Property:colophontib
From Khyentse Lineage - A Tsadra Foundation Project
This is a property of type Text.
པ
བདག་འདྲ་ཨ་ཙར་དམར་པོ་ཡིསཿ དབྱིངས་ཀྱི་མཁའ་འགྲོའི་བརྡ་རིས་ལསཿ ལྷ་ལྕམ་ཡུམ་གྱི་དོན་དུ་ཕབཿ གཞན་ལ་མེད་པའི་ཁྱད་ནོར་རོཿ ས་མ་ཡཿ རྒྱ་རྒྱ་རྒྱཿ ཡི་གེར་རིག་པའི་ཡེ་ཤེས་ཀྱིས། །ཕབ་འདི་བསྟན་པར་ཕངས་པས་གདམས། ། +
བདག་འདྲ་དུས་མཐའི་སྙོམས་ལས་པཿ ནམ་མཁའ་མཛོད་ཀྱི་ཆོས་སྡེ་ལསཿ དབང་བསྒྱུར་ཁྲག་འཐུང་དཔའ་བོ་ཞེས༔ མཁའ་འགྲོ་དགྱེས་པའི་རྡོ་རྗེ་ལཿ ཤིང་འབྲུག་ལོ་ལ་བརྡའ་རིས་ཤརཿ མི་ལོ་བཅུ་གསུམ་གསང་རྒྱས་བཏབསཿ མེ་འབྲུག་སྨིན་དྲུག་ཟླ་བ་ལཿ ཡི་དམ་རྡོ་རྗེ་ཕག་མོ་དངཿ ཉང་རིགས་རལ་པའི་ཅོད་པཎ་ཅནཿ ཉི་མ་འོད་ཟེར་བརྡའ་འཁྲོལ་བཞིནཿ མཐིང་ཤོག་གསེར་གྱི་བརྡ་རིས་ལསཿ ཕབ་པའི་གསང་བ་གཅིག་བརྒྱུད་འདིཿ དྲང་སྲོང་ཞོ་འཐུང་རུས་པ་ཡིསཿ དམ་བཅའ་བཞི་ལྡན་རྡོ་རྗེའི་མཚོནཿ མཐུ་ལྡན་བསྟན་འཛིན་དཔའ་མོ་ཡིཿ བསྟན་པ་བསྲུང་བའི་ཕྱག་ཆར་འབུལཿ ཡི་གེ་འདུ་བྱེད་བྱང་སེམས་རིགསཿ ཨ་བྷྱཿརིསྨའི་བགྱིས་པ་ཡིསཿ བསྟན་པ་སྲུང་བའི་གོ་ཆར་ཤོགཿ མི་རབས་གསུམ་དུ་ཆིག་བརྒྱུད་རྒྱཿ གུ་ཧྱཿ +
གསང་བ་སྔགས་ཀྱི་རྣལ་འབྱོར་བཿ ལྟ་སྒོམ་གདེང་དང་ལྡན་པ་ཡིསཿ འདི་ཉིད་བྲན་དུ་ཁོལ་བར་ངེསཿ གཞན་གྱིས་བསྒྲུབ་ན་རང་ལ་སྡིགཿ དྲི་མེད་འོད་ཟེར་བཀའ་བཞིན་དུཿ ཁྲག་འཐུང་བདེ་བའི་རྡོ་རྗེས་ཕབཿ ཡི་གེ་འོད་ཟེར་མཐའ་ཡས་ཏེཿ སྲིད་གསུམ་ཟིལ་གྱིས་ནོན་པར་ཤོགཿ ས་མ་ཡཱཿ གུ་ཧྱཿ ཁ་ཐཾཿ རྒྱཿ +
ཡང་དག་རྒྱ་མཚོ་ལྟ་བུའི་བཅུདཿ བདུད་འདུལ་དྲག་མོའི་གསང་སྒྲུབ་འདིཿ ཨ་ཙར་ཁྲག་འཐུང་དམར་པོ་ཡིསཿ ཉམས་སུ་བླང་བས་གྲུབ་འབྲས་ཐོབཿ རྡོ་རྗེ་ཕག་མོའི་ཐུགས་ཀློང་སྦསཿ ལྔ་ཕྲག་ཐ་མའི་དུས་ཀྱི་ཚེཿ ལས་ཅན་གྲོགས་དང་འཕྲད་པར་ཤོགཿ ས་མ་ཡཱཿ རྒྱ་རྒྱཿ གུ་ཧྱཿ ཁ་ཐཾཿ ཤིན་ཏུ་གསང་བའི་མན་ངག་ཡི་གེའི་འདུ་བྱེད་རིག་པའི་ཡེ་ཤེས་ཀྱིས་བགྱིས་པའོ།། །། +
