པདྨ་ཀུན་བཟང་ལ།

🚧 This website is under continued development. We appreciate your patience!

Previous Text Back to Volume PageNext Text

Wylie title	pad+ma kun bzang la
Location	mkhyen brtse'i bka' 'bum Volume 20, sde tshan 1, Text 100, Pages 176-179 (Folios 88b4 to 90a4)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. pad+ma kun bzang la. In 'jam dbyangs mkhyen brtse'i dbang po'i bka' 'bum, Vol. 20: 176-179. Khams sde dge rdzong sar dgon: Rdzong sar blo gros phun tshogs, 2020.
Genre	Invocation of Auspiciousness - bkra shis brjod pa  ·  Official Letters - chab shog  ·  Prayers - smon lam  ·  Supplications - gsol 'debs
Colophon	།ཅེས་དུས་གསུམ་སངས་རྒྱས་ཐམས་ཅད་ཀྱི་ངོ་བོ་ཨོ་རྒྱན་མཚོ་སྐྱེས་རྡོ་རྗེའི་རྒྱལ་ཚབ། ཡོངས་རྫོགས་བསྟན་དང་འགྲོ་བའི་སྐྱབས་དང་། མགོན་དང་། དཔུང་གཉེན་གཅིག་པུར་གྱུར་པ་རྗེ་བཙུན་མཆོག་གི་སྤྲུལ་པའི་སྐུ་རིན་པོ་ཆེ་གང་ཉིད་ཕྱོགས་འདིར་ཆིབས་ཀྱི་ཁ་ལོ་མངོན་པར་བསྒྱུར་ཞིང་། མཐོང་བའི་དོན་ཡོད་པའི་གསེར་ཞལ་རིན་པོ་ཆེ་མཇལ་བ་དང་། ལེགས་གསུང་བདུད་རྩིའི་དགའ་སྟོན་ལྷུག་པར་སྩལ་ཞིང་། དམིགས་མེད་ཐུགས་རྗེའི་འཇུག་པས་དགྱེས་བཞིན་དུ་རྗེས་སུ་བཟུང་བའི་སྐལ་བ་བཟང་པོའི་བཀའ་དྲིན་བསམ་གྱིས་མི་ཁྱབ་པར་ཐོབ་པའི་ལེགས་འབུལ་དང་། རྡོ་རྗེའི་གསང་གསུམ་ཕྲིན་ལས་དང་བཅས་པ་རྒྱུན་གྱིས་རྟག་ཅིང་། ཡུལ་དབུས་དག་པའི་ཞིང་ཁམས་ཆེན་པོར་ཞབས་པད་བསྐྱོད་པའི་ཐུགས་ཀྱི་བཞེད་དགུ་ལྷུན་གྱིས་གྲུབ་སྟེ། སླར་ཡང་རིང་མིན་ཕྱོགས་འདིའི་གདུལ་བྱའི་བསོད་ནམས་ཀྱི་མགྲོན་དུ་ཞབས་མཐིལ་བཀྲ་ཤིས་ཀྱི་འཁོར་ལོ་གེགས་མེད་དུ་བཀོད་པ་དང་ཆབ་གཅིག་ཕུན་སུམ་ཚོགས་པ་བྱེ་བ་སྙེད་ཀྱི་དུས་སྟོན་ལ་རྟག་ཏུ་ལོངས་སྤྱོད་ཆོག་པར་རྩེ་གཅིག་གུས་པས་གསོལ་བ་འདེབས་པའི་རྟེན་འབྱུང་གི་མཎྜལ་མཚོན་པར་བཀྲ་ཤིས་པའི་ལྷ་གོས་དཀར་པོ་སྲིད་དུ་རིང་བའི་མགུལ་དར། སྐུ་རྟེན་དུ་རྗེ་བཙུན་འཇམ་པའི་དབྱངས་ཀྱི་སྣང་བརྙན་བྱིན་ཅན། གསུང་རྟེན་དུ་འཇམ་དཔལ་སྒྱུ་འཕྲུལ་དྲྭ་བའི་རྒྱུད་ཀྱི་གླེགས་བམ། ཐུགས་རྟེན་དུ་བཀའ་གདམས་གདུང་རྟེན་རྙིང་མ། ཡོན་ཏན་ཡོངས་རྫོགས་འཕགས་མ་ཡིད་བཞིན་འཁོར་ལོའི་བཟླས་ཕྲེང་། ཕྲིན་ལས་སྙན་པར་གྲགས་པའི་རྟེན་འབྲེལ་དུ་ཕྱག་ཏིང་དངུལ་གྱི་ཉག་ཐག་ཅན། བཅས་བཀྲ་ཤིས་གྲུབ་པ་ཉེར་བདུན་གྱི་གྲངས་ལྡན་འདི་དག །མགོན་པོ་གང་གི་བཀའ་འབངས་ཀྱི་ཐ་ཆུང་བྱ་བྲལ་ཆོས་རྗེ་འཇམ་དབྱངས་མཁྱེན་བརྩེའི་དབང་པོས་བསམ་པ་དག་ཅིང་སྦྱོར་བ་གུས་པས་འབུལ་ལམ་ཞུས་པ་ལགས་ན་ཡེ་ཤེས་གཟིགས་པ་དམ་པས་ཡུད་ཙམ་བདག་གིར་བཞེས་ཏེ་ཇི་ལྟར་གསོལ་བ་བཏབ་པའི་དོན་ཐམས་ཅད་ཡིད་བཞིན་དུ་འགྲུབ་པར་བྱིན་གྱིས་བརླབ་ཏུ་གསོལ། །སརྦ་དཱ་ཀ་ལྱཱ་ཎཾ་བྷ་བ་ཏུ།།
