལྔ་ཕུང་དུག་ལྔའི་ཕུང་པོ་འདི༔ ཡེ་ཤེས་བདུད་རྩིའི་མཆོད་པ་བཞེས༔ མ་ཧཱ་མྃ་ས་རཀྟ་ཀིཾ་རི་ཏི་ཁཱ་ཧི༔ དེ་ནས་བརྡའི་འབུལ་ལེན་དང་ལྡན་པས་རྣལ་འབྱོར་ཕོ་མོ་ཚོགས་ལ་རོལ་པ་སྤྱི་ལྟར་རོ། །གཉིས་པ་ལྷག་མ་བདུད་རྩིས་བྲན་ལ། ཨོཾ་ཨཱཿཧཱུྃ༔ མ་མ་ཧྲཱིཾ་ཧྲཱིཾ་བ་ལིངྟ་ཁཱ་ཧི༔ དཔལ་ཆེན་པདྨ་ཧེ་རུ་ཀའི༔ བཀའ་ཉན་ལྷག་སྡུད་ཕོ་ཉའི་ཚོགས༔ འདིར་གཤེགས་གཡར་དམ་བཅས་པ་བཞིན༔ གཏོར་མ་ལོངས་ལ་ཕྲིན་ལས་མཛོད༔ ས་མ་ཡ་བྷྱོ་ཛ་ཕཊ྄༔ གསུམ་པ་ཆད་དམ་བསྒྲག་པ་ནི། ཧཱུྃ༔ སྔོན་ཚེ་བར་དང་ཐ་མའི་སྙིགས་དུས་འདིར༔ བརྒྱུད་གསུམ་རིག་འཛིན་བླ་མའི་སྤྱན་སྔ་རུ༔ རང་རང་སྲོག་གི་སྙིང་པོ་སྔོན་དུ་ཕུལ༔ ཁས་བླངས་དམ་ལས་མ་འདའ་གཏོར་མ་བཞེས༔ སརྦ་དྷརྨ་པཱ་ལ་ས་མ་ཡ་ཀརྨ་ཀུ་རུ་ཧོཿ བཤལ་ཆུས་བརྟན་མ་མཆོད་པ་ནི། བྷྱོ༔ བོད་ཁམས་སྐྱོང་མཛད་བརྟན་མའི་ཚོགས༔ བདུད་མོ་སྨན་མོ་གནོད་སྦྱིན་མོ༔ ཁྱེད་ཅག་སྔོན་གྱི་གཡར་དམ་ཅན༔ གཏོར་མ་འདི་བཞེས་ཕྲིན་ལས་མཛོད༔ བཞི་པ་རྟ་བྲོ་བརྡུང་བ་ནི། ཧཱུྃ༔ སྲིད་གསུམ་འབར་པའི་ཧོམ་ཁུང་དུ༔ བདུད་དང་རྒྱལ་འགོང་མ་ལུས་པ༔ རྡོ་རྗེ་སྲིན་པོའི་བྲོ་ཡིས་མནན༔ ནམ་ཡང་ལྡང་བར་མ་བྱེད་ཅིག༔ སྟྭཾ་བྷ་ཡ་ནན༔ གཏོར་གཞོང་བཟེད་ལ་འབྲུ་འཐོར་ལ། རྒྱལ་བའི་དཀྱིལ་འཁོར་ལྷ་ཚོགས་ཀྱིས༔ རྟེན་འབྲེལ་ཇི་བཞིན་སྨོན་ལམ་ཤུགས༔ ཕྲིན་ལས་རྣམ་བཞིའི་དཔལ་སྦྱོར་རྒྱས༔ ཕྱོགས་ལས་རྣམ་རྒྱལ་བཀྲ་ཤིས་ཤོག༔ ལྔ་པ་གཏང་རག་མཆོད་བསྟོད་དངོས་གྲུབ་བཅས་ནི། ཧོཿ དབྱིངས་ནས་སྤྱན་དྲངས་ལྷ་ཚོགས་ལ༔ ཕྱི་ནང་གསང་བའི་མཆོད་པ་འབུལ༔ ་མཆོག་ཏུ་དད་པས་ཕྱག་འཚལ་ལོ༔ སྐུ་གསུང་ཐུགས་ཡོན་དངོས་གྲུབ་སྩོལ༔ སརྦ་སིདྡྷི་ཕ་ལ་ཧོ༔ དེ་ནས་ནོངས་བཤགས་ནི། ཧོཿ གསང་སྔགས་གཉན་གྱི་ཆོ་ག་ལ༔ དམ་ཚིག་སྤྱི་དང་བྱེ་བྲག་གི༔ མ་འབྱོར་ཉམས་ཆག་ཅི་མཆིས་པ༔ ཐམས་ཅད་མ་ལུས་དག་པར་མཛོད༔ ཡིག་བརྒྱ་དབྱངས་གསལ་རྟེན་སྙིང་བརྗོད༔ ཡེ་ཤེས་པ་རྣམས་རྟེན་ལ་བསྟིམ༔ དྲུག་པ་བསྐྱེད་རིམ་བསྡུ་བ་ནི། ཧཱུྃ༔ རང་བཞིན་སྣང་སྲིད་ལྷ་ཚོགས་རྣམས༔ མཐའ་ནས་དབུས་ཞུ་གཙོ་ལ་ཐིམ༔ ཏིང་འཛིན་སེམས་དཔའ་ཧཱུྃ་ཡིག་ཀྱང༔ སྐྱེ་མེད་དབྱིངས་ཀྱི་ནཱ་དར་བསྡུ༔ བདུན་པ་ཐུན་མཚམས་ལྷར་ལྡང་བ་ནི། ཨ༔ སླར་ཡང་སྐད་ཅིག་སྟོང་གསལ་ལས༔ མ་འགག་སྒྱུ་མའི་རོལ་རྩལ་གྱིས༔ དཔལ་ཆེན་རྡོ་རྗེ་ཁྲོ་བོའི་སྐུ༔ སྣང་གྲགས་རིག་གསུམ་རོལ་པར་ཤར༔ ཧཱུྃ་ཧཱུྃ་ཧཱུྃ༔ བརྒྱད་པ་བསྔོ་སྨོན་ནི། ཧོཿ ཚོགས་གཉིས་བསགས་པའི་དགེ་ཚོགས་རྣམས༔ ཁམས་གསུམ་སེམས་ཅན་དོན་དུ་བསྔོ༔ བསྡོ་མཁན་ཀ་དག་ཆོས་སྐུའི་ཀློང༔ ཐམས་ཅད་རྫོགས་བྱང་ཐོབ་པར་ཤོག༔ དགུ་པ་ཤིས་བརྗོད་ནི། ཧྲཱིཿ ཆོས་དབྱིངས་སྤྲོས་བྲལ་བྱང་ཆུབ་སྙིང་པོའི་སྐུ༔ ཀ་དག་ལྷུན་གྲུབ་ཀུན་ཁྱབ་དཀྱིལ་འཁོར་ནས༔ རྔམས་བརྗིད་དབང་དྲག་རོལ་པ་ཧེ་རུ་ཀ༔ གང་སྐུ་གཞོམ་ཞིག་བྲལ་བའི་བཀྲ་ཤིས་ཤོག༔ སྐྱེ་མེད་ཆོས་དབྱིངས་འོད་གསལ་རྡོ་རྗེའི་སྒྲ༔ འགག་མེད་ཧཱུྃ་གིས་སྡེ་བརྒྱད་བྲན་དུ་བཀོལ༔ མ་བཅོས་རང་བྱུང་ཡེ་ཤེས་ལྔ་ལྡན་རྫོགས༔ ཐུགས་རྗེ་གང་འདུལ་བསམ་ཡས་བཀྲ་ཤིས་ཤོག༔ ཟབ་གསང་སྙིང་པོ་རྡོ་རྗེ་ཐེག་པ་ཡི༔ བསྟན་པ་པ་རིན་ཆེན་གར་ཁྱབ་རྒྱལ་ཁམས་སུ༔ དཔལ་འབྱོར་རབ་རྒྱས་འགྲོ་ཀུན་ཆོས་བཞིན་སྤྱོད༔ རང་གཞན་དོན་གཉིས་འགྲུབ་པའི་བཀྲ་ཤིས་ཤོག༔ ཅེས་བརྗོད་མེ་ཏོག་ཆར་དུ་བསྙིལ། རོལ་མོའི་སྒྲ་འཇམ་ལ་དལ་བ་སྦྱར། སྟོང་ཉིད་སྙིང་རྗེ་ཟུང་འཇུག་ལྷ་སྔགས་ཡེ་ཤེས་ཀྱི་འཁོར་ལོ་དང་མ་བྲལ་བའི་ངང་ནས་སྤྱོད་ལམ་ལ་འཇུག་པར་བྱའོ། །དབང་ཆེན་གཟི་བརྗིད་བསྐལ་པའི་མེས། །ཡིད་སྲུབས་རྩ་སྦུར་དབྱིངས་བསྲེགས་ནས། །སྙིགས་མའི་གདུང་སྐྱོབ་རྨད་བྱུང་བ། །སྐལ་བཟང་བསྟན་འགྲོའི་དཔལ་གྱུར་ཅིག །ཅེས་པའང་ལུང་ཟིན་ཆོས་ཀྱི་བདག་པོ་ཀློང་ཆེན་ཡེ་ཤེས་རྡོ་རྗེའི་དག་སྣང་གི་སྤྱན་རས་ཡངས་བས་ཆེད་དུ་བཀའ་བསྩལ་བཞིན་འཇམ་མགོན་རྡོ་རྗེ་འཆང་རྣམ་གསུམ་གྱི་ཐུགས་རྗེའི་གཟིགས་པའི་གདུལ་བྱ་ཙམ་དུ་གཏོགས་པའི་རིག་སྔགས་འཆང་བ་འཇིགས་མེད་མཁྱེན་བརྩེ་འོད་ཟེར་པདྨ་གར་དབང་མདོ་སྔགས་གླིང་པས་འཕགས་ཡུལ་རྡོ་རྗེ་གླིང་གི་རི་བོའི་སྦོ་ནས་བྲིས་པར་འབྲེལ་ཚད་བླ་མ་པདྨ་ཧེ་རུ་ཀ་ཆེན་པོའི་ཡེ་ཤེས་ཀྱི་ཐིག་ལེར་འདོད་རྒུར་རྩེན་པའི་རྒྱུར་གྱུར་ཅིག །དགེའོ།། །དགེའོ།། །དགེའོ།།

[edit]

@#/__/bla sgrub dwangs ma'i thig le'i yang zab bla phur sbrags ma'i las byang khrigs su bkod pa dngos grub 'dod rgu'i 'byung gnas zhes bya ba bzhugs so//

@#/__/na mo gu ru pad+ma kro d+ha kI la ya/_bde chen sgyu 'phrul drwa ba'i rol gar ni/_/rgyal kun sku gsung thugs kyi rdo rje'i tshul/_/ma hA gu ru pad+ma kI la yar/_/rab gus dad pa'i yid kyis spyi bor mchod/_/gang gi thugs bcud zab rgya'i chos/_/yang zab bla ma sgrub pa'i tshul/_/drag po pad+ma kI la ya'i/_/phrin las 'dus gsal snying po spel/_/'di la gsum/_sbyor ba/_dngos gzhi/_rjes so/__/dang po/_sbyor ba'i chos ni/_yid dang mthun pa'i gnas khang rgyan dang byi dor gyis mdzes pa'i gung du gzhung mthun gyi sku rten mdun/_sman raka gtor ma/_zhi drag gi nyer spyod/_tshogs dang 'brel na chad brtan/_dkar bgegs/_thabs shes kyi dam rdzas sogs 'og tu dgos pa'i yo byad rigs 'du bya'o/__/gnyis pa skyabs su 'gro ba ni/_mdun gyi nam mkhar bla ma dpal chen he ru ka bdud 'dul pad+ma kI la yar rtsa gsum rgyal ba rab 'byams kyis bskor ba badz+ra sa ma dzaH_hU~M hU~M hU~M:_bla ma rtsa gsum 'dus pa'i sku:_khro rgyal pad+ma kI la ya:_skyabs yul rgya mtsho'i tshogs bcas la:_snying nas dad pas skyabs su mchi:_lan gsum/__gsum pa sems bskyed pa ni/_sems can kun gyi don phyir du:_rdzogs pa'i sangs rgyas thob 'dod la:_bar du gcod pa'i bdud btul nas:_bla ma drag po bsgrub par bya:_lan gsum/_bzhi pa tshogs bsags pa ni/_rang sems skye ba med pa'i zhing:_rig rtsal lhun grub rtsa gsum tshogs:_ma 'gag rang shar ngang la bzhugs:_dbyings rig dbyer med mjal phyag 'tshal:_rang grol bde chen mchod pa 'bul:_gnyis snang 'dzin spros bral klong du bshags:_rig stong rjen par rjes yi rang:_gdod nas dag pa'i chos 'khor bskor:_'chi med lhun grub bzhugs gsol 'debs:_dge tshogs kun bzang sa thob shog:_badz+ra muH_tshogs zhing 'od gsal ngang la thim:__lnga pa bla ma'i rnal 'byor ni/_dmigs med mkha' dbyings dag pa'i zhing:_'dzin med rang rtsal pad+ma 'byung:_rdo rje 'chang dbang sku mdog sngo:_mtshan dpe'i gzi brjid dpal 'bar ba:_longs spyod rdzogs sku'i rgyan gyis spras:_phyag gnyis rdor dril yum la 'khyud:_bde stong dbyer med ngang du gsal:_dus gsum bde gshegs thams cad kyi:_sku gsung thugs mchog 'dus pa'i dpal:_rigs gsum khyab bdag bla ma la:_snying nas gus pas gsol ba 'debs:_phyi nang gsang ba'i bar chad