བདག་འདྲ་ཁྲག་འཐུང་རོ་སྙོམས་རྡོ་རྗེས་ཌཱཀྐིའི་བརྡའ་རིས་དང་མངའ་བདག་གླེགས་རལ་མི་མ་ཡིན་གྱི་ཆོ་འཕྲུལ་སོགས་བསམ་བཟོད་དཀའ་བ་བྱུང་ཡང་ཡབ་ཡུམ་སྙིང་སྟོབས་གཉེན་པོའི་དབང་དུ་གཏོང་བ་ཏེ་མི་རབས་གསུམ་གྱི་རབ་ཏུ་ཆིག་རྒྱུད་དུ་གུ་ཧྱཿ ཡི་གེ་དམ་ལྡན་རྣལ་འབྱོར་པ་སློབ་བུ་འཇིགས་མེད་འོད་ཟེར་གྱིས་ཞབས་ཏོག་བགྱིས་པའོཿ +
བདག་འདྲ་ཁྲག་འཐུང་རྔམས་རྗིད་དཔའ་བོས་དབྱིངས་ཀྱི་མཁའ་འགྲོའི་བརྡ་རིས་ལས་དག་པར་ཕབ་པ་གཅེས་པའི་མན་ངག་ཟབ་མོ་འདི་སྙིང་ལ་སྦོས་ཤིགཿ ཡི་གེའི་འདུ་བྱེད་རིག་པའི་ཡེ་ཤེས་ཀྱིས་བགྱིས་པ་ཞལ་དྲོས་བྱིན་ཆགས་དགེ་ལེགས་འཕེལ།། +
བདག་འདྲ་མཁའ་འགྲོའི་གསང་མཛོད་ཀྱི་བདག་པོ་ཁྲག་འཐུང་ལས་ཀྱི་དཔའ་བོས་གདུག་ལྕགས་ཕག་ལོར་བརྡ་རྟགས་ཤར་ཡང་ལོ་ལྔའི་བར་དུ་གསང་རྒྱས་བཏབ་སྟེ་མེ་འབྲུག་ལོར་སྣྲོན་ཟླའི་དམར་ཕྱོགས་ལ་རྡོ་རྗེ་རྣལ་འབྱོར་མ་ཉིད་ཀྱི་དངོས་ཞལ་མཇལ་ཞིང་བརྡ་བཀྲོལ་བྱུང་བ་ལྟར་ཤོག་སེར་གསེར་གྱི་རལ་གྲིའི་དབྱིབས་ཅན་གྱི་ངོས་ནས་དག་པར་ཕབ་པའི་ཡི་གེ་འདུ་བྱེད་སློབ་བུ་ཉེ་གནས་འཇིགས་མེད་འོད་ཟེར་གྱིས་བགྱིས་པ་མཁའ་འགྲོའི་ཁ་རླངས་ཆིལ་ལེ་བའི་གདམས་པའོ།། །། +
དུས་མཐའི་གཏེར་སྟོན་འཇའ་ལུས་རྡོ་རྗེ་ཡིསཿ མཁའ་དབྱིངས་ཀློང་སྒྲོམ་སྨུག་པོའི་བརྡ་རིས་ལསཿ ཕབ་འདི་སྐལ་བ་ཅན་གྱི་སྤྱོད་ཡུལ་ཏེཿ རིག་པའི་ཡེ་ཤེས་ཡི་གེའི་འདུ་བྱེད་སྤེལཿ བསྟན་དང་འགྲོ་ལ་ཕན་པའི་རྒྱུར་གྱུར་ཅིགཿ དགེའོ། །དགེའོ། །དགེའོ། ། +
