DKR-KABUM-20-WA-003

🚧 This website is under continued development. We appreciate your patience!

Previous Text Back to Volume PageNext Text

Wylie title	snyan brgyud snying gi gsang mdzod las/_yi dam zhi ba rdo rje sems dpa'i phyi nang gsang ba yang gsang dang bcas pa'i sgrub thabs ye shes gsang thig bklag chog tu bkod pa bde chen sgyu 'phrul rdo rje'i rol rtsed
Location	dil mgo mkhyen brtse bka' 'bum Volume 20, Text 3, Pages 25-73 (Folios 1a to 49b6)
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Tertön	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་ (Khyentse, Dilgo)
Associated People	གཉགས་ཛྙཱ་ན་ཀུ་མཱ་ར་ (gnyags dz+nyA na ku mA ra)
Citation	Khyentse, Dilgo. Snyan brgyud snying gi gsang mdzod las/_yi dam zhi ba rdo rje sems dpa'i phyi nang gsang ba yang gsang dang bcas pa'i sgrub thabs ye shes gsang thig bklag chog tu bkod pa bde chen sgyu 'phrul rdo rje'i rol rtsed. In Skyabs rje dil mgo mkhyen brtse rin po che'i bka' 'bum, Vol. 20: 25-73. Delhi: Shechen Publications, 1994.
Genre	Sadhanas - Evocation Ritual - sgrub thabs
Cycle	སྙན་བརྒྱུད་སྙིང་གི་གསང་མཛོད་ (snyan brgyud snying gi gsang mdzod)
Deity	rdo rje sems dpa'
Colophon	Author colophon: །ཅེས་ཟབ་གསང་འདི་ཉིད་སྐལ་བཟང་གི་བཙས་སུ་ཐོབ་པ་ན། ཁྱབ་བདག་རྡོ་རྗེ་སེམས་དངོས་འཇམ་མགོན་བླ་མ་རིན་པོ་ཆེར་ཕུལ་བས་དགྱེས་པ་ཆེན་པོས་སྨིན་གྲོལ་གྱི་ཐོག་མའི་མཆོད་སྤྲིན་དབུལ་དགོས་པའི་བཀའ་བསྩལ་བཞིན། འོག་མིན་བླ་མའི་གདན་ས་བཀྲ་ཤིས་འཆི་མེད་གྲུབ་པའི་དགའ་ཚལ་དུ་གུས་འབུལ་ཞུས་སྐབས་དབང་དང་ལས་བྱང་ལ་འཇུག་བདེའི་ཆོག་ཁྲིགས་ཤིག་དགོས་ཚུལ་གསུངས་ཀྱང༌། དུས་ངན་གྱི་འགྱུར་བས་གངས་ལྗོངས་ཀྱི་བསྟན་འགྲོ་མཐའ་དག་ཤིན་ཏུ་ཉམ་ཉེས་པའི་སྐབས་སུ་གྱུར་པས་རེ་ཞིག་བཏང་སྙོམས་སུ་ཐལ་བ་དང༌། ཟབ་གསང་སྙིང་པོའི་རྣལ་འབྱོར་དབྱིངས་རིག་བྱང་ཆུབ་དབང་པོས་བསྙེན་སྒྲུབ་ཉམས་བཞེས་ཀྱི་བརྩོན་པ་ཆེན་པོས་སྔ་ཕྱིར་བཀས་བསྐུལ་ཡང་ཡང་གནང་བ་དང༌། གཞན་ཡང་འོད་གསལ་ཐེག་པ་མཆོག་གི་ལམ་ལ་མི་ཕྱེད་པའི་དད་བརྩོན་ཅན་བླ་མ་རཏྣ་རསྨིའི་ཡབ་སྲས་དང༌། རེབ་གོང་སྔགས་པ་འཇིགས་མེད་སྐལ་བཟང༌། ངེས་གསང་བསྟན་པའི་རྒྱན་མཆོག་འཁྲུལ་ཞིག་རིན་པོ་ཆེ་འགྱུར་མེད་མདོ་སྔགས་བསྟན་འཛིན་སོགས་སྐྱེས་ཆེན་དུ་མས་ཚུལ་འདིའི་སྨིན་གྲོལ་གསན་ཅིང་ཆོག་ཁྲིགས་དགོས་པའི་གསུང་བསྐུལ་གནང་བ་བཞིན། འཇུག་བདེ་དཀྱུས་གཅིག་ཏུ་བཀོད་པ་པོ་སྔ་འགྱུར་བཀའ་གཏེར་རྒྱ་མཚོའི་ཆོས་མཛོད་རྣམས་ཀྱི་བྱིན་རླབས་ལ་རང་དབང་དུ་སྤྱོད་པའི་སྐལ་བ་ཅན་རིག་པ་འཛིན་པ་པདྨ་གར་དབང་བདེ་ཆེན་འོད་གསལ་གླིང་པས་ལྷོ་ལྗོངས་ཕུན་ཚོགས་ཆོས་གླིང་དུ་རྫོགས་པར་སྦྱར་བའི་ཡི་གེ་པ་ནི་དད་བློ་རྣམ་པར་གསལ་བ་དགེ་སྦྱོང་ཨོ་རྒྱན་གཞན་ཕན་གྱིས་བགྱིས་པ་སྟེ་འདིས་ཀྱང་མཁའ་ཁྱབ་ཡིད་ཅན་རྒྱ་མཚོ་བདེ་ཆེན་རྡོ་རྗེ་སེམས་དཔའི་གསང་གསུམ་ཡེ་ཤེས་ཀྱི་སྣང་བ་ལ་འདོད་རྒུར་རྩེན་པའི་རྒྱུར་གྱུར་ཅིག །མངྒ་ལཾ། དགེའོ།། Editor colophon: །།ཚུལ་འདི་མཛད་པ་པོ་འདི་ཕྱིའི་རེ་ལྟོས་ཀྱི་མགོན་གཅིག་སྐྱབས་རྗེ་རིན་པོ་ཆེའི་བཀའ་དགོངས་བཞིན་གང་གི་འབངས་ཐ་པད་བཀོད་ཀྱི་སྒམ་པོ་པའི་སྤྲུལ་མིང་ཙམ་འཛིན་པ་འགྱུར་མེད་ཨོ་རྒྱན་བསྟན་འཛིན་ཉི་མས་ཡང་ཡང་བཀའ་འདྲི་ཞུས་ཏེ་ཞུ་དག་གི་སྲི་ཞུ་བསྒྲུབས་པར་བྱས་པ་ཡིན་ནོ།།
	Author colophon: /ces zab gsang 'di nyid skal bzang gi btsas su thob pa na/_khyab bdag rdo rje sems dngos 'jam mgon bla ma rin po cher phul bas dgyes pa chen pos smin grol gyi thog ma'i mchod sprin dbul dgos pa'i bka' bstsal bzhin/_'og min bla ma'i gdan sa bkra shis 'chi med grub pa'i dga' tshal du gus 'bul zhus skabs dbang dang las byang la 'jug bde'i chog khrigs shig dgos tshul gsungs kyang*/_dus ngan gyi 'gyur bas gangs ljongs kyi bstan 'gro mtha' dag shin tu nyam nyes pa'i skabs su gyur pas re zhig btang snyoms su thal ba dang*/_zab gsang snying po'i rnal 'byor dbyings rig byang chub dbang pos bsnyen sgrub nyams bzhes kyi brtson pa chen pos snga phyir bkas bskul yang yang gnang ba dang*/_gzhan yang 'od gsal theg pa mchog gi lam la mi phyed pa'i dad brtson can bla ma rat+na rasmi'i yab sras dang*/_reb gong sngags pa 'jigs med skal bzang*/_nges gsang bstan pa'i rgyan mchog 'khrul zhig rin po che 'gyur med mdo sngags bstan 'dzin sogs skyes chen du mas tshul 'di'i smin grol gsan cing chog khrigs dgos pa'i gsung bskul gnang ba bzhin/_'jug bde dkyus gcig tu bkod pa po snga 'gyur bka' gter rgya mtsho'i chos mdzod rnams kyi byin rlabs la rang dbang du spyod pa'i skal ba can rig pa 'dzin pa pad+ma gar dbang bde chen 'od gsal gling pas lho ljongs phun tshogs chos gling du rdzogs par sbyar ba'i yi ge pa ni dad blo rnam par gsal ba dge sbyong o rgyan gzhan phan gyis bgyis pa ste 'dis kyang mkha' khyab yid can rgya mtsho bde chen rdo rje sems dpa'i gsang gsum ye shes kyi snang ba la 'dod rgur rtsen pa'i rgyur gyur cig_/mang+ga laM/_dge'o// Editor colophon: //tshul 'di mdzad pa po 'di phyi'i re ltos kyi mgon gcig skyabs rje rin po che'i bka' dgongs bzhin gang gi 'bangs tha pad bkod kyi sgam po pa'i sprul ming tsam 'dzin pa 'gyur med o rgyan bstan 'dzin nyi mas yang yang bka' 'dri zhus te zhu dag gi sri zhu bsgrubs par byas pa yin no//

Tibetan Text

Wylie

[edit]

༄༅། །སྙན་བརྒྱུད་སྙིང་གི་གསང་མཛོད་ལས། ཡི་དམ་ཞི་བ་རྡོ་རྗེ་སེམས་དཔའི་ཕྱི་ནང་གསང་བ་ཡང་གསང་དང་བཅས་པའི་སྒྲུབ་ཐབས་ཡེ་ཤེས་གསང་ཐིག་བཀླག་ཆོག་ཏུ་བཀོད་པ་བདེ་ཆེན་སྒྱུ་འཕྲུལ་རྡོ་རྗེའི་རོལ་རྩེད་ཅེས་བྱ་བ་བཞུགས།།

༄༅། །དངོས་ཀུན་བདེ་ཆེན་དག་པའི་ཡེ་ཤེས་མདངས། །སྒྱུ་འཕྲུལ་དྲྭ་བའི་རོལ་པ་བསམ་ཡས་ཀྱིས། །གྲུབ་གཉིས་བདེ་བླག་སྟེར་མཛད་རིགས་ཀུན་བདག །བླ་མ་རྡོ་རྗེ་སེམས་དཔས་དགེ་ལེགས་སྩོལ། །རྡོ་རྗེའི་གསང་གསུམ་རྣམ་རོལ་རིམ་གཉིས་ཀྱི། །རིག་འཛིན་གྲུབ་མཐའ་སྙོགས་ལ་མི་བསླུ་བ། །རྒྱུད་ལུང་བཀའ་གཏེར་མན་ངག་དགོངས་པ་བཞིན། །འཇུག་བདེའི་ཕྲིན་ལས་སྐལ་བཟང་བཙས་སུ་དབྱེ། །འདི་ལ་བཞི། ཕྱི་བསགས་སྦྱོང་སྙིང་པོར་བྱེད་པའི་སྒྲུབ་པ། ནང་རིགས་གསུམ་ཞི་ཁྲོ་གཅིག་དྲིལ་དུ་སྒྲུབ་པ། གསང་བ་རྡོ་རྗེ་རྣམ་འཇོམས་ལྟར་སྒྲུབ་པ། ཡང་གསང་རིགས་བརྒྱའི་དཀྱིལ་འཁོར་ལྟར་སྒྲུབ་པའོ། །དང་པོ་ལ་སྦྱོར་དངོས་རྗེས་གསུམ་ལས། དང་པོ་སྔོན་འགྲོ་སྦྱོར་བའི་ཆོས་ལའང་བཞི་ལས་དང་པོ་ཡོ་བྱད་བཤམ་པ་ནི། གཙང་མའི་གནས་ཁང་བྱི་དོར་བྱས་ཤིང་རྒྱན་བཀོད་མཛེས་པར་བསྟར་བའི་གུང་དུ་གཞུང་མཐུན་གྱི་སྐུ་རྟེན་བཀྲམ་པའི་སྤྱན་སྔར་རྡུལ་ཚོན་གྱི་པདྨ་འདབ་བརྒྱད་དམ། མཎྜལ་སྟེང་འབྲུ་དཀར་གྱི་ཚོམ་བུ་གཅིག་བཀོད་པ། མཐའ་བསྐོར་དུ་ཉེར་སྤྱོད་བདུན་གྱི་མཆོད་པས་གཡས་སུ་མཛེས་པར་བསྐོར། མཆོད་པའི་མཎྜལ་དྲི་བཟང་གིས་སྦགས་པའི་འབྲུ་སྨན་དང་རིན་པོ་ཆེ་སྣ་ལྔ་བཅས་འདུ་བྱས་ལ། སྒྲུབ་པ་པོ་རྣམས་ཁྲུས་དང་གཙང་སྦྲ་ལ་གནས་པས་བདེ་བའི་སྟན་ལ་འཁོད་དེ། ངེས་འབྱུང་དང་སྙིང་རྗེ་གཞན་ཕན་གྱི་བསམ་པའི་ཀུན་སློང་དང་བཅས་པས། གཉིས་པ་སྐྱབས་སུ་འགྲོ་བ་ནི། བརྒྱུད་པའི་གསོལ་འདེབས་སྔོན་དུ་བཏང་ནས། མདུན་གྱི་ནམ་མཁར་བླ་མ་རྡོ་རྗེ་སེམས་དཔའ་དཀོན་མཆོག་རྩ་གསུམ་རྒྱ་མཚོའི་སྤྲིན་ཕུང་འཕྲོ་བ་བཛྲ་ས་མཱ་ཛཿས་ཚོགས་ཞིང་གསལ་གདབ་སྟེ། ན་མོ༔ བླ་མ་དཀོན་མཆོག་གསུམ་གྱི་དངོས༔ ཁྱབ་བདག་རྡོ་རྗེ་སེམས་དཔའ་ལ༔ བདག་དང་མཐའ་ཡས་སེམས་ཅན་རྣམས༔ བྱང་ཆུབ་བར་དུ་སྐྱབས་སུ་མཆི༔ ལན་གསུམ། གསུམ་པ་སེམས་བསྐྱེད་པ་ནི། བླ་མ་རྡོ་རྗེ་སེམས་དཔའ་ཡིས༔ བྱང་ཆུབ་ཐུགས་ནི་བསྐྱེད་པ་ལྟར༔ བདག་གིས་འགྲོ་ལ་ཕན་དོན་དུ༔ བྱང་ཆུབ་མཆོག་ཏུ་སེམས་བསྐྱེད་དོ༔ ལན་གསུམ། བཛྲ་མུཿས་ཚོགས་ཞིང་རྣམས་རང་ལ་ཐིམ་པར་བསམ་མོ། །བཞི་པ་མཆོད་རྫས་བྱིན་གྱིས་རློབ་པ་ནི། སངས་རྒྱས་བྱང་སེམས་བྱིན་རླབས་དང༌། །བདག་གི་བསོད་ནམས་སྨོན་ལམ་སྟོབས། །རིག་སྔགས་མཐུ་ཡིས་མཆོད་རྫས་རྣམས། །ཀུན་བཟང་སྤྱོད་ལས་མངོན་མཐོ་བའི། །མཆོད་སྤྲིན་རྒྱ་ཆེན་འཕྲོ་གྱུར་ཅིག །ན་མཿསརྦ་བུདྡྷ་བོ་དྷི་སཏྭ་བྷྱཿ སརྦ་ཐཱ་ཁྃ་ཨུདྒ་ཏེ་སྥ་ར་ཎ་ཨི་མཾ་ག་ག་ན་ཁཾ་ས་མནྟ་སྭཱ་ཧཱ། ལན་བརྒྱད་བརྗོད། གཉིས་པ་དངོས་གཞི་ལ་བཞི་ལས་དང་པོ་ཚོགས་རྟེན་གསལ་གདབ་པ་ནི། ཨ༔ བདག་གི་ཚངས་པའི་གནས་ཉིད་དུ༔ པད་དཀར་ཟླ་བ་རྒྱས་པའི་སྟེང༔ ཧཱུྃ་ཡིག་ཆུ་ཤེལ་ལྟར་འཚེར་བའི༔ འོད་ཀྱིས་སྤྲོ་བསྡུས་དོན་གཉིས་བྱས༔ ཡོངས་གྱུར་བཅོམ་ལྡན་རྡོ་རྗེ་སེམས༔ དྲི་མེད་ཟླ་བ་རྒྱས་པའི་མདོག༔ མཚན་དཔེའི་གཟི་བྱིན་མཆོག་ཏུ་འབར༔ ཞི་འཛུམ་ཚུལ་དགུས་སྒེག་པའི་སྐུ༔ རིན་ཆེན་དར་གྱི་རྒྱན་ཆས་མཛེས༔ ཕྱག་གཡས་རྡོ་རྗེ་ཐུགས་ཀར་གཏོད༔ གཡོན་པས་དྲིལ་བུ་དཀུ་ལ་བརྟེན༔ སེམས་དཔའི་སྐྱིལ་ཀྲུང་འོད་ཟེར་འབར༔ རྒྱལ་ཀུན་སྤྲོ་དང་བསྡུ་བ་ཡི༔ བདག་པོ་མཆོག་ཏུ་ཡང་དག་བཞུགས༔ སངས་རྒྱས་རྣམས་ནི་ཐམས་ཅད་ཀྱི༔ རྡོ་རྗེའི་གསང་བ་ཡོངས་རྫོགས་པའི༔ གནས་གསུམ་ཨོཾ་ཨཱཿཧཱུྃ་འོད་ཀྱིས། །ཡེ་ཤེས་སྤྱན་དྲངས་གཉིས་མེད་ཐིམ། །གཉིས་པ་དྲངས་བསྟིམ་དབང་བསྐུར་བ་ནི། ཨོཾ། ཡོད་མེད་སྟོང་པ་ཤིན་ཏུ་རྣལ་འབྱོར་མཐུས། །ནམ་མཁའ་བཞིན་དུ་དམ་ཚིག་ཉེ་བར་གནས། །བདེ་མཆོག་བདེ་བར་གཤེགས་པ་དགོངས་སུ་གསོལ། །རྡོ་རྗེ་སེམས་དཔའ་སྐལ་བཟང་དཔལ་ཁྱོད་བདག །ཛཿཧཱུྃ་བཾ་ཧོཿ ཞེས་རྡོ་རྗེའི་གླུས་སྤྱན་དྲངས་པའི་ཡེ་ཤེས་པ་རྣམས། ཨེ་ཧྱེ་ཧི་མ་ཧཱ་ཀ་རུ་ཎི་ཀ་དྲྀ་ཤྱ་ཧོཿ ས་མ་ཡ་ཧོཿ ས་མ་ཡ་སྟྭཾ། ཨོཾ་བཛྲ་ཨངྐུ་ཤ་ཛཿ ཨོཾ་བཛྲ་པཱ་ཤ་ཧཱུྃ། ཨོཾ་བཛྲ་སྥོ་ཊ་བྃ། ཨོཾ་བཛྲ་གཎྜེ་ཧོཿ ཞེས་ཕྱག་རྒྱ་བཞིས་དམ་ཚིག་སེམས་དཔའ་ལ་དབྱེར་མེད་དུ་བསྟིམ། སླར་ཡང་དབང་ལྷ་སྤྱན་དྲངས་ནས༔ ཡེ་ཤེས་བདུད་རྩིའི་དབང་བསྐུར་བས༔ རིགས་བདག་མི་བསྐྱོད་གཙོར་གྱུར་པའི༔ བདེ་གཤེགས་རིགས་ལྔས་དབུ་བརྒྱན་གྱུར༔ གསུམ་པ་བསགས་སྦྱོང་གི་སྙིང་པོ་ཡན་ལག་བདུན་འབུལ་བ་ནི། རྒྱས་པར་འདོད་ན་རྡོར་སེམས་བླ་མཆོད་ལྟར་སྦྱར་ཡང་རུང་མོད། སྤྲོས་པ་འཚམས་པའི་ཕྱིར། ཧོཿ དགོངས་ཀློང་དབྱེར་མེད་བརྡ་ཡིས་མཚོན༔ སྙན་བརྒྱུད་བདུད་རྩིས་སྐལ་ལྡན་སྐྱོང༔ བྱིན་རླབས་ཐུགས་རྗེའི་བདག་ཉིད་ཆེ༔ རྩ་བརྒྱུད་བླ་མ་ལ་ཕྱག་འཚལ༔ ཆོས་སྐུའི་ངང་ལས་ལོངས་སྤྱོད་རྫོགས༔ སྤྲུལ་པའི་སྒྱུ་འཕྲུལ་ཅིར་ཡང་སྟོན༔ དངོས་གྲུབ་རྣམ་གཉིས་ཆར་བཞིན་འབེབས༔ ཡི་དམ་ཞི་ཁྲོ་ལ་ཕྱག་འཚལ༔ ལྷན་སྐྱེས་ངང་ལས་མ་གཡོས་བཞིན༔ ཞིང་སྔགས་ཌཱ་ཀིའི་སྤྲིན་ཕུང་འཕྲོ༔ མཆོག་ཐུན་ཕྲིན་ལས་གློག་ལྟར་འཁྱུགས༔ གནས་གསུམ་མཁའ་འགྲོ་ལ་ཕྱག་འཚལ༔ རིག་འཛིན་བླ་མའི་བཀའ་བཞིན་དུ༔ རྣལ་འབྱོར་སྒྲུབ་མཆོག་བུ་བཞིན་སྐྱོང༔ ལེགས་ཉེས་སྟངས་འཛིན་བར་ཆད་སེལ༔ ཆོས་སྲུང་གཏེར་བདག་ལ་ཕྱག་འཚལ༔ ཕྱག་བྱར་འོས་པ་ཐམས་ཅད་ལ༔ སྒོ་གསུམ་གུས་པས་དད་ཕྱག་འཚལ༔ ཉམས་ཆག་སྡིག་སྒྲིབ་ཞི་བ་དང༔ ཡེ་ཤེས་རྒྱས་པར་བྱིན་གྱིས་རློབས༔ ཨོཾ་གུ་རུ་སརྦ་ཏ་ཐཱ་ག་ཏ་ཀཱ་ཡ་ཝཱ་ཀ་ཙིཏྟ་པྲ་ཎ་མེ་ན་བནྡྷ་ནཾ་ཀ་རོ་མི༔ སྤྲོ་ན་མཎྜལ་ཚོམ་བུ་སོ་བདུན་མ་འབུལ་ཞིང༌། ཨོཾ་ཨཱ་ཧཱུྃ༔ ཆོས་དབྱིངས་རང་བྱུང་དག་པའི་ཞིང༔ ཀུན་བཟང་རིགས་ལྔ་སྒྱུ་འཕྲུལ་རྒྱན༔ གང་འདུལ་སྤྲུལ་པའི་བཀོད་པ་ཅན༔ བླ་མ་རྡོ་རྗེ་སེམས་དཔར་འབུལ༔ ཨོཾ་རཏྣ་མཎྜལ་ལ་པཱུ་ཛ་ས་མ་ཡ་ཧོ༔ ཞེས་འབུལ། ཨོཾ༔ དངོས་སུ་འབྱོར་དང་ཡིད་ཀྱིས་སྤྲུལ༔ རབ་འབྱམས་ཞིང་གི་མཆོད་པའི་སྤྲིན། །བླ་མ་རྡོ་རྗེ་སེམས་དཔར་འབུལ༔ དགྱེས་བཞེས་དམ་སྐོང་དངོས་གྲུབ་སྩོལ༔ ཨོཾ་གུ་རུ་སརྦ་ཏ་ཐཱ་ག་ཏ་བཛྲ་ཨརྒྷཾ་ནས། ཤབྡ་པྲ་ཏཱིཙྪ་སྭཱ་ཧཱ། གཞན་ཡང༌། ཨོཾ། རབ་འབྱམས་ཕྱོགས་བཅུའི་འཇིག་རྟེན་ཐམས་ཅད་ཀྱི། །འདོད་པའི་ཡོན་ཏན་དྲུག་ལྡན་མཆོད་པའི་སྤྲིན༔ རྒྱལ་སྲིད་སྣ་བདུན་བཀྲ་ཤིས་རྫས་རྟགས་བརྒྱད། །རིན་ཆེན་སྣ་བདུན་ཉེ་བའི་རིན་ཆེན་བདུན། །སྒྲུབ་རྫས་སྣ་ཚོགས་བདུད་རྩི་སྨན་མཆོག་དང༌། །བསྟོད་དབྱངས་རོལ་མོ་ལྷ་རྫས་ཁྲུས་རྒྱན་དང༌། །རྡོ་རྗེ་ལྷ་མོ་བཅུ་དྲུག་ལ་སོགས་པ། །བདག་གཞན་ལུས་དང་ལོངས་སྤྱོད་རྒྱུར་བྱས་པའི། །འཇིག་རྟེན་འཇིག་རྟེན་འདས་པའི་མཆོད་པའི་སྤྲིན། །དངོས་འབྱོར་ཡིད་སྤྲུལ་ཟག་མེད་མཆོད་པ་བཅས། །མ་ལུས་ལུས་མེད་ཀུན་བཟང་བདེ་ཆེན་གཏེར། །རྡོ་རྗེ་སེམས་དཔའ་འཁོར་དང་བཅས་ལ་འབུལ། །ཨོཾ་མ་ཧཱ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཨཱཿཧཱུྃ། བཤགས་པ་སོགས་ཡན་ལག་ལྷག་མ་རྣམས་ནི། རྒྱས་པར་སྤྲོ་ན་སྤྱི་བཤགས་བླ་མ་རྡོར་འཛིན་ཀྱང་བཏང༌། དཀྱུས་སུ། གང་ཞིག་ཐོག་མེད་སྲིད་པའི་ཆུ་ཀླུང་དུ། །མ་ལུས་ཀུན་རྟོག་གིས་བསགས་རྙོག་པ་རྣམས། །ཐུགས་རྗེ་ཆེ་ལྡན་སྤྱན་སྔར་དེ་དག་ནི། །ཆོ་ག་བཞིན་དུ་ཐམས་ཅད་བཤགས་པར་བགྱི། །རྫོགས་སངས་རྒྱས་དང་བྱང་ཆུབ་སེམས་དཔའ་དང༌། །འཕགས་པ་གཞན་གྱིས་དགེ་བ་གང་མཛད་པ། །མ་ལུས་འགྲོ་བའི་བསོད་ནམས་རྒྱ་མཚོའི་ཚོགས། །དེ་དག་ཀུན་ལ་རྗེས་སུ་ཡི་རང་ངོ༌། །མོས་དང་བསམ་པ་ཇི་བཞིན་ཟབ་པ་དང༌། །རྒྱ་ཆེའི་ཆོས་འཁོར་ཆད་པ་མེད་པར་བསྐུལ། །སྤྲུལ་པ་འགྲོ་ལ་སྨན་སླད་རྟག་བཞུགས་གསོལ། །བསོད་ནམས་བླ་མེད་བྱང་ཆུབ་ཕྱིར་བསྔོའོ། །ཞེས་པའི་བར་གྱི་ཡན་ལག་བདུན་གྱི་བསགས་སྦྱོང་རྣམས་ལན་གསུམ་སོགས་ཇི་ལྟར་རིགས་པ་བྱ། བཞི་པ་ཛཔ་བསྐུལ་དང་དམིགས་བཟླས་བཤགས་པ་རྣམས་ནི། ཨོཾ། བདེ་བ་ཆེན་པོ་རིགས་ཀུན་བདག །བླ་མ་རྡོར་སེམས་ཧེ་རུ་ཀཿ རེ་ལྟོས་ཁྱེད་ལས་གཞན་མེད་པས༔ སྡིག་ལྡན་བདག་ལ་རྗེས་སུ་དགོངས༔ འཇིགས་རུང་སྲིད་པའི་སྡུག་བསྔལ་དང༔ ཉོན་མོངས་མ་ལུས་སྦྱོང་དུ་གསོལ༔ ཁྱེད་ནི་བདེ་ཆེན་ཡེ་ཤེས་བརྙེས༔ སྟོབས་བཅུའི་ཕྲིན་ལས་བསམ་མི་ཁྱབ༔ འགྲོ་བའི་མགོན་པོ་ཉིད་ལགས་ན༔ མ་གཡེལ་ཐུགས་རྗེ་ཆེན་པོས་སྐྱོངས༔ ཞེས་མོས་གུས་དྲག་པོས་ཐུགས་རྒྱུད་བསྐུལ་ཏེ། བཟླས་པས་ཐུགས་དམ་རྒྱུད་བསྐུལ་བས༔ ས་བོན་སྔགས་ཀྱི་ཕྲེང་བ་ལས༔ བདུད་རྩི་འོ་རྒྱུན་ལྟ་བུར་བབ༔ ཞབས་ཀྱི་མཐེ་བོང་ལས་ཐོན་ནས༔ པདྨ་ལས་བྱུང་སྤྱི་བོར་ཞུགས༔ ལུས་གང་ནད་གདོན་སྡིག་སྒྲིབ་དང༔ སྡུག་བསྔལ་དྲུག་གི་ཚོགས་ཐམས་ཅད༔ མི་གཙང་རྣམ་པར་བྱུང་ནས་ནི༔ ལྷག་མེད་བྱང་སྟེ་ལུས་ཀྱི་ནང༔ ཡེ་ཤེས་བདུད་རྩིས་གང་བའི་མཐུས༔ དབང་དང་བྱིན་རླབས་ཐོབ་པར་བསམ༔ ཞེས་པའི་དམིགས་པ་དང་བཅས། ཨོཾ་བཛྲ་སཏྭ་ས་མ་ཡ༔ སོགས་ནས། སཏྭ་ཨཱཿ ཞེས་གསང་སྔགས་ཡི་གེ་བརྒྱ་པ་རྩེ་གཅིག་ཏུ་བཟླ། ཐུན་མཐར་སྤྲོ་ན་རུ་ཏྲའི་སྨྲེ་བཤགས་སྔོན་དུ་འགྲོ་བས། ཨོཾ༔ བླ་མ་དཔལ་ལྡན་རྡོ་རྗེ་སེམས༔ བདག་ལ་རེ་ས་ཁྱེད་ལས་མེད༔ ཐུགས་རྗེའི་སྤྱན་གྱིས་གཟིགས་མཛོད་ལ༔ ཉམས་ཆག་སྡིག་ལྟུང་སྦྱོང་མཛད་གསོལ༔ བདག་ཅག་ཉོན་མོངས་གཞན་དབང་དང༔ མི་ཤེས་བག་མེད་མ་གུས་པས༔ རང་བཞིན་ཁ་ན་མ་ཐོ་དང༔ བཅས་པའི་བསླབ་ལས་འགལ་བ་གང༔ དག་ཅིང་ཚངས་པར་བསྩལ་དུ་གསོལ༔ ཁྱད་པར་རྡོ་རྗེ་ཐེག་པ་ཡི༔ རྩ་བ་སྐུ་གསུང་ཐུགས་མཆོག་དང༔ ཡན་ལག་དམ་ཚིག་ཉི་ཤུ་ལྔ༔ མེད་ཕྱལ་གཅིག་པུ་ལྷུན་གྲུབ་སོགས༔ རང་བཞིན་ལྟ་བའི་དམ་ཚིག་ལས༔ ཉམས་འགལ་རལ་བར་གྱུར་པ་ཀུན༔ སྙིང་ནས་འགྱོད་པས་མཐོལ་བཤགས་ན༔ སྒྲིབ་མེད་ཚངས་པའི་དངོས་གྲུབ་སྩོལ༔ ཉིད་དང་དབྱེར་མེད་བྱིན་རློབས་ཤིག༔ སྙིང་ནས་གདུང་བས་གསོལ་བཏབ་པས༔ བླ་མ་རྡོ་རྗེ་སེམས་དཔའ་ཡིས༔ སྡིག་ལྟུང་དག་པའི་གནང་བ་བསྩལ༔ དགྱེས་པས་འོད་ཞུ་རང་ལ་ཐིམ༔ རང་ཡང་ཀུན་གཞི་མ་བཅོས་པའི༔ ངང་ལ་ཡིད་ནི་འཛིན་པ་བྲལ༔ རྣམ་དག་སྤྲོས་བྲལ་ཆོས་ཀྱི་སྐུ༔ ཆོས་ཀྱི་སྐུ་ལ་གཉིས་སུ་མེད༔ ཡེ་སྲུང་ཐིག་ལེ་ཉག་གཅིག་ངང༔ སྤང་བླང་ལས་འདས་ཕྱལ་བ་ཆེ༔ རང་ཤར་རང་གྲོལ་ལྷུན་གྱིས་གྲུབ༔ ཉམས་ཆག་རྟོག་སྒྲིབ་དབྱིངས་སུ་གྲོལ༔ མ་བཅོས་རྫོགས་པ་ཆེན་པོ་འོ༔ ཨ་ཨ་ཨཿ གསུམ་པ་རྗེས་ཀྱི་ལས་རིམ་ལས་བསྔོ་བ་ནི། བླ་མ་ཡི་དམ་ལྷ་ཚོགས་དགོངས་སུ་གསོལ། །དེང་འདིར་བརྩོན་པས་བསྒྲུབས་པའི་དགེ་བ་དང༌། །དུས་གསུམ་བསགས་དང་ཡོད་པའི་དགེ་བ་རྣམས། །བསྡོམས་ཏེ་བླ་མེད་བྱང་ཆུབ་ཆེན་པོར་བསྔོ། །སྨོན་ལམ་ནི། ཉམས་ཆག་རྟོག་སྒྲིབ་མ་སྤངས་གནས་སུ་དག །ཕྱི་ནང་གསང་བ་དབྱེར་མེད་རྟོགས་པས་བསྐང༌། །གང་ཤར་རང་གྲོལ་ཀུན་བཟང་ཀློང་ཡངས་སུ། །ངན་སོང་དོང་སྤྲུགས་སྲིད་ཞི་མཉམ་གྱུར་ཅིག །བཀྲ་ཤིས་ནི། འགྱུར་བ་མེད་པ་རང་གི་གཤིས༔ རྟག་ཅིང་བརྟན་པ་རྡོ་རྗེའི་གནས༔ རང་རིག་ཡེ་ཤེས་དབྱེར་མེད་པར༔ མངོན་སངས་རྒྱས་པའི་བཀྲ་ཤིས་ཤོག༔ ཅེས་སོགས་ཤིས་བརྗོད་ཇི་ལྟར་རིགས་པ་བྱའོ།། །། ༈ གཉིས་པ་ནང་སྒྲུབ་རིགས་གསུམ་ཞི་ཁྲོ་གཅིག་དྲིལ་དུ་སྒྲུབ་པའི་ཚུལ་ལ། སྦྱོར་བ་དང་ཆོ་ག་དངོས་གཉིས་ལ། དང་པོ་ནི། བསམ་གཏན་དང་རྗེས་སུ་མཐུན་པའི་གནས་ཁང་བྱི་དོར་དང་རྒྱན་བཀོད་ཀྱིས་མཛེས་པར་སྤྲས་པའི་གུང་དུ་སྐུ་རྟེན་བཀྲམ་པའི་སྤྱན་སྔར་སྟེགས་བུ་ལ་དཀྱིལ་འཁོར་གཞུང་མཐུན་ནམ། ཚོམ་བུ་བྱེད་ན། དང་པོ་ལྔ་བཀོད་པའི་དབུས་དང་ཤར་གྱི་ཚོམ་བུའི་བར་དུ་ཆུང་བ་གཅིག་བཅས་དྲུག་དང༌། དེ་རྒྱབ་བརྒྱད། དེ་རྒྱབ་བཞི་བཀོད་པར་ཉེར་སྤྱོད་ཀྱིས་བསྐོར། མདུན་དུ་གཏོར་མ་དཀར་ཟླུམ་བཤམས། གཞན་ཡང་སྔོན་འགྲོའི་གཏོར་མ་སོགས་འདུ་བྱ་ཞིང་བདག་འཇུག་བྱ་ན་དེ་ལ་དགོས་པའི་ཡོ་བྱད་རྣམས་ཀྱང་ལེགས་པར་བཤམས་ལ། གཉིས་པ་ཆོ་གའི་རིམ་པ་དངོས་ལ་སྔོན་འགྲོ། དངོས་གཞི། རྗེས་གསུམ་གྱི། དང་པོ་ལ་དྲུག་ལས། དང་པོ་སྐྱབས་སུ་འགྲོ་བ་ནི། བརྒྱུད་པའི་གསོལ་འདེབས་སྔོན་དུ་བཏང་ནས། ན་མོ༔ བླ་མ་དཀོན་མཆོག་གསུམ་གྱི་དངོས༔ དཔལ་ལྡན་རྡོ་རྗེ་སེམས་དཔའ་ལ༔ བདག་དང་མཐའ་ཡས་སེམས་ཅན་རྣམས༔ བྱང་ཆུབ་བར་དུ་སྐྱབས་སུ་མཆི༔ ལན་གསུམ། གཉིས་པ་སེམས་བསྐྱེད་པ་ནི། རྒྱལ་བ་སྲས་དང་བཅས་རྣམས་ཀྱིས༔ བྱང་ཆུབ་ཐུགས་ནི་བསྐྱེད་པ་ལྟར༔ བདག་གིས་འགྲོ་ལ་ཕན་དོན་དུ༔ བྱང་ཆུབ་མཆོག་ཏུ་སེམས་བསྐྱེད་དོ༔ ལན་གསུམ། གསུམ་པ་ཚོགས་བསགས་པ་ནི། དཀོན་མཆོག་གསུམ་ལ་བདག་སྐྱབས་མཆི། །སྡིག་པ་མི་དགེ་སོ་སོར་བཤགས། །འགྲོ་བའི་དགེ་ལ་རྗེས་ཡི་རང༌། །སངས་རྒྱས་བྱང་ཆུབ་ཡིད་ཀྱིས་གཟུང༌། །སངས་རྒྱས་ཆོས་དང་ཚོགས་མཆོག་ལ། །བྱང་ཆུབ་བར་དུ་སྐྱབས་སུ་མཆི། །རང་གཞན་དོན་ནི་རབ་བསྒྲུབ་ཕྱིར། །བྱང་ཆུབ་སེམས་ནི་བསྐྱེད་པར་བགྱི། །བྱང་ཆུབ་མཆོག་གི་སེམས་ནི་བསྐྱེད་བགྱིས་ནས། །སེམས་ཅན་ཐམས་ཅད་བདག་གིས་མགྲོན་དུ་གཉེར། །བྱང་ཆུབ་སྤྱོད་མཆོག་ཡིད་འོང་སྤྱད་པར་བགྱི། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །ཅེས་ལན་གསུམ་བྱ། བཞི་པ་བགེགས་བསྐྲད་པ་ནི། ཧཱུྃ༔ ཡང་དག་གསང་བའི་དཀྱིལ་འཁོར་འདིར༔ གཉིས་འཛིན་ལོག་པར་འདྲེན་པའི་བདུད༔ ཧེ་རུ་ཀཿདཔལ་བཀའ་བྱུང་བས༔ བརླག་པར་འགྱུར་གྱིས་གཞན་དུ་སོང༔ སུམྦྷ་ནིའི་དྲག་སྔགས་དང༌། ཡུངས་ཐུན་རོལ་མོར་བཅས་པས་བགེགས་བསྐྲད། ལྔ་པ་མཚམས་གཅད་པ་ནི། ཧཱུྃ༔ ཀུན་ཀྱང་རྡོ་རྗེའི་རང་བཞིན་ལ༔ ཡེ་ཤེས་མེ་ཕུང་ཀུན་ཏུ་འབར༔ སྣང་སྲིད་སྐུ་གསུང་ཐུགས་ཀྱི་ངང༔ གཉིས་མེད་ཡེ་ཤེས་ལྷུན་གྱིས་གྲུབ༔ བཛྲ་རཀྵ་རཀྵ་བྷྲཱུྃ༔ དྲུག་པ་མཆོད་པ་བྱིན་རླབས་ནི། ཨོཾ་བཛྲ་ཡཀྵ་ཧཱུྃ་གིས་བསང༌། སྭ་བྷཱ་ཝས་སྦྱང༌། སྟོང་པའི་ངང་ལས་ཨོཾ་ཡིག་ལས། །རིན་ཆེན་སྣོད་མཆོག་རྒྱ་ཆེའི་ནང༌། །ཨོཾ་ལས་བྱུང་བའི་མཆོད་པའི་རྫས། །དྭངས་ཤིང་ཐོགས་མེད་ཀུན་བཟང་གི །རྣམ་ཐར་ལས་ལྷག་མཆོད་སྤྲིན་གྱུར། །ཨོཾ་སརྦ་བིད་པཱུ་ར་པཱུ་ར་སུ་ར་སུ་ར་ཨཱ་ཝཱརྟ་ཡ་ཨཱ་ཝཱརྟ་ཡ་ཧོཿ ཨོཾ་བཛྲ་སྥ་ར་ཎ་ཁཾ། ཨོཾ་བཛྲ་ཨརྒྷཾ་ཨཱ་ཧཱུྃ། སོགས་ནས། ཤབྡའི་བར་བརྗོད་པས་མཆོད་པའི་སྤྲིན་རབ་འབྱམས་སུ་སྤེལ་ལོ། །གཉིས་པ་དངོས་གཞི་ལ། རྟེན་དང་བརྟེན་པའི་དཀྱིལ་འཁོར་སྒྲུབ་པ་དང༌། བདག་ཉིད་དཀྱིལ་འཁོར་དུ་འཇུག་ཅིང་དབང་བླང་བའོ། །དང་པོ་ལ་བདུན་ལས། དང་པོ་བདག་མདུན་དམ་ཚིག་གི་ལྷ་བསྐྱེད་པ་ནི། ཨོཾ་མ་ཧཱ་ཤཱུནྱ་ཏཱ་ཛྙཱ་ན་སོགས་བརྗོད་པས། དངོས་འཛིན་མ་དག་ཀུན་སྦྱངས་པའི༔ སྟོང་པའི་ངང་ལས་རྟེན་འབྱུང་རྩལ༔ སྣོད་བཅུད་དག་པའི་ཡེ་ཤེས་ཆེ༔ བལྟ་ན་སྡུག་གི་ཞིང་ཁམས་ནི༔ བཀོད་པ་ཚད་མེད་མངོན་པར་དགའ༔ དབུས་སུ་རིན་ཆེན་ཕོ་བྲང་གི༔ རྒྱན་བཀོད་ཚད་ལས་འདས་པའི་དབུས༔ སྣ་ཚོགས་པདྨ་འདབ་བཞིའི་ལྟེར༔ ངོ་མཚར་སེང་གེའི་ཁྲི་གནས་པར༔ པདྨ་ཟླ་བའི་དཀྱིལ་འཁོར་སྟེང༔ ས་བོན་ཧཱུྃ་མཐིང་སྤྲོ་བསྡུ་ལས༔ རྒྱལ་ཀུན་གསང་གསུམ་བྱིན་རླབས་བསྡུས༔ ཡོངས་གྱུར་བཅོམ་ལྡན་རྡོ་རྗེ་སེམས༔ མཐིང་ག་ཨིནྡྲ་ནཱི་ལའི་མདོག༔ ཞི་འཛུམ་མཚན་དཔེའི་གཟི་བྱིན་འབར༔ དར་དང་རིན་ཆེན་རྒྱན་གྱིས་མཛེས༔ ཕྱག་གཡས་རྡོ་རྗེ་རྩེ་ལྔ་པ༔ གསོར་བའི་ཚུལ་གྱིས་ཐུགས་ཀར་འཛིན༔ གཡོན་པས་དྲིལ་བུ་དཀུ་ལ་བརྟེན༔ ཞབས་གཉིས་རྡོ་རྗེའི་སྐྱིལ་ཀྲུང་གིས༔ འོད་ཟེར་དཔག་ཡས་དབུས་ན་འགྱིང༔ གཡོན་ཕྱོགས་རྡོ་རྗེ་དབྱིངས་ཕྱུག་མ༔ ཞི་འཛུམ་ཆགས་པས་ཡབ་ལ་གཟིགས༔ རྡོ་རྗེ་དྲིལ་འཛིན་འགྱིང་སྟབས་བཞུགས༔ ཤར་དུ་བདེ་གཤེགས་སེམས་དཔའ་ནི༔ དཀར་གསལ་འཁོར་ལོ་དྲིལ་བུ་འཛིན༔ ལྷོ་རུ་འཇིགས་མཛད་གཤིན་རྗེ་གཤེད༔ སེར་ནག་བེ་ཅོན་ཐོད་ཁྲག་འཛིན༔ ནུབ་ཏུ་པདྨ་སེམས་དཔའ་ནི༔ དམར་གསལ་པདྨ་དྲིལ་བུ་བསྣམས༔ བྱང་དུ་པདྨ་རྟ་ཡི་རྒྱལ༔ པདྨ་ཞགས་འཛིན་ཁྲོ་ཆས་རྫོགས༔ གཙོ་བོའི་མདུན་དུ་གསང་བའི་བདག༔ རྡོ་རྗེ་དྲིལ་འཛིན་ཁྲོ་ཆས་ཅན༔ ཤར་ཕྱོགས་པདྨ་རྒྱས་པའི་ལྟེར༔ རང་ཉིད་སེམས་དཔའ་གཞོན་ནུའི་གཟུགས༔ ཐལ་སྦྱར་གུས་པའི་ཚུལ་དུ་འཁོད༔ ཁྱམས་ལ་མཆོད་པའི་ལྷ་མོ་བརྒྱད༔ རང་རང་ཕྱག་རྒྱས་མཆོད་པའི་སྤྲིན༔ བསམ་ཡས་སྤྲོ་བས་དཀྱིལ་འཁོར་མཆོད༔ སྒོ་བཞིར་ཁྲོ་རྒྱལ་དཔའ་བོའི་ཚུལ༔ ཕྱག་རྒྱ་བཞི་འཛིན་བཞེངས་སྟབས་ཀྱིས༔ པད་ཉིའི་སྟེང་ན་མཛེས་པར་འགྱིང༔ ཕྱི་རོལ་དཔལ་མགོན་བདུན་ཅུ་སོགས༔ བཀའ་སྡོད་འཇིག་རྟེན་སྐྱོང་བས་བསྐོར༔ སྣང་སྟོང་ཡེ་ཤེས་སྒྱུ་མ་ཡི༔ ལྷ་རྣམས་ཀུན་གྱི་གནས་གསུམ་དུ༔ ཡིག་འབྲུ་གསུམ་གྱིས་མཚན་པ་ལས༔ འཕྲོས་པའི་འོད་ཀྱིས་ཡེ་ཤེས་སེམས། །སྒོམ་པ་ཇི་བཞིན་སྤྱན་དྲངས་གྱུར། གཉིས་པ་ཡེ་ཤེས་པ་སྤྱན་དྲངས་པའི་ཕྱིར་རྡོ་རྗེའི་གླུའི་སྙན་གསན་དབབ་པ་དང་རྒྱས་གདབ་དབང་བསྐུར་བ་ནི། ཨོཾ༔ ཐུགས་རྗེ་ཆེན་པོ་རྡོ་རྗེ་སེམས༔ ཡེ་ཤེས་འཁོར་ལོ་བསམ་ཡས་པ༔ བརྩེ་བའི་ཐུགས་ཀྱིས་གནས་འདིར་དགོངས༔ རྫུ་འཕྲུལ་ཆེན་པོས་གཤེགས་སུ་གསོལ༔ ཨོཾ་ཨེ་ཧྱེ་ཧི་ཤྲཱི་མ་ཧཱ་ཀ་རུ་ཎི་ཀ་བཛྲ་སཏྭ་མཎྜ་ལ་ས་པ་རི་ཝཱ་ར་བཛྲ་ས་མ་ཛཿ ཛཿཧཱུྃ་བྃ་ཧོཿ ཞེས་པས་མདུན་གྱི་ནམ་མཁར་སྤྱན་དྲངས་པའི་ཡེ་ཤེས་ཀྱི་འཁོར་ལོ་རྣམས། ཨོཾ་བཛྲ་ཨཾ་ཀུ་ཤ་ཛཿ ཨོཾ་བཛྲ་པཱ་ཤ་ཧཱུྃ༔ ཨོཾ་བཛྲ་སྥོ་ཊ་བྃ༔ ཨོཾ་བཛྲ་གྷཎྜེ་ཧོ༔ ཞེས་ཕྱག་རྒྱ་བཞིས་དམ་ཚིག་གི་འཁོར་ལོ་དང་གཉིས་སུ་མེད་པར་རྒྱས་གདབ། ལྷ་སྐུ་ཕྱག་རྒྱ་ཆེན་པོ་ལ། །ས་བོན་ཆོས་ཀྱི་ཕྱག་རྒྱས་མཚན། །དམ་ཚིག་ཕྱག་རྒྱས་རབ་བཅིངས་ནས། །ལས་ཀྱི་ཕྱག་རྒྱས་ཕྲིན་ལས་གཞོལ། །པད་ཀོར་བཅས་ཐལ་མོ་སྦྱར་ལ་ཡིག་བརྒྱ་བརྗོད། བཅོམ་ལྡན་རིགས་གསུམ་ཞི་ཁྲོ་ཡིས། །བདག་དང་མཐའ་ཡས་སེམས་ཅན་ཀུན། །སྒྲིབ་པའི་དྲི་མ་བསལ་བ་དང༌། །ཡེ་ཤེས་སྣང་བ་རྒྱས་པར་མཛོད། །ཅེས་གསོལ། དེའི་ཡན་ལག་དབང་བསྐུར་བ་ནི། སངས་རྒྱས་ཀུན་གྱི་གསང་བ་དང༔ གཉིས་མེད་མཁའ་ཁྱབ་དབང་ལྷ་ཡིས༔ བདུད་རྩིའི་དབང་བསྐུར་སྒྲིབ་བྱང་ཞིང༔ དུག་ལྔ་ཡེ་ཤེས་ངོ་བོར་དག༔ རིགས་ཀྱི་བདག་པོས་རྒྱས་བཏབ་གྱུར༔ ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཡེ་ཧཱུྃ༔ གསུམ་པ་ཕྱག་འཚལ་བ་ནི། བདེ་གཤེགས་ཀུན་གྱི་སྐུ་གསུང་ཐུགས། །མཁྱེན་བརྩེ་ནུས་པའི་ཡོན་ཏན་གཏེར། །རིགས་གསུམ་ཞི་ཁྲོའི་དཀྱིལ་འཁོར་ལ། །སྒོ་གསུམ་གུས་པའི་ཡིད་ཀྱིས་བཏུད། །ན་མོ་ན་མ་མི། བཞི་པ་མཆོད་པ་ལ་ཐོག་མར་ཉེར་སྤྱོད་ནི། རབ་འབྱམས་རྒྱ་མཚོ་དཔག་མེད་ན། །མཆོད་ཡོན་ཞབས་བསིལ་མེ་ཏོག་དང༌། །བདུག་སྤོས་སྣང་གསལ་དྲི་ཆབ་དང༌། །ཞལ་ཟས་རོལ་མོ་ལ་སོགས་པའི། །མཆོད་རྫས་ཇི་སྙེད་ཡོད་པ་དང༌། །བདག་གིས་གུས་པས་བཤམས་པ་འདི། །ཇི་སྙེད་རྒྱལ་བ་སྲས་དང་བཅས། །དེ་སྙེད་རྣམས་ལ་བདག་འབུལ་ན། །ཐུགས་རྗེ་མངའ་བ་ཁྱེད་རྣམས་ཀྱིས། །ཅི་བདེ་བར་ནི་བཞེས་ནས་ཀྱང༌། །སེམས་ཅན་དོན་ཀུན་མཛད་དུ་གསོལ། །ཨོཾ་སརྦ་ཏ་ཐཱ་ག་ཏ་ཨརྒྷཾ་པྲ་ཏཱིཙྪ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ། དེ་བཞིན་པདྱཾ་ནས་ཤབྡ་འི་བར་བཅུག་ལ་སོ་སོའི་ཕྱག་རྒྱ་བཅས་འབུལ། གཞན་ཡང་སྒེག་སོགས་ལྷ་མོ་བརྒྱད་ནི། རྡོ་རྗེ་སྒེག་མོས་གར་གྱི་སྒྱུ་འཕྲུལ་སྟོན། །རྡོ་རྗེ་ཕྲེང་མས་རིན་ཆེན་རྒྱན་ཕྲེང་བསྟར། །རྡོ་རྗེ་གླུ་མས་ཚངས་དབྱངས་སྙན་འགྱུར་སྒྲོག །རྡོ་རྗེ་གར་མས་མཛེས་པའི་སྟངས་སྟབས་བསྒྱུར། །རྡོ་རྗེ་མེ་ཏོག་ཀུན་ཏུ་འཐོར་ཞིང་འབུལ། །རྡོ་རྗེ་བདུག་སྤོས་དྲི་ཞིམ་སྤྲིན་ཆེན་འགྲིམ། །རྡོ་རྗེ་སྣང་གསལ་འོད་ཀྱི་ཕྲེང་བ་འགྱེད། །རྡོ་རྗེ་དྲི་མས་ངད་ལྡན་ཁྲུས་ཆབ་སྟོབ། །རྡོ་རྗེ་དགའ་བཞི་སྟོང་བཞིའི་དེ་ཉིད་དང༌། །རྡོ་རྗེ་སྡོམ་མ་མཉམ་སྦྱོར་ཆོ་འཕྲུལ་ཆེ། །རིགས་གསུམ་ཞི་ཁྲོའི་དཀྱིལ་འཁོར་ལྷ་ལ་འབུལ། །རྡོ་རྗེའི་གསང་བ་ཆེན་པོར་རོ་གཅིག་མཛོད། །ཨོཾ་བཛྲ་ལཱ་སྱེ་ཧཱུྃ། ཨོཾ་བཛྲ་མ་ལེ་ཏྲཱྃ། ཨོཾ་བཛྲ་གཱིརྟི་ཧྲཱིཿ ཨོཾ་བཛྲ་ནཱིརྟི་ཨཱཿ ཨོཾ་བཛྲ་པུཥྤེ་ཏྲཱྃ། ཨོཾ་བཛྲ་དྷཱུ་པེ་ཧཱུྃ། ཨོཾ་བཛྲ་ཨཱ་ལོ་ཀེ་ཧྲཱིཿ ཨོཾ་བཛྲ་གནྡྷེ་ཨཱཿ ལྔ་པ་བསྟོད་པ་ནི། མཉམ་ཉིད་མི་གཡོ་མཉམ་ཉིད་མཆོག་གི་ཆོས་ཉིད་ཅན། །ཐུགས་རྗེའི་བདག་ཉིད་འགྲོ་བའི་སྡུག་བསྔལ་སེལ་བར་མཛད། །ཡོན་ཏན་མཐའ་ཡས་དངོས་གྲུབ་ཐམས་ཅད་སྦྱིན་མཛད་པ། །དྲི་མེད་མི་གཡོ་མཉམ་མེད་དམ་པའི་མཆོག་ཆོས་ཅན། །ཡོན་ཏན་ཤིན་ཏུ་ཕྲ་བའི་ཆ་ལའང་ཚད་མེད་དེ། །དཔེ་ནི་ནམ་མཁའ་དང་ཡང་བསྒྲུན་དུ་ཡོད་མ་ཡིན། །དངོས་གྲུབ་རྣམ་གཉིས་མཉམ་མེད་དཔེ་དང་བྲལ་བ་རྣམས། །སེམས་ཅན་ཁམས་ལ་དངོས་གྲུབ་མཆོག་རྣམས་ངེས་པར་སྩོལ། །རྟག་ཏུ་དྲི་མ་མེད་པ་ཐུགས་རྗེའི་ཤུགས་ལས་བྱུང༌། །སྨོན་ལམ་གྲུབ་པ་འགག་པ་མེད་པའི་ཆོས་ཉིད་ཅན། །འགྲོ་བའི་དོན་འགྲུབ་རབ་ཏུ་བརྩོན་པ་མཐའ་ཡས་པ། །ཐུགས་རྗེ་ཆེན་པོའི་བདག་ཉིད་རྟག་ཏུ་རྣམ་པར་སྣང༌། །ཚད་མེད་ཚད་དང་བྲལ་བ་ཤིན་ཏུ་ཡོངས་རྫོགས་པའི། །བདེ་བར་གཤེགས་པའི་གོ་འཕང་དམ་པ་བརྙེས་གྱུར་ཀྱང༌། །ཁམས་གསུམ་རྣམས་ལ་དངོས་གྲུབ་མཆོག་སྩོལ་མཛད་པ་ཡི། །ཐུགས་རྗེའི་སྤྱོད་པ་མི་གཡོ་འགག་པར་ཡོངས་མི་འགྱུར། །ཨེ་མ་ཧོ་ཤིན་ཏུ་བཟང་པོའི་ཆོས་ཉིད་མཆོག་དང་ལྡན། །མཆོག་སྦྱིན་རྣམས་ཀྱི་ནང་ནས་གོ་འཕང་མཆོག་བརྙེས་པ། །ཁམས་གསུམ་ཀུན་ལ་རྟག་ཏུ་དངོས་གྲུབ་མཆོག་སྩོལ་མཛད། །མགོན་པོ་དུས་གསུམ་སྒྲིབ་པ་མེད་པར་རབ་མཁྱེན་པས། །དམ་ཚིག་མཆོག་གསུམ་དངོས་གྲུབ་དམ་པ་བདག་ལ་སྩོལ། །འདི་ནི་སངས་རྒྱས་ཐམས་ཅད་ཀྱི། །ཡང་དག་ཡོན་ཏན་རྒྱ་ཆེན་ཏེ། །ལན་གཅིག་ཙམ་ཞིག་བརྗོད་པས་ཀྱང༌། །སངས་རྒྱས་ཐམས་ཅད་འགྲུབ་པར་འགྱུར། །ཞེས་པའི་བར་གྱིས་བསྟོད། དྲུག་པ་གསོལ་བ་གདབ་པ་ནི། བླ་མ་རྡོ་རྗེ་སེམས་དཔའ་ཀྱེ༔ ན་རཀ་སྡུག་བསྔལ་བསྐྱབ་ཏུ་གསོལ༔ སྡིག་པའི་ཚོགས་ལ་བདག་གནོང་ཞིང༔ འགྱོད་པས་མགོན་པོའི་དྲུང་དུ་བཤགས༔ ཕྱིས་ནས་མི་བགྱིད་དམ་བཅའ་བས༔ མགོན་པོས་ཚངས་པར་བསྩལ་དུ་གསོལ༔ སེམས་ཅན་ཀུན་གྱི་དོན་བགྱིད་ཕྱིར༔ རྡོ་རྗེ་སེམས་དཔའ་བདག་གིས་བསྒྲུབ༔ སྐུ་གསུང་ཐུགས་སུ་བདག་སྦྱོར་ཏེ༔ བླ་མེད་ས་ལ་དྲང་དུ་གསོལ༔ ཞེས་པས་དངོས་གྲུབ་ཀྱི་གནས་ལ་ཐུགས་དམ་བསྐུལ་བའི་ཕྱིར་གསོལ་བ་རྩེ་གཅིག་ཏུ་གདབ། བདུན་པ་བཟླས་པ་ལ། དངོས་དང་ཞར་བྱུང་གཉིས། དང་པོ་ལ་གསུམ་ལས། དང་པོ་གཙོ་བོ་ཞི་ཁྲོའི་བསྙེན་པའི་དམིགས་བཟླས་ནི། མདུན་བསྐྱེད་རྡོ་རྗེ་སེམས་དཔའ་ཡི༔ ཐུགས་ཀར་ཉ་གང་ཟླ་བ་མཛེས༔ ལྟེ་བར་ཧཱུྃ་ཡིག་རབ་དཀར་བ༔ སྟན་ལ་ཁབ་བཙུགས་ལྟ་བུར་གསལ༔ སྔགས་ཀྱིས་བསྐོར་བའི་འོད་ཟེར་གྱིས༔ སྒྲིབ་སྦྱངས་བྱིན་རླབས་དངོས་གྲུབ་བསྡུས༔ དྭངས་མ་མི་ཤིགས་ཐིག་ལེ་ལས༔ དངོས་གྲུབ་བདུད་རྩིའི་ཟེགས་མ་ཡིས༔ སྒོ་གསུམ་ཡེ་ཤེས་གསང་བ་དང༔ གཉིས་མེད་བྱིན་གྱིས་བརླབ་པར་གྱུར༔ ཨོཾ་བཛྲ་སཏྭ་ཧཱུྃ༔ ཞེས་གཙོ་བོར་བཟླ། གཙོ་བོའི་འོད་ཀྱིས་མདུན་བཞུགས་པའི༔ ཁྲོ་བོ་བསྐུལ་བས་དངོས་གྲུབ་ལ༔ བར་དུ་གཅོད་པའི་གདོན་བཏུལ་ནས༔ ཡེ་ཤེས་ཆེན་པོས་སྲུང་བར་གྱུར༔ ཨོཾ་བཛྲ་ཙཎྜ་ཧཱུྃ་ཕཊ྄༔ ཞེས་རྡོ་རྗེ་གཏུམ་པོའི་རིགས་སྔགས་སྔ་མའི་ཕྱེད་ཙམ་བཟླ། གཉིས་པ་རིགས་བཞིའི་སྒྲུབ་པའི་དམིགས་བཟླས་ནི། སླར་ཡང་གཙོ་བོས་བསྐུལ་བའི་ཕྱིར༔ འོད་སྤྲོས་རིགས་བཞིའི་ལྷ་ལ་ཕོག༔ རྡོ་རྗེ་བཞི་ཡི་ཡེ་ཤེས་དབྱིངས༔ མངོན་སུམ་ཉིད་དུ་བྱིན་བརླབས་བསམ༔ ཨོཾ་བུདྡྷ་སཏྭ་ཨོཾ༔ ཨོཾ་ཡ་མཱནྟ་ཀ་ཧཱུྃ༔ ཨོཾ་པདྨ་སཏྭ་ཨཾ༔ ཧྲཱི་ཧ་ཡ་གྲཱྀ་ཝ་ཨཱཿ ཞེས་ཞི་ཁྲོ་རིགས་བཞི་སོ་སོར་གཙོ་བསྙེན་གྱི་སུམ་ཆ་ཙམ་བཟླ། གསུམ་པ་སྒོ་སྐྱོང་བཞིའི་ལས་སྦྱོར་གྱི་དམིགས་བཟླས་ནི། འོད་ཀྱིས་སྒོ་བ་བཞི་བསྐུལ་བས༔ ཕྱག་རྒྱ་བཞི་ཡི་ཏིང་འཛིན་གྱིས༔ ལས་བཞིའི་ཕྲིན་ལས་ལྷུན་གྲུབ་ནས༔ དོན་གཉིས་ཡིད་བཞིན་འགྲུབ་པར་གྱུར༔ ཨོཾ་བཛྲ་ཨངྐུ་ཤ་ཛཿ ཨོཾ་བཛྲ་པཱ་ཤ་ཧཱུྃ༔ ཨོཾ་བཛྲ་སྥོ་ཊ་བཾ༔ ཨོཾ་བཛྲ་གཎྜེ་ཧོཿ ཞེས་སྒོ་བ་བཞིའི་སྔགས་རིགས་བཞིའི་ཕྱེད་ཙམ་བཟླ་ཞིང༌། བསྙེན་ཚད་ནི་གཙོ་བོ་ཞི་ཁྲོ་ལ་འབྲུ་འབུམ། རིགས་བཞི་སོ་སོར་འབུམ་བཞི་རེ། ལས་སྦྱོར་ཁྲི་བཟླས་པས་ལས་རུང་དུ་འགྱུར་རོ། །གཉིས་པ་ཞར་བྱུང་གཙོ་ལས་ཀྱི་བུམ་བཟླས་ནི། བདག་ཉིད་དཀྱིལ་འཁོར་དུ་འཇུག་པ་དང་གཞན་ལམ་འདིར་སྨིན་པར་བྱེད་པ་དབང་བསྐུར་གྱི་ཆོ་ག་དང་འབྲེལ་ན་ནི་མེད་དུ་མི་རུང་བའི་ཡན་ལག་ཏུ་གྱུར་པ་ཡིན་ལ་དེ་ལས་གཞན་པའི་གནས་སྐབས་དག་ལ་ནི་བྱ་དགོས་པ་མ་ཡིན་ནོ། །བུམ་པ་རང་བྱུང་གི་གཞལ་ཡས་ཁང་དུ་ལྷ་རྣམས་དྭངས་པའི་མཚོ་ལ་གཟའ་སྐར་ཤར་བ་བཞིན་བཀྲ་ལམ་གྱིས་གསལ་བར་གྱུར། རང་སྲོག་སྔགས་ཀྱི་འོད་ཟེར་གཟུངས་ཐག་ལ། །འཁྲིལ་ཏེ་བུམ་པའི་ལྷ་ཚོགས་ཐུགས་ཀར་ཞུགས། །དེ་དག་སྐུ་ལས་འོད་ཟེར་བདུད་རྩིའི་རྒྱུན། །བབ་པས་བུམ་ཆུར་དབྱེར་མེད་རོ་གཅིག་གྱུར། །ཞེས་དམིགས་ལ་བསྙེན་སྒྲུབ་ལས་ཀྱི་སྔགས་རྣམས་སྐབས་ཕྱེད་པར་བཟླས་མཐར། ཨོཾ་ཨཱཿཧཱུྃ་ལྷ་རྣམས་བདེ་བ་ཆེན་པོའི་ངོ་བོར་ཞུ་བ་བུམ་ཆུ་དང་རོ་གཅིག་ཏུ་གྱུར། ཞེས་འོད་ཞུ་དང༌། ལས་བུམ་གྱི་ཆུ་རྡོ་རྗེའི་སྔགས་ཀྱི་རང་བཞིན་དུ་གྱུར། ཨོཾ་ཨ་མྲྀ་ཏེ་ཧཱུྃ་ཕཊ྄༔ ཅི་ནུས་བཟླ། ལྷག་ཆད་བསྐང་ཞིང་བྱིན་རླབས་བརྟན་ཕྱིར་དབྱངས་གསལ་རྟེན་སྙིང་ལན་གསུམ་རྗེས་མཆོད་བསྟོད་མདོར་བསྡུས་དང་ཡིག་བརྒྱ་ལན་གསུམ་བརྗོད་པས་ཉམས་པ་བཤགས་པར་བྱའོ། །གཉིས་པ་བདག་ཉིད་དཀྱིལ་འཁོར་དུ་འཇུག་ཅིང་དབང་བླང་བ་ལ། རང་གཞུང་ལྟར་རྒྱས་པར་འཇུག་པ་དང༌། རིག་པའི་མེ་ཏོག་དོར་བས་མདོར་བསྡུས་ཏེ་འཇུག་པའོ། །དང་པོ་ནི། བདག་གི་རང་བཞིན་ཡེ་ཤེས་ཀྱི་འཁོར་ལོར་རྫོགས་པ་བླ་མ་དང་དཀྱིལ་འཁོར་གྱི་བདག་པོ་དབྱེར་མེད་པ་དབང་ལེན་བྱའི་ཡུལ་ལ། རྣམ་འགྱུར་གློ་བུར་གྱི་འཁྲུལ་ངོ་རྣམ་སྨིན་བག་ཆགས་ཀྱི་རྟེན་སློབ་བུའི་ཚུལ་དུ་བྱས་ནས་འཇུག་པ་སྟེ། ཐོག་མར་ལས་བུམ་གྱི་ཆུས་ཁྲུས་བྱ། མཎྜལ་ཕུལ་ལ་ཐལ་མོ་སྦྱར་ཏེ། སྐུ་གསུང་ཐུགས་ཀྱི་རིགས་འཆང་བ༔ རྡོ་རྗེ་མི་ཕྱེད་གསུམ་གྱི་བདག༔ བཅོམ་ལྡན་ཞི་ཁྲོའི་དཀྱིལ་འཁོར་ལྷའི༔ གསང་བ་གསུམ་གྱི་དབང་བསྐུར་སྩོལ༔ ཞེས་ལན་གསུམ་གྱིས་གསོལ་བ་བཏབ། ཚོགས་བསགས་པ་ནི། དཀོན་མཆོག་གསུམ་ལ་བདག་སྐྱབས་མཆི། །སྡིག་པ་མི་དགེ་སོགས་ལན་གསུམ་གྱིས་ཚོགས་བསགས། སྡོམ་བཟུང་ནི། བདེ་གཤེགས་སྲས་བཅས་བདག་ལ་དགོངས། །རིག་པ་འཛིན་པ་བདག་གིས་ནི། །བྱང་ཆུབ་སྙིང་པོར་མཆིས་ཀྱི་བར། །སོ་སོར་ཐར་དང་བྱང་ཆུབ་སེམས། །རིག་འཛིན་ནང་གི་སྡོམ་པའི་ཚོགས། །མ་ལུས་ཡོངས་སུ་གཟུང་བར་བགྱི། །ཞེས་པས་སྡོམ་པ་བཟུང༌། དམ་ལ་བཞག་པ་ནི། ཇི་སྙེད་སངས་རྒྱས་ཐམས་ཅད་ཀྱི༔ རྡོ་རྗེའི་གཡར་དམ་བླ་ན་མེད༔ དམ་ཚིག་ཆེན་པོ་ཧཱུྃ་གི་ཚོགས༔ ཁྱེད་ཀྱི་སྙིང་ལ་ཡང་དག་གནས༔ ཧཱུྃ་ཧཱུྃ་ཧཱུྃ༔ ཞེས་པས་དམ་ཆུ་མྱང༌། ཡེ་ཤེས་དབབ་པ་ནི། ལུས་གནད་ཆོས་བདུན་ལྡན་བཅའ། ངག་གནད་རླུང་ཁ་སྦྱོར་དུ་འཆིང༌། དམིགས་གནད་འདི་ལྟར། སྭ་བྷཱ་བས་སྦྱངས། སྣོད་བཅུད་མི་དམིགས་སྟོང་པའི་ངང༔ དངོས་འཛིན་མ་དག་ཀུན་སྦྱངས་པའི༔ སྟོང་པའི་ངང་ལས་རྟེན་འབྱུང་རྩལ༔ སྣོད་བཅུད་དག་པའི་ཡེ་ཤེས་ཆེ༔ བལྟ་ན་སྡུག་གི་ཞིང་ཁམས་ནི༔ བཀོད་པ་ཚད་མེད་མངོན་པར་དགའ༔ དབུས་སུ་རིན་ཆེན་ཕོ་བྲང་གི༔ རྒྱན་བཀོད་ཚད་ལས་འདས་པའི་དབུས༔ སྣ་ཚོགས་པདྨ་འདབ་བཞིའི་སྟེང༔ ངོ་མཚར་སེང་གེའི་ཁྲི་གནས་པར༔ པདྨ་ཟླ་བའི་དཀྱིལ་འཁོར་སྟེང༔ ས་བོན་ཧཱུྃ་མཐིང་སྤྲོ་བསྡུ་ལས༔ རྒྱལ་ཀུན་གསང་གསུམ་བྱིན་རླབས་བསྡུས༔ ཡོངས་གྱུར་བཅོམ་ལྡན་རྡོ་རྗེ་སེམས༔ མཐིང་ག་ཨིནྡྲ་ནཱི་ལའི་མདོག༔ ཞི་འཛུམ་མཚན་དཔེའི་གཟི་བྱིན་འབར༔ དར་དང་རིན་ཆེན་རྒྱན་གྱིས་མཛེས༔ ཕྱག་གཡས་རྡོ་རྗེ་རྩེ་ལྔ་པ༔ གསོར་བའི་ཚུལ་གྱིས་ཐུགས་ཀར་འཛིན༔ གཡོན་པས་དྲིལ་བུ་དཀུ་ལ་བརྟེན༔ ཞབས་གཉིས་རྡོ་རྗེའི་སྐྱིལ་ཀྲུང་གིས༔ འོད་ཟེར་དཔག་ཡས་དབུས་ན་འགྱིང༔ དེ་ལྟར་ཡོངས་སུ་གསལ་བར་གྱུར་པའི་སྤྱི་བོར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུྃ་སྔོན་པོ་རྣམས་ཀྱིས་མཚན་པ་ལས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་གསུམ་གྱི་ངོ་བོར་གྱུར་པར་བསམ་མོ། །གནས་གསུམ་གྱི་ཡི་གེའི་འོད་ཟེར་གྱིས་སངས་རྒྱས་དང་བྱང་ཆུབ་སེམས་དཔའ་དཔའ་བོ་དང་རྣལ་འབྱོར་མའི་ཚོགས་ཐམས་ཅད་རིག་གསུམ་ཞི་ཁྲོ་ཡབ་ཡུམ་གྱི་སྐུ་ཕྱག་རྒྱ། གསུང་ཡིག་འབྲུ། ཐུགས་ཕྱག་མཚན་གྱི་རྣམ་པར་ཁ་ཆར་བུ་ཡུག་འཚུབས་པ་བཞིན་དུ་སྤྱན་དྲངས་ཏེ་སྙིང་ག་ནས་སིབ་སིབ་ཐིམ་པར་མོས་ལ། ཨོཾ༔ ཐུགས་རྗེ་ཆེན་པོ་རྡོ་རྗེ་སེམས༔ ཡེ་ཤེས་འཁོར་ལོ་བསམ་ཡས་པ༔ བརྩེ་བའི་ཐུགས་ཀྱིས་གནས་འདིར་དགོངས༔ རྫུ་འཕྲུལ་ཆེན་པོས་གཤེགས་སུ་གསོལ༔ ཨོཾ་ཨེ་ཧྱེ་ཧི་ཤྲཱི་མ་ཧཱ་ཀ་རུ་ཎི་ཀ་བཛྲ་སཏྭ་མཎྜལ་ས་པ་རི་ཝཱ་ར་བཛྲ་ས་མ་ཛཿ ཛ་ཧཱུྃ་བྃ་ཧོཿ ཞེས་ཁྱད་པར་གྱི་རྫས་དུད་བདུག །ཌཱ་དྲིལ་འཁྲོལ་ཞིང་རོལ་མོ་སྣ་ཚོགས་ཀྱི་སྒྲ་སྦྱར་ཏེ་དབབ་ལ་ཕེབས་པ་ན། ཏིཥྛ་བཛྲ་ཞེས་པས་བརྟན་པར་བྱའོ། །དེ་ནས་མཎྜལ་སྔོན་དུ་འགྲོ་བས། བྱང་ཆུབ་རྡོ་རྗེས་སངས་རྒྱས་ལ། །མཆོད་ཆེན་ཇི་ལྟར་བསྩལ་བ་ལྟར། །བདག་ཀྱང་སྐྱོབ་པའི་དོན་གྱི་ཕྱིར། །ནམ་མཁའི་རྡོ་རྗེ་དེང་བདག་སྩོལ། །ཞེས་ལན་གསུམ་གྱིས་གསོལ་བ་བཏབ་པས། དཀྱིལ་འཁོར་པའི་ཐུགས་ཀ་ནས་འཕྲོས་པའི་འོད་ཟེར་གྱིས་གདན་གསུམ་ཚང་བའི་དབང་གི་ལྷ་ནམ་མཁའ་གང་བར་སྤྱན་དྲངས། དེ་རྣམས་ཀྱིས་བུམ་པ་ཡེ་ཤེས་བདུད་རྩིའི་ཆུ་རྒྱུན་གྱི་གང་བ་ལ་སོགས་པའི་རིགས་ལྔའི་དབང་རྫས་རྣམས་ཐོགས་ཏེ་བཀྲ་ཤིས་པའི་རྣམ་པ་དུ་མ་དང་ལྡན་པས་དབང་བསྐུར་བར་མོས་ལ། ཧཱུྃ༔ མི་བསྐྱོད་ཡེ་ཤེས་བདུད་རྩིའི་ཆུས༔ རྡོ་རྗེ་རང་བྱུང་ལས་ཀུན་བྱེད༔ དབང་མཆོག་བུ་ལ་བྱིན་པ་ཡིས༔ སྒྲིབ་དག་ཡེ་ཤེས་རྟོགས་པར་ཤོག༔ ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཡེ་ཧཱུྃ༔ བུམ་པ་སྤྱི་བོར་བཞག་ཅིང་བུམ་ཆུ་གཏིག། བུམ་པ་བདུད་རྩིའི་ཆུ་རྒྱུན་གྱི་དབང་བསྐུར་བས། ལུས་ངག་ཡིད་གསུམ་གྱི་སྡིག་སྒྲིབ་བག་ཆགས་དང་བཅས་པ་བྱང་བའི་དབང་དམ་པ་ཐོབ་པར་གྱུར་ཅིག །དབུ་རྒྱན་སྤྱི་བོར་བཅིངས་ཏེ། ཏྲཱྃ༔ རིན་ཆེན་དབུ་རྒྱན་ཅོད་པན་ཅན༔ ཡང་དག་ཡེ་ཤེས་ལྔ་དང་ལྡན༔ དོན་རྟགས་འབྲེལ་བས་དབང་བསྐུར་བས༔ ཟག་མེད་འབྲས་བུའི་སར་ཕྱིན་ཤོག༔ ཨོཾ་རཏྣ་མུ་ཀུ་ཊ་ཨ་བྷི་ཥིཉྩ་ཏྲཱྃ༔ དབུ་རྒྱན་རིགས་ལྔའི་དབང་བསྐུར་བས། ཕུང་པོ་ལྔ་དང་ཉོན་མོངས་པ་ལྔ་སྐུ་དང་ཡེ་ཤེས་ལྔའི་ངང་དུ་གནས་གྱུར་པའི་དབང་དམ་པ་ཐོབ་པར་གྱུར་ཅིག །རྡོ་རྗེ་ལག་གཡས་སུ་གཏད་དེ་བཟུང་ལ། ཧྲཱིཿ རྡོ་རྗེ་བླ་མེད་མན་ངག་ཆོས༔ གསུང་གི་དབང་ཕྱུག་དཀྱིལ་འཁོར་ཆེའི༔ ཕྱག་རྒྱ་ཆེན་པོས་དབང་བསྐུར་བས༔ ཆོས་ཀུན་འབྱུང་བའི་ས་ཐོབ་ཤོག༔ ཨོཾ་བཛྲ་ཨ་བྷི་ཥིཉྩ་ཨཱཿ རྡོ་རྗེའི་དབང་བསྐུར་བས། དུག་ལྔ་ཡེ་ཤེས་ལྔའི་རང་བཞིན་དུ་གནས་པའི་དབང་དམ་པ་ཐོབ་པར་གྱུར་ཅིག །དྲིལ་བུ་ལག་གཡོན་དུ་གཏད་དེ་བཟུང་ལ། ཨཱཿ དྲིལ་བུ་ཡེ་ཤེས་སྒྲ་དང་ལྡན༔ དོན་ཀུན་གྲུབ་པ་དཀྱིལ་འཁོར་གཙོའི༔ ཡང་དག་ཕྱག་རྒྱའི་དབང་བྱིན་པས༔ ཕྲིན་ལས་རྩོལ་མེད་ལྷུན་གྲུབ་ཤོག༔ ཨོཾ་གྷཎྜེ་ཨ་བྷི་ཥིཉྩ་ཧོཿ དྲིལ་བུའི་དབང་བསྐུར་བས། ཆོས་ཐམས་ཅད་སྒྲ་བརྙན་ལྟ་བུའི་ཡེ་ཤེས་ཀྱིས་ཐབས་དང་ཤེས་རབ་གཉིས་སུ་མེད་པའི་དབང་དམ་པ་ཐོབ་པར་གྱུར་ཅིག །རྡོར་དྲིལ་བསྣོལ་མ་སྤྱི་བོར་དཀྲོལ་ལ། ཨོཾ༔ རྡོ་རྗེ་སྣང་མཛད་ཡེ་ཤེས་སྐུ༔ དེ་ཉིད་མཚོན་པ་རྡོ་རྗེའི་མིང༔ སྲིད་གསུམ་ཁྱབ་པར་བསྒྲགས་པ་ཡིས༔ ཞིང་ཀུན་མཛེས་པའི་དབང་ཐོབ་ཤོག༔ ཨོཾ་བྷུརྦྷུ་ཝ་སྭ་ཨ་བྷི་ཥིཉྩ་ཨོཾ༔ དེ་ལྟར་རྡོ་རྗེའི་མིང་གི་དབང་བསྐུར་བས། ཕྱོགས་བཅུའི་འཇིག་རྟེན་ཐམས་ཅད་དུ་མངོན་པར་རྫོགས་པར་སངས་རྒྱས་པའི་རྡོ་རྗེའི་མཚན་གྱི་གྲགས་པའི་དབང་དམ་པ་ཐོབ་པར་གྱུར་ཅིག །དེ་ལྟར་རིག་པའི་དབང་ལྔས་ཉོན་མོངས་དུག་ལྔ་སྦྱངས། ཕུང་པོ་ལྔ་རིགས་ལྔའི་སངས་རྒྱས་སུ་གནས་བསྒྱུར་བའོ། །དེ་ལྟར་ཡེ་ཤེས་ལྔ་སྐྱེས་པ་མི་ཉམས་པར་བརྟན་ཞིང་གོང་འཕེལ་དུ་བྱ་བའི་ཕྱིར་རིགས་དྲུག་པའི་ཡེ་ཤེས་ཀྱི་བདག་ཉིད་རྣམ་རྒྱལ་བུམ་པས་སླར་ཡང་དབང་བསྐུར་བར་མོས་ལ། རྣམ་བུམ་སྤྱི་བོར་བཞག་སྟེ། ཨོཾ༔ བཀྲ་ཤིས་བུམ་པ་མཚན་ཉིད་རྫོགས༔ ཡེ་ཤེས་ཆེན་པོའི་བདུད་རྩིས་གཏམས༔ སྐལ་ལྡན་བུ་ལ་དབང་བསྐུར་བས༔ ཡོན་ཏན་མ་ལུས་རྫོགས་པར་ཤོག༔ ཨོཾ་ཀ་ལ་ཤ་ཨ་བྷི་ཥིཉྩ་ཨོཾ༔ ཞེས་བུམ་ཆུ་མྱང༌། དེའི་རྗེས་འབྲེལ་སྐུ་གསུང་ཐུགས་དབང་ལས་སྐུ་ཕྱག་རྒྱའི་དབང་ནི། རང་ཉིད་སེང་གེས་བཏེགས་པའི་ཁྲི་ལ་བཅོམ་ལྡན་འདས་དཔལ་རྡོ་རྗེ་སེམས་དཔའ་ཡུམ་དང་བཅས་པའི་རྣམ་པས་འཁོད་པ་ལ། དཀྱིལ་འཁོར་གྱི་ལྷ་ཚོགས་རྣམས་མར་མེ་གཅིག་ལས་གཉིས་མཆེད་ཀྱི་ཚུལ་དུ་བྱོན་ནས་གཉིས་མེད་དུ་ཐིམ་པར་གྱུར་པའི་མོས་པ་བཅས་སོ་སོའི་ཙཀླི་ཐོགས་ལ། ཧཱུྃ༔ བཅོམ་ལྡན་རྡོ་རྗེ་སེམས་དཔའ་ནི༔ རྡོ་རྗེ་དྲིལ་འཛིན་སྐུ་མདོག་མཐིང༌། །དཀྱིལ་འཁོར་ཀུན་གྱི་ཁྱབ་བདག་ཆེས། །སྐལ་ལྡན་བུ་ལ་དབང་བསྐུར་རོ། །ཨོཾ་བཛྲ་སཏྭ་ཧཱུྃ་སརྦ་ས་མ་ཡ་ཨ་བྷི་ཥིཉྩ་ཨཱ༔ ཧཱུྃ། ཤེས་རབ་རང་བཞིན་སྟོང་པ་ཉིད། །རྡོ་རྗེའི་རིགས་ཀྱི་འཁོར་ལོས་བསྒྱུར། །དབྱིངས་ཕྱུག་མ་ཡིས་དབང་བསྐུར་བས། །ཆོས་ཀུན་དེ་ཉིད་མངོན་གྱུར་ཤོག །མཱུཾ་དྷ་ཏི་ཤྭ་རི་ཨཱཿསརྦ་ས་མ་ཡ་ཨ་བྷི་ཥིཉྩ་ཨཱཿ ཧཱུྃ། རྡོ་རྗེ་འབར་བ་ཁྲོ་བོའི་རྒྱལ། །ཞེ་སྡང་འདུལ་མཛད་རྡོར་དྲིལ་བསྣམས། །ཐུགས་མཆོག་ཕྱག་རྒྱས་དབང་བསྐུར་བས། །མི་ཕྱེད་རྡོ་རྗེའི་ས་ཐོབ་ཤོག །ཨོཾ་བཛྲ་ཙཎྜ་ཧཱུྃ་ཕཊ྄་སརྦ་ས་མ་ཡ་ཨ་བྷི་ཥིཉྩ་ཨཱཿ ཧཱུྃ། བཅོམ་ལྡན་དེ་བཞིན་གཤེགས་པའི་རིགས། །འཁོར་ལོ་དྲིལ་འཛིན་སྐུ་མདོག་དཀར། །སྐལ་ལྡན་བུ་ལ་དབང་བསྐུར་བས། །བདེ་གཤེགས་སྐུ་ཡི་དབང་ཐོབ་ཤོག །ཨོཾ་བུདྡྷ་སཏྭ་ཨོཾ་སརྦ་ས་མ་ཡ་ཨ་བྷི་ཥིཉྩ་ཨཱཿ ཧཱུྃ། འཇིགས་མཛད་ཁྲག་འཐུང་གཤིན་རྗེ་གཤེད། །སེར་ནག་བེ་ཅོན་ཐོད་ཁྲག་འཛིན། །རྒྱལ་བ་རྟག་པས་དབང་བསྐུར་བས། །ཡེ་ཤེས་ཕྱག་རྒྱ་མངོན་གྱུར་ཤོག །ཨོཾ་ཡ་མཱནྟ་ཀ་ཧཱུྃ་སརྦ་ས་མ་ཡ་ཨ་བྷི་ཥིཉྩ་ཨཱཿ ཧཱུྃ། བཅོམ་ལྡན་སྣང་བ་མཐའ་ཡས་ནི། །པདྨ་དྲིལ་འཛིན་སྐུ་མདོག་དམར། །ཆགས་མེད་གསུང་གི་དབང་བསྐུར་བས། །གསུང་མཆོག་པདྨའི་ས་ཐོབ་ཤོག །ཨོཾ་པདྨ་སཏྭ་ཨཾ་སརྦ་ས་མ་ཡ་ཨ་བྷི་ཥིཉྩ་ཨཱཿ ཧཱུྃ། དབང་ཆེན་པདྨ་ཧེ་རུ་ཀཿ པདྨ་ཞགས་འཛིན་ཁྲོ་ཆས་རྫོགས། །ཁྲོ་བོའི་རྒྱལ་པོས་དབང་བསྐུར་བས། །དྲེགས་པ་ཟིལ་གནོན་དབང་ཐོབ་ཤོག །ཧྲཱིཿཧ་ཡ་གྲཱྀ་བ་ཨཱཿསརྦ་ས་མ་ཡ་ཨ་བྷི་ཥིཉྩ་ཨཱཿ ཧཱུྃ། རྡོ་རྗེ་ཕྱག་རྒྱ་བཞི་ཡི་བདག །ལས་བཞིའི་རྡོ་རྗེ་རང་རྟགས་འཛིན། །སྒོ་བ་བཞི་ཡི་དབང་བསྐུར་བས། །ཕྲིན་ལས་ལྷུན་གྱིས་འགྲུབ་པར་ཤོག །ཛཿཧཱུྃ་བྃ་ཧོཿསརྦ་ས་མ་ཡ་ཨ་བྷི་ཥིཉྩ་ཨཱཿ དེ་ལྟར་ལྷ་སྐུ་ཕྱག་རྒྱའི་དབང་བསྐུར་བས། སྣོད་བཅུད་རྣམ་པར་དག་པ་ཡེ་ཤེས་ལྷའི་དཀྱིལ་འཁོར་དུ་བལྟ་ཞིང་སྒོམ་པ་ལ་དབང་བ་ཡིན་ནོ། །གསུང་བཟླས་ལུང་གི་དབང་ནི། དཀྱིལ་འཁོར་གྱི་གཙོ་བོའི་ཐུགས་ཀར་ཟླ་བ་ལ་གནས་པའི་སྔགས་ཀྱི་ཕྲེང་བ་ལས་མར་མེ་གཅིག་ལས་གཉིས་མཆེད་ཀྱི་ཚུལ་དུ་སྔགས་ཕྲེང་གཉིས་པ་ཞིག་བྱུང༌། ཞལ་ནས་ཐོན་རང་ཉིད་ལྷར་གསལ་བའི་ཞལ་དུ་ཞུགས། ཐུགས་ཀར་ཟླ་བ་ལ་གནས་པའི་ཧཱུྃ་ཡིག་གི་མཐར་འཁོད་པར་མོས་ལ། ཨོཾ་བཛྲ་སཏྭ་ཧཱུྃ༔ ཨོཾ་བཛྲ་ཙཎྜ་ཧཱུྃ་ཕཊ྄༔ ཨོཾ་བུདྡྷ་སཏྭ་ཨོཾ༔ ཨོཾ་ཡ་མཱནྟ་ཀ་ཧཱུྃ༔ ཨོཾ་པདྨ་སཏྭ་ཨཾ༔ ཧྲཱིཿཧ་ཡ་གྲཱྀ་བ་ཨཱཿ ཨོཾ་བཛྲ་ཨངྐུ་ཤ་ཛཿ ཨོཾ་བཛྲ་པཱ་ཤ་ཧཱུྃ༔ ཨོཾ་བཛྲ་སྥོ་ཊ་བཾ༔ ཨོཾ་བཛྲ་གཎྜེ་ཧོཿ ཞེས་གཙོ་འཁོར་གྱི་སྔགས་རྣམས་ལན་གསུམ་རེ་བཟླ། དེ་ལྟར་གསུང་བཟླས་པའི་ལུང་ཐོབ་པས་བསྙེན་སྒྲུབ་ལས་གསུམ་གྱི་སྔགས་བཟླ་བ་ལ་དབང་ཞིང༌། བརྟན་གཡོའི་སྒྲ་སྐད་ཐམས་ཅད་གྲགས་སྟོང་སྔགས་ཀྱི་རང་བཞིན་དུ་དག་པ་ཡིན་ནོ། །ཐུགས་བརྡ་ཐབས་ཀྱི་དབང་ནི། དཀྱིལ་འཁོར་པའི་ཐུགས་ཀ་ནས་འོད་ཟེར་འཕྲོས། རང་ཉིད་ལྷར་གསལ་བའི་སྣང་ཆ་སྒྱུ་མ་ལྟ་བུ་དེ་ཉིད་མེ་ལོང་ལ་ཧས་བཏབ་པ་བཞིན་དབྱིངས་སུ་ཡལ་བར་གྱུར་པའི་ངང་ལ་ཅུང་ཟད་མཉམ་པར་བཞག །སླར་ཡང་བརྟན་གཡོ་སྣོད་བཅུད་ཐམས་ཅད་ཡེ་ཤེས་ལྷ་ཡི་སྐུ་དང་ཞིང་ཁམས་ཀྱི་རོལ་པར་གྱུར། དེས་ཐུགས་ཡེ་ཤེས་ཀྱི་བྱིན་རླབས་རྒྱུད་ལ་ཞུགས། སེམས་ཀྱི་དྲན་རྟོག་ཐམས་ཅད་པའི་ཡེ་ཤེས་ཕྱག་རྒྱའི་རང་བཞིན་དུ་དག་ཅིང་རིམ་པ་གཉིས་ཀྱི་ཏིང་ངེ་འཛིན་སྒོམ་པ་ལ་དབང་བའོ། །དམ་ཚིག་གསུམ་དང་སློབ་དཔོན་གྱི་དབང་ནི། རང་ཉིད་སྐད་ཅིག་གིས་དཀྱིལ་འཁོར་འཁོར་ལོའི་དབང་ཕྱུག་བཅོམ་ལྡན་འདས་དཔལ་རྡོ་རྗེ་སེམས་དཔའི་སྐུར་གསལ་བ་ལ་གསང་སྔགས་ཀྱི་ཕྱག་རྒྱའི་དམ་ཚིག་གི་ནང་ནས་མཆོག་ཏུ་གྱུར་པ་རྡོ་རྗེ་དང་དྲིལ་བུ་སྐུ་གསུང་ཐུགས་ཀྱི་དཀྱིལ་འཁོར་ཐམས་ཅད་པའི་བདག་ཉིད་འདི་ལག་ཏུ་གཏད་པ་ཙམ་གྱིས་རྣམ་པ་ཐམས་ཅད་མཁྱེན་པའི་ས་བོན་ཐེབས། སངས་རྒྱས་ཐམས་ཅད་ཀྱི་མེས་པོ་དཀྱིལ་འཁོར་རྒྱ་མཚོའི་ཁྱབ་བདག་ཏུ་གྱུར་པས། དབང་བསྐུར། རྒྱུད་འཆད། སློབ་མ་བསྡུ་བ་ལ་སོགས་པའི་ལས་བྱེད་པ་ལ་དབང་བར་མོས། ཧཱུྃ༔ རྡོ་རྗེ་ཡང་དག་ཡེ་ཤེས་ཆེ༔ སངས་རྒྱས་ཀུན་གྱི་ཐུགས་ཉིད་དེ༔ དེ་རིང་བུ་ལ་བྱིན་པ་ཡིས༔ ཁྱོད་ཀྱང་རྡོ་རྗེའི་ཐུགས་འགྲུབ་ཤོག༔ ཨོཾ་བཛྲ་ཧཱུྃ༔ རྡོ་རྗེ་ལག་གཡས་ཀྱིས་ཐུགས་ཀར་བཟུང༌། ཧཱུྃ༔ དྲིལ་བུ་སྟོང་པའི་སྒྲ་སྒྲོགས་པ༔ ཆོས་ཀུན་དེ་ཉིད་རྗེས་སུ་མཚོན༔ སངས་རྒྱས་གསུང་གིས་དབང་བསྐུར་བས༔ རྡོ་རྗེའི་གསུང་མཆོག་འགྲུབ་པར་ཤོག༔ ཨོཾ་གྷཎྜེ་ཧཱུྃ༔ དྲིལ་བུ་ལག་གཡོན་གྱིས་དཀྲོལ་ཏེ་དཀུར་བརྟེན། ཧཱུྃ༔ བདེ་ཆེན་མི་འགྱུར་རྡོ་རྗེ་སེམས༔ ཤེས་རབ་ཡུམ་དང་གཉིས་སུ་མེད༔ རྟག་ཏུ་ཕྱག་རྒྱ་དགྱེས་རོལ་བའི༔ སངས་རྒྱས་སྐུ་དང་གཉིས་མེད་ཤོག༔ ཨོཾ་སརྦ་ཏ་ཐཱ་ག་ཏ་མ་ཧཱ་ཨ་ནུ་རཱ་ག་ཎ་ཛྙཱ་ན་བཛྲ་སྭ་བྷཱ་ཝ་ཨཏྨ་ཀོ྅ཧཾ༔ ལག་གཉིས་འཁྱུད་རྒྱས་རྡོར་དྲིལ་ཐུགས་ཀར་བསྣོལ། མངའ་གསོལ་ཆས་ཐོགས་ལ། ཨོཾ༔ ཁྱོད་ནི་ངེས་པར་རྡོ་རྗེ་སེམས༔ ཆོས་ཀྱི་རྒྱལ་པོར་དབང་བསྐུར་བས༔ དོན་རྣམས་ཐམས་ཅད་སྒྲུབ་པ་དང༔ རྡོ་རྗེའི་སློབ་མའི་ཚོགས་སྡུས་ཤིག༔ ས་མ་ཡ་ཨ་བྷི་ཥིཉྩ་ཧཱུྃ༔ ཞེས་མངའ་གསོལ་བའི་མོས་པ་བྱའོ། །གཙོ་བོས་ཇི་ལྟར་བཀའ་བསྩལ་པ། །དེ་དག་ཐམས་ཅད་བདག་གིས་བགྱིད། །ཅེས་དམ་ཚིག་ཁས་བླང་ཞིང༌། དེང་ནས་བརྩམས་ཏེ་བདག་བྲན་དུ། །ཁྱེད་ལ་བདག་ནི་འབུལ་ལགས་ན། །ཁྱེད་ཀྱིས་སློབ་མར་བཟུང་བ་དང༌། །བདག་གི་ལུས་ཀྱང་བཞེས་སུ་གསོལ། །ཅེས་དང་གཏང་རག་གི་མཎྜལ་འབུལ་བར་བྱའོ། །གཉིས་པ་རིག་པའི་མེ་ཏོག་དོར་བས་མདོར་བསྡུས་ཏེ་འཇུག་པ་ནི། གཞན་ལ་དབང་བསྐུར་བ་དང་འབྲེལ་ན་སྤྲོས་པ་མཚམས་པའི་ཕྱིར། བདག་ཉིད་དཀྱིལ་འཁོར་གྱི་ལྷ་དང་རང་བཞིན་དབྱེར་མེད་དུ་ཤེས་ནས་རིག་པའི་མེ་ཏོག་དོར་བ་ཉིད་དོན་གྱིས་དཀྱིལ་འཁོར་དུ་ཞུགས་པ་ཡིན་པས། དྲིལ་བུ་གསིལ་ཞིང་མེ་ཏོག་འཐོར་བ་དང་བཅས། ཨོཾ་བཛྲ་ས་མ་ཡ་ཨོཾ། ཨཱཿབཛྲ་ས་མ་ཡ་ཨཱཿ ཧཱུྃ་བཛྲ་ས་མ་ཡ་ཧཱུྃ༔ སྭཱ་བཛྲ་ས་མ་ཡ་སྭཱ༔ ཧཱ་བཛྲ་ས་མ་ཡ་ཧཱ། ཞེས་དང༌། ཨོཾ་བཛྲ་ཀྲོ་དྷ་ས་མ་ཡ་ཧཱུྃ། ཞེས་རིག་པའི་མེ་ཏོག་དོར་བས། བདག་དང་དཀྱིལ་འཁོར་པའི་སྐུ་གསུང་ཐུགས་ཡོན་ཏན་ཕྲིན་ལས་རྣམས་གཉིས་སུ་མེད་པར་གྱུར་པར་བསམ། ཨོཾ། ཡེ་ཤེས་རྒྱལ་པོ་སྐུ་གསུང་ཐུགས། །ཡོན་ཏན་ཕྲིན་ལས་རྨད་པོ་ཆེ། །དེ་ཉིད་དུ་ནི་མཉམ་སྦྱོར་བའི། །ཕྱག་རྒྱ་ཆེན་པོར་བདག་སྦྱོར་ཅིག །ཨོཾ་བཛྲ་ས་མ་ཡ་ཧཱུྃ། ཨོཾ་བཛྲ་ས་མ་ཡ་སྟྭཾ། ཨོཾ་བཛྲ་ས་མ་ཡ་ཧོཿ ཞེས་དང༌། ཨོཾ། ཁྲོ་ལ་ཁྲོས་པ་ཞི་མཛད་པ། །ཐུགས་རྗེ་ཁྲོ་དཔལ་རྔམ་པའི་ཚོགས། །འབར་བའི་བྱིན་རླབས་རྨད་པོ་ཆེ། །ད་ལྟ་ཉིད་དུ་བདག་ལ་སྩོལ། །ཨོཾ་བཛྲ་ཀྲོ་དྷ་ས་མ་ཡ་སྟྭཾ། ཨོཾ་བཛྲ་ཀྲོ་དྷ་ས་མ་ཡ་ཕཊ྄ཿ ཨོཾ་བཛྲ་ཀྲོ་དྷ་ས་མ་ཡ་ཧོཿ ཞེས་དངོས་གྲུབ་བསྐུལ་ཞིང་བསྟིམ་མོ། །དེ་གཉིས་གང་ལྟར་ཡང༌། གཞན་རྗེས་སུ་འཛིན་པ་དང་འབྲེལ་ན། དཀྱིལ་འཁོར་གྱི་ལྷ་ལ་ཐལ་མོ་སྦྱར་བས་བཏུད་དེ། ཨོཾ། རྡོ་རྗེ་ཡེ་ཤེས་ཐོབ་བྱེད་པའི། །དེ་བཞིན་གཤེགས་པ་ཐམས་ཅད་ཀྱི། །སྙིང་པོའི་དཀྱིལ་འཁོར་ཆེན་པོ་འདིར། །བདག་གི་སློབ་མ་འཇུག་པར་འཚལ། །ཞེས་གསོལ་བས་གནང་བ་བྱིན་པར་བསམ་མོ། །གསུམ་པ་རྗེས་ལ་ལྔ་ལས་དང་པོ་མཆོད་བསྟོད་གསོལ་གདབ་ནི། ཐུན་མཐར་སྔགས་ཙམ་གྱིས་མཆོད་ཅིང༌། རྡོ་རྗེ་སེམས་དཔའ་སེམས་དཔའ་ཆེ། །རྡོ་རྗེ་དེ་བཞིན་གཤེགས་པ་ཀུན། །རྡོ་རྗེ་དང་པོ་ཀུན་ཏུ་བཟང༌། །ཕྱག་འཚལ་རིགས་འདུས་སེམས་དཔའ་ལའོ། །བསྟོད་པར་འོས་པ་སོགས། བཅོམ་ལྡན་རིགས་གསུམ་ཞི་ཁྲོ་ཡིས། །བདག་དང་མཐའ་ཡས་སེམས་ཅན་ཀུན། །སྒྲིབ་པའི་དྲི་མ་བསལ་བ་དང༌། །མཁྱེན་བརྩེ་ནུས་གསུམ་འཕེལ་བར་མཛོད། །ཞེས་གསོལ་བ་གདབ། གཉིས་པ་ནོངས་བཤགས་ནི། མ་འབྱོར་པ་དང་སོགས་ཡི་གེ་བརྒྱ་པས་ནོངས་པ་བཤགས། གསུམ་པ་གཤེགས་བསྡུ་ནི། ཨོཾ། ཁྱེད་ཀྱིས་སེམས་ཅན་དོན་ཀུན་སོགས་དང༌། ཨོཾ་བཛྲ་མུཿ ཞེས་ཡེ་ཤེས་པ་གཤེགས། རྟེན་དང་བརྟེན་པར་བཅས་པའི་དཀྱིལ་འཁོར་པ་ཐམས་ཅད་འོད་དུ་ཞུ་ནས་གཙོ་བོ་ལ་ཐིམ། གཙོ་བོ་དམ་ཚིག་གི་རྟེན་ལ་ཐིམ་པར་གྱུར། སླར་ཡང་སྣང་གྲགས་རིག་པའི་ཚོགས༔ རིགས་འདུས་སེམས་དཔའི་གསང་གསུམ་ཤར༔ ཨོཾ་ཨཱཿཧཱུྃ༔ གིས་གཙོ་བོ་རྡོ་རྗེ་སེམས་དཔའི་སྐུར་ལྡང་བའི་གནས་གསུམ་དུ་སྐུ་གསུང་ཐུགས་ཀྱི་ས་བོན་གྱིས་རྒྱས་གདབ་ཅིང༌། རྗེས་ཐོབ་ཀྱི་སྣང་ཆ་ལྷ་སྔགས་ཆོས་སྐུའི་རོལ་པར་ལམ་དུ་ཁྱེར། བཞི་པ་བསྔོ་སྨོན་ནི། དགེ་བ་འདི་ཡིས་མྱུར་དུ་བདག །རིགས་གསུམ་རྒྱལ་བ་འགྲུབ་གྱུར་ནས། །སོགས་བསྔོ་སྨོན་དང༌། ལྔ་པ་ཤིས་བརྗོད་ནི། སྐུ་ཡི་དབང་ཕྱུག་བཅོམ་ལྡན་མཉྫུ་ཤྲཱི། །གསུང་གི་རྡོ་རྗེ་པདྨ་གར་གྱི་དབང༌། །ཐུགས་ཀྱི་གསང་བའི་མཛོད་འཛིན་རྡོ་རྗེ་ཅན། །རིགས་གསུམ་རྒྱལ་བ་འདུས་པའི་བཀྲ་ཤིས་ཤོག །གཞན་ཡང་ཤིས་བརྗོད་ཇི་ལྟར་རིགས་པས་མཐའ་བརྒྱན་པར་བྱའོ། །གསུམ་པ་གསང་བ་དཀྱིལ་འཁོར་རབ་འབྱམས་ཕྲིན་ལས་ཀྱི་ལྷ་མཆོག་རྡོ་རྗེ་རྣམ་པར་འཇོམས་པ་ལྟར་སྒྲུབ་པའི་ཚུལ་ནི། གཙང་མའི་གནས་སུ་ཀུ་ཤའི་གདན་ལ་འཁོད་དེ། མདུན་དུ་གཞུང་མཐུན་དཀྱིལ་འཁོར་གྱི་སྟེང་དུ་གཏོར་མ་དཀར་ཟླུམ་དང༌། ཉེར་སྤྱོད་ཀྱི་མཆོད་པ་བཅས་འདུ་བྱ་ཞིང་བདག་འཇུག་དང་འབྲེལ་ན་དེ་ལ་དགོས་པའི་ཡོ་བྱད་རྣམས་ཀྱང་ཚོགས་པར་བྱས་ལ། ཇི་ལྟར་ཉམས་སུ་བླང་བའི་ཚུལ་ལ་སྔོན་འགྲོ། དངོས་གཞི། རྗེས་གསུམ་ལས། དང་པོ་སྔོན་འགྲོ་ལའང་བཞི་ལས། སྐྱབས་སེམས་ནི། བླ་མ་མཆོག་གསུམ་ཡི་དམ་ལྷར། །གུས་པས་སྐྱབས་མཆི་མཁའ་མཉམ་འགྲོ། །བླ་མེད་བྱང་ཆུབ་མཆོག་འཐོབ་ཕྱིར། །རྡོ་རྗེ་རྣམ་འཇོམས་བསྒོམ་པར་བགྱི། །ལན་གསུམ། གཉིས་པ་མཆོད་པ་བྱིན་རླབས་ནི་ནང་སྒྲུབ་ལྟར་བྱ། གསུམ་པ་བགེགས་བསལ་ཞིང་མཚམས་བཅད་པ་ནི། ཧཱུྃ་བཛྲ་དྷྲྀཀ །རང་ཉིད་ལས་ཀྱི་ཁྲོ་བོ་བདུད་རྩི་ཐབ་སྦྱོར་གྱི་སྐུར་གྱུར་པའི་ཐུགས་ཀ་ནས་སྤྲོས་པའི་ཁྲོ་བོ་རྣམས་ཀྱིས་བགེགས་ཐམས་ཅད་རིང་དུ་བསྐྲད་པར་མོས་ལ། ན་མཤྩཎྜ་བཛྲ་ཀྲོ་དྷ་ཡ་སོགས་ཉེ་སྙིང་ཚར་གཅིག་བརྗོད། སླར་ཡང་ཐུགས་ཀ་ནས་འཕྲོས་པའི་འོད་ཟེར་རྡོ་རྗེའི་སྤྲིན་དུ་འཁྲིགས་པས་སྟེང་འོག་ཕྱོགས་མཚམས་ཐམས་ཅད་རྡོ་རྗེའི་ས་གཞི་རྭ་བ་དྲྭ་བ་གུར་བླ་རེ་ཡེ་ཤེས་ཀྱི་མེ་དཔུང་འབར་བའི་སྲུང་བའི་གུར་གྱིས་ཁྱབ་པར་མོས་ལ། ན་མོ་རཏྣ་ཏྲཱ་ཡཱ་ཡ་ཕྱི་མ་ནས། ཱིནྡྷ་བྷིནྡྷ་བཛྲ་ཧཱུྃ་ཕཊ྄་ཀྱི་བར་གྱི་སྙིང་པོ་ཉིད་བརྗོད་པས་མཚམས་བཅད། བཞི་པ་ཚོགས་བསགས་པ་ནི། དེ་ནས་རང་གི་ཐུགས་ཀ་ནས་བྱུང་བའི་འོད་ཟེར་གྱིས་རྡོ་རྗེ་རྣམ་པར་འཇོམས་པ་ལ་སངས་རྒྱས་དང་བྱང་ཆུབ་སེམས་དཔའ་ཁྲོ་བོ་བཅུ་ཡི་ཚོགས་ཀྱིས་བསྐོར་བ་བཛྲ་ས་མཱ་ཛཿ ཞེས་སྤྱན་དྲངས་པ་མདུན་གྱི་ནམ་མཁར་བཞུགས་པ་ལ། ཨརྒྷཾ་ནས་ཤབྡའི་བར་གྱིས་མཆོད། དཀོན་མཆོག་གསུམ་ལ་བདག་སྐྱབས་མཆི། །སོགས་ཡན་ལག་བདུན་པས་ཚོགས་བསགས། སེམས་ཅན་བདེ་དང་ལྡན་གྱུར་ཅིག །སོགས་ཚད་མེད་བཞི་སྒོམ་ཞིང༌། དེས་བསྐྱེད་པའི་བྱང་ཆུབ་ཀྱི་སེམས་དང་ལྡན་པའི་སྟོང་ཉིད་ལ་བློ་བཞག །གཉིས་པ་དངོས་གཞི་ལ། བདག་མདུན་བུམ་པའི་དཀྱིལ་འཁོར་བསྒྲུབ་པ་དང༌། རང་ཉིད་ཀྱི་དབང་གི་ཡེ་ཤེས་གསོ་བ་དང་གཞན་དག་ལམ་འདིར་སྨིན་པར་བྱ་རུང་བའི་ཕྱིར་བདག་ཉིད་འཇུག་པའི་ཆོ་ག་བྱ་བའོ། །དང་པོ་ལ་བདུན་ལས། དང་པོ་དམ་ཚིག་པ་བསྐྱེད་པ་ནི། ཨོཾ་མ་ཧཱ་ཤཱུ་ནྱ་ཏཱ་སོགས་བརྗོད་པས། ཆོས་ཀུན་སྟོང་པའི་ཐིག་ལེར་སྦྱངས༔ དེ་ཡི་ངང་ལས་འོད་གསལ་བའི༔ ཡེ་ཤེས་རོལ་པའི་སྣོད་བཅུད་ཀྱི༔ རྡོ་རྗེའི་ཞིང་ཁམས་ཆེན་པོའི་དབུས༔ རྡོ་རྗེའི་སྲུང་བའི་འཁོར་ལོའི་ནང༔ རྡོ་རྗེའི་གཞལ་མེད་ཁང་ཆེན་པོ༔ རྡོ་རྗེ་རིན་ཆེན་སྣང་བ་ཆེ༔ ཁ་དོག་ལྔ་པའི་རྩིག་པ་དང༔ ཕ་གུ་དྲྭ་བ་དྲྭ་ཕྱེད་མཛེས༔ མདའ་ཡབ་པུ་ཤུ་རྡོ་རྗེའི་ཏོག༔ འོད་ཟེར་སྣང་བས་ཕྱོགས་ཀུན་ཁྱབ༔ གྲུ་བཞི་རྣམ་པར་ཐར་པའི་སྒོ༔ རྟ་བབ་བང་རིམ་མཛེས་པར་བཀྲ༔ ཆོས་འཁོར་རི་དྭགས་གདུགས་དང་བཅས༔ ལྟེ་བར་པད་འདབ་བཞི་དང་བཅུའི༔ ཟེའུ་འབྲུར་རྡོ་རྗེའི་གདན་ཡངས་པར༔ པད་ཟླ་རྒྱས་སྟེང་ས་བོན་ཧཱུྃ༔ སྤྲོ་བསྡུའི་འོད་ཀྱིས་དངོས་འཛིན་སྦྱངས༔ ཡེ་ཤེས་ཆེན་པོར་བྱིན་བརླབས་པའི༔ རྡོ་རྗེ་སྙིང་པོ་ནམ་མཁའི་མདོག༔ རྩེ་ལྔ་གཞོམ་གཞིག་བྲལ་བ་རུ༔ ཡོངས་གྱུར་བཅོམ་ལྡན་རྣམ་པར་འཇོམས༔ རྡོ་རྗེ་ཁྲོ་བོ་ལས་བྱུང་བ༔ ལྗང་སྔོན་ཨིནྡྲ་ནི་ལའི་མདོག༔ ཁྲོ་འཛུམ་རོལ་པ་མཚན་དཔེའི་སྐུ༔ དར་དང་རིན་ཆེན་རྒྱན་གྱིས་སྤྲས༔ སྤྱན་གསུམ་མཆེ་བ་ཡིད་ཙམ་གཙིགས༔ ཕྱག་གཡས་སྣ་ཚོགས་རྡོ་རྗེ་ཆེ༔ ཐུགས་ཀར་གསོར་ཞིང་བསྐྱོད་པས་འཛིན༔ གཡོན་པས་དྲིལ་བུ་དཀུར་བརྟེན་ནས༔ རྡོ་རྗེའི་སྐྱིལ་ཀྲུང་མཛེས་པར་བཞུགས༔ སྣ་ཚོགས་འོད་ཟེར་འཁྲུགས་པའི་ཀློང༔ གཟི་བྱིན་མཚུངས་པ་མེད་པར་རོལ༔ ཐུགས་དབུས་བཛྲ་སཏྭ་ཡི༔ ཐུགས་ལས་འཕྲོས་པའི་ས་བོན་གྱིས༔ ཕྱོགས་བཞིར་རིགས་བཞིའི་རྣམ་པར་འཇོམས༔ དཀར་ཨོཾ་སེར་ཏྲཱྃ་དམར་ཧྲཱིཿམཐིང་ཨཱཿགཙོ་བོ་བཞིན༔ རིགས་ཀྱི་ཁྱབ་བདག་དམ་པར་གསལ༔ ན་མཤྩཎྜ་བཛྲ་ཀྲོ་དྷ་ཡ༔ ཧུ་ལུ་ཧུ་ལུ༔ ཏིཥྛ་ཏིཥྛ༔ བྷནྡྷ་བྷནྡྷ༔ ཧ་ན་ཧ་ན༔ ཨ་མྲྀ་ཏེ་ཧཱུྃ་ཕཊ྄༔ སླར་ཡང་ཐུགས་ནས་ཧཱུྃ་བཅུ་སྤྲོས༔ པདྨའི་འདབ་མར་བབ་པ་ལས༔ ཧཱུྃ་མཛད་རྣམ་རྒྱལ་དབྱུག་པ་སྔོ༔ གཤིན་རྗེ་མི་གཡོ་རྟ་ཡི་མགྲིན༔ འདོད་པའི་རྒྱལ་པོ་བདུད་རྩི་འཁྱིལ༔ ཁམས་གསུམ་རྣམ་རྒྱལ་སྟོབས་པོ་ཆེ༔ ཀུན་ཀྱང་ཞབས་གཉིས་བཞེངས་པའི་སྟབས༔ དར་དང་སྟག་ལྤགས་སྨད་དཀྲིས་ཤིང༔ རྡོ་རྗེ་དྲིལ་འཛིན་པད་ཉིའི་སྟེང༔ འོད་ཟེར་མེ་ལྕེ་འཁྱིལ་དབུས་རོལ༔ ན་མཤྩཎྜ་བཛྲ་པཱ་ཎ་ཡ༔ མ་ཧཱ་ཡཀྵ་སེ་ནཱ་པ་ཏ་ཡེ༔ ཏདྱ་ཐཱ༔ ཨོཾ་ཧ་ར་ཧ་ར་བཛྲ༔ མ་ཐ་མ་ཐ་བཛྲ༔ དྷུ་ན་དྷུ་ན་བཛྲ༔ ད་ཧ་ད་ཧ་བཛྲ༔ པ་ཙ་པ་ཙ་བཛྲ༔ དྷ་ར་དྷ་ར་བཛྲ༔ དྷཱ་ར་ཡ་དྷཱ་ར་ཡ་བཛྲ༔ དཱ་རུ་ཎ་དཱ་རུ་ཎ་བཛྲ༔ ཚིནྡྷ་ཚིནྡྷ་བཛྲ༔ བྷིནྡྷ་བྷིནྡྷ་བཛྲ་ཧཱུྃ་ཕཊ྄༔ ཐུགས་ཀའི་འོད་ཀྱི་ས་བོན་བཞི༔ ཛཿཧཱུྃ་བྃ་ཧོཿ ཡོངས་གྱུར་སྒོ་བཞིར་ཁྲོ་བོའི་རྒྱལ༔ རིགས་བཞིའི་ཕྱག་རྒྱ་བཞི་འཛིན་པས༔ བར་ཆད་གདོན་བགེགས་སྲུང་བར་གྱུར༔ ཨོཾ་བཛྲ་ཨཾ་ཀུ་ཤ་ཛཿ རཏྣ་པཱ་ཤ་ཧཱུྃ༔ པདྨ་སྥོ་ཊ་བྃ༔ ཀརྨ་གྷཎྜེ་ཧོ༔ གཉིས་པ་སྤྱན་དྲངས་ཤིང་བསྟིམ་པ་ནི། དེ་ལྟར་ཡོངས་སུ་གསལ་བའི་གཙོ་འཁོར་ཐམས་ཅད་ཀྱི་དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུྃ་གིས་མཚན་པ་ལས་འོད་ཟེར་འཕྲོས་པས་རང་བཞིན་གྱི་གནས་ནས་རྡོ་རྗེ་རྣམ་པར་འཇོམས་པའི་ལྷ་ཚོགས་འཁོར་དང་བཅས་པ་བཛྲ་ས་མཱ་ཛཿས་སྤྱན་དྲངས་པར་བསམ་ཞིང༌། དད་པ་དང་ནི་དམ་ཚིག་གིས། །ཚུར་གཤེགས་ཚུར་གཤེགས་རིགས་སྔགས་རྒྱལ། །བདག་གི་མཆོད་ཡོན་བཞེས་ནས་ཀྱང༌། །མཆོད་པས་བདག་ལ་དགྱེས་པར་མཛོད། །ཨོཾ་ཨ་མྲྀ་ཏེ་ཧཱུྃ་ཕཊ྄། སྙིང་ག་ནས་བདུད་རྩི་འཁྱིལ་བ་སྤྲོས་པས་ཕྱིར་འབྲང་གི་བགེགས་བསྐྲད་ནས། ཨོཾ་ཨ་ཧ་ར་ཨ་ཧ་ར་སརྦ་བིདྱ་དྷཱ་ར་པཱུ་ཛི་ཏེ་སྭཱ་ཧཱ། དེས་མཆོད་ཡོན་དབུལ། ཧཱུྃ༔ རྡོ་རྗེ་ལྕགས་ཀྱུ་འབར་བ་ཆེ༔ འདྲེན་པ་ཆེན་པོ་རྡོ་རྗེའི་རིགས༔ ཐུགས་རྗེའི་ཐུགས་དམ་བསྐུལ་བ་ལས༔ སངས་རྒྱས་མ་ལུས་ཉེ་བར་བྱེད༔ ཨོཾ་བཛྲ་ཨཾ་ཀུ་ཤ་ཛཿ རྡོ་རྗེ་ཞགས་པ་གདེངས་པ་ནི༔ འཆིང་བ་ཆེན་པོ་རིན་ཆེན་རིགས༔ དབྱིངས་ཀྱི་གནས་ནས་སྤྱན་འདྲེན་པའི༔ ཕོ་ཉ་མཆོག་ཏུ་འཕྲོ་བའོ༔ ཨོཾ་བཛྲ་པཱ་ཤ་ཧཱུྃ༔ རྡོ་རྗེ་ལྕགས་སྒྲོག་སྡོམ་པ་སྟེ༔ གཉིས་མེད་ཆེན་པོ་པདྨའི་རིགས༔ གནས་ནས་བསྐྱོད་ཅིང་བསྟིམ་པ་ཡི༔ དམ་ཚིག་ཕྱག་རྒྱ་ཆེ་མཆོག་གོ༔ ཨོཾ་བཛྲ་སྥོ་ཊ་བྃ༔ རྡོ་རྗེ་དྲིལ་བུ་སྙོམས་པ་ནི༔ དགྱེས་པ་ཆེན་པོ་ལས་ཀྱི་རིགས༔ གཉིས་སུ་མེད་པའི་བདག་ཉིད་ཀྱི༔ ཡེ་ཤེས་ཐིག་ལེ་གཅིག་ཏུ་འཆིང༔ ཨོཾ་བཛྲ་གཎྜེ་ཧོ༔ རྣམ་འཇོམས་རྩ་བའི་རྒྱ་རྡོ་རྗེ་རྩེ་ལྔ་པའི་ཚུལ་དུ་བཅས་ལ། ཨོཾ་བཛྲ་ཛྭ་ལཱ་ན་ཡ་སྭཱ་ཧཱ། ཞེས་སྤྱན་དྲངས་པའི་ལྷ་རྣམས་དམ་ཚིག་པ་ལ་དབྱེར་མེད་དུ་ཐིམ་པར་བསམ་ཞིང་བརྟན་པར་བྱས་ལ། གསུམ་པ་དབང་བསྐུར་བ་ནི། སླར་ཡང་དབང་ལྷ་སྤྱན་དྲངས་ནས༔ ཡེ་ཤེས་བདུད་རྩིས་དབང་བསྐུར་བས༔ རྡོ་རྗེ་མི་བསྐྱོད་གཙོར་གྱུར་པའི༔ བདེ་གཤེགས་རིགས་ལྔས་དབུ་བརྒྱན་གྱུར༔ བཞི་པ་མཆོད་པ་ནི། རབ་འབྱམས་རྒྱ་མཚོ་དཔག་མེད་ན། །མཆོད་ཡོན་ཞབས་བསིལ་མེ་ཏོག་དང༌། །བདུག་སྤོས་སྣང་གསལ་དྲི་ཆབ་དང༌། །ཞལ་ཟས་རོལ་མོ་ལ་སོགས་པའི། །མཆོད་རྫས་ཇི་སྙེད་ཡོད་པ་དང༌། །བདག་གིས་གུས་པས་བཤམས་པ་འདི། །ཇི་སྙེད་རྒྱལ་བ་སྲས་དང་བཅས། །དེ་སྙེད་རྣམས་ལ་བདག་འབུལ་ན། །ཐུགས་རྗེ་མངའ་བ་ཁྱེད་རྣམས་ཀྱིས། །ཅི་བདེ་བར་ནི་བཞེས་ནས་ཀྱང༌། །སེམས་ཅན་དོན་ཀུན་མཛད་དུ་གསོལ། །ཨོཾ་སརྦ་ཏ་ཐཱ་ག་ཏ་བཛྲ་བི་དྷ་ར་ས་པ་རི་བཱ་ར་ཨརྒྷཾ་པྲ་ཏཱིཙྪ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ། དེ་བཞིན་དུ་པདྱཾ་ནས་ཤབྡའི་བར་བཅུག་ལ་སོ་སོའི་ཕྱག་རྒྱས་འབུལ། གཞན་ཡང་སྒེག་སོགས་ལྷ་མོ་བརྒྱད་ནི། སྤྲོ་ན་ནང་སྒྲུབ་སྐབས་ལྟར་ཚིགས་བཅད་ཀྱང་སྦྱར། ཨོཾ་བཛྲ་ལཱ་སྱེ་ཧཱུྃ། ཨོཾ་བཛྲ་མ་ལེ་ཏྲྃ། ཨོཾ་བཛྲ་གཱིརྟི་ཧྲཱིཿ ཨོཾ་བཛྲ་ནཱིརྟི་ཨཱཿ ཨོཾ་བཛྲ་པུཥྤེ་ཏྲཱྃ། ཨོཾ་བཛྲ་དྷཱུ་པེ་ཧཱུྃ། ཨོཾ་བཛྲ་ཨཱ་ལོ་ཀེ་ཧྲཱིཿ ཨོཾ་བཛྲ་གནྡྷེ་ཨཱཿ ལྔ་པ་བསྟོད་པ་ནི། ཨོཾ༔ རྡོ་རྗེའི་སྐུ་ནི་རྡོ་རྗེའི་རིགས༔ རྡོ་རྗེ་ཡེ་ཤེས་ཕྱག་རྒྱ་ཆེ༔ རྡོ་རྗེ་ལས་བྱུང་རྡོ་རྗེའི་སྐུ༔ རྡོ་རྗེ་རྣམ་པར་འཇོམས་ལའོ༔ རྡོ་རྗེའི་གསུང་ནི་རྡོ་རྗེ་ཆེ༔ རྡོ་རྗེ་ཚངས་པའི་དབྱངས་སུ་ལྡན༔ རྡོ་རྗེའི་སྒྲ་སྟེ་རྡོ་རྗེའི་གསུང༔ རྡོ་རྗེ་ཀུན་ཏུ་ཁྱབ་པ་ལའོ༔ རྡོ་རྗེའི་ཐུགས་ནི་རྡོ་རྗེའི་མཁའ༔ རྡོ་རྗེ་ཡེ་ཤེས་སྙིང་པོར་མཁྲེགས༔ རྡོ་རྗེ་ལས་བྱུང་རྡོ་རྗེའི་དབྱིངས༔ རྡོ་རྗེའི་དཀྱིལ་འཁོར་ཉིད་ལའོ༔ རྡོ་རྗེའི་ཡོན་ཏན་བསམ་མི་ཁྱབ༔ རྡོ་རྗེའི་ས་མཆོག་མངོན་གྱུར་པས༔ རྡོ་རྗེ་དེ་བཞིན་གཤེགས་ཀུན་དང༔ རྡོ་རྗེ་གཉིས་མེད་གསང་བ་ལའོ༔ རྡོ་རྗེའི་ཕྲིན་ལས་ཁྱབ་པ་ཆེ༔ རྡོ་རྗེ་ཀུན་ཏུ་ཟབ་མོའི་ཀློང༔ རྡོ་རྗེའི་རིགས་ཅན་ཀུན་སྒྲོལ་བའི༔ རྡོ་རྗེའི་སེམས་དཔའ་ཆེན་པོ་ལའོ༔ དྲུག་པ་འཛབ་བཟླས་ནི། ཕྲེང་བ་བླངས་ཏེ། ཨོཾ་བཛྲ་ཨ་ཙིནྡྷཱ་ཡ་སྭཱ་ཧཱ། ཞེས་བདུན་བཟླས་པས་ཕྲེང་བ་བསྒྲུབས་ནས། བྷྲཱུྃ་བི་ཤྭ་བི་ཤུདྡྷེ་ཛྙཱ་ན་ཙཀྲ་མཎྜལ་ཕཊ྄་ཛཿ བདག་ཉིད་རྩ་བའི་དཀྱིལ་འཁོར་ལས་ཡེ་ཤེས་དཀྱིལ་འཁོར་གཉིས་པ་ཞིག་མདུན་དུ་ཕྱེ་ནས་མེ་རི་འདབས་འབྱོར་གྱི་ཚུལ་དུ་བཞུགས་པར་གྱུར། གཙོ་བོའི་ཐུགས་ཀར་འོད་ལྔའི་ཀློང༔ ཡེ་ཤེས་སེམས་དཔའ་རྡོ་རྗེ་སེམས༔ རྒྱན་མེད་མཛེས་པར་རོལ་པ་ཡི༔ ཐུགས་དབུས་རྡོ་རྗེའི་ལྟེ་བར་ཧཱུྃ༔ མཐའ་བསྐོར་རྒྱུ་སྐར་ལྟར་མཛེས་པའི༔ གསང་སྔགས་རྒྱལ་པོས་དོན་ཆེན་བྱེད༔ འོད་ཀྱི་སྤྲོ་བསྡུས་ལས་ཀུན་སྒྲུབ༔ དངོས་གྲུབ་ཐོགས་མེད་སྩོལ་བར་བསམ༔ འདི་སྐད་བདག་གིས་ཐོས་པ་སོགས་ནས་སྨྲས་སོ་ཡི་བར་ཚར་གཅིག་གི་རྗེས་སུ། ན་མོ་རཏྣ་ཏྲ་ཡཱ་ཡ་དང་པོ་ནས། ཛྭ་ལཱ་ཡ་སྭཱ་ཧཱའི་བར་རྩ་སྔགས་སམ་གཟུངས་རིང་དང༌། ན་མོ་རཏྣ་ཏྲ་ཡཱ་ཡ་ཕྱི་མ་ནས། བྷིནྡྷ་བྷིནྡྷ་བཛྲ་ཧཱུྃ་ཕཊ྄་ཀྱི་བར་སྙིང་པོ། ན་མཤྩཎྜ་བཛྲ་ཀྲོ་དྷ་ཡ་ཧུ་ལུ་ཧུ་ལུ་མན་ཆད་ཉེ་སྙིང་ངོ༌། དེ་རྣམས་ཐོག་མར་གསུམ་ཀ་སྦྲགས་ཏེ་ཚར་གཅིག་ངེས་པར་འདོན། དེ་ནས་རང་གི་མོས་པ་དང་སྦྱར་ཏེ་རིམ་པ་བཞིན་ཅི་ནུས་སུ་བཟླས་པས་རུང་ངོ༌། །དབང་དང་ཁྲུས་སོགས་ཀྱི་ཆེད་བུམ་པ་བསྒྲུབ་ན། བྷྲཱུྃ༔ རྣམ་རྒྱལ་བུམ་ནང་བདུད་རྩིའི་སྟེང༔ རྡོ་རྗེའི་དཀྱིལ་འཁོར་ལྷ་ཚོགས་གསལ༔ སྐུ་ལས་བདུད་རྩིའི་རྒྱུན་བབས་པས༔ བུམ་པ་ཡོངས་སུ་གང་བར་གྱུར༔ ཅེས་གསལ་བཏབ་སྟེ་གཟུངས་ཐག་བླངས་ལ། རང་གི་ཐུགས་ཀར་ཟླ་བ་ལ་གནས་པའི་སྔགས་ཀྱི་ཕྲེང་བ་གཟུངས་ཐག་ལ་འཁྲིལ་ནས་སོང་བ་བུམ་པའི་ལྷའི་ཐུགས་ཀར་ཐིམ་པས་དགྱེས་པ་བསྐྱེད། བྱང་ཆུབ་སེམས་ཀྱི་རང་བཞིན་ཡེ་ཤེས་ཀྱི་བདུད་རྩིའི་རྒྱུན་བསྩལ་བས་བུམ་པ་གང་བར་བསམ་ལ། གཡས་པས་ཕྲེང་བ་བགྲང་ཞིང་གཡོན་པས་གཟུངས་ཐག་ལ་འཇུས་ཏེ་གཟུངས་རིང་དང་སྙིང་པོ་ཉེ་སྙིང་དང་བཅས་པ་རྣམས་བཟླ་ཚུལ་གོང་དང་མཐུན་པར་སྐྱོན་དང་བྲལ་བ་ཅི་ནུས་སུ་བཟླ། ལས་བུམ་གྱི་ཆུ་རྡོ་རྗེའི་སྔགས་ཀྱི་རང་བཞིན་དུ་གྱུར། ཨོཾ་ཨ་མྲྀ་ཏེ་ཧཱུྃ། ཞེས་པ་ཅི་ནུས་བཟླའོ། །བུམ་བཟླས་ཡོད་མེད་གང་ལྟར་ཡང་མཐར། ཨོཾ་སརྦ་ཏ་ཐཱ་ག་ཏ་བཛྲ་བི་དྷ་ར་ཎ་ས་པ་རི་བཱ་ར་ཨརྒྷཾ་པྲ་ཏཱིཙྪ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ། དེ་བཞིན་དུ་པདྱཾ་ནས་ཤབྡབའི་བར་བཅུག་ཏེ་སོ་སོའི་ཕྱག་རྒྱས་ཕུལ་ལ། དེ་བཞིན་གཤེགས་པ་ཐམས་ཅད་ཀྱི། །མཐུ་སྟོབས་གཅིག་ཏུ་བསྡུས་པ་ཡི། །རྡོ་རྗེ་ཁྲོ་བོའི་སྐུར་སྟོན་པ། །རྣམ་པར་འཇོམས་ལ་ཕྱག་འཚལ་བསྟོད། །ཅེས་དང༌། སྡིག་པ་ཐམས་ཅད་བྱང་བྱས་ནས། །ཞེས་པ་ནས། སྡིག་པ་ཀུན་ལས་རྣམ་པར་ཐར། །ཞེས་པའི་བར་གྱི་ཕན་ཡོན་ཡང་བརྗོད་དོ། བདུན་པ་གཏོར་མ་གཏང་བ་ནི། ཆབ་ཀྱིས་བྲན་ལ། སྟོང་པའི་ངང་ལས་ཨོཾ་ཡིག་ལས༔ རིན་ཆེན་སྣོད་མཆོག་ཡངས་པའི་ནང༔ འབྲུ་གསུམ་ལས་བྱུང་གཏོར་མ་ནི༔ ཟག་མེད་ཡེ་ཤེས་བདུད་རྩིར་གྱུར༔ ཨོཾ་ཨཱཿཧཱུྃ༔ ལན་གསུམ། མདུན་བསྐྱེད་ཀྱི་ལྗགས་རྡོ་རྗེའི་སྦུ་གུ་ཅན་གྱིས་གཏོར་མའི་བཅུད་དྲངས་ཏེ་གསོལ་བར་གྱུར། ཉེ་སྙིང་ལ། ཨ་ཀཱ་རོ་བཏགས་པ་བདུན་གྱིས་ཕུལ་ནས། མཆོད་སྦྱིན་གཏོར་མ་སོགས་ཀྱིས་འདོད་དོན་གསོལ། འཇིག་རྟེན་པའི་གཏོར་མ་ཆ་གསུམ་སྤྱི་ལྟར་བྱ། བུམ་བཟླས་བྱས་ཡོད་ན་བུམ་པའི་ཡེ་ཤེས་པ་ཨོཾ་ཨཱཿཧཱུྃ་བཛྲ་མུཿ ཞེས་པས་གཤེགས་ཤིང༌། དམ་ཚིག་པ་བདག་ལ་བསྟིམ་མོ། །གཉིས་པ་རང་ཉིད་ཀྱི་དབང་གི་ཡེ་ཤེས་གསོ་བ་དང་གཞན་དག་ལམ་འདིར་སྨིན་པར་བྱ་རུང་བའི་ཕྱིར་བདག་ཉིད་འཇུག་པའི་ཆོ་ག་བྱ་བ་ལ། ལོང་སྐབས་ཆེ་ན་དབང་གཞུང་ལྟར་རྒྱས་པར་བྱ་བ་དང༌། གཞན་ལ་དབང་བསྐུར་གྱི་ཚེ་བདག་འཇུག་རྒྱས་པར་མི་ནུས་ན་བསྡུས་ཏེ་རིག་པའི་མེ་ཏོག་དོར་བའོ། །དང་པོ་ནི། རང་གི་སེམས་ཉིད་རྣམ་པར་དག་པ་དཀྱིལ་འཁོར་གྱི་འཁོར་ལོར་རྫོགས་པ་རྩ་བའི་བླ་མ་དང་དབྱེར་མེད་དུ་བལྟས་པ་དབང་ལེན་ཡུལ་དང༌། རྣམ་འགྱུར་གློ་བུར་གྱི་འཁྲུལ་ངོ་རྣམ་སྨིན་བག་ཆགས་ཀྱི་ལུས་སློབ་བུའི་ཚུལ་དུ་བྱས་ལ། དབང་གི་བྱ་བ་རྣམས་གཙོ་བོ་ལས་བྱེ་བའི་རྒྱལ་ཐེབ་ཀྱིས་མཛད་པར་མོས་ནས་འཇུག་པ་སྟེ། དང་པོར་ཁྲུས་བྱས། མཎྜལ་ཕུལ། དཀྱིལ་འཁོར་གྱི་ལྷ་ལ་དད་མོས་དྲག་པོས་ཐལ་མོ་སྦྱར་ཏེ། དགའ་ཆེན་ཁྱབ་བདག་སྟོན་པ་པོ། །སློབ་དཔོན་ཁྱོད་ནི་དགོངས་སུ་གསོལ། །བྱང་ཆུབ་ཆེན་པོའི་ཚུལ་སྟོན་པ། །མགོན་པོ་ཆེན་པོར་བདག་འཚལ་ལོ། །དམ་ཚིག་དེ་ཉིད་བསྩལ་དུ་གསོལ། །བྱང་ཆུབ་སེམས་ཀྱང་བདག་ལ་སྩོལ། །སངས་རྒྱས་ཆོས་དང་དགེ་འདུན་ཏེ། །དཀོན་མཆོག་གསུམ་ནི་སྩལ་དུ་གསོལ། །ཐར་པ་ཆེན་པོའི་གྲོང་མཆོག་ཏུ། །མགོན་པོས་བདག་ནི་འཇུག་པར་འཚལ། །ལན་གསུམ་གྱིས་གསོལ་བ་བཏབ། དཀོན་མཆོག་གསུམ་ལ་བདག་སྐྱབས་མཆི། །སྡིག་པ་མི་དགེ་སོགས་ལན་གསུམ་གྱིས་སྐྱབས་སེམས་ཚོགས་བསགས་བྱ། བདེ་གཤེགས་སྲས་བཅས་བདག་ལ་དགོངས། །རིག་པ་འཛིན་པ་བདག་གིས་ནི། །བྱང་ཆུབ་སྙིང་པོར་མཆིས་ཀྱི་བར། །སོ་སོར་ཐར་དང་བྱང་ཆུབ་སེམས། །རིག་འཛིན་ནང་གི་སྡོམ་པའི་ཚོགས། །མ་ལུས་ཡོངས་སུ་གཟུང་བར་བགྱི། །ཞེས་ལན་གསུམ་གྱིས་སྡོམ་པ་བཟུང༌། ཇི་སྙེད་སངས་རྒྱས་ཐམས་ཅད་ཀྱི༔ རྡོ་རྗེའི་གཡར་དམ་བླ་ན་མེད༔ དམ་ཚིག་ཆེན་པོ་ཧཱུྃ་གི་ཚོགས༔ ཁྱོད་ཀྱི་སྙིང་ལ་ཡང་དག་གནས༔ ཧཱུྃ་ཧཱུྃ་ཧཱུྃ༔ ཞེས་དམ་ཆུ་མྱང༌། དེ་ནས་ཡེ་ཤེས་ལྷ་ཡི་གཟི་བྱིན་དབབ་པ་ནི་ལུས་ངག་ཡིད་གསུམ་གྱི་གནད་ལེགས་པར་གཅུན་ལ། ཨོཾ་མ་ཧཱ་ཤཱུ་ནྱ་ཏཱ་སོགས། ཞེས་བརྗོད་པས་སྣོད་བཅུད་ཐམས་ཅད་མི་དམིགས་སྟོང་ཉིད་དུ་གྱུར་པའི་ངང་ལས་འོད་གསལ་ཡེ་ཤེས་ཀྱི་རོལ་པ་རྣམ་དག་རྡོ་རྗེའི་ཞིང་ཁམས་ཆེན་པོར་ལྷུན་གྱིས་གྲུབ་པའི་དབུས་སུ་སྣ་ཚོགས་རྡོ་རྗེ་དང་པད་ཉི་ཟླ་བའི་གདན་ལ། རང་གི་སེམས་ཉིད་ཧཱུྃ་ཡིག་མཐིང་ག་ལས་རྡོ་རྗེ་རྩེ་ལྔར་གྱུར། དེ་ཉིད་སྐད་ཅིག་གིས་བཅོམ་ལྡན་འདས་དཔལ་རྡོ་རྗེ་རྣམ་པར་འཇོམས་པའི་སྐུ་རྒྱན་ཆས་ཡོངས་སུ་རྫོགས་པ་ལམ་གྱིས་གསལ་བའི་གནས་གསུམ་རྡོ་རྗེའི་འབྲུ་གསུམ་གྱིས་མཚན་པ་ལས་བྱུང་བའི་འོད་ཟེར་གྱིས་ཕྱོགས་བཅུའི་ཞིང་རབ་འབྱམས་ཀྱི་རྒྱལ་བ་སྲས་དང་བཅས་པའི་ཐུགས་རྒྱུད་བསྐུལ་ཏེ་སྒོམ་པ་དང་འདྲ་བའི་ཡེ་ཤེས་སེམས་དཔའི་ཚོགས་ཆར་དྲག་ཏུ་བབ་པ་བཞིན་བྱོན་ནས་སྒོ་གསུམ་ལ་སིབ་སིབ་ཐིམ་པར་མོས་ལ། ཉེ་སྙིང་གི་མཐར། ཛྙཱ་ན་ཨ་བེ་ཤ་ཡ་ཨ་ཨཿ ར་ར་ར་ར་ཙཱ་ལ་ཡ་ཙཱ་ལ་ཡ་ཧཱུྃ་ཧ་ཛྷཻཾ༔ སྤོས་དང་རོལ་མོ་ཏིང་ངེ་འཛིན་གྱིས་དབབ་པའི་ཡེ་ཤེས་པ། བཛྲ་ཨངྐུ་ཤ་ཛཿ བཛྲ་པཱ་ཤ་ཧཱུྃ༔ བཛྲ་སྥོ་ཊ་བྃ༔ བཛྲ་གཎྜེ་ཧོཿ ཕྱག་རྒྱ་བཞི་དང༌། ཏིཥྛ་བཛྲ་བརྗོད་པས་བརྟན་པར་བྱ། སླར་ཡང་མཎྜལ་སྔོན་དུ་འགྲོ་བས། དཀྱིལ་འཁོར་དབང་ཕྱུག་བླ་མ་རྗེ། །རྡོ་རྗེའི་གསང་བ་ཀུན་གྱི་བདག །ཁྲོ་བོའི་རྒྱལ་པོ་དགོངས་སུ་གསོལ། །འཇུག་ཅིང་སྨིན་པའི་བཀའ་དྲིན་སྩོལ། །ཅེས་ལན་གསུམ་གྱིས་གསོལ་བ་བཏབ་པས་ཐོག་མར་ཕྱི་ཕན་པའི་དབང་ནི། བླ་མ་དང་དཀྱིལ་འཁོར་གྱི་ལྷ་ཚོགས་དབྱེར་མེད་པའི་ཐུགས་ཀ་ནས་དབང་ལྷ་ནམ་མཁའ་གང་བར་སྤྲོས་ཏེ། སངས་རྒྱས་ཐམས་ཅད་ཀྱི་ཐུགས་རྡོ་རྗེ་མི་བསྐྱོད་པའི་རང་བཞིན་རིན་པོ་ཆེའི་བུམ་པ་བདུད་རྩིའི་ཆུ་རྒྱུན་གྱི་གང་བས་དབང་བསྐུར་ཞིང་ཁྲུས་བྱས་པར་མོས། རྣམ་བུམ་ཐོགས་ལ། ཧཱུྃ༔ མི་བསྐྱོད་ཡེ་ཤེས་བདུད་རྩིའི་ཆུས༔ རྡོ་རྗེ་རང་བྱུང་ལས་ཀུན་བྱེད༔ དབང་མཆོག་བུ་ལ་བྱིན་པ་ཡིས༔ སྒྲིབ་དག་ཡེ་ཤེས་རྟོགས་པར་ཤོག༔ ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཡེ་ཧཱུྃ༔ ཞེས་བུམ་ཆུས་ཁྲུས་བྱ་ཞིང་འཐུང༌། དེ་ལྟར་མི་བསྐྱོད་པའི་བདག་ཉིད་བུམ་པ་བཟང་པོ་ལས་བྱུང་བའི་བདུད་རྩིའི་ཆུ་རྒྱུན་གྱིས་དབང་བསྐུར་བས། ཉོན་མོངས་པ་ཞེ་སྡང་དག །རྣམ་ཤེས་ཀྱི་ཕུང་པོ་མི་བསྐྱོད་པར་གནས་གྱུར། སངས་རྒྱས་རྡོ་རྗེ་རིགས་ཀྱི་ཁྱབ་བདག་མི་བསྐྱོད་པ་ཆུའི་དབང་ཐོབ་པ་ཡིན་ནོ། །སངས་རྒྱས་ཐམས་ཅད་ཀྱི་ཡོན་ཏན་རིན་ཆེན་འབྱུང་ལྡན་གྱི་བདག་ཉིད་རིན་པོ་ཆེའི་དབུ་རྒྱན་གྱི་དབང་བསྐུར་བར་མོས། དབུ་རྒྱན་སྤྱི་བོར་བཅིང་ལ། ཏྲཱྃ༔ རིན་ཆེན་དབུ་རྒྱན་ཅོད་པན་ཅན༔ ཡང་དག་ཡེ་ཤེས་ལྔ་དང་ལྡན༔ དོན་རྟགས་འབྲེལ་བས་དབང་བསྐུར་བས༔ ཟག་མེད་འབྲས་བུའི་སར་ཕྱིན་ཤོག༔ ཨོཾ་རཏྣ་མུ་ཀུ་ཊ་ཨབྷི་ཥིཉྩ་ཏྲཱྃ༔ དེ་ལྟར་རིན་ཆེན་འབྱུང་ལྡན་དབུ་རྒྱན་གྱི་དབང་བསྐུར་བས། ཉོན་མོངས་པ་ང་རྒྱལ་དག །ཚོར་བའི་ཕུང་པོ་རིན་ཆེན་འབྱུང་ལྡན་དུ་གནས་གྱུར། སངས་རྒྱས་རིན་ཆེན་རིགས་ཀྱི་ཁྱབ་བདག་རིན་ཆེན་འབྱུང་ལྡན་དབུ་རྒྱན་གྱི་དབང་ཐོབ་པ་ཡིན་ནོ། །སངས་རྒྱས་ཐམས་ཅད་ཀྱི་གསུང་རྡོ་རྗེ་སྣང་བ་མཐའ་ཡས་ཀྱི་རང་བཞིན་རྡོ་རྗེའི་དབང་བསྐུར་བར་མོས། རྡོ་རྗེ་ལག་གཡས་པས་འཕྱར་ལ། ཧྲཱིཿ རྡོ་རྗེ་བླ་མེད་མན་ངག་ཆོས༔ གསུང་གི་དབང་ཕྱུག་དཀྱིལ་འཁོར་ཆེའི༔ ཕྱག་རྒྱ་ཆེན་པོས་དབང་བསྐུར་བས༔ ཆོས་ཀུན་འབྱུང་བའི་ས་ཐོབ་ཤོག༔ ཨོཾ་བཛྲ་ཨ་བྷི་ཥིཉྩ་ཨཱཿ ཞེས་བརྗོད་ལ་ཐུགས་ཀར་གཏོད། དེ་ལྟར་སྣང་བ་མཐའ་ཡས་རྡོ་རྗེས་དབང་བསྐུར་བས། ཉོན་མོངས་པ་འདོད་ཆགས་དག །འདུ་ཤེས་ཀྱི་ཕུང་པོ་སྣང་བ་མཐའ་ཡས་སུ་གནས་གྱུར། སངས་རྒྱས་པདྨའི་རིགས་ཀྱི་ཁྱབ་བདག་སྣང་བ་མཐའ་ཡས་རྡོ་རྗེའི་དབང་ཐོབ་པ་ཡིན་ནོ། །སངས་རྒྱས་ཐམས་ཅད་ཀྱི་ཕྲིན་ལས་དོན་ཡོད་གྲུབ་པའི་རང་བཞིན་དྲིལ་བུའི་དབང་བསྐུར་བར་མོས། དྲིལ་བུ་གཡོན་པས་དཀྲོལ་ཞིང་དཀུར་བསྟེན་ལ། ཨཱཿ དྲིལ་བུ་ཡེ་ཤེས་སྒྲ་དང་ལྡན༔ དོན་ཀུན་གྲུབ་པ་དཀྱིལ་འཁོར་གཙོའི༔ ཡང་དག་ཕྱག་རྒྱའི་དབང་བྱིན་པས༔ ཕྲིན་ལས་རྩོལ་མེད་ལྷུན་གྲུབ་ཤོག༔ ཨོཾ་གྷཎྜེ་ཨ་བྷི་ཥིཉྩ་ཧོཿ དེ་ལྟར་དོན་ཡོད་གྲུབ་པ་དྲིལ་བུས་དབང་བསྐུར་བས། ཉོན་མོངས་པ་ཕྲག་དོག་དག །འདུ་བྱེད་ཀྱི་ཕུང་པོ་དོན་ཡོད་གྲུབ་པར་གནས་གྱུར། སངས་རྒྱས་ལས་ཀྱི་རིགས་ཀྱི་ཁྱབ་བདག་དོན་ཡོད་གྲུབ་པ་དྲིལ་བུའི་དབང་ཐོབ་པ་ཡིན་ནོ། །སངས་རྒྱས་ཐམས་ཅད་ཀྱི་སྐུ་རྡོ་རྗེ་རྣམ་པར་སྣང་མཛད་ཀྱི་བདག་ཉིད་རྡོར་དྲིལ་བསྣོལ་མ་མིང་གིས་དབང་བསྐུར་བར་མོས། རྡོར་དྲིལ་བསྣོལ་མ་སྤྱི་བོར་བཟུང་ལ། ཨོཾ༔ རྡོ་རྗེ་སྣང་མཛད་ཡེ་ཤེས་སྐུ༔ དེ་ཉིད་མཚོན་པ་རྡོ་རྗེའི་མིང༔ སྲིད་གསུམ་ཁྱབ་པར་བསྒྲགས་པ་ཡིས༔ ཞིང་ཀུན་མཛེས་པའི་དབང་ཐོབ་ཤོག༔ ཨོཾ་བྷུརྦྷུ་ཝ་སྭ་ཨ་བྷི་ཥིཉྩ་ཨོཾ༔ ཞེས་དཀྲོལ། དེ་ལྟར་རྣམ་པར་སྣང་མཛད་རྡོ་རྗེའི་མིང་གི་དབང་བསྐུར་བས། ཉོན་མོངས་པ་གཏི་མུག་དག །གཟུགས་ཀྱི་ཕུང་པོ་རྣམ་པར་སྣང་མཛད་དུ་གནས་གྱུར། སངས་རྒྱས་དེ་བཞིན་གཤེགས་པའི་རིགས་ཀྱི་ཁྱབ་བདག་རྣམ་པར་སྣང་མཛད་རྡོ་རྗེ་མིང་གི་དབང་ཐོབ་པ་ཡིན་ནོ། །དེ་ལྟར་ཡེ་ཤེས་ལྔ་སྐྱེས་པ་མི་ཉམས་པར་བརྟན་ཞིང་གོང་འཕེལ་དུ་བྱ་བའི་ཕྱིར་རིགས་དྲུག་པའི་ཡེ་ཤེས་ཀྱི་བདག་ཉིད་རྣམ་རྒྱལ་བུམ་པས་སླར་ཡང་དབང་བསྐུར་བར་མོས། རྣམ་བུམ་བཏེགས་ལ། ཨོཾ༔ བཀྲ་ཤིས་བུམ་པ་མཚན་ཉིད་རྫོགས༔ ཡེ་ཤེས་ཆེན་པོའི་བདུད་རྩིས་གཏམས༔ སྐལ་ལྡན་བུ་ལ་དབང་བསྐུར་བས༔ ཡོན་ཏན་མ་ལུས་རྫོགས་པར་ཤོག༔ ཉེ་སྙིང་མཐར། ཨོཾ་ཀ་ལ་ཤ་ཨ་བྷི་ཥིཉྩ་ཨོཾ༔ ཞེས་བུམ་པ་སྤྱི་བོར་བཞག་ཅིང་བུམ་ཆུ་མྱང༌། དེ་ལྟར་ཐུན་མོང་རིག་པའི་དབང་ལྔ་མཐའ་བརྟེན་དང་བཅས་པས་སྨིན་པར་བྱས་པས། ལུས་ཀྱི་ནང་ཐམས་ཅད་ཡེ་ཤེས་ཀྱི་བདུད་རྩིས་གང༌། དྲི་མ་བག་ཆགས་དང་བཅས་པ་དག །ཐོབ་བྱ་དཀྱིལ་འཁོར་གྱི་བདག་པོའི་གོ་འཕང་མངོན་དུ་གྱུར་པར་མོས་ཞིང་སྐུར་གསལ། དེ་དང་རྗེས་འབྲེལ་ནང་ནུས་པའི་དབང་ནི། དཀྱིལ་འཁོར་གྱི་ལྷ་ཚོགས་རྣམས་ལས་རང་འདྲའི་སྐུ་གཉིས་པ་སྤྲོས་ནས། རང་གི་སྤྱི་བོར་ཐིམ་པས་ཡེ་ཤེས་ཕྱག་རྒྱའི་སྐུ་ཡི་བྱིན་རླབས་རྒྱུད་ལ་ཞུགས་པར་མོས། ལྷ་སོ་སོའི་ཙཀླི་རིམ་པར་ཐོགས་ཏེ། ཧཱུྃ༔ དེ་བཞིན་གཤེགས་པ་ཐམས་ཅད་ཀྱི༔ རྡོ་རྗེ་མི་ཕྱེད་གསུམ་གྱི་བདག༔ རིགས་ཀྱི་གཙོ་བོ་བཅོམ་ལྡན་འདས༔ རྣམ་པར་འཇོམས་པས་དབང་བསྐུར་རོ༔ ཨོཾ་བཛྲ་བིད་སྭཱ་ཧཱ་ཀཱ་ཡ་ཨ་བྷི་ཥིཉྩ་ཨོཾ། ཧཱུྃ། ཡེ་ཤེས་དག་པའི་ཕྱག་རྒྱའི་གཟུགས། །རྡོ་རྗེ་གསང་བ་ཀུན་གྱི་བདག །དེ་བཞིན་གཤེགས་པ་རིགས་མཆོག་བཞིས། །སྐལ་ལྡན་བུ་ལ་དབང་བསྐུར་རོ། །ཨོཾ་ཏྲཱྃ་ཧྲཱིཿཨཱ་ཨ་བྷི་ཥིཉྩ་ཨོཾ། ཧཱུྃ། རྡོ་རྗེའི་ཡེ་ཤེས་འབར་བའི་སྐུ། །ཕྱོགས་བཅུའི་གདོན་འདུལ་ཁྲོ་བོ་བཅུ། །བཅོམ་ལྡན་སྲུང་བ་ཆེན་པོ་ཡིས། །སྐལ་ལྡན་བུ་ལ་དབང་བསྐུར་རོ། །ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཨ་བྷི་ཥིཉྩ་ཨོཾཿ ཧཱུྃ། འབར་བའི་ཡེ་ཤེས་གཏུམ་པོ་ཆེ། །ལས་ཀུན་སྒྲུབ་ལ་ཐོགས་པ་མེད། །སྒོ་སྲུང་ཁྲོ་རྒྱལ་རྣམ་བཞི་ཡིས། །སྐལ་ལྡན་བུ་ལ་དབང་བསྐུར་རོ། །ཛ་ཧཱུྃ་བྃ་ཧོཿ ཨ་བྷི་ཥིཉྩ་ཨོཾ༔ དཀྱིལ་འཁོར་གྱི་གཙོ་བོའི་ཐུགས་ཀར་ཡེ་ཤེས་སེམས་དཔའ་རྡོ་རྗེ་སེམས་དཔའི་ཐུགས་དབུས་ཟླ་བ་ལ་གནས་པའི་ཧཱུྃ་ཡིག་གི་མཐར་གཟུངས་སྔགས་ཀྱི་ཕྲེང་བ་གཡས་སྐོར་དུ་སྦྲུལ་འཁྱིལ་བ་ལྟར་གནས་པ་ལས་སྔགས་ཕྲེང་གཉིས་པ་ཞིག་ནར་གྱིས་བྱུང༌། ཞལ་ནས་ཐོན་རང་གི་ཁར་ཞུགས། སྙིང་གར་ཡེ་ཤེས་སེམས་དཔའི་ཐུགས་སྲོག་ཧཱུྃ་གི་མཐར་འཁོད་པར་མོས་ལ་གཟུངས་རིང་འབྲིང་ཐུང་གསུམ་རྗེས། ཛཿཤནྟིཾ་ཀུ་རུ་ཧཱུྃ༔ ཧཱུྃ་པུཥྚིཾ་ཀུ་རུ་ཨོཾ༔ བྃ་ཝཱ་ཤཾ་ཀུ་རུ་ཧོ༔ ཧོཿམ་ར་ཡ་ཕཊ྄༔ ཅེས་བཏགས་པ་ལན་གསུམ་བཟླའོ། །དཀྱིལ་འཁོར་པའི་ཐུགས་ཡེ་ཤེས་ཀྱི་དགོངས་པ་སྣང་སྟོང་སྒྱུ་མ་ལྟ་བུའི་དོན་དཔེ་མེ་ལོང་ནང་གི་གཟུགས་བརྙན་གྱིས་མཚོན་པར་མོས་ལ། མེ་ལོང་ལ་གཙོ་སྐུ་ཤར་བ་བསྟན་ཏེ། ཧཱུྃ༔ ཡེ་ཤེས་རྣམ་པ་ཐམས་ཅད་པ༔ མ་འགག་རོལ་པ་ཅིར་ཡང་ཤར༔ སྣང་ཡང་ཞེན་མེད་བརྡ་འདི་ཡིས༔ དོན་གྱི་གནས་ལུགས་ཤེས་པར་གྱིས༔ དྷརྨ་དྷཱ་ཏུ་ཨ་ཨ་ཨཿ དེ་དག་གིས་བུམ་པའི་དབང་བསྐུར་མཐའ་རྟེན་དང་བཅས་པ་ཐོབ། བསྐྱེད་རིམ་དབྱིབས་ཀྱི་རྣལ་འབྱོར་སྒོམ་པ་ལ་དབང༌། ལུས་ཀྱི་སྒྲིབ་པ་དག །སྤྲུལ་སྐུ་ཐོབ་པའི་སྐལ་བ་ཅན་དུ་བྱས་པ་ཡིན་ནོ། །གསང་དབང་ནི། ཡབ་ཡུམ་མཉམ་པར་སྦྱོར་བའི་བྱང་ཆུབ་སེམས་ཀྱི་བདུད་རྩི་ལྕེ་ཐོག་ཏུ་བཞག་པས་བདེ་སྟོང་རྣམ་པར་མི་རྟོག་པའི་ཡེ་ཤེས་མངོན་དུ་གྱུར་པར་མོས་ལ། ཧཱུྃ༔ བདེ་སྟོང་རོལ་པའི་བྱང་ཆུབ་སེམས༔ འདི་ནི་སངས་རྒྱས་ཐམས་ཅད་ཀྱི༔ གཉིས་མེད་མཉམ་པའི་ཡེ་ཤེས་རྒྱུན༔ གཙང་དམེ་མེད་པར་རོལ་བར་གྱིས༔ ཨ་ཧོ་མ་ཧཱ་སུ་ཁ་ཧོཿ ཞེས་བདུད་རྩི་མྱངས་པས་རྩ་ཐམས་ཅད་བདུད་རྩིས་གང༌། དུག་གསུམ་གྱི་རྣམ་རྟོག་འགགས། བདེ་བའི་ཡེ་ཤེས་སྐྱེས་པར་བསམ། དེས་གསང་བའི་དབང་བསྐུར་བ་ཐོབ། བདག་བྱིན་བརླབ་པའི་ཡེ་ཤེས་སྒོམ་པ་ལ་དབང༌། རླུང་གི་སྒྲིབ་པ་དག །ལོངས་སྐུ་ཐོབ་པའི་སྐལ་བ་ཅན་དུ་བྱས་པའོ། །ཤེར་དབང་ནི། དཀྱིལ་འཁོར་པའི་ཐུགས་ཀ་ནས་རིག་མ་གཟུགས་དང་ལང་ཚོས་བརྒྱན་པ་བྱོན་ནས་རང་ལ་འཁྱུད་པར་མོས་ལ། རིག་ཙཀ་དང་དྲིལ་བུ་ལག་གཡོན་དུ་ཐོགས་ལ། ཧཱུྃ༔ ཡེ་ཤེས་རྣམ་པ་ཐམས་ཅད་པ༔ དཔེ་ཡི་ཐབས་ཀྱིས་མངོན་བྱེད་པའི༔ བཅུ་དྲུག་དགའ་སྦྱིན་སྒྱུ་མ་ཆེ༔ སྒྱུ་མའི་རོལ་པས་སྤྱོད་ཅིག་བུ༔ ཨོཾ་ཨཱཿཧཱུྃ་པདྨ་བྷཉྫ་མོ་ཀྵ་ཧོ༔ ཞེས་འདུ་ཤེས་གསུམ་ལྡན་གྱིས་རིག་མ་དང་མཉམ་པར་སྦྱར་བས་དགའ་བ་བཞིའི་རིམ་པས་ལྷན་སྐྱེས་ཀྱིས་བདེ་བ་བརྟན་པར་བསམ་ལ། ཨོཾ་སརྦ་ཏ་ཐཱ་ག་ཏ་མ་ཧཱ་ཨ་ནུ་རཱ་ག་ཎ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། ཞེས་བརྗོད་ཅིང་འཁྱུད་རྒྱ་བྱ། དེས་ཤེས་རབ་ཡེ་ཤེས་ཀྱི་དབང་བསྐུར་བ་ཐོབ། གཞན་ལུས་ཕྱག་རྒྱའི་རྣལ་འབྱོར་སྒོམ་པ་ལ་དབང༌། ཐིག་ལེའི་སྒྲིབ་པ་དག །ཆོས་སྐུ་ཐོབ་པའི་སྐལ་བ་ཅན་དུ་བྱས་པ་ཡིན་ནོ། །ཚིག་དབང་ནི། སེམས་དུས་གསུམ་གྱི་རྟོག་པས་མ་བསླད་པ་ཆོས་ཉིད་གཉུག་མའི་ངང་དུ་མཉམ་པར་བཞག་ལ། ཧཱུྃ༔ སྟོང་གསལ་རིག་པ་ཡེ་ཤེས་སེམས༔ ཀུན་ཁྱབ་རྡོ་རྗེའི་ཁམས་ཆེན་པོ༔ རང་རིག་ཐིག་ལེ་གཉིས་མེད་པས༔ ཆོས་དབྱིངས་གནས་ལུགས་རྟོག་པར་གྱིས༔ དྷརྨ་དྷཱ་ཏུ་ཨ་ཨ་ཨ༔ དེས་དབང་བཞི་པ་ཐོབ། ལམ་ཟུང་འཇུག་སྒོམ་པ་ལ་དབང༌། འཕོ་བའི་སྒྲིབ་པ་དག །ངོ་བོ་ཉིད་སྐུ་ཐོབ་པའི་སྐལ་བ་ཅན་དུ་བྱས་པའོ། །དེ་དག་གིས་དབང་བཞི་ཡོངས་སུ་རྫོགས་པ་ཐོབ་པས་རང་ཉིད་བདག་པོ་ཆེན་པོའི་གོ་འཕང་བརྙེས་ཏེ་སྣང་སྟོང་སྒྱུ་འཕྲུལ་དྲྭ་བ་དཀྱིལ་འཁོར་གྱི་གཙོ་བོ་རྡོ་རྗེ་རྣམ་པར་འཇོམས་པའི་སྐུར་གསལ་བ་ལ་གསང་སྔགས་ཀྱི་ཕྱག་རྒྱའི་དམ་ཚིག་གི་ནང་ནས་མཆོག་ཏུ་གྱུར་པ་རྡོ་རྗེ་དང་དྲིལ་བུ་གསང་བ་གསུམ་གྱི་དཀྱིལ་འཁོར་མ་ལུས་པའི་བདག་ཉིད་འདི་ལག་ཏུ་གཏད་པ་ཙམ་གྱིས་རྣམ་པ་ཐམས་ཅད་མཁྱེན་པའི་ས་བོན་ཐེབས། སངས་རྒྱས་ཐམས་ཅད་ཀྱི་མེས་པོ་དཀྱིལ་འཁོར་རྒྱ་མཚོའི་ཁྱབ་བདག་ཏུ་གྱུར་པས། དབང་བསྐུར། རྒྱུད་འཆད། སློབ་མ་བསྡུ་བ་ལ་སོགས་པའི་ལས་བྱེད་པ་ལ་དབང་བར་མོས། རྡོ་རྗེ་ལག་གཡས་སུ་ཐོགས་ལ། ཧཱུྃ༔ རྡོ་རྗེ་ཡང་དག་ཡེ་ཤེས་ཆེ༔ སངས་རྒྱས་ཀུན་གྱི་ཐུགས་ཉིད་དེ༔ དེ་རིང་བུ་ལ་བྱིན་པ་ཡིས༔ ཁྱོད་ཀྱང་རྡོ་རྗེའི་ཐུགས་འགྲུབ་ཤོག༔ ཨོཾ་བཛྲ་ཧཱུྃ༔ ཞེས་སྙིང་གར་གསོར། དྲིལ་བུ་ལག་གཡོན་དུ་ཐོགས་ལ། ཧཱུྃ༔ དྲིལ་བུ་སྟོང་པའི་སྒྲ་སྒྲོག་པ༔ ཆོས་ཀུན་དེ་ཉིད་རྗེས་སུ་མཚོན༔ སངས་རྒྱས་གསུང་གིས་དབང་བསྐུར་བས༔ རྡོ་རྗེའི་གསུང་མཆོག་འགྲུབ་པར་ཤོག༔ ཨོཾ་གྷཎྜེ་ཧཱུྃ༔གིས་དཀྲོལ་ཏེ་དཀུ་གཡོན་དུ་གཏད། ཧཱུྃ༔ བདེ་ཆེན་མི་འགྱུར་རྡོ་རྗེ་སེམས༔ ཤེས་རབ་ཡུམ་དང་གཉིས་སུ་མེད༔ རྟག་ཏུ་ཕྱག་རྒྱ་དགྱེས་རོལ་བའི༔ སངས་རྒྱས་སྐུ་དང་གཉིས་མེད་ཤོག༔ ཨོཾ་སརྦ་ཏ་ཐཱ་ག་ཏ་མ་ཧཱ་ཨ་ནུ་རཱ་ག་ཎ་ཛྙཱ་ན་བཛྲ་སྭ་བྷཱ་ཝ་ཨཏྨ་ཀོ྅ཧཾ༔ ཞེས་ལག་གཉིས་པད་ཀོར་དང་འཁྱུད་རྒྱས་རྡོར་དྲིལ་ཐུགས་ཀར་བསྣོལ། མངའ་གསོལ་གྱི་ཆས་ཐོགས་ལ། ཨོཾ༔ ཁྱོད་ནི་ངེས་པར་རྡོ་རྗེ་སེམས༔ ཆོས་ཀྱི་རྒྱལ་པོར་དབང་བསྐུར་བས༔ དོན་རྣམས་ཐམས་ཅད་སྒྲུབ་པ་དང༔ རྡོ་རྗེ་སློབ་མའི་ཚོགས་སྡུས་ཤིག༔ ས་མ་ཡ་ཨ་བྷི་ཥིཉྩ་ཧཱུྃ༔ ཞེས་དང༌། དེ་ནས་རྗེས་ཀྱི་དམ་ཚིག་ཁས་བླང་བ་ནི། གཙོ་བོས་ཇི་ལྟར་སོགས་བྱ། དེང་ནས་བརྩམས་ཏེ་སོགས་ཀྱིས་ལུས་འབུལ་དང༌། གཏང་རག་མཎྜལ་ཡང་བྱས་པས་གྲུབ་པའོ། །གཉིས་པ་གཞན་ལ་དབང་བསྐུར་གྱི་ཚེ་དེ་ལྟར་རྒྱས་པར་མི་ནུས་ན་བསྡུས་ཏེ་རིག་པའི་མེ་ཏོག་དོར་བ་ནི། གོང་གི་ནང་སྒྲུབ་སྐབས་ལྟར་བྱའོ། །གཞན་ཡང་སྒྲུབ་ཐབས་འདི་ལ་བརྟེན་པའི་ཁྲུས་ཀྱི་ཆོ་ག་བྱ་ན། སྟེགས་གཙང་མར་རྡུལ་ཚོན་ནམ་རས་བྲིས་ཀྱི་པདྨ་འདབ་བརྒྱད་བྲིས་པའི་དབུས་སུ་བུམ་པ་བཀོད། གོང་གཏོར་དང་མཆོད་གཏོར་ཆ་གསུམ་དང་བཅས་པ་བཤམས་པའི་མཐའ་ཉེར་སྤྱོད་ཀྱིས་བསྐོར་ལ། བདག་མདུན་བུམ་པ་འདས་མ་འདས་ཀྱི་གཏོར་ཆོག་བུམ་ལྷ་འོད་ཞུའི་བར་སྒྲུབ་ཐབས་ལྟར་བྱ་བ་ལས་ཕན་ཡོན་བརྗོད་པ་དོར་ལ། སྦྱོང་བ་སྔོན་དུ་འགྲོ་བས་བཀྲུ་བྱབ་སྲུང་བའི་རིམ་པ་རྣམས་ཁྲུས་ཆོག་གཞན་དང་མཚུངས་པར་བྱ་ཞིང༌། གོང་གི་ཕན་ཡོན་འདིར་བརྗོད། རྗེས་སུ་ཤིས་པ་བརྗོད་པས་དགེ་ལེགས་རྒྱ་ཆེར་སྤེལ་བར་བྱའོ། །གསུམ་པ་རྗེས་ལ་ལྔ་ལས། དང་པོ་མཆོད་བསྟོད་ནི། སྔགས་ཙམ་གྱིས་མཆོད་ཅིང༌། དེ་བཞིན་གཤེགས་པ་སོགས་ཀྱིས་བསྟོད། གཉིས་པ་ནོངས་བཤགས་ནི། མ་རྙེད་ཡོངས་སུ་མ་ཚང་སོགས་ཡི་གེ་བརྒྱ་པ་ལན་གསུམ་གྱིས་ནོངས་པ་བཤགས། གསུམ་པ་བསྡུ་ལྡང་ནི། བདག་ཉིད་ལྷར་གསལ་བ་འོད་གསལ་གྱི་ངང་དུ་ཐིམ། སླར་ཡང་ལས་ཀྱི་ཁྲོ་བོའི་སྐུར་ལངས་ལ་སྤྱོད་ལམ་བསྐྱང་ངོ༌། །བཞི་པ་བསྔོ་སྨོན་ནི། དགེ་བ་འདི་ཡིས་མྱུར་དུ་བདག །རྡོ་རྗེ་རྣམ་འཇོམས་སོགས་བརྗོད། ལྔ་པ་ཤིས་བརྗོད་ནི། རྒྱལ་བ་ཀུན་གྱི་ཐུགས་རྡོ་རྗེ། །ཁྲོ་བོའི་སྐུར་བཞེངས་བདུད་བཞིའི་དཔུང༌། །རྣམ་པར་འཇོམས་མཛད་ལྷག་པའི་ལྷའི། །སྐུ་གསུང་ཐུགས་ཀྱི་བཀྲ་ཤིས་ཤོག །ཅེས་སོགས་ཤིས་ཚིག་གཞན་ཡང་བརྗོད་དོ། །ཆོ་ག་དང་བཟླས་པའི་རིམ་པ་དེ་ལྟ་བུས་སྔགས་གསུམ་པོ་གང་ཡང་རུང་བ་གཅིག་འབུམ་དུ་བཟླ་བ་ནི་གྲངས་བསྙེན་དང༌། ལྷ་ལ་མཐོང་རེག་གི་མཚན་མ་དང་ཡི་དམ་གྱི་རྟེན་བཞད་པ་མཐོང་བ་སོགས་ནི་རྟགས་ཀྱི་བསྙེན་པའོ། །བཞི་པ་ཡང་གསང་རིགས་བརྒྱའི་དཀྱིལ་འཁོར་ལྟར་སྒྲུབ་པ་ལ་སྔོན་དངོས་རྗེས་གསུམ་ལས། དང་པོ་སྔོན་འགྲོ་ལ་བཅུ་བཞི་ལས། དང་པོ་སྦྱོར་བའི་ཆོས་ནི། གནས་ཁང་རྒྱན་གྱིས་སྤྲས་པའི་གུང་དུ་དཀྱིལ་འཁོར་གཞུང་གསལ་ལྟར་རམ་ཚོམ་བུ་ལྷ་གྲངས་བཀོད་པ་དང༌། སྨན་རཀ་གཏོར་མ་ཉེར་སྤྱོད་ཀྱི་མཆོད་པ་དང་ཚོགས་ཆད་བརྟན་སྲུང་མའི་གཏོར་མ་དཀར་བགེགས་བཅས་འདུ་བྱས་ལ། བདག་འཇུག་དང་སྦྲེལ་ན་དེའི་ཡོ་བྱད་ཐམས་ཅད་བསགས་ཤིང༌། རང་ཉིད་བདེ་བའི་སྟན་ལ་འཁོད་ནས་ངེས་འབྱུང་དང་སྙིང་རྗེའི་བློ་དང་བཅས་པས། གཉིས་པ་བསང་ཆུ་སྒྲུབ་པ་ནི། བརྒྱུད་འདེབས་སྔོན་དུ་འགྲོ་བས། བཛྲ་མ་ཧཱ་ཤྲཱི་ཧེ་རུ་ཀོ྅ཧཾ། རང་ཉིད་སྐད་ཅིག་གིས་རྡོ་རྗེ་ཧེ་རུ་ཀ་སྐུ་མདོག་སྔོན་པོ་ཁྲོ་བོའི་ཆས་ཅན་རྡོ་རྗེ་དང་དུང་ཁྲག་འཛིན་པའི་སྐུར་གྱུར་པར་བསམ་ལ། དེའི་ཐུགས་ཀ་ནས་རྃ་ཡྃ་ཁྃ་འཕྲོས་པས་མ་དག་པའི་དངོས་འཛིན་ཐམས་ཅད་བསྲེགས་གཏོར་སྦྱངས། སྟོང་པའི་ངང་ལས་བསང་ཆུའི་སྟེང་དུ། མ་སཱུརཡ་མཎྜ་ལ། ཉི་མ་ལ་གནས་པའི་ཧཱུྃ་ཡིག་དམར་པོ། སྥ་ར་ཎ་ཕཊ྄། སཾ་ཧ་ར་ཎ་ཧཱུྃ༔ འཕྲོ་འདུས་ཡོངས་སུ་གྱུར་པ་ལས། ཨོཾ་བཛྲ་མ་ཧཱ་ཀྲོ་དྷཱི་ཤྭ་རཱི་ཧཱུྃ་ཕཊ྄། ཁྲོ་མོ་དབྱིངས་ཕྱུག་མ་དམར་མོ་དྲིལ་བུ་དང་བྷན་དམར་འཛིན་པའི་སྐུར་གྱུར་པར་བསམ་ཞིང༌། རྡོ་རྗེ་རྩེ་གཅིག་པའི་ཕྱག་རྒྱས་རེག་ལ། ཨོཾ་མ་ཧཱ་ཀྲོ་དྷཱི་ཤྭ་རཱི་སརྦ་དྲ་བྱཾ་ཤོ་དྷ་ཡ་ཨོཾ་ཨཱཿཧཱུྃ་ཧྲཱིཿཋཱ། ཞེས་བརྒྱ་རྩ་བརྒྱད་ཀྱིས་བྱིན་གྱིས་བརླབས་པས། ཁྲོ་མོ་དབྱིངས་ཕྱུག་མའི་རང་བཞིན་གྱི་ཆུའི་རྡུལ་ཕྲ་རབ་ཏུ་གྱུར་པར་བསམ། ཨོཾ་མ་ཧཱ་ཀྲོ་དྷཱི་ཤྭ་རཱི་སརྦ་དྲ་བྱཾ་ཤོ་དྷ་ཡ་ཧཱུྃ་ཕཊ྄། ཞེས་བདག་གནས་ཡོ་བྱད་ཐམས་ཅད་ལ་བསངས་གཏོར་བྱ་ཞིང༌། ཐོག་མཐའ་ཀུན་ཏུ་བསངས་གཏོར་གྱི་བྱ་བ་ཐམས་ཅད་འདིས་བྱའོ། །གསུམ་པ་དཀར་ཕྱོགས་ལ་གཏོར་མ་བསྔོ་བ་ནི། རྃ་ཡྃ་ཁྃ། སྟོང་པའི་ངང་ལས་བྷྲཱུྃ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ་གཏོར་མ་ཁ་དོག་དྲི་རོ་ནུས་པ་ཕུན་སུམ་ཚོགས་པར་གྱུར། ཨོཾ་ཨཱཿཧཱུྃ་ལན་གསུམ། བྷཱུ་མི་པ་ཏི་ས་པ་རི་ཝཱ་ར་བཛྲ་ས་མཱ་ཛཿས་མགྲོན་སྤྱན་དྲངས། སྠ་ན་ལོ་ཀ་པཱ་ལཉྩ་ན་མཿསརྦ་སོགས། གྷྲྀ་ཧྣ་དཾ་བ་ལིཾ་ཏ་སྭཱ་ཧཱ། ལན་གསུམ་གྱིས་གཏོར་མ་ཕུལ། གང་དག་འདིར་གནས་ལྷ་དང་ཀླུ། །གནོད་སྦྱིན་སྲིན་པོའམ་གཞན་དག་ལ། །དཀྱིལ་འཁོར་དོན་དུ་ས་ཕྱོགས་འདི། །བདག་ཞུ་ཁྱེད་ཀྱིས་བསྩལ་དུ་གསོལ། །བྷཱུ་མི་པ་ཏི་ས་པ་རི་ཝཱ་ར་གཙྪ། ཞེས་བརྗོད་ཅིང་གཏོར་མ་དང་གསེར་སྐྱེམས་ཕྱི་རོལ་དུ་ཕུལ། བཞི་པ་སྐྱབས་སུ་འགྲོ་བ་ནི། རང་ཉིད་ལྷར་གསལ་བའི་ཐུགས་ཀའི་འོད་ཀྱིས་བསྐུལ་ཏེ་བླ་མ་རྒྱལ་བ་ཞི་ཁྲོའི་ལྷ་ཚོགས་ཐམས་ཅད་མདུན་གྱི་ནམ་མཁར་མངོན་སུམ་བཞིན་དུ་བཞུགས་པའི་སྤྱན་སྔར་བདག་སོགས་སེམས་ཅན་ཐམས་ཅད་སྒོ་གསུམ་འཇུག་པ་གཅིག་ཏུ་དྲིལ་ནས་ཡིད་ཆེས་དང་དད་པ་རྩེ་གཅིག་པས་སྐྱབས་སུ་འགྲོ་བར་གྱུར། ན་མོ༔ བདེ་ཆེན་འོད་གསལ་བྱང་ཆུབ་སེམས༔ དཀྱིལ་འཁོར་ཀུན་གྱི་ཁྱབ་བདག་ཆེ༔ བླ་མ་རྡོ་རྗེ་སེམས་དཔའ་ནི༔ རང་གིས་རིག་པས་སྐྱབས་སུ་མཆི༔ ལན་གསུམ། ལྔ་པ་སེམས་བསྐྱེད་པ་ནི། མཁའ་ཁྱབ་ཀྱི་སེམས་ཅན་ཐམས་ཅད་སྲིད་ཞིའི་མཐའ་གཉིས་ལ་མི་གནས་པའི་ཟུང་འཇུག་བདེ་བ་ཆེན་པོ་བླ་མ་རྒྱལ་བ་ཞི་ཁྲོ་རབ་འབྱམས་ཀྱི་གོ་འཕང་ལ་དགོད་པར་བྱ་དེའི་ཆེད་དུ་རྡོ་རྗེའི་རྣལ་འབྱོར་ཟབ་མོའི་ཏིང་འཛིན་ལ་འཇུག་པར་བགྱིའོ་སྙམ་པས། ཧོཿ ནམ་མཁའ་མཉམ་པའི་སེམས་ཅན་རྣམས༔ ཡེ་ནས་སངས་རྒྱས་སྐུ་དང་ཞིང༔ མ་རྟོགས་སྲིད་ལས་བསྒྲལ་བའི་ཕྱིར༔ གནས་ལུགས་རྡོ་རྗེའི་སེམས་མཆོག་བསྐྱེད༔ ལན་གསུམ། དྲུག་པ་ཚོགས་བསགས་ཡན་ལག་བདུན་པ་ནི། ཧོཿ ཆོས་དབྱིངས་དང་མཉམ་རྩ་གསུམ་ལྷ༔ མངོན་སུམ་རིག་པས་ཕྱག་འཚལ་ལོ༔ སྣང་སྲིད་ཀུན་བཟང་རོལ་པས་མཆོད༔ བློས་བྱས་ཡིད་དཔྱོད་སྡིག་ལྟུང་བཤགས༔ ཟག་མེད་ཆོས་ལ་རྗེས་ཡི་རང༔ ཟབ་རྒྱས་ངེས་དོན་ཆོས་འཁོར་བསྐོར༔ མྱ་ངན་མི་འདར་རྟག་བཞུགས་གསོལ༔ བྱང་ཆུབ་ཆེན་པོའི་དབྱིངས་སུ་བསྔོ༔ བདེ་ཆེན་རྡོ་རྗེ་སེམས་འགྲུབ་ཤོག༔ ལན་གསུམ། བདུན་པ་བགེགས་ལ་བཀའ་བསྒོ་བ་ནི། བགེགས་གཏོར་ཆབ་ཀྱིས་བྲན་ལ། རྃ་ཡྃ་ཁྃ། ཡིད་མཐུན་སྣོད་དུ་གཏོར་མ་ནི། །ཁཾ་ལས་འདོད་ཡོན་རྒྱ་མཚོར་གྱུར། །ཨོཾ་ཨཱཿཧཱུྃ་ཧ་ཧོ་ཧྲཱིཿ ལན་གསུམ། སརྦ་བྷཱུ་ཏ་ཨ་ཀརྵ་ཡ་ཛཿཞེས་ལྕགས་ཀྱུའི་ཕྱག་རྒྱས་མགྲོན་དགུག །ཨོཾ་སརྦ་བིགྷྣཱན་ན་མཿསརྦ་ཏ་ཐཱ་ག་ཏ་སོགས་ནས། གྷྲྀ་ཧྣ་དཾ་བ་ལིཾ་ཏ་སྭཱ་ཧཱ། ལན་གསུམ་གྱིས་གཏོར་མ་བསྔོས་ལ། བཀའ་བསྒོ་བ་དངོས་ནི། ཧཱུྃ༔ ང་ནི་རང་བྱུང་ཧེ་རུ་ཀ༔ བཛྲ་ཀྲོ་དྷ་དཔལ་ཆེན་པོ༔ བཀའ་ལས་འདའ་ནུས་སུ་ཡང་མེད༔ འདི་རུ་རྡོ་རྗེའི་དཀྱིལ་འཁོར་སྒྲུབ༔ ཁྱེད་རྣམས་བལྟ་ཉན་མི་དབང་བས༔ སྐྱེ་མེད་དབྱིངས་ཀྱི་ཀློང་དུ་དེངས༔ བསྒོ་བའི་བཀའ་ལས་འདས་གྱུར་ན༔ ཡེ་ཤེས་རྡོ་རྗེ་འབར་བ་ཡིས༔ རྡུལ་དུ་བརླག་པར་གདོན་མི་ཟ༔ ཧཱུྃ་ཧཱུྃ་ཧཱུྃ༔ བིགྷྣཱན་ཨུཥཙ་ཊ་ཡ་ཕཊ༔ ཧཱུྃ་བཞིའི་སྔགས་དང་ཡུངས་ཐུན་གྱིས་གཟིར་ལ་གུ་གུལ་བདུག་གོ །བརྒྱད་པ་སྲུང་འཁོར་ནི། ཧཱུྃ༔ སྣང་སྲིད་ཡེ་ཤེས་ལྷ་ཡི་དལ༔ གཞོམ་མེད་རྡོ་རྗེའི་སྲུང་བའི་གུར༔ འབར་བའི་ཁྲོ་རྒྱལ་དཀྱིལ་འཁོར་བཅས༔ དབྱིངས་ལས་བྱུང་ཞིང་ལྷུན་གྱིས་གྲུབ༔ ཆོས་ཉིད་བདེ་བ་ཆེན་པོའི་ཀློང༔ ནམ་ཡང་འདུ་འབྲལ་མེད་པར་བཞུགས༔ ཨོཾ་ཛྙཱ་ན་བཛྲ་རཀྵ་ཧཱུྃ་བྷྲཱུྃ༔ དགུ་པ་བརྡ་སྒོ་དབྱེ་བ་ནི། ཧོཿ སྣང་སྲིད་རྣམ་དག་རྡོ་རྗེ་སེམས༔ བདེ་ཆེན་རང་སྣང་ཞིང་ཁམས་ཆེར༔ དག་པ་ཚད་མེད་ཐུགས་རྗེའི་སྒོ༔ ཡེ་ཤེས་ཕྱག་རྒྱ་བཞིས་དབྱེའོ༔ བྷྲཱུྃ་པྲ་བེ་ཤ་ཡ་ཕཊ྄༔ བཅུ་པ་བརྡ་ཕྱག་ནི། ཧཱུྃ༔ རང་བྱུང་གསང་བའི་ཡེ་ཤེས་དབྱིངས༔ ཡེ་ནས་རྣམ་དག་དཀྱིལ་འཁོར་ལྷ༔ རང་སྣང་ཙམ་དུ་ཤེས་པའི་བློས༔ གཉིས་སུ་མེད་པའི་ངོ་བོར་འདུད༔ ན་མོ་ན་མ་མི༔ བཅུ་གཅིག་པ་བཤགས་པ་ནི། ཡེ་ཤེས་སྐུ་མཆོག་སྔོན་དུ་འགྲོ་བས། ཧོཿ གདོད་མའི་ཡེ་ཤེས་འཁོར་ལོ་ཆེ༔ མངོན་དུ་མ་གྱུར་སྒོ་གསུམ་གྱིས༔ འགལ་འཁྲུལ་ཉེས་པར་སྤྱོད་པའི་ནོངས༔ དངོས་གྲུབ་སྒྲིབ་པའི་རྒྱུ་ཀུན་བཤགས༔ དག་ཚངས་ཆེན་པོར་སོར་ཆུད་ནས༔ སྒྲིབ་མེད་ཚངས་པའི་ཞལ་སྟོན་ཅིག༔ ས་མ་ཡ་ཤུདྡྷེ་ཨཱཿ ཡིག་བརྒྱ་བརྗོད། བཅུ་གཉིས་པ་དམ་བཅའ་བ་ནི། རྡོ་རྗེ་རྩེ་གཅིག་པའི་རྒྱ་བཅས། ཧཱུྃ༔ བླ་མེད་བྱང་ཆུབ་རྡོ་རྗེའི་སེམས༔ དཀྱིལ་འཁོར་བདག་པོ་རང་ལ་བཞུགས༔ རང་ངོ་ཤེས་པ་སྙིང་པོའི་བར༔ སྲོག་ཕྱིར་བསྒྲུབ་པར་དམ་བཅའོ༔ ས་མ་ཡ་སྟྭྃ༔ བཅུ་གསུམ་པ་བྱིན་དབབ་པ་ནི། སྤོས་རོལ་དང་དར་སྣ་གཡབ་ཅིང་གཟི་བྱིན་བསྐྱེད་ལ། ཨོཾ་ཨཱཿཧཱུྃ༔ ཨ་ལ་ལ་ཧོཿ བྷ་ག་ཝན༔ ས་མ་ཡ་ཧོཿ ས་མ་ཡ་སྟྭྃ༔ ཆོས་དབྱིངས་དང་མཉམ་སངས་རྒྱས་ཀུན༔ ཡེ་ཤེས་སྒྱུ་འཕྲུལ་དྲྭ་བར་བཞེངས༔ བདེ་ཆེན་འཁོར་ལོ་བསམ་ཡས་པ༔ ནམ་མཁའ་མཉམ་པའི་སྤྲོ་བསྡུ་ཡིས༔ འཕགས་མཆོག་ཐུགས་རྗེའི་དུས་ལ་བབ༔ ཁྱད་པར་བསྟན་པའི་དུས་ལ་བབ༔ མཐུ་རྩལ་དབྱུང་བའི་དུས་ལ་བབ༔ དབང་མཆོག་བསྐུར་བའི་དུས་ལ་བབ༔ དངོས་གྲུབ་སྩོལ་བའི་དུས་ལ་བབ༔ བྱིན་གྱིས་བརླབ་པའི་དུས་ལ་བབ༔ མཐུ་ཆེན་བདུད་འདུལ་བཅོམ་ལྡན་འདས༔ བྱིན་ཆེན་བྱིན་ཕོབ་བཅོམ་ལྡན་འདས༔ དབང་ཆེན་དབང་བསྐུར་བཅོམ་ལྡན་འདས༔ དངོས་གྲུབ་མཆོག་སྩོལ་བཅོམ་ལྡན་འདས༔ བདག་ཅག་ལས་འབྲས་མཆིས་པར་མཛོད༔ ཨོཾ་མ་ཧཱ་སུ་ཁ་བཛྲ་སཏྭ་ཛྙཱ་ན་མཎྜ་ལ་ཨ་བེ་ཤ་ཡ་ཨ་ཨཿ ཧྲཱིཾ་ཧྲཱིཾ༔ ཕཻཾ་ཕཻཾ༔ ཧཱུྃ་ཧཱུྃ་ཧཱུྃ༔ ས་མ་ཡ་ཧོཿ བཅུ་བཞི་པ་མཆོད་པ་བྱིན་རླབས་ནི་མཆོད་རྫས་བསངས་གཏོར་བྱས་ལ། ཕྱི་མཆོད་ནི། ཨོཾ་ཨཱཿཧཱུྃ༔ སྣང་སྲིད་རྣམ་དག་འོག་མིན་ཞིང༔ བཀོད་པ་ཚད་མེད་ཡོན་ཏན་རྫོགས༔ རྫས་རྣམས་ཀུན་བཟང་མཆོད་པའི་སྤྲིན༔ བདེ་ཆེན་ལོངས་སྤྱོད་ཆེན་པོར་གྱུར༔ ཨོཾ་སརྦ་པཱུ་ཛ་ཨཱཿཧཱུྃ༔ ཨོཾ་བཛྲ་ཨརྒྷཾ་ཨཱཿཧཱུྃ༔ནས། ཤབྡའི་བར་དང༌། ནང་མཆོད་ནི། ཧཱུྃ་ཧྲཱིཿ དབྱིངས་ཀྱི་ངོ་བོ་ཀ་པཱ་ལར༔ རིག་པ་བླ་མེད་དམ་ཚིག་རྫས༔ སྨན་གཏོར་རཀྟའི་ཚོགས་ཆེན་པོ༔ མཆོག་གི་མཆོད་པ་བསམ་ཡས་ཤར༔ ཨོཾ་སརྦ་པཉྩ་ཨ་མྲྀ་ཏ་ཨཱཿཧཱུྃ༔ ཨོཾ་མ་ཧཱ་བ་ལིངྟ་ཨཱཿཧཱུྃ༔ ཨོཾ་རཀྟ་རཱ་ག་ཨཱཿཧཱུྃ༔ ཨོཾ་མ་ཧཱ་སུ་ཁ་ཨཱཿཧཱུྃ༔ སྔགས་རྣམས་ལན་གསུམ་རེ་བརྗོད། གཉིས་པ་དངོས་གཞི་ལ། རྟེན་གྱི་དཀྱིལ་འཁོར་སྒྲུབ་པ་དང༌། བདག་ཉིད་འཇུག་པའི་ཆོ་ག་བྱ་བའོ། །

དང་པོ་ལ་གསུམ་ལས། དང་པོ་རྟེན་དམ་ཚིག་གི་དཀྱིལ་འཁོར་བསྐྱེད་ཅིང་བྱིན་རླབས་དབང་བསྐུར་བ་ནི། ཨོཾ་མ་ཧཱ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཏྨ་ཀོ྅ཧཾ༔ ཆོས་ཀུན་སྐྱེ་འགག་གནས་དམིགས་དང༔ འགྲོ་འོང་བྲལ་བའི་དབྱིངས་ཀྱི་ངང༔ རོལ་པ་ཐུགས་རྗེའི་ཆོ་འཕྲུལ་ནི༔ མཁའ་མཉམ་འགྲོ་ལ་ཁྱབ་པར་བརྡལ༔ གཉིས་མེད་སེམས་ཀྱི་ཡི་གེ་ནི༔ ཧཱུྃ་ཡིག་མཁའ་ལ་ཟླ་བ་བཞིན༔ འོད་ཀྱིས་སྣོད་བཅུད་ཞེན་འཛིན་སྦྱངས༔ སྟོང་གསལ་ངང་ལས་སྣོད་བཅུད་ཀུན༔ རྣམ་དག་ཡེ་ཤེས་རོལ་པ་ལས༔ མི་ཤིགས་རྡོ་རྗེ་སྲུང་བའི་གུར༔ གཞོམ་གཞིག་བྲལ་བར་ལྷུན་གྱིས་གྲུབ༔ ནང་དུ་འབྱུང་ལྔ་རི་རབ་དང༔ པདྨ་ཉི་མའི་དཀྱིལ་འཁོར་སྟེང༔ སྣ་ཚོགས་རྡོ་རྗེའི་ལྟེ་བ་རུ༔ ཡེ་ཤེས་རིན་ཆེན་གཞལ་མེད་ཁང༔ གྲུ་བཞི་སྒོ་བཞི་ཚད་དང་ལྡན༔ རྩིག་པ་རིམ་ལྔ་ཕྱོགས་ཀྱི་མདོག༔ ཕ་གུ་དྲྭ་ཕྱེད་འཕྱང་བ་ཡི༔ མདའ་ཡབ་རྡོ་རྗེའི་གདུང་གིས་བཏེགས༔ པུ་ཤུ་འཕན་གདུགས་བ་དན་འཕྱར༔ དབུས་ཕྱུར་ཡེ་ཤེས་རིན་ཆེན་ཏོག༔ རྡོ་རྗེ་འབར་བའི་གཙུག་ཏོར་ཅན༔ གྲུ་ཆད་འཁོར་ལོ་རྩིབས་བཞི་པའི༔ ལྟེ་བར་སྣ་ཚོགས་པདྨའི་དབུས༔ མི་འཇིགས་སེང་ཁྲི་པདྨ་ཡི༔ གདན་སྟེང་ཟླ་བ་ཉ་གང་བར༔ ས་བོན་ཧཱུྃ་བབ་དེ་ཉིད་ལས༔ སྤྲོ་བསྡུས་དོན་གཉིས་སྒྲུབ་པའི་མོད༔ ཡེ་ཤེས་རྡོ་རྗེ་རྩེ་ལྔ་པའི༔ ལྟེ་བར་ཧཱུྃ་མཚན་ཡོངས་གྱུར་ལས༔ དང་པོའི་སངས་རྒྱས་རོལ་པའི་སྐུ༔ རིགས་ཀུན་ཁྱབ་བདག་རྡོ་རྗེ་སེམས༔ ནམ་མཁའ་ལྟ་བུའི་ཆོས་ཉིད་ནི༔ རིག་པ་ཡེ་ཤེས་ཕྱག་རྒྱའི་གཟུགས༔ དྲི་མེད་ཟླ་བ་རྒྱས་པའི་མདོག༔ ཞི་ཚུལ་དགུ་དང་མཚན་དཔེར་ལྡན༔ བཟུང་བས་མི་ཟིན་ཆུ་ཟླ་འདྲ༔ རིན་ཆེན་རྒྱན་དང་དར་གྱིས་མཛེས༔ ཕྱག་གཉིས་རྡོ་རྗེ་དྲིལ་བུ་འཛིན༔ རྡོ་རྗེའི་སྐྱིལ་ཀྲུང་དང་བཅས་ཏེ༔ མཁའ་ཁྱབ་འོད་ཟེར་ཀློང་ན་བཞུགས༔ པང་དུ་རྡོ་རྗེ་སྙེམས་མ་དཀར༔ གཞོན་ནུ་མེ་ཏོག་རུས་རྒྱན་ཅན༔ དཀར་གསལ་གྲི་ཐོད་འཛིན་པ་ཡི༔ ཞབས་གཉིས་ཡབ་ཀྱི་སྐེད་ལ་འཁྲིལ༔ སྣང་སྟོང་གཉིས་མེད་དག་པ་ཆེའི༔ སྐུ་ཡིས་ཞིང་ཀུན་ཁྱབ་པར་གསལ༔ སྦྱོར་མཚམས་འོད་དང་བདེ་བའི་སྒྲས༔ སངས་རྒྱས་སྲས་བཅས་སྤྱན་དྲངས་ནས༔ ཞལ་ཞུགས་བྱང་ཆུབ་སེམས་ཞུ་བའི༔ དྭངས་མའི་འོད་ཟེར་ཨོཾ་དཀར་དང༔ ཏྲཱྃ་སེར་ཧྲཱི་དམར་ཨཱ་ལྗང་གི༔ ཐིག་ལེ་འཕྲོས་པ་ཕྱོགས་བཞིར་བབ༔ ཡོངས་གྱུར་རྒྱལ་བ་རྟག་པ་དང༔ རིན་ཆེན་ཉི་མ་གར་དབང་རྟ༔ རྨད་བྱུང་རྡོ་རྗེ་སེམས་ཀྱི་དངོས༔ མཐིང་སེར་དམར་ལྗང་ཡུམ་དང་སྦྱོར༔ གླང་ཆེན་རྟ་དང་རྨ་བྱ་དང༔ ཤང་ཤང་ཁྲི་ལ་དགྱེས་པར་བཞུགས༔ གཙོ་བོའི་ཕྱོགས་བཞིར་བདེ་གཤེགས་དང༔ རིན་ཆེན་པདྨ་ལས་རབ་ཀྱི༔ རྡོ་རྗེ་སེམས་དཔའ་རིགས་བཞིས་བསྐོར༔ ཕྱོགས་ཀྱི་རིགས་བཞིའི་ཕྱོགས་བཞི་རུ༔ རྡོ་རྗེ་སེམས་དང་རྡོ་རྗེ་རྒྱལ༔ རྡོ་རྗེ་ཆགས་པ་རྡོ་རྗེ་ལེགས༔ མཐིང་སྔོན་འཁོར་ལོ་དྲིལ་འཛིན་པ༔ ཡུམ་དང་བཅས་པས་རྟག་པར་བསྐོར༔ རྡོ་རྗེ་རིན་ཆེན་གཟི་བརྗིད་དང༔ རྡོ་རྗེ་རྒྱལ་མཚན་རྡོ་རྗེ་བཞད༔ གསེར་མདོག་རིན་ཆེན་དྲིལ་འཛིན་ཡུམ༔ སྦྱོར་བ་ཉི་མའི་ཕྱོགས་བཞིར་བཞུགས༔ རྡོ་རྗེ་ཆོས་དང་རྡོ་རྗེ་རྣོན༔ རྡོ་རྗེ་རྒྱུ་དང་སྨྲ་བ་དམར༔ ཡུམ་བཅས་པདྨ་དྲིལ་འཛིན་པས༔ གར་གྱི་དབང་ཕྱུག་ཕྱོགས་བཞིར་བསྐོར༔ རྡོ་རྗེ་ལས་དང་སྲུང་བ་ཆེ༔ གནོད་སྦྱིན་རྡོ་རྗེ་ཁུ་ཚུར་ལྗང༔ རྒྱ་གྲམ་དྲིལ་འཛིན་ཡུམ་བཅས་པས༔ དོན་ཡོད་རྟ་ཡི་རྒྱལ་པོར་བསྐོར༔ ཀུན་ཀྱང་ཞི་ཚུལ་སེམས་དཔའི་ཆས༔ ཕྱེད་པའི་སྐྱིལ་ཀྲུང་པད་ཟླར་བཞུགས༔ སྒོ་བཞིར་རྣམ་རྒྱལ་གཤིན་རྗེའི་གཤེད༔ རྟ་མཆོག་བདུད་རྩི་འཁྱིལ་བ་རྣམས༔ ཁྲོ་བོའི་ཆས་རྫོགས་རྡོ་རྗེ་དང༔ དུང་ཁྲག་འཛིན་པ་སྦྱོར་བའི་ཡུམ༔ ཕྱག་རྒྱ་བཞི་བསྣམས་ཁྲོ་མོ་སྟེ༔ མེ་དབུས་པད་ཉི་རོ་སྟེང་བཞེངས༔ གཞན་ཡང་རྩ་བརྒྱུད་བླ་མ་དང༔ ཡི་དམ་ཞི་ཁྲོ་མཁའ་འགྲོའི་ཚོགས༔ རྡོ་རྗེའི་ཆོས་སྲུང་དང་བཅས་པ༔ དངོས་གཅིག་དུ་མའི་ཡེ་ཤེས་ནི༔ སྒྱུ་འཕྲུལ་དྲྭ་བའི་སྤྲོ་བསྡུ་ཡིས༔ སྣང་སྟོང་རོལ་པ་ཆེན་པོར་ཤར༔ ཕྱི་སྣོད་རྡོ་རྗེའི་མཎྜ་ལ༔ ནང་བཅུད་བདེ་ཆེན་ཡེ་ཤེས་ལྷ༔ གདོད་ནས་འདུ་འབྲལ་མེད་པ་ཡི༔ དཀྱིལ་འཁོར་གཅིག་ཏུ་མ་བཅོས་ཤར༔ དེ་ནས་བྱིན་གྱིས་བརླབ་པ་ནི། དེ་ལྟར་ཡོངས་སུ་གསལ་བར་གྱུར་པའི་སྤྱི་བོར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུྃ་སྔོན་པོ་རྣམས་ཀྱིས་མཚན་པ་ལས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་གསུམ་གྱི་ངོ་བོར་གྱུར། དབང་བསྐུར་བ་ནི། རིགས་ལྔའི་རྒྱ་མགོ་བོའི་གནས་ལྔར་འཇོག་ཅིང༌། ཨོཾ་མ་ཧཱ་ཤཱུ་ནྱ་ཏཱ་ཛྙཱ་ན་ཨ་བྷི་ཥིཉྩ་ཨོཾ། ཨོཾ་མ་ཧཱ་ཨཱ་དརྴ་ཛྙཱ་ན་ཨ་བྷི་ཥིཉྩ་ཧཱུྃ། ཨོཾ་མ་ཧཱ་ས་མ་ཏཱ་ཛྙཱ་ན་ཨ་བྷི་ཥིཉྩ་སྭཱ། ཨོཾ་མ་ཧཱ་པྲ་ཏྱ་བེཀྵ་ཎ་ཛྙཱ་ན་ཨ་བྷི་ཥིཉྩ་ཨཱཾ། ཨོཾ་མ་ཧཱ་ཀྲྀ་ཏྱ་ནུཥྛ་ན་ཛྙཱ་ན་ཨ་བྷི་ཥིཉྩ་ཧཱ། ཞེས་རིགས་ལྔ་ཡབ་ཡུམ་རྗེས་ཆགས་ཀྱི་སྦྱོར་བས་ཞུ་བའི་ཡེ་ཤེས་ལྔའི་ཆུ་རྒྱུན་མགོ་བོའི་གནས་ལྔར་བབས་ཏེ་དབང་བསྐུར་བས་དྲི་མ་ཐམས་ཅད་སྦྱངས། ཕུང་པོ་ལྔ་གནས་གྱུར། ཆུའི་ལྷག་མ་གྱེན་དུ་ལུད་པ་ལས་དེ་བཞིན་གཤེགས་པ་རིགས་ལྔས་དབུ་བརྒྱན། ཡེ་ཤེས་ལྔ་མངོན་དུ་གྱུར་པའི་ང་རྒྱལ་བྱའོ། །གཉིས་པ་ལས་ཀྱི་རིམ་པའི་ཏིང་ངེ་འཛིན་ལ་ལྔ་ལས། དང་པོ་བརྟེན་པ་ཡེ་ཤེས་ཀྱི་འཁོར་ལོ་སྤྱན་དྲངས་པ་ནི། ཧྲཱིཿ ཕྱོགས་དུས་རྒྱལ་བ་སྲས་བཅས་ཀྱི༔ སྙིང་རྗེ་ཆེན་པོའི་ཡེ་ཤེས་སྐུ༔ ཞི་ཁྲོ་རབ་འབྱམས་དཀྱིལ་འཁོར་ལྷ༔ གནས་འདིར་སྤྱན་འདྲེན་གཤེགས་སུ་གསོལ༔ ལུས་ལ་སྐུ་ཡི་བྱིན་གྱིས་རློབས༔ ངག་ལ་སྔགས་ཀྱི་བྱིན་ཆེན་ཕོབ༔ ཡིད་ལ་ཡེ་ཤེས་དབང་མཆོག་སྐུར༔ དངོས་གྲུབ་མ་ལུས་བསྩལ་དུ་གསོལ༔ ཨོཾ་སརྦ་ཏ་ཐཱ་ག་ཏ་མཎྜ་ལ་ཨེ་ཧྱེ་ཧིཿ ས་མ་ཡ་སྟྭྃ༔ ས་མ་ཡ་ཧོཿ ཨེ་ཨཱ་རལླི་ཧྲཱིཾ་ཧྲཱིཾ་ཛཿ གཉིས་པ་བཞུགས་སུ་གསོལ་བ་ནི། ཧཱུྃ༔ རང་བྱུང་སྤྲུལ་པའི་དཀྱིལ་འཁོར་འདིར༔ དབྱིངས་ནས་སྤྱན་དྲངས་ཡེ་ཤེས་པ༔ དམ་ཚིག་འཁོར་ལོར་དབྱེར་མེད་བཞུགས༔ མཆོག་ཐུན་དངོས་གྲུབ་ཆར་ལྟར་ཕོབ༔ སརྦ་ས་མ་ཡ་མཎྜ་ལ་ཛྙཱ་ན་བཛྲ་ཛཿཧཱུྃ་བྃ་ཧོཿ ཏིཥྛ་ས་མ་ཡ་སྟྭྃ༔ གསུམ་པ་གུས་ཕྱག་འཚལ་བ་ནི། ན་མོ༔ སྐྱེ་མེད་ཆོས་སྐུའི་ངང་ཉིད་ལས༔ བདེ་ཆེན་ལོངས་སྤྱོད་རྫོགས་སྐུར་བཞེངས༔ གང་འདུལ་སྤྲུལ་པའི་སྤྲིན་ཕུང་འཕྲོ༔ དཀྱིལ་འཁོར་ལྷ་ལ་ཕྱག་འཚལ་ལོ༔ ཨ་ཏི་པཱུ་ཧོཿ པྲ་ཏཱིཙྪ་ཧོ༔ བཞི་པ་མཆོད་པ་འབུལ་བ་ལ་དྲུག་ལས། དང་པོ་ཀུན་བཟང་མཆོད་སྤྲིན་ནི། ཨོཾ༔ ཀུན་ཏུ་བཟང་པོའི་སྨོན་ལམ་ལས༔ ཡེ་ཤེས་རྣམ་པ་ཐམས་ཅད་པ༔ མཆོད་པའི་སྤྲིན་ཆེན་ཅིར་ཡང་ཤར༔ རྡོ་རྗེའི་ལོངས་སྤྱོད་མཆོག་ཏུ་རོལ༔ ཨོཾ་ན་མཿསརྦ་ཏ་ཐཱ་ག་ཏ་བྷྱོ་བི་ཤྭ་མུ་ཁེ་བྷྱཿསརྦ་ཐཱ་ཁཾ་ཨུཏག་ཏེ་སྥ་ར་ཎ་ཨི་མཾ་ག་ག་ན་ཁྃ་སྭཱ་ཧཱཿ གཉིས་པ་ཕྱག་ཞབས་བདུད་རྩིའི་ཆུས་བསིལ་བ་ནི། ཨོཾ༔ དྲི་མེད་ཡིད་དུ་འོང་བ་ཡི༔ བྱང་ཆུབ་དམ་པའི་བདུད་རྩིའི་ཆུས༔ ཕྱག་དང་ཞབས་ནི་བསིལ་ནས་ཀྱང༔ རྡོ་རྗེའི་གདན་ལ་དགྱེས་པར་བཞུགས༔ ན་མཿས་མནྟ་བུདྡྷཱ་ནཱྃ་ག་ག་ན་ཁཾ་ས་མ་ཡེ་སྭཱ་ཧཱ༔ གསུམ་པ་ཕྱག་རྒྱ་གར་གྱིས་ཐུགས་དམ་བསྐུལ་བ་ནི། ཨོཾ་ཧཱུྃ༔ ཕྱག་རྒྱ་ཆེན་པོའི་དཀྱིལ་འཁོར་པར༔ དམ་ཚིག་ཕྱག་རྒྱའི་བརྡས་མཚོན་ཏེ༔ ཆོས་དང་ལས་ཀྱི་ཕྱག་རྒྱ་ཡིས༔ དགྱེས་པའི་བྱིན་བསྐྱེད་ཐུགས་དམ་བསྐུལ༔ ས་མ་ཡ་ཧོཿ ས་མ་ཡ་སྟྭྃ༔ སརྦ་མུ་དྲ་ཛྙཱ་ན་གཱིརྟི་པཱུ་ཛ་ཧོཿ བཞི་པ་ཐུན་མོང་ཉེར་སྤྱོད་ཀྱིས་མཆོད་པ་ནི། ཨོཾ༔ སྤོས་ཀྱི་སྤྲིན་ལྡིང་མེ་ཏོག་ཆར་ཆེན་འབེབས༔ སྣང་གསལ་གཟི་འབར་དྲི་ཆབ་འཐོར་ཡབ་སྦྲེང༔ བཟའ་བཅའ་བཏུང་བའི་ཞལ་ཟས་ཚོགས་རྣམས་དང༔ སྙན་འགྱུར་རོལ་མོའི་སྒྲ་ཡིས་ཀུན་ཏུ་མཆོད༔ ཨོཾ་ཤྲཱི་བཛྲ་རཱ་ག་དྷཱུ་པེ་ཧཱུྃ༔ པུཥྤེ་ཏྲཱྃ༔ ཨ་ལོ་ཀེ་ཧྲཱིཿ གནྡྷེ་གན༔ ནཻ་ཝི་དྱ་ཨཱཿ ཤབྡ་སརྦ་པཱུ་ཛ་ཧོཿ ལྔ་པ་ཁྱད་པར་སྨན་གཏོར་རཀྟས་མཆོད་པ་ནི། ཨོཾ༔ དོན་གྱི་བདུད་རྩི་རྟགས་སུ་རིགས་ལྔར་སྣང༔ ཤ་ལྔ་བདུད་རྩི་རྩ་བ་ཡན་ལག་རྫས༔ ཆོས་ཀྱི་བདུད་རྩིར་བསྒྲུབས་པའི་བྱིན་རླབས་བཅུད༔ གཏི་མུག་རྡོ་རྗེའི་དམ་ཚིག་མཆོག་ཏུ་རོལ༔ མ་ཧཱ་པཉྩ་ཨ་མྲྀ་ཏ་ཁ་རྃ་ཁཱ་ཧི༔ སྨན་གྱི་བརྒྱུད་མཆོད་ནི། ཁྱབ་བདག་ཀུན་བཟང་རིགས་ལྔ་ཆེ་བའི་མཆོག །རིགས་གསུམ་སེམས་དཔའ་སྐལ་ལྡན་རྒྱལ་པོ་ཛ། །སངས་རྒྱས་གསང་བ་སྒེག་རྡོར་བི་མ་ལར། །སྨན་མཆོད་འབུལ་ལོ་དབང་དང་དངོས་གྲུབ་སྩོལ། །མ་ཧཱ་པཉྩ་ཨ་མྲྀ་ཏ་ཁ་རཾ་ཁཱ་ཧི། རྒྱལ་ཀུན་འདུས་ཞལ་པདྨ་སཾ་བྷ་ཝ། །གཉགས་ཆེན་ཛྙཱ་ན་རྗེ་འབངས་གྲོགས་གསུམ་དང༌། །པདྨ་འོད་གསལ་མདོ་སྔགས་གླིང་པ་ལ། །སྨན་མཆོད་འབུལ་ལོ་དབང་དང་དངོས་གྲུབ་སྩོལ། །མ་ཧཱ་པཉྩ་ཨ་མྲྀ་ཏ་ཁ་རཾ་ཁཱ་ཧི། ཟབ་གཏེར་བཀའ་བབ་ནམ་མཁའ་འོད་གསལ་དང༌། །འཇམ་མགོན་བླ་མ་ཆོས་ཀྱི་བློ་གྲོས་ཞབས། །ལས་ཅན་ཆོས་བདག་རྩ་བརྒྱུད་བླ་མ་ལ། །སྨན་མཆོད་འབུལ་ལོ་དབང་དང་དངོས་གྲུབ་སྩོལ། །མ་ཧཱ་པཉྩ་ཨ་མྲྀ་ཏ་ཁ་རཾ་ཁཱ་ཧི། བདེ་གཤེགས་ཞི་ཁྲོ་དམ་པ་རིགས་བརྒྱའི་ལྷ། །གདན་གསུམ་རྣམ་དག་རྡོ་རྗེ་དབྱིངས་ཆེན་པོའི། །དཀྱིལ་འཁོར་ལྷ་ཚོགས་མཁའ་འགྲོ་སྲུང་མར་བཅས། །སྨན་མཆོད་འབུལ་ལོ་དབང་དང་དངོས་གྲུབ་སྩོལ། །མ་ཧཱ་པཉྩ་ཨ་མྲྀ་ཏ་ཁ་རཾ་ཁཱ་ཧི༔ ཞེས་བདུད་རྩིའི་ཐིག་གཏོར་འབུལ། ལྷག་མ་དངོས་གྲུབ་ཏུ་བླངས་ལ། ཀཱ་ཡ་སིདྡྷི་ཨོཾ། ཝཱ་ཀ་སིདྡྷི་ཨཱཿ ཙིཏྟ་སིདྡྷི་ཧཱུྃ། ཨ་ཧོ་མ་ཧཱ་སུ་ཁ་ཧོཿ ཞེས་བདུད་རྩི་གནས་གསུམ་དུ་རེག་ཅིང་མྱོང༌། ཨཱཿ སྣང་བ་སྣོད་ཀྱི་འཇིག་རྟེན་གཏོར་གཞོང་དུ༔ སྲིད་པ་བཅུད་ཀྱི་སེམས་ཅན་གཏོར་མར་བཤམས༔ རོ་བཅུད་ནུས་པ་ཕུན་ཚོགས་འདོད་ཡོན་གཏེར༔ ཞེ་སྡང་རྡོ་རྗེའི་དམ་ཚིག་མཆོག་ཏུ་རོལ༔ མ་ཧཱ་བ་ལིཾ་ཏ་ཁ་རཾ་ཁཱ་ཧི༔ ཧཱུྃ༔ ཁམས་གསུམ་བསྒྲལ་བའི་རཀྟ་རྒྱ་མཚོར་བསྐྱིལ༔ གཱིརྟིའི་དབྱིངས་ལས་དྲངས་པའི་ཁྲག་གི་རྒྱུན༔ འཁོར་འདས་དབྱེར་མེད་ཆེན་པོར་མཉམ་སྦྱར་བ༔ འདོད་ཆགས་རྡོ་རྗེའི་དམ་ཚིག་མཆོག་ཏུ་རོལ༔ མ་ཧཱ་རཀྟ་ཁ་རཾ་ཁཱ་ཧི༔ དྲུག་པ་སྦྱོར་སྒྲོལ་ཟུང་འཇུག་མཆོད་པ་ནི། ཧོཿ བདེ་ཆེན་ཕྱག་རྒྱའི་ཡེ་ཤེས་ལ་སྦྱོར་བས༔ གཟུང་འཛིན་རྟོག་ཚོགས་འོད་གསལ་དབྱིངས་སུ་བསྒྲལ༔ ཟུང་འཇུག་དབྱིངས་རིག་དབྱེར་མེད་རྫོགས་པ་ཆེ༔ ཆོས་ཉིད་དོན་གྱི་མཆོད་པ་ཆེན་པོར་བཞེས༔ ཏ་ན་ག་ཎ་མ་ཧཱ་སུ་ཁ་དྷརྨ་དྷཱ་ཏུ་པཱུ་ཛ་ཧོཿ ལྔ་པ་བསྟོད་པ་ནི། ཨོཾ༔ ཡེ་ཤེས་རྣམ་པ་ཐམས་ཅད་པ༔ གང་འདུལ་གཟུགས་ཀྱི་སྐུ་རུ་ཤར༔ ཐ་མལ་སྣང་ཞེན་སྦྱོང་མཛད་པའི༔ རྡོ་རྗེའི་སྐུ་ལ་ཕྱག་འཚལ་བསྟོད༔ ཨཱཿ ཡེ་ཤེས་འགག་པ་མེད་པའི་རྩལ༔ མི་ཤིགས་ན་དཱའི་དབྱངས་སུ་སྒྲོག༔ བརྟན་གཡོའི་སྒྲ་སྐད་ཟིལ་གྱིས་མནན༔ རྡོ་རྗེའི་གསུང་ལ་ཕྱག་འཚལ་བསྟོད༔ ཧཱུྃ༔ ཡེ་ཤེས་ཐིག་ལེ་གཅིག་ཏུ་འཁྱིལ༔ མཁྱེན་བརྩེའི་རོལ་པ་བསམ་མི་ཁྱབ༔ གཉིས་སྣང་རྟོག་པ་རང་སར་གྲོལ༔ རྡོ་རྗེའི་ཐུགས་ལ་ཕྱག་འཚལ་བསྟོད༔ སྭཱ༔ ཡེ་ཤེས་རྨད་དུ་བྱུང་བའི་རྒྱན༔ བུམ་བཟང་དཔག་བསམ་ལྗོན་ཤིང་ལྟར༔ གདུལ་བྱའི་འདོད་པ་ཡིད་བཞིན་སྩོལ༔ ཡོན་ཏན་རྡོ་རྗེར་ཕྱག་འཚལ་བསྟོད༔ ཧཱ༔ ཡེ་ཤེས་ཐོགས་པ་མེད་པའི་རྩལ༔ ཚར་གཅོད་རྗེས་འཛིན་ཕན་འདོགས་པའི༔ སྒྱུ་འཕྲུལ་ཉམས་བརྒྱ་ཅིར་ཡང་སྟོན༔ ཕྲིན་ལས་རྡོ་རྗེར་ཕྱག་འཚལ་བསྟོད༔ ཧོ༔ ཡེ་ཤེས་ཀུན་གྱི་ཁྱབ་བདག་ཆེ༔ སྐུ་གསུང་ཐུགས་ཡོན་ཕྲིན་ལས་སྟོན༔ གཅིག་དང་དུ་མའི་མཐའ་ལས་འདས༔ འོད་གསལ་རྡོ་རྗེར་ཕྱག་འཚལ་བསྟོད༔ ཡེ་ཤེས་དྲུག་གི་རྡོ་རྗེའི་གླུས༔ དཀྱིལ་འཁོར་ལྷ་ཚོགས་བསྟོད་པ་ཡི༔ བསོད་ནམས་ཡེ་ཤེས་བླ་མེད་པས༔ དངོས་གྲུབ་རྣམ་གཉིས་ཐོབ་གྱུར་ཅིག༔ གསུམ་པ་བཟླས་པ་ལ་ལྔ་ལས། དང་པོ་ཛཔ་ཀྱི་གཞི་ཛཔ་ཁང་དབྱེ་བ་ནི། ཨོཾ་ཨཱ་ལི་ཀཱ་ལི་ཛྙཱ་ན་སཏྭ་ཀྲོ་དྷ་མུ་ན་ཡེ་སྭཱ་ཧཱཿ བྷྲཱུྃ་བི་ཤྭ་བི་ཤུདྡྷེ་ཛྙཱ་ན་ཙཀྲ་མཎྜ་ལ་ཕཊ྄་ཛཿ བདག་ཉིད་རྩ་བའི་དཀྱིལ་འཁོར་ལས་ཡེ་ཤེས་དཀྱིལ་འཁོར་གཉིས་པ་ཞིག་མདུན་དུ་ཕྱེ་ནས་མེ་རི་འདབས་འབྱོར་གྱི་ཚུལ་དུ་བཞུགས་པར་གྱུར། གཉིས་པ་བསྙེན་པ་ནི། ཐུགས་ཀར་བཛྲ་ཧེ་རུ་ཀ༔ མཐིང་ནག་རྡོ་རྗེ་དུང་ཁྲག་འཛིན༔ པད་ཉིར་བཞེངས་སྟབས་ཡུམ་དང་སྦྱོར༔ ཐུགས་དབུས་རིན་ཆེན་ཟུར་བརྒྱད་པའི༔ ལྟེ་བར་རྡོ་རྗེའི་དབུས་ཧཱུྃ་མཐིང༔ སྔགས་ཕྲེང་ལུ་གུ་རྒྱུད་ཀྱིས་བསྐོར། །འོད་ཟེར་ཕར་འཕྲོས་རྒྱལ་བ་མཆོད། །བྱིན་རླབས་དངོས་གྲུབ་རང་ལ་ཐིམ། །སྣང་བ་སྐུ་ལ་གྲགས་པ་གསུང༌། །དྲན་རྟོག་ཐུགས་སུ་བྱིན་གྱིས་བརླབས། །སྣོད་བཅུད་རང་བྱུང་དཀྱིལ་འཁོར་ལྷའི། །ཡེ་ཤེས་རོལ་པའི་ངང་ནས་བཟླ། །ཨོཾ་མ་ཧཱ་སུ་ཁ་བཛྲ་སཏྭ་ཛཿཧཱུྃ་བྃ་ཧོ་སུ་ར་ཏ་སྟྭྃ༔ གསུམ་པ་སྒྲུབ་པ་ནི། ཐུགས་དབུས་སེམས་དཔའ་སུམ་བརྩེགས་ཀྱི། །སྲོག་སྙིང་ཡི་གེ་ཧཱུྃ་ཡིག་ལས། །སྔགས་ཀྱི་ཕྲེང་བ་བར་མེད་བྱུང༔ ཡབ་ཡུམ་ཞལ་དང་མཁའ་གསང་འཁོར༔ བཟོད་མེད་བདེ་ཆེན་འབར་བའི་གཟིས༔ སྣང་སྲིད་ཕྱག་རྒྱའི་དཀྱིལ་འཁོར་སད༔ ལྷ་སྔགས་ཡེ་ཤེས་ཆེན་པོ་ནི༔ མཆོག་ཏུ་མི་འགྱུར་བདེ་ཆེན་གྱི༔ བདག་ཉིད་རྡོ་རྗེ་སེམས་སུ་ཤར༔ ཨོཾ་བོ་དྷི་ཙིཏྟ་མ་ཧཱ་སུ་ཁ་ཛྙཱ་ན་དྷཱ་ཏུ་རུ་ལུ་རུ་ལུ་ཧཱུྃ་བྷྱོ་ཧཱུྃ༔ ཞེས་ཞི་ཁྲོ་སྤྱི་དྲིལ་གྱི་སྔགས་བཟླ། བཞི་པ་ལས་སྦྱོར་ནི། དཀྱིལ་འཁོར་གྱི་ལྷ་ཚོགས་ཐམས་ཅད་ཀྱི་ཐུགས་ཀར་རང་འདྲའི་ཡེ་ཤེས་སེམས་དཔའ་རེ་དང་དེ་དག་གི་ཐུགས་ཀར་ཏིང་འཛིན་སེམས་དཔའི་ངོ་བོ་སོ་སོའི་སྲོག་གི་སྙིང་པོ་གསལ་བ། བདག་གི་ཐུགས་ཀའི་འོད་ཟེར་གྱིས་བསྐུལ། སྥ་ར་ཎ་ཕཊ྄། ཡིག་འབྲུ་སོ་སོ་ལས་འོད་ཟེར་དཔག་ཏུ་མེད་པ་འཕྲོས། རྒྱལ་བ་སྲས་དང་བཅས་པའི་ཐུགས་རྒྱུད་བསྐུལ། བདེ་སྟོང་གི་མཆོད་པས་དགྱེས་པ་བསྐྱེད། སཾ་ཧ་ར་ཎ་ཧཱུྃ། བྱིན་རླབས་དང་དངོས་གྲུབ་ཐམས་ཅད་འོད་ཟེར་གྱི་རྣམ་པར་བསྡུས། མདུན་བསྐྱེད་ཀྱི་ལྷ་ཚོགས་རྣམས་ལ་ཐིམ་པས་གསལ་བརྟན་གྱི་གཟི་བྱིན་འབར། ཞལ་ནས་སྔགས་ཀྱི་སྒྲ་དང༌། ཐུགས་ལས་འོད་ཟེར་འཕྲོས་པས་ཁམས་གསུམ་ཐམས་ཅད་སྣང་བར་བྱས། ངན་སོང་དང་འཁོར་བའི་སྡུག་བསྔལ་གྱི་རྒྱུ་འབྲས་ཐམས་ཅད་སྦྱང༌། མ་དག་པའི་བརྟན་གཡོ་ཐམས་ཅད་དག་པའི་སྣོད་བཅུད་དུ་གནས་བསྒྱུར། དམིགས་ཡུལ་གཙོ་བོར་གྱུར་པའི་ལམ་ལྔའི་རྒྱུད་ལྡན་གྱི་སེམས་ཅན་ཐམས་ཅད་ཀྱི་གློ་བུར་གྱི་དྲི་མ་ཆ་དང་བཅས་པ་སྐད་ཅིག་ལ་སྦྱངས་ནས་བདེ་ཆེན་གྱི་ས་ལ་བཀོད་པར་བསམ། ཨོཾ་བཛྲ་སཏྭ་ས་མ་ཡ༔ མ་ནུ་པ་ལ་ཡ༔ བཛྲ་སཏྭ་ཏྭེ་ནོ་པ༔ ཏིཥྛ་དྲྀ་ཌྷོ་མེ་བྷ་ཝ༔ སུ་ཏོཥྱོ་མེ་བྷ་ཝ༔ ཨ་ནུ་རཀྟོ་མེ་བྷ་ཝ༔ སུ་པོཥྱོ་མེ་བྷ་ཝ༔ སརྦ་སིདྡྷི་མྨེ་པྲ་ཡཙྪ༔ སརྦ་ཀརྨ་སུ་ཙ་མེ༔ ཙིཏྟཾ་ཤྲི་ཡཾ་ཀུ་རུ་ཧཱུྃ༔ ཧ་ཧ་ཧ་ཧ་ཧོ༔ བྷ་ག་ཝན་སརྦ་ཏ་ཐཱ་ག་ཏ་བཛྲ་མ་མེ་མུཉྩ་བཛྲཱི་བྷ་ཝ་མ་ཧཱ་ས་མ་ཡ་སཏྭ་ཨཱ༔ ཨ་སུ་ནྲྀ་ཏྲི་པྲེ་དུཿསརྦ་པ་པཾ་ཀླེ་ཤ་ད་ཧ་ན་བྷསྨིཾ་ཀུ་རུ་སྭཱ་ཧཱ༔ ཞེས་བཏགས་པ་བཟླ། ལྔ་པ་བུམ་པ་བསྒྲུབ་ན། ཕྱི་བུམ་པ་ལ་ནང་གཞལ་ཡས་ཁང་དུ་དཀྱིལ་འཁོར་གྱི་ལྷ་ཚོགས་བཀྲ་ལམ་གྱིས་གསལ་བ་ལོགས་སུ་ཕྱེ་ནས་མདུན་གྱི་ནམ་མཁར་བཞུགས་པར་གྱུར། རྣམ་བུམ་གྱི་གཟུངས་ཐག་ལ་འཇུས་ནས། བདག་གི་ཐུགས་ཀ་ནས་སྔགས་ཀྱི་ཕྲེང་བ་གཟུངས་ཐག་ལ་འཁྲིལ་ཏེ་བུམ་པའི་ནང་དུ་སོང༌། ལྷ་རྣམས་ཀྱི་ཐུགས་རྒྱུད་བསྐུལ། སྐུ་ཡི་ཆ་ཐམས་ཅད་ནས་བྱང་སེམས་བདུད་རྩིའི་རྒྱུན་བབས་པས་བུམ་པ་གང་བར་བསམ་ལ། བསྙེན་སྒྲུབ་ལས་སྔགས་རྣམས་ཅུང་ཟད་བཟླས་མཐར། ཨོཾ་ཨཱཿཧཱུྃ་ཞེས་མཆོད་ཡོན་ཕུལ་བས། ལྷ་ཐམས་ཅད་ཡེ་ཤེས་ཀྱི་བདུད་རྩིར་ཞུ་བ་བུམ་ཆུ་དང་རོ་གཅིག་ཏུ་གྱུར་པར་བསམ་མོ། །མཆོད་བསྟོད་མདོར་བསྡུས་བྱ། སྐབས་འདིར་བཀའ་གཏེར་གྱི་སྲུང་མའི་གསོལ་མཆོད་རྒྱས་བསྡུས་སྐབས་བསྟུན་བྱའོ། །གཉིས་པ་བདག་འཇུག་གི་ཆོ་ག་བྱ་བ་ནི། དབང་གིས་སྨིན་པར་བྱས་ཏེ་དམ་ཚིག་གི་སྲུང་མཚམས་ལ་གནས་པའི་རྣལ་འབྱོར་པས་ལམ་དུས་ཀྱི་ཉམས་ཆག་སྐོང་ཞིང་ཡེ་ཤེས་སྤེལ་བའི་ཐབས་དང་སྤྲོས་བཅས་སྒྲུབ་མཆོད་སོགས་ཀྱི་སྐབས་སུ་བདག་འཇུག་གི་ཆོ་ག་རྒྱས་པར་བྱ་བ་དང༌། གཞན་ལ་དབང་བསྐུར་བ་ལྟ་བུར་སྤྲོས་པ་བསྡུ་ན་རིག་མེ་དོར་བའི་ཚུལ་གཉིས་སོ། །དང་པོ་ནི། རང་གི་སེམས་ཉིད་རྣམ་པར་དག་པ་དཀྱིལ་འཁོར་གྱི་འཁོར་ལོར་རྫོགས་པ་རྩ་བའི་བླ་མ་དང་དབྱེར་མེད་དུ་བལྟས་པ་དབང་ལེན་ཡུལ་དང༌། རྣམ་འགྱུར་གློ་བུར་གྱི་འཁྲུལ་ངོ་རྣམ་སྨིན་བག་ཆགས་ཀྱི་ལུས་སློབ་བུའི་ཚུལ་དུ་བྱས་ལ། དབང་གི་བྱ་བ་རྣམས་གཙོ་བོ་ལས་དབྱེ་བའི་རྒྱལ་ཐེབ་ཀྱིས་མཛད་པར་མོས་ནས་འཇུག་པ་སྟེ། ཐོག་མར་ལས་བུམ་གྱི་ཆུས། ཇི་ལྟར་བལྟམས་པ་སོགས་ཀྱིས་ཁྲུས་བྱ། ཧཱུྃ་ཧཱུྃ་ཧཱུྃ་བི་ཤྭ་སོགས་ཀྱིས་བགེགས་བསྐྲད། མཎྜལ་ཕུལ། ཨོཾ་ཨཱཿཧཱུྃ་གིས་མིག་དར་འཆིང༌། ཨཱ་ཁཾ་ཝི་ར་ཧཱུྃ་གིས་མེ་ཏོག་བླངས་ཏེ་ཐལ་མོ་སྦྱར་ལ། འཁོར་ལོའི་དབང་ཕྱུག་བླ་མ་རྗེ༔ དཔལ་ལྡན་རྡོ་རྗེ་སེམས་དཔའ་དགོངས༔ གསང་བ་ཟབ་མོའི་དཀྱིལ་འཁོར་དུ༔ འཇུག་ཅིང་སྨིན་པའི་བཀའ་དྲིན་སྩོལ༔ ལན་གསུམ་གྱིས་གསོལ་བ་བཏབ། ན་མོ༔ བདེ་ཆེན་འོད་གསལ་བྱང་ཆུབ་སེམས༔ དཀྱིལ་འཁོར་ཀུན་གྱི་ཁྱབ་བདག་ཆེ༔ བླ་མ་རྡོ་རྗེ་སེམས་དཔའ་ནི༔ རང་གིས་རིག་པས་སྐྱབས་སུ་མཆི༔ ལན་གསུམ་གྱིས་སྐྱབས་འགྲོ་དང༌། ཧོཿ ནམ་མཁའ་མཉམ་པའི་སེམས་ཅན་རྣམས༔ ཡེ་ནས་སངས་རྒྱས་སྐུ་དང་ཞིང༔ མ་རྟོགས་སྲིད་ལས་བསྒྲལ་བའི་ཕྱིར༔ གནས་ལུགས་རྡོ་རྗེའི་སེམས་མཆོག་བསྐྱེད༔ ལན་གསུམ་གྱིས་སེམས་བསྐྱེད། ཧོཿ ཆོས་དབྱིངས་དང་མཉམ་རྩ་གསུམ་ལྷ༔ མངོན་སུམ་རིག་པས་ཕྱག་འཚལ་ལོ༔ སྣང་སྲིད་ཀུན་བཟང་རོལ་པས་མཆོད༔ བློས་བྱས་ཡིད་དཔྱོད་སྡིག་ལྟུང་བཤགས༔ ཟག་མེད་ཆོས་ལ་རྗེས་ཡི་རང༔ ཟབ་རྒྱས་ངེས་དོན་ཆོས་འཁོར་བསྐོར༔ མྱ་ངན་མི་འདར་རྟག་བཞུགས་གསོལ༔ བྱང་ཆུབ་ཆེན་པོའི་དབྱིངས་སུ་བསྔོ༔ བདེ་ཆེན་རྡོ་རྗེ་སེམས་འགྲུབ་ཤོག༔ ལན་གསུམ་གྱིས་ཚོགས་བསགས། ཨོཾ། བདེ་བར་གཤེགས་པ་ཁྱེད་ཅི་འདྲ། །དེ་འདྲ་ཁོ་ནར་བདག་གྱུར་ཅིག །སྤྱོད་པ་རྨད་བྱུང་བསམ་ཡས་པ། །འགྲོ་ལ་ཕན་ཕྱིར་བདག་གིས་སྤྱོད། །བྱང་ཆུབ་སེམས་མཆོག་དམ་པ་དང༌། །སྐུ་གསུང་ཐུགས་ཀྱི་ཕྱག་རྒྱ་འདི། །སྲོག་གི་ཕྱིར་ཡང་མི་གཏོང་ན། །རྡོ་རྗེ་རྒྱལ་པོས་བྱིན་རློབས་མཛོད། །ལན་གསུམ་གྱིས་སྡོམ་པ་བཟུང༌། འདི་ནི་ཁྱོད་ཀྱི་དམྱལ་བའི་ཆུ༔ དམ་ཚིག་འདས་ན་སྲེག་པར་བྱེད༔ དམ་ཚིག་བསྲུངས་ན་དངོས་གྲུབ་ཐོབ༔ རྡོ་རྗེ་བདུད་རྩིའི་ཆུ་འཐུང་ཞིག༔ ཞེས་དམ་ཆུ་མྱང༌། དེ་ནས་ཡེ་ཤེས་དབབ་པ་ནི་སྒོ་གསུམ་གྱི་གནད་ལེགས་པར་གཅུན་ལ་དམིགས་པ་འདི་ལྟར། ཨོཾ་མ་ཧཱ་ཤཱུ་ནྱ་ཏཱ་སོགས། གཟུང་འཛིན་ཐ་མལ་གྱི་སྣང་ཞེན་ཐམས་ཅད་འོད་གསལ་སྟོང་པ་ཉིད་ཀྱི་ངང་དུ་ཐིམ། དེ་ལས་དག་པའི་སྣང་ཆ་འོག་མིན་སྟུག་པོ་བཀོད་པའི་ཞིང་དབྱིབས་དང་རྒྱན་བཀོད་ཚད་མེད་པའི་དབུས་སུ་སེང་ཁྲི་པད་ཟླའི་སྟེང་དུ་རང་གི་རིག་པའི་ངོ་བོ། རྡོ་རྗེ་དཀར་པོ་རྩེ་ལྔའི་ལྟེ་བར་ཧཱུྃ་ཡིག་དཀར་པོས་མཚན་པར་གྱུར། འཕྲོ་འདུས་ཡོངས་སུ་གྱུར་པ་ལས་རིགས་ཐམས་ཅད་ཀྱི་ཁྱབ་བདག་བཅོམ་ལྡན་འདས་དཔལ་རྡོ་རྗེ་སེམས་དཔའ་སྐུ་མདོག་དཀར་གསལ་ཞི་བའི་ཉམས་དགུ་དང་མཚན་དཔེ་རྫོགས་ཤིང་རིན་པོ་ཆེའི་རྒྱན་གྱིས་མཛེས་པར་སྤྲས་པ་ཡུམ་སྙེམས་མ་དཀར་མོ་དང་མཉམ་པར་སྦྱོར་བ། བདེ་སྟོང་གཉིས་སུ་མེད་པའི་ངོ་བོར་བཞུགས་པའི་གནས་གསུམ་ཡི་གེ་གསུམ་གྱིས་མཚན་པ་ལས་འོད་ཟེར་ཕྱོགས་བཅུར་འཕྲོས། བླ་མ་རྒྱལ་བ་སྲས་བཅས་ཡི་དམ་ཞི་ཁྲོ་རབ་འབྱམས་དཔའ་བོ་རྣལ་འབྱོར་མའི་ཚོགས་ཐམས་ཅད་བླ་མ་རྡོ་རྗེ་སེམས་པའི་སྐུ་ཕྱག་རྒྱ། གསུང་ཡིག་འབྲུ། ཐུགས་ཕྱག་མཚན་གྱི་རྣམ་པར་ཁ་ཆར་དང་བུ་ཡུག་འཚུབས་པ་བཞིན་དུ་སྤྱན་དྲངས་ཏེ་སྙིང་ག་ནས་སིབ་སིབ་ཐིམ་པར་མོས་ལ། ལས་བྱང་གི་བྱིན་འབེབས་སྔགས་དང་བཅས་པ་བརྗོད་ཅིང་ཁྱད་པར་གྱི་རྫས་དུད་བདུག། ཌཱ་དྲིལ་ཁྲོལ་ཞིང་རོལ་མོ་སྣ་ཚོགས་ཀྱི་སྒྲ་སྦྱར་ཏེ་དབབ་པ། ཏིཥྛ་བཛྲ། ཞེས་སྤྱི་བོར་རྡོ་རྗེ་རྒྱ་གྲམ་དུ་བཞག་པས་བརྟན་པར་བྱས་ལ། པྲ་ཏི་བཛྲ་ཧོཿས་མེ་ཏོག་དོར་ཞིང༌། ཨོཾ་པྲ་ཏི་གྷྲིཧྞ་ཨི་མཾ་སཏྭ་མ་ཧཱ་བ་ལ་ཏིཥྛ༔ ཞེས་བརྗོད་དེ་སླར་ཡང་སྤྱི་བོར་འཆིང༌། རྡོ་རྗེ་སེམས་དཔའ་དེང་ཁྱོད་ཀྱི། །མིག་འབྱེད་པར་ནི་བརྩོན་པར་མཛད། །ཕྱེ་བས་ཐམས་ཅད་མཐོང་གྱུར་ཏེ། །རྡོ་རྗེའི་མིག་ནི་བླ་ན་མེད། །ཨོཾ་བཛྲ་ཛྙཱ་ན་ཙཀྵུ་པྲ་ཝེ་ཤ་ཡ་ཕཊ྄༔ ཀྱིས་མིག་དར་བསལ་ལ། ལེགས་པར་ལྟོས་ཤིག་སེམས་དཔའ་ཆེ། །ད་ནི་དད་པ་རབ་ཏུ་བསྐྱེད། །རྡོ་རྗེ་སེམས་དཔའ་དཀྱིལ་འཁོར་གཙོའི། །དངོས་གྲུབ་ཀུན་བདག་ཁྱོད་འགྱུར་རོ། །ཞེས་མཐོང་བ་བསྟན། བཅོམ་ལྡན་འདས་རྡོ་རྗེ་སེམས་དཔའི་ཡེ་ཤེས་རང་སྣང་ལས་གྲུབ་པའི་མཚོན་བྱ་དོན་གྱི་དཀྱིལ་འཁོར་རྟེན་དང་བརྟེན་པ་མངོན་སུམ་དུ་མཐོང་བར་མོས། གསོལ་འདེབས་ནི། བླ་མ་རྡོ་རྗེ་སེམས་དཔའ་དགོངས། །སྨིན་ཅིང་གྲོལ་བ་མཐར་ཕྱིན་ཕྱིར། །བུམ་པའི་དབང་མཆོག་སྩོལ་བ་དང༌། བྱིན་གྱིས་བརླབ་པར་མཛད་དུ་གསོལ། །ལན་གསུམ་གྱིས་གསོལ་བ་བཏབ། བུམ་དབང་ལ། ཕྱི་ཕན་པའི་དབང་ནི། དཀྱིལ་འཁོར་པའི་ཐུགས་ཀ་ནས་འཕྲོས་པའི་འོད་ཟེར་གྱིས་གདན་གསུམ་ཚང་བའི་དབང་ལྷ་ནམ་མཁའ་གང་བར་སྤྱན་དྲངས། དེ་རྣམས་ཀྱིས་བུམ་པ་ཡེ་ཤེས་བདུད་རྩིའི་ཆུ་རྒྱུན་གྱིས་གང་བ་ལ་སོགས་པ་རིགས་ལྔའི་དབང་རྫས་རྣམས་ཐོགས་ཏེ་བཀྲ་ཤིས་པའི་རྣམ་པ་དུ་མ་དང་ལྡན་པས་དབང་བསྐུར་བར་མོས་ལ། ཐོག་མར་རྣམ་བུམ་ཐོགས་ལ། ཧཱུྃ༔ མི་བསྐྱོད་ཡེ་ཤེས་བདུད་རྩིའི་ཆུས༔ རྡོ་རྗེ་རང་བྱུང་ལས་ཀུན་བྱེད༔ དབང་མཆོག་བུ་ལ་བྱིན་པ་ཡིས༔ སྒྲིབ་དག་ཡེ་ཤེས་རྟོགས་པར་ཤོག༔ ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཡེ་ཧཱུྃ༔ དེ་ལྟར་བུམ་པའི་ཆུའི་དབང་བསྐུར་བས་ཞེ་སྡང་དག །རྣམ་པར་ཤེས་པའི་ཕུང་པོ་མི་བསྐྱོད་པར་གནས་གྱུར། མེ་ལོང་ལྟ་བུའི་ཡེ་ཤེས་མངོན་དུ་བྱས་པ་ཡིན་ནོ། །དབུ་རྒྱན་བཅིང་ལ། ཏྲཱྃ༔ རིན་ཆེན་དབུ་རྒྱན་ཅོད་པན་ཅན༔ ཡང་དག་ཡེ་ཤེས་ལྔ་དང་ལྡན༔ དོན་རྟགས་འབྲེལ་བས་དབང་བསྐུར་བས༔ ཟག་མེད་འབྲས་བུའི་སར་ཕྱིན་ཤོག༔ ཨོཾ་རཏྣ་མུ་ཀུ་ཊ་ཨ་བྷི་ཥིཉྩ་ཏྲཱྃ༔ དེ་ལྟར་དབུ་རྒྱན་གྱི་དབང་བསྐུར་བས་ང་རྒྱལ་དག །ཚོར་བའི་ཕུང་པོ་རིན་ཆེན་འབྱུང་ལྡན་དུ་གནས་གྱུར། མཉམ་པ་ཉིད་ཀྱི་ཡེ་ཤེས་མངོན་དུ་བྱས་པ་ཡིན་ནོ། །རྡོ་རྗེ་ལག་གཡས་པས་གསོར་ལ། ཧྲཱིཿ རྡོ་རྗེ་བླ་མེད་མན་ངག་ཆོས༔ གསུང་གི་དབང་ཕྱུག་དཀྱིལ་འཁོར་ཆེའི༔ ཕྱག་རྒྱ་ཆེན་པོས་དབང་བསྐུར་བས༔ ཆོས་ཀུན་འབྱུང་བའི་ས་ཐོབ་ཤོག༔ ཨོཾ་བཛྲ་ཨ་བྷི་ཥིཉྩ་ཨཱཿ ཞེས་ཐུགས་ཀར་གཏོད། དེ་ལྟར་རྡོ་རྗེའི་དབང་བསྐུར་བས་འདོད་ཆགས་དག །འདུ་ཤེས་ཀྱི་ཕུང་པོ་སྣང་བ་མཐའ་ཡས་སུ་གནས་གྱུར། སོ་སོར་རྟོག་པའི་ཡེ་ཤེས་མངོན་དུ་བྱས་པ་ཡིན་ནོ། །དྲིལ་བུ་ལག་གཡོན་པས་ཐོགས་ལ། ཨཱཿ དྲིལ་བུ་ཡེ་ཤེས་སྒྲ་དང་ལྡན༔ དོན་ཀུན་གྲུབ་པ་དཀྱིལ་འཁོར་གཙོའི༔ ཡང་དག་ཕྱག་རྒྱའི་དབང་བྱིན་པས༔ ཕྲིན་ལས་རྩོལ་མེད་ལྷུན་གྲུབ་ཤོག༔ ཨོཾ་་གཎྜེ་ཨ་བྷི་ཥིཉྩ་ཧོཿ ཞེས་དཀྲོལ་ཞིང་དཀུར་བརྟེན། དེ་ལྟར་དྲིལ་བུའི་དབང་བསྐུར་བས་ཕྲག་དོག་དག །འདུ་བྱེད་ཀྱི་ཕུང་པོ་དོན་ཡོད་གྲུབ་པར་གནས་གྱུར། བྱ་བ་གྲུབ་པའི་ཡེ་ཤེས་མངོན་དུ་བྱས་པ་ཡིན་ནོ། །རྡོར་དྲིལ་བསྣོལ་མ་སྤྱི་བོར་བཟུང་ལ། ཨོཾ༔ རྡོ་རྗེ་སྣང་མཛད་ཡེ་ཤེས་སྐུ༔ དེ་ཉིད་མཚོན་པ་རྡོ་རྗེའི་མིང༔ སྲིད་གསུམ་ཁྱབ་པར་བསྒྲགས་པ་ཡིས༔ ཞིང་ཀུན་མཛེས་པའི་དབང་ཐོབ་ཤོག༔ ཨོཾ་བྷུརྦྷུ་ཝ་སྭ་ཨ་བྷི་ཥིཉྩ་ཨོཾ༔ དེ་ལྟར་མིང་གི་དབང་བསྐུར་བས་གཏི་མུག་དག །གཟུགས་ཀྱི་ཕུང་པོ་རྣམ་པར་སྣང་མཛད་དུ་གནས་གྱུར། ཆོས་ཀྱི་དབྱིངས་ཀྱི་ཡེ་ཤེས་མངོན་དུ་བྱས་པ་ཡིན་ནོ། །བདག་ཉིད་དཀྱིལ་འཁོར་གྱི་དབུས་སུ་སེང་ཁྲི་པད་ཟླའི་སྟེང་དུ་རིགས་ཐམས་ཅད་ཀྱི་ཁྱབ་བདག་དཔལ་རྡོ་རྗེ་སེམས་དཔའ་རང་སྣང་གི་ཡུམ་དང་བཅས་པའི་སྐུར་གྱུར་པ་ལ། གཙོ་བོ་ཡབ་ཡུམ་གྱི་སྐུ་གསུང་ཐུགས་ཀྱི་དམ་ཚིག་གསུམ་མཚོན་བྱེད་རྡོ་རྗེ་དང་དྲིལ་བུ། ཕྲིན་ལས་རབ་འབྱམས་ལ་དབང་འབྱོར་བའི་བརྡར། སྟེང་དུ་གདུགས་དང༌། གཡས་གཡོན་དུ་རྒྱལ་མཚན་དང་བ་དན། ལག་ཏུ་ཕྱག་ཤིང་དང་གླེགས་བམ། མཐའ་སྐོར་ཀུན་ཏུ་མཆོད་པའི་སྤྲིན་རབ་འབྱམས་ཀྱིས་བསྟར་ཏེ་མངའ་གསོལ་བར་མོས་ལ། ཐུགས་ཀྱི་དམ་ཚིག་ཏུ་རྡོ་རྗེ་ལག་གཡས་ཀྱི་ཐུགས་ཀར་བཟུང༌། ཧཱུྃ༔ རྡོ་རྗེ་ཡང་དག་ཡེ་ཤེས་ཆེ༔ སངས་རྒྱས་ཀུན་གྱི་ཐུགས་ཉིད་དེ༔ དེ་རིང་བུ་ལ་བྱིན་པ་ཡིས༔ ཁྱོད་ཀྱང་རྡོ་རྗེའི་ཐུགས་འགྲུབ་ཤོག༔ ཨོཾ་བཛྲ་ཧཱུྃ༔ གསུང་གི་དམ་ཚིག་ཏུ་དྲིལ་བུ་ལག་གཡོན་གྱིས་དཀྲོལ་ཏེ་དཀུར་བརྟེན། ཧཱུྃ༔ དྲིལ་བུ་སྟོང་པའི་སྒྲ་སྒྲོག་པ༔ ཆོས་ཀུན་དེ་ཉིད་རྗེས་སུ་མཚོན༔ སངས་རྒྱས་གསུང་གི་དབང་བསྐུར་བས༔ རྡོ་རྗེའི་གསུང་མཆོག་འགྲུབ་པར་ཤོག༔ ཨོཾ་གྷཎྜེ་ཧཱུྃ༔ སྐུ་ཡི་དམ་ཚིག་ཏུ་ལག་འཁྱུད་རྒྱས་རྡོར་དྲིལ་ཐུགས་ཀར་བསྣོལ། ཧཱུྃ༔ བདེ་ཆེན་མི་འགྱུར་རྡོ་རྗེ་སེམས༔ ཤེས་རབ་ཡུམ་དང་གཉིས་སུ་མེད༔ རྟག་ཏུ་ཕྱག་རྒྱ་དགྱེས་རོལ་བའི༔ སངས་རྒྱས་སྐུ་དང་གཉིས་མེད་ཤོག༔ ཨོཾ་སརྦ་ཏ་ཐཱ་ག་ཏ་མ་ཧཱ་ཨ་ནུ་རཱ་ག་ཎ་ཛྙཱ་ན་བཛྲ་སྭ་བྷཱ་ཝ་ཨཏྨ་ཀོ྅ཧཾ༔ ཆས་རྣམས་ཀྱིས་མངའ་གསོལ་བར་མོས་ལ། ཨོཾ༔ ཁྱོད་ནི་ངེས་པར་རྡོ་རྗེ་སེམས༔ ཆོས་ཀྱི་རྒྱལ་པོར་དབང་བསྐུར་བས༔ དོན་རྣམས་ཐམས་ཅད་སྒྲུབ་པ་དང༔ རྡོ་རྗེའི་སློབ་མའི་ཚོགས་སྡུས་ཤིག༔ ས་མ་ཡ་ཨ་བྷི་ཥིཉྩ་ཧཱུྃ༔ དེ་ལྟར་དབང་ཐམས་ཅད་ཡོངས་སུ་རྫོགས་ཤིང་ནུས་པ་བརྟན་པའི་ཕྱིར་དཀྱིལ་འཁོར་ཡོངས་རྫོགས་ཀྱི་ངོ་བོ་རྣམ་རྒྱལ་བུམ་པས་དབང་བསྐུར་བར་མོས། ཨོཾ༔ བཀྲ་ཤིས་བུམ་པ་མཚན་ཉིད་རྫོགས༔ ཡེ་ཤེས་ཆེན་པོའི་བདུད་རྩིས་གཏམས༔ སྐལ་ལྡན་བུ་ལ་དབང་བསྐུར་བས༔ ཡོན་ཏན་མ་ལུས་རྫོགས་པར་ཤོག༔ ཨོཾ་ཀ་ལ་ཤ་ཨ་བྷི་ཥིཉྩ་ཨོཾ༔ ཞེས་བུམ་པའི་ཆུའི་དབང་བསྐུར་བས་ལུས་གང༌། དྲི་མ་ཐམས་ཅད་དག །ཆུའི་ལྷག་མ་སྤྱི་བོར་འཁྱིལ་བ་ལས་རིགས་ཀྱི་བདག་པོས་དབུ་བརྒྱན། ནམ་མཁར་བཞུགས་པའི་དབང་གི་ལྷ་རྣམས་ཀྱང་གཉིས་མེད་དུ་ཐིམ་པར་མོས། །རྟེན་སྙིང་དང༌། སུ་པྲ་ཏིཥྛ་བརྗོད། ཨོཾ་སརྦ་ཏ་ཐཱ་ག་ཏ་ས་པ་རི་ཝ་ར་པུཥྤེ་ནས། ཤབྡ་པྲ་ཏཱིཙྪ་སྭཱ་ཧཱའི་བར་ཕྱག་རྒྱ་དང་བཅས་མཆོད། དེའི་རྗེས་འབྲེལ་ནང་ནུས་པ་སྐུ་གསུང་ཐུགས་དབང་ནི། རང་ཉིད་དཔལ་རྡོ་རྗེ་སེམས་དཔར་གསལ་བའི་ཐུགས་ཀར་གཞལ་ཡས་ཁང་ལྷའི་གདན་དང་བཅས་པ་གསལ་བ་ལ། དཀྱིལ་འཁོར་གྱི་ལྷ་ཚོགས་རྣམས་མར་མེ་གཅིག་ལས་གཉིས་མཆེད་ཀྱི་རྣམ་པར་སྤྲོས། སྤྱི་བོ་ནས་ཞུགས་སོ་སོའི་གནས་སུ་བཞུགས་པར་མོས། སོ་སོའི་ཙཀ་ལི་ཐོགས་ཏེ། ཧཱུྃ༔ བདེ་ཆེན་ཡེ་ཤེས་ལྔ་ཡི་བདག །བཅོམ་ལྡན་རྡོ་རྗེ་སེམས་དཔའ་ཆེ། །དཀྱིལ་འཁོར་གཙོ་བོ་ཡབ་ཡུམ་གྱིས། །སྐལ་ལྡན་བུ་ལ་དབང་བསྐུར་རོ། །ཧཱུྃ་བཛྲ་དྷྲྀཀ་མཱུྃ་དྷཱ་ཏྭེ་ཤྭ་རཱི་ཨ་བྷི་ཥིཉྩ་ཧཱུྃ། ཨོཾ། གཟུགས་ཀྱི་ཕུང་པོ་རྣམ་དག་ཅིང༌། །སྐུ་ཡི་རྡོ་རྗེའི་ཁྱབ་བདག་ཆེ། །རྣམ་པར་སྣང་མཛད་ཡབ་ཡུམ་གྱིས། །རིགས་ཀྱི་བུ་ལ་དབང་བསྐུར་རོ། །ཨོཾ་ཛི་ན་ཛྀཀ་ལཱཾ་དྭེ་ཥ་ར་ཏི་ཨ་བྷི་ཥིཉྩ་ཨོཾ། ཏྲཱྃ། ཚོར་བའི་ཕུང་པོ་རྣམ་དག་ཅིང༌། །ཡོན་ཏན་རིན་ཆེན་ཁྱབ་བདག་ཆེ། །རིན་ཆེན་འབྱུང་ལྡན་ཡབ་ཡུམ་གྱིས། །རིགས་ཀྱི་བུ་ལ་དབང་བསྐུར་རོ། །སྭཱཾ་རཏྣ་དྷྲྀཀ་མཱཾ་མོ་ཧ་ར་ཏི་ཨ་བྷི་ཥིཉྩ་ཏྲཱྃ། ཧྲཱིཿ འདུ་ཤེས་ཕུང་པོ་རྣམ་དག་ཅིང༌། །གསུང་མཆོག་པདྨའི་ཁྱབ་བདག་ཆེ། །སྣང་བ་མཐའ་ཡས་ཡབ་ཡུམ་གྱིས། །རིགས་ཀྱི་བུ་ལ་དབང་བསྐུར་རོ། །ཨཱཾ་ཨཱ་རོ་ལྀཀ་པཱཾ་རཱ་ག་ར་ཏི་ཨ་བྷི་ཥིཉྩ་ཧྲཱིཿ ཨཱཿ འདུ་བྱེད་ཕུང་པོ་རྣམ་དག་ཅིང༌། །ཕྲིན་ལས་ལས་ཀྱི་ཁྱབ་བདག་ཆེ། །དོན་ཡོད་གྲུབ་པ་ཡབ་ཡུམ་གྱིས། །རིགས་ཀྱི་བུ་ལ་དབང་བསྐུར་རོ། །ཧཱ་པྲ་ཛྙཱ་དྷྲྀཀ་ཏཱཾ་བཛྲ་ར་ཏི་ཨ་བྷི་ཥིཉྩ་ཨཱཿ ཛཿ ཤར་ཕྱོགས་ཞི་བའི་དཀྱིལ་འཁོར་ནས། །སྙིང་རྗེ་ཚད་མེད་ཁྲོ་བོའི་རྒྱལ། །རྣམ་པར་རྒྱལ་དང་ལྕགས་ཀྱུ་མས། །རིགས་ཀྱི་བུ་ལ་དབང་བསྐུར་རོ། །བཛྲ་ཀྲོ་ཏ་ཨངྐུ་ཤ་ཛཿཨ་བྷི་ཥིཉྩ་ཧཱུྃ། ཧཱུྃ། ལྷོ་ཕྱོགས་རྒྱས་པའི་དཀྱིལ་འཁོར་ནས། །བྱམས་པ་ཚད་མེད་ཁྲོ་བོའི་རྒྱལ། །གཤིན་རྗེ་གཤེད་དང་ཞགས་པ་མས། །རིགས་ཀྱི་བུ་ལ་དབང་བསྐུར་རོ། །རཏྣ་ཀྲོ་ཏ་པཱ་ཤ་ཧཱུྃ་ཨ་བྷི་ཥིཉྩ་ཧཱུྃ། བྃ། ནུབ་ཕྱོགས་དབང་གི་དཀྱིལ་འཁོར་ནས། །དགའ་བ་ཚད་མེད་ཁྲོ་བོའི་རྒྱལ། །རྟ་མཆོག་རོལ་པ་ལྕགས་སྒྲོག་མས། །རིགས་ཀྱི་བུ་ལ་དབང་བསྐུར་རོ། །པདྨ་ཀྲོ་ཏ་སྥོ་ཊ་བྃ་ཨ་བྷི་ཥིཉྩ་ཧཱུྃ། ཧོཿ བྱང་ཕྱོགས་དྲག་པོའི་དཀྱིལ་འཁོར་ནས། །བཏང་སྙོམས་ཚད་མེད་ཁྲོ་བོའི་རྒྱལ། །བདུད་རྩི་འཁྱིལ་དང་དྲིལ་བུ་མས། །རིགས་ཀྱི་བུ་ལ་དབང་བསྐུར་རོ། ཀརྨ་ཀྲོ་ཏ་གཎྜེ་ཧོཿཨ་བྷི་ཥིཉྩ་ཧཱུྃ༔ དེ་ལྟར་ལྷ་སྐུ་ཕྱག་རྒྱའི་དབང་བསྐུར་བས་འཁོར་འདས་ཀྱི་ཆོས་ཐམས་ཅད་སྣང་སྟོང་སྒྱུ་འཕྲུལ་དྲྭ་བ་ལྷའི་འཁོར་ལོར་དག་པའི་དབང་ཐོབ་པའོ། །མདུན་གྱི་ལྷ་ཚོགས་རྣམས་ཀྱི་ཐུགས་ཀ་ནས་སྔགས་ཀྱི་ཕྲེང་བ་བྱུང༌། རང་གི་ཞལ་དུ་ཞུགས་ནས། སྙིང་གའི་ལྷ་ཚོགས་རྣམས་ཀྱི་ཐུགས་སྲོག་ས་བོན་གྱི་མཐར་འཁོད་པར་མོས་ལ། བསྙེན་སྒྲུབ་ལས་གསུམ་གྱི་སྔགས་ལན་གསུམ་རེ་བཟླ། སྔགས་ཕྲེང་མགྲིན་པར་བཞག་ལ། ཟབ་ཅིང་གསང་བ་རྡོ་རྗེའི་སྒྲ། །རྨད་བྱུང་སྔགས་ཀྱི་འཕྲུལ་ཆེན་པོས། །དོན་གཉིས་ཡིད་བཞིན་བྱེད་ནུས་པའི། །རྡོ་རྗེའི་སྔགས་ཀྱིས་དབང་བསྐུར་རོ། །ཨོཾ་སརྦ་ཏ་ཐཱ་ག་ཏ་ཝཱཀ་ཨ་བྷི་ཥིཉྩ་ཧཱུྃ། འཁོར་འདས་ཀྱི་སྒྲ་སྐད་ཐམས་ཅད་གྲགས་སྟོང་གཞོམ་མེད་གསུང་གི་འཁོར་ལོར་དག་པའི་དབང་ཐོབ་པའོ། །ལྷ་སྔགས་ཀྱི་སྣང་ཆ་ཐམས་ཅད་འཛིན་མེད་ཁྱབ་བརྡལ་སྤྲོས་པ་དང་བྲལ་བའི་དབྱིངས་ཀྱི་ངང་དུ་མཉམ་པར་བཞག་ལ། མེ་ལོང་ཐོགས་ལ། ཧཱུྃ། ཆོས་ཀུན་དེ་ཉིད་ཀློང་ཡངས་ལས། །མ་འགག་ཐབས་ཀྱི་སྣང་བ་ཤར། །ཟུང་འཇུག་སྒྱུ་མའི་བརྡ་འདི་ཡིས། །སྤྲོས་བྲལ་ཐུགས་ཀྱི་དབང་ཐོབ་ཤོག །ཨོཾ་སརྦ་ཏ་ཐཱ་ག་ཏ་ཙིཏྟ་ཨ་བྷི་ཥིཉྩ་ཧཱུྃ༔ འཁོར་འདས་ཀྱི་རྟོག་ཚོགས་ཐམས་ཅད་རིག་སྟོང་སྤྲོས་བྲལ་གཉིས་སུ་མེད་པའི་ཡེ་ཤེས་ཐུགས་ཀྱི་འཁོར་ལོར་དག་པའོ། །དེ་ལྟར་ཕྱི་མཚན་མའི་དཀྱིལ་འཁོར་དུ་བུམ་པའི་དབང་ཐོབ། ལུས་ཀྱི་དྲི་མ་སྦྱངས། ལམ་བསྐྱེད་རིམ་སྒོམ་པ་ལ་དབང༌། འབྲས་བུ་སྤྲུལ་སྐུ་ཐོབ་པའི་སྐལ་བ་ཅན་དུ་བྱས་པའོ། །མཆོག་དབང་གསུམ་ལས་གསང་དབང་ནི། བླ་མ་ཡབ་ཡུམ་སྙོམས་པར་ཞུགས་པའི་བྱང་ཆུབ་སེམས་ཀྱི་ཐིག་ལེ་ལྕེ་ཐོག་ཏུ་བཞག་པར་མོས། ཧཱུྃ༔ བདེ་སྟོང་རོལ་པའི་བྱང་ཆུབ་སེམས༔ འདི་ནི་སངས་རྒྱས་ཐམས་ཅད་ཀྱི༔ གཉིས་མེད་མཉམ་པའི་ཡེ་ཤེས་རྒྱུན༔ གཙང་དམེ་མེད་པར་རོལ་བར་གྱིས༔ ཨ་ཧོ་མ་ཧཱ་སུ་ཁ་ཧོཿ ཞེས་བདུད་རྩི་མྱངས་པས་རྩ་ཐམས་ཅད་བདུད་རྩིས་གང༌། དུག་གསུམ་གྱི་རྣམ་རྟོག་འགགས། བདེ་བའི་ཡེ་ཤེས་རྒྱུད་ལ་སྐྱེས་པར་བསམ། དེ་ལྟར་ཀུན་རྫོབ་བྱང་ཆུབ་སེམས་ཀྱི་དཀྱིལ་འཁོར་དུ་གསང་བའི་དབང་ཐོབ། ངག་གི་དྲི་མ་སྦྱངས། ལམ་རྩ་རླུང་སྒོམ་པ་ལ་དབང༌། འབྲས་བུ་ལོངས་སྐུ་ཐོབ་པའི་སྐལ་བ་ཅན་དུ་བྱས་པའོ། །ཤེར་དབང་ནི། དཀྱིལ་འཁོར་པའི་ཐུགས་ཀ་ནས་རིག་མ་གཟུགས་དང་ལང་ཚོས་བརྒྱན་པ་བྱོན་ནས་རང་ལ་འཁྱུད་པར་མོས་ལ་ཕྱག་རྒྱའི་གཟུགས་བརྙན་བཟུང་སྟེ། ཧཱུྃ༔ ཡེ་ཤེས་རྣམ་པ་ཐམས་ཅད་པ༔ དཔེ་ཡི་ཐབས་ཀྱིས་མངོན་བྱེད་པའི༔ བཅུ་དྲུག་དགའ་སྦྱིན་སྒྱུ་མ་ཆེ༔ སྒྱུ་མའི་རོལ་པས་སྤྱོད་ཅིག་བུ༔ ཨོཾ་ཨཱཿཧཱུྃ་པདྨ་བྷཉྫ་མོཀྵ་ཧོ༔ ཞེས་འདུ་ཤེས་གསུམ་ལྡན་གྱིས་དེ་དང་སྙོམས་པར་ཞུགས་པས་རྒྱུ་འབྲས་ཀྱི་དགའ་བཞི་ལུགས་འབྱུང་ལྡོག་གིས་ཉམས་སུ་མྱོང་བར་མོས་ལ། ཨོཾ་སརྦ་ཏ་ཐཱ་ག་ཏ་མ་ཧཱ་ཨ་ནུ་རཱ་ག་ཎ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ༔ ཞེས་བརྗོད་ཅིང་འཁྱུད་རྒྱ་བྱ། དེ་ལྟར་བྷ་གའི་དཀྱིལ་འཁོར་དུ་ཤེས་རབ་ཡེ་ཤེས་ཀྱི་དབང་ཐོབ། ཡིད་ཀྱི་དྲི་མ་སྦྱངས། ལམ་ཐིག་ལེ་སྒོམ་པ་ལ་དབང༌། འབྲས་བུ་ཆོས་སྐུ་ཐོབ་པའི་སྐལ་བ་ཅན་དུ་བྱས་པའོ། །ཚིག་དབང་ནི། ཤེལ་དང་མེ་ལོང་གི་བརྡས་མཚོན་པའི་རང་བྱུང་གི་ཡེ་ཤེས་རིག་སྟོང་ཟུང་འཇུག་དེ་ཁོ་ན་ཉིད་ཀྱི་ངང་ལ་བློ་བཞག་ལ། ཤེལ་དང་མེ་ལོང་འཕྱར་ཏེ། ཧཱུྃ༔ སྟོང་གསལ་རིག་པ་ཡེ་ཤེས་སེམས༔ ཀུན་ཁྱབ་རྡོ་རྗེའི་ཁམས་ཆེན་པོ༔ རང་རིག་ཐིག་ལེ་གཉིས་མེད་པས༔ ཆོས་དབྱིངས་གནས་ལུགས་རྟོགས་པར་གྱིས༔ དྷརྨ་དྷཱ་ཏུ་ཨ་ཨ་ཨ༔ དེ་ལྟར་དོན་དམ་བྱང་ཆུབ་སེམས་ཀྱི་དཀྱིལ་འཁོར་དུ་དབང་བཞི་པ་ཐོབ། ཡེ་ཤེས་ཀྱི་དྲི་མ་སྦྱངས། ལམ་རྫོགས་པ་ཆེན་པོ་སྒོམ་པ་ལ་དབང༌། འབྲས་བུ་ངོ་བོ་ཉིད་སྐུ་ཐོབ་པའི་སྐལ་བ་ཅན་དུ་བྱས་པའོ། །དེ་ནས། གཙོ་བོའི་ཇི་ལྟར་བཀའ་བསྩལ་པ་སོགས་ཀྱིས་དམ་ཚིག་ཁས་བླང༌། དེང་ནས་བརྩམས་ཏེ་སོགས་ཀྱིས་ལུས་འབུལ། ས་གཞི་སྤོས་ཆུས་གཏང་རག་གི་མཎྜལ་ཕུལ་བས་ལེགས་པར་གྲུབ་པའོ། །གཉིས་པ་གཞན་ལ་དབང་བསྐུར་བ་དང་འབྲེལ་བའི་ཚེ་ལྟ་བུར་སྤྲོས་པ་བསྡུས་ནས་རིག་མེ་དོར་བ་ནི། ནང་སྒྲུབ་རིགས་གསུམ་ཞི་ཁྲོའི་སྐབས་ལྟར་བྱའོ། །གསུམ་པ་རྗེས་ཀྱི་ལས་རིམ་ལ་བཅུ་ལས། དང་པོ་ཚོགས་མཆོད། དེ་ལ་ཡང་དགུ་ལས་དང་པོ་ཡོ་བྱད་བྱིན་གྱིས་བརླབ་པ་ནི། ཤ་ཆང་སོགས་དམ་ཚིག་གི་རྫས་སུ་འོས་པ་རྣམས་འདུ་བྱས་ལ། རྃ་ཡྃ་ཁྃ༔ དབྱིངས་ཀྱི་ངང་ལས་ཡེ་ཤེས་རྩལ༔ རོལ་པའི་ཆོ་འཕྲུལ་བདེ་བ་ཆེ༔ རྡོ་རྗེའི་དམ་ཚིག་ཚོགས་ཀྱི་རྫས༔ འཕེལ་འགྲིབ་བྲལ་བའི་རྒྱན་དུ་ཤར༔ ཨོཾ་ཨཱཿཧཱུྃ༔ ལན་གསུམ། གཉིས་པ་ཚོགས་ཞིང་སྤྱན་འདྲེན་པ་ནི། ཧཱུྃ༔ འཁོར་ལོའི་དབང་ཕྱུག་རྡོ་རྗེ་སེམས༔ ཕྱོགས་དུས་རྩ་གསུམ་རབ་འབྱམས་བཅས༔ ཚོགས་ཀྱི་འདུ་བར་སྤྱན་འདྲེན་ན༔ སྒྱུ་འཕྲུལ་རོལ་པས་གཤེགས་སུ་གསོལ༔ ཨོཾ་སརྦ་ཏ་ཐཱ་ག་ཏ་བཛྲ་སཏྭ་ཨེ་ཧྱེ་ཧིཿ ཛཿཧཱུྃ་བྃ་ཧོཿ ཞེས་དྲངས་པ་ལ། ཨོཾ་བཛྲ་ལཱ་སྱེ་ཧཱུྃ། ཨོཾ་བཛྲ་མ་ལེ་ཏྲཱྃ། ཨོཾ་བཛྲ་གཱིརྟི་ཧྲཱིཿ ཨོཾ་བཛྲ་ནཱིརྟི་ཨཱཿ ཨོཾ་བཛྲ་པུཥྤེ་ཏྲཱྃ། ཨོཾ་བཛྲ་དྷཱུ་པེ་ཧཱུྃ། ཨོཾ་བཛྲ་ཨཱ་ལོ་ཀེ་ཧྲཱིཿ ཨོཾ་བཛྲ་གནྡྷེ་ཨཿ ཞེས་འདོད་ཡོན་གྱི་ལྷ་མོས་སྤྱིར་མཆོད་ནས། གསུམ་པ་མཆོད་པ་ནི། ཧཱུྃ༔ བླ་མེད་མཆོད་པའི་དམ་རྫས་ནི༔ འདོད་པའི་ཡོན་ཏན་བསམ་མི་ཁྱབ༔ ཚོགས་མཆོད་བདེ་བ་ཆེན་པོར་བཞེས༔ དབང་དང་བྱིན་རླབས་དངོས་གྲུབ་སྩོལ༔ ག་ཎ་ཙཀྲ་པཱུ་ཛ་ཧོཿ བཞི་པ་བཤགས་པ་ནི། ཧཱུྃ༔ ཐོག་མེད་འཁྲུལ་པའི་བག་ཆགས་ཀྱིས༔ སྡིག་ལྟུང་ཉེས་པ་བྱས་པའི་ཚོགས༔ འགྱོད་པས་བཤགས་སོ་བྱང་བའི་ཕྱིར༔ ཤ་ལྔ་བདུད་རྩིའི་དམ་རྫས་འབུལ༔ ས་མ་ཡ་ཤུདྡྷེ་ཨཿ ཞེས་དང་ཡིག་བརྒྱ་བརྗོད། ལྔ་པ་བསྒྲལ་བ་ནི། བཛྲ་མ་ཧཱ་ཤྲཱི་ཧེ་རུ་ཀོ྅ཧཾ། རང་ཉིད་རྡོ་རྗེ་ཁྲོ་བོའི་སྐུར་གྱུར། ན་མོ། དཀོན་མཆོག་གསུམ་ལ་ཕྱག་འཚལ་ལོ། །དཀོན་མཆོག་གསུམ་གྱི་བཀའ་བདེན་པ་དང༌། ཆོས་ཉིད་རྣམ་པར་དག་པའི་བདེན་པ་དང༌། ཆོས་ཅན་རྒྱུ་འབྲས་བསླུ་བ་མེད་པའི་བདེན་པ་དང༌། ཞི་ཁྲོ་སྒྱུ་འཕྲུལ་རྣམ་པར་རོལ་པའི་ལྷ་ཚོགས་རྣམས་ཀྱི་བདེན་པ་དང༌། སྤྲུལ་པ་ཡང་སྤྲུལ་ཕྱག་བརྙན་དང་བཅས་པ་རྣམས་ཀྱི་བཀའ་བདེན་པ་དང༌། བདེན་པ་ཆེན་པོའི་མཐུས། མ་རུངས་པའི་སེམས་ཅན་བསྒྲལ་བའི་ཞིང་དུ་གྱུར་པ་ཐམས་ཅད་མཚན་མ་རྫས་ཀྱི་རྟེན་འདི་ལ་མཆིས་པར་གྱུར་ཅིག །ཅེས་བདེན་པའི་སྟོབས་བརྗོད་ནས། ནྲྀ་ཡཾ་ཛཿནྲྀ་བཛྲ་ཨངྐུ་ཤ་ཛཿ ཏྲི་ཡཾ་ཛཿཏྲི་བཛྲ་ཨངྐུ་ཤ་ཛཿ ཞེས་ལྕགས་ཀྱུའི་ཕྱག་རྒྱས་དམིགས་བྱ་དམིགས་རྟེན་ལ་བཀུག །ཛཿཧཱུྃ་བྃ་ཧོཿས་དགུག་གཞུག་བཅིངས་ཏེ་མྱོས་པར་བྱས་ལ། བསྒྲལ་བསྟབ་དངོས་ནི། ཧཱུྃ༔ གཟུང་འཛིན་རྒྱུ་ལས་སྣང་བའི་བགེགས༔ གཉིས་སྣང་རུ་ཏྲ་བཀུག་ཅིང་བསྒྲལ༔ ཤ་ཁྲག་བདེ་གསལ་མི་རྟོག་ཕུད༔ ཁྲག་འཐུང་ལྷ་ཚོགས་ཞལ་དུ་འབུལ༔ མ་ཧཱ་མཱཾ་ས་རཀྟ་ཀེཾ་ནི་རི་ཏི་ཁཱ་ཧི༔ ཞེས་ཕུལ། ལྷ་ཚོགས་ཐམས་ཅད་རང་རང་གི་ཕྱག་རྒྱ་དང་སྙོམས་པར་ཞུགས་པའི་སྦྱོར་བའི་དགའ་བ་བཞིའི་རོས་ཚིམ་པར་གྱུར། ཨོཾ་བཛྲ་སཏྭ་ཨཱཿ སླར་ཡང་རྡོ་རྗེ་སེམས་དཔའི་སྐུར་གྱུར་པར་བསམ་མོ། །དྲུག་པ་ཐབས་ཤེས་དམ་ཚིག་གི་རྫས་ལ་རོལ་བ་ནི། འབུལ་བ་པོས། ཚོགས་ཀྱི་མཆོད་པ་རྒྱན་དུ་རོལ། །ཞེས་འབུལ་ཞིང་ལེན་པ་པོས། ཨ་ལ་ལ་ཧོཿ ཞེས་རོལ་ལོ། །བདུན་པ་རྡོ་རྗེའི་གླུ་གར་བྱ་བ་ནི། ཨོཾ་ཨཱཿཧཱུྃ་ཧོཿ ཨ་ཧོ་མ་ཧཱ་སུ་ཁ་ཨ་ལ་ལ་ཧོ༔ གསང་བ་མཆོག་གི་དགྱེས་པའི་གྲོང་ན་གསང་ཆེན་རོལ་པའི་རྣལ་འབྱོར་པ༔ ལྷན་ཅིག་སྐྱེས་དགའི་བདེ་བའི་ཐབས་ཀྱིས་སྟོང་པའི་འོད་གསལ་མངོན་དུ་གྱུར༔ ཟུང་འཇུག་ཡེ་ཤེས་སྐྱེ་འགག་གནས་བྲལ་རྡོ་རྗེ་ནམ་མཁའི་དཀྱིལ་ལྟ་བུ༔ འཁོར་འདས་དབྱེར་མེད་སྲིད་ཞི་ཀུན་ཁྱབ་ཐིག་ལེ་གཅིག་ཏུ་ལྷུན་གྱིས་གྲུབ༔ མ་ཧཱ་སུ་ཁ་ཛྙཱ་ན་གཱིརྟི་ཨ་ལ་ལ་ཧོཿ ཞེས་བླང༌། བརྒྱད་པ་སྨོན་ལམ་གདབ་ཅིང་ཤིས་བརྗོད་ནི། ཨོཾ༔ བཀྲ་ཤིས་གང་ཞིག་ཚོགས་ཀྱི་སྤྱོད་པ་ལ་བརྟེན་ནས༔ གནས་སྐབས་གེགས་ཞི་བསོད་ནམས་ཡེ་ཤེས་ཕྲིན་ལས་འཕེལ༔ མཐར་ཐུག་ས་བཅུ་ལམ་ལྔའི་གོ་འཕང་མྱུར་དུ་འགྲུབ༔ རྟག་ཏུ་དཔལ་གནས་དགེ་ལེགས་སྣང་བས་ཁྱབ་གྱུར་ཅིག༔ དགུ་པ་ལྷག་མ་ནི། ལྷག་མ་རྣམས་བསྡུས་ཏེ། ཨོཾ་ཨཱཿཧཱུྃ་ཧ་ཧོ་ཧྲཱིཿ ལྷག་མའི་དམ་ཚིག་འདོད་ཡོན་གྱི་ཕུང་པོ་ཟད་མི་ཤེས་པས་ནམ་མཁའ་གང་བར་བསམ། ཞེས་བྱིན་གྱིས་བརླབས་ལ། ཨེ་ཨཱ་རལླི་ཧྲཱིཾ་ཛཿས་ལྷག་མགྲོན་སྤྱན་དྲངས་ལ། ཨོཾ་བཛྲ་པུཥྤེ་ནས། ཤབྡ་པྲ་ཏཱིཙྪ་སྭཱ་ཧཱ་ཞེས་མེ་ཏོག་ལ་སོགས་པས་མཆོད་ནས། ཧཱུྃ༔ དཔལ་གྱི་བཀའ་ཉན་དཀྱིལ་འཁོར་སྐྱོང༔ རྡོ་རྗེའི་ཐ་ཚིག་ལ་གནས་པའི༔ མ་མོ་མཁའ་འགྲོའི་ཚོགས་རྣམས་ལ༔ བདུད་རྩིའི་ཕམ་ཕབས་འབུལ་གྱིས་བཞེས༔ ཨོཾ་ཨུཙྪིཥྚ་བ་ལིཾ་ཏ་བྷུཉྫ་ཧོཿ ཞེས་ཚོགས་ལྷག་གཙང་སར་ཕུལ་ལོ། །གཉིས་པ་ཐུགས་དམ་བསྐུལ་བ་ནི། ཧཱུྃ༔ དབྱིངས་ལ་རྟོག་པ་མི་མངའ་ཡང༔ རང་བྱུང་ཐུགས་རྗེའི་རྩལ་ཤུགས་བསྐྱེད༔ མཁྱེན་བརྩེ་ནུས་སྟོབས་རྨད་བྱུང་བའི༔ རྡོ་རྗེའི་ཐུགས་དམ་དུས་ལ་བབ༔ འཁྲུལ་སྣང་ཡེ་ཤེས་དབྱིངས་སུ་སྦྱོར༔ མཆོག་གི་ཕྲིན་ལས་འགྲུབ་པར་མཛོད༔ གསུམ་པ་ཆད་ཐོ་ནི། ཆོས་སྲུང་གི་གཏོར་མ་རྣམས་ཕུལ་ཞིང༌། ཧཱུྃ༔ དཔལ་ཆེན་འབར་བའི་སྟོན་འཁོར་གྱིས༔ རྡོ་རྗེའི་རྒྱུད་ཀྱི་རང་སྒྲ་ནི༔ སྲིད་ཞི་ཁྱབ་པར་བསྒྲགས་པའི་ཚེ༔ ཞལ་བཞེས་དམ་ཅན་སྲུང་མ་ཀུན༔ སྔོན་གྱི་གཡར་དམ་མ་བསྙེལ་བར༔ བཅོལ་བའི་ཕྲིན་ལས་འགྲུབ་པར་མཛོད༔ སརྦ་ཀརྨ་ཀུ་རུ་ཧོ༔ བཞི་པ་བརྟན་མ་ནི། ཧཱུྃ༔ ལུགས་ལྡོག་བརྟན་མ་མཁའ་འགྲོ་རྣམས༔ བདེན་དོན་དགའ་བཞིའི་བཤལ་ཆུ་བཞེས༔ ལུགས་འབྱུང་ཡིད་བྱེད་ཀླ་ཀློ་སྒྲོལ༔ རྡོ་རྗེའི་གནས་ཡུལ་བདེ་བར་མཛོད༔ མ་མ་པཱུ་ཛ་ཧོཿ ལྔ་པ་རྟ་བྲོ་ནི། ཧཱུྃ༔ གློ་བུར་ལྟར་སྣང་དམ་སྲིའི་ཚོགས༔ ཨེ་དབྱིངས་རྣམ་ཐར་གསུམ་ཀློང་མནན༔ རིག་པ་རྡོ་རྗེའི་རྒྱས་བཏབ་པས༔ འཁྲུལ་པ་གཞིར་དག་ཕྲིན་ལས་མཛོད༔ ས་མ་ཡ་སྟྭྃ་བྷ་ཡ་ནན༔ དྲུག་པ་དངོས་གྲུབ་བླང་བ་ནི། མཆོད་བསྟོད་མདོར་བསྡུས་སྔོན་དུ་འགྲོ་བས། ཧཱུྃ༔ བླ་མ་བདེ་ཆེན་རྡོ་རྗེ་སེམས༔ གཉིས་མེད་དགོངས་པས་བྱིན་རླབས་སྩོལ༔ རིགས་ཀུན་ཁྱབ་བདག་དཀྱིལ་འཁོར་ལྷས༔ མཆོག་དང་ཐུན་མོང་དངོས་གྲུབ་སྩོལ༔ གནས་ཡུལ་ཌཱ་ཀིའི་ཚོགས་རྗེ་ཡིས༔ ཕྲིན་ལས་ཐོགས་མེད་བསྒྲུབ་ནས་ཀྱང༔ གྲུབ་པ་བརྒྱད་དང་རིག་འཛིན་བཞིའི༔ སྐལ་བཟང་མཆོག་ཏུ་བདག་སྦྱོར་ཅིག༔ སརྦ་སིདྡྷི་ཕ་ལ་ཧོ༔ བདུན་པ་ནོངས་བཤགས་ནི། ཧཱུྃ༔ ཡེ་ཤེས་དཀྱིལ་འཁོར་ལྷ་ཚོགས་ལ༔ གཉིས་སྣང་འཁྲུལ་པས་བསྐྱེད་པ་ཡི༔ ལྷག་ཆད་འགལ་འཁྲུལ་ནོངས་པ་ཀུན༔ བྱང་དག་ཚངས་པའི་དངོས་གྲུབ་སྩོལ༔ ཨ་ཨ་ཨ༔ ཞེས་དང༌། ཡིག་བརྒྱ་ལན་གསུམ་བརྗོད། བརྒྱད་པ་བརྟན་བཞུགས་དང་བསྡུ་ལྡང་ནི། སྤྱན་དྲངས་པའི་ཡེ་ཤེས་པ། འདིར་ནི་གཟུགས་དང་སོགས་ཀྱིས་བརྟན་བཞུགས་བྱས་ལ། ཧཱུྃ༔ རང་སྣང་ཏིང་འཛིན་ཆོ་འཕྲུལ་གྱི༔ དཀྱིལ་འཁོར་དབྱིངས་སུ་བཛྲ་མུ༔ རྟེན་དང་བརྟེན་པའི་སྣོད་བཅུད་ཀྱི་སྣང་བ་མི་དམིགས་པའི་དབྱིངས་སུ་བསྡུ། སླར་ཡང་སྣང་གྲགས་རིག་པའི་ཚོགས༔ རྡོ་རྗེ་སེམས་དཔའི་གསང་གསུམ་ཤར༔ ཨོཾ་ཨཱཿཧཱུྃ༔ གིས་གཙོ་བོ་ཕྱག་རྒྱ་གཅིག་པའི་སྐུར་ལྡང་བའི་གནས་གསུམ་དུ་སྐུ་གསུང་ཐུགས་ཀྱི་ས་བོན་གྱིས་རྒྱས་གདབ་ཅིང༌། རྗེས་ཐོབ་ཀྱི་སྣང་ཆ་ལྷ་སྔགས་ཆོས་སྐུའི་རོལ་པར་ལམ་དུ་ཁྱེར། དགུ་པ་བསྔོ་སྨོན་ནི། ཧཱུྃ༔ རྣལ་འབྱོར་ཆེན་པོའི་བསྐྱེད་བཟླས་ཀྱིས༔ སྣང་སྲིད་སྐུ་དང་ཡེ་ཤེས་ཤར༔ ཟབ་ལམ་རྫོགས་པའི་ཏིང་འཛིན་ཆེས༔ ལྷན་སྐྱེས་བདེ་སྟོང་ཕྱག་རྒྱར་སྨིན༔ གཉིས་མེད་དོན་གྱི་དགོངས་པའི་ཀློང༔ རྡོ་རྗེ་སེམས་དཔའི་གསང་བ་རྫོགས༔ དབང་གིས་རྒྱུད་སྨིན་དམ་ཚིག་དག༔ ཡང་དག་ས་ལམ་མཐར་ཕྱིན་ཤོག༔ བཅུ་པ་ཤིས་བརྗོད་ནི། ཧཱུྃ༔ རིག་འཛིན་བླ་མས་བྱིན་བརླབས་ནས༔ དགོངས་བརྒྱུད་རྟོགས་པའི་བཀྲ་ཤིས་ཤོག༔ ཡི་དམ་ལྷ་ཡིས་རྗེས་བཟུང་སྟེ༔ དངོས་གྲུབ་དབང་ཐོབ་བཀྲ་ཤིས་ཤོག༔ མཁའ་འགྲོ་ཆོས་སྐྱོང་ཕྲིན་ལས་ཀྱིས༔ ས་ལམ་མཐར་ཕྱིན་བཀྲ་ཤིས་ཤོག༔ འདོད་རྒུ་ལྷུན་གྱིས་གྲུབ་པ་ཡི༔ དགེ་ལེགས་རྟག་བརྟན་བཀྲ་ཤིས་ཤོག༔ ཅེས་སོགས་ཤིས་པ་བརྗོད་པས་དགེ་ལེགས་ཀྱི་ཚོགས་རྒྱ་ཆེར་སྤེལ་བར་བྱའོ། །དཀྱིལ་འཁོར་རྒྱ་མཚོའི་ཁྱབ་བདག་རྡོ་རྗེ་སེམས། །སྒྲུབ་པའི་ཐབས་ཚུལ་རྨད་བྱུང་འཇུག་བདེའི་ཁྲིགས། །ལེགས་པར་བསྟར་བའི་རྣམ་དཀར་དགེ་ཚོགས་ཀྱིས། །གྲུབ་གཉིས་དཔལ་ཡོན་རྒྱས་ཤིང་བརྟན་གྱུར་ཅིག །ཅེས་ཟབ་གསང་འདི་ཉིད་སྐལ་བཟང་གི་བཙས་སུ་ཐོབ་པ་ན། ཁྱབ་བདག་རྡོ་རྗེ་སེམས་དངོས་འཇམ་མགོན་བླ་མ་རིན་པོ་ཆེར་ཕུལ་བས་དགྱེས་པ་ཆེན་པོས་སྨིན་གྲོལ་གྱི་ཐོག་མའི་མཆོད་སྤྲིན་དབུལ་དགོས་པའི་བཀའ་བསྩལ་བཞིན། འོག་མིན་བླ་མའི་གདན་ས་བཀྲ་ཤིས་འཆི་མེད་གྲུབ་པའི་དགའ་ཚལ་དུ་གུས་འབུལ་ཞུས་སྐབས་དབང་དང་ལས་བྱང་ལ་འཇུག་བདེའི་ཆོག་ཁྲིགས་ཤིག་དགོས་ཚུལ་གསུངས་ཀྱང༌། དུས་ངན་གྱི་འགྱུར་བས་གངས་ལྗོངས་ཀྱི་བསྟན་འགྲོ་མཐའ་དག་ཤིན་ཏུ་ཉམ་ཉེས་པའི་སྐབས་སུ་གྱུར་པས་རེ་ཞིག་བཏང་སྙོམས་སུ་ཐལ་བ་དང༌། ཟབ་གསང་སྙིང་པོའི་རྣལ་འབྱོར་དབྱིངས་རིག་བྱང་ཆུབ་དབང་པོས་བསྙེན་སྒྲུབ་ཉམས་བཞེས་ཀྱི་བརྩོན་པ་ཆེན་པོས་སྔ་ཕྱིར་བཀས་བསྐུལ་ཡང་ཡང་གནང་བ་དང༌། གཞན་ཡང་འོད་གསལ་ཐེག་པ་མཆོག་གི་ལམ་ལ་མི་ཕྱེད་པའི་དད་བརྩོན་ཅན་བླ་མ་རཏྣ་རསྨིའི་ཡབ་སྲས་དང༌། རེབ་གོང་སྔགས་པ་འཇིགས་མེད་སྐལ་བཟང༌། ངེས་གསང་བསྟན་པའི་རྒྱན་མཆོག་འཁྲུལ་ཞིག་རིན་པོ་ཆེ་འགྱུར་མེད་མདོ་སྔགས་བསྟན་འཛིན་སོགས་སྐྱེས་ཆེན་དུ་མས་ཚུལ་འདིའི་སྨིན་གྲོལ་གསན་ཅིང་ཆོག་ཁྲིགས་དགོས་པའི་གསུང་བསྐུལ་གནང་བ་བཞིན། འཇུག་བདེ་དཀྱུས་གཅིག་ཏུ་བཀོད་པ་པོ་སྔ་འགྱུར་བཀའ་གཏེར་རྒྱ་མཚོའི་ཆོས་མཛོད་རྣམས་ཀྱི་བྱིན་རླབས་ལ་རང་དབང་དུ་སྤྱོད་པའི་སྐལ་བ་ཅན་རིག་པ་འཛིན་པ་པདྨ་གར་དབང་བདེ་ཆེན་འོད་གསལ་གླིང་པས་ལྷོ་ལྗོངས་ཕུན་ཚོགས་ཆོས་གླིང་དུ་རྫོགས་པར་སྦྱར་བའི་ཡི་གེ་པ་ནི་དད་བློ་རྣམ་པར་གསལ་བ་དགེ་སྦྱོང་ཨོ་རྒྱན་གཞན་ཕན་གྱིས་བགྱིས་པ་སྟེ་འདིས་ཀྱང་མཁའ་ཁྱབ་ཡིད་ཅན་རྒྱ་མཚོ་བདེ་ཆེན་རྡོ་རྗེ་སེམས་དཔའི་གསང་གསུམ་ཡེ་ཤེས་ཀྱི་སྣང་བ་ལ་འདོད་རྒུར་རྩེན་པའི་རྒྱུར་གྱུར་ཅིག །མངྒ་ལཾ། དགེའོ།། །།ཚུལ་འདི་མཛད་པ་པོ་འདི་ཕྱིའི་རེ་ལྟོས་ཀྱི་མགོན་གཅིག་སྐྱབས་རྗེ་རིན་པོ་ཆེའི་བཀའ་དགོངས་བཞིན་གང་གི་འབངས་ཐ་པད་བཀོད་ཀྱི་སྒམ་པོ་པའི་སྤྲུལ་མིང་ཙམ་འཛིན་པ་འགྱུར་མེད་ཨོ་རྒྱན་བསྟན་འཛིན་ཉི་མས་ཡང་ཡང་བཀའ་འདྲི་ཞུས་ཏེ་ཞུ་དག་གི་སྲི་ཞུ་བསྒྲུབས་པར་བྱས་པ་ཡིན་ནོ།། །།

[edit]

@#/___/snyan brgyud snying gi gsang mdzod las/_yi dam zhi ba rdo rje sems dpa'i phyi nang gsang ba yang gsang dang bcas pa'i sgrub thabs ye shes gsang thig bklag chog tu bkod pa bde chen sgyu 'phrul rdo rje'i rol rtsed ces bya ba bzhugs//

@#/__/dngos kun bde chen dag pa'i ye shes mdangs/_/sgyu 'phrul drwa ba'i rol pa bsam yas kyis/_/grub gnyis bde blag ster mdzad rigs kun bdag_/bla ma rdo rje sems dpas dge legs stsol/_/rdo rje'i gsang gsum rnam rol rim gnyis kyi/_/rig 'dzin grub mtha' snyogs la mi bslu ba/_/rgyud lung bka' gter man ngag dgongs pa bzhin/_/'jug bde'i phrin las skal bzang btsas su dbye/_/'di la bzhi/_phyi bsags sbyong snying por byed pa'i sgrub pa/_nang rigs gsum zhi khro gcig dril du sgrub pa/_gsang ba rdo rje rnam 'joms ltar sgrub pa/_yang gsang rigs brgya'i dkyil 'khor ltar sgrub pa'o/_/dang po la sbyor dngos rjes gsum las/_dang po sngon 'gro sbyor ba'i chos la'ang bzhi las dang po yo byad bsham pa ni/_gtsang ma'i gnas khang byi dor byas shing rgyan bkod mdzes par bstar ba'i gung du gzhung mthun gyi sku rten bkram pa'i spyan sngar rdul tshon gyi pad+ma 'dab brgyad dam/_maN+Dal steng 'bru dkar gyi tshom bu gcig bkod pa/_mtha' bskor du nyer spyod bdun gyi mchod pas g.yas su mdzes par bskor/_mchod pa'i maN+Dal dri bzang gis sbags pa'i 'bru sman dang rin po che sna lnga bcas 'du byas la/_sgrub pa po rnams khrus dang gtsang sbra la gnas pas bde ba'i stan la 'khod de/_nges 'byung dang snying rje gzhan phan gyi bsam pa'i kun slong dang bcas pas/_gnyis pa skyabs su 'gro ba ni/_brgyud pa'i gsol 'debs sngon du btang nas/_mdun gyi nam mkhar bla ma rdo rje sems dpa' dkon mchog rtsa gsum rgya mtsho'i sprin phung 'phro ba badz+ra sa mA dzaHsa tshogs zhing gsal gdab ste/_na mo:_bla ma dkon mchog gsum gyi dngos:_khyab bdag rdo rje sems dpa' la:_bdag dang mtha' yas sems can rnams:_byang chub bar du skyabs su mchi:_lan gsum/_gsum pa sems bskyed pa ni/_bla ma rdo rje sems dpa' yis:_byang chub thugs ni bskyed pa ltar:_bdag gis 'gro la phan don du:_byang chub mchog tu sems bskyed do:_lan gsum/_badz+ra muHsa tshogs zhing rnams rang la thim par bsam mo/_/bzhi pa mchod rdzas byin gyis rlob pa ni/_sangs rgyas byang sems byin rlabs dang*/_/bdag gi bsod nams smon lam stobs/_/rig sngags mthu yis mchod rdzas rnams/_/kun bzang spyod las mngon mtho ba'i/_/mchod sprin rgya chen 'phro gyur cig_/na maHsarba bud+d+ha bo d+hi satwa b+h+yaH_sarba thA kha~M ud+ga te s+pha ra Na i maM ga ga na khaM sa man+ta swA hA/_lan brgyad brjod/_gnyis pa dngos gzhi la bzhi las dang po tshogs rten gsal gdab pa ni/_a:_bdag gi tshangs pa'i gnas nyid du:_pad dkar zla ba rgyas pa'i steng:_hU~M yig chu shel ltar 'tsher ba'i:_'od kyis spro bsdus don gnyis byas:_yongs gyur bcom ldan rdo rje sems:_dri med zla ba rgyas pa'i mdog:_mtshan dpe'i gzi byin mchog tu 'bar:_zhi 'dzum tshul dgus sgeg pa'i sku:_rin chen dar gyi rgyan chas mdzes:_phyag g.yas rdo rje thugs kar gtod:_g.yon pas dril bu dku la brten:_sems dpa'i skyil krung 'od zer 'bar:_rgyal kun spro dang bsdu ba yi:_bdag po mchog tu yang dag bzhugs:_sangs rgyas rnams ni thams cad kyi:_rdo rje'i gsang ba yongs rdzogs pa'i:_gnas gsum oM AHhU~M 'od kyis/_/ye shes spyan drangs gnyis med thim/_/gnyis pa drangs bstim dbang bskur ba ni/_oM/_yod med stong pa shin tu rnal 'byor mthus/_/nam mkha' bzhin du dam tshig nye bar gnas/_/bde mchog bde bar gshegs pa dgongs su gsol/_/rdo rje sems dpa' skal bzang dpal khyod bdag_/dzaHhU~M baM hoH_zhes rdo rje'i glus spyan drangs pa'i ye shes pa rnams/_e h+ye hi ma hA ka ru Ni ka dr-i sh+ya hoH_sa ma ya hoH_sa ma ya s+t+waM/_oM badz+ra ang+ku sha dzaH_oM badz+ra pA sha hU~M/_oM badz+ra s+pho Ta ba~M/_oM badz+ra gaN+De hoH_zhes phyag rgya bzhis dam tshig sems dpa' la dbyer med du bstim/_slar yang dbang lha spyan drangs nas:_ye shes bdud rtsi'i dbang bskur bas:_rigs bdag mi bskyod gtsor gyur pa'i:_bde gshegs rigs lngas dbu brgyan gyur:_gsum pa bsags sbyong gi snying po yan lag bdun 'bul ba ni/_rgyas par 'dod na rdor sems bla mchod ltar sbyar yang rung mod/_spros pa 'tshams pa'i phyir/_hoH_dgongs klong dbyer med brda yis mtshon:_snyan brgyud bdud rtsis skal ldan skyong:_byin rlabs thugs rje'i bdag nyid che:_rtsa brgyud bla ma la phyag 'tshal:_chos sku'i ngang las longs spyod rdzogs:_sprul pa'i sgyu 'phrul cir yang ston:_dngos grub rnam gnyis char bzhin 'bebs:_yi dam zhi khro la phyag 'tshal:_lhan skyes ngang las ma g.yos bzhin:_zhing sngags DA ki'i sprin phung 'phro:_mchog thun phrin las glog ltar 'khyugs:_gnas gsum mkha' 'gro la phyag 'tshal:_rig 'dzin bla ma'i bka' bzhin du:_rnal 'byor sgrub mchog bu bzhin skyong:_legs nyes stangs 'dzin bar chad sel:_chos srung gter bdag la phyag 'tshal:_phyag byar 'os pa thams cad la:_sgo gsum gus pas dad phyag 'tshal:_nyams chag sdig sgrib zhi ba dang:_ye shes rgyas par byin gyis rlobs:_oM gu ru sarba ta thA ga ta kA ya wA ka tsit+ta pra Na me na ban+d+ha naM ka ro mi:_spro na maN+Dal tshom bu so bdun ma 'bul zhing*/_oM A hU~M:_chos dbyings rang byung dag pa'i zhing:_kun bzang rigs lnga sgyu 'phrul rgyan:_gang 'dul sprul pa'i bkod pa can:_bla ma rdo rje sems dpar 'bul:_oM rat+na maN+Dal la pU dza sa ma ya ho:_zhes 'bul/_oM:_dngos su 'byor dang yid kyis sprul:_rab 'byams zhing gi mchod pa'i sprin/_/bla ma rdo rje sems dpar 'bul:_dgyes bzhes dam skong dngos grub stsol:_oM gu ru sarba ta thA ga ta badz+ra ar+g+haM nas/_shab+da pra tIts+tsha swA hA/_gzhan yang*/_oM/_rab 'byams phyogs bcu'i 'jig rten thams cad kyi/_/'dod pa'i yon tan drug ldan mchod pa'i sprin:_rgyal srid sna bdun bkra shis rdzas rtags brgyad/_/rin chen sna bdun nye ba'i rin chen bdun/_/sgrub rdzas sna tshogs bdud rtsi sman mchog dang*/_/bstod dbyangs rol mo lha rdzas khrus rgyan dang*/_/rdo rje lha mo bcu drug la sogs pa/_/bdag gzhan lus dang longs spyod rgyur byas pa'i/_/'jig rten 'jig rten 'das pa'i mchod pa'i sprin/_/dngos 'byor yid sprul zag med mchod pa bcas/_/ma lus lus med kun bzang bde chen gter/_/rdo rje sems dpa' 'khor dang bcas la 'bul/_/oM ma hA pU dza me g+ha sa mu dra s+pha ra Na sa ma ye AHhU~M/_bshags pa sogs yan lag lhag ma rnams ni/_rgyas par spro na spyi bshags bla ma rdor 'dzin kyang btang*/_dkyus su/_gang zhig thog med srid pa'i chu klung du/_/ma lus kun rtog gis bsags rnyog pa rnams/_/thugs rje che ldan spyan sngar de dag ni/_/cho ga bzhin du thams cad bshags par bgyi/_/rdzogs sangs rgyas dang byang chub sems dpa' dang*/_/'phags pa gzhan gyis dge ba gang mdzad pa/_/ma lus 'gro ba'i bsod nams rgya mtsho'i tshogs/_/de dag kun la rjes su yi rang ngo*/_/mos dang bsam pa ji bzhin zab pa dang*/_/rgya che'i chos 'khor chad pa med par bskul/_/sprul pa 'gro la sman slad rtag bzhugs gsol/_/bsod nams bla med byang chub phyir bsngo'o/_/zhes pa'i bar gyi yan lag bdun gyi bsags sbyong rnams lan gsum sogs ji ltar rigs pa bya/_bzhi pa dzapa bskul dang dmigs bzlas bshags pa rnams ni/_oM/_bde ba chen po rigs kun bdag_/bla ma rdor sems he ru kaH_re ltos khyed las gzhan med pas:_sdig ldan bdag la rjes su dgongs:_'jigs rung srid pa'i sdug bsngal dang:_nyon mongs ma lus sbyong du gsol:_khyed ni bde chen ye shes brnyes:_stobs bcu'i phrin las bsam mi khyab:_'gro ba'i mgon po nyid lags na:_ma g.yel thugs rje chen pos skyongs:_zhes mos gus drag pos thugs rgyud bskul te/_bzlas pas thugs dam rgyud bskul bas:_sa bon sngags kyi phreng ba las:_bdud rtsi 'o rgyun lta bur bab:_zhabs kyi mthe bong las thon nas:_pad+ma las byung spyi bor zhugs:_lus gang nad gdon sdig sgrib dang:_sdug bsngal drug gi tshogs thams cad:_mi gtsang rnam par byung nas ni:_lhag med byang ste lus kyi nang:_ye shes bdud rtsis gang ba'i mthus:_dbang dang byin rlabs thob par bsam:_zhes pa'i dmigs pa dang bcas/_oM badz+ra satwa sa ma ya:_sogs nas/_satwa AH_zhes gsang sngags yi ge brgya pa rtse gcig tu bzla/_thun mthar spro na ru tra'i smre bshags sngon du 'gro bas/_oM:_bla ma dpal ldan rdo rje sems:_bdag la re sa khyed las med:_thugs rje'i spyan gyis gzigs mdzod la:_nyams chag sdig ltung sbyong mdzad gsol:_bdag cag nyon mongs gzhan dbang dang:_mi shes bag med ma gus pas:_rang bzhin kha na ma tho dang:_bcas pa'i bslab las 'gal ba gang:_dag cing tshangs par bstsal du gsol:_khyad par rdo rje theg pa yi:_rtsa ba sku gsung thugs mchog dang:_yan lag dam tshig nyi shu lnga:_med phyal gcig pu lhun grub sogs:_rang bzhin lta ba'i dam tshig las:_nyams 'gal ral bar gyur pa kun:_snying nas 'gyod pas mthol bshags na:_sgrib med tshangs pa'i dngos grub stsol:_nyid dang dbyer med byin rlobs shig:_snying nas gdung bas gsol btab pas:_bla ma rdo rje sems dpa' yis:_sdig ltung dag pa'i gnang ba bstsal:_dgyes pas 'od zhu rang la thim:_rang yang kun gzhi ma bcos pa'i:_ngang la yid ni 'dzin pa bral:_rnam dag spros bral chos kyi sku:_chos kyi sku la gnyis su med:_ye srung thig le nyag gcig ngang:_spang blang las 'das phyal ba che:_rang shar rang grol lhun gyis grub:_nyams chag rtog sgrib dbyings su grol:_ma bcos rdzogs pa chen po 'o:_a a aH_gsum pa rjes kyi las rim las bsngo ba ni/_bla ma yi dam lha tshogs dgongs su gsol/_/deng 'dir brtson pas bsgrubs pa'i dge ba dang*/_/dus gsum bsags dang yod pa'i dge ba rnams/_/bsdoms te bla med byang chub chen por bsngo/_/smon lam ni/_nyams chag rtog sgrib ma spangs gnas su dag_/phyi nang gsang ba dbyer med rtogs pas bskang*/_/gang shar rang grol kun bzang klong yangs su/_/ngan song dong sprugs srid zhi mnyam gyur cig_/bkra shis ni/_'gyur ba med pa rang gi gshis:_rtag cing brtan pa rdo rje'i gnas:_rang rig ye shes dbyer med par:_mngon sangs rgyas pa'i bkra shis shog:_ces sogs shis brjod ji ltar rigs pa bya'o//__//__!