sol:_mchog thun dngos grub bstsal du gsol:_rang sems chos sku mngon gyur nas:_spang rtogs yon tan rdzogs gyur cig:_a a a:_rtse gcig gdung bas gsol btab mthus:_bla ma rdo rje 'chang dbang po:_dgyes pa'i 'dzum zhal dang bcas te:_gsang ba gsum gyi 'od zer gyis:_bdag gi nyams grib kun sbyangs nas:_lam bzhi sgom pa'i snod du gyur:_bla ma 'od zhu bdud rtsi'i rgyun:_gnas bzhir rim gyis babs pa yi:_dbang bzhis smin cing sku bzhi thob:_phyi rol gzung bas ma gos shing:_nang du 'dzin pas ma bcings pa:_bar du 'od gsal rang ngo shes:_rje btsun bla ma'i thugs dgongs dang:_dbyer med khyab brdal klong yangs su:_zung 'jug ye shes sku 'grub shog:_ces brjod/__drug pa bgegs la bka' bsgo ba ni/_ra~M ya~M kha~M:_bdag nyid pad+ma he ru ka'i:_thugs las ra~M ya~M kha~M gsum 'phros:_gtor ma'i ma dag bsregs gtor bkrus:_'dod yon zad mi shes par gyur:_oM AHhU~M ha ho hrIH_lan gsum/_hU~M:_gnyis 'khrul pa'i bdud bgegs kun:_mchod sbyin bzang po 'di khyer la:_gnas 'dir ma 'dug gzhan du dengs:_gal te mi 'gro 'tshe byed na:_sprul pa khro bos rdul du brlag:_hU~M bzhi'i drag sngags thun gyis brab:__bdun pa mtshams bcad pa ni/_hU~M:_rang bzhin lhun grub dkyil 'khor nas:_bgegs zhes bya ba'i yul med kyang:_ma rtogs 'khrul 'khor thams cad kun:_dag mnyam rdo rje'i srung 'khor gyur:_oM AHhU~M badz+ra rak+Sha rak+Sha b+h+rU~M:__brgyad pa byin 'bebs pa ni/_hU~M hrIH_sku gsum rgyal ba'i zhing khams nas:_rab 'byams rtsa ba gsum gyi lha:_gtso 'khor sprul pa rab 'byams kun:_nam mkha' bar snang sa gzhi khyab:_sku yi gar stabs shigs se shig:_gsang sngags 'dzab kyi glu dang bcas:_bde stong rdo rje'i gar bsgyur bzhin:_gnas 'dir spyan 'dren gshegs su gsol:_sgrub mchog bdag la byin gyis rlobs:_bgegs dang log 'dren bar chad sol:_mchog thun dngos grub char ltar phob:_oM AHhU~M badz+ra gu ru pad+ma d+he wa d+hA ki ni sarba sa ma ya a be sha ya pheM pheM hrIM hrIM dzaHdzaH__dgu pa bshags pa ni/_hoH_gdod nas rnam dag ye shes lha:_rang dang gnyis su med bzhugs kyang:_ma rtogs gzung 'dzin 'khrul pa'i tshogs:_ye shes chos sku'i klong du bshags:_sa ma ya shud+d+he a:__bcu pa mchod rdzas byin gyis brlab pa ni/_ra~M ya~M kha~M:_phyi nang snod bcud mchod pa'i sprin:_gdod nas dag pa chen por rdzogs:_kun bzang sgyu 'phrul drwa ba'i sprin:_bde chen phyag rgya chen por shar:_oM badz+ra ar+g+haM nas/_shab+ta sarba pU dza A hU~M:_sarba pany+tsa a mr-i ta rak+ta ba liM ta ma hA su kha A hU~M:__gnyis pa dngos gzhi'i dang po dkyil 'khor dang lha bskyed pa ni/_hU~M hU~M hU~M:_rang sems gdod nas stong pa che:_rig gdangs rdo rje chen por shar:_zung 'jug smon pa med pa'i rtsal:_rgyu yi ting 'dzin hU~M dmar po:_'od kyis chos rnams stong par sbyangs:_stong pa'i ngang las skad cig gis:_snod bcud dag pa yul lnga'i