Property:colophontib
From Khyentse Lineage - A Tsadra Foundation Project
This is a property of type Text.
ག
གངས་ལྗོངས་རྒྱལ་བསྟན་རིས་མེད་ཀྱི་མངའ་བདག་ངོ་མཚར་བཀའ་བབས་བདུན་ལྡན་པདྨ་འོད་གསལ་མདོ་སྔགས་གླིང་པའི་རྣམ་འཕྲུལ་འཇམ་དབྱངས་ཆོས་ཀྱི་བློ་གྲོས་ཞབས་ཀྱི་བཀའ་འབུམ་དཀར་ཆག་དིལ་མཁྱེན་རིན་པོ་ཆེས་མཛད་པ། +
* '''Colophon page 416:''' །ཅེས་པའང་འཕྲུལ་པར་གྱི་ལས་འཛིན་ཤེས་རབ་རྒྱལ་མཚན་གྱི་ཐུགས་བཞེད་བཞིན་འཇམ་དབྱངས་བླ་མ་དགྱེས་པའི་འབངས་མངྒ་ལས་བརྗོད་པ་མཆོག་ཏུ་དགེ་བར་གྱུར་ཅིག །དགེའོ།།
+
ཅེས་ཟབ་དོན་གཅོད་ཀྱི་མན་ངག་མ་གཅིག་སྙན་བརྒྱུད་ཀྱི་དགོངས་དོན་ཉམས་ལེན་གདན་ཐོག་གཅིག་མ་དཔའ་བོའི་གད་རྒྱངས་ཅེས་བྱ་བ་འདི་ཉིད་ཀྱང་རིང་མོ་ཞིག་ནས་གཟུགས་མེད་ཀྱི་ཌཱཀྐིའི་ལན་འགར་བསྐུལ་ཞིངཿ ཕྱིས་དུས་ལ་བབས་ཚེ་རང་ཉིད་ཀྱིས་གུ་ཧྱ་མུ་དྲྭ་བི་ཌཱཀྐི་ཏ་རེའི་མིང་འཛིན་གྱིས་རྟེན་འབྲེལ་བཟང་པོ་དང་བཅས་ནན་གྱིས་བསྲུང་བ་ལ་བརྟེནཿ གཅོད་ཀྱིས་བཀའ་བབས་རྣལ་འབྱོར་ཁྲག་འཐུང་དཔའ་བོས་རང་ལོ་སོ་གསུམ་ལ་ཆུ་ཕོ་འབྲུག་གི་ལོར་དག་པར་ཕབ་པས་གཅོད་ཀྱི་བཀའ་སྲུང་སྡེ་བརྒྱད་དྲེགས་པས་སྲུངས་ཤིགཿ དགེའོ། །སརྦ་མངྒ་ལཾ།། །། +
ཅེས་ཟབ་དོན་གཅོད་ཀྱི་མན་ངག་མ་ཅིག་སྙན་བརྒྱུད་ཀྱི་དགོངས་དོན་ཉམས་ལེན་གདན་ཐོག་གཅིག་མ་དཔའ་བོའི་གད་རྒྱངས་ཞེས་བྱ་བ་འདི་ཉིད་ཀྱང་རིང་མོ་ཞིག་ནས་གཟུགས་མེད་ཀྱི་ཌཱཀྐིས་ལན་འགར་བསྐུལ་ཅིངཿ ཕྱིས་དུས་ལ་བབས་ཚེ་རང་ཉིད་ཀྱི་གུཧྱ་མུ་དྲའི་ཌཱཀྐི་ཏཱ་རེའི་མིང་འཛིན་གྱིས་རྟེན་འབྲེལ་བཟང་པོ་དང་བཅས་ནན་གྱིས་བསྐུལ་བ་ལ་བརྟེནཿ གཅོད་ཀྱི་བཀའ་བབས་རྣལ་འབྱོར་ཁྲག་འཐུང་དཔའ་བོས་རང་ལོ་སོ་གསུམ་པ་ཆུ་ཕོ་འབྲུག་གི་ལོར་དག་པར་ཕབ་པ་གཅོད་ཀྱི་བཀའ་སྲུང་སྡེ་བརྒྱད་དྲེགས་པས་སྲུངས་ཤིགཿ དགེའོ། །སརྦ་མངྒ་ལཾ།། +