	ces dus gsum sangs rgyas thams cad kyi ngo bo o rgyan mtsho skyes rdo rje'i rgyal tshab/_yongs rdzogs bstan dang 'gro ba'i skyabs dang /_mgon dang /_dpung gnyen gcig pur gyur pa rje btsun mchog gi sprul pa'i sku rin po che gang nyid phyogs 'dir chibs kyi kha lo mngon par bsgyur zhing /_mthong ba'i don yod pa'i gser zhal rin po che mjal ba dang /_legs gsung bdud rtsi'i dga' ston lhug par stsal zhing /_dmigs med thugs rje'i 'jug pas dgyes bzhin du rjes su bzung ba'i skal ba bzang po'i bka' drin bsam gyis mi khyab par thob pa'i legs 'bul dang /_rdo rje'i gsang gsum phrin las dang bcas pa rgyun gyis rtag cing /_yul dbus dag pa'i zhing khams chen por zhabs pad bskyod pa'i thugs kyi bzhed dgu lhun gyis grub ste/_slar yang ring min phyogs 'di'i gdul bya'i bsod nams kyi mgron du zhabs mthil bkra shis kyi 'khor lo gegs med du bkod pa dang chab gcig phun sum tshogs pa bye ba snyed kyi dus ston la rtag tu longs spyod chog par rtse gcig gus pas gsol ba 'debs pa'i rten 'byung gi maN+Dal mtshon par bkra shis pa'i lha gos dkar po srid du ring ba'i mgul dar/_sku rten du rje btsun 'jam pa'i dbyangs kyi snang brnyan byin can/_gsung rten du 'jam dpal sgyu 'phrul drwa ba'i rgyud kyi glegs bam/_thugs rten du bka' gdams gdung rten rnying ma/_yon tan yongs rdzogs 'phags ma yid bzhin 'khor lo'i bzlas phreng /_phrin las snyan par grags pa'i rten 'brel du phyag ting dngul gyi nyag thag can/_bcas bkra shis grub pa nyer bdun gyi grangs ldan 'di dag_/mgon po gang gi bka' 'bangs kyi tha chung bya bral chos rje 'jam dbyangs mkhyen brtse'i dbang pos bsam pa dag cing sbyor ba gus pas 'bul lam zhus pa lags na ye shes gzigs pa dam pas yud tsam bdag gir bzhes te ji ltar gsol ba btab pa'i don thams cad yid bzhin du 'grub par byin gyis brlab tu gsol/_/sarba dA ka l+yA NaM b+ha ba tu//

1 Texts in this Section (sde tshan or chos tshan)

100 176-179	པདྨ་ཀུན་བཟང་ལ། pad+ma kun bzang la Invocation of Auspiciousness - bkra shis brjod pa   ·   Official Letters - chab shog   ·   Prayers - smon lam   ·   Supplications - gsol 'debs	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