klong:_'byung ba rim brtsegs ri rab steng:_phung po dag pa gzhal med khang:_gru bzhi sgo bzhi mtshan nyid rdzogs:_dur khrod 'jigs pa'i 'khor lo bskor:_ye shes zang thal chen po'i dkyil:_gnam lcags 'khor lo rtsibs bcu'i dbus:_pad nyi dam sri bsnol ba'i steng:_rang sems dag pa rgyu yi hU~M:_mkha' la nyi bzhin gsal ba yi:_'od zer yar mar 'phro 'du las:_rdo rje rtse dgu hU~M gis mtshan:_yongs gyur gnyug ma'i ye shes ni:_dpal chen pad+ma kI la ya:_sku mdog dmar nag dus me ltar:_khro bo chen po zhal gsum pa:_dbus zhal dmar nag drag tu khros:_g.yas dkar g.yon mthing bzhad gshe rngams:_khro gtum gar dgu'i gzi brjid 'bar:_spyi gtsug rta gdong ljang zhur 'tsher:_phyag drug dang pos rdo rje dang:_phyag g.yon b+han+d+ha dmar chen stob:_bar pa gnyis kyis lcags 'khor dang:_sdigs mdzub lcags sdig sprul pa 'gyed:_'og gnyis ri rab phur bu 'dril:_sbyor yum pad+mai shwa ri ma:_gri thod bsnams pa g.yon na rol:_khro mo'i rgyan dang cha lugs rdzogs:_gnas lngar gshin rje rta mchog dpal:_phyag rdor khros nag me dbal gtams:_gtso 'khor dur khrod chas brgyad dang:_mtshon cha'i gshog brkyangs nam mkhar lding:_khyung chen rnam lnga sprul pa 'gyed:_dpal chas yongs rdzogs nyams dang ldan:_sku smad gnam lcags phur pa ni:_zur gsum thog me'i tshwa tshwa 'phro:_gnod byed bdud bzhi'i snying la gzir:_drag shul rdo rje srin po ni:_shin tu mi bzad khros pa'i sku:_khams gsum za byed chen por gsal:_drag me 'khrugs pa'i klong na 'gying:_steng phyogs brgyud gsum bla ma dang:_bar du sgrub pa bka' brgyad lha:_phyi rol 'khor lo rtsibs bcu'i steng:_mdun nas g.yas bskor rim pa bzhin:_'jigs byed khro bo chen po bcu:_kun kyang mthing nag phur pa 'dril:_'jigs rung srin po'i cho 'phrul can:_hU~M hU~M phaTa? phaTa? drag po'i sgra:_stong gsum khro bos sngags sgra sgrogs:_stong nyid zhi las ma g.yos bzhin:_gdug pa can rnams tshar gcod phyir:_khor yug bar mtshams thams cad du:_me rlung mtshon cha 'khrugs pa'i klong:_gnas yul mkha' 'gro bka' sdod bcas:_pho nya dam can rgya mtsho'i tshogs:_snying rje khros pa'i skur bzhengs la:_dregs pa sde brgyad sprin ltar gtibs:_gtum drag nga ro'i stangs stabs kyis:_'jig rten shig shig yom yom 'gul:_thog ltar 'bebs shing ser ltar 'dril:_gzhan yang dpal gyi rnam 'phrul ni:_sprul pa yang sprul bsam mi khyab:_grangs med nyi zer rdul ltar 'khrigs:_snang stong zung 'jug chen por gsal:_gtso 'khor kun gyi gnas gsum du:_rdo rje gsum gyi yi ges mtshan:_de bzhin gshegs pa thams cad kyi:_sku gsung thugs kyi bdag nyid gyur:__gnyis pa ye shes kyi 'khor lo spyan 'dren pa ni/_thugs srog 'od kyis phyogs bcur khyab:_rol pa chen po'i zhing khams nas:_rab 'byams rgyal ba sras bcas dang:_khyad par rnga yab dpal gyi ri:_lang+ka srin po'i grong khyer nas:_dpal chen pad+ma kI la