DKR-KABUM-09-TA-027

🚧 This website is under continued development. We appreciate your patience!

Previous Text Back to Volume PageNext Text

Wylie title	gsum pa dbang gi sbyin sreg
Location	dil mgo mkhyen brtse bka' 'bum Volume 9, Text 27, Pages 240-249 (Folios 1a1 to 10b3)
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Tertön	མཆོག་གྱུར་གླིང་པ་ (mchog gyur gling pa)
Citation	Khyentse, Dilgo. Gsum pa dbang gi sbyin sreg. In Skyabs rje dil mgo mkhyen brtse rin po che'i bka' 'bum, Vol. 9: 240-249. Delhi: Shechen Publications, 1994.
Genre	Fire Offerings - sbyin sreg
Cycle	ཟབ་བདུན་རྩ་གསུམ་ཚེའི་ཟབ་པ་ (zab bdun rtsa gsum tshe'i zab pa)
Parent Cycle	ཐུགས་དམ་ཟབ་པ་སྐོར་བདུན་ (thugs dam zab pa skor bdun)

Tibetan Text

Wylie

[edit]

༄༅། གསུམ་པ་དབང་གི་སྦྱིན་སྲེག་ལ། ཚོང་འདུས་ཆེན་པོ་དང༌། སྨད་འཚོང་མའི་མལ་འོག་ས་ཡི་ཐབ་སྟེང་ཙནྡན་དམར་པོའི་ཆུས་ཆག་ཆག་བཏབ་ལ་ཚངས་ཟུར་གྱི་ཐིག་བཏབ། དབུས་ནས་སོར་ཉི་ཤུ་པ་གཅིག་བསྐོར། དེ་ནས་དབུས་ནས་ཤར་དུ་སོར་ལྔ་བཙལ་བའི་སར་མཚན་མ་བྱས་ཏེ། གཡས་གཡོན་དུ་བསྐོར་ནས་བཅད་ཁ་ཟླ་གམ་བྱ། མུ་རན་དང་ཁ་ཁྱེར་ཡང་སོར་དྲུག་པ་རེ་བྱའོ། །མེ་ཏོག་དམར་པོ་གཅལ་དུ་བཀྲམ། ཤིང་དམར་པོ་དང་མངར་བའི་རིགས་ཅན་དང༌། འོམ་བུ་སོགས་ཟླ་གམ་དུ་བརྩིགས། སྟེགས་ཁེབ་རྫས་དང་མཆོད་གཏོར་སོགས་ཞི་བ་ལྟར་ལ་དབྱིབས་དང་ཁ་དོག་དམར་པོ་བསྒྱུར་བ་དང་ཡམ་ཤིང་འོམ་བུ། རྫས་གཞན་རྣམས་ལ་ཡང་ཆང་དང༌། མངར་གསུམ་གྱིས་སྦགས་ཤིང་སྤེལ་བ་དང༌། གལ་ཆེ་ན་ཡིད་བསྒྱུར་དང་ཆགས་བསྐྱེད་ཀྱི་རྫས་ཀྱང་སྦྱར། སློབ་དཔོན་ཆས་གོས་དམར་པོ་རིན་པོ་ཆེ་དམར་པོའི་རྒྱན་བཅས་པདྨའི་འདུག་སྟངས་ཀྱིས་ཞལ་ནུབ་ཏུ་ཕྱོགས་པར་བཞུགས། དེ་ནས་སྦྱིན་སྲེག་ཁོལ་སྒྲུབ་སྐབས་བདག་བསྐྱེད་རྒྱས་བསྡུས་ཇི་ལྟར་རིགས་པ་བསྒོམས་ཤིང་ལས་བུམ་བདུད་རྩི་འཁྱིལ་བའི་བསྐྱེད་བཟླས་བྱ། སྒྲུབ་མཆོད་དང་འབྲེལ་བའི་ཚེ་རྩ་བསྙེན་ལ། ཕཊ་ཛཿབཏགས་པ་བརྗོད་པས། རང་ཉིད་དཀྱིལ་འཁོར་གྱི་གཙོ་བོ་ལས་མར་མེ་གཅིག་ལས་གཉིས་མཆེད་ཀྱི་ཚུལ་དུ་གར་གྱི་དབང་ཕྱུག་ཚེ་དཔག་མེད་ཞལ་གཅིག་ཕྱག་གཉིས་པའི་རྣམ་པར་ཐོན་ནས་སྦྱིན་སྲེག་གི་ལས་རིམ་ལ་འཇུག་པར་མོས་ལ། རྡོར་དྲིལ། ཨ་མྲྀ་ཏས་བསང༌། སྭ་བྷཱ་ཝས་སྦྱང༌། སྟོང་པའི་ངང་ལས་རྡོ་རྗེ་ཐབས་ཀྱི་རང་བཞིན་ཡེ་ཤེས་ལྔའི་ངོ་བོ་ཨོཾ་མ་ཧཱ་བཛྲ་ཧཱུྃ། ཞེས་ལག་གཡས་ཀྱི་རྡོ་རྗེ་གསོར་ཞིང་སྙིང་གར་བཟུང༌། དྲིལ་བུ་ཤེས་རབ་ཀྱི་རང་བཞིན་སྟོང་ཉིད་ཆོས་ཀྱི་སྒྲ་དབྱངས་སྒྲོགས་པ། ཨོཾ་བཛྲ་གཎྜེ་ཨཱཿ གཡོན་པས་དྲིལ་བུ་དཀྲོལ་ཞིང་དཀུར་བསྟེན། གཉིས་ཀའང་དོན་དམ་བྱང་ཆུབ་སེམས་ཀྱི་རང་བཞིན་ཐུགས་ཀར་འཁྱུད་རྒྱ་བྱས་ལ། ཨོཾ་སརྦ་ཏ་ཐཱ་ག་ཏ་མ་ཧཱ་ཨ་ནུ་རཱ་ག་ཎ་བཛྲ་སྭ་བྷཱ་ཝ་ཨཏྨ་ཀོ྅་ཧཾ། ཞེས་དམ་ཚིག་གསུམ་དྲན་པར་བྱས་ལ། ཆོ་ག་མ་གྲུབ་ཀྱི་བར་དུ་ཡིད་ཏིང་ངེ་འཛིན། ལག་རྡོར་དྲིལ་དང་མ་བྲལ་བར་བྱའོ། །དགང་བླུགས་བསང་སྦྱང༌། རང་གི་སྙིང་ག་ནས་འོད་ཟེར་འཕྲོས་ཡེ་ཤེས་ལྷའི་ཐུགས་རྒྱུད་བསྐུལ། ཐབས་དང་ཤེས་རབ་ཀྱི་རང་བཞིན་ཡེ་ཤེས་སེམས་དཔའི་འོད་ཟེར་གྱི་ཚུལ་དུ་བཀུག་དགང་བླུགས་ལ་ཐིམ་པས་དངོས་གྲུབ་འབྱུང་བའི་དམ་ཚིག་གི་ཡོ་བྱད་དུ་གྱུར། མཆོད་བསྲེག་གི་རྫས་རྣམས་བསང་ཆུས་བྲན། ཨ་མྲྀ་ཏས་བསང༌། སྭ་བྷཱ་ཝས་སྦྱང༌། ཏྲཱཾ་ལས་བདེ་བ་ཆེན་པོའི་ཞིང་ཁམས་དབུས༔ བྷྲཱུྃ་ལས་རིན་པོ་ཆེ་ཡི་གཞལ་ཡས་ཁང༔ རིན་ཆེན་སྣོད་དུ་ཧཱུྃ་ལས་མཆོད་ཡོན་དང༔ ཞབས་བསིལ་མེ་ཏོག་བདུག་སྤོས་མར་མེ་དང༔ དྲི་ཆབ་ཞལ་ཟས་ཀུན་བཟང་མཆོད་སྤྲིན་སྤྲོ༔ ཧྲཱིཿལས་རོལ་མོའི་གཞལ་ཡས་ཁང་དུ་གྱུར༔ ཨོཾ་བཛྲ་ཨརྒྷཾ་ཨཱཿཧཱུྃ༔ པཱ་དྱཾ་སོགས་ཤཔྟ་ཨཱཿཧཱུྃ༔ ཨོཾ་ཨཱཿཧཱུྃ་སརྦ་པཉྩ་ཨ་མྲྀ་ཏ་ཧཱུྃ་ཧྲཱིཿཋ༔ ཨོཾ་ཨཱཿཧཱུྃ་མ་ཧཱ་རཀྟ་ཛྭ་ལ་མཎྜ་ལ་ཧཱུྃ་ཧྲཱིཿཋ༔ ཨོཾ་ཨཱཿཧཱུྃ་མ་ཧཱ་བ་ལིཾ་ཏ་ཏེ་ཛོ་བ་ལིཾ་ཏ་བ་ལ་བ་ཏེ་གུ་ཧྱ་ས་མ་ཡ་ཧཱུྃ་ཧྲཱིཿཋཿ ཞེས་བྱིན་གྱིས་བརླབས། བསྲེག་རྫས་རྣམས་བདུད་རྩིས་བྲན་ལ། རྡོ་རྗེ་རྩེ་གཅིག་པའི་ཕྱག་རྒྱས་རེག་ཅིང༌། ཨོཾ་སྭཱ་ཧཱ། ཕྱག་རྒྱ་དེ་ཉིད་ཀྱིས་ཡམ་ཤིང་ལ། ཨོཾ་ཨཱཿསྭཱ་ཧཱ། ཞུན་མར། ཨོཾ་ཤྲཱིཾ་སྭཱ་ཧཱ། འབྲུ་རྣམས་ལ། ཨོཾ་ཛྲིཾ་སྭཱ་ཧཱ། རྫས་གཞན་རྣམས་ལ། ཨོཾ་ཀུ་རུ་ཀུ་རུ་སྭཱ་ཧཱ། རྫས་རྣམས་ཀྱི་མ་དག་པའི་ཉེས་སྐྱོན་ཐམས་ཅད་སྦྱངས་ཏེ་སྟོང་པར་གྱུར། སྟོང་པའི་ངང་ལས་རྫས་རྣམས་བྷྲཱུྃ་ལས་རིན་པོ་ཆེའི་སྣོད་དུ་ཨོཾ་ཨཱཿཧཱུྃ་ཞུ་བ་ལས་བྱུང་བའི་ངོ་བོ་ཡེ་ཤེས་ཀྱི་བདུད་རྩི་རྣམ་པ་བསྲེག་རྫས་སོ་སོར་གྱུར་པས་ལྷ་རྣམས་མཉེས་ཤིང་སྲིད་ཞིའི་ལེགས་ཚོགས་ཐམས་ཅད་དབང་དུ་འདུ་བའི་མཐུ་དང་ལྡན་པར་གྱུར། ཨོཾ་ཨཱཿཧཱུྃ༔ གཅིག །ཨོཾ་བོ་དྷི་བྲིཀྵ་ཡ་སྭཱ་ཧཱ། གསུམ། དེ་བཞིན་དུ། ཨོཾ་ཨཱཿཧཱུྃ། ཨོཾ་ཨགྣ་ཡེ་སྭཱ་ཧཱ། ཨོཾ་ཨཱཿཧཱུྃ། ཨོཾ་སརྦ་པཱ་པཾ་ད་ཧ་ན་བཛྲ་ཡ་སྭཱ་ཧཱ། ཨོཾ་ཨཱཿཧཱུྃ། ཨོཾ་སརྦ་སམྦ་དེ་སྭཱ་ཧཱ། ཨོཾ་ཨཱཿཧཱུྃ། ཨོཾ་བཛྲ་པུཥྚཱ་ཡ་སྭཱ་ཧཱ། ཨོཾ་ཨཱཿཧཱུྃ། ཨོཾ་བཛྲ་བི་ཛ་སྭཱ་ཧཱ། ཨོཾ་ཨཱཿཧཱུྃ། ཨོཾ་མ་ཧཱ་བེ་གཱ་ཡ་སྭཱ་ཧཱ། ཨོཾ་ཨཱཿཧཱུྃ། ཨོཾ་མ་ཧཱ་བ་ལ་ཡ་སྭཱ་ཧཱ། ཨོཾ་ཨཱཿཧཱུྃ། ཨོཾ་བཛྲ་གྷསྨ་རི་སྭཱ་ཧཱ། ཨོཾ་ཨཱཿཧཱུྃ། ཨོཾ་བཛྲ་ཨཱ་ཡུ་ཥེ་སྭཱ་ཧཱ། ཨོཾ་ཨཱཿཧཱུྃ། ཨོཾ་ཨ་པྲ་ཏི་ཧ་ཏ་བཛྲ་ཡ་སྭཱ་ཧཱ། ཨོཾ་ཨཱཿཧཱུྃ། ཨོཾ་བཛྲ་ཥཱི་བ་ཡ་སྭཱ་ཧཱ། ཨོཾ་ཨཱཿཧཱུྃ། ཨོཾ་ཨཱ་ཧ་ར་ཨཱ་ཧ་ར་སརྦ་བིདྱཱ་དྷ་ར་བཛྲ་པཱུ་ཛི་ཏེ་ཨཱཿཧཱུྃ། གསུམ་རེ་བརྗོད་པས་བྱིན་གྱིས་བརླབས། སྨད་འཚོང་མའི་ལག་ནས་བྱུང་བའི་མེ་སྦར་ཞིང༌། ཧཱུྃ༔ ཆོས་དབྱིངས་རྣམ་དག་སྐྱེ་མེད་ངང་ཉིད་ལས༔ སྐྱེ་བའི་ཆོ་འཕྲུལ་འབར་བའི་བྱིན་རླབས་ལས༔ ཡེ་ཤེས་རྣམ་པར་རོལ་པའི་མེ་སྦར་བས༔ དབང་གི་ཕྲིན་ལས་མ་ལུས་མྱུར་འགྲུབ་ཤོག༔ ཛྙཱ་ན་ཛྭ་ལ་རཾ། ཞེས་གཡས་བསྐོར་གྱིས་ཐབ་ཏུ་བཅུག ཧཱུྃ་ཧཱུྃ་ཧཱུྃ༔ ཞེས་རླུང་གཡབ་ཀྱིས་བསྐུལ། དེ་ནས་ཀུ་ཤ་སྔོ་ལྗང་དྲི་མ་མེད་པ་ལས་ཆུས་བྲན། ཨ་མྲྀ་ཏས་བསང༌། ཨོཾ། ཀུ་ཤ་འདི་ནི་གཙང་ཞིང་དགེ །ཚངས་པ་ལྷ་རྣམས་དག་བྱེད་ཡིན། །དཀོན་མཆོག་གསུམ་ནི་མཉེས་བྱེད་པ། །ས་ལས་སྐྱེས་པ་འདབ་མའི་སྙིང༌། །བདག་གི་བགེགས་རྣམས་ཐམས་ཅད་ནི། །ཞི་དང་བཀྲ་ཤིས་མཛད་དུ་གསོལ། །ཞེས་དང༌། སྭཱ་ཧཱ། ལན་ལྔ་བརྗོད་རིམ་བཞིན་ཀུ་ཤ་གཉིས་རྩེ་མོ་གཤིབས་པར་རང་གི་གཡོན་ནས་བརྩམས་ཏེ་ཐབ་ལ་གཡས་བསྐོར་གྱིས་བྱང༌། ཤར། ལྷོ། ནུབ་རྣམས་སུ་དགྲམ་པ། རྩེ་མོ་རྣམས་རིམ་པ་ལྟར་ནུབ། བྱང༌། ཤར། ལྷོ་རུ་བསྟན་པ་རྣམས་ཀྱི་རྩེ་མོས་སྔོན་མ་རྣམས་ཀྱི་རྩ་བ་ནོན་པར་བྱ་ཞིང༌། སླར་ཡང་རྩེ་མོ་ནུབ་ཏུ་བསྟན་པ་བ་གླང་གི་རྣ་བ་ལྟ་བུའི་ཀུ་ཤ་ཧ་ཅང་མི་རིང་བས་སྟེང་ནས་གཡོགས་པར་བྱའོ། །ཐབ་བསང་སྦྱང༌། སྟོང་པའི་ངང་ལས་ཧྲཱིཿལས་དབང་གི་ཐབ་ཁུང་དམར་པོ་ཟླ་གམ་མཚན་ཉིད་ཐམས་ཅད་ཡོངས་སུ་རྫོགས་པའི་ནང་དུ་པདྨ་དམར་པོ་ལྕགས་ཀྱུ་ཧྲཱིཿས་མཚན་པར་གྱུར༔ དེ་ལས་དྲང་སྲོང་མེ་ལྷ་སྐུ་མདོག་དམར་པོ་ཆགས་པའི་ཉམས་ཅན་ལྕགས་ཀྱུ་དང་མེ་ཐབ་འཛིན་པ། ཡིད་དུ་འོང་བའི་མེ་ཏོག་དམར་པོའི་རྒྱན་ཅན༔ ར་སྐྱེས་དམར་པོའི་ཁྲི་ལ་བཞུགས་པ༔ དེའི་སྤྱི་བོར་ཨོཾ༔ མགྲིན་པར་ཨཱཿ ཐུགས་ཀར་ཧཱུྃ་ལས་འོད་ཟེར་འཕྲོས་པས་མེ་ལྷ་འཁོར་བཅས་སྤྱན་དྲངས་པར་བསམ་ལ། གཡས་མི་འཇིགས་པའི་རྒྱས་སོར་མོ་བསྒྲེང་ཞིང་མཐེ་བོང་གཡབ་པ་དང་བཅས་པས། ཧཱུྃ༔ དད་པ་དང་ནི་དམ་ཚིག་གིས༔ ཚུར་གཤེགས་ཚུར་གཤེགས་འབྱུང་པོ་ཆེ༔ མེ་ལྷའི་རྒྱལ་པོ་དྲང་སྲོང་མཆོག༔ སྲེག་བླུགས་མཆོད་པ་བཞེས་སླད་དུ༔ འདི་ཉིད་དུ་ནི་གཤེགས་སུ་གསོལ༔ ཨོཾ་ཨགྣ་ཨེ་ཧྱ་ཡེ་ཧི༔ ཞེས་སྤྱན་དྲངས། ཨོཾ་བིགྷྣཱ་ན་ཏ་ཀྲྀཏ་ཕཊ༔ ཞེས་ཡུངས་ཀར་ཐབ་ཏུ་གཏོར་ལ་ཕྱི་འབྲང་གི་བགེགས་བསྐྲད། ཀུ་ཤ་རྒྱ་གྲམ་དུ་བཅིངས་པ་འཕང་ལ། ས་མ་ཡ་ཏིཥྛ་ལྷན། ཞེས་གདན་འབུལ། ཛཿཧཱུྃ་བཾ་ཧོཿས་དབྱེར་མེད་དུ་བསྟིམས་ལ། ན་མོ་ན་མཿ ཨོཾ་ཨགྣ་ཡེ་ས་པ་རི་ཝཱ་ར་ཨརྒྷཾ་པྲ་ཏཱིཙྪ་ཡེ་སྭཱ་ཧཱ༔ ནས་ ཤཔྟའི་བར་གྱིས་མཆོད། དེ་ནས་བྱོན་སྐྱེམས་ནི། མེ་ལྷ་ཞལ་འཛུམ་པ་དང་བཅས་པས་ཅུང་ཟད་གདངས་པའི་ལྗགས་ལ་རྃ་ཡིག་གིས་མཚན་པ་དང་གཟར་བུ་གཉིས་ཀྱི་ཁ་ལའང་རྃ་ཡིག་གིས་མཚན་པས་སྲེག་བླུགས་ཀྱི་མཆོད་པ་ཕུལ་བས་མཉེས་ཤིང་ཕྲིན་ལས་སྒྲུབ་པར་གྱུར། ལག་གཉིས་ཁུ་ཚུར་མཐེབ་མཛུབ་བམ། མཐེབ་སྲིན་རྩེ་སྤྲད་པ་པདྨའི་ཕྱག་རྒྱས་དགང་བླུགས་བཟུང་ལ། ཨོཾ་ཨགྣ་ཡེ་སྭཱ་ཧཱ། ཞེས་ལན་བདུན་གྱིས་མར་ཁུས་དགང་གཟར་བཀང་ལ། ཨོཾ་ཨགྣ་ཡེ་ཨཱ་དི་བྱཱ་བཧྣཱ་ཡ་ཧ་བྱ་ཀ་བྱ་བ་ཧྣཱ་ཡེ་སྭཱ་ཧཱ༔ ཞེས་གཡས་བསྐོར་གྱི་ལན་གསུམ་འབུལ། མཐར། ཧོཿ དྲང་སྲོང་མེ་ལྷའི་ལྷ་ཚོགས་རྣམས༔ སྲེག་བླུགས་མཆོད་པ་འདི་བཞེས་ལ༔ རྒྱལ་བློན་རྗེ་འབངས་འབྲུ་བཅུད་དང༔ འབྱོར་ལྡན་སྐྱེ་འགྲོ་ཕོ་མོའི་ཚོགས༔ ཐེག་ཆེན་བློ་ལྡན་དགེ་འདུན་དང༔ ཁྱེའུ་ཕོ་མོ་ལང་ཚོ་ཅན༔ འབྲུ་ནོར་དར་ཟབ་དབྱིག་གི་ཚོགས༔ བདེ་སྐྱིད་ཕུན་སུམ་ཚོགས་པའི་གནས༔ ཐམས་ཅད་བདག་གི་དབང་དུ་བསྡུས༔ ཝཱ་ཤཾ་ཀུ་རུ་ཡེ་སྭཱ་ཧཱ༔ ཞེས་ལན་གཅིག་གིས་འབུལ་ཞིང་མེ་པྲ་བརྟག །དམིགས་པ་ནི། བསྲེག་རྫས་ཕུལ་བས་མེ་ལྷ་མཉེས་ཏེ་འོད་ཟེར་ཉི་མ་འཆར་ཀའི་མདོག་ལྟ་བུའི་སྤྲོས་པའི་རྩལ་ལས་ཨུཏྤལ་དམར་པོའི་ལྕགས་ཀྱུ་རྣོན་པོས་ཁམས་གསུམ་སྣོད་བཅུད་གང་འདོད་པའི་དོན་ཐམས་ཅད་དབང་དུ་བསྡུས་པར་བསམ། དེ་ནས་རྫས་རྣམས་ལ་ཞུ་བའི་རང་བཞིན་ཅན་རྣམས་ཞལ་དང༌། ཡམ་ཤིང༌། དཱུརྦ། ཀུ་ཤ་སོགས་འོད་ཀྱི་དཀྱིལ་འཁོར་དང༌། ཞོ་ཟན་དང་ཏིལ་སོགས་ཕྱག་ཏུ་འབུལ་བར་མོས་ཏེ། ལག་གིས་བཟུང་དུ་བཏུབ་པ་རྣམས་གཡས་པའི་མཐེབ་སྲིན་སྦྱར་བའི་མཆོད་སྦྱིན་གྱི་ཚུལ་དང༌། དེ་ལས་གཞན་རྣམས་བླུགས་གཟར་གྱིས་འབུལ། དེ་ནས་རྫས་རྣམས་རིམ་བཞིན་དུ་འབུལ། ཡམ་ཤིང༌། ཨོཾ་བོ་དྷི་བྲིཀྵ་ཡ་སྭཱ་ཧཱ༔ མར་ཁུ། ཨོཾ་ཨགྣ་ཡེ་སྭཱ་ཧཱ༔ ཏིལ། ཨོཾ་སརྦ་པཱ་པཾ་ད་ཧ་ན་བཛྲ་ཡ་སྭཱ་ཧཱ༔ ཟས་མཆོག །ཨོཾ་སརྦ་སམྦ་དེ་སྭཱ་ཧཱ༔ འབྲས། ཨོཾ་བཛྲ་པུཥྚཱ་ཡ་སྭཱ་ཧཱ༔ སོ་བ། ཨོཾ་བཛྲ་བི་ཛ་ཡ་སྭཱ་ཧཱ༔ ནས། ཨོཾ་མ་ཧཱ་བེ་གཱ་ཡ་སྭཱ་ཧཱ༔ སྲན་མ། ཨོཾ་མ་ཧཱ་བ་ལ་ཡ་སྭཱ་ཧཱ༔ གྲོ། ཨོཾ་བཛྲ་གྷསྨ་རི་སྭཱ་ཧཱ༔ དཱུརྦ། ཨོཾ་བཛྲ་ཨཱ་ཡུ་ཥེ་སྭཱ་ཧཱ༔ ཀུ་ཤ། ཨོཾ་ཨ་པྲ་ཏི་ཧ་ཏ་བཛྲ་ཡ་སྭཱ་ཧཱ༔ ཤིང་ཐོག །ཨོཾ་བཛྲ་ཥཱི་བ་ཡ་སྭཱ་ཧཱ༔ རྫས་གཞན་ལ། ཨོཾ་ཨཱ་ཧ་ར་ཨཱ་ཧ་ར་སརྦ་བིདྱཱ་དྷ་ར་བཛྲ་པཱུ་ཛི་ཏེ་ཨཱཿཧཱུྃ༔ ལན་བདུན་རེའི་མཐར། ཧོཿ དྲང་སྲོང་མེ་ལྷའི་ལྷ་ཚོགས་རྣམས༔ སྲེག་བླུགས་མཆོད་པ་འདི་བཞེས་ལ༔ རྒྱལ་བློན་རྗེ་འབངས་འབྲུ་བཅུད་དང༔ འབྱོར་ལྡན་སྐྱེ་འགྲོ་ཕོ་མོའི་ཚོགས༔ ཐེག་ཆེན་བློ་ལྡན་དགེ་འདུན་དང༔ ཁྱེའུ་ཕོ་མོ་ལང་ཚོ་ཅན༔ འབྲུ་ནོར་དར་ཟབ་དབྱིག་གི་ཚོགས༔ བདེ་སྐྱིད་ཕུན་སུམ་ཚོགས་པའི་གནས༔ ཐམས་ཅད་བདག་གི་དབང་དུ་བསྡུས༔ ཝཱ་ཤཾ་ཀུ་རུ་ཡེ་སྭཱ་ཧཱ༔ ཚུལ་འདིས་མཚོན་ཏེ་རྫས་ཐམས་ཅད་ལ་འདོད་གསོལ་འདི་ཁོ་ན་སྦྱར། རྫས་རྫོགས་པ་དང༌། ན་མོ། རིགས་པའི་རྒྱལ་པོ་ཁྱོད་ཀྱི་ལས་ཐམས་ཅད་བྱེད་པས་སྲེག་རྫས་ལྷའི་ཞལ་དུ་འབུལ་བ་དང༌། མེ་ཉིད་ཡེ་ཤེས་ཀྱི་མེར་བྱིན་གྱིས་བརླབས་ནས་ཁམས་གསུམ་གྱི་ལྷ་འདྲེ་མི་གསུམ་ཁྱད་པར་མཁས་གྲུབ་རྒྱལ་བློན་བསྟན་ལ་གནོད་པའི་དགྲ་བགེགས་རླུང་སེམས་སྣང་བ་ཐམས་ཅད་དབང་དུ་འདུ་བའི་ཕྲིན་ལས་མཛད་དུ་གསོལ། ཞེས་འདོད་དོན་གསོལ། དེ་དག་གི་དམིགས་པ་ནི། བདེར་འདུས་གཞུང་ལས། བསྲེག་རྫས་བདུད་རྩི་འབུལ་བས་མེ་ལྷ་མཉེས་ཏེ། འོད་ཟེར་བྱུང་ནས་བདག་གི་ཐུགས་ཀར་ཕོག་པས། ལུས་ངག་ཡིད་གསུམ་གྱི་སྒྲིབ་པ་བསྲེགས་ཏེ། སླར་འོད་ཟེར་ཆུ་རྒྱུན་ལྟ་བུས་བཀྲུས་ནས། བཤང་བའི་ལམ་ནས་ཐོན་པར་བསམ་པའམ། ཡང་ན་མེ་ལྷའི་འོད་ཀྱིས་ལུས་ངག་ཡིད་གསུམ་གྱི་སྡིག་པ་ལ་སོགས་པ་སྙིང་ག་ནས་སམ། བ་སྤུའི་བུ་ག་ཐམས་ཅད་ནས་བཏོན་ཏེ། རྫས་ལ་བསྟིམས་པས་མཆོད་པ་ནི་མན་ངག་གོ །དེ་བཞིན་དུ་ནད་དང་དགྲ་དང་འབྱུང་པོའི་གདོན་ལ་སོགས་པ་ཐམས་ཅད་ལ་ཡང་སྦྱར་བར་བྱའོ། །གལ་ཏེ་ཕ་མའམ་སློབ་དཔོན་ལ་སོགས་པའི་ཆེད་དུ་བྱེད་ནའང་དེ་བཞིན་དུ་བྱའོ། །ཞེས་གསུངས། ནོངས་བཤགས་ནི། བདག་ཅག་དུས་ངན་པའི་སེམས་ཅན་དུ་གྱུར་པས་དུས་རྣམས་འཛོལ་བ་དང༌། རྫས་དང་ཡོ་བྱད་མ་ཚང་བ་དང༌། སྔགས་དང་ཆོ་ག་མ་དག་པ་དང༌། ལྷ་དང་ཏིང་ངེ་འཛིན་མ་གསལ་བ་ལ་སོགས་པ་ཉེས་པ་ཐམས་ཅད་དྲང་སྲོང་ཆེན་པོ་ཁྱེད་ཀྱི་བཟོད་པར་མཛད་དུ་གསོལ། གཉིས་པ་འདས་པའི་མེ་ལྷ་མཆོད་པ་ལ་གཉིས། སྒྲུབ་མཆོད་དང་མ་འབྲེལ་བ་དང༌། འབྲེལ་བའོ། །དང་པོ་ལྟར་ན། བུད་ཤིང་ཅུང་ཟད་ཁ་གསོ་བསང་ཆུ་འཐོར་ལ། བསང་སྦྱང༌། མེ་ལྷ་ཡེ་ཤེས་པ་ཤར་ལྷོར་གཤེགས། དམ་ཚིག་པ་ལྟོ་བ་ཡངས་ཤིང་རྒྱ་ཆེ་བའི་དབུས་སུ་འཆི་མེད་ཚེ་དཔག་མེད་སྒྱུ་འཕྲུལ་དྲྭ་བའི་དཀྱིལ་འཁོར་རྟེན་དང་བརྟེན་པར་བཅས་པ་ཐམས་ཅད་གསལ་ཞིང་ཡོངས་སུ་རྫོགས་པ། འོད་ཟེར་དམར་པོའི་ཕྲེང་བ་མཁའ་ཁྱབ་ཏུ་སྤྲོ་བར་གྱུར། ཅེས་པ་ཙམ་མམ། སྤྲོ་ན་གཞུང་གི་ལྷ་བསྐྱེད་ཡོངས་རྫོགས་སྦྱར། དེ་ནས་སྤྱན་འདྲེན། བཞུགས་གསོལ། ཕྱག་མཆོད། སྨན་རཀ་གཏོར་གསུམ་སྔགས་ཙམ། བསྟོད་པ་ཚང་བར་གྲུབ་ནས། འོག་གི་དཀྱིལ་འཁོར་པ་དང་བཅས་པའི་ལྷ་ཐམས་ཅད་སོགས་ནས་བྱོན་སྐྱེམས་ལ་འཇུག་པ་ཡིན་ནོ། །གཉིས་པ་སྒྲུབ་མཆོད་དང་འབྲེལ་བའི་སྐབས་བུད་ཤིང་ཁ་གསོས་ལ། བཛྲ་མུཿ མེ་ལྷ་ཡེ་ཤེས་པ་ཐབ་ཀྱི་ཤར་ལྷོར་བཞུགས་ཤིང་དབང་གི་ཕྲིན་ལས་མཛད་པར་བསམ། དམ་ཚིག་གི་མེ་ལྷ་ལྟོ་བ་ཡངས་ཤིང་རྒྱ་ཆེ་བའི་དབུས་སུ། འབྱུང་བ་རིམ་བརྩེགས་རི་རབ་མེ་དཔུང་ཀློང༔ སླར་ཡང་ཧཱུྃ་ལས་པྃ་བྷྲཱུྃ་ཧཱུྃ་འཕྲོས་པས༔ པདྨ་འདབ་སྟོང་རྡོ་རྗེའི་ས་གཞིའི་དབུས༔ རིན་ཆེན་གཞལ་ཡས་མཚན་ཉིད་ཡོངས་སུ་རྫོགས༔ ནང་དུ་པདྨ་རིན་ཆེན་འཇའ་འོད་འཁྲིགས༔ སེང་གེ་གླང་རྟ་རྨ་བྱ་ཤང་ཤང་ཁྲིར༔ པདྨ་ཉི་ཟླ་དར་ཟབ་ལྷོད་འབོལ་བརྩེགས༔ གཞལ་ཡས་གདན་བཅས་སྣང་སྟོང་འོད་དུ་འབར༔ བྷྲཱུྃ་བི་ཤྭ་བི་ཤུདྡྷེ་ཛྙཱ་ན་མཎྜ་ལ་བྷྲཱུྃ༔ རཏྣ་པདྨ་སཱུརྻ་ཙཎྜ་མཎྜ་ལ་བྷྲཱུྃ༔ ཞེས་གཞལ་ཡས་ཁང་དང་གདན་གསལ་གདབ་ལ། དེ་ནས་སྤྱན་འདྲེན་ནི། ཧཱུྃ་ཧྲཱིཿ འོག་མིན་ཆོས་དབྱིངས་ལྔ་ལྡན་ཞིང་ཁམས་ནས༔ བདེ་གཤེགས་ཚེ་བདག་རིགས་ལྔ་འཁོར་དང་བཅས༔ མོས་པའི་བུ་ལ་བྱིན་གྱིས་བརླབས་པའི་ཕྱིར༔ མྱུར་བ་ཉིད་དུ་གནས་འདིར་གཤེགས་ནས་ཀྱང༔ བྱིན་རླབས་དབང་དང་དངོས་གྲུབ་བསྩལ་བ་དང༔ འགྲོ་བའི་དོན་ཕྱིར་དགྱེས་པར་བཞུགས་སུ་གསོལ༔ བཛྲ་ས་མ་ཡ་ཛཿཛཿ ཞེས་པའི་བར་གྱི་སྤྱན་འདྲེན་གྱི་ཚིག་བརྗོད་པ་དང་ལས་རྡོར་གྱིས་གཙོ་འཁོར་རྣམས་ཀྱི་སྔགས་བརྗོད་ཅིང་སྒྲུབ་དཀྱིལ་ལས་མཎྜལ་མེ་ཏོག་གིས་མཚན་པར་སྤྱན་དྲངས་པས་སློབ་དཔོན་ལ་གཡས་སུ་བསྐོར་ཏེ་གཡོན་ཕྱོགས་ནས་ཕུལ་ཏེ་མེ་ཏོག་ཐབ་ཏུ་དོར་བ་དང་མཉམ་དུ་གཙོ་འཁོར་སོ་སོའི་སྔགས་ལ། ས་མ་ཡ་ཏིཥྛ་ལྷན༔ བཏགས་པ་བརྗོད་མཐར་གསལ་གདབ་པ་ནི། གཞལ་ཡས་དབུས་ཀྱི་སེང་གེའི་ཁྲི་ཡི་སྟེང༔ བཅོམ་ལྡན་མགོན་པོ་རྣམ་སྣང་ཚེ་དཔག་མེད༔ དཀར་གསལ་ལོངས་སྤྱོད་རྫོགས་པའི་ཆས་ཀྱི་སྤྲས༔ མཉམ་བཞག་ཕྱག་ན་ཚེ་བུམ་འཁོར་ལོ་འཛིན༔ རྡོ་རྗེ་སྐྱིལ་ཀྲུང་བཞུགས་པ་དེ་ཡི་པང༔ ཚེ་ཡི་བདག་མོ་དབྱིངས་ཕྱུག་དཀར་མོས་འཁྱུད༔ རིན་ཆེན་རྒྱན་ལྡན་མདའ་དར་ཚེ་བུམ་བསྣམས༔ སྙོམས་འཇུག་བདེ་རོལ་བྱང་སེམས་འཕྲོ་འདུ་ལས༔ རིགས་བཞི་ཚེ་བདག་མཐིང་སེར་དམར་ལྗང་མདོག༔ ཀུན་ཀྱང་ལོངས་སྐུའི་རྒྱན་རྫོགས་མཉམ་བཞག་སྟེང༔ ཚེ་བུམ་རིགས་ཀྱི་ཕྱག་རྒྱས་སྤྲས་པ་འཛིན༔ སྒོ་བཞིར་མགྱོགས་མ་རང་རྟགས་མཚན་མ་འཛིན༔ གཞན་ཡང་རབ་འབྱམས་ཚེ་ལྷ་འཁོར་དང་བཅས༔ སྣང་སྟོང་སྒྱུ་མ་ལྟ་བུའི་སྐུ་རུ་གསལ༔ ཕྱག་འཚལ་བ་ནི། ཧཱུྃ་ཧྲཱིཿ བཅོམ་ལྡན་ཚེ་བདག་རྒྱལ་བ་རིགས་ལྔའི་ལྷ༔ རང་བྱུང་སྐུ་གསུང་ཐུགས་དང་ཡོན་ཏན་ལྡན༔ ཕྲིན་ལས་མཛད་པའི་ཆོ་འཕྲུལ་བསམ་མི་ཁྱབ༔ འཁོར་དང་བཅས་ལ་གུས་པས་ཕྱག་འཚལ་ལོ༔ ཨ་ཏི་པཱུ་ཧོཿ པྲ་ཏཱིཙྪ་ཧོཿ མཆོད་པ་ནི། ཧཱུྃ་ཧྲཱིཿ བླ་མེད་མཆོད་སྤྲིན་ནམ་མཁའི་དབྱིངས་ཁྱབ་པ༔ དཀྱིལ་འཁོར་ལྷ་ཚོགས་རྣམས་ལ་འབུལ་ལགས་ན༔ ཐུགས་རྗེའི་བརྩེ་བས་དགྱེས་པར་བཞེས་ནས་ཀྱང༔ མི་འགྱུར་མི་ཤིགས་ཚེ་དང་ལྡན་པར་མཛོད༔ ཨོཾ་བཛྲ་ཨརྒྷཾ་པ་དྱཱཾསོགས་ཤཔྟ་པཉྩ་ཨ་མྲྀ་ཏ་རཀྟ་བ་ལིཾ་ཏ་པུ་ཛ་ཧོཿ བསྟོད་པ་ནི། ཧཱུྃ་ཧྲཱིཿ ཡེ་ཤེས་ལྔ་བདག་བཅོམ་ལྡན་ཚེ་ཡི་ལྷ༔ རིགས་ལྔ་ཡབ་ཡུམ་སྤྲུལ་པ་འཁོར་དང་བཅས༔ མ་ལུས་རྒྱལ་བ་ཐམས་ཅད་འདུས་པའི་དཔལ༔ སྐུ་བཞིའི་བདག་ཉིད་རྣམས་ལ་ཕྱག་འཚལ་བསྟོད༔ དེ་ནས།དཀྱིལ་འཁོར་པ་དང་བཅས་པའི་ལྷ་ཐམས་ཅད་ལས་ཉི་མ་འཆར་ཀའི་འོད་ཟེར་ལྟ་བུ་ཞིང་ཐམས་ཅད་དུ་ཁྱབ་པར་འཆར་བས་དབང་གི་ཕྲིན་ལས་མཛད་པར་བསམ། བྱོན་སྐྱེམས་ནི། དཀྱིལ་འཁོར་གྱི་ལྷ་རྣམས་ཞལ་འཛུམ་པ་དང་བཅས་པས་ཅུང་ཟད་གདངས་པའི་ལྗགས་དང་གཟར་བུ་གཉིས་ཀྱི་ཁ་ལ་ཧྲཱིཿཡིག་གིས་མཚན་པས་སྲེག་བླུགས་ཀྱི་བདུད་རྩིའི་རྒྱུན་དྲངས་ཏེ་གསོལ་བས་སྐུ་གསུང་ཐུགས་མཉེས་ནས་ཕྲིན་ལས་གང་འདོད་པ་སྩོལ་བར་གྱུར༔ ཨོཾ་བུདྡྷ་ཨ་ཡུརྫྙཱ་ན་ཚེ་བྷྲཱུྃ༔ ལན་བདུན་གྱིས་གཡས་པའི་བླུགས་གཟར་གྱིས་མར་ཁུ་གཡོན་པའི་དགང་གཟར་བཀང་ལ། མཚན་བརྒྱ་རྩ་བརྒྱད་པའི་གཟུངས་ཚར་གཅིག་གིས་མཐར། གཡས་བསྐོར་གྱིས་ཐབ་ཏུ་འབུལ། མཐར། ཧཱུྃ༔ ཡེ་ཤེས་ཀློང་ཡངས་འཁྱིལ་བའི་ཐབ་ཁུང་དུ༔ དམ་རྫས་བདུད་རྩིའི་སྲེག་བླུགས་འདི་འབུལ་གྱིས༔ ཡེ་ཤེས་ལྷ་ཚོགས་ཐུགས་དམ་བསྐང་བ་དང༔ སྒྲུབ་པའི་འབྲས་བུ་དུས་འདིར་བསྩལ་དུ་གསོལ༔ ཞེས་འདོད་དོན་གསོལ། ཚུལ་དེ་ལྟ་བུས་ལན་གསུམ་འབུལ། དེ་ནས་ཡམ་ཤིང་སོགས་སྲེག་རྫས་གཞན་རྣམས་གཙོ་སྔགས་ལན་རེའི་མཐར་རྫས་སྔགས་ཁོ་ནས་བཅུ་ལ་སོགས་པ་ཇི་ལྟར་རིགས་པར་འབུལ་ཞིང༌། རྫས་སྔགས་སོ་སོའི་མཐར། ཧཱུྃ༔ དཀྱིལ་འཁོར་ལྷ་ཚོགས་མ་ལུས་ལ༔ སྲེག་བླུགས་བདུད་རྩི་འདི་ཕུལ་བས༔ རྒྱལ་བློན་རྗེ་འབངས་འབྲུ་བཅུད་དང༔ འབྱོར་ལྡན་སྐྱེ་འགྲོ་ཕོ་མོའི་ཚོགས༔ ཐེག་ཆེན་བློ་ལྡན་དགེ་འདུན་དང༔ ཁྱེའུ་ཕོ་མོ་ལང་ཚོ་ཅན༔ འབྲུ་ནོར་དར་ཟབ་དབྱིག་གི་ཚོགས༔ བདེ་སྐྱིད་ཕུན་སུམ་ཚོགས་པའི་གནས༔ ཐམས་ཅད་བདག་གི་དབང་དུ་བསྡུས༔ ཝཱ་ཤཾ་ཀུ་རུ་ཡེ་སྭཱ་ཧཱ༔ ཞེས་སྦྱར། དེའང་གཙོ་བོ་ལ་བརྒྱ་སོགས། རིགས་བཞི་ལ་བཅུ་ཆའམ་ཕྱེད་ཕྱེད་ཀྱིས་དམན་པར་བྱའོ། །རྫས་རྣམས་རྫོགས་ནས་ལས་བཅོལ་བའི་ཚེ། ལྷ་རྣམས་ཀྱི་ཐུགས་ཀར་ཉི་མ་ལ་གནས་པའི་ཧྲཱིཿཡིག་ལས་འོད་ཟེར་དམར་པོ་ལྕགས་ཀྱུའི་དབྱིབས་ཅན་འཕྲོས་པས་གང་དབང་དུ་བསྡུ་བར་འདོད་པའི་སྙིང་གར་ཕོག་པ་ཙམ་གྱིས་རྡོ་ཁབ་ལེན་གྱིས་ལྕགས་ཕྱེ་བསྡུས་པ་ལྟར་དབང་དུ་བསྡུས་ནས་ཨུཏྤལ་དམར་པོའི་ཞགས་པས་བཅིངས། ལྕགས་ཀྱུའི་སྙིང་ནས་བཏབ། རླུང་གིས་དཀྱིལ་འཁོར་གྱི་བཏེགས་ནས་ཁེངས་སེམས་ཞི་སྟེ། རང་དབང་བརྟན་པ་བྲལ་བའི་ཆགས་པས་ཡིད་གདུངས་ནས་རང་གི་ཞབས་འོག་ཏུ་འཁོད་པར་གྱུར་པར་བསམ་པ་ཁོ་ནའམ། རྩ་སྔགས་ལ། ཝཱ་ཤཾ་ཀུ་རུ་ཡེ་སྭཱ་ཧཱ༔ ཞེས་ཤམ་བུ་ཅན་བཟླ་བའང་འགའ་ཞིག་གི་ཕྱག་བཞེས་སུ་སྣང་བས་ལོངས་སྐབས་དང་སྦྱར་རོ། །དཀྱིལ་འཁོར་གྱི་ལྷ་རྣམས་ཞལ་འཛུམ་པ་དང་བཅས་པས་ཅུང་ཟད་གདངས་བའི་ལྗགས་དང་གཟར་བུ་གཉིས་ཀྱི་ཁ་ལ་ཧྲཱིཿཡིག་གིས་མཚན་པས་སྲེག་བླུགས་ཀྱི་བདུད་རྩིའི་རྒྱུན་དྲངས་ཏེ་གསོལ་བས་སྐུ་གསུང་ཐུགས་མཉེས་ནས་ཕྲིན་ལས་གང་འདོད་པ་སྩོལ་བར་གྱུར༔ ཨོཾ་བུདྡྷ་ཨ་ཡུརྫྙཱ་ན་ཚེ་བྷྲཱུྃ༔ མཚན་བརྒྱ་རྩ་བརྒྱད་པའི་གཟུངས་མཐར། ཧཱུྃ༔ ཡེ་ཤེས་ཀློང་ཡངས་འཁྱིལ་བའི་ཐབ་ཁུང་དུ༔ དམ་རྫས་བདུད་རྩིའི་སྲེག་བླུགས་འདི་འབུལ་གྱིས༔ ཡེ་ཤེས་ལྷ་ཚོགས་ཐུགས་དམ་བསྐང་བ་དང༔ སྒྲུབ་པའི་འབྲས་བུ་དུས་འདིར་བསྩལ་དུ་གསོལ༔ ཞེས་འདོད་གསོལ་སྦྱར་ལ། ལན་གསུམ་འབུལ། ཨོཾ་བཛྲ་ཏམྦུ་ལ་ཡ་སྭཱ་ཧཱ༔ སོ་རྩི་འབུལ། ཨོཾ་བཛྲ་ཝསྟྲཱ་ཡ་སྭཱ་ཧཱ༔ གོས་ཟུང་འབུལ། ཨོཾ་རཏྣ་ཨ་ལཾ་ཀཱ་ར་སྭཱ་ཧཱ༔ ཞེས་རིན་པོ་ཆེའི་རྒྱན་ཕུལ་བར་མོས། དེ་ནས་ཡེ་ཤེས་པའི་མཆོད་པ་ཁ་གསོ་ཞིང༌། ཨོཾ་བཛྲ་ཨརྒྷཾ་པཱ་དྱཾ་སོགས་ཤཔྟ་པཉྩ་ཨ་མྲྀ་ཏ་རཀྟ་བ་ལིཾ་ཏ་པཱུ་ཛ་ཧོ༔ བསྟོད་པ་ནི། ཧཱུྃ་ཧྲཱིཿ ཡེ་ཤེས་ལྔ་བདག་བཅོམ་ལྡན་ཚེ་ཡི་ལྷ༔ རིགས་ལྔ་ཡབ་ཡུམ་སྤྲུལ་པ་འཁོར་དང་བཅས༔ མ་ལུས་རྒྱལ་བ་ཐམས་ཅད་འདུས་པའི་དཔལ༔ སྐུ་བཞིའི་བདག་ཉིད་རྣམས་ལ་ཕྱག་འཚལ་བསྟོད༔ མ་རྙེད་ཡོངས་སུ་མ་ཚང་དང༌། །གང་ཡང་ནུས་པ་མ་མཆིས་པས། །འདི་ནི་བགྱི་བ་གང་ནོངས་པ། །དེ་ཀུན་ཁྱོད་ཀྱིས་བཟོད་མཛད་རིགས། །ཞེས་དང་ཡིག་བརྒྱ་ལན་གསུམ་གྱིས་ནོངས་པ་བཤགས། ཁྱེད་ཀྱི་སེམས་ཅན་སོགས་དང༌། ཨོཾ་ཨཱཿཧཱུྃ་མུཿ ཞེས་བརྗོད་ཅིང༌། སྒྲུབ་མཆོད་དང་འབྲེལ་བའི་ཚེ། དཀྱིལ་འཁོར་པའི་ལྷ་རྣམས་སྒྲུབ་པའི་དཀྱིལ་འཁོར་ལ་གཤེགས་པར་བསམ་ཞིང༌། མཎྜལ་མེ་ཏོག་སྤོས་དང་རོལ་མོས་མཚན་པར་སྒྲུབ་དཀྱིལ་དུ་སྤྱན་དྲངས། གཞལ་ཡས་ཁང་གདན་དང་བཅས་པ་རང་ལ་ཐིམ་པར་བསམ་ཞིང༌། སྲེག་རྐྱང་གི་སྐབས་སུ་ཡེ་ཤེས་པ་ཆོས་དབྱིངས་སུ་གཤེགས་ཤིང་དམ་ཚིག་པ་རང་ལ་བསྡུ། འོན་ཀྱང་བླ་མེད་ཐུན་མོང་མ་ཡིན་པའི་སྐབས་འདིར་དམ་ཡེ་གཉིས་མེད་དབུགས་རྔུབ་པའི་སྦྱོར་བ་དང་བསྟུན། རང་ལ་བསྟིམ་པའི་མི་ཤིགས་པའི་ཐིག་ལེ་དང་རོ་གཅིག་ཏུ་གྱུར་པར་བསམ་ཀྱང་ལེགས་སོ། །གསུམ་པ་རྗེས་ཀྱི་རིམ་པ་ནི། ཐབ་བསང་ཆུས་བྲན་ལ། ཨ་མྲྀ་ཏས་བསང༌། བཛྲ་ས་མཱ་ཛཿ མེ་ལྷ་ཡེ་ཤེས་པ་སྤྱན་དྲངས་ནས་དམ་ཚིག་པ་དང་དབྱེར་མེད་དུ་གྱུར༔ མེ་ལྷའི་ཞལ་འཛུམ་པ་དང་བཅས་པས་ཅུང་ཟད་གདངས་པའི་ལྗགས་ལ་རྃ་ཡིག་གིས་མཚན་པ་དང༌། གཟར་བུ་གཉིས་ཀྱི་ཁ་ལའང་རྃ་ཡིག་གིས་མཚན་པས་སྲེག་བླུགས་ཀྱི་མཆོད་པ་ཕུལ་བས་མཉེས་ཤིང་ཕྲིན་ལས་སྒྲུབ་པར་གྱུར༔ དགང་བླུགས་བཟུང་ལ། ཨོཾ་ཨགྣ་ཡེ་སྭཱ་ཧཱ༔ ཞེས་ལན་བདུན་གྱིས་དགང་གཟར་བཀང་ལ། ཨོཾ་ཨགྣ་ཡེ་ཨཱ་དཱི་བྱ་བ་ཧྣཱ་ཡ་ཧ་བྱ་ཀ་བྱ་བ་ཧྣཱ་ཡ་སྭཱ་ཧཱ༔ ཞེས་གཡས་བསྐོར་གྱིས་ལན་གསུམ་འབུལ། ཧོཿ དྲང་སྲོང་མེ་ལྷའི་ལྷ་ཚོགས་རྣམས༔ སྲེག་བླུགས་མཆོད་པ་འདི་བཞེས་ལ༔ རྒྱལ་བློན་རྗེ་འབངས་འབྲུ་བཅུད་དང༔ འབྱོར་ལྡན་སྐྱེ་འགྲོ་ཕོ་མོའི་ཚོགས༔ ཐེག་ཆེན་བློ་ལྡན་དགེ་འདུན་དང༔ ཁྱེའུ་ཕོ་མོ་ལང་ཚོ་ཅན༔ འབྲུ་ནོར་དར་ཟབ་དབྱིག་གི་ཚོགས༔ བདེ་སྐྱིད་ཕུན་སུམ་ཚོགས་པའི་གནས༔ ཐམས་ཅད་བདག་གི་དབང་དུ་བསྡུས༔ ཝཱ་ཤཾ་ཀུ་རུ་ཡེ་སྭཱ་ཧཱ༔ ཞེས་ལན་གཅིག་གིས་འབུལ། རྫས་ལྷག་རྣམས། ཨོཾ་བོ་དྷི་བྲིཀྵ་ཡ་སྭཱ་ཧཱ༔ ཨོཾ་ཨགྣ་ཡེ་སྭཱ་ཧཱ༔ ཨོཾ་སརྦ་པཱ་པཾ་ད་ཧ་ན་བཛྲ་ཡ་སྭཱ་ཧཱ༔ ཨོཾ་སརྦ་སམྦ་དེ་སྭཱ་ཧཱ༔ ཨོཾ་བཛྲ་པུཥྚཱ་ཡ་སྭཱ་ཧཱ༔ ཨོཾ་བཛྲ་བི་ཛ་ཡ་སྭཱ་ཧཱ༔ ཨོཾ་མ་ཧཱ་བེ་གཱ་ཡ་སྭཱ་ཧཱ༔ ཨོཾ་མ་ཧཱ་བ་ལ་ཡ་སྭཱ་ཧཱ༔ ཨོཾ་བཛྲ་གྷསྨ་རི་སྭཱ་ཧཱ༔ ཨོཾ་བཛྲ་ཨཱ་ཡུ་ཥེ་སྭཱ་ཧཱ༔ ཨོཾ་ཨ་པྲ་ཏི་ཧ་ཏ་བཛྲ་ཡ་སྭཱ་ཧཱ༔ ཨོཾ་བཛྲ་ཥཱི་བ་ཡ་སྭཱ་ཧཱ༔ ཨོཾ་ཨཱ་ཧ་ར་ཨཱ་ཧ་ར་སརྦ་བིདྱཱ་དྷ་ར་བཛྲ་པཱུ་ཛི་ཏེ་ཨཱཿཧཱུྃ༔ ལན་རེས་འབུལ། ཧོཿ དྲང་སྲོང་མེ་ལྷའི་ལྷ་ཚོགས་རྣམས༔ སྲེག་བླུགས་མཆོད་པ་འདི་བཞེས་ལ༔ རྒྱལ་བློན་རྗེ་འབངས་འབྲུ་བཅུད་དང༔ འབྱོར་ལྡན་སྐྱེ་འགྲོ་ཕོ་མོའི་ཚོགས༔ ཐེག་ཆེན་བློ་ལྡན་དགེ་འདུན་དང༔ ཁྱེའུ་ཕོ་མོ་ལང་ཚོ་ཅན༔ འབྲུ་ནོར་དར་ཟབ་དབྱིག་གི་ཚོགས༔ བདེ་སྐྱིད་ཕུན་སུམ་ཚོགས་པའི་གནས༔ ཐམས་ཅད་བདག་གི་དབང་དུ་བསྡུས༔ ཝཱ་ཤཾ་ཀུ་རུ་ཡེ་སྭཱ་ཧཱ༔ རྫས་ལྷག་རྣམས་བཞག་ཏུ་མི་རུང་བས། ཐམས་ཅད་ལྷག་མེད་དུ་དབུལ་བར་བྱའོ། །མེ་ལྷའི་གཏོར་མ་བྲན་ལ། ཨ་ཀཱ་རོས་བྱིན་བརླབས། ཨོཾ་ཨགྣ་ཡེ་ས་པ་རི་ཝཱ་ར་ཨི་དམ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི༔ ལན་གསུམ་གྱིས་འབུལ། མེ་ལྷ་འཁོར་དང་བཅས་པ་ཡི༔ མཆོད་སྦྱིན་གཏོར་མ་འདི་བཞེས་ལ༔ རྒྱལ་བློན་རྗེ་འབངས་འབྲུ་བཅུད་དང༔ འབྱོར་ལྡན་སྐྱེ་འགྲོ་ཕོ་མོའི་ཚོགས༔ ཐེག་ཆེན་བློ་ལྡན་དགེ་འདུན་དང༔ ཁྱེའུ་ཕོ་མོ་ལང་ཚོ་ཅན༔ འབྲུ་ནོར་དར་ཟབ་དབྱིག་གི་ཚོགས༔ བདེ་སྐྱིད་ཕུན་སུམ་ཚོགས་པའི་གནས༔ ཐམས་ཅད་བདག་གི་དབང་དུ་བསྡུས༔ ཝཱ་ཤཾ་ཀུ་རུ་ཡེ་སྭཱ་ཧཱ༔ ཞེས་ཕྲིན་ལས་བཅོལ། ཨོཾ་ཨགྣ་ཡེ་ས་པ་རི་ཝཱ་ར་པུཥྤེ་སོགས་ཤཔྟ་པྲ་ཏཱིཙྪ་སྭཱ་ཧཱ༔ ཞེས་མཆོད་ལ་བསྟོད་པ་ནི། ཧཱུྃ༔ ཚངས་དབང་འཇིག་རྟེན་མགོན་གྱི་སྲས༔ མེ་ལྷའི་རྒྱལ་པོ་དྲང་སྲོང་མཆོག༔ མཐུ་སྟོབས་རྫུ་འཕྲུལ་བསམ་མི་ཁྱབ༔ འཁོར་དང་བཅས་ལ་ཕྱག་འཚལ་བསྟོད༔ ཅེས་དང༌། སྲེག་བླུགས་དམ་ཚིག་ལས་འདས་ཤིང༔ ཆོ་ག་ལྷག་ཆད་འགལ་འཁྲུལ་སོགས༔ ཉེས་པའི་ཚོགས་རྣམས་མཐོལ་ལོ་བཤགས༔ བཟོད་པར་བཞེས་ནས་དངོས་གྲུབ་སྩོལ༔ ཞེས་དང་ཡིག་བརྒྱས་ནོངས་པ་བཤགས། ཨོཾ་བཛྲ་ཏམྦུ་ལ་ཡ་སྭཱ་ཧཱ༔ སོ་རྩི་འབུལ། ཨོཾ་བཛྲ་ཝཱསྟྲཱ་ཡ་སྭཱ་ཧཱ༔ གོས་ཟུང་འབུལ། བདག་གི་དོན་དང་གཞན་གྱི་དོན༔ སྒྲུབ་བྱེད་བསྲེག་བྱ་ཟ་བ་གཤེགས༔ ཇི་སྲིད་དུས་སུ་ཚུར་བྱོན་ལ༔ བདག་གི་དངོས་གྲུབ་ཐམས་ཅད་སྒྲུབས༔ བཛྲ་མུཿ ཞེས་མེ་ལྷ་ཡེ་ཤེས་པ་རང་གནས་སུ་གཤེགས། དམ་ཚིག་པ་རང་གི་ལྟེ་བའི་ཨ་ཤད་ལ་ཐིམ་པར་གྱུར། ལས་མཇུག་བྲོ་ཡི་བསྡུ་བ་ནི། ཟངས་ཀྱི་ཕུར་བུ་འདྲིལ། བྲོ་ར་ཟླ་གམ་དུ་མོས་ལ། ཧཱུྃ༔ གཏུམ་ཆེན་འབར་བ་ཁྲོ་བོའི་ཚོགས༔ ཆོས་ཀྱི་དབྱིངས་ནས་སྐུར་བཞེངས་ལ༔ ཡེ་ཤེས་བྲོ་དང་གླུ་ལ་བསྐུལ༔ སྙིང་པོའི་དཀྱིལ་འཁོར་ཆེན་པོ་འདིར༔ དཔལ་ཆེན་ཡབ་ཡུམ་འགྱིང་ཞིང་རོལ༔ ཁྲོ་བོའི་ཚོགས་རྣམས་སྤྲིན་ལྟར་གཏིབས༔ ཁྲོ་མོའི་ཚོགས་རྣམས་ལས་ལ་རྔམས༔ ཁྲོ་ཆུང་མང་པོ་སྤྲུལ་པར་འགྱེད༔ ཀཾ་ཀ་འདབ་ཆགས་སྐར་ལྟར་འཁྲུགས༔ གཅན་གཟན་མུ་ཁ་སྤྲིན་ལྟར་འཐིབས༔ དཔལ་གྱི་བྲོ་ཆེན་འདི་ལྟར་བརྡུངས༔ ནུབ་ཏུ་དབང་གི་བྲོ་བརྡུངས་པས༔ རྒྱལ་བློན་ཁྱེའུ་ཕོ་མོ་དང༔ འབྲུ་ནོར་ཐེག་ཆེན་དགེ་འདུན་བསྡུས༔ དབང་དུ་མ་བསྡུས་གང་ཡང་མེད༔ ཝཱ་ཤཾ་ཀུ་རུ་ཡེ་སྭཱ་ཧཱ༔ ཧཱུྃ༔ ཆོས་ཀྱི་དབྱིངས་ཀྱི་བྲོ་ར་འདིར༔ རིག་པ་ཡེ་ཤེས་བྲོ་ཆེན་བརྡུངས༔ དབྱིངས་ཡེ་ཟུང་འཇུག་གླུ་བླངས་པས༔ བྲོ་ནི་སྐྱེ་བ་མེད་པའི་བྲོ༔ གླུ་ནི་འགག་པ་མེད་པའི་གླུ༔ སྐྱེ་འགག་གནས་བྲལ་བྲོ་བརྡུངས་པས༔ བདག་ཏུ་ལྟ་བའི་ཉོན་མོངས་འཇོམས༔ གསང་བའི་དགྲ་གསུམ་བསད་པའི་བྲོ༔ འཇིགས་པའི་བདུད་བཞི་བཅོམ་པའི་བྲོ༔ རྫོགས་པ་ཆེན་པོའི་བྲོ་བརྡུངས་པས༔ ཐམས་ཅད་ཆོས་ཀྱི་དབྱིངས་སུ་ཐིམ༔ ཨོཾ་ལཾ་ཧཱུྃ་ལཾ་སྟྭཾ་བྷ་ཡ་ནན༔ ཅེས་བརྡུངས་ལ། མཐར་དགེ་བའི་རྩ་བ་བླ་མེད་བྱང་ཆུབ་ཏུ་བསྔོ་ཞིང་ཤིས་པ་བརྗོད་པས་མཐའ་རྒྱས་སུ་བྱ། སྒྲུབ་མཆོད་སྲེག་རྐྱང་གང་ཡིན་ཀྱང་དཀྱིལ་འཁོར་རྗེས་ཀྱི་བྱ་བ་སྲུང་མའི་གཏོར་འབུལ་སོགས་ཕྱག་ལེན་དཀྱུས་མཐུན་བྱ་ཞིང༌། དེ་ལྟར་སྦྱིན་སྲེག་བྱས་པའི་མེ་ལ་དཀྲུགས་བདལ་ལ་སོགས་མི་བྱ་བར་མེ་རང་ཞིའམ་མྱོས་བྱེད་ཀྱི་ཁུ་བས་གཞིལ་བའི་ཐལ་བ་རི་རྩེ་ལམ་སྲང་ཚོང་འདུས་ལ་སོགས་པར་རླུང་ཆེན་ལ་བསྐྱོད་དུ་གཞུག་གོ། །།

[edit]

@#/_gsum pa dbang gi sbyin sreg la/_tshong 'dus chen po dang*/_smad 'tshong ma'i mal 'og sa yi thab steng tsan+dan dmar po'i chus chag chag btab la tshangs zur gyi thig btab/_dbus nas sor nyi shu pa gcig bskor/_de nas dbus nas shar du sor lnga btsal ba'i sar mtshan ma byas te/_g.yas g.yon du bskor nas bcad kha zla gam bya/_mu ran dang kha khyer yang sor drug pa re bya'o/_/me tog dmar po gcal du bkram/_shing dmar po dang mngar ba'i rigs can dang*/_'om bu sogs zla gam du brtsigs/_stegs kheb rdzas dang mchod gtor sogs zhi ba ltar la dbyibs dang kha dog dmar po bsgyur ba dang yam shing 'om bu/_rdzas gzhan rnams la yang chang dang*/_mngar gsum gyis sbags shing spel ba dang*/_gal che na yid bsgyur dang chags bskyed kyi rdzas kyang sbyar/_slob dpon chas gos dmar po rin po che dmar po'i rgyan bcas pad+ma'i 'dug stangs kyis zhal nub tu phyogs par bzhugs/_de nas sbyin sreg khol sgrub skabs bdag bskyed rgyas bsdus ji ltar rigs pa bsgoms shing las bum bdud rtsi 'khyil ba'i bskyed bzlas bya/_sgrub mchod dang 'brel ba'i tshe rtsa bsnyen la/_phaT dzaHbtags pa brjod pas/_rang nyid dkyil 'khor gyi gtso bo las mar me gcig las gnyis mched kyi tshul du gar gyi dbang phyug tshe dpag med zhal gcig phyag gnyis pa'i rnam par thon nas sbyin sreg gi las rim la 'jug par mos la/_rdor dril/_a mr-i tas bsang*/_swa b+hA was sbyang*/_stong pa'i ngang las rdo rje thabs kyi rang bzhin ye shes lnga'i ngo bo oM ma hA badz+ra hU~M/_zhes lag g.yas kyi rdo rje gsor zhing snying