__gnyis pa nang sgrub rigs gsum zhi khro gcig dril du sgrub pa'i tshul la/_sbyor ba dang cho ga dngos gnyis la/_dang po ni/_bsam gtan dang rjes su mthun pa'i gnas khang byi dor dang rgyan bkod kyis mdzes par spras pa'i gung du sku rten bkram pa'i spyan sngar stegs bu la dkyil 'khor gzhung mthun nam/_tshom bu byed na/_dang po lnga bkod pa'i dbus dang shar gyi tshom bu'i bar du chung ba gcig bcas drug dang*/_de rgyab brgyad/_de rgyab bzhi bkod par nyer spyod kyis bskor/_mdun du gtor ma dkar zlum bshams/_gzhan yang sngon 'gro'i gtor ma sogs 'du bya zhing bdag 'jug bya na de la dgos pa'i yo byad rnams kyang legs par bshams la/_gnyis pa cho ga'i rim pa dngos la sngon 'gro/_dngos gzhi/_rjes gsum gyi/_dang po la drug las/_dang po skyabs su 'gro ba ni/_brgyud pa'i gsol 'debs sngon du btang nas/_na mo:_bla ma dkon mchog gsum gyi dngos:_dpal ldan rdo rje sems dpa' la:_bdag dang mtha' yas sems can rnams:_byang chub bar du skyabs su mchi:_lan gsum/_gnyis pa sems bskyed pa ni/_rgyal ba sras dang bcas rnams kyis:_byang chub thugs ni bskyed pa ltar:_bdag gis 'gro la phan don du:_byang chub mchog tu sems bskyed do:_lan gsum/_gsum pa tshogs bsags pa ni/_dkon mchog gsum la bdag skyabs mchi/_/sdig pa mi dge so sor bshags/_/'gro ba'i dge la rjes yi rang*/_/sangs rgyas byang chub yid kyis gzung*/_/sangs rgyas chos dang tshogs mchog la/_/byang chub bar du skyabs su mchi/_/rang gzhan don ni rab bsgrub phyir/_/byang chub sems ni bskyed par bgyi/_/byang chub mchog gi sems ni bskyed bgyis nas/_/sems can thams cad bdag gis mgron du gnyer/_/byang chub spyod mchog yid 'ong spyad par bgyi/_/'gro la phan phyir sangs rgyas 'grub par shog_/ces lan gsum bya/_bzhi pa bgegs bskrad pa ni/_hU~M:_yang dag gsang ba'i dkyil 'khor 'dir:_gnyis 'dzin log par 'dren pa'i bdud:_he ru kaHdpal bka' byung bas:_brlag par 'gyur gyis gzhan du song:_sum+b+ha ni'i drag sngags dang*/_yungs thun rol mor bcas pas bgegs bskrad/_lnga pa mtshams gcad pa ni/_hU~M:_kun kyang rdo rje'i rang bzhin la:_ye shes me phung kun tu 'bar:_snang srid sku gsung thugs kyi ngang:_gnyis med ye shes lhun gyis grub:_badz+ra rak+Sha rak+Sha b+h+rU~M:_drug pa mchod pa byin rlabs ni/_oM badz+ra yak+Sha hU~M gis bsang*/_swa b+hA was sbyang*/_stong pa'i ngang las oM yig las/_/rin chen snod mchog rgya che'i nang*/_/oM las byung ba'i mchod pa'i rdzas/_/dwangs shing thogs med kun bzang gi_/rnam thar las lhag mchod sprin gyur/_/oM sarba bid pU ra pU ra su ra su ra A wArta ya A wArta ya hoH_oM badz+ra s+pha ra Na khaM/_oM badz+ra ar+g+haM A hU~M/_sogs nas/_shab+da'i bar brjod pas mchod pa'i sprin rab 'byams su spel lo/_/gnyis pa dngos gzhi la/_rten dang brten pa'i dkyil 'khor sgrub pa dang*/_bdag nyid dkyil 'khor du 'jug cing dbang blang ba'o/_/dang po la bdun las/_dang po bdag mdun dam tshig gi lha bskyed pa ni/_oM ma hA shUn+ya tA dz+nyA na sogs brjod pas/_dngos 'dzin ma dag kun sbyangs pa'i:_stong pa'i ngang las rten 'byung rtsal:_snod bcud dag pa'i ye shes che:_blta na sdug gi zhing khams ni:_bkod pa tshad med mngon par dga':_dbus su rin chen pho brang gi:_rgyan bkod tshad las 'das pa'i dbus:_sna tshogs pad+ma 'dab bzhi'i lter:_ngo mtshar seng ge'i khri gnas par:_pad+ma zla ba'i dkyil 'khor steng:_sa bon hU~M mthing spro bsdu las:_rgyal kun gsang gsum byin rlabs bsdus:_yongs gyur bcom ldan rdo rje sems:_mthing ga in+d+ra nI la'i mdog:_zhi 'dzum mtshan dpe'i gzi byin 'bar:_dar dang rin chen rgyan gyis mdzes:_phyag g.yas rdo rje rtse lnga pa:_gsor ba'i tshul gyis thugs kar 'dzin:_g.yon pas dril bu dku la brten:_zhabs gnyis rdo rje'i skyil krung gis:_'od zer dpag yas dbus na 'gying:_g.yon phyogs rdo rje dbyings phyug ma:_zhi 'dzum chags pas yab la gzigs:_rdo rje dril 'dzin 'gying stabs bzhugs:_shar du bde gshegs sems dpa' ni:_dkar gsal 'khor lo dril bu 'dzin:_lho ru 'jigs mdzad gshin rje gshed:_ser nag be con thod khrag 'dzin:_nub tu pad+ma sems dpa' ni:_dmar gsal pad+ma dril bu bsnams:_byang du pad+ma rta yi rgyal:_pad+ma zhags 'dzin khro chas rdzogs:_gtso bo'i mdun du gsang ba'i bdag:_rdo rje dril 'dzin khro chas can:_shar phyogs pad+ma rgyas pa'i lter:_rang nyid sems dpa' gzhon nu'i gzugs:_thal sbyar gus pa'i tshul du 'khod:_khyams la mchod pa'i lha mo brgyad:_rang rang phyag rgyas mchod pa'i sprin:_bsam yas spro bas dkyil 'khor mchod:_sgo bzhir khro rgyal dpa' bo'i tshul:_phyag rgya bzhi 'dzin bzhengs stabs kyis:_pad nyi'i steng na mdzes par 'gying:_phyi rol dpal mgon bdun cu sogs:_bka' sdod 'jig rten skyong bas bskor:_snang stong ye shes sgyu ma yi:_lha rnams kun gyi gnas gsum du:_yig 'bru gsum gyis mtshan pa las:_'phros pa'i 'od kyis ye shes sems/_/sgom pa ji bzhin spyan drangs gyur/_gnyis pa ye shes pa spyan drangs pa'i phyir rdo rje'i glu'i snyan gsan dbab pa dang rgyas gdab dbang bskur ba ni/_oM:_thugs rje chen po rdo rje sems:_ye shes 'khor lo bsam yas pa:_brtse ba'i thugs kyis gnas 'dir dgongs:_rdzu 'phrul chen pos gshegs su gsol:_oM e h+ye hi shrI ma hA ka ru Ni ka badz+ra satwa maN+Da la sa pa ri wA ra badz+ra sa ma dzaH_dzaHhU~M ba~M hoH_zhes pas mdun gyi nam mkhar spyan drangs pa'i ye shes kyi 'khor lo rnams/_oM badz+ra aM ku sha dzaH_oM badz+ra pA sha hU~M:_oM badz+ra s+pho Ta ba~M:_oM badz+ra g+haN+De ho:_zhes phyag rgya bzhis dam tshig gi 'khor lo dang gnyis su med par rgyas gdab/_lha sku phyag rgya chen po la/_/sa bon chos kyi phyag rgyas mtshan/_/dam tshig phyag rgyas rab bcings nas/_/las kyi phyag rgyas phrin las gzhol/_/pad kor bcas thal mo sbyar la yig brgya brjod/_bcom ldan rigs gsum zhi khro yis/_/bdag dang mtha' yas sems can kun/_/sgrib pa'i dri ma bsal ba dang*/_/ye shes snang ba rgyas par mdzod/_/ces gsol/_de'i yan lag dbang bskur ba ni/_sangs rgyas kun gyi gsang ba dang:_gnyis med mkha' khyab dbang lha yis:_bdud rtsi'i dbang bskur sgrib byang zhing:_dug lnga ye shes ngo bor dag:_rigs kyi bdag pos rgyas btab gyur:_oM sarba ta thA ga ta a b+hi She ka te sa ma ya shrI ye hU~M:_gsum pa phyag 'tshal ba ni/_bde gshegs kun gyi sku gsung thugs/_/mkhyen brtse nus pa'i yon tan gter/_/rigs gsum zhi khro'i dkyil 'khor la/_/sgo gsum gus pa'i yid kyis btud/_/na mo na ma mi/_bzhi pa mchod pa la thog mar nyer spyod ni/_rab 'byams rgya mtsho dpag med na/_/mchod yon zhabs bsil me tog dang*/_/bdug spos snang gsal dri chab dang*/_/zhal zas rol mo la sogs pa'i/_/mchod rdzas ji snyed yod pa dang*/_/bdag gis gus pas bshams pa 'di/_/ji snyed rgyal ba sras dang bcas/_/de snyed rnams la bdag 'bul na/_/thugs rje mnga' ba khyed rnams kyis/_/ci bde bar ni bzhes nas kyang*/_/sems can don kun mdzad du gsol/_/oM sarba ta thA ga ta ar+g+haM pra tIts+tsha pU dza me g+ha sa mu dra s+pha ra Na sa ma ye hU~M/_de bzhin pad+yaM nas shab+da 'i bar bcug la so so'i phyag rgya bcas 'bul/_gzhan yang sgeg sogs lha mo brgyad ni/_rdo rje sgeg mos gar gyi sgyu 'phrul ston/_/rdo rje phreng mas rin chen rgyan phreng bstar/_/rdo rje glu mas tshangs dbyangs snyan 'gyur sgrog_/rdo rje gar mas mdzes pa'i stangs stabs bsgyur/_/rdo rje me tog kun tu 'thor zhing 'bul/_/rdo rje bdug spos dri zhim sprin chen 'grim/_/rdo rje snang gsal 'od kyi phreng ba 'gyed/_/rdo rje dri mas ngad ldan khrus chab stob/_/rdo rje dga' bzhi stong bzhi'i de nyid dang*/_/rdo rje sdom ma mnyam sbyor cho 'phrul che/_/rigs gsum zhi khro'i dkyil 'khor lha la 'bul/_/rdo rje'i gsang ba chen por ro gcig mdzod/_/oM badz+ra lA s+ye hU~M/_oM badz+ra ma le trA~M/_oM badz+ra gIrti hrIH_oM badz+ra nIrti AH_oM badz+ra puSh+pe trA~M/_oM badz+ra d+hU pe hU~M/_oM badz+ra A lo ke hrIH_oM badz+ra gan+d+he AH_lnga pa bstod pa ni/_mnyam nyid mi g.yo mnyam nyid mchog gi chos nyid can/_/thugs rje'i bdag nyid 'gro ba'i sdug bsngal sel bar mdzad/_/yon tan mtha' yas dngos grub thams cad sbyin mdzad pa/_/dri med mi g.yo mnyam med dam pa'i mchog chos can/_/yon tan shin tu phra ba'i cha la'ang tshad med de/_/dpe ni nam mkha' dang yang bsgrun du yod ma yin/_/dngos grub rnam gnyis mnyam med dpe dang bral ba rnams/_/sems can khams la dngos grub mchog rnams nges par stsol/_/rtag tu dri ma med pa thugs rje'i shugs las byung*/_/smon lam grub pa 'gag pa med pa'i chos nyid can/_/'gro ba'i don 'grub rab tu brtson pa mtha' yas pa/_/thugs rje chen po'i bdag nyid rtag tu rnam par snang*/_/tshad med tshad dang bral ba shin tu yongs rdzogs pa'i/_/bde bar gshegs pa'i go 'phang dam pa brnyes gyur kyang*/_/khams gsum rnams la dngos grub mchog stsol mdzad pa yi/_/thugs rje'i spyod pa mi g.yo 'gag par yongs mi 'gyur/_/e ma ho shin tu bzang po'i chos nyid mchog dang ldan/_/mchog sbyin rnams kyi nang nas go 'phang mchog brnyes pa/_/khams gsum kun la rtag tu dngos grub mchog stsol mdzad/_/mgon po dus gsum sgrib pa med par rab mkhyen pas/_/dam tshig mchog gsum dngos grub dam pa bdag la stsol/_/'di ni sangs rgyas thams cad kyi/_/yang dag yon tan rgya chen te/_/lan gcig tsam zhig brjod pas kyang*/_/sangs rgyas thams cad 'grub par 'gyur/_/zhes pa'i bar gyis bstod/_drug pa gsol ba gdab pa ni/_bla ma rdo rje sems dpa' kye:_na raka sdug bsngal bskyab tu gsol:_sdig pa'i tshogs la bdag gnong zhing:_'gyod pas mgon po'i drung du bshags:_phyis nas mi bgyid dam bca' bas:_mgon pos tshangs par bstsal du gsol:_sems can kun gyi don bgyid phyir:_rdo rje sems dpa' bdag gis bsgrub:_sku gsung thugs su bdag sbyor te:_bla med sa la drang du gsol:_zhes pas dngos grub kyi gnas la thugs dam bskul ba'i phyir gsol ba rtse gcig tu gdab/_bdun pa bzlas pa la/_dngos dang zhar byung gnyis/_dang po la gsum las/_dang po gtso bo zhi khro'i bsnyen pa'i dmigs bzlas ni/_mdun bskyed rdo rje sems dpa' yi:_thugs kar nya gang zla ba mdzes:_lte bar hU~M yig rab dkar ba:_stan la khab btsugs lta bur gsal:_sngags kyis bskor ba'i 'od zer gyis:_sgrib sbyangs byin rlabs dngos grub bsdus:_dwangs ma mi shigs thig le las:_dngos grub bdud rtsi'i zegs ma yis:_sgo gsum ye shes gsang ba dang:_gnyis med byin gyis brlab par gyur:_oM badz+ra satwa hU~M:_zhes gtso bor bzla/_gtso bo'i 'od kyis mdun bzhugs pa'i:_khro bo bskul bas dngos grub la:_bar du gcod pa'i gdon btul nas:_ye shes chen pos srung bar gyur:_oM badz+ra tsaN+Da hU~M phaTa?:_zhes rdo rje gtum po'i rigs sngags snga ma'i phyed tsam bzla/_gnyis pa rigs bzhi'i sgrub pa'i dmigs bzlas ni/_slar yang gtso bos bskul ba'i phyir:_'od spros rigs bzhi'i lha la phog:_rdo rje bzhi yi ye shes dbyings:_mngon sum nyid du byin brlabs bsam:_oM bud+d+ha satwa oM:_oM ya mAn+ta ka hU~M:_oM pad+ma satwa aM:_hrI ha ya gr-I wa AH_zhes zhi khro rigs bzhi so sor gtso bsnyen gyi sum cha tsam bzla/_gsum pa sgo skyong bzhi'i las sbyor gyi dmigs bzlas ni/_'od kyis sgo ba bzhi bskul bas:_phyag rgya bzhi yi ting 'dzin gyis:_las bzhi'i phrin las lhun grub nas:_don gnyis yid bzhin 'grub par gyur:_oM badz+ra ang+ku sha dzaH_oM badz+ra pA sha hU~M:_oM badz+ra s+pho Ta baM:_oM badz+ra gaN+De hoH_zhes sgo ba bzhi'i sngags rigs bzhi'i phyed tsam bzla zhing*/_bsnyen tshad ni gtso bo zhi khro la 'bru 'bum/_rigs bzhi so sor 'bum bzhi re/_las sbyor khri bzlas pas las rung du 'gyur ro/_/gnyis pa zhar byung gtso las kyi bum bzlas ni/_bdag nyid dkyil 'khor du 'jug pa dang gzhan lam 'dir smin par byed pa dbang bskur gyi cho ga dang 'brel na ni med du mi rung ba'i yan lag tu gyur pa yin la de las gzhan pa'i gnas skabs dag la ni bya dgos pa ma yin no/_/bum pa rang byung gi gzhal yas khang du lha rnams dwangs pa'i mtsho la gza' skar shar ba bzhin bkra lam gyis gsal bar gyur/_rang srog sngags kyi 'od zer gzungs thag la/_/'khril te bum pa'i lha tshogs thugs kar zhugs/_/de dag sku las 'od zer bdud rtsi'i rgyun/_/bab pas bum chur dbyer med ro gcig gyur/_/zhes dmigs la bsnyen sgrub las kyi sngags rnams skabs phyed par bzlas mthar/_oM AHhU~M lha rnams bde ba chen po'i ngo bor zhu ba bum chu dang ro gcig tu gyur/_zhes 'od zhu dang*/_las bum gyi chu rdo rje'i sngags kyi rang bzhin du gyur/_oM a mr-i te hU~M phaTa?:_ci nus bzla/_lhag chad bskang zhing byin rlabs brtan phyir dbyangs gsal rten snying lan gsum rjes mchod bstod mdor bsdus dang yig brgya lan gsum brjod pas nyams pa bshags par bya'o/_/gnyis pa bdag nyid dkyil 'khor du 'jug cing dbang blang ba la/_rang gzhung ltar rgyas par 'jug pa dang*/_rig pa'i me tog dor bas mdor bsdus te 'jug pa'o/_/dang po ni/_bdag gi rang bzhin ye shes kyi 'khor lor rdzogs pa bla ma dang dkyil 'khor gyi bdag po dbyer med pa dbang len bya'i yul la/_rnam 'gyur glo bur gyi 'khrul ngo rnam smin bag chags kyi rten slob bu'i tshul du byas nas 'jug pa ste/_thog mar las bum gyi chus khrus bya/_maN+Dal phul la thal mo sbyar te/_sku gsung thugs kyi rigs 'chang ba:_rdo rje mi phyed gsum gyi bdag:_bcom ldan zhi khro'i dkyil 'khor lha'i:_gsang ba gsum gyi dbang bskur stsol:_zhes lan gsum gyis gsol ba btab/_tshogs bsags pa ni/_dkon mchog gsum la bdag skyabs mchi/_/sdig pa mi dge sogs lan gsum gyis tshogs bsags/_sdom bzung ni/_bde gshegs sras bcas bdag la dgongs/_/rig pa 'dzin pa bdag gis ni/_/byang chub snying por mchis kyi bar/_/so sor thar dang byang chub sems/_/rig 'dzin nang gi sdom pa'i tshogs/_/ma lus yongs su gzung bar bgyi/_/zhes pas sdom pa bzung*/_dam la bzhag pa ni/_ji snyed sangs rgyas thams cad kyi:_rdo rje'i g.yar dam bla na med:_dam tshig chen po hU~M gi tshogs:_khyed kyi snying la yang dag gnas:_hU~M hU~M hU~M:_zhes pas dam chu myang*/_ye shes dbab pa ni/_lus gnad chos bdun ldan bca'/_ngag gnad rlung kha sbyor du 'ching*/_dmigs gnad 'di ltar/_swa b+hA bas sbyangs/_snod bcud mi dmigs stong pa'i ngang:_dngos 'dzin ma dag kun sbyangs pa'i:_stong pa'i ngang las rten 'byung rtsal:_snod bcud dag pa'i ye shes che:_blta na sdug gi zhing khams ni:_bkod pa tshad med mngon par dga':_dbus su rin chen pho brang gi:_rgyan bkod tshad las 'das pa'i dbus:_sna tshogs pad+ma 'dab bzhi'i steng:_ngo mtshar seng ge'i khri gnas par:_pad+ma zla ba'i dkyil 'khor steng:_sa bon hU~M mthing spro bsdu las:_rgyal kun gsang gsum byin rlabs bsdus:_yongs gyur bcom ldan rdo rje sems:_mthing ga in+d+ra nI la'i mdog:_zhi 'dzum mtshan dpe'i gzi byin 'bar:_dar dang rin chen rgyan gyis mdzes:_phyag g.yas rdo rje rtse lnga pa:_gsor ba'i tshul gyis thugs kar 'dzin:_g.yon pas dril bu dku la brten:_zhabs gnyis rdo rje'i skyil krung gis:_'od zer dpag yas dbus na 'gying:_de ltar yongs su gsal bar gyur pa'i spyi bor oM dkar po/_mgrin par AHdmar po/_thugs kar hU~M sngon po rnams kyis mtshan pa las de bzhin gshegs pa thams cad kyi rdo rje gsum gyi ngo bor gyur par bsam mo/_/gnas gsum gyi yi ge'i 'od zer gyis sangs rgyas dang byang chub sems dpa' dpa' bo dang rnal 'byor ma'i tshogs thams cad rig gsum zhi khro yab yum gyi sku phyag rgya/_gsung yig 'bru/_thugs phyag mtshan gyi rnam par kha char bu yug 'tshubs pa bzhin du spyan drangs te snying ga nas sib sib thim par mos la/_oM:_thugs rje chen po rdo rje sems:_ye shes 'khor lo bsam yas pa:_brtse ba'i thugs kyis gnas 'dir dgongs:_rdzu 'phrul chen pos gshegs su gsol:_oM e h+ye hi shrI ma hA ka ru Ni ka badz+ra satwa maN+Dal sa pa ri wA ra badz+ra sa ma dzaH_dza hU~M ba~M hoH_zhes khyad par gyi rdzas dud bdug_/DA dril 'khrol zhing rol mo sna tshogs kyi sgra sbyar te dbab la phebs pa na/_tiSh+Tha badz+ra zhes pas brtan par bya'o/_/de nas maN+Dal sngon du 'gro bas/_byang chub rdo rjes sangs rgyas la/_/mchod chen ji ltar bstsal ba ltar/_/bdag kyang skyob pa'i don gyi phyir/_/nam mkha'i rdo rje deng bdag stsol/_/zhes lan gsum gyis gsol ba btab pas/_dkyil 'khor pa'i thugs ka nas 'phros pa'i 'od zer gyis gdan gsum tshang ba'i dbang gi lha nam mkha' gang bar spyan drangs/_de rnams kyis bum pa ye shes bdud rtsi'i chu rgyun gyi gang ba la sogs pa'i rigs lnga'i dbang rdzas rnams thogs te bkra shis pa'i rnam pa du ma dang ldan pas dbang bskur bar mos la/_hU~M:_mi bskyod ye shes bdud rtsi'i chus:_rdo rje rang byung las kun byed:_dbang mchog bu la byin pa yis:_sgrib dag ye shes rtogs par shog:_oM sarba ta thA ga ta a b+hi She ka te sa ma ya shrI ye hU~M:_bum pa spyi bor bzhag cing bum chu gtig/_bum pa bdud rtsi'i chu rgyun gyi dbang bskur bas/_lus ngag yid gsum gyi sdig sgrib bag chags dang bcas pa byang ba'i dbang dam pa thob par gyur cig_/dbu rgyan spyi bor bcings te/_trA~M:_rin chen dbu rgyan cod pan can:_yang dag ye shes lnga dang ldan:_don rtags 'brel bas dbang bskur bas:_zag med 'bras bu'i sar phyin shog:_oM rat+na mu ku Ta a b+hi Shiny+tsa trA~M:_dbu rgyan rigs lnga'i dbang bskur bas/_phung po lnga dang nyon mongs pa lnga sku dang ye shes lnga'i ngang du gnas gyur pa'i dbang dam pa thob par gyur cig_/rdo rje lag g.yas su gtad de bzung la/_hrIH_rdo rje bla med man ngag chos:_gsung gi dbang phyug dkyil 'khor che'i:_phyag rgya chen pos dbang bskur bas:_chos kun 'byung ba'i sa thob shog:_oM badz+ra a b+hi Shiny+tsa AH_rdo rje'i dbang bskur bas/_dug lnga ye shes lnga'i rang bzhin du gnas pa'i dbang dam pa thob par gyur cig_/dril bu lag g.yon du gtad de bzung la/_AH_dril bu ye shes sgra dang ldan:_don kun grub pa dkyil 'khor gtso'i:_yang dag phyag rgya'i dbang byin pas:_phrin las rtsol med lhun grub shog:_oM g+haN+De a b+hi Shiny+tsa hoH_dril bu'i dbang bskur bas/_chos thams cad sgra brnyan lta bu'i ye shes kyis thabs dang shes rab gnyis su med pa'i dbang dam pa thob par gyur cig_/rdor dril bsnol ma spyi bor dkrol la/_oM:_rdo rje snang mdzad ye shes sku:_de nyid mtshon pa rdo rje'i ming:_srid gsum khyab par bsgrags pa yis:_zhing kun mdzes pa'i dbang thob shog:_oM b+hur+b+hu wa swa a b+hi Shiny+tsa oM:_de ltar rdo rje'i ming gi dbang bskur bas/_phyogs bcu'i 'jig rten thams cad du mngon par rdzogs par sangs rgyas pa'i rdo rje'i mtshan gyi grags pa'i dbang dam pa thob par gyur cig_/de ltar rig pa'i dbang lngas nyon mongs dug lnga sbyangs/_phung po lnga rigs lnga'i sangs rgyas su gnas bsgyur ba'o/_/de ltar ye shes lnga skyes pa mi nyams par brtan zhing gong 'phel du bya ba'i phyir rigs drug pa'i ye shes kyi bdag nyid rnam rgyal bum pas slar yang dbang bskur bar mos la/_rnam bum spyi bor bzhag ste/_oM:_bkra shis bum pa mtshan nyid rdzogs:_ye shes chen po'i bdud rtsis gtams:_skal ldan bu la dbang bskur bas:_yon tan ma lus rdzogs par shog:_oM ka la sha a b+hi Shiny+tsa oM:_zhes bum chu myang*/_de'i rjes 'brel sku gsung thugs dbang las sku phyag rgya'i dbang ni/_rang nyid seng ges btegs pa'i khri la bcom ldan 'das dpal rdo rje sems dpa' yum dang bcas pa'i rnam pas 'khod pa la/_dkyil 'khor gyi lha tshogs rnams mar me gcig las gnyis mched kyi tshul du byon nas gnyis med du thim par gyur pa'i mos pa bcas so so'i tsakli thogs la/_hU~M:_bcom ldan rdo rje sems dpa' ni:_rdo rje dril 'dzin sku mdog mthing*/_/dkyil 'khor kun gyi khyab bdag ches/_/skal ldan bu la dbang bskur ro/_/oM badz+ra satwa hU~M sarba sa ma ya a b+hi Shiny+tsa A:_hU~M/_shes rab rang bzhin stong pa nyid/_/rdo rje'i rigs kyi 'khor los bsgyur/_/dbyings phyug ma yis dbang bskur bas/_/chos kun de nyid mngon gyur shog_/mUM d+ha ti shwa ri AHsarba sa ma ya a b+hi Shiny+tsa AH_hU~M/_rdo rje 'bar ba khro bo'i rgyal/_/zhe sdang 'dul mdzad rdor dril bsnams/_/thugs mchog phyag rgyas dbang bskur bas/_/mi phyed rdo rje'i sa thob shog_/oM badz+ra tsaN+Da hU~M phaTa? sarba sa ma ya a b+hi Shiny+tsa AH_hU~M/_bcom ldan de bzhin gshegs pa'i rigs/_/'khor lo dril 'dzin sku mdog dkar/_/skal ldan bu la dbang bskur bas/_/bde gshegs sku yi dbang thob shog_/oM bud+d+ha satwa oM sarba sa ma ya a b+hi Shiny+tsa AH_hU~M/_'jigs mdzad khrag 'thung gshin rje gshed/_/ser nag be con thod khrag 'dzin/_/rgyal ba rtag pas dbang bskur bas/_/ye shes phyag rgya mngon gyur shog_/oM ya mAn+ta ka hU~M sarba sa ma ya a b+hi Shiny+tsa AH_hU~M/_bcom ldan snang ba mtha' yas ni/_/pad+ma dril 'dzin sku mdog dmar/_/chags med gsung gi dbang bskur bas/_/gsung mchog pad+ma'i sa thob shog_/oM pad+ma satwa aM sarba sa ma ya a b+hi Shiny+tsa AH_hU~M/_dbang chen pad+ma he ru kaH_pad+ma zhags 'dzin khro chas rdzogs/_/khro bo'i rgyal pos dbang bskur bas/_/dregs pa zil gnon dbang thob shog_/hrIHha ya gr-I ba AHsarba sa ma ya a b+hi Shiny+tsa AH_hU~M/_rdo rje phyag rgya bzhi yi bdag_/las bzhi'i rdo rje rang rtags 'dzin/_/sgo ba bzhi yi dbang bskur bas/_/phrin las lhun gyis 'grub par shog_/dzaHhU~M ba~M hoHsarba sa ma ya a b+hi Shiny+tsa AH_de ltar lha sku phyag rgya'i dbang bskur bas/_snod bcud rnam par dag pa ye shes lha'i dkyil 'khor du blta zhing sgom pa la dbang ba yin no/_/gsung bzlas lung gi dbang ni/_dkyil 'khor gyi gtso bo'i thugs kar zla ba la gnas pa'i sngags kyi phreng ba las mar me gcig las gnyis mched kyi tshul du sngags phreng gnyis pa zhig byung*/_zhal nas thon rang nyid lhar gsal ba'i zhal du zhugs/_thugs kar zla ba la gnas pa'i hU~M yig gi mthar 'khod par mos la/_oM badz+ra satwa hU~M:_oM badz+ra tsaN+Da hU~M phaTa?:_oM bud+d+ha satwa oM:_oM ya mAn+ta ka hU~M:_oM pad+ma satwa aM:_hrIHha ya gr-I ba AH_oM badz+ra ang+ku sha dzaH_oM badz+ra pA sha hU~M:_oM badz+ra s+pho Ta baM:_oM badz+ra gaN+De hoH_zhes gtso 'khor gyi sngags rnams lan gsum re bzla/_de ltar gsung bzlas pa'i lung thob pas bsnyen sgrub las gsum gyi sngags bzla ba la dbang zhing*/_brtan g.yo'i sgra skad thams cad grags stong sngags kyi rang bzhin du dag pa yin no/_/thugs brda thabs kyi dbang ni/_dkyil 'khor pa'i thugs ka nas 'od zer 'phros/_rang nyid lhar gsal ba'i snang cha sgyu ma lta bu de nyid me long la has btab pa bzhin dbyings su yal bar gyur pa'i ngang la cung zad mnyam par bzhag_/slar yang brtan g.yo snod bcud thams cad ye shes lha yi sku dang zhing khams kyi rol par gyur/_des thugs ye shes kyi byin rlabs rgyud la