ya:_dbyings nas spyan drangs dbyer med gyur:_hU~M hU~M hU~M:_bzhengs shig chos kyi dbyings nas bzhengs:_bskul lo 'gro ba'i don du bskul:_sngon gyi thugs dam ma g.yel bar:_mi mngon dbyings nas gshegs su gsol:_dpal ri pad+ma 'od gling nas:_bla ma drag po kI la ya:_dbang drag rol pa'i lha tshogs rnams:_drag shul stobs kyis gnas 'dir gshegs:_gzung 'dzin dgra bgegs 'dul ba dang:_mthu stobs drag rtsal dngos grub stsol:_sgo gsum lha sngags ye shes kyi:_rdo rje ye shes bskyed du gsol:_oM shrI he ru ka pad+mAn+ta kr-ita badz+ra kI li kI la ya sa pa ri wA ra e h+ya hi hrIM hrIM pheM pheM:_sa ma ya dzaHdzaH_dzaHhU~M ba~M ho:__gsum pa bzhugs su gsol ba ni:_hU~M hrIH_gdod nas snang srid ye shes lha yi dal:_dag pa rab 'byams dam tshig 'khor lo la:_dbyings nas spyan drangs ye shes sku gsum lha:_rtag tu 'du 'bral med pa brtan par bzhugs:_sa ma ya tiSh+Tha lhan:__bzhi pa phyag 'tshal ba ni/_hU~M hrIH_rtsa gsum rgyal ba rab 'byams ma lus pa'i:_ye shes thugs rje'i bkod pa kun 'dus pa:_dbang drag bde chen rgyal ba'i dkyil 'khor lhar:_mi phyed gus pa'i brda yis phyag bgyi'o:_na mo na ma mi:__lnga pa mchod pa 'bul ba ni/_hU~M hrIH_chos nyid ka nas dag pa'i ngo bo las:_chos can sgyu 'phrul kun bzang rdo rje'i gar:_rab 'byams mchod pa chen po bla na med:_phyi ltar nyer spyod dur khrod drag po'i rdzas:_nang du sman raka gtor ma'i 'dod yon gter:_gsang ba bde stong gnyis med sbyor sgrol gar:_gzung 'dzin rang grol chen por bzhes su gsol:_oM AHhU~M badz+ra gu ru pad+ma kI la ya d+he wa d+hA ki nI maN+Da la sa pA ri wA ra ar+g+haM nas _shab+ta ma hA pany+tsa a mr-i ta rak+ta ba liM ta ta na ga na ma hA su kha pU dza d+harma d+hA tu a:__drug pa bstod pa bya ba ni:_hU~M hrIH_chos sku bde chen 'od mi 'gyur:_longs sku pad+ma dbang drag 'bar:_bdud dpung 'joms mdzad kI la ya:_sprul sku dbang chen phyag rgyar bstod:_sgeg pa 'jigs rung gzi brjid 'bar:_rgod gshe drag shul sa gsum g.yo:_snying rje rngams zhi ye shes lha:_khrag 'thung rol pa'i tshogs la bstod:_chos nyid zhi las ma g.yos kyang:_gdug pa can rnams 'dul ba'i phyir:_'jigs byed rol pa'i skur ston pa:_gtso 'khor sprul par bcas la bstod:__bdun pa rtsa bsnyen 'dzab bzlas rim pa ni/_bdag nyid rtsa ba'i dkyil 'khor las:_me long gzugs brnyan ji bzhin du:_ye shes dkyil 'khor gnyis pa dbye:_mdun mkhar dgyes pas bzhugs bar gyur:_bdag mdun thugs kar tsit+ta ni:_rin chen rA ga'i gur phub ltar:_lte bar nyi ma la gnas pa'i:_rdo rje rtse lnga'i lte bar hU~M:_rtsa ba'i sngags kyi phreng bas bskor:_'od zer rab 'bar 'phros 'du yis:_rtsa gsum lha tshogs thugs rgyud bskul:_rgyal ba'i mkhyen nus byin rlabs rnams:_lha sngags phyag mtshan 'bru gsum po:_rang la sib sib thim pa yis:_ye shes gzi brjid che 'bar gyur:_oM pad+ma kI la ya