ཞེས་པ་འདི་ལྟར་པདྨ་ཧེ་རུ་ཀའི་གནས་མཆོག་ཟངས་བྲག་ཟླ་གམ་སྒོ་གཅིག་གི་མདུན་དུ་པདྨ་དབང་མཆོག་རྒྱལ་པོའམ་ཀུན་བཟང་མཁའ་ལྡིང་རྡོ་རྗེས་སྐད་ཅིག་ལ་བྲིས་པ་མི་མཐུན་ཕྱོགས་ལས་རྣམ་པར་རྒྱལ་བའི་རྒྱུར་གྱུར་ཅིག །དགེའོ།། +
།ཅེས་དུས་གསུམ་སངས་རྒྱས་ཐམས་ཅད་ཀྱི་ངོ་བོ་ཨོ་རྒྱན་མཚོ་སྐྱེས་རྡོ་རྗེའི་རྒྱལ་ཚབ། ཡོངས་རྫོགས་བསྟན་དང་འགྲོ་བའི་སྐྱབས་དང་། མགོན་དང་། དཔུང་གཉེན་གཅིག་པུར་གྱུར་པ་རྗེ་བཙུན་མཆོག་གི་སྤྲུལ་པའི་སྐུ་རིན་པོ་ཆེ་གང་ཉིད་ཕྱོགས་འདིར་ཆིབས་ཀྱི་ཁ་ལོ་མངོན་པར་བསྒྱུར་ཞིང་། མཐོང་བའི་དོན་ཡོད་པའི་གསེར་ཞལ་རིན་པོ་ཆེ་མཇལ་བ་དང་། ལེགས་གསུང་བདུད་རྩིའི་དགའ་སྟོན་ལྷུག་པར་སྩལ་ཞིང་། དམིགས་མེད་ཐུགས་རྗེའི་འཇུག་པས་དགྱེས་བཞིན་དུ་རྗེས་སུ་བཟུང་བའི་སྐལ་བ་བཟང་པོའི་བཀའ་དྲིན་བསམ་གྱིས་མི་ཁྱབ་པར་ཐོབ་པའི་ལེགས་འབུལ་དང་། རྡོ་རྗེའི་གསང་གསུམ་ཕྲིན་ལས་དང་བཅས་པ་རྒྱུན་གྱིས་རྟག་ཅིང་། ཡུལ་དབུས་དག་པའི་ཞིང་ཁམས་ཆེན་པོར་ཞབས་པད་བསྐྱོད་པའི་ཐུགས་ཀྱི་བཞེད་དགུ་ལྷུན་གྱིས་གྲུབ་སྟེ། སླར་ཡང་རིང་མིན་ཕྱོགས་འདིའི་གདུལ་བྱའི་བསོད་ནམས་ཀྱི་མགྲོན་དུ་ཞབས་མཐིལ་བཀྲ་ཤིས་ཀྱི་འཁོར་ལོ་གེགས་མེད་དུ་བཀོད་པ་དང་ཆབ་གཅིག་ཕུན་སུམ་ཚོགས་པ་བྱེ་བ་སྙེད་ཀྱི་དུས་སྟོན་ལ་རྟག་ཏུ་ལོངས་སྤྱོད་ཆོག་པར་རྩེ་གཅིག་གུས་པས་གསོལ་བ་འདེབས་པའི་རྟེན་འབྱུང་གི་མཎྜལ་མཚོན་པར་བཀྲ་ཤིས་པའི་ལྷ་གོས་དཀར་པོ་སྲིད་དུ་རིང་བའི་མགུལ་དར། སྐུ་རྟེན་དུ་རྗེ་བཙུན་འཇམ་པའི་དབྱངས་ཀྱི་སྣང་བརྙན་བྱིན་ཅན། གསུང་རྟེན་དུ་འཇམ་དཔལ་སྒྱུ་འཕྲུལ་དྲྭ་བའི་རྒྱུད་ཀྱི་གླེགས་བམ། ཐུགས་རྟེན་དུ་བཀའ་གདམས་གདུང་རྟེན་རྙིང་མ། ཡོན་ཏན་ཡོངས་རྫོགས་འཕགས་མ་ཡིད་བཞིན་འཁོར་ལོའི་བཟླས་ཕྲེང་། ཕྲིན་ལས་སྙན་པར་གྲགས་པའི་རྟེན་འབྲེལ་དུ་ཕྱག་ཏིང་དངུལ་གྱི་ཉག་ཐག་ཅན། བཅས་བཀྲ་ཤིས་གྲུབ་པ་ཉེར་བདུན་གྱི་གྲངས་ལྡན་འདི་དག །མགོན་པོ་གང་གི་བཀའ་འབངས་ཀྱི་ཐ་ཆུང་བྱ་བྲལ་ཆོས་རྗེ་འཇམ་དབྱངས་མཁྱེན་བརྩེའི་དབང་པོས་བསམ་པ་དག་ཅིང་སྦྱོར་བ་གུས་པས་འབུལ་ལམ་ཞུས་པ་ལགས་ན་ཡེ་ཤེས་གཟིགས་པ་དམ་པས་ཡུད་ཙམ་བདག་གིར་བཞེས་ཏེ་ཇི་ལྟར་གསོལ་བ་བཏབ་པའི་དོན་ཐམས་ཅད་ཡིད་བཞིན་དུ་འགྲུབ་པར་བྱིན་གྱིས་བརླབ་ཏུ་གསོལ། །སརྦ་དཱ་ཀ་ལྱཱ་ཎཾ་བྷ་བ་ཏུ།། +
གཏེར་ཆེན་རིན་པོ་ཆེའི་ཕྱག་བཞེས་ལྟར་བྲིས།། +
པདྨ་གར་དབང་མཁའ་འགྲོ་མའི་རྟོགས་པ་ལས་ཕྱུང་བའི་ཁམས་གསུམ་དབང་དུ་བྱེད་པའི་མན་ངག་གི་རྒྱུན་གྱི་བསྐྱེད་བཟླས་ཟབ་མོ་བདེ་ཆེན་བདུད་རྩིའི་ཉིང་ཁུ། +
།ཞེས་པའང་ལྷོ་ལྗོངས་ཆོས་ཀྱི་རྒྱལ་ཁབ་ཆེན་པོའི་ལྷ་སྲས་འཇིགས་མེད་སེང་གེ་དབང་ཕྱུག་དང༌། ལྷ་བཙུན་སྐལ་བཟང་ཆོས་སྒྲོན་ཡུམ་སྲས་ནས་ཐུགས་དམ་རྒྱུན་གྱི་ཉམས་བཞེས་སུ་ཆེད་དུ་བཀའ་བསྩལ་བཞིན་སྣང་སྲིད་དབང་སྡུད་པདྨ་རྒྱལ་པོའི་བཀའ་འབངས་དབང་ཆེན་དགྱེས་པ་རྩལ་གྱིས་གཏེར་གཞུང་རྩ་བའི་མན་ངག་ཁོལ་ཕྱུང་དུ་བགྱིས་པ་འདིས་ཀྱང་དཔལ་ལྡན་འབྲུག་པའི་ཆོས་རྒྱལ་མཆོག་གི་ཆབས་སྲིད་མངའ་ཐང་ཕྱོགས་ཐམས་ཅད་ལས་རྣམ་པར་རྒྱལ་བའི་རྒྱུར་གྱུར་ཅིག། +
།ཅེས་པའང་གསུང་གི་དབེན་གནས་བསམ་ཡས་མཆིམས་ཕུར་གྲོ་བཞིན་ཟླ་བའི་དཀར་ཕྱོགས་ཀྱི་ཚེས་བཅུར་དབང་ཆེན་རྟ་མཆོག་རོལ་པའི་དཀྱིལ་འཁོར་དུ་ཚོགས་ཀྱི་འདུ་བ་བགྱིས་པའི་ཚེ་གང་ཤར་གླུར་བླངས་པའི་རྟོགས་པའོ།། +
།ཞེས་པའང་རྗེ་བཙུན་རྡོ་རྗེ་འཆང་ཆེན་པོ་དེ་ཉིད་ལས་སྨིན་གྲོལ་གྱི་བདུད་རྩི་ཅུང་ཟད་ཐོབ་པའི་སྐལ་བཟང་ཅན་རྨོངས་རྟུལ་ཀུན་ཏུ་རྒྱུ་བྱ་བྲལ་བ་འཇམ་དབྱངས་མཁྱེན་བརྩེའི་དབང་པོས་སྣྲོན་ཟླའི་དཀར་ཕྱོགས་ཀྱི་ཚེས་བཅུའི་ཉི་མ་འཆར་ཀའི་དུས་སུ་མཆོད་ཅིང་གསོལ་བ་བཏབ་པའི་རྗེས་འབྲེལ་དུ་དད་གདུང་རྩེ་གཅིག་པས་གསོལ་བ་བཏབ་པ་དེ་དེ་བཞིན་དུ་ངེས་པར་འགྲུབ་པའི་རྒྱུར་གྱུར་ཅིག །ཤུབྷཾ།། +