gar bzung*/_dril bu shes rab kyi rang bzhin stong nyid chos kyi sgra dbyangs sgrogs pa/_oM badz+ra gaN+De AH_g.yon pas dril bu dkrol zhing dkur bsten/_gnyis ka'ang don dam byang chub sems kyi rang bzhin thugs kar 'khyud rgya byas la/_oM sarba ta thA ga ta ma hA a nu rA ga Na badz+ra swa b+hA wa at+ma ko\u0f85 haM/_zhes dam tshig gsum dran par byas la/_cho ga ma grub kyi bar du yid ting nge 'dzin/_lag rdor dril dang ma bral bar bya'o/_/dgang blugs bsang sbyang*/_rang gi snying ga nas 'od zer 'phros ye shes lha'i thugs rgyud bskul/_thabs dang shes rab kyi rang bzhin ye shes sems dpa'i 'od zer gyi tshul du bkug dgang blugs la thim pas dngos grub 'byung ba'i dam tshig gi yo byad du gyur/_mchod bsreg gi rdzas rnams bsang chus bran/_a mr-i tas bsang*/_swa b+hA was sbyang*/_trAM las bde ba chen po'i zhing khams dbus:_b+h+rU~M las rin po che yi gzhal yas khang:_rin chen snod du hU~M las mchod yon dang:_zhabs bsil me tog bdug spos mar me dang:_dri chab zhal zas kun bzang mchod sprin spro:_hrIHlas rol mo'i gzhal yas khang du gyur:_oM badz+ra ar+g+haM AHhU~M:_pA d+yaM sogs shap+ta AHhU~M:_oM AHhU~M sarba pany+tsa a mr-i ta hU~M hrIHTha:_oM AHhU~M ma hA rak+ta dz+wa la maN+Da la hU~M hrIHTha:_oM AHhU~M ma hA ba liM ta te dzo ba liM ta ba la ba te gu h+ya sa ma ya hU~M hrIHThaH_zhes byin gyis brlabs/_bsreg rdzas rnams bdud rtsis bran la/_rdo rje rtse gcig pa'i phyag rgyas reg cing*/_oM swA hA/_phyag rgya de nyid kyis yam shing la/_oM AHswA hA/_zhun mar/_oM shrIM swA hA/_'bru rnams la/_oM dz+riM swA hA/_rdzas gzhan rnams la/_oM ku ru ku ru swA hA/_rdzas rnams kyi ma dag pa'i nyes skyon thams cad sbyangs te stong par gyur/_stong pa'i ngang las rdzas rnams b+h+rU~M las rin po che'i snod du oM AHhU~M zhu ba las byung ba'i ngo bo ye shes kyi bdud rtsi rnam pa bsreg rdzas so sor gyur pas lha rnams mnyes shing srid zhi'i legs tshogs thams cad dbang du 'du ba'i mthu dang ldan par gyur/_oM AHhU~M:_gcig_/oM bo d+hi brik+Sha ya swA hA/_gsum/_de bzhin du/_oM AHhU~M/_oM ag+na ye swA hA/_oM AHhU~M/_oM sarba pA paM da ha na badz+ra ya swA hA/_oM AHhU~M/_oM sarba sam+ba de swA hA/_oM AHhU~M/_oM badz+ra puSh+TA ya swA hA/_oM AHhU~M/_oM badz+ra bi dza swA hA/_oM AHhU~M/_oM ma hA be gA ya swA hA/_oM AHhU~M/_oM ma hA ba la ya swA hA/_oM AHhU~M/_oM badz+ra g+hasma ri swA hA/_oM AHhU~M/_oM badz+ra A yu She swA hA/_oM AHhU~M/_oM a pra ti ha ta badz+ra ya swA hA/_oM AHhU~M/_oM badz+ra ShI ba ya swA hA/_oM AHhU~M/_oM A ha ra A ha ra sarba bid+yA d+ha ra badz+ra pU dzi te AHhU~M/_gsum re brjod pas byin gyis brlabs/_smad 'tshong ma'i lag nas byung ba'i me sbar zhing*/_hU~M:_chos dbyings rnam dag skye med ngang nyid las:_skye ba'i cho 'phrul 'bar ba'i byin rlabs las:_ye shes rnam par rol pa'i me sbar bas:_dbang gi phrin las ma lus myur 'grub shog:_dz+nyA na dz+wa la raM/_zhes g.yas bskor gyis thab tu bcug__hU~M hU~M hU~M:_zhes rlung g.yab kyis bskul/_de nas ku sha sngo ljang dri ma med pa las chus bran/_a mr-i tas bsang*/_oM/_ku sha 'di ni gtsang zhing dge_/tshangs pa lha rnams dag byed yin/_/dkon mchog gsum ni mnyes byed pa/_/sa las skyes pa 'dab ma'i snying*/_/bdag gi bgegs rnams thams cad ni/_/zhi dang bkra shis mdzad du gsol/_/zhes dang*/_swA hA/_lan lnga brjod rim bzhin ku sha gnyis rtse mo gshibs par rang gi g.yon nas brtsams te thab la g.yas bskor gyis byang*/_shar/_lho/_nub rnams su dgram pa/_rtse mo rnams rim pa ltar nub/_byang*/_shar/_lho ru bstan pa rnams kyi rtse mos sngon ma rnams kyi rtsa ba non par bya zhing*/_slar yang rtse mo nub tu bstan pa ba glang gi rna ba lta bu'i ku sha ha cang mi ring bas steng nas g.yogs par bya'o/_/thab bsang sbyang*/_stong pa'i ngang las hrIHlas dbang gi thab khung dmar po zla gam mtshan nyid thams cad yongs su rdzogs pa'i nang du pad+ma dmar po lcags kyu hrIHsa mtshan par gyur:_de las drang srong me lha sku mdog dmar po chags pa'i nyams can lcags kyu dang me thab 'dzin pa/_yid du 'ong ba'i me tog dmar po'i rgyan can:_ra skyes dmar po'i khri la bzhugs pa:_de'i spyi bor oM:_mgrin par AH_thugs kar hU~M las 'od zer 'phros pas me lha 'khor bcas spyan drangs par bsam la/_g.yas mi 'jigs pa'i rgyas sor mo bsgreng zhing mthe bong g.yab pa dang bcas pas/_hU~M:_dad pa dang ni dam tshig gis:_tshur gshegs tshur gshegs 'byung po che:_me lha'i rgyal po drang srong mchog:_sreg blugs mchod pa bzhes slad du:_'di nyid du ni gshegs su gsol:_oM ag+na e h+ya ye hi:_zhes spyan drangs/_oM big+h+nA na ta kr-ita phaT:_zhes yungs kar thab tu gtor la phyi 'brang gi bgegs bskrad/_ku sha rgya gram du bcings pa 'phang la/_sa ma ya tiSh+Tha lhan/_zhes gdan 'bul/_dzaHhU~M baM hoHsa dbyer med du bstims la/_na mo na maH_oM ag+na ye sa pa ri wA ra ar+g+haM pra tIts+tsha ye swA hA:_nas _shap+ta'i bar gyis mchod/_de nas byon skyems ni/_me lha zhal 'dzum pa dang bcas pas cung zad gdangs pa'i ljags la ra~M yig gis mtshan pa dang gzar bu gnyis kyi kha la'ang ra~M yig gis mtshan pas sreg blugs kyi mchod pa phul bas mnyes shing phrin las sgrub par gyur/_lag gnyis khu tshur mtheb mdzub bam/_mtheb srin rtse sprad pa pad+ma'i phyag rgyas dgang blugs bzung la/_oM ag+na ye swA hA/_zhes lan bdun gyis mar khus dgang gzar bkang la/_oM ag+na ye A di byA bah+nA ya ha bya ka