hU~M:_zhes bzlas 'khrul rtog 'og 'gyu dang:_rgya 'byams mi tshig bar mchod:_rig stong mtha' bral ye shes ngang:_'bum phrag dgu bzlas nus thon 'gyur:_lha dang skal mnyam rtsa bsnyen no:_slar yang thugs srog sa bon mthar:_sgrub pa'i sngags kyi phreng bas bskor:_bzlas pa'i rkyen gyis bde chen gyi:_'od zer rab 'phros mkha' khyab brdal:_phyogs bcu'i zhing khams rab 'byams kyi:_bde gshegs sras mchog thams cad dang:_dkyil 'khor lha tshogs ma lus pa:_khrag 'thung khro bo'i thugs dam bskul:_dam can sde brgyad las la gzir:_ma rungs gdug can tshar thag bcad:_khams gsum 'gro ba'i sgrib pa sbyangs:_snang srid pad+ma drag po yi:_lha sngags ye shes rol par gyur:_oM pad+mAn+ta kr-ita kI li kI la ya sarba big+h+nAn baM hU~M phaTa?:_ces 'bum phrag gsum bzla bar gsungs so/__/brgyad pa bzlas pa'i rnal 'byor las ldang ba ni/_dbyangs gsal rten snying yig brgya bcas kyis lhag chad kha bskang zhing*/_ye shes lha tshogs spyan 'dren gshegs/_sog kyis stong tshigs 'bul/_skabs 'dir bka' gter srung ma'i gtor chog rgyas bsdus ci 'grub bya/__gsum pa rjes kyi rim pa la/_dang po thabs shes kyi rdzas byin gyis brlab pa ni:_hU~M:_bdag nyid dpal chen thugs ka nas:_yi ge ra~M ya~M kha~M gsum 'phros:_tshogs kyi dngos 'dzin bsregs gtor bkrus:_ra~M ya~M kha~M s+pha ra Na khaM:_slar yang snying po 'bru gsum gyis:_zag med 'dod yon bdud rtsir bskyil:_kha dog dri ro bcud ldan pa'i:_gzugs sgra dri ro reg bya sogs:_tshogs kyi mchod pa rgya cher gyur:_oM AHhU~M hoH_tshogs zhing spyan drang ba ni/_hU~M:_chos dbyings rab 'byams pho brang che:_sku gsum dag pa'i gzhal yas dang:_lho nub dpal ri pad+ma 'od:_rnga yab lang+ka'i grong khyer nas:_bcom ldan rgyal ba sras bcas tshogs:_brgyud gsum bla ma yi dam lha:_mkha' 'gro chos skyong srung mar bcas:_dpal chen pad+ma kI la ya'i:_lha tshogs sprul 'khor bcas pa rnams:_ye shes tshogs la spyan 'dren na:_bar chad bzlog phyir gshegs su gsol:_badz+ra sa ma ya dzaH_dzaHhU~M ba~M hoH_tshogs mchod 'bul ba ni/_hU~M:_bla med tshogs kyi longs spyod dang:_srid zhi'i 'dod yon mchod rdzas kyis:_khro rgyal 'khor bcas thugs dam bskang:_dgyes par bzhes la dngos grub stsol:_oM badz+ra kro d+ha rA dza pad+ma kI li kI la ya sarba ga Na tsakra pU dza khA hi:_gnong zhing bshags pa ni/_bdag cag thog mar 'khrul pa'i blos:_nyon mongs mi dge'i dbang gyur nas:_bag med 'gal 'khrul nyams pa yis:_khyod thugs dam las ci 'gal ba:_mthol lo bshags so tshangs par stsol:_badz+ra sa ma ya bi shud+d+he a a aH_bar pa tshogs kyi mchod pas bskang ba ni/_oM AHhU~M ha ho hrIH_dur khrod rol pa'i gnas mchog dam pa 'dir:_mchod pa'i skong rdzas nam mkha' mdzod kyi sgo:_dngos bshams yid sprul mi zad rab phye nas:_bskang ngo bskal ba'i thugs dam gnyan po bskang:_brgyud gsum rig 'dzin bla ma'i