།ཞེས་གཅོད་པའི་ཉེར་སྤྱད་རྣམས་ཀྱི་རྣམ་པར་ངེས་པ་མདོ་ཙམ་བརྗོད་པ་འདི་ནི། འབྲུག་པ་ངག་དབང་རྡོ་རྗེས་བསྐུལ་ངོར། ཀརྴ་པ་ཎིའི་སྣ་རྒྱན་འཛིན་པའི་བཀྱལ་ཀ་ལས་ཅུང་ཟད་གཞན་དུ་བྱས་ཏེ་བརྗོད་པ་པོ་ཀློང་ཆེན་ནམ་མཁའི་རྣལ་འབྱོར་རོ།། +
།རྫོགས་ཆེན་དགོན་གྱི་དབུ་མཛད་ཅིག་གི་དཔེ་ལས་པད་བཀོད་སྒམ་སྤྲུལ་ལམ་དྭགས་པོ་སྤྲུལ་སྐུར་འབོད་པས་ཞལ་བཤུས་པ་སྟེ། སླད་ནས་རྫོགས་ཆེན་མཁན་པོ་ཐུབ་སྙན་ཕྱག་བྲིས་ལས་ཞལ་བཤུས་པའི་འདོན་ཟིན་ཞིག་མཇལ་བ་ཡང་འདི་དང་ཁྱད་པར་མི་འདུག་གོ། +
།ཅེས་པའང་ཟབ་གཏེར་ཆོས་ཀྱི་བདག་པོ་ཀློང་ཆེན་ཡེ་ཤེས་རྡོ་རྗེའི་གསུང་བསྐུལ་བཞིན་གར་དབང་མདོ་སྔགས་གླིང་པས་བྲིས་པ་དགེ་ལེགས་འཕེལ། +
།ཅེས་པའང་གཏེར་ཆེན་བླ་མ་ཐམས་ཅད་མཁྱེན་གཟིགས་ལས་ཐོག་མའི་སྣོད་ལྡན་དུ་དབུགས་དབྱུང་ཞིང་རྒྱལ་ཀུན་ཕྲིན་ལས་སྤྱི་དཔལ་མཁྱེན་བརྩེའི་དབང་པོའི་མཚན་གྱི་བྱིན་རླབས་ཐོབ་པ་ཕྲིན་ལས་རིགས་མཆོག་གྲུབ་པའི་སྡེའམ། འཇམ་དབྱངས་ཆོས་ཀྱི་བློ་གྲོས་ཞེས་པས་རྫོང་གསར་བཀྲ་ཤིས་ལྷ་རྩེའི་གཟིམ་སྤྱིལ་བཀྲ་ཤིས་འཆི་མེད་གྲུབ་པའི་དགའ་ཚལ་དུ་བགྱིས་པ་འདིས་ཀྱང་འགྲོ་ཀུན་དཔལ་ཧེ་རུ་ཀའི་གོ་འཕང་བར་ཆད་མེད་པར་བགྲོད་པའི་རྒྱུར་གྱུར་ཅིག །།། +
།ཅེས་པའང་གཏེར་ཆེན་བླ་མ་ཐམས་ཅད་མཁྱེན་གཟིགས་ལས་ཐོག་མའི་སྣོད་ལྡན་དུ་དབུག་དབྱུང་ཞིང་རྒྱལ་ཀུན་ཕྲིན་ལས་ཀྱི་སྤྱི་དཔལ་མཁྱེན་བརྩེའི་དབང་པོའི་མཚན་གྱི་བྱིན་རླབས་ཐོབ་པ་ཕྲིན་ལས་རིགས་མཆོག་གྲུབ་པའི་སྡེའམ། འཇམ་དབྱངས་ཆོས་ཀྱི་བློ་གྲོས་ཞེས་པས་རྫོང་གསར་བཀྲ་ཤིས་ལྷ་རྩེའི་གཟིམས་སྤྱིལ་བཀྲ་ཤིས་འཆི་མེད་གྲུབ་པའི་དགའ་ཚལ་དུ་བགྱིས་པ་འདིས་ཀྱང་འགྲོ་ཀུན་དཔལ་ཧེ་རུ་ཀའི་གོ་འཕང་བར་ཆད་མེད་པར་བགྲོད་པའི་རྒྱུར་གྱུར་ཅིག །དགེའོ།། +