vབྷདྲཱཎཱཾནིདྷིཙཪྻསཱགརཻཿ ཙྪནྡཤུདྡྷསྱདཱིབྟེཙྪཏྲཾགཱཏྲིབྷབཾསིཏཱཧིཏཾབྱ༷སིདྡྷཾབྷབཏཱམམཱརཎཻཿ པ༷དྨ༷་ལྟ་བུར་རྒྱས་པའི་ཡེ་ཤེས་དང་། །ཀུན༷་ཏུ་བཟ༷ང་པོའི་སྤྱོད་པ་རྒྱ་མཚོའི་གཏེར། །ས་གསུམ་འགྲོ་ལ་སྨན་མཛད་གདུག༷ས་དཀ༷ར་པོ༷། །རྣམ་ཀུན་འཆི་མེད་གྲུབ་པ་ཉིད་གྱུར་ཅིག ༡ །ཤིན་ཏུ་ཞི་བ་ཆོས་སྐུའི་ཆུ་གཏེར་ལས། །སྙིང་བརྩེའི་གསེ༷ར་ཉ༷་གཡོ་བའི་ཟློས་གར་ནི། །གཞན་ཕན་མཁྱེན་བརྩེའི་རྣམ་པར་རོལ་པའི་སྐུ། །ངེས་པར་ཞིང་ཁམས་འདི་ལས་འཕོ་མེད་གསོལ། ༢ །བཀྲ་ཤིས་གཏེར་གྱི་བུམ༷་པའི༷་དགེ་མཚན་ཅན། །དཔལ་གྱི་མགུར་ལས་ཐེག་གསུམ་འདོད་རྒུའི་ཆར། །གཏན་པ་མེད་པར་འཇོ་བའི་ལེགས་བཤད་གསུང་། །ལྷར་བཅས་སྲིད་ན་རྟག་ཏུ་སྙན་གྱུར་ཅིག༣། སྒྲིབ་གསུམ་རྡུལ་དང་ནམ་ཡང་མི་མཛའ་བའི། །མཁྱེན་གཉིས་མཚར་སྡུག་རྫོགས་པའི་པ༷དྨ༷་དཀར། །འགྲོ་ལ་རྗེས་ཆགས་ཐུགས་རྗེའི་འདབ་རྒྱས་པའི། །གཟིགས་པས་བདག་སོགས་གདུལ་བྱར་ལྷག་པར་དགོངས། ༤ །བྲལ་དང་རྣམ་པར་སྨིན་པ་མཐའ་ཡས་པའི། །ཡོན་ཏན་རྨད་བྱུང་བཀྲ་ཤིས་གཡས་འཁྱིལ་དུ༷ང་། །གངས་ཅན་རི་བོའི་སུལ་ན་མངོན་སྣང་བའི། །སྐལ་བཟང་ནམ་ཡང་ནུབ་པ་མེད་གྱུར་ཅིག ༥ །རྨད་བྱུང་ཐབས་ལ་མཁས་པའི་རི་མོ་ཅན། །ཕྲིན་ལས་དཔ༷ལ་གྱི་བེ༷འུ༷་འོད་འབར་བ། །འཇིག་རྟེན་དབང་ཕྱུག་དགྱེས་པའི་ཞིང་ཁམས་འདིར། །བགྲང་ཡས་བསྐལ་པ་རྒྱ་མཚོར་འཇུག་པར་ཤོག ༦ །མདོར་ན་རྡོ་རྗེའི་གསང་གསུམ་རྒྱུན་གྱིས་རྟག །འཆད་རྩོད་རྩོམ་པའི་ལེགས་མཛད་སྲིད་མཐར་ཁྱབ། །བཤད་སྒྲུབ་བསྟན་པའི་རྒྱལ༷་མཚ༷ན་ཕྱོགས་བཅུར་བསྒྲེངས། །འགྲོ་ཀུན་བདེ་སྐྱིད་ལྷུན་གྱིས་གྲུབ་པར་ཤོག ༧ །བདག་ཀྱང་རྣམ་གྲོལ་འབྲས་བུར་མཆིས་ཀྱི་བར། །ཡེ་ཤེས་གཟིགས་པས་འབྲལ་མེད་རྗེས་བཟུང་ནས། །བྱང་ཆུབ་སེམས་གཉིས་གསེར་གྱི་འཁོ༷ར་ལོ༷་ཡིས། །ཕན་བདེའི་དཔལ་ལ་དབང་བསྒྱུར་བཀྲ་ཤིས་སྩོལ། ༨ །ཅེས་དུས་གསུམ་སངས་རྒྱས་ཐམས་ཅད་ཀྱི་ངོ་བོ་ཨོ་རྒྱན་མཚོ་སྐྱེས་རྡོ་རྗེའི་རྒྱལ་ཚབ། ཡོངས་རྫོགས་བསྟན་དང་འགྲོ་བའི་སྐྱབས་དང་། མགོན་དང་། དཔུང་གཉེན་གཅིག་པུར་གྱུར་པ་རྗེ་བཙུན་མཆོག་གི་སྤྲུལ་པའི་སྐུ་རིན་པོ་ཆེ་གང་ཉིད་ཕྱོགས་འདིར་ཆིབས་ཀྱི་ཁ་ལོ་མངོན་པར་བསྒྱུར་ཞིང་། མཐོང་བའི་དོན་ཡོད་པའི་གསེར་ཞལ་རིན་པོ་ཆེ་མཇལ་བ་དང་། ལེགས་གསུང་བདུད་རྩིའི་དགའ་སྟོན་ལྷུག་པར་སྩལ་ཞིང་། དམིགས་མེད་ཐུགས་རྗེའི་འཇུག་པས་དགྱེས་བཞིན་དུ་རྗེས་སུ་བཟུང་བའི་སྐལ་བ་བཟང་པོའི་བཀའ་དྲིན་བསམ་གྱིས་མི་ཁྱབ་པར་ཐོབ་པའི་ལེགས་འབུལ་དང་། རྡོ་རྗེའི་གསང་གསུམ་ཕྲིན་ལས་དང་བཅས་པ་རྒྱུན་གྱིས་རྟག་ཅིང་། ཡུལ་དབུས་དག་པའི་ཞིང་ཁམས་ཆེན་པོར་ཞབས་པད་བསྐྱོད་པའི་ཐུགས་ཀྱི་བཞེད་དགུ་ལྷུན་གྱིས་གྲུབ་སྟེ། སླར་ཡང་རིང་མིན་ཕྱོགས་འདིའི་གདུལ་བྱའི་བསོད་ནམས་ཀྱི་མགྲོན་དུ་ཞབས་མཐིལ་བཀྲ་ཤིས་ཀྱི་འཁོར་ལོ་གེགས་མེད་དུ་བཀོད་པ་དང་ཆབ་གཅིག་ཕུན་སུམ་ཚོགས་པ་བྱེ་བ་སྙེད་ཀྱི་དུས་སྟོན་ལ་རྟག་ཏུ་ལོངས་སྤྱོད་ཆོག་པར་རྩེ་གཅིག་གུས་པས་གསོལ་བ་འདེབས་པའི་རྟེན་འབྱུང་གི་མཎྜལ་མཚོན་པར་བཀྲ་ཤིས་པའི་ལྷ་གོས་དཀར་པོ་སྲིད་དུ་རིང་བའི་མགུལ་དར། སྐུ་རྟེན་དུ་རྗེ་བཙུན་འཇམ་པའི་དབྱངས་ཀྱི་སྣང་བརྙན་བྱིན་ཅན། གསུང་རྟེན་དུ་འཇམ་དཔལ་སྒྱུ་འཕྲུལ་དྲྭ་བའི་རྒྱུད་ཀྱི་གླེགས་བམ། ཐུགས་རྟེན་དུ་བཀའ་གདམས་གདུང་རྟེན་རྙིང་མ། ཡོན་ཏན་ཡོངས་རྫོགས་འཕགས་མ་ཡིད་བཞིན་འཁོར་ལོའི་བཟླས་ཕྲེང་། ཕྲིན་ལས་སྙན་པར་གྲགས་པའི་རྟེན་འབྲེལ་དུ་ཕྱག་ཏིང་དངུལ་གྱི་ཉག་ཐག་ཅན། བཅས་བཀྲ་ཤིས་གྲུབ་པ་ཉེར་བདུན་གྱི་གྲངས་ལྡན་འདི་དག །མགོན་པོ་གང་གི་བཀའ་འབངས་ཀྱི་ཐ་ཆུང་བྱ་བྲལ་ཆོས་རྗེ་འཇམ་དབྱངས་མཁྱེན་བརྩེའི་དབང་པོས་བསམ་པ་དག་ཅིང་སྦྱོར་བ་གུས་པས་འབུལ་ལམ་ཞུས་པ་ལགས་ན་ཡེ་ཤེས་གཟིགས་པ་དམ་པས་ཡུད་ཙམ་བདག་གིར་བཞེས་ཏེ་ཇི་ལྟར་གསོལ་བ་བཏབ་པའི་དོན་ཐམས་ཅད་ཡིད་བཞིན་དུ་འགྲུབ་པར་བྱིན་གྱིས་བརླབ་ཏུ་གསོལ། །སརྦ་དཱ་ཀ་ལྱཱ་ཎཾ་བྷ་བ་ཏུ།། །། ༈

[edit]

pad+ma kun bzang la/ b+hadrANAMnid+hitsaR+YasAgaraiH_ts+tshan+dashud+d+has+yadIb+tets+tshatraMgAtrib+habaMsitAhitaMbyaXsid+d+haMb+habatAmamAraNaiH__paXd+maX lta bur rgyas pa'i ye shes dang /_/kunaX tu bzaXng po'i spyod pa rgya mtsho'i gter/_/sa gsum 'gro la sman mdzad gdugaXs dkaXr poX/_/rnam kun 'chi med grub pa nyid gyur cig_1_/shin tu zhi ba chos sku'i chu gter las/_/snying brtse'i gseXr nyaX g.yo ba'i zlos gar ni/_/gzhan phan mkhyen brtse'i rnam par rol pa'i sku/_/nges par zhing khams 'di las 'pho med gsol/_2_/bkra shis gter gyi bumaX pa'iX dge mtshan can/_/dpal gyi mgur las theg gsum 'dod rgu'i char/_/gtan pa med par 'jo ba'i legs bshad gsung /_/lhar bcas srid na rtag tu snyan gyur cig3/_sgrib gsum rdul dang nam yang mi mdza' ba'i/_/mkhyen gnyis mtshar sdug rdzogs pa'i paXd+maX dkar/_/'gro la rjes chags thugs rje'i 'dab rgyas pa'i/_/gzigs pas bdag sogs gdul byar lhag par dgongs/_4_/bral dang rnam par smin pa mtha' yas pa'i/_/yon tan rmad byung bkra shis g.yas 'khyil duXng /_/gangs can ri bo'i sul na mngon snang ba'i/_/skal bzang nam yang nub pa med gyur cig_5_/rmad byung thabs la mkhas pa'i ri mo can/_/phrin las dpaXl gyi beX'uX 'od 'bar ba/_/'jig rten dbang phyug dgyes pa'i zhing khams 'dir/_/bgrang yas bskal pa rgya mtshor 'jug par shog_6_/mdor na rdo rje'i gsang gsum rgyun gyis rtag_/'chad rtsod rtsom pa'i