thugs dam bskang:_yi dam sgrub sde zhi khro'i thugs dam bskang:_dpa' bo mkha' 'gro rgya mtsho'i thugs dam bskang:_dam can chos skyong srung ma'i thugs dam bskang:_phyi mchod me tog bdug spos mar me dri:_zhal zas rol mo lha mi'i longs spyod sogs:_gzugs sgra dri ro reg byas chos dbyings gang:_snang srid thams cad mchod pa'i phyag rgyar 'bul:_nang mchod gzung 'dzin dbyings su bsgral ba'i rdzas:_khrag gi mchod yon dbang po'i me tog dang:_tshil gsur bdug sprin zhun chen sgron me gsal:_mkhris pa'i dri chab sha rus zhal zas tshogs:_rkang gling thod rnga drag po'i 'bud sgra dang:_bdud rtsi rak+ta bam ro'i gtor ma che:_rmad byung dam rdzas rgya che mi zad pas:_bla ma drag po 'khor bcas thugs dam bskang:_gsang ba gnyis med bde sbyor lhan skyes kyi:_dga' bzhi'i phyag rgya ye shes rol pas bskang:_gdod ma'i bde gshegs snying po'i rang bzhin las:_srid zhi'i chos rnams dag pa rab 'byams kyis:_dkyil 'khor lha tshogs thugs dam dgyes bskangs nas:_rnal 'byor bdag la thugs rje chen po mdzod:_hU~M:_de ltar bskangs ba'i byin mthu yis:_nyams chag thams cad sor chud nas:_tshangs pa mchog gi dngos grub ni:_da lta nyid du bdag la stsol:_yi ge brgya pa rtse gcig bzla/_tha ma bsgral mchod ni/_tshogs zan la rten byas te/_hU~M zhes skad cig dran rdzogs su:_snang srid thams cad khro bor bzhengs:_pho nya spros pas dgra bgegs kun:_dmigs rten la bstims dbyer med gyur:_e nr-i tri sarba sha trUM big+h+nAn dzaHhU~M ba~M ho:_zhes 'gugs bstim byas la/_hU~M:_bdag nyid bla ma drag po rtsal:_phyag na sras mchog phur pa 'dril:_dgra bgegs snying la btab pa yis:_lus ngag rdul phran bzhin du brlag:_tshe bsod dwangs ma rang la bstims:_rnam shes chos kyi dbyings su phaTa?:_lnga phung dug lnga'i phung po 'di:_ye shes bdud rtsi'i mchod pa bzhes:_ma hA ma~M sa rak+ta kiM ri ti khA hi:_de nas brda'i 'bul len dang ldan pas rnal 'byor pho mo tshogs la rol pa spyi ltar ro/__/gnyis pa lhag ma bdud rtsis bran la/_oM AHhU~M:_ma ma hrIM hrIM ba ling+ta khA hi:_dpal chen pad+ma he ru ka'i:_bka' nyan lhag sdud pho nya'i tshogs:_'dir gshegs g.yar dam bcas pa bzhin:_gtor ma longs la phrin las mdzod:_sa ma ya b+h+yo dza phaTa?:__gsum pa chad dam bsgrag pa ni/_hU~M:_sngon tshe bar dang tha ma'i snyigs dus 'dir:_brgyud gsum rig 'dzin bla ma'i spyan snga ru:_rang rang srog gi snying po sngon du phul:_khas blangs dam las ma 'da' gtor ma bzhes:_sarba d+harma pA la sa ma ya karma ku ru hoH_bshal chus brtan ma mchod pa ni/_b+h+yo:_bod khams skyong mdzad brtan ma'i tshogs:_bdud mo sman mo gnod sbyin mo:_khyed cag sngon gyi g.yar dam can:_gtor ma 'di bzhes phrin las mdzod:__bzhi pa rta bro brdung ba ni/_hU~M:_srid gsum 'bar pa'i hom khung du:_bdud dang rgyal 'gong ma lus pa:_rdo rje srin po'i bro yis