zhugs/_sems kyi dran rtog thams cad pa'i ye shes phyag rgya'i rang bzhin du dag cing rim pa gnyis kyi ting nge 'dzin sgom pa la dbang ba'o/_/dam tshig gsum dang slob dpon gyi dbang ni/_rang nyid skad cig gis dkyil 'khor 'khor lo'i dbang phyug bcom ldan 'das dpal rdo rje sems dpa'i skur gsal ba la gsang sngags kyi phyag rgya'i dam tshig gi nang nas mchog tu gyur pa rdo rje dang dril bu sku gsung thugs kyi dkyil 'khor thams cad pa'i bdag nyid 'di lag tu gtad pa tsam gyis rnam pa thams cad mkhyen pa'i sa bon thebs/_sangs rgyas thams cad kyi mes po dkyil 'khor rgya mtsho'i khyab bdag tu gyur pas/_dbang bskur/_rgyud 'chad/_slob ma bsdu ba la sogs pa'i las byed pa la dbang bar mos/_hU~M:_rdo rje yang dag ye shes che:_sangs rgyas kun gyi thugs nyid de:_de ring bu la byin pa yis:_khyod kyang rdo rje'i thugs 'grub shog:_oM badz+ra hU~M:_rdo rje lag g.yas kyis thugs kar bzung*/_hU~M:_dril bu stong pa'i sgra sgrogs pa:_chos kun de nyid rjes su mtshon:_sangs rgyas gsung gis dbang bskur bas:_rdo rje'i gsung mchog 'grub par shog:_oM g+haN+De hU~M:_dril bu lag g.yon gyis dkrol te dkur brten/_hU~M:_bde chen mi 'gyur rdo rje sems:_shes rab yum dang gnyis su med:_rtag tu phyag rgya dgyes rol ba'i:_sangs rgyas sku dang gnyis med shog:_oM sarba ta thA ga ta ma hA a nu rA ga Na dz+nyA na badz+ra swa b+hA wa at+ma ko\u0f85haM:_lag gnyis 'khyud rgyas rdor dril thugs kar bsnol/_mnga' gsol chas thogs la/_oM:_khyod ni nges par rdo rje sems:_chos kyi rgyal por dbang bskur bas:_don rnams thams cad sgrub pa dang:_rdo rje'i slob ma'i tshogs sdus shig:_sa ma ya a b+hi Shiny+tsa hU~M:_zhes mnga' gsol ba'i mos pa bya'o/_/gtso bos ji ltar bka' bstsal pa/_/de dag thams cad bdag gis bgyid/_/ces dam tshig khas blang zhing*/_deng nas brtsams te bdag bran du/_/khyed la bdag ni 'bul lags na/_/khyed kyis slob mar bzung ba dang*/_/bdag gi lus kyang bzhes su gsol/_/ces dang gtang rag gi maN+Dal 'bul bar bya'o/_/gnyis pa rig pa'i me tog dor bas mdor bsdus te 'jug pa ni/_gzhan la dbang bskur ba dang 'brel na spros pa mtshams pa'i phyir/_bdag nyid dkyil 'khor gyi lha dang rang bzhin dbyer med du shes nas rig pa'i me tog dor ba nyid don gyis dkyil 'khor du zhugs pa yin pas/_dril bu gsil zhing me tog 'thor ba dang bcas/_oM badz+ra sa ma ya oM/_AHbadz+ra sa ma ya AH_hU~M badz+ra sa ma ya hU~M:_swA badz+ra sa ma ya swA:_hA badz+ra sa ma ya hA/_zhes dang*/_oM badz+ra kro d+ha sa ma ya hU~M/_zhes rig pa'i me tog dor bas/_bdag dang dkyil 'khor pa'i sku gsung thugs yon tan phrin las rnams gnyis su med par gyur par bsam/_oM/_ye shes rgyal po sku gsung thugs/_/yon tan phrin las rmad po che/_/de nyid du ni mnyam sbyor ba'i/_/phyag rgya chen por bdag sbyor cig_/oM badz+ra sa ma ya hU~M/_oM badz+ra sa ma ya s+t+waM/_oM badz+ra sa ma ya hoH_zhes dang*/_oM/_khro la khros pa zhi mdzad pa/_/thugs rje khro dpal rngam pa'i tshogs/_/'bar ba'i byin rlabs rmad po che/_/da lta nyid du bdag la stsol/_/oM badz+ra kro d+ha sa ma ya s+t+waM/_oM badz+ra kro d+ha sa ma ya phaTa?H_oM badz+ra kro d+ha sa ma ya hoH_zhes dngos grub bskul zhing bstim mo/_/de gnyis gang ltar yang*/_gzhan rjes su 'dzin pa dang 'brel na/_dkyil 'khor gyi lha la thal mo sbyar bas btud de/_oM/_rdo rje ye shes thob byed pa'i/_/de bzhin gshegs pa thams cad kyi/_/snying po'i dkyil 'khor chen po 'dir/_/bdag gi slob ma 'jug par 'tshal/_/zhes gsol bas gnang ba byin par bsam mo/__/gsum pa rjes la lnga las dang po mchod bstod gsol gdab ni/_thun mthar sngags tsam gyis mchod cing*/_rdo rje sems dpa' sems dpa' che/_/rdo rje de bzhin gshegs pa kun/_/rdo rje dang po kun tu bzang*/_/phyag 'tshal rigs 'dus sems dpa' la'o/_/bstod par 'os pa sogs/_bcom ldan rigs gsum zhi khro yis/_/bdag dang mtha' yas sems can kun/_/sgrib pa'i dri ma bsal ba dang*/_/mkhyen brtse nus gsum 'phel bar mdzod/_/zhes gsol ba gdab/_gnyis pa nongs bshags ni/_ma 'byor pa dang sogs yi ge brgya pas nongs pa bshags/_gsum pa gshegs bsdu ni/_oM/_khyed kyis sems can don kun sogs dang*/_oM badz+ra muH_zhes ye shes pa gshegs/_rten dang brten par bcas pa'i dkyil 'khor pa thams cad 'od du zhu nas gtso bo la thim/_gtso bo dam tshig gi rten la thim par gyur/_slar yang snang grags rig pa'i tshogs:_rigs 'dus sems dpa'i gsang gsum shar:_oM AHhU~M:_gis gtso bo rdo rje sems dpa'i skur ldang ba'i gnas gsum du sku gsung thugs kyi sa bon gyis rgyas gdab cing*/_rjes thob kyi snang cha lha sngags chos sku'i rol par lam du khyer/_bzhi pa bsngo smon ni/_dge ba 'di yis myur du bdag_/rigs gsum rgyal ba 'grub gyur nas/_/sogs bsngo smon dang*/_lnga pa shis brjod ni/_sku yi dbang phyug bcom ldan many+dzu shrI/_/gsung gi rdo rje pad+ma gar gyi dbang*/_/thugs kyi gsang ba'i mdzod 'dzin rdo rje can/_/rigs gsum rgyal ba 'dus pa'i bkra shis shog_/gzhan yang shis brjod ji ltar rigs pas mtha' brgyan par bya'o/_/gsum pa gsang ba dkyil 'khor rab 'byams phrin las kyi lha mchog rdo rje rnam par 'joms pa ltar sgrub pa'i tshul ni/_gtsang ma'i gnas su ku sha'i gdan la 'khod de/_mdun du gzhung mthun dkyil 'khor gyi steng du gtor ma dkar zlum dang*/_nyer spyod kyi mchod pa bcas 'du bya zhing bdag 'jug dang 'brel na de la dgos pa'i yo byad rnams kyang tshogs par byas la/_ji ltar nyams su blang ba'i tshul la sngon 'gro/_dngos gzhi/_rjes gsum las/_dang po sngon 'gro la'ang bzhi las/_skyabs sems ni/_bla ma mchog gsum yi dam lhar/_/gus pas skyabs mchi mkha' mnyam 'gro/_/bla med byang chub mchog 'thob phyir/_/rdo rje rnam 'joms bsgom par bgyi/_/lan gsum/_gnyis pa mchod pa byin rlabs ni nang sgrub ltar bya/_gsum pa bgegs bsal zhing mtshams bcad pa ni/_hU~M badz+ra d+hr-ika_/rang nyid las kyi khro bo bdud rtsi thab sbyor gyi skur gyur pa'i thugs ka nas spros pa'i khro bo rnams kyis bgegs thams cad ring du bskrad par mos la/_na mash+tsaN+Da badz+ra kro d+ha ya sogs nye snying tshar gcig brjod/_slar yang thugs ka nas 'phros pa'i 'od zer rdo rje'i sprin du 'khrigs pas steng 'og phyogs mtshams thams cad rdo rje'i sa gzhi rwa ba drwa ba gur bla re ye shes kyi me dpung 'bar ba'i srung ba'i gur gyis khyab par mos la/_na mo rat+na trA yA ya phyi ma nas/_\u0f71\u0f72n+d+ha b+hin+d+ha badz+ra hU~M phaTa? kyi bar gyi snying po nyid brjod pas mtshams bcad/_bzhi pa tshogs bsags pa ni/_de nas rang gi thugs ka nas byung ba'i 'od zer gyis rdo rje rnam par 'joms pa la sangs rgyas dang byang chub sems dpa' khro bo bcu yi tshogs kyis bskor ba badz+ra sa mA dzaH_zhes spyan drangs pa mdun gyi nam mkhar bzhugs pa la/_ar+g+haM nas shab+da'i bar gyis mchod/_dkon mchog gsum la bdag skyabs mchi/_/sogs yan lag bdun pas tshogs bsags/_sems can bde dang ldan gyur cig_/sogs tshad med bzhi sgom zhing*/_des bskyed pa'i byang chub kyi sems dang ldan pa'i stong nyid la blo bzhag_/gnyis pa dngos gzhi la/_bdag mdun bum pa'i dkyil 'khor bsgrub pa dang*/_rang nyid kyi dbang gi ye shes gso ba dang gzhan dag lam 'dir smin par bya rung ba'i phyir bdag nyid 'jug pa'i cho ga bya ba'o/_/dang po la bdun las/_dang po dam tshig pa bskyed pa ni/_oM ma hA shU n+ya tA sogs brjod pas/_chos kun stong pa'i thig ler sbyangs:_de yi ngang las 'od gsal ba'i:_ye shes rol pa'i snod bcud kyi:_rdo rje'i zhing khams chen po'i dbus:_rdo rje'i srung ba'i 'khor lo'i nang:_rdo rje'i gzhal med khang chen po:_rdo rje rin chen snang ba che:_kha dog lnga pa'i rtsig pa dang:_pha gu drwa ba drwa phyed mdzes:_mda' yab pu shu rdo rje'i tog:_'od zer snang bas phyogs kun khyab:_gru bzhi rnam par thar pa'i sgo:_rta bab bang rim mdzes par bkra:_chos 'khor ri dwags gdugs dang bcas:_lte bar pad 'dab bzhi dang bcu'i:_ze'u 'brur rdo rje'i gdan yangs par:_pad zla rgyas steng sa bon hU~M:_spro bsdu'i 'od kyis dngos 'dzin sbyangs:_ye shes chen por byin brlabs pa'i:_rdo rje snying po nam mkha'i mdog:_rtse lnga gzhom gzhig bral ba ru:_yongs gyur bcom ldan rnam par 'joms:_rdo rje khro bo las byung ba:_ljang sngon in+d+ra ni la'i mdog:_khro 'dzum rol pa mtshan dpe'i sku:_dar dang rin chen rgyan gyis spras:_spyan gsum mche ba yid tsam gtsigs:_phyag g.yas sna tshogs rdo rje che:_thugs kar gsor zhing bskyod pas 'dzin:_g.yon pas dril bu dkur brten nas:_rdo rje'i skyil krung mdzes par bzhugs:_sna tshogs 'od zer 'khrugs pa'i klong:_gzi byin mtshungs pa med par rol:_thugs dbus badz+ra satwa yi:_thugs las 'phros pa'i sa bon gyis:_phyogs bzhir rigs bzhi'i rnam par 'joms:_dkar oM ser trA~M dmar hrIHmthing AHgtso bo bzhin:_rigs kyi khyab bdag dam par gsal:_na mash+tsaN+Da badz+ra kro d+ha ya:_hu lu hu lu:_tiSh+Tha tiSh+Tha:_b+han+d+ha b+han+d+ha:_ha na ha na:_a mr-i te hU~M phaTa?:_slar yang thugs nas hU~M bcu spros:_pad+ma'i 'dab mar bab pa las:_hU~M mdzad rnam rgyal dbyug pa sngo:_gshin rje mi g.yo rta yi mgrin:_'dod pa'i rgyal po bdud rtsi 'khyil:_khams gsum rnam rgyal stobs po che:_kun kyang zhabs gnyis bzhengs pa'i stabs:_dar dang stag lpags smad dkris shing:_rdo rje dril 'dzin pad nyi'i steng:_'od zer me lce 'khyil dbus rol:_na mash+tsaN+Da badz+ra pA Na ya:_ma hA yak+Sha se nA pa ta ye:_tad+ya thA:_oM ha ra ha ra badz+ra:_ma tha ma tha badz+ra:_d+hu na d+hu na badz+ra:_da ha da ha badz+ra:_pa tsa pa tsa badz+ra:_d+ha ra d+ha ra badz+ra:_d+hA ra ya d+hA ra ya badz+ra:_dA ru Na dA ru Na badz+ra:_tshin+d+ha tshin+d+ha badz+ra:_b+hin+d+ha b+hin+d+ha badz+ra hU~M phaTa?:_thugs ka'i 'od kyi sa bon bzhi:_dzaHhU~M ba~M hoH_yongs gyur sgo bzhir khro bo'i rgyal:_rigs bzhi'i phyag rgya bzhi 'dzin pas:_bar chad gdon bgegs srung bar gyur:_oM badz+ra aM ku sha dzaH_rat+na pA sha hU~M:_pad+ma s+pho Ta ba~M:_karma g+haN+De ho:_gnyis pa spyan drangs shing bstim pa ni/_de ltar yongs su gsal ba'i gtso 'khor thams cad kyi dpral bar oM/_mgrin par AH_thugs kar hU~M gis mtshan pa las 'od zer 'phros pas rang bzhin gyi gnas nas rdo rje rnam par 'joms pa'i lha tshogs 'khor dang bcas pa badz+ra sa mA dzaHsa spyan drangs par bsam zhing*/_dad pa dang ni dam tshig gis/_/tshur gshegs tshur gshegs rigs sngags rgyal/_/bdag gi mchod yon bzhes nas kyang*/_/mchod pas bdag la dgyes par mdzod/_/oM a mr-i te hU~M phaTa?/_snying ga nas bdud rtsi 'khyil ba spros pas phyir 'brang gi bgegs bskrad nas/_oM a ha ra a ha ra sarba bid+ya d+hA ra pU dzi te swA hA/_des mchod yon dbul/_hU~M:_rdo rje lcags kyu 'bar ba che:_'dren pa chen po rdo rje'i rigs:_thugs rje'i thugs dam bskul ba las:_sangs rgyas ma lus nye bar byed:_oM badz+ra aM ku sha dzaH_rdo rje zhags pa gdengs pa ni:_'ching ba chen po rin chen rigs:_dbyings kyi gnas nas spyan 'dren pa'i:_pho nya mchog tu 'phro ba'o:_oM badz+ra pA sha hU~M:_rdo rje lcags sgrog sdom pa ste:_gnyis med chen po pad+ma'i rigs:_gnas nas bskyod cing bstim pa yi:_dam tshig phyag rgya che mchog go:_oM badz+ra s+pho Ta ba~M:_rdo rje dril bu snyoms pa ni:_dgyes pa chen po las kyi rigs:_gnyis su med pa'i bdag nyid kyi:_ye shes thig le gcig tu 'ching:_oM badz+ra gaN+De ho:_rnam 'joms rtsa ba'i rgya rdo rje rtse lnga pa'i tshul du bcas la/_oM badz+ra dz+wa lA na ya swA hA/_zhes spyan drangs pa'i lha rnams dam tshig pa la dbyer med du thim par bsam zhing brtan par byas la/_gsum pa dbang bskur ba ni/_slar yang dbang lha spyan drangs nas:_ye shes bdud rtsis dbang bskur bas:_rdo rje mi bskyod gtsor gyur pa'i:_bde gshegs rigs lngas dbu brgyan gyur:_bzhi pa mchod pa ni/_rab 'byams rgya mtsho dpag med na/_/mchod yon zhabs bsil me tog dang*/_/bdug spos snang gsal dri chab dang*/_/zhal zas rol mo la sogs pa'i/_/mchod rdzas ji snyed yod pa dang*/_/bdag gis gus pas bshams pa 'di/_/ji snyed rgyal ba sras dang bcas/_/de snyed rnams la bdag 'bul na/_/thugs rje mnga' ba khyed rnams kyis/_/ci bde bar ni bzhes nas kyang*/_/sems can don kun mdzad du gsol/_/oM sarba ta thA ga ta badz+ra bi d+ha ra sa pa ri bA ra ar+g+haM pra tIts+tsha pU dza me g+ha sa mu dra s+pha ra Na sa ma ye hU~M/_de bzhin du pad+yaM nas shab+da'i bar bcug la so so'i phyag rgyas 'bul/_gzhan yang sgeg sogs lha mo brgyad ni/_spro na nang sgrub skabs ltar tshigs bcad kyang sbyar/_oM badz+ra lA s+ye hU~M/_oM badz+ra ma le tra~M/_oM badz+ra gIrti hrIH_oM badz+ra nIrti AH_oM badz+ra puSh+pe trA~M/_oM badz+ra d+hU pe hU~M/_oM badz+ra A lo ke hrIH_oM badz+ra gan+d+he AH_lnga pa bstod pa ni/_oM:_rdo rje'i sku ni rdo rje'i rigs:_rdo rje ye shes phyag rgya che:_rdo rje las byung rdo rje'i sku:_rdo rje rnam par 'joms la'o:_rdo rje'i gsung ni rdo rje che:_rdo rje tshangs pa'i dbyangs su ldan:_rdo rje'i sgra ste rdo rje'i gsung:_rdo rje kun tu khyab pa la'o:_rdo rje'i thugs ni rdo rje'i mkha':_rdo rje ye shes snying por mkhregs:_rdo rje las byung rdo rje'i dbyings:_rdo rje'i dkyil 'khor nyid la'o:_rdo rje'i yon tan bsam mi khyab:_rdo rje'i sa mchog mngon gyur pas:_rdo rje de bzhin gshegs kun dang:_rdo rje gnyis med gsang ba la'o:_rdo rje'i phrin las khyab pa che:_rdo rje kun tu zab mo'i klong:_rdo rje'i rigs can kun sgrol ba'i:_rdo rje'i sems dpa' chen po la'o:_drug pa 'dzab bzlas ni/_phreng ba blangs te/_oM badz+ra a tsin+d+hA ya swA hA/_zhes bdun bzlas pas phreng ba bsgrubs nas/_b+h+rU~M bi shwa bi shud+d+he dz+nyA na tsakra maN+Dal phaTa? dzaH_bdag nyid rtsa ba'i dkyil 'khor las ye shes dkyil 'khor gnyis pa zhig mdun du phye nas me ri 'dabs 'byor gyi tshul du bzhugs par gyur/_gtso bo'i thugs kar 'od lnga'i klong:_ye shes sems dpa' rdo rje sems:_rgyan med mdzes par rol pa yi:_thugs dbus rdo rje'i lte bar hU~M:_mtha' bskor rgyu skar ltar mdzes pa'i:_gsang sngags rgyal pos don chen byed:_'od kyi spro bsdus las kun sgrub:_dngos grub thogs med stsol bar bsam:_'di skad bdag gis thos pa sogs nas smras so yi bar tshar gcig gi rjes su/_na mo rat+na tra yA ya dang po nas/_dz+wa lA ya swA hA'i bar rtsa sngags sam gzungs ring dang*/_na mo rat+na tra yA ya phyi ma nas/_b+hin+d+ha b+hin+d+ha badz+ra hU~M phaTa? kyi bar snying po/_na mash+tsaN+Da badz+ra kro d+ha ya hu lu hu lu man chad nye snying ngo*/_de rnams thog mar gsum ka sbrags te tshar gcig nges par 'don/_de nas rang gi mos pa dang sbyar te rim pa bzhin ci nus su bzlas pas rung ngo*/_/dbang dang khrus sogs kyi ched bum pa bsgrub na/_b+h+rU~M:_rnam rgyal bum nang bdud rtsi'i steng:_rdo rje'i dkyil 'khor lha tshogs gsal:_sku las bdud rtsi'i rgyun babs pas:_bum pa yongs su gang bar gyur:_ces gsal btab ste gzungs thag blangs la/_rang gi thugs kar zla ba la gnas pa'i sngags kyi phreng ba gzungs thag la 'khril nas song ba bum pa'i lha'i thugs kar thim pas dgyes pa bskyed/_byang chub sems kyi rang bzhin ye shes kyi bdud rtsi'i rgyun bstsal bas bum pa gang bar bsam la/_g.yas pas phreng ba bgrang zhing g.yon pas gzungs thag la 'jus te gzungs ring dang snying po nye snying dang bcas pa rnams bzla tshul gong dang mthun par skyon dang bral ba ci nus su bzla/_las bum gyi chu rdo rje'i sngags kyi rang bzhin du gyur/_oM a mr-i te hU~M/_zhes pa ci nus bzla'o/_/bum bzlas yod med gang ltar yang mthar/_oM sarba ta thA ga ta badz+ra bi d+ha ra Na sa pa ri bA ra ar+g+haM pra tIts+tsha pU dza me g+ha sa mu dra s+pha ra Na sa ma ye hU~M/_de bzhin du pad+yaM nas shab+daba'i bar bcug te so so'i phyag rgyas phul la/_de bzhin gshegs pa thams cad kyi/_/mthu stobs gcig tu bsdus pa yi/_/rdo rje khro bo'i skur ston pa/_/rnam par 'joms la phyag 'tshal bstod/_/ces dang*/_sdig pa thams cad byang byas nas/_/zhes pa nas/_sdig pa kun las rnam par thar/_/zhes pa'i bar gyi phan yon yang brjod do/_bdun pa gtor ma gtang ba ni/_chab kyis bran la/_stong pa'i ngang las oM yig las:_rin chen snod mchog yangs pa'i nang:_'bru gsum las byung gtor ma ni:_zag med ye shes bdud rtsir gyur:_oM AHhU~M:_lan gsum/_mdun bskyed kyi ljags rdo rje'i sbu gu can gyis gtor ma'i bcud drangs te gsol bar gyur/_nye snying la/_a kA ro btags pa bdun gyis phul nas/_mchod sbyin gtor ma sogs kyis 'dod don gsol/_'jig rten pa'i gtor ma cha gsum spyi ltar bya/_bum bzlas byas yod na bum pa'i ye shes pa oM AHhU~M badz+ra muH_zhes pas gshegs shing*/_dam tshig pa bdag la bstim mo/__/gnyis pa rang nyid kyi dbang gi ye shes gso ba dang gzhan dag lam 'dir smin par bya rung ba'i phyir bdag nyid 'jug pa'i cho ga bya ba la/_long skabs che na dbang gzhung ltar rgyas par bya ba dang*/_gzhan la dbang bskur gyi tshe bdag 'jug rgyas par mi nus na bsdus te rig pa'i me tog dor ba'o/_/dang po ni/_rang gi sems nyid rnam par dag pa dkyil 'khor gyi 'khor lor rdzogs pa rtsa ba'i bla ma dang dbyer med du bltas pa dbang len yul dang*/_rnam 'gyur glo bur gyi 'khrul ngo rnam smin bag chags kyi lus slob bu'i tshul du byas la/_dbang gi bya ba rnams gtso bo las bye ba'i rgyal theb kyis mdzad par mos nas 'jug pa ste/_dang por khrus byas/_maN+Dal phul/_dkyil 'khor gyi lha la dad mos drag pos thal mo sbyar te/_dga' chen khyab bdag ston pa po/_/slob dpon khyod ni dgongs su gsol/_/byang chub chen po'i tshul ston pa/_/mgon po chen por bdag 'tshal lo/_/dam tshig de nyid bstsal du gsol/_/byang chub sems kyang bdag la stsol/_/sangs rgyas chos dang dge 'dun te/_/dkon mchog gsum ni stsal du gsol/_/thar pa chen po'i grong mchog tu/_/mgon pos bdag ni 'jug par 'tshal/_/lan gsum gyis gsol ba btab/_dkon mchog gsum la bdag skyabs mchi/_/sdig pa mi dge sogs lan gsum gyis skyabs sems tshogs bsags bya/_bde gshegs sras bcas bdag la dgongs/_/rig pa 'dzin pa bdag gis ni/_/byang chub snying por mchis kyi bar/_/so sor thar dang byang chub sems/_/rig 'dzin nang gi sdom pa'i tshogs/_/ma lus yongs su gzung bar bgyi/_/zhes lan gsum gyis sdom pa bzung*/_ji snyed sangs rgyas thams cad kyi:_rdo rje'i g.yar dam bla na med:_dam tshig chen po hU~M gi tshogs:_khyod kyi snying la yang dag gnas:_hU~M hU~M hU~M:_zhes dam chu myang*/_de nas ye shes lha yi gzi byin dbab pa ni lus ngag yid gsum gyi gnad legs par gcun la/_oM ma hA shU n+ya tA sogs/_zhes brjod pas snod bcud thams cad mi dmigs stong nyid du gyur pa'i ngang las 'od gsal ye shes kyi rol pa rnam dag rdo rje'i zhing khams chen por lhun gyis grub pa'i dbus su sna tshogs rdo rje dang pad nyi zla ba'i gdan la/_rang gi sems nyid hU~M yig mthing ga las rdo rje rtse lngar gyur/_de nyid skad cig gis bcom ldan 'das dpal rdo rje rnam par 'joms pa'i sku rgyan chas yongs su rdzogs pa lam gyis gsal ba'i gnas gsum rdo rje'i 'bru gsum gyis mtshan pa las byung ba'i 'od zer gyis phyogs bcu'i zhing rab 'byams kyi rgyal ba sras dang bcas pa'i thugs rgyud bskul te sgom pa dang 'dra ba'i ye shes sems dpa'i tshogs char drag tu bab pa bzhin byon nas sgo gsum la sib sib thim par mos la/_nye snying gi mthar/_dz+nyA na a be sha ya a aH_ra ra ra ra tsA la ya tsA la ya hU~M ha dz+haiM:_spos dang rol mo ting nge 'dzin gyis dbab pa'i ye shes pa/_badz+ra ang+ku sha dzaH_badz+ra pA sha hU~M:_badz+ra s+pho Ta ba~M:_badz+ra gaN+De hoH_phyag rgya bzhi dang*/_tiSh+Tha badz+ra brjod pas brtan par bya/_slar yang maN+Dal sngon du 'gro bas/_dkyil 'khor dbang phyug bla ma rje/_/rdo rje'i gsang ba kun gyi bdag_/khro bo'i rgyal po dgongs su gsol/_/'jug cing smin pa'i bka' drin stsol/_/ces lan gsum gyis gsol ba btab pas thog mar phyi phan pa'i dbang ni/_bla ma dang dkyil 'khor gyi lha tshogs dbyer med pa'i thugs ka nas dbang lha nam mkha' gang bar spros te/_sangs rgyas thams cad kyi thugs rdo rje mi bskyod pa'i rang bzhin rin po che'i bum pa bdud rtsi'i chu rgyun gyi gang bas dbang bskur zhing khrus byas par mos/_rnam bum thogs la/_hU~M:_mi bskyod ye shes bdud rtsi'i chus:_rdo rje rang byung las kun byed:_dbang mchog bu la byin pa yis:_sgrib dag ye shes rtogs par shog:_oM sarba ta thA ga ta a b+hi She ka te sa ma ya shrI ye hU~M:_zhes bum chus khrus bya zhing 'thung*/_de ltar mi bskyod pa'i bdag nyid bum pa bzang po las byung ba'i bdud rtsi'i chu rgyun gyis dbang bskur bas/_nyon mongs pa zhe sdang dag_/rnam shes kyi phung po mi bskyod par gnas gyur/_sangs rgyas rdo rje rigs kyi khyab bdag mi bskyod pa chu'i dbang thob pa yin no/__/sangs rgyas thams cad kyi yon tan rin chen 'byung ldan gyi bdag nyid rin po che'i dbu rgyan gyi dbang bskur bar mos/_dbu rgyan spyi bor bcing la/_trA~M:_rin chen dbu rgyan cod pan can:_yang dag ye shes lnga dang ldan:_don rtags 'brel bas dbang bskur bas:_zag med 'bras bu'i sar phyin shog:_oM rat+na mu ku Ta ab+hi Shiny+tsa trA~M:_de ltar rin chen 'byung ldan dbu rgyan gyi dbang bskur bas/_nyon mongs pa nga rgyal dag_/tshor ba'i phung po rin chen 'byung ldan du gnas gyur/_sangs rgyas rin chen rigs kyi khyab bdag rin chen 'byung ldan dbu rgyan gyi dbang thob pa yin no/_/sangs rgyas thams cad kyi gsung rdo rje snang ba mtha' yas kyi rang bzhin rdo rje'i dbang bskur bar mos/_rdo rje lag g.yas pas 'phyar la/_hrIH_rdo rje bla med man ngag chos:_gsung gi dbang phyug dkyil 'khor che'i:_phyag rgya chen pos dbang bskur bas:_chos kun 'byung ba'i sa thob shog:_oM badz+ra a b+hi Shiny+tsa AH_zhes brjod la thugs kar gtod/_de ltar snang ba mtha' yas rdo rjes dbang bskur bas/_nyon mongs pa 'dod chags dag_/'du shes kyi phung po snang ba mtha' yas su gnas gyur/_sangs rgyas pad+ma'i rigs kyi khyab bdag snang ba mtha' yas rdo rje'i dbang thob pa yin no/_/sangs rgyas thams cad kyi phrin las don yod grub pa'i rang bzhin dril bu'i dbang bskur bar mos/_dril bu g.yon pas dkrol zhing dkur bsten la/_AH_dril bu ye shes sgra dang ldan:_don kun grub pa dkyil 'khor gtso'i:_yang dag phyag rgya'i dbang byin pas:_phrin las rtsol med lhun grub shog:_oM g+haN+De a b+hi Shiny+tsa hoH_de ltar don yod grub pa dril bus dbang bskur bas/_nyon mongs pa phrag dog dag_/'du byed kyi phung po don yod grub par gnas gyur/_sangs rgyas las kyi rigs kyi khyab bdag don yod grub pa dril bu'i dbang thob pa yin no/_/sangs rgyas thams cad kyi sku rdo rje rnam par snang mdzad kyi bdag nyid rdor dril bsnol ma ming gis dbang bskur bar mos/_rdor dril bsnol ma spyi bor bzung la/_oM:_rdo rje snang mdzad ye shes sku:_de nyid mtshon pa rdo rje'i ming:_srid gsum khyab par bsgrags pa yis:_zhing kun mdzes pa'i dbang thob shog:__oM b+hur+b+hu wa swa a b+hi Shiny+tsa oM:_zhes dkrol/_de ltar rnam par snang mdzad rdo rje'i ming gi dbang bskur bas/_nyon mongs pa gti mug dag_/gzugs kyi phung po rnam par snang mdzad du gnas gyur/_sangs rgyas de bzhin gshegs pa'i rigs kyi khyab bdag rnam par snang mdzad rdo rje ming gi dbang thob pa yin no/_/de ltar ye shes lnga skyes pa mi nyams par brtan zhing gong 'phel du bya ba'i phyir rigs drug pa'i ye shes kyi bdag nyid rnam rgyal bum pas slar yang dbang bskur bar mos/_rnam bum btegs la/_oM:_bkra shis bum pa mtshan nyid rdzogs:_ye shes chen po'i bdud rtsis gtams:_skal ldan bu la dbang bskur bas:_yon tan ma lus rdzogs par shog:_nye snying mthar/_oM ka la sha a b+hi Shiny+tsa oM:_zhes bum pa spyi bor bzhag cing bum chu myang*/_de ltar thun mong rig pa'i dbang lnga mtha' brten dang bcas pas smin par byas pas/_lus kyi nang thams cad ye shes kyi bdud rtsis gang*/_dri ma bag chags dang bcas pa dag_/thob bya dkyil 'khor gyi bdag po'i go 'phang mngon du gyur par mos zhing skur gsal/_de dang rjes 'brel nang nus pa'i dbang ni/_dkyil 'khor gyi lha tshogs rnams las rang 'dra'i sku gnyis pa spros nas/_rang gi spyi bor thim pas ye shes phyag rgya'i sku yi byin rlabs rgyud la zhugs par mos/_lha so so'i tsakli rim par thogs te/_hU~M:_de bzhin gshegs pa thams cad kyi:_rdo rje mi phyed gsum gyi bdag:_rigs kyi gtso bo bcom ldan 'das:_rnam par 'joms pas dbang bskur ro:_oM badz+ra bid swA hA kA ya a b+hi Shiny+tsa oM/_hU~M/_ye shes dag pa'i phyag rgya'i gzugs/_/rdo rje gsang ba kun gyi bdag_/de bzhin gshegs pa rigs mchog bzhis/_/skal ldan bu la dbang bskur ro/_/oM trA~M hrIHA a b+hi Shiny+tsa oM/_hU~M/_rdo rje'i ye shes 'bar ba'i sku/_/phyogs bcu'i gdon 'dul khro bo bcu/_/bcom ldan srung ba chen po yis/_/skal ldan bu la dbang bskur ro/_/hU~M hU~M hU~M hU~M hU~M hU~M hU~M hU~M hU~M hU~M a b+hi Shiny+tsa oMH_hU~M/_'bar ba'i ye shes gtum po che/_/las kun sgrub la thogs pa med/_/sgo srung khro rgyal rnam bzhi yis/_/skal ldan bu la dbang bskur ro/_/dza hU~M ba~M hoH_a b+hi Shiny+tsa oM:_dkyil 'khor gyi gtso bo'i thugs kar ye shes sems dpa' rdo rje sems dpa'i thugs dbus zla ba la gnas pa'i hU~M yig gi mthar gzungs sngags kyi phreng ba g.yas skor du sbrul 'khyil ba ltar gnas pa las sngags phreng gnyis pa zhig nar gyis byung*/_zhal nas thon rang gi khar zhugs/_snying gar ye shes sems dpa'i thugs srog hU~M gi mthar 'khod par mos la gzungs ring 'bring thung gsum rjes/_dzaHshan+tiM ku ru hU~M:_hU~M puSh+TiM ku ru oM:_ba~M wA shaM ku ru ho:_hoHma ra ya phaTa?:_ces btags pa lan gsum bzla'o/_/dkyil 'khor pa'i thugs ye shes kyi dgongs pa snang stong sgyu ma lta bu'i don dpe me long nang gi gzugs brnyan gyis mtshon par mos la/_me long la gtso sku shar ba bstan te/_hU~M:_ye shes rnam pa thams cad pa:_ma 'gag rol pa cir yang shar:_snang yang zhen med brda 'di yis:_don gyi gnas lugs shes par gyis:_d+harma d+hA tu a a aH_de dag gis bum pa'i dbang bskur mtha' rten dang bcas pa thob/_bskyed rim dbyibs kyi rnal 'byor sgom pa la dbang*/_lus kyi sgrib pa dag_/sprul sku thob pa'i skal ba can du byas pa yin no/_/gsang dbang ni/_yab yum mnyam