legs mdzad srid mthar khyab/_/bshad sgrub bstan pa'i rgyalaX mtshaXn phyogs bcur bsgrengs/_/'gro kun bde skyid lhun gyis grub par shog_7_/bdag kyang rnam grol 'bras bur mchis kyi bar/_/ye shes gzigs pas 'bral med rjes bzung nas/_/byang chub sems gnyis gser gyi 'khoXr loX yis/_/phan bde'i dpal la dbang bsgyur bkra shis stsol/_8_/ces dus gsum sangs rgyas thams cad kyi ngo bo o rgyan mtsho skyes rdo rje'i rgyal tshab/_yongs rdzogs bstan dang 'gro ba'i skyabs dang /_mgon dang /_dpung gnyen gcig pur gyur pa rje btsun mchog gi sprul pa'i sku rin po che gang nyid phyogs 'dir chibs kyi kha lo mngon par bsgyur zhing /_mthong ba'i don yod pa'i gser zhal rin po che mjal ba dang /_legs gsung bdud rtsi'i dga' ston lhug par stsal zhing /_dmigs med thugs rje'i 'jug pas dgyes bzhin du rjes su bzung ba'i skal ba bzang po'i bka' drin bsam gyis mi khyab par thob pa'i legs 'bul dang /_rdo rje'i gsang gsum phrin las dang bcas pa rgyun gyis rtag cing /_yul dbus dag pa'i zhing khams chen por zhabs pad bskyod pa'i thugs kyi bzhed dgu lhun gyis grub ste/_slar yang ring min phyogs 'di'i gdul bya'i bsod nams kyi mgron du zhabs mthil bkra shis kyi 'khor lo gegs med du bkod pa dang chab gcig phun sum tshogs pa bye ba snyed kyi dus ston la rtag tu longs spyod chog par rtse gcig gus pas gsol ba 'debs pa'i rten 'byung gi maN+Dal mtshon par bkra shis pa'i lha gos dkar po srid du ring ba'i mgul dar/_sku rten du rje btsun 'jam pa'i dbyangs kyi snang brnyan byin can/_gsung rten du 'jam dpal sgyu 'phrul drwa ba'i rgyud kyi glegs bam/_thugs rten du bka' gdams gdung rten rnying ma/_yon tan yongs rdzogs 'phags ma yid bzhin 'khor lo'i bzlas phreng /_phrin las snyan par grags pa'i rten 'brel du phyag ting dngul gyi nyag thag can/_bcas bkra shis grub pa nyer bdun gyi grangs ldan 'di dag_/mgon po gang gi bka' 'bangs kyi tha chung bya bral chos rje 'jam dbyangs mkhyen brtse'i dbang pos bsam pa dag cing sbyor ba gus pas 'bul lam zhus pa lags na ye shes gzigs pa dam pas yud tsam bdag gir bzhes te ji ltar gsol ba btab pa'i don thams cad yid bzhin du 'grub par byin gyis brlab tu gsol/_/sarba dA ka l+yA NaM b+ha ba tu//__//_!