གཅོད་འཛིན་པ་རང་གྲོལ་གྱི་འདོན་ཆིངས་ཟིན་བྲིས།

From Khyentse Lineage - A Tsadra Foundation Project
Wylie title gcod 'dzin pa rang grol gyi 'don chings zin bris DKYD-DZINDROL-002.pdf
Location mdo mkhyen brtse 'dzin grol
Volume 1, Text 2, Pages 11-12 (Folios 1a1 to 1b5)
Author དྭགས་པོ་སྤྲུལ་སྐུ་
Less details More details
Tertön མདོ་མཁྱེན་བརྩེ་ (Mdo mkhyen brtse)
Citation Dwags po sprul sku. Gcod 'dzin pa rang grol gyi 'don chings zin bris. In Mdo mkhyen brtse ye shes rdo rje'i dgongs gter gcod 'dzin pa rang grol gyi 'don chog gi skor, (The Natural Liberation of Grasping, The Chod Teaching of Do Khyentse Yeshe Dorje): 11-12. Delhi: Shechen Publications, 2020.
Genre Liturgy - ngag 'don  ·  Notes - zin bris
Cycle གཅོད་འཛིན་པ་རང་གྲོལ་ (gcod 'dzin pa rang grol)
Karchag page DKYD-DZINDROL-Karchag
Colophon

།རྫོགས་ཆེན་དགོན་གྱི་དབུ་མཛད་ཅིག་གི་དཔེ་ལས་པད་བཀོད་སྒམ་སྤྲུལ་ལམ་དྭགས་པོ་སྤྲུལ་སྐུར་འབོད་པས་ཞལ་བཤུས་པ་སྟེ། སླད་ནས་རྫོགས་ཆེན་མཁན་པོ་ཐུབ་སྙན་ཕྱག་བྲིས་ལས་ཞལ་བཤུས་པའི་འདོན་ཟིན་ཞིག་མཇལ་བ་ཡང་འདི་དང་ཁྱད་པར་མི་འདུག་གོ།

/rdzogs chen dgon gyi dbu mdzad cig gi dpe las pad bkod sgam sprul lam dwags po sprul skur 'bod pas zhal bshus pa ste/_slad nas rdzogs chen mkhan po thub snyan phyag bris las zhal bshus pa'i 'don zin zhig mjal ba yang 'di dang khyad par mi 'dug go/