par sbyor ba'i byang chub sems kyi bdud rtsi lce thog tu bzhag pas bde stong rnam par mi rtog pa'i ye shes mngon du gyur par mos la/_hU~M:_bde stong rol pa'i byang chub sems:_'di ni sangs rgyas thams cad kyi:_gnyis med mnyam pa'i ye shes rgyun:_gtsang dme med par rol bar gyis:_a ho ma hA su kha hoH_zhes bdud rtsi myangs pas rtsa thams cad bdud rtsis gang*/_dug gsum gyi rnam rtog 'gags/_bde ba'i ye shes skyes par bsam/_des gsang ba'i dbang bskur ba thob/_bdag byin brlab pa'i ye shes sgom pa la dbang*/_rlung gi sgrib pa dag_/longs sku thob pa'i skal ba can du byas pa'o/_/sher dbang ni/_dkyil 'khor pa'i thugs ka nas rig ma gzugs dang lang tshos brgyan pa byon nas rang la 'khyud par mos la/_rig tsaka dang dril bu lag g.yon du thogs la/_hU~M:_ye shes rnam pa thams cad pa:_dpe yi thabs kyis mngon byed pa'i:_bcu drug dga' sbyin sgyu ma che:_sgyu ma'i rol pas spyod cig bu:_oM AHhU~M pad+ma b+hany+dza mo k+Sha ho:_zhes 'du shes gsum ldan gyis rig ma dang mnyam par sbyar bas dga' ba bzhi'i rim pas lhan skyes kyis bde ba brtan par bsam la/_oM sarba ta thA ga ta ma hA a nu rA ga Na dz+nyA na badz+ra swa b+hA wa At+ma ko\u0f85haM/_zhes brjod cing 'khyud rgya bya/_des shes rab ye shes kyi dbang bskur ba thob/_gzhan lus phyag rgya'i rnal 'byor sgom pa la dbang*/_thig le'i sgrib pa dag_/chos sku thob pa'i skal ba can du byas pa yin no/_/tshig dbang ni/_sems dus gsum gyi rtog pas ma bslad pa chos nyid gnyug ma'i ngang du mnyam par bzhag la/_hU~M:_stong gsal rig pa ye shes sems:_kun khyab rdo rje'i khams chen po:_rang rig thig le gnyis med pas:_chos dbyings gnas lugs rtog par gyis:_d+harma d+hA tu a a a:_des dbang bzhi pa thob/_lam zung 'jug sgom pa la dbang*/_'pho ba'i sgrib pa dag_/ngo bo nyid sku thob pa'i skal ba can du byas pa'o/_/de dag gis dbang bzhi yongs su rdzogs pa thob pas rang nyid bdag po chen po'i go 'phang brnyes te snang stong sgyu 'phrul drwa ba dkyil 'khor gyi gtso bo rdo rje rnam par 'joms pa'i skur gsal ba la gsang sngags kyi phyag rgya'i dam tshig gi nang nas mchog tu gyur pa rdo rje dang dril bu gsang ba gsum gyi dkyil 'khor ma lus pa'i bdag nyid 'di lag tu gtad pa tsam gyis rnam pa thams cad mkhyen pa'i sa bon thebs/_sangs rgyas thams cad kyi mes po dkyil 'khor rgya mtsho'i khyab bdag tu gyur pas/_dbang bskur/_rgyud 'chad/_slob ma bsdu ba la sogs pa'i las byed pa la dbang bar mos/_rdo rje lag g.yas su thogs la/_hU~M:_rdo rje yang dag ye shes che:_sangs rgyas kun gyi thugs nyid de:_de ring bu la byin pa yis:_khyod kyang rdo rje'i thugs 'grub shog:_oM badz+ra hU~M:_zhes snying gar gsor/_dril bu lag g.yon du thogs la/_hU~M:_dril bu stong pa'i sgra sgrog pa:_chos kun de nyid rjes su mtshon:_sangs rgyas gsung gis dbang bskur bas:_rdo rje'i gsung mchog 'grub par shog:_oM g+haN+De hU~M:gis dkrol te dku g.yon du gtad/_hU~M:_bde chen mi 'gyur rdo rje sems:_shes rab yum dang gnyis su med:_rtag tu phyag rgya dgyes rol ba'i:_sangs rgyas sku dang gnyis med shog:_oM sarba ta thA ga ta ma hA a nu rA ga Na dz+nyA na badz+ra swa b+hA wa at+ma ko\u0f85haM:_zhes lag gnyis pad kor dang 'khyud rgyas rdor dril thugs kar bsnol/_mnga' gsol gyi chas thogs la/_oM:_khyod ni nges par rdo rje sems:_chos kyi rgyal por dbang bskur bas:_don rnams thams cad sgrub pa dang:_rdo rje slob ma'i tshogs sdus shig:_sa ma ya a b+hi Shiny+tsa hU~M:_zhes dang*/_de nas rjes kyi dam tshig khas blang ba ni/_gtso bos ji ltar sogs bya/_deng nas brtsams te sogs kyis lus 'bul dang*/_gtang rag maN+Dal yang byas pas grub pa'o/_/gnyis pa gzhan la dbang bskur gyi tshe de ltar rgyas par mi nus na bsdus te rig pa'i me tog dor ba ni/_gong gi nang sgrub skabs ltar bya'o/__/gzhan yang sgrub thabs 'di la brten pa'i khrus kyi cho ga bya na/_stegs gtsang mar rdul tshon nam ras bris kyi pad+ma 'dab brgyad bris pa'i dbus su bum pa bkod/_gong gtor dang mchod gtor cha gsum dang bcas pa bshams pa'i mtha' nyer spyod kyis bskor la/_bdag mdun bum pa 'das ma 'das kyi gtor chog bum lha 'od zhu'i bar sgrub thabs ltar bya ba las phan yon brjod pa dor la/_sbyong ba sngon du 'gro bas bkru byab srung ba'i rim pa rnams khrus chog gzhan dang mtshungs par bya zhing*/_gong gi phan yon 'dir brjod/_rjes su shis pa brjod pas dge legs rgya cher spel bar bya'o/__/gsum pa rjes la lnga las/_dang po mchod bstod ni/_sngags tsam gyis mchod cing*/_de bzhin gshegs pa sogs kyis bstod/_gnyis pa nongs bshags ni/_ma rnyed yongs su ma tshang sogs yi ge brgya pa lan gsum gyis nongs pa bshags/_gsum pa bsdu ldang ni/_bdag nyid lhar gsal ba 'od gsal gyi ngang du thim/_slar yang las kyi khro bo'i skur langs la spyod lam bskyang ngo*/__/bzhi pa bsngo smon ni/_dge ba 'di yis myur du bdag_/rdo rje rnam 'joms sogs brjod/_lnga pa shis brjod ni/_rgyal ba kun gyi thugs rdo rje/_/khro bo'i skur bzhengs bdud bzhi'i dpung*/_/rnam par 'joms mdzad lhag pa'i lha'i/_/sku gsung thugs kyi bkra shis shog_/ces sogs shis tshig gzhan yang brjod do/_/cho ga dang bzlas pa'i rim pa de lta bus sngags gsum po gang yang rung ba gcig 'bum du bzla ba ni grangs bsnyen dang*/_lha la mthong reg gi mtshan ma dang yi dam gyi rten bzhad pa mthong ba sogs ni rtags kyi bsnyen pa'o/__/bzhi pa yang gsang rigs brgya'i dkyil 'khor ltar sgrub pa la sngon dngos rjes gsum las/_dang po sngon 'gro la bcu bzhi las/_dang po sbyor ba'i chos ni/_gnas khang rgyan gyis spras pa'i gung du dkyil 'khor gzhung gsal ltar ram tshom bu lha grangs bkod pa dang*/_sman raka gtor ma nyer spyod kyi mchod pa dang tshogs chad brtan srung ma'i gtor ma dkar bgegs bcas 'du byas la/_bdag 'jug dang sbrel na de'i yo byad thams cad bsags shing*/_rang nyid bde ba'i stan la 'khod nas nges 'byung dang snying rje'i blo dang bcas pas/_gnyis pa bsang chu sgrub pa ni/_brgyud 'debs sngon du 'gro bas/_badz+ra ma hA shrI he ru ko\u0f85haM/_rang nyid skad cig gis rdo rje he ru ka sku mdog sngon po khro bo'i chas can rdo rje dang dung khrag 'dzin pa'i skur gyur par bsam la/_de'i thugs ka nas ra~M ya~M kha~M 'phros pas ma dag pa'i dngos 'dzin thams cad bsregs gtor sbyangs/_stong pa'i ngang las bsang chu'i steng du/_ma sUraya maN+Da la/_nyi ma la gnas pa'i hU~M yig dmar po/_s+pha ra Na phaTa?/_saM ha ra Na hU~M:_'phro 'dus yongs su gyur pa las/_oM badz+ra ma hA kro d+hI shwa rI hU~M phaTa?/_khro mo dbyings phyug ma dmar mo dril bu dang b+han dmar 'dzin pa'i skur gyur par bsam zhing*/_rdo rje rtse gcig pa'i phyag rgyas reg la/_oM ma hA kro d+hI shwa rI sarba dra byaM sho d+ha ya oM AHhU~M hrIHThA/_zhes brgya rtsa brgyad kyis byin gyis brlabs pas/_khro mo dbyings phyug ma'i rang bzhin gyi chu'i rdul phra rab tu gyur par bsam/_oM ma hA kro d+hI shwa rI sarba dra byaM sho d+ha ya hU~M phaTa?/_zhes bdag gnas yo byad thams cad la bsangs gtor bya zhing*/_thog mtha' kun tu bsangs gtor gyi bya ba thams cad 'dis bya'o/_/gsum pa dkar phyogs la gtor ma bsngo ba ni/_ra~M ya~M kha~M/_stong pa'i ngang las b+h+rU~M las rin po che'i snod yangs shing rgya che ba'i nang du gtor ma kha dog dri ro nus pa phun sum tshogs par gyur/_oM AHhU~M lan gsum/_b+hU mi pa ti sa pa ri wA ra badz+ra sa mA dzaHsa mgron spyan drangs/_s+tha na lo ka pA lany+tsa na maHsarba sogs/_g+hr-i h+na daM ba liM ta swA hA/_lan gsum gyis gtor ma phul/_gang dag 'dir gnas lha dang klu/_/gnod sbyin srin po'am gzhan dag la/_/dkyil 'khor don du sa phyogs 'di/_/bdag zhu khyed kyis bstsal du gsol/_/b+hU mi pa ti sa pa ri wA ra gats+tsha/_zhes brjod cing gtor ma dang gser skyems phyi rol du phul/_bzhi pa skyabs su 'gro ba ni/_rang nyid lhar gsal ba'i thugs ka'i 'od kyis bskul te bla ma rgyal ba zhi khro'i lha tshogs thams cad mdun gyi nam mkhar mngon sum bzhin du bzhugs pa'i spyan sngar bdag sogs sems can thams cad sgo gsum 'jug pa gcig tu dril nas yid ches dang dad pa rtse gcig pas skyabs su 'gro bar gyur/_na mo:_bde chen 'od gsal byang chub sems:_dkyil 'khor kun gyi khyab bdag che:_bla ma rdo rje sems dpa' ni:_rang gis rig pas skyabs su mchi:_lan gsum/_lnga pa sems bskyed pa ni/_mkha' khyab kyi sems can thams cad srid zhi'i mtha' gnyis la mi gnas pa'i zung 'jug bde ba chen po bla ma rgyal ba zhi khro rab 'byams kyi go 'phang la dgod par bya de'i ched du rdo rje'i rnal 'byor zab mo'i ting 'dzin la 'jug par bgyi'o snyam pas/_hoH_nam mkha' mnyam pa'i sems can rnams:_ye nas sangs rgyas sku dang zhing:_ma rtogs srid las bsgral ba'i phyir:_gnas lugs rdo rje'i sems mchog bskyed:_lan gsum/_drug pa tshogs bsags yan lag bdun pa ni/_hoH_chos dbyings dang mnyam rtsa gsum lha:_mngon sum rig pas phyag 'tshal lo:_snang srid kun bzang rol pas mchod:_blos byas yid dpyod sdig ltung bshags:_zag med chos la rjes yi rang:_zab rgyas nges don chos 'khor bskor:_mya ngan mi 'dar rtag bzhugs gsol:_byang chub chen po'i dbyings su bsngo:_bde chen rdo rje sems 'grub shog:_lan gsum/_bdun pa bgegs la bka' bsgo ba ni/_bgegs gtor chab kyis bran la/_ra~M ya~M kha~M/_yid mthun snod du gtor ma ni/_/khaM las 'dod yon rgya mtshor gyur/_/oM AHhU~M ha ho hrIH_lan gsum/_sarba b+hU ta a kar+Sha ya dzaHzhes lcags kyu'i phyag rgyas mgron dgug_/oM sarba big+h+nAn na maHsarba ta thA ga ta sogs nas/_g+hr-i h+na daM ba liM ta swA hA/_lan gsum gyis gtor ma bsngos la/_bka' bsgo ba dngos ni/_hU~M:_nga ni rang byung he ru ka:_badz+ra kro d+ha dpal chen po:_bka' las 'da' nus su yang med:_'di ru rdo rje'i dkyil 'khor sgrub:_khyed rnams blta nyan mi dbang bas:_skye med dbyings kyi klong du dengs:_bsgo ba'i bka' las 'das gyur na:_ye shes rdo rje 'bar ba yis:_rdul du brlag par gdon mi za:_hU~M hU~M hU~M:_big+h+nAn uShatsa Ta ya phaT:_hU~M bzhi'i sngags dang yungs thun gyis gzir la gu gul bdug go_/brgyad pa srung 'khor ni/_hU~M:_snang srid ye shes lha yi dal:_gzhom med rdo rje'i srung ba'i gur:_'bar ba'i khro rgyal dkyil 'khor bcas:_dbyings las byung zhing lhun gyis grub:_chos nyid bde ba chen po'i klong:_nam yang 'du 'bral med par bzhugs:_oM dz+nyA na badz+ra rak+Sha hU~M b+h+rU~M:_dgu pa brda sgo dbye ba ni/_hoH_snang srid rnam dag rdo rje sems:_bde chen rang snang zhing khams cher:_dag pa tshad med thugs rje'i sgo:_ye shes phyag rgya bzhis dbye'o:_b+h+rU~M pra be sha ya phaTa?:_bcu pa brda phyag ni/_hU~M:_rang byung gsang ba'i ye shes dbyings:_ye nas rnam dag dkyil 'khor lha:_rang snang tsam du shes pa'i blos:_gnyis su med pa'i ngo bor 'dud:_na mo na ma mi:_bcu gcig pa bshags pa ni/_ye shes sku mchog sngon du 'gro bas/_hoH_gdod ma'i ye shes 'khor lo che:_mngon du ma gyur sgo gsum gyis:_'gal 'khrul nyes par spyod pa'i nongs:_dngos grub sgrib pa'i rgyu kun bshags:_dag tshangs chen por sor chud nas:_sgrib med tshangs pa'i zhal ston cig:_sa ma ya shud+d+he AH_yig brgya brjod/_bcu gnyis pa dam bca' ba ni/_rdo rje rtse gcig pa'i rgya bcas/_hU~M:_bla med byang chub rdo rje'i sems:_dkyil 'khor bdag po rang la bzhugs:_rang ngo shes pa snying po'i bar:_srog phyir bsgrub par dam bca'o:_sa ma ya s+t+wa~M:_bcu gsum pa byin dbab pa ni/_spos rol dang dar sna g.yab cing gzi byin bskyed la/_oM AHhU~M:_a la la hoH_b+ha ga wan:_sa ma ya hoH_sa ma ya s+t+wa~M:_chos dbyings dang mnyam sangs rgyas kun:_ye shes sgyu 'phrul drwa bar bzhengs:_bde chen 'khor lo bsam yas pa:_nam mkha' mnyam pa'i spro bsdu yis:_'phags mchog thugs rje'i dus la bab:_khyad par bstan pa'i dus la bab:_mthu rtsal dbyung ba'i dus la bab:_dbang mchog bskur ba'i dus la bab:_dngos grub stsol ba'i dus la bab:_byin gyis brlab pa'i dus la bab:_mthu chen bdud 'dul bcom ldan 'das:_byin chen byin phob bcom ldan 'das:_dbang chen dbang bskur bcom ldan 'das:_dngos grub mchog stsol bcom ldan 'das:_bdag cag las 'bras mchis par mdzod:_oM ma hA su kha badz+ra satwa dz+nyA na maN+Da la a be sha ya a aH_hrIM hrIM:_phaiM phaiM:_hU~M hU~M hU~M:_sa ma ya hoH_bcu bzhi pa mchod pa byin rlabs ni mchod rdzas bsangs gtor byas la/_phyi mchod ni/_oM AHhU~M:_snang srid rnam dag 'og min zhing:_bkod pa tshad med yon tan rdzogs:_rdzas rnams kun bzang mchod pa'i sprin:_bde chen longs spyod chen por gyur:_oM sarba pU dza AHhU~M:_oM badz+ra ar+g+haM AHhU~M:nas/_shab+da'i bar dang*/_nang mchod ni/_hU~M hrIH_dbyings kyi ngo bo ka pA lar:_rig pa bla med dam tshig rdzas:_sman gtor rak+ta'i tshogs chen po:_mchog gi mchod pa bsam yas shar:_oM sarba pany+tsa a mr-i ta AHhU~M:_oM ma hA ba ling+ta AHhU~M:_oM rak+ta rA ga AHhU~M:_oM ma hA su kha AHhU~M:_sngags rnams lan gsum re brjod/_gnyis pa dngos gzhi la/_rten gyi dkyil 'khor sgrub pa dang*/_bdag nyid 'jug pa'i cho ga bya ba'o/_/

dang po la gsum las/_dang po rten dam tshig gi dkyil 'khor bskyed cing byin rlabs dbang bskur ba ni/_oM ma hA shU n+ya tA dz+nyA na badz+ra swa b+hA wa at+ma ko\u0f85haM:_chos kun skye 'gag gnas dmigs dang:_'gro 'ong bral ba'i dbyings kyi ngang:_rol pa thugs rje'i cho 'phrul ni:_mkha' mnyam 'gro la khyab par brdal:_gnyis med sems kyi yi ge ni:_hU~M yig mkha' la zla ba bzhin:_'od kyis snod bcud zhen 'dzin sbyangs:_stong gsal ngang las snod bcud kun:_rnam dag ye shes rol pa las:_mi shigs rdo rje srung ba'i gur:_gzhom gzhig bral bar lhun gyis grub:_nang du 'byung lnga ri rab dang:_pad+ma nyi ma'i dkyil 'khor steng:_sna tshogs rdo rje'i lte ba ru:_ye shes rin chen gzhal med khang:_gru bzhi sgo bzhi tshad dang ldan:_rtsig pa rim lnga phyogs kyi mdog:_pha gu drwa phyed 'phyang ba yi:_mda' yab rdo rje'i gdung gis btegs:_pu shu 'phan gdugs ba dan 'phyar:_dbus phyur ye shes rin chen tog:_rdo rje 'bar ba'i gtsug tor can:_gru chad 'khor lo rtsibs bzhi pa'i:_lte bar sna tshogs pad+ma'i dbus:_mi 'jigs seng khri pad+ma yi:_gdan steng zla ba nya gang bar:_sa bon hU~M bab de nyid las:_spro bsdus don gnyis sgrub pa'i mod:_ye shes rdo rje rtse lnga pa'i:_lte bar hU~M mtshan yongs gyur las:_dang po'i sangs rgyas rol pa'i sku:_rigs kun khyab bdag rdo rje sems:_nam mkha' lta bu'i chos nyid ni:_rig pa ye shes phyag rgya'i gzugs:_dri med zla ba rgyas pa'i mdog:_zhi tshul dgu dang mtshan dper ldan:_bzung bas mi zin chu zla 'dra:_rin chen rgyan dang dar gyis mdzes:_phyag gnyis rdo rje dril bu 'dzin:_rdo rje'i skyil krung dang bcas te:_mkha' khyab 'od zer klong na bzhugs:_pang du rdo rje snyems ma dkar:_gzhon nu me tog rus rgyan can:_dkar gsal gri thod 'dzin pa yi:_zhabs gnyis yab kyi sked la 'khril:_snang stong gnyis med dag pa che'i:_sku yis zhing kun khyab par gsal:_sbyor mtshams 'od dang bde ba'i sgras:_sangs rgyas sras bcas spyan drangs nas:_zhal zhugs byang chub sems zhu ba'i:_dwangs ma'i 'od zer oM dkar dang:_trA~M ser hrI dmar A ljang gi:_thig le 'phros pa phyogs bzhir bab:_yongs gyur rgyal ba rtag pa dang:_rin chen nyi ma gar dbang rta:_rmad byung rdo rje sems kyi dngos:_mthing ser dmar ljang yum dang sbyor:_glang chen rta dang rma bya dang:_shang shang khri la dgyes par bzhugs:_gtso bo'i phyogs bzhir bde gshegs dang:_rin chen pad+ma las rab kyi:_rdo rje sems dpa' rigs bzhis bskor:_phyogs kyi rigs bzhi'i phyogs bzhi ru:_rdo rje sems dang rdo rje rgyal:_rdo rje chags pa rdo rje legs:_mthing sngon 'khor lo dril 'dzin pa:_yum dang bcas pas rtag par bskor:_rdo rje rin chen gzi brjid dang:_rdo rje rgyal mtshan rdo rje bzhad:_gser mdog rin chen dril 'dzin yum:_sbyor ba nyi ma'i phyogs bzhir bzhugs:_rdo rje chos dang rdo rje rnon:_rdo rje rgyu dang smra ba dmar:_yum bcas pad+ma dril 'dzin pas:_gar gyi dbang phyug phyogs bzhir bskor:_rdo rje las dang srung ba che:_gnod sbyin rdo rje khu tshur ljang:_rgya gram dril 'dzin yum bcas pas:_don yod rta yi rgyal por bskor:_kun kyang zhi tshul sems dpa'i chas:_phyed pa'i skyil krung pad zlar bzhugs:_sgo bzhir rnam rgyal gshin rje'i gshed:_rta mchog bdud rtsi 'khyil ba rnams:_khro bo'i chas rdzogs rdo rje dang:_dung khrag 'dzin pa sbyor ba'i yum:_phyag rgya bzhi bsnams khro mo ste:_me dbus pad nyi ro steng bzhengs:_gzhan yang rtsa brgyud bla ma dang:_yi dam zhi khro mkha' 'gro'i tshogs:_rdo rje'i chos srung dang bcas pa:_dngos gcig du ma'i ye shes ni:_sgyu 'phrul drwa ba'i spro bsdu yis:_snang stong rol pa chen por shar:_phyi snod rdo rje'i maN+Da la:_nang bcud bde chen ye shes lha:_gdod nas 'du 'bral med pa yi:_dkyil 'khor gcig tu ma bcos shar:_de nas byin gyis brlab pa ni/_de ltar yongs su gsal bar gyur pa'i spyi bor oM dkar po/_mgrin par AHdmar po/_thugs kar hU~M sngon po rnams kyis mtshan pa las de bzhin gshegs pa thams cad kyi rdo rje gsum gyi ngo bor gyur/_dbang bskur ba ni/_rigs lnga'i rgya mgo bo'i gnas lngar 'jog cing*/_oM ma hA shU n+ya tA dz+nyA na a b+hi Shiny+tsa oM/_oM ma hA A dar+sha dz+nyA na a b+hi Shiny+tsa hU~M/_oM ma hA sa ma tA dz+nyA na a b+hi Shiny+tsa swA/_oM ma hA pra t+ya bek+Sha Na dz+nyA na a b+hi Shiny+tsa AM/_oM ma hA kr-i t+ya nuSh+Tha na dz+nyA na a b+hi Shiny+tsa hA/_zhes rigs lnga yab yum rjes chags kyi sbyor bas zhu ba'i ye shes lnga'i chu rgyun mgo bo'i gnas lngar babs te dbang bskur bas dri ma thams cad sbyangs/_phung po lnga gnas gyur/_chu'i lhag ma gyen du lud pa las de bzhin gshegs pa rigs lngas dbu brgyan/_ye shes lnga mngon du gyur pa'i nga rgyal bya'o/__/gnyis pa las kyi rim pa'i ting nge 'dzin la lnga las/_dang po brten pa ye shes kyi 'khor lo spyan drangs pa ni/_hrIH_phyogs dus rgyal ba sras bcas kyi:_snying rje chen po'i ye shes sku:_zhi khro rab 'byams dkyil 'khor lha:_gnas 'dir spyan 'dren gshegs su gsol:_lus la sku yi byin gyis rlobs:_ngag la sngags kyi byin chen phob:_yid la ye shes dbang mchog skur:_dngos grub ma lus bstsal du gsol:_oM sarba ta thA ga ta maN+Da la e h+ye hiH_sa ma ya s+t+wa~M:_sa ma ya hoH_e A ral+li hrIM hrIM dzaH_gnyis pa bzhugs su gsol ba ni/_hU~M:_rang byung sprul pa'i dkyil 'khor 'dir:_dbyings nas spyan drangs ye shes pa:_dam tshig 'khor lor dbyer med bzhugs:_mchog thun dngos grub char ltar phob:_sarba sa ma ya maN+Da la dz+nyA na badz+ra dzaHhU~M ba~M hoH_tiSh+Tha sa ma ya s+t+wa~M:_gsum pa gus phyag 'tshal ba ni/_na mo:_skye med chos sku'i ngang nyid las:_bde chen longs spyod rdzogs skur bzhengs:_gang 'dul sprul pa'i sprin phung 'phro:_dkyil 'khor lha la phyag 'tshal lo:_a ti pU hoH_pra tIts+tsha ho:_bzhi pa mchod pa 'bul ba la drug las/_dang po kun bzang mchod sprin ni/_oM:_kun tu bzang po'i smon lam las:_ye shes rnam pa thams cad pa:_mchod pa'i sprin chen cir yang shar:_rdo rje'i longs spyod mchog tu rol:_oM na maHsarba ta thA ga ta b+h+yo bi shwa mu khe b+h+yaHsarba thA khaM utag te s+pha ra Na i maM ga ga na kha~M swA hAH_gnyis pa phyag zhabs bdud rtsi'i chus bsil ba ni/_oM:_dri med yid du 'ong ba yi:_byang chub dam pa'i bdud rtsi'i chus:_phyag dang zhabs ni bsil nas kyang:_rdo rje'i gdan la dgyes par bzhugs:_na maHsa man+ta bud+d+hA nA~M ga ga na khaM sa ma ye swA hA:_gsum pa phyag rgya gar gyis thugs dam bskul ba ni/_oM hU~M:_phyag rgya chen po'i dkyil 'khor par:_dam tshig phyag rgya'i brdas mtshon te:_chos dang las kyi phyag rgya yis:_dgyes pa'i byin bskyed thugs dam bskul:_sa ma ya hoH_sa ma ya s+t+wa~M:_sarba mu dra dz+nyA na gIrti pU dza hoH_bzhi pa thun mong nyer spyod kyis mchod pa ni/_oM:_spos kyi sprin lding me tog char chen 'bebs:_snang gsal gzi 'bar dri chab 'thor yab sbreng:_bza' bca' btung ba'i zhal zas tshogs rnams dang:_snyan 'gyur rol mo'i sgra yis kun tu mchod:_oM shrI badz+ra rA ga d+hU pe hU~M:_puSh+pe trA~M:_a lo ke hrIH_gan+d+he gan:_nai wi d+ya AH_shab+da sarba pU dza hoH_lnga pa khyad par sman gtor rak+tas mchod pa ni/_oM:_don gyi bdud rtsi rtags su rigs lngar snang:_sha lnga bdud rtsi rtsa ba yan lag rdzas:_chos kyi bdud rtsir bsgrubs pa'i byin rlabs bcud:_gti mug rdo rje'i dam tshig mchog tu rol:_ma hA pany+tsa a mr-i ta kha ra~M khA hi:_sman gyi brgyud mchod ni/_khyab bdag kun bzang rigs lnga che ba'i mchog_/rigs gsum sems dpa' skal ldan rgyal po dza/_/sangs rgyas gsang ba sgeg rdor bi ma lar/_/sman mchod 'bul lo dbang dang dngos grub stsol/_/ma hA pany+tsa a mr-i ta kha raM khA hi/_rgyal kun 'dus zhal pad+ma saM b+ha wa/_/gnyags chen dz+nyA na rje 'bangs grogs gsum dang*/_/pad+ma 'od gsal mdo sngags gling pa la/_/sman mchod 'bul lo dbang dang dngos grub stsol/_/ma hA pany+tsa a mr-i ta kha raM khA hi/_zab gter bka' bab nam mkha' 'od gsal dang*/_/'jam mgon bla ma chos kyi blo gros zhabs/_/las can chos bdag rtsa brgyud bla ma la/_/sman mchod 'bul lo dbang dang dngos grub stsol/_/ma hA pany+tsa a mr-i ta kha raM khA hi/_bde gshegs zhi khro dam pa rigs brgya'i lha/_/gdan gsum rnam dag rdo rje dbyings chen po'i/_/dkyil 'khor lha tshogs mkha' 'gro srung mar bcas/_/sman mchod 'bul lo dbang dang dngos grub stsol/_/ma hA pany+tsa a mr-i ta kha raM khA hi:_zhes bdud rtsi'i thig gtor 'bul/_lhag ma dngos grub tu blangs la/_kA ya sid+d+hi oM/_wA ka sid+d+hi AH_tsit+ta sid+d+hi hU~M/_a ho ma hA su kha hoH_zhes bdud rtsi gnas gsum du reg cing myong*/_AH_snang ba snod kyi 'jig rten gtor gzhong du:_srid pa bcud kyi sems can gtor mar bshams:_ro bcud nus pa phun tshogs 'dod yon gter:_zhe sdang rdo rje'i dam tshig mchog tu rol:_ma hA ba liM ta kha raM khA hi:_hU~M:_khams gsum bsgral ba'i rak+ta rgya mtshor bskyil:_gIrti'i dbyings las drangs pa'i khrag gi rgyun:_'khor 'das dbyer med chen por mnyam sbyar ba:_'dod chags rdo rje'i dam tshig mchog tu rol:_ma hA rak+ta kha raM khA hi:_drug pa sbyor sgrol zung 'jug mchod pa ni/_hoH_bde chen phyag rgya'i ye shes la sbyor bas:_gzung 'dzin rtog tshogs 'od gsal dbyings su bsgral:_zung 'jug dbyings rig dbyer med rdzogs pa che:_chos nyid don gyi mchod pa chen por bzhes:_ta na ga Na ma hA su kha d+harma d+hA tu pU dza hoH_lnga pa bstod pa ni/_oM:_ye shes rnam pa thams cad pa:_gang 'dul gzugs kyi sku ru shar:_tha mal snang zhen sbyong mdzad pa'i:_rdo rje'i sku la phyag 'tshal bstod:_AH_ye shes 'gag pa med pa'i rtsal:_mi shigs na dA'i dbyangs su sgrog:_brtan g.yo'i sgra skad zil gyis mnan:_rdo rje'i gsung la phyag 'tshal bstod:_hU~M:_ye shes thig le gcig tu 'khyil:_mkhyen brtse'i rol pa bsam mi khyab:_gnyis snang rtog pa rang sar grol:_rdo rje'i thugs la phyag 'tshal bstod:_swA:_ye shes rmad du byung ba'i rgyan:_bum bzang dpag bsam ljon shing ltar:_gdul bya'i 'dod pa yid bzhin stsol:_yon tan rdo rjer phyag 'tshal bstod:_hA:_ye shes thogs pa med pa'i rtsal:_tshar gcod rjes 'dzin phan 'dogs pa'i:_sgyu 'phrul nyams brgya cir yang ston:_phrin las rdo rjer phyag 'tshal bstod:_ho:_ye shes kun gyi khyab bdag che:_sku gsung thugs yon phrin las ston:_gcig dang du ma'i mtha' las 'das:_'od gsal rdo rjer phyag 'tshal bstod:_ye shes drug gi rdo rje'i glus:_dkyil 'khor lha tshogs bstod pa yi:_bsod nams ye shes bla med pas:_dngos grub rnam gnyis thob gyur cig:_gsum pa bzlas pa la lnga las/_dang po dzapa kyi gzhi dzapa khang dbye ba ni/_oM A li kA li dz+nyA na satwa kro d+ha mu na ye swA hAH_b+h+rU~M bi shwa bi shud+d+he dz+nyA na tsakra maN+Da la phaTa? dzaH_bdag nyid rtsa ba'i dkyil 'khor las ye shes dkyil 'khor gnyis pa zhig mdun du phye nas me ri 'dabs 'byor gyi tshul du bzhugs par gyur/_gnyis pa bsnyen pa ni/_thugs kar badz+ra he ru ka:_mthing nag rdo rje dung khrag 'dzin:_pad nyir bzhengs stabs yum dang sbyor:_thugs dbus rin chen zur brgyad pa'i:_lte bar rdo rje'i dbus hU~M mthing:_sngags phreng lu gu rgyud kyis bskor/_/'od zer phar 'phros rgyal ba mchod/_/byin rlabs dngos grub rang la thim/_/snang ba sku la grags pa gsung*/_/dran rtog thugs su byin gyis brlabs/_/snod bcud rang byung dkyil 'khor lha'i/_/ye shes rol pa'i ngang nas bzla/_/oM ma hA su kha badz+ra satwa dzaHhU~M ba~M ho su ra ta s+t+wa~M:_gsum pa sgrub pa ni/_thugs dbus sems dpa' sum brtsegs kyi/_/srog snying yi ge hU~M yig las/_/sngags kyi phreng ba bar med byung:_yab yum zhal dang mkha' gsang 'khor:_bzod med bde chen 'bar ba'i gzis:_snang srid phyag rgya'i dkyil 'khor sad:_lha sngags ye shes chen po ni:_mchog tu mi 'gyur bde chen gyi:_bdag nyid rdo rje sems su shar:_oM bo d+hi tsit+ta ma hA su kha dz+nyA na d+hA tu ru lu ru lu hU~M b+h+yo hU~M:_zhes zhi khro spyi dril gyi sngags bzla/_bzhi pa las sbyor ni/_dkyil 'khor gyi lha tshogs thams cad kyi thugs kar rang 'dra'i ye shes sems dpa' re dang de dag gi thugs kar ting 'dzin sems dpa'i ngo bo so so'i srog gi snying po gsal ba/_bdag gi thugs ka'i 'od zer gyis bskul/_s+pha ra Na phaTa?