གཉགས་ལུགས་ཕུར་པའི་བཀའ་སྲུང་མགོན་པོ་ལྕམ་དྲལ་གྱི་ཕྲིན་ལས་རྒྱས་པ་གནམ་ལྕགས་འབར་བ་གཏོང་ཚུལ་ཟུར་འདེབས་གནམ་ལྕགས་འཕྲུལ་འཁོར། +
།ཅེས་བཀའ་སྲུང་གསོལ་མཆོད་རྒྱས་པའི་སྐབས་ལྟ་བུར་བྱུང་ན་ལེགས་པའི་ཡན་ལག་ཏུ་མཐོང་ནས། པདྨ་མདོ་སྔགས་གླིང་པས་རྩུབ་འགྱུར་ཚལ་ལ་འགྲན་པའི་ནགས་ཁྲོད་དུ་གནས་པའི་སྐབས་མཁས་གྲུབ་གོང་མའི་ཕྱག་བཞེས་ལྟར་བྲིས་པ་དམ་ཅན་དགྱེས་པའི་རོལ་མོར་གྱུར་ཅིག། +
།ཅེས་པའང་བོད་ཁམས་བཀྲ་ཤིས་འབྱུང་བའི་གནས་མཆོག་སྤ་གྲོ་སྟག་ཚང་སེང་གེ་བསམ་འགྲུབ་ཀྱི་ཀེའུ་ཚང་དུ་རབ་འབྱམས་མཆོག་སྤྲུལ་འགྱུར་མེད་བཤད་སྒྲུབ་ཆོས་ཀྱི་སེང་གེ་གནས་འབྲེལ་གྱི་ཉམས་བཞེས་གསལ་འདེབས་སུ་མེས་པོ་རྒན་པོ་རྡོ་རྗེ་ཕུར་པའི་རིགས་སྔགས་འཆང་བ་ཕྲིན་ལས་དྲག་པོ་རྩལ་གྱིས་བྲིས་པས་དགེ་ལེགས་རྣམ་པར་རྒྱལ་བའི་རྒྱུར་གྱུར་ཅིག །སརྦ་མངྒ་ལཾ།། +
* '''Author colophon:''' །ཅེས་པའང་དཔལ་རང་བྱུང་པདྨའི་སྙིང་པོའི་ཕྲིན་ལས་ཀྱི་དགེ་མཚན་ནམ་ཡང་དུས་ལས་ཡོལ་བ་མེད་པའི་རྟེན་འབྱུང་གི་ཤིང་རྟས་ཉེ་བར་དྲངས་ཏེ། སྙིགས་མའི་ཡང་མཐར་སྐྱེས་པའི་ཀུན་ཏུ་རྒྱུ་པདྨ་གར་དབང་འོད་གསལ་བདེ་ཆེན་མདོ་སྔགས་གླིང་པའི་མིང་གིས་སྒྲོ་བཏགས་ཐོབ་པ་བདག་ཀྱང༌། མགོན་པོ་མཆོག་དེས་ཚུར་མཐོང་གདུལ་བྱའི་སྣང་ཆར་ཡང་ཕུར་ཧེ་རུ་ཀའི་གསེང་ལམ་ལ་བརྟེན་ནས་ཕྱག་ཆེན་རིག་འཛིན་གྱི་གོ་འཕང་མངོན་དུ་མཛད་པའི་ཚུལ་བསྟན་པའི་གནས་མཆོག་བལ་ཡུལ་ཡང་ལེ་ཤོད་ཀྱི་བྲག་ཕུག་ཏུ་རང་ཉིད་ཀྱི་སྐལ་པར་ཐོབ་པའི་རྡོ་རྗེ་ཕུར་པ་གཉགས་ལུགས་ཀྱི་དཀྱིལ་འཁོར་སྐལ་ལྡན་རྡོ་རྗེ་རིག་པ་འཛིན་པ་དུ་མའི་འདུས་པ་དང་བཅས་ཏེ་ཞལ་ཕྱེས་ཏེ་ཕྱི་ནང་གསང་བའི་ཚོགས་ཀྱི་འདུ་བ་ལ་ལོངས་སྤྱོད་པས་རིས་མེད་པའི་བསྟན་འགྲོར་དགེ་བའི་རྟེན་འབྲེལ་མངོན་གྱུར་དུ་ཚོགས་པའི་ཚེ་བསྐང་བ་འདི་ཡང་གསར་དུ་སྤེལ་པས་འགྲོ་ཀུན་དཔལ་ཧེ་རུ་ཀའི་གོ་འཕང་མངོན་དུ་གྱུར་ནས་རྒྱལ་བའི་བསྟན་པ་རིན་པོ་ཆེ་ཕྱོགས་དུས་གནས་སྐབས་ཀུན་ཏུ་དར་རྒྱས་ཡུན་རིང་དུ་གནས་པའི་དགེ་མཚན་དུ་གྱུར་ཅིག །ཤྲཱི་བི་ཛ་ཡནྟུ།།
* '''Editor colophon:''' །།ཚུལ་འདི་མཛད་པ་པོ་འདི་ཕྱིའི་རེ་ལྟོས་ཀྱི་མགོན་གཅིག་སྐྱབས་རྗེ་རིན་པོ་ཆེའི་བཀའ་དགོངས་བཞིན་གང་གི་འབངས་ཐ་པད་བཀོད་ཀྱི་སྒམ་པོ་པའི་སྤྲུལ་མིང་ཙམ་འཛིན་པ་འགྱུར་མེད་ཨོ་རྒྱན་བསྟན་འཛིན་ཉི་མས་ཡང་ཡང་བཀའ་འདྲི་ཞུས་ཏེ་ཞུ་དག་གི་སྲི་ཞུ་བསྒྲུབས་པར་བྱས་པ་ཡིན་ནོ།།
+
གཉགས་ལུགས་རྡོ་རྗེ་ཕུར་པའི་རྡོར་སེམས་རྒྱུད་སྡེ་བཞི་འབྲེལ་གྱི་བརྒྱུད་པའི་གསོལ་འདེབས་རྡོ་རྗེའི་ཡེ་ཤེས་འབེབས་པའི་ཕོ་ཉ། +
།ཅེས་པའང་ལམ་འདི་ཉིད་ལ་ལས་སྨོན་དག་པའི་མཁྱེན་རྟོགས་ཡོན་ཏན་གྱི་མངའ་བདག་དབྱིངས་རིག་བྱང་ཆུབ་དབང་པོའི་གསུང་གིས་བསྐུལ་བ་བཞིན་མཚོ་སྐྱེས་རྡོ་རྗེ་འཆང་གིས་བྱིན་གྱིས་བརླབས་པའི་སྔགས་བཙུན་པདྨ་གར་དབང་འོད་གསལ་མདོ་སྔགས་གླིང་པས་བྲིས་པ་དངོས་གྲུབ་མཆོག་གི་དཔལ་ལ་སྤྱོད་པར་གྱུར་ཅིག །མངྒ་ལཾ། དགེའོ།། +
།ཅེས་ཆོས་འདི་རང་སྐལ་དུ་བཞེས་པའི་འཁྲུལ་ཞིག་རྡོ་རྗེ་འཛིན་དབང་ངག་དབང་མདོ་སྔགས་བསྟན་འཛིན་དང༌། ལས་སྨོན་བཟང་པོའི་འབྲེལ་བའི་མཆོག་སྤྲུལ་པདྨ་དབང་རྒྱལ་དང༌། གྲུབ་སྲས་ཨོ་རྒྱན་སྟོབས་རྒྱལ་སོགས་ལས་ཅན་མང་པོས་ཡང་ཡང་བསྐུལ་ཀྱང་སྙོམས་ལས་རྒན་པོ་འདུ་འཛིའི་ཆུ་རླབས་ཀྱིས་ཁྱེར་བར་བརྩམས་པའི་ཚེ་རིགས་བརྒྱའི་ཁྱབ་བདག་འཇམ་མགོན་མཁྱེན་བརྩེའི་མཆོག་སྤྲུལ་ཐུབ་བསྟན་ཆོས་ཀྱི་རྒྱ་མཚོ་དང༌། རབ་འབྱམས་འགྱུར་མེད་ཆོས་ཀྱི་སེང་གེ་ཟུང་གི་ཐུགས་བསྐྱེད་གྲུ་གཟིངས་ལ་བསྟེན་ནས་གྲུབ་པའི་ཚེ། ཡི་གེ་འབྲི་རྩོལ་གྱི་མཐུན་སྦྱོར་རྟེན་མཆོག་འགྱུར་མེད་གླིང་གི་བྱང་འདྲེན་པདྨ་བཀྲ་ཤིས་དང༌། དད་གུས་རྣམ་དཔྱོད་གསལ་བ་སྤྲུལ་སྐུ་ཀུན་དགའ་བཀྲ་ཤིས་གཉིས་ཀྱིས་མཛད་དེ་མཚོ་སྐྱེས་རྒྱལ་བ་གཉིས་པས་རྡོ་རྗེ་ཕུར་པའི་ཡེ་ཤེས་ཀྱི་དཀྱིལ་འཁོར་དུ་མཁའ་འགྲོ་ཡེ་ཤེས་མཚོ་རྒྱལ་དང་རླངས་ཆེན་དཔལ་གྱི་སེང་གེ་སོགས་ལས་ཅན་རྡོ་རྗེའི་འདུས་པ་སྨིན་པར་མཛད་ཅིང་གངས་ཅན་མཐའ་དབུས་ཆོས་ནོར་རྫས་གཏེར་གྱིས་གཏམས་པ་དང་ཆབས་ཅིག་ཡིད་སྲུབ་ཀྱི་རུ་མཚོན་བསྙིལ་ནས་ཐུབ་བསྟན་ཕྱོགས་ལས་རྣམ་པར་རྒྱལ་བའི་ལྷ་ཡི་རྔ་གསང་འཁྲོལ་མཛད་སྟག་ཚང་སེང་གེ་བསམ་འགྲུབ་ཀྱི་མདུན་ལྷ་ཀླུ་ཀུན་ཏུ་དགའ་བའི་ནེའུ་གསེང་གི་སྐྱེད་ཚལ་དུ་བསྙེན་མཚམས་ཀྱི་ཐུན་གསེང་དུ་རས་དཀར་གྱི་ལྡིང་གུར་ལ་གནས་པའི་འཁོས་མེད་གྱི་ན་བ་པདྨ་མདོ་སྔགས་གླིང་པ་ཀློང་ཆེན་ནམ་མཁའ་འོད་གསལ་གྱིས་བྲིས་པས་མཉམ་མེད་ཤཱཀྱ་སེང་གེའི་བསྟན་པ་མཁའ་ཁྱབ་དུ་རྒྱས་པའི་རྒྱུར་གྱུར་ཅིག །དགེའོ།། +
།དེ་ལྟར་མཁན་ཆེན་ཐམས་ཅད་མཁྱེན་པ་ངག་དབང་ཆོས་གྲགས་ཀྱིས་མཛད་པའི་གཉན་ལོའི་དབང་གི་ལྷ་གསུམ་གྱི་སྒྲུབ་ཐབས་རྗེས་གནང་དང་བཅས་པ་འདི་ཉིད་ཡིག་རྙིང་དང་། ཚར་ཆེན་རིན་པོ་ཆེའི་ཡོངས་འཛིན་རྗེ་ཕྲིན་ལས་པའི་ཡིག་ཆ་སོགས་ལ་གཏུགས་ཏེ་ཞུས་དག་དང་། མངོན་རྟོགས་དང་རྗེས་གནང་གི་སྐབས་སོགས་ཀྱི་ཚིག་སྣ་འགའ་ཞིག་བསྲིངས། སོགས་ཁོངས་རྣམས་ཀྱང་དཀྱུས་སུ་བཅུག་སྟེ་ཤིན་ཏུ་གསལ་བར་འཇམ་དབྱངས་བླ་མ་དགྱེས་པའི་འབངས་མཁྱེན་བརྩེའི་དབང་པོས་སྒྲུབ་པའི་ཐབས་ཀུན་ལས་བཏུས་པའི་བཀའི་བསྡུ་པ་ཆེན་པོ་བགྱིས་པའི་སྐབས་བྲིས་པ་ཤུ་བྷ་མ་སྟུ་སརྦ་ཛ་ག་ཏཱི།། +