bya ba h+nA ye swA hA:_zhes g.yas bskor gyi lan gsum 'bul/_mthar/_hoH_drang srong me lha'i lha tshogs rnams:_sreg blugs mchod pa 'di bzhes la:_rgyal blon rje 'bangs 'bru bcud dang:_'byor ldan skye 'gro pho mo'i tshogs:_theg chen blo ldan dge 'dun dang:_khye'u pho mo lang tsho can:_'bru nor dar zab dbyig gi tshogs:_bde skyid phun sum tshogs pa'i gnas:_thams cad bdag gi dbang du bsdus:_wA shaM ku ru ye swA hA:_zhes lan gcig gis 'bul zhing me pra brtag_/dmigs pa ni/_bsreg rdzas phul bas me lha mnyes te 'od zer nyi ma 'char ka'i mdog lta bu'i spros pa'i rtsal las ut+pal dmar po'i lcags kyu rnon pos khams gsum snod bcud gang 'dod pa'i don thams cad dbang du bsdus par bsam/_de nas rdzas rnams la zhu ba'i rang bzhin can rnams zhal dang*/_yam shing*/_dUrba/_ku sha sogs 'od kyi dkyil 'khor dang*/_zho zan dang til sogs phyag tu 'bul bar mos te/_lag gis bzung du btub pa rnams g.yas pa'i mtheb srin sbyar ba'i mchod sbyin gyi tshul dang*/_de las gzhan rnams blugs gzar gyis 'bul/_de nas rdzas rnams rim bzhin du 'bul/_yam shing*/_oM bo d+hi brik+Sha ya swA hA:_mar khu/_oM ag+na ye swA hA:_til/_oM sarba pA paM da ha na badz+ra ya swA hA:_zas mchog_/oM sarba sam+ba de swA hA:_'bras/_oM badz+ra puSh+TA ya swA hA:_so ba/_oM badz+ra bi dza ya swA hA:_nas/_oM ma hA be gA ya swA hA:_sran ma/_oM ma hA ba la ya swA hA:_gro/_oM badz+ra g+hasma ri swA hA:_dUrba/_oM badz+ra A yu She swA hA:_ku sha/_oM a pra ti ha ta badz+ra ya swA hA:_shing thog_/oM badz+ra ShI ba ya swA hA:_rdzas gzhan la/_oM A ha ra A ha ra sarba bid+yA d+ha ra badz+ra pU dzi te AHhU~M:_lan bdun re'i mthar/_hoH_drang srong me lha'i lha tshogs rnams:_sreg blugs mchod pa 'di bzhes la:_rgyal blon rje 'bangs 'bru bcud dang:_'byor ldan skye 'gro pho mo'i tshogs:_theg chen blo ldan dge 'dun dang:_khye'u pho mo lang tsho can:_'bru nor dar zab dbyig gi tshogs:_bde skyid phun sum tshogs pa'i gnas:_thams cad bdag gi dbang du bsdus:_wA shaM ku ru ye swA hA:_tshul 'dis mtshon te rdzas thams cad la 'dod gsol 'di kho na sbyar/_rdzas rdzogs pa dang*/_na mo/_rigs pa'i rgyal po khyod kyi las thams cad byed pas sreg rdzas lha'i zhal du 'bul ba dang*/_me nyid ye shes kyi mer byin gyis brlabs nas khams gsum gyi lha 'dre mi gsum khyad par mkhas grub rgyal blon bstan la gnod pa'i dgra bgegs rlung sems snang ba thams cad dbang du 'du ba'i phrin las mdzad du gsol/_zhes 'dod don gsol/_de dag gi dmigs pa ni/_bder 'dus gzhung las/_bsreg rdzas bdud rtsi 'bul bas me lha mnyes te/_'od zer byung nas bdag gi thugs kar phog pas/_lus ngag yid gsum gyi sgrib pa bsregs te/_slar 'od zer chu rgyun lta bus bkrus nas/_bshang ba'i lam nas thon par bsam pa'am/_yang na me lha'i 'od kyis lus ngag yid gsum gyi sdig pa la sogs pa snying ga nas sam/_ba spu'i bu ga thams cad nas bton te/_rdzas la bstims pas mchod pa ni man ngag go_/de bzhin du nad dang dgra dang 'byung po'i gdon la sogs pa thams cad la yang sbyar bar bya'o/_/gal te pha ma'am slob dpon la sogs pa'i ched du byed na'ang de bzhin du bya'o/_/zhes gsungs/_nongs bshags ni/_bdag cag dus ngan pa'i sems can du gyur pas dus rnams 'dzol ba dang*/_rdzas dang yo byad ma tshang ba dang*/_sngags dang cho ga ma dag pa dang*/_lha dang ting nge 'dzin ma gsal ba la sogs pa nyes pa thams cad drang srong chen po khyed kyi bzod par mdzad du gsol/_gnyis pa 'das pa'i me lha mchod pa la gnyis/_sgrub mchod dang ma 'brel ba dang*/_'brel ba'o/_/dang po ltar na/_bud shing cung zad kha gso bsang chu 'thor la/_bsang sbyang*/_me lha ye shes pa shar lhor gshegs/_dam tshig pa lto ba yangs shing rgya che ba'i dbus su 'chi med tshe dpag med sgyu 'phrul drwa ba'i dkyil 'khor rten dang brten par bcas pa thams cad gsal zhing yongs su rdzogs pa/_'od zer dmar po'i phreng ba mkha' khyab tu spro bar gyur/_ces pa tsam mam/_spro na gzhung gi lha bskyed yongs rdzogs sbyar/_de nas spyan 'dren/_bzhugs gsol/_phyag mchod/_sman raka gtor gsum sngags tsam/_bstod pa tshang bar grub nas/_'og gi dkyil 'khor pa dang bcas pa'i lha thams cad sogs nas byon skyems la 'jug pa yin no/__/gnyis pa sgrub mchod dang 'brel ba'i skabs bud shing kha gsos la/_badz+ra muH_me lha ye shes pa thab kyi shar lhor bzhugs shing dbang gi phrin las mdzad par bsam/_dam tshig gi me lha lto ba yangs shing rgya che ba'i dbus su/_'byung ba rim brtsegs ri rab me dpung klong:_slar yang hU~M las pa~M b+h+rU~M hU~M 'phros pas:_pad+ma 'dab stong rdo rje'i sa gzhi'i dbus:_rin chen gzhal yas mtshan nyid yongs su rdzogs:_nang du pad+ma rin chen 'ja' 'od 'khrigs:_seng ge glang rta rma bya shang shang khrir:_pad+ma nyi zla dar zab lhod 'bol brtsegs:_gzhal yas gdan bcas snang stong 'od du 'bar:_b+h+rU~M bi shwa bi shud+d+he dz+nyA na maN+Da la b+h+rU~M:_rat+na pad+ma sUr+Ya tsaN+Da maN+Da la b+h+rU~M:_zhes gzhal yas khang dang gdan gsal gdab la/_de nas spyan 'dren ni/_hU~M hrIH_'og min chos dbyings lnga ldan zhing khams nas:_bde gshegs tshe bdag rigs lnga 'khor dang bcas:_mos pa'i bu la byin gyis brlabs pa'i phyir:_myur ba nyid du gnas 'dir gshegs nas kyang:_byin rlabs dbang dang dngos grub bstsal ba dang:_'gro ba'i don phyir dgyes par bzhugs su gsol:_badz+ra sa ma ya dzaHdzaH_zhes pa'i bar gyi spyan 'dren gyi tshig brjod pa dang las rdor gyis gtso 'khor rnams kyi