JKW-KABUM-13-PA-011

🚧 This website is under continued development. We appreciate your patience!

Previous Section Back to Volume PageNext Section

Wylie title
Location	mkhyen brtse'i bka' 'bum Volume 13, sde tshan 11, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Tertön	ངག་དབང་བློ་བཟང་རྒྱ་མཚོ་ (Dalai Lama, 5th)
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 13: 129-138. Khams sde dge rdzong sar dgon: Rdzong sar blo gros phun tshogs, 2020.
Genre	Longevity Rituals - tshe sgrub
Cycle	དག་སྣང་རྒྱ་ཅན་ (dag snang rgya can)
Deity	tshe dpag med

1 Texts in this Section (sde tshan or chos tshan)

139-173	ཉེ་བརྒྱུད་ཚེ་ཁྲིད་འཆི་མེད་རྡོ་རྗེའི་སྲོག་ཤིང་གི་སྒྲུབ་ཐབས་དབང་ཆོག་འཆི་མེད་རྡོ་རྗེའི་བཅུད་ལེན། nye brgyud tshe khrid 'chi med rdo rje'i srog shing gi sgrub thabs dbang chog 'chi med rdo rje'i bcud len Contemplative Guide Books and Instructional Manuals - khrid yig   ·   Empowerment Ritual - dbang chog - dbang skur   ·   Longevity Rituals - tshe sgrub   ·   Sadhanas - Evocation Ritual - sgrub thabs	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

ཉེ་བརྒྱུད་ཚེ་ཁྲིད་འཆི་མེད་རྡོ་རྗེའི་སྲོག་ཤིང་གི་སྒྲུབ་ཐབས་དབང་ཆོག་འཆི་མེད་རྡོ་རྗེའི་བཅུད་ལེན།

༄༅། །ཉེ་བརྒྱུད་ཚེ་ཁྲིད་འཆི་མེད་རྡོ་རྗེའི་སྲོག་ཤིང་གི་སྒྲུབ་ཐབས་དབང་ཆོག་དང་བཅས་པ་འཆི་མེད་རྡོ་རྗེའི་བཅུད་ལེན་ཞེས་བྱ་བ་བཞུགས་སོ།། །། ཨོཾ་སྭ་སྟི། འཆི་མེད་མཆོག་སྩོལ་བླ་མ་ལྷར། །བཏུད་ནས་རྡོ་རྗེའི་སྲོག་ཤིང་གི །སྒྲུབ་པའི་ཐབས་དང་དབང་ཆོག་བཅས། །ཉུང་གསལ་སྙིང་པོར་དྲིལ་ཏེ་དགོད། །འདི་ལ་གསུམ། སྦྱོར་བ་ཡོ་བྱད་ཀྱི་བཤམ། དངོས་གཞི་སྒྲུབ་པའི་ཐབས། སློབ་མ་རྗེས་འཛིན་དབང་གི་ཆོ་གའོ། །དང་པོ་ནི། སྟེགས་བུ་ཕྱག་བདར་ལེགས་པར་བྱས་པའི་སྟེང་དུ་དབུས་སུ་མཉྫིའི་ཁར་ཚེ་བུམ་ཁ་རྒྱན་དང་ལྡན་པ། གཡས་སུ་ཚེ་ཆང་། གཡོན་དུ་ཚེ་རིལ། མདུན་དུ་གཏོར་མ་དང་མཆོད་པ། གཞན་ཡང་རང་གི་མདུན་དུ་རྡོར་དྲིལ། ཌ་མ་རུ། ནང་མཆོད། མདའ་དར། ལི་ཁྲི། ལས་བུམ། མེ་ཏོག །ཉེ་ལོགས་སུ་བགེགས་གཏོར་སོགས་དགོས་པའི་ཡོ་བྱད་ཐམས་ཅད་འདུ་བྱའོ། །གཉིས་པ་ལ། ཐོག་མར་མཚམས་ལྷ་བསྐྱེད་པ་ནི། ཨོཾ་ཧྲཱིཿཔདྨཱནྟ་ཀྲྀཏྲ་བཛྲ་ཀྲོ་དྷ་ཧ་ཡ་གྲཱི་བ་ཧུ་ལུ་ཧུ་ལུ་ཧཱུྃ་ཕ྄ཊ་ཀྱིས་བསང་། སྭ་བྷཱ་ཝས་སྦྱང་། སྟོང་པའི་ངང་ལས་པདྨ་དང་ཉི་མ་རུ་དྲ་བསྣོལ་བའི་སྟེང་དུ་རང་ཉིད་སྐད་ཅིག་གིས་དབང་དྲག་རྟ་མགྲིན་གཡས་གྲི་གུག་དང་གཡོན་ཐོད་ཁྲག་འཛིན་པ་རྟ་མགོ་ལྗང་ཞུར་རྟ་སྐད་འཚེར་བ། དུར་ཁྲོད་ཀྱི་ཆས་བརྒྱད་ཀྱིས་བརྒྱན་པ། ཡེ་ཤེས་ཀྱི་མེ་རབ་ཏུ་འབར་བའི་དབུས་ན་བཞུགས་པར་གྱུར། བགེགས་གཏོར་བསང་སྦྱང་། སྟོང་པའི་ངང་ལས་ཨོཾ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ་གཏོར་མ་དངས་ཤིང་ཐོགས་པ་མེད་པ་འདོད་པའི་ཡོན་ཏན་ལྔས་ཁྱད་པར་དུ་བྱས་པར་གྱུར། ཨོཾ་ཨཱཿཧཱུྃ་ལན་གསུམ་བརྗོད་པས་བརླབ་ཨོཾ་སརྦ་བིགྷྣཱན་སོགས་ལན་གསུམ་བརྗོད་ཅིང་བསྔོས། ཧྲཱིཿ གདོན་བགེགས་འབྱུང་པོའི་ཚོགས་རྣམས་གནས་འདི་རུ། །མ་འདུག་གཏོར་མ་འདི་ཁྱེར་གཞན་དུ་དེངས། །གལ་ཏེ་མི་འགྲོ་དབང་ཆེན་ཁྲོས་པའི་བཀས། །ཐལ་བའི་རྡུལ་ཕྲན་བཞིན་དུ་བརླག་པར་འགྱུར། །སུམྦྷ་སོགས་ཀྱིས་བགེགས་བསྐྲད། སྟེང་འོག་ཕྱོགས་མཚམས་མ་ལུས་རྡོ་རྗེ་དང་། །ཁྲོ་བོ་ཁ་དོག་སྡེ་ལྔའི་མེ་ཕུང་གིས། །བར་མཚམས་མེད་པར་གཏམས་པའི་སྲུང་བ་ཡི། །འཁོར་ལོའི་གུར་ཁང་མཚམས་ལས་མ་འདའ་ཞིག །ཨོཾ་བཛྲ་རཀྵ་རཀྵ་སྭཱ་ཧཱས་མཚམས་བཅད། དེ་ནས་སྐྱབས་ཡུལ་ནམ་མཁའ་གང་བར་སད་པའི་སྤྱན་སྔར། བདག་སོགས་འགྲོ་ཀུན་དེང་ནས་བྱང་ཆུབ་བར། །རྩ་གསུམ་ཚེ་ཡི་ལྷ་ལ་སྐྱབས་སུ་མཆི། །གཞན་དོན་རྫོགས་པའི་སངས་རྒྱས་ཐོབ་བྱའི་ཕྱིར། །འཆི་མེད་རིག་འཛིན་བསྒྲུབ་པར་སེམས་བསྐྱེད་དོ། །ཞེས་སྐྱབས་སེམས་ལན་གསུམ་བྱ། ཚོགས་བསག་པའི་ཐོག་མར། རང་ཉིད་དབང་ཆེན་དུ་གསལ་བ་འོད་དུ་ཞུ་བ་ལས་མགོན་པོ་ཚེ་དཔག་མེད་དུ་གསལ་བའི་ཐུགས་ཀ་ནས་འོད་ཟེར་འཕྲོས། བླ་མ་དང་གཉིས་སུ་མེད་པའི་ཚེ་དཔག་མེད་ཀྱི་ལྷ་ཚོགས་རྣམས་མདུན་གྱི་ནམ་མཁར་སྤྱན་དྲངས། ཨོཾ་སརྦ་ཏ་ཐཱ་ག་ཏ་ཨརྒྷཾ་ནས། ཤབྡ་པྲ་ཏཱི་ཙྪ་སྭཱ་ཧཱའི་བར་གྱིས་མཆོད། གང་གི་དྲིན་གྱིས་བདེ་ཆེན་ཉིད། །སྐད་ཅིག་ཉིད་ལ་འཆར་བ་ག །བླ་མ་རིན་ཆེན་ལྟ་བུའི་སྐུ། །རྡོ་རྗེ་ཅན་ཞབས་པད་ལ་འདུད། །ཅེས་དང་། འཇིག་རྟེན་འདྲེན་པའི་གཙོ་བོ་ཚེ་དཔག་མེད། །དུས་མིན་འཆི་བ་མ་ལུས་འཇོམས་པའི་དཔལ། །མགོན་མེད་སྡུག་བསྔལ་གྱུར་པ་རྣམས་ཀྱི་སྐྱབས། །སངས་རྒྱས་ཚེ་དཔག་མེད་ལ་ཕྱག་འཚལ་ལོ། །ཞེས་པས་བླ་མ་དང་ལྷག་པའི་ལྷ་ལ་ཕྱག་བྱ། ཕུན་ཚོགས་ཀུན་བཟང་མཆོད་སྤྲིན་རྒྱ་མཚོ་འབུལ། །སྡིག་ལྟུང་ཀུན་བཤགས་དགེ་ལ་རྗེས་ཡི་རང་། །ཆོས་འཁོར་བསྐོར་བཞིན་ཡུན་རིང་བཞུགས་པར་གསོལ། །འདིས་མཚོན་དགེ་བས་ཚེ་རབས་ཐམས་ཅད་དུ། །ཚེ་དཔག་མེད་པས་རྗེས་སུ་བཟུང་གྱུར་ནས། །འཆི་མེད་ཚེ་ཡི་དངོས་གྲུབ་ཐོབ་ཕྱིར་བསྔོ། །ཞེས་པས་ཚོགས་བསག །ཚོགས་ཞིང་རྣམས་རང་ལ་ཐིམ་པར་གྱུར་པར་མོས། བྱིན་འབེབས་ནི། ནུབ་ཕྱོགས་བདེ་བ་ཅན་གྱི་ཞིང་ཁམས་ནས། །བཅོམ་ལྡན་མགོན་པོ་ཡེ་ཤེས་ཚེ་དཔག་མེད། །འཆི་མེད་ཚེ་ཡི་དངོས་གྲུབ་མ་ལུས་པ། །དུས་འདིར་བདག་ཅག་རྣམས་ལ་སྩལ་དུ་གསོལ། །སྒྲུབ་པའི་དམ་རྫས་སྣོད་བཅུད་མ་ལུས་པར། །ཚེ་བཀྲག་གཟི་མདངས་ནུས་པའི་རྩལ་ཀུན་ཕོབས། །དབང་ཆེན་སྐུར་ལ་སྡིག་སྒྲིབ་བར་ཆད་སོལ། །རེ་བའི་འབྲས་བུ་ཚེ་ཡི་རིག་འཛིན་སྩོལ། །ཡེ་ཤེས་རང་སྣང་གྲུབ་པའི་ཕོ་བྲང་ནས། །མཁའ་འགྲོའི་དབང་ཕྱུག་གསང་བ་ཡེ་ཤེས་ཀྱིས། །འཆི་མེད་ཚེ་ཡི་དངོས་གྲུབ་སོགས་གོང་བཞིན། པདྨ་འོད་ཀྱི་གཞལ་ཡས་ཁང་ཆེན་ནས། །སློབ་དཔོན་པདྨ་ཐོད་ཕྲེང་ཚེ་དབང་རྩལ། །འཆི་མེད་སོགས། མཐོ་བརྩེགས་རྡོ་རྗེ་གསང་བའི་གཞལ་མེད་ནས། །ཟུང་འཇུག་སྐུ་བརྙེས་དཔལ་ལྡན་རྡོ་རྗེའི་ཞབས། །འཆི་མེད་སོགས། གྲུ་འཛིན་ཉི་འོད་འཁྱིལ་བའི་གཞལ་མེད་ནས། །རྒྱལ་བ་ཀུན་དངོས་བསོད་ནམས་རྒྱ་མཚོའི་སྡེས། །འཆི་མེད་སོགས། བྱང་ཆུབ་ཤིང་ཁྲོད་དེ་ཝཱི་ཀོ་ཊ་ནས། །རྡོ་རྗེ་འཆང་དབང་འཁོན་སྟོན་ཆོས་ཀྱི་རྗེས། །འཆི་མེད་སོགས། གུང་ཐང་བདེ་བའི་རྡོ་རྗེའི་གཞལ་ཡས་ནས། །གཉགས་ཆེན་རྣམ་འཕྲུལ་ཆོས་དབྱིངས་རང་གྲོལ་གྱིས། །འཆི་མེད་སོགས། ལྷ་ལྡན་ཡུལ་དབུས་གྲུ་འཛིན་ཕོ་བྲང་ནས། །ངག་གི་དབང་ཕྱུག་བློ་བཟང་རྒྱ་མཚོའི་སྡེས། །འཆི་མེད་སོགས། གར་བཞུགས་དག་པ་རབ་འབྱམས་ཕོ་བྲང་ནས། །མཁས་ཤིང་གྲུབ་བརྙེས་བརྒྱུད་པའི་བླ་མ་ཡིས། །འཆི་མེད་སོགས། སྤྱི་གཙུག་ཉི་ཟླ་པདྨའི་གདན་སྟེང་ནས། །རྩ་བའི་བླ་མ་ཁྱབ་བདག་འཁོར་ལོའི་མགོན། །འཆི་མེད་སོགས། མཐར་ཚེའི་སྙིང་པོ་བཟླ་ཞིང་སྤོས་རོལ་དང་བཅས་བྱིན་དབབ། སྒྲུབ་རྫས་དང་མཆོད་གཏོར་རྣམས་བྱིན་གྱིས་བརླབ་པ་ནི། རང་གི་ཐུགས་ཀ་ནས་སྤྲོས་པའི་རྃ་ཡྃ་ཁྃ་གྱིས་སྒྲུབ་རྫས་དང་མཆོད་གཏོར་རྣམས་ཀྱི་མ་དག་པའི་ཉེས་སྐྱོན་རྣམས་སྦྱངས། ངོ་བོ་ཟག་པ་མེད་པའི་བདུད་རྩི་ལ། རྣམ་པ་རང་རང་གི་བྱེད་ལས་དང་ནུས་པ་དང་ལྡན་པར་གྱུར། ཨོཾ་ཨཱཿཧཱུྃ་ཞེས་ལན་གསུམ་གྱིས་བརླབ། དེ་ནས་བདག་བསྐྱེད་ནི། ཨོཾ་སྭ་བྷཱ་བ་སོགས། སྟོང་པ་ཉིད་དུ་གྱུར། སྟོང་པའི་ངང་ལས་སེང་གེས་བཏེགས་པའི་རིན་པོ་ཆེའི་ཁྲིའི་སྟེང་དུ་པྃ་ལས་པདྨ་དང་། རྃ་ལས་ཉི་མ། ཨ་ལས་ཟླ་བའི་དཀྱིལ་འཁོར་གྱི་སྟེང་དུ་རང་གི་སེམས་ཉིད་ཡི་གེ་ཧྲཱིཿདམར་པོ་རིང་ཆ་ཚེག་དྲག་དང་བཅས་པ་ཡོངས་སུ་གྱུར་པ་ལས། རང་ཉིད་བཅོམ་ལྡན་འདས་མགོན་པོ་ཚེ་དཔག་མེད་སྐུ་མདོག་དམར་པོ་ཞལ་གཅིག་ཕྱག་གཉིས་མཉམ་བཞག་གི་སྟེང་ན་འཆི་མེད་ཚེའི་བདུད་རྩིས་གང་བའི་བུམ་པ་དཔག་བསམ་ཤིང་གིས་ཁ་བརྒྱན་པ་བསྣམས་པ། ཞབས་རྡོ་རྗེའི་སྐྱིལ་མོ་ཀྲུང་དུ་བཞུགས་ཤིང་། དར་དང་རིན་པོ་ཆེའི་རྒྱན་དང་མཚན་དཔེ་གསལ་རྫོགས་ཀྱིས་སྤྲས་ལ། ཞི་ཞིང་འཛུམ་པ་སྒེག་པའི་ཉམས་ཅན། འོད་ཀྱི་རང་བཞིན་ཅན་དུ་གྱུར་པའི་སྟེང་གི་ནམ་མཁའ་ལ་བཅོམ་ལྡན་འདས་མགོན་པོ་ཚེ་དཔག་ཏུ་མེད་པ། མཁའ་འགྲོ་གསང་བ་ཡེ་ཤེས། སློབ་དཔོན་པདྨ་འབྱུང་གནས། གྲུབ་ཆེན་དཔལ་ལྡན་རྡོ་རྗེ། ཐམས་ཅད་མཁྱེན་པ་བསོད་ནམས་རྒྱ་མཚོ། འཁོན་སྟོན་ཆོས་རྗེ་དཔལ་འབྱོར་ལྷུན་གྲུབ། ཟུར་ཆེན་ཆོས་དབྱིངས་རང་གྲོལ། ཐམས་ཅད་མཁྱེན་པ་ངག་དབང་བློ་བཟང་རྒྱ་མཚོ་ལ་སོགས་པའི་ཚེ་ཁྲིད་བརྒྱུད་པའི་བླ་མ་རྣམས་སྤྲིན་གཏིབས་པ་ལྟར་བཞུགས་པའི་སྤྱི་བོར་ཨོཾ། མགྲིན་པར་ཨཱཿ ཐུགས་ཀར་ཧཱུྃ། ཐུགས་ཀའི་ཧཱུྃ་ལས་འོད་ཟེར་འཕྲོས་པས་ནུབ་ཕྱོགས་བདེ་བ་ཅན་ནས་བསྒོམས་པ་དང་འདྲ་བའི་ཡེ་ཤེས་པ་སྤྱན་དྲངས། ཧྲཱིཿ བདེ་བ་ཅན་ནས་ཚེ་དཔག་མེད་མགོན་ལ། །གསང་པ་ཡེ་ཤེས་པདྨ་འབྱུང་གནས་སོགས། །ཚེ་ཁྲིད་བརྒྱུད་པའི་བླ་མས་ཡོངས་བསྐོར་བ། །འདིར་གཤེགས་བདག་ལ་ཚེ་ཡི་དངོས་གྲུབ་སྩོལ། །ཨོཾ་ཧྲཱིཿབཛྲ་རཱ་ག་ས་པ་རི་ཝཱ་ར་ཨེ་ཧྱེ་ཧི་ཛཿཧཱུྃ་བྃ་ཧོཿ དམ་ཚིག་པ་དང་གཉིས་སུ་མེད་པར་གྱུར། སླར་ཡང་ཐུགས་ཀའི་ཧཱུྃ་ལས་འོད་ཟེར་འཕྲོས་པས་དབང་གི་ལྷ་རྣམས་སྤྱན་དྲངས། དེ་བཞིན་གཤེགས་པ་ཐམས་ཅད་ཀྱིས་བདག་ལ་མངོན་པར་དབང་བསྐུར་དུ་གསོལ། ཞེས་གསོལ་བ་བཏབ་པས་དེ་རྣམས་ཀྱི་བདུད་རྩིས་གང་བའི་བུམ་པ་ཐོགས་ནས། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཨཱཿཧཱུྃ། ཞེས་གསུངས་ཤིང་དབང་བསྐུར་བས་དབང་གི་ཆུས་ལུས་ཐམས་ཅད་གང་། དྲི་མ་ཐམས་ཅད་དག་ཆུའི་ལྷག་མ་སྤྱི་གཙུག་ཏུ་འཁྱིལ་བ་ཡོངས་སུ་གྱུར་པ་ལས་སངས་རྒྱས་སྣང་བ་མཐའ་ཡས་ཀྱིས་དབུར་བརྒྱན་ཅིང་དབང་གི་ལྷ་རྣམས་རང་ཉིད་ལ་ཐིམ་པར་གྱུར། མཆོད་བསྟོད་རྒྱས་པའམ། བསྡུ་ན། བཅོམ་ལྡན་འཆི་བ་མེད་པའི་མགོན་པོ་ལ། །འཆི་མེད་ལྷ་རྫས་མཆོད་སྤྲིན་ཚོགས་འདི་དག །འཆི་བདག་འཇིགས་པ་བསྐྱབ་ཕྱིར་འབུལ་བར་བགྱི། །བཞེས་ནས་འཆི་མེད་ཚེ་ཡི་དངོས་གྲུབ་སྩོལ། །ཨོཾ་ཧྲཱིཿརཱ་ག་བཛྲ་ས་པ་རི་ཝཱ་ར་ཨརྒྷཾ་ནས། ཤཔྡ་པྲ་ཏཱིཙྪ་སྭཱ་ཧཱའི་བར་གྱིས་ཉེར་སྤྱོད་དང་། ཨོཾ་རཱུ་པ། ཤཔྡ། གནྡྷེ། རཱ་ས། སྥཪྴེ་ཀཱ་མ་གུ་ཎ་པྲ་ཏཱིཙྪ་ཨཱཿཧཱུྃ་གིས་འདོད་ཡོན། ཨོཾ་ཧྲཱིཿབཛྲ་རཱ་ག་ས་པ་རི་ཝཱ་ར་ཨོཾ་ཨཱཿཧཱུྃ་གིས་ནང་མཆོད་འབུལ། འཇིག་རྟེན་འདྲེན་པའི་གཙོ་བོ་སོགས་ཀྱིས་བསྟོད། རང་གི་ཐུགས་དང་ཟླ་བའི་དཀྱིལ་འཁོར་གྱི་སྟེང་དུ་ཧྲཱིཿདམར་པོའི་མཐར་སྔགས་ཀྱི་ཕྲེང་བས་བསྐོར་བ་ལས་འོད་ཟེར་འཕྲོས་པས་རང་ཉིད་ཀྱི་ཚེ་དང་བསོད་ནམས་འཆི་བདག་གཤིན་རྗེ་དང་། རྒྱལ་གདོན་ལ་སོགས་པ་འབྱུང་པོ་མི་མ་ཡིན་པ་རྣམས་ཀྱིས་འཕྲོག་པ་དང་། བརྐུས་པ་དང་། ཡར་བ་ཐམས་ཅད་བུམ་པ་དང་། ཐོད་པ་དང་། ལྷུང་བཟེད་བདུད་རྩིས་གང་བའི་རྣམ་པར་བཀུག་ནས་ཐུགས་ཀའི་སྔགས་ཕྲེང་ལ་ཐིམ། ཡང་འོད་ཟེར་འཕྲོས་པས་ཕྱི་སྣོད་ཀྱི་འཇིག་རྟེན་འབྱུང་བ་ཆེན་པོ་ནམ་མཁའ་རླུང་མེ་ཆུ་སའི་བཅུད་ཐམས་ཅད་འོད་དང་བདུད་རྩི་ཁ་དོག་ལྗང་སྔོ་དམར་དཀར་སེར་བའི་རྣམ་པར་བཀུག་ནས་སྔགས་ཕྲེང་ལ་ཐིམ། ཡང་འོད་ཟེར་འཕྲོས་པས་ནང་བཅུད་ཀྱི་སེམས་ཅན་ཐམས་ཅད་ཀྱི་ཚེ་དང་བསོད་ནམས། སྲིད་པ་གསུམ་གྱི་བཀྲག་མདངས་གཟི་བརྗིད། འཇིག་རྟེན་ཁམས་ཀྱི་དཔལ་འབྱོར་ཕུན་སུམ་ཚོགས་པ་ཐམས་ཅད་བཀྲ་ཤིས་རྫས་རྟགས་རིན་ཆེན་སྣ་བདུན་ལ་སོགས་པའི་རྣམ་པར་བཀུག་ནས་སྔགས་ཕྲེང་ལ་ཐིམ། སླར་ཡང་འོད་ཟེར་འཕྲོས་པས་ཕྱོགས་བཅུའི་རྒྱལ་བ་སྲས་དང་སློབ་མར་བཅས་པའི་སྐུ་གསུང་ཐུགས་གྱི་བྱིན་རླབས་ཐམས་ཅད་ལྷ་སྔགས་ཕྱག་མཚན་གྱི་རྣམ་པར་སྤྱན་དྲངས་ཏེ་སྔགས་ཕྲེང་ལ་ཐིམ། མཐར་སྔགས་ཕྲེང་ལས་བདུད་རྩིའི་ཆུ་རྒྱུན་དཔག་ཏུ་མེད་པ་བབས་པས་ལུས་ཀྱི་ནང་ཐམས་ཅད་གང་། ཚེ་དང་བསོད་ནམས་ཡར་བ་ཁུག །ཉམས་པ་སོས། གནས་པ་འཕེལ་ཞིང་བརྟན། ནད་གདོན་སྡིག་སྒྲིབ་དམ་ཚིག་ཉམས་ཆག་ཉེས་ལྟུང་དུས་མ་ཡིན་པའི་འཆི་བའི་འཇིགས་པ་བག་ཆགས་དང་བཅས་པ་ཐམས་ཅད་བྱང་ཞིང་དག །འཆི་མེད་ཚེ་དང་ཡེ་ཤེས་ཀྱི་དངོས་གྲུབ་མ་ལུས་པ་ཐོབ་པར་གྱུར། ཅེས་བརྗོད་ཅིང་བསམས་ལ། ཨོཾ་བཛྲ་ས་ར་ཧེ་ཀ་ར་རེ་ཤྭ་ར་རེ་ཧཱུྃ་ཕཊ། ཅེས་དང་། ཨོཾ་ཨ་མཱ་ར་ཎི་ཛཱི་བནྟི་ཡེ་སྭཱ་ཧཱ། ཞེས་ཅི་ནུས་དང་། ཨོཾ་ན་མོ་བྷ་ག་ཝ་ཏེ་སོགས་ཚེ་གཟུངས་ཀྱང་བཟླས། མཐར་ཡི་གེ་བརྒྱ་པ་བརྗོད། ཚེ་འགུགས་པའི་ཕྲིན་ལས་བསྐུལ་བ་ནི། སླར་ཡང་བདག་ཉིད་ཚེ་དཔག་མེད་དུ་གསལ་བ་དང་། རྩ་བརྒྱུད་ཀྱི་བླ་མ་རྣམས་ཀྱི་ཐུགས་ཀ་ནས་འོད་ཟེར་དང་ལྷ་མོ་མགྱོགས་མའི་ཚོགས་ཉི་ཟེར་གྱི་རྡུལ་ལྟར་སྤྲོས་པས་རང་གི་བླ་ཚེ་འཕྲོག་པ་དང་། བརྐུས་པ་དང་། ཡར་བ་དང་། འཁོར་འདས་སྣོད་བཅུད་ཐམས་ཅད་ཀྱི་ཚེ་བསོད་དཔལ་འབྱོར་བཅུད་དང་དྭངས་མ་ཐམས་ཅད་བསྡུས་ཏེ་རང་ལ་ཐིམ་པར་བསམས་ལ། མདའ་དར་གཡབ་ཅིང་། ཧྲཱིཿ འཆི་བ་མེད་པ་མགོན་པོ་ཚེ་ཡི་ལྷ། །ཚེ་ཡི་ཌཱ་ཀི་གསང་བ་ཡེ་ཤེས་མ། །འབྱུང་བ་ལྔ་ལ་དབང་བསྒྱུར་ལྷ་མོ་ལྔའི། །འཆི་མེད་ཚེ་ཡི་ཕྲིན་ལས་དུས་ལ་བབ། །ཅེས་དང་། ཨོཾ་བཛྲ་ས་ར་ཧེ་སོགས་བཟླས་པ་དང་བཅས་པས་སྤྱིར་ཐུགས་དམ་བསྐུལ། དེ་བཞིན་དུ། ཧྲཱིཿ དྲག་པོའི་ལས་མཛད་སྔོན་མོ་འབུམ་སྡེ་ཡིས། །འབྱུང་བ་ནམ་མཁའི་བཅུད་སྡུས་ཚེ་སྲོག་ཁུག །གདོན་བགེགས་ལྷ་འདྲེས་ཁྱེར་བའི་ཚེ་སྲོག་ཁུག །བརྟན་གཡོའི་ཚེ་དང་བསོད་ནམས་དབང་དུ་སྡུས། །ཨོཾ་བཛྲ་ས་ར་ཧེ་སོགས། ཧྲཱིཿ ཐམས་ཅད་ལས་མཛད་ལྗང་མོ་འབུམ་སྡེ་ཡིས། །འབྱུང་བ་རླུང་གི་བཅུད་སྡུས་ཚེ་སྲོག་ཁུག །གདོན་བགེགས་ལྷ་འདྲེས་ཁྱེར་བའི་ཚེ་སྲོག་ཁུག །བརྟན་གཡོའི་ཚེ་དང་བསོད་ནམས་དབང་དུ་སྡུས། །ཨོཾ་བཛྲ་ས་ར་ཧེ་སོགས། ཧྲཱིཿ དབང་གི་ལས་མཛད་དམར་མོ་འབུམ་སྡེ་ཡིས། །འབྱུང་བ་མེ་ཡི་བཅུད་སྡུས་ཚེ་སྲོག་ཁུག །གདོན་བགེགས་ལྷ་འདྲེས་ཁྱེར་བའི་ཚེ་སྲོག་ཁུག །བརྟན་གཡོའི་ཚེ་དང་བསོད་ནམས་དབང་དུ་སྡུས། །ཨོཾ་བཛྲ་ས་ར་ཧེ་སོགས། ཧྲཱིཿ ཞི་བའི་ལས་མཛད་དཀར་མོ་འབུམ་སྡེ་ཡིས། །འབྱུང་བ་ཆུ་ཡི་བཅུད་སྡུས་ཚེ་སྲོག་ཁུག །གདོན་བགེགས་ལྷ་འདྲེས་ཁྱེར་བའི་ཚེ་སྲོག་ཁུག །བརྟན་གཡོའི་ཚེ་དང་བསོད་ནམས་དབང་དུ་སྡུས། །ཨོཾ་བཛྲ་ས་ར་ཧེ་སོགས། ཧྲཱིཿ རྒྱས་པའི་ལས་མཛད་སེར་མོ་འབུམ་སྡེ་ཡིས། །འབྱུང་བ་ས་ཡི་བཅུད་སྡུས་ཚེ་སྲོག་ཁུག །གདོན་བགེགས་ལྷ་འདྲེས་ཁྱེར་བའི་ཚེ་སྲོག་ཁུག །བརྟན་གཡོའི་ཚེ་དང་བསོད་ནམས་དབང་དུ་སྡུས། །ཨོཾ་བཛྲ་ས་ར་ཧེ་སོགས། སྲ་བརྟན་རྡོ་རྗེ་ལྟ་བུའི་ཚེ་སྲོག་ཁུག །ལེགས་ཚོགས་དཔལ་འབྱོར་རྒྱས་པའི་གཡང་སྐྱོབས་ཤིག །ཉམས་དང་ཟད་དང་འཐོར་དང་ཡར་བ་ཡི། །ཚེ་གསོས་ཚེ་ཁུག་ཚེ་ཡི་དངོས་གྲུབ་སྩོལ། །ཨོཾ་བཛྲ་ས་ར་ཧེ་སོགས་སྔགས་བཟླ་བ་དང་བཅས་པས་ཚེ་དགུག་པར་བྱའོ། །དེ་ནས་ཚེ་བཅིང་བ་ནི། རང་གི་སྙིང་གར་ཚེ་རྟེན་འོད་དཀར་པོའི་དབུས་སུ་རྣམ་པར་ཤེས་པ་ཡི་གེ་ནྲྀའི་རྣམ་པར་ཉི་ཟླའི་གའུ་ཁ་སྦྱོར་གྱི་ནང་དུ་ཡོད་པ་དེ་ཉིད་རྡོ་རྗེ་ལུ་གུ་རྒྱུད་ཀྱི་ཐག་པས་བར་མཚམས་མེད་པར་བཅིངས་པར་གྱུར། སྙིང་གར་རྡོ་རྗེ་རེག་ལ། ཉི་ཟླ་གའུ་ཁ་སྦྱོར་དག །མི་ཕྱེད་སྲ་བརྟན་རྡོ་རྗེ་ཡི། །ལུ་གུ་རྒྱུད་ཀྱིས་ཉེར་བསྡམས་པས། །ནམ་ཡང་མི་གཡོ་བརྟན་པར་གྱུར། །ཨོཾ་ཨ་མཱ་ར་ཎི་ཛཱི་བནྟི་ཡེ་སྭཱ་ཧཱ། ཨོཾ་བཛྲ་ཨཱ་ཡུ་ཥེ་སྭཱ་ཧཱ། ཚེ་སྦ་བ་ནི། རང་གི་ཐུགས་ཀ་ནས་སྤྲོས་པའི་འོད་ཟེར་གྱིས་སྣོད་བཅུད་ཐམས་ཅད་འོད་དུ་ཞུ་ནས་རང་ལ་ཐིམ། རང་གའུ་ཁ་སྦྱོར་ལ་ཐིམ། དེ་འོད་དཀར་པོ་ལ་ཐིམ། དེ་ཡི་གེ་ནྲྀ་ལ་ཐིམ། དེའང་འཇའ་ཡལ་བ་ལྟར་གྱུར། གང་གིས་གནོད་པར་མི་ནུས་པའི། །གདོད་ནས་དག་པའི་སྟོང་པ་ཉིད། །སྐྱེ་བ་མེད་པའི་ཀློང་ཡངས་སུ། །མི་འགྱུར་བརྟན་པའི་ཚེ་སླའོ། །ཨོཾ་ཨ་མཱ་ར་ཎི་ཛཱི་བནྟི་ཡེ་སྭཱ་ཧཱ། ཚེ་སྲུང་བ་ནི། རང་གི་སྨིན་མཚམས་སུ་ལི་ཁྲི་བྱུགས་ལ། སྟོང་པའི་ངང་ལས་རང་ཉིད་ཚེ་དཔག་མེད་དུ་གསལ་བའི་སྨིན་མཚམས་ཀྱི་རྩ་སྒོར་དཔལ་རྟ་མགྲིན་དེ་གྲི་གུག་དང་ཐོད་ཁྲག་འཛིན་པ་འཇིགས་སུ་རུང་བ་མེ་ཕུང་འབར་བའི་དབུས་ན་བཞུགས་ནས་ཚེའི་བར་ཆད་བསྲུངས་བར་གྱུར། སྨིན་མཚམས་རྩ་ཡི་སྒོ་བར་དུ། །རྟ་མགྲིན་ཁྲོ་རྒྱལ་དབང་གི་ལྷ། །བཟོད་པར་དཀའ་བའི་གཟི་བརྗིད་ཀྱིས། །ཚེ་ཡི་བར་ཆད་ཐམས་ཅད་སྲུངས། །ཨོཾ་ཨ་མཱ་ར་ཎི་ཛཱི་བནྟི་ཡེ་སྭཱ་ཧཱ། ལན་གསུམ་དང་། ཨོཾ་བཛྲ་ཨཱ་ཡུ་ཥེ་སྭཱ་ཧཱ། ཞེས་པས་བརྟན་པར་བྱའོ། །མདུན་བསྐྱེད་བུམ་པ་བསྒྲུབ་པ་ནི། མཆོད་པ་བྱིན་གྱིས་བརླབ། བུམ་པ་བསང་སྦྱང་། ཚེ་བུམ་མི་དམིགས་པ་སྟོང་པ་ཉིད་དུ་གྱུར། སྟོང་པའི་ངང་ལས་བྷྲཱུྃ་ལས་རིན་པོ་ཆེའི་བུམ་པ་དམར་པོ་ལྟོ་བ་ཆེ་བ། མགྲིན་པ་རིང་བ། མཆུ་འཕྱང་བ། ལྷ་རྫས་ཀྱི་གོས་ཀྱིས་མགུལ་པ་དཀྲིས་ཤིང་དཔག་བསམ་གྱི་ཤིང་གིས་ཁ་བརྒྱན་པ། དངས་ཤིང་ཐོགས་པ་མེད་པ་ཕྱི་བུམ་པའི་རྣམ་པ་ཡིན་པ་ལ་ནང་གཞལ་ཡས་ཁང་གྲུ་བཞི་སྒོ་བཞི་རྟ་བབས་བཞི་དང་ལྡན་པ་ལ་སོགས་པ་མཚན་ཉིད་ཐམས་ཅད་དང་ལྡན་པ་དེའི་དབུས་སུ་སེང་གེས་བཏེགས་པའི་རིན་པོ་ཆེའི་ཁྲིའི་སྟེང་དུ་ཞེས་སོགས་ནས། སྣང་བ་མཐའ་ཡས་ཀྱིས་དབུར་བརྒྱན་ཅེས་པའི་བར་བདག་བསྐྱེད་ལྟར་ལ། བདག་ལ་དབང་བསྐུར་བ་ཞེས་པའི་ཚབ་ཏུ་འདི་ལ་ཞེས་བསྒྱུར། དབང་གི་ལྷ་རྣམས་ཀྱང་བུམ་པའི་ལྷ་ལ་ཐིམ་པར་བསམ། མཆོད་བསྟོད་རྒྱས་བསྡུས་གང་རིགས་བྱ། བཟླས་པ་བྱ་བ་ནི། མདུན་བསྐྱེད་ཀྱི་མགོན་པོ་ཚེ་དཔག་ཏུ་མེད་པའི་ཕྱག་གི་བུམ་པའི་ནང་དུ་ཟླ་བའི་དཀྱིལ་འཁོར་གྱི་སྟེང་དུ་ཧྲཱིཿདམར་པོའི་མཐར་སྔགས་ཀྱི་ཕྲེང་བས་བསྐོར་བ་ལས་འོད་ཟེར་འཕྲོས་པས། རྡོ་རྗེ་སློབ་མ་རྣམས་ཀྱི་ཚེ་དང་བསོད་ནམས་འཆི་བདག་གཤིན་རྗེ་དང་རྒྱལ་གདོན་ལ་སོགས་པ་འབྱུང་པོ་མི་མ་ཡིན་རྣམས་ཀྱིས་འཕྲོག་པ་དང་། བརྐུས་པ་དང་། ཡར་བ་ཐམས་ཅད་བུམ་པ་དང་། ཐོད་པ་དང་། ལྷུང་བཟེད་བདུད་རྩིས་གང་བའི་རྣམ་པར་བཀུག་ནས་སྔགས་ཕྲེང་ལ་ཐིམ། ཡང་འོད་ཟེར་འཕྲོས་པས་ཕྱི་སྣོད་ཀྱི་འཇིག་རྟེན་འབྱུང་བ་ཆེན་པོ་ནམ་མཁའ་རླུང་མེ་ཆུ་སའི་བཅུད་ཐམས་ཅད་འོད་དང་བདུད་རྩི་ལྗང་སྔོ་དམར་དཀར་སེར་བའི་རྣམ་པར་བཀུག་ནས་སྔགས་ཕྲེང་ལ་ཐིམ། ཡང་འོད་ཟེར་འཕྲོས་པས་ནང་བཅུད་ཀྱི་སེམས་ཅན་ཐམས་ཅད་ཀྱི་ཚེ་དང་བསོད་ནམས་སྲིད་པ་གསུམ་གྱི་བཀྲག་མདངས་གཟི་བརྗིད། འཇིག་རྟེན་ཁམས་ཀྱི་དཔལ་འབྱོར་ཕུན་སུམ་ཚོགས་པ་ཐམས་ཅད་བཀྲ་ཤིས་རྫས་རྟགས་རིན་ཆེན་སྣ་བདུན་ལ་སོགས་པའི་རྣམ་པར་བཀུག་ནས་སྔགས་ཕྲེང་ལ་ཐིམ། སླར་ཡང་འོད་ཟེར་འཕྲོས་པས་ཕྱོགས་བཅུའི་རྒྱལ་བ་སྲས་དང་སློབ་མར་བཅས་པའི་སྐུ་གསུང་ཐུགས་ཀྱི་བྱིན་རླབས་ཐམས་ཅད་ལྷ་སྔགས་ཕྱག་མཚན་གྱི་རྣམ་པར་སྤྱན་དྲངས་ཏེ་སྔགས་ཕྲེང་ལ་ཐིམ། དེ་ལས་བདུད་རྩིའི་རྒྱུན་དཔག་ཏུ་མེད་པ་བབས་པས་བུམ་པའི་འཆི་མེད་ཚེའི་བདུད་རྩིས་གང་ཞིང་དེ་ལས་བདུད་རྩིའི་རྒྱུན་བྱུང་། རྡོ་རྗེ་སློབ་མ་རྣམས་ཀྱི་སྤྱི་བོ་ནས་ཞུགས། ལུས་ཀྱི་ནང་ཐམས་ཅད་གང་། ཚེ་དང་བསོད་ནམས་ཡར་བ་ཁུག །ཉམས་པ་སོས། གནས་པ་འཕེལ་ཞིང་བརྟན། ནད་གདོན་སྡིག་གྲིབ་དམ་ཚིག་ཉམས་ཆག་ཉེས་ལྟུང་དུས་མ་ཡིན་པའི་འཆི་བའི་འཇིགས་པ་བག་ཆགས་དང་བཅས་པ་ཐམས་ཅད་བྱང་ཞིང་དག །འཆི་མེད་ཚེ་དང་ཡེ་ཤེས་ཀྱི་དངོས་གྲུབ་མ་ལུས་པ་ཐོབ། མདུན་གྱི་ཚེ་རྫས་རྣམས་ལ་ཐིམ་པས་འཆི་མེད་ཚེའི་བཅུད་ལེན་དུ་གྱུར། ཅེས་བརྗོད་ཅིང་བསམས་ལ་གོང་གི་སྔགས་གསུམ་ཅི་ནུས་བཟླས་མཐར་ཡི་གེ་བརྒྱ་པ་བརྗོད། གཏོར་མ་བསང་སྦྱང་། སྟོང་པའི་ངང་ལས་ཨོཾ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ་གཏོར་མ་ཟག་པ་མེད་པའི་བདུད་རྩིའི་རྒྱ་མཚོ་ཆེན་པོར་གྱུར། ཨོཾ་ཨཱཿཧཱུྃ་ལན་གསུམ་གྱིས་བརླབ། བླ་མ་དང་གཉིས་སུ་མེད་པའི་མགོན་པོ་ཚེ་དཔག་མེད་ཀྱི་ལྷ་ཚོགས་འཁོར་དང་བཅས་པའི་ལྗགས་ཧཱུྃ་ལས་སྐྱེས་པའི་རྡོ་རྗེ་རྩེ་གཅིག་པ་དམར་པོ་འོད་ཀྱི་སྤུ་གུས་གཏོར་མའི་བཅུད་དྲངས་ཏེ་གསོལ་བར་གྱུར། ཨོཾ་གུ་རུ་ཨ་པ་རི་མི་ཏ་ཨཱ་ཡུརྫྙཱ་ན་ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཞེས་བཏགས་པས་འབུལ། མཆོད་བསྟོད་གོང་ལྟར་བྱ། བཅོམ་ལྡན་འདས་མགོན་པོ་ཚེ་དཔག་ཏུ་མེད་པའི་ལྷ་ཚོགས་འཁོར་དང་བཅས་པ་རྣམས་ཀྱིས་བདག་དང་རྡོ་རྗེ་སློབ་མ་རྣམས་ལ་འཆི་མེད་ཚེའི་དངོས་གྲུབ་མ་ལུས་པ་སྩལ་དུ་གསོལ། ཅེས་འདོད་དོན་ལ་གསོལ་བ་གདབ། ཚེ་འགུགས་པའི་ཕྲིན་ལས་བསྐུལ་བ་ནི། སླར་ཡང་བདག་མདུན་རྣམས་ཀྱི་ཐུགས་ཀ་ནས་འོད་ཟེར་དང་ལྷ་མོ་མགྱོགས་མའི་ཚོགས་ཉི་ཟེར་གྱི་རྡུལ་ལྟར་སྤྲོས་པས་རྡོ་རྗེ་སློབ་མའི་ཚེ་དང་བསོད་ནམས་འཕྲོག་པ་དང་། བརྐུས་པ་དང་། ཡར་བ་དང་། འབྱུང་བ་རྣམས་ཀྱི་བཅུད། སེམས་ཅན་རྣམས་ཀྱི་ཚེ་དང་བསོད་ནམས། སྲིད་པ་གསུམ་གྱི་ཕུན་ཚོགས་ཐམས་ཅད་དང་། རྒྱལ་བ་སྲས་བཅས་ཀྱི་སྐུ་གསུང་ཐུགས་ཀྱི་བྱིན་རླབས་ཐམས་ཅད་བསྡུས། མདུན་བསྐྱེད་ཀྱི་ཕྱག་གི་ཚེ་བུམ་ནང་དུ་ཐིམ་པས་བུམ་པ་བདུད་རྩིས་གང་། དེ་ལས་བདུད་རྩིའི་རྒྱུན་བབས་པས་རྡོ་རྗེ་སློབ་མའི་ཚེ་ཆད་པ་དང་། འཐོར་བ་དང་། ཡར་བ་ལ་སོགས་པ་མདོར་ན་འབྱུང་བ་ལྔའི་སྒོ་ནས་ཚེ་ཉམས་པ་ཐམས་ཅད་སོར་ཆུད་ཅིང་། འཆི་བ་མེད་པ་ཚེའི་རིག་འཛིན་ཐོབ་པར་གྱུར། །ཧྲཱིཿ འཆི་བ་མེད་པ་མགོན་པོ་ཚེ་ཡི་ལྷ། །ཞེས་པ་ནས། ཚེ་གསོས་ཚེ་ཁུག་ཚེ་ལ་དངོས་སྒྲུབ་སྩོལ། །ཅེས་པའི་བར་གོང་བཞིན་བརྗོད། ཚེ་རྟེན་འོད་དཀར་པོའི་དབུས་སུ་རྡོ་རྗེ་སློབ་མའི་རྣམ་པར་ཤེས་པ་ཡི་གེ་ནྲྀའི་རྣམ་པར་ཉི་ཟླ་གའུ་ཁ་སྦྱོར་ཞེས་པ་ནས། ཨོཾ་བཛྲ་ཨཱ་ཡུ་ཥེ་སྭཱ་ཧཱའི་བར་གོང་བཞིན་བརྗོད། ཡང་རང་གི་ཐུགས་ཀ་ནས་སྤྲོས་པའི་འོད་ཟེར་གྱིས་སྣོད་བཅུད་ཐམས་ཅད་འོད་དུ་ཞུ་ནས་རྡོ་རྗེ་སློབ་མ་ལ་ཐིམ། དེ་ཉི་ཟླའི་གའུ་ཁ་སྦྱོར་ལ་ཐིམ། དེ་འོད་དཀར་པོ་ལ་ཐིམ། དེ་ཡི་གེ་ནྲྀ་ལ་ཐིམ། ནྲྀ་དེ་ཡང་འཇའ་ཡལ་བ་ལྟར་གྱུར། གང་གིས་གནོད་པར་མི་ནུས་པའི། །ཞེས་པ་ནས། ཨོཾ་ཨ་མཱ་ར་ཎི་ཛཱི་བནྟི་ཡེ་སྭཱ་ཧཱ། བར་གོང་བཞིན་བྱ། སྟོང་པའི་ངང་ལས་རྡོ་རྗེ་སློབ་མ་ཚེ་དཔག་མེད་དུ་གསལ་བའི་སྨིན་མཚམས་ཀྱི་རྩ་སྒོ་ཞེས་པ་ནས། ཚེ་ཡི་བར་ཆད་ཐམས་ཅད་སྲུངས། །ཞེས་པའི་བར་དང་། ཨོཾ་ཨ་མཱ་ར་ཎི་ཛཱི་བནྟི་ཡེ་སྭཱ་ཧཱ། ལན་གསུམ། ཨོཾ་བཛྲ་ཨཱ་ཡུ་ཥེ་སྭཱ་ཧཱ། ཞེས་པས་བརྟན་པར་བྱ། ལས་བུམ་དུ་རྟ་མགྲིན་བསྐྱེད་ཅིང་བཟླས་པས་ནུས་ལྡན་དུ་བྱའོ། །གསུམ་པ་སློབ་མ་རྗེས་འཛིན་དབང་གི་ཆོ་ག་ནི། ལས་ཀྱི་རྡོ་རྗེས་སློབ་མ་རྣམས་ཕྱི་རོལ་དུ་ཁྲུས་བྱ། ནང་དུ་འོངས་བ་དང་སློབ་དཔོན་གྱིས་བགེགས་གཏོར་སྦྱིན་ཞིང་སྲུང་འཁོར་བསྒོམ། ཆོས་བཤད་ཅི་རིགས་པ་དང་། ལོ་རྒྱུས་ཀྱི་ཁྱད་པར། དེ་ལ་འདིར་གནས་སྐབས་སུ་དུས་མ་ཡིན་པའི་འཆི་བ་ཞི་ཞིང་། འཆི་མེད་ཚེའི་དངོས་གྲུབ་ཐོབ་པ་དང་། མཐར་ཐུག་འཇའ་ལུས་ཡེ་ཤེས་ཀྱི་སྐུ་འགྲུབ་པར་བྱ་བའི་སླད་དུ་བཅོམ་ལྡན་འདས་མགོན་པོ་ཚེ་དང་ཡེ་ཤེས་དཔག་ཏུ་མེད་པའི་མངོན་པར་དབང་བསྐུར་བ་ལ། ཡིད་ཆེས་ཤིང་ཁུངས་བཙུན་པར་བྱེད་པ་ལོ་རྒྱུས་དང་། དེ་ལས་འོངས་པའི་གདམས་པ་གཉིས། དང་པོ་ནི། ནུབ་ཕྱོགས་བདེ་བ་ཅན་གྱི་ཞིང་ཁམས་སུ། བཅོམ་ལྡན་མགོན་པོ་ཚེ་དང་ཡེ་ཤེས་དཔག་ཏུ་མེད་པས་བྱིན་གྱིས་བརླབས་པའི་མཁའ་འགྲོ་མ་གསང་བ་ཡེ་ཤེས་ཞེས་བྱ་བ་ཉི་ཟླའི་ཁྲི་སྟན་གདུགས་དང་རྒྱན་དྲུག་སོགས་དང་ལྡན་པའི་མཚན་ཉི་ཟླའི་དངོས་གྲུབ་དང་། གཞན་ཡང་ལས་ཀྱི་དབང་མོ་ཆེར་གྲགས་པ་ལ་སློབ་དཔོན་ཆེན་པོ་པདྨ་འབྱུང་གནས་ཀྱིས་དབང་གསན་པས་ཡི་གེ་ཧཱུྃ་དུ་བསྒྱུར་ཏེ་མཁའ་འགྲོ་མའི་ཞལ་དུ་མིད་པ་དང་། ཕྱི་སངས་རྒྱས་སྣང་བ་མཐའ་ཡས་ཀྱི་ངོ་བོ་འཆི་མེད་ཚེའི་རིག་པ་འཛིན་པའི་དབང་། ནང་འཕགས་པ་སྤྱན་རས་གཟིགས་ཀྱི་ངོ་བོ་ཕྱག་རྒྱ་ཆེན་པོ་མཆོག་གི་དབང་། གསང་བ་དཔལ་རྟ་མགྲིན་གྱི་ངོ་བོ་ལྷ་སྲིན་བྲན་དུ་འཁོལ་བའི་དབང་རྣམས་ཐོབ་པ་ལས། དེ་གསུམ་ཀའི་དོན་འདུས་པའི་ཚེ་སྒྲུབ་འཆི་མེད་སྲོག་ཤིང་འདི་ཉིད་སློབ་དཔོན་ཆེན་པོས་གྲུབ་ཆེན་དཔལ་ལྡན་རྡོ་རྗེ་ཞེས་འཇའ་ལུས་ཀྱི་སྐུ་བརྙེས་པ་དེ་ལ་དངོས་སུ་གནང་། དེ་ཉིད་ཀྱིས་འབྲས་སྤུངས་ཉི་འོད་འཁྱིལ་བའི་གཟིམས་ཆུང་དུ་ཐམས་ཅད་མཁྱེན་པ་བསོད་ནམས་རྒྱ་མཚོ་དཔལ་བཟང་པོ་ལ་གནང་། དེས་འཁོན་སྟོན་རྡོ་རྗེ་འཆང་དཔལ་འབྱོར་ལྷུན་གྲུབ་ལ་གནང་། དེས་ཟུར་ཆེན་ཆོས་དབྱིངས་རང་གྲོལ་ལ་གནང་། དེས་དུས་གསུམ་མཁྱེན་པ་ཨོ་རྒྱན་ཆེན་པོས་རྡོ་རྗེའི་ལུང་གིས་ལན་གཅིག་མ་ཡིན་པར་བསྔགས་པའི་གངས་ཅན་གྱི་མགོན་པོ་རྒྱལ་དབང་ཐམས་ཅད་མཁྱེན་ཅིང་གཟིགས་པ་ཆེན་པོ་ངག་དབང་བློ་བཟང་རྒྱ་མཚོ་ལ་གནང་། དེ་ཉིད་ཀྱིས་རྒྱ་ཆེར་སྤེལ་བ་ནས་བཟུང་སྟེ་བདག་ཅག་གི་དཔལ་ལྡན་བླ་མ་དམ་པའི་བར་དུ་བརྒྱུད་པ་བར་མ་ཆད་པ་ལས་བྱོན་པ་ལགས། གཉིས་པ་དེ་ལས་འོངས་པའི་གདམས་པ་ལའང་རང་དོན་དུ་བདག་གི་རྣལ་འབྱོར་ལ་བརྟེན་ནས་ཚེ་སྒྲུབ་པ་དང་། གཞན་དོན་དུ་བུམ་པའི་ཆོ་ག་ལ་བརྟེན་ནས་སློབ་མ་རྗེས་སུ་བཟུང་བ་གཉིས་ལས། འདིར་སློབ་མ་རྗེས་སུ་བཟུང་བ་དབང་གི་ཆོ་ག་ལ་སློབ་དཔོན་གྱིས་བགྱི་བར་འོས་པ་ཐམས་ཅད་སྔོན་དུ་གྲུབ་ཟིན་ནས། ཁྱེད་རང་རྣམས་ཀྱི་ངོ་སྐལ་དུ་གྱུར་པ་ལ་ཐོག་མར་མཎྜལ་ཕུལ། གསོལ་བ་འདེབས་པ་འདིའི་རྗེས་ཟློས་ལན་གསུམ་མཛོད། ཀུན་མཁྱེན་ཡེ་ཤེས་ཕུང་པོ་ཅན། །སྲིད་པའི་འཁོར་ལོ་རྣམ་སྦྱོང་བ། །དེ་རིང་བཤད་པའི་རིན་ཆེན་གཏེར། །གཙོ་བོས་བདག་ལ་བཀའ་དྲིན་སྩོལ། །རྒྱུད་སྡོམ་པ་དང་ལྡན་པར་བྱ་བའི་སླད་དུ། བླ་མ་དང་མགོན་པོ་ཚེ་དཔག་ཏུ་མེད་པ་སྐྱབས་གནས་དཀོན་མཆོག་རྒྱ་མཚོའི་ཚོགས་ཀྱིས་བསྐོར་བའི་སྤྱན་སྔར་སྐྱབས་གསུམ་སྔོན་དུ་འགྲོ་བ་ཅན་གྱི་བྱང་ཆུབ་མཆོག་ཏུ་སེམས་བསྐྱེད་པར་བགྱིའོ་སྙམ་པས་འདིའི་རྗེས་ཟློས་ལན་གསུམ་མཛོད། དཀོན་མཆོག་གསུམ་ལ་བདག་སྐྱབས་མཆི་སོགས། དེ་ནས་མཎྜལ་བསྟན་པ་ནི། མདུན་གྱི་ཚེ་བུམ་འདི་ཉིད་ཕྱི་རིན་པོ་ཆེའི་བུམ་པའི་རྣམ་པ་ལ། ནང་ལྷའི་གཞལ་ཡས་ཁང་གྲུ་བཞི་སྒོ་བཞི་མཚན་ཉིད་ཐམས་ཅད་ཡོངས་སུ་རྫོགས་པའི་དབུས་སུ་སེང་གེས་བཏེགས་པའི་རིན་པོ་ཆེའི་ཁྲི་སྣ་ཚོགས་པད་ཉི་ཟླ་བའི་གདན་དང་བཅས་པའི་དབུས་སུ་བླ་མ་དང་གཉིས་སུ་མེད་པའི་མགོན་པོ་ཚེ་དཔག་ཏུ་མེད་པ་སོགས་ནས། ཚེ་ཁྲིད་བརྒྱུད་པའི་བླ་མ་རྣམས་སྤྲིན་ཕུང་གཏིབས་པ་ལྟར་བཞུགས་པ་དང་། སློབ་དཔོན་ཀྱང་དེ་ལྟ་བུའི་ཚེ་དཔག་ཏུ་མེད་པ་ཚེ་ཁྲིད་བརྒྱུད་པའི་བླ་མའི་ཚོགས་དང་བཅས་པའི་རྣམ་པར་བཞུགས་པ་དང་མངོན་སུམ་དུ་མཇལ་བའི་མོས་པ་མཛོད། དེ་ནས་གཞི་དགོད་པའི་སླད་དུ་དམིགས་པ་འདི་བཞིན་དུ་མཛོད། ཨོཾ་ཧྲཱིཿཔདྨཱནྟ་ཀྲྀཏ་ཧ་ཡ་གྲཱི་བ་ཧུ་ལུ་ཧུ་ལུ་ཧཱུྃ་ཕཊ་གྱིས་བསང་། སྭ་བྷཱ་བས་སྦྱང་། སློབ་མ་རྣམས་མི་དམིགས་ཏེ་སྟོང་པར་གྱུར། སྟོང་པའི་ངང་ལས་སེང་གེས་བཏེགས་པའི་རིན་པོ་ཆེའི་ཁྲིའི་སྟེང་དུ་པྃ་ལས་པདྨ་དང་། རྃ་ལས་ཉི་མ། ཨ་ལས་ཟླ་བའི་དཀྱིལ་འཁོར་གྱི་སྟེང་དུ་སོ་སོའི་སེམས་ཉིད་ཡི་གེ་ཧྲཱིཿདམར་པོ་རིང་ཆ་ཚེག་དྲག་དང་བཅས་པ་ཡོངས་སུ་གྱུར་པ་ལས། སློབ་མ་རྣམས་སྐད་ཅིག་གིས་བཅོམ་ལྡན་འདས་མགོན་པོ་ཚེ་དཔག་མེད་སྐུ་མདོག་དམར་པོ་ཞལ་གཅིག་ཕྱག་གཉིས་ཀྱིས་མཉམ་བཞག་གི་སྟེང་ན་འཆི་མེད་ཚེའི་བདུད་རྩིས་གང་བའི་བུམ་པ་དཔག་བསམ་ཤིང་གིས་ཁ་བརྒྱན་པ་བསྣམས་པ། ཞབས་རྡོ་རྗེའི་སྐྱིལ་མོ་ཀྲུང་དུ་བཞུགས་ཤིང་། དར་དང་རིན་པོ་ཆེའི་རྒྱན་དང་མཚན་དཔེ་གསལ་རྫོགས་ཀྱིས་སྤྲས་པ། ཞི་ཞིང་འཛུམ་པ་སྒེག་པའི་ཉམས་ཅན། འོད་ཀྱི་རང་བཞིན་ཅན་དུ་གྱུར་པའི་སྤྱི་བོར་ཨོཾ། མགྲིན་པར་ཨཱཿ ཐུགས་ཀར་ཧཱུྃ་གིས་མཚན་པ་དང་། སློབ་དཔོན་མདུན་བསྐྱེད་དང་བཅས་པའི་ཐུགས་ཀ་ནས་འོད་ཟེར་འཕྲོས་པས་ནུབ་ཕྱོགས་བདེ་བ་ཅན་ནས་བསྒོམས་པ་དང་འདྲ་བའི་ཡེ་ཤེས་སེམས་དཔའི་ཚོགས་དཔག་ཏུ་མེད་པ་སྤྱན་དྲངས་ཏེ་སིབ་སིབ་ཐིམ་པར་གྱུར། ཧྲཱིཿ བདེ་བ་ཅན་ནས་ཚེ་དཔག་མེད་མགོན་ལ། །གསང་བ་ཡེ་ཤེས་པདྨ་འབྱུང་གནས་སོགས། །ཚེ་ཁྲིད་བརྒྱུད་པའི་བླ་མས་ཡོངས་བསྐོར་བ། །འདིར་གཤེགས་བདག་ལ་ཚེ་ཡི་དངོས་གྲུབ་སྩོལ། །ཅེས་དང་། སྔགས་རྣམས་ཀྱི་མཐར། ཨོཾ་བཛྲ་ཨཱ་བེ་ཤ་ཡ་ཨ་ཨཱཿ ཞེས་པས་ཡེ་ཤེས་པ་དབབ། ཛཿཧཱུྃ་བྃ་ཧོཿས་བསྟིམ། ཏིཥྛ་བཛྲས་བརྟན་པར་བྱའོ། །དེས་གཞི་དགོད་པ་སོང་ནས་སྔགས་ཀྱི་སྒོ་ནས་གསོལ་བ་འདེབས་པ་འདིའི་རྗེས་ཟློས་ལན་གསུམ་མཛོད། ཨོཾ་བཛྲ་ས་ར་ཧེ་ཀ་ར་རེ་ཤྭ་ར་རེ་ཧཱུྃ་ཕཊ། སླར་ཡང་དབང་གི་དངོས་གཞིའི་དོན་དུ་བླ་མ་དང་མདུན་བསྐྱེད་ཀྱི་ལྷ་ཐ་མི་དད་པ་ལ་འཆི་མེད་ཚེའི་དངོས་གྲུབ་སྩལ་དུ་གསོལ་སྙམ་པས་གསོལ་བ་འདེབས་པ་འདིའི་རྗེས་ཟློས་ལན་གསུམ་མཛོད། སློབ་དཔོན་དགོངས་སུ་གསོལ། བདག་ལ་འཆི་བ་མེད་པའི་ཚེའི་དངོས་གྲུབ་སྩལ་དུ་གསོལ། ཞེས་གསོལ་བ་བཏབ་ནས། ཚེའི་དབང་བསྐུར་བ་དངོས་ལ་ཚེ་བུམ་ལ་བརྟེན་ནས་བླ་ཚེ་ཡར་བ་དགུག་པ། ཉམས་པ་གསོ་བ། ཚེ་འགུགས་ཤིང་བསྟིམ་པ། མཐའ་རྟེན་དུ་ཚེ་རིལ་དང་ཚེ་ཆང་ལ་བརྟེན་ནས་དབང་བསྐུར་བ། རྗེས་མི་ཉམས་པར་བྱ་བའི་ཕྱིར་ཚེ་བཅིང་བ། ཚེ་སྦ་བ། ཚེ་བསྲུང་བ། ཚེ་དང་བཀྲ་ཤིས་ཀྱི་ལེགས་ཚོགས་སྤེལ་བ་རྣམས་སུ་ཡོད་པ་ལས། ཐོག་མར་བླ་ཚེ་ཡར་བ་དགུག་པའི་དོན་དུ་དམིགས་པ་འདི་བཞིན་མཛོད། མདུན་བསྐྱེད་བཅོམ་ལྡན་འདས་ཀྱི་ཕྱག་མཚན་བུམ་པའི་ནང་དུ་ཟླ་བའི་དཀྱིལ་འཁོར་གྱི་སྟེང་དུ་ཧྲཱིཿའི་མཐར་སྙིང་པོ་དང་གཟུངས་རིང་གིས་བསྐོར་བ་ལས་འོད་ཟེར་འཕྲོས། ཁྱེད་རང་རྣམས་ཀྱི་ཚེ་འཆི་བདག་གཤིན་རྗེ། རྒྱལ་གདོན་ལ་སོགས་པ་འབྱུང་པོ་མི་མ་ཡིན་རྣམས་ཀྱིས་ཕྲོག་པ་དང་། བརྐུས་པ། ཡར་བ་ཐམས་ཅད་བུམ་པ་དང་ཐོད་པ་དང་ལྷུང་བཟེད་བདུད་རྩིས་གང་བའི་རྣམ་པར་བཀུག །སྔགས་ཕྲེང་ལ་ཐིམ། དེ་ལས་བདུད་རྩིའི་རྒྱུན་བབས། བུམ་པ་འཆི་མེད་བདུད་རྩིས་གང་བས་སྤྱི་བོ་ནས་དབང་བསྐུར། ལུས་ཀྱི་ནང་ཐམས་ཅད་གང་ཞིང་། ཕྱི་ཐམས་ཅད་བཀྲུས་པས་རྫས་ཀྱི་རྡོ་རྗེ་ཕ་ལམ་བཞིན་དུ་ཕར་ལ་དངོས་པོར་འཛིན་པ་ཐམས་ཅད་འཇོམས་ཤིང་། ཚུར་ལ་གང་གིས་ཀྱང་གཞིག་ཅིང་གཞོམ་པར་མི་ནུས་པའི་འཆི་མེད་ཀྱི་རིག་འཛིན་ཐོབ་བྱུང་སྙམ་པའི་མོས་པ་མཛོད་ཅིག །ཅེས་བརྗོད་ལ་དྲིལ་བུ་དཀྲོལ། རང་དང་སློབ་མ་གཉིས་ཀས་ཨ་མཱ་ར་ཎིའི་སྔགས་བརྗོད། སྐལ་ལྡན་རིགས་ཀྱི་བུ་འདི་དག་ལ་ཚེ་དབང་དུ་གྱུར་ཅིག །དབང་དངོས་གྲུབ་ཏུ་གྱུར་ཅིག །ཚེ་མི་འགྱུར་བའི་གཡུང་དྲུང་དུ་གྱུར་ཅིག །མི་ཤིགས་པའི་རྡོ་རྗེར་གྱུར་ཅིག །མི་ནུབ་པའི་རྒྱལ་མཚན་དུ་གྱུར་ཅིག །འཆི་བ་མེད་པ་ཚེའི་རིག་འཛིན་ཐོབ་པར་གྱུར་ཅིག །ཅེས་བརྗོད་ལ་མེ་ཏོག་འཐོར་རོ། །བདེན་སྟོབས་འདི་འོག་མ་རྣམས་ཀྱི་མཐའ་ཐམས་ཅད་དུའང་བྱ། རྒྱལ་མཚན་རྩེ་མོ་སོགས་ཤིས་བརྗོད་ཤློ་ཀ་གཅིག་བྱའོ། །དེ་ནས་ཉམས་པ་གསོ་བ་ལ། ཚེ་ཉམས་པ་གསོ་བ། སྟོབས་ཉམས་པ་གསོ་བ། དམ་ཚིག་དང་སྡོམ་པ་ཉམས་པ་གསོ་བ་གསུམ་དུ་ཡོད་པ་ལས། ཐོག་མར་ཚེ་ཉམས་པ་གསོ་བའི་སླད་དུ་ཚེ་ཉམས་པ་གསོ་བ་འདི་རྒྱས་པར་འབྱུང་ལྔ་སོ་སོའི་བཅུད་བསྡུ་ཚུལ་རྒྱལ་བ་དགེ་འདུན་རྒྱ་མཚོའི་གསུང་གྲུབ་རྒྱལ་མའི་ཚེ་དབང་ལྟར་བྱ་བར་གསུངས་པས་སྤྲོ་ན་དེ་ལྟར་བྱ་ཞིང་། འདིར་རྗེ་དགེ་འདུན་རྒྱ་མཚོའི་ཡིག་ཆར་བསྡུས་ཏེ་བྱ་ཚུལ་གསུངས་པ་ཕྱག་ལེན་དུ་མཛད་པ་ལྟར་བཀོད་པའོ། །མཆན། མདུན་བསྐྱེད་ཚེ་དཔག་ཏུ་མེད་པའི་ཕྱག་གི་བུམ་པའི་དབུས་སུ་ཐུགས་སྲོག་གི་མཐར་སྔགས་ཀྱི་ཕྲེང་བས་བསྐོར་བ་ལས་འོད་ཟེར་འཕྲོས་པས། འབྱུང་བ་ཆེན་པོ་ནམ་མཁའ་རླུང་མེ་ཆུ་སའི་བཅུད་ཐམས་ཅད་འོད་དང་བདུད་རྩི་ལྗང་སྔོ་དམར་དཀར་སེར་བའི་རྣམ་པར་བཀུག སྔགས་ཕྲེང་ལ་ཐིམ། དེ་ལས་བདུད་རྩིའི་རྒྱུན་བབས། བུམ་པ་འཆི་མེད་ཀྱི་བདུད་རྩིས་གང་བས་སྤྱི་བོ་ནས་དབང་བསྐུར། ལུས་ཀྱི་ནང་ཐམས་ཅད་གང་ཞིང་། ཕྱི་ཐམས་ཅད་བཀྲུས་པས་ཐོག་མ་མེད་པ་ནས་བསགས་པའི་ནད་གདོན་སྡིག་སྒྲིབ་ཐམས་ཅད་དག །ཁྱད་པར་དུ་ལུས་ཀྱི་འབྱུང་བ་རྣམས་ཀྱི་སྒོ་ནས་ཚེ་ཉམས་པ་ཐམས་ཅད་སོར་ཆུད། འཆི་མེད་ཚེའི་རིག་འཛིན་ཐོབ་སྙམ་པའི་མོས་པ་མཛོད་ཅིག །ཅེས་བརྗོད་ཅིང་སྔགས་བཟླ་ཞིང་དབང་བསྐུར། བདེན་སྟོབས་བརྗོད། ཕུན་སུམ་ཚོགས་པ་སོགས་ཤློ་ཀ་གསུམ་མམ། སྟོན་པ་བླ་མེད་སོགས་ནས། བླ་མེད་དཀོན་མཆོག་གསུམ་གྱི་བཀྲ་ཤིས་ཤོག །ཅེས་ཤིས་བརྗོད་བྱ། སྟོབས་དང་བསོད་ནམས་ཉམས་པ་གསོ་བ་ནི། ཡང་སྔགས་ཕྲེང་ལས་འོད་ཟེར་འཕྲོས། སེམས་ཅན་ཐམས་ཅད་ཀྱི་ཚེ་དང་བསོད་ནམས། སྲིད་པ་གསུམ་གྱི་བཀྲག་མདངས་གཟི་བརྗིད། འཇིག་རྟེན་ཁམས་ཀྱི་དཔལ་འབྱོར་ཕུན་སུམ་ཚོགས་པ་ཐམས་ཅད་བཀྲ་ཤིས་རྟགས་བརྒྱད། རྒྱལ་སྲིད་རིན་ཆེན་སྣ་བདུན། ཉེ་བའི་རིན་པོ་ཆེ་སྣ་བདུན། བཀྲ་ཤིས་རྫས་བརྒྱད་ལ་སོགས་ཀྱི་རྣམ་པར་བཀུག །སྔགས་ཕྲེང་ལ་ཐིམ། དེ་ལས་བདུད་རྩིའི་རྒྱུན་བབས། བུམ་པ་འཆི་མེད་ཀྱི་བདུད་རྩིས་གང་བས་སྤྱི་བོ་ནས་དབང་བསྐུར། ལུས་ཀྱི་ནང་ཐམས་ཅད་གང་ཞིང་། ཕྱི་ཐམས་ཅད་བཀྲུས་པས་ཐོག་མ་མེད་པ་ནས་བསགས་པའི་ནད་གདོན་སྡིག་སྒྲིབ་ཐམས་ཅད་དག །ཁྱད་པར་སྟོབས་དང་བསོད་ནམས་ཉམས་པ་ཐམས་ཅད་སོར་ཆུད། ལྷའི་དབང་པོ་བརྒྱ་བྱིན་དང་། སྟོང་གསུམ་མི་མཇེད་ཀྱི་བདག་པོ་ཚངས་པ་སོགས་དང་སྐལ་བ་མཉམ་པའི་འཆི་མེད་ཀྱི་རིག་འཛིན་ཐོབ་སྙམ་པའི་མོས་པ་མཛོད་ཅིག །ཅེས་བརྗོད་ཅིང་སྔགས་བཟླ་ཞིང་དབང་བསྐུར། བདེན་སྟོབས་དང་། བསོད་ནམས་རི་བོ་བཞིན་དུ་བརྟན་པ་དང་། །སོགས་བརྗོད། དམ་ཚིག་དང་སྡོམ་པ་ཉམས་པ་གསོ་བ་ནི། ཡང་སྔགས་ཕྲེང་ལས་འོད་ཟེར་འཕྲོས། ཕྱོགས་བཅུའི་རྒྱལ་བ་སྲས་དང་སློབ་མར་བཅས་པ་རྣམས་ཀྱི་སྐུ་གསུང་ཐུགས་ཀྱི་བྱིན་རླབས་ཐམས་ཅད་སངས་རྒྱས་དང་བྱང་ཆུབ་སེམས་དཔའ་ལ་སོགས་པའི་སྐུ་གཟུགས། ཨཱ་ལི་ཀཱ་ལི་ལ་སོགས་པའི་ཡིག་འབྲུ། རྡོ་རྗེ་དྲིལ་བུ་ལ་སོགས་པའི་ཕྱག་མཚན་གྱི་རྣམ་པར་བཀུག །སྔགས་ཕྲེང་ལ་ཐིམ། དེ་ལས་བདུད་རྩིའི་རྒྱུན་བབས། བུམ་པ་འཆི་མེད་ཀྱི་བདུད་རྩིས་གང་བས་སྤྱི་བོ་ནས་དབང་བསྐུར། ལུས་ཀྱི་ནང་ཐམས་ཅད་གང་ཞིང་། ཕྱི་ཐམས་ཅད་བཀྲུས་པས་ཐོག་མ་མེད་པ་ནས་བསགས་པའི་ནད་གདོན་སྡིག་སྒྲིབ་ཐམས་ཅད་དག །ཁྱད་པར་དུའང་དམ་ཚིག་དང་སྡོམ་པ་ཉམས་པ་སོར་ཆུད། འཆི་མེད་ཚེའི་རིག་འཛིན་ཐོབ་སྙམ་པའི་མོས་པ་མཛོད་ཅིག །ཅེས་བརྗོད་ཅིང་སྔགས་བཟླ་ཞིང་དབང་བསྐུར། བདེན་སྟོབས་དང་། མི་འགྱུར་ལྷུན་པོ་སོགས་བརྗོད་དོ། །དེ་ནས་ཚེ་འགུགས་པ་ནི། བླ་མ་ཕྱི་མ་འགའ་ཞིག་གིས་ཚེ་འགུགས་འདི་གོང་གི་སྔགས་ཀྱིས་གསལ་བཏབ་པའི་མཇུག་ཏུ་སྦྱར་སྣང་ནའང་། འདིར་རྩ་བའི་ཡི་གེའི་དགོངས་པ་ལྟར་བྲིས་པའོ། །མཆན། སླར་ཡང་སློབ་དཔོན་མདུན་བསྐྱེད་དང་བཅས་པའི་ཐུགས་ཀ་ནས་འོད་ཟེར་དང་། ལྷ་མོ་མགྱོགས་མའི་ཚོགས་ཉི་ཟེར་གྱི་རྡུལ་ལྟར་སྤྲོས་པས་རྡོ་རྗེ་སློབ་མ་རྣམས་ཀྱི་ཚེ་དང་བསོད་ནམས་འཕྲོག་པ་དང་། བརྐུས་པ་དང་། ཡར་བ་དང་། འབྱུང་བ་ཆེན་པོ་རྣམས་ཀྱི་བཅུད། སེམས་ཅན་ཐམས་ཅད་ཀྱི་ཚེ་དང་བསོད་ནམས། སྲིད་པ་གསུམ་གྱི་ཕུན་སུམ་ཚོགས་པ་ཐམས་ཅད་དང་། རྒྱལ་བ་སྲས་དང་སློབ་མར་བཅས་པའི་སྐུ་གསུང་ཐུགས་ཀྱི་བྱིན་རླབས་བསྡུས་ཏེ་ཕྱག་གི་བུམ་པའི་ནང་དུ་ཐིམ། དེ་ལས་འཆི་མེད་ཚེའི་བདུད་རྩི་དཔག་ཏུ་མེད་པ་བྱུང་། རྡོ་རྗེ་སློབ་མ་རྣམས་ཀྱི་སྤྱི་བོ་ནས་ཞུགས། ལུས་ཀྱི་ནང་ཐམས་ཅད་གང་། དྲི་མ་ཐམས་ཅད་དག །འཆི་མེད་ཚེའི་དངོས་གྲུབ་བརྟན་ཅིང་ནུས་པ་དང་ལྡན་པར་བྱས་པའི་མོས་པ་མཛོད། ཅེས་བརྡའ་སྦྱར་ལ། མདའ་དར་གཡབ་ཅིང་། ཧྲཱིཿ འཆི་བ་མེད་པ་མགོན་པོ་ཚེ་ཡི་ལྷ། །ཞེས་སོགས་ཚེ་འགུགས་བྱ། ཚེ་བསྟིམ་པ་ནི། སླར་ཡང་སློབ་དཔོན་གྱི་ཐུགས་ཀའི་ཧྲཱིཿལས་འོད་ཟེར་འཕྲོས་པས་ནུབ་ཕྱོགས་བདེ་བ་ཅན་ནས་མགོན་པོ་ཚེ་དཔག་ཏུ་མེད་པ་ལ་ཚེ་ཁྲིད་བརྒྱུད་པའི་བླ་མ་རྣམས་དང་སངས་རྒྱས་བྱང་སེམས་ཐམས་ཅད་ཀྱིས་བསྐོར་བ་སྤྱན་དྲངས། བུམ་ནང་གི་ཚེ་དཔག་ཏུ་མེད་པ་ལ་ཐིམ། དེ་ལས་དེ་འདྲ་བ་མར་མེ་གཅིག་ལས་གཉིས་མཆེད་ཀྱི་ཚུལ་དུ་བྱུང་། ཁྱེད་རང་རྣམས་ཀྱི་སྤྱི་བོ་ནས་ཐིམ་པས་རྒྱལ་བ་ཚེ་དཔག་ཏུ་མེད་པའི་སྐུ་གསུང་ཐུགས་དང་། ཁྱེད་རང་རྣམས་ཀྱི་ལུས་ངག་ཡིད་གསུམ་རོ་གཅིག་ཏུ་གྱུར། འཆི་མེད་ཚེའི་རིག་འཛིན་མངོན་དུ་ཐོབ་པའི་མོས་པ་མཛོད་ཅིག །ཅེས་བརྗོད་ལ་བུམ་པ་སྤྱི་བོར་བཞག་ཅིང་། བཅོམ་ལྡན་འདས་མགོན་པོ་ཚེ་དཔག་ཏུ་མེད་པ། མཁའ་འགྲོ་མ་གསང་བ་ཡེ་ཤེས། སློབ་དཔོན་པདྨ་འབྱུང་གནས། གྲུབ་ཆེན་དཔལ་ལྡན་རྡོ་རྗེ། ཐམས་ཅད་མཁྱེན་པ་བསོད་ནམས་རྒྱ་མཚོ། འཁོན་སྟོན་དཔལ་འབྱོར་ལྷུན་གྲུབ། ཟུར་ཆེན་ཆོས་དབྱིངས་རང་གྲོལ། ངག་གི་དབང་ཕྱུག་བློ་བཟང་རྒྱ་མཚོ་ལ་སོགས་པ་ནས། བདག་ཅག་གི་དྲིན་ཅན་རྩ་བའི་བླ་མའི་བར་དུ་བྱོན་པའི་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱིས་བྱིན་གྱིས་རློབས་ཤིག །སློབ་མ་འདི་རྣམས་ཀྱི་ལུས་ཀྱི་ན་ཚ། སེམས་ཀྱི་སྡུག་བསྔལ། བར་ཆད་དང་ཆག་སྒོ་ཉམ་ང་ཡོད་པ། སྟེང་གདོན་གཟའ། འོག་གདོན་ཀླུ། བར་གདོན་རྒྱལ་པོའི་གནོད་པ་དང་། དུས་མ་ཡིན་པར་འཆི་བའི་འཇིགས་པ་ཐམས་ཅད་ལས་སྲུངས་ཤིག །ཅེས་དང་། གཟུངས་རིང་བརྗོད། དེ་ནས་ཚེ་ཆང་ལ་བརྟེན་ནས་དབང་བསྐུར་བ་ནི། འཆི་མེད་ཚེའི་བདུད་རྩིའི་ངོ་བོ་ཚེ་ཆང་འདི་ཉིད་ཞལ་དུ་གསོལ་བས་ལུས་ཀྱི་ནང་རྩ་སྟོང་ཕྲག་བདུན་ཅུ་རྩ་གཉིས་འཆི་མེད་ཀྱི་བདུད་རྩིས་གང་། རང་བཞིན་བརྒྱད་ཅུའི་ཀུན་རྟོག་དབྱིངས་སུ་འགགས། ཉམས་བདེ་སྟོང་དབྱེར་མེད་ཀྱི་ཏིང་ངེ་འཛིན་རྒྱུད་ལ་སྐྱེས། རྩ་རླུང་ཐིག་ལེའི་ནུས་པ་ཉམས་པ་ཐམས་ཅད་སོར་ཆུད། འཆི་མེད་ཀྱི་རིག་འཛིན་ཐོབ། ཁྱད་པར་དུའང་རྫོགས་རིམ་ལ་བརྟེན་ནས་ཚེ་སྒྲུབ་པའི་སྐལ་བ་དང་ལྡན་པར་བྱས་སྙམ་པ་མཛོད་ཅིག །ཅེས་དང་གཟུངས་སྔགས་བརྗོད་ལ་ཚེ་ཆང་སྦྱིན། ཚེ་རིལ་ལ་བརྟེན་ནས་དབང་བསྐུར་བ་ནི། འཁོར་འདས་ཀྱི་དྭངས་བཅུད་ཐམས་ཅད་འདུས་པའི་ངོ་བོ་ཚེའི་རིལ་བུ་འདི་ཉིད་ཞལ་དུ་གསོལ་བས་བཞི་བརྒྱ་རྩ་བཞིའི་ནད། སྟོང་ཕྲག་བརྒྱད་ཅུའི་བགེགས། བར་ཆད་དང་ཆག་སྒོ་ཡོད་པ་ཐམས་ཅད་བྱང་ཞིང་དག་འཆི་མེད་ཚེའི་རིག་འཛིན་ཐོབ། ཁྱད་པར་དུའང་བཅུད་ལེན་ལ་བརྟེན་ནས་ཚེ་སྒྲུབ་པའི་སྐལ་བ་ཅན་དུ་བྱས་སྙམ་པ་མཛོད་ཅིག །ཅེས་དང་། བཀྲ་ཤིས་ཚེ་བརྟན་དཔལ་གྱི་ཟས། །སྙིང་པོ་བསྡུས་པའི་བཅུད་འདི་ནི། །དེ་རིང་བུ་ཡིས་བཟའ་བར་གྱིས། །འདི་ཟོས་སངས་རྒྱས་ཚེ་དཔག་མེད། །ཞལ་ཟས་བསྟེན་ན་ནད་ཀུན་ལས། །གྲོལ་འགྱུར་ཐེ་ཚོམ་བྱ་མི་དགོས། །ཞེས་དང་སྔགས་བཟླ་ཞིང་ཚེ་རིལ་སྦྱིན། དེ་ནས་རྗེས་ཚེའི་དངོས་གྲུབ་མི་ཉམས་པར་བྱ་བའི་སླད་དུ་ཚེ་བཅིང་བ་ནི། ཁྱེད་རང་རྣམས་ཀྱི་སྙིང་གར་ཚེ་རྟེན་འོད་དཀར་པོའི་དབུས་སུ་རྣམ་པར་ཤེས་པ་ཡི་གེ་ནྲྀའི་རྣམ་པ་ཉི་ཟླ་གའུ་ཁ་སྦྱོར་གྱི་ནང་དུ་ཡོད་པ་དེ་ཉིད། རྡོ་རྗེ་ལུ་གུ་རྒྱུད་ཀྱི་ཐག་པས་བར་མཚམས་མེད་པར་བཅིངས་བར་མོས་པ་མཛོད། སྙིང་གར་རྡོ་རྗེ་རེག་ཅིང་། ཉི་ཟླ་གའུ་ཁ་སྦྱོར་དག །མི་ཕྱེད་སྲ་བརྟན་རྡོ་རྗེ་ཡི། །ལུ་གུ་རྒྱུད་ཀྱིས་ཉེར་བསྡམས་པས། །ནམ་ཡང་མི་གཡོ་བརྟན་པར་གྱུར། །ཞེས་དང་། ཨོཾ་ཨ་མཱ་ར་ཎི་ཛཱི་བནྟི་ཡེ་སྭཱ་ཧཱ། ཨོཾ་བཛྲ་ཨཱ་ཡུ་ཥེ་སྭཱ་ཧཱ། །ཞེས་སྔགས་བཟླ། དེ་ནས་ཚེ་སྦ་བ་ནི། མདའ་དར་སྙིང་གར་བཞག་ཅིང་། ཐུགས་ཀ་ནས་འཕྲོས་པའི་འོད་ཟེར་གྱིས་སྣོད་བཅུད་ཐམས་ཅད་འོད་དུ་ཞུ་ནས་རང་རང་ལ་ཐིམ། དེའང་གའུ་ལ་ཐིམ། དེ་འོད་ལ་ཐིམ། དེ་ཡི་གེ་ལ་ཐིམ། དེའང་འཇའ་ཡལ་བ་ལྟར་འོད་གསལ་གྱི་དབྱིངས་སུ་ཐིམ་པར་བསམས་ལ་སྟོང་ཉིད་རྣམ་པར་མི་རྟོག་པའི་ངང་དུ་མཉམ་པར་འཇོག་མཛོད། གང་གིས་གནོད་པར་མི་ནུས་པའི། །གདོད་ནས་དག་པའི་སྟོང་པ་ཉིད། །སྐྱེ་བ་མེད་པའི་ཀློང་ཡངས་སུ། །མི་འགྱུར་བརྟན་པའི་ཚེ་སྦའོ། །ཞེས་དང་སྔགས་བཟླ། དེ་ནས་ཚེ་སྲུང་བ་ནི། སླར་ཡང་སྐད་ཅིག་གིས་སློབ་མ་ཚེ་དཔག་མེད་དུ་གསལ་བའི་སྨིན་མཚམས་ཀྱི་རྩ་སྒོར་དཔལ་རྟ་མགྲིན་གྲི་གུག་དང་ཐོད་པ་འཛིན་པ་འཇིགས་སུ་རུང་བ་མེ་དཔུང་འབར་བའི་དབུས་ན་བཞུགས་པས་བར་ཆད་ཐམས་ཅད་བསྲུངས་པར་གྱུར་པར་བསམས་ལ། སྨིན་མཚམས་རྩ་ཡི་སྒོ་འཕར་དུ། །རྟ་མགྲིན་ཁྲོ་རྒྱལ་དབང་གི་ལྷ། །བཟོད་པར་དཀའ་བའི་གཟི་བརྗིད་ཀྱིས། །ཚེ་ཡི་བར་ཆད་ཐམས་ཅད་སྲུངས། །སྔགས་བཟླ་ཞིང་སློབ་མ་རྣམས་ཀྱི་སྨིན་མཚམས་ས་ལི་ཁྲིའི་ཐིག་ལེ་བྱ། ཚེ་དང་བཀྲ་ཤིས་ཀྱི་དགའ་སྟོན་སྤེལ་བ་ནི། ཁྱེད་རང་རྣམས་ཀྱི་སྟེང་གི་ནམ་མཁའ་ལ་རྒྱལ་བ་ཚེ་དཔག་ཏུ་མེད་པ་ལ་ཚེ་ཁྲིད་བརྒྱུད་པའི་བླ་མ་རྣམས་དང་། སངས་རྒྱས་བྱང་སེམས་དཔའ་བོ་མཁའ་འགྲོ། ཆོས་སྐྱོང་སྲུང་མ། ལྷ་མིའི་རིག་འཛིན་རྣམས་ཀྱིས་བསྐོར་བ་བཞུགས་ནས་མེ་ཏོག་གི་ཆར་འབེབས། རོལ་མོའི་སྒྲ་སྒྲོགས། བཀྲ་ཤིས་ཀྱི་གླུ་དབྱངས་ཀྱིས་ཤིས་པ་བརྗོད་པའི་མོས་པ་མཛོད། ཅེས་བརྡ་སྦྱར་ལ། རབ་ཡངས་མདུན་གྱི་ནམ་མཁའ་ལ། །རྩ་བའི་བླ་མ་ཚེ་དཔག་མེད། །བརྒྱུད་པའི་བླ་མ་སྤྲིན་ལྟར་འཐིབས། །ཡི་དམ་ལྷ་ཚོགས་འཁོར་གྱིས་བསྐོར། །མ་མོ་མཁའ་འགྲོས་གར་སྟབས་བསྒྱུར། །ཆོས་སྐྱོང་སྲུང་མ་བྲན་དུ་འཁོལ། །སྙན་པའི་དབྱངས་ཀྱི་འབྲུག་སྟོང་ལྡིར། །བཀྲ་ཤིས་མེ་ཏོག་ཆར་དུ་འབེབས། །འདིར་འདུས་སྐལ་ལྡན་ཚོགས་རྣམས་ལ། །འཆི་མེད་ཚེ་ཡི་བཀྲ་ཤིས་ཤོག །དཔལ་འབྱོར་སྙན་གྲགས་བཀྲ༴ བདེ་ཆེན་ཡེ་ཤེས་བཀྲ༴ བསམ་པ་འགྲུབ་པའི་བཀྲ་ཤིས་ཤོག །ཅེས་དང་། གཞན་ཡང་བཀྲ་ཤིས་པའི་ཚིགས་སུ་བཅད་པ་ཅི་རིགས་བརྗོད་ཅིང་མེ་ཏོག་འཐོར། རོལ་མོའི་སྒྲ་སྙན་པར་སྦྱར། དམ་ཚིག་ཁས་བླང་། གཏང་རག་གི་མཎྜལ། ལུས་ལོངས་སྤྱོད་འབུལ་བ། དགེ་བ་བསྔོ་བ་རྣམས་སྤྱི་ལྟར་བྱས་ལ་སློབ་མ་རྣམས་རང་གནས་སུ་གྱེས། རྗེས་ཆོག་ནི། མཆོད་པ་བསང་སྦྱང་བྱིན་གྱིས་བརླབ། མཆོད་བསྟོད་གོང་ལྟར་བྱ། ཡི་གེ་བརྒྱ་པ་དང་། མ་འབྱོར་པ་དང་སོགས་ཀྱིས་ནོངས་པ་བཤགས། མདུན་བསྐྱེད་རྟེན་ཡོད་ན་བརྟན་བཞུགས་དང་། མེད་ན་ཡེ་ཤེས་པ་གཤེགས། དམ་ཚིག་པ་རང་ལ་ཐིམ་པར་བསམ། བསྔོ་སྨོན་བཀྲ་ཤིས་བྱའོ། ། ༈ ཚེ་དབང་བརྒྱ་རྩ་སོགས་གྲངས་གསོག་ན། ཚེ་རིལ་སྦྱིན་པ་ཡན་གོང་དུ་སྨོས་པ་ལྟར་རྒྱས་པ་ཚར་གཅིག་རྗེས་བཀྲ་ཤིས་ཚིགས་བཅད་གང་རུང་བརྗོད། དེ་ནས། སླར་ཡང་བསྡུ་ན། གསོལ་འདེབས་མ་བྱས་པར་སླར་ཡང་དམིགས་པ་འདི་བཞིན་མཛོད་སོགས་ལ་འཇུག་པས་ཀྱང་རུང་ངོ་། །གསོལ་བ་འདེབས་པ་འདིའི་རྗེས་ཟློས་མཛོད། སློབ་དཔོན་དགོངས་སུ་གསོལ། བདག་ལ་འཆི་བ་མེད་པ་ཚེའི་དངོས་གྲུབ་སྩལ་དུ་གསོལ། མདུན་བསྐྱེད། ཅེས་གསོལ་བ་བཏབ་ནས་དམིགས་པ་འདི་བཞིན་དུ་མཛོད། ཚེ་དཔག་ཏུ་མེད་པའི་ཐུགས་ཀའི་སྔགས་ཕྲེང་ལས་འོད་ཟེར་འཕྲོས། ཁྱེད་རང་རྣམས་གྱི་ཚེ་དང་བསོད་ནམས་འཕྲོག་པ་བརྐུས་པ་ཡལ་བ་ཐམས་ཅད་དང་། འབྱུང་བ་རྣམས་ཀྱི་བཅུད། སེམས་ཅན་ཐམས་ཅད་ཀྱི་ཚེ་དང་བསོད་ནམས། སྲིད་པ་གསུམ་གྱི་ཕུན་ཚོགས་ཐམས་ཅད་དང་། རྒྱལ་བ་སྲས་དང་སློབ་མར་བཅས་པའི་སྐུ་གསུང་ཐུགས་ཀྱི་བྱིན་རླབས་ཐམས་ཅད་བསྡུས། སྔགས་ཕྲེང་ལ་ཐིམ། དེ་ལས་བདུད་རྩིའི་རྒྱུན་བབས། བུམ་པ་འཆི་མེད་ཀྱི་བདུད་རྩིས་གང་བས་སྤྱི་བོ་ནས་དབང་བསྐུར། ལུས་ཀྱི་ནང་ཐམས་ཅད་གང་ཞིང་། ཕྱི་ཐམས་ཅད་བཀྲུས་པས་ཐོག་མ་མེད་པ་ནས་བསགས་པའི་ནད་གདོན་སྡིག་སྒྲིབ་ཐམས་ཅད་དག །ཚེ་དང་བསོད་ནམས་ཉམས་པ་སོར་ཆུད། བུམ་ནང་གི་ཚེ་དཔག་མེད་ལས་རང་འདྲ་གཉིས་པ་རེ་བྱུང་། ཁྱེད་རང་རྣམས་ལ་ཐིམ་པས་འཆི་མེད་ཚེའི་རིག་འཛིན་ཐོབ་པའི་མོས་པ་མཛོད། ཅེས་བརྗོད་ལ་སྔགས་བཟླ་ཞིང་དབང་བསྐུར། སྤྲོ་ན་བདེན་སྟོབས་བརྗོད། གང་ལྟར་ཡང་ཚེ་གཟུངས་བཟླ་བཞིན་པས་ཚེ་ཆང་དང་། ཚེ་རིལ་སྦྱིན། ཤིས་བརྗོད་ཤློ་ཀ་གང་རུང་རེ་བྱ། དེ་ལྟ་བུའི་གྲངས་བཟུང་། རྫོགས་པ་ན་ཚེ་བཅིང་བ་མན་ཆད་གོང་བཞིན་དུ་བྱའོ། ། ༈ ཞར་བྱུང་བདག་བསྐྱེད་ལ་བརྟེན་པའི་བསྙེན་པ་བྱ་ཚུལ་མདོ་ཙམ་ནི། གནས་གཙང་ཞིང་དབེན་པར་ཚེ་དཔག་མེད་ཀྱི་སྣང་བརྙན་གྱི་མདུན་མཆོད་གཏོར་བཤམ། མཚམས་དམ་པར་བཅད། ཐུན་གསུམ་མམ་བཞིར་བདག་བསྐྱེད་གོང་ལྟར་ཉམས་སུ་བླང་། ཐུན་རེ་རེ་བཞིན་བཟླས་པའི་མཐར་ཡིག་བརྒྱ་དང་། མཆོད་བསྟོད་བསྔོ་སྨོན་ཤིས་བརྗོད་བྱ། །སྔ་ཕྱིའི་ཐུན་གང་རིགས་ཀྱི་མཐར་གཏོར་མ་བསང་སྦྱང་བྱིན་གྱིས་བརླབ། རང་གི་སྙིང་ག་ནས་འོད་ཟེར་འཕྲོས་པས་བདེ་བ་ཅན་ནས་མགོན་པོ་ཚེ་དཔག་ཏུ་མེད་པའི་ལྷ་ཚོགས་སྤྱན་དྲངས། མདུན་གྱི་རྟེན་དང་དབྱེར་མེད་དུ་བཞུགས་པར་བསམས་ལ་གཏོར་འབུལ་མཆོད་བསྟོད་བྱ། ནོངས་པ་བཤགས། མདུག་བསྐྱེད་བརྟན་བཞུགས་དང་། བསྔོ་སྨོན་ཤིས་བརྗོད་བྱ་བའོ། །དེ་ལྟ་བུའི་གྲངས་ཨ་མཱ་ར་ཎི་བཞི་འབུམ་དང་། ས་ར་ཧེ་དང་ཚེ་གཟུངས་ཅི་ནུས་བཟླ། གྲོལ་ཁར་མདུན་བསྐྱེད་རྟེན་ཚེ་བུམ་སོགས་སློབ་མ་ལ་དབང་བསྐུར་བའི་སྐབས་ལྟར་བཤམ། བདག་བསྐྱེད་སྔོན་དུ་འགྲོ་བས། ཚེ་བཅུད་རང་ལ་བསྟིམ་པའི་དམིགས་པ་དང་བཅས་མདུན་བསྐྱེད་བསྒྲུབ་ཅིང་བདག་ཉིད་འཇུག་པའི་ཚུལ་གྱིས་དངོས་གྲུབ་བླང་། རྗེས་ཆོག་རྒྱས་པར་བྱའོ། ། ༈ འདིའི་གཞུང་དུ་མི་གསལ་ཡང་སྔ་འགྱུར་བའི་གསང་བ་སྤྱི་འགྲོས་དང་མཐུན་པར་ཚོགས་མཆོད་འབུལ་བར་སྤྲོ་ན། གཏོར་འབུལ་གྱི་མཐར་ཚོགས་ཀྱི་ཡོ་བྱད་བསང་སྦྱང་། སྟོང་པའི་ངང་ལས་རླུང་མེ་ཐོད་སྒྱེད་སྟེང་། །བྷནྡྷའི་སྟེང་དུ་ཤ་ལྔ་བདུད་རྩི་ལྔ། །བསྐོལ་ཞིང་འོད་ཞུ་ཚོགས་མཆོད་བདུད་རྩིའི་བཅུད། །འདོད་ཡོན་མཆོད་སྤྲིན་ནམ་མཁའ་གང་བར་གྱུར། །ཨོཾ་ཨཱཿཧཱུྃ་ཧཱ་ཧོ་ཧྲཱིཿ ཞེས་པས་བརླབ། ཧྲཱིཿ བདེ་བ་ཅན་དང་ཉི་ཤུ་རྩ་བཞིའི་ཡུལ། །པདྨ་འོད་སོགས་ཕྱོགས་བཅུའི་ཞིང་ཁམས་ནས། །འཆི་མེད་རྩ་གསུམ་ཚེ་ཡི་ལྷ་ཚོགས་རྣམས། །ཞལ་ཟས་ཚོགས་ལ་སྤྱན་འདྲེན་གཤེགས་སུ་གསོལ། །བཛྲ་ས་མཱ་ཛཿ ཞེས་པས་ཚོགས་ཞིང་མཁའ་ཁྱབ་ཏུ་སད་པའི་སྤྱན་སྔར་ཚོགས་ཕུད་སྤྲོས་ཏེ། ཧྲཱིཿ ཚེ་དཔག་མེད་མགོན་གསང་བ་ཡེ་ཤེས་ཡུམ། །པདྨ་འབྱུང་གནས་དཔལ་ལྡན་རྡོ་རྗེའི་ཞབས། །འཇིག་རྟེན་དབང་ཕྱུག་བསོད་ནམས་རྒྱ་མཚོ་སོགས། །རྩ་བརྒྱུད་བླ་མ་ཡི་དམ་ཚེ་ཡི་ལྷ། །དཔའ་བོ་མཁའ་འགྲོ་ཆོས་སྐྱོང་སྲུང་མར་བཅས། །འདོད་ཡོན་བདུད་རྩི་ཚོགས་ཀྱི་འཁོར་ལོས་མཆོད། །ཐུགས་དམ་བསྐང་ཞིང་ཉམས་ཆག་མཐོལ་བཤགས་ན། །ཚེ་དང་ཡེ་ཤེས་མཆོག་ཐུན་དངོས་གྲུབ་སྩོལ། །ཨོཾ་གུ་རུ་ཨ་པ་རི་མི་ཏ་ཨ་ཡུརྫྙཱ་ན་ས་པ་རི་ཝཱ་ར་ག་ཎ་ཙ་ཀྲ་པཱུ་ཛ་ཧོཿ ཞེས་མདུན་བསྐྱེད་ལ་མཆོད་པའི་རྗེས། བདག་ཉིད་ཀྱི་ཕུང་ཁམས་སྐྱེ་མཆེད་ལྷའི་འཁོར་ལོར་གསལ་བས་ཚོགས་ཀྱི་འདུ་བ་ལ་ལོངས་སྤྱད། ལྷག་མ། ཨོཾ་ཨཱཿཧཱུྃ་གིས་བརླབ། ཕཻཾ་ཞེས་པས་མགྲོན་དགུག ཧྲཱིཿ འཆི་མེད་རྩ་གསུམ་ཚེ་ཡི་ལྷ་ཚོགས་ཀྱི། །དཀྱིལ་འཁོར་སྲུང་པའི་ལྷག་སྡུད་ཕོ་ཉའི་ཚོགས། །དམ་ཚིག་རྫས་ཀྱི་བདུད་རྩི་འདི་གསོལ་ལ། །མི་མཐུན་ཀུན་སོལ་མཐུན་རྐྱེན་ལེགས་ཚོགས་སྤེལ། །ཨོཾ་ཨུཙྪིཥྟ་བ་ལིཾ་ཏ་བྷཀྵ་སཱི་ཞེས་ཕུལ། ཚོགས་མགྲོན་རྣམས་རྟེན་ཡོད་ན་བརྟན་བཞུགས་དང་། མེད་ན་རང་ལ་བསྟིམ། འཇིག་རྟེན་པ་རྣམས་རང་གནས་སུ་གཤེགས་པར་བསམ། བསྔོ་སྨོན་བཀྲ་ཤིས་བྱའོ། །འཇ༵མ་དབྱང༵ས་དགའ་བའི་བཤེས་གཉེན་གྱི། །གཞུང་དོན་གསལ་བར་བསྡེབས་པའི་དགེས། །མཁྱེན༵་བརྩེ༵འི་བདག་ཉིད་མཆོག་རྣམས་དང་། །འགྲོ་ཀུན་འཆི་མེད་འགྲུབ་གྱུར་ཅིག །ཅེས་པའང་རྒྱལ་དབང་ཐམས་ཅད་མཁྱེན་གཟིགས་ངག་གི་དབང་ཕྱུག་བློ་བཟང་རྒྱ་མཚོའི་ཞལ་སྔ་ནས་སྙན་བརྒྱུད་ཀྱི་མན་ངག་ཁྲིགས་སུ་བསྡེབས་པའི་རྩ་བའི་ཡི་གེ་ལས། ཐམས་ཅད་མཁྱེན་པ་དགེ་འདུན་རྒྱ་མཚོས་མཛད་པའི་ཚེ་སྒྲུབ་གྲུབ་རྒྱལ་མའི་དབང་ཆོག་ལ་ཞལ་འཕང་གནང་བ་སོགས་བླ་མའི་ཕྱག་གཞེས་ལྟར་དཀྱུས་སུ་བཅུག་སྟེ་བཀླགས་པས་གྲུབ་པར་བྱ་བྲལ་སྤོང་བ་པ་མཉྫུ་གྷོ་ཥས་བྲིས་པ་དགེ་ལེགས་མཆོག་ཏུ་གྱུར་ཅིག །སརྦ་དཱ་ཤྲེ་ཡོ་བྷ་བ་ཏུ།། །། ༈ འདིའི་བརྒྱུད་པ་ནི། ངག་དབང་བློ་བཟང་རྒྱ་མཚོ་ནས། བྱམས་པ་ངག་དབང་ལྷུན་གྲུབ། རྨོར་ཆེན་ཀུན་དགའ་ལྷུན་གྲུབ། གནས་གསར་བ་ལེགས་པའི་འབྱུང་གནས། འཕགས་པ་དགེ་ལེགས་རྒྱལ་མཚན། བླ་མ་སྐལ་བཟང་བསྟན་དར། བཀའ་བཅུ་བྱམས་པ་བློ་གྲོས། སློབ་དཔོན་འཕགས་པ་མཆོག་དགའ། ཆོས་རྗེ་ངག་དབང་འཇམ་དབྱངས། རྡོ་རྗེ་འཛིན་པ་ཀུན་དགའ་དཔལ་ལྡན། དེས་བདག་མཁྱེན་བརྩེའི་དབང་པོ་ལའོ།། །།

�

[edit]

nye brgyud tshe khrid 'chi med rdo rje'i srog shing gi sgrub thabs dbang chog 'chi med rdo rje'i bcud len/ @#/__/nye brgyud tshe khrid 'chi med rdo rje'i srog shing gi sgrub thabs dbang chog dang bcas pa 'chi med rdo rje'i bcud len zhes bya ba bzhugs so//__// oM swa sti/__'chi med mchog stsol bla ma lhar/__/btud nas rdo rje'i srog shing gi__/sgrub pa'i thabs dang dbang chog bcas/__/nyung gsal snying por dril te dgod/__/'di la gsum/__sbyor ba yo byad kyi bsham/__dngos gzhi sgrub pa'i thabs/__slob ma rjes 'dzin dbang gi cho ga'o/__/dang po ni/__stegs bu phyag bdar legs par byas pa'i steng du dbus su many+dzi'i khar tshe bum kha rgyan dang ldan pa/__g.yas su tshe chang /__g.yon du tshe ril/__mdun du gtor ma dang mchod pa/__gzhan yang rang gi mdun du rdor dril/__Da ma ru/__nang mchod/__mda' dar/__li khri/__las bum/__me tog__/nye logs su bgegs gtor sogs dgos pa'i yo byad thams cad 'du bya'o/__/gnyis pa la/__thog mar mtshams lha bskyed pa ni/__oM hrIHpad+mAn+ta kr-itra badz+ra kro d+ha ha ya grI ba hu lu hu lu hU~M pha?T kyis bsang /__swa b+hA was sbyang /__stong pa'i ngang las pad+ma dang nyi ma ru dra bsnol ba'i steng du rang nyid skad cig gis dbang drag rta mgrin g.yas gri gug dang g.yon thod khrag 'dzin pa rta mgo ljang zhur rta skad 'tsher ba/__dur khrod kyi chas brgyad kyis brgyan pa/__ye shes kyi me rab tu 'bar ba'i dbus na bzhugs par gyur/__bgegs gtor bsang sbyang /__stong pa'i ngang las oM las rin po che'i snod yangs shing rgya che ba'i nang du gtor ma dngas shing thogs pa med pa 'dod pa'i yon tan lngas khyad par du byas par gyur/__oM AHhU~M lan gsum brjod pas brlab oM sarba big+h+nAn sogs lan gsum brjod cing bsngos/__hrIH__gdon bgegs 'byung po'i tshogs rnams gnas 'di ru/__/ma 'dug gtor ma 'di khyer gzhan du dengs/__/gal te mi 'gro dbang chen khros pa'i bkas/__/thal ba'i rdul phran bzhin du brlag par 'gyur/__/sum+b+ha sogs kyis bgegs bskrad/__steng 'og phyogs mtshams ma lus rdo rje dang /__/khro bo kha dog sde lnga'i me phung gis/__/bar mtshams med par gtams pa'i srung ba yi/__/'khor lo'i gur khang mtshams las ma 'da' zhig__/oM badz+ra rak+Sha rak+Sha swA hAs mtshams bcad/__de nas skyabs yul nam mkha' gang bar sad pa'i spyan sngar/__bdag sogs 'gro kun deng nas byang chub bar/__/rtsa gsum tshe yi lha la skyabs su mchi/__/gzhan don rdzogs pa'i sangs rgyas thob bya'i phyir/__/'chi med rig 'dzin bsgrub par sems bskyed do/__/zhes skyabs sems lan gsum bya/__tshogs bsag pa'i thog mar/__rang nyid dbang chen du gsal ba 'od du zhu ba las mgon po tshe dpag med du gsal ba'i thugs ka nas 'od zer 'phros/__bla ma dang gnyis su med pa'i tshe dpag med kyi lha tshogs rnams mdun gyi nam mkhar spyan drangs/__oM sarba ta thA ga ta ar+g+haM nas/__shab+da pra tI ts+tsha swA hA'i bar gyis mchod/__gang gi drin gyis bde chen nyid/__/skad cig nyid la 'char ba ga__/bla ma rin chen lta bu'i sku/__/rdo rje can zhabs pad la 'dud/__/ces dang /__'jig rten 'dren pa'i gtso bo tshe dpag med/__/dus min 'chi ba ma lus 'joms pa'i dpal/__/mgon med sdug bsngal gyur pa rnams kyi skyabs/__/sangs rgyas tshe dpag med la phyag 'tshal lo/__/zhes pas bla ma dang lhag pa'i lha la phyag bya/__phun tshogs kun bzang mchod sprin rgya mtsho 'bul/__/sdig