DKR-KABUM-09-TA-029

Previous Text Back to Volume PageNext Text

དགོངས་གཏེར་སྒྲོལ་མའི་ཟབ་ཏིག་ལས། ཕྱི་ནང་གསང་སྒྲུབ་སྤྱིའི་བརྒྱུད་འདེབས་བྱིན་རླབས་བདུད་རྩིའི་ཨུཏྤལ།

Wylie title	dgongs gter sgrol ma'i zab tig las/ phyi nang gsang sgrub spyi'i brgyud 'debs byin rlabs bdud rtsi'i ut+pal
Location	dil mgo mkhyen brtse bka' 'bum Volume 9, Text 29, Pages 261 (Folios 1a1 to 1b2)
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Tertön	མཆོག་གྱུར་གླིང་པ་ (mchog gyur gling pa)
Citation	Khyentse, Dilgo. Dgongs gter sgrol ma'i zab tig las phyi nang gsang sgrub spyi'i brgyud 'debs byin rlabs bdud rtsi'i ut+pal. In Skyabs rje dil mgo mkhyen brtse rin po che'i bka' 'bum, Vol. 9: 261. Delhi: Shechen Publications, 1994.
Genre	Lineage Supplications - brgyud 'debs
Cycle	དགོངས་གཏེར་སྒྲོལ་མའི་ཟབ་ཏིག་ (dgongs gter sgrol ma'i zab tig)
Deity	sgrol ma
Colophon	།ཅེས་པའང་དོན་གཉེར་ཅན་དུ་མས་སྔར་ནས་བསྐུལ་བ་དང༌། བློ་གསལ་རིག་པར་སྨྲ་བ་ངག་དབང་མཆོག་ལེགས་ནས་ནན་བསྐུལ་ལ་བརྟེན་འཕགས་མ་དགྱེས་པའི་སྨན་ལྗོངས་སུ་སྐྱེས་པའི་སྔགས་བཙུན་མངྒ་ལ་ཤྲཱི་བྷུ་ཏིས་དད་པའི་བློས་བྲིས་པ་རྗེ་བཙུན་མྱུར་མ་དཔལ་མོའི་ཡེ་ཤེས་གཟིགས་པའི་འབབ་སྟེགས་སུ་གྱུར་ཅིག།
	/ces pa'ang don gnyer can du mas sngar nas bskul ba dang*/_blo gsal rig par smra ba ngag dbang mchog legs nas nan bskul la brten 'phags ma dgyes pa'i sman ljongs su skyes pa'i sngags btsun mang+ga la shrI b+hu tis dad pa'i blos bris pa rje btsun myur ma dpal mo'i ye shes gzigs pa'i 'bab stegs su gyur cig/

