Property:colophontib
From Khyentse Lineage - A Tsadra Foundation Project
This is a property of type Text.
ད
དགོངས་གཏེར་འོད་གསལ་སྙིང་ཐིག་ལས། བླ་མ་རྩ་གསུམ་སྤྱི་དང་བྱེ་བྲག་གི་སྨིན་ལམ་དབང་གི་ཕྲེང་བ་འཇུག་བདེ་དཀྱུས་གཅིག་ཏུ་བཀོད་པ་སྨིན་གྲོལ་ཡེ་ཤེས་བདུད་རྩིའི་གསང་མཛོད། +
།ཅེས་ཤར་མདོ་ཁམས་སྡེ་དགེའི་ཆོས་རྒྱལ་ཆེན་པོའི་མངའ་རིས་ཀྱི་ཤར་ཕྱོགས་ཤྲཱི་ན་ལེནྡྲ་གཉིས་པ་རྫོང་སར་བཀྲ་ཤིས་ལྷ་རྩེའི་གཟིམས་སྤྱིལ་འོག་མིན་གཉིས་པ་སྤྲིན་གྱི་སྐྱེད་ཚལ་བཀྲ་ཤིས་འཆི་མེད་གྲུབ་པའི་དགའ་ཚལ་ནས་ཐུབ་བསྟན་ཡོངས་རྫོགས་ཀྱི་མངའ་བདག་ཁྱབ་བདག་རྡོ་རྗེ་སེམས་དངོས་འཇམ་དབྱངས་ཆོས་ཀྱི་བློ་གྲོས་མཆོག་གི་ཞལ་སྔ་ནས་ཟབ་རྒྱས་ཆོས་ཀྱི་འཁོར་ལོའི་དགེ་མཚན་ཉི་ཟླ་ཁོར་ཡུག་ཏུ་འཆར་བའི་སྐབས། ཐུན་མོང་མ་ཡིན་པའི་ཟབ་ཆོས་འདི་དག་གི་སྨིན་གྲོལ་གྱིས་བདག་ཀྱང་རྗེས་སུ་བཟུང་བའི་སྐལ་བཟང་ཐོབ་པའི་སྐབས་འདི་བཞིན་ཞབས་ཏོག་སྲིད་ཞུ་སྤེལ་འོས་ཀྱི་བཀའ་ཕུན་སུམ་ཚོགས་པའི་རྟེན་དང་བཅས་དགྱེས་བརྩེས་ཚངས་གནས་ཀྱི་རྒྱན་དུ་བསྩལ་བ་དང་ཆབས་ཅིག །གཏེར་ཆེན་རོལ་པའི་རྡོ་རྗེའི་མཆོག་སྤྲུལ་དྭགས་རྙིང་གི་བསྟན་པའི་སྣང་བྱེད་ཆེན་པོ་ཀརྨ་དྲི་མེད་འོད་ཟེར་ཞབས་ཀྱིས་སྨིན་གྲོལ་བདུད་རྩི་ལྷན་ཅིག་བཞེས་པར་རྗེ་བླ་མའི་བཀའ་བཞིན་མྱུར་དུ་སྒྲུབ་འོས་པའི་བསྐུལ་མ་རྟེན་དང་བཅས་ཡང་ཡང་བསྩལ་བ་དང་རང་ཉིད་ཀྱིས་ཀྱང་དད་སྤྲོས་བསྙེན་སྒྲུབ་ཀྱི་ཞོར་ལ་ཟིན་ཐོ་ཁ་ཤས་བཏབ་ཀྱང༌། མཐའ་མིའི་ལོག་སྤྱོད་ཀྱིས་ཁམས་བོད་ཐམས་ཅད་རྔ་ཐོག་གི་སྲན་མ་བཞིན་ཉམས་ཉེས་སུ་གྱུར་པས་རྩ་བའི་ཟབ་ཆོས་འདི་ཉིད་ཀྱང་དབྱིངས་ཀྱི་མཁའ་འགྲོའི་ཕྱག་མཚན་དུ་བཞེས་པ་ལ་ཉེ་བར་རྩོམ་