ltung kun bshags dge la rjes yi rang /__/chos 'khor bskor bzhin yun ring bzhugs par gsol/__/'dis mtshon dge bas tshe rabs thams cad du/__/tshe dpag med pas rjes su bzung gyur nas/__/'chi med tshe yi dngos grub thob phyir bsngo/__/zhes pas tshogs bsag__/tshogs zhing rnams rang la thim par gyur par mos/__byin 'bebs ni/__nub phyogs bde ba can gyi zhing khams nas/__/bcom ldan mgon po ye shes tshe dpag med/__/'chi med tshe yi dngos grub ma lus pa/__/dus 'dir bdag cag rnams la stsal du gsol/__/sgrub pa'i dam rdzas snod bcud ma lus par/__/tshe bkrag gzi mdangs nus pa'i rtsal kun phobs/__/dbang chen skur la sdig sgrib bar chad sol/__/re ba'i 'bras bu tshe yi rig 'dzin stsol/__/ye shes rang snang grub pa'i pho brang nas/__/mkha' 'gro'i dbang phyug gsang ba ye shes kyis/__/'chi med tshe yi dngos grub sogs gong bzhin/__pad+ma 'od kyi gzhal yas khang chen nas/__/slob dpon pad+ma thod phreng tshe dbang rtsal/__/'chi med sogs/__mtho brtsegs rdo rje gsang ba'i gzhal med nas/__/zung 'jug sku brnyes dpal ldan rdo rje'i zhabs/__/'chi med sogs/__gru 'dzin nyi 'od 'khyil ba'i gzhal med nas/__/rgyal ba kun dngos bsod nams rgya mtsho'i sdes/__/'chi med sogs/__byang chub shing khrod de wI ko Ta nas/__/rdo rje 'chang dbang 'khon ston chos kyi rjes/__/'chi med sogs/__gung thang bde ba'i rdo rje'i gzhal yas nas/__/gnyags chen rnam 'phrul chos dbyings rang grol gyis/__/'chi med sogs/__lha ldan yul dbus gru 'dzin pho brang nas/__/ngag gi dbang phyug blo bzang rgya mtsho'i sdes/__/'chi med sogs/__gar bzhugs dag pa rab 'byams pho brang nas/__/mkhas shing grub brnyes brgyud pa'i bla ma yis/__/'chi med sogs/__spyi gtsug nyi zla pad+ma'i gdan steng nas/__/rtsa ba'i bla ma khyab bdag 'khor lo'i mgon/__/'chi med sogs/__mthar tshe'i snying po bzla zhing spos rol dang bcas byin dbab/__sgrub rdzas dang mchod gtor rnams byin gyis brlab pa ni/__rang gi thugs ka nas spros pa'i ra~M ya~M kha~M gyis sgrub rdzas dang mchod gtor rnams kyi ma dag pa'i nyes skyon rnams sbyangs/__ngo bo zag pa med pa'i bdud rtsi la/__rnam pa rang rang gi byed las dang nus pa dang ldan par gyur/__oM AHhU~M zhes lan gsum gyis brlab/__de nas bdag bskyed ni/__oM swa b+hA ba sogs/__stong pa nyid du gyur/__stong pa'i ngang las seng ges btegs pa'i rin po che'i khri'i steng du pa~M las pad+ma dang /__ra~M las nyi ma/__a las zla ba'i dkyil 'khor gyi steng du rang gi sems nyid yi ge hrIHdmar po ring cha tsheg drag dang bcas pa yongs su gyur pa las/__rang nyid bcom ldan 'das mgon po tshe dpag med sku mdog dmar po zhal gcig phyag gnyis mnyam bzhag gi steng na 'chi med tshe'i bdud rtsis gang ba'i bum pa dpag bsam shing gis kha brgyan pa bsnams pa/__zhabs rdo rje'i skyil mo krung du bzhugs shing /__dar dang rin po che'i rgyan dang mtshan dpe gsal rdzogs kyis spras la/__zhi zhing 'dzum pa sgeg pa'i nyams can/__'od kyi rang bzhin can du gyur pa'i steng gi nam mkha' la bcom ldan 'das mgon po tshe dpag tu med pa/__mkha' 'gro gsang ba ye shes/__slob dpon pad+ma 'byung gnas/__grub chen dpal ldan rdo rje/__thams cad mkhyen pa bsod nams rgya mtsho/__'khon ston chos rje dpal 'byor lhun grub/__zur chen chos dbyings rang grol/__thams cad mkhyen pa ngag dbang blo bzang rgya mtsho la sogs pa'i tshe khrid brgyud pa'i bla ma rnams sprin gtibs pa ltar bzhugs pa'i spyi bor oM/__mgrin par AH__thugs kar hU~M/__thugs ka'i hU~M las 'od zer 'phros pas nub phyogs bde ba can nas bsgoms pa dang 'dra ba'i ye shes pa spyan drangs/__hrIH__bde ba can nas tshe dpag med mgon la/__/gsang pa ye shes pad+ma 'byung gnas sogs/__/tshe khrid brgyud pa'i bla mas yongs bskor ba/__/'dir gshegs bdag la tshe yi dngos grub stsol/__/oM hrIHbadz+ra rA ga sa pa ri wA ra e h+ye hi dzaHhU~M ba~M hoH__dam tshig pa dang gnyis su med par gyur/__slar yang thugs ka'i hU~M las 'od zer 'phros pas dbang gi lha rnams spyan drangs/__de bzhin gshegs pa thams cad kyis bdag la mngon par dbang bskur du gsol/__zhes gsol ba btab pas de rnams kyi bdud rtsis gang ba'i bum pa thogs nas/__oM sarba ta thA ga ta a b+hi She ka te sa ma ya shrI AHhU~M/__zhes gsungs shing dbang bskur bas dbang gi chus lus thams cad gang /__dri ma thams cad dag chu'i lhag ma spyi gtsug tu 'khyil ba yongs su gyur pa las sangs rgyas snang ba mtha' yas kyis dbur brgyan cing dbang gi lha rnams rang nyid la thim par gyur/__mchod bstod rgyas pa'am/__bsdu na/__bcom ldan 'chi ba med pa'i mgon po la/__/'chi med lha rdzas mchod sprin tshogs 'di dag__/'chi bdag 'jigs pa bskyab phyir 'bul bar bgyi/__/bzhes nas 'chi med tshe yi dngos grub stsol/__/oM hrIHrA ga badz+ra sa pa ri wA ra ar+g+haM nas/__shap+da pra tIts+tsha swA hA'i bar gyis nyer spyod dang /__oM rU pa/__shap+da/__gan+d+he/__rA sa/__s+phaR+she kA ma gu Na pra tIts+tsha AHhU~M gis 'dod yon/__oM hrIHbadz+ra rA ga sa pa ri wA ra oM AHhU~M gis nang mchod 'bul/__'jig rten 'dren pa'i gtso bo sogs kyis bstod/__rang gi thugs dang zla ba'i dkyil 'khor gyi steng du hrIHdmar po'i mthar sngags kyi phreng bas bskor ba las 'od zer 'phros pas rang nyid kyi tshe dang bsod nams 'chi bdag gshin rje dang /__rgyal gdon la sogs pa 'byung po mi ma yin pa rnams kyis 'phrog pa dang /__brkus pa dang /__yar ba thams cad bum pa dang /__thod pa dang /__lhung bzed bdud rtsis gang ba'i rnam par bkug nas thugs ka'i sngags phreng la thim/__yang 'od zer 'phros pas phyi snod kyi 'jig rten 'byung ba chen po nam mkha' rlung me chu sa'i bcud thams cad 'od dang bdud rtsi kha dog ljang sngo dmar dkar ser ba'i rnam par bkug nas sngags phreng la thim/__yang 'od zer 'phros pas nang bcud kyi sems can thams cad kyi tshe dang bsod nams/__srid pa gsum gyi bkrag mdangs gzi brjid/__'jig rten khams kyi dpal 'byor phun sum tshogs pa thams cad bkra shis rdzas rtags rin chen sna bdun la sogs pa'i rnam par bkug nas sngags phreng la thim/__slar yang 'od zer 'phros pas phyogs bcu'i rgyal ba sras dang slob mar bcas pa'i sku gsung thugs gyi byin rlabs thams cad lha sngags phyag mtshan gyi rnam par spyan drangs te sngags phreng la thim/__mthar sngags phreng las bdud rtsi'i chu rgyun dpag tu med pa babs pas lus kyi nang thams cad gang /__tshe dang bsod nams yar ba khug__/nyams pa sos/__gnas pa 'phel zhing brtan/__nad gdon sdig sgrib dam tshig nyams chag nyes ltung dus ma yin pa'i 'chi ba'i 'jigs pa bag chags dang bcas pa thams cad byang zhing dag__/'chi med tshe dang ye shes kyi dngos grub ma lus pa thob par gyur/__ces brjod cing bsams la/__oM badz+ra sa ra he ka ra re shwa ra re hU~M phaT/__ces dang /__oM a mA ra Ni dzI ban+ti ye swA hA/__zhes ci nus dang /__oM na mo b+ha ga wa te sogs tshe gzungs kyang bzlas/__mthar yi ge brgya pa brjod/__tshe 'gugs pa'i phrin las bskul ba ni/__slar yang bdag nyid tshe dpag med du gsal ba dang /__rtsa brgyud kyi bla ma rnams kyi thugs ka nas 'od zer dang lha mo mgyogs ma'i tshogs nyi zer gyi rdul ltar spros pas rang gi bla tshe 'phrog pa dang /__brkus pa dang /__yar ba dang /__'khor 'das snod bcud thams cad kyi tshe bsod dpal 'byor bcud dang dwangs ma thams cad bsdus te rang la thim par bsams la/__mda' dar g.yab cing /__hrIH__'chi ba med pa mgon po tshe yi lha/__/tshe yi DA ki gsang ba ye shes ma/__/'byung ba lnga la dbang bsgyur lha mo lnga'i/__/'chi med tshe yi phrin las dus la bab/__/ces dang /__oM badz+ra sa ra he sogs bzlas pa dang bcas pas spyir thugs dam bskul/__de bzhin du/__hrIH__drag po'i las mdzad sngon mo 'bum sde yis/__/'byung ba nam mkha'i bcud sdus tshe srog khug__/gdon bgegs lha 'dres khyer ba'i tshe srog khug__/brtan g.yo'i tshe dang bsod nams dbang du sdus/__/oM badz+ra sa ra he sogs/__hrIH__thams cad las mdzad ljang mo 'bum sde yis/__/'byung ba rlung gi bcud sdus tshe srog khug__/gdon bgegs lha 'dres khyer ba'i tshe srog khug__/brtan g.yo'i tshe dang bsod nams dbang du sdus/__/oM badz+ra sa ra he sogs/__hrIH__dbang gi las mdzad dmar mo 'bum sde yis/__/'byung ba me yi bcud sdus tshe srog khug__/gdon bgegs lha 'dres khyer ba'i tshe srog khug__/brtan g.yo'i tshe dang bsod nams dbang du sdus/__/oM badz+ra sa ra he sogs/__hrIH__zhi ba'i las mdzad dkar mo 'bum sde yis/__/'byung ba chu yi bcud sdus tshe srog khug__/gdon bgegs lha 'dres khyer ba'i tshe srog khug__/brtan g.yo'i tshe dang bsod nams dbang du sdus/__/oM badz+ra sa ra he sogs/__hrIH__rgyas pa'i las mdzad ser mo 'bum sde yis/__/'byung ba sa yi bcud sdus tshe srog khug__/gdon bgegs lha 'dres khyer ba'i tshe srog khug__/brtan g.yo'i tshe dang bsod nams dbang du sdus/__/oM badz+ra sa ra he sogs/__sra brtan rdo rje lta bu'i tshe srog khug__/legs tshogs dpal 'byor rgyas pa'i g.yang skyobs shig__/nyams dang zad dang 'thor dang yar ba yi/__/tshe gsos tshe khug tshe yi dngos grub stsol/__/oM badz+ra sa ra he sogs sngags bzla ba dang bcas pas tshe dgug par bya'o/__/de nas tshe bcing ba ni/__rang gi snying gar tshe rten 'od dkar po'i dbus su rnam par shes pa yi ge nr-i'i rnam par nyi zla'i ga'u kha sbyor gyi nang du yod pa de nyid rdo rje lu gu rgyud kyi thag pas bar mtshams med par bcings par gyur/__snying gar rdo rje reg la/__nyi zla ga'u kha sbyor dag__/mi phyed sra brtan rdo rje yi/__/lu gu rgyud kyis nyer bsdams pas/__/nam yang mi g.yo brtan par gyur/__/oM a mA ra Ni dzI ban+ti ye swA hA/__oM badz+ra A yu She swA hA/__tshe sba ba ni/__rang gi thugs ka nas spros pa'i 'od zer gyis snod bcud thams cad 'od du zhu nas rang la thim/__rang ga'u kha sbyor la thim/__de 'od dkar po la thim/__de yi ge nr-i la thim/__de'ang 'ja' yal ba ltar gyur/__gang gis gnod par mi nus pa'i/__/gdod nas dag pa'i stong pa nyid/__/skye ba