།ཞེས་པའང་བྱ་བྲལ་བ་འཇམ་དབྱངས་མཁྱེན་བརྩེའི་དབང་པོས་ཡིག་ཆ་སྔ་མའི་དོན་གྱི་བཅུད་ཕྱུང་སྟེ་བྲིས་པའི་དགེ་བས་འགྲོ་ཀུན་ཕྱི་ནང་གི་བར་དུ་གཅོད་པ་ཐམས་ཅད་ཞི་ཞིང་འདོད་རྒུའི་དངོས་གྲུབ་ཡིད་བཞིན་དུ་འགྲུབ་པའི་རྒྱུར་གྱུར་ཅིག། +
།ཅེས་པའང་ཁྱབ་བདག་འཁོར་ལོའི་མགོན་པོ་རྡོ་རྗེ་འཆང་བྱམས་པ་ཀུན་དགའ་བསྟན་འཛིན་ལས་ཚུལ་འདིའི་བཀའ་དྲིན་ཐོབ་པ་འཇམ་དབྱངས་མཁྱེན་བརྩེའི་དབང་པོས་གསོལ་བ་བཏབ་པ་སིདྡྷི་རསྟུ།། +
།ཟབ་གཏེར་འབྱུང་གནས་ཌཱཀྐི་མའི། །བཀའ་བཞིན་ཁྲག་འཐུང་དཔའ་བོ་ལས། །ཐོལ་བྱུང་་ཤར་བཞིན་ཐོགས་མེད་བྲིས། །ལས་མྱུར་གནམ་ལྕགས་ཐོག་འདྲའོ། །དགེ། +
།ཟོ་དོར་ཐ་ཚིག་བོར་བའི་ཚེ། །བདག་ཉིད་བློ་གསལ་དབང་མོ་ཡིས། །ཐོལ་བྱུང་ཤར་བཞིན་ཐོགས་མེད་བཀོད། །ཤིན་ཏུ་རྣོ་མྱུར་ཕྲིན་ལས་འགྲུབ། །ཞལ་དྲོ་བཀྲ་ཤིས་དཔལ་འབར་ཤོག ། +
གཉུག་མར་གནས་པ་དང་གློ་བུར་ལྷག་པའི་འབྱུང་པོ་ཀུན་ལ་གཏམ་དུ་བྱ་བའི་རྡོ་རྗེའི་ཐོལ་གླུ་ཧེ་རུ་ཀའི་ཞལ་ལུང་། +
།ཅེས་པའང་དགོས་པ་འགའ་ཞིག་གི་ཆེད་དུ་སྨྲས་པའོ།། +
།ཞེས་པ་འདི་ཡང་སྒྲུབ་གནས་བྲག་དམར་ཟངས་ཡག་ནམ་མཁའ་རྫོང་དུ་ཁྲོ་རྒྱལ་ཡང་གསང་གཏུམ་པོ་མཐིང་གའི་རས་བུད་བགྱིས་པའི་སྐབས་སུ། ཡོངས་རྫོགས་བསྟན་པའི་ཉི་མ་སྤྲུལ་པའི་སྐུ་མཆོག་མདོ་སྔགས་གླིང་པས་གང་ཤར་རྩོལ་མེད་ཤུགས་འབྱུང་དུ་གསུངས་པ་ཉིད་ཡི་གེར་འབྲི་བའི་བྱེད་པོ་གཏེར་སློབ་འདུལ་འཛིན་པདྨ་དྲི་མེད་བློ་གྲོས་གཞན་ཕན་ཆོས་ཀྱི་སྣང་བའམ། མིང་གཞན་རིན་ཆེན་དར་རྒྱས་དཔལ་བཟང་པོ་སྟེ་འགྲོ་རྣམས་བདེ་དྲོད་བསམ་མི་ཁྱབ་པའི་གཏུམ་མོ་མཐར་ཕྱིན་པར་གྱུར་ཅིག །པར་མ་སུ་ཁ་ཝརྦྷནྟུ། +