སྐབས། རྒྱལ་བའི་ཕྲིན་ལས་ཀྱི་རེ་ཁཱ་བསུབ་ཏུ་མེད་པས་རྗེ་བླ་མ་རིན་པོ་ཆེའི་ཕྱག་དཔེ་འཕགས་ཡུལ་དུ་གདན་འདྲེན་ཞུས་ཐུབ་པའི་བཀའ་དྲིན་ལས། རིམ་གྱིས་དཔེ་རྒྱུན་འཕེལ་བ་ལ་ཐེག་མཆོག་སྙིང་པོའི་བསྟན་དང་བསྟན་འཛིན་ལ་མཆོག་ཏུ་གུས་པ་བྱང་གནམ་མཚོའི་དོ་སྐྱ་མཆོག་སྤྲུལ་འགྱུར་མེད་པདྨ་དྲི་མེད་ནས་རྩ་དཔེ་ཞལ་བཤུས་ཀྱི་གླེགས་བམ་དབུས་གྱུར་རྡོ་རྗེ་གདན་གྱི་གཙུག་ལག་ཁང་ནས་གནང་བའི་རྟེན་འབྲེལ་གྱིས་མཚམས་སྦྱར་ཏེ། ཤར་མདོ་ཁམས་སྡེ་དགེའི་རྒྱལ་ཁམས་ཀྱི་མུ་ཏོ་བ། འདུ་ཤེས་གསུམ་གྱི་གཡར་དམ་འཆང་བས་གྲོང་གསེབ་ཏུ་འཁྱམས་པའི་རྙིང་སྔགས་རྒན་པོ། སྙན་ལ་བརྗིད་པའི་མིང་མང་པོའི་ཁུར་གྱིས་ནོན་པའི་རྨོངས་བརྟུལ་གྱི་ཟོག་པོས་རྒྱ་གར་གྱི་ཡུལ་གྲུ་མཐའ་དབུས་ཀུན་ཏུ་རྒྱུ་བའི་སྐབས་སུ་རང་བློས་དཔོག་ཚོད་ཇི་ལྟར་ནུས་པའི་ཞབས་ཏོག་ཞུས་པ་ལ། རྡུལ་བྲལ་ཆོས་སྤྱན་མངའ་ཞིང་ངེས་དོན་གྱི་བསྟན་པ་རིན་པོ་ཆེ་ཐུགས་ལ་བཅགས་པའི་གཟུར་གནས་མཁས་གྲུབ་རྣམས་ཀྱིས་དཔྱད་ཞུས་དང༌། སྨིན་གྲོལ་གྱི་སྲོག་རྩ་མི་ཆད་པའི་གཡར་དམ་བཞེས་གྲུབ་སྙིང་ནས་གསོལ་བ་འདེབས་པ་དང༌། ཡི་གེའི་མཐུན་སྦྱོར་བྱང་ཕྱོགས་རེབ་སྐོང་རིག་པའི་འབྱུང་གནས་ཀྱི་སྔགས་བན་འཇིགས་མེད་སྐལ་བཟང་བདེ་ཆེན་གྲུབ་པའི་རྡོ་རྗེས་དད་གུས་ཀྱི་བརྩོན་པས་བགྱིས་པའི་ངལ་བའི་ཁུར་འདིས་ཀྱང་བསྟན་འགྲོའི་དགེ་མཚན་ཉིན་བྱེད་ཕྱོགས་ཀྱི་ཐ་གྲུ་ཀུན་ཏུ་འཕེལ་རྒྱས་བརྟན་པའི་རྒྱུར་འགྱུར་བར་བླ་མ་རྒྱལ་བ་སྲས་དང་བཅས་པས་བྱིན་གྱིས་བརླབ་པར་མཛད་དུ་གསོལ། སརྦ་དཱ་སུ་ཤྲཱི་ཡེ་བྷ་ཝནྟུ།།
།ཞེས་པའང་མཚོ་སྐྱེས་བླ་མ་དགྱེས་པའི་འབངས་པདྨ་འོད་གསལ་མདོ་སྔགས་གླིང་པས་བྲིས་པ་ཤུ་བྷཾ། +