mnan:_nam yang ldang bar ma byed cig:_s+t+waM b+ha ya nan:_gtor gzhong bzed la 'bru 'thor la/_rgyal ba'i dkyil 'khor lha tshogs kyis:_rten 'brel ji bzhin smon lam shugs:_phrin las rnam bzhi'i dpal sbyor rgyas:_phyogs las rnam rgyal bkra shis shog:__lnga pa gtang rag mchod bstod dngos grub bcas ni/_hoH_dbyings nas spyan drangs lha tshogs la:_phyi nang gsang ba'i mchod pa 'bul:_ mchog tu dad pas phyag 'tshal lo:_sku gsung thugs yon dngos grub stsol:_sarba sid+d+hi pha la ho:_de nas nongs bshags ni/_hoH_gsang sngags gnyan gyi cho ga la:_dam tshig spyi dang bye brag gi:_ma 'byor nyams chag ci mchis pa:_thams cad ma lus dag par mdzod:_yig brgya dbyangs gsal rten snying brjod:_ye shes pa rnams rten la bstim:__drug pa bskyed rim bsdu ba ni/_hU~M:_rang bzhin snang srid lha tshogs rnams:_mtha' nas dbus zhu gtso la thim:_ting 'dzin sems dpa' hU~M yig kyang:_skye med dbyings kyi nA dar bsdu:__bdun pa thun mtshams lhar ldang ba ni/_a:_slar yang skad cig stong gsal las:_ma 'gag sgyu ma'i rol rtsal gyis:_dpal chen rdo rje khro bo'i sku:_snang grags rig gsum rol par shar:_hU~M hU~M hU~M:__brgyad pa bsngo smon ni/_hoH_tshogs gnyis bsags pa'i dge tshogs rnams:_khams gsum sems can don du bsngo:_bsdo mkhan ka dag chos sku'i klong:_thams cad rdzogs byang thob par shog:__dgu pa shis brjod ni/_hrIH_chos dbyings spros bral byang chub snying po'i sku:_ka dag lhun grub kun khyab dkyil 'khor nas:_rngams brjid dbang drag rol pa he ru ka:_gang sku gzhom zhig bral ba'i bkra shis shog:_skye med chos dbyings 'od gsal rdo rje'i sgra:_'gag med hU~M gis sde brgyad bran du bkol:_ma bcos rang byung ye shes lnga ldan rdzogs:_thugs rje gang 'dul bsam yas bkra shis shog:_zab gsang snying po rdo rje theg pa yi:_bstan pa pa rin chen gar khyab rgyal khams su:_dpal 'byor rab rgyas 'gro kun chos bzhin spyod:_rang gzhan don gnyis 'grub pa'i bkra shis shog:_ces brjod me tog char du bsnyil/_rol mo'i sgra 'jam la dal ba sbyar/_stong nyid snying rje zung 'jug lha sngags ye shes kyi 'khor lo dang ma bral ba'i ngang nas spyod lam la 'jug par bya'o/__/dbang chen gzi brjid bskal pa'i mes/_/yid srubs rtsa sbur dbyings bsregs nas/_/snyigs ma'i gdung skyob rmad byung ba/_/skal bzang bstan 'gro'i dpal gyur cig_/ces pa'ang lung zin chos kyi bdag po klong chen ye shes rdo rje'i dag snang gi spyan ras yangs bas ched du bka' bstsal bzhin 'jam mgon rdo rje 'chang rnam gsum gyi thugs rje'i gzigs pa'i gdul bya tsam du gtogs pa'i rig sngags 'chang ba 'jigs med mkhyen brtse 'od zer pad+ma gar dbang mdo sngags gling pas 'phags yul rdo rje gling gi ri bo'i sbo nas bris par 'brel tshad bla ma pad+ma he ru ka chen po'i ye shes kyi thig ler 'dod rgur rtsen pa'i rgyur gyur cig__/dge'o//__/dge'o//__/dge'o//_