sngags brjod cing sgrub dkyil las maN+Dal me tog gis mtshan par spyan drangs pas slob dpon la g.yas su bskor te g.yon phyogs nas phul te me tog thab tu dor ba dang mnyam du gtso 'khor so so'i sngags la/_sa ma ya tiSh+Tha lhan:_btags pa brjod mthar gsal gdab pa ni/_gzhal yas dbus kyi seng ge'i khri yi steng:_bcom ldan mgon po rnam snang tshe dpag med:_dkar gsal longs spyod rdzogs pa'i chas kyi spras:_mnyam bzhag phyag na tshe bum 'khor lo 'dzin:_rdo rje skyil krung bzhugs pa de yi pang:_tshe yi bdag mo dbyings phyug dkar mos 'khyud:_rin chen rgyan ldan mda' dar tshe bum bsnams:_snyoms 'jug bde rol byang sems 'phro 'du las:_rigs bzhi tshe bdag mthing ser dmar ljang mdog:_kun kyang longs sku'i rgyan rdzogs mnyam bzhag steng:_tshe bum rigs kyi phyag rgyas spras pa 'dzin:_sgo bzhir mgyogs ma rang rtags mtshan ma 'dzin:_gzhan yang rab 'byams tshe lha 'khor dang bcas:_snang stong sgyu ma lta bu'i sku ru gsal:_phyag 'tshal ba ni/_hU~M hrIH_bcom ldan tshe bdag rgyal ba rigs lnga'i lha:_rang byung sku gsung thugs dang yon tan ldan:_phrin las mdzad pa'i cho 'phrul bsam mi khyab:_'khor dang bcas la gus pas phyag 'tshal lo:_a ti pU hoH_pra tIts+tsha hoH_mchod pa ni/_hU~M hrIH_bla med mchod sprin nam mkha'i dbyings khyab pa:_dkyil 'khor lha tshogs rnams la 'bul lags na:_thugs rje'i brtse bas dgyes par bzhes nas kyang:_mi 'gyur mi shigs tshe dang ldan par mdzod:_oM badz+ra ar+g+haM pa d+yAMsogs shap+ta pany+tsa a mr-i ta rak+ta ba liM ta pu dza hoH_bstod pa ni/_hU~M hrIH_ye shes lnga bdag bcom ldan tshe yi lha:_rigs lnga yab yum sprul pa 'khor dang bcas:_ma lus rgyal ba thams cad 'dus pa'i dpal:_sku bzhi'i bdag nyid rnams la phyag 'tshal bstod:_de nas/dkyil 'khor pa dang bcas pa'i lha thams cad las nyi ma 'char ka'i 'od zer lta bu zhing thams cad du khyab par 'char bas dbang gi phrin las mdzad par bsam/_byon skyems ni/_dkyil 'khor gyi lha rnams zhal 'dzum pa dang bcas pas cung zad gdangs pa'i ljags dang gzar bu gnyis kyi kha la hrIHyig gis mtshan pas sreg blugs kyi bdud rtsi'i rgyun drangs te gsol bas sku gsung thugs mnyes nas phrin las gang 'dod pa stsol bar gyur:_oM bud+d+ha a yur+dz+nyA na tshe b+h+rU~M:_lan bdun gyis g.yas pa'i blugs gzar gyis mar khu g.yon pa'i dgang gzar bkang la/_mtshan brgya rtsa brgyad pa'i gzungs tshar gcig gis mthar/_g.yas bskor gyis thab tu 'bul/_mthar/_hU~M:_ye shes klong yangs 'khyil ba'i thab khung du:_dam rdzas bdud rtsi'i sreg blugs 'di 'bul gyis:_ye shes lha tshogs thugs dam bskang ba dang:_sgrub pa'i 'bras bu dus 'dir bstsal du gsol:_zhes 'dod don gsol/_tshul de lta bus lan gsum 'bul/_de nas yam shing sogs sreg rdzas gzhan rnams gtso sngags lan re'i mthar rdzas sngags kho nas bcu la sogs pa ji ltar rigs par 'bul zhing*/_rdzas sngags so so'i mthar/_hU~M:_dkyil 'khor lha tshogs ma lus la:_sreg blugs bdud rtsi 'di phul bas:_rgyal blon rje 'bangs 'bru bcud dang:_'byor ldan skye 'gro pho mo'i tshogs:_theg chen blo ldan dge 'dun dang:_khye'u pho mo lang tsho can:_'bru nor dar zab dbyig gi tshogs:_bde skyid phun sum tshogs pa'i gnas:_thams cad bdag gi dbang du bsdus:_wA shaM ku ru ye swA hA:_zhes sbyar/_de'ang gtso bo la brgya sogs/_rigs bzhi la bcu cha'am phyed phyed kyis dman par bya'o/_/rdzas rnams rdzogs nas las bcol ba'i tshe/_lha rnams kyi thugs kar nyi ma la gnas pa'i hrIHyig las 'od zer dmar po lcags kyu'i dbyibs can 'phros pas gang dbang du bsdu bar 'dod pa'i snying gar phog pa tsam gyis rdo khab len gyis lcags phye bsdus pa ltar dbang du bsdus nas ut+pal dmar po'i zhags pas bcings/_lcags kyu'i snying nas btab/_rlung gis dkyil 'khor gyi btegs nas khengs sems zhi ste/_rang dbang brtan pa bral ba'i chags pas yid gdungs nas rang gi zhabs 'og tu 'khod par gyur par bsam pa kho na'am/_rtsa sngags la/_wA shaM ku ru ye swA hA:_zhes sham bu can bzla ba'ang 'ga' zhig gi phyag bzhes su snang bas longs skabs dang sbyar ro/_/dkyil 'khor gyi lha rnams zhal 'dzum pa dang bcas pas cung zad gdangs ba'i ljags dang gzar bu gnyis kyi kha la hrIHyig gis mtshan pas sreg blugs kyi bdud rtsi'i rgyun drangs te gsol bas sku gsung thugs mnyes nas phrin las gang 'dod pa stsol bar gyur:_oM bud+d+ha a yur+dz+nyA na tshe b+h+rU~M:_mtshan brgya rtsa brgyad pa'i gzungs mthar/_hU~M:_ye shes klong yangs 'khyil ba'i thab khung du:_dam rdzas bdud rtsi'i sreg blugs 'di 'bul gyis:_ye shes lha tshogs thugs dam bskang ba dang:_sgrub pa'i 'bras bu dus 'dir bstsal du gsol:_zhes 'dod gsol sbyar la/_lan gsum 'bul/_oM badz+ra tam+bu la ya swA hA:_so rtsi 'bul/_oM badz+ra was+t+rA ya swA hA:_gos zung 'bul/_oM rat+na a laM kA ra swA hA:_zhes rin po che'i rgyan phul bar mos/_de nas ye shes pa'i mchod pa kha gso zhing*/_oM badz+ra ar+g+haM pA d+yaM sogs shap+ta pany+tsa a mr-i ta rak+ta ba liM ta pU dza ho:_bstod pa ni/_hU~M hrIH_ye shes lnga bdag bcom ldan tshe yi lha:_rigs lnga yab yum sprul pa 'khor dang bcas:_ma lus rgyal ba thams cad 'dus pa'i dpal:_sku bzhi'i bdag nyid rnams la phyag 'tshal bstod:_ma rnyed yongs su ma tshang dang*/_/gang yang nus pa ma mchis pas/_/'di ni bgyi ba gang nongs pa/_/de kun khyod kyis bzod mdzad rigs/_/zhes dang yig brgya lan gsum gyis nongs pa bshags/_khyed kyi sems can sogs dang*/_oM AHhU~M muH_zhes brjod cing*/_sgrub