།ཅེས་པའང་དོན་གཉེར་ཅན་དུ་མས་སྔར་ནས་བསྐུལ་བ་དང༌། བློ་གསལ་རིག་པར་སྨྲ་བ་ངག་དབང་མཆོག་ལེགས་ནས་ནན་བསྐུལ་ལ་བརྟེན་འཕགས་མ་དགྱེས་པའི་སྨན་ལྗོངས་སུ་སྐྱེས་པའི་སྔགས་བཙུན་མངྒ་ལ་ཤྲཱི་བྷུ་ཏིས་དད་པའི་བློས་བྲིས་པ་རྗེ་བཙུན་མྱུར་མ་དཔལ་མོའི་ཡེ་ཤེས་གཟིགས་པའི་འབབ་སྟེགས་སུ་གྱུར་ཅིག། +
ཅེས་པ་འདི་ཡང་དར་མདོའི་སྤྲང་བན་ངསཿ རྔ་ཡབ་གླིང་ནས་པདྨའི་ཐུགས་ལས་སྤྲུལཿ མ་ཧཱ་རཱ་ཛ་སེང་ཆེན་གེ་སར་ལྷཿ ཁྱོད་ལ་དད་ཅིང་བསྟོད་བསྐུལ་འདི་ཕུལ་ནཿ བདག་སོགས་རྣམ་མང་སྲས་པོའི་གཏེར་ཁང་ལྟརཿ ཚེ་བསོད་དཔལ་གྱི་ཕྱུར་བུར་གཏམས་གྱུར་ཏེཿ དགེ་ལེགས་རྒྱ་མཚོའི་ཕ་མཐར་བྱས་པ་དང་ཿ མ་རུང་བསྟན་དགྲ་ཐལ་བར་བརླག་པ་སོགསཿ བསྟན་བགྲོར་འདོད་འབྱུང་ཡིད་བཞིན་དབང་རྒྱལ་ལྟརཿ ས་གསུམ་སྐྱེ་དགུའི་ཉིན་མོར་བྱེད་པར་ཤོགཿ +
ཅེས་པའང་ཆུ་རྟ་ཟླ་བ་བཅུ་པའི་ཚེས་བཞི་ལ་སེམས་སྐྱོ་བའི་གདུང་གླུ་བློ་གྲོས་རྒྱ་མཚོས་བྲིས་པའོ། །དགེའོ༎ +
།ཅེས་པའང་བླ་གྲོ་དགོན་གྱི་མཆོག་སྤྲུལ་རིན་པོ་ཆེའི་ཉེ་གནས་དགེ་འབྱོར་རྒྱས་ནས་བཀྲ་ཤིས་པའི་ལྷ་རྫས་ཀྱི་རྟེན་དང་བཅས་གསུང་བསྐུལ་ངོར། མཁྱེན་བརྩེའི་སྤྲུལ་མིང་འཛིན་པ་ཆོས་ཀྱི་བློ་གྲོས་པས་བྲིས་པ་དགེ་ལེགས་སུ་གྱུར་ཅིག །སརྦ་ཨརྠ་སིདྡྷི་བྷ་ཝ་ཏུ། མངྒ་ལཾ། +
།ཅེས་འདི་ལྷོ་ཟླའི་སྨན་ལྗོངས་ཆར། །བླ་བྲོ་ངེས་དོན་གླིང་མཆོག་གི །དགེ་སློང་འབྱོར་རྒྱས་ཀྱིས་བསྐུལ་བཞིན། །རང་རིག་སྒྱུ་མའི་བཀོད་པ་ལས། །ཇི་ལྟར་ཤར་བའི་རྟོག་པ་འདི། །ཁྲག་འཐུང་བདུད་འདུལ་གར་དབང་རྩལ། །འབོད་པས་བཀྲ་ཤིས་ལྷ་རྩེ་ནས། །ཤར་མར་བྲིས་འདིས་དགྲ་བླའི་ཚོགས། །དགྱེས་པའི་འབྲུག་སྒྲ་འདིས་བསྐུལ་ཏེ། །ཕྲིན་ལས་རྨ་བྱའི་གར་རྩེན་ཤོག །མངྒ་ལཾ་སིདྡྷི་ཀུ་རུ་ཧོ། །དགེའོ།། +