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

༄༅། །དགོངས་གཏེར་སྒྲོལ་མའི་ཟབ་ཏིག་ལས། ཕྱི་ནང་གསང་སྒྲུབ་སྤྱིའི་བརྒྱུད་འདེབས་བྱིན་རླབས་བདུད་རྩིའི་ཨུཏྤལ་བཞུགས། ཀུན་བཟང་དང་པོའི་སངས་རྒྱས་འོད་མི་འགྱུར། གར་གྱི་དབང་ཕྱུག་པདྨ་བཞད་པ་རྩལ། །འཕགས་བཞིའི་ཡུམ་གྱུར་རྗེ་བཙུན་མྱུར་མ་དཔལ། །གསོལ་བ་འདེབས་སོ་སྲིད་ཞིའི་འཇིགས་ལས་སྐྱོབས། །མཁའ་འགྲོའི་ཚོགས་རྗེ་ཨོ་རྒྱན་ཐོད་ཕྲེང་རྩལ། །གསང་བའི་དགྱེས་སྡེ་མཁར་ཆེན་སྤྲུལ་པའི་ལྕམ། །ཁྲི་སྲོང་ཡབ་སྲས་རྣམ་སྣང་ལོ་ཙཱ་ཆེར། །གསོལ་བ་འདེབས་སོ་སྲིད་ཞིའི་འཇིགས་ལས་སྐྱོབས། །འགྲོ་འདུལ་སྤྲུལ་པའི་གཏེར་ཆེན་མཆོག་གྱུར་གླིང༌། །བཀའ་བབས་སྒྲོལ་མས་རྗེས་བཟུང་མཁྱེན་བརྩེའི་དབང༌། །འཇམ་མགོན་བླ་མ་པདྨ་གར་དབང་རྩལ། །གསོལ་བ་འདེབས་སོ་སྲིད་ཞིའི་འཇིགས་ལས་སྐྱོབས། །ཐུགས་སྲས་མཁས་སྒྲུབ་དྷརྨ་ས་ར་དང༌། །འགྱུར་མེད་ཚེ་དབང་འདྲེན་མཆོག་དྷརྨའི་མཚན། །ཡི་དམ་ལྷ་དང་མཁའ་འགྲོ་དམ་ཅན་ལ། །གསོལ་བ་འདེབས་སོ་སྲིད་ཞིའི་འཇིགས་ལས་སྐྱོབས། །དབང་གིས་རྒྱུད་སྨིན་ལམ་སྟེགས་སྔོན་འགྲོ་འབྱོང༌། །སྐྱེས་བུ་གསུམ་གྱི་ལམ་གྱི་རྩ་བ་ཚུགས། །རྒྱུད་སྡེ་རྣམ་བཞིའི་ལམ་མཆོག་ཡོངས་རྫོགས་ནས། །རྒྱལ་ཡུམ་འཕགས་མའི་གོ་འཕང་ཐོབ་ཤོག །ཅེས་པའང་དོན་གཉེར་ཅན་དུ་མས་སྔར་ནས་བསྐུལ་བ་དང༌། བློ་གསལ་རིག་པར་སྨྲ་བ་ངག་དབང་མཆོག་ལེགས་ནས་ནན་བསྐུལ་ལ་བརྟེན་འཕགས་མ་དགྱེས་པའི་སྨན་ལྗོངས་སུ་སྐྱེས་པའི་སྔགས་བཙུན་མངྒ་ལ་ཤྲཱི་བྷུ་ཏིས་དད་པའི་བློས་བྲིས་པ་རྗེ་བཙུན་མྱུར་མ་དཔལ་མོའི་ཡེ་ཤེས་གཟིགས་པའི་འབབ་སྟེགས་སུ་གྱུར་ཅིག། །།

[edit]

dgongs gter sgrol ma'i zab tig las/_phyi nang gsang sgrub spyi'i brgyud 'debs byin rlabs bdud rtsi'i ut+pal bzhugs/_kun bzang dang po'i sangs rgyas 'od mi 'gyur/_gar gyi dbang phyug pad+ma bzhad pa rtsal/_/'phags bzhi'i yum gyur rje btsun myur ma dpal/_/gsol ba 'debs so srid zhi'i 'jigs las skyobs/_/mkha' 'gro'i tshogs rje o rgyan thod phreng rtsal/_/gsang ba'i dgyes sde mkhar chen sprul pa'i lcam/_/khri srong yab sras rnam snang lo tsA cher/_/gsol ba 'debs so srid zhi'i 'jigs las skyobs/_/'gro 'dul sprul pa'i gter chen mchog gyur gling*/_/bka' babs sgrol mas rjes bzung mkhyen brtse'i dbang*/_/'jam mgon bla ma pad+ma gar dbang rtsal/_/gsol ba 'debs so srid zhi'i 'jigs las skyobs/_/thugs sras mkhas sgrub d+harma sa ra dang*/_/'gyur med tshe dbang 'dren mchog d+harma'i mtshan/_/yi dam lha dang mkha' 'gro dam can la/_/gsol ba 'debs so srid zhi'i 'jigs las skyobs/_/dbang gis rgyud smin lam stegs sngon 'gro 'byong*/_/skyes bu gsum gyi lam gyi rtsa ba tshugs/_/rgyud sde rnam bzhi'i lam mchog yongs rdzogs nas/_/rgyal yum 'phags ma'i go 'phang thob shog__/ces pa'ang don gnyer can du mas sngar nas bskul ba dang*/_blo gsal rig par smra ba ngag dbang mchog legs nas nan bskul la brten 'phags ma dgyes pa'i sman ljongs su skyes pa'i sngags btsun mang+ga la shrI b+hu tis dad pa'i blos bris pa rje btsun myur ma dpal mo'i ye shes gzigs pa'i 'bab stegs su gyur cig/_//