/_yig 'bru so so las 'od zer dpag tu med pa 'phros/_rgyal ba sras dang bcas pa'i thugs rgyud bskul/_bde stong gi mchod pas dgyes pa bskyed/_saM ha ra Na hU~M/_byin rlabs dang dngos grub thams cad 'od zer gyi rnam par bsdus/_mdun bskyed kyi lha tshogs rnams la thim pas gsal brtan gyi gzi byin 'bar/_zhal nas sngags kyi sgra dang*/_thugs las 'od zer 'phros pas khams gsum thams cad snang bar byas/_ngan song dang 'khor ba'i sdug bsngal gyi rgyu 'bras thams cad sbyang*/_ma dag pa'i brtan g.yo thams cad dag pa'i snod bcud du gnas bsgyur/_dmigs yul gtso bor gyur pa'i lam lnga'i rgyud ldan gyi sems can thams cad kyi glo bur gyi dri ma cha dang bcas pa skad cig la sbyangs nas bde chen gyi sa la bkod par bsam/_oM badz+ra satwa sa ma ya:_ma nu pa la ya:_badz+ra satwa twe no pa:_tiSh+Tha dr-i D+ho me b+ha wa:_su toSh+yo me b+ha wa:_a nu rak+to me b+ha wa:_su poSh+yo me b+ha wa:_sarba sid+d+hi m+me pra yats+tsha:_sarba karma su tsa me:_tsit+taM shri yaM ku ru hU~M:_ha ha ha ha ho:_b+ha ga wan sarba ta thA ga ta badz+ra ma me muny+tsa badz+rI b+ha wa ma hA sa ma ya satwa A:_a su nr-i tri pre duHsarba pa paM kle sha da ha na b+hasmiM ku ru swA hA:_zhes btags pa bzla/_lnga pa bum pa bsgrub na/_phyi bum pa la nang gzhal yas khang du dkyil 'khor gyi lha tshogs bkra lam gyis gsal ba logs su phye nas mdun gyi nam mkhar bzhugs par gyur/_rnam bum gyi gzungs thag la 'jus nas/_bdag gi thugs ka nas sngags kyi phreng ba gzungs thag la 'khril te bum pa'i nang du song*/_lha rnams kyi thugs rgyud bskul/_sku yi cha thams cad nas byang sems bdud rtsi'i rgyun babs pas bum pa gang bar bsam la/_bsnyen sgrub las sngags rnams cung zad bzlas mthar/_oM AHhU~M zhes mchod yon phul bas/_lha thams cad ye shes kyi bdud rtsir zhu ba bum chu dang ro gcig tu gyur par bsam mo/__/mchod bstod mdor bsdus bya/_skabs 'dir bka' gter gyi srung ma'i gsol mchod rgyas bsdus skabs bstun bya'o/__/gnyis pa bdag 'jug gi cho ga bya ba ni/_dbang gis smin par byas te dam tshig gi srung mtshams la gnas pa'i rnal 'byor pas lam dus kyi nyams chag skong zhing ye shes spel ba'i thabs dang spros bcas sgrub mchod sogs kyi skabs su bdag 'jug gi cho ga rgyas par bya ba dang*/_gzhan la dbang bskur ba lta bur spros pa bsdu na rig me dor ba'i tshul gnyis so/__/dang po ni/_rang gi sems nyid rnam par dag pa dkyil 'khor gyi 'khor lor rdzogs pa rtsa ba'i bla ma dang dbyer med du bltas pa dbang len yul dang*/_rnam 'gyur glo bur gyi 'khrul ngo rnam smin bag chags kyi lus slob bu'i tshul du byas la/_dbang gi bya ba rnams gtso bo las dbye ba'i rgyal theb kyis mdzad par mos nas 'jug pa ste/_thog mar las bum gyi chus/_ji ltar bltams pa sogs kyis khrus bya/_hU~M hU~M hU~M bi shwa sogs kyis bgegs bskrad/_maN+Dal phul/_oM AHhU~M gis mig dar 'ching*/_A khaM wi ra hU~M gis me tog blangs te thal mo sbyar la/_'khor lo'i dbang phyug bla ma rje:_dpal ldan rdo rje sems dpa' dgongs:_gsang ba zab mo'i dkyil 'khor du:_'jug cing smin pa'i bka' drin stsol:_lan gsum gyis gsol ba btab/_na mo:_bde chen 'od gsal byang chub sems:_dkyil 'khor kun gyi khyab bdag che:_bla ma rdo rje sems dpa' ni:_rang gis rig pas skyabs su mchi:_lan gsum gyis skyabs 'gro dang*/_hoH_nam mkha' mnyam pa'i sems can rnams:_ye nas sangs rgyas sku dang zhing:_ma rtogs srid las bsgral ba'i phyir:_gnas lugs rdo rje'i sems mchog bskyed:_lan gsum gyis sems bskyed/_hoH_chos dbyings dang mnyam rtsa gsum lha:_mngon sum rig pas phyag 'tshal lo:_snang srid kun bzang rol pas mchod:_blos byas yid dpyod sdig ltung bshags:_zag med chos la rjes yi rang:_zab rgyas nges don chos 'khor bskor:_mya ngan mi 'dar rtag bzhugs gsol:_byang chub chen po'i dbyings su bsngo:_bde chen rdo rje sems 'grub shog:_lan gsum gyis tshogs bsags/_oM/_bde bar gshegs pa khyed ci 'dra/_/de 'dra kho nar bdag gyur cig_/spyod pa rmad byung bsam yas pa/_/'gro la phan phyir bdag gis spyod/_/byang chub sems mchog dam pa dang*/_/sku gsung thugs kyi phyag rgya 'di/_/srog gi phyir yang mi gtong na/_/rdo rje rgyal pos byin rlobs mdzod/_/lan gsum gyis sdom pa bzung*/_'di ni khyod kyi dmyal ba'i chu:_dam tshig 'das na sreg par byed:_dam tshig bsrungs na dngos grub thob:_rdo rje bdud rtsi'i chu 'thung zhig:_zhes dam chu myang*/_de nas ye shes dbab pa ni sgo gsum gyi gnad legs par gcun la dmigs pa 'di ltar/_oM ma hA shU n+ya tA sogs/_gzung 'dzin tha mal gyi snang zhen thams cad 'od gsal stong pa nyid kyi ngang du thim/_de las dag pa'i snang cha 'og min stug po bkod pa'i zhing dbyibs dang rgyan bkod tshad med pa'i dbus su seng khri pad zla'i steng du rang gi rig pa'i ngo bo/_rdo rje dkar po rtse lnga'i lte bar hU~M yig dkar pos mtshan par gyur/_'phro 'dus yongs su gyur pa las rigs thams cad kyi khyab bdag bcom ldan 'das dpal rdo rje sems dpa' sku mdog dkar gsal zhi ba'i nyams dgu dang mtshan dpe rdzogs shing rin po che'i rgyan gyis mdzes par spras pa yum snyems ma dkar mo dang mnyam par sbyor ba/_bde stong gnyis su med pa'i ngo bor bzhugs pa'i gnas gsum yi ge gsum gyis mtshan pa las 'od zer phyogs bcur 'phros/_bla ma rgyal ba sras bcas yi dam zhi khro rab 'byams dpa' bo rnal 'byor ma'i tshogs thams cad bla ma rdo rje sems pa'i sku phyag rgya/_gsung yig 'bru/_thugs phyag mtshan gyi rnam par kha char dang bu yug 'tshubs pa bzhin du spyan drangs te snying ga nas sib sib thim par mos la/_las byang gi byin 'bebs sngags dang bcas pa brjod cing khyad par gyi rdzas dud bdug/_DA dril khrol zhing rol mo sna tshogs kyi sgra sbyar te dbab pa/_tiSh+Tha badz+ra/_zhes spyi bor rdo rje rgya gram du bzhag pas brtan par byas la/_pra ti badz+ra hoHsa me tog dor zhing*/_oM pra ti g+h+rih+Na i maM satwa ma hA ba la tiSh+Tha:_zhes brjod de slar yang spyi bor 'ching*/_rdo rje sems dpa' deng khyod kyi/_/mig 'byed par ni brtson par mdzad/_/phye bas thams cad mthong gyur te/_/rdo rje'i mig ni bla na med/_/oM badz+ra dz+nyA na tsak+Shu pra we sha ya phaTa?:_kyis mig dar bsal la/_legs par ltos shig sems dpa' che/_/da ni dad pa rab tu bskyed/_/rdo rje sems dpa' dkyil 'khor gtso'i/_/dngos grub kun bdag khyod 'gyur ro/__/zhes mthong ba bstan/_bcom ldan 'das rdo rje sems dpa'i ye shes rang snang las grub pa'i mtshon bya don gyi dkyil 'khor rten dang brten pa mngon sum du mthong bar mos/_gsol 'debs ni/_bla ma rdo rje sems dpa' dgongs/_/smin cing grol ba mthar phyin phyir/_/bum pa'i dbang mchog stsol ba dang*/_byin gyis brlab par mdzad du gsol/_/lan gsum gyis gsol ba btab/_bum dbang la/_phyi phan pa'i dbang ni/_dkyil 'khor pa'i thugs ka nas 'phros pa'i 'od zer gyis gdan gsum tshang ba'i dbang lha nam mkha' gang bar spyan drangs/_de rnams kyis bum pa ye shes bdud rtsi'i chu rgyun gyis gang ba la sogs pa rigs lnga'i dbang rdzas rnams thogs te bkra shis pa'i rnam pa du ma dang ldan pas dbang bskur bar mos la/_thog mar rnam bum thogs la/_hU~M:_mi bskyod ye shes bdud rtsi'i chus:_rdo rje rang byung las kun byed:_dbang mchog bu la byin pa yis:_sgrib dag ye shes rtogs par shog:_oM sarba ta thA ga ta a b+hi She ka te sa ma ya shrI ye hU~M:_de ltar bum pa'i chu'i dbang bskur bas zhe sdang dag_/rnam par shes pa'i phung po mi bskyod par gnas gyur/_me long lta bu'i ye shes mngon du byas pa yin no/__/dbu rgyan bcing la/_trA~M:_rin chen dbu rgyan cod pan can:_yang dag ye shes lnga dang ldan:_don rtags 'brel bas dbang bskur bas:_zag med 'bras bu'i sar phyin shog:_oM rat+na mu ku Ta a b+hi Shiny+tsa trA~M:_de ltar dbu rgyan gyi dbang bskur bas nga rgyal dag_/tshor ba'i phung po rin chen 'byung ldan du gnas gyur/_mnyam pa nyid kyi ye shes mngon du byas pa yin no/__/rdo rje lag g.yas pas gsor la/_hrIH_rdo rje bla med man ngag chos:_gsung gi dbang phyug dkyil 'khor che'i:_phyag rgya chen pos dbang bskur bas:_chos kun 'byung ba'i sa thob shog:_oM badz+ra a b+hi Shiny+tsa AH_zhes thugs kar gtod/_de ltar rdo rje'i dbang bskur bas 'dod chags dag_/'du shes kyi phung po snang ba mtha' yas su gnas gyur/_so sor rtog pa'i ye shes mngon du byas pa yin no/__/dril bu lag g.yon pas thogs la/_AH_dril bu ye shes sgra dang ldan:_don kun grub pa dkyil 'khor gtso'i:_yang dag phyag rgya'i dbang byin pas:_phrin las rtsol med lhun grub shog:_oM gaN+De a b+hi Shiny+tsa hoH_zhes dkrol zhing dkur brten/_de ltar dril bu'i dbang bskur bas phrag dog dag_/'du byed kyi phung po don yod grub par gnas gyur/_bya ba grub pa'i ye shes mngon du byas pa yin no/_/rdor dril bsnol ma spyi bor bzung la/_oM:_rdo rje snang mdzad ye shes sku:_de nyid mtshon pa rdo rje'i ming:_srid gsum khyab par bsgrags pa yis:_zhing kun mdzes pa'i dbang thob shog:_oM b+hur+b+hu wa swa a b+hi Shiny+tsa oM:_de ltar ming gi dbang bskur bas gti mug dag_/gzugs kyi phung po rnam par snang mdzad du gnas gyur/_chos kyi dbyings kyi ye shes mngon du byas pa yin no/__/bdag nyid dkyil 'khor gyi dbus su seng khri pad zla'i steng du rigs thams cad kyi khyab bdag dpal rdo rje sems dpa' rang snang gi yum dang bcas pa'i skur gyur pa la/_gtso bo yab yum gyi sku gsung thugs kyi dam tshig gsum mtshon byed rdo rje dang dril bu/_phrin las rab 'byams la dbang 'byor ba'i brdar/_steng du gdugs dang*/_g.yas g.yon du rgyal mtshan dang ba dan/_lag tu phyag shing dang glegs bam/_mtha' skor kun tu mchod pa'i sprin rab 'byams kyis bstar te mnga' gsol bar mos la/_thugs kyi dam tshig tu rdo rje lag g.yas kyi thugs kar bzung*/_hU~M:_rdo rje yang dag ye shes che:_sangs rgyas kun gyi thugs nyid de:_de ring bu la byin pa yis:_khyod kyang rdo rje'i thugs 'grub shog:_oM badz+ra hU~M:_gsung gi dam tshig tu dril bu lag g.yon gyis dkrol te dkur brten/_hU~M:_dril bu stong pa'i sgra sgrog pa:_chos kun de nyid rjes su mtshon:_sangs rgyas gsung gi dbang bskur bas:_rdo rje'i gsung mchog 'grub par shog:_oM g+haN+De hU~M:_sku yi dam tshig tu lag 'khyud rgyas rdor dril thugs kar bsnol/_hU~M:_bde chen mi 'gyur rdo rje sems:_shes rab yum dang gnyis su med:_rtag tu phyag rgya dgyes rol ba'i:_sangs rgyas sku dang gnyis med shog:_oM sarba ta thA ga ta ma hA a nu rA ga Na dz+nyA na badz+ra swa b+hA wa at+ma ko\u0f85haM:_chas rnams kyis mnga' gsol bar mos la/_oM:_khyod ni nges par rdo rje sems:_chos kyi rgyal por dbang bskur bas:_don rnams thams cad sgrub pa dang:_rdo rje'i slob ma'i tshogs sdus shig:_sa ma ya a b+hi Shiny+tsa hU~M:_de ltar dbang thams cad yongs su rdzogs shing nus pa brtan pa'i phyir dkyil 'khor yongs rdzogs kyi ngo bo rnam rgyal bum pas dbang bskur bar mos/_oM:_bkra shis bum pa mtshan nyid rdzogs:_ye shes chen po'i bdud rtsis gtams:_skal ldan bu la dbang bskur bas:_yon tan ma lus rdzogs par shog:_oM ka la sha a b+hi Shiny+tsa oM:_zhes bum pa'i chu'i dbang bskur bas lus gang*/_dri ma thams cad dag_/chu'i lhag ma spyi bor 'khyil ba las rigs kyi bdag pos dbu brgyan/_nam mkhar bzhugs pa'i dbang gi lha rnams kyang gnyis med du thim par mos/_/rten snying dang*/_su pra tiSh+Tha brjod/_oM sarba ta thA ga ta sa pa ri wa ra puSh+pe nas/_shab+da pra tIts+tsha swA hA'i bar phyag rgya dang bcas mchod/_de'i rjes 'brel nang nus pa sku gsung thugs dbang ni/_rang nyid dpal rdo rje sems dpar gsal ba'i thugs kar gzhal yas khang lha'i gdan dang bcas pa gsal ba la/_dkyil 'khor gyi lha tshogs rnams mar me gcig las gnyis mched kyi rnam par spros/_spyi bo nas zhugs so so'i gnas su bzhugs par mos/_so so'i tsaka li thogs te/_hU~M:_bde chen ye shes lnga yi bdag_/bcom ldan rdo rje sems dpa' che/_/dkyil 'khor gtso bo yab yum gyis/_/skal ldan bu la dbang bskur ro/_/hU~M badz+ra d+hr-ika mU~M d+hA twe shwa rI a b+hi Shiny+tsa hU~M/_oM/_gzugs kyi phung po rnam dag cing*/_/sku yi rdo rje'i khyab bdag che/_/rnam par snang mdzad yab yum gyis/_/rigs kyi bu la dbang bskur ro/_/oM dzi na dz-ika lAM dwe Sha ra ti a b+hi Shiny+tsa oM/_trA~M/_tshor ba'i phung po rnam dag cing*/_/yon tan rin chen khyab bdag che/_/rin chen 'byung ldan yab yum gyis/_/rigs kyi bu la dbang bskur ro/_/swAM rat+na d+hr-ika mAM mo ha ra ti a b+hi Shiny+tsa trA~M/_hrIH_'du shes phung po rnam dag cing*/_/gsung mchog pad+ma'i khyab bdag che/_/snang ba mtha' yas yab yum gyis/_/rigs kyi bu la dbang bskur ro/_/AM A ro l-ika pAM rA ga ra ti a b+hi Shiny+tsa hrIH_AH_'du byed phung po rnam dag cing*/_/phrin las las kyi khyab bdag che/_/don yod grub pa yab yum gyis/_/rigs kyi bu la dbang bskur ro/_/hA pra dz+nyA d+hr-ika tAM badz+ra ra ti a b+hi Shiny+tsa AH_dzaH_shar phyogs zhi ba'i dkyil 'khor nas/_/snying rje tshad med khro bo'i rgyal/_/rnam par rgyal dang lcags kyu mas/_/rigs kyi bu la dbang bskur ro/_/badz+ra kro ta ang+ku sha dzaHa b+hi Shiny+tsa hU~M/_hU~M/_lho phyogs rgyas pa'i dkyil 'khor nas/_/byams pa tshad med khro bo'i rgyal/_/gshin rje gshed dang zhags pa mas/_/rigs kyi bu la dbang bskur ro/_/rat+na kro ta pA sha hU~M a b+hi Shiny+tsa hU~M/_ba~M/_nub phyogs dbang gi dkyil 'khor nas/_/dga' ba tshad med khro bo'i rgyal/_/rta mchog rol pa lcags sgrog mas/_/rigs kyi bu la dbang bskur ro/_/pad+ma kro ta s+pho Ta ba~M a b+hi Shiny+tsa hU~M/_hoH_byang phyogs drag po'i dkyil 'khor nas/_/btang snyoms tshad med khro bo'i rgyal/_/bdud rtsi 'khyil dang dril bu mas/_/rigs kyi bu la dbang bskur ro/_karma kro ta gaN+De hoHa b+hi Shiny+tsa hU~M:_de ltar lha sku phyag rgya'i dbang bskur bas 'khor 'das kyi chos thams cad snang stong sgyu 'phrul drwa ba lha'i 'khor lor dag pa'i dbang thob pa'o/__/mdun gyi lha tshogs rnams kyi thugs ka nas sngags kyi phreng ba byung*/_rang gi zhal du zhugs nas/_snying ga'i lha tshogs rnams kyi thugs srog sa bon gyi mthar 'khod par mos la/_bsnyen sgrub las gsum gyi sngags lan gsum re bzla/_sngags phreng mgrin par bzhag la/_zab cing gsang ba rdo rje'i sgra/_/rmad byung sngags kyi 'phrul chen pos/_/don gnyis yid bzhin byed nus pa'i/_/rdo rje'i sngags kyis dbang bskur ro/_/oM sarba ta thA ga ta wAka a b+hi Shiny+tsa hU~M/_'khor 'das kyi sgra skad thams cad grags stong gzhom med gsung gi 'khor lor dag pa'i dbang thob pa'o/__/lha sngags kyi snang cha thams cad 'dzin med khyab brdal spros pa dang bral ba'i dbyings kyi ngang du mnyam par bzhag la/_me long thogs la/_hU~M/_chos kun de nyid klong yangs las/_/ma 'gag thabs kyi snang ba shar/_/zung 'jug sgyu ma'i brda 'di yis/_/spros bral thugs kyi dbang thob shog_/oM sarba ta thA ga ta tsit+ta a b+hi Shiny+tsa hU~M:_'khor 'das kyi rtog tshogs thams cad rig stong spros bral gnyis su med pa'i ye shes thugs kyi 'khor lor dag pa'o/__/de ltar phyi mtshan ma'i dkyil 'khor du bum pa'i dbang thob/_lus kyi dri ma sbyangs/_lam bskyed rim sgom pa la dbang*/_'bras bu sprul sku thob pa'i skal ba can du byas pa'o/__/mchog dbang gsum las gsang dbang ni/_bla ma yab yum snyoms par zhugs pa'i byang chub sems kyi thig le lce thog tu bzhag par mos/_hU~M:_bde stong rol pa'i byang chub sems:_'di ni sangs rgyas thams cad kyi:_gnyis med mnyam pa'i ye shes rgyun:_gtsang dme med par rol bar gyis:_a ho ma hA su kha hoH_zhes bdud rtsi myangs pas rtsa thams cad bdud rtsis gang*/_dug gsum gyi rnam rtog 'gags/_bde ba'i ye shes rgyud la skyes par bsam/_de ltar kun rdzob byang chub sems kyi dkyil 'khor du gsang ba'i dbang thob/_ngag gi dri ma sbyangs/_lam rtsa rlung sgom pa la dbang*/_'bras bu longs sku thob pa'i skal ba can du byas pa'o/__/sher dbang ni/_dkyil 'khor pa'i thugs ka nas rig ma gzugs dang lang tshos brgyan pa byon nas rang la 'khyud par mos la phyag rgya'i gzugs brnyan bzung ste/_hU~M:_ye shes rnam pa thams cad pa:_dpe yi thabs kyis mngon byed pa'i:_bcu drug dga' sbyin sgyu ma che:_sgyu ma'i rol pas spyod cig bu:_oM AHhU~M pad+ma b+hany+dza mok+Sha ho:_zhes 'du shes gsum ldan gyis de dang snyoms par zhugs pas rgyu 'bras kyi dga' bzhi lugs 'byung ldog gis nyams su myong bar mos la/_oM sarba ta thA ga ta ma hA a nu rA ga Na dz+nyA na badz+ra swa b+hA wa At+ma ko\u0f85haM:_zhes brjod cing 'khyud rgya bya/_de ltar b+ha ga'i dkyil 'khor du shes rab ye shes kyi dbang thob/_yid kyi dri ma sbyangs/_lam thig le sgom pa la dbang*/_'bras bu chos sku thob pa'i skal ba can du byas pa'o/__/tshig dbang ni/_shel dang me long gi brdas mtshon pa'i rang byung gi ye shes rig stong zung 'jug de kho na nyid kyi ngang la blo bzhag la/_shel dang me long 'phyar te/_hU~M:_stong gsal rig pa ye shes sems:_kun khyab rdo rje'i khams chen po:_rang rig thig le gnyis med pas:_chos dbyings gnas lugs rtogs par gyis:_d+harma d+hA tu a a a:_de ltar don dam byang chub sems kyi dkyil 'khor du dbang bzhi pa thob/_ye shes kyi dri ma sbyangs/_lam rdzogs pa chen po sgom pa la dbang*/_'bras bu ngo bo nyid sku thob pa'i skal ba can du byas pa'o/__/de nas/_gtso bo'i ji ltar bka' bstsal pa sogs kyis dam tshig khas blang*/_deng nas brtsams te sogs kyis lus 'bul/_sa gzhi spos chus gtang rag gi maN+Dal phul bas legs par grub pa'o/__/gnyis pa gzhan la dbang bskur ba dang 'brel ba'i tshe lta bur spros pa bsdus nas rig me dor ba ni/_nang sgrub rigs gsum zhi khro'i skabs ltar bya'o/__/gsum pa rjes kyi las rim la bcu las/_dang po tshogs mchod/_de la yang dgu las dang po yo byad byin gyis brlab pa ni/_sha chang sogs dam tshig gi rdzas su 'os pa rnams 'du byas la/_ra~M ya~M kha~M:_dbyings kyi ngang las ye shes rtsal:_rol pa'i cho 'phrul bde ba che:_rdo rje'i dam tshig tshogs kyi rdzas:_'phel 'grib bral ba'i rgyan du shar:_oM AHhU~M:_lan gsum/_gnyis pa tshogs zhing spyan 'dren pa ni/_hU~M:_'khor lo'i dbang phyug rdo rje sems:_phyogs dus rtsa gsum rab 'byams bcas:_tshogs kyi 'du bar spyan 'dren na:_sgyu 'phrul rol pas gshegs su gsol:_oM sarba ta thA ga ta badz+ra satwa e h+ye hiH_dzaHhU~M ba~M hoH_zhes drangs pa la/_oM badz+ra lA s+ye hU~M/_oM badz+ra ma le trA~M/_oM badz+ra gIrti hrIH_oM badz+ra nIrti AH_oM badz+ra puSh+pe trA~M/_oM badz+ra d+hU pe hU~M/_oM badz+ra A lo ke hrIH_oM badz+ra gan+d+he aH_zhes 'dod yon gyi lha mos spyir mchod nas/_gsum pa mchod pa ni/_hU~M:_bla med mchod pa'i dam rdzas ni:_'dod pa'i yon tan bsam mi khyab:_tshogs mchod bde ba chen por bzhes:_dbang dang byin rlabs dngos grub stsol:_ga Na tsakra pU dza hoH_bzhi pa bshags pa ni/_hU~M:_thog med 'khrul pa'i bag chags kyis:_sdig ltung nyes pa byas pa'i tshogs:_'gyod pas bshags so byang ba'i phyir:_sha lnga bdud rtsi'i dam rdzas 'bul:_sa ma ya shud+d+he aH_zhes dang yig brgya brjod/_lnga pa bsgral ba ni/_badz+ra ma hA shrI he ru ko\u0f85haM/_rang nyid rdo rje khro bo'i skur gyur/_na mo/_dkon mchog gsum la phyag 'tshal lo/_/dkon mchog gsum gyi bka' bden pa dang*/_chos nyid rnam par dag pa'i bden pa dang*/_chos can rgyu 'bras bslu ba med pa'i bden pa dang*/_zhi khro sgyu 'phrul rnam par rol pa'i lha tshogs rnams kyi bden pa dang*/_sprul pa yang sprul phyag brnyan dang bcas pa rnams kyi bka' bden pa dang*/_bden pa chen po'i mthus/_ma rungs pa'i sems can bsgral ba'i zhing du gyur pa thams cad mtshan ma rdzas kyi rten 'di la mchis par gyur cig_/ces bden pa'i stobs brjod nas/_nr-i yaM dzaHnr-i badz+ra ang+ku sha dzaH_tri yaM dzaHtri badz+ra ang+ku sha dzaH_zhes lcags kyu'i phyag rgyas dmigs bya dmigs rten la bkug_/dzaHhU~M ba~M hoHsa dgug gzhug bcings te myos par byas la/_bsgral bstab dngos ni/_hU~M:_gzung 'dzin rgyu las snang ba'i bgegs:_gnyis snang ru tra bkug cing bsgral:_sha khrag bde gsal mi rtog phud:_khrag 'thung lha tshogs zhal du 'bul:_ma hA mAM sa rak+ta keM ni ri ti khA hi:_zhes phul/_lha tshogs thams cad rang rang gi phyag rgya dang snyoms par zhugs pa'i sbyor ba'i dga' ba bzhi'i ros tshim par gyur/_oM badz+ra satwa AH_slar yang rdo rje sems dpa'i skur gyur par bsam mo/__/drug pa thabs shes dam tshig gi rdzas la rol ba ni/_'bul ba pos/_tshogs kyi mchod pa rgyan du rol/_/zhes 'bul zhing len pa pos/_a la la hoH_zhes rol lo/__/bdun pa rdo rje'i glu gar bya ba ni/_oM AHhU~M hoH_a ho ma hA su kha a la la ho:_gsang ba mchog gi dgyes pa'i grong na gsang chen rol pa'i rnal 'byor pa:_lhan cig skyes dga'i bde ba'i thabs kyis stong pa'i 'od gsal mngon du gyur:_zung 'jug ye shes skye 'gag gnas bral rdo rje nam mkha'i dkyil lta bu:_'khor 'das dbyer med srid zhi kun khyab thig le gcig tu lhun gyis grub:_ma hA su kha dz+nyA na gIrti a la la hoH_zhes blang*/_brgyad pa smon lam gdab cing shis brjod ni/_oM:_bkra shis gang zhig tshogs kyi spyod pa la brten nas:_gnas skabs gegs zhi bsod nams ye shes phrin las 'phel:_mthar thug sa bcu lam lnga'i go 'phang myur du 'grub:_rtag tu dpal gnas dge legs snang bas khyab gyur cig:_dgu pa lhag ma ni/_lhag ma rnams bsdus te/_oM AHhU~M ha ho hrIH_lhag ma'i dam tshig 'dod yon gyi phung po zad mi shes pas nam mkha' gang bar bsam/_zhes byin gyis brlabs la/_e A ral+li hrIM dzaHsa lhag mgron spyan drangs la/_oM badz+ra puSh+pe nas/_shab+da pra tIts+tsha swA hA zhes me tog la sogs pas mchod nas/_hU~M:_dpal gyi bka' nyan dkyil 'khor skyong:_rdo rje'i tha tshig la gnas pa'i:_ma mo mkha' 'gro'i tshogs rnams la:_bdud rtsi'i pham phabs 'bul gyis bzhes:_oM uts+tshiSh+Ta ba liM ta b+huny+dza hoH_zhes tshogs lhag gtsang sar phul lo/__/gnyis pa thugs dam bskul ba ni/_hU~M:_dbyings la rtog pa mi mnga' yang:_rang byung thugs rje'i rtsal shugs bskyed:_mkhyen brtse nus stobs rmad byung ba'i:_rdo rje'i thugs dam dus la bab:_'khrul snang ye shes dbyings su sbyor:_mchog gi phrin las 'grub par mdzod:_gsum pa chad tho ni/_chos srung gi gtor ma rnams phul zhing*/_hU~M:_dpal chen 'bar ba'i ston 'khor gyis:_rdo rje'i rgyud kyi rang sgra ni:_srid zhi khyab par bsgrags pa'i tshe:_zhal bzhes dam can srung ma kun:_sngon gyi g.yar dam ma bsnyel bar:_bcol ba'i phrin las 'grub par mdzod:_sarba karma ku ru ho:_bzhi pa brtan ma ni/_hU~M:_lugs ldog brtan ma mkha' 'gro rnams:_bden don dga' bzhi'i bshal chu bzhes:_lugs 'byung yid byed kla klo sgrol:_rdo rje'i gnas yul bde bar mdzod:_ma ma pU dza hoH_lnga pa rta bro ni/_hU~M:_glo bur ltar snang dam sri'i tshogs:_e dbyings rnam thar gsum klong mnan:_rig pa rdo rje'i rgyas btab pas:_'khrul pa gzhir dag phrin las mdzod:_sa ma ya s+t+wa~M b+ha ya nan:_drug pa dngos grub blang ba ni/_mchod bstod mdor bsdus sngon du 'gro bas/_hU~M:_bla ma bde chen rdo rje sems:_gnyis med dgongs pas byin rlabs stsol:_rigs kun khyab bdag dkyil 'khor lhas:_mchog dang thun mong dngos grub stsol:_gnas yul DA ki'i tshogs rje yis:_phrin las thogs med bsgrub nas kyang:_grub pa brgyad dang rig 'dzin bzhi'i:_skal bzang mchog tu bdag sbyor cig:_sarba sid+d+hi pha la ho:_bdun pa nongs bshags ni/_hU~M:_ye shes dkyil 'khor lha tshogs la:_gnyis snang 'khrul pas bskyed pa yi:_lhag chad 'gal 'khrul nongs pa kun:_byang dag tshangs pa'i dngos grub stsol:_a a a:_zhes dang*/_yig brgya lan gsum brjod/_brgyad pa brtan bzhugs dang bsdu ldang ni/_spyan drangs pa'i ye shes pa/_'dir ni gzugs dang sogs kyis brtan bzhugs byas la/_hU~M:_rang snang ting 'dzin cho 'phrul gyi:_dkyil 'khor dbyings su badz+ra mu:_rten dang brten pa'i snod bcud kyi snang ba mi dmigs pa'i dbyings su bsdu/_slar yang snang grags rig pa'i tshogs:_rdo rje sems dpa'i gsang gsum shar:_oM AHhU~M:_gis gtso bo phyag rgya gcig pa'i skur ldang ba'i gnas gsum du sku gsung thugs kyi sa bon gyis rgyas gdab cing*/_rjes thob kyi snang cha lha sngags chos sku'i rol par lam du khyer/_dgu pa bsngo smon ni/_hU~M:_rnal 'byor chen po'i bskyed bzlas kyis:_snang srid sku dang ye shes shar:_zab lam rdzogs pa'i ting 'dzin ches:_lhan skyes bde stong phyag rgyar smin:_gnyis med don gyi dgongs pa'i klong:_rdo rje sems dpa'i gsang ba rdzogs:_dbang gis rgyud smin dam tshig dag:_yang dag sa lam mthar phyin shog:_bcu pa shis brjod ni/_hU~M:_rig 'dzin bla mas byin brlabs nas:_dgongs brgyud rtogs pa'i bkra shis shog:_yi dam lha yis rjes bzung ste:_dngos grub dbang thob bkra shis shog:_mkha' 'gro chos skyong phrin las kyis:_sa lam mthar phyin bkra shis shog:_'dod rgu lhun gyis grub pa yi:_dge legs rtag brtan bkra shis shog:_ces sogs shis pa brjod pas dge legs kyi tshogs rgya cher spel bar bya'o/__/dkyil 'khor rgya mtsho'i khyab bdag rdo rje sems/_/sgrub pa'i thabs tshul rmad byung 'jug bde'i khrigs/_/legs par bstar ba'i rnam dkar dge tshogs kyis/_/grub gnyis dpal yon rgyas shing brtan gyur cig_/ces zab gsang 'di nyid skal bzang gi btsas su thob pa na/_khyab bdag rdo rje sems dngos 'jam mgon bla ma rin po cher phul bas dgyes pa chen pos smin grol gyi thog ma'i mchod sprin dbul dgos pa'i bka' bstsal bzhin/_'og min bla ma'i gdan sa bkra shis 'chi med grub pa'i dga' tshal du gus 'bul zhus skabs dbang dang las byang la 'jug bde'i chog khrigs shig dgos tshul gsungs kyang*/_dus ngan gyi 'gyur bas gangs ljongs kyi bstan 'gro mtha' dag shin tu nyam nyes pa'i skabs su gyur pas re zhig btang snyoms su thal ba dang*/_zab gsang snying po'i rnal 'byor dbyings rig byang chub dbang pos bsnyen sgrub nyams bzhes kyi brtson pa chen pos snga phyir bkas bskul yang yang gnang ba dang*/_gzhan yang 'od gsal theg pa mchog gi lam la mi phyed pa'i dad brtson can bla ma rat+na rasmi'i yab sras dang*/_reb gong sngags pa 'jigs med skal bzang*/_nges gsang bstan pa'i rgyan mchog 'khrul zhig rin po che 'gyur med mdo sngags bstan 'dzin sogs skyes chen du mas tshul 'di'i smin grol gsan cing chog khrigs dgos pa'i gsung bskul gnang ba bzhin/_'jug bde dkyus gcig tu bkod pa po snga 'gyur bka' gter rgya mtsho'i chos mdzod rnams kyi byin rlabs la rang dbang du spyod pa'i skal ba can rig pa 'dzin pa pad+ma gar dbang bde chen 'od gsal gling pas lho ljongs phun tshogs chos gling du rdzogs par sbyar ba'i yi ge pa ni dad blo rnam par gsal ba dge sbyong o rgyan gzhan phan gyis bgyis pa ste 'dis kyang mkha' khyab yid can rgya mtsho bde chen rdo rje sems dpa'i gsang gsum ye shes kyi snang ba la 'dod rgur rtsen pa'i rgyur gyur cig_/mang+ga laM/_dge'o//__//tshul 'di mdzad pa po 'di phyi'i re ltos kyi mgon gcig skyabs rje rin po che'i bka' dgongs bzhin gang gi 'bangs tha pad bkod kyi sgam po pa'i sprul ming tsam 'dzin pa 'gyur med o rgyan bstan 'dzin nyi mas yang yang bka' 'dri zhus te zhu dag gi sri zhu bsgrubs par byas pa yin no//_//