དགྲ་འདུལ་ཝེར་མའི་སྙིང་ཏིག་ལས༔ གཙོ་འཁོར་ཡོངས་རྫོགས་ལ་བརྟེན་པའི་རླུང་རྟའི་ཀ་འཛུགས་ཀྱི་མདོས་ཆོག་ཕུན་ཚོགས་སྡེ་བཞིའི་དཔལ་སྐྱེད་དགེ་ལེགས་ཀུན་ཏུ་ཤིས་པའི་རོལ་མོ། +
།ཅེས་པའང་འཇིག་རྟེན་མིག་གཅིག་ལོ་ཙཱ་བ་ཆེན་པོ་ཡེ་ཤེས་སྤྱན་ལྡན་གནམ་སའི་དབང་ཕྱུག་ལྷ་ཡི་རིགས་ཀྱི་ཐིག་ལེར་སྨིན་པའི་རྒྱལ་བའི་མྱུ་གུ་མཆོག་གི་ཕྲིན་ལས་ཀྱི་གསོས་སུ་ཨོ་རྒྱན་དུས་གསུམ་མཁྱེན་པའི་རྡོ་རྗེའི་ལུང་གིས་བསྔགས་པའི་རྟེན་འབྱུང་སྒོ་འཕར་འཇིགས་བྲལ་གྱི་སློབ་དཔོན་ཆེན་པོ་འཇམ་དབྱངས་དགའ་བའི་གོ་ཆའི་གསུང་རིན་ཆེན་ལྡེའུ་མིག་གིས་འབྱེད་པའི་ཚེ། ངག་འདོན་ཁོལ་ཕྱུང་དུ་ཁྲག་འཐུང་བདུད་འདུལ་ཡེ་ཤེས་ཕྲིན་ལས་རོལ་པ་རྩལ་གར་དབང་མདོ་སྔགས་གླིང་པས་ཆོས་རྒྱལ་སྡེ་དགེའི་ཕོ་བྲང་ཆེན་པོ་དཔལ་ལྷུན་གྲུབ་སྟེང་གི་གཟིམ་ཤག་འཇིགས་བྲལ་དགྲ་བླ་དགྱེས་པའི་བ་གམ་ནས་བཀླག་ཆོག་གི་ཚུལ་དུ་བསྡེབས་པ་དགེ་ལེགས་རྣམ་པར་རྒྱལ་བའི་རྒྱལ་ཐབས་ཀྱིས་འཇིག་རྟེན་གསུམ་ན་མངའ་དབང་བསྒྱུར་བའི་རྒྱུར་གྱུར་ཅིག །སརྦ་མངྒ་ལཾ། དགེའོ། +
རྩ་གསུམ་ཀུན་འདུས་དཔལ་ཨོ་རྒྱན་ཆོས་ཀྱི་རྒྱལ་པོའིི་བྱིན་རླབས་ལས། པདྨ་གར་དབང་འོད་གསལ་མདོ་སྔགས་གླིང་པས་རིག་པ་རང་བྱུང་གི་གསང་མཛོད་ནས་ཕྱུངས་ཏེ་གཏན་ལ་ཕབ་པ་གངས་ཅན་ཕན་བདེའི་དགེ་མཚན་མི་ཟད་པའི་དཔལ་དུ་གྱུར་ཅིག །སརྦ་མངྒ་ལཾ། དགེའོ།། +
ཅེས་པའང་དགྲ་འདུལ་ལས་ཀྱི་དཔའ་བོའི་ཕྲིན་ལས་གསེར་གྱི་ཤིང་རྟའི་ཁ་ལོ་སྒྱུར་བའི་དམག་དཔོན་ཆེན་པོ་འདན་མ་ཐོག་རྒོད་རྩལ་དང༌། སྐུ་སྲུང་སྒ་བདེས་སྐྱོང་བའི་ཡུལ་གྲུ་གསེར་ལྡན་དལ་གྱིས་འབབ་པའི་ལྗོངས་སུ་སྐྱེས་ཤིང་མཚོ་སྐྱེས་དགྲ་བླའི་རྒྱལ་པོས་རྗེས་སུ་བཟུང་བའི་རིག་པ་འཛིན་པ་པདྨ་གར་དབང་འོད་གསལ་མདོ་སྔགས་གླིང་པའམ། མིང་གཞན་ཁྲག་འཐུང་བདུད་འདུལ་ཡེ་ཤེས་རྡོ་རྗེ་ཕྲིན་ལས་རོལ་པ་རྩལ་གྱིས་རང་ལོ་སོ་བདུན་པའི་སྟེང་དབོ་ཟླ་བའི་འཕེལ་ཚེས་ཁྱབ་འཇུག་སྒྲ་གཅན་གྱིས་དགྲ་བླའི་དམག་དཔོན་དུ་བསྐྱོད་པའི་དུས་གཉན་གྱི་ཆར་གཏན་ལ་ཕབས་ཏེ་མཆོད་པ་དང་བསྐང་བ་བྱིན་རླབས་སོགས་རིག་འཛིན་གོང་མའི་རྡོ་རྗེའི་གསུང་དང་གསེར་སྐྱེམས་རང་ཚིག་དཀྱུས་སུ་ཁ་བཀང་བ་ཙམ་ལས་གཞན་ཕྲི་བསྣན་མེད་པར་བྲིས་པ་འདིས་ཀྱང་གསང་མཆོག་འོད་གསལ་རྡོ་རྗེ་རྩེ་མོའི་བསྟན་པ་དང༌། དེ་འཛིན་གྱི་ཐུགས་བསྐྱེད་དང་ཕྲིན་ལས་ཀྱི་དགའ་སྟོན་འཕེལ་ཞིང་རྒྱས་པས་འཇིག་རྟེན་གསུམ་ན་དགེ་མཚན་གྱི་བ་དན་མཛེས་པར་བརྟན་པའི་རྒྱུར་གྱུར་ཅིག །དགེ་ལེགས་འཕེལ། སརྦ་མངྒ་ལཾ། +
ཅེས་པའང་ཀུན་ཏུ་རྒྱུ་ཁྲག་འཐུང་བདུད་འདུལ་ཡེ་ཤེས་རོལ་པའི་རྡོ་རྗེ་གར་དབང་མདོ་སྔགས་གླིང་པས་གཡུ་བྲག་དབེན་པའི་སྨན་ལྗོངས་སུ་རྒྱུ་བའི་སྐབས་རྟེན་འབྱུང་པདྨའི་རོལ་མོ་ལས་ཤར་བ་ལྟར་དག་པར་གཏན་ལ་ཕབ་པའོ། །དགེའོ། ། +
གྲུབ་ཆེན་ཛྙཱ་ནས་སོ། །དགེའོ། ། +
ཅེས་པ་འདི་ཡང་དར་མདོའི་སྤྲང་བན་ངསཿ གྲངས་བསོགས་ཉེར་མཁོར་དམིགས་རིམ་ནས་ཤར་མར་ལ་བྲིསཿ སྡང་དགྲ་ཆམ་ལ་འབེབ་པའི་རྒྱུར་གྱུར་ཅིགཿ ཡི་གེ་པ་ནི་ཤེས་རབ་མིང་གིས་བྱས་པའོ། །དགེ་ཞིང་བཀྲ་ཤིས། སརྦ་མངྒ་ལཾ། ། +
།ཅེས་པའང་དབོན་མཛོད་ཚེ་དབང་དཔལ་འབྱོར་ནས་གསུང་བསྐུལ་ངོར། འཇམ་དབྱངས་ཆོས་ཀྱི་བློ་གྲོས་པས་བྲིས་པ་དགེ་ཞིང་བཀྲ་ཤིས་པར་གྱུར་ཅིག། +
།འདི་ཡང་ཕྱི་ནང་རིག་གནས་ལ། །བློ་གྲོས་སྤོབས་པ་མཆོག་དགེ་བ། །རྣམ་རྒྱལ་བཟང་པོ་ཞེས་བྱས་བསྐུལ། །བློ་གྲོས་རྒྱ་མཚོས་ཤར་མར་སྤེལ། །བསྐུལ་བ་པོ་ཡིས་ཡི་གེར་བཀོད། །དགེ་ལེགས་མཆོག་ཏུ་རྒྱས་གྱུར་ཅིག །ཞལ་དྲོ།། +
* '''Original Author colophon:''' དངོས་གྲུབ་གྱི་རྫས་ཉི་ཤུ་རྩ་བདུན་གྱི་མཆོད་པ་ཞེས་བྱ་བ། དགེ་སློང་བྱམས་པའི་དཔལ་གྱིས་སྦྱར་བ་རྫོགས་སོ།
* '''Author colophon:''' །སླར་ཡང་སོ་སོའི་མིང་སྔགས་བར་དུ་བཅུག་པ་སོགས་ངག་འདོན་གྱི་ཕྲེང་བར་མཁྱེན་བརྩེའི་དབང་པོས་བསྡེབས་པའི་དགེ་བས་འཇིག་རྟེན་དུ་དགེ་ལེགས་འདོད་རྒུའི་སྤྲིན་ཆེན་ལས་དངོས་གྲུབ་ཀྱི་ཆར་རྒྱུན་དུས་རྟག་ཏུ་འཇོ་བར་གྱུར་ཅིག །མངྒ་ལཾ།།
+
།འདི་འདྲའི་བླ་མ་ནང་ལྟར་སྒྲུབ་པའི་རིམ་པ་དངོས་གྲུབ་སྒོ་བརྒྱ་འབྱེད་པའི་བྱིན་རླབས་བདུད་རྩིའི་སྤྲིན་ཕུང་འདི་ནི། རྡོ་རྗེའི་མཆེད་པོ་བཛྲ་འཇིགས་མེད་ཀྱིས་ནན་ཏན་ཆེན་པོས་བསྐུལ་ངོར་གཏེར་ཆེན་ཆོས་ཀྱི་རྒྱལ་པོའི་སྒོ་གསུམ་བྱིན་གྱིས་བརླབས་པའི་སྲས་མིང་ནུས་ལྡན་འབོད་པ་དེས་སྦྲུལ་ལོ་མགོ་ཟླ་བའི་ཚེས་ལ་འཕྲལ་དུ་བྲིས་པའོ།། +
།ཅེས་དཔལ་བཀའ་འདུས་ཀྱི་ཕྲིན་ལས་སྦྱིན་སྲེག་གི་ཆོ་ག་བདེ་ཆེན་ཡེ་ཤེས་རབ་འབར་ཞེས་བྱ་བ་འདིའང༌། སྒྲུབ་པ་ཆེན་པོའི་ལས་རིམ་སོགས་ལ་ཉེ་བར་མཁོ་བར་མཐོང་ནས་བདེ་གཤེགས་འདུས་པའི་གཞུང་ལ་བརྟེན་ཅིང་ལག་ལེན་འཇུག་པ་བདེ་བའི་དབང་དུ་བྱས་ཏེ། རྒྱལ་ཁམས་པ་འཇིགས་བྲལ་ཡེ་ཤེས་རྡོ་རྗེས་རྣམ་འགྱུར་གྱི་ལོ་མགོ་ཉ་བའི་ཤེས་རབ་ཀྱི་ཕྱོགས་ལ་རིག་འཛིན་དགའ་བའི་ཚལ་དུ་སྦྱར་བའི་ཡི་གེ་པ་ནི་སྔགས་བན་ཡེ་ཤེས་ཆོས་ལྡན་གྱིས་བགྱིས་པའོ། །འདིས་ཀྱང་ལས་དང་དངོས་གྲུབ་ཐམས་ཅད་ཡིད་བཞིན་དུ་འགྲུབ་པའི་རྒྱར་གྱུར་ཅིག། །།སརྦ་དཱ་མངྒ་ལཾ།། +
ཕྱག་བྲིས་ལས་ཞལ་བཤུས་ཞུས།། +
།ཅེས་པའང་རྒྱ་གར་ཀ་ལ་ཀ་ཏའི་དཔལ་ལྷ་མོའི་གྲོང་ཁྱེར་དུ་ཁྲག་འཐུང་དཔའ་བོ་པདྨ་ཡེ་ཤེས་རྡོ་རྗེས་ཤར་མར་བྲིས་པའོ།། +