[edit]
འཛིན་པ་རང་གྲོལ་འདོན་ཟིན་ནི། དཔལ་ལྡན་རྩ་བའི་བླ་མ་རིན་པོ་ཆེ་སོགས། ཚིག་བདུན་གསོལ་འདེབས་དང་བླ་མ་སྐུ་གསུམ་གསོལ་འདེབས། ཨེ་མ་ཧོ། གདོད་མའི་མགོན་པོ་སོགས། འོག་མིན་ཆོས་ཀྱི་དབྱིངས་སོགས། སྐྱེ་བ་ཀུན་ཏུ་སོགས། དེ་ནས་ཁྲོས་མའི་བསྐྱེད་བཟླས་རྗེས་ཤིས་བརྗོད་བྱ། ཨེ་མ་ཧོ། སངས་རྒྱས་ཀུན་འདུས་བླ་མ་སོགས་ཁ་སྒྱུར་བཅས་གོང་འོག་ལན་གསུམ་རེ། འཛིན་གྲོལ་གདམས་པ། ན་མོཿ སྐུ་གསུམ་ཀུན་འདུས་བླ་མ་སོགས་སྐྱབས་སེམས་དང་། རྟེན་སྐྱེད། གསོལ་འདེབས་ཀྱི་བསྙེན་པ་བཟླ། ཕཊཿ ཨ་འཐས་འཁྲུལ་སྣང་སོགས་བསྙེན་སྒྲུབ་སྔགས་བཟླ། རིགས་བཞིའི་ཐུགས་ཀར་སོགས་གོང་སྔགས་བཟླ། ཕཊཿ རང་ཉིད་ཁྲོས་མ་ནག་མོའི་སོགས་ནས། འདིར་འདུས་ཤིགཿ ཕཊཿ ཌཱ་རྐང་བཅས། མ་ཡུམ་ཆེན་ཐུགས་ལས་སོགས་ནས། གནས་པར་གྱུརཿ ཕཊཿ དེ་ལྟར་སྤྲུལ་དང་སྤྲུལ་གཞི་སོགས་ནས། རོ་གཅིག་འདྲེསཿ ཕཊཿ ཌཱ་རྐང་བཅས། སྣང་བ་སྣོད་ཀྱི་འཇིག་རྟེན་སོགས་ནས། ཕེཾ་ཕེཾ་ཨ་ཨ་ཨཿ བར་གཏང་། ༈ དེ་ནས་རྒྱས་པའི་སྐབས་ཉམས་ལེན་གཞུང་ཤིང་ཆེན་མོ་མཐར་ཆགས་གཏང་། དེ་ནས་གདན་ཐོགས་གཅིག་མ་གཏང་། རྒྱུ་མེད་རྐྱེན་བྲལ་སོགས་ལུས་སྦྱིན་གསུམ་གང་རུང་གཏང་། དེ་ནས་བཀའ་སྲུང་རྣམས་བཏང་མཐར། ཨོཾ་སྐྱེ་བ་མེད་པ་སོགས་སྒྲོལ་མ་འདོན་རྗེས། ཚོགས་ལ་འཇུག ༈ །རིམ་འགྲོའི་སྐབས་ལྷག་མའི་མགོར་དྲག་གཅོད་དང་། ཆངས་བུ་བརྒྱ་རྩ། གདོན་འདུལ། གདོན་ཚོགས་དགུ་མ། ཁྲོས་མའི་གྲི་འདུལ་སོགས་བཏང་རྗེས། ལྷག་མ་ནས་བཟུང་ཚོགས་ཀྱི་མཇུག་བསྡུས་ལ། ཉིན་ཆོག་ཡིན་ན་འདི་ནས་རྗེས་ཆོག་གཏོང་། ཉིན་གྲངས་ཡིན་ན་ཉིན་ཐ་མའི་རྗེས་སུ་གཏོང་ངོ་། ༈ བསྡུ་ན་འཛིན་གྲོལ་གདམས་པའི་མཇུག །གདན་ཐོགས་གཅིག་མའམ། རྒྱུ་མེད་རྐྱེན་བྲལ་སོགས་ལུས་སྦྱིན་གསུམ་གང་རུང་འདོན། གཞན་རྣམས་སྔར་ལྟར་དང་། གཤིན་པོ་རྗེས་འཛིན་འདོན་ན་བསྔོ་བའི་མགོར་སྦྱོར་བ་ཕྱག་ལེན་ནོ། ༈ ཚོགས་མཆོད་རྐྱང་པ་འདོན་ན་ཡང་ཆོག །ལུས་སྦྱིན་རྒྱས་པ་ལ་སྦྱར་ཡང་ཆོག་ཅིང་དེ་སྐབས་སྐོང་བའི་མགོར་བཀའ་སྲུང་སྦྱོར་བ་ཡིན་ནོ། །རྫོགས་ཆེན་དགོན་གྱི་དབུ་མཛད་ཅིག་གི་དཔེ་ལས་པད་བཀོད་སྒམ་སྤྲུལ་ལམ་དྭགས་པོ་སྤྲུལ་སྐུར་འབོད་པས་ཞལ་བཤུས་པ་སྟེ། སླད་ནས་རྫོགས་ཆེན་མཁན་པོ་ཐུབ་སྙན་ཕྱག་བྲིས་ལས་ཞལ་བཤུས་པའི་འདོན་ཟིན་ཞིག་མཇལ་བ་ཡང་འདི་དང་ཁྱད་པར་མི་འདུག་གོ།། །།