།ཅེས་པ་འདིའང་ཤངས་ཟབ་བུ་ལུང་བདེར་གཤེགས་འདུས་པའི་ཕོ་བྲང་ཆེན་པོའི་ཉེ་འདབས་ཀྱི་སྨན་ལྗོངས་ཉམས་དགའ་བ་ཞིག་ཏུ་སྣྲོན་ཟླ་བའི་དཀར་ཕྱོགས་ཀྱི་ཚེས་བཅུར་བྱ་བྲལ་བ་མཁྱེན་བརྩེའི་དབང་པོས་སྙིང་ནས་གུས་པ་ཆེན་པོས་གསོལ་བ་བཏབ་པ་སིདྡྷི་རསྟུ།། +
པདྨ་ཡེ་ཤེས་རྡོ་རྗེས་ཆུ་སྦྲུལ་ཟླ་༣ཚེས་༣ལ་བྲིས་པའོ།། +
པདྨ་ཡེ་ཤེས་རྡོ་རྗེས་ཆུ་སྦྲུལ་ཟླ་བ་གསུམ་པའི་ཚེས་གསུམ་ལ་བྲིས་པའོ༔ སརྦ་མངྒ་ལཾ། དགེའོ།། +
པདྨ་མཁའ་འགྲོ་མ་རིགས་བྱེད་རྩལ་གྱི་བསྙེན་སྒྲུབ་ཕྲིན་ལས་ཀྱི་བྱང་བུ་དབང་བསྐུར་དང་བཅས་པ་བདེ་ཆེན་དགྱེས་པའི་དབྱངས་སྙན། +
* '''Author colophon:''' ཅེས་ཁྱབ་བདག་གཏེར་ཆེན་བླ་མ་རིན་པོ་ཆེའི་བཀའ་ལུང་གི་རྗེས་གནང་དམིགས་སུ་ཐོབ་པ་ལ་བརྟེན། ཕྱག་བཞེས་ཇི་ལྟ་བ་མི་འཁྲུལ་པའི་ཆ་རྐྱེན་དུ་དམིགས་ནས་པདྨ་གར་དབང་ཕྲིན་ལས་འགྲོ་འདུལ་རྩལ་གྱིས་རྫོང་གསར་བཀྲ་ཤིས་ལྷ་རྩེའི་ཆོས་གྲྭར་གཏེར་གཞུང་ལས་བཀླགས་ཆོག་ཏུ་བཀོལ་བ་དགེ་ལེགས་འཕེལ།
* '''Editor colophon:''' །ཅེས་མཇམ་མགོན་རིན་པོ་ཆེས་མཛད་པའི་དབང་ཆོག་ལ། སོགས་ཁོང་ཕྱུང་ཤིང་ཡིག་ཆུང་དག་ལ་འབྱིན་འཇུག་ཕྲན་བུ་བཅས་མཁྱེན་བརྩེའི་བཀའ་བབས་བསྐྱར་བསྒྲིག་སྐབས། ཆོས་འདིའི་ཞབས་ཏོག་ཏུ་དམིགས་ཏེ་གུས་པ་ཕུན་ཚོགས་རྣམ་རྒྱལ་པས་བགྱིས་པའོ།།
+
* '''Treasure colophon Page 53:''' འདི་ལྟ་བུ་ཡི་ཟབ་མོའི་ལམ༔ ཆོས་སྐུ་ཀུན་བཟང་སྣང་མཐའ་ཡས༔ དུས་བཞི་མཉམ་ཉིད་ཁྱབ་གདལ་ངང་༔ ལོངས་སྐུ་དབང་ཆེན་ཧེ་རུ་ཀར༔ དགོངས་པ་གཅིག་ཏུ་བྱིན་བརླབས་ནས༔ པདྨ་ཁྲག་འཐུང་དགྱེས་པའི་སྒྲས༔ རིག་འཛིན་རྡོ་རྗེ་ཆོས་རབ་ལ༔ བཀའ་སྩལ་གསང་བའི་ཏནྟྲར་བསྡུས༔ ལས་ཀྱི་དབང་ཆེན་ཌཱ་ཀིར་གཏད༔ དེ་ཡིས་པདྨ་བདག་ཉིད་ལ༔ ཟབ་གསང་མཐའ་ཡས་མཛོད་ཆེན་སྩལ༔ སྔོན་ཆད་རླུང་ཕྱོགས་ཙམ་དུ་ཡང་༔ མ་བསྒྲགས་གཟུངས་སུ་འཆང་བ་ལས༔ ལག་ལེན་སྙིང་གི་བྱང་བུ་འདི༔ སྤྲུལ་པའི་རྒྱལ་བློན་འབངས་བཅས་དང་༔ མ་འོངས་སྐལ་ལྡན་སྐྱེས་བུའི་དོན༔ ཟབ་རྒྱ་དབྱེ་ཞིང་གསང་རྒྱ་བསྡམས༔ དེ་ཕྱིར་བརྩོན་པས་ཉམས་བླངས་ན༔ མཐའ་བཞིའི་ལེགས་ཚོགས་འདི་ཡིས་འདུ༔ ཕས་རྒོལ་དྲེགས་པ་འདི་ཡིས་འཇོམས༔ སྣོད་བཅུད་འབྱོར་པ་འདིས་འཕེལ་བྱེད༔ དཔེ་ཙམ་བཞུགས་པའི་ཕྱོགས་སུ་ཡང་༔ མི་དང་མི་མིན་ཚོགས་པ་དང་༔ འདོད་དོན་ཇི་བཞིན་ལས་འགྲུབ་ན༔ ཚུལ་བཞིན་བསྒྲུབས་ན་སྨོས་ཅི་དགོས༔ དེ་བས་སྣོད་ལྡན་རིགས་ཀྱི་སྲས༔ མཆོག་ཐུན་དངོས་གྲུབ་དཔལ་ལ་སྤྱོད༔ དཔེ་རྒྱུད་མ་འོངས་གདུལ་བྱའི་ཕྱིར༔ ཟབ་རྒྱས་སྙིང་པོའི་ཚུལ་དུ་བྲིས༔ གཅིག་ནི་ལ་སྟོད་ཕྱོགས་སུ་སྦོས༔ མངའ་བདག་ཡབ་སྲས་སྤྲུལ་པས་རྙེད༔ གཅིག་ནི་མོན་གྱི་ཕྱོགས་སུ་སྦོས༔ བདུད་འཇོམས་སྐྱེ་བ་ཉིད་དང་འཕྲད༔ གཅིག་ནི་རོང་གི་བྲག་དམར་པོ༔ ཟླ་གམ་འདྲ་བའི་ཕུག་པའི་སྒོ༔ དགུན་ཡང་མེ་ཏོག་འཆར་བ་ཡི༔ མི་འགྱུར་དབང་གི་གནས་སུ་སྦོས༔ ལོ་ཙཱ་ཆེན་པོའི་སྐྱེ་མཐའ་དང་༔ འཕྲད་ཅིང་གསང་བས་སྤྱད་པ་ཡིས༔ རང་དང་གཞན་དོན་ཅི་རིགས་བྱེད༔ དུས་ཀྱི་མཐར་ཡང་སླར་སྣང་འགྱུར༔ པདྨ་བདག་གི་བྱིན་རླབས་དང་༔ ཆོས་རྒྱལ་རྗེ་འབངས་ཐུགས་བསྐྱེད་མཐུས༔ ཤེས་རབ་བློ་ལྡན་སྙིང་རྗེ་ཅན༔ ཐུགས་ཀྱི་སྲས་དང་འཕྲད་ནས་ཀྱང་༔ བསྟན་དང་འགྲོ་ལ་ཕན་པར་ཤོག༔ ཅེས་གསུངས་སོ༔ ས་མ་ཡ༔ རྒྱ་རྒྱ་རྒྱ༔ གུ་ཧྱ་ཨྠིྀ༔
+
ཞེས་པའང་དགེ་སྦྱོང་ཚེ་རིག་འཛིན་པ་ཨ་ཚང་གིས་བསྐུལ་ངོར་སྨིན་ཟླའི་དམར་ཕྱོགས་རྒྱལ་བ་གསུམ་པར་ཁྲ་འགུའི་རི་ཁྲོད་དུ་མི་ཕམ་པས་བྲིས་པ་དགེ་ལེགས་འཕེལ། +