med pa'i klong yangs su/__/mi 'gyur brtan pa'i tshe sla'o/__/oM a mA ra Ni dzI ban+ti ye swA hA/__tshe srung ba ni/__rang gi smin mtshams su li khri byugs la/__stong pa'i ngang las rang nyid tshe dpag med du gsal ba'i smin mtshams kyi rtsa sgor dpal rta mgrin de gri gug dang thod khrag 'dzin pa 'jigs su rung ba me phung 'bar ba'i dbus na bzhugs nas tshe'i bar chad bsrungs bar gyur/__smin mtshams rtsa yi sgo bar du/__/rta mgrin khro rgyal dbang gi lha/__/bzod par dka' ba'i gzi brjid kyis/__/tshe yi bar chad thams cad srungs/__/oM a mA ra Ni dzI ban+ti ye swA hA/__lan gsum dang /__oM badz+ra A yu She swA hA/__zhes pas brtan par bya'o/__/mdun bskyed bum pa bsgrub pa ni/__mchod pa byin gyis brlab/__bum pa bsang sbyang /__tshe bum mi dmigs pa stong pa nyid du gyur/__stong pa'i ngang las b+h+rU~M las rin po che'i bum pa dmar po lto ba che ba/__mgrin pa ring ba/__mchu 'phyang ba/__lha rdzas kyi gos kyis mgul pa dkris shing dpag bsam gyi shing gis kha brgyan pa/__dngas shing thogs pa med pa phyi bum pa'i rnam pa yin pa la nang gzhal yas khang gru bzhi sgo bzhi rta babs bzhi dang ldan pa la sogs pa mtshan nyid thams cad dang ldan pa de'i dbus su seng ges btegs pa'i rin po che'i khri'i steng du zhes sogs nas/__snang ba mtha' yas kyis dbur brgyan ces pa'i bar bdag bskyed ltar la/__bdag la dbang bskur ba zhes pa'i tshab tu 'di la zhes bsgyur/__dbang gi lha rnams kyang bum pa'i lha la thim par bsam/__mchod bstod rgyas bsdus gang rigs bya/__bzlas pa bya ba ni/__mdun bskyed kyi mgon po tshe dpag tu med pa'i phyag gi bum pa'i nang du zla ba'i dkyil 'khor gyi steng du hrIHdmar po'i mthar sngags kyi phreng bas bskor ba las 'od zer 'phros pas/__rdo rje slob ma rnams kyi tshe dang bsod nams 'chi bdag gshin rje dang rgyal gdon la sogs pa 'byung po mi ma yin rnams kyis 'phrog pa dang /__brkus pa dang /__yar ba thams cad bum pa dang /__thod pa dang /__lhung bzed bdud rtsis gang ba'i rnam par bkug nas sngags phreng la thim/__yang 'od zer 'phros pas phyi snod kyi 'jig rten 'byung ba chen po nam mkha' rlung me chu sa'i bcud thams cad 'od dang bdud rtsi ljang sngo dmar dkar ser ba'i rnam par bkug nas sngags phreng la thim/__yang 'od zer 'phros pas nang bcud kyi sems can thams cad kyi tshe dang bsod nams srid pa gsum gyi bkrag mdangs gzi brjid/__'jig rten khams kyi dpal 'byor phun sum tshogs pa thams cad bkra shis rdzas rtags rin chen sna bdun la sogs pa'i rnam par bkug nas sngags phreng la thim/__slar yang 'od zer 'phros pas phyogs bcu'i rgyal ba sras dang slob mar bcas pa'i sku gsung thugs kyi byin rlabs thams cad lha sngags phyag mtshan gyi rnam par spyan drangs te sngags phreng la thim/__de las bdud rtsi'i rgyun dpag tu med pa babs pas bum pa'i 'chi med tshe'i bdud rtsis gang zhing de las bdud rtsi'i rgyun byung /__rdo rje slob ma rnams kyi spyi bo nas zhugs/__lus kyi nang thams cad gang /__tshe dang bsod nams yar ba khug__/nyams pa sos/__gnas pa 'phel zhing brtan/__nad gdon sdig grib dam tshig nyams chag nyes ltung dus ma yin pa'i 'chi ba'i 'jigs pa bag chags dang bcas pa thams cad byang zhing dag__/'chi med tshe dang ye shes kyi dngos grub ma lus pa thob/__mdun gyi tshe rdzas rnams la thim pas 'chi med tshe'i bcud len du gyur/__ces brjod cing bsams la gong gi sngags gsum ci nus bzlas mthar yi ge brgya pa brjod/__gtor ma bsang sbyang /__stong pa'i ngang las oM las rin po che'i snod yangs shing rgya che ba'i nang du gtor ma zag pa med pa'i bdud rtsi'i rgya mtsho chen por gyur/__oM AHhU~M lan gsum gyis brlab/__bla ma dang gnyis su med pa'i mgon po tshe dpag med kyi lha tshogs 'khor dang bcas pa'i ljags hU~M las skyes pa'i rdo rje rtse gcig pa dmar po 'od kyi spu gus gtor ma'i bcud drangs te gsol bar gyur/__oM gu ru a pa ri mi ta A yur+dz+nyA na sa pa ri wA ra i daM ba liM ta kha kha khA hi khA hi/__zhes btags pas 'bul/__mchod bstod gong ltar bya/__bcom ldan 'das mgon po tshe dpag tu med pa'i lha tshogs 'khor dang bcas pa rnams kyis bdag dang rdo rje slob ma rnams la 'chi med tshe'i dngos grub ma lus pa stsal du gsol/__ces 'dod don la gsol ba gdab/__tshe 'gugs pa'i phrin las bskul ba ni/__slar yang bdag mdun rnams kyi thugs ka nas 'od zer dang lha mo mgyogs ma'i tshogs nyi zer gyi rdul ltar spros pas rdo rje slob ma'i tshe dang bsod nams 'phrog pa dang /__brkus pa dang /__yar ba dang /__'byung ba rnams kyi bcud/__sems can rnams kyi tshe dang bsod nams/__srid pa gsum gyi phun tshogs thams cad dang /__rgyal ba sras bcas kyi sku gsung thugs kyi byin rlabs thams cad bsdus/__mdun bskyed kyi phyag gi tshe bum nang du thim pas bum pa bdud rtsis gang /__de las bdud rtsi'i rgyun babs pas rdo rje slob ma'i tshe chad pa dang /__'thor ba dang /__yar ba la sogs pa mdor na 'byung ba lnga'i sgo nas tshe nyams pa thams cad sor chud cing /__'chi ba med pa tshe'i rig 'dzin thob par gyur/_/hrIH__'chi ba med pa mgon po tshe yi lha/__/zhes pa nas/__tshe gsos tshe khug tshe la dngos sgrub stsol/__/ces pa'i bar gong bzhin brjod/__tshe rten 'od dkar po'i dbus su rdo rje slob ma'i rnam par shes pa yi ge nr-i'i rnam par nyi zla ga'u kha sbyor zhes pa nas/__oM badz+ra A yu She swA hA'i bar gong bzhin brjod/__yang rang gi thugs ka nas spros pa'i 'od zer gyis snod bcud thams cad 'od du zhu nas rdo rje slob ma la thim/__de nyi zla'i ga'u kha sbyor la thim/__de 'od dkar po la thim/__de yi ge nr-i la thim/__nr-i de yang 'ja' yal ba ltar gyur/__gang gis gnod par mi nus pa'i/__/zhes pa nas/__oM a mA ra Ni dzI ban+ti ye swA hA/__bar gong bzhin bya/__stong pa'i ngang las rdo rje slob ma tshe dpag med du gsal ba'i smin mtshams kyi rtsa sgo zhes pa nas/__tshe yi bar chad thams cad srungs/__/zhes pa'i bar dang /__oM a mA ra Ni dzI ban+ti ye swA hA/__lan gsum/__oM badz+ra A yu She swA hA/__zhes pas brtan par bya/__las bum du rta mgrin bskyed cing bzlas pas nus ldan du bya'o/__/gsum pa slob ma rjes 'dzin dbang gi cho ga ni/__las kyi rdo rjes slob ma rnams phyi rol du khrus bya/__nang du 'ongs ba dang slob dpon gyis bgegs gtor sbyin zhing srung 'khor bsgom/__chos bshad ci rigs pa dang /__lo rgyus kyi khyad par/__de la 'dir gnas skabs su dus ma yin pa'i 'chi ba zhi zhing /__'chi med tshe'i dngos grub thob pa dang /__mthar thug 'ja' lus ye shes kyi sku 'grub par bya ba'i slad du bcom ldan 'das mgon po tshe dang ye shes dpag tu med pa'i mngon par dbang bskur ba la/__yid ches shing khungs btsun par byed pa lo rgyus dang /__de las 'ongs pa'i gdams pa gnyis/__dang po ni/__nub phyogs bde ba can gyi zhing khams su/__bcom ldan mgon po tshe dang ye shes dpag tu med pas byin gyis brlabs pa'i mkha' 'gro ma gsang ba ye shes zhes bya ba nyi zla'i khri stan gdugs dang rgyan drug sogs dang ldan pa'i mtshan nyi zla'i dngos grub dang /__gzhan yang las kyi dbang mo cher grags pa la slob dpon chen po pad+ma 'byung gnas kyis dbang gsan pas yi ge hU~M du bsgyur te mkha' 'gro ma'i zhal du mid pa dang /__phyi sangs rgyas snang ba mtha' yas kyi ngo bo 'chi med tshe'i rig pa 'dzin pa'i dbang /__nang 'phags pa spyan ras gzigs kyi ngo bo phyag rgya chen po mchog gi dbang /__gsang ba dpal rta mgrin gyi ngo bo lha srin bran du 'khol ba'i dbang rnams thob pa las/__de gsum ka'i don 'dus pa'i tshe sgrub 'chi med srog shing 'di nyid slob dpon chen pos grub chen dpal ldan rdo rje zhes 'ja' lus kyi sku brnyes pa de la dngos su gnang /__de nyid kyis 'bras spungs nyi 'od 'khyil ba'i gzims chung du thams cad mkhyen pa bsod nams rgya mtsho dpal bzang po la gnang /__des 'khon ston rdo rje 'chang dpal 'byor lhun grub la gnang /__des zur chen chos dbyings rang grol la gnang /__des dus gsum mkhyen pa o rgyan chen pos rdo rje'i lung gis lan gcig ma yin par bsngags pa'i gangs can gyi mgon po rgyal dbang thams cad mkhyen cing gzigs pa chen po ngag dbang blo bzang rgya mtsho la gnang /__de nyid kyis rgya cher spel ba nas bzung ste bdag cag gi dpal ldan bla ma dam pa'i bar du brgyud pa bar ma chad pa las byon pa lags/__gnyis pa de las 'ongs pa'i gdams pa la'ang rang don du bdag gi rnal 'byor la brten nas tshe sgrub pa dang /__gzhan don du bum pa'i cho ga la brten nas slob ma rjes su bzung ba gnyis las/__'dir slob ma rjes su bzung ba dbang gi cho ga la slob dpon gyis bgyi bar 'os pa thams cad sngon du grub zin nas/__khyed rang rnams kyi ngo skal du gyur pa la thog mar maN+Dal phul/__gsol ba 'debs pa 'di'i rjes zlos lan gsum mdzod/__kun mkhyen ye shes phung po can/__/srid pa'i 'khor lo rnam sbyong ba/__/de ring bshad pa'i rin chen gter/__/gtso bos bdag la bka' drin stsol/__/rgyud sdom pa dang ldan par bya ba'i slad du/__bla ma dang mgon po tshe dpag tu med pa skyabs gnas dkon mchog rgya mtsho'i tshogs kyis bskor ba'i spyan sngar skyabs gsum sngon du 'gro ba can gyi byang chub mchog tu sems bskyed par bgyi'o snyam pas 'di'i rjes zlos lan gsum mdzod/__dkon mchog gsum la bdag skyabs mchi sogs/__de nas maN+Dal bstan pa ni/__mdun gyi tshe bum 'di nyid phyi rin po che'i bum pa'i rnam pa la/__nang lha'i gzhal yas khang gru bzhi sgo bzhi mtshan nyid thams cad yongs su rdzogs pa'i dbus su seng ges btegs pa'i rin po che'i khri sna tshogs pad nyi zla ba'i gdan dang bcas pa'i dbus su bla ma dang gnyis su med pa'i mgon po tshe dpag tu med pa sogs nas/__tshe khrid brgyud pa'i bla ma rnams sprin phung gtibs pa ltar bzhugs pa dang /___slob dpon kyang de lta bu'i tshe dpag tu med pa tshe khrid brgyud pa'i bla ma'i tshogs dang bcas pa'i rnam par bzhugs pa dang mngon sum du mjal ba'i mos pa mdzod/__de nas gzhi dgod pa'i slad du dmigs pa 'di bzhin du mdzod/__oM hrIHpad+mAn+ta kr-ita ha ya grI ba hu lu hu lu hU~M phaT gyis bsang /__swa b+hA bas sbyang /__slob ma rnams mi dmigs te stong par gyur/__stong pa'i ngang las seng ges btegs pa'i rin po che'i khri'i steng du pa~M las pad+ma dang /__ra~M las nyi ma/__a las zla ba'i dkyil 'khor gyi steng du so so'i sems nyid yi ge hrIHdmar po ring cha tsheg drag dang bcas pa yongs su gyur pa las/__slob ma rnams skad cig gis bcom ldan 'das mgon po tshe dpag med sku mdog dmar po zhal gcig phyag gnyis kyis mnyam bzhag gi steng na 'chi med tshe'i bdud rtsis gang ba'i bum pa dpag bsam shing gis kha brgyan pa bsnams pa/__zhabs rdo rje'i skyil mo krung du bzhugs shing /__dar dang rin po che'i rgyan dang mtshan dpe gsal rdzogs kyis spras pa/__zhi zhing 'dzum pa sgeg pa'i nyams can/__'od kyi rang bzhin can du gyur pa'i spyi bor oM/__mgrin par AH__thugs kar hU~M gis mtshan pa dang /__slob dpon mdun bskyed dang bcas pa'i thugs ka nas 'od zer 'phros pas nub phyogs bde ba can nas bsgoms pa dang 'dra ba'i ye shes sems dpa'i tshogs dpag tu med pa spyan drangs te sib sib thim par gyur/__hrIH__bde ba can nas tshe dpag med mgon la/__/gsang ba ye shes pad+ma 'byung gnas sogs/__/tshe khrid brgyud pa'i bla mas yongs bskor ba/__/'dir gshegs bdag la tshe yi dngos grub stsol/__/ces dang /__sngags rnams kyi mthar/__oM badz+ra A be sha ya a AH__zhes pas ye shes pa dbab/__dzaHhU~M ba~M hoHsa bstim/__tiSh+Tha badz+ras brtan par bya'o/__/des gzhi dgod pa song nas sngags kyi sgo nas gsol ba 'debs pa 'di'i rjes zlos lan gsum mdzod/__oM badz+ra sa ra he ka ra re shwa ra re hU~M phaT/__slar yang dbang gi dngos gzhi'i don du bla ma dang mdun bskyed kyi lha tha mi dad pa la 'chi med tshe'i dngos grub stsal du gsol snyam pas gsol ba 'debs pa 'di'i rjes zlos lan gsum mdzod/__slob dpon dgongs su gsol/__bdag la 'chi ba med pa'i tshe'i dngos grub stsal du gsol/__zhes gsol ba btab nas/__tshe'i dbang bskur ba dngos la tshe bum la brten nas bla tshe yar ba dgug pa/__nyams pa gso ba/__tshe 'gugs shing bstim pa/__mtha' rten du tshe ril dang tshe chang la brten nas dbang bskur ba/__rjes mi nyams par bya ba'i phyir tshe bcing ba/__tshe sba ba/__tshe bsrung ba/__tshe dang bkra shis kyi legs tshogs spel ba rnams su yod pa las/__thog mar bla tshe yar ba dgug pa'i don du dmigs pa 'di bzhin mdzod/__mdun bskyed bcom ldan 'das kyi phyag mtshan bum pa'i nang du zla ba'i dkyil 'khor gyi steng du hrIH'i mthar snying po dang gzungs ring gis bskor ba las 'od zer 'phros/__khyed rang rnams kyi tshe 'chi bdag gshin rje/__rgyal gdon la sogs pa 'byung po mi ma yin rnams kyis phrog pa dang /__brkus pa/__yar ba thams cad bum pa dang thod pa dang lhung bzed bdud rtsis gang ba'i rnam par bkug__/sngags phreng la thim/__de las bdud rtsi'i rgyun babs/__bum pa 'chi med bdud rtsis gang bas spyi bo nas dbang bskur/__lus kyi nang thams cad gang zhing /__phyi thams cad bkrus pas rdzas kyi rdo rje pha lam bzhin du phar la dngos por 'dzin pa thams cad 'joms shing /__tshur la gang gis kyang gzhig cing gzhom par mi nus pa'i 'chi med kyi rig 'dzin thob byung snyam pa'i mos pa mdzod cig__/ces brjod la dril bu dkrol/__rang dang slob ma gnyis kas a mA ra Ni'i sngags brjod/__skal ldan rigs kyi bu 'di dag la tshe dbang du gyur cig__/dbang dngos grub tu gyur cig__/tshe mi 'gyur ba'i g.yung drung du gyur cig__/mi shigs pa'i rdo rjer gyur cig_/mi nub pa'i rgyal mtshan du gyur cig__/'chi ba med pa tshe'i rig 'dzin thob par gyur cig__/ces brjod la me tog 'thor ro/__/bden stobs 'di 'og ma rnams kyi mtha' thams cad du'ang bya/__rgyal mtshan rtse mo sogs shis brjod sh+lo ka gcig bya'o/__/de nas nyams pa gso ba la/__tshe nyams pa gso ba/__stobs nyams pa gso ba/__dam tshig dang sdom pa nyams pa gso ba gsum du yod pa las/__thog mar tshe nyams pa gso ba'i slad du tshe nyams pa gso ba 'di rgyas par 'byung lnga so so'i bcud bsdu tshul rgyal ba dge 'dun rgya mtsho'i gsung grub rgyal ma'i tshe dbang ltar bya bar gsungs pas spro na de ltar bya zhing /__'dir rje dge 'dun rgya mtsho'i yig char bsdus te bya tshul gsungs pa phyag len du mdzad pa ltar bkod pa'o/__/mchan/__mdun bskyed tshe dpag tu med pa'i phyag gi bum pa'i dbus su thugs srog gi mthar sngags kyi phreng bas bskor ba las 'od zer 'phros pas/__'byung ba chen po nam mkha' rlung me chu sa'i bcud thams cad 'od dang bdud rtsi ljang sngo dmar dkar ser ba'i rnam par bkug__sngags phreng la thim/__de las bdud rtsi'i rgyun babs/__bum pa 'chi med kyi bdud rtsis gang bas spyi bo nas dbang bskur/__lus kyi nang thams cad gang zhing /__phyi thams cad bkrus pas thog ma med pa nas bsags pa'i nad gdon sdig sgrib thams cad dag__/khyad par du lus kyi 'byung ba rnams kyi sgo nas tshe nyams pa thams cad sor chud/__'chi med tshe'i rig 'dzin thob snyam pa'i mos pa mdzod cig__/ces brjod cing sngags bzla zhing dbang bskur/__bden stobs brjod/__phun sum tshogs pa sogs sh+lo ka gsum mam/__ston pa bla med sogs nas/__bla med dkon mchog gsum gyi bkra shis shog__/ces shis brjod bya/__stobs dang bsod nams nyams pa gso ba ni/__yang sngags phreng las 'od zer 'phros/__sems can thams cad kyi tshe dang bsod nams/__srid pa gsum gyi bkrag mdangs gzi brjid/__'jig rten khams kyi dpal 'byor phun sum tshogs pa thams cad bkra shis rtags brgyad/__rgyal srid rin chen sna bdun/__nye ba'i rin po che sna bdun/__bkra shis rdzas brgyad la sogs kyi rnam par bkug__/sngags phreng la thim/__de las bdud rtsi'i rgyun babs/__bum pa 'chi med kyi bdud rtsis gang bas spyi bo nas dbang bskur/__lus kyi nang thams cad gang zhing /__phyi thams cad bkrus pas thog ma med pa nas bsags pa'i nad gdon sdig sgrib thams cad dag__/khyad par stobs dang bsod nams nyams pa thams cad sor chud/__lha'i dbang po brgya byin dang /__stong gsum mi mjed kyi bdag po tshangs pa sogs dang skal ba mnyam pa'i 'chi med kyi rig 'dzin thob snyam pa'i mos pa mdzod cig__/ces brjod cing sngags bzla zhing dbang bskur/__bden stobs dang /__bsod nams ri bo bzhin du brtan pa dang /__/sogs brjod/__dam tshig dang sdom pa nyams pa gso ba ni/__yang sngags phreng las 'od zer 'phros/__phyogs bcu'i rgyal ba sras dang slob mar bcas pa rnams kyi sku gsung thugs kyi byin rlabs thams cad sangs rgyas dang byang chub sems dpa' la sogs pa'i sku gzugs/__A li kA li la sogs pa'i yig 'bru/__rdo rje dril bu la sogs pa'i phyag mtshan gyi rnam par bkug__/sngags phreng la thim/__de las bdud rtsi'i rgyun babs/__bum pa 'chi med kyi bdud rtsis gang bas spyi bo nas dbang bskur/__lus kyi nang thams cad gang zhing /__phyi thams cad bkrus pas thog ma med pa nas bsags pa'i nad gdon sdig sgrib thams cad dag__/khyad par du'ang dam tshig dang sdom pa nyams pa sor chud/__'chi med tshe'i rig 'dzin thob snyam pa'i mos pa mdzod cig__/ces brjod cing sngags bzla zhing dbang bskur/__bden stobs dang /__mi 'gyur lhun po sogs brjod do/__/de nas tshe 'gugs pa ni/__bla ma phyi ma 'ga' zhig gis tshe 'gugs 'di gong gi sngags kyis gsal btab pa'i mjug tu sbyar snang na'ang /__'dir rtsa ba'i yi ge'i dgongs pa ltar bris pa'o/__/mchan/__slar yang slob dpon mdun bskyed dang bcas pa'i thugs ka nas 'od zer dang /__lha mo mgyogs ma'i tshogs nyi zer gyi rdul ltar spros pas rdo rje slob ma rnams kyi tshe dang bsod nams 'phrog pa dang /__brkus pa dang /__yar ba dang /__'byung ba chen po rnams kyi bcud/__sems can thams cad kyi tshe dang bsod nams/__srid pa gsum gyi phun sum tshogs pa thams cad dang /__rgyal ba sras dang slob mar bcas pa'i sku gsung thugs kyi byin rlabs bsdus te phyag gi bum pa'i nang du thim/__de las 'chi med tshe'i bdud rtsi dpag tu med pa byung /__rdo rje slob ma rnams kyi spyi bo nas zhugs/__lus kyi nang thams cad gang /__dri ma thams cad dag__/'chi med tshe'i dngos grub brtan cing nus pa dang ldan par byas pa'i mos pa mdzod/__ces brda' sbyar la/__mda' dar g.yab cing /__hrIH__'chi ba med pa mgon po tshe yi lha/__/zhes sogs tshe 'gugs bya/__tshe bstim pa ni/__slar yang slob dpon gyi thugs ka'i hrIHlas 'od zer 'phros pas nub phyogs bde ba can nas mgon po tshe dpag tu med pa la tshe khrid brgyud pa'i bla ma rnams dang sangs rgyas byang sems thams cad kyis bskor ba spyan drangs/__bum nang gi tshe dpag tu med pa la thim/__de las de 'dra ba mar me gcig las gnyis mched kyi tshul du byung /__khyed rang rnams kyi spyi bo nas thim pas rgyal ba tshe dpag tu med pa'i sku gsung thugs dang /__khyed rang rnams kyi lus ngag yid gsum ro gcig tu gyur/__'chi med tshe'i rig 'dzin mngon du thob pa'i mos pa mdzod cig__/ces brjod la bum pa spyi bor bzhag cing /__bcom ldan 'das mgon po tshe dpag tu med pa/__mkha' 'gro ma gsang ba ye shes/__slob dpon pad+ma 'byung gnas/__grub chen dpal ldan rdo rje/__thams cad mkhyen pa bsod nams rgya mtsho/__'khon ston dpal 'byor lhun grub/__zur chen chos dbyings rang grol/__ngag gi dbang phyug blo bzang rgya mtsho la sogs pa nas/__bdag cag gi drin can rtsa ba'i bla ma'i bar du byon pa'i rtsa ba dang brgyud par bcas pa'i dpal ldan bla ma dam pa rnams kyis byin gyis rlobs shig__/slob ma 'di rnams kyi lus kyi na tsha/__sems kyi sdug bsngal/__bar chad dang chag sgo nyam nga yod pa/__steng gdon gza'/__'og gdon klu/__bar gdon rgyal po'i gnod pa dang /__dus ma yin par 'chi ba'i 'jigs pa thams cad las srungs shig__/ces dang /__gzungs ring brjod/__de nas tshe chang la brten nas dbang bskur ba ni/__'chi med tshe'i bdud rtsi'i ngo bo tshe chang 'di nyid zhal du gsol bas lus kyi nang rtsa stong phrag bdun cu rtsa gnyis 'chi med kyi bdud rtsis gang /__rang bzhin brgyad cu'i kun rtog dbyings su 'gags/__nyams bde stong dbyer med kyi ting nge 'dzin rgyud