mchod dang 'brel ba'i tshe/_dkyil 'khor pa'i lha rnams sgrub pa'i dkyil 'khor la gshegs par bsam zhing*/_maN+Dal me tog spos dang rol mos mtshan par sgrub dkyil du spyan drangs/_gzhal yas khang gdan dang bcas pa rang la thim par bsam zhing*/_sreg rkyang gi skabs su ye shes pa chos dbyings su gshegs shing dam tshig pa rang la bsdu/_'on kyang bla med thun mong ma yin pa'i skabs 'dir dam ye gnyis med dbugs rngub pa'i sbyor ba dang bstun/_rang la bstim pa'i mi shigs pa'i thig le dang ro gcig tu gyur par bsam kyang legs so/_/gsum pa rjes kyi rim pa ni/_thab bsang chus bran la/_a mr-i tas bsang*/_badz+ra sa mA dzaH_me lha ye shes pa spyan drangs nas dam tshig pa dang dbyer med du gyur:_me lha'i zhal 'dzum pa dang bcas pas cung zad gdangs pa'i ljags la ra~M yig gis mtshan pa dang*/_gzar bu gnyis kyi kha la'ang ra~M yig gis mtshan pas sreg blugs kyi mchod pa phul bas mnyes shing phrin las sgrub par gyur:_dgang blugs bzung la/_oM ag+na ye swA hA:_zhes lan bdun gyis dgang gzar bkang la/_oM ag+na ye A dI bya ba h+nA ya ha bya ka bya ba h+nA ya swA hA:_zhes g.yas bskor gyis lan gsum 'bul/_hoH_drang srong me lha'i lha tshogs rnams:_sreg blugs mchod pa 'di bzhes la:_rgyal blon rje 'bangs 'bru bcud dang:_'byor ldan skye 'gro pho mo'i tshogs:_theg chen blo ldan dge 'dun dang:_khye'u pho mo lang tsho can:_'bru nor dar zab dbyig gi tshogs:_bde skyid phun sum tshogs pa'i gnas:_thams cad bdag gi dbang du bsdus:_wA shaM ku ru ye swA hA:_zhes lan gcig gis 'bul/_rdzas lhag rnams/_oM bo d+hi brik+Sha ya swA hA:_oM ag+na ye swA hA:_oM sarba pA paM da ha na badz+ra ya swA hA:_oM sarba sam+ba de swA hA:_oM badz+ra puSh+TA ya swA hA:_oM badz+ra bi dza ya swA hA:_oM ma hA be gA ya swA hA:_oM ma hA ba la ya swA hA:_oM badz+ra g+hasma ri swA hA:_oM badz+ra A yu She swA hA:_oM a pra ti ha ta badz+ra ya swA hA:_oM badz+ra ShI ba ya swA hA:_oM A ha ra A ha ra sarba bid+yA d+ha ra badz+ra pU dzi te AHhU~M:_lan res 'bul/_hoH_drang srong me lha'i lha tshogs rnams:_sreg blugs mchod pa 'di bzhes la:_rgyal blon rje 'bangs 'bru bcud dang:_'byor ldan skye 'gro pho mo'i tshogs:_theg chen blo ldan dge 'dun dang:_khye'u pho mo lang tsho can:_'bru nor dar zab dbyig gi tshogs:_bde skyid phun sum tshogs pa'i gnas:_thams cad bdag gi dbang du bsdus:_wA shaM ku ru ye swA hA:_rdzas lhag rnams bzhag tu mi rung bas/_thams cad lhag med du dbul bar bya'o/_/me lha'i gtor ma bran la/_a kA ros byin brlabs/_oM ag+na ye sa pa ri wA ra i dam ba liM ta kha kha khA hi khA hi:_lan gsum gyis 'bul/_me lha 'khor dang bcas pa yi:_mchod sbyin gtor ma 'di bzhes la:_rgyal blon rje 'bangs 'bru bcud dang:_'byor ldan skye 'gro pho mo'i tshogs:_theg chen blo ldan dge 'dun dang:_khye'u pho mo lang tsho can:_'bru nor dar zab dbyig gi tshogs:_bde skyid phun sum tshogs pa'i gnas:_thams cad bdag gi dbang du bsdus:_wA shaM ku ru ye swA hA:_zhes phrin las bcol/_oM ag+na ye sa pa ri wA ra puSh+pe sogs shap+ta pra tIts+tsha swA hA:_zhes mchod la bstod pa ni/_hU~M:_tshangs dbang 'jig rten mgon gyi sras:_me lha'i rgyal po drang srong mchog:_mthu stobs rdzu 'phrul bsam mi khyab:_'khor dang bcas la phyag 'tshal bstod:_ces dang*/_sreg blugs dam tshig las 'das shing:_cho ga lhag chad 'gal 'khrul sogs:_nyes pa'i tshogs rnams mthol lo bshags:_bzod par bzhes nas dngos grub stsol:_zhes dang yig brgyas nongs pa bshags/_oM badz+ra tam+bu la ya swA hA:_so rtsi 'bul/_oM badz+ra wAs+t+rA ya swA hA:_gos zung 'bul/_bdag gi don dang gzhan gyi don:_sgrub byed bsreg bya za ba gshegs:_ji srid dus su tshur byon la:_bdag gi dngos grub thams cad sgrubs:_badz+ra muH_zhes me lha ye shes pa rang gnas su gshegs/_dam tshig pa rang gi lte ba'i a shad la thim par gyur/_las mjug bro yi bsdu ba ni/_zangs kyi phur bu 'dril/_bro ra zla gam du mos la/_hU~M:_gtum chen 'bar ba khro bo'i tshogs:_chos kyi dbyings nas skur bzhengs la:_ye shes bro dang glu la bskul:_snying po'i dkyil 'khor chen po 'dir:_dpal chen yab yum 'gying zhing rol:_khro bo'i tshogs rnams sprin ltar gtibs:_khro mo'i tshogs rnams las la rngams:_khro chung mang po sprul par 'gyed:_kaM ka 'dab chags skar ltar 'khrugs:_gcan gzan mu kha sprin ltar 'thibs:_dpal gyi bro chen 'di ltar brdungs:_nub tu dbang gi bro brdungs pas:_rgyal blon khye'u pho mo dang:_'bru nor theg chen dge 'dun bsdus:_dbang du ma bsdus gang yang med:_wA shaM ku ru ye swA hA:_hU~M:_chos kyi dbyings kyi bro ra 'dir:_rig pa ye shes bro chen brdungs:_dbyings ye zung 'jug glu blangs pas:_bro ni skye ba med pa'i bro:_glu ni 'gag pa med pa'i glu:_skye 'gag gnas bral bro brdungs pas:_bdag tu lta ba'i nyon mongs 'joms:_gsang ba'i dgra gsum bsad pa'i bro:_'jigs pa'i bdud bzhi bcom pa'i bro:_rdzogs pa chen po'i bro brdungs pas:_thams cad chos kyi dbyings su thim:_oM laM hU~M laM s+t+waM b+ha ya nan:__ces brdungs la/_mthar dge ba'i rtsa ba bla med byang chub tu bsngo zhing shis pa brjod pas mtha' rgyas su bya/_sgrub mchod sreg rkyang gang yin kyang dkyil 'khor rjes kyi bya ba srung ma'i gtor 'bul sogs phyag len dkyus mthun bya zhing*/_de ltar sbyin sreg byas pa'i me la dkrugs bdal la sogs mi bya bar me rang zhi'am myos byed kyi khu bas gzhil ba'i thal ba ri rtse lam srang tshong 'dus la sogs par rlung chen la bskyod du gzhug go/_//