la skyes/__rtsa rlung thig le'i nus pa nyams pa thams cad sor chud/__'chi med kyi rig 'dzin thob/__khyad par du'ang rdzogs rim la brten nas tshe sgrub pa'i skal ba dang ldan par byas snyam pa mdzod cig__/ces dang gzungs sngags brjod la tshe chang sbyin/__tshe ril la brten nas dbang bskur ba ni/__'khor 'das kyi dwangs bcud thams cad 'dus pa'i ngo bo tshe'i ril bu 'di nyid zhal du gsol bas bzhi brgya rtsa bzhi'i nad/__stong phrag brgyad cu'i bgegs/__bar chad dang chag sgo yod pa thams cad byang zhing dag 'chi med tshe'i rig 'dzin thob/__khyad par du'ang bcud len la brten nas tshe sgrub pa'i skal ba can du byas snyam pa mdzod cig__/ces dang /__bkra shis tshe brtan dpal gyi zas/__/snying po bsdus pa'i bcud 'di ni/__/de ring bu yis bza' bar gyis/__/'di zos sangs rgyas tshe dpag med/__/zhal zas bsten na nad kun las/__/grol 'gyur the tshom bya mi dgos/__/zhes dang sngags bzla zhing tshe ril sbyin/__de nas rjes tshe'i dngos grub mi nyams par bya ba'i slad du tshe bcing ba ni/__khyed rang rnams kyi snying gar tshe rten 'od dkar po'i dbus su rnam par shes pa yi ge nr-i'i rnam pa nyi zla ga'u kha sbyor gyi nang du yod pa de nyid/__rdo rje lu gu rgyud kyi thag pas bar mtshams med par bcings bar mos pa mdzod/__snying gar rdo rje reg cing /__nyi zla ga'u kha sbyor dag__/mi phyed sra brtan rdo rje yi/__/lu gu rgyud kyis nyer bsdams pas/__/nam yang mi g.yo brtan par gyur/__/zhes dang /__oM a mA ra Ni dzI ban+ti ye swA hA/__oM badz+ra A yu She swA hA/__/zhes sngags bzla/__de nas tshe sba ba ni/__mda' dar snying gar bzhag cing /__thugs ka nas 'phros pa'i 'od zer gyis snod bcud thams cad 'od du zhu nas rang rang la thim/__de'ang ga'u la thim/__de 'od la thim/__de yi ge la thim/__de'ang 'ja' yal ba ltar 'od gsal gyi dbyings su thim par bsams la stong nyid rnam par mi rtog pa'i ngang du mnyam par 'jog mdzod/__gang gis gnod par mi nus pa'i/__/gdod nas dag pa'i stong pa nyid/__/skye ba med pa'i klong yangs su/__/mi 'gyur brtan pa'i tshe sba'o/__/zhes dang sngags bzla/__de nas tshe srung ba ni/__slar yang skad cig gis slob ma tshe dpag med du gsal ba'i smin mtshams kyi rtsa sgor dpal rta mgrin gri gug dang thod pa 'dzin pa 'jigs su rung ba me dpung 'bar ba'i dbus na bzhugs pas bar chad thams cad bsrungs par gyur par bsams la/__smin mtshams rtsa yi sgo 'phar du/__/rta mgrin khro rgyal dbang gi lha/__/bzod par dka' ba'i gzi brjid kyis/__/tshe yi bar chad thams cad srungs/__/sngags bzla zhing slob ma rnams kyi smin mtshams sa li khri'i thig le bya/__tshe dang bkra shis kyi dga' ston spel ba ni/__khyed rang rnams kyi steng gi nam mkha' la rgyal ba tshe dpag tu med pa la tshe khrid brgyud pa'i bla ma rnams dang /__sangs rgyas byang sems dpa' bo mkha' 'gro/__chos skyong srung ma/__lha mi'i rig 'dzin rnams kyis bskor ba bzhugs nas me tog gi char 'bebs/__rol mo'i sgra sgrogs/__bkra shis kyi glu dbyangs kyis shis pa brjod pa'i mos pa mdzod/__ces brda sbyar la/__rab yangs mdun gyi nam mkha' la/__/rtsa ba'i bla ma tshe dpag med/__/brgyud pa'i bla ma sprin ltar 'thibs/__/yi dam lha tshogs 'khor gyis bskor/__/ma mo mkha' 'gros gar stabs bsgyur/__/chos skyong srung ma bran du 'khol/__/snyan pa'i dbyangs kyi 'brug stong ldir/__/bkra shis me tog char du 'bebs/__/'dir 'dus skal ldan tshogs rnams la/__/'chi med tshe yi bkra shis shog__/dpal 'byor snyan grags bkra=__bde chen ye shes bkra=__bsam pa 'grub pa'i bkra shis shog__/ces dang /__gzhan yang bkra shis pa'i tshigs su bcad pa ci rigs brjod cing me tog 'thor/__rol mo'i sgra snyan par sbyar/__dam tshig khas blang /__gtang rag gi maN+Dal/__lus longs spyod 'bul ba/__dge ba bsngo ba rnams spyi ltar byas la slob ma rnams rang gnas su gyes/__rjes chog ni/__mchod pa bsang sbyang byin gyis brlab/__mchod bstod gong ltar bya/__yi ge brgya pa dang /__ma 'byor pa dang sogs kyis nongs pa bshags/__mdun bskyed rten yod na brtan bzhugs dang /__med na ye shes pa gshegs/__dam tshig pa rang la thim par bsam/__bsngo smon bkra shis bya'o/___/__!_tshe dbang brgya rtsa sogs grangs gsog na/__tshe ril sbyin pa yan gong du smos pa ltar rgyas pa tshar gcig rjes bkra shis tshigs bcad gang rung brjod/__de nas/__slar yang bsdu na/_gsol 'debs ma byas par slar yang dmigs pa 'di bzhin mdzod sogs la 'jug pas kyang rung ngo /__/gsol ba 'debs pa 'di'i rjes zlos mdzod/__slob dpon dgongs su gsol/__bdag la 'chi ba med pa tshe'i dngos grub stsal du gsol/_mdun bskyed/__ces gsol ba btab nas dmigs pa 'di bzhin du mdzod/__tshe dpag tu med pa'i thugs ka'i sngags phreng las 'od zer 'phros/__khyed rang rnams gyi tshe dang bsod nams 'phrog pa brkus pa yal ba thams cad dang /__'byung ba rnams kyi bcud/__sems can thams cad kyi tshe dang bsod nams/__srid pa gsum gyi phun tshogs thams cad dang /__rgyal ba sras dang slob mar bcas pa'i sku gsung thugs kyi byin rlabs thams cad bsdus/__sngags phreng la thim/__de las bdud rtsi'i rgyun babs/__bum pa 'chi med kyi bdud rtsis gang bas spyi bo nas dbang bskur/__lus kyi nang thams cad gang zhing /__phyi thams cad bkrus pas thog ma med pa nas bsags pa'i nad gdon sdig sgrib thams cad dag__/tshe dang bsod nams nyams pa sor chud/__bum nang gi tshe dpag med las rang 'dra gnyis pa re byung /__khyed rang rnams la thim pas 'chi med tshe'i rig 'dzin thob pa'i mos pa mdzod/__ces brjod la sngags bzla zhing dbang bskur/__spro na bden stobs brjod/__gang ltar yang tshe gzungs bzla bzhin pas tshe chang dang /__tshe ril sbyin/__shis brjod sh+lo ka gang rung re bya/__de lta bu'i grangs bzung /__rdzogs pa na tshe bcing ba man chad gong bzhin du bya'o/___/__!_zhar byung bdag bskyed la brten pa'i bsnyen pa bya tshul mdo tsam ni/__gnas gtsang zhing dben par tshe dpag med kyi snang brnyan gyi mdun mchod gtor bsham/__mtshams dam par bcad/__thun gsum mam bzhir bdag bskyed gong ltar nyams su blang /__thun re re bzhin bzlas pa'i mthar yig brgya dang /__mchod bstod bsngo smon shis brjod bya/__/snga phyi'i thun gang rigs kyi mthar gtor ma bsang sbyang byin gyis brlab/__rang gi snying ga nas 'od zer 'phros pas bde ba can nas mgon po tshe dpag tu med pa'i lha tshogs spyan drangs/__mdun gyi rten dang dbyer med du bzhugs par bsams la gtor 'bul mchod bstod bya/__nongs pa bshags/__mdug bskyed brtan bzhugs dang /__bsngo smon shis brjod bya ba'o/__/de lta bu'i grangs a mA ra Ni bzhi 'bum dang /__sa ra he dang tshe gzungs ci nus bzla/__grol khar mdun bskyed rten tshe bum sogs slob ma la dbang bskur ba'i skabs ltar bsham/__bdag bskyed sngon du 'gro bas/__tshe bcud rang la bstim pa'i dmigs pa dang bcas mdun bskyed bsgrub cing bdag nyid 'jug pa'i tshul gyis dngos grub blang /__rjes chog rgyas par bya'o/___/__!_'di'i gzhung du mi gsal yang snga 'gyur ba'i gsang ba spyi 'gros dang mthun par tshogs mchod 'bul bar spro na/__gtor 'bul gyi mthar tshogs kyi yo byad bsang sbyang /__stong pa'i ngang las rlung me thod sgyed steng /__/b+han+d+ha'i steng du sha lnga bdud rtsi lnga/__/bskol zhing 'od zhu tshogs mchod bdud rtsi'i bcud/__/'dod yon mchod sprin nam mkha' gang bar gyur/__/oM AHhU~M hA ho hrIH__zhes pas brlab/__hrIH__bde ba can dang nyi shu rtsa bzhi'i yul/__/pad+ma 'od sogs phyogs bcu'i zhing khams nas/__/'chi med rtsa gsum tshe yi lha tshogs rnams/__/zhal zas tshogs la spyan 'dren gshegs su gsol/__/badz+ra sa mA dzaH__zhes pas tshogs zhing mkha' khyab tu sad pa'i spyan sngar tshogs phud spros te/__hrIH__tshe dpag med mgon gsang ba ye shes yum/__/pad+ma 'byung gnas dpal ldan rdo rje'i zhabs/__/'jig rten dbang phyug bsod nams rgya mtsho sogs/__/rtsa brgyud bla ma yi dam tshe yi lha/__/dpa' bo mkha' 'gro chos skyong srung mar bcas/__/'dod yon bdud rtsi tshogs kyi 'khor los mchod/__/thugs dam bskang zhing nyams chag mthol bshags na/__/tshe dang ye shes mchog thun dngos grub stsol/__/oM gu ru a pa ri mi ta a yur+dz+nyA na sa pa ri wA ra ga Na tsa kra pU dza hoH__zhes mdun bskyed la mchod pa'i rjes/__bdag nyid kyi phung khams skye mched lha'i 'khor lor gsal bas tshogs kyi 'du ba la longs spyad/__lhag ma/__oM AHhU~M gis brlab/__phaiM zhes pas mgron dgug__hrIH__'chi med rtsa gsum tshe yi lha tshogs kyi/__/dkyil 'khor srung pa'i lhag sdud pho nya'i tshogs/__/dam tshig rdzas kyi bdud rtsi 'di gsol la/__/mi mthun kun sol mthun rkyen legs tshogs spel/__/oM uts+tshiSh+ta ba liM ta b+hak+Sha sI zhes phul/__tshogs mgron rnams rten yod na brtan bzhugs dang /__med na rang la bstim/__'jig rten pa rnams rang gnas su gshegs par bsam/__bsngo smon bkra shis bya'o/__/'ja~Xm dbyanga~Xs dga' ba'i bshes gnyen gyi/__/gzhung don gsal bar bsdebs pa'i dges/__/mkhyena~X brtse~X'i bdag nyid mchog rnams dang /__/'gro kun 'chi med 'grub gyur cig__/ces pa'ang rgyal dbang thams cad mkhyen gzigs ngag gi dbang phyug blo bzang rgya mtsho'i zhal snga nas snyan brgyud kyi man ngag khrigs su bsdebs pa'i rtsa ba'i yi ge las/__thams cad mkhyen pa dge 'dun rgya mtshos mdzad pa'i tshe sgrub grub rgyal ma'i dbang chog la zhal 'phang gnang ba sogs bla ma'i phyag gzhes ltar dkyus su bcug ste bklags pas grub par bya bral spong ba pa many+dzu g+ho Shas bris pa dge legs mchog tu gyur cig_/sarba dA shre yo b+ha ba tu//___//__!_ 'di'i brgyud pa ni/__ngag dbang blo bzang rgya mtsho nas/__byams pa ngag dbang lhun grub/__rmor chen kun dga' lhun grub/__gnas gsar ba legs pa'i 'byung gnas/__'phags pa dge legs rgyal mtshan/__bla ma skal bzang bstan dar/__bka' bcu byams pa blo gros/__slob dpon 'phags pa mchog dga'/__chos rje ngag dbang 'jam dbyangs/__rdo rje 'dzin pa kun dga' dpal ldan/__des bdag mkhyen brtse'i dbang po la'o//__// [�]